തിരു​വെ​ഴു​ത്തു​ക​ളിൽനി​ന്നുള്ള പാഠങ്ങൾ: മലാഖി 1:1-4:6

യഥാർത്ഥ കർത്താവ്‌ ന്യായ​വി​ധി​ക്കു​വേണ്ടി വരുന്നു

“ദൈവത്തെ സേവി​ക്കു​ന്നത്‌ മൂല്യ​വത്തല്ല.” (മലാഖി 3:14) ക്രി. മു. അഞ്ചാം നൂററാ​ണ്ടിൽ മലാഖി പ്രവചി​ച്ച​പ്പോൾ ദൈവ​ത്തി​ന്റെ സ്വന്തം ജനം അങ്ങനെ​യുള്ള സംശയം പ്രകടി​പ്പി​ച്ചു. എന്തു​കൊണ്ട്‌? എന്തു​കൊ​ണ്ടെ​ന്നാൽ യഹൂദ​യിൽ, വിശേ​ഷിച്ച്‌ പുരോ​ഹി​തൻമാ​രു​ടെ​യി​ട​യിൽ, അപലപ​നീ​യ​മായ അവസ്ഥകൾ സ്ഥിതി ചെയ്‌തി​രു​ന്നു. അവരുടെ മുഖ്യ​ല​ക്ഷ്യം സ്വാർത്ഥ​ലാ​ഭ​മാ​യി​രു​ന്നു. മലാഖി വളച്ചു​കെ​ട്ടി​ല്ലാ​ത്ത​തും ശക്തവു​മായ ഒരു രീതി​യിൽ ആ കപടഭ​ക്ത​രായ മതനേ​താ​ക്കളെ തുറന്നു​കാ​ട്ടു​ക​യും യഥാർത്ഥ കർത്താവ്‌ ന്യായ​വി​ധി​ക്കു​വേണ്ടി വരുന്നു എന്ന്‌ മുന്നറി​യിപ്പ്‌ കൊടു​ക്കു​ക​യും ചെയ്‌തു.—മലാഖി 1:6-8; 2:6-9; 3:1.

മലാഖി​യു​ടെ പ്രവച​ന​ത്തിന്‌ നമ്മുടെ സ്വന്തം നാളിൽ ഒരു നിവൃ​ത്തി​യുണ്ട്‌. അതു​കൊണ്ട്‌ അതില​ട​ങ്ങി​യി​രി​ക്കുന്ന പാഠങ്ങൾ പരിചി​ന്തി​ക്കു​ന്നത്‌ നമുക്ക്‌ നല്ലതാണ്‌.

ദൈവ​നാ​മത്തെ നിന്ദി​ക്കു​ന്നു

തന്റെ ജനം തനിക്ക്‌ ഏററ നല്ലത്‌ അർപ്പി​ക്കാൻ യഹോവ പ്രതീ​ക്ഷി​ക്കു​ന്നു. ആദ്യം ദൈവം തന്റെ ജനത്തോ​ടുള്ള സ്‌നേഹം വെളി​പ്പെ​ടു​ത്തു​ന്നു. എന്നിരു​ന്നാ​ലും, ജനത്തിൽ നിന്ന്‌ കണ്ണു​പൊ​ട്ടി​യ​തും രോഗ​മു​ള്ള​തും മുടന്തു​ള്ള​തു​മായ മൃഗങ്ങളെ ബലിക്കു​വേണ്ടി സ്വീക​രി​ക്കു​ന്ന​തി​നാൽ പുരോ​ഹി​തൻമാർ അവന്റെ നാമത്തെ നിന്ദി​ക്കു​ക​യാണ്‌. സ്വസേവന തൽപ്പര​രായ പുരോ​ഹി​തൻമാ​രി​ലോ അവരുടെ കൈക​ളു​ടെ വിലകു​റഞ്ഞ വഴിപാ​ടു​ക​ളി​ലോ യഹോ​വക്ക്‌ സന്തോ​ഷ​മില്ല. എന്നാൽ അവർ എന്ത്‌ ചെയ്‌താ​ലും യഹോ​വ​യു​ടെ “നാമം ജനതക​ളു​ടെ​യി​ട​യിൽ ഭയജന​ക​മാ​യി​രി​ക്കും.”—1:1-14.

