• “ഞാൻ . . . ഒരു ഇടയനെ എഴുന്നേൽപ്പിക്കും”
    യഹോവ ശുദ്ധാരാധന പുനഃസ്ഥാപിക്കുന്നു!

    •  5. യഹസ്‌കേൽ വിവരിച്ച കടങ്കഥ​യു​ടെ ചുരുക്കം എന്താണ്‌?

      5 യഹസ്‌കേൽ 17:3-10 വായി​ക്കുക. ആ കടങ്കഥ​യു​ടെ ചുരുക്കം ഇതാണ്‌: “ഒരു വലിയ കഴുകൻ” ഒരു ദേവദാ​രു​വി​ന്റെ “തുഞ്ചത്തെ ഇളംചില്ല” കൊത്തി​യെ​ടുത്ത്‌ “വ്യാപാ​രി​ക​ളു​ടെ ഒരു നഗരത്തിൽ” കൊണ്ടു​ചെന്ന്‌ നടുന്നു. പിന്നെ അത്‌ “ആ ദേശത്തു​നിന്ന്‌ കുറച്ച്‌ വിത്തുകൾ” എടുത്ത്‌ ‘നല്ല നീരോ​ട്ട​വും’ വളക്കൂ​റും ഉള്ള ഒരു നിലത്ത്‌ പാകുന്നു. ആ വിത്ത്‌ ഒരു ‘മുന്തി​രി​വ​ള്ളി​യാ​യി പടർന്ന്‌’ പന്തലി​ക്കു​ന്നു. തുടർന്ന്‌, “മറ്റൊരു വലിയ കഴുകൻ” വരുന്നു. തന്നെ ആ കഴുകൻ നല്ല നീരോ​ട്ട​മുള്ള മറ്റൊ​രി​ട​ത്തേക്കു മാറ്റി​ന​ടു​മെന്ന പ്രതീ​ക്ഷ​യിൽ മുന്തി​രി​വള്ളി അതിന്റെ വേരുകൾ കഴുകന്റെ നേരെ “ആർത്തി​യോ​ടെ” നീട്ടുന്നു. മുന്തി​രി​വള്ളി ചെയ്‌ത​തി​നെ യഹോവ കുറ്റം വിധി​ക്കു​ന്നു. അതിനെ വേരോ​ടെ പിഴു​തെ​ടു​ക്കു​മെ​ന്നും അതു “നിശ്ശേഷം കരിഞ്ഞു​പോ​കു”മെന്നും യഹോവ പറയുന്നു.

      ദേവദാരുവിന്റെ ഇളംചില്ലയുമായി പറക്കുന്ന വലിയ കഴുകൻ.

      ആദ്യത്തെ വലിയ കഴുകൻ ബാബിലോണിലെ നെബൂഖദ്‌നേസർ രാജാ​വി​നെ ചിത്രീ​ക​രി​ച്ചു (6-ാം ഖണ്ഡിക കാണുക)

       6. കടങ്കഥ​യു​ടെ അർഥം വിശദീ​ക​രി​ക്കുക.

      6 ആ കടങ്കഥ​യു​ടെ അർഥം എന്തായി​രു​ന്നു? (യഹസ്‌കേൽ 17:11-15 വായി​ക്കുക.) ബി.സി. 617-ൽ ബാബി​ലോൺരാ​ജാ​വായ നെബൂ​ഖദ്‌നേസർ (ആദ്യത്തെ “വലിയ കഴുകൻ”) യരുശ​ലേം ഉപരോ​ധി​ച്ചു. അദ്ദേഹം യഹൂദ​യി​ലെ യഹോ​യാ​ഖീൻ രാജാ​വി​നെ (‘തുഞ്ചത്തെ ഇളംചി​ല്ലയെ’) സിംഹാ​സ​ന​ത്തിൽനിന്ന്‌ “കൊത്തി​യെ​ടുത്ത്‌” ബാബി​ലോ​ണി​ലേക്കു (‘വ്യാപാ​രി​ക​ളു​ടെ നഗരത്തി​ലേക്കു’) കൊണ്ടു​പോ​യി. പകരം സിദെ​ക്കി​യയെ [‘ദേശത്തെ (രാജവം​ശ​ത്തിൽപ്പെട്ട) വിത്തു​ക​ളിൽ ഒന്നിനെ’] യരുശ​ലേ​മി​ലെ സിംഹാ​സ​ന​ത്തിൽ വാഴിച്ചു. എന്നിട്ട്‌ യഹൂദ​യി​ലെ ആ പുതിയ രാജാ​വി​നെ​ക്കൊണ്ട്‌, വിശ്വസ്‌ത​നായ ഒരു സാമന്ത​രാ​ജാ​വാ​യി​രു​ന്നു​കൊ​ള്ളാം എന്നു ദൈവ​നാ​മ​ത്തിൽ സത്യവും ചെയ്യിച്ചു. (2 ദിന. 36:13) പക്ഷേ സിദെ​ക്കിയ വാക്കു പാലി​ച്ചില്ല. ബാബി​ലോ​ണി​നെ ധിക്കരിച്ച സിദെ​ക്കിയ സൈനി​ക​സ​ഹാ​യം തേടി ഈജിപ്‌തി​ലെ ഫറവോ​നി​ലേക്കു (രണ്ടാമത്തെ ‘വലിയ കഴുക​നി​ലേക്കു’) തിരിഞ്ഞു. പക്ഷേ അതു ഫലം കണ്ടില്ല. വാക്കു​വ്യ​ത്യാ​സം കാണിച്ച സിദെ​ക്കി​യ​യു​ടെ അവിശ്വസ്‌ത​തയെ യഹോവ കുറ്റം വിധിച്ചു. (യഹ. 17:16-21) അങ്ങനെ സിദെ​ക്കി​യയ്‌ക്കു സിംഹാ​സനം നഷ്ടമായി; ഒടുവിൽ ബാബി​ലോ​ണി​ലെ തടവറ​യിൽവെച്ച്‌ അദ്ദേഹം മരിച്ചു.​—യിരെ. 52:6-11.