ദൈവ​സ​മാ​ധാന സന്ദേശ​വാ​ഹകർ സന്തുഷ്ട​രെന്നു പ്രഖ്യാ​പി​ക്ക​പ്പെ​ടു​ന്നു

“യഹോ​വ​യാൽ വീണ്ടെ​ടു​ക്ക​പ്പെ​ട്ടവർ മടങ്ങി ഉല്ലാസ​ഘോ​ഷ​ത്തോ​ടെ സീയോ​നി​ലേക്കു വരും; നിത്യാ​നന്ദം അവരുടെ തലമേൽ ഉണ്ടായി​രി​ക്കും.”—യെശയ്യാ​വു 35:10.

1. ലോകം എന്തിനു​വേണ്ടി വലയു​ക​യാണ്‌?

മുമ്പെ​ന്ന​ത്തെ​ക്കാ​ളു​പരി മനുഷ്യ​വർഗം ഇന്ന്‌ ഒരു സുവാർത്താ സന്ദേശ​വാ​ഹ​ക​നു​വേണ്ടി വലയു​ക​യാണ്‌. ദൈവ​ത്തെ​യും അവന്റെ ഉദ്ദേശ്യ​ങ്ങ​ളെ​യും കുറി​ച്ചുള്ള സത്യം ആരെങ്കി​ലും പറയേ​ണ്ട​തി​ന്റെ അടിയ​ന്തിര ആവശ്യ​മുണ്ട്‌, വരാനി​രി​ക്കുന്ന നാശ​ത്തെ​ക്കു​റി​ച്ചു ദുഷ്ടന്മാർക്കു മുന്നറി​യി​പ്പു കൊടു​ക്കു​ക​യും ദൈവ​സ​മാ​ധാ​നം കണ്ടെത്താൻ പരമാർഥ​ഹൃ​ദ​യരെ സഹായി​ക്കു​ക​യും ചെയ്യുന്ന ധൈര്യ​ശാ​ലി​യായ ഒരു സാക്ഷിയെ ആവശ്യ​മാണ്‌.

2, 3. ഇസ്രാ​യേ​ലി​ന്റെ കാര്യ​ത്തിൽ, എങ്ങനെ​യാണ്‌ ആമോസ്‌ 3:7-ൽ രേഖ​പ്പെ​ടു​ത്തി​യി​രി​ക്കുന്ന തന്റെ വാഗ്‌ദാ​നം യഹോവ നിവർത്തി​ച്ചത്‌?

² ഇസ്രാ​യേ​ലി​ന്റെ നാളു​ക​ളിൽ, അത്തരം സന്ദേശ​വാ​ഹ​കരെ അയയ്‌ക്കു​മെന്നു യഹോവ വാഗ്‌ദാ​നം ചെയ്‌തു. പൊ.യു.മു. 9-ാം നൂറ്റാ​ണ്ടി​ന്റെ ഒടുവിൽ ആമോസ്‌ പ്രവാ​ചകൻ പറഞ്ഞു: “യഹോ​വ​യായ കർത്താവു പ്രവാ​ച​ക​ന്മാ​രായ തന്റെ ദാസന്മാർക്കു തന്റെ രഹസ്യം വെളി​പ്പെ​ടു​ത്താ​തെ ഒരു കാര്യ​വും ചെയ്‌ക​യില്ല.” (ആമോസ്‌ 3:7) ഈ പ്രഖ്യാ​പ​ന​ത്തെ​ത്തു​ടർന്നുള്ള നൂറ്റാ​ണ്ടു​ക​ളിൽ, യഹോവ അനേകം വീര്യ​പ്ര​വൃ​ത്തി​കൾ നിർവ​ഹി​ച്ചു. ഉദാഹ​ര​ണ​ത്തിന്‌, പൊ.യു.മു. 607-ൽ, തന്റെ ജനം മത്സരി​ക​ളും രക്തപാ​ത​കി​ക​ളു​മാ​യി​രു​ന്ന​തു​കൊണ്ട്‌ യഹോവ അവർക്കു കർശന​മായ ശിക്ഷണം നൽകി. ഇസ്രാ​യേ​ലി​ന്റെ കഷ്ടപ്പാ​ടു​കൾ കണ്ട്‌ ആഹ്ലാദിച്ച അയൽജ​ന​ത​ക​ളെ​യും അവൻ ശിക്ഷിച്ചു. (യിരെ​മ്യാ​വു, അധ്യായം 46-49) പിന്നെ, പൊ.യു.മു. 539-ൽ യഹോവ പ്രബല ലോക​ശ​ക്തി​യായ ബാബി​ലോ​നെ വീഴ്‌ത്തി. തത്‌ഫ​ല​മാ​യി, പൊ.യു.മു. 537-ൽ ഇസ്രാ​യേ​ലി​ന്റെ ഒരു ശേഷിപ്പ്‌ ആലയം പുനർനിർമി​ക്കു​ന്ന​തി​നാ​യി സ്വദേ​ശ​ത്തേക്കു മടങ്ങി.—2 ദിനവൃ​ത്താ​ന്തം 36:22, 23.

³ ഇവ ഭൂമിയെ ഉലയ്‌ക്കുന്ന സംഭവ​ങ്ങ​ളാ​യി​രു​ന്നു. ആമോ​സി​ന്റെ വാക്കു​ക​ളോ​ടുള്ള ചേർച്ച​യിൽ, യഹോവ സംഭവി​ക്കാ​നി​രുന്ന കാര്യ​ങ്ങ​ളെ​ക്കു​റി​ച്ചു തന്റെ സന്ദേശ​വാ​ഹ​ക​രാ​യി സേവി​ച്ചി​രുന്ന പ്രവാ​ച​ക​ന്മാർക്ക്‌ മുന്ന​മേ​തന്നെ വെളി​പ്പെ​ടു​ത്തി​ക്കൊ​ടു​ക്കു​ക​യും അവരി​ലൂ​ടെ ഇസ്രാ​യേ​ലി​നു മുന്നറി​യി​പ്പു കൊടു​ക്കു​ക​യും ചെയ്‌തു. പൊ.യു.മു. 8-ാം നൂറ്റാ​ണ്ടി​ന്റെ മധ്യത്തിൽ, അവൻ യെശയ്യാ​വി​നെ അയച്ചു. പൊ.യു.മു. 7-ാം നൂറ്റാ​ണ്ടി​ന്റെ മധ്യത്തിൽ, അവൻ യിരെ​മ്യാ​വി​നെ അയച്ചു. പിന്നെ​യും, ആ നൂറ്റാ​ണ്ടി​ന്റെ അവസാ​ന​മാ​യ​പ്പോ​ഴേ​ക്കും അവൻ യെഹെ​സ്‌കേ​ലി​നെ അയച്ചു. ഇവരും മറ്റു വിശ്വസ്‌ത പ്രവാ​ച​ക​ന്മാ​രും യഹോ​വ​യു​ടെ ഉദ്ദേശ്യ​ങ്ങ​ളെ​ക്കു​റി​ച്ചു പൂർണ​മായ സാക്ഷ്യം നൽകി.

