മിശി​ഹാ​യു​ടെ വരവ്‌ ദാനീ​യേൽ പ്രവചനം മുൻകൂ​ട്ടി​പ്പ​റ​യു​ന്ന വിധം

യേശു ജനിക്കു​ന്ന​തിന്‌ 500-ലേറെ വർഷം മുമ്പാണ്‌ പ്രവാ​ച​ക​നാ​യ ദാനീ​യേൽ ജീവി​ച്ചി​രു​ന്നത്‌. എന്നിരു​ന്നാ​ലും, യേശു അഭിഷി​ക്ത​നാ​കു​ന്ന അഥവാ മിശിഹാ അല്ലെങ്കിൽ ക്രിസ്‌തു ആയി നിയമി​ത​നാ​കു​ന്ന സമയം കൃത്യ​മാ​യി കണ്ടുപി​ടി​ക്കാൻ സഹായ​ക​മാ​യ വിവരങ്ങൾ യഹോവ ദാനീ​യേ​ലി​നു വെളി​പ്പെ​ടു​ത്തി​ക്കൊ​ടു​ത്തു. ദാനീ​യേ​ലി​നോട്‌ ഇങ്ങനെ പറയ​പ്പെ​ട്ടു: “യെരൂ​ശ​ലേ​മി​നെ യഥാസ്ഥാ​ന​പ്പെ​ടു​ത്തി പണിവാൻ കല്‌പന പുറ​പ്പെ​ടു​ന്ന​തു​മു​തൽ അഭിഷി​ക്ത​നാ​യോ​രു പ്രഭു​വ​രെ [“നായക​നാ​യ മിശി​ഹാ​വ​രെ,” NW] ഏഴു ആഴ്‌ച​വ​ട്ടം; അറുപ​ത്തു​ര​ണ്ടു ആഴ്‌ച​വ​ട്ടം.”—ദാനീ​യേൽ 9:25.

മിശിഹാ വരുന്ന സമയം കണ്ടുപി​ടി​ക്കാൻ, ആദ്യം​ത​ന്നെ മിശി​ഹാ​യി​ലേ​ക്കു നയിക്കുന്ന കാലഘ​ട്ട​ത്തി​ന്റെ തുടക്കം നാം മനസ്സി​ലാ​ക്കേ​ണ്ടി​യി​രി​ക്കു​ന്നു. പ്രവച​ന​മ​നു​സ​രിച്ച്‌, അത്‌ “യെരൂ​ശ​ലേ​മി​നെ യഥാസ്ഥാ​ന​പ്പെ​ടു​ത്തി പണിവാൻ കല്‌പന പുറ​പ്പെ​ടു​ന്ന​തു​മു​തൽ” ആണ്‌. ഈ ‘കൽപ്പന പുറ​പ്പെ​ട്ടത്‌’ എന്നാണ്‌? ബൈബിൾ എഴുത്തു​കാ​ര​നാ​യ നെഹെ​മ്യാവ്‌ പറയു​ന്ന​ത​നു​സ​രിച്ച്‌, യെരൂ​ശ​ലേ​മി​ന്റെ ചുറ്റു​മ​തിൽ പുനർനിർമി​ക്കാ​നു​ള്ള കൽപ്പന പുറ​പ്പെ​ട്ടത്‌ “അർത്ഥഹ്‌ശ​ഷ്ടാ​രാ​ജാ​വി​ന്റെ ഇരുപ​താം ആണ്ടിൽ” ആയിരു​ന്നു. (നെഹെ​മ്യാ​വു 2:1, 5-8) ഒരു ഭരണാ​ധി​കാ​രി​യെന്ന നിലയി​ലു​ള്ള അർത്ഥഹ്‌ശ​ഷ്ടാ​വി​ന്റെ ആദ്യത്തെ പൂർണ​വർഷം പൊ.യു.മു. 474 ആണെന്ന്‌ ചരി​ത്ര​കാ​ര​ന്മാർ സ്ഥിരീ​ക​രി​ക്കു​ന്നു. അതു​കൊണ്ട്‌, അദ്ദേഹ​ത്തി​ന്റെ വാഴ്‌ച​യു​ടെ 20-ാം വർഷം പൊ.യു.മു. 455 ആയിരു​ന്നു. ഇപ്പോൾ, ദാനീ​യേ​ലി​ന്റെ മിശി​ഹൈക പ്രവച​ന​ത്തിൽ പരാമർശി​ച്ചി​രി​ക്കു​ന്ന കാലഘ​ട്ട​ത്തി​ന്റെ തുടക്കം നമുക്കു കിട്ടി—പൊ.യു.മു. 455.

