നിങ്ങൾക്കു “സിംഹ​ഹൃ​ദയ”മുണ്ടാ​യി​രി​ക്കാൻ കഴിയും

ബൈബിൾ ചില​പ്പോ​ഴെ​ല്ലാം സിംഹത്തെ ധൈര്യ​ത്തി​ന്റെ​യും ആത്മവി​ശ്വാ​സ​ത്തി​ന്റെ​യും പ്രതീ​ക​മാ​യി ഉപയോ​ഗി​ക്കു​ന്നു. പരാ​ക്ര​മ​ശാ​ലി​ക​ളോ ധീരരോ ആയ പുരു​ഷ​ന്മാർ “സിംഹ​ഹൃ​ദയ”മുള്ളവ​രാ​യി വർണി​ക്ക​പ്പെ​ട്ടി​രി​ക്കു​ന്നു. കൂടാതെ, നീതി​മാ​ന്മാർ “ബാലസിം​ഹ​ത്തെ​പോ​ലെ ആത്മവി​ശ്വാ​സ​മുള്ള”വരാ​ണെന്നു പറയ​പ്പെ​ടു​ന്നു. (2 ശമൂവേൽ 17:10; സദൃശ​വാ​ക്യ​ങ്ങൾ 28:1, NW) പോരി​നു വെല്ലു​വി​ളി​ക്കു​മ്പോൾ പ്രത്യേ​കി​ച്ചും, “മൃഗങ്ങ​ളിൽവെച്ചു ശക്തി​യേ​റിയ”തെന്ന സൽപ്പേ​രി​നു താൻ അർഹനാ​ണെന്നു സിംഹം കാട്ടി​ത്ത​രു​ന്നു.—സദൃശ​വാ​ക്യ​ങ്ങൾ 30:30.

യഹോ​വ​യാം ദൈവം തന്റെ ജനത്തെ സംരക്ഷി​ക്കാ​നുള്ള ദൃഢനി​ശ്ച​യത്തെ സിംഹ​ത്തി​ന്റെ നിർഭ​യ​ത്വ​ത്തോ​ടാണ്‌ ഉപമി​ക്കു​ന്നത്‌. യെശയ്യാ​വു 31:4, 5 ഇങ്ങനെ പ്രസ്‌താ​വി​ക്കു​ന്നു: “സിംഹ​മോ, ബാലസിം​ഹ​മോ ഇരകണ്ടു മുരളു​മ്പോൾ ഇടയക്കൂ​ട്ടത്തെ അതിന്റെ നേരെ വിളി​ച്ചു​കൂ​ട്ടി​യാ​ലും അതു അവരുടെ കൂക്കു​വി​ളി​കൊ​ണ്ടു പേടി​ക്കാ​തെ​യും അവരുടെ ആരവം​കൊ​ണ്ടു ചുളു​ങ്ങാ​തെ​യും ഇരിക്കു​ന്ന​തു​പോ​ലെ സൈന്യ​ങ്ങ​ളു​ടെ യഹോവ സീയോൻ പർവ്വത​ത്തി​ലും അതിന്റെ ഗിരി​യി​ലും യുദ്ധം ചെയ്‌വാൻ ഇറങ്ങി​വ​രും. . . . അവൻ അതിനെ കാത്തു​ര​ക്ഷി​ക്കും; നശിപ്പി​ക്കാ​തെ അതിനെ പരിപാ​ലി​ക്കും.” അങ്ങനെ, തന്റെ ദാസർക്കു യഹോവ സജീവ​മായ സംരക്ഷണം ഉറപ്പേ​കു​ന്നു, വിശി​ഷ്യാ വിപത്തി​നെ അഭിമു​ഖീ​ക​രി​ക്കു​മ്പോൾ.

ബൈബിൾ മനുഷ്യ​വർഗ​ത്തി​ന്റെ ഏറ്റവും വലിയ പ്രതി​യോ​ഗി​യായ പിശാ​ചായ സാത്താനെ അലറുന്ന, അത്യാർത്തി​പൂണ്ട സിംഹ​ത്തോ​ടു താരത​മ്യം ചെയ്യുന്നു. അവന്‌ ഇരയാ​കാ​തി​രി​ക്കേ​ണ്ട​തിന്‌, “നിർമ്മ​ദ​രാ​യി​രി​പ്പിൻ; ഉണർന്നി​രി​പ്പിൻ” എന്നു തിരു​വെ​ഴു​ത്തു​ക​ളിൽ നമ്മോടു പറഞ്ഞി​രി​ക്കു​ന്നു. (1 പത്രൊസ്‌ 5:8) മാരക​മായ ആത്മീയ മയക്കം ഒഴിവാ​ക്കു​ന്ന​താണ്‌ അതിനുള്ള ഒരു മാർഗം. ഇതു സംബന്ധിച്ച്‌ യേശു ഇങ്ങനെ പറഞ്ഞു: “നിങ്ങളു​ടെ ഹൃദയം അതിഭ​ക്ഷ​ണ​ത്താ​ലും മദ്യപാ​ന​ത്താ​ലും ഉപജീ​വ​ന​ചി​ന്ത​ക​ളാ​ലും ഭാര​പ്പെ​ടാ​തി​രി​പ്പാൻ സൂക്ഷി​ച്ചു​കൊൾവിൻ.” (ലൂക്കൊസ്‌ 21:34-36) അതേ, ഈ “അന്ത്യനാ​ളുക”ളിൽ ആത്മീയ​മാ​യി ഉണർന്നി​രി​ക്കു​ന്നതു നമുക്ക്‌ ‘സിംഹ​ഹൃ​ദയം,’ “യഹോ​വ​യിൽ ആശ്രയിച്ച്‌ ഉറെച്ചി​രി​ക്കു”ന്ന ഒരു ഹൃദയം പ്രദാനം ചെയ്യും.—2 തിമോ​ത്തി 3:1, NW; സങ്കീർത്തനം 112:7, 8.