‘ദൈവ​ത്തി​ന്റെ ഇസ്രാ​യേ​ലും’ ‘മഹാപു​രു​ഷാ​ര​വും’

‘നോക്കൂ! . . . ഒരു മനുഷ്യ​നും എണ്ണാൻ കഴിയാത്ത ഒരു മഹാപു​രു​ഷാ​രത്തെ . . . ഞാൻ കണ്ടു.’—വെളി​പാട്‌ 7:9, NW.

1-3. (എ) എന്തു മഹനീ​യ​മായ സ്വർഗീയ പ്രത്യാ​ശ​യാണ്‌ അഭിഷി​ക്തർക്കു​ള്ളത്‌? (ബി) ഒന്നാം നൂറ്റാ​ണ്ടി​ലെ സഭയെ നശിപ്പി​ക്കാൻ സാത്താൻ ശ്രമി​ച്ച​തെ​ങ്ങനെ? (സി) അഭിഷിക്ത ക്രിസ്‌ത്യാ​നി​കളെ ദുഷി​പ്പി​ക്കു​ന്ന​തി​നുള്ള സാത്താന്റെ ശ്രമം പരാജ​യ​പ്പെ​ട്ട​താ​യി കാണി​ക്കുന്ന എന്തു സംഗതി 1919-ൽ സംഭവി​ച്ചു?

“ദൈവ​ത്തി​ന്റെ ഇസ്രാ​യേ​ലി​ന്റെ” പൊ.യു. (പൊതു​യു​ഗം) 33-ലെ സംസ്ഥാ​പനം യഹോ​വ​യു​ടെ ഉദ്ദേശ്യ​ങ്ങ​ളു​ടെ പൂർത്തീ​ക​ര​ണ​ത്തി​ന്റെ ഒരു പ്രമുഖ പടിയാ​യി​രു​ന്നു. (ഗലാത്യർ 6:16, NW) അതിലെ അഭിഷിക്ത അംഗങ്ങൾക്ക്‌ അമർത്ത്യ ആത്മീയ വ്യക്തി​ക​ളാ​യി യേശു​വി​നോ​ടൊ​പ്പം ദൈവ​ത്തി​ന്റെ സ്വർഗീയ രാജ്യ​ത്തിൽ ഭരിക്കു​ന്ന​തി​നുള്ള പ്രത്യാ​ശ​യുണ്ട്‌. (1 കൊരി​ന്ത്യർ 15:50, 53, 54) ആ നിലയ്‌ക്ക്‌, യഹോ​വ​യു​ടെ നാമം വിശു​ദ്ധ​മാ​ക്കു​ന്ന​തി​ലും വലിയ പ്രതി​യോ​ഗി​യായ പിശാ​ചായ സാത്താന്റെ തല ചതയ്‌ക്കു​ന്ന​തി​ലും അവർക്ക്‌ ഒരു പ്രമുഖ പങ്കുണ്ട്‌. (ഉല്‌പത്തി 3:15; റോമർ 16:20) ഈ പുതിയ സഭയെ പീഡി​പ്പി​ച്ചു​കൊ​ണ്ടും ദുഷി​പ്പി​ക്കാൻ ശ്രമി​ച്ചു​കൊ​ണ്ടും അതിനെ നശിപ്പി​ക്കു​ന്ന​തി​നു സാത്താൻ തന്റെ ശക്തിയു​ടെ പരമാ​വധി പ്രയോ​ഗി​ച്ച​തിൽ ഒട്ടും അതിശ​യി​ക്കാ​നില്ല!—2 തിമൊ​ഥെ​യൊസ്‌ 2:18; യൂദാ 4; വെളി​പ്പാ​ടു 2:10.

² അപ്പോ​സ്‌ത​ലൻമാർ ജീവി​ച്ചി​രു​ന്ന​പ്പോൾ സാത്താനു വിജയി​ക്കാൻ കഴിഞ്ഞില്ല. എന്നിരു​ന്നാ​ലും, അവരുടെ മരണ​ശേഷം വിശ്വാ​സ​ത്യാ​ഗം നിർബാ​ധം കടന്നു​വന്നു. ക്രമേണ, ഇന്ന്‌ ക്രൈ​സ്‌ത​വ​മ​ണ്ഡലം എന്നറി​യ​പ്പെ​ടുന്ന വിശ്വാ​സ​ത്യാ​ഗം ഭവിച്ച മതപര​മായ നികൃഷ്ട വ്യാജ​ക്കൂ​ട്ടി​നു സാത്താൻ രൂപം കൊടു​ത്ത​പ്പോൾ യേശു സ്ഥാപിച്ച നിർമ​ല​മായ ക്രിസ്‌തീയ സഭ മനുഷ്യ​ന്റെ ദൃഷ്ടി​യിൽ ദുഷി​ക്ക​പ്പെ​ട്ട​താ​യി കാണ​പ്പെട്ടു. (2 തെസ്സ​ലൊ​നീ​ക്യർ 2:3-8) എന്നുവ​രി​കി​ലും, സത്യ​ക്രി​സ്‌ത്യാ​നി​ത്വം നിലനിൽക്കു​ക​യു​ണ്ടാ​യി.—മത്തായി 28:20.

³ ഗോത​മ്പി​ന്റെ​യും കളകളു​ടെ​യും ദൃഷ്ടാ​ന്ത​ത്തിൽ, സത്യ​ക്രി​സ്‌ത്യാ​നി​കൾ ഒരു സമയം​വരെ “കള”കളോ​ടു​കൂ​ടെ, അഥവാ വ്യാജ​ക്രി​സ്‌ത്യാ​നി​ക​ളോ​ടു​കൂ​ടെ വളരു​മെന്ന്‌ യേശു മുൻകൂ​ട്ടി​പ്പ​റഞ്ഞു. ഇതു സംഭവി​ക്കു​ക​ത​ന്നെ​ചെ​യ്‌തു. എന്നാൽ, അന്ത്യനാ​ളു​ക​ളിൽ “രാജ്യ​ത്തി​ന്റെ പുത്രൻമാർ” വീണ്ടും പ്രകട​മാ​യ​വി​ധ​ത്തിൽ “കള”കളിൽനി​ന്നു വ്യത്യ​സ്‌ത​മാ​യി​രി​ക്കു​മെ​ന്നും അവൻ പറഞ്ഞു. (മത്തായി 13:36-43) ഇതും സത്യ​മെന്നു തെളിഞ്ഞു. 1919-ൽ യഥാർഥ അഭിഷിക്ത ക്രിസ്‌ത്യാ​നി​കൾ ബാബി​ലോ​ന്യ അടിമ​ത്ത​ത്തിൽനി​ന്നു പുറത്തു​വന്നു. അവർ “വിശ്വ​സ്‌ത​നും വിവേ​കി​യു​മായ അടിമ”യെന്ന നിലയിൽ ദിവ്യാം​ഗീ​കാ​ര​മു​ള്ള​വ​രാ​യി​ത്തീർന്നു, കൂടാതെ, അവർ സധൈ​ര്യം രാജ്യ​ത്തി​ന്റെ സുവാർത്ത പ്രസം​ഗി​ക്കാൻ ഇറങ്ങി​ത്തി​രി​ച്ചു. (മത്തായി 24:14, 45-47, NW; വെളി​പ്പാ​ടു 18:4) അവരിൽ മിക്കവാ​റും എല്ലാവ​രും​തന്നെ വിജാ​തീ​യ​രാ​യി​രു​ന്നു; എങ്കിലും, അവർക്ക്‌ അബ്രഹാ​മി​ന്റെ വിശ്വാ​സം ഉണ്ടായി​രു​ന്ന​തു​കൊണ്ട്‌ അവർ വാസ്‌ത​വ​ത്തിൽ ‘അബ്രാ​ഹാ​മി​ന്റെ മക്കൾ’ ആയിരു​ന്നു. അവർ “ദൈവ​ത്തി​ന്റെ യിസ്രാ​യേലി”ലെ അംഗങ്ങ​ളാ​യി​രു​ന്നു.—ഗലാത്യർ 3:7, 26-29.

