യേശു​വി​ന്റെ ജീവി​ത​വും ശുശ്രൂ​ഷ​യും

യേശു താഴ്‌മ​യു​ടെ ഒരു പാഠം നൽകുന്നു

കൈസ​ര്യാ ഫിലി​പ്പി​യു​ടെ സമീപ​പ്ര​ദേ​ശത്ത്‌ ഭൂതബാ​ധി​ത​നായ ഒരു ബാലനെ സൗഖ്യ​മാ​ക്കി​യ​ശേഷം യേശു കഫർന്ന​ഹൂ​മി​ലെ വീട്ടി​ലേക്കു പോകാൻ ആഗ്രഹി​ച്ചു. എന്നിരു​ന്നാ​ലും, ആ യാത്ര​യിൽ തന്റെ ശിഷ്യൻമാ​രോ​ടൊ​ത്തു​മാ​ത്ര​മാ​യി​രി​ക്കാൻ അവൻ ഇഷ്ടപ്പെട്ടു. കാരണം, തന്റെ മരണം​സം​ബ​ന്ധി​ച്ചും അനന്തര​മുള്ള അവരുടെ ഉത്തരവാ​ദി​ത്തങ്ങൾ സംബന്ധി​ച്ചും അവരെ ഒരു​ക്കേ​ണ്ട​തു​ണ്ടാ​യി​രു​ന്നു. “മനുഷ്യ​പു​ത്രൻ മനുഷ്യ​രു​ടെ കൈക​ളിൽ ഏല്‌പി​ക്ക​പ്പെ​ടേ​ണ്ട​താ​കു​ന്നു, അവർ അവനെ കൊന്നു​ക​ള​യും, പക്ഷേ കൊല്ല​പ്പെ​ടു​മെ​ങ്കി​ലും അവൻ മൂന്നു ദിവസ​ത്തി​നു​ശേഷം ഉയർത്തെ​ഴു​ന്നേൽക്കും” എന്നിങ്ങനെ അവൻ അവർക്ക്‌ വിശദീ​ക​രി​ച്ചു​കൊ​ടു​ക്കു​ന്നു.

യേശു ഇതുസം​ബ​ന്ധിച്ച്‌ നേരത്തെ സംസാ​രി​ക്കു​ക​യും മൂന്ന്‌ അപ്പോ​സ്‌ത​ലൻമാർ അവന്റെ “വേർപാ​ടു”സംബന്ധിച്ച ചർച്ച നടക്കാൻ ഇടയായ അവന്റെ രൂപാ​ന്തരം യഥാർത്ഥ​ത്തിൽ കാണു​ക​യും ചെയ്‌തി​രു​ന്നെ​ങ്കി​ലും അവന്റെ അനുഗാ​മി​കൾ ഈ വിഷയം സംബന്ധിച്ച്‌ ഇപ്പോ​ഴും ഗ്രാഹ്യ​മി​ല്ലാ​ത്ത​വ​രാണ്‌. പത്രോസ്‌ പിന്നീട്‌ ചെയ്‌ത​തു​പോ​ലെ, അവൻ കൊല്ല​പ്പെ​ടു​മെ​ന്ന​തി​നെ നിഷേ​ധി​ക്കാൻ ആരും ശ്രമി​ക്കു​ന്നി​ല്ലെ​ങ്കി​ലും അതുസം​ബ​ന്ധി​ച്ചു തുടർന്നു ചോദ്യം​ചെ​യ്യാൻ അവർ ഭയന്നി​രി​ക്കു​ക​യാണ്‌.

ഒടുവിൽ അവർ കഫർന്ന​ഹൂ​മിൽ എത്തി​ച്ചേ​രു​ന്നു. ആ സ്ഥലം യേശു​വി​ന്റെ ശുശ്രൂ​ഷ​ക്കാ​ലത്ത്‌ ഒരു പാർപ്പി​ട​ത്താ​വ​ളം​പോ​ലെ​യാ​യി​രു​ന്നു. അത്‌ പത്രോ​സി​ന്റെ​യും മററു പല അപ്പോ​സ്‌ത​ലൻമാ​രു​ടെ​യും സ്വന്തനാ​ടും​കൂ​ടെ​യാണ്‌. അവിടെ, ആലയനി​കു​തി​പി​രി​വു​കാർ പത്രോ​സി​നെ സമീപി​ക്കു​ന്നു. ഒരുപക്ഷേ അംഗീ​കൃ​താ​ചാ​ര​ത്തി​ന്റെ ഏതെങ്കി​ലും ലംഘന​ത്തിൽ യേശു​വി​നെ കുടു​ക്കാൻ ശ്രമി​ച്ചു​കൊ​ണ്ടാ​യി​രി​ക്കാം അവർ ചോദി​ക്കു​ന്നു: “നിങ്ങളു​ടെ ഗുരു ദ്വി​ദ്ര​ഹ്മ​പ്പ​ണ​നി​കു​തി [ആലയംവക] കൊടു​ക്കു​ന്നി​ല്ല​യോ?”

