വെട്ടു​ക്കി​ളി​കൾ—അക്ഷരീ​യ​വും ആലങ്കാ​രി​ക​വും

നീളം കുറഞ്ഞ കൊമ്പു​കൾ അഥവാ സ്‌പർശി​നി​ക​ളുള്ള പലതരം പുൽച്ചാ​ടി​ക​ളിൽ ഏതെങ്കി​ലു​മൊ​ന്നി​നാണ്‌ “വെട്ടു​ക്കി​ളി” എന്ന പദം ബാധക​മാ​കു​ന്നത്‌, പ്രത്യേ​കി​ച്ചും വലിയ കൂട്ട​ത്തോ​ടെ ദേശാ​ന്ത​ര​ഗ​മനം നടത്തു​ന്ന​വ​യ്‌ക്ക്‌. “വെട്ടു​ക്കി​ളി” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന അനേകം എബ്രായ വാക്കു​ക​ളിൽ ഏററവു​മ​ധി​കം ഉപയോ​ഗി​ച്ചു​കാ​ണു​ന്നത്‌ ആർബേഗ്‌ എന്ന പദമാണ്‌. ഈ പദം പൂർണ​വ​ളർച്ച​യെ​ത്തിയ, ചിറകു​ക​ളുള്ള അവസ്ഥയിൽ ദേശാ​ന്ത​ര​ഗ​മനം നടത്തുന്ന വെട്ടു​ക്കി​ളി​യെ പരാമർശി​ക്കു​ന്നു. (ലേവ്യ​പു​സ്‌തകം 11:22, NW അടിക്കു​റിപ്പ്‌) എബ്രായ പദമായ യീലെക്ക്‌ ചിറകു​ക​ളി​ല്ലാത്ത, ഇഴഞ്ഞു​ന​ട​ക്കുന്ന വെട്ടു​ക്കി​ളി​യെ കുറി​ക്കു​ന്നു, അതായത്‌ വളർന്ന്‌ പക്വത​യെ​ത്താത്ത ഘട്ടത്തി​ലുള്ള വെട്ടു​ക്കി​ളി​യെ. (സങ്കീർത്തനം 105:34, NW അടിക്കു​റിപ്പ്‌; യോവേൽ 1:4) സോലം (ഭക്ഷ്യ​യോ​ഗ്യ​മായ വെട്ടു​ക്കി​ളി) എന്ന എബ്രായ പദം സാധ്യ​ത​യ​നു​സ​രിച്ച്‌ പറക്കു​ന്ന​തരം വെട്ടു​ക്കി​ളി​യെയല്ല, പിന്നെ​യോ ചാടി​ന​ട​ക്കു​ന്ന​തരം വെട്ടു​ക്കി​ളി​യെ​യാ​ണു പരാമർശി​ക്കു​ന്നത്‌. (ലേവ്യ​പു​സ്‌തകം 11:22, NW അടിക്കു​റിപ്പ്‌) ഒരു കൂട്ടം വെട്ടു​ക്കി​ളി​ക​ളെ​യാ​ണു ഗോഹ്‌വേയ്‌ എന്ന എബ്രായ പദം പരാമർശി​ക്കു​ന്നത്‌. (ആമോസ്‌ 7:1) ഗ്രീക്കു പദമായ ആക്രിസ്‌ ‘വെട്ടു​ക്കി​ളി ഷഡ്‌പദം’ എന്നും ‘വെട്ടു​ക്കി​ളി’ എന്നുമാ​ണു പരിഭാഷ ചെയ്യ​പ്പെ​ട്ടി​രി​ക്കു​ന്നത്‌.—മത്തായി 3:4; വെളി​പ്പാ​ടു 9:7.

