‘യേശു​ക്രി​സ്‌തു കർത്താ​വാ​കു​ന്നു’—എങ്ങനെ, എപ്പോൾ?

“കർത്താവ്‌ എന്റെ കർത്താ​വി​നോട്‌ അരുൾ ചെയ്‌തു, ഞാൻ നിന്റെ ശത്രു​ക്കളെ നിന്റെ പാദപീ​ഠ​മാ​ക്കു​വോ​ളം, നീ എന്റെ വലതു​ഭാ​ഗത്ത്‌ ഇരിക്കുക.” ജയിംസ്‌ രാജാ​വി​ന്റെ ഭാഷാ​ന്തരം സങ്കീർത്തനം 110:1 പരിഭാ​ഷ​പ്പെ​ടു​ത്തി​യി​രി​ക്കു​ന്നത്‌ ഈ വിധത്തി​ലാണ്‌. ഇവി​ടെ​പ്പ​റ​ഞ്ഞി​രി​ക്കുന്ന ആദ്യത്തെ “കർത്താവ്‌” [“the LORD”] ആരാണ്‌? ആരോ​ടാണ്‌ അവൻ സംസാ​രി​ക്കു​ന്നത്‌?

എബ്രായ തിരു​വെ​ഴു​ത്തു​ക​ളു​ടെ കുറേ​ക്കൂ​ടെ കൃത്യ​ത​യുള്ള ഒരു ഭാഷാ​ന്തരം ഒന്നാമത്തെ ചോദ്യ​ത്തി​നു പെട്ടെന്ന്‌ ഉത്തരം നൽകുന്നു. അവിടെ പറയു​ന്നത്‌ “എന്റെ കർത്താ​വി​നോ​ടുള്ള യഹോ​വ​യു​ടെ അരുള​പ്പാട്‌: . . . ” എന്നാണ്‌. അതു​കൊണ്ട്‌, ഇംഗ്ലീ​ഷിൽ വല്യക്ഷ​ര​ങ്ങ​ളി​ലുള്ള “കർത്താവ്‌” [“LORD”] സർവശ​ക്ത​നാം ദൈവ​മായ യഹോ​വയെ പരാമർശി​ക്കു​ന്നു. ജയിംസ്‌ രാജാ​വി​ന്റെ ഭാഷാ​ന്തരം “Lord”-നു പകരം “LORD” എന്ന പദം ഉപയോ​ഗി​ച്ചു​കൊ​ണ്ടു ദിവ്യ​നാ​മത്തെ തിരി​ച്ച​റി​യി​ക്കു​ന്നു​വെ​ങ്കി​ലും സ്ഥാന​പ്പേ​രി​ന്റെ കാര്യ​ത്തിൽ ആശയക്കു​ഴ​പ്പ​മു​ണ്ടാ​ക്കിയ ആദ്യത്തെ പരിഭാ​ഷ​യാ​യി​രു​ന്നില്ല അത്‌. എബ്രാ​യ​ഭാ​ഷ​യിൽനി​ന്നു വിവർത്തനം ചെയ്‌തി​രി​ക്കുന്ന ഗ്രീക്ക്‌ സെപ്‌റ​റു​വ​ജിൻറ്‌ അതിന്റെ പിൽക്കാല പകർപ്പു​ക​ളിൽ യഹോ​വയെ പരാമർശി​ക്കു​ന്ന​തിന്‌ “കർത്താവ്‌” [“Lord”] എന്ന്‌ ഉപയോ​ഗി​ച്ചി​രി​ക്കു​ന്നു. എന്തു​കൊണ്ട്‌? എന്തു​കൊ​ണ്ടെ​ന്നാൽ, ചതുര​ക്ഷരി (יהוה) അഥവാ ദിവ്യ​നാ​മ​ത്തി​നു​പ​കരം “കർത്താവ്‌” [“Lord”] എന്ന സ്ഥാന​പ്പേര്‌ ഉപയോ​ഗി​ക്കു​ക​യാ​ണു​ണ്ടാ​യത്‌. പണ്ഡിത​നായ എ. ഇ. ഗാർവി ഇപ്രകാ​രം പറയുന്നു: “യഹൂദ സിന്ന​ഗോ​ഗിൽ തിരു​വെ​ഴു​ത്തു​കൾ വായി​ക്കു​മ്പോൾ ഉടമ്പടി​പ്ര​കാ​ര​മുള്ള നാമമായ യാഹ്‌വെ [യഹോവ] എന്നതി​നു​പ​കരം “കർത്താവ്‌” [kýri·os] എന്ന ശീർഷ​ക​മാണ്‌ ഉപയോ​ഗി​ച്ചു​പോ​ന്നി​രു​ന്നത്‌ എന്ന വസ്‌തുത ഈ ശീർഷകം ഉപയോ​ഗി​ക്കു​ന്ന​തി​ന്റെ കാരണം വിശദീ​ക​രി​ക്കു​ന്നു.”

