ദൈവ​ത്തി​ന്റെ നിയമിത ന്യായാ​ധി​പ​നാൽ എല്ലാവർക്കും നീതി

“എന്തെന്നാൽ പിതാ​വിന്‌ പുത്ര​നോട്‌ പ്രിയ​മുണ്ട്‌ . . . അവൻ സകല ന്യായ​വി​ധി​യും പുത്രനെ ഭാര​മേൽപ്പി​ച്ചി​രി​ക്കു​ന്നു.”—യോഹ​ന്നാൻ 5:20, 22.

1. ഒന്നാം നൂററാ​ണ്ടിൽ ചിലർ അഭിമു​ഖീ​ക​രി​ച്ച​തി​നോ​ടു സമാന​മായ ചോദ്യ​ങ്ങളെ നിങ്ങൾ അഭിമു​ഖീ​ക​രി​ക്കു​ന്ന​തെ​ങ്ങനെ?

നീതി നിങ്ങൾക്ക്‌ എത്ര പ്രധാ​ന​മാണ്‌? യഥാർത്ഥ നീതി ലഭിക്കു​മെന്ന്‌ ഉറപ്പു​കി​ട്ടാൻ, ഭൂവ്യാ​പ​ക​മാ​യി അതു പ്രബല​പ്പെ​ടു​മ്പോൾ ജീവി​ക്കു​ന്ന​തി​നു​പോ​ലും, നിങ്ങൾ എത്ര ശ്രമം ചെലു​ത്തും? ഗ്രീസ്‌, ആതെൻസി​ലെ ചില പ്രമുഖ സ്‌ത്രീ​പു​രു​ഷൻമാർ ചെയ്‌ത​തു​പോ​ലെ ആ ചോദ്യ​ങ്ങ​ളെ​ക്കു​റി​ച്ചു പരിചി​ന്തി​ക്കാൻ നിങ്ങൾക്കു നിങ്ങ​ളോ​ടു​തന്നെ കടപ്പാ​ടുണ്ട്‌.

2, 3. (എ) പൗലോസ്‌ തന്റെ ആതെൻസി​ലെ ശ്രോ​താ​ക്കളെ അനുത​പി​ക്കാൻ ആഹ്വാ​നം​ചെ​യ്യു​ന്ന​തി​ലേക്കു നയിച്ച​തെ​ന്താ​യി​രു​ന്നു? (ബി) ആ സദസ്സിന്‌ അനുതാ​പം വിചി​ത്ര​മെന്നു തോന്നി​യേ​ക്കാ​വു​ന്ന​തെ​ന്തു​കൊണ്ട്‌?

² അവർ അരയോ​പ​ഗ​സി​ലെ പ്രസിദ്ധ കോട​തി​യോ​ടാ​യുള്ള ക്രിസ്‌തീയ അപ്പോ​സ്‌ത​ല​നായ പൗലോ​സി​ന്റെ ഒരു സ്‌മര​ണാർഹ​മായ പ്രസംഗം കേട്ടു. നമ്മളെ​ല്ലാം നമ്മുടെ ജീവനു​വേണ്ടി കടപ്പെ​ട്ടി​രി​ക്കുന്ന സ്രഷ്ടാ​വായ ഏക ദൈവ​ത്തി​ന്റെ അസ്‌തി​ത്വം സംബന്ധി​ച്ചു അവൻ ആദ്യം ന്യായ​വാ​ദം​ചെ​യ്‌തു. ഇത്‌ നാം ഈ ദൈവ​ത്തോട്‌ കണക്കു​ബോ​ധി​പ്പി​ക്കേ​ണ്ട​വ​രാ​ണെ​ന്നുള്ള യുക്തി​പൂർവ​ക​മായ നിഗമ​ന​ത്തി​ലേക്ക്‌ നയിച്ചു. ഈ ഘട്ടത്തിൽ പൗലോസ്‌ ഇങ്ങനെ പ്രഖ്യാ​പി​ച്ചു: “അങ്ങനെ​യുള്ള അജ്ഞതയു​ടെ [മനുഷ്യ​രു​ടെ വിഗ്ര​ഹാ​രാ​ധ​ന​യു​ടേ​തു​പോ​ലുള്ള] കാലങ്ങളെ ദൈവം അവഗണി​ച്ചി​രി​ക്കു​ന്നു, എന്നിരു​ന്നാ​ലും എല്ലായി​ട​ത്തും എല്ലാവ​രും അനുത​പി​ക്ക​ണ​മെന്ന്‌ അവൻ ഇപ്പോൾ മനുഷ്യ​വർഗ്ഗ​ത്തോ​ടു പറയു​ക​യാ​കു​ന്നു.”—പ്രവൃ​ത്തി​കൾ 17:30.

³ തുറന്നു​പ​റ​ഞ്ഞാൽ, ആ സദസ്സിനെ സംബന്ധി​ച്ചി​ട​ത്തോ​ളം അനുതാ​പം ഞെട്ടി​ക്കുന്ന ഒരു സങ്കല്‌പ​ന​മാ​യി​രി​ക്കു​മാ​യി​രു​ന്നു. എന്തു​കൊണ്ട്‌? പുരാതന ഗ്രീക്കു​കാർ എന്തെങ്കി​ലും പ്രവൃ​ത്തി​യോ പ്രസ്‌താ​വ​ന​യോ സംബന്ധിച്ച്‌ പശ്ചാത്താ​പം തോന്നു​ക​യെന്ന അർത്ഥത്തി​ലാണ്‌ അനുതാ​പത്തെ അറിഞ്ഞി​രു​ന്നത്‌. എന്നിരു​ന്നാ​ലും, ഒരു നിഘണ്ടു ചൂണ്ടി​ക്കാ​ണി​ക്കു​ന്ന​തു​പോ​ലെ, ആ പദം “മൊത്ത​ത്തി​ലുള്ള ധാർമ്മിക മനോ​ഭാ​വ​ത്തി​ലെ ഒരു മാററത്തെ, ജീവി​ത​ദി​ശ​യി​ലെ ഒരു വമ്പിച്ച മാററത്തെ, നടത്തയെ മുഴുവൻ ബാധി​ക്കുന്ന ഒരു പരിവർത്ത​നത്തെ, ഒരിക്ക​ലും സൂചി​പ്പി​ച്ചി​രു​ന്നില്ല.”

4. അനുതാ​പ​ത്തെ​ക്കു​റി​ച്ചുള്ള പൗലോ​സി​ന്റെ പ്രസ്‌താ​വന ഏതു യുക്തി​യാൽ പിന്താ​ങ്ങ​പ്പെട്ടു?

