ഒരു ‘ദുഷ്ടത​ല​മുറ’യിൽനി​ന്നുള്ള രക്ഷ

“അവിശ്വാ​സ​വും കോട്ട​വു​മുള്ള തലമു​റയേ, എത്ര​ത്തോ​ളം ഞാൻ നിങ്ങ​ളോ​ടു​കൂ​ടെ ഇരുന്നു നിങ്ങളെ സഹിക്കും?”—ലൂക്കൊസ്‌ 9:41.

1. (എ) ദുരന്തങ്ങൾ തിങ്ങി​നി​റഞ്ഞ നമ്മുടെ കാലങ്ങൾ എന്ത്‌ അർഥമാ​ക്കു​ന്നു? (ബി) അതിജീ​വ​ക​രെ​ക്കു​റി​ച്ചു തിരു​വെ​ഴു​ത്തു​കൾ എന്തു പറയുന്നു?

ദുരന്തങ്ങൾ തിങ്ങി​നി​റഞ്ഞ കാലങ്ങ​ളി​ലാ​ണു നാം ജീവി​ക്കു​ന്നത്‌. ഭൂകമ്പങ്ങൾ, പ്രളയങ്ങൾ, ക്ഷാമങ്ങൾ, രോഗം, നിയമ​രാ​ഹി​ത്യം, ബോം​ബു​വർഷങ്ങൾ, ഭയാനക യുദ്ധങ്ങൾ. ഇവയെ​ക്കാൾ വലിയ മറ്റു ദുരന്ത​ങ്ങ​ളി​ലും നമ്മുടെ 20-ാം നൂറ്റാ​ണ്ടിൽ മനുഷ്യ​വർഗം കുടു​ങ്ങി​യി​ട്ടുണ്ട്‌. എന്നാൽ എല്ലാറ്റി​ലും​വെച്ച്‌ ഏറ്റവും വലിയ വിപത്തു സമീപ ഭാവി​യിൽ സംഭവി​ക്കാ​നി​രി​ക്കു​ന്ന​തേ​യു​ള്ളൂ. അത്‌ എന്താണ്‌? “ലോകാ​രം​ഭം​മു​തൽ ഇന്നുവ​രെ​യും സംഭവി​ച്ചി​ട്ടി​ല്ലാ​ത്ത​തും ഇനിമേൽ സംഭവി​ക്കാ​ത്ത​തും ആയ വലിയ കഷ്ടം [“മഹോ​പ​ദ്രവം,” NW].” (മത്തായി 24:21) എന്നാൽ അനേകർക്കും സന്തുഷ്ട​മായ ഒരു ഭാവി​ക്കാ​യി നോക്കി​പ്പാർത്തി​രി​ക്കാൻ കഴിയും! എന്തു​കൊണ്ട്‌? എന്തെന്നാൽ “സകല ജാതി​ക​ളി​ലും ഗോ​ത്ര​ങ്ങ​ളി​ലും വംശങ്ങ​ളി​ലും ഭാഷക​ളി​ലും​നി​ന്നു​ള്ള​താ​യി ആർക്കും എണ്ണിക്കൂ​ടാത്ത ഒരു മഹാപു​രു​ഷാര”ത്തെക്കു​റിച്ച്‌ ദൈവ​ത്തി​ന്റെ​തന്നെ വചനം വർണി​ക്കു​ന്നു. “ഇവർ മഹാക​ഷ്ട​ത്തിൽനി​ന്നു [“മഹോ​പ​ദ്ര​വ​ത്തിൽനി​ന്നു,” NW] വന്നവർ; . . . ഇനി അവർക്കു വിശക്ക​യില്ല ദാഹി​ക്ക​യും ഇല്ല; . . . ദൈവം താൻ അവരുടെ കണ്ണിൽനി​ന്നു കണ്ണുനീർ എല്ലാം തുടെ​ച്ചു​ക​ള​ക​യും ചെയ്യും.”—വെളി​പ്പാ​ടു 7:1, 9, 14-17.

2. മത്തായി 24, മർക്കൊസ്‌ 13, ലൂക്കൊസ്‌ 21 എന്നിവ​യി​ലെ പ്രാരം​ഭ​വാ​ക്യ​ങ്ങൾക്ക്‌ ഉണ്ടായ പ്രാരംഭ പ്രാവ​ച​നിക നിവൃത്തി എന്ത്‌?

² മത്തായി 24:3-22, NW, മർക്കൊസ്‌ 13:3-20, ലൂക്കൊസ്‌ 21:7-24 എന്നിവി​ട​ങ്ങ​ളി​ലെ നിശ്വ​സ്‌ത​രേഖ “വ്യവസ്ഥി​തി​യു​ടെ സമാപന”ത്തെക്കു​റി​ച്ചുള്ള പ്രാവ​ച​നിക വിവരണം അവതരി​പ്പി​ക്കു​ന്നുണ്ട്‌.a നമ്മുടെ പൊതു​യു​ഗം ഒന്നാം നൂറ്റാ​ണ്ടി​ലെ ദുഷിച്ച യഹൂദ വ്യവസ്ഥി​തി​യു​ടെ​മേൽ ഈ പ്രവച​ന​ത്തിന്‌ ഒരു പ്രാരം​ഭ​നി​വൃ​ത്തി ഉണ്ടായി​രു​ന്നു. മുമ്പെ​ങ്ങും സംഭവി​ച്ചി​ട്ടി​ല്ലാത്ത വിധത്തി​ലുള്ള “മഹോ​പ​ദ്രവം” യഹൂദ​ന്മാർക്കു നേരി​ട്ട​താ​യി​രു​ന്നു അതിന്റെ പാരമ്യം. യെരു​ശ​ലേം ദൈവാ​ല​യത്തെ കേന്ദ്രീ​ക​രി​ച്ചു നിലനി​ന്നി​രുന്ന മതപര​വും രാഷ്ട്രീ​യ​വു​മായ മുഴു സംവി​ധാ​ന​വും തകർത്തു​ന​ശി​പ്പി​ക്ക​പ്പെട്ടു. പിന്നീട്‌ അത്‌ ഒരിക്ക​ലും പുനഃ​സ്ഥാ​പി​ത​മാ​യില്ല.

3. നാം ഇന്ന്‌ യേശു​വി​ന്റെ പ്രവച​ന​ത്തി​നു ചെവി​കൊ​ടു​ക്ക​ണ​മെ​ന്നത്‌ അടിയ​ന്തി​ര​മാ​യി​രി​ക്കു​ന്നത്‌ എന്തു​കൊണ്ട്‌?

³ യേശു​വി​ന്റെ പ്രവച​ന​ത്തി​ന്റെ പ്രാരംഭ നിവൃ​ത്തി​യി​ലേക്കു നയിച്ച സാഹച​ര്യ​ങ്ങൾ നമുക്കി​പ്പോൾ പരിചി​ന്തി​ക്കാം. ഇന്നത്തെ സമാന്തര നിവൃത്തി മെച്ചമാ​യി മനസ്സി​ലാ​ക്കാൻ ഇതു നമ്മെ സഹായി​ക്കും. മുഴു മനുഷ്യ​വർഗ​ത്തി​നും വരാനി​രി​ക്കുന്ന ഉപദ്ര​വ​ങ്ങ​ളി​ലേ​ക്കും ഏറ്റവും വലിയ ഉപദ്ര​വത്തെ അതിജീ​വി​ക്കു​ന്ന​തിന്‌ ഇപ്പോൾ ക്രിയാ​ത്മക നടപടി എടുക്കു​ന്നത്‌ എത്ര അടിയ​ന്തി​ര​മാ​ണെന്ന്‌ അതു നമുക്കു കാണി​ച്ചു​ത​രും.—റോമർ 10:9-13; 15:4; 1 കൊരി​ന്ത്യർ 10:11; 15:58.

