അത്യാ​ഗ്ര​ഹ​ത്തി​ന്റെ കെണി ഒഴിവാ​ക്കു​ന്ന​തിൽ വിജയി​ക്കു​ക

“ധനിക​രാ​കാൻ ദൃഢനി​ശ്ചയം ചെയ്‌തി​രി​ക്കു​ന്നവർ പരീക്ഷ​യി​ലും കെണി​യി​ലും അകപ്പെ​ടു​ന്നു.”—1 തിമൊ​ഥെ​യൊസ്‌ 6:9, NW.

1. കെണി​കളെ സംബന്ധി​ച്ചു നാം ഉത്‌ക്ക​ണ്‌ഠാ​കു​ല​രാ​കേ​ണ്ടത്‌ എന്തു​കൊണ്ട്‌?

“കെണി” എന്ന പദം സംശയം തോന്നാത്ത ഇരയെ പിടി​ക്കാൻ ഉപായ​രൂ​പേണ ഒരു ഉപകരണം ഒളിച്ചു​വെ​ക്കുന്ന ഒരു വേട്ടക്കാ​ര​നെ​ക്കു​റി​ച്ചു നിങ്ങൾ ചിന്തി​ക്കാൻ ഇടയാ​ക്കി​യേ​ക്കാം. എന്നിരു​ന്നാ​ലും, നമുക്ക്‌ ഏററവും അപകട​ക​ര​മായ കെണികൾ അക്ഷരീ​യ​മായ അത്തരം ഉപകര​ണ​ങ്ങളല്ല, പിന്നെ​യോ, ആത്മീയ​മാ​യോ ധാർമി​ക​മാ​യോ നമ്മെ കെണി​യി​ല​ക​പ്പെ​ടു​ത്തു​ന്ന​വ​യാ​ണെന്നു ദൈവം വ്യക്തമാ​ക്കു​ന്നു. അത്തരം കെണികൾ വെക്കു​ന്ന​തിൽ പിശാച്‌ വിദഗ്‌ധ​നാണ്‌.—2 കൊരി​ന്ത്യർ 2:11; 2 തിമൊ​ഥെ​യൊസ്‌ 2:24-26.

2. (എ) അപകട​ക​ര​മായ കെണികൾ ഒഴിവാ​ക്കാൻ യഹോവ നമ്മെ സഹായി​ക്കു​ന്നത്‌ എങ്ങനെ? (ബി) ഏതു പ്രത്യേ​ക​തരം കെണി​യി​ലാണ്‌ ഇപ്പോൾ ശ്രദ്ധ ചെലു​ത്തു​ന്നത്‌?

² സാത്താന്റെ വിഭി​ന്ന​മായ അനേകം കെണി​ക​ളിൽ ചിലതു തിരി​ച്ച​റി​യി​ച്ചു​കൊ​ണ്ടു യഹോവ നമ്മെ സഹായി​ക്കു​ന്നു. ഉദാഹ​ര​ണ​ത്തിന്‌, നാം ബുദ്ധി​ശൂ​ന്യ​മാ​യോ ഇടംവലം നോക്കാ​തെ​യോ അരുതാ​ത്ത​തോ സംസാ​രി​ക്കു​ന്നെ​ങ്കിൽ നമ്മുടെ അധരങ്ങൾക്കോ വായ്‌ക്കോ ഒരു കെണി​യാ​കാൻ കഴിയു​മെന്നു ദൈവം മുന്നറി​യി​പ്പു നൽകുന്നു. (സദൃശ​വാ​ക്യ​ങ്ങൾ 18:7; 20:25) കോപ​പ്ര​വ​ണ​ത​യു​ള്ള​വ​രു​മാ​യുള്ള കൂട്ടു​കെട്ടു പോ​ലെ​തന്നെ അഹങ്കാ​ര​ത്തിന്‌ ഒരു കെണി​യാ​യി​രി​ക്കാൻ കഴിയും. (സദൃശ​വാ​ക്യ​ങ്ങൾ 22:24, 25; 29:25) എന്നാൽ നമുക്കു മറെറാ​രു കെണി​യി​ലേക്കു തിരി​യാം: “ധനിക​രാ​കാൻ ദൃഢനി​ശ്ചയം ചെയ്‌തി​രി​ക്കു​ന്നവർ പരീക്ഷ​യി​ലും കെണി​യി​ലും, മനുഷ്യ​രെ നാശത്തി​ലും കെടു​തി​യി​ലും ആഴ്‌ത്തി​ക്ക​ള​യുന്ന, നിരർഥ​ക​വും ഹാനി​ക​ര​വു​മായ അനേകം ആഗ്രഹ​ങ്ങ​ളി​ലും അകപ്പെ​ടു​ന്നു.” (1 തിമൊ​ഥെ​യൊസ്‌ 6:9, NW) ആ കെണിക്കു പിന്നി​ലു​ള്ള​തി​നെ അല്ലെങ്കിൽ അതിന്റെ അടിസ്ഥാ​നത്തെ “അത്യാ​ഗ്രഹം” എന്ന വാക്കിൽ സംഗ്ര​ഹി​ക്കാ​നാ​കും. അത്യാ​ഗ്രഹം പലപ്പോ​ഴും ധനവാ​നാ​കാ​നുള്ള ദൃഢനി​ശ്ച​യ​ത്താൽ തെളി​യു​ന്നു​വെ​ങ്കി​ലും അത്യാ​ഗ്രഹം വാസ്‌ത​വ​ത്തിൽ പല മുഖങ്ങ​ളുള്ള ഒരു കെണി​യാണ്‌.

യഹോവ നമുക്ക്‌ അപകട​ത്തെ​ക്കു​റി​ച്ചു മുന്നറി​യി​പ്പു നൽകുന്നു

3, 4. അത്യാ​ഗ്ര​ഹത്തെ സംബന്ധി​ച്ചു പുരാതന ചരിത്രം എന്തു പാഠം ഉൾക്കൊ​ള്ളു​ന്നു?

³ അടിസ്ഥാ​ന​പ​ര​മാ​യി, പണമോ സ്വത്തു​ക്ക​ളോ അധികാ​ര​മോ ലൈം​ഗി​ക​ത​യോ മററു​കാ​ര്യ​ങ്ങ​ളോ ആയാലും, കൂടുതൽ വേണമെന്ന അതിർകടന്ന അല്ലെങ്കിൽ അമിത​മായ ആഗ്രഹ​മാണ്‌ അത്യാ​ഗ്രഹം. അത്യാ​ഗ്ര​ഹ​ത്തി​ന്റെ കെണി​യാൽ ആദ്യമാ​യി അപകട​ത്തി​ലാ​യതു നാമല്ല. വളരെ​ക്കാ​ലം​മുമ്പ്‌ ഏദെൻ തോട്ട​ത്തിൽവെച്ച്‌ അത്യാ​ഗ്രഹം ഹവ്വാ​യെ​യും പിന്നീട്‌ ആദാമി​നെ​യും കെണി​യി​ലാ​ക്കി. ജീവി​ത​ത്തിൽ ഹവ്വാ​യെ​ക്കാൾ കൂടുതൽ അനുഭ​വ​പ​രി​ചയം നേടി​യ​വ​നാ​യി​രുന്ന ഹവ്വായു​ടെ ഇണ യഹോ​വ​യാൽ വ്യക്തി​പ​ര​മാ​യി പഠിപ്പി​ക്ക​പ്പെ​ട്ട​വ​നു​മാ​യി​രു​ന്നു. ദൈവം ഒരു പറുദീ​സാ ഭവനം പ്രദാനം ചെയ്‌തി​രു​ന്നു. അവർക്ക്‌ മലിനീ​ക​രി​ക്ക​പ്പെ​ടാത്ത നിലത്തു വളർന്ന വൈവി​ധ്യ​മാർന്ന നല്ല ഭക്ഷ്യവ​സ്‌തു​ക്കൾ ധാരാളം ആസ്വദി​ക്കാൻ കഴിഞ്ഞു. അവർക്കു പൂർണ​രായ കുട്ടികൾ ഉണ്ടാകു​മെന്നു പ്രതീ​ക്ഷി​ക്കാൻ കഴിയു​മാ​യി​രു​ന്നു, അവരു​മൊത്ത്‌ അനന്തമാ​യി ജീവി​ക്കാ​നും ദൈവത്തെ സേവി​ക്കാ​നും അവർക്കു സാധി​ക്കു​മാ​യി​രു​ന്നു. (ഉല്‌പത്തി 1:27-31; 2:15) ഏതു മനുഷ്യ​നെ​യും തൃപ്‌തി​പ്പെ​ടു​ത്താൻ അതു മതിയാ​കു​മാ​യി​രു​ന്നു എന്നു തോന്നു​ന്നി​ല്ലേ?

