മഹാ​പ്ര​ഭു​വായ മീഖാ​യേ​ലി​ന്റെ അന്തിമ വിജയം

“ആ കാലത്തു നിന്റെ സ്വജാ​തി​ക്കാർക്കു തുണനി​ല്‌ക്കുന്ന മഹാ​പ്ര​ഭു​വായ മീഖാ​യേൽ എഴു​ന്നേ​ല്‌ക്കും.”—ദാനീ​യേൽ 12:1

1. യഹോ​വ​യു​ടെ പരമാ​ധി​കാ​ര​ത്തി​നു നേരെ അനേകം ലോക നേതാ​ക്കൻമാർ ഏതു മനോ​ഭാ​വം പ്രകടി​പ്പി​ച്ചി​രി​ക്കു​ന്നു, വടക്കെ ദേശത്തെ രാജാവ്‌ ഇതിൽനി​ന്നു വ്യത്യ​സ്‌ത​ന​ല്ലാ​ത്തത്‌ എങ്ങനെ?

“യിസ്രാ​യേ​ലി​നെ വിട്ടയ​പ്പാൻ തക്കവണ്ണം ഞാൻ യഹോ​വ​യു​ടെ വാക്കു കേൾക്കേ​ണ്ട​തി​ന്നു അവൻ ആർ?” (പുറപ്പാ​ടു 5:2) ഇതു മോശ​യോ​ടുള്ള ഫറവോ​ന്റെ ആക്ഷേപ വാക്കു​ക​ളാ​യി​രു​ന്നു. യഹോ​വ​യു​ടെ പരമാ​ധീശ ദൈവ​ത്വ​ത്തെ അംഗീ​ക​രി​ക്കാൻ കൂട്ടാ​ക്കാ​തെ ഫറവോൻ ഇസ്ര​യേ​ലി​നെ അടിമ​ത്ത​ത്തിൽത്തന്നെ തളച്ചി​ടാൻ നിശ്ചയി​ച്ചു​റ​ച്ചി​രു​ന്നു. മററു ഭരണാ​ധി​പൻമാ​രും യഹോ​വ​യോ​ടു സമാന​മായ നിന്ദ പ്രകട​മാ​ക്കി​യി​ട്ടുണ്ട്‌. ദാനി​യേൽ പ്രവച​ന​ത്തി​ലെ രാജാ​ക്കൻമാർ ഇതിന്‌ ഒരപവാ​ദമല്ല. (യെശയ്യാ​വു 36:13-20) നിശ്ചയ​മാ​യും വടക്കെ ദേശത്തെ രാജാവ്‌ ഇതിലും ഒരു പടി മുന്നോ​ട്ടു പോയി. ദൂതൻ പറയുന്നു: “അവൻ തന്നെത്താൻ ഉയർത്തി, ഏതു ദേവന്നും മേലായി മഹത്വീ​ക​രി​ക്ക​യും ദൈവാ​ധി​ദൈ​വ​ത്തി​ന്റെ നേരെ അപൂർവ്വ​കാ​ര്യ​ങ്ങളെ സംസാ​രി​ക്ക​യും . . . അവൻ എല്ലാറ​റി​ന്നും മേലായി തന്നെത്താൻ മഹത്വീ​ക​രി​ക്ക​യാൽ തന്റെ പിതാ​ക്കൻമാ​രു​ടെ ദേവൻമാ​രെ​യും സ്‌ത്രീ​ക​ളു​ടെ ഇഷ്ടദേ​വ​നെ​യും യാതൊ​രു ദേവ​നെ​യും കൂട്ടാ​ക്കു​ക​യില്ല.”—ദാനീ​യേൽ 11:36, 37.

2, 3. മറെറാ​രു “ദേവ”നെ ആരാധി​ക്കു​ന്ന​തി​നു​വേണ്ടി വടക്കെ ദേശത്തെ രാജാവ്‌ ‘തന്റെ പിതാ​ക്കൻമാ​രു​ടെ ദേവ’നെ ഏതു വിധത്തിൽ തിരസ്‌ക​രി​ച്ചു?

² ഈ പ്രാവ​ച​നിക വാക്കുകൾ നിവർത്തി​ച്ചു​കൊ​ണ്ടു വടക്കെ ദേശത്തെ രാജാവ്‌ “പിതാ​ക്കൻമാ​രു​ടെ ദേവൻമാ​രെ” (അഥവാ “അവന്റെ കുല​ദൈ​വ​ങ്ങളെ,” ദ ന്യൂ ഇംഗ്ലീഷ്‌ ബൈബിൾ) തിരസ്‌ക​രി​ച്ചു, അതു റോമി​ലെ പുറജാ​തി ദേവൻമാ​രോ ക്രൈ​സ്‌ത​വ​ലോ​ക​ത്തി​ന്റെ ത്രിയേക ദൈവ​ത്വ​മോ എന്തുമാ​യി​ക്കൊ​ള്ളട്ടെ. ഹിററ്‌ലർ തന്റെ ലക്ഷ്യങ്ങൾക്കു​വേണ്ടി ക്രൈ​സ്‌ത​വ​ലോ​കത്തെ ഉപയോ​ഗി​ച്ചു, എന്നാൽ തെളി​വ​നു​സ​രിച്ച്‌ അവളെ മാററി തൽസ്ഥാ​നത്ത്‌ ഒരു പുതിയ ജർമൻ സഭയെ പ്രതി​ഷ്‌ഠി​ക്കാൻ അദ്ദേഹം പരിപാ​ടി​യി​ട്ടി​രു​ന്നു. അദ്ദേഹ​ത്തി​ന്റെ പിൻഗാ​മി കറതീർന്ന നിരീ​ശ്വ​ര​വാ​ദത്തെ പ്രോ​ത്സാ​ഹി​പ്പി​ച്ചു. അങ്ങനെ “എല്ലാറ​റി​ന്നും മേലായി തന്നെത്താൻ മഹത്വീ​കരി”ച്ചുകൊ​ണ്ടു വടക്കെ ദേശത്തെ രാജാവു സ്വയം ഒരു ദൈവ​മാ​ക്കി.

³ പ്രവചനം ഇങ്ങനെ തുടരു​ന്നു: “അതിന്നു പകരം അവൻ കോട്ട​ക​ളു​ടെ ദേവനെ ബഹുമാ​നി​ക്കും; അവന്റെ പിതാ​ക്കൻമാർ അറിയാത്ത ഒരു ദേവനെ അവൻ പൊന്നു​കൊ​ണ്ടും വെള്ളി​കൊ​ണ്ടും രത്‌ന​ങ്ങൾകൊ​ണ്ടും മനോ​ഹ​ര​വ​സ്‌തു​ക്കൾകൊ​ണ്ടും ബഹുമാ​നി​ക്കും.” (ദാനീ​യേൽ 11:38) വാസ്‌ത​വ​ത്തിൽ, വടക്കെ ദേശത്തെ രാജാവു തന്റെ വിശ്വാ​സ​മർപ്പി​ച്ചത്‌ ആധുനിക-ശാസ്‌ത്രീയ-സൈനി​ക​പ​ദ്ധതി എന്ന “കോട്ട​ക​ളു​ടെ ദേവ”നിലാ​യി​രു​ന്നു. അന്ത്യകാ​ല​ത്തി​ലു​ട​നീ​ളം അതിന്റെ യാഗപീ​ഠ​ത്തിൻമേൽ ഭീമമായ സമ്പത്തു ബലിയർപ്പി​ച്ചു​കൊണ്ട്‌ അവൻ ഈ “ദേവ”നിലൂടെ രക്ഷ തേടി​യി​രി​ക്കു​ന്നു.

