ഒരു രാജാവ്‌ യഹോ​വ​യു​ടെ ആലയത്തെ അശുദ്ധ​മാ​ക്കു​ന്നു

“തങ്ങളുടെ ദൈവത്തെ അറിയുന്ന ജനം ഉറെച്ചു​നി​ന്നു വീര്യം പ്രവർത്തി​ക്കും.”—ദാനീ​യേൽ 11:32.

1, 2. രണ്ടായി​രം വർഷത്തി​ല​ധി​ക​മാ​യി മനുഷ്യ​ച​രി​ത്ര​ത്തിൽ സ്ഥാനം പിടി​ച്ചി​ട്ടുള്ള നാടകീയ പോരാ​ട്ട​മേത്‌?

പരമാ​ധി​കാ​ര​ത്തി​നു​വേണ്ടി രണ്ടു ശത്രു​രാ​ജാ​ക്കൻമാർ സർവശ​ക്തി​യും ഉപയോ​ഗി​ച്ചു യുദ്ധം ചെയ്യുന്നു. ഈ പോരാ​ട്ടം രണ്ടായി​രം വർഷത്തി​ല​ധി​ക​മാ​യി തുടർന്നു​പോ​കു​ന്ന​തു​കൊണ്ട്‌ ഒരിക്കൽ ഒരാ​ളെ​ങ്കിൽ പിന്നെ മറെറ​യാൾ എന്നിങ്ങനെ ഇരുവ​രും മാറി​മാ​റി തങ്ങളുടെ പ്രഭാവം കാട്ടുന്നു. നമ്മുടെ നാളു​ക​ളിൽ ഈ പോരാ​ട്ടം ഭൂമി​യി​ലെ മിക്കയാ​ളു​ക​ളെ​യും ബാധി​ക്കു​ക​യും ദൈവ​ജ​ന​ത്തി​ന്റെ നിർമ​ല​തയെ പരീക്ഷി​ക്കു​ക​യും ചെയ്‌തി​രി​ക്കു​ന്നു. രണ്ടു കൂട്ടരും അതുവരെ കണ്ടിട്ടി​ല്ലാത്ത ഒരു സംഭവ​ത്തോ​ടെ അത്‌ അവസാ​നി​ക്കു​ന്നു. പുരാതന പ്രവാ​ച​ക​നായ ദാനി​യേ​ലിന്‌ ഈ നാടകീയ ചരിത്രം മുന്ന​മേ​തന്നെ വെളി​പ്പെ​ടു​ത്തി​ക്കൊ​ടു​ക്ക​പ്പെട്ടു.—ദാനീ​യേൽ അധ്യായം 10 മുതൽ 12 വരെ.

² വടക്കെ ദേശത്തെ രാജാ​വും തെക്കെ ദേശത്തെ രാജാ​വും തമ്മിലുള്ള നിരന്തര ശത്രുത സംബന്ധി​ച്ചാ​ണു പ്രവചനം. “അങ്ങയുടെ ഇഷ്ടം ഭൂമി​യിൽ ചെയ്യ​പ്പെ​ടു​മാ​റാ​കട്ടെ” (Your Will Be Done on Earth)a എന്ന പുസ്‌ത​ക​ത്തിൽ ഇതു വിശദ​മാ​യി ചർച്ച ചെയ്‌തി​ട്ടുണ്ട്‌. വടക്കെ ദേശത്തെ രാജാവ്‌ ആരംഭ​ത്തിൽ ഇസ്ര​യേ​ലി​നു വടക്കുള്ള സിറി​യ​യാ​യി​രു​ന്നു. അതിനു​ശേഷം ആ റോൾ ഏറെറ​ടു​ത്തതു റോം ആയിരു​ന്നു. ആരംഭ​ത്തിൽ തെക്കെ ദേശത്തെ രാജാവ്‌ ഈജി​പ്‌റ​റാ​യി​രു​ന്നു.

അന്ത്യകാ​ലത്തെ ഏററു​മു​ട്ടൽ

3. ദൂതൻ പറയു​ന്ന​ത​നു​സ​രിച്ച്‌, വടക്കെ ദേശത്തെ രാജാ​വി​നെ​യും തെക്കെ ദേശത്തെ രാജാ​വി​നെ​യും സംബന്ധിച്ച പ്രവചനം എപ്പോൾ ഗ്രഹി​ക്കാൻ കഴിയും, എങ്ങനെ?

³ ഈ സംഗതി​കൾ വെളി​പ്പെ​ടു​ത്തുന്ന ദൂതൻ ദാനി​യേ​ലി​നോ​ടു പറഞ്ഞു: “നീയോ ദാനീ​യേലേ, അന്ത്യകാ​ലം​വരെ ഈ വചനങ്ങളെ അടെച്ചു പുസ്‌ത​ക​ത്തി​ന്നു മുദ്ര​യി​ടുക; പലരും അതിനെ പരി​ശോ​ധി​ക്ക​യും ജ്ഞാനം വർദ്ധി​ക്കു​ക​യും ചെയ്യും.” (ദാനീ​യേൽ 12:4) അതേ, പ്രവചനം ബന്ധപ്പെ​ട്ടി​രി​ക്കു​ന്നത്‌ അന്ത്യകാ​ല​വു​മാ​യി​ട്ടാണ്‌, അതായത്‌ 1914-ൽ ആരംഭിച്ച കാലഘ​ട്ട​വു​മാ​യിട്ട്‌. ഈ നിർണാ​യക സമയത്തു പലരും തിരു​വെ​ഴു​ത്തു​കൾ “പരി​ശോ​ധിക്ക”യും പരിശു​ദ്ധാ​ത്മാ​വി​ന്റെ സഹായ​ത്താൽ ബൈബിൾ പ്രവച​ന​ത്തി​ന്റെ ഗ്രാഹ്യം ഉൾപ്പെടെ സത്യപ​രി​ജ്ഞാ​നം സമൃദ്ധ​മാ​യി​ത്തീ​രു​ക​യും ചെയ്യും. (സദൃശ​വാ​ക്യ​ങ്ങൾ 4:18) നാം ആ കാലഘ​ട്ട​ത്തിൽ നാളുകൾ പിന്നി​ടു​ന്തോ​റും ദാനി​യേൽ പ്രവച​ന​ത്തി​ന്റെ കൂടു​തൽക്കൂ​ടു​തൽ വിശദാം​ശങ്ങൾ വ്യക്തമാ​ക്ക​പ്പെ​ട്ടി​രി​ക്ക​യാണ്‌. അങ്ങനെ​യെ​ങ്കിൽ “അങ്ങയുടെ ഇഷ്ടം ഭൂമി​യിൽ ചെയ്യ​പ്പെ​ടു​മാ​റാ​കട്ടെ” എന്ന പുസ്‌തകം പ്രസി​ദ്ധീ​ക​രി​ച്ചു 35 വർഷം പിന്നിട്ട ഈ സമയത്ത്‌ വടക്കെ ദേശത്തെ രാജാ​വി​നെ​യും തെക്കെ ദേശത്തെ രാജാ​വി​നെ​യും സംബന്ധിച്ച പ്രവചനം ഇപ്പോൾ 1993-ൽ നാം എങ്ങനെ​യാ​ണു മനസ്സി​ലാ​ക്കേ​ണ്ടത്‌?

