ക്രിസ്‌തീയ സ്‌ത്രീ​കൾ ബഹുമാ​ന​വും ആദരവും അർഹി​ക്കു​ന്നു

“ഭർത്താ​ക്കൻമാ​രേ, . . . വിവേ​ക​ത്തോ​ടെ ഭാര്യ​മാ​രോ​ടു​കൂ​ടെ വസിച്ചു, സ്‌ത്രീ​ജനം ബലഹീ​ന​പാ​ത്രം . . . എന്നും ഓർത്തു അവർക്കു ബഹുമാ​നം കൊടു​പ്പിൻ.”—1 പത്രൊസ്‌ 3:7.

1, 2. (എ) യേശു ശമര്യ സ്‌ത്രീ​യു​മാ​യി കിണറ്റി​ന​രി​കെ​വെച്ചു നടത്തിയ സംഭാ​ഷണം എന്തു താത്‌പ​ര്യ​ത്തെ ഉണർത്തി, എന്തു​കൊണ്ട്‌? (അടിക്കു​റി​പ്പും കാണുക.) (ബി) ശമര്യ സ്‌ത്രീ​യു​മാ​യി സംസാ​രി​ച്ച​തി​ലൂ​ടെ യേശു എന്താണു പ്രകട​മാ​ക്കി​യത്‌?

പൊ.യു. (പൊതു​യു​ഗം) 33-ന്റെ അവസാ​ന​ത്തോ​ട​ടുത്ത ഒരു മധ്യാ​ഹ്ന​വേള. സുഖാർ പട്ടണത്തി​നു സമീപ​മുള്ള ഒരു പുരാതന കിണറ്റി​ന​രി​കെ​വെച്ച്‌ യേശു സ്‌ത്രീ​ക​ളോട്‌ എങ്ങനെ പെരു​മാ​റ​ണ​മെ​ന്നതു സംബന്ധി​ച്ചു തനിക്കു തോന്നിയ സംഗതി വെളി​പ്പെ​ടു​ത്തി. കുന്നും മേടും നിറഞ്ഞ ശമര്യ​യിൽകൂ​ടി പ്രഭാ​ത​സ​മ​യത്തു യാത്ര​ചെ​യ്‌ത്‌ ക്ഷീണി​ച്ചും വിശന്നും ദാഹി​ച്ചു​മാണ്‌ അവൻ ആ കിണറ്റി​ങ്കൽ എത്തിയത്‌. അവൻ കിണറ്റി​ന​രി​കെ ഇരിക്കു​മ്പോൾ ഒരു ശമര്യ സ്‌ത്രീ വെള്ളം കോരു​വാൻ വന്നു. “എനിക്ക്‌ അൽപ്പം കുടി​ക്കാൻ തരിക,” യേശു അവളോ​ടു പറഞ്ഞു. ആ സ്‌ത്രീ അത്ഭുത​സ്‌ത​ബ്ധ​യാ​യി യേശു​വി​നെ തുറിച്ചു നോക്കി​യി​രി​ക്കണം. അവൾ ചോദി​ച്ചു: “നീ ഒരു യഹൂദ​നാ​യി​രി​ക്കെ ഒരു ശമര്യാ​ക്കാ​രി​യായ എന്നോടു കുടി​ക്കാൻ ചോദി​ക്കു​ന്ന​തെ​ങ്ങനെ?” ഭക്ഷ്യവ​സ്‌തു​ക്കൾ വാങ്ങി തിരി​ച്ചെ​ത്തിയ ശിഷ്യൻമാർ യേശു എന്തു​കൊ​ണ്ടാണ്‌ ‘ഒരു സ്‌ത്രീ​യോ​ടു സംസാ​രി​ക്കു​ന്നത്‌’ എന്നോർത്ത്‌ ആശ്ചര്യ​പ്പെട്ടു.—യോഹ​ന്നാൻ 4:4-9, 27, NW.

² ആ സ്‌ത്രീ അപ്രകാ​രം ചോദി​ക്കാ​നും ശിഷ്യൻമാ​രിൽ താത്‌പ​ര്യം ജനിക്കാ​നും ഇടയാ​ക്കി​യ​തെ​ന്താണ്‌? അവൾ ഒരു ശമര്യാ​ക്കാ​രി ആയിരു​ന്നു, യഹൂദൻമാർക്ക്‌ ശമര്യ​രു​മാ​യി യാതൊ​രു സമ്പർക്ക​വു​മി​ല്ലാ​യി​രു​ന്നു. (യോഹ​ന്നാൻ 8:48) എന്നാൽ പരിചി​ന്തന അർഹി​ക്കുന്ന മറ്റൊരു കാരണ​വു​മു​ണ്ടാ​യി​രു​ന്നു എന്നതു സ്‌പഷ്ട​മാണ്‌. അക്കാലത്ത്‌, റബ്ബിമാ​രു​ടെ പാരമ്പ​ര്യ​മ​നു​സ​രി​ച്ചു പൊതു സ്ഥലത്തു​നി​ന്നു പുരു​ഷൻമാർക്കു സ്‌ത്രീ​ക​ളോ​ടു സംസാ​രി​ച്ചു​കൂ​ടാ​യി​രു​ന്നു.a എന്നിട്ടും, യേശു ആത്മാർഥ​ത​യുള്ള ആ സ്‌ത്രീ​യോ​ടു പരസ്യ​മാ​യി പ്രസം​ഗി​ച്ചു, താൻ മിശി​ഹാ​യാ​ണെന്ന്‌ അവൻ വെളി​പ്പെ​ടു​ത്തു​ക​പോ​ലും ചെയ്‌തു. (യോഹ​ന്നാൻ 4:25, 26) അങ്ങനെ, സ്‌ത്രീ​കളെ തരംതാ​ഴ്‌ത്തു​ന്ന​തുൾപ്പെ​ടെ​യുള്ള തിരു​വെ​ഴു​ത്തു​വി​രു​ദ്ധ​മായ പാരമ്പ​ര്യ​ങ്ങ​ളിൽ താൻ കെട്ടു​പി​ണഞ്ഞു കിടക്കു​ക​യി​ല്ലെന്നു യേശു വെളി​പ്പെ​ടു​ത്തി. (മർക്കൊസ്‌ 7:9-13) നേരേ​മ​റിച്ച്‌, സ്‌ത്രീ​കളെ ബഹുമാ​നി​ക്കു​ക​യും ആദരി​ക്കു​ക​യും ചെയ്യണ​മെന്നു തന്റെ പ്രവൃ​ത്തി​യി​ലൂ​ടെ​യും പഠിപ്പി​ക്ക​ലി​ലൂ​ടെ​യും യേശു പ്രകട​മാ​ക്കി.

യേശു സ്‌ത്രീ​ക​ളോ​ടു പെരു​മാ​റിയ വിധം

3, 4. (എ) തന്റെ വസ്‌ത്ര​ത്തിൽ തൊട്ട സ്‌ത്രീ​യോ​ടു യേശു എങ്ങനെ​യാ​ണു പ്രതി​ക​രി​ച്ചത്‌? (ബി) ക്രിസ്‌തീയ പുരു​ഷൻമാർക്ക്‌, പ്രത്യേ​കി​ച്ചും മേൽവി​ചാ​ര​കൻമാർക്ക്‌, യേശു ഒരു നല്ല മാതൃ​ക​വെ​ച്ച​തെ​ങ്ങനെ?