ഉപദേ​ഷ്ടാ​ക്ക​ളാ​യി​രി​ക്കു​ന്ന​വർക്ക്‌ ഭാരിച്ച ഒരുത്ത​ര​വാ​ദി​ത്വ​മുണ്ട്‌. (യാക്കോബ്‌ 3:1) പുരോ​ഹി​തൻമാർ “അനേകർ നിയമം സംബന്ധിച്ച്‌ ഇടറാൻ ഇടയാക്കി”യിരി​ക്കു​ന്നു. എങ്ങനെ? ജനത്തെ ദൈവ​നി​യമം പഠിപ്പി​ക്കു​ന്ന​തിൽ പരാജ​യ​പ്പെ​ട്ട​തി​നാ​ലും പക്ഷപാ​തി​ത്വം കാട്ടി​യ​തി​നാ​ലും. യഹോവ അവരോട്‌ ഉചിത​മാ​യി കുപി​ത​നാണ്‌, “ഒരു പുരോ​ഹി​തന്റെ അധരങ്ങ​ളാണ്‌ പരിജ്ഞാ​നം സൂക്ഷി​ക്കേ​ണ്ടത്‌, നിയമ​മാണ്‌ ജനം അവന്റെ വായിൽ നിന്ന്‌ തേടേ​ണ്ടത്‌.”—2:1-9.

വൈവാ​ഹി​ക ക്രമീ​ക​ര​ണ​ത്തോട്‌ അനാദ​രവ്‌ കാട്ടു​ന്ന​വരെ യഹോവ നിസ്സാ​ര​മാ​യി വീക്ഷി​ക്കു​ന്നില്ല. ദൈവ​നി​യ​മ​ത്തിന്‌ വിരു​ദ്ധ​മാ​യി യഹൂദ​യി​ലെ പുരു​ഷൻമാർ വിദേ​ശ​ഭാ​ര്യ​മാ​രെ സ്വീക​രി​ച്ചി​രി​ക്കു​ന്നു. (ആവർത്തനം 7:3, 4) അവർ തങ്ങളുടെ യൗവന​ത്തി​ലെ ഭാര്യ​മാ​രെ ഉപേക്ഷി​ച്ചു​കൊണ്ട്‌ അവരോട്‌ വഞ്ചനാ​ത്മ​ക​മാ​യി പെരു​മാ​റി​യി​രി​ക്കു​ന്നു. യഹോവ “ഒരു വിവാ​ഹ​മോ​ചി​ക്ക​ലി​നെ വെറു​ത്തി​രി​ക്കു​ന്നു” എന്ന്‌ മലാഖി മുന്നറി​യിപ്പ്‌ കൊടു​ക്കു​ന്നു.—2:10-17.

ന്യായ​വി​ധി​യും ശുദ്ധീ​ക​ര​ണ​വും

യഹോവ ദുഷ്‌പ്ര​വൃ​ത്തി​യെ എന്നേക്കും പൊറു​ക്കു​ന്നില്ല. “യഥാർത്ഥ കർത്താവ്‌” “ഉടമ്പടി​യു​ടെ ദൂത”നാൽ അനുഗ​ത​നാ​യി തന്റെ ആലയത്തി​ലേക്ക്‌ വരും. അവൻ ലേവി പുത്രൻമാ​രെ ശുദ്ധീ​ക​രി​ക്ക​യും നിർമ്മ​ലീ​ക​രി​ക്കു​ക​യും ചെയ്യും. യഹോവ ക്ഷുദ്ര​ക്കാർക്കും വ്യഭി​ചാ​രി​കൾക്കും കള്ളസത്യം ചെയ്യു​ന്ന​വർക്കും വഞ്ചകർക്കും മർദ്ദകർക്കു​മെ​തി​രെ ഒരു സത്വര സാക്ഷി​യാ​യി​ത്തീ​രും.—3:1-5.

