സകലരും യഹോ​വയെ മഹത്ത്വ​പ്പെ​ടു​ത്തട്ടെ!

‘നിങ്ങൾ കിഴക്കു യഹോ​വയെ മഹത്വ​പ്പെ​ടു​ത്തു​വിൻ.’—യെശയ്യാ​വു 24:15.

1. യഹോ​വ​യു​ടെ പ്രവാ​ച​ക​ന്മാർ അവന്റെ നാമത്തെ എങ്ങനെ​യാ​ണു കരുതി​യത്‌, ഇന്നു ക്രൈ​സ്‌ത​വ​ലോ​ക​ത്തി​ലുള്ള ഏതു മനോ​ഭാ​വ​ത്തിൽനിന്ന്‌ അതു വിഭി​ന്ന​മാണ്‌?

യഹോവ—ദൈവ​ത്തി​ന്റെ വിശ്രുത നാമം! ആ നാമത്തിൽ സംസാ​രി​ക്കാൻ പുരാ​ത​ന​കാ​ലത്തെ വിശ്വസ്‌ത പ്രവാ​ച​ക​ന്മാർക്ക്‌ എത്ര സന്തോ​ഷ​മാ​യി​രു​ന്നു! തങ്ങളുടെ പരമാ​ധീശ കർത്താ​വായ യഹോ​വയെ അവർ ആഹ്ലാദ​ത്തോ​ടെ മഹത്ത്വ​പ്പെ​ടു​ത്തി. അവന്റെ നാമം അവനെ മഹാ ഉദ്ദേഷ്ടാവ്‌ എന്നനി​ല​യിൽ തിരി​ച്ച​റി​യി​ക്കു​ന്നു. (യെശയ്യാ​വു 40:5; യിരെ​മ്യാ​വു 10:6, 10; യെഹെ​സ്‌കേൽ 36:23) ചെറിയ പ്രവാ​ച​ക​ന്മാർ എന്നു വിളി​ക്ക​പ്പെ​ട്ടവർ പോലും ഉച്ചസ്വ​ര​ത്തിൽ യഹോ​വ​യ്‌ക്കു മഹത്ത്വ​മേകി. അവരി​ലൊ​രു​വ​നാ​യി​രു​ന്നു ഹഗ്ഗായി. വെറും 38 വാക്യ​ങ്ങ​ളുള്ള ഹഗ്ഗായി​യു​ടെ പുസ്‌ത​ക​ത്തിൽ ദൈവ​നാ​മം 35 പ്രാവ​ശ്യം ഉപയോ​ഗി​ച്ചി​രി​ക്കു​ന്നു. ക്രൈ​സ്‌ത​വ​ലോ​ക​ത്തി​ലെ അതി​ശ്രേഷ്‌ഠ അപ്പോ​സ്‌ത​ല​ന്മാർ തങ്ങളുടെ ബൈബിൾ ഭാഷാ​ന്ത​ര​ങ്ങ​ളിൽ പരിഭാ​ഷ​പ്പെ​ടു​ത്തു​ന്ന​തു​പോ​ലെ യഹോവ എന്ന വിശിഷ്ട നാമത്തി​ന്റെ സ്ഥാനത്ത്‌ “കർത്താവ്‌” എന്നു ചേർക്കു​മ്പോൾ, അത്തരം പ്രവചനം ഓജസ​റ്റ​താ​യി​ത്തീ​രു​ന്നു.—2 കൊരി​ന്ത്യർ 11:5 താരത​മ്യം ചെയ്യുക.

2, 3. (എ) ഇസ്രാ​യേ​ലി​ന്റെ പുനഃ​സ്ഥി​തീ​ക​രണം സംബന്ധിച്ച ഒരു ശ്രദ്ധേ​യ​മായ പ്രവചനം എങ്ങനെ നിവൃ​ത്തി​യാ​യി? (ബി) യഹൂദ​ശേ​ഷി​പ്പും അവരുടെ സഹകാ​രി​ക​ളും ഏതു സന്തോ​ഷ​ത്തിൽ പങ്കുപറ്റി?

² യെശയ്യാ​വു 12:2-ൽ ആ നാമത്തി​ന്റെ ഇരട്ട രൂപം ഉപയോ​ഗി​ച്ചി​രി​ക്കു​ന്നു.a പ്രവാ​ചകൻ ഇങ്ങനെ പ്രഘോ​ഷി​ക്കു​ന്നു: “ഇതാ, ദൈവം എന്റെ രക്ഷ; യഹോ​വ​യായ യാഹ്‌ എന്റെ ബലവും എന്റെ ഗീതവും ആയിരി​ക്ക​കൊ​ണ്ടും അവൻ എന്റെ രക്ഷയാ​യ്‌തീർന്നി​രി​ക്ക​കൊ​ണ്ടും ഞാൻ ഭയപ്പെ​ടാ​തെ ആശ്രയി​ക്കും.” (യെശയ്യാ​വു 26:4 കൂടെ കാണുക.) അങ്ങനെ, ബാബി​ലോ​ന്യ പ്രവാ​സ​ത്തിൽനിന്ന്‌ ഇസ്രാ​യേ​ലി​നെ വിടു​വി​ക്കു​ന്ന​തിന്‌ 200-ഓളം വർഷങ്ങൾക്കു മുമ്പ്‌, താൻ അവരുടെ ശക്തനായ രക്ഷകനാ​ണെന്നു പ്രവാ​ച​ക​നായ യെശയ്യാ​വി​ലൂ​ടെ യഹോ​വ​യായ യാഹ്‌ ഉറപ്പു നൽകു​ക​യാ​യി​രു​ന്നു. ആ പ്രവാസം പൊ.യു.മു. (പൊതു​യു​ഗ​ത്തി​നു​മുമ്പ്‌) 607 മുതൽ പൊ.യു.മു. 537 വരെ നീണ്ടു​നിൽക്കേ​ണ്ടി​യി​രു​ന്നു. യെശയ്യാവ്‌ ഇങ്ങനെ​യും എഴുതി: “യഹോ​വ​യായ ഞാൻ സകലവും ഉണ്ടാക്കു​ന്നു; . . . കോ​രെശ്‌ എന്റെ ഇടയൻ അവൻ എന്റെ ഹിത​മൊ​ക്കെ​യും നിവർത്തി​ക്കും എന്നും യെരൂ​ശ​ലേം പണിയ​പ്പെ​ടും, മന്ദിര​ത്തി​ന്നു അടിസ്ഥാ​നം ഇടും എന്നും ഞാൻ കല്‌പി​ക്കു​ന്നു.” ഈ കോ​രെശ്‌ ആരായി​രു​ന്നു? പേർഷ്യ​യു​ടെ രാജാ​വായ കോ​രെ​ശാണ്‌ അവനെന്നു തെളി​ഞ്ഞതു ശ്രദ്ധേ​യ​മാ​യി​രു​ന്നു. അവൻ പൊ.യു.മു. 539-ൽ ബാബി​ലോ​നെ ജയിച്ച​ടക്കി.—യെശയ്യാ​വു 44:24, 28.

