“ഇതാ! ഞാൻ തെര​ഞ്ഞെ​ടുത്ത എന്റെ ദാസൻ, എന്റെ ഉള്ളം അംഗീ​ക​രി​ക്കുന്ന എന്റെ പ്രിയൻ! ഞാൻ എന്റെ ആത്മാവി​നെ അവന്റെ​മേൽ വെക്കും. അവൻ ജാതി​കൾക്ക്‌ നീതി അറിയി​ക്കും. അവൻ കോലാ​ഹ​ല​മു​ണ്ടാ​ക്ക​യില്ല. നിലവി​ളി​ക്ക​യില്ല. ആരും തെരു​വു​ക​ളിൽ അവന്റെ ശബ്ദം കേൾക്ക​യു​മില്ല. ചതഞ്ഞ ഈറൽ അവൻ ഒടിച്ചു​ക​ള​യു​ക​യില്ല. പുകയുന്ന തിരി കെടു​ത്തു​ക​യില്ല. അവൻ നീതി ജയത്തോ​ളം നടത്തും. വാസ്‌ത​വ​ത്തിൽ അവന്റെ നാമത്തിൽ ജാതികൾ പ്രത്യാശ വെക്കും.”

കൂടാതെ, യേശു ആശ്വാ​സ​ദാ​യ​ക​മായ തന്റെ ദൂത്‌ വഹിക്കു​ന്നത്‌ പ്രതീ​കാ​ത്മ​ക​മാ​യി വളച്ച്‌ ചവിട്ടി​മെ​തിച്ച ഈറൽ പോ​ലെ​യു​ള്ള​വർക്കു​വേ​ണ്ടി​യാണ്‌. അവർ പുകയുന്ന തിരി​പോ​ലെ​യാണ്‌. അവരുടെ ജീവന്റെ അവസാ​നത്തെ പൊരി​യും ഏതാണ്ട്‌ നീറി​യ​തു​പോ​ലെ​യാണ്‌. യേശു ചതഞ്ഞ ഈറൽ ഒടിച്ചു​ക​ള​യു​ക​യോ പുകയുന്ന തിരി കെടു​ത്തു​ക​യോ ചെയ്യു​ന്നില്ല. പിന്നെ​യോ അവൻ സ്‌നേ​ഹ​ത്തോ​ടും ആർദ്ര​ത​യോ​ടും കൂടെ എളിയ​വരെ വിദഗ്‌ദ്‌ധ​മാ​യി ഉയർത്തു​ക​യാണ്‌. വാസ്‌ത​വ​ത്തിൽ ജാതി​കൾക്ക്‌ പ്രത്യാശ വെക്കാൻ കഴിയുന്ന ഒരുവൻ യേശു​വാണ്‌! മത്തായി 12:15-21; മർക്കോസ്‌ 3:7-12; യെശയ്യാവ്‌ 42:1-4