യഹോ​വ​യിൽ നിന്ന്‌ തങ്ങളുടെ വഴിപാ​ടു​കൾ പിടി​ച്ചു​വെ​ക്കു​ന്നവർ തങ്ങളെ​ത്തന്നെ ദരി​ദ്ര​രാ​ക്കു​ക​യാണ്‌. യഹോ​വക്ക്‌ മാററ​മില്ല. അനുസ​ര​ണം​കെട്ട ജനം തന്നി​ലേക്ക്‌ മടങ്ങി​വ​രു​ന്നു​വെ​ങ്കിൽ അവൻ കരുണാ​പൂർവ്വം അവരി​ലേക്ക്‌ മടങ്ങി​ച്ചെ​ല്ലും. അവർ ദശാം​ശ​ങ്ങ​ളും സംഭാ​വ​ന​ക​ളും കൊടു​ക്കാ​തി​രു​ന്ന​തി​നാൽ ദൈവത്തെ കവർച്ച ചെയ്‌തു​കൊ​ണ്ടി​രു​ന്നു. എന്നാൽ അവർ ദശാം​ശങ്ങൾ കൊണ്ടു​വ​രി​ക​യാ​ണെ​ങ്കിൽ “മേലാൽ ഞെരുക്കം ഇല്ലാതാ​കു​ന്ന​തു​വരെ” ഒരനു​ഗ്രഹം നൽകു​മെന്ന്‌ യഹോവ വാഗ്‌ദാ​നം ചെയ്യുന്നു. അവർ തീർന്നു​പോ​കാത്ത ഫലം അനുഭ​വി​ക്കും.—3:6-12.

യഹോ​വ​യു​ടെ കണ്ണുകൾ അവന്റെ ജനത്തിൻമേൽ ഉണ്ട്‌. തനി​ക്കെ​തി​രെ ശക്തമായ വാക്കുകൾ പറഞ്ഞവ​രോട്‌ യഹോവ വിയോ​ജി​ക്കു​ന്നു. അതിൽനിന്ന്‌ വ്യത്യ​സ്‌ത​മാ​യി തന്നെ ഭയപ്പെ​ടു​ന്ന​വർക്ക്‌ അവൻ സൂക്ഷ്‌മ ശ്രദ്ധ​കൊ​ടു​ക്കു​ന്നു. “തന്റെ നാമ​ത്തെ​ക്കു​റിച്ച്‌ ചിന്തി​ക്കു​ന്ന​വർക്കു”വേണ്ടി “ഒരു സ്‌മരണ പുസ്‌തകം” എഴുത​പ്പെ​ടും. അവന്റെ ജനം നീതി​മാൻമാ​രും ദുഷ്ടരും തമ്മിലുള്ള വ്യത്യാ​സം കാണും.—3:13-18.

യഹോ​വ​യു​ടെ ദിവസം വരുന്നു!

യഹോ​വ​യു​ടെ ദിവസം ദുഷ്ടൻമാർക്ക്‌ പൂർണ്ണ​നാ​ശം വരുത്തും. യഹോ​വ​യു​ടെ ദിവസം വരുന്നു, ദുഷ്ടൻമാർ എരിയുന്ന തീച്ചൂ​ള​യി​ലെ വൈ​ക്കോൽപോ​ലെ ദഹിപ്പി​ക്ക​പ്പെ​ടും. അവർ ‘വേരോ കൊമ്പോ’ ശേഷി​ക്കാ​തെ വിഴു​ങ്ങ​പ്പെ​ടും. യഹോ​വ​യു​ടെ നാമത്തെ ഭയപ്പെ​ടു​ന്ന​വരെ സംബന്ധി​ച്ചാ​ണെ​ങ്കിൽ അവർ “നീതി​സൂ​ര്യ​ന്റെ” സൗഖ്യ​മാ​ക്കൽ പ്രയോ​ജ​നങ്ങൾ ആസ്വദി​ക്കും. ഈ ഭയജന​ക​മായ ദിവസ​ത്തി​ന്റെ വരവി​നു​മുമ്പ്‌ ഒരു പുന:സ്ഥിതീ​ക​ര​ണ​വേല ചെയ്യു​ന്ന​തിന്‌ യഹോവ ഏലിയാ പ്രവാ​ച​കനെ അയക്കും.—4:1-6.

