അധ്യായം ഇരുപ​ത്തൊന്ന്‌

യഹോ​വ​യു​ടെ കൈ ഉയർന്നി​രി​ക്കു​ന്നു

യെശയ്യാവു 25:1–27:13

1. യെശയ്യാ​വിന്‌ യഹോ​വ​യോ​ടു വിലമ​തി​പ്പു​ള്ളത്‌ എന്തു​കൊണ്ട്‌?

യെശയ്യാവ്‌ യഹോ​വയെ ആഴമായി സ്‌നേ​ഹി​ക്കു​ക​യും അവനെ സ്‌തു​തി​ക്കു​ന്ന​തിൽ ആനന്ദി​ക്കു​ക​യും ചെയ്യുന്നു. യെശയ്യാവ്‌ ഇങ്ങനെ ഉദ്‌ഘോ​ഷി​ക്കു​ന്നു: “യഹോവേ, നീ എന്റെ ദൈവ​മാ​കു​ന്നു; ഞാൻ നിന്നെ പുകഴ്‌ത്തും; ഞാൻ നിന്റെ നാമത്തെ സ്‌തു​തി​ക്കും.” തന്റെ സ്രഷ്ടാ​വി​നോട്‌ ഇത്രയ​ധി​കം വിലമ​തി​പ്പു​ണ്ടാ​യി​രി​ക്കാൻ ആ പ്രവാ​ച​കനെ സഹായി​ക്കു​ന്നത്‌ എന്താണ്‌? യഹോ​വ​യെ​യും അവന്റെ പ്രവർത്ത​ന​ങ്ങ​ളെ​യും കുറി​ച്ചുള്ള അവന്റെ അറിവാണ്‌ ഒരു പ്രമുഖ ഘടകം. യെശയ്യാ​വി​ന്റെ തുടർന്നുള്ള വാക്കുകൾ അതു വ്യക്തമാ​ക്കു​ന്നു: “നീ അത്ഭുത​മാ​യി പണ്ടേയുള്ള ആലോ​ച​ന​കളെ വിശ്വ​സ്‌ത​ത​യോ​ടും സത്യ​ത്തോ​ടും കൂടെ അനുഷ്‌ഠി​ച്ചി​രി​ക്കു​ന്നു​വ​ല്ലോ.” (യെശയ്യാ​വു 25:1) തനിക്കു മുമ്പു ജീവി​ച്ചി​രുന്ന യോശുവ മനസ്സി​ലാ​ക്കി​യ​തു​പോ​ലെ, യഹോവ വിശ്വ​സ്‌ത​നും ആശ്രയ​യോ​ഗ്യ​നും ആണെന്നും അവന്റെ എല്ലാ “ആലോ​ചനക”ളും, അതായത്‌ അവൻ ഉദ്ദേശി​ക്കുന്ന എല്ലാ കാര്യ​ങ്ങ​ളും നിറ​വേ​റു​മെ​ന്നും യെശയ്യാ​വിന്‌ അറിയാം.—യോശുവ 23:14.

2. യഹോ​വ​യു​ടെ ഏത്‌ ആലോ​ച​ന​യാണ്‌ യെശയ്യാവ്‌ ഇപ്പോൾ പ്രഖ്യാ​പി​ക്കു​ന്നത്‌, ഈ ആലോചന എന്തിന്‌ എതിരെ ഉള്ളതാ​യി​രി​ക്കാം?

² ഇസ്രായേലിന്റെ ശത്രു​ക്കൾക്ക്‌ എതി​രെ​യുള്ള ന്യായ​വി​ധി പ്രഖ്യാ​പ​ന​ങ്ങ​ളും യഹോ​വ​യു​ടെ ആലോ​ച​ന​ക​ളിൽ ഉൾപ്പെ​ടു​ന്നു. അവയിൽ ഒരെണ്ണ​മാണ്‌ യെശയ്യാവ്‌ ഇപ്പോൾ പ്രഖ്യാ​പി​ക്കു​ന്നത്‌: “നീ നഗരത്തെ കൽക്കു​ന്നും ഉറപ്പുള്ള പട്ടണത്തെ ശൂന്യ​വും അന്യന്മാ​രു​ടെ അരമന​കളെ നഗരമ​ല്ലാ​ത​വ​ണ്ണ​വും ആക്കിത്തീർത്തു; അതു ഒരുനാ​ളും പണിക​യില്ല [“പുതുക്കി പണിയു​ക​യു​മില്ല,” “ഓശാന ബൈ.”].” (യെശയ്യാ​വു 25:2) പേര്‌ പറഞ്ഞി​ട്ടി​ല്ലാത്ത ഈ നഗരം ഏതാണ്‌? ഒരുപക്ഷേ, ദീർഘ​കാ​ല​മാ​യി ദൈവ​ജ​ന​ത്തോ​ടു ശത്രുത പുലർത്തുന്ന മോവാബ്‌ രാജ്യ​ത്തി​ലെ ആർ എന്ന നഗരത്തെ ആയിരി​ക്കാം യെശയ്യാവ്‌ പരാമർശി​ക്കു​ന്നത്‌.a അല്ലെങ്കിൽ, മറ്റൊരു നഗരത്തെ—കുറച്ചു​കൂ​ടെ ശക്തമായ ബാബി​ലോ​ണി​നെ—ആകാം അവൻ പരാമർശി​ക്കു​ന്നത്‌.—യെശയ്യാ​വു 15:1; സെഫന്യാ​വു 2:8, 9.

3. യഹോ​വ​യു​ടെ ശത്രുക്കൾ അവനെ മഹത്ത്വ​പ്പെ​ടു​ത്തു​ന്നത്‌ ഏതർഥ​ത്തിൽ?

³ തങ്ങളുടെ ശക്തമായ നഗരത്തി​നെ​തി​രെ​യുള്ള യഹോ​വ​യു​ടെ ആലോചന നടപ്പാ​കു​മ്പോൾ ശത്രുക്കൾ എങ്ങനെ പ്രതി​ക​രി​ക്കും? “ബലമുള്ള ജാതി നിന്നെ മഹത്വ​പ്പെ​ടു​ത്തും; ഭയങ്കര​ജാ​തി​ക​ളു​ടെ [“മർദക ജനതക​ളു​ടെ,” NW] പട്ടണം നിന്നെ ഭയപ്പെ​ടും.” (യെശയ്യാ​വു 25:3) സർവശ​ക്ത​നാം ദൈവ​ത്തി​ന്റെ ശത്രുക്കൾ അവനെ ഭയപ്പെ​ടും എന്നതു മനസ്സി​ലാ​ക്കാ​വു​ന്ന​തേ​യു​ള്ളൂ. എന്നാൽ, അവർ എങ്ങനെ​യാണ്‌ അവനെ മഹത്ത്വ​പ്പെ​ടു​ത്തു​ന്നത്‌? വ്യാജ​ദൈ​വ​ങ്ങളെ ഉപേക്ഷിച്ച്‌ അവർ നിർമല ആരാധന സ്വീക​രി​ക്കും എന്ന അർഥത്തി​ലാ​ണോ? ഒരിക്ക​ലു​മല്ല! മറിച്ച്‌, ഫറവോ​നെ​യും നെബൂ​ഖ​ദ്‌നേ​സ​രി​നെ​യും പോലെ യഹോ​വ​യു​ടെ അതുല്യ ശ്രേഷ്‌ഠ​തയെ അംഗീ​ക​രി​ക്കാൻ നിർബ​ന്ധി​ത​രാ​കു​മ്പോ​ഴാണ്‌ അവർ അവനെ മഹത്ത്വ​പ്പെ​ടു​ത്തു​ന്നത്‌.—പുറപ്പാ​ടു 10:16, 17; 12:30-33; ദാനീ​യേൽ 4:37.

4. ഇപ്പോ​ഴത്തെ “മർദക ജനതക​ളു​ടെ പട്ടണം” ഏത്‌, അവൾ പോലും യഹോ​വയെ മഹത്ത്വ​പ്പെ​ടു​ത്തേണ്ടി വരുന്നത്‌ എങ്ങനെ?

⁴ “ഭൂരാ​ജാ​ക്ക​ന്മാ​രു​ടെ മേൽ രാജത്വ​മുള്ള മഹാന​ഗരം” അതായത്‌, വ്യാജമത ലോക​സാ​മ്രാ​ജ്യ​മായ “മഹാബാ​ബി​ലോൺ” ആണ്‌ ഇന്ന്‌ “മർദക ജനതക​ളു​ടെ പട്ടണം.” (വെളി​പ്പാ​ടു 17:5, 18, NW) ആ സാമ്രാ​ജ്യ​ത്തി​ന്റെ മുഖ്യ ഭാഗം ക്രൈ​സ്‌ത​വ​ലോ​ക​മാണ്‌. ക്രൈ​സ്‌ത​വ​ലോ​ക​ത്തി​ലെ മതനേ​താ​ക്ക​ന്മാർ യഹോ​വയെ മഹത്ത്വ​പ്പെ​ടു​ത്തു​ന്നത്‌ എങ്ങനെ​യാണ്‌? തന്റെ സാക്ഷി​കൾക്കു​വേണ്ടി യഹോവ ചെയ്‌തി​രി​ക്കുന്ന അത്ഭുത​പ്ര​വൃ​ത്തി​കളെ മനസ്സി​ല്ലാ​മ​ന​സ്സോ​ടെ ആണെങ്കി​ലും അംഗീ​ക​രി​ക്കാൻ നിർബ​ന്ധി​ത​രാ​കു​ന്ന​തി​ലൂ​ടെ. പ്രത്യേ​കി​ച്ചും, യഹോവ തന്റെ ദാസന്മാ​രെ 1919-ൽ ‘മഹാബാ​ബി​ലോ​ണി’ന്റെ [NW] ആത്മീയ അടിമ​ത്ത​ത്തിൽനി​ന്നു മോചി​പ്പിച്ച്‌ ഊർജിത പ്രവർത്ത​ന​ത്തി​ലേക്കു പുനഃ​സ്ഥി​തീ​ക​രി​ച്ച​പ്പോൾ ആ നേതാ​ക്ക​ന്മാർ “ഭയപര​വ​ശ​രാ​യി സ്വർഗ്ഗ​ത്തി​ലെ ദൈവ​ത്തി​ന്നു മഹത്വം കൊടു​ത്തു.”—വെളി​പ്പാ​ടു 11:13.b

5. തന്നിൽ പൂർണ​മാ​യി ആശ്രയി​ക്കു​ന്ന​വരെ യഹോവ സംരക്ഷി​ക്കു​ന്നത്‌ എങ്ങനെ?

