നമ്മുടെ ശ്രേഷ്‌ഠ​നായ സ്രഷ്ടാ​വി​നോ​ടൊ​ത്തു മേയിക്കൽ

“യഹോവ എന്റെ ഇടയനാ​കു​ന്നു; എനിക്കു മുട്ടു​ണ്ടാ​ക​യില്ല. എന്റെ പ്രാണനെ അവൻ തണുപ്പി​ക്കു​ന്നു; തിരു​നാ​മം​നി​മി​ത്തം എന്നെ നീതി​പാ​ത​ക​ളിൽ നടത്തുന്നു.”—സങ്കീർത്തനം 23:1, 3.

1. യഹോവ ഏതു സ്‌നേ​ഹ​പു​ര​സ്സ​ര​മായ നവോൻമേഷം പ്രദാ​നം​ചെ​യ്യു​ന്നു?

“ദാവീ​ദി​ന്റെ ഒരു കീർത്തന”മായ 23-ാം സങ്കീർത്തനം ക്ഷീണി​ത​രായ അനേകം ദേഹി​കൾക്കു നവോൻമേഷം കൈവ​രു​ത്തി​യി​ട്ടുണ്ട്‌. അത്‌ 6-ാം വാക്യ​ത്തിൽ പ്രകടി​പ്പി​ക്ക​പ്പെ​ട്ടി​രി​ക്കുന്ന ആത്മവി​ശ്വാ​സ​മു​ണ്ടാ​യി​രി​ക്കാൻ അവരെ പ്രോ​ത്സാ​ഹി​പ്പി​ച്ചി​രി​ക്കു​ന്നു: “നൻമയും കരുണ​യും എന്റെ ആയുഷ്‌ക്കാ​ല​മൊ​ക്കെ​യും എന്നെ പിന്തു​ട​രും; ഞാൻ യഹോ​വ​യു​ടെ ആലയത്തിൽ ദീർഘ​കാ​ലം വസിക്കും.” ഇപ്പോൾ സകല ജനതക​ളിൽനി​ന്നും കൂട്ടി​ച്ചേർക്ക​പ്പെ​ട്ടു​കൊ​ണ്ടി​രി​ക്കുന്ന യഹോ​വ​യു​ടെ ജനത്തോ​ടു ചേർന്ന്‌ അവന്റെ ആരാധ​നാ​ല​യ​ത്തിൽ സദാകാ​ല​വും വസിക്കാ​നാ​ണോ നിങ്ങളു​ടെ ആഗ്രഹം? “നിങ്ങളു​ടെ ആത്മാക്ക​ളു​ടെ [ദേഹികളുടെ, NW] ഇടയനും അദ്ധ്യക്ഷ​നു​മാ​യവൻ,” നമ്മുടെ ശ്രേഷ്‌ഠ​സ്ര​ഷ്ടാ​വായ യഹോ​വ​യാം ദൈവം, ആ ലക്ഷ്യം നേടാൻ നിങ്ങളെ സഹായി​ക്കും.—1 പത്രൊസ്‌ 2:25.

2, 3. (എ) യഹോവ എങ്ങനെ തന്റെ ജനത്തെ സ്‌നേ​ഹ​പൂർവം മേയി​ക്കു​ന്നു? (ബി) യഹോ​വ​യു​ടെ “ആട്ടിൻകൂ​ട്ടം” നാടകീ​യ​മാ​യി വർദ്ധി​ച്ചി​രി​ക്കു​ന്ന​തെ​ങ്ങനെ?

² ‘പുതിയ ആകാശ​ത്തി​ന്റെ​യും ഒരു പുതിയ ഭൂമി​യു​ടെ​യും’ സ്രഷ്ടാവ്‌ “ദൈവ​ത്തി​ന്റെ ഭവന”മായ ക്രിസ്‌തീയ സഭയുടെ സംഘാ​ട​ക​നും പരമോ​ന്നത മേൽവി​ചാ​ര​ക​നും കൂടെ​യാണ്‌. (2 പത്രൊസ്‌ 3:13; 1 തിമൊ​ഥെ​യൊസ്‌ 3:15) അവൻ, യെശയ്യാ​വു 40:10, 11 വ്യക്തമാ​യി പ്രസ്‌താ​വി​ക്കു​ന്ന​തു​പോ​ലെ, തന്റെ ജനത്തെ മേയി​ക്കു​ന്ന​തിൽ ആഴമായ താത്‌പ​ര്യ​മു​ള്ള​വ​നാണ്‌: “ഇതാ, യഹോ​വ​യായ കർത്താവു ബലശാ​ലി​യാ​യി വരുന്നു; അവന്റെ ഭുജം അവനു​വേണ്ടി ഭരണം ചെയ്യുന്നു; ഇതാ, കൂലി അവന്റെ പക്കലും പ്രതി​ഫലം അവന്റെ കയ്യിലും ഉണ്ടു. ഒരു ഇടയ​നെ​പ്പോ​ലെ അവൻ തന്റെ ആട്ടിൻകൂ​ട്ടത്തെ മേയി​ക്ക​യും കുഞ്ഞാ​ടു​കളെ ഭുജത്തിൽ എടുത്തു മാർവ്വി​ട​ത്തിൽ ചേർത്തു വഹിക്ക​യും തള്ളകളെ പതുക്കെ നടത്തു​ക​യും ചെയ്യും.”

³ ഒരു വിപു​ല​മായ അർത്ഥത്തിൽ, ഈ “ആട്ടിൻകൂട്ട”ത്തിൽ ക്രിസ്‌തീയ സത്യത്തിൽ ദീർഘ​കാ​ലം നടന്നി​ട്ടു​ള്ള​വ​രും, ഇപ്പോൾ ആഫ്രി​ക്ക​യി​ലും കിഴക്കൻ യൂറോ​പ്പി​ലും സ്‌നാ​പ​ന​മേ​റ​റു​കൊ​ണ്ടി​രി​ക്കുന്ന വലിയ കൂട്ടങ്ങ​ളെ​പ്പോ​ലെ വളരെ അടുത്ത കാലങ്ങ​ളിൽ കൂട്ടി​ച്ചേർക്ക​പ്പെ​ട്ടി​രി​ക്കുന്ന “കുഞ്ഞാ​ടു​ക​ളും” ഉൾപ്പെ​ടു​ന്നു. ബലിഷ്‌ഠ​വും സംരക്ഷ​ക​വു​മായ യഹോ​വ​യു​ടെ ഭുജം അവരെ തന്റെ മാർവ്വി​ലേക്കു കൂട്ടി​ച്ചേർക്കു​ന്നു. അവർ അലഞ്ഞു​തി​രി​യുന്ന ആടുക​ളെ​പ്പോ​ലെ​യാ​യി​രു​ന്നെ​ങ്കി​ലും ഇപ്പോൾ അവർ തങ്ങളുടെ പ്രിയ​ങ്ക​ര​നായ ദൈവ​വും ഇടയനു​മാ​യ​വ​നോ​ടുള്ള ഒരു ഗാഢസൗ​ഹൃ​ദ​ബ​ന്ധ​ത്തി​ലേക്കു വന്നിരി​ക്കു​ന്നു.

യഹോ​വ​യു​ടെ സഹ ഇടയൻ

4, 5. (എ) “നല്ല ഇടയൻ” ആരാണ്‌, പ്രവചനം അവനി​ലേക്കു വിരൽചൂ​ണ്ടി​യ​തെ​ങ്ങനെ? (ബി) യേശു ഏതു വേർതി​രി​ക്കൽവേ​ല​യു​ടെ മേൽവി​ചാ​രണ നടത്തി​ക്കൊ​ണ്ടി​രി​ക്കു​ന്നു, എന്തു മുന്തിയ ഫലത്തോ​ടെ?

