വിധി​യു​ടെ താഴ്‌വ​ര​യിൽ ന്യായ​വി​ധി നടപ്പാ​ക്ക​പ്പെ​ടു​ന്നു

“ജാതികൾ . . . യഹോ​ശാ​ഫാത്ത്‌ താഴ്‌വ​ര​യി​ലേക്കു പുറ​പ്പെ​ടട്ടെ. അവിടെ ഞാൻ . . . സകലജാ​തി​ക​ളെ​യും ന്യായം വിധി​ക്കേ​ണ്ട​തി​ന്നു ഇരിക്കും.”—യോവേൽ 3:12.

1. “വിധി​യു​ടെ താഴ്‌വ​ര​യിൽ” വൻ സമൂഹങ്ങൾ കൂടി​യി​രി​ക്കു​ന്ന​താ​യി യോവേൽ കാണു​ന്ന​തെ​ന്തു​കൊണ്ട്‌?

‘വിധി​യു​ടെ താഴ്‌വ​ര​യിൽ അസംഖ്യ​സ​മൂ​ഹ​ങ്ങളെ കാണുന്നു!’ യോവേൽ 3:14-ലാണ്‌ നാം ആ ഉജ്ജ്വല​മായ വാക്കുകൾ വായി​ക്കു​ന്നത്‌. എന്തിനാണ്‌ ഈ ജനതതി ഒരുമി​ച്ചു​കൂ​ടി​യി​രി​ക്കു​ന്നത്‌? യോവേൽ ഉത്തരം നൽകുന്നു: “യഹോ​വ​യു​ടെ ദിവസം അടുത്തി​രി​ക്കു​ന്നു.” അത്‌ യഹോ​വ​യു​ടെ വലിയ പ്രതി​കാ​ര​ദി​വ​സ​മാണ്‌, ക്രിസ്‌തു​യേ​ശു​വിൻ കീഴിലെ സ്ഥാപിത ദൈവ​രാ​ജ്യ​ത്തെ തള്ളിക്ക​ള​ഞ്ഞി​രി​ക്കു​ന്ന​വ​രു​ടെ​മേൽ ന്യായ​വി​ധി നിർവ​ഹി​ക്കു​ന്ന​തി​നുള്ള ദിവസം. അവസാനം, വെളി​പ്പാ​ടു 7-ാം അധ്യാ​യ​ത്തി​ലെ “നാലു ദൂതന്മാർ” “ഭൂമി​യി​ലെ നാലു കാറ്റി”ന്മേലു​മുള്ള പിടി വിടാ​റാ​യി​രി​ക്കു​ക​യാണ്‌. തത്‌ഫ​ല​മാ​യി, ‘ലോകാ​രം​ഭം​മു​തൽ ഇന്നുവരെ സംഭവി​ച്ചി​ട്ടി​ല്ലാ​ത്ത​തും ഇനിമേൽ സംഭവി​ക്കാ​ത്ത​തു​മായ വലിയ കഷ്ടം ഉണ്ടാകും.’—വെളി​പ്പാ​ടു 7:1; മത്തായി 24:21.

2. (എ) യഹോവ ന്യായ​വി​ധി നടത്തുന്ന സ്ഥലത്തെ “യഹോ​ശാ​ഫാത്ത്‌ താഴ്‌വര” എന്നു സമുചി​ത​മാ​യി വിളി​ച്ചി​രി​ക്കു​ന്നത്‌ എന്തു​കൊണ്ട്‌? (ബി) ആക്രമി​ക്ക​പ്പെ​ട്ട​പ്പോൾ യഹോ​ശാ​ഫാത്ത്‌ ഉചിത​മാ​യി പ്രതി​ക​രി​ച്ചത്‌ എങ്ങനെ?

² യോവേൽ 3:12-ൽ ഈ ന്യായ​വി​ധി നിർവ​ഹ​ണ​ത്തി​നുള്ള സ്ഥലത്തെ “യഹോ​ശാ​ഫാത്ത്‌ താഴ്‌വര” എന്നു വിളി​ച്ചി​രി​ക്കു​ന്നു. സമുചി​ത​മാ​യി, യഹൂദ​യു​ടെ ചരി​ത്ര​ത്തി​ലെ പ്രക്ഷു​ബ്ധ​മായ ഒരു കാലഘ​ട്ട​ത്തിൽ, “യഹോ​വ​യാണ്‌ ന്യായാ​ധി​പൻ” എന്ന്‌ അർഥമുള്ള പേരോ​ടു​കൂ​ടിയ യെഹോ​ശാ​ഫാത്ത്‌ എന്ന നല്ല രാജാ​വി​നു​വേണ്ടി യഹോവ അവിടെ ന്യായ​വി​ധി നടത്തി. അപ്പോൾ നടന്ന കാര്യ​ങ്ങ​ളെ​ക്കു​റി​ച്ചു പരിചി​ന്തി​ക്കു​ന്നത്‌ നമ്മുടെ കാലത്ത്‌ എന്താണു സംഭവി​ക്കാൻ പോകു​ന്ന​തെന്ന്‌ മെച്ചമാ​യി മനസ്സി​ലാ​ക്കാൻ നമ്മെ സഹായി​ക്കും. ആ ചരിത്രം 2 ദിനവൃ​ത്താ​ന്തം 20-ാം അധ്യാ​യ​ത്തിൽ കാണാം. “മോവാ​ബ്യ​രും അമ്മോ​ന്യ​രും അവരോ​ടു​കൂ​ടെ മെയൂ​ന്യ​രിൽ ചിലരും യെഹോ​ശാ​ഫാ​ത്തി​ന്റെ നേരെ യുദ്ധത്തി​ന്നു വന്നു”വെന്ന്‌ ആ അധ്യാ​യ​ത്തി​ന്റെ 1-ാം വാക്യ​ത്തിൽ നാം വായി​ക്കു​ന്നു. യെഹോ​ശാ​ഫാത്ത്‌ എങ്ങനെ​യാ​ണു പ്രതി​ക​രി​ച്ചത്‌? പ്രതി​സ​ന്ധി​ഘ​ട്ട​ത്തിൽ യഹോ​വ​യു​ടെ വിശ്വസ്‌ത ദാസർ എല്ലായ്‌പോ​ഴും ചെയ്യാ​റു​ള്ള​തു​തന്നെ അവനും ചെയ്‌തു. അവൻ മാർഗ​നിർദേ​ശ​ത്തി​നാ​യി യഹോ​വ​യി​ങ്ക​ലേക്കു തിരിഞ്ഞ്‌ ഉള്ളുരു​കി പ്രാർഥി​ച്ചു: “ഞങ്ങളുടെ ദൈവമേ, നീ അവരെ ന്യായം വിധി​ക്ക​യി​ല്ല​യോ? ഞങ്ങളുടെ നേരെ വരുന്ന ഈ വലിയ സമൂഹ​ത്തോ​ടെ​തിർപ്പാൻ ഞങ്ങൾക്കു ശക്തിയില്ല; എന്തു ചെയ്യേണ്ടു എന്നു അറിയു​ന്ന​തു​മില്ല; എങ്കിലും ഞങ്ങളുടെ കണ്ണുകൾ നിങ്ക​ലേക്കു തിരി​ഞ്ഞി​രി​ക്കു​ന്നു.”—2 ദിനവൃ​ത്താ​ന്തം 20:12.

