ബൈബി​ളി​ന്റെ വീക്ഷണം

ശൃംഗ​രി​ക്കു​ന്ന​തിൽ എന്താണു തെറ്റ്‌?

“ശൃംഗ​രി​ക്കു​ന്നത്‌ തന്ത്രപ​ര​മോ വഞ്ചനാ​ത്മ​ക​മോ തെറ്റോ ആണെ​ന്നൊ​ക്കെ നാം വിചാ​രി​ക്കു​ന്ന​തെ​ന്തി​നാണ്‌? അത്‌ അങ്ങനെ​യൊ​ന്നു​മല്ല! അത്‌ ഒരു രസമാണ്‌! രണ്ടു കൂട്ടർക്കും പ്രയോ​ജനം ചെയ്യുന്ന ഒന്ന്‌. എന്തെന്നാൽ നിങ്ങൾ മറ്റെ വ്യക്തിയെ സന്തുഷ്ട​നാ​ക്കു​ക​യാണ്‌ ചെയ്യു​ന്നത്‌.”—സൂസൻ റാബിൻ, ഡയറക്ടർ ഓഫ്‌ ദ സ്‌കൂൾ ഓഫ്‌ ഫ്‌ളർട്ടിങ്‌, ന്യൂ​യോർക്ക്‌ സിറ്റി.

പലയാ​ളു​ക​ളും ശൃംഗ​രി​ക്ക​ലി​നെ സ്വാഭാ​വി​ക​വും നിരു​പ​ദ്ര​വ​ക​ര​വും മനുഷ്യ​ബ​ന്ധങ്ങൾ കെട്ടി​പ്പ​ടു​ക്കു​ന്ന​തി​ലും നിലനിർത്തു​ന്ന​തി​ലും അനിവാ​ര്യ​വും ആയ ഒന്നായി വീക്ഷി​ക്കു​ന്നു. “ശൃംഗാര കല”യുടെ അവിഭാ​ജ്യ ഘടകങ്ങ​ളായ പ്രത്യേ​ക​തരം ആംഗ്യങ്ങൾ, നിൽപ്പ്‌, നോട്ടം എന്നിവ​യെ​ക്കു​റി​ച്ചു പഠിപ്പി​ക്കുന്ന പുസ്‌ത​ക​ങ്ങ​ളു​ടെ​യും മാസികാ ലേഖന​ങ്ങ​ളു​ടെ​യും പ്രത്യേക കോഴ്‌സു​ക​ളു​ടെ​യും ഒരു പെരുപ്പം തന്നെ അടുത്ത​കാ​ലത്ത്‌ പാശ്ചാത്യ രാജ്യ​ങ്ങ​ളിൽ ഉണ്ടായി​ട്ടുണ്ട്‌.

ശൃംഗ​രി​ക്കൽ, അത്‌ എന്താണ്‌? അതു സംബന്ധിച്ച്‌ പല നിർവ​ച​ന​ങ്ങ​ളും വ്യാഖ്യാ​ന​ങ്ങ​ളു​മുണ്ട്‌. ഒരു നിഘണ്ടു അതിനെ നിർവ​ചി​ക്കു​ന്നത്‌ “കളിമ​ട്ടി​ലുള്ള പ്രേമാ​ത്മ​ക​മായ” പെരു​മാ​റ്റം “അല്ലെങ്കിൽ ലൈം​ഗി​ക​മാ​യി വശീക​രി​ക്കുന്ന” പെരു​മാ​റ്റം എന്നാണ്‌. മറ്റൊരു നിഘണ്ടു ശൃംഗ​രി​ക്ക​ലി​നെ നിർവ​ചി​ക്കു​ന്നത്‌ “ഗൗരവ​മായ ഉദ്ദേശ്യ​മി​ല്ലാ​തെ പ്രേമ​പൂർവം” പെരു​മാ​റുക എന്നാണ്‌. അതു​കൊണ്ട്‌, വിവാഹം കഴിക്കാ​നുള്ള ഉദ്ദേശ്യ​മി​ല്ലാ​തെ പ്രേമ​പ​ര​മായ താത്‌പ​ര്യം കാണി​ക്കു​ന്ന​തി​നെ​യാണ്‌ ശൃംഗ​രി​ക്കൽ എന്ന പദം കൊണ്ട്‌ പൊതു​വേ അർഥമാ​ക്കു​ന്നത്‌ എന്നു കരുതു​ന്നു. ശൃംഗ​രി​ക്ക​ലി​നെ നിരു​പ​ദ്ര​വ​ക​ര​മാ​യി വീക്ഷി​ക്ക​ണ​മോ? അതിനെ സംബന്ധിച്ച ബൈബി​ളി​ന്റെ വീക്ഷണ​മെ​ന്താണ്‌?a

