തിരു​വെ​ഴു​ത്തു​ക​ളിൽനി​ന്നുള്ള പാഠങ്ങൾ: നഹൂം 1:1-3:19

ദൈവം പ്രതി​കാ​രം ചെ​യ്യു​മ്പോൾ രക്ഷ സാദ്ധ്യം

“അൽപ്പകാ​ലം​കൂ​ടെ കഴിഞ്ഞാൽ ദുഷ്‌ടൻ മേലാൽ ഉണ്ടായി​രി​ക്ക​യില്ല.” (സങ്കീർത്തനം 37:10) ഈ വാക്കുകൾ നിവർത്തി​ക്ക​പ്പെ​ടു​മെന്ന്‌ നഹൂമും ഹബക്കൂ​ക്കും എഴുതിയ ബൈബിൾപു​സ്‌ത​ക​ങ്ങ​ളിൽ ശക്തമായി പ്രകട​മാ​ക്ക​പ്പെ​ട്ടി​രി​ക്കു​ന്നു. ഈ ധീരപു​രു​ഷൻമാർ ക്രി.മു. ഏഴാം നൂററാ​ണ്ടി​ന്റെ ഒടുവിൽ യഹൂദാ​രാ​ജ്യ​ത്തു​വെ​ച്ചാണ്‌ തങ്ങളുടെ പ്രവച​ന​ങ്ങ​ളു​ടെ രേഖ പൂർത്തി​യാ​ക്കി​യത്‌.

ഒന്നാമ​താ​യി, നഹൂം പ്രഖ്യാ​പിച്ച ദൈവ​ത്തി​ന്റെ പ്രവചനം പരിചി​ന്തി​ക്കുക. അതിൽ എന്തു പാഠങ്ങൾ ഉൾക്കൊ​ണ്ടി​രി​ക്കു​ന്നു?

ദൈവ​ത്തി​ന്റെ പ്രതി​കാ​രം തീർച്ച

യഹോവ സമ്പൂർണ്ണ​ഭക്തി ആവശ്യ​പ്പെ​ടു​ന്നു. (പുറപ്പാട്‌ 20:5) അസ്സീറി​യാ​യു​ടെ തലസ്ഥാ​ന​മായ നിന​വേ​ക്കെ​തി​രായ ഒരു പ്രഖ്യാ​പ​ന​ത്തിൽ യഹോവ തനിക്ക്‌ അത്തരം ഭക്തി അർപ്പി​ക്കാ​ത്ത​വ​രു​ടെ​മേൽ പ്രതി​കാ​രം ചെയ്യു​മെന്ന്‌ നഹൂം പ്രകട​മാ​ക്കു​ന്നു. എന്തിന്‌, അവന്റെ മുമ്പിൽ പർവതങ്ങൾ കുലു​ങ്ങു​ന്നു, മലകൾ ഉരുകു​ന്നു, ഭൂമി കീഴ്‌മേൽ മറിയു​ന്നു! അവന്റെ കോപ​ത്തിൻചൂട്‌ ആർക്കു സഹിച്ചു​നിൽക്കാൻക​ഴി​യും?—1:1-6.

ഒരു അഭയമെന്ന നിലയിൽ നമുക്ക്‌ യഹോ​വയെ ആശ്രയി​ക്കാൻ കഴിയും. അതെ, തന്നിൽ അഭയം​തേ​ടു​ന്ന​വരെ യഹോവ കാത്തു​സൂ​ക്ഷി​ക്കു​ന്നു. തന്റെ ശത്രുക്കൾ ഉൻമൂ​ല​നം​ചെ​യ്യ​പ്പെ​ടു​മ്പോൾ കഷ്ടത രണ്ടാം പ്രാവ​ശ്യം പൊങ്ങി​വ​രു​ക​യില്ല. യഹൂദക്ക്‌ സമാധാന സുവാർത്ത​യുണ്ട്‌, എന്തു​കൊ​ണ്ടെ​ന്നാൽ സത്യാ​രാ​ധന നിർബാ​ധം തുടരും.—1:7-2:2