³ യേശു സ്‌ത്രീ​ക​ളോ​ടു പെരു​മാ​റിയ വിധത്തിൽനിന്ന്‌ ആളുക​ളോ​ടുള്ള അവന്റെ ആർദ്രാ​നു​കമ്പ വെളി​പ്പെ​ടു​ക​യു​ണ്ടാ​യി. ഒരു സാഹച​ര്യ​ത്തിൽ, 12 വർഷമാ​യി രക്തസ്രാ​വ​ത്താൽ കഷ്ടപ്പെ​ട്ടു​കൊ​ണ്ടി​രുന്ന ഒരു സ്‌ത്രീ ആൾക്കൂ​ട്ട​ത്തി​നി​ട​യിൽ യേശു​വി​നെ തിര​ഞ്ഞെത്തി. ആചാര​പ​ര​മാ​യി അശുദ്ധ​യാ​യി​രു​ന്നു അവൾ, തൻമൂലം അവൾ അവിടെ വരരു​താ​യി​രു​ന്നു. (ലേവ്യ​പു​സ്‌തകം 15:25-27) എന്നാൽ ഗത്യന്ത​ര​മി​ല്ലാ​തെ അവൾ യേശു​വി​ന്റെ പിന്നാലെ പതുങ്ങി നടന്നു. അവന്റെ വസ്‌ത്ര​ത്തിൽ തൊട്ട​പ്പോൾ അവൾ തത്‌ക്ഷണം സുഖം പ്രാപി​ച്ചു! യായീ​റോ​സി​ന്റെ മകൾ അതിഗു​രു​ത​രാ​വ​സ്ഥ​യിൽ രോഗം ബാധി​ച്ചു​കി​ട​ന്നി​രു​ന്ന​തി​നാൽ അവന്റെ വീട്ടി​ലേക്കു പോവു​ക​യാ​യി​രു​ന്നു യേശു. എന്നിട്ടും അവൻ വഴിയിൽ നിന്നു. തന്നിൽനി​ന്നു ശക്തി പുറ​പ്പെ​ട്ട​താ​യി ഗ്രഹിച്ച അവൻ തന്നെ തൊട്ട​താ​രാ​ണെ​ന്ന​റി​യാൻ ചുറ്റും നോക്കി. ഒടുവിൽ, ആ സ്‌ത്രീ ഭയന്നു​വി​റ​ച്ചു​കൊണ്ട്‌ അവന്റെ മുന്നിൽ വന്നു വീണു. ജനക്കൂ​ട്ട​ത്തി​നി​ട​യിൽ ആയിരി​ക്കു​ക​യും അനുവാ​ദം കൂടാതെ തന്റെ വസ്‌ത്ര​ത്തിൽ തൊടു​ക​യും ചെയ്‌ത​തി​നു യേശു അവളോ​ടു ദേഷ്യ​പ്പെ​ട്ടോ? നേരേ​മ​റിച്ച്‌, അവൻ ഊഷ്‌മ​ള​ത​യും ദയയു​മു​ള്ള​വ​നാ​ണെന്ന്‌ അവൾ കണ്ടെത്തി. “മകളേ, നിന്റെ വിശ്വാ​സം നിന്നെ രക്ഷിച്ചി​രി​ക്കു​ന്നു,” അവൻ പറഞ്ഞു. യേശു ഒരു സ്‌ത്രീ​യെ “മകളേ” എന്നു നേരിട്ട്‌ വിളിച്ച ഏക സന്ദർഭം ഇതു മാത്ര​മാ​യി​രു​ന്നു. ആ വാക്കുകൾ അവൾക്ക്‌ എത്ര സാന്ത്വ​ന​ദാ​യ​ക​മാ​യി​രു​ന്നി​രി​ക്കണം!—മത്തായി 9:18-22; മർക്കൊസ്‌ 5:21-34.

⁴ യേശു നിയമ​ത്തി​ന്റെ മുനയിൽ കടിച്ചു​തൂ​ങ്ങി​യില്ല. അവൻ അതിനു പിന്നിലെ യഥാർഥ അർഥ​മെ​ന്തെന്നു കണ്ടു, കൂടാതെ, കരുണ​യു​ടെ​യും അനുക​മ്പ​യു​ടെ​യും ആവശ്യ​ക​ത​യും അവൻ തിരി​ച്ച​റി​ഞ്ഞു. (താരത​മ്യം ചെയ്യുക: മത്തായി 23:23.) യേശു രോഗ​ബാ​ധി​ത​യായ ആ സ്‌ത്രീ​യു​ടെ ഗതിമു​ട്ടിയ അവസ്ഥ മനസ്സി​ലാ​ക്കു​ക​യും അവൾ വിശ്വാ​സ​ത്താൽ പ്രേരി​ത​യാ​വു​ക​യാ​യി​രു​ന്നു​വെന്നു കണക്കി​ലെ​ടു​ക്കു​ക​യും ചെയ്‌തു. അങ്ങനെ അവൻ ക്രിസ്‌തീയ പുരു​ഷൻമാർക്ക്‌, പ്രത്യേ​കി​ച്ചും മേൽവി​ചാ​ര​കൻമാർക്ക്‌, ഒരു നല്ല മാതൃ​ക​വ​യ്‌ക്കു​ക​യു​ണ്ടാ​യി. ഒരു ക്രിസ്‌തീയ സഹോ​ദരി വ്യക്തി​പ​ര​മായ പ്രശ്‌ന​ങ്ങ​ളോ ബുദ്ധി​മു​ട്ടേ​റി​യ​തോ പീഡാ​ക​ര​മാ​യ​തോ ആയ ഒരു സാഹച​ര്യ​മോ അഭിമു​ഖീ​ക​രി​ക്കു​ന്നു​വെ​ങ്കിൽ മൂപ്പൻമാർ വാക്കു​കൾക്കും പ്രവൃ​ത്തി​കൾക്കും അപ്പുറം നോക്കണം. സാഹച​ര്യ​ങ്ങ​ളും ഉദ്ദേശ്യ​ങ്ങ​ളും പരിഗ​ണ​ന​യി​ലെ​ടു​ക്കണം. ഗുണ​ദോ​ഷി​ക്ക​ലി​നും തിരു​ത്ത​ലി​നും പകരം ക്ഷമയും സഹാനു​ഭൂ​തി​യും അനുക​മ്പ​യു​മാണ്‌ ആവശ്യ​മാ​യി​രി​ക്കു​ന്ന​തെന്ന്‌ അത്തരം ഉൾക്കാഴ്‌ച സൂചി​പ്പി​ച്ചേ​ക്കാം.—സദൃശ​വാ​ക്യ​ങ്ങൾ 10:19; 16:23; 19:11.

5. (എ) റബ്ബിമാ​രു​ടെ പാരമ്പ​ര്യ​ങ്ങൾ ഏതു വിധത്തി​ലാ​ണു സ്‌ത്രീ​കൾക്കു പ്രതി​ബന്ധം സൃഷ്ടി​ച്ചത്‌? (അടിക്കു​റി​പ്പു കാണുക.) (ബി) പുനരു​ത്ഥാ​നം പ്രാപിച്ച യേശു​വി​നെ ആദ്യം കാണു​ക​യും അതേപ്പറ്റി സാക്ഷ്യം നൽകു​ക​യും ചെയ്‌തത്‌ ആർ?