“മഹാപു​രു​ഷാ​രം”

4. ഏതു കൂട്ടം ക്രിസ്‌ത്യാ​നി​ക​ളാ​ണു, പ്രത്യേ​കി​ച്ചും 1930-കളിൽ ശ്രദ്ധേ​യ​രാ​യത്‌?

⁴ പ്രാരം​ഭ​ത്തിൽ, ഈ അഭിഷിക്ത ക്രിസ്‌ത്യാ​നി​ക​ളു​ടെ പ്രസം​ഗ​വേ​ല​യോ​ടു പ്രതി​ക​രി​ച്ച​വ​രും സ്വർഗീയ പ്രത്യാ​ശ​യോ​ടു​കൂ​ടിയ ആത്മീയ ഇസ്രാ​യേൽ, 1,44,000-ത്തിന്റെ ശേഷി​ച്ചവർ, ആയിത്തീർന്നു. (വെളി​പ്പാ​ടു 12:17) എന്നിരു​ന്നാ​ലും, പ്രത്യേ​കി​ച്ചും 1930-കളിൽ മറ്റൊരു വിഭാഗം ശ്രദ്ധേ​യ​രാ​യി​ത്തീർന്നു. ആട്ടിൻതൊ​ഴു​ത്തി​നെ​പ്പ​റ്റി​യുള്ള ദൃഷ്ടാ​ന്ത​ത്തി​ലെ “വേറെ ആടുകൾ” ആയി അവർ തിരി​ച്ച​റി​യ​പ്പെട്ടു. (യോഹ​ന്നാൻ 10:16) അവർ പറുദീ​സാ​ഭൂ​മി​യി​ലെ നിത്യ​ജീ​വന്റെ പ്രത്യാ​ശ​യുള്ള ക്രിസ്‌തു​വി​ന്റെ ശിഷ്യൻമാ​രാ​യി​രു​ന്നു. പ്രതീ​കാ​ത്മ​ക​മാ​യി പറഞ്ഞാൽ, അവർ അഭിഷിക്ത ക്രിസ്‌ത്യാ​നി​ക​ളു​ടെ ആത്മീയ സന്തതി​ക​ളാ​യി​രു​ന്നു. (യെശയ്യാ​വു 59:21; 66:22; താരത​മ്യം ചെയ്യുക: 1 കൊരി​ന്ത്യർ 4:15, 16) അവർ അഭിഷിക്ത ക്രിസ്‌ത്യാ​നി​കളെ വിശ്വ​സ്‌ത​നും വിവേ​കി​യു​മായ അടിമ​യാ​യി തിരി​ച്ച​റി​ഞ്ഞു, കൂടാതെ, തങ്ങളുടെ അഭിഷിക്ത സഹോ​ദ​ര​ങ്ങ​ളെ​പ്പോ​ലെ അവർക്ക്‌ യഹോ​വ​യോട്‌ ആഴമായ സ്‌നേ​ഹ​വും യേശു​വി​ന്റെ ബലിയിൽ വിശ്വാ​സ​വും ദൈവത്തെ സ്‌തു​തി​ക്കു​ന്ന​തിൽ തീക്ഷ്‌ണ​ത​യും നീതി​നി​മി​ത്തം സഹിക്കു​ന്ന​തി​നുള്ള മനസ്സൊ​രു​ക്ക​വും ഉണ്ടായി​രു​ന്നു.

5. വേറെ ആടുക​ളു​ടെ സ്ഥാനം ക്രമാ​നു​ഗ​ത​മാ​യി എങ്ങനെ​യാ​ണു മെച്ചമാ​യി മനസ്സി​ലാ​യത്‌?

⁵ ഈ വേറെ ആടുക​ളു​ടെ സ്ഥാനം ആദ്യം നല്ലവണ്ണം മനസ്സി​ലാ​യി​രു​ന്നില്ല, എന്നാൽ കാലം കടന്നു​പോ​യ​തോ​ടെ കാര്യങ്ങൾ കൂടുതൽ വ്യക്തമാ​യി. വേറെ ആടുക​ളിൽപ്പെട്ട പലരും അതി​നോ​ടകം ചെയ്‌തു​കൊ​ണ്ടി​രി​ക്കു​ക​യാ​യി​രുന്ന പ്രസം​ഗ​വേ​ല​യിൽ പങ്കുപ​റ്റാൻ വേറെ ആടുകളെ പ്രചോ​ദി​പ്പി​ക്കാൻ 1932-ൽ അഭിഷിക്ത ക്രിസ്‌ത്യാ​നി​കൾ പ്രോ​ത്സാ​ഹി​ത​രാ​യി. ജലസ്‌നാ​പ​ന​ത്തി​നു വിധേ​യ​രാ​കാൻ 1934-ൽ വേറെ ആടുകൾ പ്രോ​ത്സാ​ഹി​പ്പി​ക്ക​പ്പെട്ടു. 1935-ൽ, വെളി​പാട്‌ 7-ാം അധ്യാ​യ​ത്തി​ലെ “മഹാപു​രു​ഷാര”മായി അവർ തിരി​ച്ച​റി​യ​പ്പെട്ടു. നിരീ​ക്ഷ​ക​രെന്ന നിലയിൽ യേശു​ക്രി​സ്‌തു​വി​ന്റെ മരണത്തി​ന്റെ സ്‌മാ​ര​ക​ത്തി​നു ഹാജരാ​കാൻ 1938-ൽ അവർ ക്ഷണിക്ക​പ്പെ​ടു​ക​യു​ണ്ടാ​യി. 1950-ൽ, അവരു​ടെ​യി​ട​യി​ലുള്ള പക്വതവന്ന പുരു​ഷൻമാർ “കാറ്റിന്നു ഒരു മറവും പിശറി​ന്നു ഒരു സങ്കേത​വു​മാ​യി”രിക്കുന്ന “പ്രഭു​ക്കൻമാർ” ആയിരി​ക്കു​മെന്നു തിരി​ച്ച​റി​യ​പ്പെട്ടു. (സങ്കീർത്തനം 45:16; യെശയ്യാ​വു 32:1, 2) 1953-ൽ ദൈവ​ത്തി​ന്റെ ഭൗമിക സ്ഥാപനം—അതി​നോ​ടകം അതിന്റെ വലിയ പങ്കും വേറെ ആടുക​ളാ​യി​രു​ന്നു—പുതിയ ലോക​ത്തിൽ നിലനിൽക്കാൻ പോകുന്ന ഭൗമിക സമുദാ​യ​ത്തി​ന്റെ കേന്ദ്ര​ബി​ന്ദു​വാ​യി കാണ​പ്പെട്ടു. യേശു​വി​ന്റെ മറുവി​ല​യാ​ഗ​ത്തി​ന്റെ അടിസ്ഥാ​ന​ത്തിൽ വേറെ ആടുകൾ ദൈവ​ത്തി​ന്റെ സുഹൃ​ത്തു​ക്ക​ളെന്ന നിലയി​ലും അർമ​ഗെ​ദോ​നെ അതിജീ​വി​ക്കു​ന്ന​തി​നുള്ള പ്രത്യാ​ശ​യു​ടെ വീക്ഷണ​ത്തി​ലും നീതി​മാൻമാ​രാ​യി പ്രഖ്യാ​പി​ക്ക​പ്പെ​ടു​ന്നു​വെന്ന്‌ 1985-ൽ മനസ്സി​ലാ​യി.