⁵ യഹോവയുടെ ശത്രുക്കൾ അവനെ ഭയത്തോ​ടെ വീക്ഷി​ക്കു​ന്നെ​ങ്കി​ലും, യഹോ​വയെ സേവി​ക്കാൻ ആഗ്രഹി​ക്കുന്ന സൗമ്യ​ത​യും താഴ്‌മ​യും ഉള്ളവർക്ക്‌ അവൻ ഒരു സങ്കേത​മാണ്‌. സത്യാ​രാ​ധ​ക​രു​ടെ വിശ്വാ​സം തകർക്കാൻ മത-രാഷ്‌ട്രീയ മേഖല​ക​ളി​ലെ മർദകർ കിണഞ്ഞു പരി​ശ്ര​മി​ച്ചേ​ക്കാ​മെ​ങ്കി​ലും യഹോ​വ​യിൽ സമ്പൂർണ ആശ്രയം വെച്ചി​രി​ക്കു​ന്ന​തി​നാൽ അവന്റെ ജനത്തെ പരാജ​യ​പ്പെ​ടു​ത്താൻ അവർക്കു കഴിയു​ന്നില്ല. മരുഭൂ​മി​യിൽ ചുട്ടു​പൊ​ള്ളുന്ന സൂര്യനെ മറയ്‌ക്കുന്ന ഒരു മേഘം പോ​ലെ​യോ കൊടു​ങ്കാ​റ്റി​നെ തടഞ്ഞു നിറു​ത്തുന്ന ഒരു കോട്ട​മ​തിൽ പോ​ലെ​യോ വർത്തി​ച്ചു​കൊ​ണ്ടു യഹോവ ഒടുവിൽ നിഷ്‌പ്ര​യാ​സം ശത്രു​ക്ക​ളു​ടെ വായട​യ്‌ക്കു​ന്നു.—യെശയ്യാ​വു 25:4, 5 വായി​ക്കുക.

‘സകലജാ​തി​കൾക്കു​മുള്ള ഒരു വിരുന്ന്‌’

6, 7. (എ) ഏതു തരത്തി​ലുള്ള വിരു​ന്നാണ്‌ യഹോവ ഒരുക്കു​ന്നത്‌, ആർക്കു വേണ്ടി? (ബി) യെശയ്യാവ്‌ പ്രവചിച്ച വിരുന്ന്‌ എന്തിന്റെ പൂർവ​ചി​ത്രം നൽകുന്നു?

⁶ സ്‌നേഹനിധിയായ ഒരു പിതാ​വി​നെ പോലെ, യഹോവ തന്റെ മക്കളെ സംരക്ഷി​ക്കുക മാത്രമല്ല അവരെ പോറ്റി​പ്പു​ലർത്തു​ക​യും ചെയ്യുന്നു, വിശേ​ഷി​ച്ചും ആത്മീയ​മാ​യി. 1919-ൽ തന്റെ ജനത്തെ മോചി​പ്പി​ച്ച​ശേഷം അവർക്കു​വേണ്ടി അവൻ ഒരു വിജയ​വി​രുന്ന്‌, സമൃദ്ധ​മായ ഒരു ആത്മീയ വിരുന്ന്‌ ഒരുക്കി. അതേക്കു​റിച്ച്‌ നാം ഇങ്ങനെ വായി​ക്കു​ന്നു: “സൈന്യ​ങ്ങ​ളു​ടെ യഹോവ ഈ പർവ്വത​ത്തിൽ സകലജാ​തി​കൾക്കും മൃഷ്ട​ഭോ​ജ​ന​ങ്ങൾകൊ​ണ്ടും മട്ടൂറിയ വീഞ്ഞു​കൊ​ണ്ടും ഒരു വിരുന്നു കഴിക്കും; മേദസ്സു​നി​റഞ്ഞ മൃഷ്ട​ഭോ​ജ​നങ്ങൾ കൊണ്ടും മട്ടു നീക്കി തെളി​ച്ചെ​ടുത്ത വീഞ്ഞു കൊണ്ടും ഉള്ള വിരുന്നു തന്നേ.”—യെശയ്യാ​വു 25:6.

⁷ വിരുന്നൊരുക്കുന്നത്‌ യഹോ​വ​യു​ടെ “പർവ്വതത്തി”ലാണ്‌. ഏതാണ്‌ ഈ പർവതം? ‘അന്ത്യകാ​ലത്ത്‌’ സകല ജനതക​ളും ഒഴുകി​ച്ചെ​ല്ലുന്ന “യഹോ​വ​യു​ടെ ആലയമുള്ള പർവ്വത”മാണ്‌ അത്‌. യഹോ​വ​യു​ടെ വിശ്വസ്‌ത ആരാധ​ക​രിൽ ആരും ഒരു ദോഷ​മോ നാശമോ ചെയ്യു​ക​യി​ല്ലാത്ത അവന്റെ “വിശു​ദ്ധ​പർവ്വത”മാണ്‌ അത്‌. (യെശയ്യാ​വു 2:2; 11:9) ഉന്നതമായ ഈ ആരാധ​നാ​സ്ഥ​ലത്തു വിശ്വ​സ്‌തർക്കു വേണ്ടി യഹോവ വിഭവ​സ​മൃ​ദ്ധ​മായ വിരുന്നു നൽകുന്നു. ആത്മീയ​മാ​യി ഇപ്പോൾ ലഭിക്കുന്ന ഉത്തമ വസ്‌തു​ക്കൾ, മുഴു മനുഷ്യ​വർഗ​ത്തി​ന്മേ​ലും ഭരണം നടത്താ​നി​രി​ക്കുന്ന ഏക ഗവൺമെ​ന്റായ ദൈവ​രാ​ജ്യ​ത്തിൻ കീഴിൽ അക്ഷരാർഥ​ത്തിൽ സമൃദ്ധ​മാ​യി ലഭിക്കാ​നി​രി​ക്കുന്ന നല്ല വസ്‌തു​ക്ക​ളു​ടെ ഒരു പൂർവ​ചി​ത്രം നൽകുന്നു. അപ്പോൾ ആരും പട്ടിണി അനുഭ​വി​ക്കു​ക​യില്ല. “ദേശത്തു പർവ്വത​ങ്ങ​ളു​ടെ മുകളിൽ ധാന്യ​സ​മൃ​ദ്ധി​യു​ണ്ടാ​കും; അതിന്റെ വിളവു ലെബാ​നോ​നെ​പ്പോ​ലെ ഉലയും; നഗരവാ​സി​കൾ ഭൂമി​യി​ലെ സസ്യം​പോ​ലെ തഴെക്കും.”—സങ്കീർത്തനം 72:8, 16.

8, 9. (എ) മാനവ​രാ​ശി​യു​ടെ ഏറ്റവും വലിയ ഏതു രണ്ടു ശത്രു​ക്കളെ യഹോവ നീക്കം ചെയ്യും? (ബി) തന്റെ ജനത്തിന്റെ നിന്ദ നീക്കി​ക്ക​ള​യാൻ ദൈവം എന്തു ചെയ്യും?

⁸ ദൈവം പ്രദാനം ചെയ്യുന്ന ആത്മീയ വിരു​ന്നിൽ ഇപ്പോൾ പങ്കെടു​ക്കു​ന്ന​വർക്ക്‌ മഹത്തായ ഒരു ഭാവി​പ്ര​ത്യാ​ശ ഉണ്ട്‌. യെശയ്യാ​വി​ന്റെ തുടർന്നുള്ള വാക്കുകൾ ശ്രദ്ധി​ക്കുക. പാപ​ത്തെ​യും മരണ​ത്തെ​യും, ശ്വാസം മുട്ടി​ക്കുന്ന ഒരു “മൂടുപട”ത്തോട്‌ അല്ലെങ്കിൽ ‘മറവി’നോടു താരത​മ്യം ചെയ്‌തു​കൊണ്ട്‌ അവൻ ഇങ്ങനെ പറയുന്നു: ‘സകലവം​ശ​ങ്ങൾക്കും ഉള്ള മൂടു​പ​ട​വും സകലജാ​തി​ക​ളു​ടെ​യും മേൽ കിടക്കുന്ന മറവും അവൻ [യഹോവ] ഈ പർവ്വത​ത്തിൽവെച്ചു നശിപ്പി​ച്ചു​ക​ള​യും. അവൻ മരണത്തെ സദാകാ​ല​ത്തേ​ക്കും നീക്കി​ക്ക​ള​യും; യഹോ​വ​യായ കർത്താവു സകലമു​ഖ​ങ്ങ​ളി​ലും​നി​ന്നു കണ്ണുനീർ തുടെ​ക്കും.’—യെശയ്യാ​വു 25:7, 8എ.

⁹ അതേ, പാപവും മരണവും മേലാൽ ഉണ്ടായി​രി​ക്കില്ല! (വെളി​പ്പാ​ടു 21:3-5എ) കൂടാതെ, ആയിര​ക്ക​ണ​ക്കി​നു വർഷങ്ങ​ളാ​യി യഹോ​വ​യു​ടെ ദാസന്മാർ അനുഭ​വി​ക്കേണ്ടി വന്നിരി​ക്കുന്ന നിന്ദ അവൻ നീക്കി​ക്ക​ള​യും. ‘തന്റെ ജനത്തിന്റെ നിന്ദ സകലഭൂ​മി​യി​ലും​നി​ന്നു [അവൻ] നീക്കി​ക്ക​ള​യും. യഹോ​വ​യ​ല്ലോ അരുളി​ച്ചെ​യ്‌തി​രി​ക്കു​ന്നതു.’ (യെശയ്യാ​വു 25:8ബി) അത്‌ എങ്ങനെ സംഭവി​ക്കും? നിന്ദയു​ടെ ഉറവി​ട​മായ സാത്താ​നെ​യും അവന്റെ സന്തതി​ക​ളെ​യും യഹോവ നീക്കി​ക്ക​ള​യും. (വെളി​പ്പാ​ടു 20:1-3) ദൈവ​ജനം ഇങ്ങനെ ഘോഷി​ക്കാൻ പ്രേരി​ത​രാ​കു​ന്ന​തിൽ തെല്ലും അതിശ​യ​മില്ല: “ഇതാ, നമ്മുടെ ദൈവം; അവനെ​യ​ത്രേ നാം കാത്തി​രു​ന്നതു; അവൻ നമ്മെ രക്ഷിക്കും; അവൻ തന്നേ യഹോവ; അവനെ​യ​ത്രേ നാം കാത്തി​രു​ന്നതു; അവന്റെ രക്ഷയിൽ നമുക്കു ആനന്ദിച്ചു സന്തോ​ഷി​ക്കാം.”—യെശയ്യാ​വു 25:9.

