പരമോ​ന്നത നാമത്തി​ന്റെ രഹസ്യം ചുരു​ള​ഴി​യു​ന്നു

മുസ്ലീങ്ങളുടെ ഖുർആ​നും ക്രിസ്‌ത്യാ​നി​ക​ളു​ടെ ബൈബി​ളും പരമോ​ന്നത നാമത്തെ പരാമർശി​ക്കു​ന്നു എന്നതു രസാവ​ഹ​മാണ്‌. ഈ ചർച്ച ആ പരമോ​ന്നത നാമത്തി​ന്റെ അർഥവും പ്രാധാ​ന്യ​വും വിശദീ​ക​രി​ക്കു​ന്നു. ആ നാമം മുഴു​മ​നു​ഷ്യ​വർഗ​ത്തെ​യും ഇവിടെ ഭൂമി​യി​ലുള്ള നമ്മുടെ ഭാവി​യെ​യും എങ്ങനെ ബാധി​ക്കു​മെ​ന്നു​കൂ​ടി ഇതു പ്രകട​മാ​ക്കു​ന്നു.

ലക്ഷക്കണ​ക്കി​നു സ്‌ത്രീ​പു​രു​ഷൻമാർ ഈ ഭൂമി​യിൽ ജീവിച്ചു മരിച്ചു​പോ​യി​ട്ടുണ്ട്‌. മിക്കവ​രു​ടെ​യും കാര്യ​ത്തിൽ, അവരുടെ പേരുകൾ അവരോ​ടൊ​പ്പം മരിക്കു​ക​യും അവരെ കുറി​ച്ചുള്ള ഓർമ മങ്ങിമ​റ​യു​ക​യും ചെയ്‌തി​രി​ക്കു​ന്നു. എന്നാൽ അവിസന്ന, എഡിസൺ, പാസ്‌ചർ, ബിഥോ​വൻ, ഗാന്ധി, ന്യൂട്ടൻ എന്നിവ​രു​ടേതു പോലുള്ള പേരുകൾ ജീവി​ക്കു​ന്നു. നേട്ടങ്ങൾ, കണ്ടെത്ത​ലു​കൾ, നൂതന​സൃ​ഷ്ടി​കൾ എന്നിവ​യ്‌ക്ക്‌ ഉത്തരവാ​ദി​ക​ളാ​യ​വ​രു​മാ​യി ബന്ധപ്പെ​ട്ടു​കി​ട​ക്കുന്ന പേരു​ക​ളാ​ണിവ.

എന്നിരു​ന്നാ​ലും മറെറ​ല്ലാ​റ​റി​നെ​ക്കാ​ളും മഹത്തായ ഒരു നാമമുണ്ട്‌. അഖിലാ​ണ്ഡ​ത്തിൽ എവി​ടെ​യും, കഴിഞ്ഞു​പോ​യ​തും ഇപ്പോ​ഴു​ള്ള​തു​മായ സകല അത്ഭുത​ങ്ങ​ളും അതുമാ​യി ബന്ധപ്പെ​ട്ടു​കി​ട​ക്കു​ന്നു. എന്തിന്‌, സുദീർഘ​വും സന്തുഷ്ട​വും ആയ ഒരു ജീവി​ത​ത്തി​നു​വേ​ണ്ടി​യുള്ള മനുഷ്യ​വർഗ​ത്തി​ന്റെ പ്രത്യാശ ഈ നാമവു​മാ​യി ബന്ധപ്പെ​ട്ടു​കി​ട​ക്കു​ന്നു!