“അവസാനം”—എപ്പോൾ?

4, 5. (എ) പൊ.യു. ഒന്നാം നൂറ്റാ​ണ്ടിൽ ദൈവ​ഭ​യ​മുള്ള യഹൂദ​ന്മാർ ദാനീ​യേൽ 9:24-27-ലെ പ്രവച​ന​ത്തിൽ തത്‌പ​ര​രാ​യി​രു​ന്നത്‌ എന്തു​കൊണ്ട്‌? (ബി) ഈ പ്രവചനം നിവൃ​ത്തി​യേ​റി​യ​തെ​ങ്ങനെ?

⁴ പൊ.യു.മു. (പൊതു​യു​ഗ​ത്തി​നു​മുമ്പ്‌) ഏതാണ്ട്‌ 539-ൽ, വർഷങ്ങ​ളു​ടെ “എഴുപതു ആഴ്‌ച” കാലഘ​ട്ട​ത്തി​ലെ അവസാന “ആഴ്‌ച”യിൽ നടക്കാ​നി​രുന്ന സംഭവ​ങ്ങ​ളെ​ക്കു​റി​ച്ചുള്ള ഒരു ദർശനം ദൈവ​ത്തി​ന്റെ പ്രവാ​ച​ക​നായ ദാനി​യേ​ലി​നു ലഭിച്ചു. (ദാനീ​യേൽ 9:24-27) പേർഷ്യൻ രാജാ​വായ അർത്ഥാ​ഹ്‌ശ​ഷ്ടാവ്‌ യെരു​ശ​ലേം നഗരം വീണ്ടും പണിയാൻ കൽപ്പന പുറ​പ്പെ​ടു​വിച്ച പൊ.യു.മു. 455-ലായി​രു​ന്നു ഈ “ആഴ്‌ച”കൾ ആരംഭി​ച്ചത്‌. മിശി​ഹാ​യായ യേശു​ക്രി​സ്‌തു സ്‌നാ​പ​ന​വും അഭി​ഷേ​ക​വും സ്വീക​രിച്ച്‌ രംഗ​പ്ര​വേശം ചെയ്‌ത പൊ.യു. (പൊതു​യു​ഗം) 29-ൽ അവസാനത്തെ “ആഴ്‌ച” ആരംഭി​ച്ചു.b പൊ.യു. ഒന്നാം നൂറ്റാ​ണ്ടി​ലെ ദൈവ​ഭ​യ​മുള്ള യഹൂദ​ന്മാർ ദാനി​യേൽ പ്രവച​ന​ത്തി​ന്റെ ഈ സമയസ​വി​ശേ​ഷ​ത​യെ​ക്കു​റി​ച്ചു ശരിക്കും ബോധ​വാൻമാ​രാ​യി​രു​ന്നു. ഉദാഹ​ര​ണ​ത്തിന്‌, പൊ.യു. 29-ൽ സ്‌നാപക യോഹ​ന്നാ​ന്റെ പ്രസംഗം കേൾക്കാൻ തടിച്ചു​കൂ​ടിയ ജനക്കൂ​ട്ട​ത്തെ​ക്കു​റി​ച്ചു ലൂക്കൊസ്‌ 3:15 (പി.ഒ.സി. ബൈബിൾ) പ്രസ്‌താ​വി​ക്കു​ന്നു: “പ്രതീ​ക്ഷ​യോ​ടെ​യി​രുന്ന ജനമെ​ല്ലാം ഇവൻത​ന്നെ​യോ ക്രിസ്‌തു എന്നു യോഹ​ന്നാ​നെ​പ്പറ്റി ചിന്തി​ച്ചു​തു​ടങ്ങി.”

⁵ യഹൂദ​ന്മാർക്കു നീട്ടി​ക്കൊ​ടുത്ത പ്രത്യേക പ്രീതി​യു​ടേ​തായ ഏഴു വർഷങ്ങ​ളാ​യി​രു​ന്നു 70-ാമത്തെ “ആഴ്‌ച.” പൊ.യു. 29-ൽ ആരംഭിച്ച പ്രസ്‌തുത ആഴ്‌ച​യിൽ യേശു​വി​ന്റെ സ്‌നാ​പ​ന​വും ശുശ്രൂ​ഷ​യും പൊ.യു. 33-ൽ “ആഴ്‌ച​വ​ട്ട​ത്തി​ന്റെ മദ്ധ്യേ” നടന്ന ബലിമ​ര​ണ​വും തുടർന്നു പൊ.യു. 36 വരെയുള്ള ‘ആഴ്‌ച​വ​ട്ട​ത്തി​ന്റെ’ മറ്റേ ‘പകുതി’യും ഉൾപ്പെ​ട്ടി​രു​ന്നു. യേശു​വി​ന്റെ അഭിഷിക്ത ശിഷ്യ​ന്മാ​രാ​യി​ത്തീ​രാ​നുള്ള അവസരം ദൈവ​ഭ​യ​മുള്ള യഹൂദ​ന്മാർക്കും യഹൂദ​മ​ത​പ​രി​വർത്തി​തർക്കും മാത്ര​മാ​യി നീട്ടി​ക്കൊ​ടു​ത്തി​രുന്ന “ആഴ്‌ച”യും അതുതന്നെ. മുൻകൂ​ട്ടി അറിഞ്ഞി​രു​ന്നി​ല്ലാത്ത ഒരു തീയതി​യിൽ, അതായത്‌ പൊ.യു. 70-ൽ, ടൈറ്റ​സി​ന്റെ നേതൃ​ത്വ​ത്തി​ലെ​ത്തിയ റോമൻ സൈന്യം വിശ്വാ​സ​ത്യാ​ഗം ഭവിച്ച യഹൂദ​വ്യ​വ​സ്ഥി​തി​യെ തകർത്തു​ത​രി​പ്പ​ണ​മാ​ക്കി.—ദാനീ​യേൽ 9:26, 27.

6. (എ) പൊ.യു. 66-ൽ “മ്ലേച്ഛവ​സ്‌തു” പ്രവർത്തനം തുടങ്ങി​യ​തെ​ങ്ങനെ, ക്രിസ്‌ത്യാ​നി​കൾ പ്രതി​ക​രി​ച്ച​തെ​ങ്ങനെ?