യഹോ​വ​യാം ദൈവത്തെ ബൈബിൾ “പരമാ​ധി​കാ​രി​യാം കർത്താ”വായി തിരി​ച്ച​റി​യി​ക്കു​ന്നു. (ഉല്‌പത്തി 15:2, 8; പ്രവൃ​ത്തി​കൾ 4:24, NW; വെളി​പ്പാ​ടു 6:10) അവനെ “കർത്താവ്‌” എന്നും “സർവ്വഭൂ​മി​യു​ടെ​യും നാഥ”ൻ [“കർത്താവ്‌”, NW] എന്നും വിളി​ക്കു​ന്നു. (പുറപ്പാട്‌ 23:17; യോശുവ 3:13; വെളി​പ്പാ​ടു 11:4) എങ്കിൽപ്പി​ന്നെ സങ്കീർത്തനം 110:1-ൽ കൊടു​ത്തി​രി​ക്കുന്ന മറേറ “കർത്താവ്‌” ആരാണ്‌? യഹോവ അവനെ ‘കർത്താവാ’യി അംഗീ​ക​രി​ക്കാ​നി​ട​യാ​യ​തെ​ങ്ങനെ?

യേശു​ക്രി​സ്‌തു “കർത്താവ്‌”

നാലു സുവി​ശേ​ഷ​ങ്ങ​ളി​ലും യേശു​വി​നെ “കർത്താവ്‌” [“Lord”] എന്നാണ്‌ അഭിസം​ബോ​ധന ചെയ്‌തി​രി​ക്കു​ന്നത്‌. ഏററവും കൂടുതൽ ആവർത്തി ലൂക്കോ​സി​ന്റെ​യും യോഹ​ന്നാ​ന്റെ​യും സുവി​ശേ​ഷ​ങ്ങ​ളി​ലാണ്‌. പൊ.യു. (പൊതു​യു​ഗം) ഒന്നാം നൂററാ​ണ്ടിൽ ഈ സ്ഥാന​പ്പേര്‌ ആദരവും മര്യാ​ദ​യും സൂചി​പ്പി​ക്കുന്ന ഒന്നായി​രു​ന്നു. ഇത്‌ “സാർ” എന്നതിനു തുല്യ​മാണ്‌. (യോഹ​ന്നാൻ 12:21; 20:15, രാജ്യ​വ​രി​മധ്യ ഭാഷാ​ന്തരം) മർക്കോ​സി​ന്റെ സുവി​ശേ​ഷ​ത്തിൽ യേശു​വി​നെ അഭിസം​ബോ​ധന ചെയ്യു​ന്ന​തി​നു “ഗുരു” അല്ലെങ്കിൽ റബ്ബൂനീ എന്ന പദമാണു കൂടുതൽ തവണ ഉപയോ​ഗി​ച്ചി​രി​ക്കു​ന്നത്‌. (മർക്കൊസ്‌ 10:51 ലൂക്കൊസ്‌ 18:41-മായി താരത​മ്യം ചെയ്യുക.) ദമാസ്‌കോ​സി​ലേ​ക്കുള്ള വഴിയിൽവച്ച്‌ “നീ ആരാകു​ന്നു, കർത്താവേ” എന്നുള്ള പൗലോ​സി​ന്റെ ചോദ്യ​ത്തി​നും ഉപചാ​ര​പൂർവ​മുള്ള അന്വേ​ഷ​ണ​ത്തി​ന്റെ അതേ ധ്വനി​യാ​ണു​ള്ളത്‌. (പ്രവൃ​ത്തി​കൾ 9:5) എന്നാൽ യേശു​വി​ന്റെ അനുഗാ​മി​കൾ തങ്ങളുടെ നായകനെ അറിയാൻ ഇടയാ​യ​പ്പോൾ “കർത്താവ്‌” എന്ന സ്ഥാനപ്പേർ അവർ ഉപയോ​ഗി​ച്ച​തി​നു വെറും ആദരവി​നെ​ക്കാൾ അധികം അർഥമു​ണ്ടാ​യി​രു​ന്നു.

