കേൾക്കു​ന്നവർ മാത്ര​മാ​യി​രി​ക്കാ​തെ, വചനം ചെയ്യു​ന്ന​വ​രാ​യി​രി​ക്കുക

“എന്നോട്‌ ‘കർത്താവേ, കർത്താവേ’ എന്ന്‌ പറയുന്ന ഏവനുമല്ല, സ്വർഗ്ഗ​സ്ഥ​നായ എന്റെ പിതാ​വി​ന്റെ ഇഷ്ടം ചെയ്യു​ന്ന​വ​ന​ത്രെ സ്വർഗ്ഗ​രാ​ജ്യ​ത്തിൽ പ്രവേ​ശി​ക്കു​ന്നത്‌.”—മത്തായി 7:21.

1. യേശു​വി​ന്റെ അനുഗാ​മി​കൾ എന്തു ചെയ്‌തു​കൊ​ണ്ടി​രി​ക്കണം?

ചോദി​ച്ചു​കൊ​ണ്ടി​രി​ക്കുക. അന്വേ​ഷി​ച്ചു​കൊ​ണ്ടി​രി​ക്കുക. മുട്ടി​ക്കൊ​ണ്ടി​രി​ക്കുക. പ്രാർത്ഥ​ന​യി​ലും പഠനത്തി​ലും ഗിരി​പ്ര​ഭാ​ഷ​ണ​ത്തിൽ രേഖ​പ്പെ​ടു​ത്തി​യി​രി​ക്കുന്ന യേശു​വി​ന്റെ വചനങ്ങൾ ചെയ്യു​ന്ന​തി​ലും ഉററി​രി​ക്കുക. തന്റെ അനുഗാ​മി​കൾ ഭൂമി​യു​ടെ ഉപ്പാകു​ന്നു​വെന്ന്‌ യേശു പറയുന്നു, ഉപ്പിനാൽ രുചി​വ​രു​ത്തിയ സംരക്ഷ​ണാ​ത്മ​ക​മായ ഒരു സന്ദേശ​ത്തോ​ടു​കൂ​ടിയ അവർ അതിന്റെ രുചി​യോ കേടു​വ​രാ​തെ സൂക്ഷി​ക്കു​ന്ന​തി​നുള്ള ശേഷി​യോ നഷ്ടപ്പെ​ടു​ത്തി വീര്യ​മി​ല്ലാ​ത്ത​വ​രാ​യി​ത്തീ​രാൻ അനുവ​ദി​ക്ക​രു​താ​യി​രു​ന്നു. അവർ ലോക​ത്തി​ന്റെ വെളി​ച്ച​മാ​കു​ന്നു, അവർ പറയു​ന്ന​തി​നാൽ മാത്രമല്ല അവർ ചെയ്യുന്ന കാര്യ​ങ്ങ​ളാ​ലും യേശു​ക്രി​സ്‌തു​വിൽനി​ന്നും യഹോ​വ​യാം ദൈവ​ത്തിൽനി​ന്നു​മുള്ള വെളിച്ചം പ്രതി​ഫ​ലി​പ്പി​ച്ചു​കൊ​ണ്ടു​തന്നെ. അവരുടെ പ്രബു​ദ്ധ​മായ വചനങ്ങ​ളെ​പ്പോ​ലെ​തന്നെ അവരുടെ സൽപ്ര​വൃ​ത്തി​ക​ളും ശോഭി​ക്കു​ന്നു—അധികം സംസാ​രി​ക്കു​ക​യും അൽപ്പം പ്രവർത്തി​ക്കു​ക​യും​ചെ​യ്യുന്ന മത-രാഷ്‌ട്രീയ നേതാ​ക്ക​ളു​ടെ പരീശ കപടഭക്തി പരിച​യ​പ്പെ​ട്ടി​രി​ക്കുന്ന ഒരു ലോക​ത്തിൽ അവ കൂടുതൽ ഉച്ചത്തിൽ സംസാ​രി​ച്ചേ​ക്കാം.—മത്തായി5:13-16.

2. യാക്കോബ്‌ എന്ത്‌ പ്രബോ​ധനം നൽകുന്നു, എന്നാൽ ചിലർ തെററാ​യി ഏത്‌ ആശ്വാ​സ​ക​ര​മായ നിലപാട്‌ സ്വീക​രി​ക്കു​ന്നു?

² യാക്കോബ്‌ പ്രബോ​ധി​പ്പി​ക്കു​ന്നു: “വ്യാജ ന്യായ​വാ​ദ​ത്താൽ നിങ്ങ​ളെ​ത്തന്നെ വഞ്ചിച്ചു​കൊണ്ട്‌ കേൾക്കു​ന്നവർ മാത്ര​മാ​യി​രി​ക്കാ​തെ വചനം ചെയ്യു​ന്ന​വ​രാ​യി​ത്തീ​രുക.” (യാക്കോബ്‌ 1:22) ‘ഒരിക്കൽ രക്ഷിക്ക​പ്പെ​ട്ടാൽ എന്നേക്കും രക്ഷിക്ക​പ്പെട്ടു’ എന്ന ഉപദേ​ശ​ത്താൽ അനേകർ തങ്ങളേ​ത്തന്നെ വഞ്ചിക്കു​ന്നു, തങ്ങൾക്ക്‌ സ്വർഗ്ഗീയ പ്രതി​ഫലം എന്നു കരുതുന്ന ഒന്നിനു​വേണ്ടി കാത്തി​രി​ക്കു​ക​യും ഇപ്പോൾ വിശ്ര​മി​ക്കു​ക​യും ചെയ്യാ​മെ​ന്ന​പോ​ലെ​തന്നെ. അത്‌ ഒരു വ്യാജ ഉപദേ​ശ​വും ശൂന്യ​പ്ര​ത്യാ​ശ​യു​മാണ്‌. യേശു പറഞ്ഞു: “അവസാ​നം​വരെ സഹിച്ചു​നിൽക്കു​ന്ന​വ​നാണ്‌ രക്ഷിക്ക​പ്പെ​ടു​ന്നത്‌.” (മത്തായി 24:13) നിത്യ​ജീ​വൻ സമ്പാദി​ക്കു​ന്ന​തിന്‌ നിങ്ങൾ “മരണം​വരെ പോലും വിശ്വ​സ്‌ത​രെന്ന്‌ നിങ്ങ​ളെ​ത്തന്നെ തെളിയി”ക്കണം.—വെളി​പ്പാട്‌ 2:10; എബ്രായർ 6:4-6;10:26, 27.

3. യേശു അടുത്ത​താ​യി ഗിരി​പ്ര​ഭാ​ഷ​ണ​ത്തിൽ വിധിക്കൽ സംബന്ധിച്ച്‌ എന്തു പ്രബോ​ധനം നൽകുന്നു?