⁶ അങ്ങനെ യെരു​ശ​ലേ​മി​ലെ ആലയത്തെ മലിന​മാ​ക്കു​ക​യും ദൈവ​ത്തി​ന്റെ സ്വന്തം പുത്രനെ വധിക്കാൻ ഗൂഢാ​ലോ​ചന നടത്തു​ക​യും ചെയ്‌ത യഹൂദ പൗരോ​ഹി​ത്യം തുടച്ചു​നീ​ക്ക​പ്പെട്ടു. ഒപ്പം ദേശീ​യ​വും ഗോ​ത്ര​പ​ര​വു​മായ രേഖക​ളും നശിച്ചു. അതിനു​ശേഷം, പൗരോ​ഹി​ത്യ​പ​ര​മോ രാജകീ​യ​മോ ആയ പൈതൃ​കം നിയമ​പ​ര​മാ​യി അവകാ​ശ​പ്പെ​ടാൻ ഒരു യഹൂദ​നും കഴിയാ​താ​യി. എന്നാൽ സന്തോ​ഷ​ക​ര​മെന്നു പറയട്ടെ, യഹോ​വ​യാം ദൈവ​ത്തി​ന്റെ “സൽഗു​ണ​ങ്ങളെ ഘോഷി”ക്കാനുള്ള രാജകീയ പൗരോ​ഹി​ത്യം എന്നനി​ല​യിൽ അഭിഷി​ക്ത​രായ ആത്മീയ യഹൂദ​ന്മാർ വേർതി​രി​ക്ക​പ്പെട്ടു. (1 പത്രൊസ്‌ 2:9) പൊ.യു. 66-ൽ റോമൻ സൈന്യം ആദ്യം യെരു​ശ​ലേ​മി​നെ ഉപരോ​ധിച്ച്‌ ആലയ​മേ​ഖ​ല​യി​ലേക്കു തുരന്നു​ക​യ​റി​പ്പ​റ്റു​ക​പോ​ലും ചെയ്‌ത​പ്പോൾ ആ സൈനിക ശക്തിയെ ‘ദാനീ​യേൽ പ്രവാ​ചകൻ മുഖാ​ന്തരം അരുളി​ച്ചെ​യ്‌ത​തു​പോ​ലെ വിശു​ദ്ധ​സ്ഥ​ല​ത്തു​നിൽക്കുന്ന, ശൂന്യ​മാ​ക്കുന്ന മ്ലേച്ഛ വസ്‌തു’വായി ക്രിസ്‌ത്യാ​നി​കൾ തിരി​ച്ച​റി​ഞ്ഞു. യേശു​വി​ന്റെ പ്രാവ​ച​നിക കൽപ്പന അനുസ​രി​ച്ചു​കൊണ്ട്‌, യെരു​ശ​ലേ​മി​ലെ​യും യഹൂദ്യ​യി​ലെ​യും ക്രിസ്‌ത്യാ​നി​കൾ സംരക്ഷ​ണാർഥം പർവത​പ്ര​ദേ​ശ​ങ്ങ​ളി​ലേക്കു പലായനം ചെയ്‌തു.—മത്തായി 24:15, 16, NW; ലൂക്കൊസ്‌ 21:20, 21.

7, 8. ക്രിസ്‌ത്യാ​നി​കൾ എന്ത്‌ “അടയാളം” നിരീ​ക്ഷി​ച്ചു, എന്നാൽ അവർ എന്ത്‌ അറിഞ്ഞില്ല?

⁷ ദാനി​യേൽ പ്രവച​ന​നി​വൃ​ത്തി നിരീ​ക്ഷിച്ച ആ വിശ്വസ്‌ത യഹൂദ ക്രിസ്‌ത്യാ​നി​കൾ ‘വ്യവസ്ഥി​തി​യു​ടെ സമാപ​ന​ത്തി​ന്റെ അടയാള’ത്തിന്റെ ഭാഗമാ​യി യേശു മുൻകൂ​ട്ടി​പ്പറഞ്ഞ ഘോര​യു​ദ്ധങ്ങൾ, ക്ഷാമങ്ങൾ, മഹാമാ​രി​കൾ, ഭൂകമ്പങ്ങൾ, നിയമ​രാ​ഹി​ത്യം എന്നിവ​യ്‌ക്കെ​ല്ലാം ദൃക്‌സാ​ക്ഷി​ക​ളാ​യി​രു​ന്നു. (മത്തായി 24:3, NW) എന്നാൽ യഹോവ ആ ദുഷിച്ച വ്യവസ്ഥി​തി​യു​ടെ​മേ​ലുള്ള ന്യായ​വി​ധി വാസ്‌ത​വ​ത്തിൽ എപ്പോൾ നിർവ​ഹി​ക്കു​മെന്നു യേശു അവരോ​ടു പറഞ്ഞി​രു​ന്നോ? ഇല്ല. ഭാവി​യി​ലുള്ള തന്റെ രാജകീയ സാന്നി​ധ്യ​ത്തി​ന്റെ പാരമ്യ​ത്തെ​ക്കു​റിച്ച്‌ അവൻ പ്രവചി​ച്ചത്‌ തീർച്ച​യാ​യും ഒന്നാം നൂറ്റാ​ണ്ടി​ലെ “മഹോ​പ​ദ്രവ”ത്തിനും ബാധക​മാ​ക​മാ​യി: “ആ നാളും നാഴി​ക​യും സംബന്ധി​ച്ചോ എന്റെ പിതാവു മാത്ര​മ​ല്ലാ​തെ ആരും സ്വർഗ്ഗ​ത്തി​ലെ ദൂതന്മാ​രും പുത്ര​നും കൂടെ അറിയു​ന്നില്ല.”—മത്തായി 24:36.

⁸ മിശി​ഹാ​യാ​യി യേശു പ്രത്യ​ക്ഷ​മാ​കുന്ന കാലയ​ളവു യഹൂദ​ന്മാർക്കു ദാനി​യേൽ പ്രവചനം നോക്കി കണക്കാ​ക്കാ​മാ​യി​രു​ന്നു. (ദാനീ​യേൽ 9:25) എങ്കിലും വിശ്വാ​സ​ത്യാ​ഗി​ക​ളായ യഹൂദ വ്യവസ്ഥി​തി​യെ അവസാനം ശൂന്യ​മാ​ക്കിയ “വലിയ കഷ്ട”ത്തിനുള്ള യാതൊ​രു തീയതി​യും അവർക്കു കൊടു​ത്തി​രു​ന്നില്ല. യെരു​ശ​ലേ​മി​ന്റെ​യും അതിന്റെ ആലയത്തി​ന്റെ​യും നാശത്തി​നു ശേഷം മാത്രമേ തീയതി പൊ.യു. 70 ആണെന്ന്‌ അവർ അറിഞ്ഞു​ള്ളൂ. എന്നിരു​ന്നാ​ലും, “ഇതൊ​ക്കെ​യും സംഭവി​ക്കു​വോ​ളം ഈ തലമുറ ഒഴിഞ്ഞു​പോ​ക​യില്ല” എന്ന യേശു​വി​ന്റെ പ്രാവ​ച​നിക വാക്കു​ക​ളെ​ക്കു​റിച്ച്‌ അവർ ബോധ​വാ​ന്മാ​രാ​യി​രു​ന്നു. (മത്തായി 24:34) വ്യക്തമാ​യും, ഇവിടു​ത്തെ “തലമുറ” എന്ന പ്രയോ​ഗം സഭാ​പ്ര​സം​ഗി 1:4-ലേതിൽനി​ന്നു വ്യത്യ​സ്‌ത​മാണ്‌. ഒരു കാലഘ​ട്ടം​കൊണ്ട്‌ ഒന്നിനു​പി​റകെ ഒന്നായി വന്നു​പോ​കുന്ന തലമു​റ​ക​ളെ​ക്കു​റി​ച്ചാണ്‌ അവിടെ പറയു​ന്നത്‌.

“ഈ തലമുറ”—അത്‌ എന്താണ്‌?

9. ലെക്‌സി​ക്ക​നു​കൾ ഗ്രീക്കു പദമായ ജെനെ​യാ​യെ നിർവ​ചി​ക്കു​ന്ന​തെ​ങ്ങനെ?