4, 5. (എ) വടക്കെ ദേശത്തെ രാജാ​വി​നെ​യും തെക്കെ ദേശത്തെ രാജാ​വി​നെ​യും സംബന്ധി​ച്ചുള്ള ദാനി​യേ​ലി​ന്റെ പ്രവച​ന​ത്തിൽ 1914 എന്ന വർഷം രേഖ​പ്പെ​ടു​ത്തി​യി​രി​ക്കു​ന്ന​തെ​വി​ടെ​യാണ്‌? (ബി) ദൂതൻ പറയു​ന്ന​ത​നു​സ​രിച്ച്‌, 1914-ൽ എന്തു സംഭവി​ക്കു​മാ​യി​രു​ന്നു?

⁴ യേശു മുൻകൂ​ട്ടി​പ്പറഞ്ഞ ലോക​മ​ഹാ​യു​ദ്ധ​വും മററു ലോകാ​രി​ഷ്ട​ത​ക​ളും 1914-ൽ അന്ത്യകാ​ല​ത്തി​ന്റെ ആരംഭം കുറിച്ചു. (മത്തായി 24:3, 7, 8) ആ വർഷം രേഖ​പ്പെ​ടു​ത്തി​യി​രി​ക്കു​ന്നതു ദാനി​യേൽ പ്രവച​ന​ത്തിൽ നമുക്കു കണ്ടെത്താൻ കഴിയു​മോ? ഉവ്വ്‌. അന്ത്യകാ​ല​ത്തി​ന്റെ ആരംഭം “നിയമിത സമയ”മായി [NW] ദാനീ​യേൽ 11:29-ൽ പരാമർശി​ച്ചി​രി​ക്കു​ന്നു. (“അങ്ങയുടെ ഇഷ്ടം ഭൂമി​യിൽ ചെയ്യ​പ്പെ​ടു​മാ​റാ​കട്ടെ,” പേജുകൾ 269-70 കാണുക.) ദാനീ​യേൽ 4-ാം അധ്യാ​യ​ത്തി​ലെ പ്രാവ​ച​നി​ക​മാ​യി പ്രാധാ​ന്യ​മുള്ള സംഭവ​ങ്ങ​ളിൽ സൂചന നൽകി​യി​രി​ക്കുന്ന 2,520 വർഷങ്ങ​ളു​ടെ സമാപ​ന​ത്തിൽ അതു വരുന്ന​തു​കൊണ്ട്‌ ദാനി​യേ​ലി​ന്റെ കാലത്തു യഹോവ നേര​ത്തെ​തന്നെ നിയമിച്ച സമയമാ​ണത്‌.

⁵ ദാനി​യേൽ യുവാ​വാ​യി​രു​ന്ന​പ്പോൾ സംഭവിച്ച പൊ.യു.മു. 607-ലെ യെരൂ​ശ​ലേ​മി​ന്റെ നാശം​മു​തൽ പൊ.യു. 1914 വരെയുള്ള 2,520 വർഷകാ​ല​ഘ​ട്ടത്തെ “ജനതക​ളു​ടെ നിയമിത കാലങ്ങൾ എന്നു വിളി​ക്കു​ന്നു.” (ലൂക്കോസ്‌ 21:24, NW) ഏത്‌ രാഷ്‌ട്രീയ സംഭവ​ങ്ങ​ളാ​യി​രി​ക്കും അവയുടെ അന്ത്യത്തെ കുറി​ക്കു​ന്നത്‌? ഒരു ദൂതൻ ഇതു ദാനി​യേ​ലി​നു വെളി​പ്പെ​ടു​ത്തി. ദൂതൻ ഇപ്രകാ​രം പറഞ്ഞു: “നിയമി​ക്ക​പ്പെട്ട കാലത്തു അവൻ [വടക്കെ ദേശത്തെ രാജാവ്‌] വീണ്ടും തെക്കോ​ട്ടു വരും; എങ്കിലും മുമ്പി​ല​ത്തെ​പ്പോ​ലെ സാദ്ധ്യ​മാ​ക​യില്ല.”—ദാനീ​യേൽ 11:29.

രാജാ​വി​ന്റെ ഒരു യുദ്ധം പാഴാ​കു​ന്നു

6. 1914-ൽ വടക്കെ ദേശത്തെ രാജാവ്‌ ആരായി​രു​ന്നു, തെക്കെ ദേശത്തെ രാജാവ്‌ ആരായി​രു​ന്നു?

⁶ 1914 ആയപ്പോ​ഴേ​ക്കും വടക്കെ ദേശത്തെ രാജാ​വി​ന്റെ റോൾ ജർമനി ഏറെറ​ടു​ത്തു​ക​ഴി​ഞ്ഞി​രു​ന്നു, ആ സമയത്ത്‌ അവിടത്തെ നേതാവ്‌ കൈസർ വില്‌ഹം ആയിരു​ന്നു. യൂറോ​പ്പിൽ പൊട്ടി​പ്പു​റ​പ്പെട്ട യുദ്ധങ്ങൾ വടക്കെ ദേശത്തെ രാജാ​വും തെക്കെ ദേശത്തെ രാജാ​വും തമ്മിലുള്ള ഏററു​മു​ട്ട​ലിൻ പരമ്പര​യു​ടെ തുടർച്ച​യാ​യി​രു​ന്നു. ഈ രണ്ടാമ​ത്തവൻ അതായത്‌ അപ്പോ​ഴേ​ക്കും ബ്രിട്ട​നാ​യി​മാ​റി​ക്ക​ഴി​ഞ്ഞി​രുന്ന തെക്കെ ദേശത്തെ രാജാവ്‌ പെട്ടെന്ന്‌ ഈജി​പ്‌റ​റി​നെ കയ്യടക്കി, അതാകട്ടെ ആദ്യത്തെ തെക്കെ​ദേശ രാജാ​വി​ന്റെ പ്രദേ​ശ​മാ​യി​രു​ന്നു​താ​നും. യുദ്ധം മുന്നോ​ട്ടു പോയ​പ്പോൾ ബ്രിട്ടന്റെ ഒരു മുൻകോ​ള​നി​യാ​യി​രുന്ന അമേരി​ക്കൻ ഐക്യ​നാ​ടു​കൾ ബ്രിട്ട​നോ​ടൊ​പ്പം ചേർന്നു. തെക്കെ ദേശത്തെ രാജാവ്‌ ഇപ്പോൾ ചരി​ത്ര​ത്തി​ലെ ഏററവും ശക്തമായ സാമ്രാ​ജ്യ​മായ ആംഗ്ലോ-അമേരി​ക്കൻ ലോക ശക്തിയാ​യി​ത്തീർന്നു.

7, 8. (എ) ഒന്നാം ലോക​മ​ഹാ​യു​ദ്ധ​ത്തിൽ കാര്യങ്ങൾ “മുമ്പി​ല​ത്തെ​പ്പോ​ലെ സാദ്ധ്യ​മാ​കാ”ഞ്ഞത്‌ ഏതു വിധത്തി​ലാ​യി​രു​ന്നു? (ബി) ഒന്നാം ലോക​മ​ഹാ​യു​ദ്ധ​ത്തി​ന്റെ അനന്തര​ഫലം എന്തായി​രു​ന്നു, എന്നാൽ പ്രവചനം പറയു​ന്ന​ത​നു​സ​രിച്ച്‌, വടക്കെ ദേശത്തെ രാജാവു പ്രതി​ക​രി​ച്ച​തെ​ങ്ങ​നെ​യാ​യി​രു​ന്നു?