6. ഇന്ന്‌ അഭിഷി​ക്ത​രു​ടെ​യും വേറെ ആടുക​ളു​ടെ​യും ആപേക്ഷിക സ്ഥാനം എന്ത്‌, അത്‌ എന്തു ചോദ്യ​ങ്ങൾ ഉന്നയി​ക്കു​ന്നു?

⁶ ഇതി​നോ​ടകം, ഈ ‘അന്ത്യനാ​ളു​കളു’ടെ അന്തിമ​ഭാ​ഗത്ത്‌ 1,44,000-ത്തിൽപ്പെട്ട മിക്കവ​രും മരിച്ച്‌ അവരുടെ സ്വർഗീയ പ്രതി​ഫലം കൈപ്പ​റ്റി​യി​രി​ക്കു​ന്നു. (2 തിമോ​ത്തി 3:1, NW; വെളി​പ്പാ​ടു 6:9-11; 14:13) ഭൗമിക പ്രത്യാ​ശ​യുള്ള ക്രിസ്‌ത്യാ​നി​ക​ളാ​ണു സുവാർത്താ പ്രസം​ഗ​ത്തി​ന്റെ അധിക​പ​ങ്കും ഇപ്പോൾ നിർവ​ഹി​ക്കു​ന്നത്‌, ഇക്കാര്യ​ത്തിൽ യേശു​വി​ന്റെ അഭിഷിക്ത സഹോ​ദ​ര​ങ്ങളെ പിന്തു​ണ​യ്‌ക്കു​ന്നത്‌ ഒരു പദവി​യാ​യി അവർ കരുതു​ന്നു. (മത്തായി 25:40) എന്നിരു​ന്നാ​ലും, ഈ അഭിഷി​ക്ത​രാണ്‌ വിശ്വ​സ്‌ത​നും വിവേ​കി​യു​മായ അടിമ. അന്ത്യനാ​ളു​ക​ളിൽ ആത്മീയ ആഹാരം പ്രദാനം ചെയ്യ​പ്പെ​ട്ടി​രി​ക്കു​ന്നത്‌ ഈ അടിമ​യി​ലൂ​ടെ​യാണ്‌. അഭിഷി​ക്ത​രിൽപ്പെട്ട സകലരും തങ്ങളുടെ സ്വർഗീയ പ്രതി​ഫലം കൈപ്പ​റ്റു​മ്പോൾ വേറെ ആടുക​ളിൽപ്പെ​ട്ട​വ​രു​ടെ സ്ഥിതി എന്തായി​രി​ക്കും? വേറെ ആടുകൾക്കു വേണ്ടി അപ്പോൾ എന്തു കരുത​ലു​കൾ ഉണ്ടായി​രി​ക്കും? പുരാതന ഇസ്രാ​യേ​ല്യ​രെ​പ്പ​റ്റി​യുള്ള ഒരു ഹ്രസ്വ പരിചി​ന്തനം ഈ ചോദ്യ​ങ്ങൾക്ക്‌ ഉത്തരം നൽകാൻ നമ്മെ സഹായി​ക്കും.

മുൻകു​റി​യായ ഒരു ‘പുരോ​ഹി​ത​രാ​ജ​ത്വം’

7, 8. ന്യായ​പ്ര​മാ​ണ​ത്തിൻ കീഴിൽ പുരാതന ഇസ്രാ​യേ​ല്യർ എത്ര​ത്തോ​ളം ഒരു പുരോ​ഹി​ത​രാ​ജ​ത്വ​വും വിശു​ദ്ധ​ജ​ന​വും ആയിരു​ന്നു?

⁷ യഹോവ ഇസ്രാ​യേ​ലി​നെ തന്റെ പ്രത്യേക ജനതയാ​യി തിര​ഞ്ഞെ​ടു​ത്ത​പ്പോൾ അവൻ അവരുമായി ഒരു ഉടമ്പടി ചെയ്‌തു: “നിങ്ങൾ എന്റെ വാക്കു കേട്ടു അനുസ​രി​ക്ക​യും എന്റെ നിയമം പ്രമാ​ണി​ക്ക​യും ചെയ്‌താൽ നിങ്ങൾ എനിക്കു സകലജാ​തി​ക​ളി​ലും​വെച്ചു പ്രത്യേക സമ്പത്താ​യി​രി​ക്കും; ഭൂമി ഒക്കെയും എനിക്കു​ള്ള​ത​ല്ലോ. നിങ്ങൾ എനിക്കു ഒരു പുരോ​ഹി​ത​രാ​ജ​ത്വ​വും വിശു​ദ്ധ​ജ​ന​വും ആകും.” (പുറപ്പാ​ടു 19:5, 6) ന്യായ​പ്ര​മാണ ഉടമ്പടി​പ്ര​കാ​രം ഇസ്രാ​യേൽ യഹോ​വ​യു​ടെ പ്രത്യേക ജനമാ​യി​രു​ന്നു. എങ്കിലും, പുരോ​ഹി​ത​രാ​ജ​ത്വ​വും വിശു​ദ്ധ​ജ​ന​വും ഉൾപ്പെ​ടുന്ന വാഗ്‌ദത്തം എങ്ങനെ നിവൃ​ത്തി​യേ​റും?