⁴ എന്നിരു​ന്നാ​ലും ഒരാൾക്ക്‌ വേണ്ടു​വോ​ള​മു​ണ്ടാ​യി​രി​ക്കു​ന്നത്‌ അത്യാ​ഗ്രഹം ഒരു കെണി​യാ​യി​ത്തീ​രു​ന്ന​തിൽനി​ന്നു തടയു​ന്നില്ല. കൂടുതൽ സ്വാത​ന്ത്ര്യം നേടി​ക്കൊ​ണ്ടും അവളുടെ സ്വന്തം നിലവാ​രങ്ങൾ വെച്ചു​കൊ​ണ്ടും ദൈവ​ത്തെ​പ്പോ​ലെ​യാ​കാ​മെ​ന്നുള്ള പ്രതീ​ക്ഷ​യാൽ ഹവ്വാ കെണി​യി​ല​ക​പ്പെട്ടു. എന്തു നഷ്ടമു​ണ്ടാ​യാ​ലും, ആദാം തന്റെ സുന്ദരി​യായ ഇണയു​മാ​യി തുടർച്ച​യായ സഖിത്വം ആഗ്രഹി​ച്ച​താ​യി തോന്നു​ന്നു. അത്യാ​ഗ്രഹം മൂലം ഈ പൂർണ​മ​നു​ഷ്യർ പോലും കെണി​യി​ലാ​യി എന്നതി​നാൽ അത്‌ എന്തു​കൊ​ണ്ടു നമുക്ക്‌ അപകട​ക​ര​മാ​യി​രി​ക്കാൻ കഴിയും എന്നു നിങ്ങൾക്കു മനസ്സി​ലാ​ക്കാ​നാ​കും.

5. അത്യാ​ഗ്ര​ഹ​ത്തി​ന്റെ കെണി ഒഴിവാ​ക്കു​ന്നതു നമ്മെ സംബന്ധിച്ച്‌ എത്ര പ്രാധാ​ന്യ​മു​ള്ള​താണ്‌?

⁵ അത്യാ​ഗ്ര​ഹ​ത്താൽ കെണി​യി​ലാ​കു​ന്ന​തി​നെ​തി​രെ നാം സൂക്ഷി​ക്കണം, എന്തു​കൊ​ണ്ടെ​ന്നാൽ അപ്പോ​സ്‌ത​ല​നായ പൗലോസ്‌ നമുക്ക്‌ ഇങ്ങനെ മുന്നറി​യി​പ്പു നൽകുന്നു: “അന്യായം ചെയ്യു​ന്നവർ ദൈവ​രാ​ജ്യം അവകാ​ശ​മാ​ക്കു​ക​യില്ല എന്നു അറിയു​ന്നി​ല്ല​യോ? നിങ്ങ​ളെ​ത്തന്നേ വഞ്ചിക്കാ​തി​രി​പ്പിൻ; ദുർന്ന​ട​പ്പു​കാർ; വിഗ്ര​ഹാ​രാ​ധി​കൾ; വ്യഭി​ചാ​രി​കൾ; സ്വയ​ഭോ​ഗി​കൾ; പുരു​ഷ​കാ​മി​കൾ; കള്ളൻമാർ; അത്യാ​ഗ്ര​ഹി​കൾ . . . എന്നിവർ ദൈവ​രാ​ജ്യം അവകാ​ശ​മാ​ക്കു​ക​യില്ല.” (1 കൊരി​ന്ത്യർ 6:9, 10) പൗലോസ്‌ ഇതുകൂ​ടി നമ്മോടു പറഞ്ഞു: “ദുർന്ന​ട​പ്പും യാതൊ​രു അശുദ്ധി​യും അത്യാ​ഗ്ര​ഹ​വും നിങ്ങളു​ടെ ഇടയിൽ പേർ പറക​പോ​ലും അരുത്‌.” (എഫെസ്യർ 5:3) അതു​കൊ​ണ്ടു നമ്മുടെ അപൂർണ ജഡത്തെ തൃപ്‌തി​പ്പെ​ടു​ത്തു​ക​യെന്ന ഉദ്ദേശ്യ​ത്തിൽ അത്യാ​ഗ്ര​ഹത്തെ ഒരു സംഭാഷണ വിഷയ​മാ​ക്കാൻപോ​ലും പാടില്ല.

6, 7. (എ) അത്യാ​ഗ്ര​ഹ​ത്തിന്‌ എത്ര ശക്തമാ​യി​രി​ക്കാൻ കഴിയു​മെ​ന്ന​തിന്‌ ഏതു ബൈബിൾ ദൃഷ്ടാ​ന്തങ്ങൾ അടിവ​ര​യി​ടു​ന്നു? (ബി) ഈ ദൃഷ്ടാ​ന്തങ്ങൾ നമു​ക്കൊ​രു മുന്നറി​യി​പ്പാ​യി​രി​ക്കേ​ണ്ടത്‌ എന്തു​കൊണ്ട്‌?

⁶ അത്യാ​ഗ്ര​ഹ​ത്തി​ന്റെ അപകട​ത്തെ​ക്കു​റി​ച്ചു നമ്മെ ജാഗരൂ​ഗ​രാ​ക്കാൻ യഹോവ അനേകം ദൃഷ്ടാ​ന്തങ്ങൾ രേഖ​പ്പെ​ടു​ത്തി​യി​ട്ടുണ്ട്‌. ആഖാന്റെ അത്യാ​ഗ്ര​ഹത്തെ ഓർമി​ക്കുക. യെരീ​ഹോ നശിപ്പി​ക്ക​പ്പെ​ടേ​ണ്ട​താ​ണെ​ന്നും എന്നാൽ അതിലെ സ്വർണ​വും വെള്ളി​യും ചെമ്പും ഇരുമ്പും യഹോ​വ​യു​ടെ ഭണ്ഡാര​ത്തി​ലേ​ക്കു​ള്ള​താ​ണെ​ന്നും അവിടു​ന്നു പറഞ്ഞു. ആ നിർദേശം അനുസ​രി​ക്ക​ണ​മെന്ന്‌ ആരംഭ​ത്തിൽ ആഖാൻ ഉദ്ദേശി​ച്ചി​രി​ക്കാം, എന്നാൽ അത്യാ​ഗ്രഹം അയാളെ കെണി​യി​ലാ​ക്കി. യെരീ​ഹോ​യി​ലെ​ത്തിയ ഉടൻ അയാൾ സാധനങ്ങൾ വാങ്ങാൻ പുറ​പ്പെ​ട്ട​മ​ട്ടി​ലാ​യി​രു​ന്നു. തനിക്കു നന്നായി ഇണങ്ങു​ന്ന​താ​യി തോന്നിയ ഒരു കമനീയ കുപ്പാ​യ​മുൾപ്പെടെ അവിശ്വ​സ​നീ​യ​മാ​യി ആദായ​ക​ര​മായ വസ്‌തു​ക്കൾ അവിടെ അയാൾ കണ്ടു. പതിനാ​യി​ര​ക്ക​ണ​ക്കി​നു രൂപാ വിലവ​രുന്ന സ്വർണ​വും വെള്ളി​യും എടുക്കവേ, ‘എന്തൊരു ഭാഗ്യം! കോള​ടി​ച്ചു​പോ​യി’ എന്ന്‌ അയാൾ വിചാ​രി​ച്ചി​രി​ക്കാം. കൃത്യ​മാ​യി അതുതന്നെ! നശിപ്പി​ക്കേ​ണ്ടി​യി​രു​ന്ന​തി​നെ അഥവാ ഏല്‌പി​ക്കേ​ണ്ടി​യി​രു​ന്ന​തി​നെ മോഹി​ച്ചു​കൊണ്ട്‌ അയാൾ ദൈവ​ത്തി​ന്റെ പക്കൽനി​ന്നു മോഷ്ടി​ച്ചു, അതിന്‌ ആഖാൻ തന്റെ ജീവൻ ഒടു​ക്കേ​ണ്ടി​വന്നു. (യോശുവ 6:17-19; 7:20-26) ഗേഹസി​യു​ടെ​യും ഈസ്‌ക​ര്യോ​ത്താ യൂദാ​യു​ടെ​യും ദൃഷ്ടാ​ന്ത​ങ്ങൾകൂ​ടി പരിചി​ന്തി​ക്കുക.—2 രാജാ​ക്കൻമാർ 5:8-27; യോഹ​ന്നാൻ 6:64; 12:2-6.