യഹോവ പ്രാർഥ​ന​യ്‌ക്ക്‌ ഉത്തര​മേ​കു​ന്നു

3. അയൽ ജനതക​ളിൽനിന്ന്‌ ആക്രമ​ണ​മു​ണ്ടാ​യ​പ്പോൾ യഹോവ യഹൂദ​യ്‌ക്ക്‌ എന്തു നിർദേ​ശ​ങ്ങ​ളാ​ണു കൊടു​ത്തത്‌?

³ ‘യെഹൂ​ദ്യർ ഒക്കെയും അവരുടെ കുഞ്ഞു​ങ്ങ​ളോ​ടും ഭാര്യ​മാ​രോ​ടും മക്കളോ​ടും കൂടെ യഹോ​വ​യു​ടെ സന്നിധി​യിൽ നിൽക്കവേ’ യഹോവ ഉത്തര​മേകി. (2 ദിനവൃ​ത്താ​ന്തം 20:13) ഇന്ന്‌ അവൻ “വിശ്വ​സ്‌ത​നും വിവേ​കി​യു​മായ അടിമ”യെ ഉപയോ​ഗി​ക്കു​ന്ന​തു​പോ​ലെ, പ്രാർഥന കേൾക്കുന്ന ആ മഹാനു​ഭാ​വൻ സമ്മേളി​തർക്ക്‌ ഉത്തരം നൽകാൻ ലേവ്യ​പ്ര​വാ​ച​ക​നായ യഹസീ​യേ​ലി​നെ അധികാ​ര​പ്പെ​ടു​ത്തി. (മത്തായി 24:45) നാം ഇങ്ങനെ വായി​ക്കു​ന്നു: “യഹോവ ഇപ്രകാ​രം നിങ്ങ​ളോ​ടു അരുളി​ച്ചെ​യ്യു​ന്നു: ഈ വലിയ സമൂഹം നിമിത്തം ഭയപ്പെ​ട​രു​തു, ഭ്രമി​ക്ക​യും അരുതു; യുദ്ധം നിങ്ങളു​ടേതല്ല, ദൈവ​ത്തി​ന്റെ​ത​ത്രേ. . . . ഈ പടയിൽ പൊരു​തു​വാൻ നിങ്ങൾക്കു ആവശ്യം ഇല്ല; . . . നിങ്ങൾ സ്ഥിരമാ​യി നിന്നു യഹോവ നിങ്ങൾക്കു വരുത്തുന്ന രക്ഷ കണ്ടു​കൊൾവിൻ; ഭയപ്പെ​ട​രു​തു, ഭ്രമി​ക്ക​യും അരുതു; നാളെ അവരുടെ നേരെ ചെല്ലു​വിൻ; യഹോവ നിങ്ങ​ളോ​ടു​കൂ​ടെ ഉണ്ടു.”—2 ദിനവൃ​ത്താ​ന്തം 20:15-17.

4. ശത്രു​വി​ന്റെ വെല്ലു​വി​ളി നേരി​ട്ട​പ്പോൾ തന്റെ ജനം കയ്യും​കെ​ട്ടി​യി​രി​ക്കാ​നല്ല, മറിച്ച്‌ ഏതു വിധത്തിൽ കർമനി​ര​ത​രാ​യി​രി​ക്കാൻ യഹോവ ആവശ്യ​പ്പെട്ടു?

⁴ അത്ഭുത​ക​ര​മായ വിടുതൽ പ്രതീ​ക്ഷിച്ച്‌ യെഹോ​ശാ​ഫാത്ത്‌ രാജാ​വും അവന്റെ ജനവും വെറു​തെ​യി​രി​ക്കാ​നല്ല യഹോവ ആവശ്യ​പ്പെ​ട്ടത്‌. ശത്രു​വി​ന്റെ വെല്ലു​വി​ളി നേരി​ടു​ന്ന​തി​നാ​യി അവർ മുൻകൈ എടുക്ക​ണ​മാ​യി​രു​ന്നു. രാജാ​വും ‘യെഹൂ​ദ്യർ ഒക്കെയും അവരുടെ കുഞ്ഞു​ങ്ങ​ളും ഭാര്യ​മാ​രും മക്കളും’ അനുസ​ര​ണ​യോ​ടെ അതിരാ​വി​ലെ എഴു​ന്നേറ്റ്‌ ശത്രു​സൈ​ന്യ​ത്തെ നേരി​ടാൻ പുറ​പ്പെ​ട്ടു​കൊണ്ട്‌ തങ്ങളുടെ ശക്തമായ വിശ്വാ​സം പ്രകട​മാ​ക്കി. “നിങ്ങളു​ടെ ദൈവ​മായ യഹോ​വ​യിൽ വിശ്വ​സി​പ്പിൻ; എന്നാൽ നിങ്ങൾ ഉറെച്ചു​നി​ല്‌ക്കും; അവന്റെ പ്രവാ​ച​ക​ന്മാ​രേ​യും വിശ്വ​സി​പ്പിൻ; എന്നാൽ നിങ്ങൾ കൃതാർത്ഥ​രാ​കും” എന്നു പറഞ്ഞു​കൊണ്ട്‌ വഴിയിൽവെച്ച്‌ രാജാവ്‌ ദിവ്യാ​ധി​പത്യ നിർദേ​ശ​ങ്ങ​ളും പ്രോ​ത്സാ​ഹ​ന​വും കൊടു​ത്തു​കൊ​ണ്ടി​രു​ന്നു. (2 ദിനവൃ​ത്താ​ന്തം 20:20) യഹോ​വ​യി​ലുള്ള വിശ്വാ​സം! അവന്റെ പ്രവാ​ച​ക​ന്മാ​രി​ലുള്ള വിശ്വാ​സം! അതായി​രു​ന്നു വിജയ​ത്തി​ന്റെ അടിസ്ഥാ​നം. അതു​പോ​ലെ നാം ഇന്ന്‌ യഹോ​വ​യു​ടെ സേവന​ത്തിൽ ഊർജ​സ്വ​ല​രാ​യി തുടരവേ, അവൻ നമ്മുടെ വിശ്വാ​സത്തെ വിജയ​ശ്രീ​ലാ​ളി​ത​മാ​ക്കു​മോ​യെന്ന്‌ നമു​ക്കൊ​രി​ക്ക​ലും സംശയി​ക്കാ​തി​രി​ക്കാം!

5. യഹോ​വ​യു​ടെ സാക്ഷികൾ അവനെ സ്‌തു​തി​ക്കവേ ഇന്ന്‌ എങ്ങനെ പ്രവർത്ത​ന​നി​ര​ത​രാ​യി​രി​ക്കു​ന്നു?

