എന്നിരു​ന്നാ​ലും, നമുക്കി​പ്പോൾ കോസ്‌മോസ്‌ എന്ന പദം മറെറ​രർത്ഥ​ത്തിൽ ബൈബി​ളിൽ ഉപയോ​ഗി​ച്ചി​രി​ക്കു​ന്നത്‌ ശ്രദ്ധി​ക്കാം. ഇത്‌ മനുഷ്യ ജീവിത മണ്ഡലത്തെ, ചട്ടക്കൂ​ടി​നെ അല്ലെങ്കിൽ അവസ്ഥയെ അർത്ഥമാ​ക്കാൻ ഉപയോ​ഗി​ക്കു​ന്നു.a അത്തരം ഉപയോ​ഗം നാം യേശു​വി​ന്റെ വാക്കു​ക​ളിൽ കണ്ടെത്തു​ന്നു: “ഒരു മനുഷ്യൻ മുഴു​ലോ​ക​വും [കോസ്‌മോസ്‌] നേടി​യി​ട്ടും തന്റെ ജീവനെ നഷ്ടപ്പെ​ടു​ത്തി​യാൽ എന്തു പ്രയോ​ജനം?” (മത്തായി 16:26) വ്യക്തമാ​യും, ക്രിസ്‌തു ഇവിടെ ഒരു വ്യക്തി ‘മുഴു മനുഷ്യ​വർഗ്ഗ​ലോക’ത്തെയോ ‘ദൈവ​ത്തിൽനിന്ന്‌ അന്യപ്പെട്ട മനുഷ്യ​വർഗ്ഗ​ലോക’ത്തെയോ നേടു​ന്ന​തി​നെ പരാമർശി​ക്കു​ക​യാ​യി​രു​ന്നില്ല. ഒരു ഭൗതിക പ്രിയന്‌ മനുഷ്യ​വർഗ്ഗ​ത്തെയല്ല. മറിച്ച്‌, മനുഷ്യർക്കു​ള്ള​തി​നെ അല്ലെങ്കിൽ മനുഷ്യ​രു​ടെ നിർമ്മാ​ണത്തെ അല്ലെങ്കിൽ മനുഷ്യ​രു​ടെ സമ്പാദ്യ​ങ്ങ​ളെ​യാണ്‌ നേടാൻ കഴിയു​ന്നത്‌. ഇത്‌ ‘വിവാഹം ചെയ്‌ത ഒരു വ്യക്തി ലോക​ത്തി​ലു​ള്ളത്‌ ചിന്തി​ക്കുന്ന’തിനെ​ക്കു​റി​ച്ചുള്ള പൗലോ​സി​ന്റെ വാക്കു​ക​ളി​ലും സത്യമാണ്‌. അതു​പോ​ലെ​തന്നെ, ഒരു ക്രിസ്‌ത്യാ​നി ‘ലോകത്തെ പൂർണ്ണ​മാ​യും ഉപയോ​ഗി’ക്കുന്നില്ല.—1 കൊരി​ന്ത്യർ 7:31-33.