ഗർവി​ഷ്‌ഠർ താഴ്‌ത്ത​പ്പെ​ടു​ന്നു

10, 11. മോവാ​ബിന്‌ എന്തു കഠിന ശിക്ഷയാണ്‌ യഹോവ നൽകാ​നി​രി​ക്കു​ന്നത്‌?

¹⁰ താഴ്‌മ പ്രകടി​പ്പി​ക്കുന്ന തന്റെ ആരാധ​കരെ യഹോവ സംരക്ഷി​ക്കു​ന്നു. എന്നാൽ, ഇസ്രാ​യേ​ല്യ​രു​ടെ അയൽദേ​ശ​ക്കാ​രായ മോവാ​ബ്യ​രു​ടെ കാര്യ​മോ? അഹങ്കാ​രി​കൾ ആയതി​നാൽ യഹോവ അവരെ വെറു​ക്കു​ന്നു. (സദൃശ​വാ​ക്യ​ങ്ങൾ 16:18) തന്മൂലം, മോവാ​ബ്യർ നിശ്ചയ​മാ​യും താഴ്‌ത്ത​പ്പെ​ടും. “യഹോ​വ​യു​ടെ കൈ ഈ പർവ്വത​ത്തിൽ ആവസി​ക്കു​മ​ല്ലോ; എന്നാൽ വൈ​ക്കോൽ ചാണക​ക്കു​ഴി​യി​ലെ വെള്ളത്തിൽ ഇട്ടു ചവിട്ടു​ന്ന​തു​പോ​ലെ മോവാബ്‌ സ്വസ്ഥാ​നത്തു തന്നേ മെതി​ക്ക​പ്പെ​ടും. നീന്തു​ന്നവൻ നീന്തു​വാൻ കൈ നീട്ടു​ന്ന​തു​പോ​ലെ അവൻ അതിന്റെ നടുവിൽ കൈ നീട്ടും; എങ്കിലും അവന്റെ ഗർവ്വവും കൈമി​ടു​ക്കും അവൻ താഴ്‌ത്തി​ക്ക​ള​യും. നിന്റെ ഉറപ്പും ഉയരവും ഉള്ള മതിലു​കളെ അവൻ താഴെ നിലത്തു തള്ളിയി​ട്ടു പൊടി​യാ​ക്കി​ക്ക​ള​യും.”—യെശയ്യാ​വു 25:10-12.

¹¹ യഹോവയുടെ കൈ മോവാബ്‌ പർവത​ത്തിൽ ‘ആവസി​ക്കും.’ ഫലമോ? ഗർവി​ഷ്‌ഠ​രായ മോവാ​ബ്യർക്കു പ്രഹര​മേൽക്കു​ക​യും “ചാണക​ക്കു​ഴി​യി”ലിട്ടു ചവിട്ടു​ന്ന​തു​പോ​ലെ അവർ മെതി​ക്ക​പ്പെ​ടു​ക​യും ചെയ്യും. യെശയ്യാ​വി​ന്റെ നാളിൽ വളമാ​ക്കാ​നാ​യി വൈ​ക്കോൽ ചാണക​ത്തി​ലി​ട്ടു ചവിട്ടി​മെ​തി​ക്കുക പതിവാ​യി​രു​ന്നു. സമാന​മാ​യി, നല്ല ഉറപ്പും ഉയരവു​മുള്ള മതിലു​ക​ളോ​ടു കൂടിയ ദേശമാ​യി കാണ​പ്പെ​ട്ടാ​ലും മോവാബ്‌ താഴ്‌ത്ത​പ്പെ​ടു​ക​തന്നെ ചെയ്യും എന്ന്‌ യെശയ്യാവ്‌ മുൻകൂ​ട്ടി പറയുന്നു.

12. കഠിന ശിക്ഷയ്‌ക്കാ​യി യഹോവ മോവാ​ബി​നെ വേർതി​രി​ക്കു​ന്നത്‌ എന്തു​കൊണ്ട്‌?

¹² ഇത്തരമൊരു കഠിന ശിക്ഷയ്‌ക്ക്‌ യഹോവ മോവാ​ബി​നെ വേർതി​രി​ക്കു​ന്നത്‌ എന്തു​കൊ​ണ്ടാണ്‌? അബ്രാ​ഹാ​മി​ന്റെ സഹോ​ദ​ര​പു​ത്ര​നും യഹോ​വ​യു​ടെ ആരാധ​ക​നും ആയിരുന്ന ലോത്തി​ന്റെ പിൻത​ല​മു​റ​ക്കാ​രാ​ണു മോവാ​ബ്യർ. ആ സ്ഥിതിക്ക്‌, അവർ ദൈവ​ത്തി​ന്റെ ഉടമ്പടി ജനതയു​ടെ അയൽക്കാർ മാത്രമല്ല, ബന്ധുക്കൾ കൂടി​യാണ്‌. എന്നിട്ടും അവർ വ്യാജ​ദൈ​വ​ങ്ങളെ ആരാധി​ക്കു​ക​യും ഇസ്രാ​യേ​ല്യ​രോ​ടു കടുത്ത ശത്രുത പുലർത്തു​ക​യും ചെയ്‌തി​രി​ക്കു​ന്നു. അതിനാൽ അവർ കഠിന ശിക്ഷയ്‌ക്ക്‌ അർഹരാണ്‌. ഇക്കാര്യ​ത്തിൽ, മോവാ​ബ്യർ ഇന്നുള്ള യഹോ​വ​യു​ടെ ദാസന്മാ​രു​ടെ ശത്രു​ക്കളെ പോ​ലെ​യാണ്‌, വിശേ​ഷി​ച്ചും ക്രൈ​സ്‌ത​വ​ലോ​കത്തെ പോലെ. കാരണം, ഒന്നാം നൂറ്റാ​ണ്ടി​ലെ ക്രിസ്‌തീയ സഭയിൽനിന്ന്‌ ഉടലെ​ടു​ത്ത​താണ്‌ തങ്ങളെന്ന്‌ അവർ അവകാ​ശ​പ്പെ​ടു​ന്നെ​ങ്കി​ലും മുമ്പു പരിചി​ന്തി​ച്ച​തു​പോ​ലെ ക്രൈ​സ്‌ത​വ​ലോ​കം മഹാബാ​ബി​ലോ​ണി​ന്റെ മുഖ്യ​ഭാ​ഗ​മാണ്‌.

ഒരു രക്ഷാഗീ​തം

13, 14. ഇന്നു ദൈവ​ജ​ന​ത്തിന്‌ ഏത്‌ “ഉറപ്പേ​റിയ നഗര”മാണ്‌ ഉള്ളത്‌, അതിൽ പ്രവേ​ശി​ക്കാൻ അനുവാ​ദ​മു​ള്ളത്‌ ആർക്ക്‌?

¹³ ദൈവജനത്തിന്റെ കാര്യ​മോ? യഹോ​വ​യു​ടെ പ്രീതി​യും സംരക്ഷ​ണ​വും ലഭിക്കു​ന്ന​തിൽ ആവേശ​ഭ​രി​ത​രാ​യി അവർ ഗീതം ആലപി​ക്കു​ന്നു: “അന്ന്‌ യെഹൂ​ദാ​ദേ​ശത്ത്‌ ഈ ഗാനം ആലപി​ക്ക​പ്പെ​ടും: ‘ഞങ്ങൾക്ക്‌ ഉറപ്പേ​റിയ ഒരു നഗരമുണ്ട്‌; ഞങ്ങളെ രക്ഷിക്കാൻ അവൻ കോട്ടകൾ, കൊത്ത​ളങ്ങൾ എന്നിവ ഞങ്ങൾക്കു ചുറ്റും നിർമി​ച്ചി​രി​ക്കു​ന്നു. പടിവാ​തി​ലു​കൾ തുറക്കൂ; വിശ്വ​സ്‌ത​താ​പൂർവം പെരു​മാ​റുന്ന നീതി​യുള്ള ജനത കടന്നു​വ​രട്ടെ.’” (യെശയ്യാ​വു 26:1, 2, “ഓശാന ബൈ.”) പുരാതന കാലത്ത്‌ ഈ വാക്കു​കൾക്കു നിവൃത്തി ഉണ്ടായി എന്നതിനു സംശയ​മില്ല. എന്നാൽ, ഇന്ന്‌ ആ വാക്കുകൾ പൂർവാ​ധി​കം വ്യക്തത​യോ​ടെ നിവൃ​ത്തി​യേ​റു​ന്ന​താ​യി നമുക്കു കാണാൻ കഴിയും. യഹോ​വ​യു​ടെ “നീതി​യുള്ള ജനത,” അതായത്‌ ആത്മീയ ഇസ്രാ​യേൽ, ശക്തമായ ഒരു നഗരം​പോ​ലെ സംഘടി​പ്പി​ക്ക​പ്പെ​ട്ടി​രി​ക്കു​ന്നു. ആനന്ദിച്ചു പാടാൻ എത്ര മതിയായ കാരണം!

