15. യശയ്യ 60:5,22-ൽ കാണുന്ന വാക്കുകൾ എങ്ങനെ​യാ​ണു നിറ​വേ​റി​യി​രി​ക്കു​ന്നത്‌? (“യഹോ​വ​യാണ്‌ അതു സാധ്യ​മാ​ക്കി​യത്‌” എന്ന ചതുര​വും “‘ചെറി​യവൻ ഒരു മഹാജ​ന​ത​യാ​യി​ത്തീർന്നത്‌’ എങ്ങനെ?” എന്ന ചതുര​വും കാണുക.)

¹⁵ ഈ ആധുനി​ക​കാ​ലത്തെ കൊയ്‌ത്തി​നെ​ക്കു​റി​ച്ചും അതിൽനിന്ന്‌ കിട്ടുന്ന സന്തോ​ഷ​ത്തെ​ക്കു​റി​ച്ചും യശയ്യ പ്രവാ​ച​ക​നി​ലൂ​ടെ യഹോവ മുൻകൂ​ട്ടി​പ്പ​റ​ഞ്ഞി​രു​ന്നു. യേശു ഈ ദൃഷ്ടാ​ന്ത​ക​ഥകൾ പറയു​ന്ന​തിന്‌ ഏകദേശം 800 വർഷം മുമ്പാ​യി​രു​ന്നു യഹോവ അവിസ്‌മ​ര​ണീ​യ​മായ ആ വാക്കുകൾ അറിയി​ച്ചത്‌.c “ദൂരത്തു​നിന്ന്‌” ഉള്ള ആളുകൾ തന്റെ സംഘട​ന​യി​ലേക്ക്‌ ഒഴുകി​വ​രു​ന്ന​താ​യി യഹോവ വിവരി​ക്കു​ന്നു. ഭൂമി​യിൽ ഇന്നു ബാക്കി​യുള്ള അഭിഷി​ക്തർ പ്രതി​നി​ധാ​നം ചെയ്യുന്ന ഒരു ആലങ്കാ​രിക ‘സ്‌ത്രീ​യെ’ സംബോ​ധന ചെയ്‌തു​കൊണ്ട്‌ യഹോവ ഇങ്ങനെ പ്രസ്‌താ​വി​ക്കു​ന്നു: “അതു കാണു​മ്പോൾ നിന്റെ മുഖം തിളങ്ങും, നിന്റെ ഹൃദയം തുടി​ക്കും, അതു നിറഞ്ഞു​ക​വി​യും. കാരണം, സമു​ദ്ര​സ​മ്പത്തു നിന്നി​ലേക്ക്‌ ഒഴുകി​വ​രും; ജനതക​ളു​ടെ സമ്പത്തു നിന്റേ​താ​കും.” (യശ. 60:1, 4, 5, 9) ഇന്ന്‌ ആ വാക്കുകൾ എത്രയോ സത്യമാ​യി​രി​ക്കു​ന്നു! ദീർഘ​കാ​ല​മാ​യി യഹോ​വയെ സേവി​ക്കുന്ന സഹോ​ദ​ര​ങ്ങ​ളു​ടെ മുഖം സന്തോ​ഷം​കൊണ്ട്‌ തിളങ്ങു​ന്നു. കാരണം എന്താ​ണെ​ന്നോ? അവരുടെ ദേശങ്ങ​ളിൽ രാജ്യ​പ്ര​ചാ​ര​ക​രു​ടെ എണ്ണം ഏതാനും പേരിൽനിന്ന്‌ ആയിര​ങ്ങ​ളാ​യി വർധി​ക്കു​ന്നത്‌ അവർ കണ്ണാലെ കണ്ടിരി​ക്കു​ന്നു!