യേശു​വി​ന്റെ മരണത്തി​നും പുനരു​ത്ഥാ​ന​ത്തി​നും ശേഷം എന്നാൽ, സ്വർഗാ​രോ​ഹ​ണ​ത്തി​നു​മുമ്പ്‌ തന്റെ ശിഷ്യൻമാർക്കു പ്രത്യ​ക്ഷ​നാ​യിട്ട്‌ വിസ്‌മ​യ​ക​ര​മായ ഈ അറിയി​പ്പു നൽകി: “സ്വർഗ്ഗ​ത്തി​ലും ഭൂമി​യി​ലും സകല അധികാ​ര​വും എനിക്കു നല്‌ക​പ്പെ​ട്ടി​രി​ക്കു​ന്നു.” (മത്തായി 28:18) പിന്നീട്‌, പെന്ത​ക്കോ​സ്‌തു​നാ​ളിൽ പകരപ്പെട്ട പരിശു​ദ്ധാ​ത്മാ​വി​ന്റെ സ്വാധീ​ന​ത്തിൻകീ​ഴിൽ പത്രോസ്‌ സങ്കീർത്തനം 110:1 പരാമർശി​ച്ചു​കൊ​ണ്ടു പറഞ്ഞു: “ആകയാൽ നിങ്ങൾ ക്രൂശിച്ച ഈ യേശു​വി​നെ തന്നേ ദൈവം കർത്താ​വും ക്രിസ്‌തു​വു​മാ​ക്കി​വെച്ചു എന്നു യിസ്രാ​യേൽഗൃ​ഹം ഒക്കെയും നിശ്ചയ​മാ​യി അറിഞ്ഞു​കൊ​ള്ളട്ടെ.” (പ്രവൃ​ത്തി​കൾ 2:34-36) ദണ്ഡന സ്‌തം​ഭ​ത്തിൽ വരിച്ച നിന്ദ്യ​മായ മരണ​ത്തോ​ളം വിശ്വ​സ്‌ത​നാ​യി നില​കൊ​ണ്ട​തി​ന്റെ ഫലമായി യേശു​വി​നെ ഉയിർപ്പി​ക്ക​യും ഏററവും ഉന്നതമായ പ്രതി​ഫലം അവനു നൽകു​ക​യും ചെയ്‌തു. അതിനു​ശേഷം അവൻ സ്വർഗ​ത്തി​ലുള്ള തന്റെ കർത്തൃ​ത്വ​ത്തി​ലേക്കു പ്രവേ​ശി​ച്ചു.

ദൈവം അവനെ [ക്രിസ്‌തു​വി​നെ] “സ്വർഗ്ഗ​ത്തിൽ തന്റെ വലത്തു​ഭാ​ഗത്തു എല്ലാ വാഴ്‌ചെ​ക്കും അധികാ​ര​ത്തി​ന്നും ശക്തിക്കും കർത്തൃ​ത്വ​ത്തി​ന്നും ഈ ലോകത്തിൽ മാത്രമല്ല വരുവാ​നു​ള്ള​തി​ലും വിളി​ക്ക​പ്പെ​ടുന്ന സകല നാമത്തി​ന്നും അത്യന്തം മീതെ ഇരുത്തു​ക​യും” ചെയ്‌തു എന്നു പറഞ്ഞു​കൊണ്ട്‌ അപ്പോ​സ്‌ത​ല​നായ പൗലോസ്‌ പത്രോ​സി​ന്റെ വാക്കുകൾ സ്ഥിരീ​ക​രി​ച്ചു. (എഫെസ്യർ 1:20) യേശു​ക്രി​സ്‌തു​വി​ന്റെ കർത്തൃ​ത്വം മറെറല്ലാ കർത്തൃ​ത്വ​ത്തി​നും മേലാണ്‌. പുതിയ ലോക​ത്തി​ലും അതു തുടരും. (1 തിമൊ​ഥെ​യൊസ്‌ 6:15) അവനെ “ഏററവും ഉയർത്തി” അവനു “സകലനാ​മ​ത്തി​ന്നും മേലായ നാമം നല്‌കി” അതു​കൊണ്ട്‌, “യേശു​ക്രി​സ്‌തു കർത്താവു എന്നു പിതാ​വായ ദൈവ​ത്തി​ന്റെ മഹത്വ​ത്തി​നാ​യി” സകലരും അംഗീ​ക​രി​ക്കേ​ണ്ട​തുണ്ട്‌. (ഫിലി​പ്പി​യർ 2:9-11) അങ്ങനെ സങ്കീർത്തനം 110:1-ന്റെ രണ്ടാം ഭാഗം നിറ​വേറി. “ദൂതൻമാ​രും അധികാ​ര​ങ്ങ​ളും ശക്തിക​ളും” യേശു​ക്രി​സ്‌തു​വി​ന്റെ കർത്തൃ​ത്വ​ത്തി​നു കീഴ്‌പെ​ട്ടി​രി​ക്കു​ന്നു.—1 പത്രൊസ്‌ 3:22; എബ്രായർ 8:1.