³ യെശയ്യാവ്‌ രേഖ​പ്പെ​ടു​ത്തിയ യഹോ​വ​യു​ടെ വാക്കു​ക​ളു​ടെ നിവൃ​ത്തി​യാ​യി കോ​രെശ്‌, ബന്ദിക​ളായ ഇസ്രാ​യേ​ല്യർക്ക്‌ ഈ കൽപ്പന നൽകി: “നിങ്ങളിൽ അവന്റെ ജനമാ​യി​ട്ടു ആരെങ്കി​ലും ഉണ്ടെങ്കിൽ അവന്റെ ദൈവം അവനോ​ടു​കൂ​ടെ ഇരിക്കു​മാ​റാ​കട്ടെ; അവൻ യെഹൂ​ദ​യി​ലെ യെരൂ​ശ​ലേ​മി​ലേക്കു യാത്ര​പു​റ​പ്പെട്ടു യിസ്രാ​യേ​ലി​ന്റെ ദൈവ​മായ യഹോ​വെക്കു ആലയം പണിയട്ടെ; അവനല്ലോ യെരൂ​ശ​ലേ​മി​ലെ ദൈവം.” അതീവ സന്തുഷ്ട​രായ ഒരു യഹൂദ​ശേ​ഷിപ്പ്‌ ഇസ്രാ​യേ​ല്യേ​തര നെഥി​നി​മി​നോ​ടും ശലോ​മോ​ന്റെ ദാസന്മാ​രു​ടെ പുത്ര​ന്മാ​രോ​ടു​മൊ​പ്പം യെരൂ​ശ​ലേ​മി​ലേക്കു മടങ്ങി. പൊ.യു.മു. 537-ലെ കൂടാ​ര​പ്പെ​രു​ന്നാൾ ആഘോ​ഷി​ക്ക​ത്ത​ക്ക​വണ്ണം യഥാസ​മ​യത്ത്‌ എത്തി​ച്ചേർന്ന അവർ യഹോ​വ​യു​ടെ ബലിപീ​ഠ​ത്തിൽ അവനു യാഗങ്ങൾ അർപ്പിച്ചു. പിറ്റേ വർഷം, രണ്ടാം മാസം യഹോ​വയെ സ്‌തു​തിച്ച്‌, അത്യു​ച്ച​ത്തിൽ ആർത്തു​ഘോ​ഷി​ച്ചു​കൊണ്ട്‌ അവർ രണ്ടാമത്തെ ആലയത്തി​നുള്ള അസ്‌തി​വാ​ര​മി​ട്ടു.—എസ്രാ 1:1-4; 2:1, 2, 43, 55; 3:1-6, 8, 10-13.

4. യെശയ്യാ​വു 35-ഉം 55-ഉം അധ്യാ​യങ്ങൾ ഒരു യാഥാർഥ്യ​മാ​യി​ത്തീർന്ന​തെ​ങ്ങനെ?

⁴ യഹോ​വ​യു​ടെ പുനഃ​സ്ഥി​തീ​കരണ പ്രവചനം മഹത്ത്വ​പൂർണ​മായ വിധത്തിൽ ഇസ്രാ​യേ​ലിൽ നിവൃ​ത്തി​യേ​റേ​ണ്ടി​യി​രു​ന്നു: “മരുഭൂ​മി​യും വരണ്ട നിലവും ആനന്ദി​ക്കും; നിർജ്ജ​ന​പ്ര​ദേശം ഉല്ലസിച്ചു പനിനീർപു​ഷ്‌പം പോലെ പൂക്കും. . . . അവർ യഹോ​വ​യു​ടെ മഹത്വ​വും നമ്മുടെ ദൈവ​ത്തി​ന്റെ തേജസ്സും കാണും.” “നിങ്ങൾ സന്തോ​ഷ​ത്തോ​ടെ പുറ​പ്പെ​ടും; സമാധാ​ന​ത്തോ​ടെ നിങ്ങളെ പറഞ്ഞയ​ക്കും; മലകളും കുന്നു​ക​ളും നിങ്ങളു​ടെ മുമ്പിൽ പൊട്ടി ആർക്കും; . . . അതു യഹോ​വെക്കു ഒരു കീർത്തി​യാ​യും ഛേദി​ക്ക​പ്പെ​ടാത്ത ശാശ്വ​ത​മാ​യോ​രു അടയാ​ള​മാ​യും ഇരിക്കും.”—യെശയ്യാ​വു 35:1, 2; 55:12, 13.

5. ഇസ്രാ​യേ​ലി​ന്റെ സന്തോഷം താത്‌കാ​ലി​ക​മാ​യി​രു​ന്നത്‌ എന്തു​കൊണ്ട്‌?

⁵ എങ്കിലും, ആ സന്തോഷം താത്‌കാ​ലി​ക​മാ​യി​രു​ന്നു. അയൽവാ​സി​ക​ളായ ജനങ്ങൾ ആലയനിർമാ​ണ​ത്തി​നു സമ്മി​ശ്ര​വി​ശ്വാ​സ​ത്തി​ന്റേ​തായ സഖ്യം തേടി. ആദ്യ​മൊ​ക്കെ യഹൂദർ ഉറച്ചു​നി​ന്നു. അവർ ഇങ്ങനെ പ്രഖ്യാ​പി​ച്ചു: “ഞങ്ങളുടെ ദൈവ​ത്തി​ന്റെ ആലയം പണിയു​ന്ന​തിൽ നിങ്ങൾക്കു ഞങ്ങളു​മാ​യി കാര്യ​മൊ​ന്നു​മില്ല; പാർസി​രാ​ജാ​വായ കോ​രെ​ശ്‌രാ​ജാ​വു ഞങ്ങളോ​ടു കല്‌പി​ച്ച​തു​പോ​ലെ ഞങ്ങൾ തന്നേ യിസ്രാ​യേ​ലി​ന്റെ ദൈവ​മായ യഹോ​വെക്കു അതു പണിതു​കൊ​ള്ളാം.” ആ അയൽക്കാർ ബദ്ധവി​രോ​ധി​ക​ളാ​യി മാറി. അവർ “യെഹൂ​ദാ​ജ​ന​ത്തി​ന്നു ധൈര്യ​ക്ഷയം വരുത്തി പണിയാ​തി​രി​ക്കേ​ണ്ട​തി​ന്നു അവരെ പേടി​പ്പി​ച്ചു.” അതു മാത്രമല്ല, അവർ കോ​രെ​ശി​ന്റെ പിൻഗാ​മി​യായ അർഥഹ്‌ശ​ഷ്ടാ​വിന്‌ തെറ്റായ വിവരങ്ങൾ നൽകി. അങ്ങനെ ആലയനിർമാ​ണം നിരോ​ധി​ക്കു​ന്ന​തിന്‌ അവൻ കൽപ്പന പുറ​പ്പെ​ടു​വി​ക്കു​ക​യും ചെയ്‌തു. (എസ്രാ 4:1-24) 17 വർഷ​ത്തോ​ളം വേല സ്‌തം​ഭി​ച്ചു. ദുഃഖ​ക​ര​മെന്നു പറയട്ടെ, അക്കാലത്ത്‌ യഹൂദർ ഭൗതി​കത്വ ജീവി​ത​ഗ​തി​യി​ലേക്ക്‌ വീണു​പോ​യി.

“സൈന്യ​ങ്ങ​ളു​ടെ യഹോവ” സംസാ​രി​ക്കു​ന്നു

6. (എ) ഇസ്രാ​യേ​ലി​ലെ സാഹച​ര്യ​ത്തോട്‌ യഹോവ എങ്ങനെ പ്രതി​ക​രി​ച്ചു? (ബി) ഹഗ്ഗായി​യു​ടെ നാമത്തി​ന്റെ പ്രത്യക്ഷ അർഥം ഉചിത​മാ​യി​രി​ക്കു​ന്നത്‌ എന്തു​കൊണ്ട്‌?