ബൈബിൾ ശൃംഗ​രി​ക്ക​ലി​നെ​ക്കു​റി​ച്ചു പ്രത്യേ​കം പരാമർശി​ക്കു​ന്നി​ല്ലെ​ങ്കി​ലും ദൈവ​ത്തി​ന്റെ വീക്ഷണ​മെ​ന്താ​ണെന്ന്‌ നമുക്കു തിട്ട​പ്പെ​ടു​ത്താൻ കഴിയും. എങ്ങനെ? അതിന്റെ കാര്യ​ത്തിൽ ബാധക​മാ​കുന്ന ബൈബിൾ തത്ത്വങ്ങൾ പരി​ശോ​ധി​ക്കു​ന്ന​തി​ലൂ​ടെ നമുക്കതു ചെയ്യാൻ കഴിയും. അപ്രകാ​രം നാം “ശരിയും തെറ്റും തിരി​ച്ച​റി​വാൻ തക്കവണ്ണം ഗ്രഹണ​പ്രാ​പ്‌തി​കളെ” വികസി​പ്പി​ച്ചെ​ടു​ക്കും. (എബ്രായർ 5:14, NW) ശൃംഗ​രി​ക്കു​ന്നതു വിവാ​ഹി​തരെ സംബന്ധി​ച്ചി​ട​ത്തോ​ളം ഉചിത​മാ​ണോ എന്ന്‌ നമുക്ക്‌ ആദ്യം പരിചി​ന്തി​ക്കാം.

ഒരാൾ വിവാ​ഹി​ത​നാ​ണെ​ങ്കിൽ

വിവാ​ഹിത ദമ്പതികൾ തനിച്ചാ​യി​രി​ക്കു​മ്പോൾ പ്രേമ​ലീ​ല​ക​ളിൽ ഏർപ്പെ​ടു​ന്നതു തികച്ചും സ്വാഭാ​വി​ക​മാണ്‌. (ഉല്‌പത്തി 26:8 താരത​മ്യം ചെയ്യുക.) എന്നാൽ, വിവാ​ഹ​ത്തി​നു പുറത്തു​ള്ള​വ​രു​മാ​യി അപ്രകാ​രം ഇടപെ​ടു​ന്നത്‌ ദൈവിക തത്ത്വങ്ങൾക്കു വിരു​ദ്ധ​മാണ്‌. വിവാ​ഹിത ദമ്പതികൾ അന്യോ​ന്യം ആശ്രയി​ക്കു​ക​യും ഒരു അടുത്ത ബന്ധം ആസ്വദി​ക്കു​ക​യും ചെയ്യണ​മെ​ന്നാണ്‌ യഹോവ ഉദ്ദേശി​ച്ചത്‌. (ഉല്‌പത്തി 2:24; എഫെസ്യർ 5:21-32) അവൻ വിവാ​ഹത്തെ പാവന​മായ ഒരു സ്ഥിര ബന്ധമായി വീക്ഷി​ക്കു​ന്നു. മലാഖി 2:16 (പി.ഒ.സി. ബൈബിൾ) ദൈവ​ത്തെ​ക്കു​റിച്ച്‌ ഇങ്ങനെ പറയുന്നു: “വിവാ​ഹ​മോ​ച​നത്തെ ഞാൻ വെറു​ക്കു​ന്നു.”b