⁷ യഹോ​വ​യു​ടെ നിലവാ​ര​ങ്ങ​ളെ​ക്കു​റിച്ച്‌ അജ്ഞരായ പുറജാ​തി​ക്കാ​രല്ല മേൽപ്പറഞ്ഞ മൂവരെന്ന വസ്‌തുത നാം അവഗണി​ക്ക​രുത്‌. പ്രത്യുത, അവർ ദൈവ​വു​മാ​യി ഒരു സമർപ്പിത ബന്ധത്തി​ലാ​യി​രു​ന്നു. ദൈവ​ത്തി​ന്റെ ശക്തി​യെ​യും അവിടു​ത്തെ പ്രീതി നിലനിർത്തേ​ണ്ട​തി​ന്റെ പ്രാധാ​ന്യ​ത്തെ​യും സംബന്ധി​ച്ചു തങ്ങളിൽ ബോധ്യ​മു​ള​വാ​ക്കിയ അത്ഭുത​ങ്ങൾക്ക്‌ അവർ എല്ലാവ​രും സാക്ഷ്യം വഹിച്ചി​രു​ന്നു. എന്നിട്ടും അത്യാ​ഗ്ര​ഹ​ത്തി​ന്റെ കെണി അവർക്കു വീഴ്‌ച​യാ​യി. ഏതെങ്കി​ലും രൂപത്തി​ലുള്ള അത്യാ​ഗ്ര​ഹ​ത്താൽ കെണി​യി​ല​ക​പ്പെ​ടാൻ നാം സ്വയം അനുവ​ദി​ക്കു​ന്നെ​ങ്കിൽ ദൈവ​വു​മാ​യുള്ള നമ്മുടെ ബന്ധത്തെ നാമും നശിപ്പി​ച്ചേ​ക്കാം. നമുക്കു വിശേ​ഷാൽ അപകട​ക​ര​മാ​യി​രു​ന്നേ​ക്കാ​വു​ന്നത്‌ അത്യാ​ഗ്ര​ഹ​ത്തി​ന്റെ ഏതു രൂപങ്ങൾ ആയിരി​ക്കാം?

ധനത്തി​നോ സ്വത്തു​ക്കൾക്കോ വേണ്ടി​യുള്ള അത്യാ​ഗ്ര​ഹ​ത്താൽ കെണി​യി​ല​ക​പ്പെ​ടു​ന്നു

8. ധനത്തെ സംബന്ധി​ച്ചു ബൈബിൾ എന്തു മുന്നറി​യി​പ്പു നൽകുന്നു?

⁸ ധനത്തോ​ടുള്ള ഒരു സ്‌നേഹം അഥവാ സ്വത്തി​നോ​ടുള്ള ഒരു അഭിവാഞ്‌ഛ വളർത്തു​ന്ന​തി​നെ​തി​രെ ബൈബി​ളിൽനി​ന്നുള്ള വ്യക്തമായ മുന്നറി​യി​പ്പു​കൾ മിക്ക ക്രിസ്‌ത്യാ​നി​ക​ളും കേട്ടി​ട്ടുണ്ട്‌. മത്തായി 6:24-33; ലൂക്കൊസ്‌ 12:13-21; 1 തിമൊ​ഥെ​യൊസ്‌ 6:9, 10 എന്നിവി​ട​ങ്ങ​ളിൽ കാണ​പ്പെ​ടുന്ന അവയിൽ ചിലത്‌ എന്തു​കൊ​ണ്ടു പുനർവി​ചി​ന്തനം ചെയ്‌തു​കൂ​ടാ? അത്തരം ബുദ്ധ്യു​പ​ദേശം നിങ്ങൾ സ്വീക​രി​ക്കു​ക​യും പിൻപ​റ​റു​ക​യും ചെയ്യു​ന്നു​ണ്ടെന്നു നിങ്ങൾ വിചാ​രി​ച്ചേ​ക്കാം. എന്നാൽ ആഖാനും ഗേഹസി​യും യൂദാ ഈസ്‌ക​ര്യോ​ത്ത​യും അതി​നോ​ടു തങ്ങളും യോജി​ക്കു​ന്നു എന്നു പറഞ്ഞി​രി​ക്കാ​നി​ട​യി​ല്ലേ? വ്യക്തമാ​യും, വെറും ബൗദ്ധിക സമ്മതത്തി​ന​പ്പു​റം നാം പോകണം. ധനത്തോ​ടോ സ്വത്തു​ക്ക​ളോ​ടോ ഉള്ള അത്യാ​ഗ്ര​ഹ​മാ​കുന്ന കെണി നമ്മുടെ അനുദിന ജീവി​തത്തെ ബാധി​ക്കാ​തി​രി​ക്കാൻ നാം ശ്രദ്ധി​ക്കേ​ണ്ട​തുണ്ട്‌.

9. സാധനങ്ങൾ വാങ്ങു​ന്ന​തി​നോ​ടുള്ള നമ്മുടെ മനോ​ഭാ​വം നാം പരി​ശോ​ധി​ക്കേ​ണ്ടത്‌ എന്തു​കൊണ്ട്‌?

⁹ ദൈനം​ദിന ജീവി​ത​ത്തിൽ ഭക്ഷണം, വസ്‌ത്രം, വീട്ടാ​വ​ശ്യ​ത്തി​നുള്ള സാധനങ്ങൾ എന്നിവ നമുക്കു കൂടെ​ക്കൂ​ടെ വാങ്ങേ​ണ്ട​തുണ്ട്‌. (ഉല്‌പത്തി 42:1-3; 2 രാജാ​ക്കൻമാർ 12:11, 12; സദൃശ​വാ​ക്യ​ങ്ങൾ 31:14, 16; ലൂക്കൊസ്‌ 9:13; 17:28; 22:36) എന്നാൽ വാണി​ജ്യ​ലോ​കം കൂടുതൽ വസ്‌തു​ക്കൾക്ക്‌, പുതിയ വസ്‌തു​ക്കൾക്കു​വേ​ണ്ടി​യുള്ള ആഗ്രഹം ഉത്തേജി​പ്പി​ക്കു​ന്നു. പത്രങ്ങ​ളി​ലും പത്രി​ക​ക​ളി​ലും ടിവി സ്‌ക്രീ​നി​ലും നിറഞ്ഞി​രി​ക്കുന്ന അനവധി പരസ്യങ്ങൾ അത്യാ​ഗ്ര​ഹ​ത്തി​നാ​യുള്ള മുഖം​മൂ​ടി​യ​ണിഞ്ഞ ആഹ്വാ​ന​ങ്ങ​ളാണ്‌. ബ്‌ളൗ​സു​ക​ളും കോട്ടു​ക​ളും സ്വെറ​റ​റു​ക​ളു​മി​ട്ടി​രി​ക്കുന്ന ചട്ടക്കൂ​ടു​ക​ളും പുത്തൻ ഷൂസും ഇലക്‌​ട്രോ​ണിക്‌ ഉപകര​ണ​ങ്ങ​ളും ക്യാമ​റ​ക​ളു​മി​രി​ക്കുന്ന ഷെൽഫു​ക​ളു​മുള്ള കടകളി​ലും അത്തരം ആഹ്വാ​നങ്ങൾ സ്ഥിതി ചെയ്‌തേ​ക്കാം. ‘സാധങ്ങൾ വാങ്ങൽ എന്റെ ജീവി​ത​ത്തി​ലെ ഒരു സവി​ശേഷത അല്ലെങ്കിൽ മുഖ്യ ഉല്ലാസം ആയിത്തീർന്നി​രി​ക്ക​യാ​ണോ?’ ‘ഞാൻ കാണുന്ന പുതിയ സാധനങ്ങൾ എനിക്കു വാസ്‌ത​വ​ത്തിൽ ആവശ്യ​മു​ണ്ടോ’ അതോ ‘വാണി​ജ്യ​ലോ​കം എന്നിൽ അത്യാ​ഗ്ര​ഹ​ത്തി​ന്റെ വിത്തു​കൾക്കു വളം വെക്കു​ക​യാ​ണോ?’ എന്നു ക്രിസ്‌ത്യാ​നി​കൾ തങ്ങളോ​ടു​തന്നെ ചോദി​ക്കു​ന്നതു വിവേ​ക​മാണ്‌.—1 യോഹ​ന്നാൻ 2:16.