⁷ രണ്ടു രാജാ​ക്കൻമാർക്കി​ട​യിൽ മുമ്പു നടന്നി​ട്ടുള്ള പോരാ​ട്ട​ങ്ങ​ളിൽ വടക്കെ ദേശത്തെ രാജാ​വാ​യി​രുന്ന റോമാ സാമ്രാ​ജ്യം തുടരെ ജയിച്ചു​പോ​ന്നി​രു​ന്നു. ഇപ്രാ​വ​ശ്യം ‘മുമ്പി​ല​ത്തെ​പ്പോ​ലെ സാദ്ധ്യ​മാ​ക​യില്ല.’ എന്തു​കൊ​ണ്ടില്ല? എന്തു​കൊ​ണ്ടെ​ന്നാൽ വടക്കെ​ദേ​ശത്തെ രാജാവ്‌ യുദ്ധത്തിൽ തോററു. ഒരു കാരണം വടക്കെ ദേശത്തെ രാജാ​വി​നു നേരെ “കിത്തീം​ക​പ്പ​ലു​കൾ” വന്നു എന്നതാ​യി​രു​ന്നു. (ദാനീ​യേൽ 11:30) ഈ കപ്പലുകൾ എന്തായി​രു​ന്നു? സൈ​പ്രസ്‌ ആയിരു​ന്നു ദാനി​യേ​ലി​ന്റെ നാളു​ക​ളി​ലെ കിത്തീം. ഒന്നാം ലോക​മ​ഹാ​യു​ദ്ധ​ത്തി​ന്റെ ആദ്യഘ​ട്ട​ത്തിൽ ബ്രിട്ടൻ സൈ​പ്ര​സി​നെ കീഴടക്കി സ്വന്ത സാമ്രാ​ജ്യ​ത്തോ​ടു ലയിപ്പി​ച്ചു. കൂടാതെ, ദി സൊൻഡർവൻ പിക്‌ടോ​റി​യൽ എൻ​സൈ​ക്ലോ​പ്പീ​ഡിയ ഓഫ്‌ ബൈബിൾ പറയു​ന്ന​ത​നു​സ​രിച്ച്‌, കിത്തീം എന്ന പേര്‌ “അതിന്റെ അർഥവ്യാ​പ്‌തി​യിൽ പാ[ശ്‌ചാത്യ]ദേശങ്ങളെ പൊതു​വെ​യും നാവി​ക​പ്ര​ധാ​ന​മായ പശ്ചിമ ദേശങ്ങളെ വിശേ​ഷി​ച്ചും അർഥമാ​ക്കി​യി​രു​ന്നു.” ന്യൂ ഇൻറർനാ​ഷണൽ വേർഷൻ “കിത്തീം​ക​പ്പ​ലു​കൾ” എന്നതിനു പകരം “പശ്ചിമ തീര​പ്ര​ദേ​ശത്തെ കപ്പലുകൾ” എന്ന പദപ്ര​യോ​ഗം ഉപയോ​ഗി​ക്കു​ന്നു. ഒന്നാം ലോക​മ​ഹാ​യു​ദ്ധ​കാ​ലത്ത്‌, കിത്തീം​ക​പ്പ​ലു​കൾ യൂറോ​പ്പി​ന്റെ പശ്ചിമ തീരത്തു​നി​ന്നു തെല്ലകന്നു കിടക്കുന്ന ബ്രിട്ടന്റെ കപ്പലു​ക​ളാ​യി​രു​ന്നു. പിന്നീട്‌ ബ്രിട്ടീഷ്‌ നാവി​ക​സേന വടക്കെ അമേരി​ക്ക​യെന്ന പശ്ചിമ ഭൂഖണ്ഡ​ത്തി​ന്റെ കപ്പലു​ക​ളു​മാ​യി ചേർന്നു കൂടുതൽ ശക്തിയാർജ്ജി​ച്ചു.

⁸ ഈ ആക്രമ​ണ​ത്തിൽ, “ഭയപ്പെട്ടു”പോയ വടക്കെ ദേശത്തെ രാജാവ്‌ 1918-ൽ പരാജയം ഏററു​വാ​ങ്ങി. (പി.ഒ.സി. ബൈ.) എന്നാൽ അതിൽ അവൻ തീർത്തും ഒടുങ്ങി​പ്പോ​യില്ല. “അവൻ വ്യസനി​ച്ചു മടങ്ങി​ച്ചെന്നു, വിശു​ദ്ധ​നി​യ​മ​ത്തി​ന്നു [“വിശുദ്ധ ഉടമ്പടി,” NW] നേരെ ക്രുദ്ധി​ച്ചു [“ഫലപ്ര​ദ​മാ​യി,” NW] പ്രവർത്തി​ക്കും; അവൻ മടങ്ങി​ച്ചെന്നു വിശു​ദ്ധ​നി​യ​മത്തെ ഉപേക്ഷി​ക്കു​ന്ന​വരെ ആദരി​ച്ചു​കൊ​ള്ളും.” (ദാനീ​യേൽ 11:30) ദൂതൻ അങ്ങനെ​യാ​ണു പ്രവചി​ച്ചി​രു​ന്നത്‌, സംഭവി​ച്ച​തും അങ്ങനെ​ത​ന്നെ​യാ​യി​രു​ന്നു.

രാജാവു ഫലപ്ര​ദ​മാ​യി പ്രവർത്തി​ക്കു​ന്നു

9. അഡോൾഫ്‌ ഹിററ്‌ല​റു​ടെ ഉയർച്ചക്കു വഴി​തെ​ളി​ച്ച​തെന്ത്‌? അയാൾ ‘ഫലപ്ര​ദ​മാ​യി പ്രവർത്തി​ച്ചത്‌’ എങ്ങനെ?

⁹ യുദ്ധം കഴിഞ്ഞ്‌ 1918-ൽ ജയശാ​ലി​ക​ളായ സഖ്യക​ക്ഷി​കൾ ജർമനി​യു​ടെ​മേൽ അതിനെ ശിക്ഷി​ച്ചൊ​തു​ക്കാൻ ലക്ഷ്യമി​ട്ടുള്ള ഒരു സമാധാന ഉടമ്പടി അടി​ച്ചേൽപ്പി​ച്ചു, വ്യക്തമാ​യും ജർമൻ ജനതയെ അർദ്ധപ​ട്ടി​ണി​യിൽ അനിശ്ചി​ത​കാ​ലം തളച്ചി​ടാൻ വേണ്ടി​യാ​യി​രു​ന്നു അതു രൂപകൽപ്പന ചെയ്‌തത്‌. അതിന്റെ ഫലമായി, കുറെ വർഷങ്ങൾ അത്യന്തം കഠിന​മായ യാതന​ക​ളി​ലൂ​ടെ ഇഴഞ്ഞു നീങ്ങിയ ജർമനി, അതോടെ അഡോൾഫ്‌ ഹിററ്‌ല​റു​ടെ ഉയർച്ചക്കു പാകമാ​യി​ത്തീർന്നു. 1933-ൽ പരമാ​ധി​കാ​രി​യാ​യി​ത്തീർന്ന അദ്ദേഹം ഉടനെ, യേശു​വി​ന്റെ അഭിഷിക്ത സഹോ​ദ​രൻമാർ പ്രതി​നി​ധാ​നം ചെയ്‌ത “വിശുദ്ധ ഉടമ്പടി”ക്കു നേരെ അതിരൂ​ക്ഷ​മായ ആക്രമണം അഴിച്ചു​വി​ട്ടു. വിശ്വസ്‌ത ക്രിസ്‌ത്യാ​നി​ക​ളിൽ പലരെ​യും ക്രൂര​മാ​യി പീഡി​പ്പി​ച്ചു​കൊണ്ട്‌ അയാൾ ഇക്കാര്യം ഫലപ്ര​ദ​മാ​യി​ത്തന്നെ നടപ്പാക്കി.