നീതി​കെട്ട ആളുകൾ വിജയി​ക്കു​ക​യില്ല. ഇത്‌ നിന​വേ​യിക്ക്‌ സംഭവി​ച്ച​തിൽനിന്ന്‌ സ്‌പഷ്ട​മാണ്‌. ബന്ദിക​ളോ​ടുള്ള അവളുടെ ക്രൂര​പെ​രു​മാ​ററം അവളെ “രക്തച്ചൊ​രി​ച്ചി​ലി​ന്റെ നഗര”മാക്കി​ത്തീർത്തു. ശക്തമായി കോട്ട​കെ​ട്ടി​യു​റ​പ്പി​ക്ക​പ്പെ​ട്ടി​രുന്ന ഈ നഗരം അതിന്റെ ചുവരു​കൾക്കു പിന്നിൽ ഒരു സിംഹ​ക്കു​ഴി​പോ​ലെ സുരക്ഷി​ത​മെന്നു തോന്നി. എന്നാൽ ദൈവ​ത്തി​ന്റെ കൽപ്പന​യാൽ, നിനവേ പുരാതന നോ-അമ്മോന്‌ അഥവാ നൈൽന​ദി​യി​ലെ തീബസിന്‌ വരുത്തിയ അതേ ഭാഗ​ധേ​യം​തന്നെ അനുഭ​വി​ക്കും. അസ്സീറി​യാ​യു​ടെ തലസ്ഥാനം അവളുടെ പാപങ്ങൾനി​മി​ത്തം ശൂന്യ​മാ​ക്ക​പ്പെ​ടും. ബാബി​ലോ​ന്യ രാജാ​വായ നബോ​പ്പ​ലാ​സ​റി​ന്റെ​യും മേദ്യ​നായ സയാക്‌സ​റെ​സി​ന്റെ​യും സംയു​ക്ത​സൈ​ന്യ​ങ്ങൾ ക്രി.മു. 632-ൽ നിന​വേയെ പിടി​ച്ച​ട​ക്കി​യ​പ്പോൾ ഈ പ്രവച​ന​ത്തി​നു നിവൃ​ത്തി​യു​ണ്ടാ​യി.—2:3-3:19. (w89 5/15)

തിരു​വെ​ഴു​ത്തു​ക​ളിൽനി​ന്നുള്ള പാഠങ്ങൾ: ഹബക്കൂക്ക്‌ 1:1-3:19

യഹോവ തന്റെ തക്ക സമയത്ത്‌ ക്രൂര മർദ്ദകർക്കെ​തി​രെ നടപടി​യെ​ടു​ക്കു​മെന്ന്‌ ഹബക്കൂക്ക്‌ മനസ്സി​ലാ​ക്കി. എന്നാൽ ‘നീതി​മാൻ തന്റെ വിശ്വ​സ്‌ത​ത​യാൽ തുടർന്നു ജീവി​ക്കും.’ (2:4) എന്നിരു​ന്നാ​ലും ഈ പ്രവച​ന​ത്തിൽ നിന്ന്‌ നമുക്ക്‌ കൂടു​ത​ലാ​യി എന്തു പാഠങ്ങൾ പഠിക്കാൻ കഴിയും?