ദൈവ​ത്തി​ന്റെ ഇന്നത്തെ സന്ദേശ​വാ​ഹ​കരെ തിരി​ച്ച​റി​യൽ

4. മനുഷ്യ​വർഗ​ത്തി​നു സമാധാന സന്ദേശ​വാ​ഹ​കരെ ആവശ്യ​മു​ണ്ടെന്ന്‌ എന്തു പ്രകട​മാ​ക്കു​ന്നു?

⁴ ഇന്നത്തെ കാര്യ​മോ? മനുഷ്യ​സ​മൂ​ഹ​ത്തി​ന്റെ അധഃപ​തനം കാണു​മ്പോൾ എന്തോ ഭയങ്കര സംഗതി സംഭവി​ക്കാൻ പോകു​ക​യാ​ണെന്നു ലോക​ത്തിൽ അനേകർക്കും തോന്നു​ന്നുണ്ട്‌. ക്രൈ​സ്‌ത​വ​ലോ​ക​ത്തി​ലെ കാപട്യ​വും കൊടും ദുഷ്ടത​യും കാണു​മ്പോൾ നീതി​സ്‌നേ​ഹി​ക​ളു​ടെ ഹൃദയം നോവു​ന്നു. യഹോവ യെഹെ​സ്‌കേൽ മുഖാ​ന്തരം മുൻകൂ​ട്ടി​പ്പ​റ​ഞ്ഞ​തു​പോ​ലെ, അവർ “അതിൽ നടക്കുന്ന സകല​മ്ലേ​ച്ഛ​ത​ക​ളും​നി​മി​ത്തം നെടു​വീർപ്പി​ട്ടു കരയു”കയാണ്‌. (യെഹെ​സ്‌കേൽ 9:4) എന്നാൽ യഹോ​വ​യു​ടെ ഉദ്ദേശ്യ​ങ്ങ​ളെ​ന്താ​ണെന്ന്‌ അനേക​രും തിരി​ച്ച​റി​യു​ന്നില്ല. അവരോട്‌ അതി​നെ​ക്കു​റി​ച്ചു പറയേ​ണ്ട​തുണ്ട്‌.

5. നമ്മുടെ നാളിൽ സന്ദേശ​വാ​ഹകർ ഉണ്ടായി​രി​ക്കു​മെന്ന്‌ യേശു പ്രകട​മാ​ക്കി​യ​തെ​ങ്ങനെ?

⁵ യെശയ്യാവ്‌, യിരെ​മ്യാവ്‌, യെഹെ​സ്‌കേൽ എന്നിവ​രു​ടേ​തു​പോ​ലുള്ള നിർഭയ മനോ​ഭാ​വ​ത്തോ​ടെ ഇന്നാ​രെ​ങ്കി​ലും സംസാ​രി​ക്കു​ന്നു​ണ്ടോ? ഒരു കൂട്ടർ അതു ചെയ്യു​മെന്ന്‌ യേശു സൂചി​പ്പി​ക്കു​ക​യു​ണ്ടാ​യി. നമ്മുടെ നാളിലെ സംഭവ​ങ്ങ​ളെ​ക്കു​റി​ച്ചു പ്രവചി​ച്ച​പ്പോൾ, അവൻ പറഞ്ഞു: “രാജ്യ​ത്തി​ന്റെ ഈ സുവി​ശേഷം സകലജാ​തി​കൾക്കും സാക്ഷ്യ​മാ​യി ഭൂലോ​ക​ത്തിൽ ഒക്കെയും പ്രസം​ഗി​ക്ക​പ്പെ​ടും; അപ്പോൾ അവസാനം വരും.” (മത്തായി 24:14) സന്ദേശ​വാ​ഹ​ക​നാ​യി, സുവാർത്താ പ്രസം​ഗ​ക​നാ​യി സേവി​ച്ചു​കൊണ്ട്‌ ഇന്ന്‌ ആരാണ്‌ ആ പ്രവചനം നിവർത്തി​ക്കു​ന്നത്‌? നമ്മുടെ നാളും പുരാതന ഇസ്രാ​യേ​ലി​ന്റെ കാലവും തമ്മിലുള്ള സാദൃ​ശ്യ​ങ്ങൾ ആ ചോദ്യ​ത്തിന്‌ ഉത്തരം കണ്ടെത്താൻ നമ്മെ സഹായി​ക്കും.

6. (എ) ഒന്നാം ലോക​മ​ഹാ​യു​ദ്ധ​കാ​ലത്ത്‌ “ദൈവ​ത്തി​ന്റെ യിസ്രാ​യേലി”നുണ്ടായ അനുഭ​വങ്ങൾ വർണി​ക്കുക. (ബി) യെഹെ​സ്‌കേൽ 11:17 പുരാതന ഇസ്രാ​യേ​ലി​ന്മേൽ നിവൃ​ത്തി​യേ​റി​യ​തെ​ങ്ങനെ?

⁶ ബാബി​ലോ​നിൽ ഇസ്രാ​യേ​ലി​നു സംഭവി​ച്ച​തു​പോ​ലെ, ഒന്നാം ലോക​മ​ഹാ​യു​ദ്ധ​ത്തി​ന്റെ ഇരുണ്ട നാളു​ക​ളിൽ യഹോ​വ​യു​ടെ ആധുനി​ക​കാല ജനം, “ദൈവ​ത്തി​ന്റെ” അഭിഷിക്ത “യിസ്രാ​യേലി”ന്റെ ശേഷിപ്പ്‌, അടിമ​ത്ത​ത്തി​ലാ​യി. (ഗലാത്യർ 6:16) ഏറ്റവും പ്രമു​ഖ​വും നിന്ദാർഹ​വു​മായ ഭാഗമാ​യി​രി​ക്കുന്ന ക്രൈ​സ്‌ത​വ​ലോ​ക​മുൾപ്പെട്ട ലോക​വ്യാ​ജമത മിശ്രി​ത​മായ മഹാബാ​ബി​ലോ​നിൽ അവർ ആത്മീയ പ്രവാസം അനുഭ​വി​ച്ചു. എന്നിരു​ന്നാ​ലും, അവർ പരിത്യ​ജി​ക്ക​പ്പെ​ട്ടി​ല്ലെന്നു യെഹെ​സ്‌കേ​ലി​നുള്ള യഹോ​വ​യു​ടെ വാക്കുകൾ പ്രകട​മാ​ക്കി. അവൻ പറഞ്ഞു: “ഞാൻ നിങ്ങളെ ജാതി​ക​ളിൽനി​ന്നു ശേഖരി​ച്ചു, നിങ്ങൾ ചിതറി​പ്പോ​യി​രി​ക്കുന്ന രാജ്യ​ങ്ങ​ളിൽനി​ന്നു കൂട്ടി​ച്ചേർത്തു യിസ്രാ​യേൽദേശം നിങ്ങൾക്കു തരും.” (യെഹെ​സ്‌കേൽ 11:17) പുരാതന ഇസ്രാ​യേ​ലി​നോ​ടുള്ള ആ വാഗ്‌ദത്തം നിവർത്തി​ക്കു​ന്ന​തി​നു​വേണ്ടി, യഹോവ പേർഷ്യ​യി​ലെ കോ​രെ​ശി​നെ എഴു​ന്നേൽപ്പി​ച്ചു. അവൻ ലോക​ശ​ക്തി​യായ ബാബി​ലോ​നെ മറിച്ചിട്ട്‌ ഇസ്രാ​യേല്യ ശേഷി​പ്പി​നു സ്വദേ​ശ​ത്തേക്കു മടങ്ങി​പ്പോ​കാ​നുള്ള വഴി തുറന്നു​കൊ​ടു​ത്തു. ഇന്നത്തെ കാര്യ​മോ?