ഇന്നേക്കുള്ള പാഠങ്ങൾ: ആരാധ​ന​യു​ടെ കാര്യ​ത്തിൽ തന്റെ ജനം തനിക്ക്‌ ഏററം നല്ലത്‌ അർപ്പി​ക്കാൻ യഹോവ ആവശ്യ​പ്പെ​ടു​ന്നു. (മത്തായി 22:37, 38 താരത​മ്യ​പ്പെ​ടു​ത്തുക.) ദൈവ​വ​ച​ന​ത്തി​ന്റെ ഉപദേ​ഷ്ടാ​ക്കൾക്ക്‌ ശരിയാ​യി പഠിപ്പി​ക്കാ​നും മററു​ള്ള​വരെ സത്യാ​രാ​ധ​ന​യിൽ നയിക്കാ​നു​മുള്ള ഉത്തരവാ​ദി​ത്ത​മുണ്ട്‌. നീതി​യു​ടെ ദൈവ​ത്തി​ന്റെ ദൃഷ്ടികൾ വിവാ​ഹ​ത്തോട്‌ ശരിയായ ആദരവ്‌ കാണി​ക്കാ​ത്ത​വ​രു​ടെ​മേ​ലും ദുഷ്‌പ്ര​വൃ​ത്തി​യി​ലേർപ്പെ​ടു​ന്ന​വ​രു​ടെ​മേ​ലും ഉണ്ടെന്ന്‌ നാം ഓർക്കു​ന്നത്‌ നല്ലതാണ്‌. നാം “യഹോ​വ​യു​ടെ വലുതും ഭയജന​ക​വു​മായ വരവിനു”വേണ്ടി ആകാം​ക്ഷ​യോ​ടെ കാത്തി​രി​ക്കു​മ്പോൾ നമുക്ക്‌ യഥാർത്ഥ കർത്താ​വി​ന്റെ ശുദ്ധീ​ക​ര​ണ​ത്തി​ന്റെ​യും നിർമ്മ​ലീ​ക​ര​ണ​ത്തി​ന്റെ​യും പ്രക്രി​യക്ക്‌ വിനീ​ത​മാ​യി കീഴ്‌പ്പെ​ടാം! (w89 7/1)

[31-ാം പേജിലെ ചതുരം]

ബൈബിൾ വാക്യങ്ങൾ പരി​ശോ​ധി​ക്ക​പ്പെ​ടു​ന്നു

◆ 1:10—സ്വാർത്ഥ​രും പണക്കൊ​തി​യൻമാ​രും ആയിരുന്ന പുരോ​ഹി​തൻമാർ വ്യക്തി​പ​ര​മായ നേട്ടത്തി​നു​വേണ്ടി സേവി​ക്ക​യാ​യി​രു​ന്നു. അവർ വാതി​ലു​ക​ള​ട​ക്കുക അല്ലെങ്കിൽ യാഗപീ​ഠ​ത്തി​ലെ തീ കത്തിക്കുക എന്നിങ്ങ​നെ​യുള്ള നിസ്സാ​ര​മായ സേവന​ങ്ങൾക്കും ഫീസ്‌ ആവശ്യ​പ്പെട്ടു. ‘അവരുടെ കൈക​ളിൽ നിന്നുള്ള വഴിപാ​ടു​ക​ളിൽ യഹോവ പ്രസാ​ദി​ക്കാ’ഞ്ഞത്‌ അതിശ​യമല്ല!

◆ 1:13—വിശ്വാ​സ​മി​ല്ലാഞ്ഞ പുരോ​ഹി​തൻമാർ ബലികളെ ക്ഷീണി​പ്പി​ക്കുന്ന ഒരു ചടങ്ങ്‌, ഒരു ഭാരം, ആയി വീക്ഷി​ക്കാ​നി​ട​യാ​യി. അവർ യഹോ​വ​യു​ടെ പാവന​കാ​ര്യ​ങ്ങളെ വെറു​ക്കു​ക​യോ പുച്ഛി​ക്കു​ക​യോ ചെയ്‌തു. നാം “നമ്മുടെ അധരങ്ങ​ളു​ടെ കാളക്കു​ട്ടി​കൾ” കേവലം ഒരു ചടങ്ങായി അർപ്പി​ക്ക​പ്പെ​ടാൻ ഒരിക്ക​ലും അനുവ​ദി​ക്ക​രുത്‌!—ഹോശയാ 14:2; എബ്രായർ 13:15.

