അരിമ​ഥ്യ​ക്കാ​ര​നായ യോ​സേഫ്‌ സത്യത്തി​നു​വേണ്ടി ധീരമാ​യി നിലപാ​ടെ​ടു​ക്കു​ന്നു

അരിമഥ്യക്കാരനായ യോ​സേഫ്‌ ഇപ്പോൾ റോമൻ ഗവർണ​റു​ടെ മുന്നിൽ നിൽക്കു​ക​യാണ്‌! കടും​പി​ടു​ത്ത​ക്കാ​ര​നാ​യി അറിയ​പ്പെ​ട്ടി​രുന്ന പൊന്തി​യൊസ്‌ പീലാ​ത്തൊ​സി​ന്റെ മുമ്പാകെ! അതിനുള്ള ധൈര്യം തനിക്ക്‌ എങ്ങനെ കിട്ടി​യെന്നു യോ​സേ​ഫി​നു​തന്നെ അറിയില്ല. എന്നാൽ യേശു​വി​ന്റെ മൃതശ​രീ​രം മാന്യ​മാ​യി സംസ്‌ക​രി​ക്ക​ണ​മെ​ങ്കിൽ, അതു വിട്ടു​കി​ട്ടാൻ ആരെങ്കി​ലും പീലാ​ത്തൊ​സി​നോട്‌ അനുമതി വാങ്ങണ​മാ​യി​രു​ന്നു. പക്ഷേ ആ കൂടി​ക്കാഴ്‌ച യോ​സേഫ്‌ ഉദ്ദേശി​ച്ചത്ര ബുദ്ധി​മു​ട്ടു​ള്ള​താ​യി​രു​ന്നില്ല. യേശു മരി​ച്ചെന്ന്‌ ഒരു സൈനി​കോ​ദ്യോ​ഗ​സ്ഥ​നോ​ടു ചോദിച്ച്‌ ഉറപ്പാ​ക്കി​യ​ശേഷം പീലാ​ത്തൊസ്‌ മൃതശ​രീ​രം അടക്കാൻ യോ​സേ​ഫിന്‌ അനുമതി കൊടു​ത്തു. യേശു​വി​നെ വധിച്ച സ്ഥലത്തേക്കു യോ​സേഫ്‌ തിരക്കിട്ട്‌ മടങ്ങി​പ്പോ​യി, യേശു മരിച്ച​തി​ന്റെ ദുഃഖം അപ്പോ​ഴും യോ​സേ​ഫി​നെ വിട്ടു​മാ​റി​യി​രു​ന്നില്ല.—മർക്കോ. 15:42-45.

• അല്ല, ആരാണ്‌ ഈ അരിമ​ഥ്യ​ക്കാ​ര​നായ യോ​സേഫ്‌?

• അദ്ദേഹ​ത്തി​നു യേശു​വു​മാ​യി എന്താണു ബന്ധം?

• യോ​സേ​ഫി​ന്റെ കഥയിൽനിന്ന്‌ മൂല്യ​വ​ത്തായ എന്തു പാഠമാ​ണു പഠിക്കാ​നു​ള്ളത്‌?

‘ന്യായാ​ധി​പ​സ​ഭ​യി​ലെ ബഹുമാ​ന്യ​നായ ഒരു അംഗം’ എന്നാണു മർക്കോ​സി​ന്റെ സുവി​ശേ​ഷ​ത്തിൽ യോ​സേ​ഫി​നെ പരാമർശി​ക്കു​ന്നത്‌. ഇവിടെ ന്യായാ​ധി​പസഭ എന്നതു ജൂതന്മാ​രു​ടെ ഉന്നത​കോ​ട​തി​യും പരമോ​ന്നത ഭരണസ​മി​തി​യും ആയ സൻഹെ​ദ്രിൻത​ന്നെ​യാ​യി​രി​ക്കണം. (മർക്കോ. 15:1, 43) യോ​സേഫ്‌ ജനത്തിന്റെ നേതാ​ക്ക​ന്മാ​രിൽ ഒരാളാ​യി​രു​ന്നു എന്നു വ്യക്തം. അതു​കൊ​ണ്ടാണ്‌ റോമൻ ഗവർണറെ നേരിട്ട്‌ കാണാൻ അദ്ദേഹ​ത്തിന്‌ അവസരം ലഭിച്ചത്‌. യോ​സേഫ്‌ ധനിക​നാ​യി​രു​ന്നു എന്നു പറയു​ന്ന​തി​ലും അതിശ​യി​ക്കാ​നില്ല.—മത്താ. 27:57.