⁵ യേശു ഭൂമി​യി​ലു​ണ്ടാ​യി​രു​ന്ന​പ്പോൾ, റബ്ബിമാ​രു​ടെ പാരമ്പ​ര്യ​ങ്ങ​ളു​ടെ ചുഴി​യിൽ അകപ്പെ​ട്ടു​പോ​യി​രു​ന്ന​തി​നാൽ, നിയമാ​നു​സൃ​ത​മാ​യി സാക്ഷ്യം നൽകു​ന്ന​തി​നു സ്‌ത്രീ​കൾക്ക്‌ അനുവാ​ദ​മി​ല്ലാ​യി​രു​ന്നു.b പൊ.യു. 33 നീസാൻ 16-ാം തീയതി രാവിലെ യേശു മരിച്ച​വ​രിൽനിന്ന്‌ ഉയിർത്തെ​ഴു​ന്നേൽപ്പി​ക്ക​പ്പെട്ട ഉടനെ എന്തു സംഭവി​ച്ചു​വെന്നു പരിചി​ന്തി​ക്കുക. പുനരു​ത്ഥാ​നം പ്രാപിച്ച യേശു​വി​നെ ആദ്യം കാണു​ക​യും തങ്ങളുടെ കർത്താവ്‌ ഉയിർപ്പി​ക്ക​പ്പെ​ട്ടു​വെന്നു മറ്റു ശിഷ്യൻമാർക്കു സാക്ഷ്യം നൽകു​ക​യും ചെയ്യാൻപോ​കു​ന്നത്‌ ആരായി​രി​ക്കും? അത്‌ യേശു​വി​നെ സ്‌തം​ഭ​ത്തി​ലേ​റ്റിയ സ്ഥലത്ത്‌ അവൻ മരിക്കു​ന്ന​തു​വരെ നിന്നി​രുന്ന സ്‌ത്രീ​ക​ളാ​യി​രു​ന്നു.—മത്തായി 27:55, 56, 61.

6, 7. (എ) കല്ലറയ്‌ക്കൽ വന്ന സ്‌ത്രീ​ക​ളോട്‌ യേശു എന്തു പറഞ്ഞു? (ബി) യേശു​വി​ന്റെ പുരു​ഷ​ന്മാ​രായ ശിഷ്യൻമാർ സ്‌ത്രീ​ക​ളു​ടെ സാക്ഷ്യ​ത്തോട്‌ ആദ്യം പ്രതി​ക​രി​ച്ച​തെ​ങ്ങനെ, ഇതിൽനിന്ന്‌ എന്തു പഠിക്കാൻ കഴിയും?

⁶ ആഴ്‌ച​വ​ട്ട​ത്തി​ന്റെ ഒന്നാം ദിവസം അതിരാ​വി​ലെ മഗ്‌ദ​ല​ക്കാ​രത്തി മറിയ​യും മറ്റു സ്‌ത്രീ​ക​ളും യേശു​വി​ന്റെ ശരീര​ത്തിൽ പൂശേ​ണ്ട​തി​നു സുഗന്ധ​ക്കൂ​ട്ടു​ക​ളു​മാ​യി കല്ലറയ്‌ക്കൽ ചെന്നു. കല്ലറ ശൂന്യ​മാ​യി​രി​ക്കു​ന്ന​തു​കണ്ടു പത്രോ​സി​നോ​ടും യോഹ​ന്നാ​നോ​ടും ആ വിവരം പറയാൻ മറിയ ഓടി​പ്പോ​യി. മറ്റേ സ്‌ത്രീ​കൾ അവി​ടെ​ത്തന്നെ നിന്നു. പെട്ടെന്ന്‌ ഒരു ദൂതൻ പ്രത്യ​ക്ഷ​പ്പെട്ട്‌ യേശു ഉയിർത്തെ​ഴു​ന്നേ​റ്റ​താ​യി അവരോ​ടു പറഞ്ഞു. “വേഗം ചെന്നു അവന്റെ ശിഷ്യൻമാ​രോ​ടു പറവിൻ” എന്നു ദൂതൻ അവരോ​ടു നിർദേ​ശി​ച്ചു. ഈ സ്‌ത്രീ​കൾ വിവരം അറിയി​ക്കു​വാൻ ഓടി​പ്പോ​കു​മ്പോൾ യേശു​ത​ന്നെ​യും അവർക്കു പ്രത്യ​ക്ഷ​നാ​യി. “പോയി എന്റെ സഹോ​ദ​ര​ന്മാ​രോ​ടു . . . പറവിൻ,” അവൻ അവരോ​ടു പറഞ്ഞു. (മത്തായി 28:1-10; മർക്കൊസ്‌ 16:1, 2; യോഹ​ന്നാൻ 20:1, 2) ദൂതൻ പ്രത്യ​ക്ഷ​നായ വിവരം മഗ്‌ദ​ല​ക്കാ​രത്തി മറിയ അറിഞ്ഞി​രു​ന്നില്ല, അടക്കാ​നാ​വാത്ത ദുഃഖ​ത്തോ​ടെ അവൾ ശൂന്യ​മായ കല്ലറയി​ലേക്കു മടങ്ങി. അവി​ടെ​വച്ച്‌ യേശു അവൾക്കു പ്രത്യ​ക്ഷ​നാ​യി, അവൾ ഒടുവിൽ അവനെ തിരി​ച്ച​റി​ഞ്ഞ​പ്പോൾ അവൻ പറഞ്ഞു: “നീ എന്റെ സഹോ​ദ​രൻമാ​രു​ടെ അടുക്കൽ ചെന്നു: എന്റെ പിതാ​വും നിങ്ങളു​ടെ പിതാ​വും എന്റെ ദൈവ​വും നിങ്ങളു​ടെ ദൈവ​വു​മാ​യ​വന്റെ അടുക്കൽ ഞാൻ കയറി​പ്പോ​കു​ന്നു എന്നു അവരോ​ടു പറക.”—യോഹ​ന്നാൻ 20:11-18; താരത​മ്യം ചെയ്യുക: മത്തായി 28:9, 10.

⁷ യേശു​വി​നു പത്രോ​സി​നോ യോഹ​ന്നാ​നോ പുരു​ഷൻമാ​രായ മറ്റേ​തെ​ങ്കി​ലും ശിഷ്യൻമാർക്കോ ആദ്യം പ്രത്യ​ക്ഷ​പ്പെ​ടാ​മാ​യി​രു​ന്നു. അതിനു​പ​കരം, തന്റെ പുനരു​ത്ഥാ​ന​ത്തി​ന്റെ പ്രഥമ ദൃക്‌സാ​ക്ഷി​ക​ളാ​ക്കി​ക്കൊ​ണ്ടും അതേപ്പറ്റി തന്റെ പുരുഷ ശിഷ്യൻമാർക്കു സാക്ഷ്യം നൽകാ​നുള്ള നിയോ​ഗം നൽകി​ക്കൊ​ണ്ടും ഈ സ്‌ത്രീ​കളെ ബഹുമാ​നി​ക്കാൻ അവൻ ആഗ്രഹി​ച്ചു. പുരു​ഷൻമാർ ആദ്യം പ്രതി​ക​രി​ച്ച​തെ​ങ്ങ​നെ​യാണ്‌? “ഈ വാക്കു അവർക്കു വെറും കഥപോ​ലെ തോന്നി; അവരെ വിശ്വ​സി​ച്ചില്ല” എന്നു രേഖ പറയുന്നു. (ലൂക്കൊസ്‌ 24:11) ആ സാക്ഷ്യം സ്‌ത്രീ​കൾ നൽകി​യതു കൊണ്ടാ​ണോ അവർക്കു വിശ്വ​സി​ക്കാൻ ബുദ്ധി​മു​ട്ടു തോന്നി​യത്‌? അങ്ങനെ​യെ​ങ്കിൽ, യേശു മരിച്ച​വ​രിൽനിന്ന്‌ ഉയിർത്തെ​ഴു​ന്നേറ്റു എന്നതിനു സമൃദ്ധ​മായ തെളിവ്‌ അവർക്കു ക്രമേണ ലഭിച്ചു. (ലൂക്കൊസ്‌ 24:13-46; 1 കൊരി​ന്ത്യർ 15:3-8) ഇന്ന്‌, ക്രിസ്‌തീയ പുരു​ഷൻമാർ തങ്ങളുടെ ക്രിസ്‌തീയ സഹോ​ദ​രി​മാ​രു​ടെ നിരീ​ക്ഷ​ണ​ങ്ങ​ളും അഭി​പ്രാ​യ​ങ്ങ​ളും കണക്കി​ലെ​ടു​ക്കു​മ്പോൾ അവർ ബുദ്ധി​പൂർവം പ്രവർത്തി​ക്കു​ക​യാ​ണു ചെയ്യു​ന്നത്‌.—താരത​മ്യം ചെയ്യുക: ഉല്‌പത്തി 21:12.