⁸ ഇസ്രാ​യേ​ല്യർ വിശ്വ​സ്‌ത​രാ​യി​രു​ന്ന​പ്പോൾ യഹോ​വ​യു​ടെ പരമാ​ധി​കാ​രത്തെ അംഗീ​ക​രി​ക്കു​ക​യും തങ്ങളുടെ രാജാ​വാ​യി അവനെ സ്വീക​രി​ക്കു​ക​യും ചെയ്‌തു. (യെശയ്യാ​വു 33:22) അങ്ങനെ അവർ ഒരു രാജ്യ​മാ​യി​രു​ന്നു. എന്നാൽ, പിന്നീട്‌ വെളി​പ്പെ​ടു​ത്തി​യ​പോ​ലെ, ‘ഒരു രാജ്യ’ത്തെപ്പറ്റി​യുള്ള വാഗ്‌ദാ​നം അതിലും കൂടുതൽ അർഥമാ​ക്കും. കൂടാതെ, യഹോ​വ​യു​ടെ നിയമം അനുസ​രി​ച്ച​പ്പോൾ അവർ ശുദ്ധി​യു​ള്ള​വ​രും അവർക്കു ചുറ്റു​മുള്ള ജനതക​ളിൽനി​ന്നു വ്യത്യ​സ്‌ത​രു​മാ​യി​രു​ന്നു. അവർ ഒരു വിശുദ്ധ ജനമാ​യി​രു​ന്നു. (ആവർത്ത​ന​പു​സ്‌തകം 7:5, 6) അവർ ഒരു പുരോ​ഹിത രാജത്വ​മാ​യി​രു​ന്നോ? കൊള്ളാം, ഇസ്രാ​യേ​ലിൽ ലേവി ഗോത്രം ആലയ ശുശ്രൂ​ഷ​ക്കാ​യി മാറ്റി​വെ​ക്ക​പ്പെ​ട്ട​വ​രാ​യി​രു​ന്നു, കൂടാതെ, ആ ഗോ​ത്ര​ത്തിൽത്തന്നെ ലേവ്യ പൗരോ​ഹി​ത്യ​വും ഉണ്ടായി​രു​ന്നു. മോ​ശൈക ന്യായ​പ്ര​മാ​ണ​ത്തി​നു തുടക്കം കുറി​ച്ച​പ്പോൾ സകല ലേവ്യേ​തര കുടും​ബ​ത്തി​ലു​മുള്ള കടിഞ്ഞൂ​ലു​കൾക്കും പകരം ലേവി പുരു​ഷൻമാ​രെ എടുക്കു​ക​യു​ണ്ടാ​യി.a (പുറപ്പാ​ടു 22:29; സംഖ്യാ​പു​സ്‌തകം 3:11-16, 40-51) അങ്ങനെ പ്രതീ​കാ​ത്മ​ക​മാ​യി പറഞ്ഞാൽ ഇസ്രാ​യേ​ലി​ലുള്ള സകല കുടും​ബ​വും ആലയ ശുശ്രൂ​ഷ​യിൽ പ്രതി​നി​ധീ​ക​രി​ച്ച​തി​നു സമാന​മാ​യി. ഒരു പൗരോ​ഹി​ത്യ​ത്തി​ലാ​യി​രി​ക്കു​ന്ന​തിന്‌ ആ ജനതക്കു കഴിഞ്ഞ ഏറ്റവും അടുത്ത വിധം ഇതായി​രു​ന്നു. എന്നുവ​രി​കി​ലും, ജനതകൾക്കു മുമ്പാകെ അവർ യഹോ​വയെ പ്രതി​നി​ധീ​ക​രി​ച്ചു. സത്യ​ദൈ​വത്തെ ആരാധി​ക്കാൻ ആഗ്രഹി​ക്കുന്ന ഏതു വിദേ​ശി​യും ഇസ്രാ​യേ​ല്യ​രു​മാ​യി സഹവസി​ച്ചു​കൊണ്ട്‌ അതു ചെയ്യേ​ണ്ടി​യി​രു​ന്നു.—2 ദിനവൃ​ത്താ​ന്തം 6:32, 33; യെശയ്യാ​വു 60:10.

9. ‘പുരോ​ഹി​ത​നാ​യി​രി​ക്കാ​ത​വണ്ണം’ ഇസ്രാ​യേ​ലി​ന്റെ വടക്കേ രാജ്യത്തെ യഹോവ തള്ളിക്ക​ള​യാൻ ഇടയാ​ക്കി​യ​തെന്ത്‌?

⁹ ശലോ​മോ​ന്റെ മരണ​ശേഷം ദൈവ​ജനം യെരോ​ബ​യാം രാജാ​വി​ന്റെ കീഴിൽ ഇസ്രാ​യേ​ലി​ന്റെ വടക്കേ രാജ്യ​മെ​ന്നും രെഹ​ബെ​യാം രാജാ​വി​ന്റെ കീഴിൽ തെക്ക്‌ യഹൂദ രാജ്യ​മെ​ന്നും രണ്ടായി പിരിഞ്ഞു. നിർമ​ലാ​രാ​ധ​ന​യു​ടെ കേന്ദ്ര​മാ​യി​രുന്ന ആലയം യഹൂദ​യു​ടെ പ്രദേ​ശ​ത്താ​യി​രു​ന്ന​തി​നാൽ യെരോ​ബ​യാം തന്റെ ദേശീയ പ്രദേ​ശത്ത്‌ കാളക്കു​ട്ടി​ക​ളു​ടെ പ്രതിമ ഉണ്ടാക്കി നിയമ​വി​രു​ദ്ധ​മായ ആരാധനാ രീതി തുടങ്ങി. കൂടാതെ, “അവൻ പൂജാ​ഗി​രി​ക്ഷേ​ത്ര​ങ്ങ​ളും ഉണ്ടാക്കി സർവ്വജ​ന​ത്തിൽനി​ന്നും ലേവ്യ​ര​ല്ലാത്ത പുരോ​ഹി​തൻമാ​രെ നിയമി​ച്ചു.” (1 രാജാ​ക്കൻമാർ 12:31) രാജ്യത്തു ബാൽ ആരാധന നടത്തു​ന്ന​തിന്‌ ആഹാബ്‌ രാജാവ്‌ തന്റെ അന്യ​ദേ​ശ​ക്കാ​രി​യായ ഭാര്യ ഇസബേ​ലി​നെ അനുവ​ദി​ച്ച​പ്പോൾ വടക്കേ രാജ്യം വ്യാജാ​രാ​ധ​ന​യിൽ ആഴത്തി​ലാ​ണ്ടു​പോ​യി. ഒടുവിൽ, മത്സരി​യായ രാജ്യത്തെ യഹോവ ന്യായം വിധിച്ചു. ഹോശേയ മുഖാ​ന്തരം അവൻ പറഞ്ഞു: “പരിജ്ഞാ​ന​മി​ല്ലാ​യ്‌ക​യാൽ എന്റെ ജനം നശിച്ചു​പോ​കു​ന്നു; പരിജ്ഞാ​നം ത്യജി​ക്ക​കൊ​ണ്ടു നീ എനിക്കു പുരോ​ഹി​ത​നാ​യി​രി​ക്കാ​ത​വണ്ണം ഞാൻ നിന്നെ​യും ത്യജി​ക്കും.” (ഹോശേയ 4:6) അതിനു​ശേഷം പെട്ടെ​ന്നു​തന്നെ അസീറി​യ​ക്കാർ ഇസ്രാ​യേ​ലി​ന്റെ വടക്കേ രാജ്യത്തെ തുടച്ചു​മാ​റ്റി.

10. തെക്കേ രാജ്യ​മാ​യി​രുന്ന യഹൂദ വിശ്വ​സ്‌ത​രാ​യി​രു​ന്ന​പ്പോൾ ജനതക​ളു​ടെ മുമ്പാകെ യഹ​വയെ പ്രതി​നി​ധീ​ക​രി​ച്ച​തെ​ങ്ങനെ?

¹⁰ തെക്കേ രാജ്യ​മാ​യി​രുന്ന യഹൂദയെ സംബന്ധി​ച്ചോ? ഹിസ്‌കീ​യാ​വി​ന്റെ നാളിൽ യഹോവ യെശയ്യാവ്‌ മുഖാ​ന്തരം അവരോ​ടു പറഞ്ഞു: “നിങ്ങൾ എന്റെ സാക്ഷി​ക​ളും ഞാൻ തിര​ഞ്ഞെ​ടു​ത്തി​രി​ക്കുന്ന എന്റെ ദാസനും ആകുന്നു . . . ഞാൻ എനിക്കു വേണ്ടി നിർമ്മി​ച്ചി​രി​ക്കുന്ന ജനം എന്റെ സ്‌തു​തി​യെ വിവരി​ക്കും.” (യെശയ്യാ​വു 43:10, 21; 44:21) വിശ്വ​സ്‌ത​രാ​യി​രു​ന്ന​പ്പോൾ തെക്കേ രാജ്യം ജാതി​ക​ളു​ടെ ഇടയിൽ യഹോ​വ​യു​ടെ മഹത്ത്വം പ്രഘോ​ഷി​ക്കു​ന്ന​വ​രാ​യും അവന്റെ ആലയത്തിൽ അവനെ ആരാധി​ക്കു​ന്ന​തി​നും നിയമ​പ​ര​മായ ലേവ്യ പൗരോ​ഹി​ത്യ​മു​ള്ള​വ​രാൽ ശുശ്രൂ​ഷി​ക്ക​പ്പെ​ടു​ന്ന​തി​നും പരമാർഥ​ഹൃ​ദ​യരെ ആകർഷി​ക്കു​ന്ന​വ​രാ​യും സേവിച്ചു.