വിശ്വാ​സ​മു​ള്ള​വർക്കു രക്ഷ

യഹോവ തന്റെ ദാസൻമാ​രു​ടെ യാചനകൾ ശ്രദ്ധി​ക്കു​ന്നു. ഹബക്കൂക്ക്‌ ചോദി​ക്കു​ന്നു: “യഹോവേ ഞാനെ​ത്ര​ത്തോ​ളം സഹായ​ത്തി​നാ​യി നിലവി​ളി​ക്കു​ക​യും നീ കേൾക്കാ​തി​രി​ക്ക​യും ചെയ്യണം?” അതെ, നീതി​യില്ല, ദുഷ്ടൻമാർ നീതി​മാൻമാ​രെ വളയുന്നു. എന്നാൽ ദൈവം കേൾക്ക​തന്നെ ചെയ്യുന്നു. അവൻ തന്റെ ശിക്ഷക്കുള്ള ഏജൻസി​യാ​യി “കൽദയരെ എഴു​ന്നേൽപ്പി​ക്കു​ന്നു.” എന്നാൽ അവന്‌ എങ്ങനെ യുദ്ധ​പ്രി​യ​മുള്ള ഒരു ശക്തിയെ ഉപയോ​ഗി​ക്കാൻ കഴിയും? പ്രവാ​ചകൻ ഒരു ശാസന പ്രതീ​ക്ഷി​ച്ചു​കൊണ്ട്‌ ദൈവ​ത്തി​ന്റെ ഉത്തരത്തി​നാ​യി കാത്തി​രി​ക്കു​ന്നു.—1:1-2:1.

നീതി​മാൻമാ​രും വിശ്വ​സ്‌ത​രും മാത്രം തുടർന്ന്‌ ജീവി​ക്കും. യഹോവ ഇതിനെ കുറിച്ച്‌ ഹബക്കൂ​ക്കിന്‌ ഉറപ്പു​കൊ​ടു​ക്കു​ന്നു. ഒരു താമസ​മു​ണ്ടെന്ന്‌ തോന്നി​യേ​ക്കാ​മെ​ങ്കി​ലും ദൈവ​ത്തി​ന്റെ നിയമി​ത​സ​മ​യത്ത്‌ പ്രവാ​ച​ക​ദർശനം “കണിശ​മാ​യും നിവർത്തി​ക്കും.” ജനതകളെ കൊള്ള​യ​ടി​ച്ചു​കൊ​ണ്ടി​രി​ക്കുന്ന അഹംഭാ​വി​യായ ശത്രു തന്റെ ലാക്കു നേടു​ക​യില്ല. തീർച്ച​യാ​യും, കൽദയർ ശിക്ഷി​ക്ക​പ്പെ​ടാ​തെ പോകു​ക​യില്ല.—2:2-5.

ദുഷ്ടൻമാർക്ക്‌ ഹാ കഷ്ടം!

നീതി​കെട്ട ലാഭവും അക്രമ​വും വിഗ്ര​ഹാ​രാ​ധ​ന​യും ഒഴിവാ​ക്കുക. എന്തു​കൊണ്ട്‌? എന്തു​കൊ​ണ്ടെ​ന്നാൽ ദുരാ​ദാ​യം ഉണ്ടാക്കി​ക്കൊണ്ട്‌ സ്വന്തമ​ല്ലാ​ത്തതു പെരു​ക്കു​ക​യും രക്തച്ചൊ​രി​ച്ചി​ലി​നാൽ ഒരു നഗരം പണിയു​ക​യും ലജ്ജാവ​ഹ​മായ പരാജ​യ​ത്തി​ന്റെ പാനപാ​ത്രം മററു​ള്ള​വരെ ഹിംസാ​ത്മ​ക​മാ​യി കുടി​പ്പി​ക്കു​ക​യും ജീവനി​ല്ലാത്ത വിഗ്ര​ഹ​ങ്ങ​ളിൽ ആശ്രയി​ക്കു​ക​യും ചെയ്യു​ന്ന​വന്‌ കഷ്ടം സുനി​ശ്ചി​ത​മാണ്‌. ദൈവം അത്തരക്കാ​രു​ടെ പ്രവൃ​ത്തി​യെ നാസ്‌തി​യാ​ക്കും. സർവഭൂ​മി​യും യഹോ​വ​യു​ടെ മഹത്വം അറിയാ​നി​ട​യാ​ക്ക​പ്പെ​ടും, അവന്റെ മുമ്പിൽ സകലരും ആദര​വോ​ടെ മൗനമാ​യി നിൽക്കണം.—2:6-20.