എബ്രായ തിരു​വെ​ഴു​ത്തു​ക​ളിൽ “കർത്താ​ധി​കർത്താ​വു” എന്ന പ്രയോ​ഗം യഹോ​വക്കു മാത്രമേ ബാധക​മാ​കൂ. (ആവർത്ത​ന​പു​സ്‌തകം 10:17; സങ്കീർത്തനം 136:2, 3) എന്നാൽ പത്രോസ്‌ നിശ്വ​സ്‌ത​നാ​യി ക്രിസ്‌തു​യേ​ശു​വി​നെ​ക്കു​റിച്ച്‌, “അവൻ എല്ലാവ​രു​ടെ​യും കർത്താ​വായ യേശു​ക്രി​സ്‌തു [അഥവാ “നമ്മു​ടെ​യെ​ല്ലാം കർത്താവ്‌,” ഗുഡ്‌സ്‌പീഡ്‌]” എന്നു പറഞ്ഞു. (പ്രവൃ​ത്തി​കൾ 10:36) അവൻ “മരിച്ച​വർക്കും ജീവി​ച്ചി​രി​ക്കു​ന്ന​വർക്കും കർത്താവു”തന്നെ​യെ​ന്നതു തികച്ചും വാസ്‌ത​വ​മാണ്‌. (റോമർ 14:8, 9) യേശു​വി​ന്റെ വില​യേ​റിയ രക്തത്താൽ വിലയ്‌ക്കു വാങ്ങിയ പ്രജക​ളെന്ന നിലയിൽ ക്രിസ്‌ത്യാ​നി​കൾ യേശു​ക്രി​സ്‌തു​വി​നെ കർത്താ​വും ഉടമസ്ഥ​നു​മാ​യി സത്വരം അംഗീ​ക​രി​ക്കു​ക​യും മനസ്സോ​ടെ അനുസരണ കാണി​ക്കു​ക​യും ചെയ്യുന്നു. പൊ.യു. 33 മുതൽ രാജാ​ധി​രാ​ജാ​വും കർത്താ​ധി​കർത്താ​വു​മെന്ന നിലയിൽ യേശു​ക്രി​സ്‌തു തന്റെ സഭയു​ടെ​മേൽ വാഴു​ക​യാ​യി​രു​ന്നു. എന്നാൽ ഇപ്പോൾ, 1914 മുതൽ രാജാ​വെന്ന നിലയിൽ തന്റെ ശത്രു​ക്കളെ “പാദപീഠ”മാക്കി​ക്കൊ​ണ്ടു ഭരിക്കു​ന്ന​തി​നുള്ള അധികാ​രം അവനു നൽക​പ്പെ​ട്ടി​രി​ക്ക​യാണ്‌. അവൻ ‘ശത്രു​ക്ക​ളു​ടെ മദ്ധ്യേ വാഴു​ന്ന​തി​നുള്ള’ സമയം സമാഗ​ത​മാ​യി​രി​ക്കു​ന്നു. ഇതെല്ലാം സങ്കീർത്തനം 110:1, 2-ന്റെ നിവൃ​ത്തി​ക്കു ചേർച്ച​യി​ലാണ്‌.—എബ്രായർ 2:5-8; വെളി​പ്പാ​ടു 17:14; 19:16.

അങ്ങനെ​യെ​ങ്കിൽ, “എന്റെ പിതാവു സകലവും എങ്കൽ ഭരമേ​ല്‌പി​ച്ചി​രി​ക്കു​ന്നു” എന്ന്‌ യേശു മരണത്തി​നും പുനരു​ത്ഥാ​ന​ത്തി​നും മുമ്പു പറഞ്ഞ വാക്കുകൾ എപ്രകാ​രം മനസ്സി​ലാ​ക്കേ​ണ്ട​തുണ്ട്‌. (മത്തായി 11:25-27; ലൂക്കൊസ്‌ 10:21, 22) ഇത്‌, നേരത്തെ ചർച്ച​ചെ​യ്‌ത​തു​പോ​ലുള്ള അത്ര വിശാ​ല​മായ ഒരു പ്രസ്‌താ​വന അല്ല. ലൗകി​ക​മാ​യി ജ്ഞാനി​ക​ളാ​യ​വ​രിൽനി​ന്നു മറഞ്ഞി​രി​ക്കുന്ന, എന്നാൽ യേശു പിതാ​വി​നെ “മുഴു​വ​നാ​യി” അറിയു​ന്ന​തി​നാൽ അവനി​ലൂ​ടെ വെളി​പ്പെ​ടു​ത്തി​ക്കൊ​ടുത്ത ജ്ഞാന​ത്തെ​ക്കു​റി​ച്ചാ​യി​രു​ന്നു യേശു സംസാ​രി​ച്ചു​കൊ​ണ്ടി​രു​ന്നത്‌ എന്നു മത്തായി​യു​ടെ​യും ലൂക്കോ​സി​ന്റെ​യും തിരു​വെ​ഴു​ത്തു​ക​ളു​ടെ സന്ദർഭം വെളി​പ്പെ​ടു​ത്തു​ന്നു. അവൻ ജലസ്‌നാ​പ​ന​മേൽക്കു​ക​യും ദൈവ​ത്തി​ന്റെ ആത്മപു​ത്ര​നാ​യി അഭി​ഷേകം ചെയ്യ​പ്പെ​ടു​ക​യും ചെയ്‌ത​പ്പോൾ തന്റെ മനുഷ്യ-പൂർവ അസ്‌തി​ത്വ​ത്തെ​ക്കു​റി​ച്ചും അതോ​ടൊ​പ്പ​മു​ണ്ടാ​യി​രുന്ന സകലവിധ ജ്ഞാന​ത്തെ​ക്കു​റി​ച്ചും യേശു​വിന്‌ അനുസ്‌മ​രി​ക്കാൻ കഴിഞ്ഞു. എന്നാൽ ഇത്‌ പിന്നീ​ടു​ണ്ടായ കർത്തൃ​ത്വ​ത്തിൽനി​ന്നു വ്യത്യ​സ്‌ത​മാ​യി​രു​ന്നു.—യോഹ​ന്നാൻ 3:34, 35.