⁶ അപ്പോൾപോ​ലും, യഹൂദ​രിൽ ഉത്തരവാ​ദി​ത്വ​ങ്ങൾ സംബന്ധിച്ച്‌ ഉണർവു​ണ്ടാ​ക്കു​ന്ന​തിന്‌ പ്രവാ​ച​ക​ന്മാ​രെ, പ്രത്യേ​കിച്ച്‌ ഹഗ്ഗായി​യെ​യും സെഖര്യാ​വി​നെ​യും, അയച്ചു​കൊണ്ട്‌ യഹോവ ‘തന്റെ ബലവും ശക്തിയും’ പ്രകട​മാ​ക്കി. ഹഗ്ഗായി​യു​ടെ പേര്‌ ഉത്സവ​ത്തോ​ടു ബന്ധപ്പെ​ട്ടി​രു​ന്നു, കാരണം “ഉത്സവനാ​ളിൽ ജനിച്ചവൻ” എന്ന്‌ അതിന്‌ അർഥമു​ള്ള​താ​യി തോന്നു​ന്നു. അവൻ പ്രവചി​ക്കൽ തുടങ്ങി​യത്‌ കൂടാ​ര​പ്പെ​രു​ന്നാൾ മാസത്തി​ന്റെ ഒന്നാം ദിവസ​മാ​യി​രു​ന്നു​വെ​ന്നത്‌ ഉചിത​മാ​യി​രു​ന്നു. ആ സമയത്ത്‌ “വേണ്ടും​വണ്ണം സന്തോ​ഷി​ക്കേണ”മെന്ന്‌ യഹൂദ​ന്മാ​രോട്‌ ആവശ്യ​പ്പെ​ട്ടി​രു​ന്നു. (ആവർത്ത​ന​പു​സ്‌തകം 16:15) ഹഗ്ഗായി​യി​ലൂ​ടെ, 112 ദിവസം നീണ്ടു​നിന്ന കാലയ​ള​വിൽ, യഹോവ നാലു സന്ദേശങ്ങൾ നൽകി.—ഹഗ്ഗായി 1:1; 2:1, 10, 20.

7. ഹഗ്ഗായി​യു​ടെ പ്രാരം​ഭ​വാ​ക്കു​കൾ നമുക്കു പ്രോ​ത്സാ​ഹ​ന​മാ​യി​രി​ക്കേ​ണ്ടത്‌ എങ്ങനെ​യാണ്‌?

⁷ തന്റെ പ്രവചനം അവതരി​പ്പി​ച്ചു​കൊണ്ട്‌ ഹഗ്ഗായി ഇപ്രകാ​രം പറഞ്ഞു: “സൈന്യ​ങ്ങ​ളു​ടെ യഹോവ ഇപ്രകാ​രം അരുളി​ച്ചെ​യ്യു​ന്നു.” (ഹഗ്ഗായി 1:2എ) ആ ‘സൈന്യ​ങ്ങൾ’ ആരായി​രി​ക്കും? അവർ യഹോ​വ​യു​ടെ ദൂതസം​ഘ​ങ്ങ​ളാണ്‌. ബൈബി​ളിൽ ചില​പ്പോൾ സേനകൾ എന്ന്‌ അവയെ പരാമർശി​ച്ചി​രി​ക്കു​ന്നു. (ഇയ്യോബ്‌ 1:6; 2:1; സങ്കീർത്തനം 103:20, 21; മത്തായി 26:53) ഭൂമി​യിൽ സത്യാ​രാ​ധന പുനഃ​സ്ഥാ​പി​ക്കു​ക​യെന്ന നമ്മുടെ വേലയ്‌ക്കു നേതൃ​ത്വം നൽകാൻ പരമാ​ധീ​ശ​കർത്താ​വായ യഹോ​വ​തന്നെ ഈ അദൃശ്യ​സേ​ന​കളെ ഉപയോ​ഗി​ക്കു​ന്നു​വെ​ന്നത്‌ ഇന്നു നമുക്കു പ്രോ​ത്സാ​ഹ​ന​മേ​കു​ന്നി​ല്ലേ?—2 രാജാ​ക്ക​ന്മാർ 6:15-17 താരത​മ്യം ചെയ്യുക.

8. ഇസ്രാ​യേ​ലി​നെ ഏതു വീക്ഷണ​ഗതി സ്വാധീ​നി​ച്ചു, ഫലമെ​ന്താ​യി​രു​ന്നു?

⁸ ഹഗ്ഗായി​യു​ടെ ആദ്യ സന്ദേശ​ത്തി​ന്റെ ഉള്ളടക്ക​മെ​ന്താ​യി​രു​ന്നു? ജനം ഇങ്ങനെ പറഞ്ഞി​രു​ന്നു: ‘യഹോ​വ​യു​ടെ ആലയം പണിവാ​നുള്ള കാലം വന്നിട്ടില്ല.’ ദിവ്യാ​രാ​ധ​ന​യു​ടെ പുനഃ​സ്ഥി​തീ​ക​ര​ണത്തെ പ്രതി​നി​ധീ​ക​രി​ക്കുന്ന ആലയനിർമാ​ണം മേലാൽ അവരുടെ മുഖ്യ​താ​ത്‌പ​ര്യ​മ​ല്ലാ​താ​യി. തങ്ങൾക്കാ​യി കൊട്ടാ​ര​സ​മാന ഭവനങ്ങൾ പണിയു​ന്ന​തി​ലേക്ക്‌ അവർ തിരിഞ്ഞു. ഭൗതി​കത്വ വീക്ഷണം യഹോ​വ​യു​ടെ ആരാധ​ന​യോ​ടുള്ള അവരുടെ ഉത്സാഹ​ത്തി​നു മങ്ങലേൽപ്പി​ച്ചു. തത്‌ഫ​ല​മാ​യി, അവന്റെ അനു​ഗ്രഹം ലഭിക്കാ​താ​യി, അവരുടെ വയലുകൾ ഫലം തരാതാ​യി, അവർക്ക്‌ അതി​ശൈ​ത്യ​ത്തെ ചെറു​ക്കാൻ വസ്‌ത്ര​മി​ല്ലാ​താ​യി. അവരുടെ വരുമാ​നം തുച്ഛമാ​യി​ത്തീർന്നി​രു​ന്നു, പാടേ തുളകൾ വീണ സഞ്ചിയിൽ പണം ഇടുന്ന​തു​പോ​ലെ ആയിരു​ന്നു അത്‌.—ഹഗ്ഗായി 1:2ബി-6.

9. ശക്തവും പരിപു​ഷ്ടി​പ്പെ​ടു​ത്തു​ന്ന​തു​മായ ഏത്‌ അനുശാ​സ​ന​മാണ്‌ യഹോവ നൽകി​യത്‌?

⁹ “നിങ്ങളു​ടെ വഴികളെ വിചാ​രി​ച്ചു​നോ​ക്കു​വിൻ” എന്ന്‌ രണ്ടു തവണ യഹോവ ശക്തമായ അനുശാ​സനം നൽകി. സ്‌പഷ്ട​മാ​യും, യെരു​ശ​ലേ​മി​ന്റെ ഗവർണ​റായ സെരു​ബ്ബാ​ബേ​ലും മഹാപു​രോ​ഹി​ത​നായ യോശുവയുംb പ്രതി​ക​രി​ച്ചു. “തങ്ങളുടെ ദൈവ​മായ യഹോ​വ​യു​ടെ വാക്കും തങ്ങളുടെ ദൈവ​മായ യഹോ​വ​യു​ടെ നിയോ​ഗ​ത്തി​ന്നു ഒത്തവണ്ണം ഹഗ്ഗായി​പ്ര​വാ​ച​കന്റെ വചനങ്ങ​ളും കേട്ടനു​സരി”ക്കാൻ അവർ ജനത്തെ​യെ​ല്ലാം പ്രോ​ത്സാ​ഹി​പ്പി​ച്ചു. “ജനം യഹോ​വയെ ഭയപ്പെ​ടു​ക​യും ചെയ്‌തു.” മാത്രമല്ല, “യഹോ​വ​യു​ടെ ദൂതനായ ഹഗ്ഗായി യഹോ​വ​യു​ടെ ദൂതായി ജനത്തോ​ടു: ഞാൻ നിങ്ങ​ളോ​ടു കൂടെ ഉണ്ടെന്നു യഹോ​വ​യു​ടെ അരുള​പ്പാ​ടു എന്നു പറഞ്ഞു.”—ഹഗ്ഗായി 1:5, 7-14.