⁴ സ്വർഗ്ഗ​ത്തിൽ തന്റെ പിതാ​വി​ന്റെ വല​ങ്കൈക്കൽ സേവി​ച്ചു​കൊ​ണ്ടു “നല്ല ഇടയനായ” യേശു​ക്രി​സ്‌തു​വും തന്റെ “ആടുകൾ”ക്കു സഹാനു​ഭൂ​തി​യോ​ടു​കൂ​ടിയ ശ്രദ്ധ കൊടു​ക്കു​ന്നു. ആദ്യം അഭിഷി​ക്ത​രു​ടെ “ചെറിയ ആട്ടിൻകൂട്ട”ത്തിനും പിന്നീട്‌ ഇക്കാലത്ത്‌ അവന്റെ “വേറെ ആടുക​ളു​ടെ” മഹാപു​രു​ഷാ​ര​ത്തി​നും പ്രയോ​ജനം ചെയ്യു​ന്ന​തിന്‌ അവൻ തന്റെ ജീവനെ വെച്ചു​കൊ​ടു​ത്തു. (ലൂക്കൊസ്‌ 12:32; യോഹ​ന്നാൻ 10:14, 16) വലിയ ഇടയനായ യഹോ​വ​യാം ദൈവം തന്റെ സകല ആടുക​ളെ​യും സംബോ​ധന ചെയ്‌തു​കൊ​ണ്ടു പറയുന്നു: “ഞാൻതന്നേ . . . ഞാൻ ആടിന്നും ആടിന്നും മദ്ധ്യേ ന്യായം​വി​ധി​ക്കും. അവയെ മേയി​ക്കേ​ണ്ട​തി​ന്നു ഞാൻ ഒരേ ഇടയനെ അവെക്കാ​യി നിയമി​ക്കും; എന്റെ ദാസനായ ദാവീ​ദി​നെ തന്നേ; അവൻ അവയെ മേയിച്ചു അവെക്കു ഇടയനാ​യി​രി​ക്കും. അങ്ങനെ യഹോ​വ​യായ ഞാൻ അവർക്കു ദൈവ​വും എന്റെ ദാസനായ ദാവീദ്‌ അവരുടെ മദ്ധ്യേ പ്രഭു​വും ആയിരി​ക്കും; യഹോ​വ​യായ ഞാൻ അതു അരുളി​ച്ചെ​യ്‌തി​രി​ക്കു​ന്നു.”—യെഹെ​സ്‌ക്കേൽ 34:20-24.

⁵ “എന്റെ ദാസനായ ദാവീദ്‌” എന്ന നാമ​ധേയം ദാവീ​ദി​ന്റെ സിംഹാ​സനം അവകാ​ശ​പ്പെ​ടു​ത്തുന്ന “സന്തതി”യായ ക്രിസ്‌തു​യേ​ശു​വി​ലേക്കു പ്രാവ​ച​നി​ക​മാ​യി വിരൽചൂ​ണ്ടു​ന്നു. (സങ്കീർത്തനം 89:35, 36) ജനതക​ളു​ടെ ന്യായ​വി​ധി​യു​ടെ ഈ നാളിൽ, യഹോ​വ​യു​ടെ സഹ ഇടയനും രാജാ​വു​മായ ക്രിസ്‌തു​യേശു, ദാവീ​ദി​ന്റെ പുത്രൻ, “ചെമ്മരി​യാ​ടു​കൾ” എന്നവകാ​ശ​പ്പെ​ട്ടേ​ക്കാ​വു​ന്ന​വ​രും എന്നാൽ യഥാർത്ഥ​ത്തിൽ “കോലാ​ടു​കൾ” ആയിരി​ക്കാ​വു​ന്ന​വ​രു​മാ​യ​വ​രിൽനി​ന്നു മനുഷ്യ​വർഗ്ഗ​ത്തി​ലെ “ചെമ്മരി​യാ​ടു​കളെ” വേർതി​രി​ക്കു​ന്ന​തിൽ തുടരു​ക​യാണ്‌. (മത്തായി 25:31-33) ആടുകളെ പോഷി​പ്പി​ക്കു​ന്ന​തി​നും​കൂ​ടെ​യാണ്‌ ഈ “ഒരേ ഇടയൻ” എഴു​ന്നേൽപ്പി​ക്ക​പ്പെ​ട്ടി​രി​ക്കു​ന്നത്‌. ഈ പ്രവച​ന​ത്തി​ന്റെ എന്തൊരു മഹത്തായ നിവൃ​ത്തി​യാ​ണു നാം ഇന്നു കാണു​ന്നത്‌! രാജ്യ​ത​ന്ത്ര​ജ്ഞൻമാർ ഒരു പുതിയ ലോക​ക്ര​മ​ത്തി​ലൂ​ടെ മനുഷ്യ​വർഗ്ഗത്തെ ഏകീഭ​വി​പ്പി​ക്കു​ന്ന​തി​നെ​ക്കു​റി​ച്ചു സംസാ​രി​ക്കെ, ഈ ഒരു ഇടയൻ യഥാർത്ഥ​ത്തിൽ ഭൂമി​യി​ലെ ദൈവ​സ്ഥാ​പ​ന​ത്തി​നു മാത്രം ഏതു കാലത്തും ഏറെറ​ടു​ക്കാൻ കഴിയുന്ന ഒരു ബഹുഭാ​ഷാ​സാ​ക്ഷീ​ക​ര​ണ​പ്ര​സ്ഥാ​നത്തി​ലൂ​ടെ സകല ജനതക​ളി​ലെ​യും ചെമ്മരി​യാ​ടു​കളെ ഒരുമി​പ്പി​ച്ചു​കൊ​ണ്ടി​രി​ക്കു​ക​യാണ്‌.

6, 7. “വിശ്വ​സ്‌ത​നും വിവേ​കി​യു​മായ അടിമ” ആടുകൾക്ക്‌ “തക്ക സമയത്തെ ആഹാരം” ലഭ്യമാ​ക്കു​ന്ന​തിൽ ശ്രദ്ധി​ച്ചി​രി​ക്കു​ന്ന​തെ​ങ്ങനെ?

⁶ രാജ്യ​സ​ന്ദേശം പുതിയ പ്രദേ​ശ​ങ്ങ​ളി​ലേക്കു നിരന്തരം വ്യാപി​ച്ചു​കൊ​ണ്ടി​രി​ക്കു​മ്പോൾ ആ ഒരിട​യ​നാൽ നിയോ​ഗി​ക്ക​പ്പെട്ട, അഭിഷി​ക്ത​ക്രി​സ്‌ത്യാ​നി​ക​ള​ട​ങ്ങുന്ന “വിശ്വ​സ്‌ത​നും വിവേ​കി​യു​മായ അടിമ” “തക്ക സമയത്തെ ആഹാരം” അയച്ചു​കൊ​ടു​ക്കു​ന്ന​തി​നു സകല കരുത​ലും ചെയ്യു​ന്ന​തിൽ ശ്രദ്ധി​ക്കു​ന്നു. (മത്തായി 24:45, NW) ഭൂമി​യി​ലെ​ങ്ങു​മാ​യി വാച്ച്‌ ടവർ സൊ​സൈ​റ​റി​യു​ടെ അച്ചടി നടക്കുന്ന 33 ബ്രാഞ്ചു​ക​ളിൽ പലതും മെച്ചപ്പെട്ട കൂടുതൽ ബൈബിൾപാ​ഠ​പു​സ്‌ത​ക​ങ്ങ​ളു​ടെ​യും മാസി​ക​ക​ളു​ടെ​യും കൂടി​വ​രുന്ന ആവശ്യം നിറ​വേ​റ​റു​ന്ന​തിന്‌ ഉല്‌പാ​ദനം വർദ്ധി​പ്പി​ച്ചു​കൊ​ണ്ടി​രി​ക്കു​ക​യാണ്‌.