യേശു​ക്രി​സ്‌തു​വി​നെ കർത്താ​വാ​യി തിരി​ച്ച​റി​യി​ക്കു​ന്നു

ഗ്രീക്കു തിരു​വെ​ഴു​ത്തു​ക​ളു​ടെ ചില ഭാഷാ​ന്ത​രങ്ങൾ “കർത്താവ്‌” എന്നു വ്യക്തമാ​യി യഹോ​വയെ സൂചി​പ്പി​ക്കുന്ന എബ്രായ തിരു​വെ​ഴു​ത്തു​ക​ളിൽനി​ന്നുള്ള ഉദ്ധരണി​കൾ വിവർത്തനം ചെയ്യു​മ്പോൾ കുഴപ്പം സൃഷ്ടി​ക്കു​ന്നു. ദൃഷ്ടാ​ന്ത​ത്തിന്‌, ജയിംസ്‌ രാജാ​വി​ന്റെ ഭാഷാ​ന്ത​ര​ത്തി​ലോ അല്ലെങ്കിൽ ദ ന്യൂ ജറൂസ​ലേം ബൈബി​ളി​ലോ ലൂക്കൊസ്‌ 4:19-ഉം യെശയ്യാ​വു 61:2-ഉം തമ്മിൽ താരത​മ്യം ചെയ്യുക. ചിലയാ​ളു​കൾ, യേശു യഥാർഥ​ത്തിൽ യഹോ​വ​യിൽനിന്ന്‌ ആ സ്ഥാന​പ്പേര്‌ വീണ്ടെ​ടു​ത്തി​രി​ക്കു​ന്നു​വെ​ന്നും ജഡത്തി​ലാ​യി​രുന്ന യേശു യഹോ​വ​യാ​യി​രു​ന്നു എന്നും വാദി​ക്കു​ന്നു. എന്നാൽ, ഈ വാദഗ​തിക്ക്‌ തിരു​വെ​ഴു​ത്തു​പ​ര​മാ​യി യാതൊ​രു പിന്തു​ണ​യു​മില്ല. യഹോ​വ​യാം ദൈവ​വും അവന്റെ പുത്ര​നായ യേശു​ക്രി​സ്‌തു​വും വ്യത്യ​സ്‌ത​രാ​ണെന്നു വളരെ വ്യക്തമാ​യി തിരി​ച്ച​റി​യി​ക്കു​ന്നു. യേശു തന്റെ പിതാ​വി​ന്റെ നാമം വെളി​പ്പെ​ടു​ത്തു​ക​യും അവനെ പ്രതി​നി​ധീ​ക​രി​ക്കു​ക​യും ചെയ്‌തു.—യോഹ​ന്നാൻ 5:36, 37.