⁹ ഒലിവ്‌ മലയിൽ യേശു​വി​നോ​ടൊ​പ്പ​മി​രു​ന്നി​രുന്ന നാലു ശിഷ്യ​ന്മാർ “വ്യവസ്ഥി​തി​യു​ടെ സമാപന”ത്തെക്കു​റിച്ച്‌ അവൻ പ്രവചി​ക്കു​ന്നതു കേട്ട​പ്പോൾ, “ഈ തലമുറ” എന്ന പ്രയോ​ഗത്തെ അവർ എങ്ങനെ​യാ​യി​രി​ക്കും മനസ്സി​ലാ​ക്കി​യി​രി​ക്കുക? സുവി​ശേ​ഷ​ങ്ങ​ളിൽ “തലമുറ” എന്നു പരിഭാ​ഷ​പ്പെ​ടു​ത്തി​യി​രി​ക്കു​ന്നത്‌ ജെനെയാ എന്ന ഗ്രീക്കു പദത്തെ​യാണ്‌. “അക്ഷരീ​യ​മാ​യി ഒരു പൊതു​വായ പൂർവി​ക​നിൽനി​ന്നു വന്നിട്ടു​ള്ളവർ” എന്നാണു നിലവി​ലി​രി​ക്കുന്ന നിഘണ്ടു​കൾ അതിനെ നിർവ​ചി​ക്കു​ന്നത്‌. (വാൾട്ടർ ബാവരു​ടെ ഗ്രീക്ക്‌-ഇംഗ്ലീഷ്‌ ലെക്‌സി​ക്കൻ ഓഫ്‌ ദ ന്യൂ ടെസ്റ്റ​മെൻറ്‌) “ജനിപ്പി​ക്ക​പ്പെ​ട്ടി​രി​ക്കു​ന്നത്‌, ഒരു കുടും​ബം; . . . ഒരു വംശാ​വ​ലി​യിൽ ഒന്നിനു​പി​റകെ ഒന്നായി വരുന്ന അംഗങ്ങൾ . . . അല്ലെങ്കിൽ ആളുക​ളു​ടെ ഒരു വർഗത്തെ സംബന്ധിച്ച . . . ഒരേ സമയത്തു ജീവി​ക്കുന്ന മനുഷ്യ​രു​ടെ മുഴു​കൂ​ട്ടത്തെ സംബന്ധിച്ച, മത്താ. 24:34; മർക്കൊസ്‌ 13:30; ലൂക്കൊസ്‌ 1:48; 21:32; ഫിലി. 2:15, കൂടാതെ അതേ കാലഘ​ട്ടത്തു ജീവി​ച്ചി​രുന്ന യഹൂദ​വർഗ​ത്തിൽപ്പെ​ട്ട​വരെ സംബന്ധി​ച്ചു വിശേ​ഷി​ച്ചും.” (ഡബ്‌ളി​യു. ഇ. വൈനി​ന്റെ എക്‌സ്‌പോ​സി​റ്ററി ഡിക്‌ഷ​നറി ഓഫ്‌ ന്യൂ ടെസ്റ്റ​മെൻറ്‌ വേർഡ്‌സ്‌) “ജനിപ്പി​ക്ക​പ്പെ​ട്ടി​രി​ക്കു​ന്നത്‌, ഒരേ ഉറവിൽ, ഒരേ കുടും​ബ​ത്തിൽനി​ന്നുള്ള മനുഷ്യർ; . . . ഒരേ സമയത്തു ജീവി​ക്കുന്ന മനുഷ്യ​രു​ടെ മുഴു​കൂ​ട്ടം: മത്താ. xxiv. 34; മർക്കൊ. xiii. 30; ലൂക്കൊ. i. 48 . . . ഒരേ കാലഘ​ട്ട​ത്തിൽ ജീവി​ക്കുന്ന യഹൂദ വർഗ​ത്തോ​ടുള്ള ബന്ധത്തിൽ വിശേ​ഷി​ച്ചും ഉപയോ​ഗി​ക്ക​പ്പെ​ടു​ന്നു.”—എച്ച്‌. തായറു​ടെ ഗ്രീക്ക്‌-ഇംഗ്ലീഷ്‌ ലെക്‌സി​ക്കൻ ഓഫ്‌ ദ ന്യൂ ടെസ്റ്റ​മെൻറ്‌.

10. (എ) രണ്ടു പ്രാമാ​ണിക ഗ്രന്ഥങ്ങൾ മത്തായി 24:34-നെ പരാമർശിച്ച്‌ ഒരേ രീതി​യി​ലുള്ള ഏതു നിർവ​ച​ന​മാ​ണു നൽകു​ന്നത്‌? (ബി) ഒരു ദൈവ​ശാ​സ്‌ത്ര നിഘണ്ടു​വും ചില ബൈബിൾ പരിഭാ​ഷ​ക​ളും ഈ നിർവ​ച​നത്തെ പിന്തു​ണ​യ്‌ക്കു​ന്ന​തെ​ങ്ങനെ?

¹⁰ അങ്ങനെ “ഈ തലമുറ”യെ (ഹെ ജെനെയാ ഹൗറ്റെ) “ഒരേസ​മ​യത്തു ജീവി​ക്കുന്ന മനുഷ്യ​രു​ടെ മുഴു​കൂട്ട”മായി നിർവ​ചി​ക്കു​ന്ന​തിൽ വൈനും തായറും മത്തായി 24:34-നെ പരാമർശി​ക്കു​ന്നു. തിയോ​ള​ജി​ക്കൽ ഡിക്‌ഷ​നറി ഓഫ്‌ ദ ന്യൂ ടെസ്റ്റ​മെൻറ്‌ (1964) ഈ നിർവ​ച​നത്തെ പിന്താ​ങ്ങു​ക​യും ചെയ്യുന്നു. അത്‌ ഇങ്ങനെ പ്രസ്‌താ​വി​ക്കു​ന്നു: “‘തലമുറ’ എന്ന യേശു​വി​ന്റെ പ്രയോ​ഗം അവന്റെ പരിപൂർണ ഉദ്ദേശ്യ​ത്തെ പ്രതി​ഫ​ലി​പ്പി​ക്കു​ന്നു: അവൻ മുഴു ജനങ്ങ​ളെ​യും ലക്ഷ്യം​വ​യ്‌ക്കു​ന്നു. അവരുടെ പാപകാ​ഠി​ന്യ​ത്തെ​ക്കു​റിച്ച്‌ അവൻ ബോധ​വാ​നാണ്‌.” യേശു ഭൂമി​യി​ലാ​യി​രു​ന്ന​പ്പോൾ യഹൂദ​ജ​ന​ത​യിൽ “പാപകാ​ഠി​ന്യം” യഥാർഥ​ത്തിൽ വ്യക്തമാ​യി​രു​ന്നു. ഇന്നത്തെ വ്യവസ്ഥി​തി​യു​ടെ മുഖമു​ദ്ര​യും അതുതന്നെ.c

11. (എ) ഹെ ജെനെയാ ഹൗറ്റെ എങ്ങനെ ബാധക​മാ​ക്ക​ണ​മെന്നു നിശ്ചയി​ക്കു​ന്ന​തിൽ നമ്മെ പ്രാഥ​മി​ക​മാ​യി നയിക്കേണ്ട ആധികാ​രി​കത എന്ത്‌? (ബി) ആധികാ​രി​ക​ത​യുള്ള ഈ വ്യക്തി പ്രസ്‌തുത പദം ഉപയോ​ഗി​ച്ച​തെ​ങ്ങനെ?