◆ 2:13—അനേകം യഹൂദ ഭർത്താ​ക്കൻമാർ ഒരുപക്ഷേ പ്രായം കുറഞ്ഞ വിജാ​തീയ സ്‌ത്രീ​കളെ വിവാഹം കഴിക്കാൻ തങ്ങളുടെ യൗവന​ത്തി​ലെ ഭാര്യ​മാ​രെ ഉപേക്ഷി​ക്കു​ക​യാ​യി​രു​ന്നു. യഹോ​വ​യു​ടെ യാഗപീ​ഠം കണ്ണുനീ​രു​കൊണ്ട്‌ മൂടി—ദൈവ​മു​മ്പാ​കെ തങ്ങളുടെ സങ്കടം പകരാൻ വിശു​ദ്ധ​മ​ന്ദി​ര​ത്തി​ലേക്ക്‌ വന്ന പരിത്യ​ക്ത​രായ ഭാര്യ​മാ​രു​ടെ കണ്ണുനീ​രു​കൊണ്ട്‌ എന്ന്‌ സ്‌പഷ്ടം.—മലാഖി 2:11, 14, 16.

◆ 3:1—“യഥാർത്ഥ കർത്താവ്‌” യഹോ​വ​യാം ദൈവ​മാണ്‌. “ഉടമ്പടി​യു​ടെ ദൂതൻ” യേശു​ക്രി​സ്‌തു​വാണ്‌. യേശു ആലയത്തെ ശുദ്ധീ​ക​രി​ച്ച​പ്പോൾ ഈ പ്രവച​ന​ത്തിന്‌ ആദ്യ നിവൃ​ത്തി​യു​ണ്ടാ​യി. (മർക്കോസ്‌ 11:15-17) അത്‌ അവൻ നിയുക്ത രാജാ​വാ​യി അഭി​ഷേകം ചെയ്യപ്പെട്ട ശേഷം മൂന്നര വർഷം കഴിഞ്ഞാ​യി​രു​ന്നു. അതു​പോ​ലെ തന്നെ, 1914-ന്റെ ശരൽക്കാ​ലത്ത്‌ യേശു രാജാ​വാ​യി സിംഹാ​സ​ന​സ്ഥ​നാ​ക്ക​പ്പെട്ട ശേഷം മൂന്നര​വർഷം കഴിഞ്ഞ്‌ അവൻ യഹോ​വ​യോ​ടൊത്ത്‌ ആത്മീയാ​ല​യ​ത്തി​ലേക്ക്‌ വരിക​യും ദൈവ​ജ​ന​ത്തിന്‌ ശുദ്ധീ​ക​ര​ണ​വും നിർമ്മ​ലീ​ക​ര​ണ​വും ആവശ്യ​മു​ള്ള​താ​യി കണ്ടെത്തു​ക​യും ചെയ്‌തു.

◆ 3:2, 3—പുരാതന ശുദ്ധീ​കരണ പ്രക്രി​യക്ക്‌ സമയം എടുത്തി​രു​ന്നു. അതു​കൊണ്ട്‌ ശുദ്ധീ​ക​രി​ക്കു​ന്ന​യാൾ ദ്രവരൂ​പ​ത്തി​ലുള്ള ലോഹം അത്യന്തം മിനു​സ​മായ ഒരു കണ്ണാടി​പോ​ലെ പ്രതി​ഫ​ലി​ക്കു​ന്ന​തു​വ​രെ​യും തനിക്ക്‌ തന്റെ പ്രതി​ച്ഛായ അതിൽ കാണാൻ കഴിയു​ന്ന​തു​വ​രെ​യും കാത്തി​രു​ന്നു​കൊണ്ട്‌ മിക്ക​പ്പോ​ഴും “ഇരിക്കു”മായി​രു​ന്നു. അതു​പോ​ലെ​തന്നെ യഹോവ അശുദ്ധ​മായ ഉപദേ​ശ​ങ്ങ​ളെ​യും ആചാര​ങ്ങ​ളെ​യും നീക്കം ചെയ്‌തു​കൊണ്ട്‌ ഇന്നത്തെ തന്റെ ജനത്തെ ശുദ്ധീ​ക​രി​ക്കു​ന്ന​തിൽ തുടർന്നി​രി​ക്കു​ന്നു. ഇത്‌ അവന്റെ പ്രതി​ച്ഛാ​യയെ കൂടുതൽ കൃത്യ​മാ​യി പ്രതി​ബിം​ബി​പ്പി​ക്കാൻ അവരെ സഹായി​ച്ചി​രി​ക്കു​ന്നു.—എഫേസ്യർ 5:1.