ഈ നാമം അറിയാൻ അനേകർ ആഗ്രഹി​ച്ചി​ട്ടുണ്ട്‌. അവർ അത്‌ അന്വേ​ഷി​ക്കു​ക​യും അതു സംബന്ധിച്ച്‌ ആരായു​ക​യും ചെയ്‌തി​ട്ടുണ്ട്‌. എന്നാൽ അവർ അതു കണ്ടെത്തി​യി​ട്ടില്ല. അത്‌ അവർക്ക്‌ എന്നും ഒരു രഹസ്യ​മാ​യി​രു​ന്നു. വാസ്‌ത​വ​ത്തിൽ അതിന്റെ ഉടമസ്ഥൻതന്നെ അതു വെളി​പ്പെ​ടു​ത്തു​ന്നി​ല്ലെ​ങ്കിൽ ഒരാൾക്കും ഈ നാമം കണ്ടെത്താ​നാ​വില്ല. സന്തോ​ഷ​ക​ര​മെന്നു പറയട്ടെ, ഈ കിടയററ നാമം സംബന്ധിച്ച രഹസ്യം ചുരു​ള​ഴി​ഞ്ഞി​രി​ക്കു​ന്നു. ദൈവ​ത്തിൽ വിശ്വ​സി​ക്കു​ന്നവർ അവിടു​ത്തെ അറിയു​ന്ന​തി​നു​വേണ്ടി അവിടു​ന്നു​തന്നെ ഇതു ചെയ്‌തി​രി​ക്കു​ന്നു. അവിടു​ന്നു തന്റെ നാമം ആദാമി​നു വെളി​പ്പെ​ടു​ത്തി, അതിനു​ശേഷം അബ്രഹാ​മി​നും മോശ​ക്കും പുരാതന നാളിലെ അവിടു​ത്തെ മററു ദാസൻമാർക്കും അതു വെളി​പ്പെ​ടു​ത്തി.

പരമോ​ന്നത നാമം തേടി

“ഗ്രന്ഥത്തിൽനി​ന്നും അറിവ്‌ തനിക്ക്‌ ഉണ്ടായി​രുന്ന” ഒരുവനെ സംബന്ധി​ച്ചു ഖുർആൻ പറയുന്നു. (27:40) ഈ വാക്യം വിശദീ​ക​രി​ക്കവേ, താഫ്‌സർ ജലാൽയൻ എന്നറി​യ​പ്പെ​ടുന്ന ഒരു വ്യാഖ്യാ​നം ഇങ്ങനെ പറയുന്നു: “ബാർക്കി​യ​യു​ടെ മകനായ ആസാഫ്‌ നീതി​മാ​നായ ഒരു മനുഷ്യ​നാ​യി​രു​ന്നു. അദ്ദേഹ​ത്തി​നു ദൈവ​ത്തി​ന്റെ പരമോ​ന്നത നാമം അറിയാ​മാ​യി​രു​ന്നു, അത്‌ വിളി​ച്ച​പേ​ക്ഷി​ച്ച​പ്പോ​ഴെ​ല്ലാം അദ്ദേഹ​ത്തിന്‌ ഉത്തരം ലഭിച്ചി​രു​ന്നു.” ഇതു നമ്മെ അനുസ്‌മ​രി​പ്പി​ക്കു​ന്നത്‌ “അങ്ങനെ അവർ യഹോവ എന്നു നാമമുള്ള നീ മാത്രം സർവ്വഭൂ​മി​ക്കും​മീ​തെ അത്യു​ന്നതൻ എന്നു അറിയും” എന്നു സങ്കീർത്തനം 83:18-ൽ പ്രസ്‌താ​വിച്ച ബൈബിൾ എഴുത്തു​കാ​ര​നായ ആസാഫി​നെ​യാണ്‌.

ഖുർആൻ 17:2-ൽ നാം ഇങ്ങനെ വായി​ക്കു​ന്നു: “മൂസാ​യ്‌ക്ക്‌ നാം ഗ്രന്ഥത്തെ നൽകു​ക​യും, അത്‌ നാം ഇസ്രാ​യീൽസ​ന്ത​തി​കൾക്ക്‌ ഒരു മാർഗ്ഗ​ദർശ​ന​മാ​ക്കു​ക​യും ചെയ്‌തു.” ആ തിരു​വെ​ഴു​ത്തു​ക​ളിൽ മോശ ഇപ്രകാ​രം പറഞ്ഞു​കൊ​ണ്ടു ദൈവത്തെ സംബോ​ധന ചെയ്യുന്നു: “ഞാൻ യിസ്രാ​യേൽമ​ക്ക​ളു​ടെ അടുക്കൽ ചെന്നു: നിങ്ങളു​ടെ പിതാ​ക്കൻമാ​രു​ടെ ദൈവം എന്നെ നിങ്ങളു​ടെ അടുക്കൽ അയച്ചി​രി​ക്കു​ന്നു എന്നു പറയു​മ്പോൾ: അവന്റെ നാമം എന്തെന്നു അവർ എന്നോടു ചോദി​ച്ചാൽ ഞാൻ അവരോ​ടു എന്തു പറയേണം എന്നു ചോദി​ച്ചു.” ഇങ്ങനെ പറഞ്ഞു​കൊ​ണ്ടു ദൈവം മോശക്ക്‌ ഉത്തരമ​രു​ളി: “നീ യിസ്രാ​യേൽമ​ക്ക​ളോ​ടു ഇപ്രകാ​രം പറയേണം: അബ്രാ​ഹാ​മി​ന്റെ ദൈവ​വും യിസ്‌ഹാ​ക്കി​ന്റെ ദൈവ​വും യാക്കോ​ബി​ന്റെ ദൈവ​വു​മാ​യി, നിങ്ങളു​ടെ പിതാ​ക്കൻമാ​രു​ടെ ദൈവ​മായ യഹോവ എന്നെ നിങ്ങളു​ടെ അടുക്കൽ അയച്ചി​രി​ക്കു​ന്നു; ഇതു എന്നേക്കും എന്റെ നാമവും തലമു​റ​ത​ല​മു​റ​യാ​യി എന്റെ ജ്ഞാപക​വും ആകുന്നു.”—പുറപ്പാ​ടു 3:13, 15.