⁵ യെഹോ​ശാ​ഫാ​ത്തി​ന്റെ നാളിലെ യഹൂദ​രെ​പ്പോ​ലെ, നാം ‘യഹോ​വയെ സ്‌തു​തി​ക്കണം, അവന്റെ ദയ എന്നേക്കും ഉള്ളതാണ്‌.’ നാം എങ്ങനെ​യാണ്‌ ഈ സ്‌തുതി അർപ്പി​ക്കു​ന്നത്‌? തീക്ഷ്‌ണ​ത​യുള്ള രാജ്യ​പ്ര​സം​ഗ​ത്താൽ! ആ യഹൂദ്യർ “പാടി സ്‌തു​തി​ച്ചു തുടങ്ങി”യതു​പോ​ലെ നാം നമ്മുടെ വിശ്വാ​സ​ത്തി​നു ചേർച്ച​യിൽ പ്രവർത്തി​ക്കു​ന്നു. (2 ദിനവൃ​ത്താ​ന്തം 20:21, 22) അതേ, യഹോവ നമ്മുടെ ശത്രു​ക്കൾക്കെ​തി​രാ​യി നടപടി കൈ​ക്കൊ​ള്ളാൻ തയ്യാ​റെ​ടു​ക്കവേ സമാന​മായ ഉത്‌കൃഷ്ട വിശ്വാ​സം നമുക്കും പ്രകട​മാ​ക്കാം! പാത നീണ്ടു​നീണ്ട്‌ പോകു​ന്ന​പോ​ലെ തോന്നി​യാ​ലും, ഇന്നു ഭൂമി​യി​ലെ പ്രക്ഷു​ബ്ധ​മായ സ്ഥലങ്ങളി​ലെ അവന്റെ ജയശാ​ലി​ക​ളെ​പ്പോ​ലെ സഹിച്ചു​നിൽക്കാ​നും വിശ്വാ​സ​ത്തിൽ ഊർജ​സ്വ​ല​രാ​യി​രി​ക്കാ​നും നമുക്കു ദൃഢനി​ശ്ച​യ​മു​ള്ള​വ​രാ​യി​രി​ക്കാം. യഹോ​വ​യു​ടെ സാക്ഷി​ക​ളു​ടെ വാർഷി​ക​പു​സ്‌തകം 1998 റിപ്പോർട്ടു ചെയ്യു​ന്ന​തു​പോ​ലെ, കഠിന​മായ പീഡന​ങ്ങ​ളും അക്രമ​ങ്ങ​ളും ക്ഷാമവും മോശ​മായ സാമ്പത്തി​കാ​വ​സ്ഥ​ക​ളു​മുള്ള ചില ദേശങ്ങ​ളിൽ ദൈവ​ത്തി​ന്റെ വിശ്വസ്‌ത ദാസർ ശ്രദ്ധേ​യ​മായ ഫലങ്ങൾ കൈവ​രി​ക്കു​ന്നു.

യഹോവ തന്റെ ജനത്തെ രക്ഷിക്കു​ന്നു

6. ഇന്ന്‌ വിശ്വ​സ്‌ത​രാ​യി​രി​ക്കാൻ ശക്തമായ വിശ്വാ​സം നമ്മെ സഹായി​ക്കു​ന്ന​തെ​ങ്ങനെ?

⁶ യഹൂദ​യ്‌ക്കു ചുറ്റു​മുള്ള ഭക്തികെട്ട ജാതികൾ യഹോ​വ​യു​ടെ ദാസന്മാ​രെ വളയാൻ ശ്രമി​ച്ചെ​ങ്കി​ലും അവന്‌ സ്‌തു​തി​കൾ ആലപി​ച്ചു​കൊണ്ട്‌ അവർ മാതൃ​കാ​യോ​ഗ്യ​മായ വിശ്വാ​സ​ത്തോ​ടെ പ്രതി​ക​രി​ക്കു​ക​യാ​ണു​ണ്ടാ​യത്‌. ഇന്ന്‌ നമുക്കും അതേ വിശ്വാ​സം പ്രകടി​പ്പി​ക്കാ​നാ​കും. സാത്താന്റെ കുടില തന്ത്രങ്ങൾക്കു തുളച്ചു​ക​ട​ക്കാൻ ഇടം​കൊ​ടു​ക്കാ​തെ, ജീവി​ത​ത്തിൽ യഹോ​വ​യ്‌ക്കു സ്‌തുതി കരേറ്റുന്ന പ്രവൃ​ത്തി​ക​ളിൽ മുഴു​കി​ക്കൊണ്ട്‌ നാം നമ്മുടെ ആത്മീയ പടച്ചട്ട ബലപ്പെ​ടു​ത്തു​ന്നു. (എഫെസ്യർ 6:11) നമുക്കു ചുറ്റു​മുള്ള, മരിച്ചു​കൊ​ണ്ടി​രി​ക്കുന്ന ഈ ലോക​ത്തി​ന്റെ മുഖമു​ദ്ര​യായ അധമമായ വിനോ​ദം, ഭൗതി​ക​ത്വ​ചി​ന്താ​ഗതി, ഉദാസീ​നത എന്നിവ​യാൽ ശ്രദ്ധ പതറി​പ്പോ​കു​ന്ന​തി​നുള്ള പ്രലോ​ഭ​നത്തെ ശക്തമായ വിശ്വാ​സം ചെറു​ത്തു​നിൽക്കും. “തക്കസമ​യത്ത്‌” പ്രദാനം ചെയ്യ​പ്പെ​ടുന്ന ആത്മീയ ഭക്ഷണത്താൽ നിരന്തരം പോഷി​ത​രാ​കവേ, “വിശ്വ​സ്‌ത​നും വിവേ​കി​യു​മായ അടിമ”യോ​ടൊ​പ്പം വിശ്വ​സ്‌ത​ത​യോ​ടെ സേവി​ക്കു​ന്ന​തിൽ തുടരാൻ ഈ അജയ്യ വിശ്വാ​സം നമ്മെ പ്രാപ്‌ത​രാ​ക്കും.—മത്തായി 24:45, NW.

7. തങ്ങൾക്കെ​തി​രെ​യുള്ള നാനാ​വിധ ആക്രമ​ണ​ങ്ങ​ളോട്‌ യഹോ​വ​യു​ടെ സാക്ഷികൾ എങ്ങനെ പ്രതി​ക​രി​ച്ചി​രി​ക്കു​ന്നു?