◆ 4:2—ഇത്‌ ദൈവ​നാ​മത്തെ ഭയപ്പെ​ടു​ന്ന​വർക്ക്‌ ലഭിക്കുന്ന ഭാവി അനു​ഗ്ര​ഹ​ങ്ങ​ളു​ടെ ഒരു വർണ്ണന​യാണ്‌. മനുഷ്യ​കു​ടും​ബത്തെ ബാധി​ച്ചി​രി​ക്കുന്ന ശാരീ​രി​ക​വും മാനസ്സി​ക​വും വൈകാ​രി​ക​വു​മായ രോഗങ്ങൾ സൗഖ്യ​മാ​ക്ക​പ്പെ​ടു​മ്പോൾ ദൈവ​പ്രീ​തി​യു​ടെ വെയിൽ കായു​ന്ന​തി​നുള്ള പ്രത്യാശ അവർക്കുണ്ട്‌.—വെളി​പ്പാട്‌ 21:3, 4.

◆ 4:5—പ്രവാ​ച​ക​നായ ഏലിയാവ്‌ ജീവി​ച്ചി​രു​ന്നത്‌ ഈ പ്രവചനം കൊടു​ക്ക​പ്പെ​ടു​ന്ന​തിന്‌ ഏതാണ്ട്‌ 500 വർഷം മുമ്പാ​യി​രു​ന്നു. ക്രി. വ. ഒന്നാം നൂററാ​ണ്ടിൽ, യേശു​ക്രി​സ്‌തു മുൻകൂ​ട്ടി​പ്പ​റ​യ​പ്പെട്ട ഏലിയാ​വി​ന്റെ മറുഘ​ട​ക​മാ​യി യോഹ​ന്നാൻ സ്‌നാ​പ​കനെ തിരി​ച്ച​റി​യി​ച്ചു. (മത്തായി 11:12-14; മർക്കോസ്‌ 9:11-13) എന്നിരു​ന്നാ​ലും, “ഏലിയാവ്‌” “യഹോ​വ​യു​ടെ ദിവസ”ത്തിന്റെ മുന്നോ​ടി​യാ​യി​രി​ക്ക​ണ​മാ​യി​രു​ന്നു, അത്‌ ക്രിസ്‌തു​വി​ന്റെ “സാന്നിദ്ധ്യ”ത്തിന്റെ ഈ കാലത്ത്‌, ആ പ്രവച​ന​ത്തിന്‌ കൂടു​ത​ലായ ഒരു നിവൃ​ത്തി​യു​ണ്ടെന്ന്‌ സൂചി​പ്പി​ച്ചു.—2 തെസ്സ​ലോ​നി​ക്യർ 2:1, 2.

[30-ാം പേജിലെ ചിത്രം]

യേശു അവന്റെ ഭൗമിക ജീവി​ത​കാ​ലത്ത്‌ ആലയത്തെ ശുദ്ധീ​ക​രി​ച്ചു. അതു​പോ​ലെ 1918-ൽ അവൻ ദൈവ​ജ​നത്തെ യഹോ​വ​യു​ടെ ആത്മീയ ആലയത്തി​ലേ​ക്കുള്ള ശുദ്ധീ​ക​രണം പൂർത്തി​യാ​ക്കി