⁴ എന്നിരു​ന്നാ​ലും, അത്തരം വമ്പിച്ച മാററം ഉചിത​മാ​യി​രി​ക്കു​ന്ന​തെ​ന്തു​കൊ​ണ്ടെന്ന്‌ നിങ്ങൾക്കു കാണാൻ കഴിയു​മെ​ന്നു​ള്ള​തി​നു സംശയ​മില്ല. പൗലോ​സി​ന്റെ യുക്തി പിന്തു​ട​രുക. സകല മനുഷ്യ​രും ജീവന്‌ ദൈവ​ത്തോ​ടു കടപ്പെ​ട്ടി​രി​ക്കു​ന്നു. അതു​കൊണ്ട്‌ സകലരും അവനോ​ടു കണക്കു​ബോ​ധി​പ്പി​ക്കേ​ണ്ട​വ​രാണ്‌. അതു​കൊണ്ട്‌ മനുഷ്യർ അവനെ അന്വേ​ഷി​ക്കാൻ, അവനെ​ക്കു​റി​ച്ചുള്ള അറിവു​നേ​ടാൻ, പ്രതീ​ക്ഷി​ക്കു​ന്നത്‌ ഉചിത​വും ന്യായ​വും മാത്ര​മാണ്‌. ആ ആതെൻസു​കാർക്ക്‌ അവന്റെ തത്വങ്ങ​ളും ഇഷ്ടവും അറിയാൻപാ​ടി​ല്ലെ​ങ്കിൽ അവർ ആ കാര്യങ്ങൾ പഠിക്കു​ക​യും അനന്തരം അവയോ​ടു തങ്ങളുടെ ജീവി​തത്തെ ചേർച്ച​യിൽ വരുത്താൻ അനുത​പി​ക്കു​ക​യും വേണം. അങ്ങനെ ചെയ്യു​ന്നത്‌ എത്ര സൗകര്യ​പ്ര​ദ​മാ​ണെ​ന്നു​ള്ള​തി​നെ അത്‌ ആശ്രയി​ച്ചി​രി​ക്കു​ന്നില്ല. പൗലോ​സി​ന്റെ പ്രബല​മായ പരകോ​ടി​യിൽനിന്ന്‌ എന്തു​കൊ​ണ്ടെന്ന്‌ നമുക്കു കാണാൻ കഴിയും: “എന്തു​കൊ​ണ്ടെ​ന്നാൽ താൻ നിയമി​ച്ചി​രി​ക്കുന്ന ഒരു മനുഷ്യൻ മുഖാ​ന്തരം നിവസിത ഭൂമിയെ നീതി​യിൽ ന്യായം വിധി​ക്കാൻ അവൻ ഉദ്ദേശി​ക്കുന്ന ഒരു ദിവസം അവൻ നിശ്ചയി​ച്ചി​രി​ക്കു​ന്നു, അവനെ അവൻ മരിച്ച​വ​രിൽനിന്ന്‌ ഉയർപ്പി​ച്ചി​രി​ക്കു​ന്ന​തി​നാൽ സകല മനുഷ്യർക്കും അവൻ ഒരു ഉറപ്പു കൊടു​ത്തി​രി​ക്കു​ന്നു.”—പ്രവൃ​ത്തി​കൾ 17:31.

5. സദസ്യർ പൗലോ​സി​ന്റെ പ്രസം​ഗ​ത്തോ​ടു പ്രതി​ക​രി​ച്ച​തെ​ങ്ങനെ, എന്തു​കൊണ്ട്‌?

⁵ വളരെ അർത്ഥസ​മ്പു​ഷ്ട​വും വിശ്വാ​സ​യോ​ഗ്യ​വു​മായ ആ വാക്കുകൾ നമ്മുടെ ശ്രദ്ധാ​പൂർവ​ക​മായ പരി​ശോ​ധന അർഹി​ക്കു​ന്നു. എന്തു​കൊ​ണ്ടെ​ന്നാൽ അത്‌ നമ്മുടെ കാലത്ത്‌ പൂർണ്ണ​നീ​തി ലഭിക്കു​ന്ന​തി​നുള്ള പ്രത്യാശ ഉണർത്തു​ന്നു. “ഒരു ദിവസം നിശ്ചയി​ച്ചി​രി​ക്കു​ന്നു,” “നിവസിത ഭൂമിയെ ന്യായം​വി​ധി​ക്കാൻ,” “താൻ നിയമി​ച്ചി​രി​ക്കുന്ന ഒരു മനുഷ്യൻ മുഖാ​ന്തരം,” “ഒരു ഉറപ്പു നൽകി​യി​രി​ക്കു​ന്നു,” “അവനെ ഉയർപ്പി​ച്ചി​രി​ക്കു​ന്നു” എന്നിങ്ങ​നെ​യുള്ള പദപ്ര​യോ​ഗങ്ങൾ ശ്രദ്ധി​ക്കുക. “അവനെ ഉയർപ്പി​ച്ചു” എന്ന ആ വാക്കുകൾ പൗലോ​സി​ന്റെ സദസ്സിൽനിന്ന്‌ ശക്തമായ ഒരു പ്രതി​ക​രണം വരുത്തി​ക്കൂ​ട്ടി. 32-34 വരെയുള്ള വാക്യങ്ങൾ പ്രകട​മാ​ക്കു​ന്ന​തു​പോ​ലെ, ചിലർ പരിഹ​സി​ച്ചു. മററു ചിലർ ചർച്ച നിർത്തി​പ്പി​രി​ഞ്ഞു. ഏതായാ​ലും, ചുരുക്കം ചിലർ അനുതാ​പ​മുള്ള വിശ്വാ​സി​ക​ളാ​യി​ത്തീർന്നു. എന്നിരു​ന്നാ​ലും, നമുക്ക്‌ ആതെൻസി​ലെ ആ സദസ്സിലെ ഭൂരി​പ​ക്ഷ​ത്തെ​ക്കാ​ളും ബുദ്ധി​യു​ള്ള​വ​രാ​യി​രി​ക്കാം, എന്തു​കൊ​ണ്ടെ​ന്നാൽ യഥാർത്ഥ നീതി​ക്കു​വേണ്ടി നാം കാംക്ഷി​ക്കു​ന്നു​വെ​ങ്കിൽ ഇത്‌ അത്യന്തം പ്രധാ​ന​മാണ്‌. 31-ാം വാക്യ​ത്തി​ന്റെ ഏറിയ അർത്ഥവും കിട്ടു​ന്ന​തിന്‌ “നിവസിത ഭൂമിയെ ന്യായം​വി​ധി​ക്കാൻ അവൻ ഉദ്ദേശി​ക്കു​ന്നു”വെന്ന പദപ്ര​യോ​ഗം ആദ്യം​തന്നെ കാണുക. ആ “അവൻ” ആരാണ്‌? അവന്റെ നിലവാ​രങ്ങൾ എന്താണ്‌, വിശേ​ഷിച്ച്‌ നീതി സംബന്ധിച്ച്‌?

6. ഭൂമിയെ ന്യായം വിധി​ക്കു​ന്ന​തിന്‌ ഒരു ദിവസം നിശ്ചയി​ച്ചി​രി​ക്കു​ന്ന​വ​നെ​ക്കു​റിച്ച്‌ നമു​ക്കെ​ങ്ങനെ പഠിക്കാൻ കഴിയും?

⁶ ശരി, പൗലോസ്‌ പരാമർശി​ച്ചത്‌ ആരെയാ​ണെന്ന്‌ പ്രവൃ​ത്തി​കൾ 17:30 പ്രകട​മാ​ക്കു​ന്നു—അനുത​പി​ക്കാൻ എല്ലാവ​രോ​ടും പറയുന്ന നമ്മുടെ ജീവദാ​താ​വും സ്രഷ്ടാ​വു​മായ ദൈവത്തെ തന്നെ. സ്വാഭാ​വി​ക​മാ​യി, ദൈവ​ത്തി​ന്റെ സൃഷ്ടി​ക്രി​യ​ക​ളിൽനിന്ന്‌ നമുക്ക്‌ ദൈവത്തെ സംബന്ധിച്ച്‌ വളരെ​യ​ധി​കം കണ്ടുപി​ടി​ക്കാൻ കഴിയും. എന്നാൽ അവന്റെ നീതി​യു​ടെ നിലവാ​രം മറെറാ​രു ഉറവായ ബൈബി​ളിൽനിന്ന്‌ വിശേ​ഷാൽ തെളി​യു​ന്നു. അതിൽ മോശ​യെ​പ്പോ​ലുള്ള മനുഷ്യ​രു​മാ​യുള്ള അവന്റെ ഇടപെ​ട​ലു​ക​ളു​ടെ​യും ഇസ്രാ​യേ​ലി​നു​വേ​ണ്ടി​യുള്ള ദൈവ​നി​യ​മ​ങ്ങ​ളു​ടെ​യും രേഖ അടങ്ങി​യി​രി​ക്കു​ന്നു.

ഏതു തരം ന്യായം​വി​ധി​ക്ക​ലും നീതി​യും?

7. യഹോ​വ​യേ​യും നീതി​യെ​യും​കു​റിച്ച്‌ മോശ എന്തു സാക്ഷ്യം നൽകുന്നു?