വെട്ടു​ക്കി​ളിക്ക്‌ അഞ്ചു സെൻറി​മീ​റ​റ​റോ അതിൽക്കൂ​ടു​ത​ലോ നീളമുണ്ട്‌. അതിനു രണ്ടു ജോടി ചിറകു​ക​ളും നടക്കാൻ നാലു കാലു​ക​ളും ചാട്ടത്തി​നു വീതി​യുള്ള തുടക​ളുള്ള നീളം കൂടിയ രണ്ടു കാലു​ക​ളു​മുണ്ട്‌. വീതി​യുള്ള സുതാ​ര്യ​മായ പിൻചി​റ​കു​കൾ ഉപയോ​ഗി​ക്കാ​ത്ത​പ്പോൾ കട്ടിയുള്ള സ്‌തരം മാതി​രി​യി​രി​ക്കുന്ന മുൻ ചിറകു​കൾക്ക​ടി​യിൽ മടക്കി​വെ​ച്ചി​രി​ക്കും. ചാട്ടത്തി​നുള്ള കാലുകൾ ഉപയോ​ഗിച്ച്‌, അതിന്റെ ശരീര​നീ​ള​ത്തി​ന്റെ പല മടങ്ങ്‌ അകലെ ചാടാൻ ഈ പ്രാണി​ക്കു സാധി​ക്കും. (കാണുക: ഇയ്യോബ്‌ 39:20.) അസംഖ്യ​മായ എണ്ണത്തെ പ്രതി​നി​ധാ​നം ചെയ്യാൻ തിരു​വെ​ഴു​ത്തിൽ വെട്ടു​ക്കി​ളി ചില​പ്പോൾ ഉപയോ​ഗി​ക്ക​പ്പെ​ട്ടി​രി​ക്കു​ന്നു.—ന്യായാ​ധി​പൻമാർ 6:5; 7:12; യിരെ​മ്യാ​വു 46:23; നഹൂം 3:15, 17.

“ശുദ്ധമായ” ഭക്ഷണം

ഭക്ഷിക്കാൻത​ക്ക​വണ്ണം ശുദ്ധി​യു​ള്ളവ എന്ന നിലയി​ലാണ്‌ വെട്ടു​ക്കി​ളി​കളെ ന്യായ​പ്ര​മാ​ണം കണക്കാ​ക്കു​ന്നത്‌. (ലേവ്യ​പു​സ്‌തകം 11:21, 22) യോഹ​ന്നാൻ സ്‌നാ​പകൻ വെട്ടു​ക്കി​ളി​യും തേനും ഭക്ഷിച്ചാ​ണു ജീവി​ച്ചത്‌. (മത്തായി 3:4) ധാരാളം പ്രോ​ട്ടീ​നുള്ള ഇവയുടെ രുചി ചെമ്മീ​ന്റേ​തോ ഞണ്ടി​ന്റേ​തോ പോ​ലെ​യാ​ണെന്ന്‌ പറയ​പ്പെ​ടു​ന്നു; യെരു​ശ​ലേ​മിൽ നടത്തിയ ഒരു പരീക്ഷ​ണ​ത്തിൽ, മരുഭൂ​മി​യി​ലെ വെട്ടു​ക്കി​ളി​ക​ളിൽ 75 ശതമാനം പ്രോ​ട്ടീൻ അടങ്ങു​ന്ന​താ​യി കണ്ടെത്തി. ഇന്നു ഭക്ഷ്യമാ​യി ഉപയോ​ഗി​ക്കു​മ്പോൾ അവയുടെ തല, കാലുകൾ, ചിറകു​കൾ, വയറ്‌ എന്നിവ നീക്കം ചെയ്‌ത്‌ ശിഷ്ടഭാ​ഗ​മായ ഉരസ്സ്‌ വേവി​ച്ചോ അല്ലാ​തെ​യോ കഴിക്കു​ന്നു.