പുരാതന നാളു​ക​ളിൽ ഇസ്ര​യേ​ല്യർക്കു ദൈവ​ത്തി​ന്റെ ഈ മഹത്തായ നാമം അറിയാ​മാ​യി​രു​ന്നു. തങ്ങളുടെ സ്വന്തം പേരിന്റെ ഒരു ഭാഗമാ​യി​പ്പോ​ലും അവർ അതിനെ ഉപയോ​ഗി​ച്ചി​രു​ന്നു. “ദൈവ​ത്തി​ന്റെ ദാസൻ” എന്നർഥ​മുള്ള അബ്ദുള്ള എന്ന പേർ ഇപ്പോൾ ആളുകൾക്കു​ള്ള​തു​പോ​ലെ പുരാതന ഇസ്ര​യേ​ലി​ലെ ആളുകൾക്കു “യഹോ​വ​യു​ടെ ദാസൻ” എന്നർഥ​മുള്ള ഓബദ്യാവ്‌ എന്നു പേരു​ണ്ടാ​യി​രു​ന്നു. പ്രവാ​ച​ക​നായ മോശ​യു​ടെ മാതാ​വി​നു പേരി​ട്ടത്‌ യോ​ഖേ​ബെദ്‌ എന്നായി​രു​ന്നു, അതിന്റെ അർഥം മിക്കവാ​റും “യഹോ​വ​യാ​കു​ന്നു മഹത്ത്വം” എന്നാണ്‌. യോഹ​ന്നാൻ എന്ന പേരി​നർഥം “യഹോവ കാരു​ണ്യ​വാ​നാ​യി​രു​ന്നി​രി​ക്കു​ന്നു” എന്നാണ്‌. പ്രവാ​ച​ക​നായ ഏലിയാ​യു​ടെ പേരിന്റെ അർഥമാ​കട്ടെ “എന്റെ ദൈവം യഹോ​വ​യാണ്‌” എന്നും.

പ്രവാ​ച​കൻമാർ ഈ മഹത്തായ നാമം അറിയു​ക​യും ആഴമായ ആദര​വോ​ടെ അത്‌ ഉപയോ​ഗി​ക്കു​ക​യും ചെയ്‌തി​രു​ന്നു. തിരു​വെ​ഴു​ത്തു​ക​ളിൽ അത്‌ 7,000-ത്തിൽ കൂടുതൽ പ്രാവ​ശ്യം കാണ​പ്പെ​ടു​ന്നു. മറിയ​യു​ടെ പുത്ര​നായ യേശു​ക്രി​സ്‌തു പിതാ​വി​നോ​ടുള്ള തന്റെ പ്രാർഥ​ന​യിൽ പിൻവ​രുന്ന പ്രകാരം പറഞ്ഞു​കൊണ്ട്‌ അതിനു മുൻതൂ​ക്കം കൊടു​ത്തു: “നീ ലോക​ത്തിൽനി​ന്നു എനിക്കു തന്നിട്ടുള്ള മനുഷ്യർക്കു ഞാൻ നിന്റെ നാമം വെളി​പ്പെ​ടു​ത്തി​യി​രി​ക്കു​ന്നു . . . നീ എന്നെ സ്‌നേ​ഹി​ക്കുന്ന സ്‌നേഹം അവരിൽ ആകുവാ​നും ഞാൻ നിന്റെ നാമം അവർക്കു വെളി​പ്പെ​ടു​ത്തി​യി​രി​ക്കു​ന്നു.” (യോഹ​ന്നാൻ 17:6, 26) ബൈദാ​വീ​യു​ടെ വിഖ്യാ​ത​മായ ഖുർആൻ വ്യാഖ്യാ​ന​ത്തിൽ ഖുർആൻ 2:87-നെ സംബന്ധിച്ച്‌ അദ്ദേഹം പരാമർശി​ക്കു​ക​യിൽ യേശു “മരിച്ച വ്യക്തി​കളെ ദൈവ​ത്തി​ന്റെ പരമോ​ന്നത നാമത്താൽ പുനരു​ജ്ജീ​വി​പ്പി​ക്കുക” പതിവാ​യി​രു​ന്നു എന്നു പറയു​ന്നുണ്ട്‌.