7. മഹാബാ​ബി​ലോ​നെ​തി​രെ യേശു പ്രവർത്തി​ച്ചി​രി​ക്കു​ന്നു​വെന്ന്‌ 1919-ലെ ഏതു സംഭവം പ്രകട​മാ​ക്കി? വിശദീ​ക​രി​ക്കുക.

⁷ ഈ നൂറ്റാ​ണ്ടി​ന്റെ ആദ്യഭാ​ഗത്ത്‌, വലിയ കോ​രെശ്‌ പ്രവർത്തി​ച്ചു​വെ​ന്ന​തി​നു ശക്തമായ തെളി​വുണ്ട്‌. അവൻ ആരായി​രു​ന്നു? 1914-ൽ സ്വർഗീയ രാജ്യത്തു സിംഹാ​സ​ന​സ്ഥ​നായ യേശു​ക്രി​സ്‌തു​തന്നെ. അഭിഷിക്ത ക്രിസ്‌ത്യാ​നി​കൾ ആത്മീയ അടിമ​ത്ത​ത്തിൽനി​ന്നു മോചി​ത​രാ​ക്ക​പ്പെ​ടു​ക​യും തങ്ങളുടെ ആത്മീയ അവസ്ഥയായ “ദേശ”ത്തേക്കു തിരി​ച്ചു​പോ​കു​ക​യും ചെയ്‌ത 1919 എന്ന വർഷം ഈ മഹാരാ​ജാ​വു ഭൂമി​യി​ലെ തന്റെ അഭിഷിക്ത സഹോ​ദ​ര​ങ്ങ​ളോ​ടു പ്രീതി കാണിച്ചു. (യെശയ്യാ​വു 66:8; വെളി​പ്പാ​ടു 18:4) അങ്ങനെ യെഹെ​സ്‌കേൽ 11:17-ന്‌ ഒരു ആധുനി​ക​കാല നിവൃ​ത്തി​യു​ണ്ടാ​യി. പുരാതന നാളിൽ, ഇസ്രാ​യേ​ല്യർക്കു തങ്ങളുടെ സ്വദേ​ശ​ത്തേക്കു തിരി​ച്ചു​പോ​കു​ന്ന​തി​നു ബാബി​ലോൻ വീഴണ​മാ​യി​രു​ന്നു. ആധുനി​ക​നാ​ളിൽ ദൈവ​ത്തി​ന്റെ ഇസ്രാ​യേൽ പുനഃ​സ്ഥാ​പി​ത​മാ​യത്‌ മഹാബാ​ബി​ലോന്‌ വലിയ കോ​രെ​ശി​ന്റെ കൈക​ളാൽ വീഴ്‌ച നേരി​ട്ടു​വെ​ന്ന​തി​നുള്ള തെളി​വാണ്‌. വെളി​പ്പാ​ടു 14-ാം അധ്യാ​യ​ത്തി​ലെ രണ്ടാമത്തെ ദൂതൻ ഈ വീഴ്‌ചയെ അറിയി​ക്കു​ന്നുണ്ട്‌, അവൻ ഉച്ചത്തിൽ വിളി​ച്ചു​പ​റഞ്ഞു: “വീണു​പോ​യി; തന്റെ ദുർന്ന​ട​പ്പി​ന്റെ ക്രോ​ധ​മ​ദ്യം സകലജാ​തി​ക​ളെ​യും കുടി​പ്പിച്ച മഹതി​യാം ബാബി​ലോൻ വീണു​പോ​യി.” (വെളി​പ്പാ​ടു 14:8) മഹാബാ​ബി​ലോന്‌, പ്രത്യേ​കിച്ച്‌ ക്രൈ​സ്‌ത​വ​ലോ​ക​ത്തിന്‌, അതെ​ന്തൊ​രു തിരി​ച്ച​ടി​യാ​യി​രു​ന്നു! സത്യ​ക്രി​സ്‌ത്യാ​നി​കൾക്ക്‌, അതെ​ന്തൊ​രു അനു​ഗ്ര​ഹ​മാ​യി​രു​ന്നു!

8. 1919-ലെ വിടു​ത​ലി​നു​ശേഷം ദൈവ​ജ​ന​ത്തി​നു​ണ്ടായ സന്തുഷ്ടി​യെ യെഹെ​സ്‌കേ​ലി​ന്റെ പുസ്‌തകം വർണി​ക്കു​ന്ന​തെ​ങ്ങനെ?

⁸ യെഹെ​സ്‌കേൽ 11:18-20-ൽ, പുനഃ​സ്ഥാ​പ​ന​ത്തി​നു​ശേഷം ദൈവ​ജനത അനുഭ​വി​ക്കുന്ന സന്തോ​ഷത്തെ പ്രവാ​ചകൻ വർണി​ക്കു​ന്നതു നാം വായി​ക്കു​ന്നു. അവന്റെ വാക്കു​ക​ളു​ടെ ആദ്യ നിവൃത്തി എസ്രാ​യു​ടെ​യും നെഹെ​മ്യാ​വി​ന്റെ​യും നാളു​ക​ളിൽ ഇസ്രാ​യേ​ലി​നു ശുദ്ധീ​ക​ര​ണ​മു​ണ്ടാ​കു​മെന്ന്‌ അർഥമാ​ക്കി. ആധുനിക നിവൃ​ത്തി​യും സമാന​മാ​യൊ​രു സംഗതി അർഥമാ​ക്കി. എങ്ങനെ​യെന്നു നമുക്കു നോക്കാം. യഹോവ പറയുന്നു: “അവർ [സ്വദേ​ശത്ത്‌] വന്നു, അതിലെ സകലമ​ലി​ന​ബിം​ബ​ങ്ങ​ളെ​യും മ്ലേച്ഛവി​ഗ്ര​ഹ​ങ്ങ​ളെ​യും അവി​ടെ​നി​ന്നു നീക്കി​ക്ക​ള​യും.” പ്രവചി​ച്ചി​രു​ന്ന​തു​പോ​ലെ, 1919 മുതൽ, യഹോവ തന്റെ ജനത്തെ ശുദ്ധീ​ക​രി​ക്കു​ക​യും തന്നെ സേവി​ക്കാൻ അവരെ പുനഃ​ശ​ക്തീ​ക​രി​ക്കു​ക​യും ചെയ്‌തി​രി​ക്കു​ന്നു. അവർ തങ്ങളുടെ ആത്മീയ പരിസ്ഥി​തി​യിൽനിന്ന്‌ ദൈവ​ദൃ​ഷ്ടി​യിൽ മലിന​മായ എല്ലാ ബാബി​ലോ​ന്യ ആചാര​ങ്ങ​ളും പഠിപ്പി​ക്ക​ലു​ക​ളും ഉപേക്ഷി​ക്കാൻ തുടങ്ങി.