¹⁴ ഏതു തരത്തി​ലുള്ള ആളുക​ളാണ്‌ ഈ “നഗര”ത്തിലേക്കു വരുന്നത്‌? പ്രസ്‌തുത ഗീതം അതിന്‌ ഉത്തരം നൽകുന്നു: “സ്ഥിരമാ​നസൻ നിന്നിൽ [ദൈവ​ത്തിൽ] ആശ്രയം വെച്ചി​രി​ക്ക​കൊ​ണ്ടു നീ അവനെ പൂർണ്ണ​സ​മാ​ധാ​ന​ത്തിൽ കാക്കുന്നു. യഹോ​വ​യാം യാഹിൽ ശാശ്വ​ത​മാ​യോ​രു പാറ ഉള്ളതി​നാൽ യഹോ​വ​യിൽ എന്നേക്കും ആശ്രയി​പ്പിൻ.” (യെശയ്യാ​വു 26:3, 4) ഈ ലോക​ത്തി​ലെ കുഴഞ്ഞു​മ​റിഞ്ഞ വ്യാപാര, രാഷ്‌ട്രീയ, മത വ്യവസ്ഥി​തി​യിൽ അല്ല, മറിച്ച്‌ യഹോ​വ​യിൽ ആശ്രയി​ക്കു​ക​യും അവന്റെ നീതി​നി​ഷ്‌ഠ​മായ തത്ത്വങ്ങൾ അനുസ​രി​ക്കാൻ ആഗ്രഹം പ്രകടി​പ്പി​ക്കു​ക​യും ചെയ്യുന്ന “സ്ഥിരമാ​നസ”നെയാണ്‌ യഹോവ പിന്തു​ണ​യ്‌ക്കു​ന്നത്‌. സുരക്ഷി​ത​ത്വ​മേ​കുന്ന ആശ്രയ​യോ​ഗ്യ​മായ ഏക പാറ ‘യഹോ​വ​യാം യാഹ്‌’ ആണ്‌. യഹോ​വ​യിൽ പൂർണ വിശ്വാ​സ​മു​ള്ള​വർക്ക്‌ അവന്റെ സംരക്ഷണം ലഭിക്കു​ക​യും അവർ ‘പൂർണ​സ​മാ​ധാ​നം’ ആസ്വദി​ക്കു​ക​യും ചെയ്യുന്നു.—സദൃശ​വാ​ക്യ​ങ്ങൾ 3:5, 6; ഫിലി​പ്പി​യർ 4:6, 7.

15. ഇന്ന്‌ “ഉന്നതന​ഗരം” താഴ്‌ത്ത​പ്പെ​ട്ടി​രി​ക്കു​ന്നത്‌ എങ്ങനെ, ‘എളിയ​വ​രു​ടെ കാലുകൾ’ അതിനെ ചവിട്ടി​മെ​തി​ക്കു​ന്നത്‌ ഏതു വിധത്തിൽ?

¹⁵ എന്നാൽ, ദൈവ​ജ​ന​ത്തി​ന്റെ ശത്രു​ക്ക​ളു​ടെ അവസ്ഥ അതിൽനിന്ന്‌ എത്രയോ വ്യത്യ​സ്‌തം! “അവൻ ഉയരത്തിൽ പാർക്കു​ന്ന​വരെ ഉന്നതന​ഗ​ര​ത്തെ​തന്നേ താഴ്‌ത്തി തള്ളിയി​ട്ടു നിലം​പ​രി​ചാ​ക്കി പൊടി​യിൽ ഇട്ടുക​ള​ഞ്ഞി​രി​ക്കു​ന്നു. കാൽ അതിനെ ചവിട്ടി​ക്ക​ള​യും; എളിയ​വ​രു​ടെ കാലു​ക​ളും ദരി​ദ്ര​ന്മാ​രു​ടെ കാലടി​ക​ളും തന്നേ.” (യെശയ്യാ​വു 26:5, 6) ഇവി​ടെ​യും, മോവാ​ബി​ലെ ഏതെങ്കി​ലും ഒരു “ഉന്നതന​ഗ​രത്തെ”യാകാം യെശയ്യാവ്‌ പരാമർശി​ക്കു​ന്നത്‌. അല്ലെങ്കിൽ, ഗർവു​കൊണ്ട്‌ ‘ഉയർന്നി​രി​ക്കുന്ന’ ബാബി​ലോൺ പോലുള്ള മറ്റേ​തെ​ങ്കി​ലും നഗര​ത്തെ​യാ​കാം അവൻ അർഥമാ​ക്കു​ന്നത്‌. ഈ നഗരം ഏതുതന്നെ ആയിരു​ന്നാ​ലും, ‘എളിയ​വ​രു​ടെ കാലുകൾ’ ഈ “ഉന്നതന​ഗ​രത്തെ” ചവിട്ടി​ക്ക​ള​യാൻ അനുവ​ദി​ച്ചു​കൊണ്ട്‌ യഹോവ അതിനെ താഴ്‌ത്തി​യി​രി​ക്കു​ന്നു. ഇന്ന്‌ മഹാബാ​ബി​ലോ​ണി​ന്റെ, പ്രത്യേ​കി​ച്ചും ക്രൈ​സ്‌ത​വ​ലോ​ക​ത്തി​ന്റെ കാര്യ​ത്തിൽ ഈ പ്രവചനം അതുപടി നിവൃ​ത്തി​യേ​റു​ന്നു. 1919-ൽ യഹോ​വ​യു​ടെ ജനത്തെ വിടു​വി​ക്കാൻ ഈ ‘ഉന്നതന​ഗരം’ നിർബ​ന്ധി​ത​യാ​യി. അത്‌ അവളെ സംബന്ധി​ച്ചി​ട​ത്തോ​ളം അപമാ​ന​ക​ര​മായ ഒരു വീഴ്‌ച​യാ​യി​രു​ന്നു. തുടർന്ന്‌, ദൈവ​ജനം തങ്ങളെ ബന്ധനത്തിൽ വെച്ചവരെ ചവിട്ടി​മെ​തി​ക്കാൻ തുടങ്ങി. (വെളി​പ്പാ​ടു 14:8) എങ്ങനെ? അവളുടെ മേലുള്ള യഹോ​വ​യു​ടെ ആസന്നമായ പ്രതി​കാ​രത്തെ കുറിച്ചു പരസ്യ​മാ​യി പ്രഖ്യാ​പി​ച്ചു​കൊണ്ട്‌.—വെളി​പ്പാ​ടു 8:7-12; 9:14-19.

നീതി​ക്കാ​യും യഹോ​വ​യു​ടെ ‘സ്‌മര​ണ​യ്‌ക്കാ​യും’ വാഞ്‌ഛി​ക്കു​ന്നു

16. ഭക്തിയു​ടെ ഏതു നല്ല മാതൃ​ക​യാണ്‌ യെശയ്യാവ്‌ പ്രദാനം ചെയ്യു​ന്നത്‌?

¹⁶ ഈ വിജയ​ഗീ​ത​ത്തി​നു ശേഷം, യെശയ്യാവ്‌ തന്റെതന്നെ ഭക്തിയു​ടെ ആഴവും നീതി​യുള്ള ദൈവത്തെ സേവി​ക്കു​ന്ന​തി​ന്റെ പ്രതി​ഫ​ല​വും വെളി​പ്പെ​ടു​ത്തു​ന്നു. (യെശയ്യാ​വു 26:7-9 വായി​ക്കുക.) ‘യഹോ​വ​യിൽ പ്രത്യാശ’ വെക്കു​ന്ന​തി​ലും (NW) യഹോ​വ​യു​ടെ “നാമത്തി​ന്നാ​യി​ട്ടും” “സ്‌മര​ണ​യ്‌ക്കാ​യി​ട്ടും” വാഞ്‌ഛി​ക്കു​ന്ന​തി​ലും യെശയ്യാ പ്രവാ​ചകൻ നല്ലൊരു മാതൃ​ക​യാണ്‌. യഹോ​വ​യു​ടെ സ്‌മരണ എന്താണ്‌? പുറപ്പാ​ടു 3:15 ഇങ്ങനെ പറയുന്നു: “യഹോവ . . . എന്റെ നാമവും തലമുറ തലമു​റ​യാ​യി എന്റെ ജ്ഞാപക​വും [സ്‌മര​ണ​യും] ആകുന്നു.” യഹോ​വ​യു​ടെ നാമവും അവന്റെ നീതി​യുള്ള പ്രമാ​ണ​ങ്ങ​ളും വഴിക​ളും ഉൾപ്പെടെ അതുമാ​യി ബന്ധപ്പെട്ട സകല കാര്യ​ങ്ങ​ളും യെശയ്യാവ്‌ പ്രിയ​ങ്ക​ര​മാ​യി കരുതു​ന്നു. യഹോ​വ​യോ​ടു സമാന​മായ സ്‌നേഹം നട്ടുവ​ളർത്തു​ന്ന​വർക്കു തീർച്ച​യാ​യും അവന്റെ അനു​ഗ്രഹം ലഭിക്കും.—സങ്കീർത്തനം 5:8; 25:4, 5; 135:13; ഹോശേയ 12:5.

17. ദുഷ്ടന്മാർക്ക്‌ എന്തെല്ലാം പദവികൾ നിഷേ​ധി​ക്ക​പ്പെ​ടും?

¹⁷ എന്നിരുന്നാലും, എല്ലാവ​രു​മൊ​ന്നും യഹോ​വ​യെ​യും അവന്റെ ഉന്നത നിലവാ​ര​ങ്ങ​ളെ​യും പ്രിയ​പ്പെ​ടു​ന്നില്ല. (യെശയ്യാ​വു 26:10 വായി​ക്കുക.) ധാർമി​ക​വും ആത്മീയ​വു​മാ​യി ശുദ്ധി​യുള്ള യഹോ​വ​യു​ടെ ജനം വസിക്കുന്ന “നേരുള്ള ദേശത്തു” പ്രവേ​ശി​ക്കേ​ണ്ട​തി​നു നീതി​നി​ഷ്‌ഠ​മായ വഴികൾ പഠിക്കാൻ ദുഷ്ടന്മാർക്കു ക്ഷണം ലഭിക്കു​മ്പോൾ അവർ അതു മനഃപൂർവം നിരസി​ക്കു​ന്നു. തന്നിമി​ത്തം, ദുഷ്ടന്മാർ ‘യഹോ​വ​യു​ടെ മഹത്വം കാണു​ക​യില്ല.’ യഹോ​വ​യു​ടെ നാമം വിശു​ദ്ധീ​ക​രി​ക്ക​പ്പെട്ട ശേഷം മനുഷ്യ​വർഗ​ത്തി​നു ലഭിക്കാ​നി​രി​ക്കുന്ന അനു​ഗ്ര​ഹങ്ങൾ ആസ്വദി​ക്കാൻ അവർ ഉണ്ടായി​രി​ക്കു​ക​യില്ല. മുഴു ഭൂമി​യും “നേരുള്ള ദേശ”മായി​രി​ക്കുന്ന പുതിയ ലോക​ത്തിൽ പോലും ചിലർ യഹോ​വ​യു​ടെ സ്‌നേ​ഹ​ദ​യ​യോ​ടു വിലമ​തി​പ്പു പ്രകടി​പ്പി​ക്കാൻ പരാജ​യ​പ്പെ​ടും. അത്തരക്കാ​രു​ടെ പേര്‌ ജീവപു​സ്‌ത​ക​ത്തിൽ ഉണ്ടായി​രി​ക്കില്ല.—യെശയ്യാ​വു 65:20; വെളി​പ്പാ​ടു 20:12, 15.