സൻഹെ​ദ്രി​നി​ലെ ഭൂരി​പക്ഷം അംഗങ്ങ​ളും യേശു​വി​നെ ഒരു ശത്രു​വാ​യാ​ണു കണ്ടിരു​ന്നത്‌. യേശു​വി​നെ കൊല്ലാൻ അവരാണു തന്ത്രം മനഞ്ഞത്‌. എന്നാൽ യോ​സേഫ്‌ അവരെ​പ്പോ​ലെ​യാ​യി​രു​ന്നില്ല. സത്യസ​ന്ധ​മായ, ധർമനി​ഷ്‌ഠ​യോ​ടെ​യുള്ള ഒരു ജീവി​ത​മാ​യി​രു​ന്നു യോ​സേ​ഫി​ന്റേത്‌. അദ്ദേഹം കഴിവി​ന്റെ പരമാ​വധി ദൈവ​ത്തി​ന്റെ കല്‌പ​നകൾ അനുസ​രിച്ച്‌ ജീവിച്ചു. അതു​കൊണ്ട്‌ യോ​സേ​ഫി​നെ ‘നല്ലവനും നീതി​മാ​നും ആയ ഒരാൾ’ എന്നു വിളി​ച്ചി​രി​ക്കു​ന്നു. (ലൂക്കോ. 23:50) യോ​സേഫ്‌ ‘ദൈവ​രാ​ജ്യ​ത്തി​നു​വേണ്ടി കാത്തി​രി​ക്കു​ന്ന​യാ​ളാ​യി​രു​ന്നു’ എന്നും പറഞ്ഞി​രി​ക്കു​ന്നു. അതായി​രി​ക്കാം യേശു​വി​ന്റെ ഒരു ശിഷ്യ​നാ​യി​ത്തീ​രാൻ അദ്ദേഹത്തെ പ്രേരി​പ്പി​ച്ചത്‌. (മർക്കോ. 15:43; മത്താ. 27:57) സത്യ​ത്തെ​യും നീതി​യെ​യും അതിയാ​യി സ്‌നേ​ഹി​ച്ച​തു​കൊ​ണ്ടാ​യി​രി​ക്കാം യോ​സേ​ഫി​നു യേശു​വി​ന്റെ സന്ദേശ​ത്തോ​ടു പ്രിയം തോന്നി​യത്‌.

“ജൂതന്മാ​രെ പേടിച്ച്‌ യേശു​വി​ന്റെ ഒരു രഹസ്യ​ശി​ഷ്യ​നാ​യി കഴിഞ്ഞി​രുന്ന” ഒരാളാ​യി​ട്ടാ​ണു യോഹ​ന്നാൻ 19:38-ൽ യോ​സേ​ഫി​നെ​ക്കു​റിച്ച്‌ പറഞ്ഞി​രി​ക്കു​ന്നത്‌. യോ​സേഫ്‌ പേടി​ക്കാൻ കാരണം എന്തായി​രു​ന്നു? യേശു​വി​നോ​ടു ജൂതന്മാർക്കു​ണ്ടാ​യി​രുന്ന അവജ്ഞ​യെ​യും യേശു​വിൽ വിശ്വ​സി​ക്കു​ന്ന​വരെ സിന​ഗോ​ഗിൽനിന്ന്‌ പുറത്താ​ക്കാ​നുള്ള അവരുടെ ഉറച്ച തീരു​മാ​ന​ത്തെ​യും കുറിച്ച്‌ യോ​സേഫ്‌ അറിഞ്ഞി​രു​ന്നു. (യോഹ. 7:45-49; 9:22) സിന​ഗോ​ഗിൽനിന്ന്‌ പുറത്താ​ക്ക​പ്പെ​ടുന്ന ഒരാളെ ജൂതന്മാർ നിന്ദി​ക്കു​ക​യും അവഗണി​ക്കു​ക​യും ചെയ്യു​മാ​യി​രു​ന്നു, സമൂഹം അയാൾക്കു ഭ്രഷ്ട്‌ കല്‌പി​ക്കു​മാ​യി​രു​ന്നു. അതു​കൊണ്ട്‌ തന്റെ സ്ഥാനമാ​നങ്ങൾ നഷ്ടപ്പെ​ടു​മെന്ന ഭയം കാരണം യേശു​വി​ന്റെ ശിഷ്യ​നാ​ണെന്നു പരസ്യ​മാ​യി വെളി​പ്പെ​ടു​ത്താൻ യോ​സേഫ്‌ മടിച്ചു.