8. സ്‌ത്രീ​ക​ളു​മാ​യി ഇടപെട്ട വിധത്തി​ലൂ​ടെ യേശു എന്തു വ്യക്തമാ​ക്കി?

⁸ യേശു സ്‌ത്രീ​ക​ളു​മാ​യി ഇടപെട്ട വിധം വാസ്‌ത​വ​ത്തിൽ ഹൃദ​യോ​ഷ്‌മ​ള​മാണ്‌. സ്‌ത്രീ​ക​ളു​മാ​യുള്ള ഇടപെ​ട​ലു​ക​ളിൽ അവൻ സദാ അനുക​മ്പ​യു​ള്ള​വ​നും തികച്ചും സമചി​ത്ത​ത​യു​ള്ള​വ​നു​മാ​യി​രു​ന്നു, മാത്രമല്ല, അവൻ അവരെ ഒരിക്ക​ലും ഉയർത്തി​പ്പി​ടി​ക്കു​ക​യോ നിസ്സാ​രീ​ക​രി​ക്കു​ക​യോ ചെയ്‌തില്ല. (യോഹ​ന്നാൻ 2:3-5) സ്‌ത്രീ​ക​ളു​ടെ മാന്യ​ത​യിൽ കരി​തേ​ക്കു​ക​യും ദൈവ​ത്തി​ന്റെ വചനം അസാധു​വാ​ക്കു​ക​യും ചെയ്‌ത റബ്ബിമാ​രു​ടെ പാരമ്പ​ര്യ​ങ്ങളെ അവൻ നിരാ​ക​രി​ച്ചു. (താരത​മ്യം ചെയ്യുക: മത്തായി 15:3-9.) ബഹുമാ​ന​ത്തോ​ടും ആദര​വോ​ടും കൂടെ സ്‌ത്രീ​ക​ളോ​ടു പെരു​മാ​റി​ക്കൊണ്ട്‌ അവരോ​ടു പെരു​മാ​റേ​ണ്ട​തെ​ങ്ങ​നെ​യെന്നു യഹോ​വ​യാം ദൈവ​ത്തി​നു തോന്നു​ന്നതു യേശു നേരിട്ടു വെളി​പ്പെ​ടു​ത്തി. (യോഹ​ന്നാൻ 5:19) ക്രിസ്‌തീയ പുരു​ഷൻമാർക്ക്‌ അനുക​രി​ക്കാ​നുള്ള ഒരു ഉജ്ജ്വല മാതൃ​ക​യും യേശു നൽകി.—1 പത്രൊസ്‌ 2:21.

സ്‌ത്രീ​ക​ളെ​പ്പ​റ്റി​യുള്ള യേശു​വി​ന്റെ പഠിപ്പി​ക്ക​ലു​കൾ

9, 10. യേശു സ്‌ത്രീ​കളെ സംബന്ധിച്ച റബ്ബിമാ​രു​ടെ പാരമ്പ​ര്യ​ങ്ങളെ തള്ളിക്ക​ള​ഞ്ഞ​തെ​ങ്ങനെ, പരീശൻമാർ വിവാ​ഹ​മോ​ച​ന​ത്തെ​പ്പറ്റി ചോദ്യ​മു​ന്ന​യി​ച്ച​പ്പോൾ അവൻ എന്തു പറഞ്ഞു?

⁹ യേശു തന്റെ പ്രവൃ​ത്തി​ക​ളി​ലൂ​ടെ മാത്രമല്ല തന്റെ പഠിപ്പി​ക്ക​ലു​ക​ളി​ലൂ​ടെ​യും റബ്ബിമാ​രു​ടെ പാരമ്പ​ര്യ​ങ്ങളെ തള്ളിക്ക​ള​യു​ക​യും സ്‌ത്രീ​കളെ ബഹുമാ​നി​ക്കു​ക​യും ചെയ്‌തു. ഉദാഹ​ര​ണ​ത്തിന്‌, വിവാ​ഹ​മോ​ച​ന​വും വ്യഭി​ചാ​ര​വും സംബന്ധിച്ച്‌ അവൻ പഠിപ്പി​ച്ച​തെ​ന്താ​ണെന്നു പരിചി​ന്തി​ക്കുക.

¹⁰ വിവാ​ഹ​മോ​ച​ന​ത്തെ​പ്പറ്റി യേശു​വി​നോട്‌ ഈ ചോദ്യം ഉന്നയി​ക്കു​ക​യു​ണ്ടാ​യി: “ഏതു കാരണം ചൊല്ലി​യും ഭാര്യയെ ഉപേക്ഷി​ക്കു​ന്നതു വിഹി​ത​മോ?” മർക്കൊ​സി​ന്റെ വിവര​ണ​മ​നു​സ​രിച്ച്‌ യേശു ഇങ്ങനെ പറഞ്ഞു: “[പരസംഗം നിമി​ത്ത​മ​ല്ലാ​തെ] ഭാര്യയെ ഉപേക്ഷി​ച്ചു മറ്റൊ​രു​ത്തി​യെ വിവാഹം കഴിക്കു​ന്നവൻ അവൾക്കു വിരോ​ധ​മാ​യി വ്യഭി​ചാ​രം ചെയ്യുന്നു. സ്‌ത്രീ​യും ഭർത്താ​വി​നെ ഉപേക്ഷി​ച്ചു മറ്റൊ​രു​ത്ത​നു​മാ​യി വിവാഹം കഴിഞ്ഞാൽ വ്യഭി​ചാ​രം ചെയ്യുന്നു.” (മർക്കൊസ്‌ 10:10-12; മത്തായി 19:3, 9) ലളിത​മാ​യി പ്രസ്‌താ​വിച്ച ആ വാക്കുകൾ സ്‌ത്രീ​ക​ളു​ടെ മാന്യ​ത​യ്‌ക്ക്‌ ആദരവു നൽകി. അതെങ്ങനെ?

11. “പരസംഗം നിമി​ത്ത​മ​ല്ലാ​തെ” എന്ന യേശു​വി​ന്റെ വാക്കുകൾ വിവാ​ഹ​ബ​ന്ധ​ത്തെ​പ്പറ്റി എന്തു സൂചി​പ്പി​ക്കു​ന്നു?