10. പിന്തുണ തേടി​ക്കൊ​ണ്ടു ഹിററ്‌ലർ ആരെ സമീപി​ച്ചു, എന്തു ഫലമു​ണ്ടാ​യി?

¹⁰ ഫലപ്ര​ദ​മാ​യി പ്രവർത്തി​ച്ച​തി​നാൽ ഹിററ്‌ലർക്കു സാമ്പത്തി​ക​വും നയത​ന്ത്ര​പ​ര​വു​മായ മേഖല​യി​ലും വിജയം കൈവ​രി​ക്കാ​നാ​യി. ഏതാനും വർഷങ്ങൾക്കു​ള്ളിൽ അദ്ദേഹം ജർമനി​യെ അവഗണി​ക്കാ​നാ​വാത്ത ഒരു ശക്തിയാ​ക്കി​ത്തീർത്തു. “വിശു​ദ്ധ​നി​യ​മത്തെ ഉപേക്ഷി​ക്കു​ന്നവ”ർ ഇക്കാര്യ​ത്തിൽ അദ്ദേഹത്തെ സഹായി​ക്കു​ക​യും ചെയ്‌തു. ആരായി​രു​ന്നു അവർ? വ്യക്തമാ​യും ക്രൈ​സ്‌ത​വ​ലോ​ക​ത്തി​ലെ നേതാ​ക്കൻമാർതന്നെ, തങ്ങൾക്കു ദൈവ​വു​മാ​യി ഒരു ഉടമ്പടി ബന്ധം ഉണ്ടെന്ന്‌ അവകാ​ശ​പ്പെ​ടുന്ന ഇവർ പക്ഷേ, യേശു​വി​ന്റെ ശിഷ്യ​രെന്ന സ്ഥാനം പണ്ടേതന്നെ വലി​ച്ചെ​റി​ഞ്ഞ​വ​രാണ്‌. ഹിററ്‌ലർ “വിശു​ദ്ധ​നി​യ​മത്തെ ഉപേക്ഷി​ക്കു​ന്നവ”രുടെ പിന്തു​ണ​ക്കു​വേണ്ടി അവരെ സന്ദർശി​ച്ചത്‌ അയാൾക്കു നേട്ടമാ​യി. റോമി​ലെ പോപ്പ്‌ അദ്ദേഹ​വു​മാ​യി ഒരു ഉടമ്പടി​യി​ലേർപ്പെട്ടു, ജർമനി​യി​ലെ പ്രോ​ട്ട​സ്‌റ​റൻറു സഭകൾക്കൊ​പ്പം റോമൻ കത്തോ​ലി​ക്കാ സഭ ഹിററ്‌ലറെ അദ്ദേഹ​ത്തി​ന്റെ 12 വർഷത്തെ ഭീകര​ഭ​ര​ണ​ത്തിൽ പിന്തു​ണ​ക്കു​ക​യും ചെയ്‌തു.

11. വടക്കെ ദേശത്തെ രാജാവു “വിശു​ദ്ധ​മ​ന്ദിര”ത്തെ “അശുദ്ധ​മാ​ക്കി നിരന്ത​ര​ഹോ​മം നിർത്തൽചെ​യ്‌തത്‌” എങ്ങനെ?

¹¹ ദൂതൻ കൃത്യ​മാ​യി മുൻകൂ​ട്ടി​പ്പ​റ​ഞ്ഞ​തു​പോ​ലെ, ഹിററ്‌ലർ കൈവ​രിച്ച വൻ വിജയങ്ങൾ യുദ്ധത്തി​ലേക്ക്‌ എടുത്തു​ചാ​ടാൻ അയാളെ പ്രേരി​പ്പി​ച്ചു. “അവൻ അയച്ച സൈന്യ​ങ്ങൾ അണിനി​രന്നു, വിശു​ദ്ധ​മ​ന്ദി​ര​മായ കോട്ടയെ അശുദ്ധ​മാ​ക്കി നിരന്ത​ര​ഹോ​മം നിർത്തൽചെ​യ്‌തു.” (ദാനീ​യേൽ 11:31എ) പുരാതന ഇസ്ര​യേ​ലിൽ വിശു​ദ്ധ​മ​ന്ദി​രം യെരൂ​ശ​ലേം ദേവാ​ല​യ​ത്തി​ന്റെ ഭാഗമാ​യി​രു​ന്നു. എന്നാൽ യഹൂദൻമാർ യേശു​വി​നെ തിരസ്‌ക​രി​ച്ച​പ്പോൾ യഹോവ അവരെ​യും അവരുടെ ആലയ​ത്തെ​യും തിരസ്‌ക​രി​ച്ചു. (മത്തായി 23:37–24:2) ഒന്നാം നൂററാ​ണ്ടു​മു​തൽ യഹോ​വ​യു​ടെ ആലയം വാസ്‌ത​വ​ത്തിൽ ആത്മീയ​മായ ഒന്നാണ്‌. അതിന്റെ അതിവി​ശു​ദ്ധ​മ​ന്ദി​രം സ്വർഗ​ത്തി​ലും, ആത്മീയ പ്രാകാ​രം മുഖ്യ​പു​രോ​ഹി​ത​നായ യേശു​വി​ന്റെ അഭിഷിക്ത സഹോ​ദ​രൻമാർ സേവി​ക്കുന്ന ഭൂമി​യി​ലു​മാണ്‌. 1930-കൾമുതൽ മഹാപു​രു​ഷാ​രം അഭിഷിക്ത ശേഷി​പ്പു​മൊ​ത്തുള്ള സഹവാ​സ​ത്തിൽ ആരാധി​ച്ചു​വ​രു​ന്നു; അതു​കൊണ്ട്‌ അവർ ‘ദൈവ​ത്തി​ന്റെ ആലയത്തിൽ’ സേവി​ക്കു​ന്നു​വെന്നു പറയുന്നു. (വെളി​പ്പാ​ടു 7:9, 15; 11:1, 2; എബ്രായർ 9:11, 12, 24) വടക്കെ ദേശത്തെ രാജാ​വിന്‌ ആധിപ​ത്യ​മുള്ള പ്രദേ​ശ​ങ്ങ​ളി​ലെ അഭിഷി​ക്ത​ശേ​ഷി​പ്പി​നെ​യും അവരുടെ സഹകാ​രി​ക​ളെ​യും നിർദ​യ​മാ​യി പീഡി​പ്പി​ച്ച​തു​കൊണ്ട്‌ ആലയത്തി​ന്റെ ഭൗമിക പ്രാകാ​രത്തെ അവർ അശുദ്ധ​മാ​ക്കി. യഹോ​വ​യു​ടെ നാമത്തി​നർപ്പി​ക്കുന്ന പരസ്യ​യാ​ഗം എന്ന നിരന്ത​ര​ഹോ​മ​യാ​ഗം നിന്നു​പോ​കാൻത​ക്ക​വണ്ണം പീഡനം അത്രയ്‌ക്കു കഠിന​മാ​യി​രു​ന്നു. (എബ്രായർ 13:15) എന്നിട്ടും, ഭീകര​മായ യാതനകൾ വകവയ്‌ക്കാ​തെ വിശ്വ​സ്‌ത​രായ അഭിഷിക്ത ക്രിസ്‌ത്യാ​നി​കൾ “വേറെ ആടുകൾ”ക്കൊപ്പം രഹസ്യ​മാ​യി പ്രസം​ഗ​വേല തുടർന്നു​കൊ​ണ്ടു​പോ​യി എന്നു ചരിത്രം പ്രകട​മാ​ക്കു​ന്നു.—യോഹ​ന്നാൻ 10:16.