ആ സ്ഥിതിക്ക്‌, ആ നാമം ഒരു രഹസ്യ​മാ​യി​ത്തീ​രാൻ ഇടയാ​ക്കി​യ​തെ​ന്താണ്‌? നാമോ​രോ​രു​ത്ത​രു​ടെ​യും ഭാവി​യു​മാ​യി അതിന്‌ എന്തു ബന്ധമാ​ണു​ള്ളത്‌?

നാമം എങ്ങനെ ഒരു രഹസ്യ​മാ​യി​ത്തീർന്നു?

എബ്രാ​യ​യി​ലെ “യഹോവ” എന്നതിന്റെ അർഥം “അല്ലാഹു” (ദൈവം) എന്നാ​ണെന്നു ചിലർ വിചാ​രി​ക്കു​ന്നു. എന്നാൽ “അല്ലാഹു” എന്നതിന്റെ എബ്രായ തുല്യ​പ​ദ​മായ “എലോഹ” (ദൈവം) എന്നതിന്റെ പൂജക​ബ​ഹു​വ​ച​ന​രൂ​പം എലോ​ഹിം ആകുന്നു, ഇതു പ്രതാ​പ​സൂ​ച​ക​മായ പ്രയോ​ഗ​മാണ്‌. യഹൂദൻമാ​രു​ടെ ഇടയിൽ രൂപം​കൊണ്ട ഒരു അന്ധവി​ശ്വാ​സം യഹോവ എന്ന ദിവ്യ​നാ​മം ഉച്ചരി​ക്കു​ന്ന​തിൽനിന്ന്‌ അവരെ തടഞ്ഞു. അതു​കൊണ്ട്‌, അവർ തിരു​വെ​ഴു​ത്തു​കൾ വായി​ക്കു​മ്പോൾ ദിവ്യ​നാ​മം കണ്ടാൽ അദോ​നാ​യി എന്നു വായി​ച്ചു​വി​ടു​ന്നത്‌ അവരുടെ ഒരു രീതി​യാ​യി​ത്തീർന്നു, അതിന്റെ അർഥമാ​കട്ടെ “കർത്താവ്‌” എന്നും. ചില സ്ഥലങ്ങളിൽ മൂല എബ്രായ പാഠത്തി​ലെ “യഹോവ” എന്നതിനെ അവർ അദോ​നാ​യി എന്നു മാററി എഴുതു​ക​പോ​ലും ചെയ്‌തു.

ക്രൈ​സ്‌ത​വ​ലോ​ക​ത്തി​ലെ മതനേ​താ​ക്കൻമാർ അതേ രീതി അവലം​ബി​ച്ചു. അവർ യഹോവ എന്ന നാമത്തി​ന്റെ സ്ഥാനത്തു “ദൈവം” (അറബി​യിൽ “അല്ലാഹു”) എന്നും “കർത്താവ്‌” എന്നും വെച്ചു. അതു തിരു​വെ​ഴു​ത്തു​ക​ളിൽ അടിസ്ഥാ​ന​മി​ല്ലാത്ത ത്രിത്വ​മെന്ന വ്യാ​ജോ​പ​ദേ​ശ​ത്തി​ന്റെ വികാ​സ​ത്തി​നു വളം​വെച്ചു. ഇതു നിമിത്തം ദശലക്ഷ​ക്ക​ണ​ക്കി​നാ​ളു​കൾ തെററി​ദ്ധാ​ര​ണ​യിൽ യേശു​വി​നെ​യും പരിശു​ദ്ധാ​ത്മാ​വി​നെ​യും ആരാധി​ക്കു​ക​യും അവരെ ദൈവ​ത്തോ​ടു തുല്യ​രാ​യി കണക്കാ​ക്കു​ക​യും ചെയ്യുന്നു.a