⁷ മോശക്ക്‌ ദശാബ്ദ​ങ്ങ​ളിൽ യഹോ​വ​യാം ദൈവ​വു​മാ​യി അടുത്ത ഇടപെ​ട​ലു​ക​ളു​ണ്ടാ​യി​രു​ന്നു​വെന്ന്‌ നിങ്ങൾക്ക്‌ അറിയാ​മാ​യി​രി​ക്കാം. അതു വളരെ അടുത്ത​താ​യി​രു​ന്ന​തു​കൊണ്ട്‌ താൻ മോശ​യോട്‌ “മുഖാ​മു​ഖം” സംസാ​രി​ച്ചു​വെന്ന്‌ ദൈവം പറഞ്ഞു. (സംഖ്യാ​പു​സ്‌തകം 12:8) യഹോവ തന്നോട്‌ എങ്ങനെ പെരു​മാ​റി​യെ​ന്നും മററു മനുഷ്യ​രോ​ടും മുഴു ജനതക​ളോ​ടും എങ്ങനെ ഇടപെ​ട്ടി​രു​ന്നു​വെ​ന്നും മോശക്ക്‌ അറിയാ​മാ​യി​രു​ന്നു. തന്റെ ജീവി​ത​ത്തി​ന്റെ അവസാ​ന​ത്തോ​ട​ടുത്ത്‌ മോശ ഉറപ്പു​നൽകുന്ന ഈ വർണ്ണന നൽകി: “പാറ, അവന്റെ പ്രവർത്തനം പൂർണ്ണ​മാ​കു​ന്നു, എന്തു​കൊ​ണ്ടെ​ന്നാൽ അവന്റെ വഴിക​ളൊ​ക്കെ​യും നീതി​യാ​കു​ന്നു. വിശ്വ​സ്‌ത​ത​യുള്ള ഒരു ദൈവം, അവനിൽ അനീതി​യില്ല; അവൻ നീതി​യും നേരു​മു​ള്ള​വ​നാ​കു​ന്നു.”—ആവർത്തനം 32:4.

8. നീതി​യു​ടെ സംഗതി സംബന്ധിച്ച്‌ എലീഹു പറഞ്ഞത്‌ നാം ശ്രദ്ധി​ക്കേ​ണ്ട​തെ​ന്തു​കൊണ്ട്‌?

⁸ തന്റെ ജ്ഞാനത്തി​നും ഗ്രാഹ്യ​ത്തി​നും പ്രസി​ദ്ധ​നാ​യി​രുന്ന എലീഹു എന്ന മമനു​ഷ്യ​ന്റെ സാക്ഷ്യ​വും പരിചി​ന്തി​ക്കുക. അവൻ ധൃതഗ​തി​യിൽ നിഗമ​ന​ങ്ങ​ളി​ലെ​ത്തുന്ന ഒരു മനുഷ്യ​ന​ല്ലെന്ന്‌ നിങ്ങൾക്ക്‌ ഉറപ്പു​ണ്ടാ​യി​രി​ക്കാൻ കഴിയും. മറിച്ച്‌, ഒരു സന്ദർഭ​ത്തിൽ അവൻ രണ്ടു പക്ഷങ്ങളിൽനി​ന്നു​മുള്ള നീണ്ട വാദങ്ങൾ ശ്രദ്ധി​ച്ചു​കൊണ്ട്‌ ഒരാഴ്‌ച​യി​ല​ധി​കം ഇരുന്നു. ഇപ്പോൾ, എലീഹു​വി​ന്റെ സ്വന്തം അനുഭ​വ​ത്തിൽനി​ന്നും ദൈവ​വ​ഴി​ക​ളെ​ക്കു​റി​ച്ചുള്ള അവന്റെ പഠനത്തിൽനി​ന്നും അവൻ ദൈവത്തെ സംബന്ധിച്ച്‌ എന്ത്‌ നിഗമ​ന​ത്തി​ലെത്തി? അവൻ ഇങ്ങനെ പ്രഖ്യാ​പി​ച്ചു: “അതു​കൊണ്ട്‌, ഹൃദയ​മുള്ള മനുഷ്യ​രേ, എന്നെ ശ്രദ്ധി​ക്കുക. സത്യ​ദൈവം അശേഷം ദുഷ്ടമാ​യി പ്രവർത്തി​ക്കു​ക​യില്ല, സർവശക്തൻ അന്യാ​യ​മാ​യി പ്രവർത്തി​ക്കു​ക​യില്ല! എന്തു​കൊ​ണ്ടെ​ന്നാൽ ഭൗമിക മനുഷ്യൻ പ്രവർത്തി​ക്കുന്ന വിധമ​നു​സ​രിച്ച്‌ അവൻ അവനു പ്രതി​ഫലം കൊടു​ക്കും, മമനു​ഷ്യ​ന്റെ പാത അനുസ​രിച്ച്‌ അവൻ അവന്റെ​മേൽ വരുത്തും. അതെ, ദൈവം​തന്നെ ദുഷ്ടമാ​യി പ്രവർത്തി​ക്കു​ന്നില്ല, സർവശ​ക്തൻതന്നെ ന്യായം മറിച്ചു​ക​ള​യു​ന്നില്ല.”—ഇയ്യോബ്‌ 34:10-12.

9, 10. മനുഷ്യ​ന്യാ​യാ​ധി​പൻമാർക്കാ​യുള്ള ദൈവ​ത്തി​ന്റെ നിലവാ​രങ്ങൾ നമ്മെ പ്രോൽസാ​ഹി​പ്പി​ക്കേ​ണ്ട​തെ​ന്തു​കൊണ്ട്‌? (ലേവ്യ​പു​സ്‌തകം 19:15)

⁹ നിങ്ങ​ളോ​ടു​തന്നെ ചോദി​ക്കുക: ഒരു ന്യായാ​ധി​പനെ സംബന്ധിച്ച്‌ നാം ആഗ്രഹി​ക്കു​ന്ന​തി​നെ അതു പൂർണ്ണ​മാ​യി വർണ്ണി​ക്കു​ന്നി​ല്ലേ? പക്ഷപാ​തി​ത്വം കൂടാതെ, അഥവാ ന്യായം​മ​റി​ച്ചു​ക​ള​യാ​തെ, ഓരോ വ്യക്തി​യു​ടെ​യും പ്രവർത്ത​നങ്ങൾ അഥവാ പ്രവൃ​ത്തി​ക​ള​നു​സ​രിച്ച്‌ ഓരോ വ്യക്തി​യോ​ടും ഇടപെ​ട​ണ​മെ​ന്നു​തന്നെ. നിങ്ങൾ ഒരു മനുഷ്യ​ന്യാ​യാ​ധി​പനെ അഭിമു​ഖീ​ക​രി​ക്കേ​ണ്ടി​യി​രി​ക്കു​ന്നു​വെ​ങ്കിൽ അയാൾ അതു​പോ​ലെ​യാ​ണെ​ങ്കിൽ നിങ്ങൾക്ക്‌ ആശ്വാസം തോന്നു​ക​യി​ല്ലേ?