¹¹ ഒന്നാമ​താ​യി, (മത്തായി​യു​ടെ സുവി​ശേഷ വിവര​ണ​ത്തിൽ കാണുന്ന) “പരസംഗം നിമി​ത്ത​മ​ല്ലാ​തെ” എന്ന വാക്കു​ക​ളി​ലൂ​ടെ, വിവാ​ഹ​ബ​ന്ധത്തെ നിസ്സാ​ര​മാ​യി കാണു​ക​യോ അത്‌ എളുപ്പ​ത്തിൽ ഛിന്നഭി​ന്ന​മാ​ക്കു​ക​യോ ചെയ്യരു​തെന്നു യേശു സൂചി​പ്പി​ച്ചു. റബ്ബിമാ​രു​ടെ നിലവി​ലുള്ള പഠിപ്പി​ക്ക​ല​നു​സ​രിച്ച്‌, ഭാര്യ ഒരു വിഭവം ചീത്തയാ​ക്കു​ന്ന​തോ അപരി​ചി​ത​നു​മാ​യി സംസാ​രി​ക്കു​ന്ന​തോ പോലുള്ള നിസ്സാര പ്രശ്‌ന​ങ്ങ​ളു​ടെ പേരിൽ വിവാ​ഹ​മോ​ചനം നടത്താൻ അനുവാ​ദ​മു​ണ്ടാ​യി​രു​ന്നു. എന്തിന്‌, കൂടുതൽ ആകർഷ​ക​ത്വ​മുള്ള ഒരു സ്‌ത്രീ ഭർത്താ​വി​ന്റെ ദൃഷ്ടി​യിൽപ്പെ​ട്ടാൽമതി, വിവാ​ഹ​മോ​ചനം നടത്താൻ അനുവാ​ദം ലഭിക്കു​ക​യാ​യി! “യേശു താൻ ചെയ്‌ത​തു​പോ​ലെ​തന്നെ പറഞ്ഞ​പ്പോൾ അവൻ . . . വിവാ​ഹത്തെ അതർഹി​ക്കുന്ന സ്ഥാനത്തു പുനഃ​സ്ഥാ​പി​ക്കു​ന്ന​തി​നുള്ള ഉദ്യമ​ത്തിൽ സ്‌ത്രീ​കൾക്കു പിന്തുണ നൽകു​ക​യാ​യി​രു​ന്നു” എന്ന്‌ ഒരു ബൈബിൾ പണ്ഡിതൻ അഭി​പ്രാ​യ​പ്പെ​ടു​ന്നു. തീർച്ച​യാ​യും, വിവാഹം ഒരു സ്‌ത്രീക്ക്‌ സുരക്ഷി​ത​ത്വം തോന്നാ​വുന്ന ശാശ്വത ബന്ധമാ​യി​രി​ക്കണം.—മർക്കൊസ്‌ 10:6-9.

12. “അവൾക്കു വിരോ​ധ​മാ​യി വ്യഭി​ചാ​രം ചെയ്യുന്നു” എന്ന പ്രയോ​ഗ​ത്തി​ലൂ​ടെ യേശു എന്തു ധാരണ​യാണ്‌ അവതരി​പ്പി​ച്ചത്‌?

¹² രണ്ടാമ​താ​യി, “അവൾക്കു വിരോ​ധ​മാ​യി വ്യഭി​ചാ​രം ചെയ്യുന്നു” എന്ന പ്രയോ​ഗ​ത്തി​ലൂ​ടെ യേശു റബ്ബിമാ​രു​ടെ ന്യായാ​ല​യ​ങ്ങ​ളിൽ അംഗീ​കൃ​ത​മ​ല്ലാ​തി​രുന്ന ഒരു വീക്ഷണ​ഗതി അവതരി​പ്പി​ച്ചു—ഭാര്യക്കു വിരോ​ധ​മാ​യി ഭർത്താവ്‌ വ്യഭി​ചാ​രം ചെയ്യു​ന്നു​വെന്ന ധാരണ. “റബ്ബിമാ​രു​ടെ യഹൂദ​മ​ത​പ്ര​കാ​രം, അവിശ്വ​സ്‌തത പുലർത്തു​ന്ന​തി​ലൂ​ടെ ഒരു സ്‌ത്രീ തന്റെ ഭർത്താ​വി​നെ​തി​രെ വ്യഭി​ചാ​രം ചെയ്യുന്നു: ഒരു പുരുഷൻ മറ്റൊരു പുരു​ഷന്റെ ഭാര്യ​യു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ട്ടു​കൊണ്ട്‌ അയാൾക്കെ​തി​രെ വ്യഭി​ചാ​രം ചെയ്യുന്നു. എന്നാൽ ഒരു മനുഷ്യൻ എന്തുതന്നെ ചെയ്‌താ​ലും തന്റെ ഭാര്യക്കു വിരോ​ധ​മാ​യി ഒരിക്ക​ലും വ്യഭി​ചാ​രം ചെയ്യു​ന്നില്ല. ഭർത്താ​വി​നെ ഭാര്യ​യു​ടേ​തി​നു തുല്യ​മായ ധാർമിക കടപ്പാ​ടിൻകീ​ഴി​ലാ​ക്കി​ക്കൊണ്ട്‌ യേശു സ്‌ത്രീ​ക​ളു​ടെ അന്തസ്സും മാന്യ​ത​യും ഉയർത്തി​പ്പി​ടി​ച്ചു” എന്ന്‌ ദി എക്‌സ്‌പോ​സി​റ്റേ​ഴ്‌സ്‌ ബൈബിൾ കമന്ററി വിശദീ​ക​രി​ക്കു​ന്നു.

13. വിവാ​ഹ​മോ​ചനം സംബന്ധിച്ച ക്രിസ്‌തീയ വ്യവസ്ഥ​യിൽ പുരു​ഷൻമാർക്കും സ്‌ത്രീ​കൾക്കും ഒരേ പ്രമാ​ണ​മാ​യി​രി​ക്കു​മെന്നു യേശു കാണി​ച്ച​തെ​ങ്ങനെ?

¹³ മൂന്നാ​മ​താ​യി, “സ്‌ത്രീ​യും ഭർത്താ​വി​നെ ഉപേക്ഷി​ച്ചു” എന്ന പ്രയോ​ഗ​ത്തി​ലൂ​ടെ, അവിശ്വ​സ്‌ത​നായ ഭർത്താ​വി​നെ ഉപേക്ഷി​ക്കാൻ സ്‌ത്രീ​ക്കുള്ള അവകാ​ശത്തെ യേശു പ്രമാ​ണീ​ക​രി​ച്ചു—സ്‌പഷ്ട​മാ​യും അറിയ​പ്പെ​ട്ടി​രുന്ന ഒരു രീതി​യാ​യി​രു​ന്നെ​ങ്കി​ലും അന്നു യഹൂദ നിയമ​ത്തിൽ പ്രബല​മ​ല്ലാ​തി​രുന്ന ഒരു ആചാരം.c “ഒരു സ്‌ത്രീ​യെ അവളുടെ സമ്മത​ത്തോ​ടെ​യോ അല്ലാ​തെ​യോ വിവാ​ഹ​മോ​ചനം ചെയ്യാം, എന്നാൽ ഒരു പുരു​ഷനെ വിവാ​ഹ​മോ​ചനം ചെയ്യു​ന്ന​തിന്‌ അവന്റെ സമ്മതം കൂടിയേ തീരൂ” എന്നു പറയ​പ്പെ​ട്ടി​രു​ന്നു. എന്നിരു​ന്നാ​ലും, യേശു​വി​ന്റെ അഭി​പ്രാ​യ​ത്തിൽ, ക്രിസ്‌തീയ വ്യവസ്ഥ​യിൽ ഈ പ്രമാണം പുരു​ഷൻമാർക്കും സ്‌ത്രീ​കൾക്കും ഒരു​പോ​ലെ ബാധക​മാണ്‌.

14. തന്റെ പഠിപ്പി​ക്ക​ലി​ലൂ​ടെ യേശു എന്താണു പ്രതി​ഫ​ലി​പ്പി​ച്ചത്‌?