രക്ഷക്കു​വേ​ണ്ടി ക്ഷമാപൂർവം യഹോ​വ​ക്കാ​യി കാത്തി​രി​ക്കുക. ഹബക്കൂക്ക്‌ ദൈവ​ശ​ക്തി​യു​ടെ മുൻ പ്രത്യ​ക്ഷ​ത​കളെ ഓർമ്മി​ക്കു​ന്നു. മററു​ള്ള​വ​യു​ടെ കൂട്ടത്തിൽ യഹോവ ജനതകളെ കോപ​ത്തിൽ ചവിട്ടി​മെ​തി​ച്ചു​കൊണ്ട്‌ ഭൂമി​യി​ലൂ​ടെ അഭിഗ​മി​ച്ചു. അവൻ തന്റെ ജനത്തിന്റെ രക്ഷക്കു​വേ​ണ്ടി​യും മുന്നോ​ട്ടു​നീ​ങ്ങി. ഹബക്കൂക്ക്‌ നിസ്സഹാ​യ​നാ​യി “കഷ്ടദി​വ​സ​ത്തി​നു​വേണ്ടി ശാന്തമാ​യി കാത്തി​രി​ക്കാൻ” ദൃഢനി​ശ്ച​യം​ചെ​യ്‌തി​രി​ക്കു​ക​യാണ്‌. അഭിമു​ഖീ​ക​രി​ക്കേണ്ട കഷ്ടനാ​ളു​കളെ ഗണ്യമാ​ക്കാ​തെ അവൻ യഹോ​വ​യിൽ ആഹ്ലാദി​ക്കു​ക​യും തന്റെ രക്ഷയുടെ ദൈവ​ത്തിൽ സന്തോ​ഷി​ക്കു​ക​യും ചെയ്യും.—3:1-19. (w89 5/15)

30-ാം പേജിലെ ചതുരം]

ബൈബിൾവാക്യങ്ങൾ പരി​ശോ​ധി​ക്ക​പ്പെ​ടു​ന്നു

● 1:4—ബാശാൻ, കർമ്മേൽ, ലബാ​നോൻ എന്നിവ ഭംഗി​യും ഫലപു​ഷ്ടി​യും ഉൽപ്പാ​ദ​ന​ക്ഷ​മ​ത​യു​മുള്ള പ്രദേ​ശ​ങ്ങ​ളാ​യി​രു​ന്നു. അവ വാടി​പ്പോ​കു​ന്നത്‌ അവയിൽ ആശ്രയി​ച്ച​വർക്ക്‌ ദുരന്തം കൈവ​രു​ത്തു​മാ​യി​രു​ന്നു. ഇത്‌ യഹോ​വ​യു​ടെ ക്രോ​ധ​ത്തി​ന്റെ പകരലി​ന്റെ കാഠി​ന്യ​ത്തെ ഊന്നി​പ്പ​റ​യു​ന്നു.

● 1:10—നിനവെ കെട്ടു​പി​ണ​ഞ്ഞു​കി​ട​ക്കുന്ന മുള്ളുകൾ പോലെ തുളച്ചു​ക​യ​റാൻ പററാ​ത്ത​താ​ണെന്ന്‌ സ്വയം കരുതി. അവൾക്ക്‌ അതി​മോ​ഹ​ത്താൽ മത്തുപി​ടി​ച്ചി​രു​ന്നു. എന്നാൽ തീ ഉണങ്ങിയ വൈ​ക്കോ​ലി​നെ തിന്നു​ക​ള​യു​ന്ന​തു​പോ​ലെ​തന്നെ അനായാ​സം അവൾ വിഴു​ങ്ങ​പ്പെ​ടും. അതു​പോ​ലെ​തന്നെ, ദൈവ​ത്തി​ന്റെ ആധുനിക നാളിലെ ശത്രുക്കൾ യഹോ​വ​യു​ടെ അഗ്നിമ​യ​മായ ന്യായ​വി​ധി​കളെ ചെറു​ത്തു​നിൽക്കു​ക​യില്ല.