“മ്ലേച്ഛ വസ്‌തു”

12, 13. “മ്ലേച്ഛ വസ്‌തു” എന്തായി​രു​ന്നു, വിശ്വ​സ്‌ത​നും വിവേ​കി​യു​മായ അടിമ മുൻകൂ​ട്ടി​കണ്ട പ്രകാരം അത്‌ എപ്പോൾ, എങ്ങനെ പുനഃ​സ്ഥാ​പി​ത​മാ​യി?

¹² രണ്ടാം ലോക​മ​ഹാ​യു​ദ്ധം അവസാ​നി​ക്കാ​റാ​യ​പ്പോ​ഴേ​ക്കും മറെറാ​രു സംഭവം കൂടി നടന്നു. അവർ “മ്ലേച്ഛബിം​ബത്തെ [“മ്ലേച്ഛ വസ്‌തു,” NW] പ്രതി​ഷ്‌ഠി​ക്കും.” (ദാനീ​യേൽ 11:31ബി) യേശു​വും സൂചി​പ്പിച്ച ഈ “മ്ലേച്ഛ വസ്‌തു” വെളി​പ്പാ​ടു പറയു​ന്ന​ത​നു​സ​രിച്ച്‌ അഗാധ​ത്തി​ലേക്കു പോയ കടുഞ്ചു​വപ്പു നിറമുള്ള കാട്ടു​മൃ​ഗ​മായ സർവരാ​ജ്യ​സ​ഖ്യ​മാ​ണെന്ന്‌ അപ്പോൾത്തന്നെ തിരി​ച്ച​റി​ഞ്ഞി​രു​ന്നു. (മത്തായി 24:15; വെളി​പ്പാ​ടു 17:8; പ്രകാശം എന്നതിന്റെ രണ്ടാം വാല്യം, പേജ്‌ 94 കാണുക.) രണ്ടാം ലോക​മ​ഹാ​യു​ദ്ധം പൊട്ടി​പ്പു​റ​പ്പെ​ട്ട​പ്പോ​ഴാ​യി​രു​ന്നു അങ്ങനെ സംഭവി​ച്ചത്‌. എന്നിരു​ന്നാ​ലും, 1942-ൽ യഹോ​വ​യു​ടെ സാക്ഷി​ക​ളു​ടെ പുതിയ ലോക ദിവ്യാ​ധി​പത്യ സമ്മേള​ന​ത്തിൽവെച്ച്‌ വാച്ച്‌ ടവർ ബൈബിൾ ആൻഡ്‌ ട്രാക്‌ററ്‌ സൊ​സൈ​റ​റി​യു​ടെ മൂന്നാ​മത്തെ പ്രസി​ഡൻറായ നാഥാൻ എച്ച്‌. നോർ വെളി​പ്പാ​ടു 17-ാം അധ്യാ​യ​ത്തി​ലെ പ്രവചനം ചർച്ച ചെയ്‌തു​കൊണ്ട്‌ മൃഗം അഗാധ​ത്തിൽനി​ന്നു വീണ്ടും പൊന്തി​വ​രു​മെന്നു മുന്നറി​യി​പ്പു നൽകി.

¹³ അദ്ദേഹ​ത്തി​ന്റെ വാക്കു​ക​ളു​ടെ സത്യത ചരിത്രം സാക്ഷ്യ​പ്പെ​ടു​ത്തി. 1944 ആഗസ്‌റ​റി​നും ഒക്‌ടോ​ബ​റി​നും ഇടയിൽ ഐക്യ​നാ​ടു​ക​ളി​ലെ ഡുംബാർട്ടൻ ഓക്കിൽ ഐക്യ​രാ​ഷ്‌ട്രസഭ എന്ന്‌ അറിയ​പ്പെ​ടാ​നി​രുന്ന സംഘട​ന​യു​ടെ ഭരണവ്യ​വ​സ്ഥ​ക​ളു​ടെ [charter] അണിയറ പ്രവർത്ത​നങ്ങൾ ആരംഭി​ച്ചു. മുൻസോ​വി​യ​ററ്‌ യൂണിയൻ ഉൾപ്പെടെ 51 രാഷ്‌ട്രങ്ങൾ അംഗീ​ക​രിച്ച ഈ ഭരണവ്യ​വ​സ്ഥകൾ 1945 ഒക്‌ടോ​ബർ 24-നു പ്രാബ​ല്യ​ത്തിൽ വന്നപ്പോൾ അഗാധ​ത്തിൽനി​ന്നു കയറി​വ​ന്നതു ഫലത്തിൽ മരിച്ച​നി​ല​യി​ലാ​യി​രുന്ന സർവരാ​ജ്യ​സ​ഖ്യ​മാ​യി​രു​ന്നു.

14. വടക്കെ ദേശത്തെ രാജാവു മാറി​വ​ന്നത്‌ എപ്പോൾ, എങ്ങനെ?

¹⁴ രണ്ടു ലോക​മ​ഹാ​യു​ദ്ധ​ങ്ങ​ളി​ലും തെക്കെ ദേശത്തെ രാജാ​വി​ന്റെ മുഖ്യ​ശ​ത്രു​വാ​യി​രു​ന്നു ജർമനി. രണ്ടാം ലോക​മ​ഹാ​യു​ദ്ധ​ത്തി​നു​ശേഷം ജർമനി വിഭജി​ക്ക​പ്പെ​ട്ട​പ്പോൾ ഒരു ഭാഗം തെക്കെ ദേശത്തെ രാജാ​വി​ന്റെ ഒരു സംഖ്യ​ക​ക്ഷി​യാ​യി​ത്തീർന്നു. ജർമനി​യു​ടെ മറെറ പകുതി ശക്തമായ മറെറാ​രു സാമ്രാ​ജ്യ​ത്തി​ന്റെ ചേരി​യി​ലു​മാ​യി. കമ്യൂ​ണി​സ്‌ററ്‌ ചേരി​യി​ലായ ജർമനി​യു​ടെ ഭാഗം ആംഗ്ലോ-അമേരി​ക്കൻ സഖ്യത്തിന്‌ എതിരെ ശക്തമായി നിലയു​റ​പ്പി​ക്കു​ക​യും ഈ രണ്ടു രാജാ​ക്കൻമാർ തമ്മിലുള്ള പോരാ​ട്ടം ഒരു ശീതയു​ദ്ധ​മാ​യി പരിണ​മി​ക്കു​ക​യും ചെയ്‌തു.—“അങ്ങയുടെ ഇഷ്ടം ഭൂമി​യിൽ ചെയ്യ​പ്പെ​ടു​മാ​റാ​കട്ടെ,” 264-84 എന്നീ പേജുകൾ കാണുക.