9. 1919 മുതൽ യഹോവ തന്റെ ജനത്തിനു ശ്രദ്ധേ​യ​മായ ഏതെല്ലാം അനു​ഗ്ര​ഹങ്ങൾ നൽകി?

⁹ പിന്നെ 19-ാം വാക്യ​മ​നു​സ​രിച്ച്‌, യഹോവ തുടർന്നി​ങ്ങനെ പറയുന്നു: “ഞാൻ അവർക്കു വേറൊ​രു ഹൃദയത്തെ നല്‌കു​ക​യും പുതി​യൊ​രു ആത്മാവി​നെ ഉള്ളിൽ ആക്കുക​യും ചെയ്യും; കല്ലായുള്ള ഹൃദയം ഞാൻ അവരുടെ ജഡത്തിൽനി​ന്നു നീക്കി മാംസ​മാ​യുള്ള ഹൃദയം അവർക്കു കൊടു​ക്കും.” ഈ വാക്കു​ക​ളോ​ടുള്ള ചേർച്ച​യിൽ 1919-ൽ യഹോവ അഭിഷിക്ത ദാസന്മാ​രെ ഏകീക​രിച്ച്‌ തന്നെ “തോ​ളോ​ടു തോൾ”ചേർന്നു സേവി​ക്കേ​ണ്ട​തിന്‌, പ്രതീ​കാ​ത്മ​ക​മാ​യി പറഞ്ഞാൽ, അവർക്ക്‌ ‘ഒരു ഹൃദയം’ നൽകി. (സെഫന്യാ​വു 3:9, NW) കൂടാതെ, സാക്ഷീ​ക​ര​ണ​വേ​ല​യിൽ തന്റെ ജനത്തെ ഊർജ​സ്വ​ല​രാ​ക്കാ​നും ഗലാത്യർ 5:22, 23-ൽ വർണി​ച്ചി​രി​ക്കുന്ന നല്ല ഫലങ്ങൾ അവരിൽ ഉളവാ​ക്കാ​നും യഹോവ തന്റെ ജനത്തിനു പരിശു​ദ്ധാ​ത്മാ​വി​നെ നൽകി. പ്രതി​ക​രി​ക്കാത്ത, കല്ലു​പോ​ലത്തെ ഹൃദയ​ത്തി​നു​പ​കരം യഹോവ അവർക്കു മൃദു​വും വഴക്കമു​ള്ള​തും അനുസ​ര​ണ​മു​ള്ള​തു​മായ ഒരു ഹൃദയം, തന്റെ ഹിത​ത്തോ​ടു പ്രതി​ക​രി​ക്കുന്ന ഒരു ഹൃദയം, നൽകി.

10. 1919 മുതൽ തന്റെ പുനഃ​സ്ഥാ​പിത ജനത്തെ യഹോവ അനു​ഗ്ര​ഹി​ച്ചി​രി​ക്കു​ന്ന​തെ​ന്തു​കൊണ്ട്‌?

¹⁰ അവൻ എന്തിനാ​ണി​തു ചെയ്‌തത്‌? യഹോ​വ​തന്നെ അതു വിശദ​മാ​ക്കു​ന്നുണ്ട്‌. നാം യെഹെ​സ്‌കേൽ 11:19, 20-ൽ വായി​ക്കു​ന്നു: “അവർ എന്റെ ചട്ടങ്ങളിൽ നടന്നു എന്റെ വിധി​കളെ പ്രമാ​ണി​ച്ചു ആചരി​ക്കേ​ണ്ട​തി​ന്നു . . . അവർ എനിക്കു ജനമാ​യും ഞാൻ അവർക്കു ദൈവ​മാ​യും ഇരിക്കും.” സ്വന്തം ആശയങ്ങൾ പിൻപ​റ്റു​ന്ന​തി​നു​പ​കരം, ദൈവ​ത്തി​ന്റെ ഇസ്രാ​യേൽ യഹോ​വ​യു​ടെ നിയമം അനുസ​രി​ക്കാൻ പഠിച്ചു. അവർ മനുഷ്യ​ഭയം കൂടാതെ ദൈവ​ഹി​തം നിവർത്തി​ക്കാൻ പഠിച്ചു. അങ്ങനെ, അവർ ക്രൈ​സ്‌ത​വ​ലോ​ക​ത്തി​ലെ വ്യാജ​ക്രി​സ്‌ത്യാ​നി​ക​ളിൽനി​ന്നു വ്യത്യ​സ്‌ത​രാ​യി മികച്ചു​നി​ന്നു. അവർ യഹോ​വ​യു​ടെ ജനമാ​യി​രു​ന്നു. അതു​കൊ​ണ്ടു​തന്നെ, യഹോവ അവരെ തന്റെ സന്ദേശ​വാ​ഹ​ക​നാ​യി, “വിശ്വ​സ്‌ത​നും വിവേ​കി​യു​മായ അടിമ”യായി ഉപയോ​ഗി​ക്കാൻ തയ്യാറാ​യി.—മത്തായി 24:45-47, NW.

ദൈവ​ത്തി​ന്റെ സന്ദേശ​വാ​ഹ​ക​രു​ടെ സന്തുഷ്ടി

11. യഹോ​വ​യു​ടെ ജനത്തിന്റെ സന്തുഷ്ടി​യെ യെശയ്യാ​വി​ന്റെ പുസ്‌തകം വർണി​ക്കു​ന്ന​തെ​ങ്ങനെ?