³ യേശു തന്റെ ഗിരി​പ്ര​ഭാ​ഷണം തുടരവേ ക്രിസ്‌ത്യാ​നി​കൾ പിൻപ​റ​റാൻ കഠിന​ശ്രമം ചെയ്യേണ്ട കൂടുതൽ വചനങ്ങൾ നൽക​പ്പെട്ടു. ലളിത​മെന്നു തോന്നി​ക്കുന്ന ഒന്ന്‌ ഇവിടെ നൽകുന്നു, എന്നാൽ ഒഴിവാ​ക്കാൻ അത്യന്തം പ്രയാ​സ​ക​ര​മായ പ്രവണ​ത​ക​ളിൽ ഒന്നിനെ അതു കുററം വിധി​ക്കു​ന്നു: “നിങ്ങൾ വിധി​ക്ക​പ്പെ​ടാ​തി​രി​ക്കേ​ണ്ട​തിന്‌ വിധിക്കൽ നിർത്തുക; എന്തെന്നാൽ നിങ്ങൾ വിധി​ക്കുന്ന വിധി​യാൽ നിങ്ങളും വിധി​ക്ക​പ്പെ​ടും; നിങ്ങൾ അളന്നു​കൊ​ടു​ക്കുന്ന അളവി​നാൽ അവർ നിങ്ങൾക്കും അളന്നു​ത​രും; അപ്പോൾ നീ നിന്റെ സഹോ​ദ​രന്റെ കണ്ണിലെ വൈ​ക്കോൽ നോക്കു​ക​യും നിന്റെ സ്വന്തം കണ്ണിലെ കഴു​ക്കോൽ പരിഗ​ണി​ക്കാ​തി​രി​ക്കു​ക​യും ചെയ്യു​ന്ന​തെ​ന്തു​കൊണ്ട്‌? അല്ലെങ്കിൽ, നോക്കൂ! നിന്റെ സ്വന്തം കണ്ണിൽ ഒരു കഴു​ക്കോൽ ഇരിക്കു​മ്പോൾ നിന്റെ സഹോ​ദ​ര​നോട്‌ ‘നിന്റെ കണ്ണിൽനിന്ന്‌ വൈ​ക്കോൽ എടുക്കാൻ എന്നെ അനുവ​ദി​ക്കുക’ എന്ന്‌ നിനക്ക്‌ എങ്ങനെ പറയാൻ കഴിയും? കപടഭ​ക്തി​ക്കാ​രാ! ആദ്യമാ​യി നിന്റെ സ്വന്തം കണ്ണിൽനിന്ന്‌ കഴു​ക്കോൽ എടുത്തു​മാ​റ​റുക, അപ്പോൾ നിന്റെ സഹോ​ദ​രന്റെ കണ്ണിൽനിന്ന്‌ വൈ​ക്കോൽ എടുക്കാൻ നീ വ്യക്തമാ​യി കാണും.”—മത്തായി 7:1-5.

4. ലൂക്കോ​സി​ന്റെ വിവരണം കൂടു​ത​ലായ ഏത്‌ പ്രബോ​ധനം നൽകുന്നു, അതിന്റെ ബാധക​മാ​ക്കൽ എന്തിൽ കലാശി​ക്കു​ന്നു?

⁴ ഗിരി​പ്ര​ഭാ​ഷണം സംബന്ധിച്ച ലൂക്കോ​സി​ന്റെ വിവര​ണ​ത്തിൽ മററു​ള്ള​വ​രിൽ കുററം കണ്ടുപി​ടി​ക്കാ​തി​രി​ക്കാൻ യേശു തന്റെ ശ്രോ​താ​ക്ക​ളോ​ടു പറഞ്ഞു. പകരം, അവർ “മോചി​ച്ചു​കൊ​ണ്ടി​രി​ക്കട്ടെ,” അതായത്‌ അവരുടെ സഹമമ​നു​ഷ്യ​ന്റെ വീഴ്‌ചകൾ ക്ഷമിച്ചു​കൊ​ണ്ടി​രി​ക്കട്ടെ. യേശു പറഞ്ഞതു​പോ​ലെ മററു​ള്ളവർ ദയയോ​ടെ പ്രതി​ക​രി​ക്കാൻ ഇത്‌ ഇടയാ​ക്കും: “കൊടു​ക്കൽ ശീലി​ക്കുക, ആളുകൾ നിങ്ങൾക്കും നൽകും. അമർത്തി​ക്കു​ലു​ക്കി നിറഞ്ഞു​ക​വി​യുന്ന ഒരളവ്‌ അവർ നിങ്ങളു​ടെ മടിയിൽ ഇട്ടുത​രും. നിങ്ങൾ അളക്കുന്ന അളവി​നാൽ അവർ നിങ്ങൾക്കും തിരിച്ച്‌ അളന്നു​ത​രും.”—ലൂക്കോസ്‌ 6:37, 38.

5. നമ്മളി​ലു​ള്ള​തി​നെ​ക്കാൾ മററു​ള്ള​വ​രി​ലെ കുററങ്ങൾ കാണു​ന്നത്‌ വളരെ എളുപ്പ​മാ​യി​രി​ക്കു​ന്ന​തെ​ന്തു​കൊണ്ട്‌?

⁵ ക്രി.വ. ഒന്നാം നൂററാ​ണ്ടിൽ അലിഖിത പാരമ്പ​ര്യ​ങ്ങൾ നിമിത്തം പരീശൻമാർ മൊത്ത​ത്തിൽ മററു​ള്ള​വരെ രൂക്ഷമാ​യി വിമർശി​ക്കാൻ ചായ്‌വ്‌ കാണിച്ചു. അങ്ങനെ ചെയ്യുന്ന സ്വാഭാ​വ​മു​ണ്ടാ​യി​രുന്ന യേശു​വി​ന്റെ ശ്രോ​താ​ക്ക​ളിൽ ഏതൊ​രാ​ളും അത്‌ അവസാ​നി​പ്പി​ക്ക​ണ​മാ​യി​രു​ന്നു. നമ്മുടെ സ്വന്തം കണ്ണിലെ കഴു​ക്കോ​ലി​നെ​ക്കാൾ മററു​ള്ള​വ​രു​ടെ കണ്ണിലെ വൈ​ക്കോൽ കാണുക കൂടുതൽ എളുപ്പ​മാണ്‌—നമ്മുടെ ഞാനെന്ന ഭാവത്തെ കൂടുതൽ ഉറപ്പാ​ക്കു​ന്ന​തു​തന്നെ! ഒരു മനുഷ്യൻ പറഞ്ഞു: “മററു​ള്ള​വരെ വിമർശി​ക്കാൻ ഞാൻ ഇഷ്‌ട​പ്പെ​ടു​ന്നു, എന്തു​കൊ​ണ്ടെ​ന്നാൽ അത്‌ ഞാൻ വളരെ നല്ലവനാ​ണെന്ന്‌ തോന്നി​ക്കു​ന്നു!” പതിവാ​യി മററു​ള്ള​വരെ കുററ​പ്പെ​ടു​ത്തു​ന്നത്‌, നാം ഒളിച്ചു​വെ​ക്കാൻ ആഗ്രഹി​ക്കുന്ന നമ്മുടെ സ്വന്തം കുററങ്ങൾ നികത്തു​ന്ന​താ​യി തോന്നി​ക്കുന്ന ധർമ്മ​ബോ​ധം നമുക്ക്‌ നൽകി​യേ​ക്കാം. എന്നാൽ തിരുത്തൽ ആവശ്യ​മാ​ണെ​ങ്കിൽ അത്‌ സൗമ്യ​ത​യു​ടെ ആത്മാവിൽ നൽക​പ്പെ​ടണം. തിരുത്തൽ നൽകു​ന്ന​യാൾ തന്റെ സ്വന്തം വീഴ്‌ചകൾ സംബന്ധിച്ച്‌ എപ്പോ​ഴും ബോധ​മു​ള്ള​വ​നാ​യി​രി​ക്കണം.—ഗലാത്യർ 6:1.

വിധി​ക്കു​ന്ന​തി​നു മുമ്പ്‌ മനസ്സി​ലാ​ക്കാൻ ശ്രമി​ക്കു​ക

6. ആവശ്യ​മാ​യി വരു​മ്പോൾ എന്തിന്റെ അടിസ്ഥാ​ന​ത്തിൽ നമ്മുടെ വിധികൾ നടത്ത​പ്പെ​ടണം, അമിത​വി​മർശ​ക​രാ​കാ​തി​രി​ക്കുന്ന​തിന്‌ നാം ഏതു സഹായം തേടണം?