● 2:6—നിന​വെ​യു​ടെ​മേ​ലുള്ള ആക്രമ​ണ​സ​മ​യത്തെ കനത്ത മഴനി​മി​ത്തം ടൈ​ഗ്രീസ്‌ നദി കവി​ഞ്ഞൊ​ഴു​കി. ഇത്‌ നഗരത്തി​ന്റെ ഒരു ഭാഗത്തെ വെള്ളത്തിൽ മുക്കു​ക​യും മതിലി​ന്റെ ഒരു ഭാഗത്തെ ഇടിച്ചു​ക​ള​യു​ക​യും ചെയ്‌തു. അങ്ങനെ, ജേതാ​ക്കൾക്ക്‌ അസീറി​യൻ തലസ്ഥാനം പിടി​ച്ചെ​ടു​ക്കുക എളുപ്പ​മാ​യി​ത്തീർന്നു.

● 2:11-13—കാട്ടു​മൃ​ഗ​ങ്ങ​ളെ​പ്പോ​ലെ അസീറി​യാ​ക്കാർ ജനതകളെ ഭയപ്പെ​ടു​ത്തു​ക​യും ഇരയാ​ക്കു​ക​യും ചെയ്‌തു. സിംഹം ഒരു ദേശീയ ചിഹ്നമാ​യി​രു​ന്നു എന്നും തോന്നു​ന്നു. സിംഹ​ങ്ങ​ളു​ടെ അനേകം പ്രതി​മകൾ നിന​വെ​യു​ടെ ശൂന്യ​ശി​ഷ്‌ട​ങ്ങ​ളിൽ കണ്ടെത്ത​പ്പെ​ട്ടി​ട്ടുണ്ട്‌.

● 3:3, 4—ഒരു വേശ്യ​യെ​പ്പോ​ലെ നിനവെ സഖിത്വ​ത്തി​ന്റെ സാന്ത്വ​ക​വാ​ഗ്‌ദ​ത്ത​ങ്ങ​ളാ​ലും സഹായ വാഗ്‌ദാ​ന​ങ്ങ​ളാ​ലും ജനതകളെ വഞ്ചിച്ചു. എന്നാൽ അങ്ങനെ കെണി​യിൽ അകപ്പെ​ട്ടവർ, യഹൂദാ​രാ​ജാ​വായ ആഹാസി​ന്റെ കാര്യ​ത്തിൽ പ്രകട​മാ​ക്ക​പ്പെ​ട്ട​തു​പോ​ലെ, അവളുടെ മർദ്ദക​നു​ക​ത്തിൻകീ​ഴിൽ പെട്ടെ​ന്നു​തന്നെ വേദന അനുഭ​വി​ച്ചു. 2 ദിനവൃ​ത്താ​ന്തം 28:16, 20, 21.

[31-ാം പേജിലെ ചതുരം]

ബൈബിൾവാക്യങ്ങൾ പരി​ശോ​ധി​ക്ക​പ്പെ​ടു​ന്നു

● 1:2-4—തിൻമയെ പൊറു​ക്കാത്ത ഒരു ദൈവ​മെന്ന നിലയിൽ യഹോ​വ​യി​ലുള്ള ഹബക്കൂ​ക്കി​ന്റെ വിശ്വാ​സം ദുഷ്ടത പ്രബല​പ്പെ​ടു​ന്ന​തെ​ന്തു​കൊ​ണ്ടെന്ന്‌ ചോദി​ക്കാൻ അവനെ പ്രേരി​പ്പി​ച്ചു. തന്റെ ചിന്തയെ ശരിയാ​ക്കാൻ അവൻ സന്നദ്ധനാ​യി​രു​ന്നു. (2:1) ചില കാര്യങ്ങൾ അനുവ​ദി​ക്ക​പ്പെ​ടു​ന്ന​തെ​ന്തു​കൊ​ണ്ടെന്ന്‌ നാം അതിശ​യി​ക്കു​മ്പോൾ യഹോ​വ​യു​ടെ നീതി​യി​ലുള്ള നമ്മുടെ വിശ്വാ​സ​വും സമനില പാലി​ക്കു​ന്ന​തി​നും അവനെ കാത്തി​രി​ക്കു​ന്ന​തി​നും നമ്മെ സഹായി​ക്കേ​ണ്ട​താണ്‌.—സങ്കീർത്തനം 42:5, 11.