താഴെ കൊടു​ത്തി​രി​ക്കുന്ന ഉദാഹ​ര​ണ​ങ്ങ​ളിൽ എബ്രായ തിരു​വെ​ഴു​ത്തു​ക​ളിൽനി​ന്നുള്ള ഉദ്ധരണി ഗ്രീക്കു തിരു​വെ​ഴു​ത്തു​ക​ളിൽ പ്രത്യ​ക്ഷ​പ്പെ​ട്ടി​രി​ക്കു​ന്നത്‌ എപ്രകാ​ര​മെന്നു കാണുക. സങ്കീർത്തനം 2:1, 2-ൽനിന്ന്‌ എടുത്തു​ദ്ധ​രി​ച്ചി​രി​ക്കുന്ന പ്രവൃ​ത്തി​കൾ 4:24-27-ൽ രണ്ടു​പേ​രെ​യും അതായത്‌, യഹോ​വ​യാം ദൈവത്തെയും അവന്റെ അഭിഷി​ക്ത​നെ​യും അഥവാ മിശി​ഹാ​യെ​യും കുറിച്ചു സൂചി​പ്പി​ച്ചി​ട്ടുണ്ട്‌. റോമർ 11:33, 34-ന്റെ സന്ദർഭം യെശയ്യാ​വു 40:13, 14 എടുത്തു​ദ്ധ​രി​ച്ചു​കൊണ്ട്‌ സകല ജ്ഞാനത്തി​ന്റെ​യും അറിവി​ന്റെ​യും ഉറവി​ട​മായ ദൈവ​ത്തെ​യാ​ണു വളരെ വ്യക്തമാ​യി പരാമർശി​ക്കു​ന്നത്‌. “യഹോ​വ​യു​ടെ മനസ്സ്‌ അറിഞ്ഞവൻ ആർ” [NW] എന്ന്‌ കൊരി​ന്ത്യ സഭയ്‌ക്ക്‌ എഴുതു​മ്പോൾ പൗലോസ്‌ ആ ഉദ്ധരണി ആവർത്തി​ക്കു​ന്നു. അതിനു​ശേഷം “നാമോ ക്രിസ്‌തു​വി​ന്റെ മനസ്സു​ള്ളവർ ആകുന്നു” എന്ന്‌ അവൻ കൂട്ടി​ച്ചേർക്കു​ന്നു. കർത്താ​വായ യേശു തന്റെ അനുഗാ​മി​കൾക്ക്‌ പ്രധാ​ന​പ്പെട്ട അനേകം കാര്യ​ങ്ങ​ളിൽ യഹോ​വ​യു​ടെ മനസ്സ്‌ എന്തെന്നു വെളി​പ്പെ​ടു​ത്തി​ക്കൊ​ടു​ത്തു.—1 കൊരി​ന്ത്യർ 2:16.

ചില​പ്പോൾ എബ്രായ തിരു​വെ​ഴു​ത്തു​ക​ളി​ലെ ഒരു വാക്യം യഹോ​വയെ പരാമർശി​ച്ചു​കൊ​ണ്ടു​ള്ള​താ​ണെ​ങ്കി​ലും അവൻ അധികാ​രം യേശു​ക്രി​സ്‌തു​വിൽ ഭരമേൽപ്പി​ക്കു​ക​യും അവനെ അധികാ​ര​പ്പെ​ടു​ത്തു​ക​യും ചെയ്‌തതു നിമിത്തം അത്‌ യേശു​വിൽ നിവൃ​ത്തി​യേ​റി​യി​ട്ടുണ്ട്‌. ഉദാഹ​ര​ണ​ത്തിന്‌ “യഹോവ നല്ലവൻ എന്നു രുചി​ച്ച​റി​വിൻ” എന്നു പറഞ്ഞു​കൊ​ണ്ടു സങ്കീർത്തനം 34:8 നമ്മെ ക്ഷണിക്കു​ന്നു. എന്നാൽ പത്രോസ്‌, “കർത്താവു ദയാലു എന്നു നിങ്ങൾ ആസ്വദി​ച്ചി​ട്ടു​ണ്ട​ല്ലോ” എന്നു പറഞ്ഞു​കൊണ്ട്‌ ഇത്‌ യേശു​ക്രി​സ്‌തു​വിൽ ബാധക​മാ​ക്കി. (1 പത്രൊസ്‌ 2:3) ഈ വസ്‌തുത യേശു​ക്രി​സ്‌തു​വി​ന്റെ കാര്യ​ത്തി​ലും ശരിയാണ്‌ എന്നത്‌ ഒരു തത്ത്വത്തി​ലൂ​ടെ പൗലോസ്‌ കാണി​ക്കു​ക​യാണ്‌. യഹോ​വ​യാം ദൈവ​ത്തെ​യും യേശു​ക്രി​സ്‌തു​വി​നെ​യും​കുറി​ച്ചുള്ള അറിവു നേടു​ക​യും അതിന​നു​സൃ​ത​മാ​യി പ്രവർത്തി​ക്കു​ക​യും ചെയ്യു​ന്ന​തി​ലൂ​ടെ ക്രിസ്‌ത്യാ​നി​കൾക്കു പിതാ​വിൽനി​ന്നും പുത്ര​നിൽനി​ന്നും സമൃദ്ധ​മായ അനു​ഗ്ര​ഹങ്ങൾ ആസ്വദി​ക്കാ​നാ​വും. (യോഹ​ന്നാൻ 17:3) പത്രോ​സി​ന്റെ ഈ പ്രയോ​ഗം പരമാ​ധീശ കർത്താ​വായ യഹോ​വ​യെ​യും കർത്താ​വായ യേശു​ക്രി​സ്‌തു​വി​നെ​യും ഒരു വ്യക്തി​യാ​ക്കി​ത്തീർക്കു​ന്നില്ല.—കാണുക: 1 പത്രൊസ്‌ 2:3-നുവേണ്ടി കൊടു​ത്തി​രി​ക്കുന്ന അടിക്കു​റിപ്പ്‌.