⁶ ലോകത്തെ വിധി​ക്കാ​നല്ല അതിനെ രക്ഷിക്കാ​ന​ത്രെ യേശു വന്നത്‌. അവൻ നടത്തിയ വിധികൾ അവന്റേ​ത​ല്ലാ​യി​രു​ന്നു, പിന്നെ​യോ ദൈവം അവന്‌ സംസാ​രി​ക്കാൻ നൽകിയ വചനത്തെ അടിസ്ഥാ​ന​പ്പെ​ടു​ത്തി​യാ​യി​രു​ന്നു. (യോഹ​ന്നാൻ 12:47-50) നാം നടത്തുന്ന ഏതു വിധി​ക​ളും യഹോ​വ​യു​ടെ വചനത്തിന്‌ ചേർച്ച​യി​ലാ​യി​രി​ക്കണം. നാം വിധി​പ്രി​യ​രാ​യി​രി​ക്കുന്ന മനുഷ്യ​പ്ര​വ​ണ​തയെ അടിച്ച​മർത്തേ​ണ്ട​തുണ്ട്‌. ഇതു ചെയ്യു​ന്ന​തിൽ യഹോ​വ​യു​ടെ സഹായ​ത്തി​നാ​യി നാം സ്ഥിരമാ​യി പ്രാർത്ഥി​ക്കണം: “ചോദി​ച്ചു​കൊ​ണ്ടി​രി​ക്കുക, അതു നിങ്ങൾക്ക്‌ നൽക​പ്പെ​ടും; അന്വേ​ഷി​ച്ചു​കൊ​ണ്ടി​രി​ക്കുക, നിങ്ങൾ കണ്ടെത്തും; മുട്ടി​ക്കൊ​ണ്ടി​രി​ക്കുക, അതു നിങ്ങൾക്ക്‌ തുറക്ക​പ്പെ​ടും. എന്തെന്നാൽ ചോദി​ച്ചു​കൊ​ണ്ടി​രി​ക്കുന്ന ഏവനും ലഭിക്കു​ന്നു, അന്വേ​ഷി​ച്ചു​കൊ​ണ്ടി​രി​ക്കുന്ന ഏവനും കണ്ടെത്തു​ന്നു, മുട്ടി​ക്കൊ​ണ്ടി​രി​ക്കുന്ന ഏവനും തുറക്ക​പ്പെ​ടും.” (മത്തായി 7:7, 8) യേശു​പോ​ലും പറഞ്ഞു: “എനിക്ക്‌ സ്വന്തമാ​യി മുൻകൈ എടുത്ത്‌ യാതൊ​ന്നും ചെയ്യാൻ കഴിയു​ക​യില്ല; ഞാൻ കേൾക്കു​ന്ന​തു​പോ​ലെ​തന്നെ ന്യായം​വി​ധി​ക്കു​ന്നു; ഞാൻ നടത്തുന്ന ന്യായ​വി​ധി നീതി​യു​ള്ള​താണ്‌, എന്തു​കൊ​ണ്ടെ​ന്നാൽ ഞാൻ എന്റെ സ്വന്ത ഇഷ്ടമല്ല എന്നെ അയച്ചവന്റെ ഇഷ്ടമാണ്‌ തേടു​ന്നത്‌.”—യോഹ​ന്നാൻ 5:30.

7. സുവർണ്ണ​നി​യമം ബാധക​മാ​ക്കു​ന്ന​തിൽ നമ്മെ സഹായി​ക്കുന്ന ഏതു സ്വഭാവം നാം നട്ടുവ​ളർത്തണം?

⁷ ആളുകളെ വിധി​ക്കുന്ന ശീലമല്ല, പിന്നെ​യോ നമ്മേത്തന്നെ അവരുടെ സ്ഥാനത്ത്‌ ആക്കി​ക്കൊണ്ട്‌ അവരെ മനസ്സി​ലാ​ക്കാൻ ശ്രമി​ക്കുന്ന ശീലം നാം നട്ടുവ​ളർത്തണം—അത്ര എളുപ്പ​മുള്ള ഒരു സംഗതി​യല്ല—എന്നാൽ യേശു അടുത്ത​താ​യി പ്രസ്‌താ​വിച്ച സുവർണ്ണ നിയമം നാം അനുസ​രി​ക്ക​ണ​മെ​ങ്കിൽ ഒരു അവശ്യ​സം​ഗ​തി​തന്നെ: “അതു​കൊണ്ട്‌ മനുഷ്യർ നിങ്ങൾക്ക്‌ ചെയ്യണ​മെന്ന്‌ നിങ്ങൾ ആഗ്രഹി​ക്കുന്ന എല്ലാ കാര്യ​ങ്ങ​ളും നിങ്ങൾ അവ്വണ്ണം​തന്നെ അവർക്കും ചെയ്യണം; വാസ്‌ത​വ​ത്തിൽ ഇതാണ്‌ ന്യായ​പ്ര​മാ​ണ​വും പ്രവാ​ച​കൻമാ​രും അർത്ഥമാ​ക്കു​ന്നത്‌.” (മത്തായി 7:12) അതു​കൊണ്ട്‌ യേശു​വി​ന്റെ അനുഗാ​മി​കൾ വേദക​ത്വ​മു​ള്ള​വ​രാ​യി​രി​ക്കു​ക​യും മററു​ള്ള​വ​രു​ടെ മാനസി​ക​വും വൈകാ​രി​ക​വും ആത്മീയ​വു​മായ അവസ്ഥ തിരി​ച്ച​റി​യു​ക​യും വേണം. അവർ മററു​ള്ള​വ​രു​ടെ ആവശ്യങ്ങൾ മനസ്സി​ലാ​ക്കു​ക​യും ഗ്രഹി​ക്കു​ക​യും അവരെ സഹായി​ക്കു​ന്ന​തിൽ വ്യക്തി​പ​ര​മായ താത്‌പ​ര്യ​മെ​ടു​ക്കു​ക​യും വേണം. (ഫിലി​പ്പി​യർ 2:2-4) വർഷങ്ങൾക്കു​ശേഷം പൗലോസ്‌ എഴുതി: “‘നീ നിന്റെ അയൽക്കാ​രനെ നിന്നേ​പ്പോ​ലെ​തന്നെ സ്‌നേ​ഹി​ക്കണം’ എന്ന ഒരു വചനത്തിൽ മുഴു ന്യായ​പ്ര​മാ​ണ​വും നിവൃ​ത്തി​യേ​റു​ന്നു.”—ഗലാത്യർ 5:14.

8. യേശു ഏതു രണ്ടു വഴിക​ളെ​ക്കു​റിച്ച്‌ ചർച്ച​ചെ​യ്‌തു, ഭൂരി​പക്ഷം ആളുക​ളും അവയിൽ ഒന്ന്‌ തെര​ഞ്ഞെ​ടു​ക്കു​ന്നത്‌ എന്തു​കൊണ്ട്‌?

