യേശു​വി​ന്റെ ജീവി​ത​വും ശുശ്രൂ​ഷ​യും

ഒരു അഭില​ഷ​ണീയ മനുഷ്യാ​തീത ഭരണാ​ധി​കാ​രി

യേശു അത്ഭുത​ക​ര​മാ​യി ആയിര​ങ്ങളെ പോഷി​പ്പി​ക്കു​മ്പോൾ ജനങ്ങൾ അതിശ​യി​ക്കു​ന്നു. “ഇതു തീർച്ച​യാ​യും ലോക​ത്തി​ലേക്കു വരാനി​രുന്ന പ്രവാ​ച​ക​നാണ്‌” എന്ന്‌ അവർ പറയുന്നു. യേശു മോശ​യെ​ക്കാൾ വലിയ ആ പ്രവാ​ച​ക​നാ​യി​രി​ക്ക​ണ​മെന്നു മാത്രമല്ല അവൻ അത്യന്തം അഭില​ഷ​ണീ​യ​നായ ഒരു ഭരണാ​ധി​കാ​രി​യാ​യി​രി​ക്കു​മെ​ന്നും അവർ നിഗമ​നം​ചെ​യ്യു​ന്നു. അതു​കൊണ്ട്‌ അവർ അവനെ പിടിച്ചു രാജാ​വാ​ക്കാൻ പ്ലാനി​ടു​ന്നു.

എന്നിരു​ന്നാ​ലും യേശു​വിന്‌ അവരുടെ പ്ലാനി​നെ​ക്കു​റിച്ച്‌ അറിവുണ്ട്‌. അതു​കൊണ്ട്‌ അവരാൽ ബലമായി നിയോ​ഗി​ക്ക​പ്പെ​ടു​ന്ന​തൊ​ഴി​വാ​ക്കാൻ അവൻ പെട്ടെന്നു മാറി​ക്ക​ള​യു​ന്നു. അവൻ ജനക്കൂ​ട്ടത്തെ പിരി​ച്ചു​വി​ടു​ക​യും തങ്ങളുടെ വള്ളത്തിൽ കയറി കപ്പർന്ന​ഹൂ​മി​ലേക്കു തിരി​കെ​പോ​കാൻ തന്റെ ശിഷ്യൻമാ​രെ നിർബ​ന്ധി​ക്കു​ക​യും ചെയ്യുന്നു. പിന്നീട്‌ അവൻ പ്രാർത്ഥി​ക്കാൻ പർവത​ത്തി​ലേക്കു പിൻവാ​ങ്ങു​ന്നു. ആ രാത്രി​യിൽ യേശു അവിടെ ഒററക്കാണ്‌.

പ്രഭാ​ത​ത്തിന്‌ അല്‌പം​മുമ്പ്‌ യേശു ഉയർന്ന അനുകൂ​ല​സ്ഥാ​ന​ത്തു​നിന്ന്‌ പുറ​ത്തേക്കു നോക്കു​ക​യും കടലിൽ തിരമാ​ലകൾ ഒരു ശക്തമായ കാററി​നാൽ അടിച്ചു​പാ​യി​ക്ക​പ്പെ​ടു​ന്നതു നിരീ​ക്ഷി​ക്കു​ക​യും ചെയ്യുന്നു. പെസഹാ​യോ​ടു അടുത്തി​രു​ന്ന​തി​നാൽ മിക്കവാ​റും പൂർണ്ണ​മാ​യി​രുന്ന ചന്ദ്രന്റെ വെളി​ച്ച​ത്തിൽ തന്റെ ശിഷ്യൻമാർ കയറി​യി​രുന്ന വള്ളം തിരമാ​ല​കൾക്കെ​തി​രെ നീങ്ങാൻ പണി​പ്പെ​ടു​ന്നതു യേശു കണ്ടു. അവർ തങ്ങളുടെ സർവശ​ക്തി​യു​മു​പ​യോ​ഗി​ച്ചു തുഴയു​ക​യാ​യി​രു​ന്നു.

