നിങ്ങളു​ടെ പഠിപ്പി​ക്ക​ലി​നു നിരന്തര ശ്രദ്ധ നൽകുക

“നിനക്കു തന്നെയും നിന്റെ പഠിപ്പി​ക്ക​ലി​നും നിരന്തര ശ്രദ്ധ നൽകുക. ഈ കാര്യ​ങ്ങ​ളിൽ ഉറച്ചു നിൽക്കുക, എന്തെന്നാൽ ഇതു ചെയ്യു​ക​വഴി നീ നിന്നെ​ത്ത​ന്നെ​യും നിന്നെ ശ്രദ്ധി​ക്കു​ന്ന​വ​രെ​യും രക്ഷിക്കും.”—1 തിമൊ​ഥെ​യൊസ്‌ 4:16, NW.

1, 2. ഇന്ന്‌ തീക്ഷ്‌ണ​ത​യുള്ള ഉപദേ​ഷ്ടാ​ക്ക​ളു​ടെ അടിയ​ന്തിര ആവശ്യ​മു​ള്ളത്‌ എന്തു​കൊണ്ട്‌?

“പുറ​പ്പെട്ടു . . . ഞാൻ നിങ്ങ​ളോ​ടു കല്‌പി​ച്ചതു ഒക്കെയും പ്രമാ​ണി​പ്പാൻ തക്കവണ്ണം ഉപദേ​ശി​ച്ചും​കൊ​ണ്ടു [“പഠിപ്പി​ച്ചു​കൊണ്ട്‌,” NW] സകലജാ​തി​ക​ളെ​യും ശിഷ്യ​രാ​ക്കി​ക്കൊൾവിൻ.” (മത്തായി 28:19, 20) യേശു​ക്രി​സ്‌തു അപ്രകാ​രം കൽപ്പി​ച്ച​തി​നാൽ എല്ലാ ക്രിസ്‌ത്യാ​നി​ക​ളും ഉപദേ​ഷ്ടാ​ക്കൾ ആയിത്തീ​രാൻ ശ്രമി​ക്കണം. സമയം അതി​ക്ര​മി​ക്കും മുമ്പെ ദൈവ​പ​രി​ജ്ഞാ​ന​ത്തി​ലേക്കു വരാൻ ആത്മാർഥ ഹൃദയരെ സഹായി​ക്കാൻ തീക്ഷ്‌ണ​ത​യുള്ള ഉപദേ​ഷ്ടാ​ക്ക​ളു​ടെ ആവശ്യ​മുണ്ട്‌. (റോമർ 13:11) അപ്പൊ​സ്‌ത​ല​നായ പൗലൊസ്‌ ഇങ്ങനെ ഉദ്‌ബോ​ധി​പ്പി​ച്ചു: “വചനം പ്രസം​ഗി​ക്കുക, അനുകൂല കാലത്തും പ്രയാസ കാലത്തും അതിൽ അടിയ​ന്തി​ര​മാ​യി ഏർപ്പെ​ട്ടി​രി​ക്കുക.” (2 തിമൊ​ഥെ​യൊസ്‌ 4:2) ഇത്‌ സഭയ്‌ക്ക്‌ അകത്തും പുറത്തു​മുള്ള പഠിപ്പി​ക്കൽ ആവശ്യ​മാ​ക്കി​ത്തീർക്കു​ന്നു. തീർച്ച​യാ​യും, പ്രസംഗ നിയോ​ഗ​ത്തിൽ ദൈവ​ത്തി​ന്റെ സന്ദേശം കേവലം മറ്റുള്ള​വരെ അറിയി​ക്കു​ന്ന​തിൽ അധികം ഉൾപ്പെ​ട്ടി​രി​ക്കു​ന്നു. താത്‌പ​ര്യ​ക്കാർ ശിഷ്യ​ന്മാർ ആയിത്തീ​ര​ണ​മെ​ങ്കിൽ ഫലപ്ര​ദ​മായ പഠിപ്പി​ക്കൽ ആവശ്യ​മാണ്‌.

² “ദുർഘ​ട​സ​മയങ്ങ”ളിലാണ്‌ നാം ജീവി​ക്കു​ന്നത്‌. (2 തിമൊ​ഥെ​യൊസ്‌ 3:1) ആളുകൾ ലൗകിക തത്ത്വചി​ന്ത​യാ​ലും വ്യാജ ഉപദേ​ശ​ങ്ങ​ളാ​ലും മസ്‌തി​ഷ്‌ക​പ്ര​ക്ഷാ​ളനം ചെയ്യ​പ്പെ​ട്ടി​രി​ക്കു​ന്നു. അനേകർ “മാനസി​ക​മാ​യി അന്ധകാ​രത്തി”ലാണ്‌. അവർക്ക്‌ “സകല ധാർമിക ബോധ​വും നഷ്ടപ്പെട്ടി”രിക്കുന്നു. (എഫെസ്യർ 4:18, 19, NW) ചിലർക്ക്‌ വേദനാ​ക​ര​മായ വൈകാ​രിക മുറി​വു​കൾ ഉണ്ട്‌. അതേ, ആളുകൾ വാസ്‌ത​വ​ത്തിൽ “ഇടയനി​ല്ലാത്ത ആടുക​ളെ​പ്പോ​ലെ കുഴഞ്ഞ​വ​രും ചിന്നി​യ​വ​രു​മാ”ണ്‌. (മത്തായി 9:36) എന്നിരു​ന്നാ​ലും, ആവശ്യ​മായ മാറ്റങ്ങൾ വരുത്താൻ ആത്മാർഥ ഹൃദയ​രായ ആളുകളെ നമുക്കു പഠിപ്പി​ക്കൽ കലയി​ലൂ​ടെ സഹായി​ക്കാൻ കഴിയും.

സഭയ്‌ക്ക്‌ ഉള്ളിലെ ഉപദേ​ഷ്ടാ​ക്ക​ന്മാർ

3. (എ) യേശു നൽകിയ പഠിപ്പി​ക്കൽ നിയോ​ഗ​ത്തിൽ എന്ത്‌ ഉൾപ്പെ​ടു​ന്നു? (ബി) സഭയ്‌ക്ക്‌ ഉള്ളിൽ പഠിപ്പി​ക്കാൻ പ്രാഥ​മിക ഉത്തരവാ​ദി​ത്വം ഉള്ളത്‌ ആർക്കാണ്‌?

