അധ്യായം എട്ട്‌

സിംഹ​ങ്ങ​ളു​ടെ വായിൽനി​ന്നു വിടു​വി​ക്ക​പ്പെ​ടു​ന്നു!

1, 2. (എ) മേദ്യ​നായ ദാര്യാ​വേശ്‌ വിസ്‌തൃ​ത​മാ​ക്ക​പ്പെട്ട തന്റെ സാമ്രാ​ജ്യ​ത്തെ ഏകോ​പി​പ്പി​ച്ചത്‌ എങ്ങനെ? (ബി) പ്രധാന ദേശാ​ധി​പ​തി​മാ​രു​ടെ ചുമത​ല​ക​ളും അധികാ​ര​വും വിവരി​ക്കുക.

ബാബി​ലോൻ വീണു കഴിഞ്ഞി​രു​ന്നു! ലോക​ശക്തി എന്ന നിലയിൽ ഏതാണ്ട്‌ ഒരു നൂറ്റാണ്ടു ദീർഘിച്ച അതിന്റെ പ്രൗഢി ഏതാനും മണിക്കൂർകൊ​ണ്ടു തൂത്തെ​റി​യ​പ്പെട്ടു. ഒരു നവയുഗം ആരംഭി​ക്കു​ക​യാ​യി—മേദ്യ​രു​ടെ​യും പേർഷ്യ​ക്കാ​രു​ടെ​യും. ഇപ്പോൾ, ബേൽശ​സ്സ​രി​ന്റെ സിംഹാ​സ​ന​ത്തി​ലെ പിൻഗാ​മി എന്ന നിലയിൽ മേദ്യ​നായ ദാര്യാ​വേശ്‌ വിസ്‌തൃ​ത​മാ​ക്ക​പ്പെട്ട തന്റെ സാമ്രാ​ജ്യ​ത്തെ ഏകോ​പി​പ്പി​ച്ചു നിർത്തുക എന്ന വെല്ലു​വി​ളി​യെ അഭിമു​ഖീ​ക​രി​ച്ചു.

² ദാര്യാ​വേശ്‌ സ്വീക​രിച്ച ആദ്യ നടപടി​ക​ളിൽ ഒന്ന്‌, 120 പ്രധാന ദേശാ​ധി​പ​തി​മാ​രെ നിയമി​ക്കുക എന്നതാ​യി​രു​ന്നു. ഈ സ്ഥാനത്തു സേവി​ച്ചി​രു​ന്നവർ ചില​പ്പോൾ രാജാ​വി​ന്റെ ബന്ധുക്ക​ളിൽനി​ന്നു തിര​ഞ്ഞെ​ടു​ക്ക​പ്പെ​ട്ടി​രു​ന്ന​താ​യി കരുത​പ്പെ​ടു​ന്നു. എന്തായാ​ലും, ഓരോ പ്രധാന ദേശാ​ധി​പ​തി​യും ഒരു പ്രമുഖ സംസ്ഥാ​ന​മോ സാമ്രാ​ജ്യ​ത്തി​ന്റെ ഒരു ചെറിയ ഉപ ഭാഗമോ ഭരിച്ചു. (ദാനീ​യേൽ 6:1) നികുതി പിരി​ക്കു​ന്ന​തും രാജ​കൊ​ട്ടാ​ര​ത്തി​ലേക്കു കപ്പം നൽകു​ന്ന​തും അദ്ദേഹ​ത്തി​ന്റെ ചുമത​ല​ക​ളിൽ പെടു​മാ​യി​രു​ന്നു. രാജാ​വി​ന്റെ ഒരു സന്ദർശക പ്രതി​നി​ധി ഇടയ്‌ക്കി​ടെ പ്രധാന ദേശാ​ധി​പ​തി​യു​ടെ പ്രവർത്തനം പരി​ശോ​ധി​ക്കു​മാ​യി​രു​ന്നു എങ്കിലും അയാൾക്കു ഗണ്യമായ അധികാ​രം ഉണ്ടായി​രു​ന്നു. അദ്ദേഹ​ത്തി​ന്റെ സ്ഥാന​പ്പേ​രി​ന്റെ അർഥം “രാജ്യ പാലകൻ” എന്നായി​രു​ന്നു. പ്രധാന ദേശാ​ധി​പതി തന്റെ പ്രവി​ശ്യ​യു​ടെ​മേൽ ഒരു പരിധി​വരെ സ്വയം​ഭ​ര​ണാ​വ​കാ​ശം ഉള്ള ഒരു സാമന്ത രാജാ​വാ​യി പരിഗ​ണി​ക്ക​പ്പെ​ട്ടി​രു​ന്നു.

3, 4. ദാര്യാ​വേശ്‌ ദാനീ​യേ​ലി​നോ​ടു പ്രത്യേക താത്‌പ​ര്യം കാട്ടി​യത്‌ എന്തു​കൊണ്ട്‌, രാജാവ്‌ അവനെ ഏതു സ്ഥാനത്തു നിയമി​ച്ചു?

³ ഈ പുതിയ ക്രമീ​ക​ര​ണ​ത്തിൽ ദാനീ​യേ​ലി​ന്റെ സ്ഥാനം എന്ത്‌ ആയിരി​ക്കു​മാ​യി​രു​ന്നു? ഇപ്പോൾ തന്റെ തൊണ്ണൂ​റു​ക​ളിൽ എത്തിയ ഈ വൃദ്ധ യഹൂദ പ്രവാ​ച​കനു മേദ്യ​നായ ദാര്യാ​വേശ്‌ ഉദ്യോ​ഗ​വി​രാ​മം നൽകു​മാ​യി​രു​ന്നോ? ഒരിക്ക​ലു​മില്ല! ദാനീ​യേൽ ബാബി​ലോ​ണി​ന്റെ വീഴ്‌ച കൃത്യ​മാ​യി മുൻകൂ​ട്ടി പറഞ്ഞി​രു​ന്നെ​ന്നും അതിന്‌ അമാനു​ഷിക ഗ്രാഹ്യം ആവശ്യ​മാ​യി​രു​ന്നെ​ന്നും നിസ്സം​ശ​യ​മാ​യും ദാര്യാ​വേ​ശിന്‌ അറിയാ​മാ​യി​രു​ന്നു. അതിനു പുറമേ, ബാബി​ലോ​ണി​യൻ പ്രവാ​സി​ക​ളു​ടെ വിഭിന്ന കൂട്ടങ്ങ​ളു​മാ​യി ഇടപെ​ടുന്ന കാര്യ​ത്തിൽ ദാനീ​യേ​ലി​നു പതിറ്റാ​ണ്ടു​ക​ളി​ലെ അനുഭവ പരിച​യ​വും ഉണ്ടായി​രു​ന്നു. താൻ പുതു​താ​യി കീഴട​ക്കിയ പ്രജക​ളു​മാ​യി സമാധാന ബന്ധം നിലനിർത്താൻ ദാര്യാ​വേശ്‌ ഉദ്ദേശി​ച്ചി​രു​ന്നു. അതു​കൊണ്ട്‌, ദാനീ​യേ​ലി​നെ പോലെ ജ്ഞാനവും അനുഭവ പരിച​യ​വു​മുള്ള ഒരാൾ തന്റെ ഉപദേ​ശ​ക​നാ​യി ഉണ്ടായി​രി​ക്കാൻ അവൻ തീർച്ച​യാ​യും ആഗ്രഹി​ക്കു​മാ​യി​രു​ന്നു. എന്നാൽ എന്ത്‌ അധികാ​ര​ത്തോ​ടെ?

⁴ ദാര്യാ​വേശ്‌ യഹൂദ പ്രവാ​സി​യായ ദാനീ​യേ​ലി​നെ ഒരു പ്രധാന ദേശാ​ധി​പ​തി​യാ​യി നിയമി​ച്ചാൽത്തന്നെ അത്‌ അമ്പരപ്പി​ക്കുന്ന ഒരു സംഗതി ആയിരി​ക്കു​മാ​യി​രു​ന്നു. എന്നാൽ ദാനീ​യേ​ലി​നെ പ്രധാന ദേശാ​ധി​പ​തി​മാർക്കു മേൽവി​ചാ​രണ നടത്തുന്ന മൂന്ന്‌ അധ്യക്ഷ​ന്മാ​രിൽ ഒരുവ​നാ​യി നിയമി​ക്കാ​നുള്ള തന്റെ തീരു​മാ​നം ദാര്യാ​വേശ്‌ പ്രഖ്യാ​പി​ച്ച​പ്പോൾ അത്‌ ഇളക്കി​വിട്ട ബഹളം ഒന്നു സങ്കൽപ്പി​ച്ചു നോക്കൂ! അതു മാത്രമല്ല, താൻ സഹ അധ്യക്ഷ​ന്മാ​രെ​ക്കാൾ ശ്രേഷ്‌ഠ​നാ​ണെന്നു തെളി​യി​ച്ചു​കൊണ്ട്‌ ദാനീ​യേൽ “വിശി​ഷ്ട​നായ്‌ വിളങ്ങി.” തീർച്ച​യാ​യും, ഒരു ‘ഉൽകൃഷ്ട മനസ്സ്‌’ അവനിൽ കാണ​പ്പെട്ടു. അവനു പ്രധാ​ന​മ​ന്ത്രി പദം നൽകാൻ പോലും ദാര്യാ​വേ​ശിന്‌ ഉദ്ദേശ്യം ഉണ്ടായി​രു​ന്നു.—ദാനീ​യേൽ 6:2, 3.