¹⁰ ബൈബിൾ യഹോ​വയെ “സർവഭൂ​മി​യു​ടെ​യും ന്യായാ​ധി​പൻ” എന്ന്‌ പരാമർശി​ക്കു​ന്നു. (ഉല്‌പത്തി 18:25) എന്നിരു​ന്നാ​ലും, അവൻ ചില​പ്പോൾ മാനു​ഷ​ന്യാ​യാ​ധി​പൻമാ​രെ ഉപയോ​ഗി​ച്ചി​ട്ടുണ്ട്‌. തന്നെ പ്രതി​നി​ധാ​നം​ചെയ്‌ത ഇസ്രാ​യേല്യ ന്യായാ​ധി​പൻമാ​രിൽനിന്ന്‌ അവൻ എന്തു പ്രതീ​ക്ഷി​ച്ചി​രു​ന്നു? ആവർത്തനം 16:19, 20-ൽ നാം ദൈവ​ത്തി​ന്റെ നിർദ്ദേ​ശങ്ങൾ വായി​ക്കു​ന്നു, അത്‌ ന്യായാ​ധി​പൻമാർക്കാ​യുള്ള ഒരു യോഗ്യ​താ​വർണ്ണന യാണ്‌: “നിങ്ങൾ ന്യായം മറിച്ചു​ക​ള​യ​രുത്‌. നിങ്ങൾ പക്ഷപാ​തി​ത്വം കാട്ടു​ക​യോ കൈക്കൂ​ലി വാങ്ങു​ക​യോ ചെയ്യരുത്‌, എന്തു​കൊ​ണ്ടെ​ന്നാൽ കൈക്കൂ​ലി ജ്ഞാനി​ക​ളു​ടെ കണ്ണുകളെ കുരു​ടാ​ക്കു​ക​യും നീതി​മാൻമാ​രു​ടെ വാക്കു​കളെ വളച്ചൊ​ടി​ക്കു​ക​യും ചെയ്യുന്നു. നിങ്ങൾ ജീവി​ച്ചി​രി​ക്കേ​ണ്ട​തിന്‌ നീതി—നീതി​തന്നെ നിങ്ങൾ പിന്തു​ട​രണം.” നീതിയെ ചിത്രീ​ക​രി​ക്കുന്ന ആധുനിക പ്രതി​മകൾ നിഷ്‌പ​ക്ഷ​തയെ സൂചി​പ്പി​ക്കാൻ അവളെ കണ്ണു​കെ​ട്ടി​യി​രി​ക്കു​ന്ന​താ​യി ആശയോ​ടെ ചിത്രീ​ക​രി​ച്ചേ​ക്കാം, എന്നാൽ ദൈവം അതിന​തീ​ത​മാ​യി പോയ​താ​യി നിങ്ങൾക്കു കാണാൻ കഴിയും. തന്നെ പ്രതി​നി​ധാ​നം​ചെ​യ്‌ത്‌ തന്റെ നിയമങ്ങൾ നടപ്പി​ലാ​ക്കേ​ണ്ടി​യി​രുന്ന മനുഷ്യ​ന്യാ​യാ​ധി​പൻമാ​രിൽനിന്ന്‌ അവൻ യഥാർത്ഥ​ത്തിൽ അത്തരം നിഷ്‌പക്ഷത ആവശ്യ​പ്പെട്ടു.

11. നീതി​യെ​സം​ബ​ന്ധിച്ച ഈ ബൈബിൾപ​ര​മായ വിവരം പുനര​വ​ലോ​ക​നം​ചെ​യ്യു​ന്ന​തിൽനിന്ന്‌ നമുക്ക്‌ എന്തു നിഗമ​നം​ചെ​യ്യാൻ കഴിയും?

¹¹ നീതിയെ സംബന്ധിച്ച ദൈവ​ത്തി​ന്റെ വീക്ഷണ​ത്തി​ന്റെ ഈ വിശദാം​ശ​ങ്ങൾക്ക്‌ പൗലോ​സി​ന്റെ പ്രസം​ഗ​ത്തി​ന്റെ പരകോ​ടി​യോ​ടു നേരിട്ടു ബന്ധമുണ്ട്‌. പ്രവൃ​ത്തി​കൾ 17:31-ൽ ദൈവം “നിവസിത ഭൂമിയെ നീതി​യിൽ ന്യായം വിധി​ക്കാൻ ഉദ്ദേശി​ക്കുന്ന ഒരു ദിവസം നിശ്ചയി​ച്ചു”വെന്ന്‌ പൗലോസ്‌ പ്രഖ്യാ​പി​ച്ചു. അതാണ്‌ കൃത്യ​മാ​യി നമുക്കു ദൈവ​ത്തിൽനി​ന്നു പ്രതീ​ക്ഷി​ക്കാൻ കഴിയു​ന്നത്‌—ന്യായം, നീതി, നിഷ്‌പക്ഷത. എന്നാലും, 31-ാം വാക്യ​മ​നു​സ​രിച്ച്‌ ദൈവം സകല മനുഷ്യ​രെ​യും ന്യായം​വി​ധി​ക്കാൻ “ഒരു മനുഷ്യ​നെ” ഉപയോ​ഗി​ക്കാൻപോ​കു​ന്ന​തു​കൊണ്ട്‌ ചിലർ ഉൽക്കണ്‌ഠ​പ്പെ​ട്ടേ​ക്കാം. ആ “മനുഷ്യൻ” ആരാണ്‌? അവൻ ദൈവ​ത്തി​ന്റെ സമുന്നത നീതി​പ്ര​മാ​ണ​ത്തോട്‌ പററി​നിൽക്കു​മെന്ന്‌ നമു​ക്കെ​ന്തു​റ​പ്പുണ്ട്‌?

12, 13. ന്യായ​വി​ധി​ന​ട​ത്തു​ന്ന​തിന്‌ ദൈവം ഉപയോ​ഗി​ക്കു​ന്നത്‌ ഏതു “മനുഷ്യ​നെ”യാണെന്ന്‌ നാം എങ്ങനെ അറിയു​ന്നു?

¹² പൗലോസ്‌ “യേശു​വി​നെ​യും പുനരു​ത്ഥാ​ന​ത്തെ​യും കുറി​ച്ചുള്ള സുവാർത്ത ഘോഷി​ക്കു​ക​യാ​യി​രു​ന്നു”വെന്ന്‌ പ്രവൃ​ത്തി​കൾ 17:18 നമ്മോടു പറയുന്നു. അതു​കൊണ്ട്‌ ‘താൻ നിയമി​ച്ചി​രി​ക്കുന്ന മനുഷ്യൻ മുഖാ​ന്തരം നിവസി​ത​ഭൂ​മി​യെ ദൈവം നീതി​യിൽ ന്യായം​വി​ധി​ക്കു​മെ​ന്നും ദൈവം അവനെ മരിച്ച​വ​രിൽനിന്ന്‌ ഉയർപ്പി​ച്ചു​വെ​ന്നും’ പൗലോസ്‌ പറഞ്ഞ​പ്പോൾ അവൻ യേശു​ക്രി​സ്‌തു​വി​നെ​യാണ്‌ അർത്ഥമാ​ക്കി​യ​തെന്ന്‌ അവന്റെ പ്രസം​ഗ​ത്തി​ന്റെ ഒടുവിൽ സദസ്സ്‌ അറിഞ്ഞു.

¹³ ദിവ്യ നിലവാ​ര​ത്തി​ലെ​ത്തിയ ഒരു ന്യായാ​ധി​പ​നെന്ന നിലയിൽ തന്നെ ദൈവം നിയമി​ച്ചി​രു​ന്ന​താ​യി യേശു സമ്മതി​ച്ചു​പ​റഞ്ഞു. യോഹ​ന്നാൻ 5:22-ൽ അവൻ പറഞ്ഞു: “എന്തെന്നാൽ പിതാവ്‌ ആരെയും ന്യായം​വി​ധി​ക്കു​ന്നില്ല, എന്നാൽ അവൻ സകല ന്യായ​വി​ധി​യും പുത്രനെ ഭരമേൽപ്പി​ച്ചി​രി​ക്കു​ന്നു.” സ്‌മാ​ര​ക​ക്ക​ല്ല​റ​ക​ളി​ലു​ള്ള​വ​രു​ടെ ഒരു വരാനി​രി​ക്കുന്ന പുനരു​ത്ഥാ​ന​ത്തെ​ക്കു​റിച്ച്‌ പറഞ്ഞ​ശേഷം യേശു ഇങ്ങനെ കൂട്ടി​ച്ചേർത്തു: “സ്വന്തമാ​യി മുൻകൈ എടുത്ത്‌ എനിക്ക്‌ യാതൊ​ന്നും ചെയ്യാൻ കഴിക​യില്ല; ഞാൻ കേൾക്കു​ന്ന​തു​പോ​ലെ​തന്നെ ഞാൻ ന്യായം വിധി​ക്കു​ന്നു; ഞാൻ നടത്തുന്ന ന്യായ​വി​ധി നീതി​നി​ഷ്‌ഠ​മാണ്‌, എന്തു​കൊ​ണ്ടെ​ന്നാൽ ഞാൻ എന്റെ സ്വന്തം ഇഷ്ടമല്ല, എന്നെ അയച്ചവന്റെ ഇഷ്ടമാണ്‌ അന്വേ​ഷി​ക്കു​ന്നത്‌.”—യോഹ​ന്നാൻ 5:30; സങ്കീർത്തനം 72:2-7.