വിവാ​ഹി​ത​നാ​യ ഒരു വ്യക്തി ശൃംഗ​രി​ക്കു​ന്നത്‌ വിവാഹം സംബന്ധിച്ച ദൈവ​ത്തി​ന്റെ വീക്ഷണ​വു​മാ​യി ചേർച്ച​യി​ലാ​ണോ? ഒരിക്ക​ലു​മല്ല. എന്തു​കൊ​ണ്ടെ​ന്നാൽ വിവാ​ഹി​ത​നായ ഒരാൾ ശൃംഗ​രി​ക്കു​മ്പോൾ അയാൾ വിവാഹം എന്ന ദൈവിക ക്രമീ​ക​ര​ണ​ത്തി​ന്റെ പവി​ത്ര​ത​യോട്‌ അനാദ​രവ്‌ കാട്ടു​ക​യാണ്‌ ചെയ്യു​ന്നത്‌. കൂടാതെ, “ഭാര്യയെ തന്നെ​പ്പോ​ലെ തന്നേ സ്‌നേ​ഹി​ക്കേണ”മെന്നു ക്രിസ്‌തീയ ഭർത്താ​വി​നോ​ടും “ഭർത്താ​വി​നെ ഭയപ്പെടേ”ണം [“ആഴമായി ബഹുമാ​നി​ക്കണം,” NW] എന്നു ഭാര്യ​യോ​ടും എഫെസ്യർ 5:32 കൽപ്പി​ക്കു​ന്നു. അസൂയ ഉണർത്തുന്ന ശൃംഗാ​ര​ത്തിൽ ഏർപ്പെ​ടു​മ്പോൾ ഒരുവൻ തന്റെ ഇണയോട്‌ സ്‌നേ​ഹ​വും ആദരവും കാണി​ക്കു​ക​യാ​ണോ ചെയ്യു​ന്നത്‌?

ശൃംഗ​രി​ക്കൽ വ്യഭി​ചാ​ര​ത്തി​ലേക്ക്‌, അതായത്‌ യഹോവ തുറന്ന്‌ കുറ്റം​വി​ധി​ക്കു​ക​യും അവിശ്വ​സ്‌ത​ത​യെന്നു വർണി​ക്കു​ക​യും ചെയ്യുന്ന ഒരു പാപത്തി​ലേക്ക്‌, നയിക്കു​ന്നു​വെന്ന വസ്‌തുത ഏറെ ചിന്തനീ​യ​മാണ്‌. (പുറപ്പാ​ടു 20:14; ലേവ്യ​പു​സ്‌തകം 20:10; മലാഖി 2:14, 15; മർക്കൊസ്‌ 10:17-19) വാസ്‌ത​വ​ത്തിൽ, വൈവാ​ഹിക അവിശ്വ​സ്‌ത​ത​യ്‌ക്കു പാത്ര​മായ ഇണയ്‌ക്ക്‌ വിവാ​ഹ​മോ​ചനം നടത്താ​നുള്ള അനുവാ​ദം യഹോവ നൽകു​ന്ന​തിൽനി​ന്നും അവൻ വ്യഭി​ചാ​രത്തെ എത്ര ഗുരു​ത​ര​മായ പാപമാ​യി കണക്കാ​ക്കു​ന്നു​വെന്ന്‌ നമുക്കു മനസ്സി​ലാ​ക്കാൻ കഴിയും. (മത്തായി 5:32) അപ്പോൾപ്പി​ന്നെ ശൃംഗ​രി​ക്കൽ എന്ന വളരെ അപകട​ക​ര​മായ നേര​മ്പോ​ക്കി​നെ യഹോവ അംഗീ​ക​രി​ക്കു​മെന്ന്‌ നമുക്ക്‌ അനുമാ​നി​ക്കാൻ കഴിയു​മോ? തന്റെ കൊച്ചു കുട്ടി മൂർച്ച​യുള്ള ഒരു കറിക്ക​ത്തി​യു​മാ​യി കളിക്കാൻ സ്‌നേ​ഹ​മുള്ള ഒരു മാതാ​വോ പിതാ​വോ അനുവ​ദി​ക്കാ​ത്ത​തു​പോ​ലെ​തന്നെ ദൈവം അത്‌ അനുവ​ദി​ക്കു​ന്നില്ല.