¹¹ തങ്ങൾ ആസ്വദിച്ച അനുഗൃ​ഹീത സ്ഥാനം തിരി​ച്ച​റി​ഞ്ഞ​പ്പോൾ അവർക്കു​ണ്ടായ സന്തോഷം നിങ്ങൾക്കു ഭാവന​യിൽ കാണാ​നാ​കു​മോ? ഒരു കൂട്ടമെന്ന നിലയിൽ അവർ യെശയ്യാ​വു 61:10-ലെ വാക്കുകൾ പ്രതി​ധ്വ​നി​പ്പി​ച്ചു: “ഞാൻ യഹോ​വ​യിൽ ഏററവും ആനന്ദി​ക്കും; എന്റെ ഉള്ളം എന്റെ ദൈവ​ത്തിൽ ഘോഷി​ച്ചു​ല്ല​സി​ക്കും.” യെശയ്യാ​വു 35:10-ലെ വാഗ്‌ദാ​നം അവരു​ടെ​മേൽ നിവർത്തി​ച്ചു: “യഹോ​വ​യാൽ വീണ്ടെ​ടു​ക്ക​പ്പെ​ട്ടവർ മടങ്ങി ഉല്ലാസ​ഘോ​ഷ​ത്തോ​ടെ സീയോ​നി​ലേക്കു വരും; നിത്യാ​നന്ദം അവരുടെ തലമേൽ ഉണ്ടായി​രി​ക്കും; അവർ ആനന്ദവും സന്തോ​ഷ​വും പ്രാപി​ക്കും; ദുഃഖ​വും നെടു​വീർപ്പും ഓടി​പ്പോ​കും.” സകലമ​നു​ഷ്യ​രോ​ടും സുവാർത്ത പ്രസം​ഗി​ക്കാ​നുള്ള ദൗത്യം ഏറ്റെടുത്ത 1919-ൽ യഹോ​വ​യു​ടെ ദൈവ​സ​മാ​ധാന സന്ദേശ​വാ​ഹ​ക​രു​ടെ സന്തുഷ്ടി അങ്ങനെ​യു​ള്ള​താ​യി​രു​ന്നു. അന്നുമു​തൽ ഇന്നുവരെ, അവർ ഈ ഉദ്യമ​ത്തിൽനി​ന്നു പിന്മാ​റി​യി​ട്ടില്ല, മാത്ര​മോ അവരുടെ സന്തുഷ്ടി വർധി​ച്ചി​ട്ടേ​യു​ള്ളൂ. ഗിരി​പ്ര​ഭാ​ഷ​ണ​ത്തിൽ യേശു പ്രസ്‌താ​വി​ച്ചു: “സമാധാ​നം ഉണ്ടാക്കു​ന്നവർ ഭാഗ്യ​വാൻമാർ; അവർ ദൈവ​ത്തി​ന്റെ പുത്രൻമാർ എന്നു വിളി​ക്ക​പ്പെ​ടും.” (മത്തായി 5:9, NW അടിക്കു​റിപ്പ്‌) 1919 മുതൽ ഇന്നുവരെ “ദൈവ​ത്തി​ന്റെ” അഭിഷിക്ത “പുത്രൻമാ”ർക്ക്‌ ആ പ്രഖ്യാ​പനം സത്യമാ​ണെന്നു ബോധ്യ​മാ​യി​ട്ടുണ്ട്‌.

12, 13. (എ) യഹോ​വയെ സേവി​ക്കു​ന്ന​തിൽ ദൈവ​ത്തി​ന്റെ ഇസ്രാ​യേ​ലി​നോ​ടു ചേർന്നത്‌ ആരാണ്‌, അവർ എന്തു വേല ചെയ്‌തു? (ബി) യഹോ​വ​യു​ടെ അഭിഷിക്ത ദാസന്മാർ ഏതു മഹത്തായ സന്തോഷം അനുഭ​വി​ച്ചി​രി​ക്കു​ന്നു?

¹² വർഷങ്ങൾ കടന്നു​പോ​യ​തോ​ടെ, ദൈവ​ത്തി​ന്റെ ഇസ്രാ​യേ​ലി​ന്റെ എണ്ണം വർധിച്ചു. അഭിഷി​ക്ത​രിൽ ശേഷി​ക്കു​ന്ന​വ​രു​ടെ കൂട്ടി​ച്ചേർപ്പ്‌ 1930-കൾവരെ തുടർന്നു. അന്നാണ്‌ ആ കൂട്ടി​ച്ചേർപ്പ്‌ സമാപ്‌തി​യോ​ട​ടു​ത്തത്‌. സുവാർത്ത പ്രസം​ഗി​ക്കു​ന്ന​വ​രു​ടെ എണ്ണത്തി​ലു​ണ്ടായ വർധനവ്‌ അന്ന്‌ അവസാ​നി​ച്ചോ? തീർച്ച​യാ​യു​മില്ല. ഭൗമിക പ്രത്യാ​ശ​യുള്ള ക്രിസ്‌ത്യാ​നി​ക​ളു​ടെ ഒരു മഹാപു​രു​ഷാ​രം അതി​നോ​ട​കം​തന്നെ അഭിഷി​ക്ത​രോ​ടൊ​പ്പം സഹവസി​ക്കാ​നും അവരോ​ടൊ​പ്പം പ്രസം​ഗ​വേ​ല​യിൽ പങ്കുപ​റ്റാ​നും തുടങ്ങി​യി​രു​ന്നു. അപ്പോ​സ്‌ത​ല​നായ യോഹ​ന്നാൻ ഈ മഹാപു​രു​ഷാ​രത്തെ ഒരു ദർശന​ത്തിൽ കണ്ടു. അവൻ അവരെ വർണി​ക്കുന്ന വിധം ശ്രദ്ധേ​യ​മാണ്‌: “അവർ ദൈവ​ത്തി​ന്റെ സിംഹാ​സ​ന​ത്തിൻമു​മ്പിൽ ഇരുന്നു അവന്റെ ആലയത്തിൽ രാപ്പകൽ അവനെ ആരാധി​ക്കു​ന്നു.” (വെളി​പ്പാ​ടു 7:15) അതേ, മഹാപു​രു​ഷാ​രം ദൈവത്തെ സേവി​ക്കു​ന്ന​തിൽ തിര​ക്കോ​ടെ ഏർപ്പെട്ടു. തത്‌ഫ​ല​മാ​യി, 1935-നുശേഷം അഭിഷി​ക്ത​രു​ടെ എണ്ണം കുറയാൻ തുടങ്ങി​യ​പ്പോൾ, ഈ വിശ്വസ്‌ത സഹകാ​രി​കൾ സാക്ഷീ​ക​ര​ണ​വേ​ല​യു​ടെ ആക്കം വർധി​പ്പി​ച്ചു.

¹³ ഈ വിധത്തിൽ യെശയ്യാ​വു 60:3, 4 നിവൃ​ത്തി​യേറി: “ജാതികൾ നിന്റെ പ്രകാ​ശ​ത്തി​ലേ​ക്കും രാജാ​ക്ക​ന്മാർ നിന്റെ ഉദയ​ശോ​ഭ​യി​ലേ​ക്കും വരും. നീ തല പൊക്കി ചുററും നോക്കുക; അവർ എല്ലാവ​രും ഒന്നിച്ചു​കൂ​ടി നിന്റെ അടുക്കൽ വരുന്നു; നിന്റെ പുത്ര​ന്മാർ ദൂരത്തു​നി​ന്നു വരും; നിന്റെ പുത്രി​മാ​രെ പാർശ്വ​ത്തി​ങ്കൽ വഹിച്ചു​കൊ​ണ്ടു വരും.” ഈ സംഭവ​വി​കാ​സങ്ങൾ ദൈവ​ത്തി​ന്റെ ഇസ്രാ​യേ​ലി​നു കൈവ​രു​ത്തിയ സന്തുഷ്ടി യെശയ്യാ​വു 60:5-ൽ മനോ​ഹ​ര​മാ​യി വർണി​ച്ചി​രി​ക്കു​ന്നു. നാമി​ങ്ങനെ വായി​ക്കു​ന്നു: “അപ്പോൾ നീ കണ്ടു ശോഭി​ക്കും; നിന്റെ ഹൃദയം പിടെച്ചു വികസി​ക്കും; സമു​ദ്ര​ത്തി​ന്റെ ധനം നിന്റെ അടുക്കൽ ചേരും; ജാതി​ക​ളു​ടെ സമ്പത്തു നിന്റെ അടുക്കൽ വരും.”