വെട്ടു​ക്കി​ളി ബാധകൾ

ബൈബിൾ കാലങ്ങ​ളിൽ വെട്ടു​ക്കി​ളി ബാധ ഒരു കടുത്ത വിപത്താ​യി​രു​ന്നു. ചില​പ്പോൾ അത്‌ യഹോ​വ​യു​ടെ ന്യായ​വി​ധി​യു​ടെ പ്രകട​ന​വു​മാ​യി​രു​ന്നു. ഇതിന്റെ ഒരു ഉദാഹ​ര​ണ​മാ​ണു പുരാതന ഈജി​പ്‌തി​ലു​ണ്ടായ എട്ടാമത്തെ ബാധ. (പുറപ്പാ​ടു 10:4-6, 12-19; ആവർത്ത​ന​പു​സ്‌തകം 28:38; 1 രാജാ​ക്കൻമാർ 8:37; 2 ദിനവൃ​ത്താ​ന്തം 6:28; സങ്കീർത്തനം 78:46; 105:34) വെട്ടു​ക്കി​ളി​കൾ എത്തുന്നതു കാററ​ത്താണ്‌, അവ വളരെ ശീഘ്ര​ഗ​തി​യിൽ എത്തി​ച്ചേ​രു​ന്നു. എന്നാൽ തിരു​വെ​ഴു​ത്തു​ക​ളിൽ, അവ വരുന്ന​തി​ന്റെ ഒച്ചയെ രഥങ്ങളു​ടേ​തി​നോ​ടും വൈ​ക്കോൽ തുറു​വി​നു തീ പിടി​ക്കു​ന്ന​തി​നോ​ടും ഉപമി​ച്ചി​രി​ക്കു​ന്നു. പത്തു കിലോ​മീ​ററർ അകലെ​പ്പോ​ലും അതു കേൾക്കാൻ കഴിയു​മെന്നു പറയ​പ്പെ​ടു​ന്നു. (യോവേൽ 1:4; 2:5, 25) അവയുടെ പറക്കൽ അധിക​വും കാററി​നെ ആശ്രയി​ച്ചാ​ണി​രി​ക്കു​ന്നത്‌. കാററ്‌ അനുകൂ​ല​മാ​യി​രി​ക്കു​മ്പോൾ അനേകം കിലോ​മീ​റ​റ​റു​കൾ പിന്നി​ടാൻ അവയ്‌ക്കു കഴിയും. കരയിൽനിന്ന്‌ 1,600-ലധികം കിലോ​മീ​ററർ അകലെ സമു​ദ്ര​ത്തിൽപ്പോ​ലും വെട്ടു​ക്കി​ളി​ക്കൂ​ട്ട​ങ്ങളെ ആളുകൾ കണ്ടിട്ടുണ്ട്‌. എന്നാൽ, അനുകൂ​ല​മ​ല്ലാത്ത കാററു​കൾക്ക്‌ അവയെ വെള്ളത്തിൽ വീഴ്‌ത്തി കൊന്നു​ക​ള​യാൻ കഴിയും. (പുറപ്പാ​ടു 10:13, 19) പറന്നു​പോ​കുന്ന ഒരു വലിയ വെട്ടു​ക്കി​ളി​ക്കൂ​ട്ടത്തെ (1,500 മീററർ ഉയരത്തിൽവരെ എത്തുന്നു) സൂര്യ​പ്ര​കാ​ശത്തെ മറച്ചു​ക​ള​യുന്ന ഒരു മേഘ​ത്തോ​ടു താരത​മ്യ​പ്പെ​ടു​ത്താ​വു​ന്ന​താണ്‌.—യോവേൽ 2:10.