³ ഭവന ബൈബിൾ അധ്യയന ക്രമീ​ക​ര​ണ​ത്തി​ലൂ​ടെ ദശലക്ഷ​ക്ക​ണ​ക്കിന്‌ ആളുകൾക്ക്‌ വ്യക്തി​പ​ര​മായ പ്രബോ​ധനം ലഭിക്കു​ന്നുണ്ട്‌. എന്നാൽ, “അടിസ്ഥാ​ന​ത്തിൽ വേരൂ​ന്നി​യ​വ​രും ഉറച്ചവ​രും” ആയിത്തീ​രാൻ സ്‌നാ​പ​ന​ത്തി​നു ശേഷം ആ പുതി​യ​വർക്ക്‌ തുടർന്നും സഹായം ആവശ്യ​മാണ്‌. (എഫെസ്യർ 3:17, NW) മത്തായി 28:19, 20-ൽ രേഖ​പ്പെ​ടു​ത്തി​യി​ക്കുന്ന, യേശു നൽകിയ നിയോ​ഗം നിർവ​ഹി​ച്ചു​കൊണ്ട്‌ നാം പുതി​യ​വരെ യഹോ​വ​യു​ടെ സംഘട​ന​യി​ലേക്ക്‌ നയിക്കു​മ്പോൾ അവർ സഭയ്‌ക്കു​ള്ളി​ലെ പഠിപ്പി​ക്ക​ലിൽനി​ന്നു പ്രയോ​ജനം അനുഭ​വി​ക്കു​ന്നു. എഫെസ്യർ 4:11-13 പറയു​ന്ന​തു​പോ​ലെ, പുരു​ഷ​ന്മാർ “ഇടയൻമാ​രാ​യും ഉപദേ​ഷ്ടാ​ക്കൻമാ​രാ​യും നിയമി”ക്കപ്പെട്ടി​രി​ക്കു​ന്നു. അത്‌ “വിശു​ദ്ധൻമാ​രു​ടെ യഥാസ്ഥാ​ന​ത്വ​ത്തി​ന്നാ​യുള്ള ശുശ്രൂ​ഷ​യു​ടെ വേലെ​ക്കും ക്രിസ്‌തു​വി​ന്റെ ശരീര​ത്തി​ന്റെ ആത്മിക​വർദ്ധ​നെ​ക്കും ആകുന്നു.” ചില അവസര​ങ്ങ​ളിൽ, അവരുടെ പഠിപ്പി​ക്കൽ കലയിൽ ‘സകല ദീർഘ​ക്ഷ​മ​യോ​ടും കൂടെ ശാസി​ക്കു​ക​യും താക്കീതു ചെയ്യു​ക​യും പ്രബോ​ധി​പ്പി​ക്കു​ക​യും’ ചെയ്യു​ന്നത്‌ ഉൾപ്പെ​ടു​ന്നു. (2 തിമൊ​ഥെ​യൊസ്‌ 4:2, NW) ഉപദേ​ഷ്ടാ​ക്ക​ന്മാ​രു​ടെ വേല വളരെ പ്രധാനം ആയിരു​ന്ന​തി​നാൽ, പൗലൊസ്‌ കൊരി​ന്ത്യർക്ക്‌ എഴുതു​ക​യിൽ അപ്പൊ​സ്‌ത​ല​ന്മാർക്കും പ്രവാ​ച​ക​ന്മാർക്കും ശേഷം ഉപദേ​ഷ്ടാ​ക്ക​ന്മാ​രെ പട്ടിക​പ്പെ​ടു​ത്തു​ന്നു.—1 കൊരി​ന്ത്യർ 12:28.

4. എബ്രായർ 10:24, 25-ൽ രേഖ​പ്പെ​ടു​ത്തി​യി​രി​ക്കുന്ന പൗലൊ​സി​ന്റെ ഉദ്‌ബോ​ധനം അനുസ​രി​ക്കാൻ പഠിപ്പി​ക്കൽ പ്രാപ്‌തി നമ്മെ സഹായി​ക്കു​ന്നത്‌ എങ്ങനെ?

⁴ എല്ലാ ക്രിസ്‌ത്യാ​നി​ക​ളും മൂപ്പന്മാ​രോ മേൽവി​ചാ​ര​ക​ന്മാ​രോ ആയി സേവി​ക്കു​ന്നി​ല്ലെ​ന്നു​ള്ളതു സത്യമാണ്‌. എന്നിരു​ന്നാ​ലും, “സ്‌നേ​ഹ​ത്തി​ന്നും സൽപ്ര​വൃ​ത്തി​കൾക്കും” അന്യോ​ന്യം ഉത്സാഹി​പ്പി​ക്കാൻ എല്ലാവ​രും പ്രോ​ത്സാ​ഹി​പ്പി​ക്ക​പ്പെ​ടു​ന്നു. (എബ്രായർ 10:24, 25) യോഗ​ങ്ങ​ളിൽ അപ്രകാ​രം ചെയ്യു​ന്ന​തിൽ, മറ്റുള്ള​വരെ കെട്ടു​പണി ചെയ്യാ​നും പ്രോ​ത്സാ​ഹി​പ്പി​ക്കാ​നും കഴിയുന്ന നന്നായി തയ്യാറായ, ഹൃദയം​ഗ​മ​മായ ഉത്തരങ്ങൾ പറയു​ന്നത്‌ ഉൾപ്പെ​ടു​ന്നു. അനുഭ​വ​പ​രി​ച​യ​മുള്ള രാജ്യ​പ്ര​സാ​ധകർ പുതി​യ​വ​രോ​ടൊ​പ്പം വയൽ ശുശ്രൂ​ഷ​യിൽ ആയിരി​ക്കു​മ്പോൾ തങ്ങളുടെ അറിവും അനുഭ​വ​ജ്ഞാ​ന​വും അവരു​മാ​യി പങ്കു​വെ​ച്ചു​കൊ​ണ്ടും ‘സൽപ്ര​വൃ​ത്തി​കൾക്ക്‌ ഉത്സാഹം വർധിപ്പി’ച്ചേക്കാം. അത്തരം അവസര​ങ്ങ​ളി​ലും അനൗപ​ചാ​രിക സന്ദർഭ​ങ്ങ​ളി​ലും വില​യേ​റിയ പ്രബോ​ധനം നൽകാൻ കഴിയും. ദൃഷ്ടാ​ന്ത​ത്തിന്‌, “നന്മ ഉപദേ​ശി​ക്കു​ന്ന​വ​രാ​യി​രി”ക്കാൻ പക്വത​യുള്ള സ്‌ത്രീ​കൾ ഉദ്‌ബോ​ധി​പ്പി​ക്ക​പ്പെ​ടു​ന്നു.—തീത്തൊസ്‌ 2:5.

വിശ്വ​സി​ക്കാൻ പ്രേരി​പ്പി​ക്ക​പ്പെ​ടു​ന്നു

5, 6. (എ) സത്യ ക്രിസ്‌ത്യാ​നി​ത്വം വ്യാജ ആരാധ​ന​യിൽനി​ന്നു വേറിട്ടു നിൽക്കു​ന്നത്‌ എങ്ങനെ? (ബി) ജ്ഞാനപൂർവ​ക​മായ തീരു​മാ​നങ്ങൾ എടുക്കാൻ മൂപ്പന്മാർ പുതി​യ​വരെ സഹായി​ക്കു​ന്നത്‌ എങ്ങനെ?

⁵ വ്യാജ​മ​ത​ങ്ങ​ളിൽ അനേക​വും തങ്ങളുടെ അംഗങ്ങ​ളു​ടെ ചിന്തയെ നിയ​ന്ത്രി​ക്കാൻ ശ്രമി​ക്കു​ന്നു, അതിൽനി​ന്നു തികച്ചും വ്യത്യ​സ്‌ത​മാണ്‌ സത്യ ക്രിസ്‌ത്യാ​നി​ത്വം. യേശു ഭൂമി​യിൽ ആയിരു​ന്ന​പ്പോൾ, മതനേ​താ​ക്ക​ന്മാർ മർദക​മായ മനുഷ്യ​നിർമിത പാരമ്പ​ര്യ​ങ്ങ​ളാൽ ജനജീ​വി​ത​ത്തി​ന്റെ മിക്കവാ​റും എല്ലാ വശങ്ങ​ളെ​യും നിയ​ന്ത്രി​ക്കാൻ ശ്രമിച്ചു. (ലൂക്കൊസ്‌ 11:46) ക്രൈ​സ്‌ത​വ​ലോ​ക​ത്തി​ലെ പുരോ​ഹി​ത​വർഗം മിക്ക​പ്പോ​ഴും സമാന​മാ​യി പ്രവർത്തി​ച്ചി​രി​ക്കു​ന്നു.