⁷ യഹോ​വ​യു​ടെ സാക്ഷി​ക​ളു​ടെ ഭരണസം​ഘം ഏതാണ്ട്‌ 200 ഭാഷക​ളിൽ വിവർത്ത​ന​ത്തി​ന്റെ ഗുണം മെച്ച​പ്പെ​ടു​ത്തു​ന്ന​തി​നും മുഴു ലോക​വ​യ​ലി​നെ​യും ഉൾപ്പെ​ടു​ത്താ​നാ​വ​ശ്യ​മുള്ള കൂടു​ത​ലായ ഭാഷക​ളിൽ വിവർത്ത​ന​ത്തി​നു തുടക്കം​കു​റി​ക്കു​ന്ന​തി​നും സാദ്ധ്യ​മായ സകല ശ്രമവും ചെയ്‌തു​കൊ​ണ്ടി​രി​ക്കു​ക​യാണ്‌. ഇതു പ്രവൃ​ത്തി​കൾ 1:8-ൽ യേശു തന്റെ ശിഷ്യൻമാർക്കു കൊടുത്ത നിയോ​ഗത്തെ പിന്തു​ണ​ക്കാൻവേ​ണ്ടി​യാണ്‌: “എന്നാൽ പരിശു​ദ്ധാ​ത്മാ​വു നിങ്ങളു​ടെ​മേൽ വരു​മ്പോൾ നിങ്ങൾ ശക്തി ലഭിച്ചി​ട്ടു . . . ഭൂമി​യു​ടെ അററ​ത്തോ​ള​വും എന്റെ സാക്ഷി​ക​ളാ​കും.” തന്നെയു​മല്ല, ഇപ്പോൾത്തന്നെ മുഴു​വ​നാ​യോ ഭാഗി​ക​മാ​യോ 14 ഭാഷക​ളിൽ വിവർത്ത​നം​ചെ​യ്‌തി​ട്ടുള്ള വിശുദ്ധ തിരു​വെ​ഴു​ത്തു​ക​ളു​ടെ പുതി​യ​ലോ​ക​ഭാ​ഷാ​ന്തരം യൂറോ​പ്പി​ലെ​യും ആഫ്രി​ക്ക​യി​ലെ​യും പൗരസ്‌ത്യ​ദേ​ശ​ങ്ങ​ളി​ലെ​യും വേറെ 16 ഭാഷക​ളി​ലേക്കു വിവർത്ത​നം​ചെ​യ്‌തു​കൊ​ണ്ടി​രി​ക്കു​ക​യാണ്‌.

“ദൈവ​സ​മാ​ധാ​നം” ആസ്വദി​ക്കൽ

8. യഹോവ ആടുക​ളു​മാ​യി ചെയ്‌തി​രി​ക്കുന്ന സമാധാന ഉടമ്പടി​യാൽ അവ സമൃദ്ധ​മാ​യി അനു​ഗ്ര​ഹി​ക്ക​പ്പെ​ട്ടി​രി​ക്കു​ന്ന​തെ​ങ്ങനെ?

⁸ യഹോവ തന്റെ ഏക ഇടയനായ ക്രിസ്‌തു​യേശു മുഖേന, നന്നായി പോഷി​പ്പി​ക്ക​പ്പെ​ടുന്ന തന്റെ ആടുക​ളു​മാ​യി ഒരു “സമാധാന ഉടമ്പടി” ചെയ്യുന്നു. (യെശയ്യാ​വു 54:10) യേശു​വി​ന്റെ ചൊരി​യ​പ്പെട്ട രക്തത്തിൽ വിശ്വാ​സം പ്രകട​മാ​ക്കു​ന്ന​തി​ലൂ​ടെ ആടുകൾ വെളി​ച്ച​ത്തിൽ നടക്കാൻ പ്രാപ്‌ത​രാ​ക്ക​പ്പെ​ടു​ന്നു. (1 യോഹ​ന്നാൻ 1:7) അവർ ‘സകല ചിന്ത​യെ​ക്കാ​ളും മികച്ചു​നിൽക്കു​ന്ന​തും ക്രിസ്‌തു​യേ​ശു​മു​ഖേന തങ്ങളുടെ ഹൃദയ​ങ്ങ​ളെ​യും മാനസി​ക​ശ​ക്തി​ക​ളെ​യും കാക്കു​ന്ന​തു​മായ സമാധാ​നം’ ആസ്വദി​ക്കു​ന്നു. (ഫിലി​പ്പി​യർ 4:7, NW) യെഹെ​സ്‌ക്കേൽ 34:25-28 തുടർന്നു വർണ്ണി​ക്കു​ന്ന​തു​പോ​ലെ, യഹോവ തന്റെ ആടുകളെ സുരക്ഷി​ത​ത്വ​ത്തി​ന്റെ​യും നവോൻമേ​ഷ​ദാ​യ​ക​മായ ഐശ്വ​ര്യ​ത്തി​ന്റെ​യും ഫലസമൃ​ദ്ധി​യു​ടെ​യും അവസ്ഥയായ ഒരു ആത്മീയ പറുദീ​സ​യി​ലേക്കു മേയിച്ചു കൊണ്ടു​പോ​കു​ന്നു. സ്‌നേ​ഹ​വാ​നായ ഈ ഇടയൻ തന്റെ ആടുക​ളെ​ക്കു​റി​ച്ചു പറയുന്നു: “ഞാൻ അവരുടെ നുകക്ക​ഴി​കളെ പൊട്ടി​ച്ചു, അവരെ​ക്കൊ​ണ്ടു പണി എടുപ്പി​ച്ച​വ​രു​ടെ കയ്യിൽനി​ന്നു അവരെ വിടു​വി​ക്ക​യും ചെയ്യു​മ്പോൾ ഞാൻ യഹോവ എന്നു അവർ അറിയും. അവർ ഇനി ജാതി​കൾക്കു കവർച്ച ആയിത്തീ​രു​ക​യില്ല; . . . അവർ നിർഭ​യ​മാ​യി വസിക്കും; ആരും അവരെ ഭയപ്പെ​ടു​ത്തു​ക​യില്ല.”

9. ‘നുകക്ക​ഴി​ക​ളു​ടെ തകർക്ക​ലി​നാൽ’ ദൈവ​ജ​ന​ത്തിന്‌ ഏതവസ​രങ്ങൾ തുറന്നു​കി​ട്ടി​യി​രി​ക്കു​ന്നു?

⁹ സമീപ​വർഷ​ങ്ങ​ളിൽ, ഇപ്പോൾത്തന്നെ പല രാജ്യ​ങ്ങ​ളി​ലും യഹോ​വ​യു​ടെ സാക്ഷി​കൾക്ക്‌ “അവരുടെ നുകക്ക​ഴിക”ളുടെ തകർക്കൽ അനുഭ​വ​പ്പെ​ട്ടി​രി​ക്കു​ന്നു. മുമ്പൊ​രി​ക്ക​ലും സാധി​ച്ചി​ട്ടി​ല്ലാത്ത വിധത്തിൽ പ്രസം​ഗി​ക്കാൻ അവർ സ്വത​ന്ത്ര​രാണ്‌. വേല പൂർത്തീ​ക​രി​ക്കു​ന്ന​തി​നു നാം തീവ്ര​യ​ത്‌നം നടത്തവേ യഹോവ പ്രദാ​നം​ചെ​യ്യുന്ന സുരക്ഷി​ത​ത്വ​ത്തെ എല്ലാ രാജ്യ​ത്തും നമു​ക്കെ​ല്ലാം നന്നായി വിനി​യോ​ഗി​ക്കാം. മനുഷ്യ​വർഗ്ഗം കാണാൻപോ​കു​ന്ന​തി​ലേ​ക്കും ഏററവും വലിയ ഉപദ്ര​വ​കാ​ലത്തെ നാം സമീപി​ക്കവേ, യഹോവ എന്തുറ​പ്പാ​ണു നമുക്കു നൽകു​ന്നത്‌!—ദാനി​യേൽ 12:1; മത്തായി 24:21, 22.