ഇതു കണ്ടപ്പോൾ യേശു പർവത​ത്തിൽനി​ന്നി​റങ്ങി തിരമാ​ല​കൾക്കു കുറുകെ വള്ളത്തിന്റെ നേരെ നടന്നു​തു​ട​ങ്ങു​ന്നു. ഏതാണ്ടു മൂന്നോ നാലോ മൈൽ ദൂരം നടന്ന്‌ അവൻ തന്റെ ശിഷ്യൻമാ​രു​ടെ അടുക്കൽ എത്തുന്നു. എന്നിരു​ന്നാ​ലും, അവൻ അവരെ കടന്നു​പോ​കുന്ന മട്ടിൽ നടപ്പു തുടരു​ന്നു. അവർ അവനെ കാണു​മ്പോൾ “ഇത്‌ ഒരു മായാ​രൂ​പ​മാണ്‌!” എന്ന്‌ ഉദ്‌ഘോ​ഷി​ക്കു​ന്നു.

യേശു സമാശ്വ​സി​പ്പി​ച്ചു​കൊണ്ട്‌ “ഞാനാണ്‌; പേടി​ക്കേണ്ട” എന്നു പ്രതി​വ​ചി​ക്കു​ന്നു.

എന്നാൽ “കർത്താവേ, അതു നീയാ​ണെ​ങ്കിൽ വെള്ളത്തിൻമീ​തെ​കൂ​ടെ നിന്റെ അടുക്കൽ വരാൻ എന്നോടു കല്‌പി​ക്കേ​ണമേ” എന്നു പത്രോസ്‌ പറയുന്നു.

“വരൂ!” എന്നു യേശു മറുപടി പറയുന്നു.

അപ്പോൾ പത്രോസ്‌ വള്ളത്തിൽനി​ന്നി​റങ്ങി യേശു​വി​ന്റെ നേരെ നടന്നടു​ക്കു​ന്നു. എന്നാൽ കൊടു​ങ്കാ​റ​റി​നെ നോക്കവേ പത്രോസ്‌ ഭയപ്പെ​ടു​ക​യും മുങ്ങാൻ തുടങ്ങു​മ്പോൾ “കർത്താവേ, എന്നെ രക്ഷി​ക്കേ​ണമേ!” എന്നു നിലവി​ളി​ക്കു​ക​യും ചെയ്യുന്നു.

പെട്ടെ​ന്നു​ത​ന്നെ യേശു കൈനീ​ട്ടി അവനെ പിടി​ച്ചു​കൊണ്ട്‌ “അല്‌പ​വി​ശ്വാ​സി​യേ, നീ സംശയ​ത്തി​നു വഴി​പ്പെ​ട്ട​തെ​ന്തു​കൊണ്ട്‌?” എന്നു ചോദി​ക്കു​ക​യും ചെയ്യുന്നു.

യേശു​വും പത്രോ​സും വള്ളത്തിൽ തിരി​ച്ചു​ക​യ​റി​യ​ശേഷം കാററു നിലയ്‌ക്കു​ന്നു, ശിഷ്യൻമാർ അത്ഭുത​സ്‌ത​ബ്ധ​രാ​കു​ന്നു. എന്നാൽ അവർ അത്ഭുത​പ്പെ​ട​ണ​മാ​യി​രു​ന്നു​വോ? അവർ ഏതാനും മണിക്കൂ​റു​കൾക്കു​മുമ്പ്‌ വെറും അഞ്ചപ്പവും രണ്ടു ചെറിയ മീനും​കൊണ്ട്‌ ആയിര​ങ്ങളെ പോഷി​പ്പിച്ച യേശു​വി​ന്റെ വലിയ അത്ഭുതത്തെ വിലമ​തി​ച്ചു​കൊണ്ട്‌ “അപ്പങ്ങളു​ടെ അർത്ഥം” ഗ്രഹി​ച്ചി​രു​ന്നെ​ങ്കിൽ വെള്ളത്തിൻമീ​തെ നടക്കു​ന്ന​തും കാററു ശമിക്കാ​നി​ട​യാ​ക്കു​ന്ന​തും വളരെ അതിശ​യ​ക​ര​മാ​യി തോ​ന്നേ​ണ്ട​തി​ല്ലാ​യി​രു​ന്നു. എന്നിരു​ന്നാ​ലും, ഇപ്പോൾ ശിഷ്യൻമാർ യേശു​വി​നോ​ടു ആദരവു​കാ​ട്ടു​ക​യും “നീ യഥാർത്ഥ​ത്തിൽ ദൈവ​പു​ത്ര​നാ​കു​ന്നു”വെന്നു പറയു​ക​യും ചെയ്യുന്നു.