⁷ മത്തായി 24:48-51-ലെ ‘ദുഷ്ടദാസ’ന്റെ മനോ​ഭാ​വ​മു​ള്ളവർ ഇളക്കി​വി​ടുന്ന വിദ്വേ​ഷ​പൂ​രിത പ്രചര​ണ​ങ്ങൾക്കെ​തി​രെ ഉറച്ചു​നി​ല​കൊ​ള്ളു​ന്ന​തിന്‌ ബൈബി​ള​ധി​ഷ്‌ഠിത വിശ്വാ​സം നമ്മെ ശക്തരാ​ക്കും. ഈ പ്രവച​ന​ത്തി​ന്റെ ശ്രദ്ധേ​യ​മായ നിവൃ​ത്തി​യെ​ന്നോ​ണം വിശ്വാ​സ​ത്യാ​ഗി​കൾ ഇന്ന്‌ അനേകം രാജ്യ​ങ്ങ​ളിൽ സജീവ​മാ​യി നുണ​പ്ര​ച​രണം നടത്തു​ക​യും രാഷ്‌ട്ര​ങ്ങ​ളി​ലെ അധികാ​ര​സ്ഥാ​ന​ങ്ങ​ളി​ലുള്ള ചിലരു​മാ​യി ഒത്തുകളി നടത്തു​ക​യും ചെയ്യുന്നു. ഉചിത​മാ​യി​രി​ക്കു​ന്നി​ടത്ത്‌, ഫിലി​പ്പി​യർ 1:7-ൽ (NW) വർണി​ച്ചി​രി​ക്കു​ന്ന​തു​പോ​ലെ ‘സുവാർത്ത​യ്‌ക്കു​വേണ്ടി പ്രതി​വാ​ദം നടത്തു​ക​യും അതു നിയമ​പ​ര​മാ​യി സ്ഥാപി​ക്കു​ക​യും ചെയ്‌തു​കൊണ്ട്‌’ യഹോ​വ​യു​ടെ സാക്ഷികൾ പ്രതി​ക​രി​ച്ചി​ട്ടുണ്ട്‌. ഉദാഹ​ര​ണ​ത്തിന്‌, 1996 സെപ്‌റ്റം​ബർ 26-ാം തീയതി ഗ്രീസിൽനി​ന്നുള്ള ഒരു കേസിൽ, സ്‌ട്രാ​സ്‌ബർഗി​ലുള്ള യൂറോ​പ്യൻ മനുഷ്യാ​വ​കാശ കോട​തി​യി​ലെ ഒമ്പതു ജഡ്‌ജി​മാർ ഐകക​ണ്‌ഠ്യേന ഇങ്ങനെ പ്രഖ്യാ​പി​ച്ചു: “യഹോ​വ​യു​ടെ സാക്ഷികൾ ‘അറിയ​പ്പെ​ടുന്ന മത’ത്തിന്റെ നിർവ​ച​ന​ത്തി​നു​ള്ളിൽ വരുന്നുണ്ട്‌.” തന്നിമി​ത്തം, അവർക്കു ചിന്താ​സ്വാ​ത​ന്ത്ര്യ​വും മനസ്സാ​ക്ഷി​സ്വാ​ത​ന്ത്ര്യ​വും വിശ്വാ​സ​സ്വാ​ത​ന്ത്ര്യ​വും തങ്ങളുടെ വിശ്വാ​സം പ്രചരി​പ്പി​ക്കു​ന്ന​തി​നുള്ള അവകാ​ശ​വു​മുണ്ട്‌. വിശ്വാ​സ​ത്യാ​ഗി​ക​ളെ​ക്കു​റി​ച്ചു ദൈവ​ത്തി​ന്റെ ന്യായ​വി​ധി ഇങ്ങനെ പ്രഖ്യാ​പി​ക്കു​ന്നു: “സ്വന്ത ഛർദ്ദിക്കു തിരിഞ്ഞ നായെ​ന്നും കുളി​ച്ചി​ട്ടു ചളിയിൽ ഉരുളു​വാൻ തിരിഞ്ഞ പന്നി​യെ​ന്നും ഉള്ള സത്യമായ പഴഞ്ചൊ​ല്ലു​പോ​ലെ അവർക്കു സംഭവി​ച്ചു.”—2 പത്രൊസ്‌ 2:22.

8. യെഹോ​ശാ​ഫാ​ത്തി​ന്റെ നാളിൽ തന്റെ ജനത്തിന്റെ ശത്രു​ക്കൾക്കെ​തി​രെ യഹോവ എപ്രകാ​രം ന്യായ​വി​ധി നടത്തി?

⁸ യെഹോ​ശാ​ഫാ​ത്തി​ന്റെ നാളിൽ തന്റെ ജനത്തെ ദ്രോ​ഹി​ക്കാൻ ആഗ്രഹി​ച്ച​വർക്കെ​തി​രെ യഹോവ ന്യായ​വി​ധി നടപ്പാക്കി. അതേക്കു​റി​ച്ചു നാം വായി​ക്കു​ന്നു: “യഹോവ യെഹൂ​ദെക്കു വിരോ​ധ​മാ​യി വന്ന അമ്മോ​ന്യ​രു​ടെ​യും മോവാ​ബ്യ​രു​ടെ​യും സേയീർപർവ്വ​ത​ക്കാ​രു​ടെ​യും നേരെ പതിയി​രി​പ്പു​കാ​രെ വരുത്തി; അങ്ങനെ അവർ തോറ്റു​പോ​യി. അമ്മോ​ന്യ​രും മോവാ​ബ്യ​രും സേയീർപർവ്വ​ത​നി​വാ​സി​ക​ളോ​ടു എതിർത്തു അവരെ നിർമ്മൂ​ല​മാ​ക്കി നശിപ്പി​ച്ചു; സേയീർനി​വാ​സി​കളെ സംഹരി​ച്ച​ശേഷം അവർ അന്യോ​ന്യം നശിപ്പി​ച്ചു.” (2 ദിനവൃ​ത്താ​ന്തം 20:22, 23) യഹൂദ്യർ ആ പ്രദേ​ശ​ത്തി​നു ബെരാ​ഖാ​താ​ഴ്‌വര എന്നു പേരിട്ടു. ബെരാ​ഖാ​യു​ടെ അർഥം “അനു​ഗ്രഹം” എന്നാണ്‌. ആധുനിക നാളി​ലും, യഹോവ തന്റെ ശത്രു​ക്ക​ളു​ടെ​മേൽ ന്യായ​വി​ധി നടത്തു​ന്നത്‌ അവന്റെ സ്വന്തം ജനത്തിന്‌ അനു​ഗ്ര​ഹ​ങ്ങ​ളിൽ കലാശി​ക്കും.

9, 10. യഹോ​വ​യു​ടെ പ്രതി​കൂല ന്യായ​വി​ധിക്ക്‌ അർഹരാ​ണെന്ന്‌ സ്വയം പ്രകട​മാ​ക്കി​യി​രി​ക്കു​ന്ന​താർ?

⁹ ആർക്കാണ്‌ ആധുനി​ക​നാ​ളിൽ യഹോ​വ​യിൽനി​ന്നുള്ള പ്രതി​കൂല ന്യായ​വി​ധി ഉണ്ടാകുക എന്നു നാം ചോദി​ച്ചേ​ക്കാം. ഉത്തരത്തി​നാ​യി നാം വീണ്ടും യോവേൽ 3-ാം അധ്യാ​യ​ത്തി​ലേക്കു പോ​കേ​ണ്ടി​യി​രി​ക്കു​ന്നു. യോവേൽ 3:3 തന്റെ ജനത്തിന്റെ ശത്രു​ക്ക​ളെ​ക്കു​റിച്ച്‌, “ഒരു ബാലനെ ഒരു വേശ്യക്കു വേണ്ടി കൊടു​ക്ക​യും ഒരു ബാലയെ വിറ്റു വീഞ്ഞു​കു​ടി​ക്ക​യും” ചെയ്യു​ന്ന​വ​രെ​ക്കു​റി​ച്ചു പറയുന്നു. അതേ, അവർ ദൈവ​ദാ​സ​ന്മാ​രെ തങ്ങളെ​ക്കാൾ തീരെ താണവ​രാ​യി വീക്ഷി​ക്കു​ന്നു, അവരുടെ കുട്ടി​ക​ളു​ടെ മൂല്യം ഒരു വേശ്യക്കു കൊടു​ക്കുന്ന കൂലി​യെ​ക്കാൾ അല്ലെങ്കിൽ ഒരു പാത്രം വീഞ്ഞിന്റെ വില​യെ​ക്കാ​ള​ധി​കം കണക്കാ​ക്കു​ന്നില്ല. അതിന്‌ അവർ ഉത്തരം പറയേ​ണ്ടി​വ​രും.