4. വടക്കെ ദേശത്തെ രാജാ​വിന്‌ എന്തു നേട്ടം ഉണ്ടായി​രി​ക്കു​ന്നു?

⁴ “അവൻ ഒരു അന്യ​ദേ​വന്റെ ജനത്തെ കോട്ട​ക​ളു​ടെ കൊത്ത​ള​ങ്ങ​ളിൻമേൽ ആക്കി​വെ​ക്കും; അവനെ സ്വീക​രി​ക്കു​ന്ന​വന്നു അവൻ മഹത്വം വർദ്ധി​പ്പി​ക്കും; അവൻ അവരെ പലർക്കും അധിപ​തി​ക​ളാ​ക്കി ദേശത്തെ പ്രതി​ഫ​ല​മാ​യി വിഭാ​ഗി​ച്ചു​കൊ​ടു​ക്കും.” (ദാനീ​യേൽ 11:39) സൈനി​ക​മായ “അന്യദേവ”നിൽ ആശ്രയ​മർപ്പി​ച്ചു​കൊണ്ട്‌ വടക്കെ ദേശത്തെ രാജാവ്‌ ഏററവും “ഫലപ്ര​ദ​മാ​യി” പ്രവർത്തി​ച്ചി​രി​ക്കു​ന്നു, “അന്ത്യകാല”ത്തെ ഒരു അജയ്യമായ സൈനിക ശക്തിയാ​യി​ക്കൊ​ണ്ടു​തന്നെ. (2 തിമൊ​ഥെ​യൊസ്‌ 3:1) അയാളു​ടെ പ്രത്യ​യ​ശാ​സ്‌ത്രത്തെ പിന്താ​ങ്ങി​യ​വർക്ക്‌ അവൻ രാഷ്‌ട്രീ​യ​വും സാമ്പത്തി​ക​വും ചില​പ്പോൾ സൈനി​ക​വു​മായ പിന്തുണ നൽകി.

“അന്ത്യകാ​ലത്ത്‌”

5, 6. തെക്കെ ദേശത്തെ രാജാവ്‌ ‘തള്ളിക്ക​യ​ററം’ നടത്തി​യി​രി​ക്കു​ന്നത്‌ എങ്ങനെ, വടക്കെ ദേശത്തെ രാജാവ്‌ പ്രതി​ക​രി​ച്ചി​രി​ക്കു​ന്നത്‌ എങ്ങനെ?

⁵ ദാനീ​യേൽ 11:40എ ഇങ്ങനെ വായി​ക്കു​ന്നു: “അന്ത്യകാ​ലത്തു തെക്കെ​ദേ​ശ​ത്തി​ലെ രാജാവു അവനോ​ടു എതിർത്തു​മു​ട്ടും [“തള്ളിക്ക​യ​റും,” NW].” ഇതിനും പിൻവ​രുന്ന വാക്യ​ത്തി​നും നമ്മുടെ ഭാവി​നാ​ളിൽ നിവൃ​ത്തി​യു​ള്ള​താ​യി വീക്ഷി​ക്ക​പ്പെ​ടു​ന്നു. എന്നിരു​ന്നാ​ലും, “അന്ത്യകാ​ലം” ഇവിടെ അർഥമാ​ക്കു​ന്നതു ദാനീ​യേൽ 12:4, 9-ൽ അർഥമാ​ക്കു​ന്നതു തന്നെയാ​ണെ​ങ്കിൽ ഈ വാക്കു​ക​ളു​ടെ നിവൃ​ത്തി​ക്കാ​യി നാം അന്ത്യകാ​ല​ത്തിൽ ഉടനീളം പരതി​നോ​ക്കണം. ഈ കാലഘ​ട്ടത്തു തെക്കെ ദേശത്തെ രാജാവ്‌ വടക്കെ ദേശത്തെ രാജാ​വി​നെ​തി​രെ ‘തള്ളിക്ക​യ​ററം’ നടത്തി​യി​ട്ടു​ണ്ടോ? നിശ്ചയ​മാ​യും ഉണ്ട്‌. ഒന്നാം ലോക​മ​ഹാ​യു​ദ്ധ​ത്തി​നു​ശേഷം, എതിർക​ക്ഷി​യെ ശിക്ഷി​ച്ചൊ​തു​ക്കാൻ ചമച്ച സമാധാന ഉടമ്പടി തീർച്ച​യാ​യും, തിരി​ച്ച​ടി​ക്കുള്ള ഒരു ഉത്തേജനം എന്നനി​ല​യിൽ, ഒരു ‘തള്ളിക്ക​യററ’മായി​രു​ന്നു. രണ്ടാം ലോക​മ​ഹാ​യു​ദ്ധ​ത്തി​ലെ വിജയ​ത്തി​നു​ശേഷം തെക്കെ ദേശത്തെ രാജാവ്‌ ഭീതി​ജ​ന​ക​മായ ആണവാ​യു​ധങ്ങൾ തന്റെ എതിരാ​ളി​യെ ലക്ഷ്യമാ​ക്കി നിർത്തു​ക​യും നാറേറാ എന്ന പേരിൽ ഒരു ശക്തമായ സൈനിക സഖ്യത്തെ അയാൾക്കെ​തി​രാ​യി സംഘടി​പ്പി​ക്കു​ക​യും ചെയ്‌തു. വർഷങ്ങൾ കടന്നു​പോ​യ​തോ​ടെ, അയാളു​ടെ ‘തള്ളിക്ക​യററ’ത്തിൽ നയത​ന്ത്ര​പ​ര​വും സൈനി​ക​വു​മായ പ്രഹര​പ​രി​പാ​ടി​കൾ കൂടാതെ ഉന്നത-സാങ്കേ​തി​ക​വി​ദ്യ ഉപയോ​ഗി​ച്ചുള്ള ചാരപ്പ​ണി​യും ഉൾപ്പെട്ടു.