14. യേശു​വിൽനിന്ന്‌ നമുക്ക്‌ ഏതു തരം പെരു​മാ​ററം പ്രതീ​ക്ഷി​ക്കാൻ കഴിയും?

¹⁴ ഈ ഉറപ്പ്‌ നാം പ്രവൃ​ത്തി​കൾ 17:31-ൽ വായി​ക്കു​ന്ന​തി​നോട്‌ എത്ര നന്നായി യോജി​ക്കു​ന്നു! അവിടെ പുത്രൻ “നിവസിത ഭൂമിയെ നീതി​യിൽ ന്യായം​വി​ധി​ക്കു”മെന്ന്‌ പൗലോ​സും ഉറപ്പു​നൽകി. അത്‌ തീർച്ച​യാ​യും കർക്കശ​മോ അയവി​ല്ലാ​ത്ത​തോ നിർവി​കാ​ര​മൊ ആയ നീതിയെ സൂചി​പ്പി​ക്കു​ന്നില്ല, ഉണ്ടോ? എന്നാൽ നീതി​യുള്ള ന്യായ​വി​ധി​യിൽ ന്യായത്തെ കരുണ​കൊ​ണ്ടും വിവേ​കം​കൊ​ണ്ടും മയപ്പെ​ടു​ത്തു​ന്നത്‌ ഉൾപ്പെ​ടു​ന്നു. നമുക്കിത്‌ അവഗണി​ക്കാ​തി​രി​ക്കാം: യേശു ഇപ്പോൾ സ്വർഗ്ഗ​ത്തി​ലാ​ണെ​ങ്കി​ലും അവൻ ഒരു മനുഷ്യ​നാ​യി​രു​ന്നു. അതു​കൊണ്ട്‌ അവന്‌ സഹാനു​ഭാ​വ​മു​ണ്ടാ​യി​രി​ക്കാൻ കഴിയും. യേശു​വി​നെ ഒരു മഹാപു​രോ​ഹി​ത​നാ​യി വർണ്ണി​ക്കു​മ്പോൾ എബ്രായർ 4:15, 16-ൽ പൗലോസ്‌ ഇതിനെ സ്‌പർശി​ക്കു​ന്നു.

15. യേശു മനുഷ്യ​ന്യാ​യാ​ധി​പൻമാ​രിൽനിന്ന്‌ എങ്ങനെ വ്യത്യാ​സ​പ്പെ​ട്ടി​രി​ക്കു​ന്നു?

¹⁵ നാം എബ്രായർ 4:15, 16 വായി​ക്കു​മ്പോൾ ന്യായാ​ധി​പ​നെന്ന നിലയിൽ യേശു ഉള്ളതു​കൊണ്ട്‌ നമുക്ക്‌ അനുഭ​വ​പ്പെ​ടേണ്ട ആശ്വാ​സ​ത്തെ​ക്കു​റി​ച്ചു ചിന്തി​ക്കുക: “എന്തെന്നാൽ നമ്മുടെ ദൗർബ​ല്യ​ങ്ങ​ളിൽ സഹതപി​ക്കാൻ കഴിയാത്ത ഒരുവനല്ല, പിന്നെ​യോ പാപം​കൂ​ടാ​തെ എല്ലാ വിധത്തി​ലും നമ്മേ​പ്പോ​ലെ പരി​ശോ​ധി​ക്ക​പ്പെട്ട ഒരുവ​നാണ്‌ മഹാപു​രോ​ഹി​ത​നെന്ന [ന്യായാ​ധി​പ​നും] നിലയിൽ നമുക്കു​ള്ളത്‌. അതു​കൊണ്ട്‌ നമുക്ക്‌ കരുണ ലഭി​ക്കേ​ണ്ട​തി​നും തക്ക സമയത്ത്‌ സഹായ​ത്തി​നാ​യി അനർഹദയ കണ്ടെ​ത്തേ​ണ്ട​തി​നും നമുക്ക്‌ സംസാ​ര​സ്വാ​ത​ന്ത്ര്യ​ത്തോ​ടെ അനർഹ​ദ​യ​യു​ടെ സിംഹാ​സ​നത്തെ സമീപി​ക്കാം.” ഇക്കാലത്തെ കോട​തി​മു​റി​ക​ളിൽ ന്യായാ​ധി​പന്റെ മുമ്പാകെ വരുത്ത​പ്പെ​ടു​ന്നത്‌ മിക്ക​പ്പോ​ഴും പേടി​പ്പെ​ടു​ത്തുന്ന അനുഭ​വ​മാണ്‌. എന്നിരു​ന്നാ​ലും, ന്യായാ​ധി​പ​നായ ക്രിസ്‌തു​വി​ന്റെ കാര്യ​ത്തിൽ ‘കരുണ​യും അനർഹ​ദ​യ​യും തക്ക സമയത്തെ സഹായ​വും കണ്ടെ​ത്തേ​ണ്ട​തിന്‌ സംസാ​ര​സ്വാ​ത​ന്ത്ര്യ​ത്തോ​ടെ സമീപി​ക്കാൻ കഴിയും.’ എന്നിരു​ന്നാ​ലും, സമയം സംബന്ധിച്ച്‌ ‘യേശു എപ്പോൾ മനുഷ്യ​വർഗ്ഗത്തെ നീതി​യിൽ ന്യായം വിധി​ക്കും?’ എന്ന്‌ ചോദി​ക്കാൻ നിങ്ങൾക്ക്‌ നല്ല കാരണ​മുണ്ട്‌.

ന്യായം വിധി​ക്കു​ന്ന​തിന്‌ “ഒരു ദിവസം”—എപ്പോൾ?

16, 17. സ്വർഗ്ഗ​ത്തിൽനി​ന്നുള്ള ന്യായ​വി​ധി ഇപ്പോൾ നടന്നു​കൊ​ണ്ടി​രി​ക്കു​ന്നു​വെന്ന്‌ നാം എങ്ങനെ അറിയു​ന്നു?