യോ​സേഫ്‌ മാത്ര​മാ​യി​രു​ന്നില്ല ഈ വിഷമ​സ​ന്ധി​യിൽ. യോഹ​ന്നാൻ 12:42 പറയുന്നു, “പ്രമാ​ണി​മാ​രിൽപ്പോ​ലും ധാരാളം പേർ യേശു​വിൽ വിശ്വ​സി​ച്ചു. എങ്കിലും അവർക്കു പരീശ​ന്മാ​രെ പേടി​യാ​യി​രു​ന്നു. അതു​കൊണ്ട്‌ സിന​ഗോ​ഗിൽനിന്ന്‌ പുറത്താ​ക്കു​മോ എന്നു ഭയന്ന്‌ അവർ യേശു​വി​നെ അംഗീ​ക​രി​ക്കുന്ന കാര്യം പരസ്യ​മാ​യി സമ്മതി​ച്ചില്ല.” അങ്ങനെ ഒരാളാ​യി​രു​ന്നു സൻഹെ​ദ്രി​നി​ലെ മറ്റൊരു അംഗമാ​യി​രുന്ന നിക്കോ​ദേ​മൊസ്‌.—യോഹ. 3:1-10; 7:50-52.

എന്നാൽ യോ​സേ​ഫി​നെ ഒരു ശിഷ്യ​നാ​യി​ട്ടാ​ണു ബൈബിൾ പരാമർശി​ക്കു​ന്നത്‌. പക്ഷേ അദ്ദേഹ​ത്തിന്‌ അതു പുറത്തു​പ​റ​യാ​നുള്ള ധൈര്യ​മി​ല്ലാ​യി​രു​ന്നെന്നു മാത്രം. എങ്കിലും അതു ഗുരു​ത​ര​മായ ഒരു പ്രശ്‌ന​മാ​യി​രു​ന്നു, പ്രത്യേ​കിച്ച്‌ യേശു​വി​ന്റെ ഈ വാക്കു​ക​ളു​ടെ വെളി​ച്ച​ത്തിൽ: “മറ്റുള്ള​വ​രു​ടെ മുന്നിൽ എന്നെ അംഗീ​ക​രി​ക്കുന്ന ഏതൊ​രാ​ളെ​യും സ്വർഗ​സ്ഥ​നായ എന്റെ പിതാ​വി​ന്റെ മുന്നിൽ ഞാനും അംഗീ​ക​രി​ക്കും. മറ്റുള്ള​വ​രു​ടെ മുന്നിൽ എന്നെ തള്ളിപ്പ​റ​യു​ന്ന​വ​രെ​യോ സ്വർഗ​സ്ഥ​നായ എന്റെ പിതാ​വി​ന്റെ മുന്നിൽ ഞാനും തള്ളിപ്പ​റ​യും.” (മത്താ. 10:32, 33) യോ​സേഫ്‌ യേശു​വി​നെ ‘തള്ളിപ്പ​റ​ഞ്ഞില്ല,’ എന്നാൽ പരസ്യ​മാ​യി ‘അംഗീ​ക​രി​ക്കാ​നുള്ള’ ധൈര്യ​മി​ല്ലാ​യി​രു​ന്നു​താ​നും. നിങ്ങളു​ടെ കാര്യ​മോ?

യോ​സേ​ഫി​നെ​ക്കു​റിച്ച്‌ ശ്രദ്ധേ​യ​മായ ഒരു കാര്യം ബൈബിൾ റിപ്പോർട്ട്‌ ചെയ്യു​ന്നത്‌, അദ്ദേഹം യേശു​വിന്‌ എതി​രെ​യുള്ള ഗൂഢാ​ലോ​ച​ന​യിൽ ഉൾപ്പെ​ട്ടില്ല എന്നതാണ്‌. (ലൂക്കോ. 23:51) ചിലർ അഭി​പ്രാ​യ​പ്പെ​ടു​ന്ന​തു​പോ​ലെ, യേശു​വി​ന്റെ വിചാ​ര​ണ​സ​മ​യത്ത്‌ യോ​സേഫ്‌ അവി​ടെ​യി​ല്ലാ​യി​രു​ന്നി​രി​ക്കാം. എന്തുത​ന്നെ​യാ​ണെ​ങ്കി​ലും ഈ കടുത്ത അനീതി യോ​സേ​ഫി​നെ അതിദുഃ​ഖ​ത്തി​ലാ​ഴ്‌ത്തി​യി​ട്ടു​ണ്ടാ​കും, എന്നാൽ അതിന്‌ എതിരെ യോ​സേ​ഫിന്‌ ഒന്നും ചെയ്യാ​നാ​കു​ന്നില്ല.