⁸ “ഇടുങ്ങിയ വാതി​ലി​ലൂ​ടെ അകത്തു​ക​ട​ക്കുക” എന്ന്‌ യേശു അടുത്ത​താ​യി പറഞ്ഞു, “എന്തു​കൊ​ണ്ടെ​ന്നാൽ നാശത്തി​ലേക്ക്‌ നയിക്കുന്ന പാത വീതി​യു​ള്ള​തും വിശാ​ല​വു​മാ​കു​ന്നു, അതിലൂ​ടെ പോകു​ന്നവർ അനേക​രാ​ണു​താ​നും; അതേസ​മയം ജീവനി​ലേക്കു നയിക്കുന്ന വാതിൽ ഇടുങ്ങി​യ​തും പാത ഞെരു​ക്ക​മു​ള്ള​തു​മാ​കു​ന്നു, അതു കണ്ടെത്തു​ന്നവർ ചുരു​ക്ക​മ​ത്രെ.” (മത്തായി 7:13, 14) അക്കാലത്ത്‌ അനേകർ നാശത്തി​ലേക്കു നയിക്കുന്ന പാത തെര​ഞ്ഞെ​ടു​ത്തു, അനേകർ ഇപ്പോ​ഴും അതു ചെയ്യുന്നു. വീതി​യുള്ള വഴി ഇഷ്ടം​പോ​ലെ ചിന്തി​ക്കാ​നും ഇഷ്ടം​പോ​ലെ ജീവി​ക്കാ​നും ആളുകളെ അനുവ​ദി​ക്കു​ന്നു: ചട്ടങ്ങളില്ല, ചുമത​ല​ക​ളില്ല, വെറും അനായാ​സ​മായ ഒരു ജീവി​ത​രീ​തി, എല്ലാം എളുപ്പം. ഇവരിൽ ആരും അവർക്കാ​യുള്ള “ഇടുങ്ങിയ വാതി​ലി​ലൂ​ടെ പ്രവേ​ശി​ക്കാൻ തീവ്ര​യ​ത്‌നം ചെയ്യു”ന്നില്ല!—ലൂക്കോസ്‌ 13:24.

9. ഇടുങ്ങിയ വഴിയി​ലൂ​ടെ നടക്കു​ന്ന​തിന്‌ എന്ത്‌ ആവശ്യ​മാ​യി​രി​ക്കു​ന്നു, അതിൽ നടക്കു​ന്ന​വർക്ക്‌ യേശു എന്ത്‌ മുന്നറി​യി​പ്പു​നൽകി?

⁹ എന്നാൽ നിത്യ​ജീ​വ​നി​ലേ​ക്കുള്ള വഴിയി​ലേക്കു തുറക്കു​ന്നത്‌ ഇടുങ്ങിയ വാതി​ലാണ്‌. അത്‌ ആത്മനി​യ​ന്ത്രണം ആവശ്യ​മാ​ക്കി​ത്തീർക്കുന്ന ഒരു ഗതിയാണ്‌. അത്‌ നിങ്ങളു​ടെ ആന്തരങ്ങളെ ചുഴിഞ്ഞു പരി​ശോ​ധി​ക്കു​ന്ന​തും നിങ്ങളു​ടെ സമർപ്പ​ണ​ത്തി​ന്റെ വീര്യം പരി​ശോ​ധി​ക്കു​ന്ന​തു​മായ ശിക്ഷണം ആവശ്യ​മാ​ക്കി​ത്തീർത്തേ​ക്കാം. പീഡനങ്ങൾ വരു​മ്പോൾ വഴി പരുക്ക​നാ​വു​ക​യും സഹിഷ്‌ണുത ആവശ്യ​മാ​യി​ത്തീ​രു​ക​യും​ചെ​യ്യു​ന്നു. ഈ വഴിയിൽ നടക്കു​ന്ന​വർക്ക്‌ യേശു മുന്നറി​യി​പ്പു​നൽകു​ന്നു: “ആടുക​ളു​ടെ വേഷത്തിൽ വരുന്ന വ്യാജ​പ്ര​വാ​ച​കൻമാ​രെ സൂക്ഷി​ച്ചു​കൊൾവിൻ, അകമെ അവർ കടിച്ചു​കീ​റുന്ന ചെന്നാ​യ്‌ക്കൾ ആകുന്നു.” (മത്തായി 7:15) ഈ വർണ്ണന പരീശൻമാർക്ക്‌ പൂർണ്ണ​മാ​യി യോജി​ച്ചു. (മത്തായി 23:27, 28) അവർ “മോശ​യു​ടെ ഇരിപ്പി​ട​ത്തിൽ തങ്ങളെ​ത്തന്നെ ഇരുത്തി​യി​രു​ന്നു,” മനുഷ്യ​രു​ടെ പാരമ്പ​ര്യ​ങ്ങൾ പിൻപ​റ​റവേ ദൈവ​ത്തി​നു​വേണ്ടി സംസാ​രി​ക്കു​ന്ന​താ​യി അവകാ​ശ​പ്പെ​ട്ടു​കൊ​ണ്ടു​തന്നെ.—മത്തായി 23:2.

പരീശൻമാർ “രാജ്യം അടച്ചു​കളഞ്ഞ” വിധം

10. ഏതു പ്രത്യേക വിധത്തിൽ ‘മനുഷ്യ​രു​ടെ മുമ്പാകെ രാജ്യം അടച്ചു​ക​ള​യാൻ’ ശാസ്‌ത്രി​മാ​രും പരീശൻമാ​രും ശ്രമിച്ചു?

¹⁰ അതിലു​പരി ഇടുങ്ങിയ വാതി​ലി​ലൂ​ടെ പ്രവേ​ശി​ക്കാൻ ശ്രമി​ച്ച​വരെ യഹൂദ പുരോ​ഹി​ത​വർഗ്ഗം തടയാൻ ശ്രമിച്ചു. “കപടഭ​ക്ത​രായ ശാസ്‌ത്രി​മാ​രും പരീശൻമാ​രു​മാ​യു​ള്ളോ​രേ, നിങ്ങൾക്ക്‌ കഷ്ടം! എന്തെന്നാൽ നിങ്ങൾ മനുഷ്യ​രു​ടെ മുമ്പാകെ സ്വർഗ്ഗ​രാ​ജ്യം അടച്ചു​ക​ള​യു​ന്നു; നിങ്ങൾതന്നെ പ്രവേ​ശി​ക്കു​ന്നില്ല, പ്രവേ​ശി​ക്കാൻ പോകു​ന്ന​വരെ നിങ്ങൾ അനുവ​ദി​ക്കു​ന്നു​മില്ല.” (മത്തായി 23:13) പരീശൻമാ​രു​ടെ രീതി യേശു മുന്നറിയിപ്പുനൽകിയതുപോലെതന്നെയായിരുന്നു. അവർ “മനുഷ്യ​പു​ത്രൻ നിമിത്തം [അവന്റെ ശിഷ്യൻമാ​രു​ടെ] പേര്‌ ദുഷി​ച്ച​തെന്ന നിലയിൽ തിരസ്‌ക്ക​രി​ക്കു”മായി​രു​ന്നു. (ലൂക്കോസ്‌ 6:22) അന്ധനായി ജനിച്ച്‌ ക്രിസ്‌തു​വി​നാൽ സൗഖ്യ​മാ​ക്ക​പ്പെട്ട മനുഷ്യൻ യേശു മശിഹാ​യാ​ണെന്ന്‌ വിശ്വ​സി​ച്ച​തു​കൊണ്ട്‌ അവർ അവനെ സിന​ഗോ​ഗിൽനിന്ന്‌ പുറത്താ​ക്കി. സിന​ഗോ​ഗിൽനി​ന്നുള്ള ബഹിഷ്‌ക്ക​രണം ഭയപ്പെ​ട്ടി​രു​ന്ന​തു​കൊണ്ട്‌ അവന്റെ മാതാ​പി​താ​ക്കൾ ഒരു ചോദ്യ​ത്തിന്‌ ഉത്തരം പറയു​ന്നി​ല്ലാ​യി​രു​ന്നു. അതേ കാരണ​ത്താൽ യേശു​വി​നെ മശിഹാ​യാ​യി വിശ്വ​സിച്ച മററു​ള്ളവർ പരസ്യ​മാ​യി അതു സമ്മതി​ക്കാൻ വിസമ്മ​തി​ച്ചു.—യോഹ​ന്നാൻ 9:22, 34; 12:42; 16:2.