ഇസ്രാ​യേ​ലി​ലെ വിദേ​ശീ​യർ

11, 12. ഇസ്രാ​യേ​ലു​മാ​യി സഹവസി​ച്ചു​കൊണ്ട്‌ യഹോ​വയെ സേവി​ക്കാൻ തുടങ്ങിയ ചില വിദേ​ശീ​യ​രു​ടെ പേരു പറയുക.

¹¹ ഈ ദേശീയ സാക്ഷ്യ​ത്തോ​ടു പ്രതി​ക​രിച്ച വിദേ​ശീ​യർക്കു​വേണ്ടി, മോശ മുഖാ​ന്തരം നൽകിയ ന്യായ​പ്ര​മാ​ണ​ത്തിൽ കരുത​ലു​കൾ ഉണ്ടായി​രു​ന്നു (മോശ​യു​ടെ​തന്നെ ഭാര്യ സിപ്പോറ ഒരു മിദ്യാ​ന്യ​യാ​യി​രു​ന്നു). ഇസ്രാ​യേ​ല്യ​രോ​ടൊ​പ്പം ഈജി​പ്‌ത്‌ വിട്ടു​പോന്ന ഇസ്രാ​യേ​ല്യേ​ത​ര​രു​ടെ “വലി​യോ​രു സമ്മി​ശ്ര​പു​രു​ഷാ​ര​വും” ന്യായ​പ്ര​മാ​ണം നൽകി​യ​പ്പോൾ അവിടെ സന്നിഹി​ത​രാ​യി​രു​ന്നു. (പുറപ്പാ​ടു 2:16-22; 12:38; സംഖ്യാ​പു​സ്‌തകം 11:4) രാഹാ​ബും അവളുടെ കുടും​ബ​വും യരീ​ഹോ​യിൽനി​ന്നു രക്ഷിക്ക​പ്പെ​ടു​ക​യും പിന്നീട്‌ യഹൂദ സഭയി​ലേക്ക്‌ എടുക്ക​പ്പെ​ടു​ക​യു​മു​ണ്ടാ​യി. (യോശുവ 6:23-25) അതിനു​ശേഷം പെട്ടെ​ന്നു​തന്നെ ഗിബ​യോ​ന്യർ ഇസ്രാ​യേ​ലു​മാ​യി സഖ്യത്തി​ലാ​വു​ക​യും തിരു​നി​വാ​സ​ത്തോ​ടു ബന്ധപ്പെട്ട ജോലി​കൾ അവരെ ഏൽപ്പി​ക്ക​യും ചെയ്‌തു.—യോശുവ 9:3-27; ഇതുകൂ​ടെ കാണുക: 1 രാജാ​ക്കൻമാർ 8:41-43; എസ്ഥേർ 8:17.

¹² കാല​ക്ര​മേണ വിദേ​ശീ​യർ ഉന്നത സ്ഥാനമാ​നങ്ങൾ അലങ്കരി​ച്ചു. ബത്ത്‌-ശേബയു​ടെ ഭർത്താ​വാ​യി​രുന്ന ഹിത്യ​നായ ഊരീ​യാ​വും അമ്മോ​ന്യ​നായ സേലെ​ക്കും ദാവീ​ദി​ന്റെ ‘വീരൻമാ​രി’ൽപ്പെട്ട​വ​രാ​യി എണ്ണപ്പെട്ടു. (1 ദിനവൃ​ത്താ​ന്തം 11:26, 39, 41; 2 ശമൂവേൽ 11:3, 4) കൂശ്യ​നാ​യി​രുന്ന ഏബെദ്‌-മേലെ​കിന്‌ കൊട്ടാ​ര​ത്തിൽ ജോലി​ചെ​യ്യു​ന്ന​തി​നും രാജാ​വി​ന്റെ സന്നിധാ​ന​ത്തിൽ ചെല്ലു​ന്ന​തി​നു​മുള്ള അധികാ​ര​മു​ണ്ടാ​യി​രു​ന്നു. (യിരെ​മ്യാ​വു 38:7-9) ബാബി​ലോ​ന്യ പ്രവാ​സ​ത്തിൽനി​ന്നു തിരി​ച്ചെ​ത്തി​യ​ശേഷം ഇസ്രാ​യേ​ല്യേ​തര നെഥി​നി​മിന്‌ പുരോ​ഹി​തൻമാ​രെ സഹായി​ക്കു​ന്ന​തി​നു കൂടു​ത​ലായ ഉത്തരവാ​ദി​ത്വ​ങ്ങൾ നൽക​പ്പെട്ടു. (എസ്രാ 7:24) ഈ വിശ്വസ്‌ത വിദേ​ശീ​യ​രു​ടെ അല്ലെങ്കിൽ പരദേ​ശി​ക​ളു​ടെ കൂട്ടം ഇന്നത്തെ മഹാപു​രു​ഷാ​രത്തെ മുൻനി​ഴ​ലാ​ക്കു​ന്ന​തു​കൊണ്ട്‌ അവരുടെ സാഹച​ര്യം നമ്മിൽ താത്‌പ​ര്യം ജനിപ്പി​ക്കു​ന്നു.

13, 14. (എ) മതപരി​വർത്തനം ചെയ്‌ത​വർക്ക്‌ ഇസ്രാ​യേ​ലി​ലു​ണ്ടാ​യി​രുന്ന പദവി​ക​ളും ഉത്തരവാ​ദി​ത്വ​ങ്ങ​ളും ഏവ? (ബി) മതപരി​വർത്തനം ചെയ്‌ത വിശ്വ​സ്‌തരെ ഇസ്രാ​യേ​ല്യർ എങ്ങനെ വീക്ഷി​ക്ക​ണ​മാ​യി​രു​ന്നു?