യഹൂദ-ക്രൈ​സ്‌തവ മതനേ​താ​ക്കൻമാർ പരമോ​ന്നത നാമത്തെ സംബന്ധിച്ച വ്യാപ​ക​മായ അജ്ഞതയ്‌ക്കു കുററം പേറുന്നു. എന്നാൽ “എന്റെ മഹത്തായ നാമത്തെ ഞാൻ വിശു​ദ്ധീ​ക​രി​ക്കും; . . . ഞാൻ യഹോവ എന്നു അവർ [“ജനതകൾ,” NW] അറിയും” എന്നു ദൈവം പ്രവചി​ച്ചി​രി​ക്കു​ന്നു. അതേ, യഹോവ സകല ജനതകൾക്കി​ട​യി​ലും തന്റെ നാമം അറിയി​ക്കും. എന്തു​കൊണ്ട്‌? എന്തു​കൊ​ണ്ടെ​ന്നാൽ അവിടു​ന്നു കേവലം യഹൂദൻമാ​രു​ടെ​യോ ഏതെങ്കി​ലും ഒരു പ്രത്യേക ജാതി​യു​ടെ​യോ ജനതയു​ടെ​യോ ദൈവമല്ല. യഹോവ സകല മനുഷ്യ​വർഗ​ത്തി​ന്റെ​യും ദൈവ​മാണ്‌.—യെഹെ​സ്‌കേൽ 36:23; ഉല്‌പത്തി 22:18; സങ്കീർത്തനം 145:21; മലാഖി 1:11.

പരമോ​ന്നത നാമവും നമ്മുടെ ഭാവി​യും

“കർത്താ​വി​ന്റെ [“യഹോ​വ​യു​ടെ,” NW] നാമത്തെ വിളി​ച്ച​പേ​ക്ഷി​ക്കുന്ന ഏവനും രക്ഷിക്ക​പ്പെ​ടും” എന്നു തിരു​വെ​ഴു​ത്തു​കൾ പറയുന്നു. (റോമർ 10:13) ന്യായ​വി​ധി ദിവസ​ത്തി​ങ്കലെ നമ്മുടെ രക്ഷ ദൈവ​നാ​മ​ത്തെ​ക്കു​റി​ച്ചുള്ള നമ്മുടെ അറിവു​മാ​യി ബന്ധപ്പെ​ട്ടി​രി​ക്കും. അവിടു​ത്തെ നാമം അറിയു​ന്ന​തിൽ, അവിടു​ത്തെ ഗുണങ്ങൾ, വേലകൾ, ഉദ്ദേശ്യ​ങ്ങൾ എന്നിവ അറിയു​ന്ന​തും അവിടു​ത്തെ ഉന്നത നിലവാ​ര​ങ്ങൾക്കു ചേർച്ച​യിൽ ജീവി​ക്കു​ന്ന​തും ഉൾപ്പെ​ടു​ന്നു. ഉദാഹ​ര​ണ​ത്തിന്‌, അബ്രഹാം ദൈവ​ത്തി​ന്റെ നാമം അറിയു​ക​യും വിളി​ച്ച​പേ​ക്ഷി​ക്കു​ക​യും ചെയ്‌തി​രു​ന്നു. അതിന്റെ ഫലമായി അദ്ദേഹം ദൈവ​വു​മാ​യി ഒരു നല്ല ബന്ധം ആസ്വദി​ക്കു​ക​യും ദൈവ​ത്തിൽ വിശ്വാ​സം പ്രകട​മാ​ക്കി അവിടു​ത്തെ ആശ്രയി​ക്കു​ക​യും അനുസ​രി​ക്കു​ക​യും ചെയ്‌തു. അങ്ങനെ അബ്രഹാം ദൈവ​ത്തി​ന്റെ സ്‌നേ​ഹി​ത​നാ​യി​ത്തീർന്നു. അതു​പോ​ലെ, ദൈവ​നാ​മം അറിയു​ന്നതു നമ്മെ അവിടു​ത്തോട്‌ അടുപ്പി​ക്കു​ക​യും അവിടു​ത്തെ സ്‌നേ​ഹ​ത്തോ​ടു പററി​നി​ന്നു​കൊ​ണ്ടു ദൈവ​വു​മാ​യി ഒരു വ്യക്തി​പ​ര​മായ ബന്ധം വളർത്തി​യെ​ടു​ക്കാൻ നമ്മെ സഹായി​ക്കു​ക​യും ചെയ്യുന്നു.—ഉല്‌പത്തി 12:8; സങ്കീർത്തനം 9:10; സദൃശ​വാ​ക്യ​ങ്ങൾ 18:10; യാക്കോബ്‌ 2:23.