വ്യഭി​ചാ​ര​ത്തെ​ക്കു​റി​ച്ചു ബൈബിൾ ഇങ്ങനെ മുന്നറി​യി​പ്പു നൽകുന്നു: “ഒരു മനുഷ്യ​ന്നു തന്റെ വസ്‌ത്രം വെന്തു പോകാ​തെ മടിയിൽ തീ കൊണ്ടു​വ​രാ​മോ? ഒരുത്തന്നു കാൽ പൊള്ളാ​തെ തീക്കന​ലി​ന്മേൽ നടക്കാ​മോ? കൂട്ടു​കാ​രന്റെ ഭാര്യ​യു​ടെ അടുക്കൽ ചെല്ലു​ന്നവൻ ഇങ്ങനെ തന്നേ; അവളെ തൊടുന്ന ഒരുത്ത​നും ശിക്ഷവ​രാ​തെ​യി​രി​ക്ക​യില്ല.” (സദൃശ​വാ​ക്യ​ങ്ങൾ 6:27-29) ഇനി വ്യഭി​ചാ​ര​ത്തിൽ ഏർപ്പെ​ട്ടി​ല്ലെ​ങ്കിൽ പോലും ശൃംഗ​രി​ക്കുന്ന ഒരു വിവാ​ഹിത വ്യക്തി മറ്റൊരു അപകടം ക്ഷണിച്ചു​വ​രു​ത്തു​ന്നു—അയാൾ “വൈകാ​രിക പ്രേമ​ബന്ധം” എന്നു വിളി​ക്ക​പ്പെ​ടു​ന്ന​തിൽ ഉൾപ്പെ​ട്ടു​പോ​കു​ന്നു.

വൈകാ​രിക പ്രേമ​ബ​ന്ധ​ങ്ങൾ

ചിലയാ​ളു​കൾ വിവാ​ഹ​ത്തി​നു പുറത്തു​ള്ള​വ​രു​മാ​യി ലൈം​ഗിക ബന്ധത്തി​ലേർപ്പെ​ടു​ന്നി​ല്ലെ​ങ്കി​ലും അവരോ​ടു പ്രേമ വികാ​രങ്ങൾ തോന്നാൻ അനുവ​ദി​ക്കു​ന്നു. എന്നാൽ യേശു ഇങ്ങനെ മുന്നറി​യി​പ്പു നൽകി: “സ്‌ത്രീ​യെ മോഹി​ക്കേ​ണ്ട​തി​ന്നു അവളെ നോക്കു​ന്നവൻ [“നോക്കി​ക്കൊ​ണ്ടേ​യി​രി​ക്കു​ന്നവൻ,” NW] എല്ലാം ഹൃദയം​കൊ​ണ്ടു അവളോ​ടു വ്യഭി​ചാ​രം ചെയ്‌തു​പോ​യി.” (മത്തായി 5:28) അനുരാ​ഗം ഹൃദയ​ത്തിൽ തോന്നു​ന്ന​തു​പോ​ലും തെറ്റാ​ണെന്ന്‌ യേശു പറഞ്ഞത്‌ എന്തു​കൊ​ണ്ടാണ്‌?