രാജാ​വും ഉടമ്പടി​യും

15. ‘ഉടമ്പടി​ക്കു വിരോ​ധ​മാ​യി ദുഷ്ടത പ്രവർത്തി​ക്കുന്ന’ത്‌ ആരാണ്‌, വടക്കെ ദേശത്തെ രാജാ​വു​മാ​യി അവർക്കു​ണ്ടാ​യി​രുന്ന ബന്ധം എന്ത്‌?

¹⁵ ദൂതൻ ഇപ്പോൾ ഇങ്ങനെ പറയുന്നു: “നിയമ​ത്തി​ന്നു [“ഉടമ്പടി​ക്കു,” NW] വിരോ​ധ​മാ​യി ദുഷ്ടത പ്രവർത്തി​ക്കു​ന്ന​വരെ അവൻ ഉപായം​കൊ​ണ്ടു വഷളാ​ക്കും [“വിശ്വാ​സ​ത്യാ​ഗ​ത്തി​ലേക്കു നയിക്കും,” NW].” (ദാനീ​യേൽ 11:32എ) ഉടമ്പടിക്ക്‌ എതിരെ ദുഷ്ടത പ്രവർത്തി​ക്കുന്ന ഇവർ ആരാണ്‌? വീണ്ടും, അവർ ക്രൈ​സ്‌ത​വ​ലോ​ക​ത്തി​ന്റെ നേതാക്കൾ ആകാനേ ഇടയുള്ളൂ. തങ്ങൾ ക്രിസ്‌തീയ ജനമാ​ണെന്ന്‌ അവകാ​ശ​പ്പെ​ടു​ന്നു, എന്നാൽ അവരുടെ പ്രവൃ​ത്തി​കൾ ക്രിസ്‌ത്യാ​നി​ത്വ​മെന്ന പേരി​നു​തന്നെ കളങ്കം ചാർത്തു​ന്നു. രണ്ടാം ലോക​മ​ഹാ​യു​ദ്ധ​ത്തിൽ “സോവി​യ​ററ്‌ ഗവൺമെൻറ്‌ മാതൃ​രാ​ജ്യ​ത്തി​ന്റെ പ്രതി​രോ​ധ​ത്തി​നാ​യി സഭകളു​ടെ ഭൗതി​ക​വും ധാർമി​ക​വു​മായ സഹായം തരപ്പെ​ടു​ത്താൻ ഒരു ശ്രമം നടത്തി” എന്നു സോവി​യ​ററ്‌ യൂണി​യ​നി​ലെ മതം (Religion in the Soviet Union) എന്ന പുസ്‌ത​ക​ത്തിൽ വൊൾട്ടർ കോളാ​ഴ്‌സ്‌ പറയുന്നു. യുദ്ധ​ശേഷം, വടക്കെ ദേശത്തെ രാജാ​വാ​യി അപ്പോ​ഴു​യർന്ന ശക്തിയു​ടെ ഈശ്വ​ര​നി​ഷേ​ധ​ത്തി​ലൂ​ന്നിയ നയങ്ങൾ കാര്യ​മാ​ക്കാ​തെ അതുമാ​യുള്ള സൗഹൃദം കാത്തു​സൂ​ക്ഷി​ക്കാൻ സഭാ​നേ​താ​ക്കൾ ശ്രമിച്ചു.b അങ്ങനെ, ക്രൈ​സ്‌ത​വ​ലോ​കം മുമ്പെ​ന്ന​ത്തേ​തി​ലു​മ​ധി​കം ഈ ലോക​ത്തി​ന്റെ ഒരു ഭാഗമാ​യി​ത്തീർന്നു—യഹോ​വ​യു​ടെ ദൃഷ്ടി​യിൽ ഒരു മ്ലേച്ഛമായ വിശ്വാ​സ​ത്യാ​ഗം​തന്നെ.—യോഹ​ന്നാൻ 17:14; യാക്കോബ്‌ 4:4.

16, 17. “ഉൾക്കാ​ഴ്‌ച​യു​ള്ളവർ” ആരാണ്‌, വടക്കെ ദേശത്തെ രാജാ​വിൻ കീഴിൽ അവർ എങ്ങനെ പുലർന്നു പോന്നു?

¹⁶ പക്ഷേ, യഥാർഥ ക്രിസ്‌ത്യാ​നി​കളെ സംബന്ധി​ച്ചെന്ത്‌? “തങ്ങളുടെ ദൈവത്തെ അറിയുന്ന ജനം ഉറെച്ചു​നി​ന്നു വീര്യം പ്രവർത്തി​ക്കും. ജനത്തിൽ ബുദ്ധി​മാൻമാ​രാ​യവർ [“ഉൾക്കാ​ഴ്‌ച​യു​ള്ളവർ,” NW] പലർക്കും ബോധം വരുത്തും; എങ്കിലും കുറെ​ക്കാ​ല​ത്തേക്കു അവർ വാൾകൊ​ണ്ടും തീകൊ​ണ്ടും പ്രവാ​സം​കൊ​ണ്ടും കവർച്ച​കൊ​ണ്ടും വീണു​കൊ​ണ്ടി​രി​ക്കും.” (ദാനീ​യേൽ 11:32ബി, 33) വടക്കെ ദേശത്തെ രാജാ​വി​നു കീഴിൽ ജീവി​ക്കുന്ന ക്രിസ്‌ത്യാ​നി​കൾ, ഉചിത​മാ​യി “ശ്രേഷ്‌ഠാ​ധി​കാ​ര​ങ്ങൾക്കു കീഴടങ്ങി”യിരി​ക്കു​മ്പോൾത്തന്നെ ഈ ലോക​ത്തി​ന്റെ ഒരു ഭാഗമാ​യി​രി​ക്കു​ന്നില്ല. (റോമർ 13:1; യോഹ​ന്നാൻ 18:36) കൈസ​റി​നു​ള്ളതു കൈസ​റി​നു​തന്നെ തിരി​ച്ചു​കൊ​ടു​ക്കാൻ ശ്രദ്ധി​ക്കവേ, അവർ “ദൈവ​ത്തി​ന്നു​ള്ളത്‌ ദൈവ​ത്തി​ന്നും കൊടു”ത്തു. (മത്തായി 22:21) ഇതുനി​മി​ത്തം അവരുടെ നിർമലത പരീക്ഷി​ക്ക​പ്പെട്ടു.—2 തിമൊ​ഥെ​യൊസ്‌ 3:12.