10. ഇസ്രാ​യേ​ലി​നു വേണ്ടി യഹോവ തന്റെ ശക്തി എങ്ങനെ​യാണ്‌ ഉപയോ​ഗി​ച്ചത്‌?

¹⁰ യെരു​ശ​ലേ​മി​ലു​ണ്ടാ​യി​രുന്ന ചില പ്രായ​മേ​റി​യവർ, പുതു​ക്കി​പ്പ​ണിത ആലയത്തി​ന്റെ മഹത്ത്വം നേരത്തെ ഉണ്ടായി​രുന്ന ആലയത്തി​ന്റെ മഹത്ത്വ​ത്തോ​ടുള്ള താരത​മ്യ​ത്തിൽ “ഏതുമില്ല” എന്നു കരുതി​യി​രി​ക്കാ​നി​ട​യുണ്ട്‌. എന്നിരു​ന്നാ​ലും, ഏതാണ്ട്‌ 51 ദിവസ​ത്തി​നു​ശേഷം രണ്ടാമത്തെ സന്ദേശം പ്രഘോ​ഷി​ക്കാൻ യഹോവ ഹഗ്ഗായി​യെ പ്രേരി​പ്പി​ച്ചു: “ഇപ്പോ​ഴോ സെരു​ബ്ബാ​ബേലേ, ധൈര്യ​പ്പെ​ടുക എന്നു യഹോ​വ​യു​ടെ അരുള​പ്പാ​ടു; മഹാപു​രോ​ഹി​ത​നാ​യി യഹോ​സാ​ദാ​ക്കി​ന്റെ മകനായ യോശു​വേ, ധൈര്യ​പ്പെ​ടുക; ദേശത്തി​ലെ സകലജ​ന​വു​മാ​യു​ള്ളോ​രേ, ധൈര്യ​പ്പെട്ടു വേല ചെയ്‌വിൻ എന്നു യഹോ​വ​യു​ടെ അരുള​പ്പാ​ടു; ഞാൻ നിങ്ങ​ളോ​ടു​കൂ​ടെ ഉണ്ടല്ലോ എന്നു സൈന്യ​ങ്ങ​ളു​ടെ യഹോ​വ​യു​ടെ അരുള​പ്പാ​ടു. . . . നിങ്ങൾ ഭയപ്പെ​ടേണ്ടാ.” യഥാസ​മ​യത്ത്‌ ‘ആകാശ​ത്തെ​യും ഭൂമി​യെ​യും ഇളക്കാൻ’ തന്റെ സർവശക്തി ഉപയോ​ഗി​ക്കാ​നി​രുന്ന യഹോവ, എല്ലാ എതിർപ്പി​നെ​യും, ചക്രവർത്തി​യു​ടെ നിരോ​ധ​ന​ത്തെ​പോ​ലും തരണം ചെയ്യു​ന്നു​വെന്ന്‌ ഉറപ്പു വരുത്തി. അഞ്ചു വർഷത്തി​നു​ള്ളിൽ ആലയനിർമാ​ണ​ത്തി​നു മഹത്തായ വിജയ​ത്തോ​ടെ പരിസ​മാ​പ്‌തി കുറിച്ചു.—ഹഗ്ഗായി 2:3-6.

11. ദൈവം രണ്ടാമത്തെ ആലയത്തെ ‘കൂടു​ത​ലായ മഹത്വം’കൊണ്ട്‌ നിറച്ച​തെ​ങ്ങനെ?

¹¹ അപ്പോൾ ശ്രദ്ധേ​യ​മായ ഒരു വാഗ്‌ദത്തം നിവൃ​ത്തി​യാ​യി: ‘സകല ജാതി​ക​ളു​ടെ​യും മനോ​ഹ​ര​വ​സ്‌തു [‘അഭികാ​മ്യ വസ്‌തു​ക്കൾ,’ NW] വരും; ഞാൻ ഈ ആലയത്തെ മഹത്വ​പൂർണ്ണ​മാ​ക്കും എന്നു സൈന്യ​ങ്ങ​ളു​ടെ യഹോവ അരുളി​ച്ചെ​യ്യു​ന്നു.’ (ഹഗ്ഗായി 2:7) ആ ‘അഭികാ​മ്യ വസ്‌തു​ക്കൾ,’ അവന്റെ പ്രൗഢ​മായ സാന്നി​ധ്യ​ത്തി​ന്റെ മഹത്ത്വം പ്രതി​ഫ​ലി​പ്പിച്ച ആ ആലയത്തിൽ ആരാധ​ന​യ്‌ക്കാ​യി വന്ന ഇസ്രാ​യേ​ല്യേ​തരർ ആണെന്നു തെളിഞ്ഞു. പുനർനിർമിച്ച ഈ ആലയം ശലോ​മോ​ന്റെ നാളിൽ പണിക​ഴി​പ്പിച്ച ആലയ​ത്തോ​ടുള്ള താരത​മ്യ​ത്തിൽ എങ്ങനെ​യു​ള്ള​താ​യി​രു​ന്നു? “ഈ ആലയത്തി​ന്റെ പിന്നത്തെ മഹത്വം മുമ്പി​ലേ​ത്ത​തി​ലും വലുതാ​യി​രി​ക്കും” എന്ന്‌ ദൈവ​ത്തി​ന്റെ പ്രവാ​ചകൻ ഉദ്‌ഘോ​ഷി​ച്ചു. (ഹഗ്ഗായി 2:9) ആ പ്രവച​ന​ത്തി​ന്റെ ആദ്യ നിവൃ​ത്തി​യെ​ടു​ത്താൽ, പുനർനിർമിച്ച ആലയം ആദ്യത്തെ ആലയ​ത്തെ​ക്കാൾ ദീർഘ​കാ​ലം നിലനി​ന്നു. പൊ.യു. (പൊതു​യു​ഗം) 29-ൽ മിശിഹാ പ്രത്യ​ക്ഷ​പ്പെ​ട്ട​പ്പോ​ഴും അതു നിലവി​ലു​ണ്ടാ​യി​രു​ന്നു. തന്നെയു​മല്ല, മിശിഹാ അവിടെ സത്യം പ്രസം​ഗി​ച്ച​പ്പോൾ അതിനു മഹത്ത്വം കൈവന്നു.

12. ആദ്യത്തെ രണ്ട്‌ ആലയങ്ങൾ എന്ത്‌ ഉദ്ദേശ്യ​ത്തിന്‌ ഉതകി?

¹² മിശി​ഹാ​യു​ടെ പൗരോ​ഹി​ത്യ സേവന​ത്തി​ന്റെ മുഖ്യ​വ​ശ​ങ്ങളെ മുൻനി​ഴ​ലാ​ക്കു​ന്ന​തി​ലും മിശി​ഹാ​യു​ടെ യഥാർഥ പ്രത്യ​ക്ഷ​ത​വരെ ഭൂമി​യിൽ യഹോ​വ​യു​ടെ ശുദ്ധാ​രാ​ധന സജീവ​മാ​യി നിലനിർത്തു​ന്ന​തി​ലും, യെരു​ശ​ലേ​മി​ലെ ഒന്നാമ​ത്തെ​യും രണ്ടാമ​ത്തെ​യും ആലയങ്ങൾ മർമ​പ്ര​ധാ​ന​മായ ഒരു ഉദ്ദേശ്യ​ത്തിന്‌ ഉതകി.—എബ്രായർ 10:1.