10. പുരു​ഷൻമാർക്കു വിശേ​ഷാൽ അപകട​മാ​യി​രി​ക്കുന്ന അത്യാ​ഗ്ര​ഹ​ത്തി​ന്റെ കെണി ഏത്‌?

¹⁰ സാധനങ്ങൾ വാങ്ങൽ സ്‌ത്രീ​കൾക്കു സാധാ​ര​ണ​മായ ഒരു കെണി​യാ​യി തോന്നു​ന്നു​വെ​ങ്കിൽ എണ്ണമററ പുരു​ഷൻമാർക്കു കൂടുതൽ പണം കിട്ടു​ന്ന​താണ്‌ കെണി. നല്ല വരുമാ​ന​മു​ണ്ടാ​യി​രു​ന്നി​ട്ടും ‘ഞാൻ എന്റെ ധാന്യ​പ്പു​രകൾ പൊളിച്ച്‌ വലുതാ​ക്കി പണിയും. അവിടെ എന്റെ ധാന്യ​വും വിഭവ​ങ്ങ​ളും മുഴുവൻ ഞാൻ ശേഖരി​ക്കും’ എന്നു നിശ്ചയി​ച്ചു​റച്ച ഒരു ധനിക​നെ​ക്കു​റി​ച്ചു പറഞ്ഞു​കൊണ്ട്‌ ഈ കെണിയെ യേശു ദൃഷ്ടാ​ന്തീ​ക​രി​ച്ചു. അപകടത്തെ സംബന്ധി​ച്ചു യേശു ഒരു സംശയ​വും ശേഷി​പ്പി​ച്ചില്ല: “ശ്രദ്ധി​ക്കുക; എല്ലാ അത്യാ​ഗ്ര​ഹ​ങ്ങ​ളിൽനി​ന്നും വിട്ടു​നി​ല്‌ക്കുക.” (ലൂക്കോസ്‌ 12:15-21, ഓശാന ബൈബിൾ) നാം ധനിക​രാ​യാ​ലും അല്ലെങ്കി​ലും ആ ബുദ്ധ്യു​പ​ദേശം നാം ശ്രദ്ധി​ക്കണം.

11. കൂടുതൽ പണത്തി​നു​വേ​ണ്ടി​യുള്ള അത്യാ​ഗ്ര​ഹ​ത്താൽ ഒരു ക്രിസ്‌ത്യാ​നി കെണി​യി​ലാ​യേ​ക്കാ​വു​ന്നത്‌ എങ്ങനെ?

¹¹ കൂടുതൽ പണത്തി​നോ പണത്തിനു വാങ്ങാൻ കഴിയുന്ന സാധന​ങ്ങൾക്കോ വേണ്ടി​യുള്ള അത്യാ​ഗ്രഹം പലപ്പോ​ഴും പോഷി​പ്പി​ക്ക​പ്പെ​ടു​ന്നതു വഞ്ചനയു​ടെ മറ പിടി​ച്ചാണ്‌. അതു പെട്ടെന്നു പണക്കാ​ര​നാ​കാ​നുള്ള ഒരു പദ്ധതി​യാ​യി, ഒരുപക്ഷേ ഒരു അപകടം​പി​ടിച്ച മുതൽമു​ട​ക്കി​ലൂ​ടെ സാമ്പത്തിക സുരക്ഷി​ത​ത്വം നേടാൻ ആയുസ്സി​ലൊ​രി​ക്ക​ലുള്ള ഒരു അവസര​മാ​യി അവതരി​പ്പി​ക്ക​പ്പെ​ട്ടേ​ക്കാം. അല്ലെങ്കിൽ ചോദ്യം ചെയ്യ​പ്പെ​ടാ​വു​ന്ന​തോ നിയമ​വി​രു​ദ്ധ​മോ ആയ ബിസി​നസ്‌ നടപടി​ക​ളി​ലൂ​ടെ പണമു​ണ്ടാ​ക്കാൻ ഒരാൾ പ്രലോ​ഭി​പ്പി​ക്ക​പ്പെ​ട്ടേ​ക്കാം. അതേ, ഈ അതി​മോ​ഹം അപ്രതി​രോ​ധ്യം അഥവാ കെണി​യി​ല​ക​പ്പെ​ടു​ത്തു​ന്നത്‌ ആയിത്തീർന്നേ​ക്കാം. (സങ്കീർത്തനം 62:10; സദൃശ​വാ​ക്യ​ങ്ങൾ 11:1; 20:10) ക്രിസ്‌തീയ സഭയ്‌ക്കു​ള്ളി​ലുള്ള ചിലർ തങ്ങളുടെ വിശ്വസ്‌ത സഹോ​ദ​രങ്ങൾ മുഖ്യ ഇടപാ​ടു​കാർ ആയിരി​ക്കു​മെന്ന പ്രതീ​ക്ഷ​യിൽ ബിസി​നസ്‌ ആരംഭി​ച്ചി​ട്ടുണ്ട്‌. അവരുടെ ലക്ഷ്യം കേവലം ‘കൈ​കൊ​ണ്ടു നല്ലതു പ്രവർത്തി​ച്ചു അദ്ധ്വാ​നിച്ച്‌’ ആവശ്യ​മായ ഒരു ഉത്‌പ​ന്ന​മോ സേവന​മോ പ്രദാനം ചെയ്യു​ന്ന​തി​നു പകരം സഹക്രി​സ്‌ത്യാ​നി​ക​ളു​ടെ ചെലവിൽ ശീഘ്രം പണമു​ണ്ടാ​ക്കാ​നാ​ണെ​ങ്കിൽ അവർ പ്രവർത്തി​ക്കു​ന്നത്‌ അത്യാ​ഗ്രഹം നിമി​ത്ത​മാണ്‌. (എഫെസ്യർ 4:28; സദൃശ​വാ​ക്യ​ങ്ങൾ 20:21; 31:17-19, 24; 2 തെസ്സ​ലൊ​നീ​ക്യർ 3:8-12) പണത്തോ​ടുള്ള അത്യാ​ഗ്രഹം ചിലരെ നറു​ക്കെ​ടു​പ്പു​ക​ളി​ലൂ​ടെ​യോ പന്തയങ്ങ​ളി​ലൂ​ടെ​യോ ഭാഗ്യ​ക്കു​റി​ക​ളി​ലൂ​ടെ​യോ ഉള്ള ചൂതാ​ട്ട​ത്തി​ലേക്കു നയിച്ചി​ട്ടുണ്ട്‌. മററു ചിലർ സമാനു​ഭാ​വ​ത്തെ​യും ന്യായ​ബോ​ധ​ത്തെ​യും അവഗണി​ച്ചു​കൊണ്ട്‌ ഒരു വലിയ പ്രതി​ഫ​ല​മോ തുകയോ ലഭിക്കു​മെന്ന പ്രത്യാ​ശ​യിൽ ധൃതി​യിൽ കോട​തി​കേ​സു​ക​ളി​ലേക്കു എടുത്തു​ചാ​ടി​യി​ട്ടുണ്ട്‌.

12. ധനത്തി​നു​വേ​ണ്ടി​യുള്ള അത്യാ​ഗ്ര​ഹത്തെ തരണം ചെയ്യാ​നാ​കു​മെന്നു നമുക്ക്‌ അറിയാ​വു​ന്നത്‌ എന്തു​കൊണ്ട്‌?

¹² അത്യാ​ഗ്രഹം നമ്മിൽ വ്യാപ​രി​ക്കു​ന്നു​ണ്ടോ എന്നു സത്യസ​ന്ധ​മാ​യി നമുക്കു കാണാൻ കഴിയ​ത്ത​ക്ക​വണ്ണം ഒരു ആത്മപരി​ശോ​ധന ഉചിത​മാ​യി​രി​ക്കുന്ന മേഖല​ക​ളാണ്‌ മേൽവി​വ​രി​ച്ചത്‌. അതു വ്യാപ​രി​ക്കു​ന്നു​ണ്ടെ​ങ്കിൽപ്പോ​ലും നമുക്കു മാററം വരുത്താ​നാ​വും. സക്കായി മാററം വരുത്തി എന്നോർക്കുക. (ലൂക്കൊസ്‌ 19:1-10) സമ്പത്തി​നോ സ്വത്തു​ക്കൾക്കോ വേണ്ടി​യുള്ള അത്യാ​ഗ്രഹം ഒരു പ്രശ്‌ന​മാ​യി ആരെങ്കി​ലും കണ്ടെത്തു​ന്നെ​ങ്കിൽ കെണി​യിൽനി​ന്നു രക്ഷപെ​ടു​വാൻ അയാൾ സക്കായി​യെ​പ്പോ​ലെ ദൃഢനി​ശ്ച​യ​മു​ള്ള​വ​നാ​യി​രി​ക്കണം.—യിരെ​മ്യാ​വു 17:9.