ചുരു​ങ്ങി​യ സമയം​കൊണ്ട്‌ അവർ കപ്പർന്ന​ഹൂ​മി​ന​ടു​ത്തുള്ള മനോ​ജ്ഞ​വും ഫലഭൂ​യി​ഷ്‌ഠ​വു​മായ ഒരു സമതല​മായ ഗന്നസ​രേ​ത്തി​ലെ​ത്തു​ന്നു. അവിടെ അവർ വള്ളം നങ്കൂര​മി​ട്ടു​റ​പ്പി​ക്കു​ന്നു. എന്നാൽ അവർ കരയി​ലൂ​ടെ പോകു​മ്പോൾ ആളുകൾ യേശു​വി​നെ തിരി​ച്ച​റി​യു​ക​യും ചുററു​പാ​ടു​മുള്ള ദേശ​ത്തേ​ക്കു​പോ​യി രോഗി​കളെ കണ്ടെത്തു​ക​യും ചെയ്യുന്നു. ഇവരെ അവരുടെ കട്ടിലു​ക​ളിൽ കൊണ്ടു​വ​രു​ക​യും യേശു​വി​ന്റെ പുറങ്കു​പ്പാ​യ​ത്തി​ന്റെ വിളു​മ്പി​ലെ​ങ്കി​ലും തൊടു​ക​യും ചെയ്യു​മ്പോൾ അവർ പൂർണ്ണ​മാ​യി സുഖം​പ്രാ​പി​ക്കു​ന്നു.

ആയിര​ങ്ങ​ളെ അത്ഭുത​ക​ര​മാ​യി പോഷി​പ്പി​ച്ചതു നേരിൽകണ്ട ജനക്കൂട്ടം അടുത്ത ദിവസം യേശു വിട്ടു​പോ​യ​താ​യി കണ്ടുപി​ടി​ക്കു​ന്നു. അതു​കൊ​ണ്ടു തിബെ​ര്യാ​സിൽനിന്ന്‌ ചെറു​വ​ഞ്ചി​കൾ വരു​മ്പോൾ അവർ അവയിൽ കയറി യേശു​വി​നെ അന്വേ​ഷി​ക്കാൻ കപ്പർന്ന​ഹൂ​മി​ലേക്കു തുഴഞ്ഞു​പോ​കു​ന്നു. അവർ അവനെ കണ്ടെത്തു​മ്പോൾ “റബ്ബീ, നീ ഇവിടെ എപ്പോൾ എത്തി?” എന്നു അവർ ചോദി​ക്കു​ന്നു. യേശു​വി​ന്റെ ഉത്തരം കാര്യങ്ങൾ നന്നായി വെളി​പ്പെ​ടു​ത്തു​ന്ന​താ​യി​രി​ക്കും. യോഹ​ന്നാൻ 6:14-25; മത്തായി 14:22-36; മർക്കോസ 6:45-56.

◆ യേശു അത്ഭുത​ക​ര​മാ​യി ആയിര​ങ്ങളെ പോഷി​പ്പി​ച്ച​ശേഷം ആളുകൾ അവനോ​ടു എന്തു ചെയ്യാൻ ആഗ്രഹി​ക്കു​ന്നു?

◆ യേശു പിൻവാ​ങ്ങി​പ്പോയ പർവത​ത്തിൽനിന്ന്‌ അവൻ എന്തു കാണുന്നു, അവൻ അപ്പോൾ എന്തു ചെയ്യുന്നു?

◆ ഈ കാര്യ​ങ്ങ​ളിൽ ശിഷ്യൻമാർ വളരെ അതിശ​യി​ക്ക​രു​താ​ഞ്ഞ​തെ​ന്തു​കൊണ്ട്‌?

◆ അവർ കരക്കെ​ത്തി​യ​ശേഷം എന്തു സംഭവി​ക്കു​ന്നു? (w87 9/15)

[9-ാം പേജ്‌ നിറ​യെ​യുള്ള ചിത്രം]