തെളി​വ​നു​സ​രിച്ച്‌ യേശു​വി​ന്റെ മരണ​ത്തോ​ട​ടുത്ത്‌ യോ​സേഫ്‌ തന്റെ ഭയത്തെ മറിക​ട​ക്കു​ക​യും യേശു​വി​ന്റെ ശിഷ്യ​ന്മാ​രെ പിന്തു​ണ​യ്‌ക്കാൻ തീരു​മാ​നി​ക്കു​ക​യും ചെയ്‌തു. മർക്കോസ്‌ 15:43-ലെ വാക്കുകൾ അതാണു സൂചി​പ്പി​ക്കു​ന്നത്‌: “അരിമ​ഥ്യ​ക്കാ​ര​നായ യോ​സേഫ്‌ ധൈര്യ​പൂർവം പീലാ​ത്തൊ​സി​ന്റെ അടുത്ത്‌ ചെന്ന്‌ യേശു​വി​ന്റെ ശരീരം ചോദി​ച്ചു.”

യേശു മരിച്ച​പ്പോൾ സാധ്യ​ത​യ​നു​സ​രിച്ച്‌ യോ​സേഫ്‌ അവി​ടെ​യു​ണ്ടാ​യി​രു​ന്നു. യേശു​വി​ന്റെ മരണ​ത്തെ​ക്കു​റിച്ച്‌ പീലാ​ത്തൊസ്‌ അറിയു​ന്ന​തി​നു മുമ്പേ അദ്ദേഹം അറിഞ്ഞി​രു​ന്നു. അതു​കൊ​ണ്ടാണ്‌ യോ​സേഫ്‌ ശരീരം വിട്ടു​കി​ട്ടാൻ അനുമതി ചോദി​ച്ച​പ്പോൾ “ഇത്ര വേഗം യേശു മരിച്ചോ” എന്നു പീലാ​ത്തൊസ്‌ ചിന്തി​ച്ചത്‌. (മർക്കോ. 15:44) ദണ്ഡനസ്‌തം​ഭ​ത്തി​ലെ യേശു​വി​ന്റെ കഠോ​ര​വേ​ദ​ന​യ്‌ക്കു യോ​സേഫ്‌ ദൃക്‌സാ​ക്ഷി​യാ​യി​രു​ന്നെ​ങ്കിൽ ഹൃദയം തകർക്കുന്ന ആ കാഴ്‌ച യോ​സേ​ഫി​ന്റെ മനസ്സാ​ക്ഷി​യെ കുറ്റ​പ്പെ​ടു​ത്തി​ക്കാ​ണു​മോ? ഒടുവിൽ, സത്യത്തി​നു​വേണ്ടി ഒരു നിലപാ​ടെ​ടു​ക്ക​ണ​മെന്നു തീരു​മാ​നി​ക്കാൻ അതായി​രി​ക്കു​മോ യോ​സേ​ഫി​നെ പ്രേരി​പ്പി​ച്ചത്‌? അതിനു സാധ്യ​ത​യുണ്ട്‌. എന്താ​ണെ​ങ്കി​ലും ഇനി യോ​സേഫ്‌ ഒരു രഹസ്യ​ശി​ഷ്യ​നല്ല, അദ്ദേഹം പ്രവർത്തി​ക്കാൻതന്നെ തീരു​മാ​നി​ച്ചു.