10. നല്ല ഇടയനായ ക്രിസ്‌തു​യേ​ശു​വി​നെ സഹായി​ക്കു​ന്ന​തി​നു യഹോവ ആരെ പ്രദാ​നം​ചെ​യ്‌തി​രി​ക്കു​ന്നു, അപ്പൊ​സ്‌ത​ല​നായ പൗലോസ്‌ ഇവരിൽ ചിലരെ എങ്ങനെ സംബോ​ധ​ന​ചെ​യ്‌തു?

¹⁰ ദുഷ്ടൻമാർക്കെ​തി​രായ പ്രതി​കാ​ര​ത്തി​ന്റെ ആ നാളി​നാ​യുള്ള ഒരുക്ക​മാ​യി യഹോവ തന്റെ ആടുക​ളു​ടെ പരിപാ​ല​ന​ത്തി​നു നല്ല ഇടയനായ ക്രിസ്‌തു​യേ​ശു​വി​നെ സഹായി​ക്കാൻ കീഴി​ട​യൻമാ​രെ പ്രദാ​നം​ചെ​യ്‌തി​ട്ടുണ്ട്‌. ഇവർ വെളി​പ്പാ​ടു 1:16-ൽ യേശു​വി​ന്റെ വല​ങ്കൈ​യി​ലെ “ഏഴു നക്ഷത്ര”മായി വർണ്ണി​ക്ക​പ്പെ​ട്ടി​രി​ക്കു​ന്നു, ഒരു പൂർണ്ണ​സം​ഖ്യ​തന്നെ. ഒന്നാം നൂററാ​ണ്ടിൽ, അപ്പൊ​സ്‌ത​ല​നായ പൗലൊസ്‌ ഈ കീഴി​ട​യൻമാ​രു​ടെ ഒരു പ്രതി​പു​രു​ഷ​സം​ഘത്തെ സംബോ​ധ​ന​ചെ​യ്‌തു​കൊ​ണ്ടു പറഞ്ഞു: “നിങ്ങ​ളെ​ത്ത​ന്നേ​യും താൻ സ്വന്തര​ക്ത​ത്താൽ സമ്പാദി​ച്ചി​രി​ക്കുന്ന ദൈവ​ത്തി​ന്റെ സഭയെ മേയ്‌പാൻ പരിശു​ദ്ധാ​ത്മാ​വു നിങ്ങളെ അദ്ധ്യക്ഷ​രാ​ക്കി​വെച്ച ആട്ടിൻകൂ​ട്ടം മുഴു​വ​നെ​യും സൂക്ഷി​ച്ചു​കൊൾവിൻ.” (പ്രവൃ​ത്തി​കൾ 20:28) ഇന്നു ഭൂമി​യി​ലെ​ങ്ങു​മുള്ള 69,558 സഭകളിൽ സേവി​ക്കുന്ന പതിനാ​യി​ര​ക്ക​ണ​ക്കി​നു കീഴി​ട​യൻമാ​രുണ്ട്‌.

കീഴി​ട​യൻമാർ മുൻപ​ന്തി​യി​ലേക്ക്‌!

11. ചില ഇടയൻമാർ കൂടെ​ക്കൂ​ടെ പ്രവർത്തി​ച്ചു​തീർക്കുന്ന പ്രദേ​ശ​ങ്ങ​ളിൽ വിജയ​ക​ര​മാ​യി നേതൃ​ത്വം വഹിച്ചി​രി​ക്കു​ന്ന​തെ​ങ്ങനെ?

¹¹ അനേകം സ്ഥലങ്ങളിൽ ഈ കീഴി​ട​യൻമാർ ഈ അന്ത്യനാ​ളു​ക​ളിൽ ആവർത്തി​ച്ചു പ്രവർത്തി​ച്ചു​തീർത്തി​ട്ടുള്ള പ്രദേ​ശ​ങ്ങ​ളിൽ നേതൃ​ത്വം വഹി​ക്കേ​ണ്ട​താണ്‌. അവർക്ക്‌ ആട്ടിൻകൂ​ട്ട​ത്തി​ന്റെ ഉത്സാഹത്തെ ഒരു ഉയർന്ന തലത്തിൽ എങ്ങനെ നിർത്താൻ കഴിയും? ഇടയൻമാർ അത്യന്തം പ്രശം​സ​നീ​യ​മാ​യി ചെയ്‌തു​കൊ​ണ്ടാ​ണി​രി​ക്കു​ന്നത്‌, അവർ വിജയി​ക​ളാ​യി​രു​ന്നി​ട്ടു​ള്ള​തി​ന്റെ കാരണ​ങ്ങ​ളി​ലൊ​ന്നു സഹായ, നിരന്തര പയനി​യർവേ​ലക്കു പ്രചോ​ദനം കൊടു​ത്തു​വെ​ന്ന​താ​യി​രു​ന്നു. അനേകം ഇടയൻമാർതന്നെ ഈ സേവന​ത്തിൽ പങ്കെടു​ത്തി​ട്ടുണ്ട്‌, അങ്ങനെ ചെയ്യാൻ കഴിയാത്ത പ്രസാ​ധ​കർപോ​ലും പ്രദേ​ശത്തെ വിരക്തി​യെ തരണം​ചെ​യ്യാൻ സഹായി​ക്കുന്ന സന്തോ​ഷ​ത്തോ​ടെ പയനിയർ ആത്മാവു പ്രകട​മാ​ക്കി​യി​ട്ടുണ്ട്‌. (സങ്കീർത്തനം 100:2; 104:33, 34; ഫിലി​പ്പി​യർ 4:4, 5) അങ്ങനെ, ദുഷ്ടത​യും അരാജ​ക​ത്വ​ത്തോ​ട​ടുത്ത അവസ്ഥയും ലോകത്തെ ഗ്രസി​ക്കു​മ്പോൾ ചെമ്മരി​യാ​ടു​തു​ല്യ​രായ അനേകർ രാജ്യ​പ്ര​ത്യാ​ശ സ്വീക​രി​ക്ക​ത്ത​ക്ക​വണ്ണം ഉണർത്ത​പ്പെ​ടു​ക​യാണ്‌.—മത്തായി 12:18, 21; റോമർ 15:12.

12. സത്വരം വളർന്നു​കൊ​ണ്ടി​രി​ക്കുന്ന വയലു​ക​ളിൽ ഏതു ഗൗരവ​മുള്ള പ്രശ്‌നം സ്ഥിതി​ചെ​യ്യു​ന്നു, ഇതു ചില​പ്പോൾ എങ്ങനെ കൈകാ​ര്യം​ചെ​യ്യ​പ്പെ​ടു​ന്നു?