5. ദാനീ​യേ​ലി​ന്റെ നിയമ​ന​ത്തോ​ടു മറ്റ്‌ അധ്യക്ഷ​ന്മാ​രും പ്രധാന ദേശാ​ധി​പ​തി​മാ​രും എങ്ങനെ പ്രതി​ക​രി​ച്ചി​രി​ക്കണം, എന്തു​കൊണ്ട്‌?

⁵ മറ്റ്‌ അധ്യക്ഷ​ന്മാ​രും പ്രധാന ദേശാ​ധി​പ​തി​മാ​രും കോപം​കൊ​ണ്ടു ജ്വലി​ക്കുക ആയിരു​ന്നി​രി​ക്കണം. എന്തിന്‌, ഒരു മേദ്യ​നോ പേർഷ്യ​ക്കാ​ര​നോ രാജകു​ടും​ബാം​ഗ​മോ അല്ലാഞ്ഞ ദാനീ​യേൽ തങ്ങളു​ടെ​മേൽ അധികാ​ര​മുള്ള ഒരു സ്ഥാനത്ത്‌ ആയിരി​ക്കുക എന്ന ആശയം അവർ എങ്ങനെ സഹിക്കാ​നാണ്‌! സ്വന്തം നാട്ടു​കാ​രെ​യും കുടും​ബ​ക്കാ​രെ​യും പോലും മാറ്റി​നിർത്തി​ക്കൊണ്ട്‌ ഒരു പരദേ​ശി​യെ അത്തരം ഒരു പ്രമുഖ സ്ഥാന​ത്തേക്ക്‌ ഉയർത്താൻ ദാര്യാ​വേ​ശിന്‌ എങ്ങനെ കഴിയു​മാ​യി​രു​ന്നു? ആ നീക്കം അനീതി​യാ​ണെന്നു തോന്നി​യി​രി​ക്കണം. അതിനു പുറമേ, പ്രധാന ദേശാ​ധി​പ​തി​മാർ ദാനീ​യേ​ലി​ന്റെ സത്യസ​ന്ധ​തയെ തങ്ങളുടെ നിയമ​ര​ഹിത ധനാർജ​ന​ത്തി​നും അഴിമ​തി​ക്കു​മുള്ള ഒരു വിലങ്ങു​ത​ടി​യാ​യും കണ്ടിരി​ക്കണം. എന്നാൽ, പ്രസ്‌തുത പ്രശ്‌ന​വു​മാ​യി ദാര്യാ​വേ​ശി​നെ സമീപി​ക്കാ​നുള്ള ധൈര്യം അധ്യക്ഷ​ന്മാർക്കും പ്രധാന ദേശാ​ധി​പ​തി​മാർക്കും ഉണ്ടായി​രു​ന്നില്ല. കാരണം, ദാര്യാ​വേശ്‌ ദാനീ​യേ​ലി​നെ അങ്ങേയറ്റം ആദരി​ച്ചി​രു​ന്നു.

6. അധ്യക്ഷ​ന്മാ​രും പ്രധാന ദേശാ​ധി​പ​തി​മാ​രും ദാനീ​യേ​ലി​നെ അപകീർത്തി​പ്പെ​ടു​ത്താൻ ശ്രമി​ച്ചത്‌ എങ്ങനെ, ആ ശ്രമം നിഷ്‌ഫ​ല​മെന്നു തെളി​ഞ്ഞത്‌ എന്തു​കൊണ്ട്‌?

⁶ അതു​കൊണ്ട്‌ അസൂയാ​ലു​ക്ക​ളായ ഈ രാഷ്‌ട്രീ​യ​ക്കാർ ഗൂഢാ​ലോ​ചന നടത്തി. “രാജ്യം സംബന്ധി​ച്ചു ദാനീ​യേ​ലി​ന്നു വിരോ​ധ​മാ​യി കാരണം കണ്ടെത്തു​വാൻ” അവർ ശ്രമിച്ചു. അവൻ തന്റെ ഉത്തരവാ​ദി​ത്വ​ങ്ങൾ കൈകാ​ര്യം ചെയ്‌ത വിധത്തിൽ എന്തെങ്കി​ലും തെറ്റ്‌ ഉണ്ടായി​രി​ക്കു​മാ​യി​രു​ന്നോ? അവൻ സത്യസന്ധത ഇല്ലാത്തവൻ ആയിരു​ന്നോ? ദാനീ​യേൽ തന്റെ കർത്തവ്യ​ങ്ങൾ നിർവ​ഹിച്ച വിധത്തിൽ എന്തെങ്കി​ലും കൃത്യ​വി​ലോ​പ​മോ അഴിമ​തി​യോ കണ്ടെത്താൻ അധ്യക്ഷ​ന്മാർക്കും പ്രധാന ദേശാ​ധി​പ​തി​മാർക്കും കഴിഞ്ഞില്ല. “നാം ഈ ദാനീ​യേ​ലി​ന്റെ നേരെ അവന്റെ ദൈവ​ത്തി​ന്റെ ന്യായ​പ്ര​മാ​ണം സംബന്ധി​ച്ചു​ള്ള​ത​ല്ലാ​തെ മറെറാ​രു കാരണ​വും കണ്ടെത്തു​ക​യില്ല” എന്ന്‌ അവർ ന്യായ​വാ​ദം ചെയ്‌തു. അങ്ങനെ​യാണ്‌ ആ വക്രബു​ദ്ധി​കൾ ഒരു ഗൂഢപ​ദ്ധതി ആവിഷ്‌ക​രി​ച്ചത്‌. അതു ദാനീ​യേ​ലി​നെ എക്കാല​ത്തേ​ക്കു​മാ​യി ഇല്ലായ്‌മ ചെയ്യു​മെന്ന്‌ അവർ കരുതി.—ദാനീ​യേൽ 6:4, 5.

ഒരു കൊല​പാ​തക ഗൂഢാ​ലോ​ചന പ്രവർത്ത​ന​ത്തിൽ

7. അധ്യക്ഷ​ന്മാ​രും പ്രധാന ദേശാ​ധി​പ​തി​മാ​രും രാജാ​വി​ന്റെ മുമ്പാകെ എന്തു നിർദേശം വെച്ചു, എപ്രകാ​രം?

⁷ അധ്യക്ഷ​ന്മാ​രു​ടെ​യും പ്രധാന ദേശാ​ധി​പ​തി​മാ​രു​ടെ​യും ഒരു സംഘം ദാര്യാ​വേ​ശി​ന്റെ അടുക്കൽ “സംഘം​ചേർന്നു ചെന്നു.” [NW] ഇവിടെ ഉപയോ​ഗി​ച്ചി​രി​ക്കുന്ന അരമായ പദപ്ര​യോ​ഗ​ത്തിന്‌ ഇടിമു​ഴക്കം പോലുള്ള ഒരു ബഹളം എന്ന അർഥമാ​ണു​ള്ളത്‌. ദാര്യാ​വേ​ശി​ന്റെ മുമ്പാകെ അവതരി​പ്പി​ക്കാൻ അടിയ​ന്തിര പ്രാധാ​ന്യ​മുള്ള എന്തോ സംഗതി ഉണ്ടെന്ന ധാരണ അവർ ഉളവാ​ക്കി​യെന്നു വ്യക്തമാണ്‌. തങ്ങളുടെ നിർദേശം ബോധ്യ​ത്തോ​ടെ​യും അടിയ​ന്തിര നടപടി ആവശ്യ​മുള്ള ഒന്ന്‌ എന്ന നിലയി​ലും അവതരി​പ്പി​ച്ചാൽ അവൻ അതിനെ ചോദ്യം ചെയ്യാ​നുള്ള സാധ്യത കുറവാ​ണെന്ന്‌ അവർ ന്യായ​വാ​ദം ചെയ്‌തി​രി​ക്കാം. അതു​കൊണ്ട്‌ നേരിട്ടു വിഷയ​ത്തി​ലേക്കു കടന്നു​കൊണ്ട്‌ അവർ പറഞ്ഞു: “രാജാവേ, മുപ്പതു​ദി​വ​സ​ത്തേക്കു തിരു​മേ​നി​യോ​ട​ല്ലാ​തെ യാതൊ​രു ദേവ​നോ​ടോ മനുഷ്യ​നോ​ടോ ആരെങ്കി​ലും അപേക്ഷ കഴിച്ചാൽ, അവനെ സിംഹ​ങ്ങ​ളു​ടെ ഗുഹയിൽa ഇട്ടുക​ള​യും എന്നൊരു രാജനി​യമം നിശ്ചയി​ക്ക​യും ഖണ്ഡിത​മാ​യോ​രു വിരോ​ധം കല്‌പി​ക്ക​യും ചെയ്യേ​ണ​മെന്നു രാജ്യ​ത്തി​ലെ സകല അദ്ധ്യക്ഷ​ന്മാ​രും സ്ഥാനാ​പ​തി​ക​ളും പ്രധാ​ന​ദേ​ശാ​ധി​പ​ന്മാ​രും മന്ത്രി​മാ​രും ദേശാ​ധി​പ​ന്മാ​രും കൂടി ആലോ​ചി​ച്ചി​രി​ക്കു​ന്നു.”—ദാനീ​യേൽ 6:6, 7.

