യേശു​വി​ന്റെ ജീവി​ത​വും ശുശ്രൂ​ഷ​യും

ഒരു മനുഷ്യ​നെ അശുദ്ധ​നാ​ക്കു​ന്ന​തെന്ത്‌?

യേശു​വി​നോ​ടുള്ള എതിർപ്പ്‌ ശക്തമാ​യി​ത്തീ​രു​ന്നു. തന്റെ ശിഷ്യൻമാ​രി​ല​നേകർ വിട്ടു​പി​രി​യു​ന്നു​വെന്നു മാത്രമല്ല, യഹൂദ്യ​യി​ലെ യഹൂദൻമാർ അവനെ കൊല്ലാൻ ശ്രമി​ക്കു​ക​യും ചെയ്യുന്നു, അവൻ ക്രി.വ. 31ലെ പെസഹാ​സ​മ​യത്ത്‌ യരൂശ​ലേ​മി​ലാ​യി​രു​ന്ന​പ്പോൾ അവർ ചെയ്‌ത​തു​പോ​ലെ​തന്നെ.

ഇപ്പോൾ ക്രി.വ. 32 ആയിരി​ക്കു​ക​യാണ്‌. സാദ്ധ്യ​ത​യ​നു​സ​രിച്ച്‌ പെസഹാ​യിക്ക്‌ ഹാജരാ​ക​ണ​മെ​ന്നുള്ള ദൈവ​ത്തി​ന്റെ വ്യവസ്ഥ​ക്ക​നു​യോ​ജ്യ​മാ​യി യേശു യരൂശ​ലേ​മി​ലേക്ക്‌ പെസഹാ​യി​ക്കു​വേണ്ടി പോകു​ന്നു. എന്നിരു​ന്നാ​ലും, തന്റെ ജീവൻ അപകട​ത്തി​ലാ​യി​രു​ന്ന​തി​നാൽ അവൻ ജാഗ്ര​ത​യോ​ടെ​യാണ്‌ പോകു​ന്നത്‌. പിന്നീട്‌ അവൻ ഗലീല​യി​ലേക്കു മടങ്ങുന്നു.

യരൂശ​ലേ​മിൽനിന്ന്‌ പരീശൻമാ​രും ശാസ്‌ത്രി​മാ​രും അവന്റെ അടുക്കൽ വരു​മ്പോൾ ഒരുപക്ഷേ അവൻ കഫർന്ന​ഹൂ​മി​ലാണ്‌. അവർ മതപര​മായ നിയമ​ലം​ഘനം സംബന്ധിച്ച്‌ അവനിൽ കുററ​മാ​രോ​പി​ക്കാൻ കാരണം തേടു​ക​യാണ്‌. “നിന്റെ ശിഷ്യൻമാർ മുൻകാ​ല​ങ്ങ​ളി​ലെ മനുഷ്യ​രു​ടെ പാരമ്പ​ര്യ​ങ്ങളെ ലംഘി​ക്കു​ന്ന​തെ​ന്തു​കൊണ്ട്‌?,” അവർ അന്വേ​ഷി​ക്കു​ന്നു. “ദൃഷ്ടാ​ന്ത​ത്തിന്‌, ഭക്ഷണം കഴിക്കാൻ പോകു​മ്പോൾ അവർ കൈകൾ കഴുകു​ന്നി​ല്ല​ല്ലോ.” ഇതു ദൈവം ആവശ്യ​പ്പെട്ട ഒന്നല്ല, എന്നിരു​ന്നാ​ലും ഈ പാരമ്പ​ര്യാ​നു​ഷ്‌ഠാ​നം നിർവ​ഹി​ക്കാ​ത്തത്‌ ഒരു ഗൗരവ​മുള്ള കുററ​മാ​ണെന്ന്‌ പരീശൻമാർ പരിഗ​ണി​ക്കു​ന്നു. പാരമ്പ​ര്യ​ത്തിൽ കൈമു​ട്ടു​വരെ കഴുകു​ന്ന​തും ഉൾപ്പെ​ടു​ന്നു.