⁶ വടക്കെ ദേശത്തെ രാജാവ്‌ എങ്ങനെ പ്രതി​ക​രി​ച്ചു? “വടക്കെ​ദേ​ശ​ത്തി​ലെ രാജാവു രഥങ്ങ​ളോ​ടും കുതി​ര​ച്ചേ​വ​ക​രോ​ടും വളരെ കപ്പലു​ക​ളോ​ടും കൂടെ ചുഴലി​ക്കാ​റ​റു​പോ​ലെ അവന്റെ നേരെ വരും; അവൻ ദേശങ്ങ​ളി​ലേക്കു വന്നു കവിഞ്ഞു കടന്നു​പോ​കും.” (ദാനീ​യേൽ 11:40ബി) പിന്നിട്ട നാളു​ക​ളു​ടെ ചരിത്രം വടക്കെ ദേശത്തെ രാജാ​വി​ന്റെ വ്യാപ​നത്തെ ചിത്രീ​ക​രി​ച്ചി​രി​ക്കു​ന്നു. രണ്ടാം ലോക​മ​ഹാ​യു​ദ്ധ​ത്തിൽ നാസി “രാജാവ്‌” തന്റെ അതിർത്തി കടന്ന്‌ അയൽരാ​ജ്യ​ങ്ങ​ളി​ലേക്ക്‌ ഇരച്ചു​ക​യറി. യുദ്ധം തീർന്ന​പ്പോൾ പിൻഗാ​മി “രാജാവു” തന്റെ അതിർത്തി​ക്കു പുറത്ത്‌ ഒരു ശക്തമായ സാമ്രാ​ജ്യം പടുത്തു​യർത്തി. ശീതയു​ദ്ധ​കാ​ലത്ത്‌, വടക്കെ ദേശത്തെ രാജാവ്‌ തന്റെ പ്രതി​യോ​ഗി​യു​മാ​യി നേരിട്ട്‌ ഏററു​മു​ട്ടി​യില്ല, പകരം മററുള്ള രാജ്യ​ങ്ങ​ളെ​ക്കൊ​ണ്ടു യുദ്ധം ചെയ്യി​ച്ചും ആഫ്രി​ക്ക​യി​ലും ഏഷ്യയി​ലും ലാററിൻ അമേരി​ക്ക​യി​ലും കലാപങ്ങൾ ഉയർത്തി​വി​ട്ടും​കൊണ്ട്‌ പരോ​ക്ഷ​മാ​യി ഏററു​മു​ട്ടി. യഥാർഥ ക്രിസ്‌ത്യാ​നി​ക​ളു​ടെ പ്രവർത്ത​ന​ത്തി​നു കടിഞ്ഞാ​ണി​ട്ടു​കൊണ്ട്‌ (എന്നാൽ അവസാ​നി​പ്പി​ച്ചു​കൊ​ണ്ടല്ല) അയാൾ അവരെ പീഡി​പ്പി​ച്ചു. അയാളു​ടെ സൈനി​ക​വും രാഷ്‌ട്രീ​യ​വു​മായ കടന്നാ​ക്ര​മ​ണങ്ങൾ അനേകം രാജ്യ​ങ്ങളെ അയാളു​ടെ വരുതി​യി​ലാ​ക്കി. ഇതു കൃത്യ​മാ​യും ദൂതൻ പ്രവചി​ച്ച​തു​പോ​ലെ തന്നെയാ​യി​രു​ന്നു: “അവൻ മനോ​ഹ​ര​ദേ​ശ​ത്തി​ലേ​ക്കും [ദൈവ​ജ​ന​ത്തി​ന്റെ ആത്മീയ സ്വത്ത്‌] കടക്കും; പതിനാ​യി​രം പതിനാ​യി​രം പേർ [“അനേകം രാജ്യങ്ങൾ,” NW] ഇടറി​വീ​ഴും.”—ദാനീ​യേൽ 11:41എ.

7. വടക്കെ ദേശത്തെ രാജാ​വി​ന്റെ വ്യാപ​ന​പ​ദ്ധ​തിക്ക്‌ എന്തു പരിമി​തി​ക​ളു​ണ്ടാ​യി​രു​ന്നു?

⁷ എന്നുവ​രി​കി​ലും, എതിരാ​ളി​ക​ളു​ടെ കാഴ്‌ച​പ്പാ​ടിൽനി​ന്നു നോക്കു​മ്പോൾ വടക്കെ ദേശത്തെ രാജാ​വി​ന്റെ ദ്രോ​ഹ​സാ​ന്നി​ധ്യം ബീഭത്സ​രൂ​പം പ്രാപി​ച്ചെ​ങ്കി​ലും അവനു ലോകം കീഴട​ക്കാ​നാ​യില്ല. “എങ്കിലും ഏദോ​മും മോവാ​ബും അമ്മോ​ന്യ​ശ്രേ​ഷ്‌ഠൻമാ​രും അവന്റെ കയ്യിൽനി​ന്നു വഴുതി​പ്പോ​കും.” (ദാനീ​യേൽ 11:41ബി) പുരാതന നാളു​ക​ളിൽ ഏദോം, മോവാബ്‌, അമ്മോൻ എന്നിവ ഏതാണ്ട്‌ ഈജി​പ്‌റ​റി​നും സിറി​യ​ക്കും ഇടയിൽ സ്ഥിതി​ചെ​യ്‌തി​രു​ന്നു. വടക്കെ ദേശത്തെ രാജാവ്‌ നോട്ട​മി​ട്ടെ​ങ്കി​ലും തന്റെ സ്വാധീ​ന​ത്തിൽ കൊണ്ടു​വ​രാൻ കഴിയാഞ്ഞ ജനതക​ളെ​യും സംഘട​ന​ക​ളെ​യും ആയിരി​ക്കാം അത്‌ അർഥമാ​ക്കു​ന്നത്‌.

‘മിസ്ര​യീം​ദേ​ശ​വും ഒഴിഞ്ഞു​പോ​ക​യില്ല’

8, 9. വടക്കെ ദേശത്തെ രാജാ​വി​ന്റെ സ്വാധീ​നം അയാളു​ടെ പ്രധാന എതിരാ​ളി​ക്കു​പോ​ലും അനുഭ​വ​പ്പെ​ട്ടി​രി​ക്കു​ന്ന​തെ​ങ്ങനെ?

⁸ ദൂതൻ തുടർന്ന്‌ ഇങ്ങനെ പറയുന്നു: “അവൻ ദേശങ്ങ​ളു​ടെ നേരെ കൈ നീട്ടും; മിസ്ര​യീം​ദേ​ശ​വും ഒഴിഞ്ഞു​പോ​ക​യില്ല. അവൻ പൊന്നും വെള്ളി​യു​മായ നിക്ഷേ​പ​ങ്ങ​ളെ​യും മിസ്ര​യീ​മി​ലെ മനോ​ഹ​ര​വ​സ്‌തു​ക്ക​ളെ​യും കൈവ​ശ​മാ​ക്കും [“മനോ​ഹ​ര​വ​സ്‌തു​ക്ക​ളു​ടെ മേൽ ആധിപ​ത്യം നടത്തും,” NW]; ലൂബ്യ​രും കൂശ്യ​രും അവന്റെ അനുചാ​രി​കൾ [“കാൽക്കീ​ഴിൽ,” NW] ആയിരി​ക്കും.” (ദാനീ​യേൽ 11:42, 43) തെക്കെ ദേശത്തെ രാജാ​വായ “മിസ്ര​യീം” [ഈജി​പ്‌ററ്‌] പോലും വടക്കെ ദേശത്തെ രാജാ​വി​ന്റെ സാമ്രാ​ജ്യ​വ്യാ​പന നയങ്ങളു​ടെ ഫലങ്ങളിൽനി​ന്നു മുക്തമാ​യി​രു​ന്നില്ല. ഉദാഹ​ര​ണ​ത്തിന്‌, അവനു വിയറ​റ്‌നാ​മിൽ കനത്ത പരാജയം ഏററു​വാ​ങ്ങേ​ണ്ടി​വന്നു. “ലൂബ്യ”രെയും “കൂശ്യ”രെയും സംബന്ധി​ച്ചെന്ത്‌? ഭൂമി​ശാ​സ്‌ത്ര​പ​ര​മാ​യി പറയു​ക​യാ​ണെ​ങ്കിൽ, പുരാതന ഈജി​പ്‌റ​റി​ന്റെ ഈ അയൽക്കാർ ആധുനിക “ഈജി​പ്‌ററി”ന്റെ അയൽക്കാ​രായ രാജ്യ​ങ്ങളെ നന്നായി മുൻനി​ഴ​ലാ​ക്കു​ക​യും ചില​പ്പോ​ഴെ​ല്ലാം വടക്കെ ദേശത്തെ രാജാ​വി​ന്റെ ‘കാൽക്കീ​ഴിൽ’ അനുചാ​രി​കൾ ആയിരി​ക്കു​ക​യും ചെയ്‌തി​ട്ടുണ്ട്‌.