“വ്യഭി​ചാ​രം . . . ഹൃദയ​ത്തിൽ നിന്നു പുറ​പ്പെ​ട്ടു​വ​രു​ന്നു” എന്നതാണ്‌ ഒരു കാരണം. (മത്തായി 15:19) അത്തര​മൊ​രു ബന്ധം വ്യഭി​ചാ​ര​ത്തിൽ ഏർപ്പെ​ടത്തക്ക അളവോ​ളം വളർന്നി​ട്ടി​ല്ലെ​ങ്കിൽ പോലും അതു ഹാനി​ക​ര​മാണ്‌. എന്തു​കൊണ്ട്‌? പ്രസ്‌തുത വിഷയ​ത്തെ​ക്കു​റി​ച്ചു പ്രതി​പാ​ദി​ക്കുന്ന ഒരു പുസ്‌തകം ഇങ്ങനെ വിശദീ​ക​രി​ക്കു​ന്നു: “ഇണയു​മൊ​ത്തുള്ള ജീവി​ത​ത്തിൽനിന്ന്‌ വളരെ​യ​ധി​കം സമയവും ഊർജ​വും ചോർത്തി​ക്ക​ള​യുന്ന ഏതൊരു പ്രവർത്ത​ന​മോ ബന്ധമോ ഒരു തരത്തി​ലുള്ള അവിശ്വ​സ്‌ത​ത​യാണ്‌.” അതേ, വൈകാ​രിക പ്രേമ​ബന്ധം ഒരുവന്റെ ഇണയ്‌ക്കു കൊടു​ക്കേണ്ട സമയവും ശ്രദ്ധയും സ്‌നേ​ഹ​വും കവർന്നെ​ടു​ക്കു​ന്നു. മറ്റുള്ളവർ നമ്മോട്‌ പെരു​മാ​റ​ണ​മെന്ന്‌ നാം ആഗ്രഹി​ക്കുന്ന വിധത്തിൽ നാം അവരോട്‌ പെരു​മാ​റണം എന്ന യേശു​വി​ന്റെ കൽപ്പന​യു​ടെ വെളി​ച്ച​ത്തിൽ, ശൃംഗാ​രി​യായ വിവാ​ഹിത വ്യക്തി തന്നോ​ടു​തന്നെ ഇങ്ങനെ ചോദി​ക്കു​ന്നത്‌ ഉചിത​മാ​യി​രി​ക്കും, ‘എന്റെ ഇണ മറ്റൊ​രാ​ളു​മാ​യി ഇങ്ങനെ ഇടപെ​ട്ടാൽ എനിക്ക്‌ എന്തു തോന്നും?’—സദൃശ​വാ​ക്യ​ങ്ങൾ 5:15-23; മത്തായി 7:12.

ഒരു വ്യക്തി അനുചി​ത​മായ ഒരു വൈകാ​രിക ബന്ധം വളർത്തി​യെ​ടു​ക്കു​ന്നു എങ്കിൽ അയാൾ എന്തു ചെയ്യണം? അനുചി​ത​മായ വൈകാ​രിക ബന്ധമുള്ള ഒരു വിവാ​ഹിത വ്യക്തി വാഹനം ഓടി​ക്കു​ന്ന​തി​നി​ട​യ്‌ക്ക്‌ ഉറങ്ങി​പ്പോ​കുന്ന ഡ്രൈ​വറെ പോ​ലെ​യാണ്‌. അയാൾ തന്റെ സാഹച​ര്യ​ത്തെ പൂർണ​മാ​യി മനസ്സി​ലാ​ക്കി തന്റെ വിവാ​ഹ​ബ​ന്ധ​വും ദൈവ​വു​മാ​യുള്ള ബന്ധവും തകരു​ന്ന​തി​നു മുമ്പെ സത്വര​വും നിർണാ​യ​ക​വു​മായ നടപടി കൈ​ക്കൊ​ള്ളണം. കണ്ണോ കയ്യോ പോലെ അമൂല്യ​മായ ഒന്ന്‌ ദൈവ​വു​മാ​യുള്ള ഒരുവന്റെ നല്ല നിലപാ​ടി​നെ നശിപ്പി​ക്കുന്ന പക്ഷം അതിനെ ചൂഴ്‌ന്നു​ക​ള​യണം അല്ലെങ്കിൽ വെട്ടി​ക്ക​ള​യണം എന്നു പറഞ്ഞ​പ്പോൾ യേശു കർശന​മായ നടപടി​യു​ടെ ആവശ്യത്തെ ചിത്രീ​ക​രി​ക്കു​ക​യാ​യി​രു​ന്നു.—മത്തായി 5:29, 30.