‘നായക​നാ​യ മിശി​ഹാ​യു​ടെ’ വരവി​ലേ​ക്കു നയിക്കുന്ന കാലഘ​ട്ട​ത്തിന്‌ എത്ര ദൈർഘ്യ​മു​ണ്ടാ​യി​രി​ക്കു​മെന്ന്‌ ദാനീ​യേൽ സൂചന നൽകുന്നു. “ഏഴു ആഴ്‌ച​വ​ട്ടം; അറുപ​ത്തു​ര​ണ്ടു ആഴ്‌ച​വ​ട്ടം,” അതായത്‌ മൊത്തം 69 ആഴ്‌ച​ക​ളാണ്‌ പ്രവച​ന​ത്തിൽ പരാമർശി​ച്ചി​രി​ക്കു​ന്നത്‌. ഈ കാലഘ​ട്ട​ത്തി​ന്റെ ദൈർഘ്യം എത്രയാണ്‌? ഇവ ഏഴു ദിവസം അടങ്ങുന്ന ആഴ്‌ച​ക​ളല്ല മറിച്ച്‌ വർഷങ്ങ​ളു​ടെ ആഴ്‌ച​ക​ളാ​ണെന്ന്‌ അനേകം ബൈബിൾ പരിഭാ​ഷ​ക​ളും പ്രകട​മാ​ക്കു​ന്നു. അതിന്റെ അർഥം, ഓരോ ആഴ്‌ച​യും ഏഴു വർഷത്തെ കുറി​ക്കു​ന്നു​വെ​ന്നാണ്‌. വർഷങ്ങ​ളു​ടെ ആഴ്‌ചകൾ അല്ലെങ്കിൽ ഏഴു വർഷം അടങ്ങുന്ന കാലയ​ള​വു​കൾ എന്ന ആശയം പുരാ​ത​ന​കാ​ല​ത്തെ യഹൂദ​ന്മാർക്കു പരിചി​ത​മാ​യി​രു​ന്നു. ഉദാഹ​ര​ണ​ത്തിന്‌, ഓരോ ഏഴാം വർഷവും അവർക്ക്‌ ഒരു ശബത്തു​വർഷ​മാ​യി​രു​ന്നു. (പുറപ്പാ​ടു 23:10, 11) അതിനാൽ, ഈ 69 പ്രാവ​ച​നി​ക ആഴ്‌ചകൾ, ഏഴു വർഷം വീതമുള്ള 69 കാലയ​ള​വു​കൾ അഥവാ മൊത്തം 483 വർഷം ആണ്‌.

ഇനി നാം കണക്കു​കൂ​ട്ടു​ക​യേ വേണ്ടൂ. പൊ.യു.മു. 455 മുതൽ 483 വർഷം എണ്ണിയാൽ അതു നമ്മെ പൊ.യു. 29-ൽ കൊ​ണ്ടെ​ത്തി​ക്കു​ന്നു. യേശു സ്‌നാ​പ​ന​മേറ്റ്‌ മിശിഹാ ആയിത്തീർന്നത്‌ കൃത്യ​മാ​യും ആ വർഷത്തി​ലാണ്‌!a (ലൂക്കൊസ്‌ 3:1, 2, 21, 22) ബൈബിൾ പ്രവച​ന​ത്തി​ന്റെ ശ്രദ്ധേ​യ​മാ​യ ഒരു നിവൃ​ത്തി​യ​ല്ലേ അത്‌?