⁹ വടക്കെ ദേശത്തെ രാജാവ്‌ ‘മിസ്ര​യീ​മി​ന്റെ മറഞ്ഞി​രി​ക്കുന്ന നിധിക’ളുടെ [NW] മേലും ആധിപ​ത്യം നടത്തി​യി​ട്ടു​ണ്ടോ? കൊള്ളാം, അയാൾ തെക്കെ ദേശത്തെ രാജാ​വി​നെ തീർച്ച​യാ​യും പരാജ​യ​പ്പെ​ടു​ത്തി​യി​ട്ടില്ല, 1993 വരെയുള്ള ലോക​ത്തി​ന്റെ സ്ഥിതി​വി​ശേഷം കണക്കി​ലെ​ടു​ക്കു​മ്പോൾ അയാൾ അതു ചെയ്യാ​നുള്ള സാധ്യ​ത​യു​ണ്ടെന്നു തോന്നു​ന്നു​മില്ല. പക്ഷേ തെക്കെ ദേശത്തെ രാജാവ്‌ തന്റെ സ്വന്തം സാമ്പത്തി​ക​വി​ഭ​വങ്ങൾ ഉപയോ​ഗിച്ച വിധത്തിൻമേൽ അവനു ശക്തമായ സ്വാധീ​ന​മു​ണ്ടാ​യി​രു​ന്നു. എതിരാ​ളി​യെ​ക്കു​റി​ച്ചുള്ള ഭയം നിമിത്തം തെക്കെ ദേശത്തെ രാജാവ്‌ ഒരു വൻ പട്ടാള​ത്തെ​യും നാവി​ക​സേ​ന​യെ​യും വ്യോ​മ​സേ​ന​യെ​യും നിലനിർത്തു​ന്ന​തിന്‌ ഓരോ വർഷവും ഭീമമായ സംഖ്യ മാററി​വെച്ചു. ഈ അർഥത്തിൽ വടക്കെ ദേശത്തെ രാജാവ്‌ തെക്കെ ദേശത്തെ രാജാ​വി​ന്റെ സമ്പത്തിന്റെ വിനി​യോ​ഗത്തെ നിയ​ന്ത്രി​ച്ചി​രി​ക്കു​ന്നു, അതിനു മേൽ “ആധിപ​ത്യം” നടത്തി​യി​രി​ക്കു​ന്നു എന്നു പറയാം.

വടക്കെ ദേശത്തെ രാജാ​വി​ന്റെ അവസാന സൈനി​ക​ന​ട​പ​ടി

10. രണ്ടു രാജാ​ക്കൻമാർക്കി​ട​യി​ലെ കിടമ​ത്സ​ര​ത്തി​ന്റെ അന്ത്യ​ത്തെ​ക്കു​റി​ച്ചു ദൂതൻ വർണി​ക്കു​ന്ന​തെ​ങ്ങനെ?

¹⁰ ഇരു രാജാ​ക്കൻമാർക്കു​മി​ട​യി​ലെ കിടമ​ത്സരം അനിശ്ചിത കാല​ത്തോ​ളം തുടരു​മോ? ഇല്ല. ദൂതൻ ദാനി​യേ​ലി​നോട്‌ ഇപ്രകാ​രം പറഞ്ഞു: “എന്നാൽ കിഴക്കു​നി​ന്നും വടക്കു​നി​ന്നും ഉള്ള വർത്തമാ​ന​ങ്ങ​ളാൽ അവൻ പരവശ​നാ​കും; അങ്ങനെ അവൻ പലരെ​യും നശിപ്പി​ച്ചു നിർമ്മൂ​ല​നാ​ശം വരു​ത്തേ​ണ്ട​തി​ന്നു മഹാ ക്രോ​ധ​ത്തോ​ടെ പുറ​പ്പെ​ടും. പിന്നെ അവൻ സമു​ദ്ര​ത്തി​ന്നും മഹത്വ​മുള്ള വിശുദ്ധ പർവ്വത​ത്തി​ന്നും മദ്ധ്യേ മണിപ്പന്തൽ ഇടും; അവിടെ അവൻ അന്തരി​ക്കും; ആരും അവനെ രക്ഷിക്ക​യു​മില്ല.”—ദാനീ​യേൽ 11:44.

11, 12. വടക്കെ ദേശത്തെ രാജാ​വി​നും തെക്കെ ദേശത്തെ രാജാ​വി​നും ഇടയിലെ കിടമ​ത്സ​ര​വു​മാ​യി സമീപ​കാല രാഷ്‌ട്രീയ സംഭവ​വി​കാ​സ​ങ്ങൾക്ക്‌ എന്തു ബന്ധമാ​ണു​ള്ളത്‌, നാം ഇനിയും എന്തു പഠിക്കാ​നുണ്ട്‌?

¹¹ ഈ സംഭവങ്ങൾ ഇനിയും ഭാവി​യിൽ നടക്കാ​നു​ള്ള​താണ്‌, അതു​കൊ​ണ്ടു പ്രവചനം എങ്ങനെ നിവർത്തി​യാ​കും എന്നതു വിശദ​മാ​യി പറയാൻ നമുക്കാ​വില്ല. ഈയിടെ രണ്ടു രാജാ​ക്കൻമാ​രെ സംബന്ധി​ക്കുന്ന രാഷ്‌ട്രീയ സ്ഥിതി​ഗ​തി​കൾക്കു മാററം സംഭവി​ച്ചി​ട്ടുണ്ട്‌. ഐക്യ​നാ​ടു​ക​ളും പൂർവ​യൂ​റോ​പ്യൻ രാജ്യ​ങ്ങ​ളും തമ്മിലു​ണ്ടാ​യി​രുന്ന കടുത്ത കിടമ​ത്സരം തണുത്ത്‌ ആറിക്ക​ഴി​ഞ്ഞി​രി​ക്കു​ന്നു. അതിലു​പരി, സോവി​യ​ററ്‌ യൂണി​യ​നാ​ണെ​ങ്കിൽ 1991-ൽ ശിഥി​ല​മാ​യി, ഇപ്പോൾ അതു സ്ഥിതി ചെയ്യു​ന്നു​മില്ല.—1992 ജൂൺ 1, വീക്ഷാ​ഗോ​പു​രം 4, 5 പേജുകൾ കാണുക.

¹² അതു​കൊണ്ട്‌ ഇപ്പോൾ വടക്കെ ദേശത്തെ രാജാവ്‌ ആരാണ്‌? അതു പഴയ സോവി​യ​ററ്‌ യൂണി​യന്റെ ഭാഗമാ​യി​രുന്ന രാജ്യ​ങ്ങ​ളിൽ ഒന്നാ​ണെന്നു കരുത​ണ​മോ? അല്ലെങ്കിൽ മുൻകാ​ല​ങ്ങ​ളിൽ പലതവണ സംഭവി​ച്ചി​രി​ക്കു​ന്ന​തു​പോ​ലെ ആൾ തന്നെ സമൂലം മാറി​വ​രു​ക​യാ​ണോ? നമുക്ക്‌ അതു പറയാ​നാ​വില്ല. ദാനീ​യേൽ 11:44 നിവർത്തി​യാ​കുന്ന സമയത്ത്‌ ആരായി​രി​ക്കും വടക്കെ ദേശത്തെ രാജാവ്‌? ഇരു രാജാ​ക്കൻമാർക്കു​മി​ട​യി​ലെ മത്സരം പെട്ടെന്നു വീണ്ടും ആളിക്ക​ത്തു​മോ? അനവധി രാജ്യ​ങ്ങ​ളിൽ ഇപ്പോ​ഴും സൂക്ഷി​ച്ചി​രി​ക്കുന്ന ബൃഹത്തായ ആണവാ​യുധ കൂമ്പാ​ര​ങ്ങളെ സംബന്ധി​ച്ചെന്ത്‌? കാലത്തി​നു മാത്രമേ ഈവക ചോദ്യ​ങ്ങൾക്ക്‌ ഉത്തരം നൽകാ​നാ​വൂ.

13, 14. രണ്ടു രാജാ​ക്കൻമാ​രു​ടെ​യും ഭാവി സംബന്ധി​ച്ചു നമുക്ക്‌ എന്തറി​യാം?