മഹത്ത്വ​മാർന്ന ആത്മീയ ആലയം

13. (എ) ആത്മീയ ആലയം സംബന്ധിച്ച എന്തെല്ലാം സംഭവ​വി​കാ​സങ്ങൾ പൊ.യു. 29 മുതൽ 33 വരെ അരങ്ങേറി? (ബി) ഈ സംഭവ​വി​കാ​സ​ങ്ങ​ളിൽ യേശു​വി​ന്റെ മറുവി​ല​യാ​ഗം പ്രധാ​ന​മായ എന്തു പങ്കു വഹിച്ചു?

¹³ ഹഗ്ഗായി​യു​ടെ പുനഃ​സ്ഥി​തീ​കരണ പ്രവച​ന​ത്തി​നു പിൽക്കാ​ല​ങ്ങ​ളിൽ പ്രത്യേക അർഥമു​ണ്ടോ? തീർച്ച​യാ​യും! യെരു​ശ​ലേ​മി​ലെ പുനർനിർമി​ക്ക​പ്പെട്ട ആലയം ഭൂമി​യി​ലെ മുഴു സത്യാ​രാ​ധ​ന​യു​ടെ​യും സിരാ​കേ​ന്ദ്ര​മാ​യി​ത്തീർന്നു. എന്നാൽ വളരെ മഹത്ത്വ​മേ​റിയ ആത്മീയ ആലയത്തി​ന്റെ ഒരു പൂർവ​ചി​ത്രം അതു പ്രദാനം ചെയ്‌തു. അതു പ്രവർത്തി​ക്കാൻ തുടങ്ങി​യത്‌, യോർദാൻ നദിയി​ലെ യേശു​വി​ന്റെ സ്‌നാ​പ​ന​സ​മ​യത്ത്‌ മഹാപു​രോ​ഹി​ത​നാ​യി യേശു​വി​നെ യഹോവ അഭി​ഷേകം ചെയ്യു​ക​യും പരിശു​ദ്ധാ​ത്മാവ്‌ ഒരു പ്രാവി​നെ​പ്പോ​ലെ അവന്റെ​മേൽ ഇറങ്ങി​വ​രു​ക​യും ചെയ്‌ത പൊ.യു. 29-ലായി​രു​ന്നു. (മത്തായി 3:16) ബലിമ​ര​ണ​ത്തോ​ടെ തന്റെ ഭൗമിക ശുശ്രൂഷ പൂർത്തി​യാ​ക്കി​യ​ശേഷം, ആലയത്തി​ന്റെ അതിവി​ശു​ദ്ധ​ത്താൽ ചിത്രീ​ക​രി​ക്ക​പ്പെട്ട സ്വർഗ​ത്തി​ലേക്ക്‌ യേശു പുനരു​ത്ഥാ​നം ചെയ്‌തു. അവി​ടെ​വെച്ച്‌ അവൻ തന്റെ ബലിയു​ടെ മൂല്യം യഹോ​വ​യ്‌ക്കു സമർപ്പി​ച്ചു. അത്‌ അവന്റെ ശിഷ്യ​ന്മാ​രു​ടെ പാപങ്ങളെ മൂടുന്ന ഒരു മറുവി​ല​യാ​യി വർത്തി​ക്കു​ക​യും അവരെ യഹോ​വ​യു​ടെ ആത്മീയ ആലയത്തി​ലെ ഉപപു​രോ​ഹി​ത​ന്മാ​രാ​ക്കി അഭി​ഷേകം ചെയ്യു​ന്ന​തി​നുള്ള മാർഗം പൊ.യു. 33-ലെ പെന്ത​ക്കോ​സ്‌തിൽ തുറന്നു​കൊ​ടു​ക്കു​ക​യും ചെയ്‌തു. ഭൂമി​യാ​കുന്ന ആലയ​പ്രാ​കാ​ര​ത്തിൽ മരണ​ത്തോ​ള​മുള്ള അവരുടെ വിശ്വസ്‌ത ശുശ്രൂഷ, തുടർന്നുള്ള പൗരോ​ഹി​ത്യ സേവന​ത്തി​നാ​യി ഒരു ഭാവി സ്വർഗീയ പുനരു​ത്ഥാ​ന​ത്തി​ലേക്കു നയിക്കും.

14. (എ) ആദിമ ക്രിസ്‌തീയ സഭയുടെ തീക്ഷ്‌ണ​മായ പ്രവർത്തനം എത്ര സന്തോ​ഷ​ഭ​രി​ത​മാ​യി​രു​ന്നു? (ബി) ഈ സന്തോഷം താത്‌കാ​ലി​ക​മാ​യി​രു​ന്നത്‌ എന്തു​കൊണ്ട്‌?

¹⁴ അനുതാ​പ​മുള്ള ആയിര​ക്ക​ണ​ക്കി​നു യഹൂദ​ന്മാ​രും, പിന്നീട്‌ വിജാ​തീ​യ​രും, ക്രിസ്‌തീയ സഭയി​ലേക്കു തടിച്ചു​കൂ​ടി. ഭൂമി​മേൽ ഭരണം നടത്താൻ പോകുന്ന ദൈവ​രാ​ജ്യ​ത്തെ​ക്കു​റി​ച്ചുള്ള സുവാർത്താ​ഘോ​ഷ​ണ​ത്തിൽ അവർ പങ്കെടു​ക്കു​ക​യും ചെയ്‌തു. ഏതാണ്ട്‌ 30 വർഷത്തി​നു​ശേഷം, “ആകാശ​ത്തിൻകീ​ഴെ സകലസൃ​ഷ്ടി​ക​ളു​ടെ​യും ഇടയിൽ” സുവാർത്ത പ്രസം​ഗി​ച്ചി​രി​ക്കു​ന്ന​താ​യി പൗലൊസ്‌ അപ്പോ​സ്‌ത​ലനു പ്രസ്‌താ​വി​ക്കാൻ കഴിഞ്ഞു. (കൊ​ലൊ​സ്സ്യർ 1:23) എന്നാൽ അപ്പോ​സ്‌ത​ല​ന്മാ​രു​ടെ മരണ​ത്തെ​ത്തു​ടർന്നു വലിയ വിശ്വാ​സ​ത്യാ​ഗം രംഗ​പ്ര​വേശം ചെയ്‌തു, അങ്ങനെ സത്യത്തി​ന്റെ ദീപം മങ്ങിക്ക​ത്താൻ തുടങ്ങി. പുറജാ​തീയ പഠിപ്പി​ക്ക​ലു​ക​ളി​ലും തത്ത്വചി​ന്ത​ക​ളി​ലും അധിഷ്‌ഠി​ത​മായ ക്രൈ​സ്‌ത​വ​ലോ​ക​ത്തി​ന്റെ വിഭാ​ഗീയ ചിന്താ​ഗതി യഥാർഥ ക്രിസ്‌ത്യാ​നി​ത്വ​ത്തി​ന്റെ​മേൽ നിഴൽ പരത്തി.—പ്രവൃ​ത്തി​കൾ 20:29, 30.

15, 16. (എ) 1914-ൽ പ്രവചനം നിവൃ​ത്തി​യാ​യത്‌ എങ്ങനെ? (ബി) 19-ാം നൂറ്റാ​ണ്ടി​ന്റെ അവസാ​ന​ത്തി​ലും 20-ാം നൂറ്റാ​ണ്ടി​ന്റെ ആരംഭ​ത്തി​ലും പ്രത്യേ​ക​ത​യാ​യി​രു​ന്നത്‌ ഏതു കൂട്ടി​ച്ചേർക്ക​ലാണ്‌?