¹¹ തീർച്ച​യാ​യും, ഇക്കാര്യം പഠിക്കുന്ന ക്രിസ്‌ത്യാ​നി​കൾ തങ്ങളുടെ ചിന്തയെ ക്രമ​പ്പെ​ടു​ത്തു​ന്നത്‌, യേശു​വി​ന്റെ വാക്കുകൾ റിപ്പോർട്ടു ചെയ്‌തപ്പോൾ ഗ്രീക്കു പദപ്ര​യോ​ഗ​മായ ഹെ ജെനെയാ ഹൗറ്റെയെ, അഥവാ “ഈ തലമുറ”യെ നിശ്വസ്‌ത സുവി​ശേഷ എഴുത്തു​കാർ എങ്ങനെ ഉപയോ​ഗി​ച്ചു​വെന്നു നോക്കി​യി​ട്ടാണ്‌. പൂർവാ​പ​ര​യോ​ജി​പ്പോ​ടെ നിഷേ​ധാ​ത്മ​ക​മായ വിധത്തി​ലാണ്‌ ഈ പ്രയോ​ഗം ഉപയോ​ഗി​ച്ചി​രി​ക്കു​ന്നത്‌. അങ്ങനെ, യേശു യഹൂദ മതനേ​താ​ക്ക​ന്മാ​രെ “പാമ്പു​കളേ, സർപ്പസ​ന്ത​തി​കളേ” എന്നു വിളി​ക്കു​ക​യും “ഈ തലമുറ”മേൽ ഗിഹെന്നാ ന്യായ​വി​ധി നിർവ​ഹണം നടക്കു​മെന്നു തുടർന്നു പറയു​ക​യും ചെയ്‌തു. (മത്തായി 23:33, 36) എന്നാൽ, കപടഭ​ക്ത​രായ പുരോ​ഹി​ത​വർഗ​ത്തി​നു​വേണ്ടി മാത്ര​മു​ള്ള​താ​യി​രു​ന്നോ ഈ ന്യായ​വി​ധി? അല്ലേയല്ല. അനേകം സന്ദർഭ​ങ്ങ​ളിൽ “ഈ തലമുറ” എന്ന പ്രയോ​ഗത്തെ പൂർവാ​പ​ര​യോ​ജി​പ്പിൽ വളരെ വ്യാപ​ക​മായ അർഥത്തിൽ ബാധക​മാ​ക്കി​ക്കൊണ്ട്‌ അതേക്കു​റി​ച്ചു യേശു സംസാ​രി​ക്കു​ന്നത്‌ അവന്റെ ശിഷ്യ​ന്മാർ കേൾക്കു​ക​യു​ണ്ടാ​യി. അത്‌ എന്തായി​രു​ന്നു?

‘ഈ ദുഷ്ടത​ല​മുറ’

12. ശിഷ്യ​ന്മാർ ശ്രദ്ധി​ച്ചു​കൊ​ണ്ടി​രി​ക്കു​മ്പോൾ, യേശു “പുരു​ഷാര”ത്തെ “ഈ തലമുറ”യുമായി ബന്ധപ്പെ​ടു​ത്തി​യ​തെ​ങ്ങനെ?

¹² പൊ.യു. 31-ൽ യേശു ഗലീലി​യി​ലെ തന്റെ മഹത്തായ ശുശ്രൂ​ഷ​യിൽ, പെസഹാ കഴിഞ്ഞ്‌ അധികം താമസി​യാ​തെ “പുരു​ഷാര”ത്തോട്‌ ഇങ്ങനെ പറയു​ന്ന​താ​യി ശിഷ്യ​ന്മാർ കേട്ടു: “ഈ തലമു​റയെ ഏതി​നോ​ടു ഉപമി​ക്കേണ്ടു? ചന്തസ്ഥല​ങ്ങ​ളിൽ ഇരുന്നു ചങ്ങാതി​ക​ളോ​ടു: ഞങ്ങൾ നിങ്ങൾക്കാ​യി കുഴലൂ​തി, നിങ്ങൾ നൃത്തം​ചെ​യ്‌തില്ല; ഞങ്ങൾ വിലാപം പാടി, നിങ്ങൾ മാറത്ത​ടി​ച്ചില്ല; എന്നു വിളി​ച്ചു​പ​റ​യുന്ന കുട്ടി​ക​ളോ​ടു അതു തുല്യം. [സ്‌നാപക] യോഹ​ന്നാൻ തിന്നു​ക​യും കുടി​ക്ക​യും ചെയ്യാ​ത്ത​വ​നാ​യി വന്നു; അവന്നു ഭൂതമു​ണ്ടെന്നു അവർ പറയുന്നു. മനുഷ്യ​പു​ത്രൻ [യേശു] തിന്നും കുടി​ച്ചും​കൊ​ണ്ടു വന്നു; തിന്നി​യും കുടി​യ​നു​മായ മനുഷ്യൻ; ചുങ്കക്കാ​രു​ടെ​യും പാപി​ക​ളു​ടെ​യും സ്‌നേ​ഹി​തൻ എന്നു അവർ പറയുന്നു.” തത്ത്വദീ​ക്ഷ​യി​ല്ലാത്ത ആ “പുരു​ഷാര”ത്തെ പ്രീതി​പ്പെ​ടു​ത്തുന്ന ഒന്നായി​രു​ന്നില്ല അത്‌!—മത്തായി 11:7, 16-19.

13. തന്റെ ശിഷ്യ​ന്മാ​രു​ടെ സാന്നി​ധ്യ​ത്തിൽ, യേശു ‘ഈ ദുഷ്ടത​ല​മുറ’യായി തിരി​ച്ച​റി​യിച്ച്‌ കുറ്റം​വി​ധി​ച്ചത്‌ ആരെ?

¹³ പിന്നെ​യും കുറച്ചു​നാൾ കഴിഞ്ഞ്‌ പൊ.യു. 31-ൽ, യേശു​വും ശിഷ്യ​ന്മാ​രും ഗലീല​യി​ലെ രണ്ടാമത്തെ പ്രസം​ഗ​പ​ര്യ​ട​ന​ത്തിന്‌ ഇറങ്ങി​ത്തി​രി​ച്ച​പ്പോൾ, “ശാസ്‌ത്രി​മാ​രി​ലും പരീശ​ന്മാ​രി​ലും ചിലർ” യേശു​വി​നോട്‌ ഒരു അടയാളം ആവശ്യ​പ്പെട്ടു. അവരോ​ടും അവിടെ സന്നിഹി​ത​രാ​യി​രുന്ന “പുരു​ഷാര”ത്തോടു​മാ​യി അവൻ പറഞ്ഞു: “ദോഷ​വും വ്യഭി​ചാ​ര​വു​മുള്ള തലമുറ അടയാളം തിരയു​ന്നു; യോനാ​പ്ര​വാ​ച​കന്റെ അടയാ​ള​മ​ല്ലാ​തെ അതിന്നു അടയാളം ലഭിക്ക​യില്ല. യോനാ കടലാ​ന​യു​ടെ വയറ്റിൽ മൂന്നു രാവും പകലും ഇരുന്ന​തു​പോ​ലെ മനുഷ്യ​പു​ത്രൻ മൂന്നു രാവും മൂന്നു പകലും ഭൂമി​യു​ടെ ഉള്ളിൽ ഇരിക്കും. . . . ഈ ദുഷ്ടത​ല​മു​റെ​ക്കും അങ്ങനെ ഭവിക്കും.” (മത്തായി 12:38-46) വ്യക്തമാ​യും, യേശു​വി​ന്റെ മരണത്തി​ലും പുനരു​ത്ഥാ​ന​ത്തി​ലും നിറ​വേ​റിയ അടയാളം ഒരിക്ക​ലും മനസ്സി​ലാ​ക്കാഞ്ഞ മതനേ​താ​ക്ക​ന്മാ​രും “പുരു​ഷാര”വും ‘ഈ ദുഷ്ടത​ല​മുറ’യിൽ ഉൾപ്പെ​ട്ടി​രു​ന്നു.d

14. സദൂക്യ​രെ​യും പരീശ​ന്മാ​രെ​യും കുറിച്ചു യേശു എന്തു കുറ്റാ​രോ​പണം നടത്തു​ന്നതു ശിഷ്യ​ന്മാർ കേട്ടു?