വെട്ടു​ക്കി​ളി​ക​ളു​ടെ ഒരു ആക്രമ​ണ​ത്തി​നു പറുദീ​സാ​തു​ല്യ​മായ ഒരു പ്രദേ​ശത്തെ മരു​പ്ര​ദേശം പോ​ലെ​യാ​ക്കാ​നാ​കും, കാരണം അവയുടെ വിശപ്പ്‌ അത്രയ്‌ക്കും ആർത്തി​പൂ​ണ്ട​താണ്‌. (യോവേൽ 2:3) ദേശാ​ന്ത​ര​ഗ​മനം നടത്തുന്ന ഒരു വെട്ടു​ക്കി​ളിക്ക്‌ ഒററ ദിവസം അതിന്റെ ശരീര​ഭാ​ര​ത്തി​നു തുല്യ​മായ ഭക്ഷണം അകത്താ​ക്കാ​നാ​കും; അത്‌ ആനുപാ​തി​ക​മാ​യി ഒരു മനുഷ്യൻ കഴിക്കു​ന്ന​തി​ന്റെ 60-തോ 100-ഓ ഇരട്ടി​യാണ്‌. അവ തിന്നു​ന്നതു ഹരിത​സ​സ്യം മാത്രമല്ല. തുണി, കമ്പിളി, സിൽക്ക്‌, തുകൽ തുടങ്ങി​യ​വ​യും അതിൽപ്പെ​ടു​ന്നു. അവ വീടു​കൾക്കു​ള്ളിൽ കടന്നു​കൂ​ടി​യാൽ ഫർണീച്ചർ വാർണീഷ്‌ പോലും ഒഴിവാ​ക്കാ​റില്ല. ഒരു വൻകൂട്ടം വെട്ടു​ക്കി​ളി​കൾ ദിവസ​വും അകത്താ​ക്കുന്ന ഭക്ഷണത്തി​ന്റെ അളവ്‌ പതിനഞ്ചു ലക്ഷം മനുഷ്യർ കഴിക്കുന്ന ഭക്ഷണത്തി​ന്റെ അത്രയും​തന്നെ അളവാ​ണെന്നു കണക്കാ​ക്ക​പ്പെ​ട്ടി​രി​ക്കു​ന്നു.

സുസം​ഘ​ടി​ത​വും നല്ല അച്ചടക്ക​വു​മുള്ള ഒരു സൈന്യ​ത്തെ​പ്പോ​ലെ​യാണ്‌ വെട്ടു​ക്കി​ളി​ക്കൂ​ട്ടം മുന്നേ​റു​ന്നത്‌. എന്നാൽ അവയ്‌ക്കു രാജാ​വോ നായക​നോ ഇല്ല. ഇത്‌ അതിന്റെ സഹജജ്ഞാ​ന​ത്തി​നു സാക്ഷ്യം വഹിക്കു​ന്നു. (സദൃശ​വാ​ക്യ​ങ്ങൾ 30:24, 27) അവയിൽ അനേക​വും ചത്തു​പോ​കു​ന്നെ​ങ്കി​ലും ആക്രമണം അനവര​ത​മാണ്‌. അവയുടെ മുന്നേ​റ​റത്തെ തടുക്കാൻ ഒരുക്കുന്ന തീ ചത്ത വെട്ടു​ക്കി​ളി​കൾ വീണ്‌ കെട്ടു​പോ​കു​ന്നു. അവയുടെ തള്ളിക്ക​യ​റ​റത്തെ ചെറു​ക്കു​ന്ന​തിൽ വെള്ളം നിറച്ച കുഴികൾ യാതൊ​രു പ്രയോ​ജ​ന​വും ചെയ്യു​ന്നില്ല, കാരണം ചത്ത വെട്ടു​ക്കി​ളി​കൾ വീണ്‌ അവയും മൂടി​പ്പോ​കു​ന്നു. (യോവേൽ 2:7-9) “അവയുടെ നാശോൻമു​ഖ​മായ മുന്നേ​റ​റത്തെ തടുക്കാൻ കഴിയുന്ന യാതൊ​രു പ്രകൃ​തി​ജന്യ ശത്രു​വും ഉള്ളതായി അറിവില്ല.” ഒരു ജന്തുശാ​സ്‌ത്ര പ്രൊ​ഫസർ എഴുതി​യത്‌ അപ്രകാ​ര​മാണ്‌.—ദ ന്യൂ​യോർക്ക്‌ ടൈംസ്‌ മാഗസിൻ, “വെട്ടു​ക്കി​ളി യുദ്ധം,” മേയ്‌ 22, 1960, പേജ്‌ 96.