“പിതാ​വായ ഏക ദൈവമേ നമുക്കു​ള്ളു; അവൻ സകലത്തി​ന്നും കാരണ​ഭൂ​ത​നും നാം അവന്നായി ജീവി​ക്കേ​ണ്ട​തും ആകുന്നു. യേശു​ക്രി​സ്‌തു എന്ന ഏക കർത്താ​വും നമുക്കു ഉണ്ടു; അവൻമു​ഖാ​ന്തരം സകലവും അവൻ മുഖാ​ന്തരം നാമും ആകുന്നു” എന്നു പറഞ്ഞു​കൊണ്ട്‌ അപ്പോ​സ്‌ത​ല​നായ പൗലോസ്‌ യഹോ​വ​യാം ദൈവ​വും തന്റെ പുത്ര​നായ യേശു​ക്രി​സ്‌തു​വും തമ്മിലുള്ള ആപേക്ഷിക ബന്ധങ്ങൾ വളരെ വ്യക്തമാ​യി വെളി​പ്പെ​ടു​ത്തി. (1 കൊരി​ന്ത്യർ 8:6; 12:5, 6) എഫേ​സോ​സി​ലുള്ള സഭയ്‌ക്ക്‌ പൗലോസ്‌, “കർത്താവു ഒരുവൻ” എന്ന്‌ യേശു​ക്രി​സ്‌തു​വി​നെ സൂചി​പ്പി​ച്ചു​കൊണ്ട്‌ എഴുതി​യ​പ്പോൾ ‘എല്ലാവർക്കും ദൈവ​വും പിതാ​വു​മായ ഒരുവ’നിൽനി​ന്നു തീർത്തും വ്യത്യ​സ്‌ത​നാണ്‌ അവനെന്നു വെളി​പ്പെ​ടു​ത്തി.—എഫെസ്യർ 4:5, 6.

യഹോവ സകലത്തി​നും​മേ​ലാ​യുള്ള പരമോ​ന്ന​തൻ

വെളി​പ്പാ​ടു 11:15-ലെ വാക്കുകൾ 1914 മുതൽ സത്യമാ​ണെന്നു തെളിഞ്ഞു: “ലോക രാജത്വം നമ്മുടെ കർത്താ​വി​ന്നും [യഹോ​വ​യാം ദൈവം] അവന്റെ ക്രിസ്‌തു​വി​ന്നും ആയിത്തീർന്നി​രി​ക്കു​ന്നു; അവൻ എന്നെ​ന്നേ​ക്കും വാഴും എന്നു സ്വർഗ്ഗ​ത്തിൽ ഒരു മഹാ​ഘോ​ഷം ഉണ്ടായി.” ദ ന്യൂ ഇൻറർനാ​ഷണൽ ഡിക്‌ഷ​നറി ഓഫ്‌ ന്യൂ ടെസ്‌റ​റ​മെൻറ്‌ തിയോ​ളജി (2-ാം വാല്യം, 514-ാം പേജ്‌) പിൻവ​രുന്ന വിധം പറയുന്നു: “ക്രിസ്‌തു എല്ലാ ശക്തിക​ളെ​യും കീഴ്‌പെ​ടു​ത്തി​യ​ശേഷം (1 കൊരി. 15:25), അവൻ തന്നെയും പിതാ​വായ ദൈവ​ത്തി​നു കീഴ്‌പ്പെ​ട്ടി​രി​ക്കും. അങ്ങനെ യേശു​വി​ന്റെ കർത്തൃത്വം അതിന്റെ ലക്ഷ്യ​പ്രാ​പ്‌തി​യി​ലെ​ത്തു​ക​യും ദൈവം സകലത്തി​നും സകലവും ആകുക​യും ചെയ്യും (1 കൊരി. 15:28).” യേശു​ക്രി​സ്‌തു​വി​ന്റെ സഹസ്രാബ്ദ വാഴ്‌ച​യു​ടെ ഒടുവിൽ അവനെ മുമ്പു ഭരമേൽപ്പി​ച്ചി​രുന്ന ശക്തിയും അധികാ​ര​വും തന്റെ പിതാ​വായ സർവശ​ക്ത​നാം ദൈവ​ത്തി​നു തിരി​ച്ചേൽപ്പി​ക്കും. അങ്ങനെ “നമ്മുടെ കർത്താ​വായ യേശു​ക്രി​സ്‌തു​വി​ന്റെ ദൈവ”മായ യഹോ​വക്കു മഹത്ത്വ​വും ആരാധ​ന​യും കൃത്യ​മാ​യി നൽക​പ്പെ​ടു​ന്നു.—എഫെസ്യർ 1:17.