അവരുടെ കുററാ​രോ​പ​ണ​ത്തിന്‌ മറുപ​ടി​പ​റ​യാ​തെ, യേശു അവരുടെ ദുഷ്ടവും മനഃപൂർവ​വു​മായ ദൈവ​നി​യ​മ​ലം​ഘ​ന​ത്തി​ലേക്കു വിരൽചൂ​ണ്ടു​ന്നു. “നിങ്ങളും നിങ്ങളു​ടെ പാരമ്പ​ര്യം നിമിത്തം ദൈവ​ക​ല്‌പ​നയെ ലംഘി​ക്കു​ന്ന​തെ​ന്തു​കൊണ്ട്‌?,” അവൻ അറിയാ​നാ​ഗ്ര​ഹി​ക്കു​ന്നു. “ദൃഷ്ടാ​ന്ത​ത്തിന്‌, ‘നിന്റെ അപ്പനെ​യും അമ്മയെ​യും ബഹുമാ​നി​ക്കുക’ എന്നും ‘അപ്പനെ​യോ അമ്മയെ​യോ പുലഭ്യം​പ​റ​യു​ന്നവൻ മരണത്തിൽ കലാശി​ക്കട്ടെ’ എന്നും ദൈവം പറഞ്ഞു. എന്നാൽ നിങ്ങൾ പറയു​ക​യാണ്‌, ‘ആരെങ്കി​ലും തന്റെ അപ്പനോ​ടോ അമ്മയോ​ടോ: “എന്നിൽ നിന്ന്‌ നിങ്ങൾക്ക്‌ പ്രയോ​ജ​നം​കി​ട്ടേ​ണ്ട​താ​യി എനിക്കു​ള്ള​തെ​ന്തും ദൈവ​ത്തിന്‌ അർപ്പി​ക്ക​പ്പെട്ട വഴിപാ​ടാണ്‌” എന്നു പറയുന്ന ഏവനും തന്റെ പിതാ​വി​നെ അശേഷം ബഹുമാ​നി​ക്ക​രുത്‌.’”

തീർച്ച​യാ​യും, ദൈവ​ത്തിന്‌ വഴിപാ​ടാ​യി അർപ്പിച്ച പണമോ വസ്‌തു​വോ മറെറ​ന്തെ​ങ്കി​ലു​മോ ആലയത്തി​ന്റെ വകയാ​ണെന്ന്‌ പരീശൻമാർ പഠിപ്പി​ക്കു​ന്നു, അത്‌ മറെറ​ന്തെ​ങ്കി​ലും ഉദ്ദേശ്യ​ത്തിൽ ഉപയോ​ഗി​ക്കാ​വു​ന്നതല്ല. ഏതായാ​ലും, യഥാർത്ഥ​ത്തിൽ, സമർപ്പി​ത​വ​ഴി​പാട്‌ അതു സമർപ്പിച്ച ആൾതന്നെ സൂക്ഷി​ക്കു​ന്നു. ഈ വിധത്തിൽ തന്റെ പണമോ വസ്‌തു​വോ കേവലം “കൊർബാൻ”—ദൈവ​ത്തി​നോ ആലയത്തി​നോ സമർപ്പി​ക്ക​പ്പെട്ട ഒരു വഴിപാട്‌—ആണെന്ന്‌ പറയുന്ന ഒരു പുത്രൻ അരിഷ്ട​ത​യി​ലാ​യി​രി​ക്കാ​വുന്ന വൃദ്ധ മാതാ​പി​താ​ക്കളെ സഹായി​ക്കാ​നുള്ള ഉത്തരവാ​ദി​ത്ത​ങ്ങ​ളിൽനിന്ന്‌ ഒഴിഞ്ഞു​മാ​റു​ന്നു.

പരീശൻമാർ ദൈവ​നി​യ​മത്തെ ദുഷ്ടമാ​യി വളച്ചൊ​ടി​ക്കു​ന്ന​തിൽ ഉചിത​മാ​യി രോഷം​പൂണ്ട്‌ യേശു പറയുന്നു: “നിങ്ങൾ നിങ്ങളു​ടെ പാരമ്പ​ര്യം​നി​മി​ത്തം ദൈവ​വ​ച​നത്തെ അസാധു​വാ​ക്കി​യി​രി​ക്കു​ന്നു. കപടഭ​ക്തരേ, ‘ഈ ജനം തങ്ങളുടെ അധരങ്ങൾകൊണ്ട്‌ എന്നെ ബഹുമാ​നി​ക്കു​ന്നു, എന്നാൽ അവരുടെ ഹൃദയം എന്നിൽനിന്ന്‌ വളരെ അകന്നി​രി​ക്കു​ന്നു. അവർ ഉപദേ​ശ​ങ്ങ​ളെന്ന നിലയിൽ മനുഷ്യ​രു​ടെ കല്‌പ​നകൾ പഠിപ്പി​ക്കു​ന്ന​തു​കൊണ്ട്‌ അവർ എന്നെ ആരാധി​ച്ചു​കൊ​ണ്ടി​രി​ക്കു​ന്നത്‌ വ്യർത്ഥ​മാ​യി​ട്ടാണ്‌’എന്നു പറഞ്ഞ​പ്പോൾ യെശയ്യാവ്‌ നിങ്ങ​ളെ​ക്കു​റി​ച്ചു ഉചിത​മാ​യി പ്രവചി​ച്ചു.”