¹³ ഒരു കാര്യം നമുക്ക്‌ ഉറപ്പാ​യും അറിയാം. “കിഴക്കു​നി​ന്നും വടക്കു​നി​ന്നും ഉള്ള വർത്തമാ​ന​ങ്ങ​ളാൽ . . . പരവശ”നായ വടക്കെ ദേശത്തെ രാജാവ്‌ പെട്ടെ​ന്നുള്ള ആവേശ​ത്തിൽ ഒരു കടന്നാ​ക്ര​മണം നടത്തും. അയാളു​ടെ “അന്ത്യ”ത്തിനു തൊട്ടു മുമ്പുള്ള പ്രവൃ​ത്തി​യാ​യി​രി​ക്കും ഈ സൈനി​ക​ന​ട​പടി. നാം ബൈബി​ളി​ലെ മററു പ്രവച​നങ്ങൾ പരിചി​ന്തി​ക്കു​ന്നെ​ങ്കിൽ ഈ “വർത്തമാ​നങ്ങ”ളെ സംബന്ധി​ച്ചു നമുക്കു കൂടുതൽ പഠിക്കാൻ കഴിയും.

¹⁴ എങ്കിലും, വടക്കെ ദേശത്തെ രാജാ​വി​ന്റെ ഈ പ്രവൃ​ത്തി​കൾ തെക്കെ ദേശത്തെ രാജാ​വിന്‌ എതിരാ​യി​ട്ടാ​ണെന്നു പറയു​ന്നില്ല എന്നത്‌ ആദ്യമേ ശ്രദ്ധി​ക്കുക. അയാളു​ടെ അന്ത്യം സംഭവി​ക്കു​ന്നത്‌ അയാളു​ടെ ബദ്ധ വൈരി​യു​ടെ കൈക​ളിൽനി​ന്നല്ല. അതു​പോ​ലെ, വടക്കെ ദേശത്തെ രാജാവ്‌ തെക്കെ ദേശത്തെ രാജാ​വി​നെ നശിപ്പി​ക്കു​ന്നു​മില്ല. (മററു പ്രവച​ന​ങ്ങ​ളിൽ കാട്ടു​മൃ​ഗ​ത്തിൻമേൽ പ്രത്യ​ക്ഷ​പ്പെ​ടാ​നി​രുന്ന അവസാ​നത്തെ കൊമ്പാ​യി പ്രതി​നി​ധാ​നം ചെയ്യ​പ്പെ​ടുന്ന) തെക്കെ ദേശത്തെ രാജാ​വി​നെ “[മനുഷ്യ]കൈ തൊടാ​തെ” ദൈവ​രാ​ജ്യ​മാ​ണു നശിപ്പി​ക്കു​ന്നത്‌. (ദാനീ​യേൽ 7:26; 8:25) വാസ്‌ത​വ​ത്തിൽ അർമ​ഗെ​ദോൻ യുദ്ധത്തിൽ ഭൂമി​യി​ലെ എല്ലാ രാജാ​ക്കൻമാ​രെ​യും ദൈവ​രാ​ജ്യം ഒടുവിൽ നശിപ്പി​ക്കു​ന്നു, വടക്കെ ദേശത്തെ രാജാ​വി​നു സംഭവി​ക്കു​ന്നതു ന്യായ​മാ​യും അതുത​ന്നെ​യാണ്‌. (ദാനീ​യേൽ 2:44; 12:1; വെളി​പ്പാ​ടു 16:14, 16) ആ അന്ത്യയു​ദ്ധ​ത്തി​ലേക്കു നയിക്കുന്ന സംഭവ​ങ്ങ​ളാ​ണു ദാനീ​യേൽ 11:44-ൽ വിവരി​ക്കു​ന്നത്‌. വടക്കെ ദേശത്തെ രാജാവു തന്റെ അന്ത്യ​ത്തോട്‌ അടുക്കു​മ്പോൾ ‘ആരും അവനെ രക്ഷിക്ക​യില്ല’ എന്നു പറയു​ന്ന​തിൽ അത്ഭുത​പ്പെ​ടാ​നില്ല!

15. ചർച്ച ചെയ്യേ​ണ്ട​തായ ഏതു പ്രധാന ചോദ്യ​ങ്ങ​ളാണ്‌ അവശേ​ഷി​ക്കു​ന്നത്‌?

¹⁵ അപ്പോൾ “പലരെ​യും നശിപ്പി​ച്ചു നിർമ്മൂ​ല​നാ​ശം വരു​ത്തേ​ണ്ട​തി​ന്നു” പുറ​പ്പെ​ടാൻത​ക്ക​വണ്ണം വടക്കെ ദേശത്തെ രാജാ​വി​നെ പ്രേരി​പ്പി​ക്കുന്ന “വർത്തമാ​നങ്ങ”ളിൻമേൽ വെളിച്ചം വീശുന്ന മററു പ്രവച​നങ്ങൾ ഏതെല്ലാ​മാണ്‌? അയാൾ നശിപ്പി​ക്കാൻ ആഗ്രഹി​ക്കുന്ന ‘പലർ’ ആരാണ്‌?

കിഴക്കു​നി​ന്നുള്ള വർത്തമാ​നം

16. (എ) അർമ​ഗെ​ദോ​നു മുമ്പ്‌ ഏതു സുപ്ര​ധാന സംഭവം നടക്കണം? (ബ) “കിഴക്കു​നി​ന്നു വരുന്ന രാജാ​ക്കൻമാർ” ആരൊ​ക്കെ​യാണ്‌?

¹⁶ അന്ത്യയു​ദ്ധ​മായ അർമ​ഗെ​ദോ​നു മുമ്പു സത്യാ​രാ​ധ​ന​യു​ടെ ഒരു പ്രബല​ശ​ത്രു​വായ, ലോക​വ്യാ​പക വ്യാജമത-സാമ്രാ​ജ്യ​മെന്ന, വേശ്യാ​തു​ല്യ മഹാബാ​ബി​ലോൻ നശിപ്പി​ക്ക​പ്പെ​ടണം. (വെളി​പ്പാ​ടു 18:3-8) യൂഫ്ര​ട്ടീസ്‌ എന്ന പ്രതീ​കാ​ത്മക നദിയിൽ ദൈവ​ക്രോ​ധ​ത്തി​ന്റെ ആറാമത്തെ കലശം ഒഴിക്കു​ന്നത്‌ അവളുടെ നാശത്തെ മുൻനി​ഴ​ലാ​ക്കു​ന്നു. “കിഴക്കു​നി​ന്നു വരുന്ന രാജാ​ക്കൻമാർക്കു വഴി ഒരു​ങ്ങേ​ണ്ട​തി​ന്നു” നദി വററി​വ​ര​ളു​ന്നു. (വെളി​പ്പാ​ടു 16:12) ഈ രാജാ​ക്കൻമാർ ആരൊ​ക്കെ​യാണ്‌? യഹോ​വ​യാം ദൈവ​വും യേശു​ക്രി​സ്‌തു​വും അല്ലാതെ മററാ​രു​മല്ല!a

17. (എ) മഹാബാ​ബി​ലോ​ന്റെ നാശ​ത്തെ​ക്കു​റി​ച്ചു ബൈബിൾ നമ്മോട്‌ എന്തു പറയുന്നു? (ബി) ‘കിഴക്കു​നി​ന്നും ഉള്ള’ വർത്തമാ​നം പരാമർശി​ക്കു​ന്നത്‌ എന്തിനെ ആയിരി​ക്കാം?