¹⁷ ഫലമെ​ന്താ​യി​രു​ന്നു? അവർ ‘പിടി​ച്ചു​നിൽക്കുക’യും ഒപ്പം ‘ഇടറി​വീ​ഴുക’യും [NW] ചെയ്‌തു. അവർ ഇടറി​വീ​ണത്‌ അവർ പീഡി​പ്പി​ക്ക​പ്പെ​ടു​ക​യും കഠിന​മാ​യി കഷ്ടം അനുഭ​വി​ക്കു​ക​യും ചിലർ വധിക്ക​പ്പെ​ടു​ക​യും ചെയ്‌തു​വെന്ന അർഥത്തി​ലാണ്‌. എന്നാൽ അതിൽ അവർ പിടി​ച്ചു​നി​ന്നത്‌, അവരിൽ ഏറിയ​പ​ങ്കും വിശ്വ​സ്‌ത​രാ​യി നില​കൊ​ണ്ടു എന്ന അർഥത്തി​ലും. അതേ, യേശു​ക്രി​സ്‌തു ലോകത്തെ ജയിച്ച​ട​ക്കി​യ​തു​പോ​ലെ അവർ ലോകത്തെ ജയിച്ച​ടക്കി. (യോഹ​ന്നാൻ 16:33) കൂടാതെ, ജയിലി​ലോ തടങ്കൽപ്പാ​ള​യ​ങ്ങ​ളി​ലോ ആയിരു​ന്നി​ട്ടു​പോ​ലും അവർ ഒരിക്ക​ലും പ്രസം​ഗ​വേല നിർത്തി​ക്ക​ള​ഞ്ഞില്ല. അങ്ങനെ ചെയ്യു​ന്ന​തിൽ അവർ ‘അനേകർക്കു ഗ്രാഹ്യം പ്രദാനം ചെയ്‌തു’ [NW]. പീഡന​മു​ണ്ടാ​യി​രു​ന്നി​ട്ടും, വടക്കെ ദേശത്തെ രാജാവ്‌ ഭരിച്ച മിക്ക രാജ്യ​ങ്ങ​ളി​ലും യഹോ​വ​യു​ടെ സാക്ഷി​ക​ളു​ടെ എണ്ണം വർധിച്ചു. “ഉൾക്കാ​ഴ്‌ച​യുള്ള”വരുടെ വിശ്വ​സ്‌തത നിമിത്തം വികസി​ച്ചു​കൊ​ണ്ടേ​യി​രി​ക്കുന്ന “മഹാപു​രു​ഷാര”ത്തിന്റെ ഭാഗം ആ രാജ്യ​ങ്ങ​ളിൽ പ്രത്യ​ക്ഷ​പ്പെ​ട്ടി​രി​ക്കു​ന്നു.—വെളി​പ്പാ​ടു 7:9-14.

18. വടക്കെ ദേശത്തെ രാജാ​വി​ന്റെ കീഴിൽ ജീവി​ച്ചി​രുന്ന ക്രിസ്‌ത്യാ​നി​കൾക്കു ലഭിച്ച “അല്‌പ​സ​ഹാ​യം” എന്തായി​രു​ന്നു?

¹⁸ ദൈവ​ജ​ന​ത്തി​നു നേരെ​യുള്ള പീഡന​ത്തെ​പ്പ​ററി സംസാ​രി​ച്ചു​കൊ​ണ്ടു ദൂതൻ മുൻകൂ​ട്ടി​പ്പ​റഞ്ഞു: “വീഴു​മ്പോൾ അവർ അല്‌പ​സ​ഹാ​യ​ത്താൽ രക്ഷ പ്രാപി​ക്കും.” (ദാനീ​യേൽ 11:34എ) ഇത്‌ എങ്ങനെ​യാ​ണു സംഭവി​ച്ചത്‌? രണ്ടാം ലോക​മ​ഹാ​യു​ദ്ധ​ത്തിൽ തെക്കെ ദേശത്തെ രാജാ​വി​നു​ണ്ടായ വിജയം ശത്രു​രാ​ജാ​വി​ന്റെ കീഴിൽ ജീവി​ച്ചി​രുന്ന ക്രിസ്‌ത്യാ​നി​കൾക്ക്‌ വലിയ ആശ്വാസം കൈവ​രു​ത്തി എന്നതാ​യി​രു​ന്നു ഒരു കാരണം. (വെളി​പ്പാ​ടു 12:15, 16 താരത​മ്യ​പ്പെ​ടു​ത്തുക.) പിന്നെ, വടക്കെ ദേശത്തെ രാജാ​വാ​യി തുടർന്നു സേവിച്ച രാജാവു പീഡി​പ്പി​ച്ചവർ കാലാ​കാ​ല​ങ്ങ​ളിൽ അതിൽനി​ന്നുള്ള വിടു​ത​ലും അനുഭ​വി​ച്ചു​കൊ​ണ്ടി​രു​ന്നു. ശീതയു​ദ്ധ​ത്തി​ന്റെ തീവ്രത കുറഞ്ഞ​പ്പോൾ വിശ്വസ്‌ത ക്രിസ്‌ത്യാ​നി​കൾ ഒരു തരത്തി​ലും ഭീഷണി​യല്ല എന്നു മനസ്സി​ലാ​ക്കിയ അനേകം നേതാ​ക്കൻമാർ അവർക്കു നിയമാം​ഗീ​കാ​രം നൽകി.c പെരു​കി​ക്കൊ​ണ്ടി​രുന്ന മഹാപു​രു​ഷാ​ര​വും വൻസഹാ​യ​മാ​യി ഭവിച്ചു. മത്തായി 25:34-40-ൽ വർണി​ച്ചി​രി​ക്കു​ന്ന​തു​പോ​ലെ അവർ അഭിഷി​ക്ത​രു​ടെ വിശ്വ​സ്‌ത​മായ പ്രസം​ഗ​വേ​ല​യോ​ടു പ്രതി​ക​രി​ക്കു​ക​യും അവരെ സഹായി​ക്കു​ക​യും ചെയ്‌തി​രി​ക്കു​ന്നു.

ദൈവ​ജ​ന​ത്തിന്‌ ഒരു ശുദ്ധീ​ക​ര​ണം

19. (എ) ചിലർ “കപടഭാ​വ​ത്തോ​ടെ അവരോ​ടു ചേർന്ന”തെങ്ങനെ? (ബി) “അന്ത്യകാ​ലം​വരെ” എന്ന പദപ്ര​യോ​ഗ​ത്താൽ അർഥമാ​ക്കു​ന്നത്‌ എന്താണ്‌? (അടിക്കു​റി​പ്പു കാണുക.)