11. ക്രൈ​സ്‌ത​വ​ലോ​ക​ത്തി​ലെ പുരോ​ഹി​തൻമാർ ഏത്‌ തിരി​ച്ച​റി​യി​ക്കൽഫ​ലങ്ങൾ ഉത്‌പാ​ദി​പ്പി​ക്കു​ന്നു?

¹¹ “അവരുടെ ഫലങ്ങളാൽ നിങ്ങൾ അവരെ തിരി​ച്ച​റി​യും” എന്ന്‌ യേശു പറഞ്ഞു. “ഏതു നല്ല വൃക്ഷവും നല്ല ഫലം ഉല്‌പാ​ദി​പ്പി​ക്കു​ന്നു, എന്നാൽ ഏതു ചീത്ത വൃക്ഷവും വിലകെട്ട ഫലം ഉത്‌പാ​ദി​പ്പി​ക്കു​ന്നു.” (മത്തായി 7:16-20) അതേ തത്വം ഇന്നും ബാധക​മാ​കു​ന്നു. ക്രൈ​സ്‌ത​വ​ലോ​ക​ത്തി​ലെ പുരോ​ഹി​തൻമാ​രിൽ അനേക​രും ഒരു സംഗതി പറയുന്നു, മറെറാ​രു സംഗതി ചെയ്യുന്നു. ബൈബിൾ പഠിപ്പി​ക്കു​ന്നു​വെന്ന്‌ അവകാ​ശ​പ്പെ​ടു​ന്നു​വെ​ങ്കി​ലും അവർ ത്രിത്വ​വും തീനര​ക​വും പോലുള്ള ദൈവ​ദൂ​ഷ​ണങ്ങൾ പ്രചരി​പ്പി​ക്കു​ന്നു. മററു ചിലർ മറുവി​ലയെ നിഷേ​ധി​ക്കു​ന്നു, സൃഷ്ടിക്കു പകരം പരിണാ​മം പഠിപ്പി​ക്കു​ന്നു, കാതു​കളെ രസിപ്പി​ക്കുന്ന ജനപ്രീ​തി​യുള്ള മനഃശാ​സ്‌ത്രം പ്രസം​ഗി​ക്കു​ക​യും ചെയ്യുന്നു. പരീശൻമാ​രെ​പ്പോ​ലെ ഇന്നത്തെ പുരോ​ഹി​തൻമാ​രിൽ അനേക​രും പണസ്‌നേ​ഹി​ക​ളാണ്‌, തങ്ങളുടെ ആടുക​ളു​ടെ ദശലക്ഷ​ക്ക​ണ​ക്കിന്‌ ഡോളർ കൊള്ള​യ​ടി​ക്കു​ന്ന​വർതന്നെ. (ലൂക്കോസ്‌ 16:14) അവരെ​ല്ലാ​വ​രും “കർത്താവേ, കർത്താവേ” എന്ന്‌ അലറി​വി​ളി​ക്കു​ന്നു, എന്നാൽ അവരോ​ടുള്ള യേശു​വി​ന്റെ പ്രതി​ക​രണം ഇതാണ്‌: “ഞാൻ നിങ്ങളെ ഒരിക്ക​ലും അറിഞ്ഞി​ട്ടില്ല! അധർമ്മം​പ്ര​വർത്തി​ക്കു​ന്ന​വരേ, എന്നിൽനിന്ന്‌ അകന്നു​പോ​കു​വിൻ.”—മത്തായി 7:21-23.

12. ഒരിക്കൽ ഇടുങ്ങിയ വഴിയി​ലൂ​ടെ നടന്നി​രുന്ന ചിലർ അത്‌ നിറു​ത്തി​യത്‌ എന്തു​കൊണ്ട്‌, എന്തു ഫലത്തോ​ടെ?

¹² ഇടുങ്ങിയ വഴിയി​ലൂ​ടെ ഒരിക്കൽ സഞ്ചരി​ച്ചി​രുന്ന ചിലർ ഇന്ന്‌ അങ്ങനെ ചെയ്യു​ന്നത്‌ നിർത്തി​യി​ട്ടുണ്ട്‌. തങ്ങൾ യഹോ​വയെ സ്‌നേ​ഹി​ക്കു​ന്നു​വെന്ന്‌ അവർ പറയുന്നു, എന്നാൽ പ്രസം​ഗി​ക്കാ​നുള്ള അവന്റെ കല്‌പന അനുസ​രി​ക്കു​ന്നില്ല. തങ്ങൾ യേശു​വി​നെ സ്‌നേ​ഹി​ക്കു​ന്നു​വെന്ന്‌ അവർ പറയുന്നു, എന്നാൽ അവർ അവന്റെ ആടുകളെ പോറ​റു​ന്നില്ല. (മത്തായി 24:14; 28:19, 20; യോഹ​ന്നാൻ 21:15-17; 1 യോഹ​ന്നാൻ 5:3) യേശു​വി​ന്റെ കാലടി​ക​ളിൽ നടക്കു​ന്ന​വ​രോ​ടു​കൂ​ടെ അമിക്ക​പ്പെ​ടാൻ അവർ ആഗ്രഹി​ക്കു​ന്നില്ല. ഞെരു​ക്ക​മുള്ള വഴി വളരെ​യ​ധി​കം ഞെരു​ങ്ങി​യ​താ​യി അവർ കണ്ടെത്തു​ന്നു. നല്ല പ്രവൃ​ത്തി​യിൽ അവർ തളർന്നു, അതു​കൊണ്ട്‌ അവർ “നമ്മുടെ ഇടയിൽനിന്ന്‌ പുറത്തു​പോ​യി, എന്നാൽ അവർ നമ്മുടെ തരക്കാ​ര​ല്ലാ​യി​രു​ന്നു. എന്തെന്നാൽ അവർ നമ്മുടെ തരക്കാ​രാ​യി​രു​ന്നെ​ങ്കിൽ നമ്മോ​ടു​കൂ​ടെ കഴിയു​മാ​യി​രു​ന്നു.” (1 യോഹ​ന്നാൻ 2:19) അവർ അന്ധകാ​ര​ത്തി​ലേക്കു തിരി​ച്ചു​പോ​യി, “ആ അന്ധകാരം എത്ര വലുതാണ്‌!” (മത്തായി 6:23) അവർ യോഹ​ന്നാ​ന്റെ അപേക്ഷ അവഗണി​ച്ചു: “കുഞ്ഞു​മ​ക്കളേ, നമുക്ക്‌ വാക്കി​നാ​ലോ നാവി​നാ​ലോ അല്ല പ്രവൃ​ത്തി​യി​ലും സത്യത്തി​ലും സ്‌നേ​ഹി​ക്കാം.”—1 യോഹ​ന്നാൻ 3:18.

13, 14. നമ്മുടെ ജീവി​ത​ത്തിൽ തന്റെ വചനങ്ങൾ ബാധക​മാ​ക്കു​ന്ന​തു​സം​ബ​ന്ധിച്ച്‌ യേശു ഏത്‌ ഉപമ നൽകി, പലസ്‌തീ​നി​ലു​ള്ള​വർക്ക്‌ അത്‌ യോജി​ച്ച​താ​യി​രു​ന്ന​തെ​ന്തു​കൊണ്ട്‌?