അടുത്ത കാലത്തെ വെട്ടു​ക്കി​ളി ബാധക​ളെ​ക്കു​റി​ച്ചു വിവരി​ച്ചു​കൊണ്ട്‌ ഗെർസി​മെ​ക്‌സ്‌ ആനിമൽ ലൈഫ്‌ എൻ​സൈ​ക്ലോ​പീ​ഡിയ (1975, വാല്യം 2, പേ. 109, 110) ഇപ്രകാ​രം റിപ്പോർട്ടു ചെയ്യുന്നു: “തൊണ്ട​യിൽ രോമ​ങ്ങ​ളുള്ള പുൽച്ചാ​ടി​ക​ളു​ടെ അനേകം വർഗങ്ങൾ ആഫ്രി​ക്ക​യി​ലും ലോക​ത്തി​ന്റെ ഇതര ഭാഗങ്ങ​ളി​ലും ഇക്കാല​ത്തു​പോ​ലും വെട്ടു​ക്കി​ളി ബാധക്കു കാരണ​മാ​കു​ന്നു. ഇടയ്‌ക്കി​ട​യ്‌ക്കുള്ള അവയുടെ വൻ പെരു​പ്പ​വും വ്യാപ​ക​മായ ദേശാ​ന്ത​ര​ഗ​മ​ന​വും സമീപ കാലങ്ങ​ളിൽ ഭക്ഷ്യവി​ള​കൾക്കു വൻ നാശനഷ്ടം വരുത്തി​വെ​ച്ചി​ട്ടുണ്ട്‌. 1873-1875-ൽ യൂറോ​പ്പി​ലും 1874-1877-ൽ യു.എസ്‌.എ.യിലും ഉണ്ടായ വെട്ടു​ക്കി​ളി ആക്രമണം അതിരൂ​ക്ഷ​മാ​യി​രു​ന്നു. . . . 1955-ൽ മൊ​റോ​ക്കോ​യു​ടെ തെക്കു​ഭാ​ഗത്തെ ആക്രമിച്ച ദേശാ​ന്ത​ര​ഗ​മനം നടത്തുന്ന വെട്ടു​ക്കി​ളി​ക​ളു​ടെ ഒരു വൻ കൂട്ടത്തിന്‌ 250 കിലോ​മീ​ററർ നീളവും 20 കിലോ​മീ​ററർ വീതി​യു​മു​ണ്ടാ​യി​രു​ന്നു. വീണ്ടും, 1961⁄62-ൽ ഫലപ്ര​ദ​മാ​യി ചെറു​ത്തു​നിൽക്കാൻ കഴിയാത്ത ഒരു ആക്രമണം കൂടി ഉണ്ടായി . . . തത്‌ഫ​ല​മാ​യി, അഞ്ചു ദിവസ​ങ്ങൾക്കു​ള്ളിൽ വെട്ടു​ക്കി​ളി​കൾ 5,000 ചതുരശ്ര കിലോ​മീ​ററർ പ്രദേ​ശത്ത്‌ നൂറ്‌ കോടി​യി​ല​ധി​കം ഫ്രാങ്കി​ന്റെ മൂല്യ​ത്തി​നു തുല്യ​മായ നാശനഷ്ടം വരുത്തി​വെച്ചു. . . . അഞ്ചു ദിവസം കഴിഞ്ഞ​പ്പോ​ഴേ​ക്കും ദേശാ​ന്ത​ര​ഗ​മനം നടത്തിയ ഈ വെട്ടു​ക്കി​ളി​കൾ 7,000 മെട്രിക്‌ ടൺ ഓറഞ്ച്‌ തിന്നു​തീർത്തി​രു​ന്നു, അത്‌ മണിക്കൂ​റിൽ 60,000 കിലോ​ഗ്രാം ഓറഞ്ച്‌ എന്നതിനു തുല്യ​മാണ്‌. ഇതു ഫ്രാൻസി​ലെ​മ്പാ​ടും ഒരു വർഷത്തെ ഉപഭോ​ഗ​ത്തി​ലും അധിക​മാണ്‌.”