¹² മറെറാ​രു പ്രശ്‌നം ആട്ടിൻകൂ​ട്ടത്തെ പരിപാ​ലി​ക്കു​ന്ന​തി​നു മിക്ക​പ്പോ​ഴും യോഗ്യ​ത​യുള്ള വേണ്ടത്ര ഇടയൻമാ​രി​ല്ലെ​ന്നു​ള്ള​താണ്‌. കിഴക്കൻ യൂറോ​പ്പി​ലെ​പ്പോ​ലെ സത്വര​വ​ളർച്ച​യു​ള്ളേ​ടത്തു നിയമി​ത​മൂ​പ്പൻമാ​രേ​യി​ല്ലാത്ത അനേകം പുതിയ സഭകളുണ്ട്‌. മനസ്സൊ​രു​ക്ക​മുള്ള ആടുകൾ ഉത്തരവാ​ദി​ത്തം വഹിക്കു​ക​യാണ്‌, എന്നാൽ അവർ വളരെ പരിച​യ​ഹീ​ന​രാണ്‌. സഭകളി​ലേക്കു കൂട്ടമാ​യി വരുന്ന ആടുകളെ പരിശീ​ലി​പ്പി​ക്കു​ന്ന​തി​നു സഹായം ആവശ്യ​മാണ്‌. വളരെ സത്വര​മായ വളർച്ച​യുള്ള ബ്രസ്സീൽ, മെക്‌സി​ക്കോ, സയർ എന്നിങ്ങ​നെ​യുള്ള രാജ്യ​ങ്ങ​ളിൽ താരത​മ്യേന ചെറു​പ്പ​മായ സാക്ഷി​കളെ സേവനം സംഘടി​പ്പി​ക്കു​ന്ന​തി​നും മററു പുതി​യ​വരെ പരിശീ​ലി​പ്പി​ക്കു​ന്ന​തി​നും ഉപയോ​ഗി​ക്കേ​ണ്ട​തുണ്ട്‌. പയനി​യർമാർ വിശി​ഷ്ട​മായ സഹായം കൊടു​ക്കു​ന്നുണ്ട്‌, ഇതു സഹോ​ദ​രി​മാർക്കു പുതിയ സഹോ​ദ​രി​മാ​രെ പരിശീ​ലി​പ്പി​ക്കാൻ കഴിയുന്ന ഒരു മണ്ഡലമാണ്‌. യഹോവ തന്റെ ആത്മാവി​നാൽ ഫലങ്ങളെ അനു​ഗ്ര​ഹി​ക്കു​ന്നു. വർദ്ധനവു തുടർന്നു​കൊ​ണ്ടി​രി​ക്കു​ന്നു.—യെശയ്യാ​വു 54:2, 3.

13. (എ) കൊയ്‌ത്തു വളരെ വലുതാ​യ​തു​കൊ​ണ്ടു സകല സാക്ഷി​ക​ളും എന്തിനു​വേണ്ടി പ്രാർത്ഥി​ക്കണം? (ബി) രണ്ടാം ലോക​മ​ഹാ​യു​ദ്ധ​കാ​ല​ത്തും അതിനു മുമ്പും ദൈവ​ജ​ന​ത്തി​ന്റെ പ്രാർത്ഥ​ന​കൾക്ക്‌ എങ്ങനെ ഉത്തരം കിട്ടി?

¹³ പ്രസം​ഗ​വേല സുസ്ഥാ​പി​ത​മാ​യി​രി​ക്കുന്ന രാജ്യ​ങ്ങ​ളി​ലും അടുത്ത കാലത്തു നിയ​ന്ത്ര​ണങ്ങൾ നീക്കപ്പെട്ട രാജ്യ​ങ്ങ​ളി​ലും പുതു​താ​യി പ്രവർത്ത​ന​മാ​രം​ഭിച്ച പ്രദേ​ശ​ങ്ങ​ളി​ലും മത്തായി 9:37, 38-ലെ യേശു​വി​ന്റെ വാക്കുകൾ ഇപ്പോ​ഴും ബാധക​മാണ്‌: “കൊയ്‌ത്തു വളരെ ഉണ്ടു സത്യം, വേലക്കാ​രോ ചുരുക്കം; ആകയാൽ കൊയ്‌ത്തി​ന്റെ യജമാ​ന​നോ​ടു കൊയ്‌ത്തി​ലേക്കു വേലക്കാ​രെ അയക്കേ​ണ്ട​തി​ന്നു യാചി​പ്പിൻ.” യഹോവ കൂടുതൽ ഇടയൻമാ​രെ എഴു​ന്നേൽപ്പി​ക്കേ​ണ്ട​തി​ന്നും നാം പ്രാർത്ഥി​ക്കേണ്ട ആവശ്യ​മുണ്ട്‌. ഇതു തനിക്കു ചെയ്യാൻ കഴിയു​മെന്ന്‌ അവൻ പ്രകട​മാ​ക്കി​യി​ട്ടുണ്ട്‌. രണ്ടാം ലോക​മ​ഹാ​യു​ദ്ധ​കാ​ല​ത്തും അതിനു മുമ്പും ക്രൂര​രായ അശ്ശൂർസ​മാന സ്വേച്ഛാ​ധി​പ​തി​കൾ യഹോ​വ​യു​ടെ സാക്ഷി​കളെ നശിപ്പി​ക്കാൻ ശ്രമിച്ചു. എന്നാൽ അവരുടെ പ്രാർത്ഥ​ന​കൾക്കു​ത്ത​ര​മാ​യി, യഹോവ അവരുടെ സ്ഥാപനത്തെ സ്‌ഫുടം ചെയ്യു​ക​യും അതിനെ യഥാർത്ഥ​മാ​യി ദിവ്യാ​ധി​പ​ത്യ​പ​ര​മാ​ക്കു​ക​യും ആവശ്യ​മാ​യി​രുന്ന “ഇടയൻമാ​രെ”a പ്രദാ​നം​ചെ​യ്യു​ക​യും ചെയ്‌തു. ഇത്‌ ഈ പ്രവച​ന​ത്തി​നു ചേർച്ച​യാ​യി​ട്ടാ​യി​രു​ന്നു: “അശ്ശൂർ നമ്മുടെ ദേശത്തു വന്നു നമ്മുടെ അരമന​ക​ളിൽ ചവിട്ടു​മ്പോൾ നാം അവരുടെ നേരെ ഏഴു ഇടയൻമാ​രെ​യും എട്ടു മാനു​ഷ​പ്ര​ഭു​ക്കൻമാ​രെ​യും നിർത്തും”—നേതൃ​ത്വം വഹിക്കാൻ വേണ്ടതി​ലേറെ സമർപ്പിത മൂപ്പൻമാ​രെ​ത്തന്നെ.—മീഖാ 5:5.

14. സ്ഥാപന​ത്തിൽ ഏതു മുന്തിയ ആവശ്യം നിലവി​ലുണ്ട്‌, സഹോ​ദ​രൻമാർക്ക്‌ എന്തു പ്രോ​ത്സാ​ഹനം കൊടു​ക്ക​പ്പെ​ടു​ന്നു?

¹⁴ സ്‌നാ​പ​ന​മേററ സകല പുരുഷ സാക്ഷി​ക​ളും കൂടു​ത​ലായ പദവികൾ എത്തിപ്പി​ടി​ക്കേ​ണ്ട​തി​ന്റെ മുന്തിയ ആവശ്യ​മുണ്ട്‌. (1 തിമൊ​ഥെ​യൊസ്‌ 3:1) സാഹച​ര്യം അടിയ​ന്തി​ര​മാണ്‌. ഈ വ്യവസ്ഥി​തി​യു​ടെ അവസാനം സത്വരം സമീപി​ച്ചു​വ​രു​ക​യാണ്‌. ഹബക്കൂക്ക്‌ 2:3 പ്രസ്‌താ​വി​ക്കു​ന്നു: “ദർശന​ത്തി​ന്നു ഒരു അവധി വെച്ചി​രി​ക്കു​ന്നു; അതു സമാപ്‌തി​യി​ലേക്കു ബദ്ധപ്പെ​ടു​ന്നു; സമയം തെററു​ക​യു​മില്ല . . . അതു വരും നിശ്ചയം; താമസി​ക്ക​യു​മില്ല.” സഹോ​ദ​രൻമാ​രേ, അവസാനം വരുന്ന​തി​നു മുമ്പ്‌ ഈ ഇടയ​വേ​ല​യിൽ കൂടു​ത​ലായ പദവി​കൾക്കുള്ള യോഗ്യത എത്തിപ്പി​ടി​ക്കാൻ നിങ്ങൾക്കു കഴിയു​മോ?—തീത്തൊസ്‌ 1:6-9.