¹⁴ യേശു​വി​ന്റെ പഠിപ്പി​ക്ക​ലു​കൾ സ്‌പഷ്ട​മാ​യും സ്‌ത്രീ​ക​ളു​ടെ ക്ഷേമത്തിൽ ആഴമായ താത്‌പ​ര്യം പ്രകട​മാ​ക്കു​ന്നുണ്ട്‌. തൻമൂലം, ചില സ്‌ത്രീ​കൾ തങ്ങളുടെ സ്വന്ത വസ്‌തു​വ​ക​കൊ​ണ്ടു യേശു​വി​നു ശുശ്രൂ​ഷ​ചെ​യ്‌തത്‌ എന്തു​കൊ​ണ്ടാ​ണെന്നു മനസ്സി​ലാ​ക്കാൻ യാതൊ​രു ബുദ്ധി​മു​ട്ടു​മില്ല. (ലൂക്കൊസ്‌ 8:1-3) യേശു പറഞ്ഞു: “എന്റെ ഉപദേശം എന്റേതല്ല, എന്നെ അയച്ചവ​ന്റേ​ത​ത്രേ.” (യോഹ​ന്നാൻ 7:16) തന്റെ പഠിപ്പി​ക്ക​ലി​ലൂ​ടെ സ്‌ത്രീ​ക​ളോ​ടുള്ള യഹോ​വ​യു​ടെ സ്വന്തം ആർദ്ര പരിഗണന പ്രതി​ഫ​ലി​പ്പി​ക്കു​ക​യാ​യി​രു​ന്നു യേശു.

“അവർക്കു ബഹുമാ​നം കൊടു​പ്പിൻ”

15. ഭർത്താ​ക്കൻമാർ ഭാര്യ​മാ​രോ​ടു പെരു​മാ​റേണ്ട വിധം സംബന്ധിച്ച്‌ അപ്പോ​സ്‌ത​ല​നായ പത്രോസ്‌ എന്താണ്‌ എഴുതി​യത്‌?

¹⁵ യേശു സ്‌ത്രീ​ക​ളോട്‌ ഇടപെ​ട്ട​വി​ധം നേരിട്ടു കണ്ടറി​ഞ്ഞ​വ​നാണ്‌ അപ്പോ​സ്‌ത​ല​നായ പത്രോസ്‌. ഏതാണ്ടു 30 വർഷം കഴിഞ്ഞ്‌, ഭാര്യ​മാർക്കു സ്‌നേ​ഹ​പു​ര​സ്സ​ര​മായ ബുദ്ധ്യു​പ​ദേശം നൽകി​യ​ശേഷം പത്രോസ്‌ എഴുതി: “ഭർത്താ​ക്കൻമാ​രേ, നിങ്ങളു​ടെ പ്രാർത്ഥ​നെക്കു മുടക്കം വരാതി​രി​ക്കേ​ണ്ട​തി​ന്നു വിവേ​ക​ത്തോ​ടെ ഭാര്യ​മാ​രോ​ടു​കൂ​ടെ വസിച്ചു, സ്‌ത്രീ​ജനം ബലഹീ​ന​പാ​ത്രം എന്നും അവർ ജീവന്റെ കൃപെക്കു കൂട്ടവ​കാ​ശി​കൾ എന്നും ഓർത്തു അവർക്കു ബഹുമാ​നം കൊടു​പ്പിൻ.” (1 പത്രൊസ്‌ 3:7) “അവർക്കു ബഹുമാ​നം കൊടു​പ്പിൻ” എന്ന വാക്കു​ക​ളാൽ പത്രോസ്‌ എന്താണ്‌ അർഥമാ​ക്കി​യത്‌?

16. (എ) “ബഹുമാ​നം” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു നാമത്തി​ന്റെ അർഥം എന്ത്‌? (ബി) യേശു മറുരൂ​പം പ്രാപിച്ച സമയത്തു യഹോവ യേശു​വി​നെ എങ്ങനെ ബഹുമാ​നി​ച്ചു, ഇതിൽനി​ന്നു നാം എന്തു പഠിക്കു​ന്നു?

¹⁶ ഒരു നിഘണ്ടു​നിർമാ​താ​വു പറയു​ന്ന​പ്ര​കാ​രം, “ബഹുമാ​നം” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു നാമത്തി​ന്റെ (റ്റീമേ) അർഥം “വില, മൂല്യം, ബഹുമാ​നം, ആദരവ്‌” എന്നാണ്‌. ഈ ഗ്രീക്കു പദത്തിന്റെ രൂപങ്ങൾ “സമ്മാനം,” “വില​യേ​റിയ” എന്നു ഭാഷാ​ന്തരം ചെയ്‌തി​രി​ക്കു​ന്നു. (പ്രവൃ​ത്തി​കൾ 28:10; 1 പത്രോസ്‌ 2:7, NW) 2 പത്രൊസ്‌ 1:17-ൽ പത്രോസ്‌ ഉപയോ​ഗി​ച്ചി​രി​ക്കുന്ന ഇതേ പദത്തിന്റെ ഒരു രൂപം പരി​ശോ​ധി​ക്കു​ന്ന​പക്ഷം, ഒരുവനെ ബഹുമാ​നി​ക്കുക എന്നത്‌ എന്ത്‌ അർഥമാ​ക്കു​ന്നു​വെന്ന കാര്യ​ത്തിൽ നമുക്ക്‌ ഉൾക്കാഴ്‌ച ലഭിക്കു​ന്നു. അവിടെ അവൻ യേശു​വി​ന്റെ മറുരൂ​പ​ത്തോ​ടുള്ള ബന്ധത്തിൽ ഇങ്ങനെ പറഞ്ഞു: “ഇവൻ എന്റെ പ്രിയ​പു​ത്രൻ; ഇവങ്കൽ ഞാൻ പ്രസാ​ദി​ച്ചി​രി​ക്കു​ന്നു” എന്നുള്ള ശബ്ദം അതി​ശ്രേ​ഷ്‌ഠ​തേ​ജ​സ്സി​ങ്കൽനി​ന്നു വന്നപ്പോൾ പിതാ​വായ ദൈവ​ത്താൽ അവന്നു മാനവും തേജസ്സും ലഭിച്ചു.’ യേശു​വി​ന്റെ മറുരൂ​പ​ത്തി​ങ്കൽ മറ്റുള്ളവർ കേൾക്കെ അവന്റെ​മേൽ അംഗീ​കാ​രം പ്രകട​മാ​ക്കി​ക്കൊ​ണ്ടു യഹോവ തന്റെ പുത്രനെ ബഹുമാ​നി​ച്ചു. (മത്തായി 17:1-5) അപ്പോൾ, തന്റെ ഭാര്യയെ ബഹുമാ​നി​ക്കുന്ന ഒരുവൻ അവളെ അവമാ​നി​ക്കു​ക​യോ താഴ്‌ത്തി​ക്കെ​ട്ടു​ക​യോ ചെയ്യു​ക​യില്ല. മറിച്ച്‌, തന്റെ വാക്കു​ക​ളി​ലൂ​ടെ​യും പ്രവൃ​ത്തി​ക​ളി​ലൂ​ടെ​യും—രഹസ്യ​മാ​യി​ട്ടും പരസ്യ​മാ​യി​ട്ടും—അയാൾ അവളെ ആദരി​ക്കു​ന്നു​വെന്നു പ്രകട​മാ​ക്കു​ന്നു.—സദൃശ​വാ​ക്യ​ങ്ങൾ 31:28-30.

17. (എ) ക്രിസ്‌തീയ ഭാര്യ ബഹുമാ​നം അർഹി​ക്കു​ന്നത്‌ എന്തു​കൊണ്ട്‌? (ബി) ദൈവ​ദൃ​ഷ്ടി​യിൽ ഒരു സ്‌ത്രീ​യെ​ക്കാൾ തനിക്കു വിലയു​ള്ള​താ​യി ഒരു പുരു​ഷനു തോന്ന​രു​താ​ത്തത്‌ എന്തു​കൊണ്ട്‌?