¹⁰ സമാന​മാ​യി ന്യായ​വി​ധിക്ക്‌ അർഹരാണ്‌ ആത്മീയ വ്യഭി​ചാ​രം ചെയ്യു​ന്ന​വ​രും. (വെളി​പ്പാ​ടു 17:3-6) സമീപ കാലങ്ങ​ളിൽ പൂർവ​യൂ​റോ​പ്പിൽ ജനക്കൂ​ട്ടത്തെ ഇളക്കി​വി​ടുന്ന ചില മതനേ​താ​ക്ക​ന്മാ​രെ​പ്പോ​ലെ, യഹോ​വ​യു​ടെ സാക്ഷി​കളെ പീഡി​പ്പി​ക്കാ​നും അവരുടെ പ്രവർത്ത​ന​ത്തി​നു വിഘ്‌നം സൃഷ്ടി​ക്കാ​നും രാഷ്‌ട്രീയ ശക്തികളെ പ്രേരി​പ്പി​ക്കു​ന്നവർ പ്രത്യേ​കി​ച്ചും കുറ്റക്കാ​രാണ്‌. അത്തരം ദുഷ്ടത പ്രവർത്തി​ക്കു​ന്ന​വർക്കെ​തി​രെ നടപടി​യെ​ടു​ക്കാ​നുള്ള ദൃഢനി​ശ്ചയം യഹോവ പ്രകട​മാ​ക്കു​ന്നു.—യോവേൽ 3:4-8.

‘വിശു​ദ്ധ​യു​ദ്ധ​ത്തിന്‌ ഒരുങ്ങു​വിൻ’

11. യുദ്ധത്തി​നാ​യി യഹോവ തന്റെ ശത്രു​ക്കളെ വെല്ലു​വി​ളി​ക്കു​ന്ന​തെ​ങ്ങനെ?

¹¹ അടുത്ത​താ​യി, ജനതക​ളു​ടെ ഇടയിൽ ഒരു വെല്ലു​വി​ളി ഘോഷി​ക്കാൻ യഹോവ തന്റെ ജനത്തെ ആഹ്വാനം ചെയ്യുന്നു: “വിശു​ദ്ധ​യു​ദ്ധ​ത്തി​ന്നു ഒരുങ്ങി​ക്കൊൾവിൻ! വീരന്മാ​രെ ഉദ്യോ​ഗി​പ്പി​പ്പിൻ! സകല യോദ്ധാ​ക്ക​ളും അടുത്തു​വന്നു പുറ​പ്പെ​ടട്ടെ.” (യോവേൽ 3:9) ഒരു അസാധാ​രണ യുദ്ധത്തി​ന്റെ—നീതി​നി​ഷ്‌ഠ​മായ യുദ്ധത്തി​ന്റെ—പ്രഖ്യാ​പ​ന​മാ​ണിത്‌. സത്യത്താൽ വ്യാജത്തെ നേരി​ട്ടു​കൊണ്ട്‌ യഹോ​വ​യു​ടെ വിശ്വസ്‌ത സാക്ഷികൾ നുണ​പ്ര​ച​ര​ണ​ങ്ങ​ളോ​ടു പ്രതി​ക​രി​ക്കവേ അവർ ആത്മീയ ആയുധ​ങ്ങ​ളിൽ ആശ്രയി​ക്കു​ന്നു. (2 കൊരി​ന്ത്യർ 10:4; എഫെസ്യർ 6:17) ദൈവം പെട്ടെ​ന്നു​തന്നെ “സർവ്വശ​ക്ത​നായ ദൈവ​ത്തി​ന്റെ മഹാദി​വ​സ​ത്തി​ലെ യുദ്ധ”ത്തെ വിശു​ദ്ധീ​ക​രി​ക്കും. ദൈവ​ത്തി​ന്റെ പരമാ​ധി​കാ​രത്തെ എതിർക്കുന്ന സകല​രെ​യും അതു ഭൂമി​യിൽനി​ന്നു നീക്കി​ക്ക​ള​യും. ഭൂമി​യി​ലെ അവന്റെ ജനതയ്‌ക്ക്‌ അതിൽ ശാരീ​രി​ക​മായ പങ്കുണ്ടാ​യി​രി​ക്കു​ക​യില്ല. അക്ഷരാർഥ​ത്തി​ലും ആലങ്കാ​രി​കാർഥ​ത്തി​ലും അവർ “തങ്ങളുടെ വാളു​കളെ കൊഴു​ക്ക​ളാ​യും കുന്തങ്ങളെ വാക്കത്തി​ക​ളാ​യും അടിച്ചു​തീർ”ത്തിരി​ക്കു​ന്നു. (യെശയ്യാ​വു 2:4) അതേസ​മയം, നേർവി​പ​രീ​തം പ്രവർത്തി​ക്കാൻ യഹോവ എതിർപ​ക്ഷത്തെ ജനതകളെ വെല്ലു​വി​ളി​ക്കു​ന്നു: “നിങ്ങളു​ടെ കൊഴു​ക്കളെ വാളു​ക​ളാ​യും വാക്കത്തി​കളെ കുന്തങ്ങ​ളാ​യും അടിപ്പിൻ!” (യോവേൽ 3:10) തങ്ങളുടെ സകല ആയുധ​ശേ​ഖ​ര​ങ്ങ​ളു​മു​പ​യോ​ഗിച്ച്‌ ഏറ്റുമു​ട്ടാൻ അവൻ അവരെ ക്ഷണിക്കു​ക​യാണ്‌. എന്നാൽ അവർക്കു വിജയി​ക്കാ​നാ​വില്ല. എന്തെന്നാൽ യുദ്ധവും യുദ്ധവി​ജ​യ​വും യഹോ​വ​യ്‌ക്കു​ള്ള​താണ്‌!

12, 13. (എ) ശീതസ​മരം അവസാ​നി​ച്ചി​ട്ടും തങ്ങൾ യുദ്ധസ​ന്ന​ദ്ധ​രാ​ണെന്നു പല രാഷ്‌ട്ര​ങ്ങ​ളും പ്രകട​മാ​ക്കി​യി​രി​ക്കു​ന്നത്‌ എങ്ങനെ? (ബി) രാഷ്‌ട്രങ്ങൾ എന്തിനാ​യി ഒരുങ്ങി​യി​ട്ടില്ല?