നിങ്ങൾ മറ്റേ വ്യക്തിയെ എവി​ടെ​വെച്ച്‌, എത്ര കൂടെ​ക്കൂ​ടെ കാണുന്നു എന്നതിന്‌ പരിധി കൽപ്പി​ക്കു​ന്നതു ബുദ്ധി​യാ​യി​രി​ക്കും. ആ വ്യക്തി​യോ​ടൊ​പ്പം തനിച്ചാ​യി​രി​ക്കു​ന്നത്‌ തീർച്ച​യാ​യും ഒഴിവാ​ക്കുക. ജോലി സ്ഥലത്തു​വെ​ച്ചാണ്‌ കണ്ടുമു​ട്ടു​ന്ന​തെ​ങ്കിൽ സംഭാ​ഷണം പരിമി​ത​പ്പെ​ടു​ത്തുക. ആ വ്യക്തി​യു​മാ​യുള്ള സകല ബന്ധങ്ങളും അവസാ​നി​പ്പി​ക്കേ​ണ്ട​തു​പോ​ലും അനിവാ​ര്യ​മാ​യി വന്നേക്കാം. അതിനു​ശേഷം, കണ്ണുക​ളു​ടെ മേലും ചിന്തക​ളി​ലും വികാ​ര​ങ്ങ​ളി​ലും പെരു​മാ​റ്റ​ത്തി​ലും കർശന​മായ ആത്മനി​യ​ന്ത്രണം പാലി​ക്കണം. (ഉല്‌പത്തി 39:7-12; സങ്കീർത്തനം 19:14; സദൃശ​വാ​ക്യ​ങ്ങൾ 4:23; 1 തെസ്സ​ലൊ​നീ​ക്യർ 4:4-6) വിവാ​ഹി​ത​നാ​യി​രുന്ന ഇയ്യോബ്‌ പിൻവ​രുന്ന പ്രകാരം പറഞ്ഞു​കൊണ്ട്‌ ഒരു ഉത്തമ ദൃഷ്ടാന്തം വെച്ചു: “ഞാൻ എന്റെ കണ്ണുമാ​യി ഒരു നിയമം ചെയ്‌തു; പിന്നെ ഞാൻ ഒരു കന്യകയെ നോക്കു​ന്ന​തെ​ങ്ങനെ?”—ഇയ്യോബ്‌ 31:1.

സ്‌പഷ്ട​മാ​യും, വിവാ​ഹി​ത​നായ ഒരു വ്യക്തിയെ സംബന്ധി​ച്ചി​ട​ത്തോ​ളം ശൃംഗ​രി​ക്കൽ ആപത്‌ക​ര​വും തിരു​വെ​ഴു​ത്തു വിരു​ദ്ധ​വു​മാണ്‌. എന്നാൽ, അവിവാ​ഹി​ത​രു​ടെ ഇടയിലെ ശൃംഗാ​രത്തെ ബൈബിൾ എങ്ങനെ​യാണ്‌ വീക്ഷി​ക്കു​ന്നത്‌? അതിനെ സ്വാഭാ​വി​ക​മോ നിരു​പ​ദ്ര​വ​ക​ര​മോ എതിർലിം​ഗ​ത്തിൽ പെട്ടവ​രു​മാ​യി ബന്ധങ്ങൾ സ്ഥാപി​ക്കു​ന്ന​തിന്‌ അനിവാ​ര്യ​മോ ആയ ഒന്നായി കണക്കാ​ക്ക​ണ​മോ? അത്‌ യഥാർഥ​ത്തിൽ ദോഷ​ക​ര​മാ​ണോ?

അവിവാ​ഹി​ത​രു​ടെ കാര്യ​ത്തി​ലോ?

വിവാഹം കഴിക്കാൻ ആഗ്രഹി​ക്കുന്ന ഏകാകി​ക​ളായ രണ്ട്‌ വ്യക്തികൾ അന്യോ​ന്യം പ്രേമ​പ​ര​മായ താത്‌പ​ര്യം കാണി​ക്കു​ന്ന​തിൽ തെറ്റൊ​ന്നു​മില്ല. എന്നാൽ അവർ അശുദ്ധ​മായ നടത്ത ഒഴിവാ​ക്കേ​ണ്ട​തുണ്ട്‌. (ഗലാത്യർ 5:19-21) വിവാഹം കേവലം ഒരു വിദൂര സാധ്യത ആയിരു​ന്നേ​ക്കാ​വുന്ന കോർട്ട്‌ഷി​പ്പി​ന്റെ ആദ്യ ഘട്ടങ്ങളി​ലാണ്‌ സാധ്യത അനുസ​രിച്ച്‌ അത്തരം താത്‌പ​ര്യം ഉടലെ​ടു​ക്കുക. ഉദ്ദേശ്യ​ങ്ങൾ നല്ലത്‌ ആയിരി​ക്കു​മ്പോൾ ഇത്‌ അനുചി​തം ആയിരി​ക്ക​ണ​മെ​ന്നില്ല. അത്തരം പെരു​മാ​റ്റം യഥാർഥ​ത്തിൽ ശൃംഗ​രാ​ത്മ​കമല്ല.