8. (എ) നിർദേ​ശി​ക്ക​പ്പെട്ട നിയമം ദാര്യാ​വേ​ശിന്‌ ആകർഷ​ക​മാ​യി തോന്നു​മാ​യി​രു​ന്നത്‌ എന്തു​കൊണ്ട്‌? (ബി) അധ്യക്ഷ​ന്മാ​രു​ടെ​യും പ്രധാന ദേശാ​ധി​പ​തി​മാ​രു​ടെ​യും യഥാർഥ ലക്ഷ്യം എന്തായി​രു​ന്നു?

⁸ മെസൊ​പ്പൊ​ത്താ​മ്യ​യി​ലെ രാജാ​ക്ക​ന്മാ​രെ ദിവ്യ​രാ​യി വീക്ഷി​ക്കു​ക​യും ആരാധി​ക്കു​ക​യും ചെയ്യുക സാധാ​ര​ണ​മാ​യി​രു​ന്നെന്ന്‌ ചരിത്ര രേഖകൾ സ്ഥിരീ​ക​രി​ക്കു​ന്നു. അതു​കൊണ്ട്‌ ദാര്യാ​വേശ്‌ നിസ്സം​ശ​യ​മാ​യും പ്രസ്‌തുത നിർദേ​ശ​ത്തി​ലെ മുഖസ്‌തു​തി​യിൽ മയങ്ങി​പ്പോ​യി. അവൻ അതിൽ ഒരു പ്രാ​യോ​ഗിക നേട്ടം കൂടെ കണ്ടിരി​ക്കാം. ബാബി​ലോ​ണിൽ വസിച്ചി​രു​ന്ന​വർക്കു ദാര്യാ​വേശ്‌ ഒരു പരദേ​ശി​യും നവാഗ​ത​നും ആയിരു​ന്നെന്ന്‌ ഓർക്കുക. ഈ പുതിയ നിയമം അവനെ രാജാ​വാ​യി സ്ഥിരീ​ക​രി​ക്കാൻ ഉപകരി​ക്കു​ക​യും പുതിയ ഭരണ​ത്തോ​ടുള്ള വിശ്വ​സ്‌ത​ത​യും പിന്തു​ണ​യും പ്രഖ്യാ​പി​ക്കാൻ ബാബി​ലോ​ണിൽ വസിച്ചി​രുന്ന ജനസഞ്ച​യ​ങ്ങളെ പ്രോ​ത്സാ​ഹി​പ്പി​ക്കു​ക​യും ചെയ്യു​മാ​യി​രു​ന്നു. എന്നാൽ, അധ്യക്ഷ​ന്മാ​രും പ്രധാന ദേശാ​ധി​പ​തി​മാ​രും ആ നിയമം നിർദേ​ശി​ച്ചത്‌ രാജാ​വി​ന്റെ ക്ഷേമത്തിൽ താത്‌പ​ര്യം ഉണ്ടായി​രു​ന്ന​തു​കൊ​ണ്ടല്ല, മറിച്ച്‌, ദാനീ​യേ​ലി​നെ കുരു​ക്കു​ക​യാ​യി​രു​ന്നു അവരുടെ യഥാർഥ ലക്ഷ്യം. കാരണം, തന്റെ മാളിക മുറി​യു​ടെ തുറന്ന ജനാല​യ്‌ക്കു മുന്നിൽവെച്ചു ദിവസ​വും മൂന്നു പ്രാവ​ശ്യം ദൈവ​ത്തോ​ടു പ്രാർഥി​ക്കു​ന്നത്‌ അവന്റെ പതിവാ​ണെന്ന്‌ അവർക്ക്‌ അറിയാ​മാ​യി​രു​ന്നു.

9. പുതിയ നിയമം യഹൂദ​ര​ല്ലാഞ്ഞ മിക്കവർക്കും യാതൊ​രു പ്രശ്‌ന​വും ഉളവാ​ക്കു​മാ​യി​രു​ന്നി​ല്ലാ​ഞ്ഞത്‌ എന്തു​കൊണ്ട്‌?

⁹ പ്രാർഥ​ന​യി​ന്മേ​ലുള്ള ഈ നിയ​ന്ത്രണം ബാബി​ലോ​ണി​ലെ എല്ലാ മത സമൂഹ​ങ്ങൾക്കും പ്രശ്‌നം സൃഷ്ടി​ക്കു​മാ​യി​രു​ന്നോ? നിർബ​ന്ധ​മി​ല്ലാ​യി​രു​ന്നു, വിലക്ക്‌ ഒരു മാസ​ത്തേക്കു മാത്രം ആയിരു​ന്ന​തി​നാൽ പ്രത്യേ​കി​ച്ചും. കൂടു​ത​ലാ​യി, ഒരു കാലഘ​ട്ട​ത്തേക്കു തങ്ങളുടെ ആരാധന ഒരു മനുഷ്യ​നി​ലേക്കു തിരി​ച്ചു​വി​ടു​ന്ന​തി​നെ യഹൂദ​ര​ല്ലാ​തെ മറ്റാരും​തന്നെ ഒരു വിട്ടു​വീ​ഴ്‌ച​യാ​യി വീക്ഷി​ക്കു​മാ​യി​രു​ന്നില്ല. ഒരു ബൈബിൾ പണ്ഡിതൻ ഇങ്ങനെ അഭി​പ്രാ​യ​പ്പെ​ടു​ന്നു: “ജനതക​ളി​ലെ മിക്ക വിഗ്ര​ഹാ​രാ​ധ​കർക്കും രാജാ​വി​നെ ആരാധി​ക്കു​ന്ന​തിൽ അസാധാ​ര​ണ​മാ​യി യാതൊ​ന്നും തോന്നി​യില്ല. അതു​കൊണ്ട്‌ ഒരു ദേവന്‌ അർഹത​പ്പെട്ട ആരാധന തങ്ങളെ ജയിച്ച​ട​ക്കിയ മേദ്യ​നായ ദാര്യാ​വേ​ശി​നു നൽകാൻ ആവശ്യ​പ്പെ​ട്ട​പ്പോൾ ബാബി​ലോ​ണി​യർ അതു സത്വരം അനുസ​രി​ച്ചു. യഹൂദർ മാത്ര​മാ​യി​രു​ന്നു അത്തര​മൊ​രു ആവശ്യ​ത്തിൽ അസഹ്യ​പ്പെ​ട്ടത്‌.”

10. തങ്ങളുടെ രാജാവ്‌ നിർമിച്ച നിയമത്തെ മേദ്യ​രും പേർഷ്യ​ക്കാ​രും എങ്ങനെ​യാ​ണു വീക്ഷി​ച്ചി​രു​ന്നത്‌?

¹⁰ എന്തായാ​ലും, “മേദ്യ​രു​ടെ​യും പാർസി​ക​ളു​ടെ​യും നീക്കം വരാത്ത നിയമ​പ്ര​കാ​രം മാററം വരാത​വണ്ണം ആ വിരോ​ധ​ക​ല്‌പന ഉറപ്പിച്ചു രേഖ എഴുതി​ക്കേണ”മെന്ന്‌ സന്ദർശകർ ദാര്യാ​വേ​ശി​നെ ഉദ്‌ബോ​ധി​പ്പി​ച്ചു. (ദാനീ​യേൽ 6:8) പുരാതന പൂർവ​ദേ​ശത്ത്‌, രാജഹി​തം മിക്ക​പ്പോ​ഴും എതിരി​ല്ലാ​ത്ത​താ​യി കരുത​പ്പെ​ട്ടി​രു​ന്നു. രാജാവ്‌ അപ്രമാ​ദി​ത്വം ഉള്ളവനാ​ണെന്ന ആശയം നിലനി​ന്നു പോകാൻ അത്‌ ഇടയാക്കി. എന്തിന്‌, നിരപ​രാ​ധി​ക​ളു​ടെ മരണത്തിന്‌ ഇടയാ​ക്കു​മാ​യി​രുന്ന ഒരു നിയമം പോലും മാറ്റാൻ പാടി​ല്ലാ​യി​രു​ന്നു!

11. ദാര്യാ​വേ​ശി​ന്റെ ശാസനം ദാനീ​യേ​ലി​നെ എങ്ങനെ ബാധി​ക്കു​മാ​യി​രു​ന്നു?

¹¹ ദാനീ​യേ​ലി​നെ കുറിച്ചു ചിന്തി​ക്കാ​തെ ദാര്യാ​വേശ്‌ ഉത്തരവ്‌ ഒപ്പു​വെച്ചു. (ദാനീ​യേൽ 6:9) അതുവഴി അവൻ തന്റെ ഏറ്റവും ശ്രേഷ്‌ഠ​നായ ഉദ്യോ​ഗ​സ്ഥന്റെ മരണ വാറണ്ടിൽ അറിയാ​തെ ഒപ്പു​വെ​ക്കുക ആയിരു​ന്നു. അതേ, ദാനീ​യേൽ ഈ ശാസന​ത്താൽ ബാധി​ക്ക​പ്പെ​ടു​മെന്ന്‌ ഉറപ്പാ​യി​രു​ന്നു.

പ്രതി​കൂല ന്യായ​വി​ധി നടത്താൻ ദാര്യാ​വേശ്‌ നിർബ​ന്ധി​ത​നാ​യി

12. (എ) പുതിയ നിയമത്തെ കുറിച്ച്‌ അറിഞ്ഞ ഉടനെ ദാനീ​യേൽ എന്തു ചെയ്‌തു? (ബി) ദാനീ​യേ​ലി​നെ നിരീ​ക്ഷി​ച്ചു​കൊ​ണ്ടി​രു​ന്നത്‌ ആർ, എന്തു​കൊണ്ട്‌?