¹⁵ നൂറ്റാ​ണ്ടു​കൾ കടന്നു​പോ​യി. 1870-കളിൽ ഒരു കൂട്ടം ആത്മാർഥ ക്രിസ്‌ത്യാ​നി​കൾ ബൈബി​ളി​ന്റെ സൂക്ഷ്‌മ​മായ പഠനത്തിൽ ഏർപ്പെ​ട്ടു​തു​ടങ്ങി. “ജാതി​ക​ളു​ടെ കാലം” അവസാ​നി​ക്കുന്ന വർഷമാ​യി 1914-നെ അവർ തിരു​വെ​ഴു​ത്തിൽനി​ന്നു ചൂണ്ടി​ക്കാ​ട്ടാൻ തുടങ്ങി. അന്നായി​രു​ന്നു ക്രിസ്‌തു​യേശു, ഭൂമി​യു​ടെ മിശി​ഹൈക രാജാ​വെന്ന നിലയിൽ “അവകാ​ശ​മു​ള്ളവൻ,” സ്വർഗീയ സിംഹാ​സ​നാ​രോ​ഹണം ചെയ്‌ത​തോ​ടെ പ്രതീ​കാ​ത്മ​ക​മായ ഏഴു “കാലം” (മൃഗസ​മാന മനുഷ്യ​ഭ​ര​ണ​ത്തി​ന്റെ 2,520 വർഷങ്ങൾ) അവസാ​നി​ച്ചത്‌. (ലൂക്കൊസ്‌ 21:24; ദാനീ​യേൽ 4:25; യെഹെ​സ്‌കേൽ 21:26, 27) ഇന്ന്‌ യഹോ​വ​യു​ടെ സാക്ഷികൾ എന്നറി​യ​പ്പെ​ടുന്ന ഈ ബൈബിൾ വിദ്യാർഥി​കൾ, സമീപി​ച്ചി​രി​ക്കുന്ന രാജ്യ​ത്തെ​ക്കു​റി​ച്ചുള്ള സുവാർത്ത ഭൂമി​യി​ലെ​മ്പാ​ടും സജീവ​മാ​യി വ്യാപി​പ്പി​ക്കു​ന്ന​തിൽ ഏർപ്പെ​ട്ടി​രി​ക്കു​ന്നു, പ്രത്യേ​കി​ച്ചും 1919 മുതൽ. യു.എസ്‌.എ.-യിലെ ഒഹാ​യോ​യി​ലുള്ള സീഡാർ പോയിൻറിൽ നടന്ന കൺ​വെൻ​ഷ​നിൽ പുറ​പ്പെ​ടു​വിച്ച ആഹ്വാ​ന​ത്തോട്‌ ഇവരിൽ ഏതാനും സഹസ്രം സാക്ഷികൾ പ്രതി​ക​രി​ച്ചത്‌ 1919-ലായി​രു​ന്നു. 1935 എന്ന വർഷം​വരെ അവരുടെ സംഖ്യ കൂടി​വന്നു. ആ വർഷം 56,153 പേരാണ്‌ വയൽസേ​വനം റിപ്പോർട്ടു ചെയ്‌തത്‌. ആ വർഷം യേശു​വി​ന്റെ മരണത്തി​ന്റെ വാർഷിക സ്‌മാ​ര​കാ​ഘോ​ഷ​ത്തിൽ അപ്പവും വീഞ്ഞു​മാ​കുന്ന ചിഹ്നങ്ങ​ളിൽ പങ്കുപ​റ്റു​ക​വഴി 52,465 പേർ, യഹോ​വ​യു​ടെ വലിയ ആത്മീയ ആലയത്തി​ന്റെ സ്വർഗീയ ഭാഗത്ത്‌ ക്രിസ്‌തു​വി​നോ​ടൊ​പ്പം പുരോ​ഹി​ത​ന്മാ​രാ​യി​ത്തീ​രു​ക​യെന്ന പ്രതീ​ക്ഷയെ പ്രതീ​ക​പ്പെ​ടു​ത്തി​യി​രു​ന്നു. അവനോ​ടൊ​പ്പം മിശി​ഹൈക രാജ്യ​ത്തിൽ സഹരാ​ജാ​ക്ക​ന്മാ​രാ​യും സേവി​ക്കാ​നു​ള്ള​വ​രാ​ണവർ.—ലൂക്കൊസ്‌ 22:29, 30; റോമർ 8:15-17.

¹⁶ എന്നാൽ ഈ അഭിഷിക്ത ക്രിസ്‌ത്യാ​നി​ക​ളു​ടെ മൊത്ത സംഖ്യ 1,44,000-മായി പരിമി​ത​പ്പെ​ട്ടി​രി​ക്കു​ന്നു​വെന്ന്‌ വെളി​പ്പാ​ടു 7:4-8-ഉം 14:1-4-ഉം പ്രകട​മാ​ക്കു​ന്നു. അവരിൽ അനേക​രും ഒന്നാം നൂറ്റാ​ണ്ടിൽ വലിയ വിശ്വാ​സ​ത്യാ​ഗം നുഴഞ്ഞു​ക​യ​റു​ന്ന​തി​നു മുമ്പു​തന്നെ കൂട്ടി​ച്ചേർക്ക​പ്പെട്ടു. 19-ാം നൂറ്റാ​ണ്ടി​ന്റെ അവസാ​നം​മു​തൽ 20-ാം നൂറ്റാ​ണ്ടു​വരെ, യഹോ​വ​യു​ടെ വചനമാ​കുന്ന ജലത്താൽ ശുദ്ധീ​ക​രി​ക്ക​പ്പെ​ട്ട​വ​രു​ടെ കൂട്ടി​ച്ചേർപ്പ്‌ അവൻ പൂർത്തീ​ക​രി​ക്കു​ക​യാ​യി​രു​ന്നു. യേശു​വി​ന്റെ പാപപ​രി​ഹാ​ര​യാ​ഗ​ത്തി​ലുള്ള വിശ്വാ​സ​ത്തി​ലൂ​ടെ നീതി​മാ​ന്മാ​രാ​യി പ്രഖ്യാ​പി​ക്ക​പ്പെട്ട അവർ, 1,44,000 എന്ന പൂർണ സംഖ്യ തികയ്‌ക്കുന്ന അഭിഷിക്ത ക്രിസ്‌ത്യാ​നി​ക​ളാ​യി ഒടുവിൽ മുദ്ര വയ്‌ക്ക​പ്പെ​ട്ടി​രി​ക്കു​ന്നു.

17. (എ) 1930-കൾമുതൽ ഏതു കൂട്ടി​ച്ചേർക്കൽ നടന്നി​രി​ക്കു​ന്നു? (ബി) ഇവിടെ യോഹ​ന്നാൻ 3:30-ന്‌ പ്രാധാ​ന്യ​മു​ള്ളത്‌ എന്തു​കൊണ്ട്‌? (ലൂക്കൊസ്‌ 7:28 കൂടെ കാണുക.)