ബൈബി​ളിൽ നാം ഇങ്ങനെ വായി​ക്കു​ന്നു: “യഹോവ ശ്രദ്ധ​വെച്ചു കേട്ടു; യഹോ​വാ​ഭ​ക്തൻമാർക്കും അവന്റെ നാമത്തെ സ്‌മരി​ക്കു​ന്ന​വർക്കും വേണ്ടി അവന്റെ സന്നിധി​യിൽ ഒരു സ്‌മര​ണ​പു​സ്‌തകം എഴുതി​വെ​ച്ചി​രി​ക്കു​ന്നു.” (മലാഖി 3:16) നാം പരമോ​ന്നത നാമത്തെ സംബന്ധിച്ച്‌ എന്തിനു ‘പരിചി​ന്തി​ക്കണം’? യഹോവ എന്ന നാമത്തി​ന്റെ അക്ഷരീയ അർഥം “ആയിത്തീ​രാൻ അവിടുന്ന്‌ ഇടയാ​ക്കു​ന്നു” എന്നാണ്‌. ഇതു തന്നെത്തന്നേ വാഗ്‌ദാ​നങ്ങൾ നിവർത്തി​ക്കു​ന്നവൻ ആയിത്തീ​രാൻ ഇടയാ​ക്കുന്ന ഒരുവ​നാ​യി യഹോ​വയെ വെളി​പ്പെ​ടു​ത്തു​ന്നു. അവിടു​ന്നു തന്റെ ഉദ്ദേശ്യ​ങ്ങളെ എല്ലായ്‌പോ​ഴും പൂർത്തീ​ക​ര​ണ​ത്തി​ലേക്കു കൊണ്ടു​വ​രു​ന്നു. അവിടുന്ന്‌ ഉത്തമമായ സകല ഗുണഗ​ണ​ങ്ങ​ളു​മുള്ള ഏക സ്രഷ്ടാ​വും സർവശ​ക്ത​നു​മായ ദൈവ​മാണ്‌. ദൈവ​ത്തി​ന്റെ ദിവ്യ​സ്വ​ഭാ​വത്തെ അതിന്റെ തിക​വോ​ടെ വർണി​ക്കാൻ കഴിയുന്ന ഒരൊററ വാക്കും ഇല്ല. എന്നാൽ ദൈവം തനിക്കു​വേണ്ടി തെര​ഞ്ഞെ​ടുത്ത യഹോവ എന്ന മഹത്തായ നാമം അവിടു​ത്തെ സകല ഗുണങ്ങ​ളെ​യും സ്വഭാ​വ​വി​ശേ​ഷ​ങ്ങ​ളെ​യും ഉദ്ദേശ്യ​ങ്ങ​ളെ​യും സംബന്ധി​ച്ചു നമ്മെ അനുസ്‌മ​രി​പ്പി​ക്കു​ന്നു.