“ഉവ്വ്‌,” പത്രോസ്‌ പറയുന്നു.

താമസി​യാ​തെ പിന്നീട്‌ അവിടെ വന്നു​ചേർന്നി​രി​ക്കാ​വുന്ന യേശു​വിന്‌ അവിടെ നടന്ന​തെ​ല്ലാം അറിയാം. അതു​കൊണ്ട്‌ പത്രോസ്‌ ഈ വിഷയം അവതരി​പ്പി​ക്കു​ന്ന​തി​നു​മു​മ്പു​തന്നെ യേശു ചോദി​ക്കു​ന്നു: “ശിമോ​നേ നിനക്ക്‌ എന്തു തോന്നു​ന്നു? ഭൂമി​യി​ലെ രാജാ​ക്കൻമാർ ചുങ്കമോ കരമോ ആരോടു വാങ്ങുന്നു? തങ്ങളുടെ പുത്രൻമാ​രോ​ടോ അന്യ​രോ​ടോ?”

“അന്യ​രോട്‌”, പത്രോസ്‌ മറുപടി പറയുന്നു.

“അങ്ങനെ​യെ​ങ്കിൽ പുത്രൻമാർ നികു​തി​യിൽനിന്ന്‌ ഒഴിവു​ള്ള​വ​രാ​കു​ന്നു,” യേശു പ്രസ്‌താ​വി​ക്കു​ന്നു. യേശു​വി​ന്റെ പിതാവ്‌ ആലയത്തിൽ ആരാധി​ക്ക​പ്പെ​ടു​ന്ന​വ​നായ പ്രപഞ്ച​രാ​ജാ​വാ​യ​തു​കൊണ്ട്‌ ദൈവ​പു​ത്രൻ ആലയനി​കു​തി കൊടു​ക്ക​ണ​മെ​ന്നു​ള്ളത്‌ യഥാർത്ഥ​ത്തിൽ ഒരു നിയമ​പ​ര​മായ നിബന്ധ​നയല്ല. “എങ്കിലും നാം അവർക്ക്‌ ഇടർച്ച​വ​രു​ത്താ​തി​രി​ക്കേ​ണ്ട​തിന്‌,” യേശു തുടർന്നു​പ​റ​യു​ന്നു, “നീ കടലി​ലേ​ക്കു​ചെന്ന്‌ ചൂണ്ടൽ ഇട്ട്‌ ആദ്യം പൊങ്ങി​വ​രുന്ന മീനിനെ എടുക്കുക. അതിന്റെ വായ്‌ തുറക്കു​മ്പോൾ ഒരു ചതുർദ്ര​ഹ്‌മ​പ്പണം കാണും. അത്‌ എടുത്ത്‌ എനിക്കും നിനക്കും​വേണ്ടി അവർക്കു കൊടുക്ക.”

കഫർന്ന​ഹൂ​മി​ലേ​ക്കുള്ള അവരുടെ മടങ്ങി​വ​ര​വി​നു​ശേഷം ഒരുപക്ഷേ പത്രോ​സി​ന്റെ ഭവനത്തിൽ ശിഷ്യൻമാർ ഒരുമി​ച്ചു​കൂ​ടു​മ്പോൾ അവർ ഇങ്ങനെ ചോദി​ക്കു​ന്നു: “സ്വർഗ്ഗ​രാ​ജ്യ​ത്തിൽ യഥാർത്ഥ​ത്തിൽ ആരാകു​ന്നു ഏററവും വലിയവൻ?” ആ ചോദ്യ​ത്തിന്‌ അവരെ എന്താണ്‌ പ്രേരി​പ്പി​ക്കു​ന്ന​തെന്ന്‌ യേശു​വി​ന​റി​യാം. കാരണം, കൈസര്യ ഫിലി​പ്പി​യിൽ നിന്നുള്ള അവരുടെ മടക്കയാ​ത്ര​യിൽ അവന്റെ പിന്നിൽ അവർ സഞ്ചരി​ക്കുന്ന സമയത്ത്‌ അവരുടെ ഇടയിൽ നടന്നു​കൊ​ണ്ടി​രുന്ന കാര്യങ്ങൾ സംബന്ധിച്ച്‌ അവൻ ബോധ​വാ​നാ​യി​രു​ന്നു. അതു​കൊണ്ട്‌ അവൻ ഇങ്ങനെ ചോദി​ക്കു​ന്നു: “നിങ്ങൾ വഴിയിൽവെച്ച്‌ എന്തി​നെ​ക്കു​റി​ച്ചാ​യി​രു​ന്നു വാദി​ച്ചു​കൊ​ണ്ടി​രു​ന്നത്‌?” അമ്പരന്നു​പോയ ശിഷ്യൻമാർ നിശബ്ദത പാലി​ക്കു​ന്നു, കാരണം അവർ തങ്ങളുടെ ഇടയിൽ വാദി​ച്ചത്‌ ആരാണ്‌ വലിയവൻ എന്നതി​നെ​ക്കു​റി​ച്ചാ​യി​രു​ന്നു.