യഹോ​വ​യു​ടെ സ്ഥാപനം മുന്നോ​ട്ടു കുതി​ക്കു​ന്നു

14. (എ) യെഹെ​സ്‌കേ​ലി​നു സ്വർഗീയ സംഗതി​ക​ളെ​ക്കു​റി​ച്ചുള്ള ഏതു ദർശനം ലഭിച്ചു, അവന്‌ എന്തു കൽപ്പന ലഭിച്ചു? (ബി) ആധുനിക നാളിലെ യഹോ​വ​യു​ടെ ജനത എന്തു തിരി​ച്ച​റി​ഞ്ഞു, അവർക്ക്‌ എന്തു കടപ്പാടു തോന്നി?

¹⁴ പൊ.യു.മു. 613-ൽ, യെഹെ​സ്‌കേൽ യഹോ​വ​യു​ടെ സ്വർഗീയ, രഥസമാന സ്ഥാപനം മുന്നോ​ട്ടു കുതി​ക്കു​ന്നതു ദർശന​ത്തിൽ കണ്ടു. (യെഹെ​സ്‌കേൽ 1:4-28) അതിനു​ശേഷം, യഹോവ അവനോ​ടു പറഞ്ഞു: “മനുഷ്യ​പു​ത്രാ, നീ യിസ്രാ​യേൽഗൃ​ഹ​ത്തി​ന്റെ അടുക്കൽ ചെന്നു എന്റെ വചനങ്ങളെ അവരോ​ടു പ്രസ്‌താ​വിക്ക.” (യെഹെ​സ്‌കേൽ 3:4) 1997 എന്ന ഈ വർഷത്തിൽ, യഹോ​വ​യു​ടെ സ്വർഗീയ സ്ഥാപനം ദൈ​വോ​ദ്ദേ​ശ്യ​ങ്ങൾ നിവർത്തി​ക്കു​ന്ന​തി​നാ​യി ഇപ്പോ​ഴും അപ്രതി​രോ​ധ്യ​മാം​വി​ധം മുന്നേ​റു​ന്നതു നാം കാണുന്നു. അതു​കൊണ്ട്‌, ആ ഉദ്ദേശ്യ​ങ്ങ​ളെ​ക്കു​റി​ച്ചു മറ്റുള്ള​വ​രോ​ടു പറയാൻ നമുക്കി​പ്പോ​ഴും പ്രചോ​ദനം തോന്നു​ന്നു. യെഹെ​സ്‌കേ​ലി​ന്റെ നാളിൽ, അവൻ സംസാ​രി​ച്ചത്‌ യഹോവ നേരിട്ടു നിശ്വ​സ്‌ത​മാ​ക്കിയ വാക്കു​ക​ളാ​യി​രു​ന്നു. ഇന്ന്‌ നാം സംസാ​രി​ക്കു​ന്ന​താ​കട്ടെ, യഹോ​വ​യു​ടെ നിശ്വസ്‌ത വചനമായ ബൈബി​ളിൽനി​ന്നുള്ള വാക്കു​ക​ളും. ആ പുസ്‌ത​ക​ത്തിൽ മനുഷ്യ​വർഗ​ത്തി​നാ​യി എത്ര അത്ഭുത​ക​ര​മായ സന്ദേശ​മാ​ണു​ള്ളത്‌! ഭാവി​യെ​ക്കു​റിച്ച്‌ അനേക​രും വ്യാകു​ല​പ്പെ​ടു​മ്പോൾ, അവർ വിചാ​രി​ക്കു​ന്ന​തി​നെ​ക്കാ​ളും അവസ്ഥകൾ ഏറെ വഷളാ​ണെ​ന്നും അതേസ​മയം ഏറെ മെച്ച​പ്പെ​ട്ട​താ​ണെ​ന്നും ബൈബിൾ പ്രകട​മാ​ക്കു​ന്നു.

15. അവസ്ഥകൾ അനേക​രും വിചാ​രി​ക്കു​ന്ന​തി​നെ​ക്കാൾ വഷളാ​യി​രി​ക്കു​ന്ന​തെ​ന്തു​കൊണ്ട്‌?

¹⁵ സ്ഥിതി​ഗ​തി​കൾ വഷളാ​ണെന്നു പറയാൻ കാരണം നാം മുൻ ലേഖന​ങ്ങ​ളിൽ കണ്ടതു​പോ​ലെ ക്രൈ​സ്‌ത​വ​ലോ​ക​വും മറ്റു വ്യാജ​മ​ത​ങ്ങ​ളും, പൊ.യു.മു. 607-ലെ യെരൂ​ശ​ലേ​മി​ന്റെ സമ്പൂർണ നാശത്തി​ലെ​പോ​ലെ, താമസി​യാ​തെ നശിപ്പി​ക്ക​പ്പെ​ടു​മെ​ന്ന​തി​നാ​ലാണ്‌. അതിലു​പരി, വെളി​പ്പാ​ടു പുസ്‌ത​ക​ത്തിൽ ഏഴു തലയും പത്തു കൊമ്പു​മുള്ള കാട്ടു​മൃ​ഗ​മാ​യി ചിത്രീ​ക​രി​ച്ചി​രി​ക്കുന്ന ആഗോള രാഷ്‌ട്രീയ വ്യവസ്ഥി​തി​യും, യെരൂ​ശ​ലേ​മി​ന്റെ പുറജാ​തി​ക്കാ​രായ അയൽക്കാ​രിൽ അനേകർക്കും സംഭവി​ച്ച​തു​പോ​ലെ, തുടച്ചു​നീ​ക്ക​പ്പെ​ടാൻ പോകു​ക​യാണ്‌. (വെളി​പ്പാ​ടു 13:1, 2; 19:19-21) യെഹെ​സ്‌കേ​ലി​ന്റെ നാളിൽ, യെരൂ​ശ​ലേ​മി​ന്റെ ആസന്നമായ നാശം സൃഷ്ടിച്ച ഭീതി​യെ​ക്കു​റി​ച്ചു യഹോവ ഒരു സജീവ വർണന നൽകി. എന്നാൽ ഈ ലോക​ത്തി​ന്റെ നാശം അടു​ത്തെ​ത്തി​യെന്ന്‌ ആളുകൾ മനസ്സി​ലാ​ക്കു​മ്പോൾ ആ വാക്കുകൾ കൂടുതൽ അന്വർഥ​മാ​കും. യഹോവ യെഹെ​സ്‌കേ​ലി​നോ​ടു പറഞ്ഞു: “നീയോ, മനുഷ്യ​പു​ത്രാ, നിന്റെ നടു ഒടികെ നെടു​വീർപ്പി​ടുക; അവർ കാൺകെ കഠിന​മാ​യി നെടു​വീർപ്പി​ടുക. എന്തിന്നു നെടു​വീർപ്പി​ടു​ന്നു എന്നു അവർ നിന്നോ​ടു ചോദി​ച്ചാൽ നീ ഉത്തരം പറയേ​ണ്ടതു: ഒരു വർത്തമാ​നം​നി​മി​ത്തം [“ഒരു വാർത്ത നിമിത്തം,” പി.ഒ.സി. ബൈബിൾ] തന്നേ; അതു സംഭവി​ക്കു​മ്പോൾ സകലഹൃ​ദ​യ​വും ഉരുകി​പ്പോ​കും, എല്ലാ​കൈ​ക​ളും കുഴഞ്ഞു പോകും, ഏതു മനസ്സും കലങ്ങി​പ്പോ​കും, എല്ലാമു​ഴ​ങ്കാ​ലും വെള്ളം പോലെ ഒഴുകി​പ്പോ​കും; അതു വന്നുക​ഴി​ഞ്ഞു എന്നു യഹോ​വ​യായ കർത്താ​വി​ന്റെ അരുള​പ്പാ​ടു.” (യെഹെ​സ്‌കേൽ 21:6, 7; മത്തായി 24:30) ഭയജന​ക​മായ സംഭവങ്ങൾ ഉടനടി അരങ്ങേ​റും. സഹമനു​ഷ്യ​രോ​ടു നമുക്കുള്ള ആഴമായ താത്‌പ​ര്യം, മുന്നറി​യി​പ്പു മുഴക്കാൻ, യഹോ​വ​യു​ടെ വരുവാ​നി​രി​ക്കുന്ന ക്രോ​ധ​ത്തെ​ക്കു​റി​ച്ചുള്ള “വാർത്ത” പറയാൻ, നമ്മെ പ്രേരി​പ്പി​ക്കു​ന്നു.