ജീവി​ത​ത്തി​ന്റെ മററു വശങ്ങളി​ലുള്ള അത്യാ​ഗ്ര​ഹം

13. സങ്കീർത്തനം 10:18 അത്യാ​ഗ്ര​ഹ​ത്തി​ന്റെ വേറെ ഏതു കെണിയെ ആണു നമ്മുടെ ശ്രദ്ധയി​ലേക്കു വരുത്തു​ന്നത്‌?

¹³ ചിലർക്ക്‌, അത്യാ​ഗ്രഹം പ്രത്യ​ക്ഷ​മാ​കുന്ന മററു വിധങ്ങ​ളെ​ക്കാൾ, പണത്തി​ന്റെ​യോ സ്വത്തു​ക്ക​ളു​ടെ​യോ കാര്യ​ത്തി​ലുള്ള അത്യാ​ഗ്ര​ഹ​ത്തി​ന്റെ അപകടം കാണുക എളുപ്പ​മാണ്‌. “അത്യാ​ഗ്രഹ”മെന്നോ “അതി​മോഹ”മെന്നോ വിവർത്തനം ചെയ്‌തി​രി​ക്കുന്ന പദസമൂ​ഹ​ത്തി​നു “അധികാ​ര​ത്തി​ന്റെ​യും വസ്‌തു​വ​ക​യു​ടെ​യും മററും ബന്ധത്തിൽ ‘കൂടുതൽ ആഗ്രഹി​ക്കുക’” എന്ന അർഥമു​ണ്ടെന്ന്‌ ഒരു ഗ്രീക്കു നിഘണ്ടു പറയുന്നു. അതേ, മററു​ള്ള​വ​രു​ടെ​മേൽ അധികാ​രം പ്രയോ​ഗി​ക്കാൻ, ഒരുപക്ഷേ നമ്മുടെ അധികാ​ര​ത്തിൻ കീഴിൽ അവരെ വിറപ്പി​ക്കാൻ അത്യാർത്തി​യോ​ടെ ആഗ്രഹി​ച്ചു​കൊ​ണ്ടു നാം കെണി​യി​ലാ​യേ​ക്കാം.—സങ്കീർത്തനം 10:18.

14. അധികാ​ര​ത്തി​നാ​യുള്ള ആഗ്രഹം ഏതെല്ലാം മേഖല​ക​ളിൽ ദോഷ​ക​ര​മാ​യി​രു​ന്നി​ട്ടുണ്ട്‌?

¹⁴ ആദിമ​നാ​ളു​കൾമു​തൽ അപൂർണ മനുഷ്യർ മററു​ള്ള​വ​രു​ടെ​മേൽ അധികാ​രം പ്രയോ​ഗി​ക്കു​ന്നത്‌ ആസ്വദി​ച്ചി​ട്ടുണ്ട്‌. പല ഭർത്താ​ക്കൻമാ​രും ഭാര്യ​മാ​രെ “ഭരിക്കും” എന്നതാണു മനുഷ്യ​പാ​പ​ത്തി​ന്റെ ദാരു​ണ​മായ ഒരു ഫലമെന്നു ദൈവം മുൻകൂ​ട്ടി​ക്കണ്ടു. (ഉല്‌പത്തി 3:16) എന്നിരു​ന്നാ​ലും, ഈ വൈക​ല്യം വൈവാ​ഹിക രംഗത്തി​ന​പ്പു​റ​ത്തേ​ക്കും വ്യാപി​ച്ചി​രി​ക്കു​ന്നു. ആയിര​ക്ക​ണ​ക്കി​നു വർഷങ്ങൾക്കു​ശേഷം ഒരു ബൈബിൾ എഴുത്തു​കാ​രൻ ഇപ്രകാ​രം കുറി​ക്കൊ​ണ്ടു: “മനുഷ്യൻ മനുഷ്യ​ന്റെ​മേൽ അധികാ​രം സ്ഥാപിച്ച്‌ ദ്രോ​ഹി​ക്കു​ന്നു.” (സഭാ​പ്ര​സം​ഗകൻ 8:9, പി.ഒ.സി ബൈബിൾ) രാഷ്‌ട്രീ​യ​വും സൈനി​ക​വു​മായ കാര്യ​ങ്ങ​ളിൽ അത്‌ എത്രമാ​ത്രം സത്യമാ​ണെന്നു നിങ്ങൾക്കു അറിയാ​മാ​യി​രി​ക്കാം. എന്നാൽ നമ്മുടെ സ്വന്തം മേഖല​ക​ളിൽ വ്യക്തി​പ​ര​മാ​യി കൂടുതൽ അധികാ​ര​ത്തി​നോ നിയ​ന്ത്ര​ണ​ത്തി​നോ വേണ്ടി നാം കഠിന​മാ​യി യത്‌നി​ക്കു​ന്നു​ണ്ടോ?

15, 16. കൂടുതൽ അധികാ​ര​ത്തി​നാ​യുള്ള ആഗ്രഹ​ത്താൽ ഒരു ക്രിസ്‌ത്യാ​നി ഏതു കാര്യ​ങ്ങ​ളിൽ കെണി​യി​ലാ​യേ​ക്കാം? (ഫിലി​പ്പി​യർ 2:3)

¹⁵ അടുത്ത​തോ അകന്നതോ ആയ കുടും​ബ​ങ്ങ​ളി​ലോ, നമ്മുടെ ലൗകിക ജോലി​സ്ഥ​ല​ത്തോ സ്‌കൂ​ളി​ലോ, സുഹൃ​ത്തു​ക്കൾക്കി​ട​യി​ലോ സഭയി​ലോ നാമെ​ല്ലാം മററു മനുഷ്യ​രു​മാ​യി ബന്ധപ്പെ​ടു​ന്നു. ചില​പ്പോ​ഴൊ​ക്കെ അല്ലെങ്കിൽ പലപ്പോ​ഴും എന്ത്‌, എങ്ങനെ, എപ്പോൾ ചെയ്യണ​മെന്നു തീരു​മാ​നി​ക്കു​ന്ന​തിൽ നമുക്ക്‌ ഒരു പങ്കുണ്ടാ​യി​രി​ക്കാം. അത്‌ അതിൽത്തന്നെ തെറേറാ മോശ​മോ അല്ല. എന്നിരു​ന്നാ​ലും, നമുക്കു​ണ്ടാ​യി​രി​ക്കാ​വുന്ന ഏതെങ്കി​ലും അധികാ​രം ഉപയോ​ഗി​ക്കു​ന്നത്‌ അമിത​മാ​യി നാം ആസ്വദി​ക്കു​ന്നു​ണ്ടോ? ഏതു കാര്യ​ത്തി​ലും അന്തിമ തീരു​മാ​നം നമ്മു​ടേ​താ​യി​രി​ക്കാൻ നാം ഇഷ്ടപ്പെ​ടു​ക​യും അധിക​മ​ധി​ക​മാ​യി നാം അതാ​ഗ്ര​ഹി​ക്കു​ക​യും ചെയ്യു​ന്നു​വോ? ഭിന്ന വീക്ഷണങ്ങൾ സമർപ്പി​ക്കാ​തെ, അധികാ​ര​ത്തി​നു​വേ​ണ്ടി​യുള്ള മേലധി​കാ​രി​ക​ളു​ടെ ലൗകിക ത്വരയെ (അത്യാ​ഗ്ര​ഹത്തെ) വെല്ലു​വി​ളി​ക്കാ​തെ, എന്തിനും സമ്മതം മൂളുന്ന ആളുകളെ ചുററും​നിർത്തി ലോക​ത്തി​ലെ മാനേ​ജർമാർ അഥവാ മേധാ​വി​കൾ പലപ്പോ​ഴും ഈ മനോ​ഭാ​വം പ്രകടി​പ്പി​ക്കു​ന്നു.