ദിവ്യാ​ധി​പത്യ മേയിക്കൽ

15. യഹോ​വ​യു​ടെ ജനം എങ്ങനെ​യാണ്‌ ഒരു ദിവ്യാ​ധി​പ​ത്യ​മാ​യി​രി​ക്കു​ന്നത്‌?

¹⁵ യഹോ​വ​യു​ടെ സ്ഥാപന​ത്തി​ന്റെ വികസ​ന​ത്തിൽ പൂർണ്ണ​മാ​യി പങ്കുപ​റ​റു​ന്ന​തിന്‌ അവന്റെ ജനം തങ്ങളുടെ വീക്ഷണ​ത്തിൽ ദിവ്യാ​ധി​പ​ത്യ​മ​ന​സ്‌ക​രാ​യി​രി​ക്കേ​ണ്ട​തുണ്ട്‌. അവർക്കിത്‌ എങ്ങനെ സാധി​ക്കും? ശരി, “ദിവ്യാ​ധി​പത്യ” എന്ന പദത്താൽ അർത്ഥമാ​ക്ക​പ്പെ​ടു​ന്ന​തെ​ന്താണ്‌? വെബ്‌സ്‌റേ​റ​ഴ്‌സ്‌ ന്യൂ ററ്വൻറി​യത്ത്‌ സെഞ്ചുറി ഡിക്‌ഷ്‌ണറി “തിയോ​ക്രസി” എന്ന പദത്തെ “ഒരു സംസ്ഥാ​ന​ത്തി​ന്റെ ദൈവ​ത്താ​ലുള്ള ആധിപ​ത്യം” എന്നു നിർവ​ചി​ക്കു​ന്നു. ഈ അർത്ഥത്തി​ലാ​ണു യഹോ​വ​യു​ടെ ജനമാ​കുന്ന “വിശു​ദ്ധ​ജനത” ഒരു ദിവ്യാ​ധി​പ​ത്യ​മാ​യി​രി​ക്കു​ന്നത്‌. (1 പത്രോസ്‌ 2:9, NW; യെശയ്യാ​വു 33:22) ആ ദിവ്യാ​ധി​പ​ത്യ​ജ​ന​ത​യി​ലെ അംഗങ്ങൾ അല്ലെങ്കിൽ കൂട്ടാ​ളി​കൾ എന്ന നിലയിൽ സത്യ​ക്രി​സ്‌ത്യാ​നി​കൾ ദൈവ​വ​ച​ന​ത്തോ​ടും അതിലെ തത്ത്വങ്ങ​ളോ​ടു​മുള്ള അനുസ​ര​ണ​ത്തിൽ ജീവി​ക്കു​ക​യും സേവി​ക്കു​ക​യും ചെയ്യേ​ണ്ട​താണ്‌.

16. അടിസ്ഥാ​ന​പ​ര​മാ​യി, നമുക്ക്‌ എങ്ങനെ ദിവ്യാ​ധി​പ​ത്യ​മ​ന​സ്‌ക​രാ​ണെന്നു പ്രകട​മാ​ക്കാൻ കഴിയും?

¹⁶ അപ്പൊ​സ്‌ത​ല​നായ പൗലോസ്‌ ക്രിസ്‌ത്യാ​നി​കൾ എങ്ങനെ ദിവ്യാ​ധി​പ​ത്യ​മ​ന​സ്‌ക​രാ​യി​രി​ക്ക​ണ​മെന്നു വ്യക്തമാ​യി വിശദീ​ക​രി​ക്കു​ന്നുണ്ട്‌. ഒന്നാമ​താ​യി, അവർ “യഥാർത്ഥ നീതി​യി​ലും വിശ്വ​സ്‌ത​ത​യി​ലും ദൈ​വേ​ഷ്ട​പ്ര​കാ​രം സൃഷ്ടി​ക്ക​പ്പെട്ട പുതിയ വ്യക്തി​ത്വം ധരിക്ക”ണമെന്ന്‌ അവൻ പറയുന്നു. ക്രിസ്‌ത്യാ​നി​യു​ടെ വ്യക്തി​ത്വ​ത്തെ ദൈവ​ത്തി​ന്റെ വചനത്തിൽ വിവരി​ച്ചി​രി​ക്കുന്ന അവന്റെ നീതി​യുള്ള തത്ത്വങ്ങൾക്ക​നു​സൃ​ത​മാ​യി കരുപ്പി​ടി​പ്പി​ക്കേ​ണ്ട​താണ്‌. അവൻ യഹോ​വ​യോ​ടും അവന്റെ നിയമ​ങ്ങ​ളോ​ടും വിശ്വ​സ്‌ത​നാ​യി​രി​ക്കണം. ഇത്‌ എങ്ങനെ ചെയ്യാ​മെന്നു വിശദീ​ക​രിച്ച ശേഷം പൗലോസ്‌ ഇങ്ങനെ ശക്തമായി ഉപദേ​ശി​ക്കു​ന്നു: “പ്രിയ​മക്കൾ എന്നപോ​ലെ ദൈവ​ത്തി​ന്റെ അനുകാ​രി​ക​ളാ​യി​ത്തീ​രു​വിൻ.” (എഫെസ്യർ 4:24–5:1, NW) അനുസ​ര​ണ​മുള്ള മക്കളെ​പ്പോ​ലെ നാം ദൈവത്തെ അനുക​രി​ക്കണം. ഇതാണു പ്രവർത്ത​ന​ത്തി​ലി​രി​ക്കുന്ന യഥാർത്ഥ ദിവ്യാ​ധി​പ​ത്യം, നാം യഥാർത്ഥ​ത്തിൽ ദൈവ​ത്താൽ ഭരിക്ക​പ്പെ​ടു​ന്നു​വെന്നു തെളി​യി​ച്ചു​കൊ​ണ്ടു​തന്നെ!—കൊ​ലൊ​സ്സ്യർ 3:10, 12-14 കൂടെ കാണുക.

17, 18. (എ) ദൈവ​ത്തി​ന്റെ ഏതു മുന്തിയ ഗുണത്തെ ദിവ്യാ​ധി​പ​ത്യ​മ​ന​സ്‌ക​രായ ക്രിസ്‌ത്യാ​നി​കൾ അനുക​രി​ക്കു​ന്നു? (ബി) യഹോവ മോശ​യോ​ടുള്ള തന്റെ വാക്കു​ക​ളിൽ തന്റെ മുഖ്യ​ഗു​ണത്തെ ഊന്നി​പ്പ​റ​ഞ്ഞ​തെ​ങ്ങനെ, എന്നാൽ അവൻ ഏതു മുന്നറി​യി​പ്പു കൂട്ടി​ച്ചേർത്തു?