¹³ അത്തരം ആളുകൾ മതപരി​വർത്തനം ചെയ്‌ത​വ​രാ​യി​രു​ന്നു. മോ​ശൈക ന്യായ​പ്ര​മാ​ണ​പ്ര​കാ​രം ഇസ്രാ​യേ​ല്യ​രോ​ടൊ​പ്പം ജനതക​ളിൽനി​ന്നും തങ്ങളെ അകറ്റി​നിർത്തിയ സമർപ്പിത ആരാധ​ക​രു​മാ​യി​രു​ന്നു. (ലേവ്യ​പു​സ്‌തകം 24:22) ഇസ്രാ​യേ​ല്യ​രെ​പ്പോ​ലെ​തന്നെ അവരും ബലിയർപ്പി​ച്ചു, വ്യാജാ​രാ​ധ​ന​യിൽനി​ന്നും രക്തത്തിൽനി​ന്നും ഒഴിഞ്ഞു​നി​ന്നു. (ലേവ്യ​പു​സ്‌തകം 17:10-14; 20:2) അവർ ശലോ​മോ​ന്റെ ആലയനിർമാ​ണ​ത്തിൽ സഹായി​ക്കു​ക​യും, ആസ്സാ രാജാ​വി​നോ​ടും ഹിസ്‌കീ​യാവ്‌ രാജാ​വി​നോ​ടു​മൊ​പ്പം സത്യാ​രാ​ധന പുനഃ​സ്ഥാ​പി​ക്കു​ന്ന​തിൽ ചേരു​ക​യും ചെയ്‌തു. (1 ദിനവൃ​ത്താ​ന്തം 22:2; 2 ദിനവൃ​ത്താ​ന്തം 15:8-14; 30:25) പൊ.യു. 33-ലെ പെന്ത​ക്കോ​സ്‌തു നാളിൽ പത്രോസ്‌ രാജ്യ​ത്തി​ന്റെ ആദ്യത്തെ താക്കോൽ ഉപയോ​ഗി​ച്ച​പ്പോൾ “യഹൂദൻമാ​രും [യഹൂ​ദേതര] യഹൂദ​മ​താ​നു​സാ​രി​ക​ളും” അവന്റെ വാക്കുകൾ കേൾക്കു​ക​യു​ണ്ടാ​യി. അന്നു സ്‌നാ​പ​ന​മേറ്റ മൂവാ​യി​രം​പേ​രിൽ ചിലർ യഹൂദ​മതം സ്വീക​രി​ച്ച​വ​രാ​യി​രി​ക്കാ​നാ​ണു സാധ്യത. (പ്രവൃ​ത്തി​കൾ 2:10, 41) അതിനു​ശേഷം പെട്ടെ​ന്നു​തന്നെ—പത്രോസ്‌ രാജ്യ​ത്തി​ന്റെ അവസാ​നത്തെ താക്കോൽ കൊർന്നേ​ല്യോ​സി​നും കുടും​ബ​ത്തി​നും​വേണ്ടി ഉപയോ​ഗി​ക്കു​ന്ന​തി​നു മുമ്പ്‌—എത്യോ​പ്യ​ക്കാ​ര​നായ ഒരു യഹൂദ​മ​താ​നു​സാ​രി ഫിലി​പ്പോ​സി​നാൽ സ്‌നാ​പ​ന​മേറ്റു. (മത്തായി 16:19; പ്രവൃ​ത്തി​കൾ 8:26-40; 10:30-48) മതപരി​വർത്തനം ചെയ്‌ത​വരെ വിജാ​തീ​യ​രാ​യി വീക്ഷി​ച്ചില്ല എന്നതു സ്‌പഷ്ട​മാണ്‌.

¹⁴ എന്നിരു​ന്നാ​ലും, ഇസ്രാ​യേ​ലിൽ മതപരി​വർത്തനം ചെയ്‌ത​വ​രു​ടെ സ്ഥാനം ഇസ്രാ​യേ​ല്യ​രാ​യി ജനിച്ച​വ​രു​ടെ സ്ഥാനം​പോ​ലെ ആയിരു​ന്നില്ല. മതപരി​വർത്തനം ചെയ്‌തവർ പുരോ​ഹി​തൻമാ​രാ​യി സേവി​ക്കു​ക​യോ അവരുടെ ആദ്യജാ​തർ ലേവ്യ​പൗ​രോ​ഹി​ത്യ​ത്താൽ പ്രതി​നി​ധാ​നം ചെയ്യ​പ്പെ​ടു​ക​യോ ചെയ്‌തില്ല.b കൂടാതെ, മതപരി​വർത്തനം ചെയ്‌ത​വർക്ക്‌ ഇസ്രാ​യേ​ലിൽ സ്വന്തമാ​യി ഭൂമി അവകാ​ശ​പ്പെ​ടു​ത്താ​നാ​വു​മാ​യി​രു​ന്നില്ല. എങ്കിലും മതപരിവർത്തനം ചെയ്‌ത വിശ്വ​സ്‌ത​രു​ടെ കാര്യ​ത്തിൽ പരിഗ​ണ​ന​യു​ള്ള​വ​രാ​യി​രി​ക്കാ​നും അവരെ സഹോ​ദ​രൻമാ​രാ​യി വീക്ഷി​ക്കാ​നും ഇസ്രാ​യേ​ല്യർ കൽപ്പി​ക്ക​പ്പെ​ട്ടി​രു​ന്നു.—ലേവ്യ​പു​സ്‌തകം 19:33, 34.

ആത്മീയ ജനത

15. സ്വാഭാ​വിക ഇസ്രാ​യേ​ല്യർ മിശി​ഹാ​യെ സ്വീക​രി​ക്കാൻ വിസമ്മ​തി​ച്ച​പ്പോൾ എന്തു സംഭവി​ച്ചു?

¹⁵ ഇസ്രാ​യേ​ല്യ​രെ ശുദ്ധീ​ക​രി​ക്കു​ന്ന​തി​നും ചുറ്റു​മുള്ള ജനതക​ളിൽനി​ന്നു വ്യത്യ​സ്‌ത​രാ​ക്കി നിർത്തു​ന്ന​തി​നു​മാ​യി​രു​ന്നു ന്യായ​പ്ര​മാ​ണം രൂപകൽപ്പന ചെയ്‌തത്‌. എങ്കിലും അതു മറ്റൊരു ഉദ്ദേശ്യം നിവർത്തി​ച്ചു. അപ്പോ​സ്‌ത​ല​നായ പൗലോസ്‌ എഴുതി: “നാം വിശ്വാ​സ​ത്താൽ നീതീ​ക​രി​ക്ക​പ്പെ​ടേ​ണ്ട​തി​ന്നു ന്യായ​പ്ര​മാ​ണം ക്രിസ്‌തു​വി​ന്റെ അടുക്ക​ലേക്കു നടത്തു​വാൻ നമുക്കു ശിശു​പാ​ല​ക​നാ​യി ഭവിച്ചു.” (ഗലാത്യർ 3:24) ദുഃഖ​ക​ര​മെന്നു പറയട്ടെ, ന്യായ​പ്ര​മാ​ണ​ത്തി​ലൂ​ടെ ക്രിസ്‌തു​വി​ലേക്കു നയിക്ക​പ്പെ​ടു​ന്ന​തിൽ അനേക ഇസ്രാ​യേ​ല്യർ പരാജ​യ​പ്പെട്ടു. (മത്തായി 23:15; യോഹ​ന്നാൻ 1:11) തൻമൂലം യഹോ​വ​യാം ദൈവം ആ ജനതയെ തള്ളിക്ക​ള​ക​യും ‘ദൈവ​ത്തി​ന്റെ ഇസ്രാ​യേൽ’ ജനിക്കാൻ ഇടയാ​ക്കു​ക​യും ചെയ്‌തു. കൂടാതെ, മുഴു അർഥത്തി​ലും ഈ പുതിയ ഇസ്രാ​യേ​ലി​ന്റെ പൗരൻമാ​രാ​യി​രി​ക്കു​ന്ന​തി​നുള്ള ക്ഷണം അവൻ യഹൂ​ദേ​ത​ര​രി​ലേക്കു നീട്ടി. (ഗലാത്യർ 3:28; 6:16) ഒരു രാജകീയ പൗരോ​ഹി​ത്യ​ത്തെ​പ്പറ്റി പുറപ്പാ​ടു 19:5, 6-ൽ യഹോവ നൽകി​യി​രി​ക്കുന്ന വാഗ്‌ദാ​ന​ത്തിന്‌ അത്ഭുത​ക​ര​മായ, അന്തിമ നിവൃ​ത്തി​യു​ള്ളത്‌ ഈ പുതിയ ജനതയി​ലാണ്‌. എങ്ങനെ?