¹⁶ സഹക്രി​സ്‌ത്യാ​നി​ക​ളു​മാ​യുള്ള ഇടപെ​ട​ലു​ക​ളിൽ ഒഴിവാ​ക്കേണ്ട ഒരു കെണി​യാ​ണിത്‌. “വിജാ​തീ​യ​രു​ടെ ഭരണകർത്താ​ക്കൾ അവരു​ടെ​മേൽ യജമാ​ന​ത്വം പുലർത്തു​ന്നു​വെ​ന്നും അവരുടെ പ്രമാ​ണി​കൾ അവരു​ടെ​മേൽ അധികാ​രം പ്രയോ​ഗി​ക്കു​ന്നു​വെ​ന്നും നിങ്ങൾക്ക​റി​യാ​മ​ല്ലോ. എന്നാൽ നിങ്ങളു​ടെ​യി​ട​യിൽ അങ്ങനെ​യാ​ക​രുത്‌. നിങ്ങളിൽ വലിയ​വ​നാ​കാൻ ആഗ്രഹി​ക്കു​ന്നവൻ നിങ്ങളു​ടെ ശുശ്രൂ​ഷക”നായി​രി​ക്ക​ണ​മെന്നു യേശു പറഞ്ഞു. (മത്തായി 20:25, 26, പി.ഒ.സി ബൈബിൾ) ക്രിസ്‌തീയ മൂപ്പൻമാർ തമ്മിൽത്ത​മ്മി​ലും ശുശ്രൂ​ഷാ​ദാ​സൻമാ​രോ​ടും ആട്ടിൻകൂ​ട്ട​ത്തോ​ടും ഇടപെ​ടു​മ്പോൾ അത്തരം താഴ്‌മ പ്രകട​മാ​യി​രി​ക്കണം. ഉദാഹ​ര​ണ​ത്തിന്‌, നിസ്സാര കാര്യ​ങ്ങ​ളിൽമാ​ത്രം സഹമൂ​പ്പൻമാ​രു​മാ​യി കൂടി​യാ​ലോ​ചന കഴിക്കു​ക​യും, എന്നാൽ പ്രധാന തീരു​മാ​ന​ങ്ങ​ളെ​ല്ലാം സ്വന്തമാ​യി എടുക്കു​ക​യും ചെയ്യുന്ന അധ്യക്ഷ​മേൽവി​ചാ​രകൻ അധികാ​ര​ത്തി​നാ​യുള്ള ഒരു ആഗ്രഹം പ്രതി​ഫ​ലി​പ്പി​ക്കു​ക​യാ​യി​രി​ക്കു​മോ? അയാൾ ചുമത​ലകൾ മററു​ള്ള​വരെ ഭരമേ​ല്‌പി​ക്കാൻ വാസ്‌ത​വ​ത്തിൽ സന്നദ്ധനാ​ണോ? ഒരു വയൽസേ​വ​ന​യോ​ഗം കൈകാ​ര്യം ചെയ്യുന്ന ഒരു ശുശ്രൂ​ഷാ​ദാ​സൻ തന്റെ ക്രമീ​ക​ര​ണ​ങ്ങ​ളിൽ ന്യായ​യു​ക്ത​മ​ല്ലാത്ത ആവശ്യങ്ങൾ ഉന്നയി​ക്കുക മാത്രമല്ല നിയമങ്ങൾ ഉണ്ടാക്കുക പോലും ചെയ്യു​മ്പോൾ അതു പ്രശ്‌നങ്ങൾ ഉളവാ​ക്കി​യേ​ക്കാം.—1 കൊരി​ന്ത്യർ 4:21; 9:18; 2 കൊരി​ന്ത്യർ 10:8; 13:10; 1 തെസ്സ​ലൊ​നീ​ക്യർ 2:6, 7.

17. അത്യാ​ഗ്ര​ഹ​ത്തി​ന്റെ കെണി​യെ​പ്പ​ററി ചർച്ച​ചെ​യ്യു​മ്പോൾ ഭക്ഷണ​ത്തെ​ക്കു​റി​ച്ചു പരിചി​ന്തി​ക്കു​ന്നത്‌ ഉചിത​മാ​യി​രി​ക്കു​ന്നത്‌ എന്തു​കൊണ്ട്‌?

¹⁷ അത്യാ​ഗ്ര​ഹ​ത്താൽ അനേക​രും കെണി​യ​ല​ക​പ്പെ​ടുന്ന മറെറാ​രു മണ്ഡലം ഭക്ഷണമാണ്‌. തീർച്ച​യാ​യും, തീററി​യി​ലും കുടി​യി​ലും ആനന്ദം കണ്ടെത്തു​ന്നത്‌ സ്വാഭാ​വി​ക​മാണ്‌; ബൈബിൾ അതി​നെ​ക്കു​റിച്ച്‌ അംഗീ​കാ​ര​ത്തോ​ടെ സംസാ​രി​ക്കു​ന്നു. (സഭാ​പ്ര​സം​ഗി 5:18) എന്നാലും, ഇതി​നോ​ടുള്ള ബന്ധത്തിൽ, ന്യായ​മാ​യി ആസ്വാ​ദ്യ​വും പര്യാ​പ്‌ത​വു​മാ​യ​തി​ലും വളരെ കവിയുന്ന ഒരാ​ഗ്രഹം ഒരു കാലഘ​ട്ടം​കൊ​ണ്ടു വളർന്നു​വ​രു​ന്നത്‌ അസാധാ​ര​ണമല്ല. ഇത്‌ ദൈവ​ദാ​സർക്ക്‌ ഉത്‌കണ്‌ഠ ഉണ്ടായി​രി​ക്കേണ്ട ഉചിത​മായ ഒരു മേഖല​യ​ല്ലെ​ങ്കിൽ “അമിത​മാ​യി വീഞ്ഞു കുടി​ക്കു​ക​യും മാംസം ഭക്ഷിക്കു​ക​യും ചെയ്യു​ന്ന​വ​രു​ടെ കൂട്ടത്തിൽപ്പെ​ട​രുത്‌” എന്നു യഹോ​വ​യു​ടെ വചനം എന്തു​കൊ​ണ്ടു പറയുന്നു? (സുഭാ​ഷി​തങ്ങൾ 23:20, പി.ഒ.സി ബൈബിൾ) എന്നിരു​ന്നാ​ലും, എങ്ങനെ​യാ​ണു നാം ഈ കെണി ഒഴിവാ​ക്കുക?

18. ഭക്ഷണപാ​നീ​യ​ങ്ങളെ സംബന്ധിച്ച്‌ ഏത്‌ ആത്മപരി​ശോ​ധന നമുക്കു നടത്താ​വു​ന്ന​താണ്‌?

¹⁸ തന്റെ ജനം ഉല്ലാസ​മേ​കാത്ത ഏതെങ്കി​ലും ആഹാര​ക്ര​മ​മ​നു​സ​രിച്ച്‌ ഉപജീ​വനം കഴിക്ക​ണ​മെന്നു ദൈവം നിർദേ​ശി​ക്കു​ന്നില്ല. (സഭാ​പ്ര​സം​ഗി 2:24, 25) എന്നാൽ ഭക്ഷണപാ​നീ​യ​ങ്ങളെ നമ്മുടെ സംസാ​ര​ത്തി​ന്റെ​യും ആസൂ​ത്ര​ണ​ത്തി​ന്റെ​യും ഒരു പ്രമുഖ ഭാഗമാ​ക്കു​ന്ന​തി​നെ​യും അവിടുന്ന്‌ അംഗീ​ക​രി​ക്കു​ന്നില്ല. നമുക്കു സ്വയം ഇങ്ങനെ ചോദി​ക്കാ​വു​ന്ന​താണ്‌: “ഞാൻ കഴിച്ച​തോ കഴിക്കാൻ ആസൂ​ത്രണം ചെയ്യു​ന്ന​തോ ആയ ഏതെങ്കി​ലും ഭക്ഷണ​ത്തെ​പ്പ​ററി വർണി​ക്കു​മ്പോൾ ഞാൻ കൂടെ​ക്കൂ​ടെ അമിത​മാ​യി ആവേശ​ഭ​രി​ത​നാ​യി​ത്തീ​രാ​റു​ണ്ടോ?’ ‘ഞാൻ എല്ലായ്‌പോ​ഴും ഭക്ഷണപാ​നീ​യ​ങ്ങ​ളെ​ക്കു​റി​ച്ചു സംസാ​രി​ക്കാ​റു​ണ്ടോ?’ ഒരുപക്ഷേ മറെറാ​രാ​ളു​ടെ വീട്ടിൽ നാം അതിഥി​യാ​യി​രി​ക്കു​മ്പോ​ഴോ ഒരു ക്രിസ്‌തീയ സമ്മേള​ന​സ്ഥ​ലത്ത്‌ ഭക്ഷണം ലഭ്യമാ​യി​രി​ക്കു​മ്പോ​ഴോ നാം ഉണ്ടാക്കാ​ത്ത​തോ വില​കൊ​ടു​ക്കാ​ത്ത​തോ ആയ ഒരു ഭക്ഷണം നമുക്കു ലഭിക്കു​മ്പോൾ നാം എപ്രകാ​രം പ്രതി​ക​രി​ക്കു​ന്നു എന്നതു മറെറാ​രു സൂചക​മാ​യി​രി​ക്കാം. സാധാ​ര​ണ​യി​ലും വളരെ കൂടുതൽ ഭക്ഷിക്കാൻ അപ്പോൾ നാം ചായ്‌വു കാണി​ക്കു​ന്നു​ണ്ടാ​യി​രി​ക്കു​മോ? ഏശാവ്‌, തനിക്കു​തന്നെ നിലനിൽക്കുന്ന ദ്രോഹം വരുത്തി​ക്കൊണ്ട്‌, ഭക്ഷണം അമിത പ്രാധാ​ന്യ​മു​ള്ള​താ​യി​ത്തീ​രാൻ അനുവ​ദി​ച്ചതു നാം അനുസ്‌മ​രി​ക്കു​ന്നു?—എബ്രായർ 12:16.