● 2:5—ബാബി​ലോ​ന്യർ ജനതകളെ ജയിച്ച​ട​ക്കാൻ തന്റെ യുദ്ധയ​ന്ത്രത്തെ ഉപയോ​ഗിച്ച ഒരു സംയുക്ത മനുഷ്യ​നാ​യി​രു​ന്നു. കൂടുതൽ ഇരകൾക്കു​വേണ്ടി എല്ലായ്‌പ്പോ​ഴും തയ്യാറാ​യി​നിൽക്കുന്ന ഷിയോ​ളി​നെ​യും മരണ​ത്തെ​യും​പോ​ലെ അവൻ കൂടു​ത​ലായ സൈനി​ക​ദി​ഗ്വി​ജ​യങ്ങൾ ആഗ്രഹി​ച്ചു. (സദൃശ​വാ​ക്യ​ങ്ങൾ 30:15, 16 താരത​മ്യ​പ്പെ​ടു​ത്തുക.) കനത്ത കുടി​യാൽ സ്വാധീ​നി​ക്ക​പ്പെ​ട്ട​തു​പോ​ലെ, അവൻ വിജയ​ത്താൽ ഗർവി​ഷ്‌ഠ​നാ​യി. എന്നാൽ ബാബി​ലോൻ ക്രി.മു. 539-ൽ വീണ​പ്പോൾ അവന്റെ ദിഗ്വി​ജയ യുദ്ധങ്ങൾ അവസാ​നി​ച്ചു.

● 3:13—ദൈവ​ത്തി​ന്റെ തെര​ഞ്ഞെ​ടു​ക്ക​പ്പെട്ട അഭിഷിക്ത ജനമാ​യി​രുന്ന ഇസ്രാ​യേൽ ജനത ദൈവ​ത്തി​ന്റെ രക്ഷാശക്തി മിക്ക​പ്പോ​ഴും അനുഭ​വി​ച്ച​റി​ഞ്ഞി​രു​ന്നു. (സങ്കീർത്തനം 28:8, 9) കാല​ക്ര​മ​ത്തിൽ, അത്‌ ദൈവ​ത്തി​ന്റെ സ്വർഗ്ഗീയ “സ്‌ത്രീ”യുടെ “സന്തതി”യായ മശിഹാ​യെ ഉളവാക്കി. (ഉൽപ്പത്തി 3:15) യഹോവ യേശു​വി​ന്റെ ആത്മാഭി​ഷി​ക്ത​ശി​ഷ്യൻമാ​രു​ടെ ശേഷി​പ്പാ​യി “സന്തതി​യിൽ” ശേഷി​ച്ചി​രി​ക്കുന്ന അംഗങ്ങ​ളെ​യും സാത്താ​നാ​ലും ജനതക​ളാ​ലു​മുള്ള ആക്രമ​ണ​ത്തിൽനിന്ന്‌ രക്ഷിക്കും.—വെളി​പ്പാട്‌ 12:17.

[30-ാം പേജിലെ ചിത്രം]

പുരാവസ്‌തുശാസ്‌ത്രജ്ഞനായ ഏ.എച്ച്‌. ലേയാഡ്‌ വരച്ച അസീറി​യൻ കൊട്ടാ​ര​ത്തി​ന്റെ ഒരു ചിത്രം