18. യെശയ്യാ​വി​ന്റെ നാളിൽ ചിലർ അന്ധരാ​യി​രി​ക്കാൻ മനഃപൂർവം ശ്രമി​ക്കു​ന്നത്‌ എങ്ങനെ, യഹോ​വയെ ‘കാണാൻ’ അവർ നിർബ​ന്ധി​ത​രാ​കു​ന്നത്‌ എപ്പോൾ?

¹⁸ “യഹോവേ, നിന്റെ കൈ ഉയർന്നി​രി​ക്കു​ന്നു; അവരോ കാണു​ന്നില്ല; എങ്കിലും ജനത്തെ​ക്കു​റി​ച്ചുള്ള നിന്റെ തീക്ഷ്‌ണത അവർ കണ്ടു ലജ്ജിക്കും; നിന്റെ ശത്രു​ക്കളെ ദഹിപ്പി​ക്കുന്ന തീ അവരെ ദഹിപ്പി​ച്ചു​ക​ള​യും.” (യെശയ്യാ​വു 26:11) യെശയ്യാ​വി​ന്റെ നാളിൽ യഹോവ തന്റെ ജനത്തിന്റെ ശത്രു​ക്കൾക്കെ​തി​രെ പ്രവർത്തി​ക്കു​മ്പോൾ അവന്റെ കരം ഉയർന്നി​രി​ക്കു​ന്നു എന്നു വ്യക്തമാ​യും പറയാൻ കഴിയു​മാ​യി​രു​ന്നു. എന്നാൽ പലരും അതു തിരി​ച്ച​റി​ഞ്ഞി​ട്ടില്ല. ആത്മീയ​മാ​യി അന്ധരാ​യി​രി​ക്കാൻ മനഃപൂർവം ശ്രമി​ക്കുന്ന അത്തരക്കാർ ഒടുവിൽ അവന്റെ തീക്ഷ്‌ണ​താ​ഗ്നിക്ക്‌ ഇരയാ​കു​മ്പോൾ അതു ‘കാണാൻ’ അല്ലെങ്കിൽ തിരി​ച്ച​റി​യാൻ നിർബ​ന്ധി​ത​രാ​കും. (സെഫന്യാ​വു 1:18) ദൈവം പിന്നീട്‌ യെഹെ​സ്‌കേ​ലി​നോട്‌ പറയുന്നു: ‘ഞാൻ യഹോവ എന്ന്‌ അവർ അറിയും [“അറിയേണ്ടിവരും,”NW].’—യെഹെ​സ്‌കേൽ 38:23.

‘യഹോവ താൻ സ്‌നേ​ഹി​ക്കു​ന്ന​വനെ ശിക്ഷി​ക്കു​ന്നു’

19, 20. (എ) യഹോവ തന്റെ ജനത്തെ ശിക്ഷി​ക്കു​ന്നത്‌ എന്തു​കൊണ്ട്‌, എങ്ങനെ? (ബി) അത്തരം ശിക്ഷയിൽനിന്ന്‌ ആർ പ്രയോ​ജനം അനുഭ​വി​ച്ചു?

¹⁹ യഹോവയുടെ അനു​ഗ്രഹം ഒന്നു​കൊ​ണ്ടു മാത്ര​മാ​ണു തന്റെ ദേശക്കാർ സമാധാ​ന​വും സമൃദ്ധി​യും ആസ്വദി​ക്കു​ന്നത്‌ എന്ന്‌ യെശയ്യാ​വിന്‌ നന്നായി അറിയാം. “യഹോവേ, നീ ഞങ്ങൾക്കാ​യി​ട്ടു സമാധാ​നം നിയമി​ക്കും; ഞങ്ങളുടെ സകല​പ്ര​വൃ​ത്തി​ക​ളെ​യും നീ ഞങ്ങൾക്കു വേണ്ടി നിവർത്തി​ച്ചി​രി​ക്കു​ന്നു​വ​ല്ലോ.” (യെശയ്യാ​വു 26:12) യഹോവ യഹൂദാ നിവാ​സി​കൾക്കു സമാധാ​ന​വും സമൃദ്ധി​യും നൽകു​ക​യും “പുരോ​ഹി​ത​രാ​ജ​ത്വ​വും വിശു​ദ്ധ​ജ​ന​വും” ആയിരി​ക്കാ​നുള്ള അവസരം നൽകു​ക​യും ചെയ്‌തി​ട്ടും, അവർ പലപ്പോ​ഴും യഹോ​വ​യോട്‌ അവിശ്വ​സ്‌തത കാട്ടു​ക​യു​ണ്ടാ​യി. (പുറപ്പാ​ടു 19:6) അവർ വീണ്ടും വീണ്ടും വ്യാജ​ദൈ​വ​ങ്ങ​ളി​ലേക്കു തിരിഞ്ഞു. തന്നിമി​ത്തം, പലവട്ടം യഹോവ അവരെ ശിക്ഷിച്ചു. എന്നാൽ, അത്തരം ശിക്ഷ യഹോ​വ​യു​ടെ സ്‌നേ​ഹ​ത്തി​ന്റെ തെളി​വാണ്‌. കാരണം, “[യഹോവ] താൻ സ്‌നേ​ഹി​ക്കു​ന്ന​വനെ ശിക്ഷി​ക്കു​ന്നു.”—എബ്രായർ 12:6.

²⁰ മിക്കപ്പോഴും, ഇസ്രാ​യേ​ല്യ​രു​ടെ​മേൽ ആധിപ​ത്യം നടത്താൻ മറ്റു ജനതകളെ, ‘മററ്‌ അധിപൻമാ​രെ’ (“പി.ഒ.സി. ബൈ.”) അനുവ​ദി​ച്ചു​കൊ​ണ്ടാണ്‌ യഹോവ തന്റെ ജനത്തെ ശിക്ഷി​ക്കു​ന്നത്‌. (യെശയ്യാ​വു 26:13 വായി​ക്കുക.) പൊ.യു.മു. 607-ൽ അവരെ പ്രവാ​സ​ത്തി​ലേക്കു കൊണ്ടു​പോ​കാൻ ബാബി​ലോ​ണി​യരെ അവൻ അനുവ​ദി​ക്കു​ന്നു. അത്‌ അവർക്കു പ്രയോ​ജനം ചെയ്യു​ന്നു​ണ്ടോ? യാതന അതിൽത്തന്നെ ഒരു വ്യക്തിക്കു പ്രയോ​ജനം ചെയ്യു​ന്നില്ല. എന്നാൽ, അത്‌ അനുഭ​വി​ക്കുന്ന വ്യക്തി, തനിക്കു നേരി​ടുന്ന സംഗതി​ക​ളിൽനിന്ന്‌ ഒരു പാഠം പഠിക്കു​ക​യും അനുത​പിച്ച്‌ യഹോ​വ​യ്‌ക്ക്‌ സമ്പൂർണ ഭക്തി നൽകു​ക​യും ചെയ്യു​ന്ന​പക്ഷം അത്‌ അയാൾക്കു പ്രയോ​ജനം ചെയ്യും. (ആവർത്ത​ന​പു​സ്‌തകം 4:25-31) യഹൂദ​ന്മാ​രിൽ ആരെങ്കി​ലും ദൈവിക അനുതാ​പം പ്രകടി​പ്പി​ക്കു​ന്നു​ണ്ടോ? തീർച്ച​യാ​യും! യെശയ്യാവ്‌ അതേക്കു​റിച്ച്‌ പ്രാവ​ച​നിക ഭാഷയിൽ ഇങ്ങനെ പറയുന്നു: “എന്നാൽ അങ്ങയുടെ നാമം മാത്ര​മാണ്‌ ഞങ്ങൾ ഏറ്റുപ​റ​യു​ന്നത്‌.” (“പി.ഒ.സി. ബൈ.”) പൊ.യു.മു. 537-ൽ ബാബി​ലോ​ണി​ലെ പ്രവാ​സ​ത്തിൽനി​ന്നു മടങ്ങിവന്ന ശേഷം പല പാപങ്ങൾക്കും യഹൂദ​ന്മാർക്കു ശിക്ഷണം വേണ്ടി​വ​ന്നെ​ങ്കി​ലും വിഗ്രഹ ദൈവ​ങ്ങ​ളു​ടെ ആരാധ​ന​യി​ലേക്ക്‌ അവർ വീണ്ടു​മൊ​രി​ക്ക​ലും മടങ്ങി​പ്പോ​കു​ന്നില്ല.

21. ദൈവ​ജ​നത്തെ അടിച്ച​മർത്തി​യ​വർക്ക്‌ എന്തു സംഭവി​ക്കും?

²¹ യഹൂദാ നിവാ​സി​കളെ ബന്ദിക​ളാ​ക്കി​യ​വ​രു​ടെ കാര്യ​മോ? “മരിച്ചവർ ജീവി​ക്കു​ന്നില്ല; മൃതന്മാർ എഴു​ന്നേ​ല്‌ക്കു​ന്നില്ല; അതിന്നാ​യി​ട്ട​ല്ലോ നീ അവരെ സന്ദർശി​ച്ചു സംഹരി​ക്ക​യും അവരുടെ ഓർമ്മയെ അശേഷം ഇല്ലാതാ​ക്കു​ക​യും ചെയ്‌തതു.” (യെശയ്യാ​വു 26:14) യഹോ​വ​യു​ടെ തെര​ഞ്ഞെ​ടു​ക്ക​പ്പെട്ട ജനതയെ ദ്രോ​ഹിച്ച ബാബി​ലോൺ തീർച്ച​യാ​യും യാതന അനുഭ​വി​ക്കും. മേദ്യ​രെ​യും പേർഷ്യ​ക്കാ​രെ​യും ഉപയോ​ഗിച്ച്‌ അഹങ്കാ​രി​യായ ബാബി​ലോ​ണി​നെ തകർത്തു നശിപ്പി​ച്ചു​കൊണ്ട്‌ പ്രവാ​സ​ത്തി​ലുള്ള തന്റെ ജനതയെ യഹോവ വിടു​വി​ക്കും. ആ മഹാന​ഗ​ര​മായ ബാബി​ലോൺ മൃതമാ​കും, അക്ഷരാർഥ​ത്തിൽ നാമാ​വ​ശേ​ഷ​മാ​കും.