¹⁶ തന്റെ നിയമിത ന്യായാ​ധി​പൻ മുഖാ​ന്തരം ലോകത്തെ ന്യായം​വി​ധി​ക്കാൻ ദൈവം “ഒരു ദിവസം” നിശ്ചയി​ച്ചി​രി​ക്കു​ന്നു എന്ന്‌ പൗലോസ്‌ പറഞ്ഞു​വെ​ന്നോർക്കുക. ആ ന്യായ​വി​ധി“ദിവസ”ത്തിന്റെ പ്രതീ​ക്ഷ​യിൽ യേശു ഇന്ന്‌, അതെ, ഇപ്പോൾത്തന്നെ, മർമ്മ​പ്ര​ധാ​ന​മായ ഒരു വിധി​ക്കൽപ്ര​വർത്തനം നടത്തി​ക്കൊ​ണ്ടി​രി​ക്കു​ക​യാണ്‌. നമുക്കതു പറയാൻക​ഴി​യു​ന്ന​തെ​ന്തു​കൊ​ണ്ടാണ്‌? അവൻ അറസ്‌റ​റു​ചെ​യ്യ​പ്പെ​ടു​ക​യും അന്യാ​യ​മാ​യി മരണത്തി​നു കുററം വിധി​ക്ക​പ്പെ​ടു​ക​യും ചെയ്‌ത​തി​നു കുറച്ചു​നാൾ മുമ്പ്‌ യേശു നമ്മുടെ നാൾ ഉൾപ്പെ​ടുന്ന ഒരു ചരി​ത്ര​പ്ര​ധാ​ന​മായ പ്രവചനം നൽകു​ക​യു​ണ്ടാ​യി. മത്തായി 24-ാം അദ്ധ്യാ​യ​ത്തി​ലാണ്‌ നാം അതു കാണു​ന്നത്‌. യേശു “വ്യവസ്ഥി​തി​യു​ടെ സമാപനം” എന്നു വിളി​ക്ക​പ്പെ​ടുന്ന ഒരു കാലഘ​ട്ടത്തെ അടയാ​ള​പ്പെ​ടു​ത്തുന്ന ലോക​സം​ഭ​വ​ങ്ങളെ വർണ്ണിച്ചു. ഒന്നാം ലോക​മ​ഹാ​യു​ദ്ധ​ത്തി​നു​ശേഷം ഭൂവ്യാ​പ​ക​മാ​യി സംഭവി​ച്ചി​രി​ക്കുന്ന യുദ്ധങ്ങ​ളും ഭക്ഷ്യദൗർല​ഭ്യ​ങ്ങ​ളും ഭൂകമ്പ​ങ്ങ​ളും മററ്‌ അരിഷ്ട​ത​ക​ളും യേശു​വി​ന്റെ പ്രവചനം ഇപ്പോൾ നിവർത്തി​ച്ചു​കൊ​ണ്ടി​രി​ക്കു​ന്നു​വെ​ന്നും താമസി​യാ​തെ “അവസാ​നം​വരു”മെന്നും തെളി​യി​ക്കു​ന്നു. (മത്തായി 24:3-14) ഇത്‌ യഹോ​വ​യു​ടെ സാക്ഷികൾ ദശാബ്ദ​ങ്ങ​ളാ​യി ബൈബി​ളിൽനിന്ന്‌ വിശദീ​ക​രി​ച്ചു​കൊ​ണ്ടാ​ണി​രി​ക്കു​ന്നത്‌. നാം ഈ അന്യാ​യ​വ്യ​വ​സ്ഥി​തി​യു​ടെ അന്ത്യനാളുകളിലാണെന്നറിയുന്നതെന്തുകൊണ്ടെന്ന്‌ കൂടുതൽ തെളിവ്‌ ആഗ്രഹി​ക്കു​ന്നു​വെ​ങ്കിൽ യഹോ​വ​യു​ടെ സാക്ഷി​കൾക്ക്‌ അതു നൽകാൻ കഴിയും.

¹⁷ എന്നാൽ മത്തായി 25-ാം അദ്ധ്യാ​യ​ത്തി​ന്റെ ഒടുവി​ലത്തെ പകുതി പരി​ശോ​ധി​ക്കുക. അത്‌ അന്ത്യനാ​ളു​കളെ സംബന്ധിച്ച യേശു​വി​ന്റെ പ്രവച​ന​ത്തി​ന്റെ ഭാഗമാണ്‌. മത്തായി 25:31, 32 നമ്മുടെ കാലത്ത്‌ ബാധക​മാ​കു​ന്നു: “മനുഷ്യ​പു​ത്രൻ സകല ദൂതൻമാ​രു​മാ​യി തന്റെ മഹത്വ​ത്തിൽ വന്നെത്തു​മ്പോൾ അവൻ തന്റെ മഹത്വ​മുള്ള സിംഹാ​സ​ന​ത്തിൽ [സ്വർഗ്ഗ​ത്തിൽ] ഇരിക്കും. സകല ജനതക​ളും അവന്റെ മുമ്പിൽ കൂട്ട​പ്പെ​ടും, ഒരു ഇടയൻ ചെമ്മരി​യാ​ടു​കളെ കോലാ​ടു​ക​ളിൽനിന്ന്‌ വേർതി​രി​ക്കു​ന്ന​തു​പോ​ലെ അവൻ ജനത്തെ തമ്മിൽ തമ്മിൽ വേർതി​രി​ക്കും.” ഇപ്പോൾ യേശു തന്റെ വേർതി​രി​ക്ക​ലി​ന്റെ അഥവാ ന്യായ​വി​ധി​വേ​ല​യു​ടെ പരിണ​ത​ഫ​ല​ത്തെ​ക്കു​റി​ച്ചു പറയുന്ന അവസാ​ന​ഭാ​ഗം കാണുക. 46-ാം വാക്യം പറയുന്നു: “ഇവർ [അവൻ കോലാ​ടു​കൾ എന്നു വിധി​ക്കു​ന്നവർ] നിത്യ​ഛേ​ദ​ന​ത്തി​ലേ​ക്കു​പോ​കും, എന്നാൽ നീതി​മാൻമാർ [ചെമ്മരി​യാ​ടു​കൾ] നിത്യ​ജീ​വ​നി​ലേ​ക്കും.”

18. നമ്മുടെ കാലത്തെ ന്യായ​വി​ധി എന്തി​ലേക്കു നയിക്കും?

¹⁸ അതു​കൊണ്ട്‌ നാം ന്യായ​വി​ധി​യു​ടെ ഒരു നിർണ്ണാ​യക കാലത്താണ്‌ ജീവി​ക്കു​ന്നത്‌. ഇന്ന്‌ ‘ദൈവത്തെ അന്വേ​ഷി​ക്കു​ക​യും യഥാർത്ഥ​മാ​യി കണ്ടെത്തു​ക​യും ചെയ്യു​ന്നവർ’ ഇപ്പോ​ഴത്തെ വ്യവസ്ഥി​തി​യെ അതിജീ​വിച്ച്‌ തുടർന്നു​വ​രുന്ന പുതി​യ​ലോ​ക​ത്തി​ലേക്കു പ്രവേ​ശി​ക്കാ​നുള്ള “ചെമ്മരി​യാ​ടു​കളാ”യി ന്യായം വിധി​ക്ക​പ്പെ​ടും. 2 പത്രോസ്‌ 3:13 സാക്ഷാ​ത്‌ക്ക​രി​ക്ക​പ്പെ​ടും: “നാം അവന്റെ വാഗ്‌ദ​ത്ത​പ്ര​കാ​രം കാത്തി​രി​ക്കുന്ന പുതിയ ആകാശ​ങ്ങ​ളും ഒരു പുതിയ ഭൂമി​യു​മുണ്ട്‌, ഇവയിൽ നീതി വസി​ക്കേ​ണ്ട​താണ്‌.” പ്രവൃ​ത്തി​കൾ 17:31-ലെ പൗലോ​സി​ന്റെ വാക്കുകൾ പൂർണ്ണ​മാ​യി ബാധക​മാ​കുന്ന “ദിവസം,” ഭൂമി നീതി​യിൽ ന്യായം​വി​ധി​ക്ക​പ്പെ​ടു​ന്ന​തി​നുള്ള സമയം, അതായി​രി​ക്കും.

19, 20. വരാനി​രി​ക്കുന്ന ന്യായ​വി​ധി​ദി​വ​സ​ത്താൽ ആർ ബാധി​ക്ക​പ്പെ​ടും?

¹⁹ ആ ന്യായ​വി​ധി​ദി​വ​സ​ത്തിൽ അതിജീ​വി​ക്കുന്ന “ചെമ്മരി​യാ​ടു​കളെ”ക്കാൾ കൂടുതൽ പേർ ഉൾപ്പെ​ടും. ചെമ്മരി​യാ​ടു​കൾ പുതിയ ലോക​ത്തി​ലേക്ക്‌ അതിജീ​വി​ക്കാൻ യോഗ്യ​രെന്ന്‌ ന്യായം വിധി​ക്ക​പ്പെ​ട്ടു​ക​ഴി​ഞ്ഞി​രി​ക്കും. തന്റെ പിതാവ്‌ ന്യായ​വി​ധി തന്നെ ഭരമേൽപ്പി​ച്ചി​രി​ക്കു​ന്നു​വെന്ന്‌ പറഞ്ഞ​ശേഷം വരാനി​രി​ക്കുന്ന ഒരു പുനരു​ത്ഥാ​ന​ത്തെ​ക്കു​റിച്ച്‌ യേശു പറഞ്ഞു​വെ​ന്നോർക്കുക. കൂടാതെ, പ്രവൃ​ത്തി​കൾ 10:42-ൽ “ജീവനു​ള്ള​വ​രു​ടെ​യും മരിച്ച​വ​രു​ടെ​യും ന്യായാ​ധി​പ​നാ​യി​രി​ക്കാൻ ദൈവ​ത്താൽ കല്‌പി​ക്ക​പ്പെ​ട്ടവൻ” യേശു​ക്രി​സ്‌തു ആണെന്ന്‌ അപ്പോ​സ്‌ത​ല​നായ പത്രോസ്‌ പറയു​ക​യു​ണ്ടാ​യി.