16, 17. അഭിഷിക്ത ക്രിസ്‌ത്യാ​നി​കൾ ഭൂമി​യിൽ ‘രാജകീയ’രും ഒരു ‘പുരോ​ഹി​ത​വർഗ’വും ആയിരി​ക്കു​ന്നത്‌ എന്തർഥ​ത്തി​ലാണ്‌?

¹⁶ തന്റെ നാളിലെ അഭിഷിക്ത ക്രിസ്‌ത്യാ​നി​കൾക്ക്‌ എഴുതു​മ്പോൾ പത്രോസ്‌ പുറപ്പാ​ടു 19:6 ഉദ്ധരി​ക്കു​ക​യു​ണ്ടാ​യി: “നിങ്ങളോ . . . തിര​ഞ്ഞെ​ടു​ക്ക​പ്പെട്ട ഒരു ജാതി​യും രാജകീയ പുരോ​ഹി​ത​വർഗ്ഗ​വും വിശു​ദ്ധ​വം​ശ​വും സ്വന്തജ​ന​വും ആകുന്നു.” (1 പത്രൊസ്‌ 2:9) അതിന്റെ അർഥ​മെ​ന്താണ്‌? അഭിഷിക്ത ക്രിസ്‌ത്യാ​നി​കൾ ഭൂമി​യിൽ രാജാ​ക്കൻമാ​രാ​ണോ? അല്ല, അവരുടെ രാജത്വം ഇപ്പോ​ഴും ഭാവി​യി​ലാണ്‌. (1 കൊരി​ന്ത്യർ 4:8) എന്നിരു​ന്നാ​ലും, അവർ “രാജകീയ”രായി​രി​ക്കു​ന്ന​തി​ന്റെ അർഥം ഭാവി​യിൽ രാജകീയ പദവി​കൾക്കാ​യി അവർ തിര​ഞ്ഞെ​ടു​ക്ക​പ്പെ​ട്ടി​രി​ക്കു​ന്നു എന്നാണ്‌. ഇപ്പോൾപോ​ലും അവർ വലിയ പരമാധികാരി​യായ യഹോ​വ​യാം ദൈവ​ത്താൽ നിയു​ക്ത​മാ​ക്ക​പ്പെട്ട രാജാ​വായ യേശു​വി​ന്റെ കീഴി​ലുള്ള ഒരു ജനതയാണ്‌. “[യഹോവ] നമ്മെ ഇരുട്ടി​ന്റെ അധികാ​ര​ത്തിൽനി​ന്നു വിടു​വി​ച്ചു തന്റെ സ്‌നേ​ഹ​സ്വ​രൂ​പ​നായ പുത്രന്റെ രാജ്യ​ത്തി​ലാ​ക്കി”വെച്ചു എന്നു പൗലോസ്‌ എഴുതി.—കൊ​ലൊ​സ്സ്യർ 1:13.

¹⁷ ഭൂമി​യി​ലുള്ള അഭിഷിക്ത ക്രിസ്‌ത്യാ​നി​കൾ പുരോ​ഹി​തൻമാ​രാ​ണോ? ഒരർഥ​ത്തിൽ അതേ. ഒരു സഭയെ​ന്ന​നി​ല​യിൽ അവർ തർക്കമറ്റ പൗരോ​ഹി​ത്യ സേവനം അനുഷ്‌ഠി​ക്കു​ന്നു. “നിങ്ങളും . . . വിശു​ദ്ധ​പു​രോ​ഹി​ത​വർഗ്ഗ​മാ​കേണ്ട​തി​ന്നു പണിയ​പ്പെ​ടു​ന്നു” എന്നു പറഞ്ഞ​പ്പോൾ പത്രോസ്‌ അതു വിശദ​മാ​ക്കി. (1 പത്രൊസ്‌ 2:5; 1 കൊരി​ന്ത്യർ 3:16) ഇന്ന്‌ അഭിഷിക്ത ക്രിസ്‌ത്യാ​നി​ക​ളു​ടെ ശേഷിപ്പ്‌ ഒരു കൂട്ടമെന്ന നിലയിൽ, ആത്മീയാ​ഹാ​രം വിതരണം ചെയ്യു​ന്ന​തി​നുള്ള സരണി​യായ “വിശ്വ​സ്‌ത​നും വിവേ​കി​യു​മായ അടിമ” ആണ്‌. (മത്തായി 24:45-47, NW) പുരാതന ഇസ്രാ​യേ​ലി​ന്റെ കാര്യ​ത്തി​ലെ​ന്ന​പോ​ലെ യഹോ​വയെ ആരാധി​ക്കാൻ ആഗ്രഹി​ക്കുന്ന ഏവനും ഈ അഭിഷിക്ത ക്രിസ്‌ത്യാ​നി​ക​ളു​മാ​യുള്ള സഹവാ​സ​ത്തിൽ അതു ചെയ്യേ​ണ്ട​താണ്‌.

18. ഒരു പുരോ​ഹി​ത​വർഗ​മെന്ന നിലയിൽ ഭൂമി​യി​ലുള്ള അഭിഷിക്ത ക്രിസ്‌തീയ സഭയ്‌ക്ക്‌ എന്തു പ്രാഥ​മിക ഉത്തരവാ​ദി​ത്വ​മാ​ണു​ള്ളത്‌?

¹⁸ കൂടാതെ, യഹോ​വ​യു​ടെ മാഹാ​ത്മ്യം ജാതി​ക​ളു​ടെ ഇടയിൽ സാക്ഷീ​ക​രി​ക്കു​ന്ന​തി​നുള്ള പദവി ഇസ്രാ​യേ​ല്യർക്കു പകരം അഭിഷിക്ത ക്രിസ്‌ത്യാ​നി​കൾക്കാ​ണു​ള്ളത്‌. പത്രോസ്‌ അഭിഷിക്ത ക്രിസ്‌ത്യാ​നി​കളെ രാജകീയ പുരോ​ഹി​തൻമാ​രെന്നു വിളി​ച്ച​പ്പോൾ പ്രസം​ഗ​വേ​ല​യാ​യി​രു​ന്നു അവന്റെ മനസ്സി​ലു​ണ്ടാ​യി​രു​ന്നത്‌ എന്നു സന്ദർഭം കാണി​ക്കു​ന്നു. വാസ്‌ത​വ​ത്തിൽ, ഒരു ഉദ്ധരണി​യിൽ, “നിങ്ങളോ . . . നിങ്ങളെ വിളി​ച്ച​വന്റെ സൽഗു​ണ​ങ്ങളെ ഘോഷി​പ്പാ​ന്ത​ക്ക​വണ്ണം തിര​ഞ്ഞെ​ടു​ക്ക​പ്പെട്ട . . . രാജകീ​യ​പു​രോ​ഹി​ത​വർഗ്ഗ​വും . . . ആകുന്നു” എന്നു പത്രോസ്‌ പറഞ്ഞ​പ്പോൾ പുറപ്പാ​ടു 19:6-ലുള്ള യഹോ​വ​യു​ടെ വാഗ്‌ദ​ത്തത്തെ യെശയ്യാ​വു 43:21-ൽ ഇസ്രാ​യേ​ലി​നോ​ടുള്ള അവന്റെ വചനവു​മാ​യി യോജി​പ്പി​ച്ചു പറയു​ക​യാ​യി​രു​ന്നു അവൻ. (1 പത്രൊസ്‌ 2:9) ഇതി​നോ​ടുള്ള ചേർച്ച​യിൽ പൗലോസ്‌ യഹോ​വ​യു​ടെ സദ്‌ഗു​ണ​ങ്ങ​ളെ​പ്പ​റ്റി​യുള്ള പ്രഘോ​ഷണം ഒരു ആലയ ബലി​യെ​ന്ന​പോ​ലെ പറഞ്ഞു: “അവൻ മുഖാ​ന്തരം നാം ദൈവ​ത്തി​ന്നു അവന്റെ നാമത്തെ ഏറ്റുപ​റ​യുന്ന അധരഫലം എന്ന സ്‌തോ​ത്ര​യാ​ഗം ഇടവി​ടാ​തെ അർപ്പി​ക്കുക.”—എബ്രായർ 13:15.