¹² പ്രാർഥ​ന​യ്‌ക്കു നിയ​ന്ത്രണം ഏർപ്പെ​ടു​ത്തി​ക്കൊ​ണ്ടുള്ള നിയമത്തെ കുറിച്ചു ദാനീ​യേ​ലി​നു പെട്ടെ​ന്നു​തന്നെ അറിവു​കി​ട്ടി. ഉടൻതന്നെ അവൻ വീട്ടിൽ ചെന്ന്‌ തന്റെ മാളിക മുറി​യി​ലേക്കു പോയി. അതിന്റെ ജനാലകൾ യെരൂ​ശ​ലേ​മി​നു നേരെ തുറന്നി​രു​ന്നു.b അവിടെ അവൻ, “താൻ മുമ്പെ ചെയ്‌തു​വ​ന്ന​തു​പോ​ലെ,” ദൈവ​ത്തോ​ടു പ്രാർഥി​ക്കാൻ തുടങ്ങി. താൻ തനിച്ചേ ഉള്ളൂ​വെന്നു ദാനീ​യേൽ വിചാ​രി​ച്ചി​രി​ക്കാം. എന്നാൽ, ഗൂഢാ​ലോ​ചകർ അവനെ നിരീ​ക്ഷി​ക്കു​ന്നു​ണ്ടാ​യി​രു​ന്നു. പെട്ടെന്നു തന്നെ അവർ “സംഘം​ചേർന്നു വന്നു” (NW), നിസ്സം​ശ​യ​മാ​യും ദാര്യാ​വേ​ശി​നെ സമീപിച്ച അതേ ആവേശ​ത്തോ​ടെ തന്നെ. ദാനീ​യേൽ “തന്റെ ദൈവ​ത്തിൻ സന്നിധി​യിൽ പ്രാർത്ഥി​ച്ചു അപേക്ഷി​ക്കു​ന്നതു” അവർ ഇപ്പോൾ സ്വന്ത കണ്ണാലെ കാണു​ക​യാ​യി​രു​ന്നു. (ദാനീ​യേൽ 6:10, 11) ദാനീ​യേ​ലി​നെ രാജാ​വി​ന്റെ മുമ്പാകെ കുറ്റ​പ്പെ​ടു​ത്താൻ വേണ്ട എല്ലാ തെളി​വും അധ്യക്ഷ​ന്മാ​രു​ടെ​യും പ്രധാന ദേശാ​ധി​പ​തി​മാ​രു​ടെ​യും പക്കൽ ഉണ്ടായി​രു​ന്നു.

13. ദാനീ​യേ​ലി​ന്റെ ശത്രുക്കൾ രാജാ​വി​നോട്‌ എന്തു റിപ്പോർട്ടു ചെയ്‌തു?

¹³ ദാനീ​യേ​ലി​ന്റെ ശത്രുക്കൾ ദാര്യാ​വേ​ശി​നോ​ടു കൗശല​പൂർവം ഇങ്ങനെ ചോദി​ച്ചു: “രാജാവേ, മുപ്പതു ദിവസ​ത്തേക്കു തിരു​മേ​നി​യോ​ട​ല്ലാ​തെ യാതൊ​രു ദേവ​നോ​ടോ മനുഷ്യ​നോ​ടോ അപേക്ഷ കഴിക്കുന്ന ഏതു മനുഷ്യ​നെ​യും സിംഹ​ങ്ങ​ളു​ടെ ഗുഹയിൽ ഇട്ടുക​ള​യും എന്നിങ്ങനെ ഒരു കല്‌പന എഴുതി​ച്ചി​ട്ടി​ല്ല​യോ”? ദാര്യാ​വേശ്‌ പ്രതി​വ​ചി​ച്ചു: “മേദ്യ​രു​ടെ​യും പാർസി​ക​ളു​ടെ​യും നീക്കം വരാത്ത നിയമ​പ്ര​കാ​രം ആ കാര്യം ഉറപ്പു​തന്നേ.” ഇപ്പോൾ ഗൂഢാ​ലോ​ചകർ വേഗം കാര്യ​ത്തി​ലേക്കു കടന്നു. “രാജാവേ, യെഹൂ​ദാ​പ്ര​വാ​സി​ക​ളിൽ ഒരുത്ത​നായ ദാനീ​യേൽ തിരു​മേ​നി​യെ​യാ​കട്ടെ തിരു​മ​ന​സ്സു​കൊ​ണ്ടു എഴുതിച്ച വിരോ​ധ​ക​ല്‌പ​ന​യാ​കട്ടെ കൂട്ടാ​ക്കാ​തെ, ദിവസം മൂന്നു പ്രാവ​ശ്യം അപേക്ഷ കഴിച്ചു​വ​രു​ന്നു.”—ദാനീ​യേൽ 6:12, 13.

14. അധ്യക്ഷ​ന്മാ​രും പ്രധാന ദേശാ​ധി​പ​തി​മാ​രും ദാനീ​യേ​ലി​നെ “യെഹൂ​ദാ​പ്ര​വാ​സി​ക​ളിൽ” ഒരുത്തൻ എന്നു പരാമർശി​ച്ചത്‌ എന്തു​കൊ​ണ്ടാ​യി​രി​ക്കാം?

¹⁴ അധ്യക്ഷ​ന്മാ​രും പ്രധാന ദേശാ​ധി​പ​തി​മാ​രും ദാനീ​യേ​ലി​നെ “യെഹൂ​ദാ​പ്ര​വാ​സി​ക​ളിൽ” ഒരുത്തൻ എന്നു പരാമർശി​ച്ചതു ശ്രദ്ധാർഹ​മാണ്‌. തെളി​വ​നു​സ​രിച്ച്‌, ദാര്യാ​വേശ്‌ ഉന്നത സ്ഥാന​ത്തേക്ക്‌ ഉയർത്തിയ ഈ ദാനീ​യേൽ വാസ്‌ത​വ​ത്തിൽ വെറു​മൊ​രു യഹൂദ അടിമ​യാ​ണെന്ന്‌ ഊന്നി​പ്പ​റ​യാൻ അവർ ആഗ്രഹി​ച്ചു. ആ നിലയ്‌ക്ക്‌, രാജാവ്‌ അവനെ കുറിച്ച്‌ എന്തുതന്നെ വിചാ​രി​ച്ചാ​ലും, തീർച്ച​യാ​യും അവൻ നിയമം അനുസ​രി​ക്കേ​ണ്ടത്‌ ആയിരു​ന്നെന്ന്‌ അവർ വിശ്വ​സി​ച്ചു!

15. (എ) അധ്യക്ഷ​ന്മാ​രും പ്രധാന ദേശാ​ധി​പ​തി​മാ​രും കൊണ്ടു​വന്ന വാർത്ത​യോ​ടു ദാര്യാ​വേശ്‌ എങ്ങനെ പ്രതി​ക​രി​ച്ചു? (ബി) അധ്യക്ഷ​ന്മാ​രും പ്രധാന ദേശാ​ധി​പ​തി​മാ​രും ദാനീ​യേ​ലി​നോ​ടുള്ള വെറുപ്പു തുടർന്നും പ്രകട​മാ​ക്കി​യത്‌ എങ്ങനെ?

¹⁵ സമർഥ​മായ രഹസ്യാ​ന്വേ​ഷ​ണ​ത്തി​നു രാജാവ്‌ തങ്ങൾക്കു സമ്മാനം നൽകു​മെന്ന്‌ അധ്യക്ഷ​ന്മാ​രും പ്രധാന ദേശാ​ധി​പ​തി​മാ​രും പ്രതീ​ക്ഷി​ച്ചി​രി​ക്കാം. അങ്ങനെ​യെ​ങ്കിൽ, അവർ ഉടൻതന്നെ അമ്പരന്നു പോകു​മാ​യി​രു​ന്നു. അവർ കൊണ്ടു​വന്ന വാർത്ത ദാര്യാ​വേ​ശി​നെ ആകെ അസ്വസ്ഥ​നാ​ക്കി. ദാനീ​യേ​ലിന്‌ എതിരെ കോപം ജ്വലി​ക്കു​ക​യോ അവനെ ഉടനടി സിംഹ​ങ്ങ​ളു​ടെ ഗുഹയിൽ ഇടുക​യോ ചെയ്യു​ന്ന​തി​നു പകരം അവനെ രക്ഷിക്കാ​നാ​ണു ദാര്യാ​വേശ്‌ ആ ദിവസം മുഴുവൻ ശ്രമി​ച്ചത്‌. എന്നാൽ അവന്റെ ശ്രമങ്ങൾ നിഷ്‌ഫ​ല​മാ​യി. അധികം താമസി​യാ​തെ, ഗൂഢാ​ലോ​ചകർ തിരി​ച്ചു​വന്ന്‌ ദാനീ​യേ​ലി​ന്റെ രക്തത്തി​നാ​യി നിർലജ്ജം മുറവി​ളി കൂട്ടി.—ദാനീ​യേൽ 6:14, 15.