¹⁷ നാം അനുക​രി​ക്കേണ്ട, ദൈവ​ത്തി​ന്റെ മുഖ്യ​ഗു​ണ​മെ​ന്താണ്‌? അപ്പൊ​സ്‌ത​ല​നായ യോഹ​ന്നാൻ 1 യോഹ​ന്നാൻ 4:8-ൽ “ദൈവം സ്‌നേഹം തന്നേ” എന്നു പറയു​മ്പോൾ ഉത്തരം നൽകുന്നു. എട്ടു വാക്യം കഴിഞ്ഞ്‌ അവൻ 16-ാം വാക്യ​ത്തിൽ ഈ മർമ്മ​പ്ര​ധാ​ന​മായ തത്ത്വം ആവർത്തി​ക്കു​ന്നു: “ദൈവം സ്‌നേഹം തന്നേ; സ്‌നേ​ഹ​ത്തിൽ വസിക്കു​ന്നവൻ ദൈവ​ത്തിൽ വസിക്കു​ന്നു; ദൈവം അവനി​ലും വസിക്കു​ന്നു.” വലിയ ഇടയനായ യഹോവ സ്‌നേ​ഹ​ത്തി​ന്റെ മൂർത്തി​മ​ദ്‌ഭാ​വ​മാണ്‌. ദിവ്യാ​ധി​പത്യ ഇടയൻമാർ യഹോ​വ​യു​ടെ ആടുക​ളോ​ടു അഗാധ​മായ സ്‌നേഹം പ്രകട​മാ​ക്കി​ക്കൊണ്ട്‌ അവനെ അനുക​രി​ക്കു​ന്നു.—1 യോഹ​ന്നാൻ 3:16, 18; 4:7-11 താരത​മ്യ​പ്പെ​ടു​ത്തുക.

¹⁸ വലിയ ദിവ്യാ​ധി​പതി തന്നേത്തന്നെ ഈ വിധത്തിൽ മോശക്കു വെളി​പ്പെ​ടു​ത്തി: “യഹോവ, യഹോ​വ​യായ ദൈവം, കരുണ​യും കൃപയു​മു​ള്ളവൻ; ദീർഘ​ക്ഷ​മ​യും മഹാദ​യ​യും വിശ്വ​സ്‌ത​ത​യു​മു​ള്ളവൻ. ആയിരം ആയിര​ത്തി​നു ദയ പാലി​ക്കു​ന്നവൻ; അകൃത്യ​വും അതി​ക്ര​മ​വും പാപവും ക്ഷമിക്കു​ന്നവൻ; കുററ​മു​ള്ള​വനെ വെറുതെ വിടാതെ പിതാ​ക്കൻമാ​രു​ടെ അകൃത്യം മക്കളു​ടെ​മേ​ലും മക്കളുടെ മക്കളു​ടെ​മേ​ലും മൂന്നാ​മ​ത്തെ​യും നാലാ​മ​ത്തെ​യും തലമു​റ​യോ​ളം സന്ദർശി​ക്കു​ന്നവൻ.” (പുറപ്പാ​ടു 34:6, 7) യഹോവ അങ്ങനെ തന്റെ മുന്തിയ ദിവ്യാ​ധി​പ​ത്യ​ഗു​ണ​മായ സ്‌നേ​ഹ​ത്തി​ന്റെ വിവിധ വശങ്ങൾ ദൃഢീ​ക​രി​ക്കു​ന്നു, അതേസ​മയം അർഹി​ക്കു​മ്പോൾ താൻ അകൃത്യ​ത്തി​നു ശിക്ഷി​ക്കു​മെന്നു ദൃഢമാ​യി മുന്നറി​യി​പ്പു കൊടു​ക്കു​ക​യും ചെയ്യുന്നു.

19. പരീശൻമാ​രിൽനി​ന്നു വ്യത്യ​സ്‌ത​മാ​യി, ദിവ്യാ​ധി​പത്യ ഇടയൻമാർ എങ്ങനെ ഒരു ദിവ്യാ​ധി​പ​ത്യ​രീ​തി​യിൽ വർത്തി​ക്കണം?

¹⁹ സ്ഥാപന​ത്തിൽ ഉത്തരവാ​ദി​ത്ത​സ്ഥാ​നങ്ങൾ ഉള്ളവരെ സംബന്ധി​ച്ചു ദിവ്യാ​ധി​പത്യ മനസ്‌ക്ക​രാ​യി​രി​ക്കുക എന്നത്‌ എന്തർത്ഥ​മാ​ക്കു​ന്നു? യേശു തന്റെ നാളിലെ പരീശൻമാ​രെ​യും ശാസ്‌ത്രി​മാ​രെ​യും സംബന്ധിച്ച്‌ ഇങ്ങനെ പറഞ്ഞു: “അവർ ഘനമുള്ള ചുമടു​കളെ കെട്ടി മനുഷ്യ​രു​ടെ തോളിൽ വെക്കുന്നു; ഒരു വിരൽകൊ​ണ്ടു​പോ​ലും അവയെ തൊടു​വാൻ അവർക്കു മനസ്സില്ല.” (മത്തായി 23:4) എത്ര മർദ്ദക​വും സ്‌നേ​ഹ​ര​ഹി​ത​വും! യഥാർത്ഥ ദിവ്യാ​ധി​പ​ത്യം അഥവാ ദൈവ​ഭ​രണം അനന്തമായ മനുഷ്യ​നിർമ്മിത നിയമ​ങ്ങൾകൊ​ണ്ടു ആടുകളെ ഭാര​പ്പെ​ടു​ത്തി​ക്കൊ​ണ്ടല്ല, പിന്നെ​യോ ബൈബി​ളി​ലെ സ്‌നേ​ഹ​നിർഭ​ര​മായ തത്ത്വങ്ങൾ ബാധക​മാ​ക്കി​ക്കൊ​ണ്ടു ആട്ടിൻകൂ​ട്ടത്തെ മേയി​ക്കേ​ണ്ടത്‌ ആവശ്യ​മാ​ക്കി​ത്തീർക്കു​ന്നു. (മത്തായി 15:1-9 താരത​മ്യം​ചെ​യ്യുക.) അതേസ​മയം, ദിവ്യാ​ധി​പത്യ ഇടയൻമാർ സഭയുടെ ശുദ്ധി നിലനിർത്തു​ന്ന​തി​നു തങ്ങളുടെ സ്‌നേ​ഹ​ത്തോ​ടു ദൃഢത കൂട്ടി​ക്കൊ​ണ്ടു ദൈവത്തെ അനുക​രി​ക്കണം.—റോമർ 2:11; 1 പത്രൊസ്‌ 1:17 താരത​മ്യ​പ്പെ​ടു​ത്തുക.

20. ദിവ്യാ​ധി​പത്യ ഇടയൻമാർ ഏതു സംഘട​നാ​ക്ര​മീ​ക​ര​ണ​ങ്ങളെ അംഗീ​ക​രി​ക്കു​ന്നു?

²⁰ ഈ അവസാ​ന​നാ​ളു​ക​ളിൽ യേശു തന്റെ സകല സ്വത്തു​ക്ക​ളിൻമേ​ലും തന്റെ വിശ്വ​സ്‌ത​നും വിവേ​കി​യു​മായ അടിമയെ നിയമി​ച്ചി​ട്ടു​ണ്ടെ​ന്നും ആടുക​ളു​ടെ മേയി​ക്ക​ലി​നു​വേണ്ടി മൂപ്പൻമാ​രെ നിയമി​ക്കു​ന്ന​തിൽ പരിശു​ദ്ധാ​ത്മാവ്‌ ഈ അടിമയെ നയിച്ചി​ട്ടു​ണ്ടെ​ന്നും യഥാർത്ഥ ഇടയൻമാർ തിരി​ച്ച​റി​യു​ന്നു. (മത്തായി 24:3, 47; പ്രവൃ​ത്തി​കൾ 20:28) അതു​കൊണ്ട്‌, ദിവ്യാ​ധി​പ​ത്യ​മ​ന​സ്‌ക​രാ​യി​രി​ക്കു​ന്ന​തിൽ ഈ അടിമ​യോ​ടും ഈ അടിമ ഏർപ്പെ​ടു​ത്തി​യി​രി​ക്കുന്ന സ്ഥാപന​ക്ര​മീ​ക​ര​ണ​ങ്ങ​ളോ​ടും സഭക്കു​ള്ളി​ലെ മൂപ്പൻക്ര​മീ​ക​ര​ണ​ത്തോ​ടും അഗാധ​മായ ആദരവു​ണ്ടാ​യി​രി​ക്കു​ന്നത്‌ ഉൾപ്പെ​ടു​ന്നു.—എബ്രായർ 13:7, 17.