⁶ എന്നാൽ, സത്യാ​രാ​ധന നാം “ന്യായ​ബോധ”ത്തോടെ അർപ്പി​ക്കുന്ന “വിശുദ്ധ സേവന”മാണ്‌. (റോമർ 12:1, NW) യഹോ​വ​യു​ടെ ദാസന്മാർ ‘വിശ്വ​സി​ക്കാൻ പ്രേരി​പ്പി​ക്ക​പ്പെ​ടു​ക​യാണ്‌’ ചെയ്യു​ന്നത്‌. (2 തിമൊ​ഥെ​യൊസ്‌ 3:14, NW) നേതൃ​ത്വം എടുക്കു​ന്നവർ സഭയുടെ സുഗമ​മായ പ്രവർത്ത​ന​ത്തി​നു വേണ്ടി ചില​പ്പോ​ഴൊ​ക്കെ ചില മാർഗ​നിർദേ​ശങ്ങൾ നൽകു​ക​യും നടപടി​ക്ര​മങ്ങൾ സ്ഥാപി​ക്കു​ക​യും ചെയ്യേ​ണ്ടത്‌ ഉണ്ടായി​രി​ക്കാം. എന്നാൽ, സഹ ക്രിസ്‌ത്യാ​നി​കൾക്കു വേണ്ടി തീരു​മാ​നങ്ങൾ എടുക്കാൻ ശ്രമി​ക്കു​ന്ന​തി​നു പകരം മൂപ്പന്മാർ “നന്മതി​ന്മ​കളെ തിരി​ച്ച​റി​വാൻ” അവരെ പഠിപ്പി​ക്കു​ന്നു. (എബ്രായർ 5:14) മൂപ്പന്മാർ ഇതു ചെയ്യു​ന്നത്‌ പ്രധാ​ന​മാ​യും “വിശ്വാ​സ​ത്തി​ന്റെ​യും സദുപ​ദേ​ശ​ത്തി​ന്റെ​യും വചനത്താൽ” സഭയെ പോഷി​പ്പി​ച്ചു​കൊ​ണ്ടാണ്‌.—1 തിമൊ​ഥെ​യൊസ്‌ 4:6.

നിങ്ങളു​ടെ പഠിപ്പി​ക്ക​ലി​നു ശ്രദ്ധ നൽകൽ

7, 8. (എ) പരിമി​ത​മായ പ്രാപ്‌തി​കൾ ഉള്ളവർക്ക്‌ ഉപദേ​ഷ്ടാ​ക്ക​ളാ​യി സേവി​ക്കാൻ കഴിയു​ന്നത്‌ എങ്ങനെ? (ബി) ഫലപ്ര​ദ​നായ ഒരു ഉപദേ​ഷ്ടാവ്‌ ആയിത്തീ​രു​ന്ന​തി​നു വ്യക്തിഗത ശ്രമം ആവശ്യ​മാ​ണെന്ന്‌ എന്തു സൂചി​പ്പി​ക്കു​ന്നു?

⁷ പഠിപ്പി​ക്കാ​നുള്ള നമ്മുടെ പൊതു നിയോ​ഗ​ത്തി​ലേക്കു നമുക്കു തിരി​ച്ചു​പോ​കാം. ഈ വേലയിൽ പങ്കുപ​റ്റു​ന്ന​തിന്‌ എന്തെങ്കി​ലും പ്രത്യേക വൈദ​ഗ്‌ധ്യ​ങ്ങ​ളോ വിദ്യാ​ഭ്യാ​സ​മോ പ്രാപ്‌തി​ക​ളോ ആവശ്യ​മാ​ണോ? നിർബ​ന്ധ​മില്ല. ഈ ലോക​വ്യാ​പക പഠിപ്പി​ക്കൽ വേലയു​ടെ ഭൂരി​ഭാ​ഗ​വും നിർവ​ഹി​ക്കു​ന്നത്‌ പരിമി​ത​മായ പ്രാപ്‌തി​ക​ളുള്ള സാധാരണ വ്യക്തി​ക​ളാണ്‌. (1 കൊരി​ന്ത്യർ 1:26-29) പൗലൊസ്‌ വിശദീ​ക​രി​ക്കു​ന്നു: “എങ്കിലും ഈ അത്യന്ത​ശക്തി ഞങ്ങളുടെ സ്വന്തം എന്നല്ല, ദൈവ​ത്തി​ന്റെ ദാനമ​ത്രേ എന്നു വരേണ്ട​തി​ന്നു ഈ നിക്ഷേപം [ശുശ്രൂഷ] ഞങ്ങൾക്കു മൺപാ​ത്ര​ങ്ങ​ളിൽ [അപൂർണ ശരീര​ങ്ങ​ളിൽ] ആകുന്നു ഉള്ളതു.” (2 കൊരി​ന്ത്യർ 4:7) ആഗോള രാജ്യ​പ്ര​സംഗ വേലയു​ടെ മഹത്തായ വിജയം യഹോ​വ​യു​ടെ ആത്മാവി​ന്റെ ശക്തിയു​ടെ തെളി​വാണ്‌!

⁸ എന്നിരു​ന്നാ​ലും, “സത്യവ​ച​നത്തെ യഥാർത്ഥ​മാ​യി പ്രസം​ഗി​ച്ചു​കൊ​ണ്ടു ലജ്ജിപ്പാൻ സംഗതി​യി​ല്ലാത്ത വേലക്കാ​ര​നാ​യി” തീരണ​മെ​ങ്കിൽ ആത്മാർഥ​മായ വ്യക്തിഗത ശ്രമം ആവശ്യ​മാണ്‌. (2 തിമൊ​ഥെ​യൊസ്‌ 2:15) പൗലൊസ്‌ തിമൊ​ഥെ​യൊ​സി​നെ ഇങ്ങനെ ഉദ്‌ബോ​ധി​പ്പി​ച്ചു: “നിനക്കു തന്നെയും നിന്റെ പഠിപ്പി​ക്ക​ലി​നും നിരന്തര ശ്രദ്ധ നൽകുക. ഈ കാര്യ​ങ്ങ​ളിൽ ഉറച്ചു നിൽക്കുക, എന്തെന്നാൽ ഇതു ചെയ്യു​ക​വഴി നീ നിന്നെ​ത്ത​ന്നെ​യും നിന്നെ ശ്രദ്ധി​ക്കു​ന്ന​വ​രെ​യും രക്ഷിക്കും.” (1 തിമൊ​ഥെ​യൊസ്‌ 4:16, NW) ഒരുവൻ തന്റെ പഠിപ്പി​ക്ക​ലിന്‌—അതു സഭയ്‌ക്ക്‌ അകത്തോ പുറത്തോ ആയി​ക്കൊ​ള്ളട്ടെ—ശ്രദ്ധ നൽകു​ന്നത്‌ എങ്ങനെ? അതിന്‌ ഏതെങ്കി​ലും പ്രാപ്‌തി​ക​ളി​ലോ പഠിപ്പി​ക്കൽ വിദ്യ​ക​ളി​ലോ വൈദ​ഗ്‌ധ്യം അനിവാ​ര്യ​മാ​ണോ?

9. സ്വതഃ​സി​ദ്ധ​മായ പ്രാപ്‌തി​ക​ളെ​ക്കാൾ പ്രാധാ​ന്യം അർഹി​ക്കു​ന്നത്‌ എന്താണ്‌?