16. (എ) ദാര്യാ​വേശ്‌ ദാനീ​യേ​ലി​ന്റെ ദൈവത്തെ ആദരി​ച്ചത്‌ എന്തു​കൊണ്ട്‌? (ബി) ദാനീ​യേ​ലി​ന്റെ കാര്യ​ത്തിൽ ദാര്യാ​വേ​ശിന്‌ എന്തു പ്രതീക്ഷ ഉണ്ടായി​രു​ന്നു?

¹⁶ ഇക്കാര്യ​ത്തിൽ തനിക്കു മറ്റൊരു മാർഗ​വും ഇല്ലെന്നു ദാര്യാ​വേ​ശി​നു തോന്നി. നിയമം റദ്ദാക്കാ​നോ ദാനീ​യേ​ലി​ന്റെ “ലംഘന”ത്തിനു മാപ്പു കൊടു​ക്കാ​നോ കഴിയു​മാ​യി​രു​ന്നില്ല. “നീ ഇടവി​ടാ​തെ സേവി​ച്ചു​വ​രുന്ന നിന്റെ ദൈവം നിന്നെ രക്ഷിക്കും” എന്നു മാത്ര​മാ​ണു ദാര്യാ​വേ​ശി​നു ദാനീ​യേ​ലി​നോ​ടു പറയാൻ കഴിഞ്ഞത്‌. ദാര്യാ​വേശ്‌ ദാനീ​യേ​ലി​ന്റെ ദൈവത്തെ ആദരി​ച്ചി​രു​ന്നെന്നു തോന്നു​ന്നു. ബാബി​ലോ​ണി​ന്റെ വീഴ്‌ച മുൻകൂ​ട്ടി പറയാൻ ദാനീ​യേ​ലി​നെ പ്രാപ്‌ത​നാ​ക്കി​യത്‌ യഹോവ ആയിരു​ന്നു. മറ്റ്‌ അധ്യക്ഷ​ന്മാ​രിൽ നിന്ന്‌ അവനെ വേർതി​രി​ച്ചു നിർത്തിയ ഒരു ‘ഉൽകൃഷ്ട മനസ്സും’ ദൈവം ദാനീ​യേ​ലി​നു കൊടു​ത്തി​രു​ന്നു. പതിറ്റാ​ണ്ടു​കൾക്കു മുമ്പ്‌ അതേ ദൈവം മൂന്ന്‌ എബ്രായ യുവാ​ക്കളെ എരിയുന്ന തീച്ചൂ​ള​യിൽനി​ന്നു വിടു​വി​ച്ച​തി​നെ കുറി​ച്ചും ദാര്യാ​വേ​ശിന്‌ അറിവ്‌ ഉണ്ടായി​രു​ന്നി​രി​ക്കണം. താൻ ഒപ്പിട്ട നിയമം റദ്ദാക്കാൻ തനിക്കു കഴിയാത്ത സ്ഥിതിക്ക്‌, ഇപ്പോൾ സാധ്യ​ത​യ​നു​സ​രിച്ച്‌ യഹോവ ദാനീ​യേ​ലി​നെ വിടു​വി​ക്കു​മെന്നു രാജാവു പ്രത്യാ​ശി​ച്ചു. അങ്ങനെ, ദാനീ​യേൽ സിംഹ​ങ്ങ​ളു​ടെ ഗുഹയിൽ എറിയ​പ്പെട്ടു.c അടുത്ത​താ​യി, “ഒരു കല്ലു​കൊ​ണ്ടു​വന്നു ഗുഹയു​ടെ വാതി​ല്‌ക്കൽ വെച്ചു, ദാനീ​യേ​ലി​നെ​ക്കു​റി​ച്ചുള്ള നിർണ്ണ​യ​ത്തി​ന്നു മാററം വരാ​തെ​യി​രി​ക്കേ​ണ്ട​തി​ന്നു രാജാവു തന്റെ മോതി​രം​കൊ​ണ്ടും മഹത്തു​ക്ക​ളു​ടെ മോതി​രം​കൊ​ണ്ടും അതിന്നു മുദ്ര​യി​ട്ടു.”—ദാനീ​യേൽ 6:16, 17.

സംഭവ​ങ്ങ​ളു​ടെ ഒരു നാടകീയ ഗതിമാ​റ്റം

17, 18. (എ) ദാനീ​യേ​ലി​ന്റെ അവസ്ഥയിൽ ദാര്യാ​വേശ്‌ വളരെ ദുഃഖി​തൻ ആയിരു​ന്നെന്ന്‌ എന്തു പ്രകട​മാ​ക്കു​ന്നു? (ബി) അടുത്ത പ്രഭാ​ത​ത്തിൽ രാജാവ്‌ സിംഹ​ഗു​ഹ​യു​ടെ അടുത്തു മടങ്ങി എത്തിയ​പ്പോൾ എന്തു സംഭവി​ച്ചു?

¹⁷ ദുഃഖി​ത​നായ ദാര്യാ​വേശ്‌ തന്റെ കൊട്ടാ​ര​ത്തി​ലേക്കു മടങ്ങി. അന്നു സംഗീ​ത​ജ്ഞരെ അവന്റെ മുമ്പാകെ കൊണ്ടു​വ​ന്നില്ല, കാരണം വിനോ​ദി​ക്കാ​നുള്ള ഒരു മാനസിക അവസ്ഥയിൽ ആയിരു​ന്നില്ല അവൻ. പകരം, ഉപവസി​ച്ചു​കൊണ്ട്‌ അവൻ രാത്രി മുഴുവൻ ഉണർന്നി​രു​ന്നു. “ഉറക്കം അവനെ വിട്ടു​പോ​യി.” പ്രഭാ​ത​മാ​യ​പ്പോൾ ദാര്യാ​വേശ്‌ തിടു​ക്ക​ത്തിൽ സിംഹ​ഗു​ഹ​യു​ടെ അടു​ത്തെത്തി. ദുഃഖ​സ്വ​ര​ത്തിൽ അവൻ വിളിച്ചു പറഞ്ഞു: “ജീവനുള്ള ദൈവ​ത്തി​ന്റെ ദാസനായ ദാനീ​യേലേ, നീ ഇടവി​ടാ​തെ സേവി​ച്ചു​വ​രുന്ന നിന്റെ ദൈവം സിംഹ​ങ്ങ​ളിൽനി​ന്നു നിന്നെ രക്ഷിപ്പാൻ പ്രാപ്‌ത​നാ​യോ”? (ദാനീ​യേൽ 6:18-20) അവനെ അമ്പരപ്പി​ച്ചു​കൊണ്ട്‌, അവനു തികഞ്ഞ ആശ്വാസം പകർന്നു​കൊണ്ട്‌, അതാ ഒരു മറുപടി!

¹⁸ “രാജാവു ദീർഘാ​യു​സ്സാ​യി​രി​ക്കട്ടെ.” രാജാ​വി​നോ​ടു താൻ നീരസം വെച്ചു​പു​ലർത്തു​ന്നി​ല്ലെന്ന്‌ ആദരപൂർവ​മായ ഈ അഭിവാ​ദ​ന​ത്താൽ ദാനീ​യേൽ പ്രകട​മാ​ക്കി. ദാര്യാ​വേശ്‌ അല്ല മറിച്ച്‌ അസൂയാ​ലു​ക്ക​ളായ അധ്യക്ഷ​ന്മാ​രും പ്രധാന ദേശാ​ധി​പ​തി​മാ​രു​മാ​ണു തന്റെ പീഡന​ത്തി​ന്റെ യഥാർഥ കാരണ​ക്കാ​രെന്ന്‌ അവൻ തിരി​ച്ച​റി​ഞ്ഞു. (മത്തായി 5:44; പ്രവൃ​ത്തി​കൾ 7:60 എന്നിവ താരത​മ്യം ചെയ്യുക.) ദാനീ​യേൽ തുടർന്നു: “സിംഹങ്ങൾ എനിക്കു കേടു വരുത്താ​തി​രി​ക്കേ​ണ്ട​തി​ന്നു എന്റെ ദൈവം തന്റെ ദൂതനെ അയച്ചു അവയുടെ വായ​ടെ​ച്ചു​ക​ളഞ്ഞു; അവന്റെ സന്നിധി​യിൽ ഞാൻ കുററ​മി​ല്ലാ​ത്തവൻ; രാജാവേ, തിരു​മു​മ്പി​ലും ഞാൻ ഒരു ദോഷ​വും ചെയ്‌തി​ട്ടില്ല.”—ദാനീ​യേൽ 6:21, 22.

19. അധ്യക്ഷ​ന്മാ​രും പ്രധാന ദേശാ​ധി​പ​തി​മാ​രും ദാര്യാ​വേ​ശി​നെ വഞ്ചിച്ച്‌ ഒരു കരുവാ​ക്കി​യത്‌ എങ്ങനെ?