¹⁴ പൊ.യു. 32-ലെ പെസഹാ​യ്‌ക്കു​ശേഷം, യേശു​വും ശിഷ്യ​ന്മാ​രും മഗദൻ എന്ന ഗലീലി​യാ പ്രദേ​ശ​ത്തേക്കു വന്നപ്പോൾ, സദൂക്യ​രും പരീശ​ന്മാ​രും യേശു​വി​നോ​ടു വീണ്ടും ഒരു അടയാളം ആവശ്യ​പ്പെട്ടു. അവൻ അവരോട്‌ ആവർത്തി​ച്ചു​പ​റഞ്ഞു: “ദോഷ​വും വ്യഭി​ചാ​ര​വു​മുള്ള തലമുറ അടയാളം തിരയു​ന്നു; യോനാ​യു​ടെ അടയാ​ള​മ​ല്ലാ​തെ അതിന്നു അടയാളം ലഭിക്ക​യില്ല.” (മത്തായി 16:1-4) ‘ഈ ദുഷ്ടത​ല​മുറ’ എന്നു യേശു കുറ്റം​വി​ധിച്ച അവിശ്വസ്‌ത “പുരു​ഷാര”ത്തിനി​ട​യി​ലെ നേതാ​ക്കൻമാർ എന്നനി​ല​യിൽ ആ മതകപ​ട​ഭക്തർ തീർച്ച​യാ​യും ഏറ്റവും നിന്ദ്യ​രാ​യി​രു​ന്നു.

15. രൂപാ​ന്ത​രീ​ക​ര​ണ​ത്തി​നു തൊട്ടു മുമ്പും പിമ്പും, ‘ഈ തലമുറ’യുമായി യേശു​വും ശിഷ്യ​ന്മാ​രും എന്ത്‌ ഏറ്റുമു​ട്ട​ലി​നെ അഭിമു​ഖീ​ക​രി​ച്ചു?

¹⁵ ഗലീല​യി​ലെ ശുശ്രൂ​ഷ​യു​ടെ അവസാനം യേശു പുരു​ഷാ​ര​ത്തെ​യും ശിഷ്യ​ന്മാ​രെ​യും അടുക്കൽ വിളിച്ച്‌ അവരോ​ടു പറഞ്ഞു: “വ്യഭി​ചാ​ര​വും പാപവും ഉള്ള ഈ തലമു​റ​യിൽ ആരെങ്കി​ലും എന്നെയും എന്റെ വചനങ്ങ​ളെ​യും കുറിച്ചു നാണി​ച്ചാൽ അവനെ​ക്കു​റി​ച്ചു മനുഷ്യ​പു​ത്ര​നും . . . നാണി​ക്കും.” (മർക്കൊസ്‌ 8:34, 38) അതു​കൊണ്ട്‌ “വ്യഭി​ചാ​ര​വും പാപവും ഉള്ള ഈ തലമുറ” വ്യക്തമാ​യും ആ സമയത്തെ അനുതാ​പ​മി​ല്ലാത്ത യഹൂദ ജനക്കൂ​ട്ട​മാ​യി​രു​ന്നു. ഏതാനും ദിവസ​ങ്ങൾക്കു​ശേഷം, യേശു​വി​ന്റെ രൂപാ​ന്ത​രീ​ക​ര​ണ​ത്തി​നു​ശേഷം, യേശു​വും ശിഷ്യ​ന്മാ​രും “പുരു​ഷാ​ര​ത്തി​ന്റെ അടുക്കൽ വന്നു.” അപ്പോൾ തന്റെ മകനെ സുഖ​പ്പെ​ടു​ത്ത​ണമേ എന്ന്‌ ഒരു മനുഷ്യൻ അവനോട്‌ അഭ്യർഥി​ച്ചു. “അവിശ്വാ​സ​വും കോട്ട​വു​മുള്ള തലമു​റയേ, എത്ര​ത്തോ​ളം ഞാൻ നിങ്ങ​ളോ​ടു​കൂ​ടെ ഇരിക്കും? എത്ര​ത്തോ​ളം നിങ്ങളെ സഹിക്കും?” എന്നു യേശു അഭി​പ്രാ​യ​പ്പെട്ടു.—മത്തായി 17:14-17; ലൂക്കൊസ്‌ 9:37-41.

16. (എ) യഹൂദ​യിൽ “പുരു​ഷാര”ത്തെക്കു​റി​ച്ചുള്ള ഏതു കുറ്റാ​രോ​പണം യേശു ആവർത്തി​ച്ചു? (ബി) “ഈ തലമുറ” എല്ലാ കുറ്റകൃ​ത്യ​ങ്ങ​ളി​ലും​വെച്ച്‌ ഏറ്റവും ഹീനമാ​യതു ചെയ്‌തി​രി​ക്കു​ന്ന​തെ​ങ്ങനെ?

¹⁶ പൊ.യു. 32-ലെ കൂടാ​ര​പ്പെ​രു​ന്നാൾ കഴിഞ്ഞ്‌, സാധ്യ​ത​യ​നു​സ​രിച്ച്‌ യഹൂദ​യിൽവെച്ച്‌ യേശു​വി​നു​ചു​റ്റും “പുരു​ഷാ​രം തിങ്ങി​ക്കൂ​ടി​യ​പ്പോൾ” “ഈ തലമുറ ദോഷ​മുള്ള തലമു​റ​യാ​കു​ന്നു; അതു അടയാളം അന്വേ​ഷി​ക്കു​ന്നു; യോനാ​യു​ടെ അടയാ​ള​മ​ല്ലാ​തെ അതിന്നു ഒരു അടയാ​ള​വും കൊടു​ക്ക​യില്ല” എന്നു പറഞ്ഞു​കൊണ്ട്‌ അവരെ​ക്കു​റി​ച്ചുള്ള കുറ്റാ​രോ​പണം അവൻ ആവർത്തി​ച്ചു. (ലൂക്കൊസ്‌ 11:29) ഒടുവിൽ, മതനേ​താ​ക്ക​ന്മാർ യേശു​വി​നെ വിചാ​ര​ണ​യ്‌ക്കാ​യി കൊണ്ടു​വ​ന്ന​പ്പോൾ, പീലാ​ത്തോസ്‌ അവനെ വിട്ടയ​യ്‌ക്കാൻ തുനി​ഞ്ഞ​താ​യി​രു​ന്നു. വിവരണം ഇങ്ങനെ പറയുന്നു: “ബറാബ്ബാ​സി​നെ ചോദി​പ്പാ​നും യേശു​വി​നെ നശിപ്പി​പ്പാ​നും മഹാപു​രോ​ഹി​ത​ന്മാ​രും മൂപ്പന്മാ​രും പുരു​ഷാ​രത്തെ സമ്മതി​പ്പി​ച്ചു. . . . പീലാ​ത്തൊസ്‌ അവരോ​ടു: എന്നാൽ ക്രിസ്‌തു എന്ന യേശു​വി​നെ എന്തു ചെയ്യേണ്ടു എന്നു ചോദി​ച്ച​തി​ന്നു: അവനെ ക്രൂശി​ക്കേണം എന്നു എല്ലാവ​രും പറഞ്ഞു. അവൻ ചെയ്‌ത ദോഷം എന്തു എന്നു അവൻ ചോദി​ച്ചു. അവനെ ക്രൂശി​ക്കേണം എന്നു അവർ ഏറ്റവും നിലവി​ളി​ച്ചു പറഞ്ഞു.” ആ ‘ദുഷ്ടത​ല​മുറ’ യേശു​വി​ന്റെ രക്തത്തി​നാ​യി മുറവി​ളി​കൂ​ട്ടു​ക​യാ​യി​രു​ന്നു!—മത്തായി 27:20-25.