¹⁷ മഹാബാ​ബി​ലോ​ന്റെ നാശം ഭംഗ്യ​ന്ത​രേണ വെളി​പ്പാ​ടു പുസ്‌ത​ക​ത്തിൽ വർണി​ക്കു​ന്നുണ്ട്‌. “നീ കണ്ട പത്തു കൊമ്പും [അന്ത്യകാ​ലത്തു ഭരണം നടത്തുന്ന ‘രാജാ​ക്കൻമാർ’] മൃഗവും [ഐക്യ​രാ​ഷ്‌ട്ര​സം​ഘ​ട​നയെ പ്രതി​നി​ധാ​നം ചെയ്യുന്ന കടുഞ്ചു​വപ്പു മൃഗം] വേശ്യയെ ദ്വേഷി​ച്ചു ശൂന്യ​വും നഗ്നവു​മാ​ക്കി അവളുടെ മാംസം തിന്നു​ക​ള​യും; അവളെ തീകൊ​ണ്ടു ദഹിപ്പി​ക്ക​യും ചെയ്യും.” (വെളി​പ്പാ​ടു 17:16) സത്യമാ​യും, രാഷ്‌ട്രങ്ങൾ ‘മാംസം ധാരാളം തിന്നുക’ളയും! (ദാനീ​യേൽ 7:5) എന്നാൽ എന്തു​കൊ​ണ്ടാ​യി​രി​ക്കും വടക്കെ ദേശത്തെ രാജാവ്‌ ഉൾപ്പെ​ടെ​യുള്ള ഭരണാ​ധി​പൻമാർ മഹാബാ​ബി​ലോ​നെ നശിപ്പി​ക്കു​ന്നത്‌? എന്തു​കൊ​ണ്ടെ​ന്നാൽ, ‘തന്റെ ചിന്തകൾ നടപ്പാ​ക്കാൻ ദൈവം അവരുടെ ഹൃദയ​ത്തിൽ തോന്നി​ച്ചു.’ (വെളി​പ്പാ​ടു 17:17) “കിഴക്കു​നി​ന്നും . . . ഉള്ള” വർത്തമാ​നം സൂചി​പ്പി​ക്കു​ന്നതു മഹാമ​ത​വേ​ശ്യ​യെ ഉൻമൂ​ല​നാ​ശം വരുത്താൻ യഹോവ തനിക്കു ബോധി​ച്ച​വി​ധം മനുഷ്യ നേതാ​ക്ക​ളു​ടെ ഹൃദയ​ത്തിൽ തോന്നി​പ്പി​ക്കുന്ന അവിടു​ത്തെ ഈ പ്രവർത്ത​ന​ത്തെ​യാ​കാം.—ദാനീ​യേൽ 11:44എ.

വടക്കു​നി​ന്നുള്ള വർത്തമാ​നം

18. വടക്കെ ദേശത്തെ രാജാ​വി​നു വേറെ ഏതു ലക്ഷ്യമുണ്ട്‌, അതു തന്റെ നാശ​ത്തോട്‌ അടുക്കു​മ്പോൾ അയാളെ എവിടെ കൊണ്ടു​നിർത്തും?

¹⁸ എന്നാൽ വടക്കെ ദേശത്തെ രാജാ​വി​ന്റെ ക്രോ​ധ​ത്തി​നു മറെറാ​രു ലക്ഷ്യവു​മുണ്ട്‌. “അവൻ സമു​ദ്ര​ത്തി​ന്നും [“മഹാസ​മു​ദ്രം,” NW] മഹത്വ​മുള്ള വിശുദ്ധ പർവ്വത​ത്തി​ന്നും മദ്ധ്യേ മണിപ്പന്തൽ ഇടും” എന്നു ദൂതൻ പറയുന്നു. (ദാനീ​യേൽ 11:44ബി) ദാനി​യേ​ലി​ന്റെ നാളിൽ മഹാസ​മു​ദ്രം മെഡി​റ​റ​റേ​നി​യൻ സമു​ദ്ര​വും മഹത്വ​മുള്ള വിശുദ്ധ പർവ്വതം ദൈവ​ത്തി​ന്റെ ആലയം അന്നു സ്ഥിതി​ചെ​യ്‌തി​രുന്ന സീയോ​നു​മാ​യി​രു​ന്നു. അതു​കൊണ്ട്‌, പ്രവചനം നിവൃ​ത്തി​യേ​റുന്ന സമയത്തു കോപാ​ക്രാ​ന്ത​നായ വടക്കെ ദേശത്തെ രാജാവ്‌ ദൈവ​ജ​ന​ത്തി​നു നേരെ ഒരു സൈനിക നടപടി നിർവ​ഹി​ക്കു​ന്നു! “സമു​ദ്ര​ത്തി​ന്നും മഹത്വ​മുള്ള വിശുദ്ധ പർവ്വത​ത്തി​ന്നും മദ്ധ്യേ” എന്ന പ്രയോ​ഗം അയാളെ [വടക്കെ ദേശത്തെ രാജാ​വി​നെ] ദൈവ​ത്തി​ന്റെ അഭിഷിക്ത ദാസൻമാ​രു​ടെ ആത്മീയ നിവാ​സ​മേ​ഖ​ല​യിൽ കൊണ്ടു​നിർത്തു​ന്നു. ഈ അഭിഷിക്ത ദാസരാ​കട്ടെ, അന്യപ്പെട്ട മനുഷ്യ​വർഗ​മെന്ന “സമുദ്ര”ത്തിൽനി​ന്നു പുറത്തു വന്നിരി​ക്കു​ന്ന​വ​രും യേശു​ക്രി​സ്‌തു​വി​നോ​ടൊ​പ്പം സ്വർഗീയ സീയോ​നിൽനി​ന്നു ഭരിക്കാൻ പ്രത്യാ​ശ​യു​ള്ള​വ​രു​മാണ്‌.—യെശയ്യാ​വു 57:20; എബ്രായർ 12:22; വെളി​പ്പാ​ടു 14:1.

19. യെഹെ​സ്‌കേൽ പ്രവചനം സൂചി​പ്പി​ക്കു​ന്ന​പ്ര​കാ​രം ഗോഗി​ന്റെ ആക്രമ​ണത്തെ ഇളക്കി​വി​ടുന്ന വർത്തമാ​നത്തെ നമുക്ക്‌ എങ്ങനെ തിരി​ച്ച​റി​യാം? (അടിക്കു​റിപ്പ്‌ കാണുക.)

¹⁹ “അന്ത്യകാ​ലത്ത്‌” ദൈവ​ജ​ന​ത്തി​നു നേരെ ഉണ്ടാകു​വാ​നുള്ള ഒരു ആക്രമ​ണ​ത്തെ​ക്കു​റി​ച്ചു ദാനി​യേ​ലി​ന്റെ ഒരു സമകാ​ലി​ക​നാ​യി​രുന്ന യെഹെ​സ്‌കേ​ലും പ്രവചി​ച്ചു. സാത്താനെ പ്രതി​നി​ധാ​നം ചെയ്യുന്ന മാഗോ​ഗി​ലെ ഗോഗ്‌ ആക്രമ​ണ​ങ്ങൾക്കു തുടക്ക​മി​ടു​മെന്ന്‌ അദ്ദേഹം പറഞ്ഞു. (യെഹെ​സ്‌കേൽ 38:16) പ്രതീ​കാ​ത്മ​ക​മാ​യി പറഞ്ഞാൽ, ഏതു ദിശയിൽനി​ന്നാ​യി​രി​ക്കും ഗോഗ്‌ വരുക? യെഹെ​സ്‌കേ​ലി​ലൂ​ടെ യഹോവ പറയുന്നു: “നിന്റെ ദിക്കിൽനി​ന്നു, വടക്കെ അററത്തു​നി​ന്നു തന്നേ, വരും.” (ചെരി​ച്ചെ​ഴുത്ത്‌ ഞങ്ങളു​ടേത്‌. [യെഹെ​സ്‌കേൽ 38:15]) അതു​കൊണ്ട്‌, “വടക്കു​നി​ന്നും ഉള്ള” വർത്തമാ​നം സൂചി​പ്പി​ക്കു​ന്നതു യഹോ​വ​യു​ടെ ജനത്തെ ആക്രമി​ക്കേ​ണ്ട​തി​നാ​യി വടക്കെ ദേശത്തെ രാജാ​വി​നെ​യും മററു രാജാ​ക്കൻമാ​രെ​യും ഇളക്കി​വി​ടുന്ന സാത്താന്റെ പ്രചാ​ര​ണ​ത്തെ​യാ​കാം.b—വെളി​പ്പാ​ടു 16:13, 14; 17:14 താരത​മ്യ​പ്പെ​ടു​ത്തുക.

