വായന​ക്കാ​രിൽനി​ന്നുള്ള ചോദ്യ​ങ്ങൾ

യഹോവയുടെ സാക്ഷികൾ സത്യസ​ന്ധ​രാ​യി​രി​ക്കാൻ കിണഞ്ഞു പരി​ശ്ര​മി​ക്കു​ക​യും പരസ്‌പരം വിശ്വാ​സ​മർപ്പി​ക്കു​ക​യും ചെയ്യുന്ന സ്ഥിതിക്ക്‌, അവരിൽ രണ്ടു പേർ തമ്മിൽ ബിസി​നസ്‌ ഇടപാ​ടു​കൾ നടത്തു​മ്പോൾ ലിഖിത ഉടമ്പടി ഉണ്ടാ​ക്കേ​ണ്ടതു പ്രധാ​ന​മാ​ണെന്ന്‌ അവർ വിചാ​രി​ക്കു​ന്നത്‌ എന്തു​കൊണ്ട്‌?

അവർ അങ്ങനെ ചെയ്യു​ന്നതു തിരു​വെ​ഴു​ത്തു​പ​ര​വും പ്രാ​യോ​ഗി​ക​വും സ്‌നേ​ഹ​പൂർവ​ക​വു​മാണ്‌. അതെങ്ങനെ? ബിസി​നസ്‌ ഉടമ്പടി​കൾ സംബന്ധിച്ച ആ വശങ്ങൾ നമുക്കു പരിചി​ന്തി​ക്കാം.

തന്റെ ഉടമ്പടി ജനതയാ​യി​രുന്ന ഇസ്രാ​യേ​ല്യ​രു​മാ​യുള്ള ദൈവ​ത്തി​ന്റെ ഇടപെ​ട​ലു​ക​ളു​ടെ ഒരു ലിഖിത രേഖ ബൈബി​ളിൽ അടങ്ങി​യി​രി​ക്കു​ന്നു. സത്യാ​രാ​ധകർ ഉൾപ്പെ​ടുന്ന ബിസി​നസ്‌ ഇടപാ​ടു​കൾ അതിലുൾപ്പെ​ടു​ന്നു. അത്തര​മൊ​രു വിവരണം ഉല്‌പത്തി 23-ാം അധ്യാ​യ​ത്തിൽ ഉണ്ട്‌. അതു നമുക്കു നോക്കാം. തന്റെ പ്രിയ​പ്പെട്ട സാറാ മരിച്ച​പ്പോൾ, ശവമട​ക്കു​ന്ന​തി​നു സ്ഥലം വാങ്ങാൻ അബ്രാ​ഹാം ആഗ്രഹി​ച്ചു. അവൻ ഹെ​ബ്രോ​നു സമീപം താമസി​ച്ചി​രുന്ന കനാന്യ​രു​മാ​യി സ്ഥലമി​ട​പാ​ടു തുടങ്ങി. താൻ ആഗ്രഹിച്ച സ്ഥലത്തി​നാ​യി ഒരു വ്യക്തമായ തുക അവൻ വാഗ്‌ദാ​നം ചെയ്‌ത​താ​യി 7-9 വാക്യ​ങ്ങ​ളിൽ കാണുന്നു. അവൻ പരസ്യ​മാ​യി, നഗരക​വാ​ട​ത്തി​ലു​ള്ളവർ കേൾക്കെ​യാണ്‌ അതു വാഗ്‌ദാ​നം ചെയ്‌ത​തെന്ന്‌ 10-ാം വാക്യം തെളി​യി​ക്കു​ന്നു. സ്ഥലം എടുത്തു​കൊ​ള്ളാൻ ഉടമസ്ഥൻ അബ്രാ​ഹാ​മി​നോ​ടു പറഞ്ഞെ​ങ്കി​ലും വില​കൊ​ടു​ത്തു മാത്രമേ താൻ ആ സ്ഥലം സ്വീക​രി​ക്കു​ക​യു​ള്ളൂ​വെന്ന്‌ അവൻ പ്രത്യു​ത്തരം നൽകി​യ​താ​യി 13-ാം വാക്യം വ്യക്തമാ​ക്കു​ന്നു. ആ വിധത്തിൽത​ന്നെ​യാ​ണു കാര്യം നടന്ന​തെന്ന്‌ 17, 18, 20 വാക്യങ്ങൾ വിശദീ​ക​രി​ക്കു​ന്നു. അങ്ങനെ “അവന്റെ നഗരവാ​സി​ക​ളായ ഹിത്യ​രു​ടെ മുമ്പാകെ” സ്ഥലം ഉറച്ചു​കി​ട്ടി.

