24, 25. (എ) യഹോവ എന്ത്‌ ക്ഷണം വെച്ചു​നീ​ട്ടു​ന്നു, അവന്റെ വാഗ്‌ദാ​നം നിവൃ​ത്തി​യേ​റു​മെന്ന്‌ ഉറപ്പു​ണ്ടാ​യി​രി​ക്കാൻ കഴിയു​ന്നത്‌ എന്തു​കൊണ്ട്‌? (ബി) യഹോവ ഉചിത​മാ​യി എന്തു നിഷ്‌കർഷി​ക്കു​ന്നു?

²⁴ യഹോവയുടെ കരുണ ഈ ക്ഷണം നൽകാൻ അവനെ പ്രേരി​പ്പി​ക്കു​ന്നു: “സകലഭൂ​സീ​മാ​വാ​സി​ക​ളു​മാ​യു​ള്ളോ​രെ, എങ്കലേക്കു തിരിഞ്ഞു രക്ഷപ്പെ​ടു​വിൻ; ഞാനല്ലാ​തെ വേറൊ​രു ദൈവ​വും ഇല്ലല്ലോ. എന്നാണ എന്റെ മുമ്പിൽ ഏതുമു​ഴ​ങ്കാ​ലും മടങ്ങും; ഏതു നാവും സത്യം ചെയ്യും എന്നിങ്ങനെ എന്റെ വായിൽനി​ന്നു നീതി​യും മടങ്ങാത്ത ഒരു വചനവും പുറ​പ്പെ​ട്ടി​രി​ക്കു​ന്നു. യഹോ​വ​യിൽ മാത്രം നീതി​യും ബലവും ഉണ്ടു എന്നു ഓരോ​രു​ത്തൻ പറഞ്ഞു​കൊ​ണ്ടു അവന്റെ അടുക്കൽ ചെല്ലും; അവനോ​ടു കോപി​ക്കു​ന്ന​വ​രൊ​ക്കെ​യും ലജ്ജിച്ചു​പോ​കും. യഹോ​വ​യിൽ യിസ്രാ​യേൽസ​ന്ത​തി​യെ​ല്ലാം നീതീ​ക​രി​ക്ക​പ്പെട്ടു പുകഴും.”—യെശയ്യാ​വു 45:22-25.

26. തന്നി​ലേക്കു തിരി​യാ​നുള്ള യഹോ​വ​യു​ടെ ക്ഷണത്തോട്‌ സകല ജനതക​ളി​ലും നിന്നുള്ള “ഒരു മഹാപു​രു​ഷാ​രം” എങ്ങനെ പ്രതി​ക​രി​ക്കു​ന്നു?

²⁶ തന്നിലേക്കു തിരി​യാ​നുള്ള യഹോ​വ​യു​ടെ ക്ഷണം ബാബി​ലോ​ണിൽ പ്രവാ​സ​ത്തിൽ കഴിയു​ന്ന​വർക്കു മാത്ര​മു​ള്ളതല്ല. (പ്രവൃ​ത്തി​കൾ 14:14, 15; 15:19; 1 തിമൊ​ഥെ​യൊസ്‌ 2:3, 4) ആ ക്ഷണം യഹോവ ഇപ്പോ​ഴും നൽകുന്നു. ‘സകല ജാതി​ക​ളി​ലും നിന്നുള്ള ഒരു മഹാപു​രു​ഷാ​രം’ ആ ക്ഷണത്തോ​ടു പ്രതി​ക​രി​ച്ചു​കൊണ്ട്‌ ഇങ്ങനെ ഘോഷി​ക്കു​ന്നു: “രക്ഷ എന്നുള്ളതു . . . നമ്മുടെ ദൈവ​ത്തി​ന്റെ​യും കുഞ്ഞാ​ടി​ന്റെ​യും [യേശു] ദാനം.” (വെളി​പ്പാ​ടു 7:9, 10; 15:4) വർഷം തോറും ലക്ഷക്കണ​ക്കിന്‌ പുതി​യവർ യഹോ​വ​യു​ടെ പരമാ​ധി​കാ​രത്തെ പൂർണ​മാ​യി അംഗീ​ക​രി​ക്കു​ക​യും അവനോ​ടുള്ള തങ്ങളുടെ കൂറ്‌ പരസ്യ​മാ​യി പ്രഖ്യാ​പി​ക്കു​ക​യും ചെയ്‌തു​കൊണ്ട്‌ മഹാപു​രു​ഷാ​ര​ത്തോ​ടു ചേരുന്നു. അതിനു​പു​റമേ, അവർ “അബ്രാ​ഹാ​മി​ന്റെ സന്തതി”യായ ആത്മീയ ഇസ്രാ​യേ​ലി​നെ വിശ്വ​സ്‌ത​ത​യോ​ടെ പിന്തു​ണ​യ്‌ക്കു​ക​യും ചെയ്യുന്നു. (ഗലാത്യർ 3:29) “യഹോ​വ​യിൽ മാത്രം നീതി​യും [“പൂർണ നീതി​യും,” NW] ബലവും ഉണ്ടു” എന്നു ലോക​മെ​മ്പാ​ടും ഘോഷി​ച്ചു​കൊണ്ട്‌ അവർ യഹോ​വ​യു​ടെ നീതി​നി​ഷ്‌ഠ​മായ ഭരണ​ത്തോ​ടുള്ള തങ്ങളുടെ സ്‌നേഹം പ്രകടി​പ്പി​ക്കു​ന്നു.a റോമർക്കുള്ള ലേഖന​ത്തിൽ, ജീവനുള്ള ഏവരും ഒടുവിൽ ദൈവ​ത്തി​ന്റെ പരമാ​ധി​കാ​രത്തെ അംഗീ​ക​രി​ക്കു​ക​യും തുടർച്ച​യാ​യി അവന്റെ നാമത്തെ സ്‌തു​തി​ക്കു​ക​യും ചെയ്യു​മെന്നു കാണി​ക്കാൻ പൗലൊസ്‌ അപ്പൊ​സ്‌തലൻ സെപ്‌റ്റു​വ​ജിന്റ്‌ ഭാഷാ​ന്ത​ര​ത്തിൽനിന്ന്‌ യെശയ്യാ​വു 45:23 ഉദ്ധരി​ക്കു​ക​യു​ണ്ടാ​യി.—റോമർ 14:11; ഫിലി​പ്പി​യർ 2:9-11; വെളി​പ്പാ​ടു 21:22-27.