²⁰ തൽഫല​മാ​യി, ദൈവം യേശു​ക്രി​സ്‌തു മുഖേന “നിവസി​ത​ഭൂ​മി​യെ നീതി​യിൽ ന്യായം​വി​ധി​ക്കുന്ന” പ്രവൃ​ത്തി​കൾ 17:31ൽ പറയ​പ്പെ​ട്ടി​രി​ക്കുന്ന ‘നിശ്ചി​ത​ദി​വസം’ മരിച്ചവർ ഉയർപ്പി​ക്ക​പ്പെ​ടു​ന്ന​തി​നുള്ള ഒരു സമയമാ​യി​രി​ക്കും. മരണത്തെ കീഴട​ക്കാൻ ദിവ്യ​ശക്തി പ്രയോ​ഗി​ക്ക​പ്പെ​ട്ടു​കാ​ണു​ന്നത്‌ എന്തോരു സന്തോ​ഷ​മാ​യി​രി​ക്കും. മരണം മിക്ക​പ്പോ​ഴും ഏററവും വലിയ അനീതി​യാ​യി​ട്ടാ​ണി​രു​ന്നി​ട്ടു​ള്ളത്‌. യേശു​വി​ന്റെ കാര്യ​ത്തി​ലെ​ന്ന​പോ​ലെ​തന്നെ ചിലർ ഗവൺമെൻറു​ക​ളാ​ലോ ആക്രമി​ക്കുന്ന സൈന്യ​ങ്ങ​ളാ​ലോ അന്യാ​യ​മാ​യി വധിക്ക​പ്പെ​ട്ടി​ട്ടുണ്ട്‌. മററു ചിലർക്ക്‌ കൊടു​ങ്കാ​റ​റു​കൾ, ഭൂകമ്പങ്ങൾ, യാദൃ​ച്ഛിക തീപി​ടു​ത്തങ്ങൾ എന്നിങ്ങനെ മുൻകൂ​ട്ടി​ക്കാ​ണാത്ത സംഭവ​ങ്ങ​ളാ​ലും അത്തരം അനർത്ഥ​ങ്ങ​ളാ​ലും തങ്ങളുടെ ജീവൻ നഷ്‌ട​പ്പെ​ട്ടി​ട്ടുണ്ട്‌.—സഭാ​പ്ര​സം​ഗി 9:11.

കഴിഞ്ഞ​കാല അനീതി​കൾ പരിഹ​രി​ക്ക​പ്പെ​ടു​ന്നു

21. പുതി​യ​ലോ​ക​ത്തിൽ കഴിഞ്ഞ​കാല അനീതി​കൾ എങ്ങനെ തരണം​ചെ​യ്യ​പ്പെ​ടും?

²¹ നമ്മുടെ പ്രിയ​പ്പെ​ട്ടവർ ജീവനി​ലേക്കു തിരികെ വരുത്ത​പ്പെ​ടു​ന്നതു കാണാൻ കഴിയു​ന്ന​തി​നെ​ക്കു​റി​ച്ചു സങ്കൽപ്പി​ക്കുക! അനേകർക്ക്‌ അങ്ങനെ ‘ദൈവത്തെ അന്വേ​ഷി​ക്കാ​നും യഥാർത്ഥ​മാ​യി അവനെ കണ്ടെത്താ​നും’ ആദ്യ അവസരം ലഭിക്കും. അപ്പോൾ അവരുടെ മുമ്പാകെ “ചെമ്മരി​യാ​ടു​ക​ളു​ടെ” പ്രതി​ഫ​ല​മാ​യി​രി​ക്കാൻ കഴിയുന്ന “നിത്യ​ജീ​വൻ” ഉണ്ടായി​രി​ക്കും. പുനരു​ത്ഥാ​ന​ത്തി​ലേക്കു വരുന്ന ചിലരും ഈ അന്യായ വ്യവസ്ഥി​തി​യെ അതിജീ​വി​ക്കു​ന്ന​വ​രും ജൻമ​വൈ​രൂ​പ്യ​ങ്ങൾ അന്ധത, ബധിരത, സംസാ​ര​വൈ​ക​ല്യ​ങ്ങൾ എന്നിങ്ങനെ പ്രത്യ​ക്ഷ​ത്തി​ലുള്ള അനീതി​കൾക്ക്‌ ഇരകളാ​യി​രു​ന്നി​ട്ടുണ്ട്‌. അങ്ങനെ​യു​ള്ളവ ‘നീതി വസിക്കേണ്ട പുതിയ ഭൂമിയു’മായി യോജി​ക്കു​മോ? വരാനി​രി​ക്കുന്ന ന്യായ​വി​ധി​യു​ടെ കാലത്ത്‌ മഹത്തായ ഒരു അക്ഷരീയ നിവൃത്തി ഉണ്ടാകുന്ന വിവിധ പ്രവച​നങ്ങൾ സമർപ്പി​ക്കാൻ യഹോവ യെശയ്യാ​വി​നെ ഉപയോ​ഗി​ച്ചു. നമു​ക്കെന്തു പ്രതീ​ക്ഷി​ക്കാ​മെന്നു കാണുക: “ആ കാലത്ത്‌ കുരു​ടൻമാ​രു​ടെ കണ്ണുകൾ തുറക്ക​പ്പെ​ടും, ബധിര​രു​ടെ ചെവികൾ തന്നെ തുറക്ക​പ്പെ​ടും. ആ കാലത്ത്‌ മുടന്തൻ ഒരു മാനി​നെ​പ്പോ​ലെ​തന്നെ കയറും, ഊമന്റെ നാവ്‌ സന്തോ​ഷി​ച്ചാർക്കും.”—യെശയ്യാവ്‌ 35:5, 6.

22. യെശയ്യാവ്‌ 65-ാം അദ്ധ്യായം നീതി​സം​ബ​ന്ധിച്ച്‌ വളരെ പ്രോൽസാ​ഹ​ക​മാ​യി​രി​ക്കു​ന്ന​തെ​ന്തു​കൊണ്ട്‌?

²² ഇപ്പോൾ വളരെ​യ​ധി​കം ദുരി​ത​ത്തി​നി​ട​യാ​ക്കുന്ന മററ്‌ അനീതി​കളെ സംബന്ധി​ച്ചെന്ത്‌? യെശയ്യാവ്‌ 65-ാം അദ്ധ്യാ​യ​ത്തിൽ ഉല്ലാസ​പ്ര​ദ​മാം​വണ്ണം പ്രോൽസാ​ഹ​ക​മായ ചില ഉത്തരങ്ങൾ അടങ്ങി​യി​രി​ക്കു​ന്നു. യെശയ്യാവ്‌ 65:17ന്റെയും 2 പത്രോസ്‌ 3:13ന്റെയും ഒരു താരത​മ്യം ഈ അദ്ധ്യാ​യ​വും “പുതിയ ആകാശ​ങ്ങ​ളും ഒരു പുതിയ ഭൂമിയു”മാകുന്ന ഒരു നീതി​യുള്ള വ്യവസ്ഥി​തി​യു​ടെ കാലത്തി​ലേക്കു വിരൽ ചൂണ്ടു​ന്നു​വെന്ന്‌ സൂചി​പ്പി​ക്കു​ന്നു. എന്നാലും, ചുരു​ക്കം​ചില ദുഷ്ടൻമാർ സമാധാ​ന​ത്തെ​യും നീതി​യെ​യും പാഴാ​ക്കു​ന്ന​തിൽനിന്ന്‌ എന്തു തടയും? യെശയ്യാവ്‌ 65-ൽ കുറേ​കൂ​ടെ താഴെ​യാ​യി ഒരു പ്രശ്‌ന​മെന്നു തോന്നാ​വു​ന്ന​തി​നു സമാധാ​നം നൽകുന്നു.