ബിസി​നസ്‌ ഇടപാ​ടു​കൾ നടത്തുന്ന രണ്ടു പേർ സത്യാ​രാ​ധകർ ആയിരി​ക്കു​മ്പോൾ കാര്യങ്ങൾ വ്യത്യ​സ്‌ത​മാ​യി​രി​ക്കു​മാ​യി​രു​ന്നോ? യിരെ​മ്യാ​വു 32-ാം അധ്യായം അതിന്‌ ഉത്തരം നൽകുന്നു. 6-ാം വാക്യം മുതൽ നാം കാണു​ന്നതു യിരെ​മ്യാവ്‌ തന്റെ മച്ചുന​നിൽനി​ന്നു സ്ഥലം വാങ്ങാൻ നിശ്ചയി​ക്കു​ന്ന​താണ്‌. മിതമായ ഒരു വിലയു​ടെ കാര്യ​ത്തിൽ യോജി​പ്പി​ലെ​ത്തി​യ​താ​യി 9-ാം വാക്യം പ്രകട​മാ​ക്കു​ന്നു. 10-12 വാക്യങ്ങൾ ഇപ്രകാ​രം വായി​ക്കു​ന്നു: “ആധാരം എഴുതി മുദ്ര​യി​ട്ടു സാക്ഷി​ക​ളെ​ക്കൊണ്ട്‌ ഒപ്പിടു​വി​ച്ച​ശേഷം ഞാൻ പണം അവന്നു തുലാ​സിൽ തൂക്കി​ക്കൊ​ടു​ത്തു. ഇങ്ങനെ ന്യായ​വും പതിവും അനുസ​രി​ച്ചു മുദ്ര​യി​ട്ടി​രു​ന്ന​തും തുറന്നി​രു​ന്ന​തു​മായ ആധാരങ്ങൾ ഞാൻ വാങ്ങി, ഇളയപ്പന്റെ മകനായ ഹനമെ​യേ​ലും ആധാര​ത്തിൽ ഒപ്പിട്ടി​രുന്ന സാക്ഷി​ക​ളും കാവല്‌പു​ര​മു​റ​റത്തു ഇരുന്നി​രുന്ന യെഹൂ​ദ​ന്മാ​രൊ​ക്കെ​യും കാൺകെ ആധാരം മഹസേ​യാ​വി​ന്റെ മകനായ നേര്യാ​വി​ന്റെ മകൻ ബാരൂ​ക്കി​ന്റെ പക്കൽ കൊടു​ത്തു.”

സഹവി​ശ്വാ​സി​യും ബന്ധുവു​മായ ഒരുവ​നു​മാ​യി ഇടപാടു നടത്തു​ക​യാ​യി​രു​ന്നെ​ങ്കി​ലും, യിരെ​മ്യാവ്‌ ന്യായ​മായ ചില നിയമ നടപടി​കൾ പിൻപറ്റി. രണ്ടു ലിഖിത രേഖകൾ ഉണ്ടാക്കി—ഒന്ന്‌ എളുപ്പം എടുത്തു നോക്കു​ന്ന​തി​നാ​യി തുറന്നു​വെ​ച്ചി​രു​ന്നു, മറ്റൊന്ന്‌ തുറന്നു വെച്ചി​രി​ക്കുന്ന രേഖയു​ടെ കൃത്യ​ത​യിൽ എന്നെങ്കി​ലും എന്തെങ്കി​ലും സംശയ​മു​ണ്ടെ​ങ്കിൽ രണ്ടാം തെളി​വെന്ന നിലയിൽ നോക്കു​ന്ന​തി​നാ​യി മുദ്ര​യി​ട്ടു. ഈ ക്രയവി​ക്ര​യ​ങ്ങ​ളെ​ല്ലാം ചെയ്‌തത്‌ 12-ാം വാക്യം പറയു​ന്ന​തു​പോ​ലെ, അവരുടെ “കാൺകെ” ആയിരു​ന്നു. അതു​കൊണ്ട്‌, അതു പരസ്യ​മായ, സാക്ഷി​ക​ളു​ടെ മുമ്പാകെ ചെയ്‌ത നിയമ​പ​ര​മായ ബിസി​നസ്‌ ഇടപാ​ടാ​യി​രു​ന്നു. ആ സ്ഥിതിക്ക്‌, സത്യാ​രാ​ധകർ പ്രമാ​ണ​മെ​ഴു​തി സ്ഥിരീ​ക​രിച്ച വിധത്തിൽ കാര്യാ​ദി​കൾ കൈകാ​ര്യം ചെയ്യു​ന്നതു തിരു​വെ​ഴു​ത്തു​പ​ര​മായ കീഴ്‌വ​ഴ​ക്ക​മാ​ണെ​ന്നതു വ്യക്തം.