22. ആധുനിക നാളിൽ ദൈവ​ജനം എങ്ങനെ അനു​ഗ്ര​ഹി​ക്ക​പ്പെ​ട്ടി​രി​ക്കു​ന്നു?

²² ആ പ്രവച​ന​ത്തിന്‌ ഒരു ആധുനിക നിവൃ​ത്തി​യുണ്ട്‌. മഹാബാ​ബി​ലോ​ണി​ന്റെ അടിമ​ത്ത​ത്തി​ലാ​യി​രുന്ന ആത്മീയ ഇസ്രാ​യേ​ലി​ന്റെ ഒരു ശേഷി​പ്പി​നു ശിക്ഷണം ലഭിക്കു​ക​യും 1919-ൽ അവർ അടിമ​ത്ത​ത്തിൽനി​ന്നു മോചി​ത​രാ​യി യഹോ​വ​യു​ടെ സേവന​ത്തി​ലേക്കു പുനഃ​സ്ഥി​തീ​ക​രി​ക്ക​പ്പെ​ടു​ക​യും ചെയ്‌തു. പുനരു​ജ്ജീ​വി​പ്പി​ക്ക​പ്പെട്ട അഭിഷിക്ത ക്രിസ്‌ത്യാ​നി​കൾ സജീവ​മാ​യി പ്രസം​ഗ​വേ​ല​യിൽ ഏർപ്പെട്ടു. (മത്തായി 24:14) തത്‌ഫ​ല​മാ​യി, നല്ല വർധനവു നൽകി​ക്കൊണ്ട്‌ യഹോവ അവരെ അനു​ഗ്ര​ഹി​ച്ചു. “വേറെ ആടുകളു”ടെ ഒരു മഹാപു​രു​ഷാ​രത്തെ അവൻ അവരോ​ടു കൂട്ടി​ച്ചേർക്കു​ക​പോ​ലും ചെയ്‌തു. (യോഹ​ന്നാൻ 10:16) “നീ ജനത്തെ വർദ്ധി​പ്പി​ച്ചു; യഹോവേ, ജനത്തെ നീ വർദ്ധി​പ്പി​ച്ചു; നീ മഹത്വ​പ്പെ​ട്ടി​രി​ക്കു​ന്നു; ദേശത്തി​ന്റെ അതിരു​ക​ളെ​യെ​ല്ലാം നീ വിസ്‌താ​ര​മാ​ക്കി​യി​രി​ക്കു​ന്നു. യഹോവേ, കഷ്ടതയിൽ അവർ നിന്നെ നോക്കു​ക​യും നിന്റെ ശിക്ഷ അവർക്കു തട്ടിയ​പ്പോൾ ജപംക​ഴി​ക്ക​യും ചെയ്‌തു.”—യെശയ്യാ​വു 26:15, 16.

‘അവർ എഴു​ന്നേൽക്കും’

23. (എ) പൊ.യു.മു. 537-ൽ യഹോ​വ​യു​ടെ ശക്തിയു​ടെ ശ്രദ്ധേ​യ​മായ എന്തു പ്രകടനം നടക്കുന്നു? (ബി) അവന്റെ ശക്തിയു​ടെ സമാന​മായ എന്തു പ്രകടനം 1919-ൽ ഉണ്ടായി?

²³ യഹൂദാ നിവാ​സി​കൾ ബാബി​ലോ​ണിൽ പ്രവാ​സ​ത്തി​ലാ​യി​രി​ക്കുന്ന സാഹച​ര്യ​ത്തെ കുറിച്ച്‌ യെശയ്യാവ്‌ വീണ്ടും പ്രതി​പാ​ദി​ക്കു​ന്നു. അവൻ ആ ജനതയെ പരസഹാ​യം കൂടാതെ പ്രസവി​ക്കാൻ കഴിയാത്ത, പ്രസവ​വേദന അനുഭ​വി​ക്കുന്ന ഒരു സ്‌ത്രീ​യോ​ടു താരത​മ്യം ചെയ്യുന്നു. (യെശയ്യാ​വു 26:17, 18 വായി​ക്കുക.) പൊ.യു.മു. 537-ൽ യഹോ​വ​യു​ടെ ജനത്തിന്‌ ആ സഹായം ലഭിക്കു​ക​യും അങ്ങനെ അവർ തങ്ങളുടെ സ്വദേ​ശ​ത്തേക്കു മടങ്ങു​ക​യും ചെയ്യുന്നു. ആലയം പുതു​ക്കി​പ്പ​ണി​യാ​നും നിർമല ആരാധന പുനഃ​സ്ഥാ​പി​ക്കാ​നും അവർ അത്യന്തം ഉത്സുക​രാണ്‌. ആ ജനത മരിച്ച അവസ്ഥയിൽനി​ന്നു ജീവനി​ലേക്കു വന്നതു പോ​ലെ​യാ​ണി​പ്പോൾ. “നിന്റെ മൃതന്മാർ ജീവി​ക്കും; എന്റെ ശവങ്ങൾ എഴു​ന്നേ​ല്‌ക്കും; പൊടി​യിൽ കിടക്കു​ന്ന​വരേ, ഉണർന്നു ഘോഷി​പ്പിൻ; നിന്റെ മഞ്ഞു പ്രഭാ​ത​ത്തി​ലെ മഞ്ഞു​പോ​ലെ ഇരിക്കു​ന്നു; ഭൂമി പ്രേത​ന്മാ​രെ [“മൃതന്മാ​രെ,” NW] പ്രസവി​ക്കു​മ​ല്ലോ.” (യെശയ്യാ​വു 26:19) യഹോ​വ​യു​ടെ ശക്തിയു​ടെ എന്തൊരു പ്രകട​ന​മാണ്‌ അത്‌! കൂടാതെ, 1919-ൽ ആത്മീയ അർഥത്തിൽ ഈ വാക്കുകൾ നിവൃ​ത്തി​യേ​റി​യ​പ്പോൾ എത്ര മഹത്തായ വിധത്തി​ലാണ്‌ അവന്റെ ശക്തി പ്രകട​മാ​യത്‌! (വെളി​പ്പാ​ടു 11:7-11) പുതിയ ലോക​ത്തിൽ ഈ വാക്കുകൾ അക്ഷരാർഥ​ത്തിൽ നിവൃ​ത്തി​യേ​റുന്ന സമയത്തി​നാ​യി, “മൃതന്മാർ” സ്‌മാ​ര​ക​ക്ക​ല്ല​റ​ക​ളിൽനിന്ന്‌ ‘യേശു​വി​ന്റെ ശബ്ദം കേട്ടു പുനരു​ത്ഥാ​നം ചെയ്യുന്ന’ സമയത്തി​നാ​യി നാം എത്ര ആകാം​ക്ഷ​യോ​ടെ​യാ​ണു കാത്തി​രി​ക്കു​ന്നത്‌!—യോഹ​ന്നാൻ 5:28, 29.

24, 25. (എ) ഒളിച്ചി​രി​ക്കാ​നുള്ള യഹോ​വ​യു​ടെ കൽപ്പന പൊ.യു.മു. 539-ലെ യഹൂദ​ന്മാർക്ക്‌ അനുസ​രി​ക്കാ​നാ​കു​ന്നത്‌ എങ്ങനെ? (ബി) ആധുനിക നാളിൽ ‘ഉൾമു​റി​കൾ’ എന്തി​നെ​യാ​കാം സൂചി​പ്പി​ക്കു​ന്നത്‌, അവയോ​ടുള്ള ബന്ധത്തിൽ നമ്മുടെ മനോ​ഭാ​വം എന്തായി​രി​ക്കണം?