എന്നാൽ ഏകാകി​ക​ളായ രണ്ടു വ്യക്തികൾ വെറുതെ ഒരു രസത്തി​നു​വേണ്ടി പ്രേമ​പ​ര​മായ താത്‌പ​ര്യ​ങ്ങൾ കാണി​ക്കു​ന്നെ​ങ്കിൽ എന്ത്‌? അവർ അവിവാ​ഹി​തർ ആയതു​കൊണ്ട്‌ അത്‌ നിരു​പ​ദ്ര​വ​ക​ര​മാ​യി തോന്നി​യേ​ക്കാം. എന്നാൽ വൈകാ​രി​ക​മാ​യി വ്രണ​പ്പെ​ടു​ന്ന​തി​നുള്ള സാധ്യത പരിചി​ന്തി​ക്കുക. ശൃംഗ​രി​ക്കു​ന്ന​യാ​ളു​ടെ മുന്നേ​റ്റത്തെ അയാൾ ഉദ്ദേശി​ച്ച​തി​നെ​ക്കാൾ ഗൗരവ​ത്തോ​ടെ മറ്റെയാൾ എടുക്കു​ന്നെ​ങ്കിൽ അത്‌ തീവ്ര​ദുഃ​ഖ​ത്തി​നും ഹൃദയ​വേ​ദ​ന​യ്‌ക്കും ഇടയാ​ക്കും. സദൃശ​വാ​ക്യ​ങ്ങൾ 13:12-ലെ വാക്കുകൾ എത്ര സത്യമാണ്‌. അതിങ്ങനെ പറയുന്നു: “ആശാവി​ളം​ബനം ഹൃദയത്തെ ക്ഷീണി​പ്പി​ക്കു​ന്നു; ഇച്ഛാനി​വൃ​ത്തി​യോ ജീവവൃ​ക്ഷം തന്നേ”! തങ്ങളുടെ ബന്ധത്തെ അത്ര കാര്യ​മാ​യി എടുക്കു​ന്നി​ല്ലെന്ന പരസ്‌പര ധാരണ​യു​ള്ള​താ​യി ഇരുവ​രും പറഞ്ഞാൽ തന്നെയും മറ്റെയാ​ളു​ടെ യഥാർഥ വിചാ​ര​വി​കാ​രങ്ങൾ എന്താ​ണെന്ന്‌ അവരിൽ ആർക്കെ​ങ്കി​ലും ഉറപ്പു​ണ്ടാ​യി​രി​ക്കാൻ കഴിയു​മോ? ബൈബിൾ ഉത്തരം നൽകുന്നു: “ഹൃദയം എല്ലാറ​റി​നെ​ക്കാ​ളും കപടവും വിഷമ​വു​മു​ള്ളതു; അതു ആരാഞ്ഞ​റി​യു​ന്നവൻ ആർ?”—യിരെ​മ്യാ​വു 17:9; ഫിലി​പ്പി​യർ 2:4 താരത​മ്യം ചെയ്യുക.