മരണശിക്ഷ ലഭിച്ച ഒരു വ്യക്തി​യു​ടെ മൃതശ​രീ​രം സൂര്യാ​സ്‌ത​മ​യ​ത്തി​നു മുമ്പ്‌ അടക്കം ചെയ്യണ​മെ​ന്നാ​ണു ജൂതനി​യമം അനുശാ​സി​ച്ചി​രു​ന്നത്‌. (ആവ. 21:22, 23) എന്നാൽ റോമാ​ക്കാർ വധശിക്ഷ ലഭിക്കു​ന്ന​വ​രു​ടെ ശവശരീ​രങ്ങൾ സ്‌തം​ഭ​ത്തിൽത്തന്നെ കിടന്ന്‌ അഴുക​ട്ടെ​യെന്നു കരുതി വിട്ടേ​ക്കും, അല്ലെങ്കിൽ ഒരു പൊതു​ശ​വ​ക്കു​ഴി​യി​ലേക്കു വലി​ച്ചെ​റി​യും. എന്നാൽ യേശു​വി​ന്റെ ശരീരം അങ്ങനെ​യങ്ങ്‌ ഉപേക്ഷി​ക്കാൻ യോ​സേ​ഫി​നു മനസ്സി​ല്ലാ​യി​രു​ന്നു. യേശു​വി​നെ വധിച്ച സ്ഥലത്തിന്‌ അടുത്തു​തന്നെ യോ​സേ​ഫി​നു പാറയിൽ വെട്ടി​യു​ണ്ടാ​ക്കിയ ഒരു പുതിയ കല്ലറയു​ണ്ടാ​യി​രു​ന്നു. ആ കല്ലറ അന്നുവരെ ഉപയോ​ഗി​ച്ചി​ട്ടി​ല്ലാ​യി​രു​ന്നു എന്നതു സൂചി​പ്പി​ക്കു​ന്നത്‌, യോ​സേഫ്‌ അരിമഥ്യയിൽനിന്ന്‌a യരുശ​ലേ​മി​ലേക്കു താമസം മാറി​യിട്ട്‌ അധിക​മാ​യി​രു​ന്നില്ല എന്നാണ്‌. അതു കുടും​ബ​ക്ക​ല്ല​റ​യാ​ക്കാ​നാ​യി​രു​ന്നു യോ​സേഫ്‌ ഉദ്ദേശി​ച്ചത്‌. (ലൂക്കോ. 23:53; യോഹ. 19:41) തനിക്കു​വേണ്ടി പണിത കല്ലറയിൽ യേശു​വി​നെ അടക്കാൻ തയ്യാറാ​യതു യോ​സേ​ഫി​ന്റെ വിശാ​ല​മ​ന​സ്സാ​ണു കാണി​ക്കു​ന്നത്‌. അങ്ങനെ മിശി​ഹയെ “സമ്പന്ന​രോ​ടു​കൂ​ടെ” അടക്കും എന്ന പ്രവചനം നിറ​വേറി.—യശ. 53:5, 8, 9.

യേശു​വി​ന്റെ മൃതശ​രീ​രം സ്‌തം​ഭ​ത്തിൽനിന്ന്‌ ഇറക്കി​യ​ശേഷം മേന്മ​യേ​റിയ ലിനൻതു​ണി​കൊണ്ട്‌ പൊതിഞ്ഞ്‌ യോ​സേഫ്‌ സ്വന്തം കല്ലറയിൽ അടക്കം ചെയ്‌ത​തി​നെ​ക്കു​റിച്ച്‌ നാലു സുവി​ശേ​ഷ​ങ്ങ​ളി​ലും രേഖ​പ്പെ​ടു​ത്തി​യി​ട്ടുണ്ട്‌. (മത്താ. 27:59-61; മർക്കോ. 15:46, 47; ലൂക്കോ. 23:53, 55; യോഹ. 19:38-40) യോ​സേ​ഫി​നെ സഹായി​ച്ച​താ​യി പേരെ​ടുത്ത്‌ പറഞ്ഞി​രി​ക്കുന്ന ഏകവ്യക്തി സുഗന്ധ​ക്കൂ​ട്ടു​മാ​യി വന്ന നിക്കോ​ദേ​മൊസ്‌ ആണ്‌. എന്നാൽ ഈ രണ്ടു പേർക്കും സമൂഹ​ത്തി​ലു​ണ്ടാ​യി​രുന്ന സ്ഥാനം പരിഗ​ണി​ക്കു​മ്പോൾ മൃതശ​രീ​രം അവർതന്നെ അവി​ടെ​നിന്ന്‌ കൊണ്ടു​പോ​കാ​നുള്ള സാധ്യത കുറവാണ്‌. മൃതശ​രീ​രം എടുത്തു​കൊ​ണ്ടു​പോ​കാ​നും അടക്കാ​നും അവർ ജോലി​ക്കാ​രെ ഉപയോ​ഗി​ച്ചി​രി​ക്കാം. അങ്ങനെ​യാ​ണെ​ങ്കിൽപ്പോ​ലും അവർ ഏറ്റെടു​ത്തതു വലിയ ഒരു ദൗത്യം​ത​ന്നെ​യാണ്‌. ശവശരീ​രത്തെ തൊടുന്ന ഏതൊ​രാ​ളും ഏഴു ദിവസം അശുദ്ധ​നാ​കു​മാ​യി​രു​ന്നു, അവർ സ്‌പർശി​ക്കുന്ന എന്തും അശുദ്ധ​മാ​കു​മാ​യി​രു​ന്നു. (സംഖ്യ 19:11; ഹഗ്ഗാ. 2:13) പെസഹാ​വാ​ര​ത്തിൽ അവർ മറ്റുള്ള​വ​രിൽനിന്ന്‌ മാറി​നിൽക്ക​ണ​മാ​യി​രു​ന്നു, ആചരണ​ങ്ങ​ളും ആഘോ​ഷ​ങ്ങ​ളും അവർക്കു നഷ്ടമാ​കു​മാ​യി​രു​ന്നു. (സംഖ്യ 9:6) ഇതി​നെ​ല്ലാം പുറമേ, കൂടെ​യു​ള്ള​വ​രു​ടെ പരിഹാ​സ​ത്തിന്‌ ഇരയാ​കാ​നുള്ള സാധ്യ​ത​യു​മു​ണ്ടാ​യി​രു​ന്നി​ട്ടും യോ​സേഫ്‌ യേശു​വി​ന്റെ ശവസം​സ്‌കാ​ര​ത്തിന്‌ ഒരുക്കങ്ങൾ ചെയ്‌തു. ഒരു ക്രിസ്‌തു​ശി​ഷ്യ​നാ​യി പരസ്യ​മാ​യി തിരി​ച്ച​റി​യി​ക്കു​ന്ന​തു​കൊണ്ട്‌ ഉണ്ടാ​യേ​ക്കാ​വുന്ന എന്തു ഭവിഷ്യ​ത്തു​കൾ നേരി​ടാ​നും ഈ സമയത്ത്‌ യോ​സേഫ്‌ തയ്യാറാ​യി​രു​ന്നു.