ഒരു സ്വർഗീയ നിവൃത്തി

19. ഇസ്രാ​യേ​ല്യർ ഒരു പുരോ​ഹി​ത​രാ​ജ​ത്വം ആയിരി​ക്കു​മെ​ന്നു​ള്ള​തി​ന്റെ അവസാന നിവൃത്തി എന്താണ്‌?

¹⁹ എന്നിരു​ന്നാ​ലും, പുറപ്പാ​ടു 19:5, 6-ന്‌ ഒടുവിൽ അതി​നെ​ക്കാൾ വലിയ മഹനീ​യ​മായ നിവൃ​ത്തി​യുണ്ട്‌. വെളി​പാ​ടു പുസ്‌ത​ക​ത്തിൽ സ്വർഗീയ ജീവികൾ പുനരു​ത്ഥാ​നം പ്രാപിച്ച യേശു​വി​നെ പുകഴ്‌ത്തി​ക്കൊണ്ട്‌ ഈ തിരു​വെ​ഴു​ത്തു ബാധക​മാ​ക്കു​ന്നത്‌ അപ്പോ​സ്‌ത​ല​നായ യോഹ​ന്നാൻ കേൾക്കു​ന്നു: “നീ അറുക്ക​പ്പെട്ട നിന്റെ രക്തം​കൊ​ണ്ടു സർവ്വ​ഗോ​ത്ര​ത്തി​ലും ഭാഷയി​ലും വംശത്തി​ലും ജാതി​യി​ലും നിന്നു​ള്ള​വരെ ദൈവ​ത്തി​ന്നാ​യി വിലെക്കു വാങ്ങി; ഞങ്ങളുടെ ദൈവ​ത്തി​ന്നു അവരെ രാജ്യ​വും പുരോ​ഹി​തൻമാ​രും ആക്കി​വെച്ചു; അവർ ഭൂമി​യിൽ വാഴുന്നു.” (വെളി​പ്പാ​ടു 5:9, 10) അതിന്റെ ആത്യന്തിക അർഥത്തിൽ, രാജകീയ പൗരോ​ഹി​ത്യം യേശു നമ്മെ പ്രാർഥി​ക്കാൻ പഠിപ്പിച്ച ഭരണാ​ധി​കാ​ര​മായ ദൈവ​ത്തി​ന്റെ സ്വർഗീയ രാജ്യ​മാണ്‌. (ലൂക്കൊസ്‌ 11:2) സഹിഷ്‌ണു​ത​യോ​ടെ അന്ത്യ​ത്തോ​ളം വിശ്വ​സ്‌ത​രാ​യി നില​കൊ​ള്ളുന്ന 1,44,000-ത്തിൽപ്പെട്ട എല്ലാ അഭിഷിക്ത ക്രിസ്‌ത്യാ​നി​കൾക്കും ആ രാജ്യ ക്രമീ​ക​ര​ണ​ത്തിൽ ഒരു പങ്കുണ്ടാ​യി​രി​ക്കു​ന്ന​താണ്‌. (വെളി​പ്പാ​ടു 20:4, 6) മോശ മുഖാ​ന്തരം വളരെ പണ്ടു ചെയ്‌ത വാഗ്‌ദ​ത്ത​ത്തി​ന്റെ എന്തോരു അത്ഭുത​ക​ര​മായ നിവൃത്തി!

20. ഏതു ചോദ്യ​ത്തി​നാണ്‌ ഇപ്പോ​ഴും ഉത്തരം ലഭി​ക്കേ​ണ്ടത്‌?

²⁰ അഭിഷി​ക്ത​രെ​ല്ലാം തങ്ങളുടെ അത്ഭുത​ക​ര​മായ അവകാശം കൈപ്പ​റ്റു​മ്പോൾ മഹാപു​രു​ഷാ​ര​ത്തി​ന്റെ അവസ്ഥയും അവരുടെ ഭാവി​യും സംബന്ധിച്ച്‌ ഇത്‌ എന്ത്‌ അർഥമാ​ക്കും? ഈ പരമ്പര​യു​ടെ അവസാന ലേഖന​ത്തിൽ അതു വ്യക്തമാ​കും.

[അടിക്കു​റി​പ്പു​കൾ]

നിങ്ങൾക്ക്‌ വിശദീ​ക​രി​ക്കാ​മോ?

◻ വേറെ ആടുക​ളു​ടെ സ്ഥാനം ക്രമാ​നു​ഗ​ത​മാ​യി മെച്ചമാ​യി മനസ്സി​ലാ​ക്കി​യത്‌ എങ്ങനെ?

◻ ഇസ്രാ​യേ​ലി​ന്റെ വടക്കേ രാജ്യത്തെ ഒരു പുരോ​ഹി​ത​നെന്ന നിലയിൽ സേവി​ക്കു​ന്ന​തിൽനി​ന്നും യഹോവ തള്ളിക്ക​ള​ഞ്ഞത്‌ എന്തു​കൊണ്ട്‌?

◻ വിശ്വ​സ്‌ത​രാ​യി​രു​ന്ന​പ്പോൾ ജാതി​ക​ളു​ടെ മുമ്പാകെ യഹൂദ​യു​ടെ സ്ഥാന​മെ​ന്താ​യി​രു​ന്നു?

◻ മതപരി​വർത്തനം ചെയ്‌ത വിശ്വ​സ്‌തർക്ക്‌ ഇസ്രാ​യേ​ലി​ലു​ണ്ടാ​യി​രുന്ന സ്ഥാന​മെന്ത്‌?

◻ അഭിഷിക്ത സഭ ഒരു പുരോ​ഹിത രാജ്യ​മാ​യി സേവന​മ​നു​ഷ്‌ഠി​ക്കു​ന്ന​തെ​ങ്ങനെ?

[16-ാം പേജിലെ ചിത്രം]

ഒരു രാജകീയ പൗരോ​ഹി​ത്യ​മെന്ന നിലയിൽ അഭിഷിക്ത ക്രിസ്‌ത്യാ​നി​കൾ യഹോ​വ​യു​ടെ മഹത്ത്വം ഭൂമി​യിൽ പ്രഖ്യാ​പി​ക്കു​ന്നു

[18-ാം പേജിലെ ചിത്രം]

പുറപ്പാടു 19:6-ന്റെ അന്തിമ നിവൃത്തി രാജ്യ​മാണ്‌