¹⁹ ഈ സമയത്തു ദൈവത്തെ സേവി​ക്കു​ന്ന​തിൽ താത്‌പ​ര്യം പ്രകട​മാ​ക്കിയ എല്ലാവർക്കും ഉചിത​മായ ആന്തരം ഉണ്ടായി​രു​ന്നില്ല. ദൂതൻ ഇങ്ങനെ മുന്നറി​യി​പ്പു കൊടു​ത്തു: “പലരും കപടഭാ​വ​ത്തോ​ടെ അവരോ​ടു ചേർന്നു​കൊ​ള്ളും. എന്നാൽ അന്ത്യകാ​ലം​വരെ അവരിൽ പരി​ശോ​ധ​ന​യും ശുദ്ധീ​ക​ര​ണ​വും നിർമ്മ​ലീ​ക​ര​ണ​വും സാധി​ക്കേ​ണ്ട​തി​ന്നു ബുദ്ധി​മാൻമാ​രിൽ ചിലർ വീഴും; നിശ്ചയി​ക്ക​പ്പെട്ട കാലത്തു​മാ​ത്രം അന്തംവ​രും.”d (ദാനീ​യേൽ 11:34ബി, 35) ചിലർ സത്യത്തിൽ താത്‌പ​ര്യം കാണി​ച്ചെ​ങ്കി​ലും ദൈവത്തെ സേവി​ക്കാൻ ആത്മാർഥ​മായ സമർപ്പണം നടത്താൻ അവർക്കു മനസ്സാ​യില്ല. സുവാർത്ത സ്വീക​രി​ച്ച​വ​രെന്നു തോന്നിയ മററു​ചി​ലർ വാസ്‌ത​വ​ത്തിൽ അധികാ​രി​ക​ളു​ടെ ചാരൻമാ​രാ​യി​രു​ന്നു. ഒരു രാജ്യ​ത്തു​നി​ന്നുള്ള റിപ്പോർട്ടിൽ നാം ഇങ്ങനെ വായി​ക്കു​ന്നു: “ഈ മനസ്സാ​ക്ഷി​യി​ല്ലാത്ത പ്രകൃ​ത​ക്കാ​രിൽ ചിലർ കർത്താ​വി​ന്റെ സ്ഥാപന​ത്തി​ലേക്കു നുഴഞ്ഞു​ക​യ​റിയ കടുത്ത കമ്യൂ​ണി​സ്‌റ​റു​കാ​രാ​യി​രു​ന്നു, വലിയ തീക്ഷ്‌ണത പ്രകട​മാ​ക്കിയ അവർ ഉയർന്ന സേവന​പ​ദ​വി​ക​ളിൽ നിയമി​ക്ക​പ്പെ​ടു​ക​പോ​ലും ചെയ്‌തു.”

20. കപടഭ​ക്തി​ക്കാ​രായ നുഴഞ്ഞു​ക​യ​റ​റ​ക്കാർ നിമിത്തം ചില വിശ്വസ്‌ത ക്രിസ്‌ത്യാ​നി​കൾ ഇടറി“വീഴാ”ൻ യഹോവ അനുവ​ദി​ച്ചത്‌ എന്തു​കൊ​ണ്ടാ​യി​രു​ന്നു?

²⁰ നുഴഞ്ഞു​ക​യ​റ​റ​ക്കാർ മൂലം വിശ്വ​സ്‌ത​രായ ചിലർ അധികാ​രി​ക​ളു​ടെ കൈളിൽ അകപ്പെ​ടാ​നി​ട​യാ​യി. അത്തര​മൊ​രു സംഗതി സംഭവി​ക്കാൻ യഹോവ അനുവ​ദി​ച്ചത്‌ എന്തു​കൊ​ണ്ടാ​യി​രു​ന്നു? ശുദ്ധീ​ക​ര​ണ​ത്തി​നും നിർമ​ലീ​ക​ര​ണ​ത്തി​നും വേണ്ടി​ത്തന്നെ. “താൻ അനുഭ​വിച്ച കഷ്ടങ്ങളാൽ അനുസ​രണം പഠിച്ച” യേശു​വി​നെ​പ്പോ​ലെ​തന്നെ ഈ വിശ്വസ്‌ത ദേഹി​ക​ളും തങ്ങളുടെ വിശ്വാ​സ​ത്തി​ന്റെ പരി​ശോ​ധ​ന​യിൽനി​ന്നു സഹിഷ്‌ണുത പഠിച്ചു. (എബ്രായർ 5:8; യാക്കോബ്‌ 1:2, 3; മലാഖി 3:3 താരത​മ്യ​പ്പെ​ടു​ത്തുക.) ഇങ്ങനെ അവർ ‘ശുദ്ധീ​ക​രി​ക്ക​പ്പെ​ടു​ക​യും നിർമ​ലീ​ക​രി​ക്ക​പ്പെ​ടു​ക​യും ശുഭ്ര​വർണ​മാ​ക്ക​പ്പെ​ടു​ക​യും’ [NW] ചെയ്‌തു. തങ്ങളുടെ സഹിഷ്‌ണു​തക്കു പ്രതി​ഫലം ലഭിക്കാ​നുള്ള നിയമിത സമയത്തെ മഹാസ​ന്തോ​ഷം അത്തരം വിശ്വ​സ്‌തരെ കാത്തി​രി​ക്കു​ന്നു. ദാനി​യേൽ പ്രവച​ന​ത്തെ​പ്പ​ററി നാം കൂടുതൽ ചർച്ച ചെയ്യു​മ്പോൾ നമുക്ക്‌ അതു കാണാ​നാ​കും.

[അടിക്കു​റി​പ്പു​കൾ]

നിങ്ങൾ ഓർമി​ക്കു​ന്നു​വോ?

◻ ദാനി​യേൽ പ്രവച​ന​ത്തി​ന്റെ വ്യക്തമായ ഒരു ഗ്രാഹ്യം ലഭിക്കാൻ ഇന്നു നാം പ്രതീ​ക്ഷി​ക്കേ​ണ്ടത്‌ എന്തു​കൊണ്ട്‌?

◻ വടക്കെ ദേശത്തെ രാജാവ്‌ “ക്രുദ്ധി​ച്ചു പ്രവർത്തി”ച്ചതെങ്ങനെ?

◻ അടിമ​വർഗം മുൻകൂ​ട്ടി​ക്കണ്ട “മ്ലേച്ഛ വസ്‌തു” വീണ്ടും പ്രത്യ​ക്ഷ​പ്പെ​ട്ട​തെ​ങ്ങനെ?

◻ അഭിഷി​ക്ത​ശേ​ഷിപ്പ്‌ ഇടറി​വീ​ണ​പ്പോൾ “അവർ അല്‌പ​സ​ഹാ​യ​ത്താൽ രക്ഷപ്രാ​പി”ച്ചതെങ്ങനെ?

[15-ാം പേജിലെ ചിത്രം]

ഹിററ്‌ലറുടെ കീഴിൽ വടക്കെ ദേശത്തെ രാജാവു തനിക്ക്‌ 1918-ൽ തെക്കെ ദേശത്തെ രാജാ​വി​ന്റെ കൈക​ളിൽനി​ന്നേററ പരാജ​യ​ത്തിൽനി​ന്നു മുഴു​വ​നാ​യി മുക്തി നേടി

[16-ാം പേജിലെ ചിത്രം]

ക്രൈസ്‌തവലോകത്തിന്റെ നേതാക്കൾ വടക്കെ ദേശത്തെ രാജാ​വു​മാ​യി ഒരു ബന്ധം ഊട്ടി​വ​ളർത്താൻ ശ്രമിച്ചു

[കടപ്പാട്‌]

Zoran/Sipa Press