¹⁷ ക്രിസ്‌തീയ ഭർത്താ​ക്ക​ന്മാർ തങ്ങളുടെ ഭാര്യ​മാർക്ക്‌ ഈ ബഹുമാ​നം ‘കൊടു’ക്കുന്നവ​രാ​യി​രി​ക്കണം എന്നു പത്രോസ്‌ പറയുന്നു. അത്‌ ഒരു ഉപകാ​ര​മാ​യി​ട്ടല്ല മറിച്ച്‌, ഭാര്യ​യു​ടെ അവകാ​ശ​മാ​യി​ട്ടു നൽകേ​ണ്ട​തുണ്ട്‌. ഭാര്യ​മാർ അത്തരം ബഹുമാ​ന​ത്തി​നു പാത്ര​മാ​യി​രി​ക്കു​ന്നത്‌ എന്തു​കൊണ്ട്‌? എന്തു​കൊ​ണ്ടെ​ന്നാൽ “അവർ ജീവന്റെ കൃപെക്കു കൂട്ടവ​കാ​ശി​കൾ” ആണെന്നു പത്രോസ്‌ വിശദീ​ക​രി​ക്കു​ന്നു. പൊ.യു. ഒന്നാം നൂറ്റാ​ണ്ടിൽ പത്രോ​സി​ന്റെ ലേഖനം കൈപ്പ​റ്റിയ സ്‌ത്രീ​പു​രു​ഷൻമാ​രെ​ല്ലാം ക്രിസ്‌തു​വി​നോ​ടൊ​പ്പം കൂട്ടവ​കാ​ശി​ക​ളാ​യി വിളി​ക്ക​പ്പെ​ട്ട​വ​രാ​യി​രു​ന്നു. (റോമർ 8:16, 17; ഗലാത്യർ 3:28) അവർക്കു സഭയിൽ ഒരേ ഉത്തരവാ​ദി​ത്വ​മാ​യി​രു​ന്നില്ല ഉണ്ടായി​രു​ന്നത്‌, എന്നാൽ അവർ ക്രമേണ ക്രിസ്‌തു​വി​നോ​ടൊ​പ്പം സ്വർഗ​ത്തിൽ ഭരണം നടത്തു​ന്ന​തിൽ പങ്കു​ചേ​രും. (വെളി​പ്പാ​ടു 20:6) ഇന്നും, ദൈവ​ജ​ന​ത്തിൽ ഭൂരി​പ​ക്ഷ​ത്തി​നും ഭൗമിക പ്രത്യാ​ശ​യു​ള്ള​പ്പോൾ ഏതെങ്കി​ലും ഒരു ക്രിസ്‌തീയ പുരുഷൻ സഭയിൽ തനിക്ക്‌ ഉണ്ടായി​രു​ന്നേ​ക്കാ​വുന്ന പദവി​കൾമൂ​ലം, താൻ ദൈവ​ദൃ​ഷ്ടി​യിൽ സ്‌ത്രീകളെക്കാൾ കൂടുതൽ വിലയു​ള്ള​വ​രാ​ണെന്നു ചിന്തി​ക്കു​ന്നതു ഗുരു​ത​ര​മായ ഒരു തെറ്റാ​യി​രി​ക്കും. (താരത​മ്യം ചെയ്യുക: ലൂക്കൊസ്‌ 17:10.) സ്‌ത്രീ​കൾക്കും പുരു​ഷൻമാർക്കു​മെ​ല്ലാം ദൈവ​ദൃ​ഷ്ടി​യിൽ ഒരേ ആത്മീയ സ്ഥാനമാണ്‌ ഉള്ളത്‌, കാരണം യേശു​വി​ന്റെ ബലിമ​രണം പുരു​ഷൻമാർക്കും സ്‌ത്രീ​കൾക്കും ഒരേ അവസര​മാ​ണു തുറന്നു​കൊ​ടു​ത്തി​രി​ക്കു​ന്നത്‌—അതായത്‌, നിത്യ​ജീ​വന്റെ വീക്ഷണ​ത്തിൽ പാപത്തിൽനി​ന്നും മരണത്തിൽനി​ന്നും മോചനം.—റോമർ 6:23.

18. ഭാര്യയെ ബഹുമാ​നി​ക്കു​ന്ന​തിന്‌ എന്തു നിർബ​ന്ധിത കാരണ​മാ​ണു പത്രോസ്‌ നൽകു​ന്നത്‌?

¹⁸ ഭർത്താവ്‌ ഭാര്യയെ ബഹുമാ​നി​ക്കേ​ണ്ട​തി​ന്റെ മറ്റൊരു നിർബ​ന്ധിത കാരണം പത്രോസ്‌ നൽകുന്നു, “[അയാളു​ടെ] പ്രാർത്ഥ​നെക്കു മുടക്കം വരാതി​രി​ക്കേ​ണ്ട​തി​ന്നു.” ‘മുടക്കം വരുക’ എന്ന പദപ്ര​യോ​ഗം “ക്ഷതം വരുത്തുക” എന്ന അക്ഷരീയ അർഥമുള്ള ഗ്രീക്കു ക്രിയാ​പ​ദ​ത്തിൽനി​ന്നു (എൻകോ​പ്‌ട്ടോ) വന്നതാണ്‌. വൈൻസ്‌ എക്‌സ്‌പോ​സി​റ്ററി ഡിക്‌ഷ​ണറി ഓഫ്‌ ഓൾഡ്‌ ആൻഡ്‌ ന്യൂ ടെസ്റ്റ​മെൻറ്‌ വേഡ്‌സ്‌ പറയു​ന്ന​പ്ര​കാ​രം, “വഴിയിൽ വിള്ളലു​ണ്ടാ​ക്കി​യോ പാതയിൽ ശക്തമായ ഒരു പ്രതി​ബന്ധം സൃഷ്ടി​ച്ചോ വ്യക്തി​കൾക്കു മാർഗ​ത​ടസ്സം വരുത്തു​ന്ന​തി​നാണ്‌ ഇത്‌ ഉപയോ​ഗി​ച്ചി​രു​ന്നത്‌.” തൻമൂലം, ഭാര്യക്കു ബഹുമാ​നം നൽകാൻ പരാജ​യ​പ്പെ​ടുന്ന ഭർത്താ​വി​നു തന്റെ പ്രാർഥ​ന​കൾക്കും ദൈവം അതു കേൾക്കു​ന്ന​തി​നും മധ്യേ മാർഗ​ത​ടസ്സം ഉള്ളതായി കാണാൻ കഴിയും. ദൈവത്തെ സമീപി​ക്കാൻ താൻ യോഗ്യ​ന​ല്ലെന്ന്‌ അയാൾക്കു തോന്നി​യേ​ക്കാം, അല്ലെങ്കിൽ തന്റെ പ്രാർഥന യഹോവ ചെവി​ക്കൊ​ള്ളു​ക​യില്ല എന്ന്‌ അയാൾക്കു തോന്നി​യേ​ക്കാം. പുരു​ഷൻമാർ സ്‌ത്രീ​ക​ളോ​ടു പെരു​മാ​റുന്ന വിധത്തിൽ യഹോവ വളരെ തത്‌പ​ര​നാ​ണെ​ന്നതു സ്‌പഷ്ട​മാണ്‌.—താരത​മ്യം ചെയ്യുക: വിലാ​പങ്ങൾ 3:44.

19. സഭയിലെ സ്‌ത്രീ​പു​രു​ഷൻമാർക്ക്‌ പരസ്‌പര ആദര​വോ​ടെ എങ്ങനെ പെരു​മാ​റാ​വു​ന്ന​താണ്‌?