അതു പ്രാ​യോ​ഗി​ക​വു​മാണ്‌. ‘കാലവും മുൻകൂ​ട്ടി​ക്കാ​ണാൻ കഴിയാത്ത സംഭവ​വും അവർക്കെ​ല്ലാം ഭവിക്കു​ന്നു’ എന്ന വാക്കുകൾ എത്രയോ സത്യമാ​ണെന്നു നമുക്ക​റി​യാം. (സഭാ​പ്ര​സം​ഗി 9:11, NW) അതിൽ അർപ്പി​ത​രായ വിശ്വസ്‌ത ക്രിസ്‌ത്യാ​നി​ക​ളും ഉൾപ്പെ​ടു​ന്നു. യാക്കോബ്‌ 4:13, 14 ഇങ്ങനെ പറയുന്നു: “ഇന്നോ നാളെ​യോ ഞങ്ങൾ ഇന്ന പട്ടണത്തിൽ പോയി അവിടെ ഒരാണ്ടു കഴിച്ചു വ്യാപാ​രം ചെയ്‌തു ലാഭം ഉണ്ടാക്കും എന്നു പറയു​ന്ന​വരേ, കേൾപ്പിൻ: നാളെ​ത്തേതു നിങ്ങൾ അറിയു​ന്നി​ല്ല​ല്ലോ.” എന്തെങ്കി​ലും വാങ്ങു​ന്ന​തോ ഏറ്റെടുത്ത ഒരു ജോലി​യോ സേവന​മോ നിർവ​ഹി​ക്കു​ന്ന​തോ മറ്റൊ​രാൾക്കു​വേണ്ടി എന്തെങ്കി​ലും ഉത്‌പാ​ദി​പ്പി​ച്ചു​കൊ​ടു​ക്കു​ന്ന​തോ പോലുള്ള ഒരു പദ്ധതി നാം തുടങ്ങി​യേ​ക്കാം. എന്നാൽ നാളെ—അല്ലെങ്കിൽ അടുത്ത മാസം, അല്ലെങ്കിൽ അടുത്ത വർഷം—എന്തു സംഭവി​ക്കും? നമുക്കോ മറ്റേ കക്ഷിക്കോ ഒരപകടം പറ്റിയാ​ലോ? അങ്ങനെ​യെ​ങ്കിൽ ഉടമ്പടി പാലി​ക്കാൻ സാധി​ക്കാ​തെ വന്നേക്കാം. ഏറ്റെടുത്ത ജോലി​യോ സേവന​മോ നിർവ​ഹി​ക്കാൻ നമുക്കു കഴിയു​ന്നി​ല്ലെ​ങ്കി​ലോ? അല്ലെങ്കിൽ പണം നൽകു​ന്ന​തോ ഉടമ്പടി​യി​ലെ തന്റെ പങ്കു നിർവ​ഹി​ക്കു​ന്ന​തോ മിക്കവാ​റും അസാധ്യ​മെന്നു മറ്റേ കക്ഷി കണ്ടെത്തു​ന്നു​വെ​ങ്കി​ലോ? ലിഖിത ഉടമ്പടി ഇല്ലെങ്കിൽ യഥാർഥ പ്രശ്‌നങ്ങൾ—ഒരുപക്ഷേ ഒരു ലിഖിത ഉടമ്പടി ഉണ്ടായി​രു​ന്നെ​ങ്കിൽ പരിഹ​രി​ക്കാ​നോ തടയാ​നോ കഴിയു​മാ​യി​രുന്ന പ്രശ്‌നങ്ങൾ—ഉയർന്നു​വ​രാം.

ജീവി​ത​ത്തി​ന്റെ പല വശങ്ങളു​ടെ​യും അനിശ്ചിത സ്വഭാവം നിമിത്തം മറ്റാ​രെ​ങ്കി​ലും ഉത്തരവാ​ദി​ത്വം ഏറ്റെടു​ക്കാ​നോ നമ്മുടെ (അല്ലെങ്കിൽ മറ്റേ കക്ഷിയു​ടെ) ബിസി​നസ്‌ ഇടപാ​ടു​കൾ തീർക്കാ​നോ ഇടയാ​യേ​ക്കാ​മെ​ന്നതു നാം മറക്കരുത്‌. 14-ാം വാക്യ​ത്തിൽ യാക്കോബ്‌ ഇങ്ങനെ കൂട്ടി​ച്ചേർക്കു​ന്നു: “നിങ്ങളു​ടെ ജീവൻ എങ്ങനെ​യു​ള്ളതു? അല്‌പ​നേ​ര​ത്തേക്കു കാണു​ന്ന​തും പിന്നെ മറഞ്ഞു​പോ​കു​ന്ന​തു​മായ ആവിയ​ല്ലോ.” അപ്രതീ​ക്ഷി​ത​മാ​യി നമുക്കു മരണം സംഭവി​ച്ചേ​ക്കാ​മെ​ന്നത്‌ ഒരു വസ്‌തു​ത​യാണ്‌. ഇരുവ​രി​ലാർക്കെ​ങ്കി​ലും അപ്രതീ​ക്ഷി​ത​മാ​യി എന്തെങ്കി​ലും സംഭവി​ച്ചാൽ ഒരു ലിഖിത ഉടമ്പടി അഥവാ കരാർ പ്രാ​യോ​ഗിക വിധങ്ങ​ളിൽ കാര്യങ്ങൾ കൈകാ​ര്യം ചെയ്യാൻ മറ്റുള്ള​വരെ സഹായി​ക്കും.