19. ലൈം​ഗിക സുഖത്തി​ന്റെ കാര്യ​ത്തിൽ അത്യാ​ഗ്രഹം എങ്ങനെ ഒരു പ്രശ്‌ന​മാ​കാൻ കഴിയും?

¹⁹ മറെറാ​രു കെണി​യെ​ക്കു​റി​ച്ചു പൗലോസ്‌ നമുക്ക്‌ ഉൾക്കാഴ്‌ച നൽകുന്നു: “ദുർന്ന​ട​പ്പും യാതൊ​രു അശുദ്ധി​യും അത്യാ​ഗ്ര​ഹ​വും നിങ്ങളു​ടെ ഇടയിൽ പേർ പറക​പോ​ലും അരുതു.” (എഫെസ്യർ 4:17-19; 5:3) തീർച്ച​യാ​യും, ലൈം​ഗിക സുഖത്തി​നാ​യുള്ള അത്യാ​ഗ്രഹം വികാസം പ്രാപി​ച്ചേ​ക്കാം. നിശ്ചയ​മാ​യും, ഈ ആസ്വാദന പ്രകട​ന​ത്തി​നു ദാമ്പത്യ​ബ​ന്ധ​ങ്ങൾക്കു​ള്ളിൽ ഉചിത​മായ സ്ഥാനമുണ്ട്‌. ഈ സുഖവു​മാ​യി ബന്ധപ്പെ​ട്ടു​കി​ട​ക്കുന്ന ഉററസ്‌നേഹം വിവാ​ഹ​ജീ​വി​ത​ത്തി​ന്റെ അനേകം വർഷങ്ങ​ളിൽ ഭാര്യാ​ഭർത്താ​ക്കൻമാ​രെ പരസ്‌പരം അർപ്പി​ത​രാ​യി നില​കൊ​ള്ളാൻ സഹായി​ക്കു​ന്ന​തിൽ ഒരു പങ്കു വഹിക്കു​ന്നു. എന്നിരു​ന്നാ​ലും, പൗലോസ്‌ സൂചി​പ്പിച്ച അത്യാ​ഗ്ര​ഹ​ത്തി​ന്റെ വാസ്‌ത​വ​ത്തി​ലുള്ള ഒരു പ്രതി​ഫ​ല​ന​മാ​യി​രി​ക്കു​ന്ന​തി​നെ സ്വാഭാ​വി​കം എന്ന മട്ടിൽ അവതരി​പ്പി​ച്ചു​കൊണ്ട്‌, ഇന്നത്തെ ലോകം ലൈം​ഗി​ക​ത​യ്‌ക്ക്‌ അങ്ങേയ​റ​റത്തെ ഊന്നൽ കൊടു​ത്തി​രി​ക്കു​ന്നു എന്നതിനെ അധികം​പേർ നിഷേ​ധി​ക്കില്ല. ഇന്ന്‌ അനേകം സിനി​മ​ക​ളി​ലും വീഡി​യോ​ക​ളി​ലും മാസി​ക​ക​ളി​ലും അതു​പോ​ലെ​തന്നെ വിനോ​ദ​സ്ഥ​ല​ങ്ങ​ളി​ലും സാധാ​ര​ണ​മാ​യി​ട്ടുള്ള ദുർമാർഗ​വും നഗ്നതയും കാണു​ന്നവർ വിശേ​ഷി​ച്ചു ലൈം​ഗിക സുഖ​ത്തെ​ക്കു​റി​ച്ചുള്ള അത്തര​മൊ​രു തെററായ കാഴ്‌ച​പ്പാട്‌ എളുപ്പ​ത്തിൽ സ്വീക​രി​ക്കു​ന്നു.

20. ലൈം​ഗിക കാര്യ​ങ്ങ​ളിൽ തങ്ങൾ അത്യാ​ഗ്ര​ഹ​ത്തി​ന്റെ അപകടം സംബന്ധി​ചു ജാഗ്ര​ത​യു​ള്ള​വ​രാ​ണെന്നു ക്രിസ്‌ത്യാ​നി​കൾക്ക്‌ എങ്ങനെ പ്രകട​മാ​ക്കാൻ കഴിയും?

²⁰ ദൈവ​ദാ​സ​രിൽ ഒരുവനെ കുരു​ക്കി​ലാ​ക്കാൻ ലൈം​ഗിക അത്യാ​ഗ്ര​ഹ​ത്തി​ന്റെ കെണിക്കു കഴിയു​മെന്നു ബത്ത്‌-ശേബയു​മാ​യുള്ള ദാവീ​ദി​ന്റെ പാപത്തി​ന്റെ വിവരണം പ്രകട​മാ​ക്കു​ന്നു. സ്വന്തം ദാമ്പത്യ​ബ​ന്ധ​ത്തിൽ സുഖമ​നു​ഭ​വി​ക്കാൻ സ്വാത​ന്ത്ര്യ​മു​ണ്ടാ​യി​രു​ന്നെ​ങ്കി​ലും, അവിഹിത ലൈം​ഗി​കാ​ഗ്രഹം വളരാൻ ദാവീദ്‌ അനുവ​ദി​ച്ചു. ഊരീ​യാ​വി​ന്റെ ഭാര്യ എത്ര സൗന്ദര്യ​വ​തി​യെന്നു ശ്രദ്ധി​ച്ചു​കൊണ്ട്‌ അദ്ദേഹം അവളിൽനി​ന്നുള്ള അവിഹിത സുഖം തേടു​ന്ന​തി​നെ​ക്കു​റി​ച്ചുള്ള ചിന്തയു​ടെ​യും പ്രവൃ​ത്തി​യു​ടെ​യും കടിഞ്ഞാൺ ഊരി​വി​ട്ടു. (2 ശമൂവേൽ 11:2-4; യാക്കോബ്‌ 1:14, 15) തീർച്ച​യാ​യും അത്യാ​ഗ്ര​ഹ​ത്തി​ന്റെ ഈ രൂപത്തെ നാം നിരാ​ക​രി​ക്കണം. വിവാ​ഹ​ത്തി​നു​ള്ളിൽപ്പോ​ലും അത്യാ​ഗ്രഹം ഉപേക്ഷി​ക്കേ​ണ്ടത്‌ ഉചിത​മാണ്‌. ഇതിൽ അങ്ങേയ​റ​റത്തെ ലൈം​ഗിക നടപടി​കൾ ത്യജി​ക്കു​ന്നത്‌ ഉൾപ്പെ​ടും. ഈ മേഖല​യിൽ അത്യാ​ഗ്രഹം ഒഴിവാ​ക്കാൻ ദൃഢനി​ശ്ചയം ചെയ്‌തി​രി​ക്കുന്ന ഒരു ഭർത്താവു തന്റെ ഇണയിൽ ആത്മാർഥ​മാ​യി തത്‌പ​ര​നാ​യി​രി​ക്കും, തൻമൂലം കുടും​ബാ​സൂ​ത്രണം സംബന്ധിച്ച്‌ അവർ രണ്ടു​പേ​രും എടുക്കുന്ന ഏതു തീരു​മാ​ന​ത്തി​ലും തന്റെ സുഖത്തെ ഭാര്യ​യു​ടെ ഇപ്പോ​ഴ​ത്തെ​യോ ഭാവി​യി​ലെ​യോ ആരോ​ഗ്യ​ത്തെ​ക്കാൾ കൂടുതൽ പ്രാധാ​ന്യ​മു​ള്ള​താ​യി പരിഗ​ണി​ക്കില്ല.—ഫിലി​പ്പി​യർ 2:4.