¹⁹ ബഹുമാ​നം കാണി​ക്കുക എന്നതു ഭർത്താ​ക്കൻമാ​രു​ടെ മാത്രം ഉത്തരവാ​ദി​ത്വ​മല്ല. ഭർത്താവ്‌ സ്‌നേ​ഹ​പു​ര​സ്സ​ര​വും മാന്യ​വു​മാ​യി പെരു​മാ​റി​ക്കൊ​ണ്ടു തന്റെ ഭാര്യയെ ബഹുമാ​നി​ക്കേ​ണ്ട​പ്പോൾ ഒരു ഭാര്യ വിധേ​യ​ത്വ​വും ആഴമായ ആദരവും കാണി​ച്ചു​കൊ​ണ്ടു തന്റെ ഭർത്താ​വി​നെ ബഹുമാ​നി​ക്കേ​ണ്ട​താണ്‌. (1 പത്രൊസ്‌ 3:1-6) കൂടാതെ, ‘അന്യോ​ന്യം ബഹുമാ​നി​ക്കു’ന്നതിനു പൗലോസ്‌ ക്രിസ്‌ത്യാ​നി​കളെ അനുശാ​സി​ച്ചു. (റോമർ 12:10) സഭയിലെ സ്‌ത്രീ​പു​രു​ഷൻമാർ പരസ്‌പരം ആദര​വോ​ടെ സേവി​ക്കു​ന്ന​തി​നുള്ള ഒരു ആഹ്വാ​ന​മാ​ണിത്‌. അത്തര​മൊ​രു മനോ​ഭാ​വം പ്രബല​മാ​യി​രി​ക്കു​മ്പോൾ നേതൃ​ത്വം വഹിക്കു​ന്ന​വ​രു​ടെ അധികാ​ര​ത്തി​നു തുരങ്കം വയ്‌ക്കുന്ന രീതി​യിൽ ക്രിസ്‌തീയ സ്‌ത്രീ​കൾ സംസാ​രി​ക്കു​ക​യില്ല. മറിച്ച്‌, അവർ മൂപ്പൻമാ​രെ പിന്തു​ണ​യ്‌ക്കു​ക​യും അവരു​മാ​യി സഹകരി​ക്കു​ക​യും ചെയ്യും. (1 കൊരി​ന്ത്യർ 14:34, 35; എബ്രായർ 13:17) ക്രിസ്‌തീയ മേൽവി​ചാ​ര​കൻമാർ തങ്ങളുടെ പക്ഷത്തു​നിന്ന്‌ “മൂത്ത സ്‌ത്രീ​കളെ അമ്മമാ​രെ​പ്പോ​ലെ​യും ഇളയ സ്‌ത്രീ​കളെ പൂർണ്ണ​നിർമ്മ​ല​ത​യോ​ടെ സഹോ​ദ​രി​ക​ളെ​പ്പോ​ലെ​യും” പരിഗ​ണി​ക്കും. (1 തിമൊ​ഥെ​യൊസ്‌ 5:1, 2) മൂപ്പൻമാർ ബുദ്ധി​പൂർവം തങ്ങളുടെ ക്രിസ്‌തീയ സഹോ​ദ​രി​മാ​രു​ടെ വാക്കുകൾ ദയാപു​ര​സ്സരം പരിഗ​ണി​ക്കും. തൻമൂലം, ഒരു സഹോ​ദരി ആദരപൂർവം ദിവ്യാ​ധി​പത്യ ശിരഃ​സ്ഥാ​നത്തെ കണക്കി​ലെ​ടു​ത്തു​കൊണ്ട്‌ ആദരപൂർവം ഒരു ചോദ്യ​മു​ന്ന​യി​ക്കു​ക​യോ ശ്രദ്ധ ചെലു​ത്തേണ്ട എന്തെങ്കി​ലും ചൂണ്ടി​ക്കാ​ട്ടു​ക​യോ ചെയ്യു​മ്പോൾ മൂപ്പന്മാർ അവളുടെ ചോദ്യ​മോ പ്രശ്‌ന​മോ സസന്തോ​ഷം പരിഗ​ണ​ന​യി​ലെ​ടു​ക്കും.

20. തിരു​വെ​ഴു​ത്തു​പ​ര​മായ രേഖയ​നു​സ​രി​ച്ചു സ്‌ത്രീ​ക​ളോട്‌ എങ്ങനെ പെരു​മാ​റണം?

²⁰ ഏദെനിൽവെച്ചു പാപത്തി​നു തുടക്ക​മി​ട്ട​തു​മു​തൽ പല സംസ്‌കാ​ര​ങ്ങ​ളി​ലും സ്‌ത്രീ​കൾ ബഹുമാ​ന​മി​ല്ലാത്ത താണ നിലയി​ലേക്കു തള്ളപ്പെ​ട്ടി​രി​ക്ക​യാണ്‌. എന്നാൽ അവർ ഇത്തരം പെരു​മാ​റ്റം അനുഭ​വി​ക്ക​ണ​മെന്നു യഹോവ ആരംഭ​ത്തിൽ ഉദ്ദേശി​ച്ചി​രു​ന്നില്ല. സ്‌ത്രീ​ക​ളു​ടെ നേർക്കു സാംസ്‌കാ​രി​ക​മായ എന്തു വീക്ഷണങ്ങൾ നിലനി​ന്നാ​ലും വേണ്ടില്ല, ദൈവ​ഭ​ക്തി​യുള്ള സ്‌ത്രീ​ക​ളോ​ടു ബഹുമാ​ന​ത്തോ​ടെ​യും ആദര​വോ​ടെ​യും പെരു​മാ​റേ​ണ്ട​തു​ണ്ടെന്ന്‌ എബ്രായ തിരു​വെ​ഴു​ത്തു​ക​ളും ഗ്രീക്കു തിരു​വെ​ഴു​ത്തു​ക​ളും വ്യക്തമാ​യി കാണി​ക്കു​ന്നു. അത്‌ അവരുടെ ദൈവദത്ത അവകാ​ശ​മാണ്‌.

[അടിക്കു​റി​പ്പു​കൾ]

നിങ്ങളുടെ ഉത്തര​മെന്ത്‌?

◻ യേശു സ്‌ത്രീ​ക​ളോട്‌ ബഹുമാ​ന​ത്തോ​ടും ആദര​വോ​ടും​കൂ​ടി ഇടപെ​ട്ടു​വെന്നു പ്രകട​മാ​ക്കുന്ന ദൃഷ്ടാ​ന്തങ്ങൾ ഏവ?

◻ യേശു​വി​ന്റെ പഠിപ്പി​ക്ക​ലു​കൾ സ്‌ത്രീ​ക​ളു​ടെ മാന്യ​ത​യോട്‌ ആദരവു പ്രകട​മാ​ക്കി​യത്‌ എങ്ങനെ?

◻ ഒരു ഭർത്താവ്‌ തന്റെ ക്രിസ്‌തീയ ഭാര്യയെ ബഹുമാ​നി​ക്കേ​ണ്ടത്‌ എന്തു​കൊണ്ട്‌?

◻ ബഹുമാ​നം കാണി​ക്കു​ന്ന​തി​നു സകല ക്രിസ്‌ത്യാ​നി​കൾക്കും എന്തു കടപ്പാ​ടാ​ണു​ള്ളത്‌?

[17-ാം പേജിലെ ചിത്രം]

പുനരുത്ഥാനം പ്രാപിച്ച യേശു​വി​നെ ആദ്യം കണ്ടത്‌ ദൈവ​ഭ​ക്തി​യുള്ള സ്‌ത്രീ​ക​ളാ​യി​രു​ന്നു, അവർ അതേപ്പറ്റി അവന്റെ സഹോ​ദ​രൻമാർക്കു സാക്ഷ്യം നൽകി