¹⁷ മുഴു അഭിഷി​ക്ത​രെ​യും തിര​ഞ്ഞെ​ടു​ത്തു​ക​ഴി​യു​മ്പോൾ എന്തു സംഭവി​ക്കു​ന്നു? 1935-ൽ യു.എസ്‌.എ.-യിലെ വാഷി​ങ്‌ടൺ ഡി.സി.-യിൽ ഒരു സുപ്ര​ധാന കൺ​വെൻ​ഷൻ നടന്നു. വെളി​പ്പാ​ടു 7:9-17-ലെ “മഹാപു​രു​ഷാ​രം” 1,44,000-ത്തിനു “ശേഷം” തിരി​ച്ച​റി​യി​ക്ക​പ്പെ​ടു​ന്ന​തും പറുദീ​സാ​ഭൂ​മി​യി​ലെ നിത്യ​ജീ​വന്റെ പ്രത്യാ​ശ​യു​ള്ള​തു​മായ ഒരു കൂട്ടമാണ്‌ എന്ന്‌ അറിയി​ക്കു​ക​യു​ണ്ടാ​യി. അഭിഷിക്ത യേശു​വി​നെ വ്യക്തമാ​യി തിരി​ച്ച​റി​യി​ച്ച​ശേഷം, “വേറെ ആടുക”ളിൽ ഒരുവ​നെന്ന നിലയിൽ ഭൂമി​യിൽ പുനരു​ത്ഥാ​നം ലഭിക്കാൻ പോകുന്ന യോഹ​ന്നാൻ സ്‌നാ​പകൻ മിശി​ഹാ​യെ​ക്കു​റിച്ച്‌ ഇങ്ങനെ പറഞ്ഞു: “അവൻ വളരേണം, ഞാനോ കുറ​യേണം.” (യോഹ​ന്നാൻ 1:29; 3:30; 10:16; മത്തായി 11:11) 1,44,000-ത്തിന്റെ ഭാഗമാ​കാൻ പോകു​ന്ന​വ​രു​ടെ വർധി​ച്ചു​വ​രുന്ന ഒരു കൂട്ടത്തെ തിര​ഞ്ഞെ​ടു​ക്കുന്ന വേല യേശു ഏറ്റെടു​ത്ത​പ്പോൾ മിശി​ഹാ​യ്‌ക്കു വേണ്ടി ശിഷ്യരെ ഒരുക്കു​ക​യെന്ന യോഹ​ന്നാൻ സ്‌നാ​പ​കന്റെ വേല അവസാ​നി​ക്കു​ക​യാ​യി​രു​ന്നു. 1930-കളിൽ മറിച്ചാ​ണു സംഭവി​ച്ചത്‌. 1,44,000-ത്തിന്റെ ഭാഗമാ​യി ‘വിളി​ക്ക​പ്പെ​ടു​ക​യും തിരി​ഞ്ഞെ​ടു​ക്ക​പ്പെ​ടു​ക​യും’ ചെയ്‌ത​വ​രു​ടെ സംഖ്യ കുറഞ്ഞു​തു​ടങ്ങി. എന്നാൽ, “വേറെ ആടുക”ളുടെ “മഹാപു​രു​ഷാര”ത്തിന്റെ സംഖ്യ വൻതോ​തിൽ കൂടാൻ തുടങ്ങി. ഈ ലോക​ദു​ഷ്ട​വ്യ​വ​സ്ഥി​തി അർമ​ഗെ​ദോ​നി​ലെ അതിന്റെ അവസാ​ന​ത്തി​ലേക്ക്‌ അടുക്കവേ മഹാപു​രു​ഷാ​ര​ത്തി​ന്റെ സംഖ്യ വർധി​ച്ചു​കൊ​ണ്ടി​രി​ക്കു​ന്നു.—വെളി​പ്പാ​ടു 17:14ബി.

18. (എ) “ഇപ്പോൾ ജീവി​ക്കുന്ന ദശലക്ഷങ്ങൾ ഒരിക്ക​ലും മരിക്ക​യില്ല” എന്നു നമുക്ക്‌ ഉറപ്പോ​ടെ പ്രതീ​ക്ഷി​ക്കാൻ കഴിയു​ന്നത്‌ എന്തു​കൊണ്ട്‌? (ബി) ഹഗ്ഗായി 2:4-ന്‌ നാം ഉത്സാഹ​ത്തോ​ടെ ചെവി കൊടു​ക്കേ​ണ്ടത്‌ എന്തു​കൊണ്ട്‌?

¹⁸ 1920-കളുടെ ആരംഭ​ത്തിൽ യഹോ​വ​യു​ടെ സാക്ഷി​ക​ളു​ടെ ശ്രദ്ധേ​യ​മായ ഒരു പരസ്യ​പ്ര​സം​ഗ​ത്തി​ന്റെ വിഷയം “ഇപ്പോൾ ജീവി​ക്കുന്ന ദശലക്ഷങ്ങൾ ഒരിക്ക​ലും മരിക്ക​യില്ല” എന്നതാ​യി​രു​ന്നു. ഇത്‌ അക്കാലത്തെ അമിത​മായ ആത്മവി​ശ്വാ​സം പ്രതി​ഫ​ലി​പ്പി​ച്ചി​രു​ന്നി​രി​ക്കാം. എന്നാൽ ഇന്ന്‌ പൂർണ​മായ ഉറപ്പോ​ടെ ആ പ്രസ്‌താ​വന നടത്താൻ സാധി​ക്കും. ബൈബിൾ പ്രവച​ന​ത്തി​ന്റെ വർധി​ച്ചു​വ​രുന്ന വെളി​ച്ച​വും മരിച്ചു​കൊ​ണ്ടി​രി​ക്കുന്ന ഈ ലോക​ത്തി​ന്റെ അരാജ​ക​ത്വ​വും സാത്താന്റെ വ്യവസ്ഥി​തി​യു​ടെ അവസാനം വളരെ, വളരെ അടുത്താ​യി​രി​ക്കു​ന്നു​വെന്ന്‌ ഉച്ചത്തിൽ ഘോഷി​ക്കു​ന്നു! 1996-ലെ സ്‌മാ​ര​ക​ത്തിൽ 1,29,21,933 പേർ സംബന്ധി​ച്ച​താ​യി സ്‌മാരക റിപ്പോർട്ട്‌ പ്രകട​മാ​ക്കു​ന്നു. അവരിൽ വെറും 8,757 (.068 ശതമാനം) മാത്രമേ ചിഹ്നങ്ങ​ളിൽ പങ്കുപ​റ്റി​ക്കൊണ്ട്‌ തങ്ങളുടെ സ്വർഗീയ പ്രത്യാശ സൂചി​പ്പി​ച്ചു​ള്ളൂ. സത്യാ​രാ​ധ​ന​യു​ടെ പുനഃ​സ്ഥി​തീ​ക​രണം പൂർത്തീ​ക​ര​ണ​ത്തോട്‌ അടുത്തു​കൊ​ണ്ടി​രി​ക്കു​ന്നു. എന്നാൽ ആ വേലയിൽ നമു​ക്കൊ​രി​ക്ക​ലും അലസരാ​കാ​തി​രി​ക്കാം. അതേ, ഹഗ്ഗായി 2:4 ഇങ്ങനെ പ്രസ്‌താ​വി​ക്കു​ന്നു: “ദേശത്തി​ലെ സകലജ​ന​വു​മാ​യു​ള്ളോ​രേ, ധൈര്യ​പ്പെട്ടു വേല ചെയ്‌വിൻ എന്നു യഹോ​വ​യു​ടെ അരുള​പ്പാ​ടു; ഞാൻ നിങ്ങ​ളോ​ടു​കൂ​ടെ ഉണ്ടല്ലോ എന്നു സൈന്യ​ങ്ങ​ളു​ടെ യഹോ​വ​യു​ടെ അരുള​പ്പാ​ടു.” ഭൗതി​ക​ത്വ​ത്തി​ന്റെ​യോ ലൗകി​ക​ത​യു​ടെ​യോ യാതൊ​രു സമ്മർദ​വും യഹോ​വ​യു​ടെ വേല​യോ​ടുള്ള നമ്മുടെ തീക്ഷ്‌ണ​തയെ മന്ദീഭ​വി​പ്പി​ക്കാ​തി​രി​ക്കാൻ നമുക്കു ദൃഢനി​ശ്ച​യ​മു​ള്ള​വ​രാ​യി​രി​ക്കാം!—1 യോഹ​ന്നാൻ 2:15-17.