⁹ പഠിപ്പി​ക്കൽ രീതികൾ സംബന്ധിച്ച്‌ യേശു​വി​നു തീർച്ച​യാ​യും അസാധാ​ര​ണ​മായ ഗ്രാഹ്യം ഉണ്ടായി​രു​ന്നെന്ന്‌ അവന്റെ പ്രസി​ദ്ധ​മായ ഗിരി​പ്ര​ഭാ​ഷണം പ്രകട​മാ​ക്കി. അവൻ സംസാ​രി​ച്ചു തീർന്ന​പ്പോൾ “പുരു​ഷാ​രം അവന്റെ ഉപദേ​ശ​ത്തിൽ വിസ്‌മ​യി​ച്ചു.” (മത്തായി 7:28) യേശു പഠിപ്പിച്ച അത്രയും നന്നായി പഠിപ്പി​ക്കാൻ തീർച്ച​യാ​യും നമുക്ക്‌ ആർക്കും സാധി​ക്കില്ല. എന്നാൽ, ഫലപ്ര​ദ​രായ ഉപദേ​ഷ്ടാ​ക്കൾ ആകുന്ന​തിന്‌ നാം വാ​ഗ്വൈ​ഭ​വ​മുള്ള പ്രഭാ​ഷകർ ആയിരി​ക്ക​ണ​മെ​ന്നില്ല. എന്തിന്‌, ഇയ്യോബ്‌ 12:7 പറയു​ന്ന​തു​പോ​ലെ ‘മൃഗങ്ങൾ’ക്കും ‘പക്ഷികൾ’ക്കും പോലും നിശ്ശബ്ദ​മാ​യി പഠിപ്പി​ക്കാൻ കഴിയും! നമുക്കു സ്വതഃ​സി​ദ്ധ​മായ ചില കഴിവു​ക​ളോ പ്രാപ്‌തി​ക​ളോ ഉണ്ടായി​രു​ന്നേ​ക്കാ​മെ​ങ്കി​ലും, വിശേ​ഷാൽ പ്രാധാ​ന്യ​മു​ള്ളത്‌ നാം “ഏതു തരത്തി​ലുള്ള വ്യക്തികൾ” ആണ്‌ അല്ലെങ്കിൽ നമുക്ക്‌ എന്തെല്ലാം ഗുണങ്ങ​ളുണ്ട്‌, വിദ്യാർഥി​കൾക്ക്‌ അനുക​രി​ക്കാൻ കഴിയുന്ന ഏതെല്ലാം ആത്മീയ ശീലങ്ങൾ നാം വളർത്തി​യെ​ടു​ത്തി​ട്ടുണ്ട്‌ എന്നിങ്ങ​നെ​യുള്ള കാര്യ​ങ്ങ​ളാണ്‌.—2 പത്രൊസ്‌ 3:11, NW; ലൂക്കൊസ്‌ 6:40.

ദൈവ​വചന വിദ്യാർഥി​കൾ

10. ദൈവ​വ​ച​ന​ത്തി​ന്റെ ഒരു വിദ്യാർഥി എന്നനി​ല​യിൽ യേശു നല്ലൊരു ദൃഷ്ടാന്തം വെച്ചത്‌ എങ്ങനെ?

¹⁰ തിരു​വെ​ഴു​ത്തു സത്യങ്ങ​ളു​ടെ ഫലപ്ര​ദ​നായ ഒരു ഉപദേ​ഷ്ടാവ്‌ ദൈവ​വ​ച​ന​ത്തി​ന്റെ ഒരു വിദ്യാർഥി ആയിരി​ക്കണം. (റോമർ 2:21) യേശു​ക്രി​സ്‌തു ഈ സംഗതി​യിൽ മുന്തിയ ദൃഷ്ടാന്തം വെച്ചു. യേശു തന്റെ ശുശ്രൂ​ഷ​യിൽ എബ്രായ തിരു​വെ​ഴു​ത്തു​ക​ളി​ലെ പകുതി​യോ​ളം പുസ്‌ത​ക​ങ്ങ​ളിൽ നിന്നുള്ള വാക്യ​ങ്ങൾക്കു സമാന്ത​ര​മായ ആശയങ്ങൾ പരാമർശി​ക്കു​ക​യോ നേരിട്ടു പറയു​ക​യോ ചെയ്‌തു.a 12-ാം വയസ്സിൽ ‘അവൻ ദൈവാ​ല​യ​ത്തിൽ ഉപദേ​ഷ്ടാ​ക്ക​ന്മാ​രു​ടെ നടുവിൽ ഇരുന്ന്‌ അവരുടെ ഉപദേശം കേൾക്ക​യും അവരോ​ടു ചോദി​ക്ക​യും’ ചെയ്‌ത​പ്പോൾത്തന്നെ ദൈവ​വ​ച​ന​ത്തി​ലുള്ള അവന്റെ ഗ്രാഹ്യം പ്രകട​മാ​യി​രു​ന്നു. (ലൂക്കൊസ്‌ 2:46) മുതിർന്ന​പ്പോൾ, ദൈവ​വ​ചനം വായി​ച്ചി​രുന്ന സിന​ഗോ​ഗിൽ പോകു​ന്നത്‌ അവന്റെ പതിവാ​യി​രു​ന്നു.—ലൂക്കൊസ്‌ 4:16.

11. ഒരു ഉപദേ​ഷ്ടാവ്‌ ഏതു നല്ല പഠനശീ​ലങ്ങൾ വളർത്തി​യെ​ടു​ക്കണം?

¹¹ ദൈവ​വ​ച​ന​ത്തി​ന്റെ ഉത്സുക​നായ ഒരു വായന​ക്കാ​ര​നാ​ണോ നിങ്ങൾ? അതി​ലേക്കു കുഴി​ച്ചി​റ​ങ്ങു​ന്ന​താണ്‌ “യഹോ​വാ​ഭക്തി ഗ്രഹി​ക്ക​യും ദൈവ​പ​രി​ജ്ഞാ​നം കണ്ടെത്തു​ക​യും” ചെയ്യാ​നുള്ള മാർഗം. (സദൃശ​വാ​ക്യ​ങ്ങൾ 2:4, 5) അതു​കൊണ്ട്‌, നല്ല പഠന ശീലങ്ങൾ വളർത്തി​യെ​ടു​ക്കുക. എല്ലാ ദിവസ​വും ദൈവ​വ​ച​ന​ത്തി​ന്റെ ഒരു ഭാഗം വായി​ക്കാൻ ശ്രമി​ക്കുക. (സങ്കീർത്തനം 1:2) വീക്ഷാ​ഗോ​പു​ര​ത്തി​ന്റെ​യും ഉണരുക!യുടെ​യും ഓരോ ലക്കവും ലഭിച്ചാൽ ഉടനെ അതു വായി​ക്കു​ന്നത്‌ ഒരു ശീലമാ​ക്കുക. സഭാ​യോ​ഗ​ങ്ങൾക്ക്‌ അടുത്ത ശ്രദ്ധ നൽകുക. ശ്രദ്ധാ​പൂർവ​ക​മായ ഗവേഷണം നടത്താൻ പഠിക്കുക. “സകലവും സൂക്ഷ്‌മ​മാ​യി പരി​ശോ​ധി”ക്കാൻ ശീലി​ക്കു​ന്ന​പക്ഷം, പഠിപ്പി​ക്കു​മ്പോൾ നിങ്ങൾക്ക്‌ അതിശ​യോ​ക്തി​യും കൃത്യ​ത​യി​ല്ലാ​യ്‌മ​യും ഒഴിവാ​ക്കാൻ കഴിയും.—ലൂക്കൊസ്‌ 1:4.

നിങ്ങൾ പഠിപ്പി​ക്കു​ന്ന​വ​രോ​ടുള്ള സ്‌നേ​ഹ​വും ആദരവും

12. തന്റെ ശിഷ്യ​ന്മാ​രോ​ടുള്ള യേശു​വി​ന്റെ മനോ​ഭാ​വം എന്തായി​രു​ന്നു?