²⁴ യെശയ്യാവിലൂടെ ദൈവം വാഗ്‌ദാ​നം ചെയ്‌ത ആത്മീയ അനു​ഗ്ര​ഹങ്ങൾ ആസ്വദി​ക്കു​ന്ന​തിന്‌ വിശ്വ​സ്‌ത​രായ വ്യക്തികൾ യഹോ​വ​യു​ടെ കൽപ്പനകൾ തീർച്ച​യാ​യും അനുസ​രി​ക്കേ​ണ്ട​തുണ്ട്‌: “എന്റെ ജനമേ, വന്നു നിന്റെ അറകളിൽ [“ഉൾമു​റി​ക​ളിൽ,” NW] കടന്നു വാതി​ലു​കളെ അടെക്ക; ക്രോധം കടന്നു​പോ​കു​വോ​ളം അല്‌പ​നേ​ര​ത്തേക്കു ഒളിച്ചി​രിക്ക. യഹോവ ഭൂവാ​സി​കളെ അവരുടെ അകൃത്യം​നി​മി​ത്തം സന്ദർശി​പ്പാൻ തന്റെ സ്ഥലത്തു​നി​ന്നു ഇതാ, വരുന്നു. ഭൂമി താൻ കുടിച്ച രക്തം ഒക്കെയും വെളി​പ്പെ​ടു​ത്തും; തന്നിലുള്ള ഹതന്മാരെ ഇനി മൂടി​വെ​ക്ക​യു​മില്ല.” (യെശയ്യാ​വു 26:20, 21; സെഫന്യാ​വു 1:14 താരത​മ്യം ചെയ്യുക.) പൊ.യു.മു. 539-ൽ, കോ​രെശ്‌ (സൈറസ്‌) രാജാ​വി​ന്റെ നേതൃ​ത്വ​ത്തിൽ മേദ്യ​രും പേർഷ്യ​ക്കാ​രും ബാബി​ലോൺ കീഴട​ക്കി​യ​പ്പോൾ ഈ വാക്യ​ങ്ങ​ളു​ടെ പ്രാരംഭ നിവൃത്തി സംഭവി​ച്ചി​രി​ക്കണം. ഗ്രീക്കു ചരി​ത്ര​കാ​ര​നായ സെനോ​ഫോൺ റിപ്പോർട്ടു ചെയ്യു​ന്ന​ത​നു​സ​രിച്ച്‌, ബാബി​ലോ​ണിൽ പ്രവേ​ശി​ക്കുന്ന കോ​രെശ്‌ എല്ലാവ​രും അവരവ​രു​ടെ വീടു​കൾക്കു​ള്ളിൽ ആയിരി​ക്കാൻ കൽപ്പന പുറ​പ്പെ​ടു​വി​ക്കു​ന്നു. “വീടിനു വെളി​യിൽ കാണുന്ന ഏതൊ​രാ​ളെ​യും വെട്ടി​ക്കൊ​ല്ലാൻ അശ്വ​സൈ​ന്യ​ത്തിന്‌ ആജ്ഞ” നൽകി​യി​രു​ന്ന​ത്രേ. ഇന്ന്‌, ലോക​വ്യാ​പ​ക​മാ​യുള്ള യഹോ​വ​യു​ടെ ജനത്തിന്റെ പതിനാ​യി​ര​ക്ക​ണ​ക്കി​നു വരുന്ന സഭക​ളെ​യാ​കാം ഈ പ്രവച​ന​ത്തി​ലെ ‘ഉൾമു​റി​കൾ’ സൂചി​പ്പി​ക്കു​ന്നത്‌. ആ സഭകൾ തുടർന്നും—‘മഹോ​പ​ദ്രവ’ സമയത്തു പോലും—നമ്മുടെ ജീവി​ത​ത്തിൽ മുഖ്യ പങ്കുവ​ഹി​ക്കു​ന്ന​താ​യി​രി​ക്കും. (വെളി​പ്പാ​ടു 7:14, NW) സഭയോ​ടുള്ള ബന്ധത്തിൽ നമുക്കു നല്ലൊരു മനോ​ഭാ​വം ഉണ്ടായി​രി​ക്കു​ന്ന​തും അതോ​ടൊ​ത്തു ക്രമമാ​യി സഹവസി​ക്കു​ന്ന​തും എത്ര ജീവത്‌പ്ര​ധാ​ന​മാണ്‌!—എബ്രായർ 10:24, 25.

²⁵ സാത്താന്യ ലോക​ത്തി​ന്റെ നാശം ആസന്നമാണ്‌. ഭയജന​ക​മായ ആ സമയത്തു തന്റെ ജനത്തെ യഹോവ എങ്ങനെ സംരക്ഷി​ക്കു​മെന്നു നമുക്ക്‌ അറിഞ്ഞു​കൂ​ടാ. (സെഫന്യാ​വു 2:3) എന്നാൽ ഒരു കാര്യം നമുക്കു വ്യക്തമാ​യി അറിയാം: അതിജീ​വനം യഹോ​വ​യി​ലുള്ള നമ്മുടെ വിശ്വാ​സ​ത്തെ​യും അവനോ​ടുള്ള നമ്മുടെ വിശ്വ​സ്‌ത​ത​യെ​യും അനുസ​ര​ണ​ത്തെ​യും ആശ്രയി​ച്ചി​രി​ക്കു​ന്നു.

26. ഇസ്രാ​യേ​ല്യ​രു​ടെ​യും നമ്മു​ടെ​യും കാലത്തെ ‘ലിവ്യാ​ഥാൻ’ ആരാണ്‌, ‘സമു​ദ്ര​ത്തി​ലെ’ ഈ ‘മഹാസർപ്പ’ത്തിന്‌ എന്തു സംഭവി​ക്കു​ന്നു?

²⁶ ആ കാലത്തെ ദൃഷ്ടി​പ​ഥ​ത്തിൽ കണ്ടു​കൊണ്ട്‌ യെശയ്യാവ്‌ പ്രവചി​ക്കു​ന്നു: “അന്നാളിൽ യഹോവ കടുപ്പ​വും വലിപ്പ​വും ബലവും ഉള്ള തന്റെ വാൾകൊ​ണ്ടു വിദ്രു​ത​സർപ്പ​മായ ലിവ്യാ​ഥാ​നെ​യും വക്രസർപ്പ​മായ ലിവ്യാ​ഥാ​നെ​യും സന്ദർശി​ക്കും; സമു​ദ്ര​ത്തി​ലെ മഹാസർപ്പത്തെ അവൻ കൊന്നു​ക​ള​യും.” (യെശയ്യാ​വു 27:1) ഈ പ്രവച​ന​ത്തി​ന്റെ പ്രാരംഭ നിവൃ​ത്തി​യിൽ ബാബി​ലോൺ, ഈജി​പ്‌ത്‌, അസീറിയ തുടങ്ങി ഇസ്രാ​യേ​ല്യർ ചിതറി​പ്പോ​യി​രി​ക്കുന്ന രാജ്യ​ങ്ങ​ളെ​യാ​ണു ‘ലിവ്യാ​ഥാൻ’ അർഥമാ​ക്കു​ന്നത്‌. തക്കസമ​യത്തു സ്വദേ​ശ​ത്തേക്കു മടങ്ങു​ന്ന​തിൽനിന്ന്‌ യഹോ​വ​യു​ടെ ജനത്തെ തടയാൻ ഈ രാജ്യ​ങ്ങൾക്കു കഴിയു​ക​യില്ല. എന്നാൽ, ആധുനി​ക​കാ​ലത്തു ലിവ്യാ​ഥാൻ ആരാണ്‌? അത്‌ ‘പഴയ പാമ്പായ’ സാത്താ​നും ആത്മീയ ഇസ്രാ​യേ​ല്യ​രോ​ടു പോരാ​ടു​ന്ന​തി​നുള്ള ഉപകര​ണ​മായ ഭൂമി​യി​ലെ അവന്റെ ദുഷ്ട വ്യവസ്ഥി​തി​യും ആണെന്നു തോന്നു​ന്നു. (വെളി​പ്പാ​ടു 12:9, 10; 13:14, 16, 17; 18:24) ‘ലിവ്യാ​ഥാന്‌’ 1919-ൽ ദൈവ​ജ​ന​ത്തി​ന്മേ​ലുള്ള പിടി നഷ്ടപ്പെട്ടു. യഹോവ ‘സമു​ദ്ര​ത്തി​ലെ മഹാസർപ്പത്തെ കൊന്നു​ക​ളയു’ന്നതോടെ ലിവ്യാ​ഥാ​നു സമ്പൂർണ നാശം ഭവിക്കും. അതിനി​ടെ യഹോ​വ​യു​ടെ ജനത്തി​നെ​തി​രെ ‘ലിവ്യാ​ഥാൻ’ എന്തു ചെയ്യാൻ മുതിർന്നാ​ലും അവൻ അതിൽ സമ്പൂർണ ജയം നേടു​ക​യില്ല.—യെശയ്യാ​വു 54:17.

‘മനോ​ഹ​ര​മാ​യോ​രു മുന്തി​രി​ത്തോ​ട്ടം’

27, 28. (എ) യഹോ​വ​യു​ടെ മുന്തി​രി​ത്തോ​ട്ടം എന്തിനാൽ ഭൂമിയെ നിറച്ചി​രി​ക്കു​ന്നു? (ബി) യഹോവ തന്റെ മുന്തി​രി​ത്തോ​ട്ടത്തെ സംരക്ഷി​ക്കു​ന്നത്‌ എങ്ങനെ?

²⁷ യഹോവയുടെ സ്വതന്ത്ര ജനത്തിനു കൈവ​രുന്ന ഫലസമൃ​ദ്ധി​യെ യെശയ്യാവ്‌ ഇപ്പോൾ മറ്റൊരു ഗീതത്തി​ലൂ​ടെ മനോ​ഹ​ര​മാ​യി വർണി​ക്കു​ന്നു: “അന്നു നിങ്ങൾ മനോ​ഹ​ര​മാ​യോ​രു മുന്തി​രി​ത്തോ​ട്ട​ത്തെ​പ്പ​ററി പാട്ടു പാടു​വിൻ. യഹോ​വ​യായ ഞാൻ അതിനെ സൂക്ഷി​ക്കും; ക്ഷണം​പ്രതി ഞാൻ അതിനെ നനെക്കും; ആരും അതിനെ തൊടാ​തി​രി​ക്കേ​ണ്ട​തി​ന്നു ഞാൻ അതിനെ രാവും പകലും സൂക്ഷി​ക്കും.” (യെശയ്യാ​വു 27:2, 3) ആത്മീയ ഇസ്രാ​യേ​ലി​ന്റെ അഭിഷിക്ത ശേഷി​പ്പും കഠിനാ​ധ്വാ​നി​ക​ളായ അവരുടെ സഹകാ​രി​ക​ളും മുഴു ഭൂമി​യെ​യും ആത്മീയ ഫലങ്ങൾ കൊണ്ടു നിറച്ചി​രി​ക്കു​ന്നു എന്ന കാര്യ​ത്തിൽ സംശയ​മില്ല. ആഘോ​ഷി​ക്കാൻ, അതേ സന്തോ​ഷി​ക്കാൻ എത്ര നല്ല കാരണം! അതിനുള്ള എല്ലാ ബഹുമ​തി​യും യഹോ​വ​യ്‌ക്കു​ള്ള​താണ്‌. കാരണം, തന്റെ മുന്തി​രി​ത്തോ​ട്ടത്തെ സ്‌നേ​ഹ​പു​ര​സ്സരം കാത്തു​പ​രി​പാ​ലി​ക്കു​ന്നത്‌ അവനാണ്‌.—യോഹ​ന്നാൻ 15:1-8 താരത​മ്യം ചെയ്യുക.