യേശു ഇപ്പോൾ കർത്താ​ധി​കർത്താ​വാണ്‌ എങ്കിലും ഒരിക്ക​ലും അവനെ ദൈവാ​ധി​ദൈവം എന്നു വിളി​ക്കു​ന്നില്ല. യഹോവ അഖിലാ​ണ്ഡ​ത്തി​ന്റെ പരമാ​ധി​കാ​രി​യാ​യി നില​കൊ​ള്ളു​ന്നു. ഈ വിധത്തിൽ യഹോവ “സകലത്തി​ലും സകലവും” ആകും. (1 കൊരി​ന്ത്യർ 15:28) യേശു​വി​ന്റെ കർത്തൃ​ത്വം ക്രിസ്‌തീയ സഭയുടെ ശിരസ്സ്‌ എന്ന നിലയിൽ അവനു ശരിയായ സ്ഥാനം നൽകുന്നു. ഈ ലോക​ത്തി​ന്റെ ഉന്നതത​ല​ങ്ങ​ളിൽ ശക്തരായ “കർത്താ​ക്കൻമാ​രെ” നാം കണ്ടേക്കാം. എങ്കിലും, നാം നമ്മുടെ ആത്മവി​ശ്വാ​സം കർത്താ​ധി​കർത്താ​വിൽ വയ്‌ക്കു​ന്നു. അങ്ങനെ, ഉന്നതവും ഉയർത്ത​പ്പെ​ട്ട​തു​മായ സ്ഥാനത്തി​രി​ക്കു​മ്പോൾപോ​ലും “ദൈവം സകലത്തി​നും​മീ​തെ ഭരി​ക്കേ​ണ്ട​തിന്‌” യേശു​ക്രി​സ്‌തു തന്റെ പിതാ​വി​നു കീഴ്‌പെ​ട്ടി​രി​ക്കു​ന്നു. (1 കൊരി​ന്ത്യർ 15:28, ദ ട്രാൻസ്‌ലേ​റേ​റ​ഴ്‌സ്‌ ന്യൂ ടെസ്‌റ​റ​മെൻറ്‌) ശിഷ്യൻമാർ യേശു​വി​നെ കർത്താ​വാ​യി അംഗീ​ക​രി​ച്ചി​ട്ടും അവർ പിൻപ​റ​റു​ന്ന​തി​നു​വേണ്ടി എളിമ​യു​ടെ എത്ര മികച്ച ദൃഷ്ടാ​ന്ത​മാണ്‌ അവൻ വെച്ചത്‌!

[30-ാം പേജിലെ ചതുരം]

“പുതി​യ​നി​യ​മ​ത്തി​ന്റെ എഴുത്തു​കാർ ദൈവ​ത്തെ​ക്കു​റി​ച്ചു പറയു​മ്പോൾ അവർ അർഥമാ​ക്കു​ന്നത്‌ നമ്മുടെ കർത്താ​വായ യേശു​ക്രി​സ്‌തു​വി​ന്റെ ദൈവ​വും പിതാ​വു​മാ​യ​വ​നെ​യാണ്‌. അവർ യേശു​ക്രി​സ്‌തു​വി​നെ​ക്കു​റി​ച്ചു പറയു​മ്പോൾ ദൈവ​മെന്ന നിലയിൽ അവനെ​ക്കു​റി​ച്ചു സംസാ​രി​ക്കു​ക​യോ ചിന്തി​ക്കു​ക​പോ​ലു​മോ ചെയ്യു​ന്നില്ല. അവൻ ദൈവ​ത്തി​ന്റെ ക്രിസ്‌തു​വും ദൈവ​ത്തി​ന്റെ പുത്ര​നും ദൈവ​ത്തി​ന്റെ ജ്ഞാനവും ദൈവ​ത്തി​ന്റെ വചനവു​മാണ്‌. നൈസി​യൻ സിദ്ധാ​ന്ത​ത്തോട്‌ ഏററവും അടുത്ത്‌ ഒത്തുവ​രുന്ന വിശുദ്ധ യോഹ​ന്നാ​ന്റെ ആമുഖം​പോ​ലും, യേശു ദൈവ​ത്തി​നു കീഴ്‌പെ​ട്ടി​രി​ക്കു​ന്നു എന്നു യോഹ​ന്നാ​ന്റെ സുവി​ശേ​ഷ​ത്തി​ലൊ​ട്ടാ​കെ പറയുന്ന സ്‌പഷ്ട​മായ പഠിപ്പി​ക്ക​ലി​ന്റെ വെളി​ച്ച​ത്തിൽ വായി​ക്കേ​ണ്ട​തുണ്ട്‌; ഗ്രീക്കിൽ [the·oś] എന്നത്‌ ഉപപദം കൂടാ​തെ​യാണ്‌ എഴുതി​യി​രി​ക്കു​ന്നത്‌. അതിനാൽ, ആമുഖം ഇംഗ്ലീ​ഷിൽ കാണു​ന്ന​പോ​ലെ അത്ര വ്യക്തമല്ല.”—“യേശു​ക്രി​സ്‌തു​വി​ന്റെ ദിവ്യ​ത്വം,” [ഇംഗ്ലീഷ്‌] ജോൺ മാർട്ടൻ ക്രീഡി​നാ​ലു​ള്ളത്‌.