¹⁹ ആ വാക്കുകൾ ദാര്യാ​വേ​ശി​ന്റെ മനസ്സാ​ക്ഷി​യെ എത്രമാ​ത്രം വേദനി​പ്പി​ച്ചി​രി​ക്കണം! സിംഹ​ങ്ങ​ളു​ടെ ഗുഹയിൽ എറിയ​പ്പെ​ടാൻ തക്കവണ്ണം ദാനീ​യേൽ യാതൊ​ന്നും ചെയ്‌തി​ട്ടി​ല്ലെന്ന്‌ അവന്‌ എല്ലായ്‌പോ​ഴും അറിയാ​മാ​യി​രു​ന്നു. അധ്യക്ഷ​ന്മാ​രും പ്രധാന ദേശാ​ധി​പ​തി​മാ​രും ദാനീ​യേ​ലി​നെ വകവരു​ത്താ​നാ​യി ഗൂഢാ​ലോ​ചന നടത്തു​ക​യും തങ്ങളുടെ സ്വാർഥ ലക്ഷ്യങ്ങൾ നേടു​ന്ന​തിൽ തന്നെ കരുവാ​ക്കു​ക​യും ചെയ്‌ത​താ​ണെന്നു ദാര്യാ​വേ​ശി​നു നല്ല ബോധ്യം ഉണ്ടായി​രു​ന്നു. ഉത്തരവു പുറ​പ്പെ​ടു​വി​ക്കാൻ “രാജ്യ​ത്തി​ലെ സകല അദ്ധ്യക്ഷ​ന്മാ​രും” ശുപാർശ ചെയ്‌തെന്ന്‌ ഊന്നി​പ്പ​റ​യുക വഴി, അക്കാര്യ​ത്തിൽ ദാനീ​യേ​ലി​നോ​ടും ആലോചന ചോദി​ച്ചെന്ന്‌ അവർ സൂചി​പ്പി​ച്ചു. (ചെരി​ച്ചെ​ഴു​തി​യി​രി​ക്കു​ന്നതു ഞങ്ങൾ.) ആ വക്രബു​ദ്ധി​കളെ ദാര്യാ​വേശ്‌ പിന്നീടു കൈകാ​ര്യം ചെയ്യു​മാ​യി​രു​ന്നു. എന്നാൽ ആദ്യമാ​യി, ദാനീ​യേ​ലി​നെ സിംഹ​ങ്ങ​ളു​ടെ ഗുഹയിൽനി​ന്നു കയറ്റു​വാൻ അവൻ കൽപ്പിച്ചു. അത്ഭുത​മെന്നേ പറയേണ്ടു, ദാനീ​യേ​ലിന്‌ ഒരു പോറൽ പോലും ഏറ്റിരു​ന്നില്ല!—ദാനീ​യേൽ 6:23.

20. ദാനീ​യേ​ലി​ന്റെ ദ്രോ​ഹ​ബു​ദ്ധി​ക​ളായ എതിരാ​ളി​കൾക്ക്‌ എന്തു സംഭവി​ച്ചു?

²⁰ ഇപ്പോൾ ദാനീ​യേൽ സുരക്ഷി​ത​നാ​യി​രുന്ന സ്ഥിതിക്ക്‌ ദാര്യാ​വേ​ശി​നു മറ്റു ചില കൃത്യങ്ങൾ നിർവ​ഹി​ക്കാൻ ഉണ്ടായി​രു​ന്നു. “പിന്നെ രാജാ​വി​ന്റെ കല്‌പ​ന​യാൽ, അവർ ദാനീ​യേ​ലി​നെ കുററം ചുമത്തി​യ​വരെ കൊണ്ടു​വന്നു, അവരെ​യും മക്കളെ​യും ഭാര്യ​മാ​രെ​യും സിംഹ​ങ്ങ​ളു​ടെ ഗുഹയിൽ ഇട്ടുക​ളഞ്ഞു; അവർ ഗുഹയു​ടെ അടിയിൽ എത്തുമ്മു​മ്പെ സിംഹങ്ങൾ അവരെ പിടിച്ചു, അവരുടെ അസ്ഥിക​ളൊ​ക്കെ​യും തകർത്തു​ക​ളഞ്ഞു.”d—ദാനീ​യേൽ 6:24.

21. ദുഷ്‌പ്ര​വൃ​ത്തി​ക്കാ​രു​ടെ കുടും​ബാം​ഗ​ങ്ങ​ളു​മാ​യി ഇടപെ​ടു​ന്ന​തിൽ മോ​ശൈക ന്യായ​പ്ര​മാ​ണ​വും ചില പുരാതന സംസ്‌കാ​ര​ങ്ങ​ളി​ലെ നിയമ​ങ്ങ​ളും തമ്മിൽ എന്തു വ്യത്യാ​സം ഉണ്ടായി​രു​ന്നു?

²¹ ഗൂഢാ​ലോ​ച​കരെ മാത്രമല്ല അവരുടെ ഭാര്യ​മാ​രെ​യും കുട്ടി​ക​ളെ​യും കൂടെ വധിച്ചത്‌ അങ്ങേയറ്റം ക്രൂര​മാ​യി​രു​ന്നെന്നു തോന്നാം. നേരെ മറിച്ച്‌, പ്രവാ​ച​ക​നായ മോശ​യി​ലൂ​ടെ ദൈവം നൽകിയ ന്യായ​പ്ര​മാ​ണം ഇങ്ങനെ പ്രഖ്യാ​പി​ച്ചു: “മക്കൾക്കു പകരം അപ്പന്മാ​രും അപ്പന്മാർക്കു പകരം മക്കളും മരണശിക്ഷ അനുഭ​വി​ക്ക​രു​തു; താന്താന്റെ പാപത്തി​ന്നു താന്താൻ മരണശിക്ഷ അനുഭ​വി​ക്കേണം.” (ആവർത്ത​ന​പു​സ്‌തകം 24:16) എന്നിരു​ന്നാ​ലും, ചില പുരാതന സംസ്‌കാ​ര​ങ്ങ​ളിൽ, ഗുരു​ത​ര​മായ കുറ്റകൃ​ത്യ​ത്തി​ന്റെ സംഗതി​യിൽ, കുറ്റക്കാ​ര​നോട്‌ ഒപ്പം അയാളു​ടെ കുടും​ബാം​ഗ​ങ്ങ​ളും വധിക്ക​പ്പെ​ടു​ന്നതു സാധാ​ര​ണ​മാ​യി​രു​ന്നു. ഇത്‌ ഒരുപക്ഷേ കുടും​ബാം​ഗങ്ങൾ പിന്നീടു പ്രതി​കാ​രം ചെയ്യു​ന്നതു തടയാൻ ആയിരു​ന്നി​രി​ക്കാം. എന്നാൽ, അധ്യക്ഷ​ന്മാ​രു​ടെ​യും പ്രധാന ദേശാ​ധി​പ​തി​മാ​രു​ടെ​യും കുടും​ബ​ങ്ങൾക്ക്‌ എതി​രെ​യുള്ള ഈ നടപടി​യു​ടെ പിന്നിൽ ദാനീ​യേൽ ഉണ്ടായി​രു​ന്നി​ല്ലെന്നു തീർച്ച​യാണ്‌. ആ ദുഷ്ടന്മാർ തങ്ങളുടെ കുടും​ബ​ത്തി​ന്മേൽ വരുത്തി​വെച്ച ദുരി​ത​ത്തിൽ അവൻ സാധ്യ​ത​യ​നു​സ​രിച്ച്‌ വ്യസനി​ച്ചി​രി​ക്കണം.

22. ദാര്യാ​വേശ്‌ ഏതു പുതിയ പ്രഖ്യാ​പനം പുറ​പ്പെ​ടു​വി​ച്ചു?

²² കുടി​ല​ന്മാ​രായ ആ അധ്യക്ഷ​ന്മാ​രു​ടെ​യും പ്രധാന ദേശാ​ധി​പ​തി​മാ​രു​ടെ​യും കഥ കഴിഞ്ഞി​രു​ന്നു. അപ്പോൾ ദാര്യാ​വേശ്‌ പിൻവ​രുന്ന പ്രകാരം ഒരു പ്രഖ്യാ​പനം പുറ​പ്പെ​ടു​വി​ച്ചു: “എന്റെ രാജാ​ധി​പ​ത്യ​ത്തിൽ ഉൾപ്പെട്ട ഏവരും ദാനീ​യേ​ലി​ന്റെ ദൈവ​ത്തി​ന്റെ മുമ്പാകെ ഭയഭക്തി​യോ​ടി​രി​ക്കേ​ണ​മെന്നു ഞാൻ ഒരു തീർപ്പു കല്‌പി​ക്കു​ന്നു; അവൻ ജീവനുള്ള ദൈവ​വും എന്നേക്കും നിലനി​ല്‌ക്കു​ന്ന​വ​നും അവന്റെ രാജത്വം നശിച്ചു​പോ​കാ​ത്ത​തും അവന്റെ ആധിപ​ത്യം അവസാ​നം​വ​രാ​ത്ത​തും ആകുന്നു. അവൻ രക്ഷിക്ക​യും വിടു​വി​ക്ക​യും ചെയ്യുന്നു; അവൻ ആകാശ​ത്തി​ലും ഭൂമി​യി​ലും അടയാ​ള​ങ്ങ​ളും അത്ഭുത​ങ്ങ​ളും പ്രവർത്തി​ക്കു​ന്നു; അവൻ ദാനീ​യേ​ലി​നെ സിംഹ​വാ​യിൽനി​ന്നു രക്ഷിച്ചി​രി​ക്കു​ന്നു.”—ദാനീ​യേൽ 6:25-27.

ദൈവത്തെ ഇടവി​ടാ​തെ സേവി​ക്കു​ക

23. തന്റെ ലൗകിക തൊഴിൽ സംബന്ധി​ച്ചു ദാനീ​യേൽ എന്തു ദൃഷ്ടാന്തം വെച്ചു, നമുക്ക്‌ എങ്ങനെ അവനെ​പ്പോ​ലെ ആയിരി​ക്കാൻ കഴിയും?