തിരു​വെ​ഴു​ത്തു​ക​ളിൽ ദൈവം മനുഷ്യ​വർഗ​ത്തെ​പ്ര​തി​യുള്ള തന്റെ ഉദ്ദേശ്യ​ങ്ങൾ സംബന്ധി​ച്ചു നമ്മോടു പറയുന്നു. പറുദീ​സ​യിൽ ശാശ്വ​ത​മാ​യൊ​രു സന്തുഷ്ട ജീവിതം അസ്വദി​ക്കു​ന്ന​തി​നു​വേണ്ടി യഹോ​വ​യാം ദൈവം മനുഷ്യ​നെ സൃഷ്ടിച്ചു. സ്‌നേ​ഹ​ത്തി​ലും സമാധാ​ന​ത്തി​ലും ഏകീകൃ​ത​രാ​യി എല്ലാ ആളുക​ളും ഒരു കുടും​ബ​മാ​യി​ത്തീ​രണം എന്നതാണു മനുഷ്യ​വർഗത്തെ സംബന്ധിച്ച അവിടു​ത്തെ അഭീഷ്ടം. സ്‌നേ​ഹ​വാ​നായ ദൈവം സമീപ​ഭാ​വി​യിൽ ഈ ഉദ്ദേശ്യം നിവർത്തി​ക്കും.—മത്തായി 24:3-14, 32-42; 1 യോഹ​ന്നാൻ 4:14-21.

ദൈവം മനുഷ്യ​വർഗ​ത്തി​ന്റെ യാതന​കൾക്കുള്ള കാരണങ്ങൾ വിശദീ​ക​രി​ക്കു​ക​യും രക്ഷ സാധ്യ​മാ​ണെന്നു പ്രകട​മാ​ക്കു​ക​യും ചെയ്യുന്നു. (വെളി​പ്പാ​ടു 21:4) സങ്കീർത്തനം 37:10, 11-ൽ നാം ഇങ്ങനെ വായി​ക്കു​ന്നു: “കുറ​ഞ്ഞോ​ന്നു കഴിഞ്ഞി​ട്ടു ദുഷ്ടൻ ഇല്ല; നീ അവന്റെ ഇടം സൂക്ഷി​ച്ചു​നോ​ക്കും; അവനെ കാണു​ക​യില്ല. എന്നാൽ സൌമ്യ​ത​യു​ള്ളവർ ഭൂമിയെ കൈവ​ശ​മാ​ക്കും; സമാധാന സമൃദ്ധി​യിൽ അവർ ആനന്ദി​ക്കും.”—ഖുർആൻ 21:105 കൂടി കാണുക.

അതേ, തന്റെ മഹത്തായ നാമത്താൽ ദൈവം അറിയ​പ്പെ​ടും. അവിടു​ന്നു യഹോ​വ​യാ​ണെന്നു ജനതകൾ അറി​യേ​ണ്ടി​വ​രും. പരമോ​ന്നത നാമത്തെ അറിയു​ന്ന​തും അതിനാ​യി സാക്ഷി​നിൽക്കു​ന്ന​തും അതി​നോ​ടു പററി​നിൽക്കു​ന്ന​തും എന്തൊരു അത്ഭുത​ക​ര​മായ പദവി​യാണ്‌! ആ വിധത്തിൽ ദൈവ​ത്തി​ന്റെ സന്തോ​ഷ​ക​ര​മായ ഉദ്ദേശ്യം നമ്മിൽ ഓരോ​രു​ത്ത​രി​ലും നിവർത്തി​യാ​കും: “അവൻ എന്നോടു പററി​യി​രി​ക്ക​യാൽ ഞാൻ അവനെ വിടു​വി​ക്കും; അവൻ എന്റെ നാമത്തെ അറിക​യാൽ ഞാൻ അവനെ ഉയർത്തും. അവൻ എന്നെ വിളി​ച്ച​പേ​ക്ഷി​ക്കും; ഞാൻ അവന്നു ഉത്തരമ​രു​ളും; . . . ദീർഘാ​യു​സ്സു​കൊ​ണ്ടു ഞാൻ അവന്നു തൃപ്‌തി​വ​രു​ത്തും; എന്റെ രക്ഷയെ അവന്നു കാണി​ച്ചു​കൊ​ടു​ക്കും.”—സങ്കീർത്തനം 91:14-16.

[അടിക്കു​റിപ്പ്‌]

[5-ാം പേജിലെ ചിത്രം]

കത്തുന്ന മുൾപ്പ​ടർപ്പിൽ നിന്നു​കൊണ്ട്‌ ‘അബ്രഹാ​മി​ന്റെ ദൈവ​മായ യഹോവ’യായി മോശക്കു ദൈവം സ്വയം തിരി​ച്ച​റി​യി​ച്ചു

[കടപ്പാട്‌]

Moses and the Burning Bush, by W. Thomas, Sr.