¹² നിങ്ങൾ പഠിപ്പി​ക്കുന്ന ആളുക​ളോ​ടുള്ള ഉചിത​മായ മനോ​ഭാ​വ​മാണ്‌ മറ്റൊരു പ്രധാന ഗുണം. യേശു​വി​നെ ശ്രദ്ധി​ച്ച​വ​രോ​ടു പരീശ​ന്മാർക്കു തോന്നി​യതു പുച്ഛമാണ്‌. “ന്യായ​പ്ര​മാ​ണം അറിയാത്ത പുരു​ഷാ​ര​മോ ശപിക്ക​പ്പെ​ട്ട​വ​രാ​കു​ന്നു” എന്ന്‌ അവർ പറഞ്ഞു. (യോഹ​ന്നാൻ 7:49) എന്നാൽ യേശു​വി​നു തന്റെ ശിഷ്യ​ന്മാ​രോട്‌ ആഴമായ സ്‌നേ​ഹ​വും ആദരവും ഉണ്ടായി​രു​ന്നു. അവൻ പറഞ്ഞു: “യജമാനൻ ചെയ്യു​ന്നതു ദാസൻ അറിയാ​യ്‌ക​കൊ​ണ്ടു ഞാൻ നിങ്ങളെ ദാസൻമാർ എന്നു ഇനി പറയു​ന്നില്ല; ഞാൻ എന്റെ പിതാ​വി​നോ​ടു കേട്ടതു എല്ലാം നിങ്ങ​ളോ​ടു അറിയി​ച്ച​തു​കൊ​ണ്ടു നിങ്ങളെ സ്‌നേ​ഹി​തൻമാർ എന്നു പറഞ്ഞി​രി​ക്കു​ന്നു.” (യോഹ​ന്നാൻ 15:15) യേശു​വി​ന്റെ ശിഷ്യ​ന്മാർ തങ്ങളുടെ പഠിപ്പി​ക്കൽ വേല എങ്ങനെ നടത്തണ​മെന്ന്‌ ഇതു സൂചി​പ്പി​ച്ചു.

13. താൻ പഠിപ്പി​ച്ച​വരെ കുറിച്ചു പൗലൊ​സിന്‌ എന്തു വികാ​ര​മാണ്‌ ഉണ്ടായി​രു​ന്നത്‌?

¹³ ദൃഷ്ടാ​ന്ത​ത്തിന്‌, പൗലൊസ്‌ തന്റെ വിദ്യാർഥി​ക​ളോ​ടു നിർവി​കാ​ര​വും വ്യാപാര സമാന​വു​മായ ഒരു ബന്ധമല്ല പുലർത്തി​യത്‌. അവൻ കൊരി​ന്ത്യ​രോട്‌ ഇങ്ങനെ പറഞ്ഞു: “നിങ്ങൾക്കു ക്രിസ്‌തു​വിൽ പതിനാ​യി​രം ഗുരു​ക്കൻമാർ ഉണ്ടെങ്കി​ലും പിതാ​ക്കൻമാർ ഏറെയില്ല; ക്രിസ്‌തു​യേ​ശു​വിൽ ഞാനല്ലോ നിങ്ങളെ സുവി​ശേ​ഷ​ത്താൽ ജനിപ്പി​ച്ചതു.” (1 കൊരി​ന്ത്യർ 4:15) താൻ പഠിപ്പി​ച്ച​വരെ ഉദ്‌ബോ​ധി​പ്പി​ച്ച​പ്പോൾ ചില അവസര​ങ്ങ​ളിൽ പൗലൊസ്‌ കണ്ണീ​രൊ​ഴു​ക്കു​ക​പോ​ലും ചെയ്‌തു! (പ്രവൃ​ത്തി​കൾ 20:31) കൂടാതെ, അവൻ അസാധാ​ര​ണ​മായ ക്ഷമയും ദയയും പ്രകട​മാ​ക്കി. അതു​കൊണ്ട്‌ അവനു തെസ്സ​ലൊ​നീ​ക്യ​രോട്‌ ഇപ്രകാ​രം പറയാൻ കഴിഞ്ഞു: “ഒരു അമ്മ തന്റെ കുഞ്ഞു​ങ്ങളെ പോറ​റും​പോ​ലെ ഞങ്ങൾ നിങ്ങളു​ടെ ഇടയിൽ ആർദ്ര​ത​യു​ള്ള​വ​രാ​യി​രു​ന്നു.”—1 തെസ്സ​ലൊ​നീ​ക്യർ 2:7.

14. നമ്മുടെ ബൈബിൾ വിദ്യാർഥി​ക​ളി​ലുള്ള വ്യക്തി​പ​ര​മായ താത്‌പ​ര്യം വളരെ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌? ഉദാഹ​രി​ക്കുക.

¹⁴ നിങ്ങൾ യേശു​വി​നെ​യും പൗലൊ​സി​നെ​യും അനുക​രി​ക്കു​ന്നു​വോ? സ്വതഃ​സി​ദ്ധ​മായ പ്രാപ്‌തി​ക​ളിൽ നമുക്ക്‌ ഉണ്ടായി​രു​ന്നേ​ക്കാ​വുന്ന ഏതൊരു കുറവും നികത്താൻ വിദ്യാർഥി​ക​ളോ​ടുള്ള നമ്മുടെ സ്‌നേ​ഹ​ത്തി​നു സാധി​ക്കും. നമ്മുടെ ബൈബിൾ വിദ്യാർഥി​ക​ളിൽ നമുക്കു വ്യക്തി​പ​ര​മായ ആത്മാർഥ താത്‌പ​ര്യം ഉണ്ടെന്ന്‌ അവർക്കു ബോധ്യ​മു​ണ്ടോ? അവരെ അടുത്ത്‌ അറിയാൻ നാം സമയം എടുക്കു​ന്നു​ണ്ടോ? തന്റെ വിദ്യാർഥി ആത്മീയ​മാ​യി പുരോ​ഗ​മി​ക്കാ​താ​യ​പ്പോൾ ഒരു ക്രിസ്‌തീയ സഹോ​ദരി ദയാപൂർവം ഇങ്ങനെ ചോദി​ച്ചു: “നിങ്ങളെ എന്തെങ്കി​ലും ഉത്‌ക​ണ്‌ഠ​പ്പെ​ടു​ത്തു​ന്നു​ണ്ടോ?” തന്റെ അനേകം ചിന്താ​ഭാ​ര​ങ്ങ​ളും ആകുല​ത​ക​ളും വിവരി​ച്ചു​കൊണ്ട്‌ ആ സ്‌ത്രീ ഹൃദയം തുറന്നു. ആ സ്‌നേ​ഹ​പൂർവ​ക​മായ സംഭാ​ഷണം പ്രസ്‌തുത സ്‌ത്രീ​യു​ടെ കാര്യ​ത്തിൽ ഒരു വഴിത്തി​രി​വാ​യി. അത്തരം കേസു​ക​ളിൽ, തിരു​വെ​ഴു​ത്തു​പ​ര​മായ ആശയങ്ങ​ളും ആശ്വാ​സ​വാ​ക്കു​ക​ളും പ്രോ​ത്സാ​ഹ​ന​വും ഉചിത​മാണ്‌. (റോമർ 15:4) എന്നാൽ ഒരു മുന്നറി​യിപ്പ്‌: ബൈബിൾ വിദ്യാർഥി ത്വരി​ത​ഗ​തി​യിൽ പുരോ​ഗതി വരുത്തുക ആയിരി​ക്കാ​മെ​ങ്കി​ലും, കീഴട​ക്കേണ്ട ക്രിസ്‌തീ​യ​മ​ല്ലാത്ത ചില പ്രവൃ​ത്തി​കൾ അപ്പോ​ഴും ആ വ്യക്തിക്ക്‌ ഉണ്ടായി​രു​ന്നേ​ക്കാം. അതു​കൊണ്ട്‌ ആ വ്യക്തി​യോ​ടു സാമൂ​ഹി​ക​മാ​യി കൂടുതൽ അടുക്കു​ന്നത്‌ ജ്ഞാനമാ​യി​രി​ക്കില്ല. ശരിയായ ക്രിസ്‌തീയ പരിധി​കൾ പാലി​ക്ക​പ്പെ​ടണം.—1 കൊരി​ന്ത്യർ 15:33, NW.

15. നമ്മുടെ ബൈബിൾ വിദ്യാർഥി​ക​ളോട്‌ എങ്ങനെ ആദരവു പ്രകട​മാ​ക്കാൻ കഴിയും?