ആലങ്കാ​രിക പ്രയോ​ഗം

വെട്ടു​ക്കി​ളി​യു​ടെ ആയുസ്സ്‌ നാലു മാസത്തി​നും ആറു മാസത്തി​നും ഇടയി​ലാ​ണെന്നു ഗവേഷണം സൂചി​പ്പി​ക്കു​ന്നു. അതു​കൊണ്ട്‌ ഉചിത​മാ​യി വെളി​പ്പാ​ടു 9:5-ലെ പ്രതീ​കാ​ത്മക വെട്ടു​ക്കി​ളി​കൾ മനുഷ്യ​രെ അഞ്ചു മാസം അഥവാ അവയുടെ ജീവകാ​ലം മുഴുവൻ ദണ്ഡിപ്പി​ക്കു​ന്ന​താ​യി പറയ​പ്പെ​ട്ടി​രി​ക്കു​ന്നു.

അസീറി​യ​യു​ടെ പട്ടാള​ക്കാ​രെ​ക്കു​റി​ച്ചു വർണി​ക്കു​മ്പോൾ, നഹൂം 3:16 വെട്ടു​ക്കി​ളി അതിന്റെ തോലു​രി​യു​ന്ന​താ​യി പരാമർശി​ച്ചി​രി​ക്കു​ന്നു. വളർച്ച​യെ​ത്തിയ ഘട്ടത്തി​ലെ​ത്താൻ ഒരു വെട്ടു​ക്കി​ളി അഞ്ചു പ്രാവ​ശ്യം അതിന്റെ പടം പൊഴി​ക്കു​ന്നു. നഹൂം 3:17-ൽ, അസീറി​യൻ കാവൽക്കാ​രെ​യും റിക്രൂ​ട്ടിങ്‌ ഓഫീ​സർമാ​രെ​യും, കല്ലു​കൊ​ണ്ടു നിർമിച്ച ആട്ടിൻതൊ​ഴു​ത്തിൽ തണുപ്പുള്ള ഒരു ദിവസം വന്നു ചേക്കേ​റു​ക​യും സൂര്യ​നു​ദി​ക്കു​മ്പോൾ പറന്നു​പോ​കു​ക​യും ചെയ്യുന്ന വെട്ടു​ക്കി​ളി​ക​ളോ​ടു താരത​മ്യം ചെയ്‌തി​രി​ക്കു​ന്നു. ഇവിടത്തെ പ്രയോ​ക്തി, തണുത്ത കാലാവസ്ഥ ഈ പ്രാണി​കളെ മരവി​പ്പി​ക്കു​ന്നു എന്ന വസ്‌തു​ത​യി​ലേക്കു വിരൽ ചൂണ്ടു​ന്ന​താ​യി​രി​ക്കാം. ഇവ സൂര്യ​പ്ര​കാ​ശ​ത്തിൽ ചൂടു പിടി​ക്കു​ന്ന​തു​വരെ ചുവരു​ക​ളു​ടെ വിള്ളലു​ക​ളിൽ ഒളിച്ചി​രി​ക്കാൻ അത്‌ ഇടയാ​ക്കു​ന്നു. പിന്നീട്‌ അവ പറന്നക​ലു​ന്നു. അവയ്‌ക്കു ശരീരം 21 ഡിഗ്രി സെൽഷ്യസ്‌ (70 ഡിഗ്രി ഫാരൻഹീ​ററ്‌) ചൂടാ​കു​ന്ന​തു​വരെ പറക്കാ​നാ​വില്ല എന്നു റിപ്പോർട്ടു ചെയ്യ​പ്പെ​ട്ടി​ട്ടുണ്ട്‌.