ഒരർഥ​ത്തിൽ ഇതു മൂന്നാ​മത്തെ വശത്തേ​ക്കും നയിക്കു​ന്നു—അതായത്‌, ലിഖിത ഉടമ്പടി​കൾ സ്‌നേ​ഹ​പൂർവ​ക​മാണ്‌. ഉടമ്പടി​യി​ലെ കക്ഷിക​ളി​ലൊ​രാൾ മരിക്കു​ക​യോ ശാരീ​രി​ക​മാ​യി വൈക​ല്യം വരുത്തുന്ന ഒരപക​ട​ത്തി​ല​ക​പ്പെ​ടു​ക​യോ ചെയ്യു​ന്ന​പക്ഷം, ഒരു ക്രിസ്‌ത്യാ​നി​യെന്ന നിലയിൽ സാമ്പത്തി​ക​മാ​യി താൻ കടപ്പെ​ട്ടി​രി​ക്കു​ന്ന​തോ തനിക്കു കിട്ടാ​നു​ള്ള​തോ സംബന്ധിച്ച ഒരു ലിഖിത രേഖ ഉണ്ടായി​രു​ന്നെ​ങ്കിൽ അതു സ്‌നേ​ഹ​പൂർവ​ക​മാ​യി​രു​ന്നേനെ. നാം ഇടപാടു നടത്തുന്ന സഹോ​ദരൻ ചെയ്യേ​ണ്ട​തോ അദ്ദേഹ​ത്തി​നു ലഭി​ക്കേ​ണ്ട​തോ എന്താ​ണെന്നു വ്യക്തമാ​യി പ്രസ്‌താ​വി​ക്കുന്ന ഒരു ലിഖിത ഉടമ്പടി ഉണ്ടാക്കു​ന്നത്‌ അവിശ്വാ​സ​ത്തി​നു പകരം അദ്ദേഹ​ത്തോ​ടുള്ള സ്‌നേ​ഹ​മാ​യി​രി​ക്കും പ്രകട​മാ​ക്കുക. കക്ഷിക​ളി​ലൊ​രാൾ അപൂർണത നിമിത്തം ഏതെങ്കി​ലും വിശദാം​ശ​ങ്ങ​ളോ ഉത്തരവാ​ദി​ത്വ​ങ്ങ​ളോ മറന്നു​പോ​കു​ന്ന​പക്ഷം ഉണ്ടാ​യേ​ക്കാ​വുന്ന കടുത്ത വികാ​ര​ങ്ങ​ളോ നീരസ​മോ പരമാ​വധി കുറയ്‌ക്കാൻ സ്‌നേ​ഹ​പൂർവ​ക​മായ ഈ നടപടി സഹായി​ക്കും. അപൂർണ​രോ മറവി​പ​റ്റു​ന്ന​വ​രോ വിശദാം​ശ​ങ്ങ​ളോ ലക്ഷ്യങ്ങ​ളോ തെറ്റി​ദ്ധ​രി​ക്കാൻ പ്രവണ​ത​യു​ള്ള​വ​രോ അല്ലാത്ത​വ​രാ​യി നമ്മിൽ ആരാണു​ള്ളത്‌?—മത്തായി 16:5.

ലിഖിത ബിസി​നസ്‌ ഉടമ്പടി​കൾ ഉണ്ടാക്കു​ന്നതു മറ്റു വിധങ്ങ​ളി​ലും നമ്മുടെ സഹോ​ദ​ര​നോ​ടും കുടും​ബ​ത്തോ​ടും പൊതു​വിൽ സഭയോ​ടു​മുള്ള സ്‌നേ​ഹത്തെ പ്രതി​ഫ​ലി​പ്പി​ക്കു​ന്നു. എന്നാൽ സ്‌നേ​ഹ​പൂർവ​ക​മായ സംഗതി​യാ​യി​രി​ക്കു​ന്ന​തി​നു പുറമേ, മതിയായ വിശദാം​ശ​ങ്ങ​ളുള്ള അത്തരം ലിഖിത രേഖകൾ പ്രാ​യോ​ഗി​ക​വും തിരു​വെ​ഴു​ത്തു​പ​ര​വു​മാ​ണെ​ന്നതു വ്യക്തമാ​യി​രി​ക്കണം.