¹⁵ വിദ്യാർഥി​ക​ളോട്‌ ആദരവു പ്രകട​മാ​ക്കു​ന്ന​തിൽ, അവരുടെ വ്യക്തി​പ​ര​മായ ജീവി​തത്തെ നിയ​ന്ത്രി​ക്കാൻ ശ്രമി​ക്കാ​തി​രി​ക്കു​ന്നത്‌ ഉൾപ്പെ​ടു​ന്നു. (1 തെസ്സ​ലൊ​നീ​ക്യർ 4:12) ദൃഷ്ടാ​ന്ത​ത്തിന്‌, വിവാഹം കൂടാതെ ഒരു പുരു​ഷ​നോ​ടൊ​പ്പം താമസി​ക്കുന്ന ഒരു സ്‌ത്രീ​യെ നാം ബൈബിൾ പഠിപ്പി​ക്കു​ന്നു​വെന്നു കരുതുക. ഒരുപക്ഷേ അവർക്കു കുട്ടികൾ ഉണ്ടായി​രി​ക്കാം. സൂക്ഷ്‌മ​മായ ദൈവ​പ​രി​ജ്ഞാ​നം ലഭിച്ച​തോ​ടെ, യഹോ​വ​യു​മാ​യി കാര്യങ്ങൾ നേരെ​യാ​ക്കാൻ ആ സ്‌ത്രീ ആഗ്രഹി​ക്കു​ന്നു. (എബ്രായർ 13:4) അവർ ആ പുരു​ഷനെ വിവാഹം കഴിക്ക​ണ​മോ അതോ അയാളു​മാ​യുള്ള ബന്ധം വേർപെ​ടു​ത്ത​ണ​മോ? കാര്യ​മായ അല്ലെങ്കിൽ ഒട്ടും​തന്നെ ആത്മീയ താത്‌പ​ര്യ​ങ്ങൾ ഇല്ലാത്ത ഒരു മനുഷ്യ​നെ വിവാഹം കഴിക്കു​ന്നത്‌ ആ സ്‌ത്രീ​യു​ടെ ഭാവി പുരോ​ഗ​തി​യെ തടസ്സ​പ്പെ​ടു​ത്തു​മെന്നു നാം ശക്തമായി വിചാ​രി​ച്ചേ​ക്കാം. നേരെ​മ​റിച്ച്‌, നാം അവരുടെ കുട്ടി​ക​ളു​ടെ ക്ഷേമത്തെ കുറിച്ചു വ്യാകു​ല​പ്പെ​ടു​ക​യും അവർ അദ്ദേഹത്തെ വിവാഹം കഴിക്കു​ന്ന​താണ്‌ മെച്ച​മെന്നു കരുതു​ക​യും ചെയ്‌തേ​ക്കാം. എന്തായി​രു​ന്നാ​ലും, ഒരു വിദ്യാർഥി​യു​ടെ ജീവി​ത​ത്തിൽ കൈക​ട​ത്തി​ക്കൊണ്ട്‌ അത്തരം കാര്യ​ങ്ങ​ളിൽ നമ്മുടെ സ്വന്തം അഭി​പ്രാ​യങ്ങൾ അടി​ച്ചേൽപ്പി​ക്കാൻ ശ്രമി​ക്കു​ന്നത്‌ അനാദ​ര​വും സ്‌നേ​ഹ​മി​ല്ലാ​യ്‌മ​യും ആണ്‌. തന്റെ തീരു​മാ​ന​ത്തി​ന്റെ ഫലങ്ങൾ അനുഭ​വി​ക്കേ​ണ്ടത്‌ ആ സ്‌ത്രീ​യാ​ണ​ല്ലോ. അതു​കൊണ്ട്‌, അത്തര​മൊ​രു വിദ്യാർഥി​യെ സ്വന്തം ‘ഗ്രഹണ പ്രാപ്‌തി​കൾ’ ഉപയോ​ഗിച്ച്‌ എന്തു ചെയ്യണ​മെന്നു തീരു​മാ​നി​ക്കാൻ പരിശീ​ലി​പ്പി​ക്കു​ന്നത്‌ ആയിരി​ക്കി​ല്ലേ ഏറ്റവും മെച്ചം?—എബ്രായർ 5:14.

16. ദൈവ​ത്തി​ന്റെ ആട്ടിൻകൂ​ട്ട​ത്തോ​ടു മൂപ്പന്മാർക്ക്‌ എങ്ങനെ സ്‌നേ​ഹ​വും ആദരവും പ്രകട​മാ​ക്കാൻ കഴിയും?

¹⁶ സഭാ മൂപ്പന്മാർ ആട്ടിൻകൂ​ട്ട​ത്തോ​ടു സ്‌നേ​ഹ​ത്തോ​ടും ആദര​വോ​ടും കൂടെ പെരു​മാ​റേ​ണ്ടതു വിശേ​ഷാൽ പ്രധാ​ന​മാണ്‌. ഫിലേ​മോന്‌ എഴുതവേ പൗലൊസ്‌ ഇങ്ങനെ പറഞ്ഞു: “ആകയാൽ യുക്തമാ​യതു നിന്നോ​ടു കല്‌പി​പ്പാൻ ക്രിസ്‌തു​വിൽ എനിക്കു വളരെ ധൈര്യം [“സംസാര സ്വാത​ന്ത്ര്യം,” NW] ഉണ്ടെങ്കി​ലും . . . ഞാൻ സ്‌നേഹം നിമിത്തം അപേക്ഷി​ക്ക​യ​ത്രേ ചെയ്യു​ന്നതു.” (ഫിലേ​മോൻ 8, 9) ചില​പ്പോൾ സഭയിൽ നിരാ​ശാ​ജ​ന​ക​മായ സാഹച​ര്യ​ങ്ങൾ ഉടലെ​ടു​ത്തേ​ക്കാം. ദൃഢത അനിവാ​ര്യം പോലും ആയിരു​ന്നേ​ക്കാം. ദുഷ്‌പ്ര​വൃ​ത്തി​ക്കാർ ‘വിശ്വാ​സ​ത്തിൽ ആരോ​ഗ്യ​മു​ള്ള​വ​രാ​യി​ത്തീ​രേ​ണ്ട​തിന്ന്‌ [തെറ്റു ചെയ്യു​ന്ന​വരെ] കഠിന​മാ​യി ശാസി​ക്കാൻ’ പൗലൊസ്‌ തീത്തൊ​സി​നെ ഉദ്‌ബോ​ധി​പ്പി​ച്ചു. (തീത്തൊസ്‌ 1:13, 14) എന്നുവ​രി​കി​ലും, സഭയോട്‌ ഒരിക്ക​ലും നിർദ​യ​മാ​യി സംസാ​രി​ക്കാ​തി​രി​ക്കാൻ മേൽവി​ചാ​ര​ക​ന്മാർ ശ്രദ്ധി​ക്കണം. പൗലൊസ്‌ എഴുതി: “കർത്താ​വി​ന്റെ ദാസൻ ശണ്‌ഠ ഇടാതെ എല്ലാവ​രോ​ടും ശാന്തനും ഉപദേ​ശി​പ്പാൻ സമർത്ഥ​നും ദോഷം സഹിക്കു​ന്ന​വ​നു​മാ​യി അത്രേ ഇരി​ക്കേ​ണ്ടതു.”—2 തിമൊ​ഥെ​യൊസ്‌ 2:24; സങ്കീർത്തനം 141:3.

17. മോശ എന്തു തെറ്റു ചെയ്‌തു, മൂപ്പന്മാർക്ക്‌ അതിൽനിന്ന്‌ എന്തു പഠിക്കാ​നാ​കും?