23. ചില വ്യക്തി​ക​ളേ​സം​ബ​ന്ധിച്ച്‌ ന്യായ​വി​ധി​ദി​വ​സ​ത്തിന്‌ ഏതു ഫലമു​ണ്ടാ​കാൻ സാധ്യ​ത​യുണ്ട്‌?

²³ തുടരുന്ന ഈ ന്യായ​വി​ധി​ദി​വ​സ​ത്തിൽ വ്യക്തികൾ നിത്യ​ജീ​വനു യോഗ്യ​രാ​കു​മോ​യെന്നു വിധി​ക്കുന്ന വേല യേശു തുടരും. ചിലർ യോഗ്യ​രാ​കു​ക​യില്ല. ദൈവത്തെ അന്വേ​ഷി​ക്കു​ന്ന​തിന്‌ വേണ്ടത്ര സമയം, “നൂറു​വർഷം” പോലും കൊടു​ക്ക​പ്പെ​ട്ട​ശേഷം ചിലർ നീതി പ്രവർത്തി​ക്കാൻ വിസമ്മ​തി​ക്കു​ന്ന​താ​യി പ്രകട​മാ​ക്കും. ന്യായ​മാ​യി​ത്തന്നെ അവർക്ക്‌ ആ പുതി​യ​ലോ​ക​ത്തി​ലെ ജീവൻ നഷ്ടമാ​കും. യെശയ്യാവ്‌ 65:20-ൽ നിന്ന്‌ നമുക്കു കാണാൻ കഴിയു​ന്ന​തു​പോ​ലെ, “പാപിയെ സംബന്ധി​ച്ചി​ട​ത്തോ​ളം, ഒരു നൂറു വയസ്സു​ണ്ടെ​ങ്കി​ലും അവൻ ശപിക്ക​പ്പെ​ടും.” ജീവനു അയോ​ഗ്യ​രെന്നു വിധി​ക്ക​പ്പെ​ടുന്ന അങ്ങനെ​യു​ള്ളവർ ന്യൂന​പ​ക്ഷ​മാ​യി​രി​ക്കും. നമ്മളും മററുള്ള മിക്കവ​രും നീതി പ്രവർത്തി​ക്കാൻ പഠിക്കു​ന്ന​തിന്‌ സന്തോ​ഷ​മു​ള്ള​വ​രാ​യി​രി​ക്കു​മെന്ന്‌ പ്രതീ​ക്ഷി​ക്കാൻ നമുക്കു സകല കാരണ​വു​മുണ്ട്‌.—യെശയ്യാവ്‌ 26:9.

24. സാമ്പത്തിക അനീതി​സം​ബ​ന്ധിച്ച്‌ സാഹച​ര്യം എന്തായി​രി​ക്കും?

²⁴ തുടരുന്ന അനീതി​കൾ, സാമ്പത്തി​കാ​നീ​തി​കൾപോ​ലും, അവിടെ ഉണ്ടായി​രി​ക്കു​ക​യി​ല്ലെ​ന്നാ​ണോ അതിന്റെ അർത്ഥം? അതുതന്നെ! യെശയ്യാവ്‌ 65:21-23 ആ വസ്‌തു​ത​യി​ലേക്കു വിരൽചൂ​ണ്ടു​ന്നു: “അവർ തീർച്ച​യാ​യും വീടു​കളെ പണിതു പാർക്കും; അവർ തീർച്ച​യാ​യും മുന്തി​രി​ത്തോ​ട്ടങ്ങൾ നടുക​യും അവയുടെ ഫലം ഭക്ഷിക്കു​ക​യും ചെയ്യും. അവർ പണിയു​ക​യും മററാ​രെ​ങ്കി​ലും പാർക്കു​ക​യു​മില്ല; അവർ നടുക​യും മററാ​രെ​ങ്കി​ലും തിന്നു​ക​യു​മില്ല. എന്തെന്നാൽ ഒരു വൃക്ഷത്തി​ന്റെ ദിവസങ്ങൾ പോ​ലെ​യാ​യി​രി​ക്കും എന്റെ ജനത്തിന്റെ ദിവസങ്ങൾ; എന്റെ തെര​ഞ്ഞെ​ടു​ക്ക​പ്പെ​ട്ടവർ തങ്ങളുടെ സ്വന്തം കൈക​ളു​ടെ പ്രവൃത്തി പൂർണ്ണ​മാ​യി ഉപയോ​ഗി​ക്കും. അവർ വ്യർത്ഥ​മാ​യി അദ്ധ്വാ​നി​ക്കു​ക​യില്ല, അവർ ശല്യത്തി​നാ​യി പ്രസവി​ക്കു​ക​യു​മില്ല; എന്തു​കൊ​ണ്ടെ​ന്നാൽ അവർ യഹോ​വ​യാൽ അനു​ഗ്ര​ഹി​ക്ക​പ്പെ​ട്ട​വ​രും അവരോ​ടു​കൂ​ടെ​യുള്ള അവരുടെ സന്തതി​ക​ളും ചേർന്നു​ണ്ടാ​കുന്ന സന്താന​ങ്ങ​ളാ​കു​ന്നു.” ഇന്നത്തേ​തിൽനിന്ന്‌ എന്തോരു മാററം! എന്തോരു അനു​ഗ്രഹം!

25. ദൈവ​ത്തി​ന്റെ നിയമി​ത​ന്യാ​യാ​ധി​പ​നാ​ലുള്ള നീതി സംബന്ധിച്ച്‌ നിങ്ങളു​ടെ പ്രത്യാ​ശ​യും തീരു​മാ​ന​വും എന്താണ്‌?

²⁵ അതു​കൊണ്ട്‌ നിലനിൽക്കുന്ന നീതി​ക്കു​വേണ്ടി കാംക്ഷി​ക്കുന്ന എല്ലാവർക്കും ധൈര്യ​പ്പെ​ടാൻ കഴിയും. അതു പെട്ടെ​ന്നു​തന്നെ വരു​മെന്നു തീർച്ച​യാണ്‌. ഇപ്പോൾ, ഈ ന്യായ​വി​ധി​കാ​ലത്ത്‌ ശേഷി​ച്ചി​രി​ക്കുന്ന ചുരു​ങ്ങിയ കാലം നിത്യ​ജീ​വന്റെ പ്രയോ​ജ​ന​ങ്ങ​ളോ​ടെ ദൈവത്തെ അന്വേ​ഷി​ക്കു​ന്ന​തി​ലും അവനെ യഥാർഥ​ത്തിൽ കണ്ടെത്തു​ന്ന​തി​ലും യഹോ​വ​യു​ടെ സാക്ഷി​ക​ളോ​ടു ചേരാ​നുള്ള സമയമാണ്‌. (w89 2/15)

പുനര​വ​ലോ​കന ചോദ്യ​ങ്ങൾ

◻ ദൈവ​ത്തി​ന്റെ നീതി​യു​ടെ നിലവാ​രം സംബന്ധിച്ച്‌ നമു​ക്കെന്ത്‌ തെളി​വുണ്ട്‌?

◻ വരാനി​രി​ക്കുന്ന ന്യായ​വി​ധി​ദി​വ​സ​ത്തിൽ യേശു എങ്ങനെ ഉൾപ്പെ​ട്ടി​രി​ക്കും?

◻ നമ്മു​ടേത്‌ ദിവ്യ ന്യായ​വി​ധി​സം​ബ​ന്ധിച്ച്‌ ഒരു നിർണ്ണാ​യക സമയമാ​യി​രി​ക്കു​ന്ന​തെ​ന്തു​കൊണ്ട്‌?

◻ പുതി​യ​ലോ​ക​ത്തിൽ കഴിഞ്ഞ​കാല അനീതി​കൾ എങ്ങനെ തിരു​ത്ത​പ്പെ​ടും?

[15-ാം പേജിലെ ചിത്ര​ത്തി​നു കടപ്പാട്‌]

Pictorial Archive (Near Eastern History) Est.