യേശു​വി​ന്റെ ശവസം​സ്‌കാ​ര​ത്തെ​ക്കു​റി​ച്ചുള്ള വിവര​ണ​ങ്ങൾക്കു ശേഷം യോ​സേ​ഫി​നെ​ക്കു​റിച്ച്‌ ബൈബിൾ ഒന്നും പറയു​ന്നില്ല. അദ്ദേഹ​ത്തി​നു പിന്നീട്‌ എന്തു സംഭവി​ച്ചു എന്ന ചോദ്യം ബാക്കി നിൽക്കു​ന്നു. നമുക്ക്‌ അറിയില്ല എന്നതാണ്‌ ഉത്തരം. എങ്കിലും ഇതുവരെ ചർച്ച ചെയ്‌ത കാര്യ​ങ്ങ​ളു​ടെ അടിസ്ഥാ​ന​ത്തിൽ, യോ​സേഫ്‌ ഒരു ക്രിസ്‌ത്യാ​നി​യാ​യി പരസ്യ​മാ​യി തിരി​ച്ച​റി​യി​ച്ചു എന്നുതന്നെ നമുക്കു നിഗമനം ചെയ്യാം. എന്തുത​ന്നെ​യാ​യാ​ലും, പരി​ശോ​ധ​ന​യു​ടെ​യും പ്രതി​സ​ന്ധി​യു​ടെ​യും സമയത്ത്‌ അദ്ദേഹ​ത്തി​ന്റെ വിശ്വാ​സ​വും ധൈര്യ​വും കുറയു​ക​യാ​യി​രു​ന്നില്ല, കൂടി​ക്കൂ​ടി​വ​രു​ക​യാ​യി​രു​ന്ന​ല്ലോ.

യോ​സേ​ഫി​ന്റെ കഥ നമ്മളെ​യെ​ല്ലാം ഇരുത്തി​ച്ചി​ന്തി​പ്പി​ക്കുന്ന ഒരു ചോദ്യം അവശേ​ഷി​പ്പി​ക്കു​ന്നു: ജീവി​ത​ത്തിൽ എന്തിനാണ്‌ ഞാൻ മുഖ്യ​സ്ഥാ​നം കൊടു​ക്കു​ന്നത്‌? തൊഴിൽ, വസ്‌തു​വ​കകൾ, കുടും​ബ​ബ​ന്ധങ്ങൾ, സമൂഹ​ത്തി​ലെ സ്ഥാനം, എന്റെ സ്വാത​ന്ത്ര്യം എന്നിവ​പോ​ലെ എന്തി​നെ​ങ്കി​ലു​മാ​ണോ, അതോ യഹോ​വ​യു​മാ​യുള്ള എന്റെ ബന്ധത്തി​നാ​ണോ?