¹⁷ തങ്ങൾ ഇടപെ​ടു​ന്നതു “ദൈവ​ത്തി​ന്റെ ആട്ടിൻകൂട്ട”ത്തോടാ​ണെന്ന്‌ മൂപ്പന്മാർ എല്ലായ്‌പോ​ഴും ഓർമി​ക്കണം. (ചെരി​ച്ചെ​ഴു​തി​യി​രി​ക്കു​ന്നതു ഞങ്ങൾ.) (1 പത്രൊസ്‌ 5:2) താഴ്‌മ​യു​ള്ളവൻ ആയിരു​ന്നെ​ങ്കി​ലും മോശ​യ്‌ക്ക്‌ ഒരു സമയത്ത്‌ ആ വീക്ഷണം നഷ്ടപ്പെട്ടു. ഇസ്രാ​യേ​ല്യർ “അവന്റെ മനസ്സിനെ കോപി​പ്പി​ച്ച​തു​കൊ​ണ്ടു അവൻ അധരങ്ങ​ളാൽ അവി​വേകം സംസാ​രി​ച്ചു​പോ​യി.” (സങ്കീർത്തനം 106:33) ദൈവ​ത്തി​ന്റെ ആട്ടിൻകൂ​ട്ട​ത്തോട്‌, അവർ കുറ്റക്കാർ ആയിരു​ന്നെ​ങ്കി​ലും, മോശ​മാ​യി പെരു​മാ​റി​യത്‌ ദൈവത്തെ വളരെ​യേറെ അപ്രീ​തി​പ്പെ​ടു​ത്തി. (സംഖ്യാ​പു​സ്‌തകം 20:2-12) ഇന്നു സമാന​മായ വെല്ലു​വി​ളി​കൾ നേരി​ടു​മ്പോൾ, മൂപ്പന്മാർ ദയയോ​ടും ഉൾക്കാ​ഴ്‌ച​യോ​ടും കൂടെ പഠിപ്പി​ക്കാ​നും പ്രബോ​ധി​പ്പി​ക്കാ​നും ശ്രമി​ക്കണം. നമ്മുടെ സഹോ​ദ​ര​ന്മാ​രെ തിരു​ത്ത​പ്പെ​ടാൻ കഴിയാ​ത്ത​വ​രാ​യി​ട്ടല്ല പകരം, സഹായം ആവശ്യ​മുള്ള വ്യക്തി​ക​ളാ​യി കണ്ട്‌ പരിഗ​ണ​ന​യോ​ടെ ഇടപെ​ടു​മ്പോൾ അവർ നന്നായി പ്രതി​ക​രി​ക്കു​ന്നു. പിൻവ​രുന്ന പ്രകാരം പറഞ്ഞ​പ്പോൾ പൗലൊ​സിന്‌ ഉണ്ടായി​രുന്ന ക്രിയാ​ത്മക വീക്ഷണം മൂപ്പന്മാർ നിലനിർത്തേ​ണ്ട​തുണ്ട്‌: “ഞങ്ങൾ ആജ്ഞാപി​ക്കു​ന്നതു നിങ്ങൾ ചെയ്യുന്നു എന്നും മേലാ​ലും ചെയ്യും എന്നും ഞങ്ങൾ നിങ്ങ​ളെ​ക്കു​റി​ച്ചു കർത്താ​വിൽ ഉറെച്ചി​രി​ക്കു​ന്നു.”—2 തെസ്സ​ലൊ​നീ​ക്യർ 3:4.

അവരുടെ ആവശ്യ​ങ്ങ​ളോ​ടു പ്രതി​ക​രി​ക്കു​ക

18, 19. (എ) പരിമി​ത​മായ പ്രാപ്‌തി​ക​ളുള്ള ബൈബിൾ വിദ്യാർഥി​ക​ളു​ടെ ആവശ്യ​ങ്ങ​ളോ​ടു നാം എങ്ങനെ പ്രതി​ക​രി​ക്കണം? (ബി) ചില പ്രത്യേക വിഷയങ്ങൾ മനസ്സി​ലാ​ക്കാൻ ബുദ്ധി​മു​ട്ടുള്ള വിദ്യാർഥി​കളെ നമുക്ക്‌ എങ്ങനെ സഹായി​ക്കാ​നാ​കും?

¹⁸ ഫലപ്ര​ദ​നായ ഒരു ഉപദേ​ഷ്ടാവ്‌ വിദ്യാർഥി​ക​ളു​ടെ പ്രാപ്‌തി​ക​ളോ​ടും പരിമി​തി​ക​ളോ​ടും പൊരു​ത്ത​പ്പെ​ടാൻ മനസ്സൊ​രു​ക്കം ഉള്ളവനാണ്‌. (യോഹ​ന്നാൻ 16:12 താരത​മ്യം ചെയ്യുക.) താലന്തു​കളെ കുറി​ച്ചുള്ള യേശു​വി​ന്റെ ദൃഷ്ടാ​ന്ത​ത്തിൽ, യജമാനൻ “ഓരോ​രു​ത്ത​നും അവനവന്റെ പ്രാപ്‌തിക്ക്‌ അനുസൃ​ത​മാ​യി”ട്ടാണു പദവികൾ നൽകി​യത്‌. (മത്തായി 25:15, NW) ബൈബിൾ അധ്യയ​നങ്ങൾ നടത്തു​മ്പോൾ നമുക്ക്‌ ആ മാതൃക പിൻപ​റ്റാൻ സാധി​ക്കും. സാധാ​ര​ണ​ഗ​തി​യിൽ, ഒരു ബൈബിൾ അധിഷ്‌ഠിത പ്രസി​ദ്ധീ​ക​രണം താരത​മ്യേന ഹ്രസ്വ​മായ ഒരു കാലഘ​ട്ടം​കൊ​ണ്ടു ചർച്ച​ചെ​യ്‌തു തീർക്കു​ന്ന​താണ്‌ അഭികാ​മ്യം. എന്നാൽ, എല്ലാവർക്കും നല്ല വായനാ പ്രാപ്‌തി​യോ പുതിയ ആശയങ്ങൾ പെട്ടെന്ന്‌ ഉൾക്കൊ​ള്ളാ​നുള്ള കഴിവോ ഇല്ലെന്നു തിരി​ച്ച​റി​യേ​ണ്ട​താണ്‌. അതു​കൊണ്ട്‌, വേഗത്തിൽ പഠിക്കാൻ വിദ്യാർഥി​ക്കു ബുദ്ധി​മുട്ട്‌ ഉണ്ടെങ്കിൽ, അധ്യയന സമയത്ത്‌ ഒരു ആശയത്തിൽനി​ന്നു മറ്റൊ​ന്നി​ലേക്ക്‌ പോ​കേ​ണ്ടത്‌ എപ്പോ​ഴെന്നു നിർണ​യി​ക്കാൻ വിവേചന ഉപയോ​ഗി​ക്കണം. ഒരു നിശ്ചിത സമയത്തി​നു​ള്ളിൽ ഒരു വിഷയം ചർച്ച​ചെ​യ്‌തു തീർക്കു​ന്ന​തി​നെ​ക്കാൾ പ്രധാനം, പഠിക്കു​ന്ന​തി​ന്റെ അർഥം ഗ്രഹി​ക്കാൻ വിദ്യാർഥി​യെ സഹായി​ക്കുക എന്നതാണ്‌.—മത്തായി 13:51.

¹⁹ ത്രിത്വം, മതപര​മായ വിശേ​ഷ​ദി​നങ്ങൾ എന്നിങ്ങ​നെ​യുള്ള ചില പ്രത്യേക വിഷയങ്ങൾ മനസ്സി​ലാ​ക്കാൻ ബുദ്ധി​മുട്ട്‌ അനുഭ​വ​പ്പെ​ടുന്ന ബൈബിൾ വിദ്യാർഥി​ക​ളു​ടെ കാര്യ​ത്തി​ലും ഇതു സത്യമാണ്‌. ബൈബിൾ അധിഷ്‌ഠിത ഗവേഷണ വിവരങ്ങൾ നമ്മുടെ അധ്യയ​ന​ങ്ങ​ളിൽ പൊതു​വെ ഉൾപ്പെ​ടു​ത്തേ​ണ്ട​തി​ല്ലെ​ങ്കി​ലും, വ്യക്തമാ​യും പ്രയോ​ജ​ന​പ്ര​ദ​മെന്നു തോന്നു​ന്ന​പക്ഷം ചില​പ്പോ​ഴൊ​ക്കെ നമുക്ക്‌ അവ ഉൾപ്പെ​ടു​ത്താ​വു​ന്ന​താണ്‌. വിദ്യാർഥി​യു​ടെ പുരോ​ഗതി അകാര​ണ​മാ​യി മന്ദഗതി​യി​ലാ​ക്കാ​തി​രി​ക്കാൻ നല്ല വിവേചന ഉപയോ​ഗി​ക്കണം.