¹² 1990-കളുടെ ആരംഭ​ത്തിൽ, ശീതസ​മരം അവസാ​നി​ച്ചു​വെന്നു രാഷ്‌ട്രങ്ങൾ പ്രഖ്യാ​പി​ച്ചു. അതിന്റെ കാഴ്‌ച​പ്പാ​ടിൽ, സമാധാ​ന​വും സുരക്ഷി​ത​ത്വ​വും കൈവ​രി​ക്കു​ക​യെന്ന ഐക്യ​രാ​ഷ്‌ട്ര​ങ്ങ​ളു​ടെ പ്രാഥ​മിക ലക്ഷ്യം സഫലമാ​യോ? അശേഷ​മില്ല! ഇറാക്ക്‌, കോം​ഗോ ജനാധി​പത്യ റിപ്പബ്ലിക്ക്‌, ബുറുണ്ടി, മുൻ യൂഗോ​സ്ലാ​വിയ, ലൈബീ​രിയ, സൊമാ​ലിയ, റുവാണ്ട എന്നിവി​ട​ങ്ങ​ളിൽ ഈയി​ടെ​യു​ണ്ടായ സംഭവങ്ങൾ നമ്മോട്‌ എന്താണ്‌ പറയു​ന്നത്‌? യിരെ​മ്യാ​വു 6:14-ലെ വാക്കു​ക​ളിൽ, “സമാധാ​നം ഇല്ലാതി​രി​ക്കെ, സമാധാ​നം സമാധാ​നം” എന്ന്‌ അവർ പറയുന്നു.

¹³ സമഗ്ര​യു​ദ്ധങ്ങൾ ചിലയി​ട​ങ്ങ​ളി​ലൊ​ക്കെ നിലച്ചി​ട്ടു​ണ്ടെ​ങ്കി​ലും, സങ്കീർണ യുദ്ധാ​യു​ധങ്ങൾ നിർമി​ക്കു​ന്ന​തിൽ യുഎൻ അംഗരാ​ഷ്‌ട്രങ്ങൾ ഇപ്പോ​ഴും പരസ്‌പരം മത്സരി​ക്കു​ക​യാണ്‌. ചില രാജ്യങ്ങൾ ഇപ്പോ​ഴും അണ്വാ​യു​ധ​ശേ​ഖരം സൂക്ഷി​ക്കു​ന്നു. മറ്റു ചില രാഷ്‌ട്രങ്ങൾ കൂട്ട നാശത്തി​നുള്ള രാസാ​യു​ധ​ങ്ങ​ളോ ബാക്ടീ​രി​യ​കളെ ഉപയോ​ഗ​പ്പെ​ടു​ത്തി​യുള്ള ആയുധ​ങ്ങ​ളോ വികസി​പ്പി​ക്കു​ന്നു. ഈ രാഷ്‌ട്ര​ങ്ങ​ളെ​ല്ലാം അർമ​ഗെ​ദോൻ എന്നു വിളി​ക്ക​പ്പെ​ടുന്ന പ്രതീ​കാ​ത്മക സ്ഥലത്ത്‌ കൂടി​വ​രവേ, യഹോവ അവരെ വെല്ലു​വി​ളി​ക്കു​ന്നു: “ദുർബ്ബലൻ തന്നെത്താൻ വീരനാ​യി മതിക്കട്ടെ. ചുറ്റു​മുള്ള സകലജാ​തി​ക​ളു​മാ​യു​ള്ളോ​രേ, ബദ്ധപ്പെട്ടു വന്നുകൂ​ടു​വിൻ!” അപ്പോൾ യോവേൽ ഇടയ്‌ക്കു കയറി തന്റെ അഭ്യർഥന നടത്തുന്നു: “യഹോവേ, അവി​ടേക്കു നിന്റെ വീരന്മാ​രെ ഇറങ്ങു​മാ​റാ​ക്കേ​ണമേ.” (ചെരി​ച്ചെ​ഴു​ത്തു ഞങ്ങളു​ടേത്‌.)—യോവേൽ 3:10, 11.

യഹോവ സ്വന്തജ​നത്തെ സംരക്ഷി​ക്കു​ന്നു

14. ആരാണ്‌ യഹോ​വ​യു​ടെ വീരന്മാർ?

¹⁴ ആരാണു യഹോ​വ​യു​ടെ വീരന്മാർ? ബൈബി​ളിൽ ഏതാണ്ട്‌ 280 പ്രാവ​ശ്യം സത്യ​ദൈ​വത്തെ “സൈന്യ​ങ്ങ​ളു​ടെ യഹോവ” എന്നു വിളി​ച്ചി​രി​ക്കു​ന്നു. (2 രാജാ​ക്ക​ന്മാർ 3:14) ഈ സൈന്യ​ങ്ങൾ യഹോ​വ​യു​ടെ കൽപ്പന​യ​നു​സ​രി​ക്കാൻ സജ്ജരായി നിൽക്കുന്ന സ്വർഗീയ ദൂതവൃ​ന്ദ​മാണ്‌. അരാമ്യർക്ക്‌ എലീശയെ പിടി​ക്കാൻ കഴിയാ​ത്ത​തി​ന്റെ കാരണം എന്തെന്നു മനസ്സി​ലാ​ക്കാൻ യഹോവ ഒടുവിൽ എലീശ​യു​ടെ സേവകന്റെ കണ്ണു തുറന്നു: “എലീശ​യു​ടെ ചുറ്റും അഗ്നിമ​യ​മായ കുതി​ര​ക​ളും രഥങ്ങളും​കൊ​ണ്ടു മല നിറഞ്ഞി​രി​ക്കു​ന്നതു അവൻ കണ്ടു.” (2 രാജാ​ക്ക​ന്മാർ 6:17) “പന്ത്രണ്ടു ലെഗ്യോ​നി​ലും അധികം ദൂതൻമാ​രെ” പിതാ​വി​നോട്‌ ആവശ്യ​പ്പെ​ടാൻ തനിക്കാ​കു​മാ​യി​രു​ന്നെന്ന്‌ യേശു പറഞ്ഞു. (മത്തായി 26:53) അർമ​ഗെ​ദോ​നിൽ ന്യായ​വി​ധി നടപ്പാ​ക്കാൻ സവാരി ചെയ്യുന്ന യേശു​വി​നെ വർണി​ച്ചു​കൊണ്ട്‌, വെളി​പ്പാ​ടു പ്രസ്‌താ​വി​ക്കു​ന്നു: “സ്വർഗ്ഗ​ത്തി​ലെ സൈന്യം നിർമ്മ​ല​വും ശുഭ്ര​വു​മായ വിശേ​ഷ​വ​സ്‌ത്രം ധരിച്ചു വെള്ളക്കു​തി​ര​പ്പു​റത്തു കയറി അവനെ അനുഗ​മി​ച്ചു. ജാതി​കളെ വെട്ടു​വാൻ അവന്റെ വായിൽനി​ന്നു മൂർച്ച​യുള്ള വാൾ പുറ​പ്പെ​ടു​ന്നു; അവൻ ഇരിമ്പു​കോൽ കൊണ്ടു അവരെ മേയ്‌ക്കും; സർവ്വശ​ക്തി​യുള്ള ദൈവ​ത്തി​ന്റെ കോപ​വും ക്രോ​ധ​വു​മായ മദ്യത്തി​ന്റെ ചക്കു അവൻ മെതി​ക്കു​ന്നു.” (വെളി​പ്പാ​ടു 19:14, 15) ആ പ്രതീ​കാ​ത്മക മുന്തി​രി​ച്ച​ക്കി​നെ വ്യക്തമായ വാക്കു​ക​ളിൽ “ദൈവ​കോ​പ​ത്തി​ന്റെ വലിയ ചക്ക്‌” എന്ന്‌ വർണി​ച്ചി​രി​ക്കു​ന്നു.—വെളി​പ്പാ​ടു 14:17-20.