¹³ യേശു നാടകീ​യ​മായ ഒരു ഉപമ​യോ​ടെ അവന്റെ ഗിരി​പ്ര​ഭാ​ഷണം ഉപസം​ഹ​രി​ച്ചു: “എന്റെ ഈ വചനങ്ങൾ കേട്ട്‌ ചെയ്യുന്ന ഏവനും പാറക്കൂ​ട്ട​ത്തിൻമേൽ തന്റെ ഭവനം നിർമ്മിച്ച വിവേ​ക​മുള്ള മനുഷ്യ​നെ​പ്പോ​ലെ ആയിരി​ക്കും. മഴപെ​യ്‌തു, വെള്ളം പൊങ്ങി, കാററ്‌ അടിച്ചു, ആ വീടിൻമേൽ ആഞ്ഞ്‌ പതിച്ചു, എന്നാൽ അത്‌ പാറക്കൂ​ട്ട​ത്തിൻമേൽ അടിസ്ഥാ​ന​മു​ള്ള​താ​യി​രു​ന്ന​തി​നാൽ വീണില്ല.”—മത്തായി 7:24, 25.

¹⁴ പലസ്‌തീ​നിൽ കനത്ത മഴക്ക്‌ കുത്തി​യൊ​ഴു​കുന്ന താഴ്‌വ​ര​ക​ളിൽനിന്ന്‌ പെട്ടെ​ന്നുള്ള വിനാ​ശ​ക​ര​മായ പ്രളയ​ങ്ങ​ളാ​യി വെള്ളം ഉയർത്താൻ കഴിയു​മാ​യി​രു​ന്നു. വീടുകൾ നിലനിൽക്ക​ണ​മെ​ങ്കിൽ അവക്ക്‌ ഉറപ്പുള്ള പാറയിൽ അടിസ്ഥാ​നങ്ങൾ ആവശ്യ​മാ​യി​രു​ന്നു. ഒരു പ്രത്യേക മനുഷ്യൻ “ആഴത്തിൽ കുഴിച്ച പാറക്കൂ​ട്ട​ത്തിൽ അടിസ്ഥാ​നം സ്ഥാപി”ച്ചതായി ലൂക്കോ​സി​ന്റെ വിവരണം പ്രകട​മാ​ക്കു​ന്നു. (ലൂക്കോസ്‌ 6:48) അത്‌ കഠിന​വേ​ല​യാ​യി​രു​ന്നു, എന്നാൽ കൊടു​ങ്കാ​റ​റു​വ​ന്ന​പ്പോൾ അത്‌ പ്രയോ​ജ​ന​ക​ര​മാ​യി​രു​ന്നു. അതു​കൊണ്ട്‌ യേശു​വി​ന്റെ വചനങ്ങ​ളു​ടെ​മേൽ ക്രിസ്‌തീയ ഗുണങ്ങൾ കെട്ടു​പ​ണി​ചെ​യ്യു​ന്നത്‌, കഷ്ടകാ​ല​മാ​കുന്ന പെട്ടെ​ന്നുള്ള പ്രളയം ആഞ്ഞടി​ക്കു​മ്പോൾ പ്രതി​ഫ​ല​ദാ​യ​ക​മാ​യി​രി​ക്കും.

15. യേശു​വി​ന്റെ വചനങ്ങൾ അനുസ​രി​ക്കു​ന്ന​തി​നു പകരം മനുഷ്യ​രു​ടെ പാരമ്പ​ര്യ​ങ്ങൾ പിൻപ​റ​റി​യ​വർക്കുള്ള ഫലം എന്തായി​രി​ക്കും?

¹⁵ മറേറ ഭവനം മണലിൻമേൽ പണിയ​പ്പെട്ടു: “എന്റെ ഈ വചനങ്ങൾ കേട്ട്‌ ചെയ്യാത്ത ഏവനും മണലിൻമേൽ തന്റെ ഭവനം നിർമ്മിച്ച ഭോഷ​നായ മനുഷ്യ​നെ​പ്പോ​ലെ​യാ​യി​രി​ക്കും. മഴ പെയ്‌തു, വെള്ളം പൊങ്ങി, കാററ​ടി​ച്ചു, ആ വീടിൻമേൽ ആഞ്ഞുപ​തി​ച്ചു, അത്‌ വീണു​പോ​യി, അതിന്റെ തകർച്ച വലിയ​താ​യി​രു​ന്നു. അതു​കൊണ്ട്‌ “കർത്താവേ, കർത്താവേ” എന്നു പറയു​ന്ന​വ​രും യേശു​വി​ന്റെ വചനം ചെയ്യു​ന്ന​തിൽ പരാജ​യ​പ്പെ​ടു​ന്ന​വ​രു​മാ​യ​വർക്ക്‌ അപ്രകാ​ര​മാ​യി​രി​ക്കും.—മത്തായി 7:26, 27.

“അവരുടെ ശാസ്‌ത്രി​മാ​രെ​പ്പോ​ലെയല്ല”

16. ഗിരി​പ്ര​ഭാ​ഷണം കേട്ടവ​രു​ടെ​മേ​ലുള്ള ഫലം എന്തായി​രു​ന്നു?

¹⁶ ഗിരി​പ്ര​ഭാ​ഷ​ണ​ത്തി​ന്റെ ഫലമെ​ന്താ​യി​രു​ന്നു? “യേശു ഈ വചനങ്ങൾ പൂർത്തീ​ക​രി​ച്ച​പ്പോൾ ജനക്കൂട്ടം അവന്റെ പഠിപ്പി​ക്കൽ രീതി​യിൽ വിസ്‌മ​യി​ച്ചു​വെ​ന്ന​താ​യി​രുന്ന ഫലം; എന്തു​കൊ​ണ്ടെ​ന്നാൽ അവൻ അവരുടെ ശാസ്‌ത്രി​മാ​രെ​പ്പോ​ലെയല്ല, പിന്നെ​യോ അധികാ​ര​മുള്ള ഒരാ​ളെ​പ്പോ​ലെ​യാ​യി​രു​ന്നു പഠിപ്പി​ച്ചത്‌.” (മത്തായി 7:28, 29) തങ്ങൾ മുമ്പ്‌ അറിഞ്ഞി​ട്ടി​ല്ലാത്ത വിധം അധികാ​ര​ത്തോ​ടെ സംസാ​രി​ച്ച​വ​നാൽ അവർ ആഴമായി ഉണർത്ത​പ്പെട്ടു.

17. തങ്ങളുടെ ഉപദേ​ശ​ത്തിന്‌ സാധുത നൽകു​വാൻ ശാസ്‌ത്രി​മാർ എന്തു ചെയ്യേ​ണ്ടി​യി​രു​ന്നു, ഉദ്ധരി​ക്ക​പ്പെട്ട മരിച്ചു​പോയ വിശു​ദ്ധരെ സംബന്ധിച്ച്‌ അവർ എന്തവകാ​ശ​പ്പെട്ടു?