21. യേശു കീഴി​ട​യൻമാർക്കാ​യി എന്തു നല്ല മാതൃക വെച്ചു?

²¹ യേശു​തന്നെ മാർഗ്ഗ​നിർദ്ദേ​ശ​ത്തി​നു​വേണ്ടി യഹോ​വ​യി​ലേ​ക്കും അവന്റെ വചനത്തി​ലേ​ക്കും നിരന്തരം നോക്കി​ക്കൊ​ണ്ടു നല്ല മാതൃ​ക​വെച്ചു. അവൻ പറഞ്ഞു: “എനിക്കു സ്വതേ ഒന്നും ചെയ്യാൻ കഴിയു​ന്നതല്ല; ഞാൻ കേൾക്കു​ന്ന​തു​പോ​ലെ ന്യായം വിധി​ക്കു​ന്നു; ഞാൻ എന്റെ ഇഷ്ടമല്ല, എന്നെ അയച്ചവന്റെ ഇഷ്ടമത്രേ ചെയ്‌വാൻ ഇച്ഛിക്കു​ന്ന​തു​കൊ​ണ്ടു എന്റെ വിധി നീതി​യു​ള്ളതു ആകുന്നു.” (യോഹ​ന്നാൻ 5:30) കർത്താ​വായ യേശു​ക്രി​സ്‌തു​വി​ന്റെ കീഴി​ട​യൻമാർ സമാന​മായ ഒരു വിനീ​ത​മ​നോ​ഭാ​വം നട്ടുവ​ളർത്തണം. ഒരു മൂപ്പൻ, യേശു ചെയ്‌ത​തു​പോ​ലെ എപ്പോ​ഴും മാർഗ്ഗ​നിർദ്ദേ​ശ​ത്തി​നു​വേണ്ടി ദൈവ​വ​ച​നത്തെ ആശ്രയി​ക്കു​ന്നു​വെ​ങ്കിൽ അപ്പോൾ അയാൾ യഥാർത്ഥ​ത്തിൽ ദിവ്യാ​ധി​പ​ത്യ​മ​ന​സ്‌ക​നാണ്‌.—മത്തായി 4:1-11; യോഹ​ന്നാൻ 6:38.

22. (എ) ഏതു വിധത്തിൽ നമ്മളെ​ല്ലാം ദിവ്യാ​ധി​പ​ത്യ​മ​ന​സ്‌ക​രാ​യി​രി​ക്കാൻ കഠിന​ശ്രമം ചെയ്യണം? (ബി) യേശു ആടുകൾക്ക്‌ ഏതു ദയാപു​ര​സ്സ​ര​മായ ക്ഷണം നൽകുന്നു?

²² സ്‌നാ​പ​ന​മേററ പുരു​ഷൻമാർ സഭയിലെ പദവി​കൾക്കുള്ള യോഗ്യത എത്തിപ്പി​ടി​ക്കാൻ ശ്രമി​ക്കു​ന്നു! പ്രിയ​പ്പെട്ട സകല ആടുക​ളു​മേ, ദിവ്യാ​ധി​പ​ത്യ​മ​ന​സ്‌ക​രാ​യി​രി​ക്കാൻ ലക്ഷ്യമി​ടുക, സ്‌നേഹം പ്രകട​മാ​ക്കു​ന്ന​തിൽ ദൈവ​ത്തെ​യും ക്രിസ്‌തു​വി​നെ​യും അനുക​രി​ച്ചു​കൊ​ണ്ടു​തന്നെ! ഇടയൻമാ​രും ആട്ടിൻകൂ​ട്ട​ങ്ങ​ളും ഒരു​പോ​ലെ യേശു​വി​ന്റെ ക്ഷണത്തിന്‌ ഉത്തരം കൊടു​ത്തി​രി​ക്കു​ന്ന​തു​കൊ​ണ്ടു സന്തോ​ഷി​ക്കട്ടെ: “അദ്ധ്വാ​നി​ക്കു​ന്ന​വ​രും ഭാരം​ചു​മ​ക്കു​ന്ന​വ​രും ആയു​ള്ളോ​രേ, എല്ലാവ​രും എന്റെ അടുക്കൽ വരുവിൻ; ഞാൻ നിങ്ങളെ ആശ്വസി​പ്പി​ക്കും. ഞാൻ സൌമ്യ​ത​യും താഴ്‌മ​യും ഉള്ളവൻ ആകയാൽ എന്റെ നുകം ഏററു​കൊ​ണ്ടു എന്നോടു പഠിപ്പിൻ; എന്നാൽ നിങ്ങളു​ടെ ആത്മാക്കൾക്കു [ദേഹികൾക്കു, NW] ആശ്വാസം കണ്ടെത്തും. എന്റെ നുകം മൃദു​വും എന്റെ ചുമടു ലഘുവും ആകുന്നു.”—മത്തായി 11:28-30. (w93 1⁄1)

[അടിക്കു​റിപ്പ്‌]

നിങ്ങൾക്കു വിശദീ​ക​രി​ക്കാൻ കഴിയു​മോ?

◻ യഹോ​വ​യു​ടെ “ആട്ടിൻകൂ​ട്ടം” എന്താണ്‌, അതിൽ ആർ ഉൾപ്പെ​ടു​ന്നു?

◻ യേശു ഒന്നാം നൂററാ​ണ്ടിൽ “നല്ല ഇടയ”നായി പ്രവർത്തി​ച്ച​തെ​ങ്ങനെ, ഇന്നു പ്രവർത്തി​ക്കു​ന്ന​തെ​ങ്ങനെ?

◻ കീഴി​ട​യൻമാർ ആട്ടിൻകൂ​ട്ടത്തെ പരിപാ​ലി​ക്കു​ന്ന​തിൽ ഏതു മുഖ്യ​പങ്കു വഹിക്കു​ന്നു?

◻ “ദിവ്യാ​ധി​പ​ത്യം” എന്ന പദത്തിൽ അന്തർലീ​ന​മാ​യി​രി​ക്കുന്ന അർത്ഥ​മെ​ന്താണ്‌?

◻ ഒരു ക്രിസ്‌ത്യാ​നി—വിശേ​ഷാൽ ഒരു കീഴി​ടയൻ—ദിവ്യാ​ധി​പ​ത്യ​മ​ന​സ്‌ക​നാ​യി​രി​ക്കു​ന്ന​തിന്‌ എങ്ങനെ പ്രവർത്തി​ക്കണം?

[20-ാം പേജിലെ ചിത്രം]

അർപ്പണബോധമുള്ള ഒരു ഇടയ​നെ​പ്പോ​ലെ യഹോവ തന്റെ ആട്ടിൻകൂ​ട്ട​ത്തി​നു​വേണ്ടി കരുതു​ന്നു

[23-ാം പേജിലെ ചിത്രം]

യഹോവയാം ദൈവ​ത്തി​ന്റെ സ്‌നേ​ഹ​മെന്ന ഗുണത്തെ അനുക​രി​ക്കു​ന്നതു പ്രവർത്ത​ന​ത്തി​ലി​രി​ക്കുന്ന ദിവ്യാ​ധി​പ​ത്യ​മാണ്‌