²⁸ തീർച്ചയായും, യഹോ​വ​യു​ടെ ക്രോധം സന്തോ​ഷ​ത്തി​നു വഴിമാ​റു​ന്നു! “എനിക്കു ക്രോ​ധ​മില്ല. മുള്ളു​ക​ളും മുൾച്ചെ​ടി​ക​ളും മുളച്ചു​വ​ന്നാൽ ഞാൻ അവയോ​ടു പൊരു​തും. ഞാൻ അവയെ ഒന്നിച്ചു ദഹിപ്പി​ക്കും. അവയ്‌ക്ക്‌ എന്റെ സംരക്ഷണം വേണ​മെ​ങ്കിൽ എന്നോടു സമാധാ​ന​യു​ട​മ്പടി ചെയ്യട്ടെ; എന്നോടു സമാധാ​ന​ത്തിൽ കഴിയട്ടെ!” (യെശയ്യാ​വു 27:4, 5, “പി.ഒ.സി. ബൈ.”) തന്റെ മുന്തി​ര​ത്തോ​ട്ടം സമൃദ്ധ​മാ​യി മുന്തിരി ഉത്‌പാ​ദി​പ്പി​ച്ചു​കൊ​ണ്ടി​രി​ക്കു​ന്നു എന്ന്‌ ഉറപ്പു​വ​രു​ത്താൻ മുന്തി​രി​ത്തോ​ട്ട​ത്തി​നു ഹാനി വരുത്തുന്ന കളസമാ​ന​മായ എന്തി​നെ​യും യഹോവ ചവിട്ടി​മെ​തി​ക്കു​ക​യും തീയി​ലിട്ട്‌ ചുട്ടു​ക​ള​യു​ക​യും ചെയ്യുന്നു. അതു​കൊണ്ട്‌, ക്രിസ്‌തീയ സഭയുടെ ക്ഷേമത്തിന്‌ ആരും വിഘാ​ത​മാ​കാ​തി​രി​ക്കട്ടെ! മറിച്ച്‌, എല്ലാവ​രും യഹോ​വ​യു​ടെ പ്രീതി​യും സംരക്ഷ​ണ​വും നേടു​ന്ന​തിന്‌ ‘അവനിൽ അഭയം പ്രാപി​ക്കട്ടെ.’ അങ്ങനെ ചെയ്യു​ന്ന​തി​ലൂ​ടെ അവർ ദൈവ​വു​മാ​യി സമാധാ​ന​ത്തിൽ ആകുക​യാ​യി​രി​ക്കും ചെയ്യു​ന്നത്‌. പ്രധാ​ന​പ്പെട്ട ഒന്നായ​തി​നാൽ യെശയ്യാവ്‌ രണ്ടു തവണ അക്കാര്യം ആവർത്തി​ക്കു​ന്നു. ഫലമോ? “വരും കാലത്തു യാക്കോബ്‌ വേരൂ​ന്നു​ക​യും യിസ്രാ​യേൽ തളിർത്തു​പൂ​ക്കു​ക​യും അങ്ങനെ ഭൂതല​ത്തി​ന്റെ ഉപരി​ഭാ​ഗം ഫലപൂർണ്ണ​മാ​ക​യും ചെയ്യും.” (യെശയ്യാ​വു 27:6)c ഈ വാക്കു​ക​ളു​ടെ നിവൃത്തി യഹോ​വ​യു​ടെ ശക്തിയു​ടെ എത്ര അത്ഭുത​ക​ര​മായ തെളി​വാണ്‌! 1919 മുതൽ അഭിഷിക്ത ക്രിസ്‌ത്യാ​നി​കൾ ‘ഫലം’കൊണ്ട്‌, പോഷ​ക​പ്ര​ദ​മായ ആത്മീയ ആഹാരം​കൊ​ണ്ടു ഭൂമിയെ നിറച്ചി​രി​ക്കു​ന്നു. തത്‌ഫ​ല​മാ​യി, വിശ്വ​സ്‌ത​രായ ദശലക്ഷ​ക്ക​ണ​ക്കി​നു വേറെ ആടുകൾ അവരോ​ടു ചേർന്നി​രി​ക്കു​ന്നു. ഇരു കൂട്ടരും ചേർന്ന്‌ “[ദൈവ​ത്തി​ന്റെ] ആലയത്തിൽ രാപ്പകൽ അവനെ ആരാധി​ക്കു​ന്നു.” (വെളി​പ്പാ​ടു 7:15) ഒരു ദുഷിച്ച ലോക​ത്തി​ന്മ​ധ്യേ അവർ സസന്തോ​ഷം ദൈവ​ത്തി​ന്റെ ഉയർന്ന നിലവാ​രങ്ങൾ പിൻപ​റ്റു​ന്നു. തന്മൂലം, യഹോവ വർധനവു നൽകി അവരെ തുടർന്നും അനു​ഗ്ര​ഹി​ക്കു​ന്നു. “ഫല”ത്തിൽ പങ്കുപ​റ്റു​ന്ന​തും യഹോ​വ​യ്‌ക്കു സ്‌തുതി കരേറ്റുന്ന വിധത്തിൽ അതു മറ്റുള്ള​വ​രു​മാ​യി പങ്കിടു​ന്ന​തും മഹത്തായ പദവി​യാ​ണെ​ന്നതു നമുക്ക്‌ ഒരിക്ക​ലും മറക്കാ​തി​രി​ക്കാം!

[അടിക്കു​റി​പ്പു​കൾ]

[285-ാം പേജിലെ ചതുരം]

ഒരു “മഹാകാ​ഹളം” വിമോ​ചനം പ്രഖ്യാ​പി​ക്കു​ന്നു

പൊ.യു.മു. 607-ൽ, പ്രവാ​സ​ത്തി​ലേക്ക്‌ അയച്ചു​കൊണ്ട്‌ വഴിപി​ഴച്ച യഹൂദ ജനതയെ യഹോവ ശിക്ഷി​ക്കു​മ്പോൾ ആ ജനതയ്‌ക്കു വലിയ വേദന അനുഭ​വ​പ്പെ​ടു​ന്നു. (യെശയ്യാ​വു 27:7-11 വായി​ക്കുക.) മൃഗബ​ലി​ക​ളാൽ പരിഹ​രി​ക്കാ​നാ​വാത്ത വിധം അത്ര കൊടി​യ​താണ്‌ ആ ജനതയു​ടെ അകൃത്യം. അതു​കൊണ്ട്‌, യഹോവ അവരെ സ്വദേ​ശ​ത്തു​നി​ന്നു തുരത്തും. ചെമ്മരി​യാ​ടു​ക​ളെ​യോ കോലാ​ടു​ക​ളെ​യോ ‘ഓടിച്ചു പുറത്താ​ക്കു​ന്നതു’ പോ​ലെ​യോ (ഓശാന ബൈ.) ശക്തമായ കാറ്റത്ത്‌ ഇലകൾ ദൂരേക്കു ‘പാറ്റി​ക്ക​ള​യു​ന്നതു’ പോ​ലെ​യോ ആയിരി​ക്കും അത്‌. അതേത്തു​ടർന്ന്‌, ദേശത്ത്‌ അവശേ​ഷി​ക്കുന്ന വസ്‌തു​ക്കൾ കൊള്ള​യ​ടി​ക്കാൻ സ്‌ത്രീ​ക​ളാൽ ചിത്രീ​ക​രി​ക്ക​പ്പെ​ടുന്ന ബലഹീ​നർക്കു​പോ​ലും യാതൊ​രു ബുദ്ധി​മു​ട്ടും ഉണ്ടായി​രി​ക്കു​ക​യില്ല.

എന്നിരുന്നാലും, തന്റെ ജനത്തെ പ്രവാ​സ​ത്തിൽനി​ന്നു വിടു​വി​ക്കാ​നുള്ള യഹോ​വ​യു​ടെ സമയം വന്നെത്തു​ന്നു. ഒരു കർഷകൻ ഒലിവു മരത്തിന്റെ ശാഖക​ളിൽ തല്ലി പഴങ്ങൾ വിടു​വി​ച്ചെ​ടു​ക്കു​ന്ന​തു​പോ​ലെ, യഹോവ അവരെ വിടു​വി​ക്കു​ന്നു. “അന്നാളിൽ യഹോവ നദിമു​തൽ മിസ്ര​യീം തോടു​വരെ [യൂഫ്ര​ട്ടീസ്‌ വരെ] കററ മെതി​ക്കും; യിസ്രാ​യേൽ മക്കളേ, നിങ്ങളെ ഓരോ​ന്നാ​യി പെറുക്കി എടുക്കും. അന്നാളിൽ മഹാകാ​ഹളം ഊതും; അശ്ശൂർ ദേശത്തു നഷ്ടരാ​യ​വ​രും മിസ്ര​യീം​ദേ​ശത്തു ഭ്രഷ്ടരാ​യ​വ​രും വന്നു യെരൂ​ശ​ലേ​മി​ലെ വിശു​ദ്ധ​പർവ്വ​ത​ത്തിൽ യഹോ​വയെ നമസ്‌ക​രി​ക്കും.” (യെശയ്യാ​വു 27:12, 13) പൊ.യു.മു. 539-ലെ വിജയത്തെ തുടർന്നു കോ​രെശ്‌ തന്റെ സാമ്രാ​ജ്യ​ത്തി​ലുള്ള എല്ലാ യഹൂദ​ന്മാ​രെ​യും മോചി​പ്പി​ക്കാ​നുള്ള കൽപ്പന പുറ​പ്പെ​ടു​വി​ക്കു​ന്നു. അതിൽ അസീറി​യ​യി​ലും ഈജി​പ്‌തി​ലും ഉള്ള യഹൂദ​ന്മാ​രും ഉൾപ്പെ​ടു​ന്നു. (എസ്രാ 1:1-4) അത്‌ “മഹാകാ​ഹളം” മുഴക്കി, ദൈവ​ജ​ന​ത്തി​ന്റെ സ്വാത​ന്ത്ര്യ​ത്തെ വിളം​ബരം ചെയ്യു​ന്നതു പോ​ലെ​യാണ്‌.

[275-ാം പേജിലെ ചിത്രങ്ങൾ]

‘മൃഷ്ട​ഭോ​ജ​നങ്ങൾ കൊണ്ടുള്ള ഒരു വിരുന്ന്‌’

[277-ാം പേജിലെ ചിത്രം]

പ്രവാസികൾതന്നെ ബാബി​ലോ​ണി​നെ ചവിട്ടി​മെ​തി​ക്കു​ന്നു

[278-ാം പേജിലെ ചിത്രം]

‘നിന്റെ ഉൾമു​റി​ക​ളിൽ പ്രവേ​ശിക്ക’