¹⁷ ഈ ചരി​ത്ര​രേഖ പ്രകട​മാ​ക്കു​ന്ന​പ്ര​കാ​രം ഒരു ശാസ്‌ത്രി​യും സ്വന്ത അധികാ​ര​ത്തിൽ ഒരിക്ക​ലും സംസാ​രി​ച്ചി​ട്ടില്ല: “ശാസ്‌ത്രി​മാർ അവരുടെ ഉപദേ​ശ​ങ്ങ​ളു​ടെ ബഹുമതി പാരമ്പ​ര്യ​ങ്ങ​ളിൽനി​ന്നും അവരുടെ പിതാ​ക്കൻമാ​രിൽനി​ന്നും കടമെ​ടു​ത്തു: ഏതു ശാസ്‌ത്രി​യു​ടെ​യും ഒരു പ്രസം​ഗ​ത്തി​നും [പരാമർശം] കൂടാതെ യാതൊ​രു അധികാ​ര​മോ മൂല്യ​മോ ഇല്ലായി​രു​ന്നു . . . റബ്ബിമാർക്ക്‌ ഒരു പാരമ്പ​ര്യ​മുണ്ട്‌, അല്ലെങ്കിൽ . . . ജ്ഞാനി​ക​ളു​ടെ മൊഴി​യുണ്ട്‌; അല്ലെങ്കിൽ ആ സ്വഭാ​വ​ത്തി​ലുള്ള ഏതെങ്കി​ലും പരമ്പരാ​ഗത വെളി​പ്പാ​ടുണ്ട്‌. മഹാനായ ഹിലേൽ സത്യമാ​യും, ഒരു കാര്യം​സം​ബ​ന്ധിച്ച്‌ പാരമ്പ​ര്യ​പ്ര​കാ​ര​വും, പഠിപ്പി​ച്ചു; ‘എന്നാൽ അയാൾ ദിവസം മുഴു​വ​നും അതേക്കു​റിച്ച്‌ പ്രസം​ഗി​ച്ചെ​ങ്കി​ലും, . . . അവർക്ക്‌ അയാളു​ടെ ഉപദേ​ശമല്ല ലഭിച്ചത്‌, ഒടുവിൽ ഞാൻ ഷെമയ്യാ​യിൽനി​ന്നും അബ്‌താ​ലി​യ​നിൽനി​ന്നും [ഹിലേ​ലി​നു മുമ്പുള്ള അധികാ​രി​കൾ] അങ്ങനെ കേട്ടു​വെന്ന്‌ അയാൾ പറയു​ന്ന​തു​വരെ.’” (ജോൺ ലൈററ്‌ ഫുട്ടിന്റെ തൽമൂ​ദിൽനി​ന്നും ഹെബ്രാ​യി​ക്കാ​യിൽനി​ന്നു​മുള്ള ഒരു പുതിയ നിയമ​വ്യാ​ഖ്യാ​നം) പരീശൻമാർ ദീർഘ​കാ​ലം മുമ്പു മരിച്ച ജ്ഞാനി​ക​ളെ​ക്കു​റി​ച്ചു​പോ​ലും അവകാ​ശ​വാ​ദം മുഴക്കി: “നീതി​മാൻമാ​രു​ടെ അധരങ്ങൾ അവരുടെ പേരിൽ ആരെങ്കി​ലും ന്യായ​പ്ര​മാ​ണ​ത്തി​ന്റെ ഉപദേശം പരാമർശി​ക്കു​മ്പോൾ—കുഴി​യിൽ അവരുടെ അധരങ്ങൾ അവരോ​ടൊ​പ്പം പിറു​പി​റു​ക്കു​ന്നു.”—തോറാ—ഫ്രം സ്‌​ക്രോൾ ററു സിംബൽ ഇൻ ഫോർമേ​റ​റീവ്‌ ജൂഡേ​യി​സം.

18. (എ) ശാസ്‌ത്രി​മാ​രു​ടെ​യും യേശു​വി​ന്റെ​യും പഠിപ്പി​ക്കൽ തമ്മിൽ എന്തു വ്യത്യാ​സം ഉണ്ടായി​രു​ന്നു? (ബി) യേശു​വി​ന്റെ പഠിപ്പി​ക്കൽ വളരെ മികച്ച​താ​യി​രു​ന്നത്‌ ഏതു വിധങ്ങ​ളിൽ?

¹⁸ ശാസ്‌ത്രി​മാർ മരിച്ചു​പോയ മനുഷ്യ​രെ പ്രാമാ​ണി​കൻമാ​രാ​യി ഉദ്ധരിച്ചു; യേശു ജീവനുള്ള ദൈവ​ത്തിൽനി​ന്നുള്ള അധികാ​ര​ത്തോ​ടെ സംസാ​രി​ച്ചു. (യോഹ​ന്നാൻ 12:49, 50; 14:10) റബ്ബിമാർ അടച്ച നീർത്തൊ​ട്ടി​യിൽനിന്ന്‌ ചീത്തയായ വെള്ളം കോരി​യെ​ടു​ത്തു; യേശു ഒരു ആന്തരി​ക​ദാ​ഹം ശമിപ്പിച്ച ശുദ്ധജ​ല​ത്തി​ന്റെ ഉറവുകൾ ആനയിച്ചു. അവൻ പ്രാർത്ഥി​ക്കു​ക​യും രാത്രി​യിൽ ഉടനീളം ധ്യാനി​ക്കു​ക​യും ചെയ്‌തു, അവൻ സംസാ​രി​ച്ച​പ്പോൾ ആളുകൾ മുമ്പൊ​രി​ക്ക​ലും അറിഞ്ഞി​ട്ടി​ല്ലാ​ത്ത​വി​ധം അവരുടെ ഉള്ളിൽതട്ടി. അവർക്ക്‌ അനുഭ​വി​ക്കാൻ കഴിഞ്ഞ ഒരു ശക്തി​യോ​ടെ​യും ശാസ്‌ത്രി​മാ​രും പരീശൻമാ​രും സദൂക്യ​രും പോലും ഒടുവിൽ വെല്ലു​വി​ളി​ക്കാൻ ഭയപ്പെട്ട ഒരു അധികാ​ര​ത്തോ​ടെ​യും അവൻ സംസാ​രി​ച്ചു. (മത്തായി 22:46; മർക്കോസ്‌ 12:34; ലൂക്കോസ്‌ 20:40) മുമ്പൊ​രി​ക്ക​ലും മറെറാ​രു മനുഷ്യൻ ഇതു​പോ​ലെ സംസാ​രി​ച്ചി​രു​ന്നില്ല! പ്രസം​ഗ​ത്തി​ന്റെ അവസാ​ന​ത്തിൽ ജനക്കൂട്ടം വിസ്‌മ​യി​ച്ചു​പോ​യി!

19. ഇന്ന്‌ യഹോ​വ​യു​ടെ സാക്ഷികൾ ഉപയോ​ഗി​ക്കുന്ന ചില പഠിപ്പി​ക്കൽ രീതികൾ യേശു ഗിരി​പ്ര​ഭാ​ഷ​ണ​ത്തിൽ ഉപയോ​ഗി​ച്ച​തി​നോട്‌ സമാന​മാ​യി​രി​ക്കു​ന്ന​തെ​ങ്ങനെ?