²³ ദൈവ​ത്തി​ന്റെ ഇന്നത്തെ എല്ലാ ദാസന്മാർക്കും ദാനീ​യേൽ ഒരു ഉത്തമ ദൃഷ്ടാന്തം വെച്ചു. അവന്റെ നടത്ത എല്ലായ്‌പോ​ഴും കുറ്റമ​റ്റ​താ​യി​രു​ന്നു. തന്റെ ലൗകിക തൊഴി​ലിൽ ദാനീ​യേൽ “വിശ്വ​സ്‌ത​നാ​യി​രു​ന്ന​തു​കൊ​ണ്ടു ഒരു തെററും കുററ​വും അവനിൽ കണ്ടെത്തി​യില്ല.” (ദാനീ​യേൽ 6:4) അതേ​പോ​ലെ, ഒരു ക്രിസ്‌ത്യാ​നി തന്റെ തൊഴി​ലിൽ ഉത്സാഹ​മു​ള്ളവൻ ആയിരി​ക്കണം. ഭൗതിക ധനത്തിനു പിന്നാലെ പരക്കം പായുന്ന തത്ത്വദീ​ക്ഷ​യി​ല്ലാത്ത ഒരു കച്ചവട മനസ്ഥി​തി​ക്കാ​ര​നോ ജോലി​യിൽ സ്വന്തം ഉന്നതി​ക്കാ​യി മറ്റുള്ള​വ​രു​ടെ ക്ഷേമത്തെ അവഗണി​ക്കു​ന്ന​വ​നോ ആയിരി​ക്കുക എന്നല്ല അതിന്റെ അർഥം. (1 തിമൊ​ഥെ​യൊസ്‌ 6:10) തന്റെ ലൗകിക കടപ്പാ​ടു​കൾ “യഹോ​വ​യ്‌ക്ക്‌ എന്നപോ​ലെ” സത്യസ​ന്ധ​മാ​യും മുഴു​ദേ​ഹി​യോ​ടെ​യും നിർവ​ഹി​ക്കാൻ തിരു​വെ​ഴു​ത്തു​കൾ ക്രിസ്‌ത്യാ​നി​ക​ളോട്‌ ആവശ്യ​പ്പെ​ടു​ന്നു.—കൊ​ലൊ​സ്സ്യർ 3:22, 23, NW; തീത്തൊസ്‌ 2:7, 8; എബ്രായർ 13:18.

24. ആരാധ​ന​യിൽ വിട്ടു​വീഴ്‌ച ചെയ്യാ​ത്ത​വ​നാ​ണു താനെന്നു ദാനീ​യേൽ പ്രകട​മാ​ക്കി​യത്‌ എങ്ങനെ?

²⁴ ആരാധ​ന​യിൽ വിട്ടു​വീഴ്‌ച ചെയ്യു​ന്നവൻ ആയിരു​ന്നില്ല ദാനീ​യേൽ. അവന്റെ പ്രാർഥനാ രീതി എല്ലാവർക്കും അറിയാ​മാ​യി​രു​ന്നു. മാത്രമല്ല, ദാനീ​യേൽ തന്റെ ആരാധ​നയെ ഗൗരവ​മാ​യി എടുത്തി​രു​ന്നെന്ന്‌ അധ്യക്ഷ​ന്മാർക്കും പ്രധാന ദേശാ​ധി​പ​തി​മാർക്കും നന്നായി അറിയാ​മാ​യി​രു​ന്നു. നിയമം വിലക്കി​യാൽ പോലും അവൻ ആ പതിവ്‌ തുടരു​മെന്ന്‌ അവർക്കു പൂർണ ബോധ്യം ഉണ്ടായി​രു​ന്നു. ഇന്നത്തെ ക്രിസ്‌ത്യാ​നി​കൾക്ക്‌ എത്ര നല്ല ഒരു ദൃഷ്ടാന്തം! ദൈവാ​രാ​ധന ഒന്നാം സ്ഥാനത്തു വെക്കു​ന്ന​തി​ന്റെ ഖ്യാതി അവർക്കു​മുണ്ട്‌. (മത്തായി 6:33) നിരീ​ക്ഷ​കർക്ക്‌ ഇത്‌ എളുപ്പം ദൃശ്യ​മാ​യി​രി​ക്കണം. കാരണം യേശു തന്റെ അനുഗാ​മി​ക​ളോ​ടു കൽപ്പിച്ചു: “മനുഷ്യർ നിങ്ങളു​ടെ നല്ല പ്രവൃ​ത്തി​കളെ കണ്ടു, സ്വർഗ്ഗ​സ്ഥ​നായ നിങ്ങളു​ടെ പിതാ​വി​നെ മഹത്വ​പ്പെ​ടു​ത്തേ​ണ്ട​തി​ന്നു നിങ്ങളു​ടെ വെളിച്ചം അവരുടെ മുമ്പിൽ പ്രകാ​ശി​ക്കട്ടെ.”—മത്തായി 5:16.

25, 26. (എ) ദാനീ​യേ​ലി​ന്റെ പ്രവർത്തന ഗതി​യെ​ക്കു​റി​ച്ചു ചിലർ എന്തു നിഗമനം ചെയ്‌തേ​ക്കാം? (ബി) തന്റെ പതിവു രീതി​യിൽനി​ന്നുള്ള മാറ്റത്തെ ദാനീ​യേൽ വിട്ടു​വീ​ഴ്‌ച​യ്‌ക്കു തുല്യ​മാ​യി വീക്ഷി​ച്ചത്‌ എന്തു​കൊണ്ട്‌?

²⁵ 30 ദിവസ​ത്തേക്ക്‌ യഹോ​വ​യോ​ടു രഹസ്യ​മാ​യി പ്രാർഥി​ച്ചു​കൊണ്ട്‌ ദാനീ​യേ​ലി​നു പീഡനം ഒഴിവാ​ക്കാ​മാ​യി​രു​ന്നെന്നു ചിലർ പറഞ്ഞേ​ക്കാം. ദൈവം പ്രാർഥന കേൾക്ക​ണ​മെ​ങ്കിൽ പ്രത്യേക നിലയോ പശ്ചാത്ത​ല​മോ ആവശ്യ​മി​ല്ല​ല്ലോ. ഹൃദയ​ത്തിൽ ധ്യാനി​ക്കു​ന്നതു പോലും അവനു ഗ്രഹി​ക്കാ​നാ​കും. (സങ്കീർത്തനം 19:14) എങ്കിലും, തന്റെ പതിവു രീതി​യിൽനി​ന്നുള്ള ഏതൊരു മാറ്റ​ത്തെ​യും ദാനീ​യേൽ വിട്ടു​വീ​ഴ്‌ച​യ്‌ക്കു തുല്യ​മാ​യി വീക്ഷിച്ചു. എന്തു​കൊണ്ട്‌?

²⁶ ദാനീ​യേ​ലി​ന്റെ പ്രാർഥ​നാ​രീ​തി പരക്കെ അറിയ​പ്പെ​ട്ടി​രു​ന്ന​തി​നാൽ, അവൻ അതു പെട്ടെന്നു നിർത്തി​ക്ക​ള​യു​ന്നത്‌ എന്തു സന്ദേശം നൽകു​മാ​യി​രു​ന്നു? ദാനീ​യേൽ മനുഷ്യ​രെ ഭയപ്പെ​ട്ടെ​ന്നും രാജാ​വി​ന്റെ കൽപ്പന യഹോ​വ​യു​ടെ നിയമത്തെ അസാധു​വാ​ക്കി​യെ​ന്നും നിരീ​ക്ഷകർ നിഗമനം ചെയ്യു​മാ​യി​രു​ന്നു. (സങ്കീർത്തനം 118:6) എന്നാൽ യഹോ​വ​യ്‌ക്കു തന്റെ അനന്യ​ഭക്തി ലഭി​ച്ചെന്ന്‌ ദാനീ​യേൽ തന്റെ പ്രവൃ​ത്തി​ക​ളി​ലൂ​ടെ പ്രകട​മാ​ക്കി. (ആവർത്ത​ന​പു​സ്‌തകം 6:14, 15; യെശയ്യാ​വു 42:8) തീർച്ച​യാ​യും, അപ്രകാ​രം ചെയ്യു​ക​വഴി ദാനീ​യേൽ രാജാ​വി​ന്റെ നിയമം അനാദ​ര​പൂർവം പുച്ഛിച്ചു തള്ളുക​യാ​യി​രു​ന്നില്ല. എന്നാൽ, വിട്ടു​വീഴ്‌ച ചെയ്‌തു​കൊണ്ട്‌ അവൻ പേടിച്ച്‌ ഒതുങ്ങി​ക്കൂ​ടി​യ​തു​മില്ല. രാജാവു ശാസനം പുറ​പ്പെ​ടു​വി​ക്കു​ന്ന​തി​നു “മുമ്പെ [താൻ] ചെയ്‌തു​വ​ന്ന​തു​പോ​ലെ” തന്നെ അവൻ തന്റെ മാളിക മുറി​യിൽ പ്രാർഥന തുടർന്നു​വെന്നു മാത്രം.