17. പെന്ത​ക്കോ​സ്‌തു നാളിൽ പത്രോ​സി​ന്റെ പ്രസം​ഗ​ത്തോട്‌ “ഈ വക്രത​യുള്ള തലമുറ”യിലെ ചിലർ പ്രതി​ക​രി​ച്ച​തെ​ങ്ങനെ?

¹⁷ ‘വിശ്വാ​സ​ര​ഹി​ത​വും ദോഷ​വു​മുള്ള ആ തലുമുറ’യെ ഇളക്കി​വി​ട്ടത്‌ അവരുടെ മതനേ​താ​ക്ക​ന്മാ​രാ​യി​രു​ന്നു. അങ്ങനെ യേശു​ക്രി​സ്‌തു​വി​നെ വധിക്കു​ന്ന​തിൽ അത്‌ ഒരു നിർണാ​യക പങ്കു വഹിച്ചു. അമ്പതു ദിവസം കഴിഞ്ഞ്‌, പൊ.യു. 33-ലെ പെന്ത​ക്കോ​സ്‌തിൽ ശിഷ്യ​ന്മാർക്കു പരിശു​ദ്ധാ​ത്മാ​വു ലഭിക്കു​ക​യും വ്യത്യസ്‌ത ഭാഷക​ളിൽ സംസാ​രി​ക്കാൻ തുടങ്ങു​ക​യും ചെയ്‌തു. ആരവം​കേട്ട്‌ “പുരു​ഷാ​രം വന്നുകൂ​ടി.” അപ്പോൾ പത്രോസ്‌ അപ്പോ​സ്‌തലൻ അവരെ “യെഹൂ​ദാ​പു​രു​ഷ​ന്മാ​രും യെരൂ​ശ​ലേ​മിൽ പാർക്കുന്ന എല്ലാവ​രു​മാ​യു​ള്ളോ​രേ” എന്ന്‌ അഭിസം​ബോ​ധന ചെയ്‌തു​കൊ​ണ്ടു പറഞ്ഞു: “യേശു​വി​നെ . . . നിങ്ങൾ . . . അധർമ്മി​ക​ളു​ടെ കയ്യാൽ തറെച്ചു കൊന്നു.” അതു കേട്ട ചിലർ പ്രതി​ക​രി​ച്ചത്‌ എങ്ങനെ​യാ​യി​രു​ന്നു? “അവർ[ക്കു] ഹൃദയ​ത്തിൽ കുത്തു​കൊ​ണ്ടു.” അപ്പോൾ പത്രോസ്‌ അവരോട്‌ അനുത​പി​ക്കാൻ ആവശ്യ​പ്പെട്ടു. “മറ്റു പല വാക്കു​ക​ളാ​ലും അവൻ സാക്ഷ്യം​പ​റഞ്ഞു അവരെ പ്രബോ​ധി​പ്പി​ച്ചു; ഈ വക്രത​യുള്ള തലമു​റ​യിൽനി​ന്നു രക്ഷിക്ക​പ്പെ​ടു​വിൻ എന്നു പറഞ്ഞു.” അതി​നോ​ടു പ്രതി​ക​രി​ച്ചു​കൊണ്ട്‌, മൂവാ​യി​ര​ത്തോ​ളം​പേർ ‘അവന്റെ വാക്കു കൈ​ക്കൊ​ണ്ടു സ്‌നാനം ഏറ്റു.’—പ്രവൃ​ത്തി​കൾ 2:6, 14, 23, 37, 40, 41.

“ഈ തലമുറ”യെ തിരി​ച്ച​റി​യൽ

18. “ഈ തലമുറ” എന്ന യേശു​വി​ന്റെ പദപ്ര​യോ​ഗം പൂർവാ​പ​ര​യോ​ജി​പ്പിൽ എന്തിനെ പരാമർശി​ക്കു​ന്നു?

¹⁸ അപ്പോൾ, തന്റെ ശിഷ്യ​ന്മാ​രു​ടെ സാന്നി​ധ്യ​ത്തിൽ യേശു കൂടെ​ക്കൂ​ടെ പരാമർശിച്ച “തലമുറ” എന്താണ്‌? “ഇതൊ​ക്കെ​യും സംഭവി​ക്കു​വോ​ളം ഈ തലമുറ ഒഴിഞ്ഞു​പോ​ക​യില്ല” എന്ന അവന്റെ വാക്കുകൾ കേട്ട്‌ അവർ മനസ്സി​ലാ​ക്കി​യത്‌ എന്തായി​രു​ന്നു? തീർച്ച​യാ​യും, യഹൂദ ജനതയു​ടെ ഭാഗമായ “കുരു​ട​രായ വഴികാ​ട്ടിക”ളും ഉൾപ്പെട്ട സമകാ​ലീന ജനക്കൂ​ട്ട​ത്തി​നു പൂർവാ​പ​ര​യോ​ജി​പ്പിൽ യേശു ബാധക​മാ​ക്കിയ “ഈ തലമുറ” എന്ന സ്ഥിരം പദപ്ര​യോ​ഗ​ത്തിൽനിന്ന്‌ അവൻ വ്യതി​ച​ലി​ക്കു​ക​യാ​യി​രു​ന്നില്ല. (മത്തായി 15:14) യേശു മുൻകൂ​ട്ടി​പ്പറഞ്ഞ എല്ലാ അരിഷ്ട​ത​ക​ളും അനുഭ​വിച്ച “ഈ തലമുറ” യെരു​ശ​ലേ​മിൽ സംഭവിച്ച അനുപ​മ​മായ ഒരു “വലിയ കഷ്ട”ത്തിൽ ഒഴിഞ്ഞു​പോ​യി.—മത്തായി 24:21, 34.

19. യഹൂദ വ്യവസ്ഥി​തി​യു​ടെ “ആകാശ​വും ഭൂമി​യും” എപ്പോൾ, എങ്ങനെ ഒഴിഞ്ഞു​പോ​യി?