ഒരുപക്ഷേ യേശു​വി​നെ ചോദ്യം​ചെ​യ്യാൻ പരീശൻമാ​രെ അനുവ​ദി​ക്കു​ന്ന​തിന്‌ ജനക്കൂട്ടം പിൻമാ​റി​യി​രു​ന്നു. ഇപ്പോൾ, യേശു​വി​ന്റെ ശക്തമായ വിമർശ​ന​ത്തിന്‌ പരീശൻമാർക്ക്‌ ഉത്തരമി​ല്ലാ​ഞ്ഞ​പ്പോൾ അവൻ ജനക്കൂ​ട്ടത്തെ അരികിൽ വിളി​ക്കു​ന്നു. “ഞാൻ പറയു​ന്നതു ശ്രദ്ധി​ക്കു​ക​യും അർത്ഥം മനസ്സി​ലാ​ക്കു​ക​യും ചെയ്യുക,” അവൻ പറയുന്നു. പുറത്തു​നിന്ന്‌ ഒരു മനുഷ്യ​നി​ലേക്കു കടക്കുന്ന യാതൊ​ന്നി​നും അവനെ മലിന​പ്പെ​ടു​ത്താൻ കഴിക​യില്ല; എന്നാൽ ഒരു മനുഷ്യ​നിൽ നിന്നു പുറ​പ്പെ​ടു​ന്ന​താണ്‌ അവനെ മലിന​പ്പെ​ടു​ത്തുന്ന കാര്യങ്ങൾ.”

പിന്നീട്‌ അവർ ഒരു വീട്ടിൽ പ്രവേ​ശി​ക്കു​മ്പോൾ, അവന്റെ ശിഷ്യൻമാർ ചോദി​ക്കു​ന്നു: “നീ പറഞ്ഞതു കേട്ടതിൽ പരീശൻമാർ ഇടറി​പ്പോ​യെന്ന്‌ നിനക്ക​റി​യാ​മോ?”

യേശു ഉത്തരം പറയുന്നു: “എന്റെ സ്വർഗ്ഗീ​യ​പി​താവ്‌ നട്ടിട്ടി​ല്ലാത്ത ഏതു ചെടി​യും പിഴു​തു​മാ​റ​റ​പ്പെ​ടും. അവരെ വിടുക. അവർ കുരു​ടൻമാ​രായ വഴികാ​ട്ടി​ക​ളാ​കു​ന്നു. അപ്പോൾ കുരു​ട​നായ ഒരു മനുഷ്യൻ ഒരു കുരു​ടനെ വഴിന​ട​ത്തി​യാൽ ഇരുവ​രും കുഴി​യിൽ വീഴും.”