19. ഹഗ്ഗായി 2:6, 7-ന്റെ നിവൃ​ത്തി​യിൽ നമുക്ക്‌ എങ്ങനെ പങ്കെടു​ക്കാ​വു​ന്ന​താണ്‌?

¹⁹ ഹഗ്ഗായി 2:6, 7-ന്റെ ആധുനി​ക​കാല നിവൃ​ത്തി​യിൽ പങ്കുപ​റ്റു​ക​യെന്ന നമ്മുടെ പദവി സന്തോ​ഷ​ക​ര​മാണ്‌: “സൈന്യ​ങ്ങ​ളു​ടെ യഹോവ ഇപ്രകാ​രം അരുളി​ച്ചെ​യ്യു​ന്നു: ഇനി കുറ​ഞ്ഞോ​ന്നു കഴിഞ്ഞി​ട്ടു ഞാൻ ആകാശ​ത്തെ​യും ഭൂമി​യെ​യും കടലി​നെ​യും കരയെ​യും ഇളക്കും. ഞാൻ സകല ജാതി​ക​ളെ​യും ഇളക്കും; സകല ജാതി​ക​ളു​ടെ​യും മനോ​ഹ​ര​വ​സ്‌തു വരിക​യും ചെയ്യും; ഞാൻ ഈ ആലയത്തെ മഹത്വ​പൂർണ്ണ​മാ​ക്കും എന്നു സൈന്യ​ങ്ങ​ളു​ടെ യഹോവ അരുളി​ച്ചെ​യ്യു​ന്നു.” 20-ാം നൂറ്റാ​ണ്ടി​ലെ ഈ ലോക​ത്തി​ലു​ട​നീ​ളം അത്യാ​ഗ്ര​ഹ​വും അഴിമ​തി​യും വിദ്വേ​ഷ​വും കൊടി​കു​ത്തി​വാ​ഴു​ന്നു. അതു തീർച്ച​യാ​യും അതിന്റെ അന്ത്യനാ​ളു​ക​ളി​ലാണ്‌. തന്റെ സാക്ഷി​ക​ളെ​ക്കൊണ്ട്‌ ‘തന്റെ പ്രതി​കാ​ര​ദി​വസം പ്രസി​ദ്ധ​മാ​ക്കുക’വഴി യഹോവ ഇപ്പോൾത്തന്നെ അതിനെ ‘ഇളക്കാൻ’ തുടങ്ങി​യി​രി​ക്കു​ന്നു. (യെശയ്യാ​വു 61:2) ഈ ലോകം അർമ​ഗെ​ദോ​നിൽ നശിക്കു​ന്ന​തോ​ടെ ആ പ്രാഥ​മിക ഇളക്കൽ പാരമ്യ​ത്തി​ലെ​ത്തും. എന്നാൽ ആ സമയത്തി​നു മുമ്പ്‌, തന്റെ സേവന​ത്തി​നാ​യി യഹോവ “സകല ജാതി​ക​ളു​ടെ​യും മനോ​ഹ​ര​വ​സ്‌തു”വിനെ, ഭൂമി​യി​ലെ സൗമ്യ​ത​യുള്ള, ചെമ്മരി​യാ​ടു​തു​ല്യ​രായ ആളുകളെ, കൂട്ടി​ച്ചേർത്തു​കൊ​ണ്ടി​രി​ക്കു​ക​യാണ്‌. (യോഹ​ന്നാൻ 6:44) ഈ “മഹാപു​രു​ഷാ​രം” ഇപ്പോൾ അവന്റെ ആരാധ​നാ​ല​യ​ത്തി​ന്റെ ഭൗമിക പ്രാകാ​ര​ത്തിൽ ‘വിശുദ്ധ സേവനം അർപ്പി​ക്കു​ന്നു.’—വെളി​പ്പാ​ടു 7:9, 15, NW.

20. ഏറ്റവും അമൂല്യ​മായ സമ്പത്ത്‌ എവിടെ കണ്ടെത്താം?

²⁰ യഹോ​വ​യു​ടെ ആത്മീയ ആലയത്തി​ലുള്ള സേവനം ഏതു ഭൗതിക സമ്പത്തി​നെ​ക്കാ​ളും വില​യേ​റിയ നേട്ടം കൈവ​രു​ത്തു​ന്നു. (സദൃശ​വാ​ക്യ​ങ്ങൾ 2:1-6; 3:13, 14; മത്തായി 6:19-21) തന്നെയു​മല്ല, ഹഗ്ഗായി 2:9 ഇപ്രകാ​രം പ്രസ്‌താ​വി​ക്കു​ന്നു: “ഈ ആലയത്തി​ന്റെ പിന്നത്തെ മഹത്വം മുമ്പി​ലേ​ത്ത​തി​ലും വലുതാ​യി​രി​ക്കും എന്നു സൈന്യ​ങ്ങ​ളു​ടെ യഹോവ അരുളി​ച്ചെ​യ്യു​ന്നു; ഈ സ്ഥലത്തു ഞാൻ സമാധാ​നം നല്‌കും എന്നു സൈന്യ​ങ്ങ​ളു​ടെ യഹോ​വ​യു​ടെ അരുള​പ്പാ​ടു.” ഇന്നു നമ്മെ സംബന്ധി​ച്ചി​ട​ത്തോ​ളം ഈ വാക്കു​ക​ളു​ടെ അർഥ​മെ​ന്താണ്‌? ഞങ്ങളുടെ അടുത്ത ലേഖനം അതേക്കു​റി​ച്ചു പറയും.

[അടിക്കു​റി​പ്പു​കൾ]

പുനര​വ​ലോ​ക​ന​ത്തി​നുള്ള ചോദ്യ​ങ്ങൾ

◻ യഹോ​വ​യു​ടെ നാമം സംബന്ധി​ച്ചു പ്രവാ​ച​ക​ന്മാ​രു​ടെ ഏതു ദൃഷ്ടാന്തം നാം പിൻപ​റ്റണം?

◻ പുനഃ​സ്ഥി​തീ​ക​രി​ക്ക​പ്പെട്ട ഇസ്രാ​യേ​ലി​നുള്ള യഹോ​വ​യു​ടെ ശക്തമായ സന്ദേശ​ത്തിൽനി​ന്നു നമുക്ക്‌ എന്തു പ്രോ​ത്സാ​ഹനം ലഭിക്കു​ന്നു?

◻ മഹത്ത്വ​മാർന്ന ഏത്‌ ആത്മീയ ആലയമാണ്‌ ഇന്നു പ്രവർത്ത​ന​ത്തി​ലി​രി​ക്കു​ന്നത്‌?

◻ 19-ഉം 20-ഉം നൂറ്റാ​ണ്ടു​ക​ളിൽ ഏതു കൂട്ടി​ച്ചേർക്ക​ലു​കൾ അനു​ക്ര​മ​മാ​യി നടന്നി​രി​ക്കു​ന്നു, എന്തു മഹത്തായ പ്രതീക്ഷ കാഴ്‌ച​പ്പാ​ടിൽ നിർത്തി​ക്കൊണ്ട്‌?

[7-ാം പേജിലെ ചിത്രം]

യഹോവയുടെ സ്വർഗീയ സൈന്യ​ങ്ങൾ ഭൂമി​യി​ലെ അവന്റെ സാക്ഷി​കളെ നയിക്കു​ക​യും നിലനിർത്തു​ക​യും ചെയ്യുന്നു