¹⁹ ഒന്നാം നൂറ്റാ​ണ്ടിൽ, യഹൂദ ജനത്തെ ന്യായം​വി​ധി​ക്കു​ക​യാ​യി​രു​ന്നു യഹോവ. ക്രിസ്‌തു​വി​ലൂ​ടെ​യുള്ള യഹോ​വ​യു​ടെ ദയാപു​ര​സ്സ​ര​മായ കരുത​ലിൽ വിശ്വാ​സം പ്രകട​മാ​ക്കാ​നി​ട​യായ അനുത​പി​ച്ചവർ ആ “മഹോ​പ​ദ്രവ”ത്തിൽനി​ന്നു രക്ഷിക്ക​പ്പെട്ടു. യേശു പറഞ്ഞതു​പോ​ലെ​തന്നെ, പ്രവചി​ക്ക​പ്പെട്ട എല്ലാ സംഗതി​ക​ളും സംഭവി​ച്ചു. അന്നു യഹൂദ വ്യവസ്ഥി​തി​യു​ടെ “ആകാശ​വും ഭൂമി​യും”—മതനേ​താ​ക്ക​ന്മാ​രും ആളുക​ളു​ടെ ദുഷ്ടസ​മൂ​ഹ​വും ഉൾപ്പെട്ട മുഴു ജനതയും—ഒഴിഞ്ഞു​പോ​യി. യഹോവ ന്യായ​വി​ധി നിർവ​ഹി​ക്കു​ക​തന്നെ ചെയ്‌തു!—മത്തായി 24:35; 2 പത്രൊസ്‌ 3:7 താരത​മ്യം ചെയ്യുക.

20. എല്ലാ ക്രിസ്‌ത്യാ​നി​കൾക്കും അടിയ​ന്തി​ര​ത​യോ​ടെ ബാധക​മാ​കുന്ന സമയോ​ചിത അനുശാ​സ​ന​മെന്ത്‌?

²⁰ “തലമുറ”യുടെ​യോ ‘കാലങ്ങ​ളു​ടെ​യോ സമയങ്ങ​ളു​ടെ​യോ’ ദൈർഘ്യം കണക്കാ​ക്കാൻ ശ്രമി​ക്കു​ന്ന​തി​ലല്ല, മറിച്ച്‌ സമകാ​ലീന ദുഷ്ടത​ല​മു​റ​യിൽനി​ന്നു വേറി​ട്ടു​നിന്ന്‌ തീക്ഷ്‌ണ​ത​യോ​ടെ ദൈ​വേഷ്ടം ചെയ്യു​ന്ന​തി​ലാ​യി​രു​ന്നു തങ്ങളുടെ രക്ഷ ആശ്രയി​ച്ചി​രു​ന്നത്‌ എന്നു യേശു​വി​ന്റെ പ്രാവ​ച​നിക വാക്കു​കൾക്കു ശ്രദ്ധ​കൊ​ടു​ത്തി​രുന്ന ആ യഹൂദ​ന്മാർ തിരി​ച്ച​റി​ഞ്ഞു. യേശു​വി​ന്റെ പ്രവച​ന​ത്തി​ന്റെ അവസാന വാക്കുകൾ നമ്മുടെ നാളിലെ വലിയ നിവൃ​ത്തി​ക്കാ​ണു ബാധക​മാ​കു​ന്ന​തെ​ങ്കി​ലും, ഒന്നാം നൂറ്റാ​ണ്ടി​ലെ യഹൂദ ക്രിസ്‌ത്യാ​നി​ക​ളും പ്രസ്‌തുത അനുശാ​സ​ന​ത്തി​നു ചെവി കൊടു​ക്ക​ണ​മാ​യി​രു​ന്നു: “ആകയാൽ ഈ സംഭവി​പ്പാ​നുള്ള എല്ലാറ്റി​ന്നും ഒഴിഞ്ഞു​പോ​കു​വാ​നും മനുഷ്യ​പു​ത്രന്റെ മുമ്പിൽ നില്‌പാ​നും നിങ്ങൾ പ്രാപ്‌ത​രാ​കേ​ണ്ട​തി​ന്നു സദാകാ​ല​വും ഉണർന്നും പ്രാർഥി​ച്ചും​കൊ​ണ്ടി​രി​പ്പിൻ.”—ലൂക്കൊസ്‌ 21:32-36; പ്രവൃ​ത്തി​കൾ 1:6-8.

21. സമീപ ഭാവി​യിൽ പെട്ടെ​ന്നുള്ള എന്തു സംഭവ​വി​കാ​സം നമുക്കു പ്രതീ​ക്ഷി​ക്കാ​നാ​വും?

²¹ ഇന്ന്‌, “യഹോ​വ​യു​ടെ മഹാദി​വസം അടുത്തി​രി​ക്കു​ന്നു; അതു അടുത്തു അത്യന്തം ബദ്ധപ്പെ​ട്ടു​വ​രു​ന്നു.” (സെഫന്യാ​വു 1:14-18; യെശയ്യാ​വു 13:9, 13) പെട്ടെന്ന്‌, യഹോവ സ്വയം മുൻനിർണ​യി​ച്ചി​ട്ടുള്ള ‘നാളി​ലും നാഴിക’യിലും, ലോക​ത്തി​ന്റെ മതപര​വും രാഷ്ട്രീ​യ​വും വാണി​ജ്യ​പ​ര​വു​മായ ഘടകങ്ങ​ളു​ടെ​മേ​ലും “ദോഷ​വും വ്യഭി​ചാ​ര​വു​മുള്ള” ഈ സമകാ​ലീന “തലമുറ”യുടെ​മേ​ലും അവന്റെ ക്രോധം ചൊരി​യ​പ്പെ​ടും. (മത്തായി 12:39; 24:36; വെളി​പ്പാ​ടു 7:1-3, 9, 14) ആ “വലിയ കഷ്ട”ത്തിൽനി​ന്നു നിങ്ങൾക്ക്‌ എങ്ങനെ രക്ഷപ്പെ​ടാ​നാ​വും? ഞങ്ങളുടെ അടുത്ത ലേഖനം അതിന്‌ ഉത്തരം നൽകു​ക​യും ഭാവി​യി​ലേ​ക്കുള്ള മഹത്തായ പ്രത്യാ​ശ​യെ​ക്കു​റി​ച്ചു പറയു​ക​യും ചെയ്യും.

[അടിക്കു​റി​പ്പു​കൾ]

നിങ്ങൾ എങ്ങനെ ഉത്തരം പറയും?

◻ ദാനീ​യേൽ 9:24-27-ന്റെ നിവൃ​ത്തി​യിൽനി​ന്നു നാം എന്തു മനസ്സി​ലാ​ക്കു​ന്നു?

◻ ബൈബി​ളിൽ ഉപയോ​ഗി​ച്ചി​രി​ക്കു​ന്ന​തു​പോ​ലെ, നിലവി​ലി​രി​ക്കുന്ന നിഘണ്ടു​കൾ “ഈ തലമുറ”യെ നിർവ​ചി​ക്കു​ന്ന​തെ​ങ്ങനെ?

◻ “തലമുറ” എന്ന പദം യേശു പൂർവാ​പ​ര​യോ​ജി​പ്പിൽ ഉപയോ​ഗി​ച്ച​തെ​ങ്ങനെ?

◻ മത്തായി 24:34, 35 ഒന്നാം നൂറ്റാ​ണ്ടിൽ നിവൃ​ത്തി​യേ​റി​യ​തെ​ങ്ങനെ?

[12-ാം പേജിലെ ചിത്രം]

യേശു “ഈ തലമുറ”യെ താന്തോ​ന്നി​ക​ളായ കുട്ടി​ക​ളു​ടെ കൂട്ട​ത്തോ​ടു താരത​മ്യ​പ്പെ​ടു​ത്തി

[15-ാം പേജിലെ ചിത്രം]

ദുഷ്ട യഹൂദ​വ്യ​വ​സ്ഥി​തി​യി​ന്മേൽ ന്യായ​വി​ധി നടപ്പാ​ക്കുന്ന സമയം മുന്നമേ അറിഞ്ഞി​രു​ന്നതു യഹോവ മാത്രം