3. “എന്റെ ദാസ”നെ കുറിച്ച്‌ യഹോവ യെശയ്യാവ്‌ മുഖാ​ന്തരം എന്താണു പ്രവചി​ക്കു​ന്നത്‌?

³ താൻ തിര​ഞ്ഞെ​ടു​ക്കുന്ന ഒരു ദാസന്റെ ആഗമനത്തെ കുറിച്ച്‌ യഹോവ യെശയ്യാവ്‌ മുഖാ​ന്തരം പ്രവചി​ക്കു​ന്നു: “നോക്കൂ, ഞാൻ താങ്ങുന്ന എന്റെ ദാസൻ! ഞാൻ തിര​ഞ്ഞെ​ടുത്ത എന്റെ പ്രീതി​പാ​ത്രം! ഞാൻ എന്റെ ആത്മാവി​നെ അവന്റെ​മേൽ വെച്ചി​രി​ക്കു​ന്നു; അവൻ ജനതകൾക്കു നീതി പ്രദാനം ചെയ്യും. അവൻ നിലവി​ളി​ക്കു​ക​യോ ശബ്ദമു​യർത്തു​ക​യോ ഇല്ല, തെരു​വീ​ഥി​യിൽ തന്റെ ശബ്ദം കേൾപ്പി​ക്ക​യു​മില്ല. ചതഞ്ഞ ഞാങ്ങണ അവൻ ഒടിക്കു​ക​യില്ല; മങ്ങിയ തിരി അവൻ കെടു​ത്തു​ക​യു​മില്ല; അവൻ സത്യ​ത്തോ​ടെ നീതി പ്രദാനം ചെയ്യും. ഭൂമി​യിൽ നീതി സ്ഥാപി​ക്കു​ന്നതു വരെ അവൻ പരാജ​യ​പ്പെ​ടു​ക​യില്ല; തളരു​ക​യു​മില്ല; അവന്റെ നിയമ​ത്തി​നാ​യി ദ്വീപു​കൾത​ന്നെ​യും കാത്തി​രി​ക്കു​ന്നു.”—യെശയ്യാ​വു 42:1-4, NW.

6. ഏതു വിധങ്ങ​ളിൽ യേശു യഥാർഥ നീതി ഘോഷി​ച്ചു?

⁶ ഇതിൽനിന്നു വ്യത്യ​സ്‌ത​മാ​യി, നീതി സംബന്ധിച്ച ദൈവ​ത്തി​ന്റെ വീക്ഷണം യേശു വെളി​പ്പെ​ടു​ത്തി. യഥാർഥ നീതി അനുക​മ്പ​യും കരുണ​യും ഉള്ളതാണ്‌ എന്ന്‌ തന്റെ പഠിപ്പി​ക്ക​ലു​ക​ളി​ലൂ​ടെ​യും പ്രവൃ​ത്തി​ക​ളി​ലൂ​ടെ​യും അവൻ പ്രകട​മാ​ക്കി. അവന്റെ വിഖ്യാ​ത​മായ ഗിരി​പ്ര​ഭാ​ഷ​ണം​തന്നെ പരിചി​ന്തി​ക്കുക. (മത്തായി 5-7 അധ്യാ​യങ്ങൾ) നീതി​യും ന്യായ​വും എങ്ങനെ ബാധക​മാ​ക്കണം എന്നതിന്റെ എത്ര ഉത്‌കൃ​ഷ്ട​മായ വിശദീ​ക​ര​ണ​മാണ്‌ അത്‌! സുവി​ശേഷ വിവര​ണങ്ങൾ വായി​ക്കു​മ്പോൾ ദരി​ദ്ര​രോ​ടും പീഡി​ത​രോ​ടും യേശു കാണിച്ച അനുകമ്പ നമ്മുടെ ഹൃദയത്തെ സ്‌പർശി​ക്കു​ന്നി​ല്ലേ? (മത്തായി 20:34; മർക്കൊസ്‌ 1:41; 6:34; ലൂക്കൊസ്‌ 7:13) ചതഞ്ഞ, വളഞ്ഞു​പോയ ഞാങ്ങണ പോലുള്ള അനേക​രോട്‌ അവൻ ആശ്വാ​സ​ത്തി​ന്റെ സന്ദേശം അറിയി​ച്ചു. അവർ ഒരു വിളക്കി​ന്റെ പുകയുന്ന തിരി പോലെ ആയിരു​ന്നു, അവരുടെ ജീവന്റെ അവസാ​നത്തെ തീപ്പൊ​രി​യും ഏതാണ്ട്‌ അണയാ​റാ​യി​രു​ന്നു. യേശു “ചതഞ്ഞ ഞാങ്ങണ” ഒടിച്ചു​ക​ള​യു​ക​യോ “മങ്ങിയ തിരി” കെടു​ത്തി​ക്ക​ള​യു​ക​യോ ചെയ്‌തില്ല. പകരം, സ്‌നേ​ഹ​നിർഭ​ര​വും അനുക​മ്പാർദ്ര​വു​മായ അവന്റെ വാക്കു​ക​ളും പ്രവൃ​ത്തി​ക​ളും സൗമ്യ​രു​ടെ ഹൃദയത്തെ ഉത്തേജി​പ്പി​ക്കു​ക​യാ​ണു ചെയ്‌തത്‌.—മത്തായി 11:28-30.