ഉത്സാഹ​മു​ള്ളവർ ആയിരി​ക്കുക!

20. തന്റെ പഠിപ്പി​ക്ക​ലിൽ ഉത്സാഹ​വും ബോധ്യ​വും പ്രകട​മാ​ക്കു​ന്ന​തിൽ പൗലൊസ്‌ ദൃഷ്ടാന്തം വെച്ച​തെ​ങ്ങനെ?

²⁰ ‘ആത്മാവി​നാൽ ജ്വലി​ക്കു​ന്നവർ ആയിരി​ക്കാൻ’ പൗലൊസ്‌ പറയുന്നു. (റോമർ 12:11, NW) അതേ, നാം ഒരു ഭവന ബൈബിൾ അധ്യയനം നടത്തു​ക​യാ​ണെ​ങ്കി​ലും സഭാ​യോ​ഗ​ത്തിൽ ഒരു പരിപാ​ടി അവതരി​പ്പി​ക്കു​ക​യാ​ണെ​ങ്കി​ലും, നാം അതു തീക്ഷ്‌ണ​ത​യോ​ടെ​യും ഉത്സാഹ​ത്തോ​ടെ​യും ചെയ്യണം. തെസ്സ​ലൊ​നീ​ക്യ​രോ​ടു പൗലൊസ്‌ പറഞ്ഞു: “ഞങ്ങളുടെ സുവി​ശേഷം വചനമാ​യി മാത്രമല്ല, ശക്തി​യോ​ടും പരിശു​ദ്ധാ​ത്മാ​വോ​ടും ബഹുനി​ശ്ച​യ​ത്തോ​ടും [“ശക്തമായ ബോധ്യ​ത്തോ​ടും,” NW] കൂടെ ആയിരു​ന്നു നിങ്ങളു​ടെ അടുക്കൽ വന്നതു.” (1 തെസ്സ​ലൊ​നീ​ക്യർ 1:5) അങ്ങനെ, പൗലൊ​സും സഹകാ​രി​ക​ളും ‘ദൈവ​ത്തി​ന്റെ സുവി​ശേഷം മാത്രമല്ല [തങ്ങളുടെ] പ്രാണ​നും​കൂ​ടെ’ നൽകി.—1 തെസ്സ​ലൊ​നീ​ക്യർ 2:8.

21. നമ്മുടെ പഠിപ്പി​ക്കൽ നിയമ​ന​ങ്ങ​ളോട്‌ ഉത്സാഹ​പൂർവ​ക​മായ ഒരു മനോ​ഭാ​വം എങ്ങനെ നിലനിർത്താ​നാ​കും?

²¹ നമുക്കു പറയാ​നു​ള്ളത്‌ ബൈബിൾ വിദ്യാർഥി​കൾ കേൾക്കേ​ണ്ട​താ​ണെ​ന്നുള്ള നമ്മുടെ ശക്തമായ ബോധ്യ​ത്തിൽനി​ന്നാണ്‌ യഥാർഥ ഉത്സാഹം ഉണ്ടാകു​ന്നത്‌. ഏതൊരു പഠിപ്പി​ക്കൽ നിയമ​ന​ത്തെ​യും ഒരിക്ക​ലും ഒരു ചടങ്ങു​പോ​ലെ നമുക്ക്‌ കാണാ​തി​രി​ക്കാം. ഇക്കാര്യ​ത്തിൽ, എസ്രാ ശാസ്‌ത്രി തന്റെ പഠിപ്പി​ക്ക​ലിന്‌ അടുത്ത ശ്രദ്ധ നൽകു​ക​തന്നെ ചെയ്‌തു. “യഹോ​വ​യു​ടെ ന്യായ​പ്ര​മാ​ണം പരി​ശോ​ധി​പ്പാ​നും അതു അനുസ​രി​ച്ചു നടപ്പാ​നും യിസ്രാ​യേ​ലിൽ അതിന്റെ ചട്ടങ്ങളും വിധി​ക​ളും ഉപദേ​ശി​പ്പാ​നും എസ്രാ മനസ്സു​വെ​ച്ചി​രു​ന്നു.” (എസ്രാ 7:10) സമഗ്ര​മാ​യി തയ്യാറാ​യി​ക്കൊ​ണ്ടും വിഷയ​ത്തി​ന്റെ പ്രാധാ​ന്യ​ത്തെ കുറിച്ചു വിചി​ന്തനം ചെയ്‌തു​കൊ​ണ്ടും നാം സമാന​മാ​യി പ്രവർത്തി​ക്കണം. വിശ്വാ​സ​വും ബോധ്യ​വും​കൊണ്ട്‌ നമ്മെ നിറയ്‌ക്കാൻ നമുക്കു യഹോ​വ​യോ​ടു പ്രാർഥി​ക്കാം. (ലൂക്കൊസ്‌ 17:5) നമ്മുടെ ഉത്സാഹം സത്യ​ത്തോട്‌ യഥാർഥ സ്‌നേഹം വളർത്തി​യെ​ടു​ക്കാൻ ബൈബിൾ വിദ്യാർഥി​കളെ സഹായി​ച്ചേ​ക്കാം. നമ്മുടെ പഠിപ്പി​ക്ക​ലി​നു ശ്രദ്ധ നൽകു​ന്ന​തിൽ പ്രത്യേക പഠിപ്പി​ക്കൽ വിദ്യകൾ ഉപയോ​ഗി​ക്കു​ന്ന​തും ഉൾപ്പെ​ട്ടേ​ക്കാം. നമ്മുടെ അടുത്ത ലേഖനം അവയിൽ ചിലതു ചർച്ച ചെയ്യും.

[അടിക്കു​റി​പ്പു​കൾ]

നിങ്ങൾ ഓർമി​ക്കു​ന്നു​വോ?

□ ഇന്നു വിദഗ്‌ധ​രായ ക്രിസ്‌തീയ ഉപദേ​ഷ്ടാ​ക്ക​ളു​ടെ ആവശ്യ​മു​ള്ളത്‌ എന്തു​കൊണ്ട്‌?

□ ഏതു നല്ല പഠന ശീലങ്ങൾ നമുക്കു വളർത്തി​യെ​ടു​ക്കാ​നാ​കും?

□ നാം പഠിപ്പി​ക്കു​ന്ന​വ​രോ​ടുള്ള സ്‌നേ​ഹ​വും ആദരവും പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

□ നമ്മുടെ ബൈബിൾ വിദ്യാർഥി​ക​ളു​ടെ ആവശ്യ​ങ്ങ​ളോ​ടു നമുക്ക്‌ എങ്ങനെ പ്രതി​ക​രി​ക്കാ​നാ​കും?

□ മറ്റുള്ള​വരെ പഠിപ്പി​ക്കു​മ്പോൾ ഉത്സാഹ​വും ബോധ്യ​വും മർമ​പ്ര​ധാ​നം ആയിരി​ക്കു​ന്നത്‌ എന്തു​കൊണ്ട്‌?

[10-ാം പേജിലെ ചിത്രം]

നല്ല അധ്യാ​പകർ ദൈവ​വ​ച​ന​ത്തി​ന്റെ വിദ്യാർഥി​ക​ളു​മാണ്‌

[13-ാം പേജിലെ ചിത്രം]

ബൈബിൾ വിദ്യാർഥി​ക​ളിൽ വ്യക്തി​പ​ര​മായ താത്‌പ​ര്യം എടുക്കുക