15. രാഷ്‌ട്ര​ങ്ങൾക്കെ​തി​രെ​യുള്ള യഹോ​വ​യു​ടെ യുദ്ധത്തെ യോവേൽ വർണി​ക്കു​ന്ന​തെ​ങ്ങനെ?

¹⁵ അപ്പോൾ, ദൈവ​ത്തി​ന്റെ സ്വന്തം വീരന്മാ​രെ ഇറക്കാ​നുള്ള യോ​വേ​ലി​ന്റെ അപേക്ഷ​യ്‌ക്കു യഹോവ ഉത്തരം നൽകു​ന്ന​തെ​ങ്ങ​നെ​യാണ്‌? അത്‌ ഈ വാക്കു​ക​ളിൽ വ്യക്തമാ​യി വിവരി​ച്ചി​രി​ക്കു​ന്നു: “ജാതികൾ ഉണർന്നു യഹോ​ശാ​ഫാത്ത്‌ താഴ്‌വ​ര​യി​ലേക്കു പുറ​പ്പെ​ടട്ടെ. അവിടെ ഞാൻ ചുറ്റു​മുള്ള സകലജാ​തി​ക​ളെ​യും ന്യായം വിധി​ക്കേ​ണ്ട​തി​ന്നു ഇരിക്കും. അരിവാൾ ഇടുവിൻ; കൊയ്‌ത്തി​ന്നു വിളഞ്ഞി​രി​ക്കു​ന്നു; വന്നു ചവിട്ടു​വിൻ; ചക്കു നിറഞ്ഞി​രി​ക്കു​ന്നു; തൊട്ടി​കൾ കവിഞ്ഞി​രി​ക്കു​ന്നു; അവരുടെ ദുഷ്ടത വലുത​ല്ലോ. വിധി​യു​ടെ താഴ്‌വ​ര​യിൽ അസംഖ്യ​സ​മൂ​ഹ​ങ്ങളെ കാണുന്നു; വിധി​യു​ടെ താഴ്‌വ​ര​യിൽ യഹോ​വ​യു​ടെ ദിവസം അടുത്തി​രി​ക്കു​ന്നു. സൂര്യ​നും ചന്ദ്രനും ഇരുണ്ടു​പോ​കും; നക്ഷത്രങ്ങൾ പ്രകാശം നല്‌കു​ക​യു​മില്ല. യഹോവ സീയോ​നിൽനി​ന്നു ഗർജ്ജിച്ചു, യെരൂ​ശ​ലേ​മിൽനി​ന്നു തന്റെ നാദം കേൾപ്പി​ക്കും; ആകാശ​വും ഭൂമി​യും കുലു​ങ്ങി​പ്പോ​കും.”—യോവേൽ 3:12-16.

16. യഹോ​വ​യു​ടെ പ്രതി​കൂല ന്യായ​വി​ധിക്ക്‌ ഇരയാ​കു​ന്ന​വ​രിൽ ആരുൾപ്പെ​ടും?

¹⁶ യെഹോ​ശാ​ഫാത്ത്‌ എന്നതിന്‌ “യഹോ​വ​യാണ്‌ ന്യായാ​ധി​പൻ” എന്ന്‌ ഉറപ്പാ​യും അർഥമു​ള്ള​തു​പോ​ലെ, നമ്മുടെ ദൈവ​മായ യഹോവ ഉറപ്പാ​യും ന്യായ​വി​ധി നിർവ​ഹിച്ച്‌ തന്റെ പരമാ​ധി​കാ​രം സംസ്ഥാ​പി​ക്കും. പ്രതി​കൂല ന്യായ​വി​ധി ലഭിക്കു​ന്ന​വരെ ‘വിധി​യു​ടെ താഴ്‌വ​ര​യി​ലെ അസംഖ്യ​സ​മൂ​ഹങ്ങ’ളായി പ്രവചനം വർണി​ക്കു​ന്നു. വ്യാജ​മ​ത​ത്തി​ന്റെ ശേഷി​ക്കുന്ന ഏതൊരു വക്താക്ക​ളും ആ സമൂഹ​ത്തിൽ ഉണ്ടായി​രി​ക്കും. ‘ഭയത്തോ​ടെ യഹോ​വയെ സേവി​ക്കുന്ന’തിനെ​ക്കാൾ ഈ ലോക​ത്തി​ലെ ദുഷിച്ച വ്യവസ്ഥി​തി​യെ ഇഷ്ടപ്പെട്ട ജാതി​ക​ളും വംശങ്ങ​ളും ഭൂമി​യി​ലെ രാജാ​ക്ക​ന്മാ​രും അധിപ​തി​ക​ളും എന്നു രണ്ടാം സങ്കീർത്ത​ന​ത്തിൽ വർണി​ച്ചി​രി​ക്കു​ന്ന​വ​രും അതിലുൾപ്പെ​ടും. ഇവരെ​ല്ലാം ‘പുത്രനെ ചുംബി​ക്കാൻ’ വിസമ്മ​തി​ക്കു​ന്നു. (സങ്കീർത്തനം 2:1, 2, 11, 12) അവർ യേശു​വി​നെ യഹോ​വ​യു​ടെ സഹരാ​ജാ​വാ​യി അംഗീ​ക​രി​ക്കു​ന്നില്ല. കൂടാതെ, തേജസ്വി​യായ രാജാവ്‌ “കോലാ​ടുക”ളെന്നു വിധി​ക്കുന്ന സകലരും നാശത്തി​നാ​യി അടയാ​ള​മി​ട​പ്പെ​ടുന്ന സമൂഹ​ത്തിൽപ്പെ​ടും. (മത്തായി 25:33, 41) സ്വർഗീയ യെരൂ​ശ​ലേ​മിൽനി​ന്നു ഗർജി​ക്കു​ന്ന​തി​നുള്ള യഹോ​വ​യു​ടെ നിയമിത സമയത്ത്‌, അവന്റെ നിയമിത രാജാ​ധി​രാ​ജാവ്‌ ആ ന്യായ​വി​ധി നിർവ​ഹി​ക്കു​ന്ന​തി​നാ​യി പുറ​പ്പെ​ടും. ആകാശ​വും ഭൂമി​യും തീർച്ച​യാ​യും വിറയ്‌ക്കും! എന്നാൽ, “യഹോവ തന്റെ ജനത്തിന്നു ശരണവും യിസ്രാ​യേൽമ​ക്കൾക്കു ദുർഗ്ഗ​വും ആയിരി​ക്കും” എന്ന ഉറപ്പ്‌ നമുക്കു ലഭിച്ചി​രി​ക്കു​ന്നു.—യോവേൽ 3:16.

17, 18. മഹോ​പ​ദ്ര​വത്തെ അതിജീ​വി​ക്കു​ന്ന​വ​രാ​യി തിരി​ച്ച​റി​യി​ച്ചി​രി​ക്കു​ന്നത്‌ ആരെ, എങ്ങനെ​യുള്ള അവസ്ഥകൾ അവർ ആസ്വദി​ക്കും?