20, 21. (എ) ദൈവ​ജ​നത്തെ ആക്രമി​ക്കാൻ വടക്കെ ദേശത്തെ രാജാവ്‌ ഉൾപ്പെ​ടെ​യുള്ള രാഷ്‌ട്ര​ങ്ങളെ ഗോഗ്‌ ഇളക്കി​വി​ടു​ന്നത്‌ എന്തു​കൊണ്ട്‌? (ബി) അയാളു​ടെ ആക്രമണം വിജയി​ക്കു​മോ?

²⁰ വേറെ ആടുക​ളു​ടെ മഹാപു​രു​ഷാ​ര​ത്തോ​ടൊ​പ്പം മേലാൽ ലോക​ത്തി​ന്റെ ഭാഗമ​ല്ലാത്ത “ദൈവ​ത്തി​ന്റെ ഇസ്രയേൽ” അനുഭ​വി​ക്കുന്ന സമൃദ്ധി​യാണ്‌ ഗോഗ്‌ സകല ശക്തി​യോ​ടും​കൂ​ടി​യുള്ള ഈ ആക്രമണം സംഘടി​പ്പി​ക്കാ​നുള്ള കാരണം. (ഗലാത്യർ 6:16; യോഹ​ന്നാൻ 10:16; 17:15, 16; 1 യോഹ​ന്നാൻ 5:19) ‘ജാതി​ക​ളു​ടെ ഇടയിൽനി​ന്നു ശേഖരി​ക്ക​പ്പെ​ട്ടും . . . [ആത്മീയ] ധനത്തെ . . . സമ്പാദി​ച്ചും . . . ഇരിക്കുന്ന ഒരു ജനത്തെ’ ഗോഗ്‌ ഒളിക​ണ്ണി​ട്ടു നോക്കു​ന്നു. (യെഹെ​സ്‌കേൽ 38:11; വെളി​പ്പാ​ടു 5:9; വെളി​പ്പാ​ടു 7:9) ഈ വാക്കു​ക​ളു​ടെ നിവൃ​ത്തി​യെ​ന്നോ​ണം യഹോ​വ​യു​ടെ ജനം മുമ്പെ​ങ്ങു​മി​ല്ലാ​ത്ത​വി​ധം ഇന്നു തഴച്ചു​വ​ള​രു​ന്നു. യൂറോ​പ്പി​ലെ​യും ആഫ്രി​ക്ക​യി​ലെ​യും ഏഷ്യയി​ലെ​യും ഒരിക്കൽ വേല നിരോ​ധി​ക്ക​പ്പെ​ട്ടി​രുന്ന പല രാജ്യ​ങ്ങ​ളിൽ അവർ ഇപ്പോൾ സ്വത​ന്ത്ര​മാ​യി ആരാധന നടത്തുന്നു. ജാതി​ക​ളിൽനിന്ന്‌ 1987-നും 1992-നും ഇടയിൽ പത്തു ലക്ഷത്തി​ല​ധി​കം “മനോ​ഹ​ര​വ​സ്‌തു”ക്കൾ യഹോ​വ​യു​ടെ സത്യാ​രാ​ധ​നാ​ല​യ​ത്തി​ലേക്കു വന്നിരി​ക്കു​ന്നു. ആത്മീയ​മാ​യി അവർ സമ്പന്നരും ശാന്തശീ​ല​രു​മാണ്‌.—ഹഗ്ഗായി 2:7; യെശയ്യാ​വു 2:2-4; 2 കൊരി​ന്ത്യർ 8:9.

²¹ അനായാ​സം കീഴട​ക്കാൻ സാധി​ക്കു​മാ​റു “മതിലി​ല്ലാത്ത ഗ്രാമ”മായി ക്രിസ്‌ത്യാ​നി​ക​ളു​ടെ ആത്മീയ നിവാ​സ​മേ​ഖ​ലയെ വീക്ഷി​ച്ചു​കൊണ്ട്‌ മനുഷ്യ​വർഗ​ത്തിൻമേ​ലുള്ള തന്റെ സമ്പൂർണ നിയ​ന്ത്ര​ണ​ത്തിന്‌ എതിരാ​യുള്ള ഈ വിലങ്ങു​ത​ടി​യെ തുടച്ചു​മാ​റ​റാൻ ഗോഗ്‌ ഒരു അവസാന ശ്രമം നടത്തുന്നു. (യെഹെ​സ്‌കേൽ 38:11) പക്ഷേ അവൻ പരാജ​യ​പ്പെ​ടു​ന്നു. ഭൂമി​യി​ലെ രാജാ​ക്കൻമാർ യഹോ​വ​യു​ടെ ജനത്തെ ആക്രമി​ക്കു​മ്പോൾ ‘അവർ വന്നു​ചേ​രു​ന്നത്‌ അവരു​ടെ​തന്നെ അന്ത്യ’ത്തിലാ​യി​രി​ക്കും. [NW] എങ്ങനെ?

മൂന്നാ​മത്‌ ഒരു രാജാവ്‌

22, 23. ഗോഗ്‌ ആക്രമി​ക്കു​മ്പോൾ ദൈവ​ജ​ന​ത്തി​നു​വേണ്ടി ആർ എഴു​ന്നേൽക്കു​ന്നു, എന്തു ഫലങ്ങ​ളോ​ടെ?

²² ഗോഗി​ന്റെ ആക്രമണം തന്റെ ജനത്തി​നു​വേണ്ടി എഴു​ന്നേ​ററ്‌ ഗോഗി​ന്റെ സൈന്യ​ങ്ങളെ “യിസ്രാ​യേൽപർവ്വ​ത​ങ്ങ​ളിൽ”വെച്ചു നശിപ്പി​ക്കാൻ യഹോ​വ​യാം ദൈവ​ത്തി​നുള്ള സിഗ്നലാ​യി​രി​ക്കു​മെന്നു യെഹെ​സ്‌കേൽ പറയുന്നു. (യെഹെ​സ്‌കേൽ 38:18; 39:4) ഇതു നമ്മെ ദൂതൻ ദാനി​യേ​ലി​നോ​ടു പറഞ്ഞത്‌ ഓർമി​പ്പി​ക്കു​ന്നു: “ആ കാലത്തു നിന്റെ സ്വജാ​തി​ക്കാർക്കു തുണനി​ല്‌ക്കുന്ന മഹാ​പ്ര​ഭു​വായ മീഖാ​യേൽ എഴു​ന്നേ​ല്‌ക്കും; ഒരു ജാതി ഉണ്ടായ​തു​മു​തൽ ഈ കാലം​വരെ സംഭവി​ച്ചി​ട്ടി​ല്ലാത്ത കഷ്ടകാലം ഉണ്ടാകും; അന്നു നിന്റെ ജനം, പുസ്‌ത​ക​ത്തിൽ എഴുതി​ക്കാ​ണുന്ന ഏവന്നും​തന്നേ, രക്ഷ പ്രാപി​ക്കും.”—ദാനീ​യേൽ 12:1.