¹⁹ ഇക്കാലത്തെ സംബന്ധി​ച്ചെന്ത്‌? വീടു​തോ​റും പ്രസം​ഗി​ക്കുന്ന ശുശ്രൂ​ഷ​ക​രെന്ന നിലയിൽ യഹോ​വ​യു​ടെ സാക്ഷികൾ സമാന​മായ രീതികൾ ഉപയോ​ഗി​ക്കു​ന്നു. ഒരു വീട്ടു​കാ​രൻ നിങ്ങ​ളോ​ടു പറയുന്നു: “ഭൂമി ദഹിപ്പി​ക്ക​പ്പെ​ടാ​നി​രി​ക്കു​ന്നു എന്ന്‌ എന്റെ സഭ പറയുന്നു.” നിങ്ങൾ പ്രതി​ക​രി​ക്കു​ന്നു: “സഭാ​പ്ര​സം​ഗി 1:4-ൽ നിങ്ങളു​ടെ സ്വന്തം ജയിംസ്‌ രാജാ​വി​ന്റെ ഭാഷാ​ന്തരം ബൈബിൾ വായി​ക്ക​പ്പെ​ടു​ന്നു: ‘ഭൂമി​യോ എന്നേക്കും നിൽക്കു​ന്നു.’” വ്യക്തി അത്ഭുത​പ്പെ​ടു​ന്നു. “അത്‌ എന്റെ ബൈബി​ളി​ലു​ണ്ടെന്ന്‌ ഞാൻ ഒരിക്ക​ലും അറിയാ​ഞ്ഞ​തെ​ന്തു​കൊണ്ട്‌!” മറെറാ​രാൾ പറയുന്നു: “പാപികൾ തീനര​ക​ത്തിൽ പൊള്ളി​ക്ക​പ്പെ​ടും എന്ന്‌ ഞാൻ എപ്പോ​ഴും കേട്ടി​രി​ക്കു​ന്നു.” “എന്നാൽ റോമർ 6:23-ൽ നിങ്ങളു​ടെ സ്വന്തം ബൈബിൾ പറയുന്നു: ‘പാപത്തി​ന്റെ ശമ്പളം മരണമാ​കു​ന്നു.’” അല്ലെങ്കിൽ ത്രിത്വ​ത്തെ സംബന്ധിച്ച്‌: “യേശു​വും അവന്റെ പിതാ​വും തുല്യ​രാ​ണെന്ന്‌ എന്റെ ഉപദേശി പറയുന്നു.” “എന്നാൽ യോഹ​ന്നാൻ 14:28-ൽ യേശു ഇപ്രകാ​രം പറയു​ന്ന​താ​യി നിങ്ങളു​ടെ ബൈബിൾ ഉദ്ധരി​ക്കു​ന്നു: ‘എന്റെ പിതാവ്‌ എന്നെക്കാൾ വലിയ​വ​നാ​കു​ന്നു.’” മറെറാ​രാൾ നിങ്ങ​ളോ​ടു പറയുന്നു: “ദൈവ​രാ​ജ്യം നിങ്ങളു​ടെ ഉള്ളിലാ​ണെന്ന്‌ പറയു​ന്നത്‌ ഞാൻ കേട്ടി​രി​ക്കു​ന്നു.” നിങ്ങളു​ടെ പ്രതി​ക​രണം: “ദാനി​യേൽ 2:44-ൽ നിങ്ങളു​ടെ ബൈബിൾ പറയുന്നു: ‘ഈ രാജാ​ക്കൻമാ​രു​ടെ കാലത്ത്‌ സ്വർഗ്ഗ​സ്ഥ​നായ ദൈവം ഒരിക്ക​ലും നശിപ്പി​ക്ക​പ്പെ​ടു​ക​യി​ല്ലാത്ത ഒരു രാജത്വം സ്ഥാപി​ക്കും. . . അത്‌ ഈ രാജത്വ​ങ്ങ​ളെ​യൊ​ക്കെ​യും തകർത്തു നശിപ്പി​ക്കു​ക​യും അതുതന്നെ എന്നേക്കും നിൽക്കു​ക​യും ചെയ്യും.’ അത്‌ നിങ്ങളു​ടെ ഉള്ളിലാ​യി​രി​ക്കാൻ എങ്ങനെ കഴിയും?”

20. (എ) സാക്ഷി​ക​ളു​ടെ​യും ക്രൈ​സ്‌ത​വ​ലോ​ക​ത്തി​ലെ പുരോ​ഹി​ത​വർഗ്ഗ​ത്തി​ന്റെ​യും പഠിപ്പി​ക്കൽ വിധങ്ങൾ തമ്മിൽ എന്തു വൈരു​ദ്ധ്യ​മുണ്ട്‌? (ബി) ഇപ്പോൾ എന്തിനുള്ള സമയമാണ്‌?

²⁰ യേശു ദൈവ​ത്തിൽനി​ന്നുള്ള അധികാ​ര​ത്തോ​ടെ സംസാ​രി​ച്ചു. യഹോ​വ​യു​ടെ സാക്ഷികൾ ദൈവ​വ​ച​ന​ത്തി​ന്റെ അധികാ​ര​ത്തോ​ടെ സംസാ​രി​ക്കു​ന്നു. ക്രൈ​സ്‌ത​വ​ലോ​ക​ത്തി​ലെ പുരോ​ഹി​ത​വർഗ്ഗം ബാബി​ലോ​ണിൽനി​ന്നും ഈജി​പ്‌റ​റിൽനി​ന്നും കൈമാ​റി​ക്കി​ട്ടിയ ഉപദേ​ശ​ങ്ങ​ളാൽ മലീമ​സ​മായ മതപാ​ര​മ്പ​ര്യ​ങ്ങൾ പ്രസ്‌താ​വി​ക്കു​ന്നു. ബൈബിൾ തങ്ങളുടെ വിശ്വാ​സ​ങ്ങളെ ഖണ്ഡിക്കു​ന്നത്‌ ആത്മാർത്ഥ​ത​യുള്ള ആളുകൾ കേൾക്കു​മ്പോൾ അവർ വിസ്‌മ​യി​ച്ചു​കൊണ്ട്‌ വിളി​ച്ചു​പ​റ​യു​ന്നു: ‘അത്‌ എന്റെ ബൈബി​ളിൽ ഉണ്ടെന്ന്‌ ഞാൻ ഒരിക്ക​ലും അറിഞ്ഞി​രു​ന്നില്ല!’ എന്നാൽ അതുണ്ട്‌. തങ്ങളുടെ ആത്മീയ ആവശ്യം​സം​ബ​ന്ധിച്ച്‌ ബോധ​മുള്ള എല്ലാവ​രും ഗിരി​പ്ര​ഭാ​ഷ​ണ​ത്തി​ലെ യേശു​വി​ന്റെ വചനങ്ങൾ ചെവി​ക്കൊ​ള്ളു​ക​യും ഈടു​നിൽക്കുന്ന പാറയ​ടി​സ്ഥാ​ന​ത്തിൻമേൽ പണിയു​ക​യും ചെയ്യാ​നുള്ള സമയം ഇപ്പോ​ഴാണ്‌. (w90 10⁄1)

പുനരവലോകന ചോദ്യ​ങ്ങൾ

◻ വിധി​ക്കു​ന്ന​തി​നു പകരം നാം എന്തു ചെയ്യാൻ ശ്രമി​ക്കണം, എന്തു​കൊണ്ട്‌?

◻ ഇന്ന്‌ അനേക​രും വീതി​യുള്ള വഴി തെര​ഞ്ഞെ​ടു​ക്കു​ന്ന​തെ​ന്തു​കൊണ്ട്‌?

◻ യേശു​വി​ന്റെ പഠിപ്പി​ക്കൽരീ​തി ശാസ്‌ത്രി​മാ​രു​ടേ​തിൽനിന്ന്‌ വളരെ വ്യത്യ​സ്‌ത​മാ​യി​രു​ന്ന​തെ​ന്തു​കൊണ്ട്‌?

◻ ശ്രോ​താ​ക്ക​ളു​ടെ​മേൽ ഗിരി​പ്ര​ഭാ​ഷ​ണ​ത്തി​ന്റെ ഫലം എന്തായി​രു​ന്നു?