അത്യാ​ഗ്രഹം ഒഴിവാ​ക്കാ​നുള്ള ദൃഢനി​ശ്ച​യ​ത്തിൽ തുടരുക

21. അത്യാ​ഗ്ര​ഹ​ത്തെ​ക്കു​റി​ച്ചുള്ള നമ്മുടെ ചർച്ച നമ്മെ നിരു​ത്സാ​ഹ​പ്പെ​ടു​ത്താൻ പാടി​ല്ലാ​ത്തത്‌ എന്തു​കൊണ്ട്‌?

²¹ വിശ്വാ​സ​മി​ല്ലാ​ത്ത​തി​ന്റെ പേരിൽ യഹോവ അപായ​മ​റി​യി​ക്ക​ലു​കൾ അഥവാ മുന്നറി​യി​പ്പു​കൾ പ്രദാനം ചെയ്യു​ന്നില്ല. തന്റെ സമർപ്പിത ദാസൻമാർ തന്നെ വിശ്വ​സ്‌ത​ത​യോ​ടെ സേവി​ക്കാൻ ആഗ്രഹി​ക്കു​ന്നു​ണ്ടെന്ന്‌ അവിടു​ത്തേക്ക്‌ അറിയാം, ബഹുഭൂ​രി​പക്ഷം അതു തുടർന്നു ചെയ്യു​മെ​ന്ന​തിൽ അവിടു​ത്തേക്ക്‌ ആത്മവി​ശ്വാ​സ​മുണ്ട്‌. സാത്താ​നോ​ടു സംസാ​രി​ക്കവേ, അവിടുന്ന്‌ ഇയ്യോ​ബി​നെ​ക്കു​റി​ച്ചു പറഞ്ഞതി​നോ​ടു സമാന​മാ​യി, യഹോ​വക്കു തന്റെ ജനത്തെ​ക്കു​റി​ച്ചു മൊത്ത​ത്തിൽ പറയാൻ കഴിയും: “എന്റെ ദാസനായ ഇയ്യോ​ബിൻമേൽ നീ ദൃഷ്ടി​വെ​ച്ചു​വോ? അവനെ​പ്പോ​ലെ നിഷ്‌ക​ള​ങ്ക​നും നേരു​ള്ള​വ​നും ദൈവ​ഭ​ക്ത​നും ദോഷം വിട്ടക​ലു​ന്ന​വ​നും ഭൂമി​യിൽ ആരും ഇല്ലല്ലോ.” (ഇയ്യോബ്‌ 1:8) സ്‌നേ​ഹ​വാ​നും വിശ്വാ​സ​മു​ള്ള​വ​നു​മായ നമ്മുടെ സ്വർഗീയ പിതാവ്‌ വിവിധ തരത്തി​ലുള്ള അത്യാ​ഗ്ര​ഹ​ത്തോ​ടു ബന്ധപ്പെ​ട്ട​തു​പോ​ലുള്ള അപകട​ക​ര​മായ കെണികൾ സംബന്ധി​ച്ചു നമ്മെ ജാഗരൂ​ക​രാ​ക്കു​ന്നു, എന്തു​കൊ​ണ്ടെ​ന്നാൽ നാം നിഷ്‌ക​ള​ങ്ക​രും അവിടു​ത്തോ​ടു വിശ്വ​സ്‌ത​രു​മാ​യി തുടരാൻ അവിടുന്ന്‌ ആഗ്രഹി​ക്കു​ന്നു.

22. നമ്മുടെ പഠനം വ്യക്തി​പ​ര​മായ അപകട​ത്തി​ന്റെ​യോ ബലഹീ​ന​ത​യു​ടെ​യോ മണ്ഡലത്തെ വെളി​പ്പെ​ടു​ത്തി​യി​ട്ടു​ണ്ടെ​ങ്കിൽ നാം എന്തു ചെയ്യണം?

²² നാം ഓരോ​രു​ത്ത​രും അത്യാ​ഗ്ര​ഹ​ത്തോ​ടുള്ള ഒരു ചായ്‌വ്‌ അവകാ​ശ​പ്പെ​ടു​ത്തി​യി​ട്ടുണ്ട്‌, ഇതിനെ ഈ ദുഷ്ട ലോക​ത്തി​ന്റെ സ്വാധീ​ന​ത്തിൽ നാം കൂടു​ത​ലാ​യി വികസി​പ്പി​ച്ചെ​ടു​ത്തി​ട്ടു​ണ്ടാ​യി​രി​ക്കാം. ധനവും സ്വത്തു​ക്ക​ളും ശക്തിയും അധികാ​ര​വും ഭക്ഷണം അല്ലെങ്കിൽ ലൈം​ഗിക സുഖം എന്നിവ​യു​മാ​യി ബന്ധപ്പെട്ട അത്യാ​ഗ്ര​ഹ​ത്തെ​ക്കു​റി​ച്ചുള്ള നമ്മുടെ പഠനത്തി​നി​ട​യിൽ ഏതെങ്കി​ലും ബലഹീന വശം നിങ്ങൾ കണ്ടെത്തി​യെ​ങ്കി​ലെന്ത്‌? എങ്കിൽ യേശു​വി​ന്റെ ഈ ഉപദേശം കാര്യ​മാ​യി എടുക്കുക: “നിന്റെ കൈ നിനക്കു ഇടർച്ച വരുത്തി​യാൽ അതിനെ വെട്ടി​ക്കളക: ഊനനാ​യി ജീവനിൽ കടക്കു​ന്നതു രണ്ടു കയ്യുമു​ള്ളവൻ ആയി കെടാത്ത തീയായ നരകത്തിൽ പോകു​ന്ന​തി​നെ​ക്കാൾ നിനക്കു നല്ലൂ.” (മർക്കൊസ്‌ 9:43) മനോ​ഭാ​വ​ത്തി​ലോ താത്‌പ​ര്യ​ങ്ങ​ളി​ലോ ആവശ്യ​മാ​യി​വ​രുന്ന മാററങ്ങൾ വരുത്തുക. അത്യാ​ഗ്ര​ഹ​ത്തി​ന്റെ മാരക​മായ കെണി ഒഴിവാ​ക്കുക. അങ്ങനെ ദൈവ​സ​ഹാ​യ​ത്താൽ നിങ്ങൾ “ജീവനിൽ കടക്കു”മാറാ​കട്ടെ.

ഞാൻ എന്തു പഠിച്ചി​രി​ക്കു​ന്നു?

◻ അത്യാ​ഗ്ര​ഹ​ത്തി​ന്റെ കെണിയെ സംബന്ധി​ച്ചു നാം ഉത്‌ക്ക​ണ്‌ഠാ​കു​ല​രാ​യി​രി​ക്കേ​ണ്ടത്‌ എന്തു​കൊണ്ട്‌?

◻ ധനത്തി​നോ സ്വത്തു​ക്കൾക്കോ​വേ​ണ്ടി​യുള്ള അത്യാ​ഗ്രഹം ഏതെല്ലാം വിധങ്ങ​ളിൽ നമ്മെ കെണി​യി​ല​ക​പ്പെ​ടു​ത്തി​യേ​ക്കാം?

◻ ജീവി​ത​ത്തി​ന്റെ മററു മേഖല​ക​ളി​ലെ അത്യാ​ഗ്രഹം യഥാർഥ അപകടങ്ങൾ വരുത്തി​യേ​ക്കാ​വു​ന്ന​തെ​ങ്ങനെ?

◻ അത്യാ​ഗ്ര​ഹ​ത്തി​ന്റെ കാര്യ​ത്തിൽ നമ്മുടെ ഏതെങ്കി​ലും ബലഹീ​ന​ത​യോ​ടുള്ള നമ്മുടെ മനോ​ഭാ​വം എന്തായി​രി​ക്കണം?