¹⁷ യേശു​വി​ന്റെ രക്തത്തിന്റെ വീണ്ടെ​ടു​പ്പു​വി​ല​യിൽ വിശ്വാ​സം പ്രകട​മാ​ക്കു​ന്നവർ ചേർന്ന “ഒരു മഹാപു​രു​ഷാര”മായി വെളി​പ്പാ​ടു 7:9-17 മഹോ​പ​ദ്ര​വത്തെ അതിജീ​വി​ക്കു​ന്ന​വരെ തിരി​ച്ച​റി​യി​ക്കു​ന്നു. യോ​വേൽപ്ര​വ​ച​ന​ത്തി​ലെ അസംഖ്യ​സ​മൂ​ഹ​ത്തി​നു പ്രതി​കൂല ന്യായ​വി​ധി ലഭിക്കു​മ്പോൾ, ഇവർക്കു യഹോ​വ​യു​ടെ ദിവസ​ത്തിൽ സംരക്ഷണം ലഭിക്കും. അതിജീ​വ​ക​രോ​ടു യോവേൽ പറയുന്നു: “ഞാൻ എന്റെ വിശു​ദ്ധ​പർവ്വ​ത​മായ സീയോ​നിൽ”—യഹോ​വ​യു​ടെ സ്വർഗീയ നിവാ​സ​സ്ഥാ​നത്ത്‌—“വസിക്കു​ന്ന​വ​നാ​യി നിങ്ങളു​ടെ ദൈവ​മായ യഹോവ എന്നു നിങ്ങൾ അറിയും.”—യോവേൽ 3:17എ.

¹⁸ പിന്നീട്‌, ദൈവ​ത്തി​ന്റെ സ്വർഗീയ രാജ്യ​ത്തി​ന്റെ ഭരണ​മേഖല “വിശു​ദ്ധ​മാ​യി​രി​ക്കും; അന്യജാ​തി​ക്കാർ ഇനി അതിൽക്കൂ​ടി കടക്കയു​മില്ല” എന്നു പ്രവചനം നമ്മെ അറിയി​ക്കു​ന്നു. (യോവേൽ 3:17ബി) സ്വർഗ​ത്തി​ലും ആ സ്വർഗീയ രാജ്യ​ത്തി​ന്റെ ഭൗമിക മണ്ഡലത്തി​ലും അപരി​ചി​ത​രാ​യി ആരുമു​ണ്ടാ​യി​രി​ക്കില്ല. കാരണം, എല്ലാവ​രും നിർമ​ലാ​രാ​ധ​ന​യിൽ ഏകീകൃ​ത​രാ​യി​രി​ക്കും.

19. യഹോ​വ​യു​ടെ ജനത്തിന്റെ ഇന്നത്തെ പറുദീ​സാ​സ​ന്തോ​ഷത്തെ യോവേൽ വർണി​ക്കു​ന്ന​തെ​ങ്ങനെ?

¹⁹ ഇക്കാല​ത്തു​പോ​ലും, ഭൂമി​യിൽ യഹോ​വ​യു​ടെ ജനത്തി​നി​ട​യിൽ സമാധാ​ന​സ​മൃ​ദ്ധി​യുണ്ട്‌. അവർ ഐക്യ​ത്തോ​ടെ 230-ലധികം ദേശങ്ങ​ളി​ലാ​യി 300-ലേറെ വ്യത്യസ്‌ത ഭാഷക​ളിൽ അവന്റെ ന്യായ​വി​ധി​കൾ ഘോഷി​ക്കു​ന്നു. അവരുടെ സമൃദ്ധി​യെ​ക്കു​റിച്ച്‌ യോവേൽ ഭംഗ്യ​ന്ത​രേണ വർണി​ക്കു​ന്നു: “അന്നാളിൽ പർവ്വതങ്ങൾ പുതു​വീ​ഞ്ഞു പൊഴി​ക്കും; കുന്നുകൾ പാൽ ഒഴുക്കും; യെഹൂ​ദ​യി​ലെ എല്ലാ​തോ​ടു​ക​ളും വെള്ളം ഒഴുക്കും.” (യോവേൽ 3:18) അതേ, യഹോവ ഭൂമി​യി​ലെ തന്റെ സ്‌തു​തി​പാ​ഠ​ക​രു​ടെ​മേൽ സന്തോ​ഷാ​നു​ഗ്ര​ഹ​ങ്ങ​ളും സമൃദ്ധി​യും ചൊരി​ഞ്ഞു​കൊ​ണ്ടി​രി​ക്കും. അതോ​ടൊ​പ്പം അവൻ അമൂല്യ സത്യത്തി​ന്റെ ഒഴുക്ക്‌ വർധി​ച്ചു​വ​രു​മാ​റാ​ക്കു​ക​യും ചെയ്യും. വിധി​യു​ടെ താഴ്‌വ​ര​യിൽ യഹോ​വ​യു​ടെ പരമാ​ധി​കാ​രം പൂർണ​മാ​യും സംസ്ഥാ​പി​ക്ക​പ്പെ​ടും. തന്റെ വീണ്ടെ​ടു​ക്ക​പ്പെട്ട ജനതയു​ടെ മധ്യേ അവൻ നിത്യ​മാ​യി വസിക്കവേ എങ്ങും സന്തുഷ്ടി കളിയാ​ടും.—വെളി​പ്പാ​ടു 21:3, 4.

നിങ്ങൾ ഓർമി​ക്കു​ന്നു​വോ?

◻ യെഹോ​ശാ​ഫാ​ത്തി​ന്റെ നാളിൽ യഹോവ തന്റെ ജനത്തെ രക്ഷിച്ച​തെ​ങ്ങനെ?

◻ ‘വിധി​യു​ടെ താഴ്‌വ​ര​യി​ലെ’ നാശത്തിന്‌ അർഹരാ​യി യഹോവ ന്യായം വിധി​ക്കു​ന്നത്‌ ആരെയാണ്‌?

◻ ആരാണ്‌ ദൈവ​ത്തി​ന്റെ വീരന്മാർ, അന്തിമ പോരാ​ട്ട​ത്തിൽ അവർ എന്തു പങ്കു വഹിക്കും?

◻ വിശ്വസ്‌ത ആരാധകർ ആസ്വദി​ക്കുന്ന സന്തോ​ഷങ്ങൾ എന്തൊക്കെ?

[21-ാം പേജിലെ ചിത്രം]

‘ഭയപ്പെ​ട​രുത്‌, യുദ്ധം നിങ്ങളു​ടേതല്ല, ദൈവ​ത്തി​ന്റെ​ത​ത്രേ’ എന്ന്‌ യഹൂദ​യോ​ടു പറയ​പ്പെ​ട്ടു

[23-ാം പേജിലെ ചിത്രം]

‘കൊഴു​ക്കളെ വാളു​ക​ളാ​യി അടിച്ചു​തീർക്കാൻ’ യഹോവ തന്റെ ശത്രു​ക്കളെ വെല്ലു​വി​ളി​ക്കു​ന്നു

[24-ാം പേജിലെ ചിത്രം]

മഹോപദ്രവത്തെ അതിജീ​വി​ക്കുന്ന ഒരു മഹാപു​രു​ഷാ​രത്തെ ബൈബിൾ തിരി​ച്ച​റി​യി​ക്കു​ന്നു