²³ സ്വർഗീയ യോദ്ധാ​വായ മീഖാ​യേൽ എന്ന യേശു​ക്രി​സ്‌തു 1914-ൽ ദൈവ​ത്തി​ന്റെ സ്വർഗീയ രാജ്യ​ത്തി​ന്റെ രാജാ​വാ​യി​ത്തീർന്നു. (വെളി​പ്പാ​ടു 11:15; 12:7-9) അന്നുമു​തൽ അവിടു​ന്നു ‘ദാനി​യേ​ലി​ന്റെ ജനത്തിന്റെ പുത്രൻമാർക്കു’ തുണനിൽക്കു​ക​യാണ്‌. അദൃശ്യ​നായ ഒരു യോദ്ധാ​വും രാജാ​വു​മെന്ന നിലയിൽ പെട്ടെ​ന്നു​തന്നെ അവിടു​ന്നു യഹോ​വ​യു​ടെ നാമത്തിൽ “എഴു​ന്നേ​ല്‌ക്കു”കയും “ദൈവത്തെ അറിയാ​ത്ത​വർക്കും നമ്മുടെ കർത്താ​വായ യേശു​വി​ന്റെ സുവി​ശേഷം അനുസ​രി​ക്കാ​ത്ത​വർക്കും പ്രതി​കാ​രം കൊടു​ക്കു”കയും ചെയ്യും. (2 തെസ്സ​ലൊ​നീ​ക്യർ 1:7) ദാനി​യേൽ പ്രവച​ന​ത്തി​ലെ രാജാ​ക്കൻമാർ ഉൾപ്പെടെ ഭൂമി​യി​ലെ സകല രാഷ്‌ട്ര​ങ്ങ​ളും “പ്രലപി”ക്കും. (മത്തായി 24:30) ‘ദാനി​യേ​ലി​ന്റെ ജന’ത്തിനു നേരെ അപ്പോ​ഴും ഹൃദയ​ത്തിൽ ദുഷ്‌ചിന്ത വച്ചു​കൊ​ണ്ടി​രി​ക്കുന്ന അവർ ‘മഹാ​പ്ര​ഭു​വായ മീഖാ​യേലി’ന്റെ കൈക​ളാൽ എന്നന്നേ​ക്കു​മാ​യി നശിക്കും.—വെളി​പ്പാ​ടു 19:11-21.

24. ദാനി​യേൽ പ്രവച​നത്തെ സംബന്ധിച്ച ഈ പഠനം നമ്മിൽ എന്തു ഫലമു​ണ്ടാ​ക്കണം?

²⁴ മീഖാ​യേ​ലി​ന്റെ​യും അവിടു​ത്തെ ദൈവ​മായ യഹോ​വ​യു​ടെ​യും മഹാവി​ജയം കാണാൻ നാം അതിയാ​യി ആഗ്രഹി​ക്കു​ന്നി​ല്ലേ? എന്തു​കൊ​ണ്ടെ​ന്നാൽ, ആ വിജയം സത്യ​ക്രി​സ്‌ത്യാ​നി​കൾക്കു “രക്ഷ പ്രാപിക്ക”ലിനെ, അതിജീ​വ​നത്തെ അർഥമാ​ക്കും. (മലാഖി 4:1-3 താരത​മ്യ​പ്പെ​ടു​ത്തുക.) അതു​കൊണ്ട്‌, ആകാം​ക്ഷാ​നിർഭ​ര​മാ​യി ഭാവി​യി​ലേക്കു നോക്കു​മ്പോൾ നാം പൗലോസ്‌ അപ്പോ​സ്‌ത​ലന്റെ ഈ വാക്കുകൾ അനുസ്‌മ​രി​ക്കു​ന്നു: “വചനം പ്രസം​ഗിക്ക; സമയത്തി​ലും അസമയ​ത്തി​ലും ഒരുങ്ങി​നി​ല്‌ക്കുക.” (2 തിമൊ​ഥെ​യൊസ്‌ 4:2) നമുക്കു ജീവന്റെ വചനത്തിൻമേൽ ഒരു ദൃഢമായ പിടി നേടു​ക​യും അനുകൂല കാലം തുടരു​ന്നി​ട​ത്തോ​ളം യഹോ​വ​യു​ടെ ചെമ്മരി​യാ​ടു​കളെ തെരയു​ക​യും ചെയ്യാം. ജീവനു​വേ​ണ്ടി​യുള്ള ഓട്ടപ്പ​ന്ത​യ​ത്തി​ന്റെ അന്തിമ-മൂർധ​ന്യ​ദ​ശ​യി​ലാ​ണു നാം. പ്രതി​ഫലം നമ്മുടെ ദൃഷ്ടി​പ​ഥ​ത്തി​ലുണ്ട്‌. അവസാ​നം​വരെ സഹിച്ചു​നിൽക്കാൻ നമുക്കു ദൃഢനി​ശ്ചയം ചെയ്യു​ക​യും അങ്ങനെ നമുക്കു രക്ഷ പ്രാപി​ക്കു​ന്ന​വ​രു​ടെ ഇടയി​ലാ​യി​രി​ക്കു​ക​യും ചെയ്യാം.—മത്തായി 24:13; എബ്രായർ 12:1.

[അടിക്കു​റി​പ്പു​കൾ]

നിങ്ങൾ ഗ്രഹി​ക്കു​ന്നു​വോ?

◻ അന്ത്യകാ​ല​ത്തി​ലു​ട​നീ​ളം തെക്കെ ദേശത്തെ രാജാവ്‌ വടക്കെ ദേശത്തെ രാജാ​വി​നു നേരെ തള്ളിക്ക​യ​ററം നടത്തി​യി​രി​ക്കു​ന്ന​തെ​ങ്ങനെ?

◻ രണ്ടു രാജാ​ക്കൻമാർക്കി​ട​യി​ലെ കിടമ​ത്സ​ര​ത്തി​ന്റെ അന്തിമ​പ​രി​ണാ​മം സംബന്ധി​ച്ചു നമുക്ക്‌ ഇനിയും എന്തു പഠിക്കാ​നുണ്ട്‌?

◻ അർമ​ഗെ​ദോ​നു മുമ്പുള്ള ഏതു രണ്ടു സംഭവ​ങ്ങ​ളി​ലാ​യി​രി​ക്കും നിശ്ചയ​മാ​യും വടക്കെ ദേശത്തെ രാജാ​വും ഉൾപ്പെ​ടുക?

◻ ‘മഹാ​പ്ര​ഭു​വായ മീഖാ​യേൽ’ ദൈവ​ജ​നത്തെ എങ്ങനെ സംരക്ഷി​ക്കും?

◻ ദാനി​യേൽ പ്രവച​നത്തെ സംബന്ധിച്ച നമ്മുടെ പഠന​ത്തോ​ടു നാം എങ്ങനെ പ്രതി​ക​രി​ക്കണം?

[19-ാം പേജിലെ ചിത്രം]

വടക്കെ ദേശത്തെ രാജാവ്‌ തന്റെ പൂർവ​പി​താ​ക്കൻമാ​രു​ടെ ദൈവ​ങ്ങ​ളിൽനി​ന്നു വ്യത്യ​സ്‌ത​മായ ഒരു ദൈവത്തെ ആരാധി​ച്ചി​രി​ക്കു​ന്നു

[കടപ്പാട്‌]

Top left and middle: UPI/Bettmann; bottom left: Reuters/Bettmann; bottom right: Jasmin/Gamma Liaison