16. സൗമ്യർക്ക്‌, അനേക​രും വിചാ​രി​ക്കു​ന്ന​തി​നെ​ക്കാൾ മെച്ചമായ അവസ്ഥക​ളു​ള്ള​തെ​ന്തു​കൊണ്ട്‌?

¹⁶ അതേസ​മയം, മിക്കയാ​ളു​കൾക്കും വിഭാവന ചെയ്യാ​നാ​കാ​ത്ത​വി​ധം സൗമ്യർക്കു സ്ഥിതി​ഗ​തി​കൾ മെച്ച​പ്പെ​ടാൻ പോകു​ക​യാണ്‌. ഏതു വിധത്തിൽ? യേശു​ക്രി​സ്‌തു നമ്മുടെ പാപങ്ങൾക്കു​വേണ്ടി മരിച്ച്‌ ഇപ്പോൾ ദൈവ​രാ​ജ്യ​ത്തി​ന്റെ രാജാ​വാ​യി വാഴു​ന്നു​വെ​ന്ന​തി​നാൽ. (1 തിമൊ​ഥെ​യൊസ്‌ 1:15; വെളി​പ്പാ​ടു 11:15) മനുഷ്യ​വർഗ​ത്തി​ന്റെ അപരി​ഹാ​ര്യ​മെന്നു തോന്നുന്ന പ്രശ്‌നങ്ങൾ ആ സ്വർഗീയ രാജ്യ​ത്തി​ലൂ​ടെ ഉടൻ പരിഹ​രി​ക്ക​പ്പെ​ടും. മരണവും രോഗ​വും അഴിമ​തി​യും വിശപ്പും കുറ്റകൃ​ത്യ​ങ്ങ​ളും മേലാൽ ഉണ്ടായി​രി​ക്കു​ക​യില്ല. യാതൊ​രു ഉറവിൽനി​ന്നു​മുള്ള എതിർപ്പി​ല്ലാ​തെ, ദൈവ​രാ​ജ്യം പറുദീ​സാ​ഭൂ​മി​മേൽ വാഴ്‌ച​ന​ട​ത്തും. (വെളി​പ്പാ​ടു 21:3, 4) മനുഷ്യ​വർഗം ദൈവ​സ​മാ​ധാ​നം—യഹോ​വ​യാം ദൈവ​ത്തോ​ടും സഹമനു​ഷ്യ​രോ​ടും സമാധാ​ന​പൂർണ​മായ ബന്ധം—ആസ്വദി​ക്കും.—സങ്കീർത്തനം 72:7.

17. ഏതു വർധന​വു​കൾ ദൈവ​സ​മാ​ധാന സന്ദേശ​വാ​ഹ​ക​രു​ടെ ഹൃദയ​ത്തിന്‌ ആഹ്ലാദം കൈവ​രു​ത്തു​ന്നു?

¹⁷ ലോക​ത്തി​ന്റെ ചില ഭാഗങ്ങ​ളിൽ, സൗമ്യ​രു​ടെ ശ്രദ്ധേ​യ​മാം​വി​ധം വലിയ കൂട്ടങ്ങൾ ദൈവ​സ​മാ​ധാ​ന​ത്തി​ന്റെ ഈ സന്ദേശ​ത്തോ​ടു പ്രതി​ക​രി​ക്കു​ക​യാണ്‌. ഏതാനും ഉദാഹ​ര​ണങ്ങൾ പറയാം. കഴിഞ്ഞ വർഷം യൂ​ക്രെ​യി​നിൽ പ്രസാ​ധ​ക​രു​ടെ എണ്ണത്തിൽ 17 ശതമാനം വർധനവ്‌ റിപ്പോർട്ടു ചെയ്‌തു. മൊസാ​മ്പിക്ക്‌ 17 ശതമാ​ന​വും ലിത്വാ​നിയ 29 ശതമാ​ന​വും വർധനവു റിപ്പോർട്ടു ചെയ്‌തു. റഷ്യയിൽ 31 ശതമാ​ന​ത്തി​ന്റെ വർധന​വു​ണ്ടാ​യ​പ്പോൾ അൽബേ​നി​യ​യിൽ 52 ശതമാ​ന​മാ​യി​രു​ന്നു പ്രസാ​ധ​ക​രു​ടെ വർധനവ്‌. ഈ വർധന​വു​കൾ സൂചി​പ്പി​ക്കു​ന്നത്‌ ദൈവ​സ​മാ​ധാ​നം ആസ്വദി​ക്കാൻ ആഗ്രഹി​ക്കു​ന്ന​വ​രും നീതി​ക്കാ​യി നിലപാ​ടു സ്വീക​രി​ച്ചി​രി​ക്കു​ന്ന​വ​രു​മായ പതിനാ​യി​ര​ക്ക​ണ​ക്കി​നു പരമാർഥ​ഹൃ​ദയർ ഉണ്ടെന്നാണ്‌. ദ്രുത​ഗ​തി​യി​ലുള്ള അത്തരം വളർച്ച മുഴു​ക്രി​സ്‌തീയ സഹോ​ദ​ര​വർഗ​ത്തി​നും സന്തോഷം കൈവ​രു​ത്തു​ന്നു.

18. ആളുകൾ ശ്രദ്ധി​ച്ചാ​ലും ഇല്ലെങ്കി​ലും നമ്മുടെ മനോ​ഭാ​വം എന്തായി​രി​ക്കണം?