ഒരു മനുഷ്യ​നെ മലിന​പ്പെ​ടു​ത്തു​ന്ന​തു​സം​ബ​ന്ധിച്ച്‌ ശിഷ്യൻമാർക്കു​വേണ്ടി പത്രോസ്‌ വിശദീ​ക​രണം ചോദി​ക്കു​മ്പോൾ യേശു അതിശ​യി​ച്ച​താ​യി തോന്നു​ന്നു. “നിനക്കും ഇതുവരെ ഗ്രാഹ്യം​ല​ഭി​ച്ചി​ല്ലേ?” യേശു പ്രതി​വ​ചി​ക്കു​ന്നു. “വായി​ലേക്കു പ്രവേ​ശി​ക്കുന്ന സകലതും കുടലി​ലേക്കു പോകു​ന്നു​വെ​ന്നും അഴുക്കു കുഴി​യി​ലേക്കു തള്ളപ്പെ​ടു​ന്നു​വെ​ന്നും നിനക്ക്‌ അറിവി​ല്ലേ? എന്നിരു​ന്നാ​ലും, വായിൽനി​ന്നു പുറ​പ്പെ​ടു​ന്നവ ഹൃദയ​ത്തിൽനി​ന്നു വരുന്നു, അവയാണ്‌ ഒരു മനുഷ്യ​നെ മലിന​പ്പെ​ടു​ത്തു​ന്നത്‌. ദൃഷ്ടാ​ന്ത​ത്തിന്‌, ഹൃദയ​ത്തിൽനിന്ന്‌ ദുഷ്ട ന്യായ​വാ​ദ​ങ്ങ​ളും കൊല​പാ​ത​ക​ങ്ങ​ളും വ്യഭി​ചാ​ര​ങ്ങ​ളും ദുർവൃ​ത്തി​ക​ളും മോഷ​ണ​ങ്ങ​ളും കള്ളസാ​ക്ഷ്യ​ങ്ങ​ളും ദൈവ​ദൂ​ഷ​ണ​ങ്ങ​ളും വരുന്നു. ഇവയാണ്‌ ഒരു മനുഷ്യ​നെ മലിന​പ്പെ​ടു​ത്തു​ന്നത്‌, എന്നാൽ കഴുകാത്ത കൈകൾകൊ​ണ്ടു ഭക്ഷണം കഴിക്കു​ന്നത്‌ ഒരു മനുഷ്യ​നെ മലിന​പ്പെ​ടു​ത്തു​ന്നില്ല.”

യേശു ഇവിടെ സാധാ​ര​ണ​ഗ​തി​യി​ലുള്ള ശുചി​ത്വ​ത്തെ നിരു​ത്സാ​ഹ​പ്പെ​ടു​ത്തു​ക​യാ​യി​രു​ന്നില്ല. ആഹാരം പാചകം​ചെ​യ്യു​ന്ന​തി​നോ ഭക്ഷണം കഴിക്കു​ന്ന​തി​നോ മുമ്പ്‌ ഒരു വ്യക്തി തന്റെ കൈകൾ കഴു​കേ​ണ്ട​തി​ല്ലെന്ന്‌ അവൻ വാദി​ക്കു​കയല്ല. പകരം, തിരു​വെ​ഴു​ത്തു​വി​രുദ്ധ പാരമ്പ​ര്യ​ങ്ങൾക്കു​വേണ്ടി കടും​പി​ടു​ത്തം പിടി​ച്ചു​കൊണ്ട്‌ ദൈവ​ത്തി​ന്റെ നീതി​യുള്ള നിയമ​ങ്ങളെ മറിക​ട​ക്കാൻ കപടപൂർവം ശ്രമി​ക്കുന്ന മതനേ​താ​ക്കൻമാ​രെ യേശു കുററം​വി​ധി​ക്കു​ക​യാണ്‌. അതെ, ഒരു മനുഷ്യ​നെ മലിന​പ്പെ​ടു​ത്തു​ന്നത്‌ ദുഷ്‌പ്ര​വൃ​ത്തി​ക​ളാണ്‌. അവ ഒരു വ്യക്തി​യു​ടെ ഹൃദയ​ത്തിൽനി​ന്നാണ്‌ ഉത്ഭവി​ക്കു​ന്ന​തെന്ന്‌ യേശു പ്രകട​മാ​ക്കു​ന്നു. യോഹ​ന്നാൻ 7:1; ആവർത്തനം 16:16; മത്തായി 15:1-20; മർക്കോസ്‌ 7:1-23; പുറപ്പാട്‌ 20:12; 21:17; യെശയ്യാവ്‌ 29:13.

◆ യേശു ഇപ്പോൾ ഏത്‌ എതിർപ്പി​നെ അഭിമു​ഖീ​ക​രി​ക്കു​ന്നു?

◆ പരീശൻമാർ എന്തു കുററാ​രോ​പണം നടത്തുന്നു, എന്നാൽ യേശു പറയു​ന്ന​ത​നു​സ​രിച്ച്‌, പരീശൻമാർ എങ്ങനെ ദൈവ​നി​യ​മത്തെ മനഃപൂർവം ലംഘി​ക്കു​ന്നു?

◆ മനുഷ്യ​നെ മലിന​പ്പെ​ടു​ത്തു​ന്നത്‌ ഏതു വസ്‌തു​ക്ക​ളാ​ണെന്ന്‌ യേശു വെളി​പ്പെ​ടു​ത്തു​ന്നു? (w87 11⁄1)