പരസം​ഗ​ത്തിൽ ഏർപ്പെ​ടു​ന്ന​തി​ന്റെ അപകട​ത്തെ​ക്കു​റി​ച്ചും പരിചി​ന്തി​ക്കുക. അത്‌ രോഗം പിടി​പെ​ടു​ന്ന​തി​നോ അവിഹിത ഗർഭധാ​രണം നടക്കു​ന്ന​തി​നോ ഇടയാ​ക്കി​യേ​ക്കാം. തിരു​വെ​ഴു​ത്തു​കൾ പരസം​ഗത്തെ വിലക്കു​ന്നു. മനഃപൂർവം പരസം​ഗ​ത്തിൽ ഏർപ്പെ​ടു​ന്ന​വർക്ക്‌ ദൈവ​പ്രീ​തി നഷ്ടമാ​കു​ക​യും ചെയ്യും. പ്രലോ​ഭ​നത്തെ ചെറുത്തു നിൽക്കു​ന്ന​തിന്‌ ക്രിസ്‌ത്യാ​നി​കൾ “പരസംഗം . . . സംബന്ധിച്ച” തങ്ങളുടെ “അവയവ​ങ്ങളെ മരിപ്പി”ക്കണമെ​ന്നും പരസം​ഗ​ത്തി​ലേക്കു നയിക്കുന്ന “അത്യാ​ഗ്ര​ഹ​ത്തോ​ടെ​യുള്ള ലൈം​ഗിക തൃഷ്‌ണ” ഒഴിവാ​ക്ക​ണ​മെ​ന്നും അപ്പോ​സ്‌ത​ല​നായ പൗലൊസ്‌ ക്രിസ്‌ത്യാ​നി​കൾക്കു ബുദ്ധി​പൂർവം മുന്നറി​യി​പ്പു നൽകി. (കൊ​ലൊ​സ്സ്യർ 3:5, NW; 1 തെസ്സ​ലൊ​നീ​ക്യർ 4:3-5, NW) തെറ്റായ ആഗ്രഹം ജനിപ്പി​ക്കുന്ന വിധത്തിൽ പരസം​ഗ​ത്തി​ന്റെ “പേർ പറക​പോ​ലും അരുതു” എന്ന്‌ എഫെസ്യർ 5:3-ൽ അവൻ നമ്മെ ബുദ്ധ്യു​പ​ദേ​ശി​ക്കു​ന്നു. ശൃംഗ​രി​ക്കൽ ഈ ബുദ്ധ്യു​പ​ദേ​ശ​വു​മാ​യി ഒത്തു​പോ​കു​ന്നില്ല. ലൈം​ഗി​ക​ത​യെ​ക്കു​റി​ച്ചുള്ള അനാ​രോ​ഗ്യ​ക​ര​മായ സംഭാ​ഷണം പോലും ബൈബിൾ വിലക്കു​ന്നു.

ശൃംഗ​രി​ക്കു​ന്ന​വർ സഹമനു​ഷ്യ​രോ​ടു ക്രൂര​ത​യും വിവാ​ഹ​ത്തി​ന്റെ കാരണ​ഭൂ​ത​നായ യഹോ​വ​യോട്‌ അനാദ​ര​വും കാട്ടു​ക​യാ​ണെന്ന്‌ ബൈബിൾ തത്ത്വങ്ങൾ വെളി​പ്പെ​ടു​ത്തു​ന്നു. അനുചി​ത​മായ ശൃംഗാ​രം സംബന്ധിച്ച ബൈബി​ളി​ന്റെ വീക്ഷണം തീർച്ച​യാ​യും സ്‌നേ​ഹ​പു​ര​സ്സ​ര​വും ന്യായ​യു​ക്ത​വു​മാണ്‌. എന്തു​കൊ​ണ്ടെ​ന്നാൽ അത്‌ ആളുകളെ ദ്രോ​ഹ​ത്തിൽനി​ന്നു സംരക്ഷി​ക്കു​ന്നു. അതു​കൊണ്ട്‌, ദൈവത്തെ സ്‌നേ​ഹി​ക്കു​ന്നവർ അനുചി​ത​മായ ശൃംഗാ​ര​ത്തിൽ ഏർപ്പെ​ടു​ക​യില്ല. മറിച്ച്‌, അവർ എതിർലിം​ഗ​ത്തിൽ പെട്ടവ​രോട്‌ ചാരി​ത്ര​ശു​ദ്ധി​യോ​ടും ആദര​വോ​ടും കൂടി ഇടപെ​ടും.—1 തിമൊ​ഥെ​യൊസ്‌ 2:9, 10; 5:1, 2, NW.

[അടിക്കു​റി​പ്പു​കൾ]

[20-ാം പേജിലെ ചിത്ര​ത്തിന്‌ കടപ്പാട്‌]

© The Curtis Publishing Company