¹⁸ നിങ്ങൾ പാർക്കു​ന്നി​ടത്തെ ആളുകൾ സത്വരം പ്രതി​ക​രി​ക്കാൻ മനസ്സു​ള്ള​വ​രാ​ണോ? എങ്കിൽ, നിങ്ങ​ളോ​ടൊ​പ്പം ഞങ്ങളും ആഹ്ലാദി​ക്കു​ന്നു. ചില സ്ഥലങ്ങളിൽ, മണിക്കൂ​റു​കൾ കഠിന​വേല ചെയ്‌താ​ലേ ഒരു താത്‌പ​ര്യ​ക്കാ​ര​നെ​യെ​ങ്കി​ലും കണ്ടെത്താ​നാ​കൂ. അത്തരം പ്രദേ​ശ​ങ്ങ​ളിൽ സേവി​ക്കു​ന്നവർ മടുപ്പോ നിരാ​ശ​യോ പ്രകട​മാ​ക്കു​ന്നു​ണ്ടോ? ഇല്ല. സഹയഹൂ​ദ​രോ​ടു പ്രസം​ഗി​ക്കാൻ ദൈവം യുവ​പ്ര​വാ​ച​ക​നായ യെഹെ​സ്‌കേ​ലി​നെ നിയമി​ച്ച​പ്പോൾ ദൈവം അവനോ​ടു പറഞ്ഞ വാക്കുകൾ യഹോ​വ​യു​ടെ സാക്ഷികൾ അനുസ്‌മ​രി​ക്കു​ന്നു: “കേട്ടാ​ലും കേൾക്കാ​ഞ്ഞാ​ലും—അവർ മത്സരഗൃ​ഹ​മ​ല്ലോ—തങ്ങളുടെ ഇടയിൽ ഒരു പ്രവാ​ചകൻ ഉണ്ടായി​രു​ന്നു എന്നു അവർ അറി​യേണം.” (യെഹെ​സ്‌കേൽ 2:5) ആളുകൾ പ്രതി​ക​രി​ച്ചാ​ലും ഇല്ലെങ്കി​ലും യെഹെ​സ്‌കേ​ലി​നെ​പ്പോ​ലെ, നാം ദൈവ​സ​മാ​ധാ​ന​ത്തെ​ക്കു​റിച്ച്‌ അവരോ​ടു പറഞ്ഞു​കൊ​ണ്ടി​രി​ക്കു​ന്നു. അവർ അതു ശ്രദ്ധി​ച്ചാൽ, നാം ആനന്ദി​ക്കും. അവർ അതു നിരാ​ക​രി​ച്ചാ​ലും നമ്മെ പരിഹ​സി​ച്ചാ​ലും പീഡി​പ്പി​ച്ചാ​ലും നാമതു വിട്ടു​ക​ള​യു​ക​യില്ല. കാരണം നാം യഹോ​വയെ സ്‌നേ​ഹി​ക്കു​ന്നു. “സ്‌നേഹം . . . എല്ലാം സഹിക്കു​ന്നു” എന്നു ബൈബിൾ പറയുന്നു. (1 കൊരി​ന്ത്യർ 13:4, 7) നാം സഹിഷ്‌ണു​ത​യോ​ടെ പ്രസം​ഗി​ക്കു​ന്ന​തു​കൊണ്ട്‌, യഹോ​വ​യു​ടെ സാക്ഷികൾ ആരെന്ന്‌ ആളുകൾക്ക​റി​യാം. അവർക്കു നമ്മുടെ സന്ദേശ​മ​റി​യാം. അന്ത്യം വരു​മ്പോൾ, ദൈവ​സ​മാ​ധാ​നം ആസ്വദി​ക്കാൻ തങ്ങളെ സഹായി​ക്കാ​നാണ്‌ യഹോ​വ​യു​ടെ സാക്ഷികൾ ശ്രമി​ച്ചത്‌ എന്ന്‌ അവർ മനസ്സി​ലാ​ക്കും.

19. സത്യ​ദൈ​വ​ത്തി​ന്റെ ദാസന്മാ​രെന്ന നിലയിൽ, നാം ഏതു പദവിയെ മതി​പ്പോ​ടെ കരുതു​ന്നു?

¹⁹ യഹോ​വയെ സേവി​ക്കു​ന്ന​തി​നെ​ക്കാൾ വലിയ പദവി​യു​ണ്ടോ? ഇല്ല! ദൈവ​വു​മാ​യുള്ള നമ്മുടെ ബന്ധത്തിൽനി​ന്നും നാമവന്റെ ഹിതം നിവർത്തി​ക്കു​ക​യാ​ണെന്ന അറിവിൽനി​ന്നു​മാണ്‌ നമുക്ക്‌ ഏറ്റവും വലിയ സന്തോഷം ലഭിക്കു​ന്നത്‌. “ജയഘോ​ഷം അറിയുന്ന ജനത്തിന്നു ഭാഗ്യം; യഹോവേ, അവർ നിന്റെ മുഖ​പ്ര​കാ​ശ​ത്തിൽ നടക്കും.” (സങ്കീർത്തനം 89:15) മനുഷ്യ​വർഗ​ത്തി​നു ദൈവ​സ​മാ​ധാ​ന​ത്തി​ന്റെ സന്ദേശ​വാ​ഹ​ക​രാ​യി​രി​ക്കു​ന്ന​തി​ലെ സന്തോ​ഷത്തെ നമുക്ക്‌ എന്നും മതി​പ്പോ​ടെ കരുതാം. വേല പൂർത്തി​യാ​യെന്നു യഹോവ പറയു​ന്ന​തു​വരെ നമുക്ക്‌ ഈ വേലയിൽ ശുഷ്‌കാ​ന്തി​യോ​ടെ പങ്കെടു​ക്കാം.

നിങ്ങൾ ഓർമി​ക്കു​ന്നു​വോ?

□ ഇന്ന്‌ ദൈവ​ത്തി​ന്റെ സമാധാന സന്ദേശ​വാ​ഹകർ ആരാണ്‌?

□ 1919-ൽ മഹാബാ​ബി​ലോ​നു വീഴ്‌ച നേരി​ട്ടെന്നു നമു​ക്കെ​ങ്ങനെ അറിയാം?

□ “മഹാപു​രു​ഷാര”ത്തിന്റെ മുഖ്യ താത്‌പ​ര്യ​മെന്ത്‌?

□ ഭാവി ഇന്നു മിക്കവ​രും വിചാ​രി​ക്കു​ന്ന​തി​നെ​ക്കാൾ ഇരുള​ട​ഞ്ഞ​താ​യി​രി​ക്കു​ന്നത്‌ എന്തു​കൊണ്ട്‌?

□ നീതി​മാ​ന്മാർ വിചാ​രി​ക്കു​ന്ന​തി​നെ​ക്കാൾ അവരുടെ ഭാവി മെച്ചമാ​യി​രി​ക്കാ​വു​ന്ന​തെ​ന്തു​കൊണ്ട്‌?

[21-ാം പേജിലെ ചിത്രം]

മനുഷ്യസമൂഹത്തിന്റെ അധഃപ​തനം കാണു​മ്പോൾ, എന്തോ ഭയങ്കര സംഗതി സംഭവി​ക്കാൻ പോകു​ക​യാ​ണെന്ന്‌ അനേകർക്കും തോന്നു​ന്നു

[23-ാം പേജിലെ ചിത്രങ്ങൾ]

ദൈവസമാധാന സന്ദേശ​വാ​ഹ​ക​രാണ്‌ ഇന്നു ഭൂമി​യി​ലേ​ക്കും ഏറ്റവും സന്തുഷ്ടർ