27. (എ) ശ്രേഷ്‌ഠാ​ധി​കാ​ര​ങ്ങൾക്കു കീഴ്‌പെ​ടു​ന്ന​തി​ലും (ബി) മനുഷ്യ​രെ​ക്കാൾ അധികം ദൈവത്തെ ഭരണാ​ധി​കാ​രി​യാ​യി അനുസ​രി​ക്കു​ന്ന​തി​ലും (സി) സകല മനുഷ്യ​രു​മാ​യി സമാധാ​ന​ത്തോ​ടെ ജീവി​ക്കാൻ ശ്രമി​ക്കു​ന്ന​തി​ലും ദാനീ​യേ​ലി​നെ​പ്പോ​ലെ ആയിരി​ക്കാൻ ഇന്നത്തെ ദൈവ​ദാ​സ​ന്മാർക്ക്‌ എങ്ങനെ സാധി​ക്കും?

²⁷ ദൈവ​ത്തി​ന്റെ ഇന്നത്തെ ദാസന്മാർക്ക്‌ ദാനീ​യേ​ലി​ന്റെ ദൃഷ്ടാ​ന്ത​ത്തിൽനി​ന്നു പഠിക്കാൻ കഴിയും. തങ്ങൾ വസിക്കുന്ന രാജ്യത്തെ നിയമങ്ങൾ അനുസ​രി​ച്ചു​കൊണ്ട്‌ അവർ “ശ്രേഷ്‌ഠാ​ധി​കാ​ര​ങ്ങൾക്കു കീഴട”ങ്ങിയി​രി​ക്കു​ന്നു. (റോമർ 13:1) എന്നാൽ മനുഷ്യ​രു​ടെ നിയമം ദൈവ​ത്തി​ന്റെ നിയമ​ത്തി​നു വിരു​ദ്ധ​മാ​കു​മ്പോൾ യഹോ​വ​യു​ടെ ജനം യേശു​വി​ന്റെ അപ്പൊ​സ്‌ത​ല​ന്മാ​രു​ടെ നിലപാ​ടു സ്വീക​രി​ക്കു​ന്നു. അവർ സധൈ​ര്യം ഇങ്ങനെ പ്രസ്‌താ​വി​ച്ചു: “ഞങ്ങൾ മനുഷ്യ​രെ​ക്കാൾ അധിക​മാ​യി ദൈവത്തെ ഭരണാ​ധി​കാ​രി​യാ​യി അനുസ​രി​ക്കേ​ണ്ട​താണ്‌.” (പ്രവൃ​ത്തി​കൾ 5:29, NW) അപ്രകാ​രം ചെയ്യു​ക​വഴി ക്രിസ്‌ത്യാ​നി​കൾ വിപ്ലവ​ത്തെ​യോ കലാപ​ത്തെ​യോ പ്രോ​ത്സാ​ഹി​പ്പി​ക്കു​ന്നില്ല. മറിച്ച്‌, “പൂർണ​മായ ദൈവിക ഭക്തി​യോ​ടെ ശാന്തവും സ്വസ്ഥവു​മായ ഒരു ജീവിതം നയിക്കു​ന്ന​തിൽ തുട​രേ​ണ്ട​തിന്‌” സകല മനുഷ്യ​രു​മാ​യി സമാധാ​ന​ത്തിൽ കഴിയുക എന്നതാണ്‌ അവരുടെ ലക്ഷ്യം.—1 തിമൊ​ഥെ​യൊസ്‌ 2:1, 2, NW; റോമർ 12:18.

28. ദാനീ​യേൽ യഹോ​വയെ “ഇടവി​ടാ​തെ” സേവി​ച്ചത്‌ എങ്ങനെ?

²⁸ ദാനീ​യേൽ ദൈവത്തെ “ഇടവി​ടാ​തെ” സേവി​ച്ചെന്ന്‌ ദാര്യാ​വേശ്‌ രണ്ടു തവണ പറഞ്ഞു. (ദാനീ​യേൽ 6:16, 20) “ഇടവി​ടാ​തെ” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന അരമായ മൂലപ​ദ​ത്തി​ന്റെ അർഥം “വൃത്താ​കൃ​തി​യിൽ സഞ്ചരി​ക്കുക” എന്നാണ്‌. ഇത്‌ തുടർച്ച​യായ ഒരു പരിവൃ​ത്തി അഥവാ ശാശ്വ​ത​മായ ഒന്ന്‌ എന്ന ആശയത്തെ സൂചി​പ്പി​ക്കു​ന്നു. ദാനീ​യേ​ലി​ന്റെ നിർമലത അത്തരത്തി​ലുള്ള ഒന്നായി​രു​ന്നു. അതിനു പ്രവചി​ക്കാ​വുന്ന ഒരു ഗതി ഉണ്ടായി​രു​ന്നു. അതായത്‌ പരി​ശോ​ധ​നകൾ നേരി​ട്ട​പ്പോൾ—അവ ചെറു​തോ വലുതോ ആയിരു​ന്നു​കൊ​ള്ളട്ടെ—ദാനീ​യേൽ എന്തു ചെയ്യു​മാ​യി​രു​ന്നു എന്നതു സംബന്ധി​ച്ചു യാതൊ​രു സംശയ​വും ഉണ്ടായി​രു​ന്നില്ല. പതിറ്റാ​ണ്ടു​ക​ളാ​യി താൻ പിന്തു​ടർന്നു പോന്നി​രുന്ന ഗതിയിൽ, അതായത്‌ യഹോ​വ​യോ​ടുള്ള വിശ്വ​സ്‌ത​ത​യു​ടെ​യും സത്യസ​ന്ധ​ത​യു​ടെ​യു​മായ ഗതിയിൽ, അവൻ തുടരു​മാ​യി​രു​ന്നു.

29. യഹോ​വ​യു​ടെ ഇന്നത്തെ ദാസന്മാർക്കു ദാനീ​യേ​ലി​ന്റെ വിശ്വസ്‌ത ഗതിയിൽനിന്ന്‌ എങ്ങനെ പ്രയോ​ജനം അനുഭ​വി​ക്കാൻ സാധി​ക്കും?

²⁹ ദൈവ​ത്തി​ന്റെ ഇന്നത്തെ ദാസന്മാർ ദാനീ​യേ​ലി​ന്റെ ഗതി പിൻപ​റ്റാൻ ആഗ്രഹി​ക്കു​ന്നു. തീർച്ച​യാ​യും പുരാ​ത​ന​കാ​ലത്തെ ദൈവ​ഭ​യ​മുള്ള വ്യക്തി​ക​ളു​ടെ ദൃഷ്ടാന്തം ശ്രദ്ധാ​പൂർവം പരിചി​ന്തി​ക്കാൻ പൗലൊസ്‌ അപ്പൊ​സ്‌തലൻ എല്ലാ ക്രിസ്‌ത്യാ​നി​ക​ളെ​യും ഉദ്‌ബോ​ധി​പ്പി​ച്ചു. വിശ്വാ​സ​ത്താൽ അവർ “നീതി നടത്തി, വാഗ്‌ദത്തം പ്രാപി​ച്ചു, സിംഹ​ങ്ങ​ളു​ടെ വായ്‌ അടെച്ചു.” ഇതിൽ അവസാ​ന​ത്തേതു വ്യക്തമാ​യും ദാനീ​യേ​ലി​നെ കുറി​ച്ചുള്ള ഒരു പരാമർശ​മാണ്‌. യഹോ​വ​യു​ടെ ദാസന്മാർ എന്നനി​ല​യിൽ ഇന്നു നമുക്കു ദാനീ​യേ​ലി​ന്റെ വിശ്വാ​സ​വും സേവന​ത്തിൽ അവൻ കാണിച്ച സ്ഥിരത​യും പ്രകട​മാ​ക്കി​ക്കൊണ്ട്‌ “നമുക്കു മുമ്പിൽ വെച്ചി​രി​ക്കുന്ന ഓട്ടം സഹിഷ്‌ണു​ത​യോ​ടെ ഓടാം.”—എബ്രായർ 11:32, 33; 12:1, NW.

[അടിക്കു​റി​പ്പു​കൾ]

നിങ്ങൾ എന്തു ഗ്രഹിച്ചു?

• ദാനീ​യേ​ലി​നെ ഉന്നതസ്ഥാ​നത്തു നിയമി​ക്കാൻ മേദ്യ​നായ ദാര്യാ​വേശ്‌ തീരു​മാ​നി​ച്ചത്‌ എന്തു​കൊണ്ട്‌?

• അധ്യക്ഷ​ന്മാ​രും പ്രധാന ദേശാ​ധി​പ​തി​മാ​രും ആസൂ​ത്രണം ചെയ്‌ത കുടില പദ്ധതി എന്ത്‌? യഹോവ ദാനീ​യേ​ലി​നെ രക്ഷിച്ചത്‌ എങ്ങനെ?

• വിശ്വ​സ്‌തത സംബന്ധിച്ച ദാനീ​യേ​ലി​ന്റെ ദൃഷ്ടാ​ന്ത​ത്തി​നു ശ്രദ്ധ കൊടു​ത്ത​തിൽനിന്ന്‌ നിങ്ങൾ എന്തു പഠിച്ചു?

[114-ാം പേജ്‌ നിറ​യെ​യുള്ള ചിത്രം]

[121-ാം പേജ്‌ നിറ​യെ​യുള്ള ചിത്രം]

[127-ാം പേജിലെ ചിത്രം]

ദാനീയേൽ യഹോ​വയെ “ഇടവി​ടാ​തെ” സേവിച്ചു. നിങ്ങളോ?