ഏകദേശം മൂന്നു​വർഷ​ക്കാ​ലത്തെ യേശു​വി​ന്റെ പഠിപ്പി​ക്ക​ലി​നു​ശേഷം ശിഷ്യൻമാർ അങ്ങനെ​യൊ​രു വാദ​പ്ര​തി​വാ​ദം നടത്തു​ന്നത്‌ അവിശ്വ​സ​നീ​യ​മാ​യി തോന്നു​ന്നു​വോ? അത്‌ മാനു​ഷിക അപൂർണ്ണ​ത​യു​ടെ​യും അതു​പോ​ലെ​തന്നെ മതപശ്ചാ​ത്ത​ല​ത്തി​ന്റെ​യും ശക്തമായ സ്വാധീ​നത്തെ വെളി​വാ​ക്കു​ന്നു. ആ ശിഷ്യൻമാർ വളർത്ത​പ്പെട്ട യഹൂദ​മതം എല്ലാ ഏർപ്പാ​ടു​ക​ളി​ലും സ്ഥാനത്തിന്‌ അല്ലെങ്കിൽ പദവിക്ക്‌ ഊന്നൽ കൊടു​ത്തി​രു​ന്നു. അതും​കൂ​ടാ​തെ, പത്രോ​സിന്‌ രാജ്യ​ത്തി​ന്റെ ഏതാനും “താക്കോ​ലു​കൾ ലഭിക്കും” എന്ന യേശു​വി​ന്റെ വാഗ്‌ദാ​നം നിമിത്തം ഒരുപക്ഷേ അവന്‌ ഉന്നതഭാ​വം തോന്നി​യി​രി​ക്കാം. യാക്കോ​ബി​നും യോഹ​ന്നാ​നും യേശു​വി​ന്റെ രൂപാ​ന്ത​ര​ത്തി​ന്റെ സാക്ഷി​ക​ളാ​കാ​നുള്ള പദവി ലഭിച്ച​തി​നാൽ സമാന​മായ തോന്ന​ലു​കൾ അവർക്കു​ണ്ടാ​യി​രു​ന്നി​രി​ക്കാം.

വാസ്‌ത​വ​മെ​ന്താ​യി​രു​ന്നാ​ലും, അവരുടെ മനോ​ഭാ​വങ്ങൾ തിരു​ത്തു​വാ​നുള്ള ശ്രമത്തിൽ യേശു ഒരു ഹൃദയ​സ്‌പർശി​യായ പ്രകടനം അവതരി​പ്പി​ക്കു​ന്നു. അവൻ ഒരു കുട്ടിയെ വിളി​ക്കു​ന്നു, അതിനെ അവരുടെ മദ്ധ്യേ നിർത്തു​ന്നു, തന്റെ കൈകൾകൊണ്ട്‌ അതിനെ ചുററി​പ്പി​ടി​ച്ചു​കൊണ്ട്‌ ഇങ്ങനെ പറയുന്നു: “നിങ്ങൾ തിരിഞ്ഞ്‌ കൊച്ചു​കു​ട്ടി​ക​ളെ​പ്പോ​ലെ​യാ​യി​ത്തീ​രാ​തെ യാതൊ​രു വിധേ​ന​യും സ്വർഗ്ഗ​രാ​ജ്യ​ത്തിൽ കടക്കു​ക​യില്ല. അതു​കൊണ്ട്‌ ആർ ഈ കൊച്ചു​കു​ട്ടി​യെ​പ്പോ​ലെ സ്വയം താഴ്‌ത്തു​ന്നു​വോ അവനാ​യി​രി​ക്കും സ്വർഗ്ഗ​രാ​ജ്യ​ത്തിൽ ഏററവും വലിയ​വ​നാ​യി​രി​ക്കു​ന്നത്‌; ഇങ്ങനെ​യുള്ള ഒരു കൊച്ചു​കു​ട്ടി​യെ എന്റെ നാമത്തി​ന്റെ അടിസ്ഥാ​ന​ത്തിൽ സ്വീക​രി​ക്കുന്ന ഏവനും എന്നെയും സ്വീക​രി​ക്കു​ന്നു.”

തന്റെ ശിഷ്യൻമാ​രെ തിരു​ത്തു​വാ​നുള്ള എത്ര അതിശ​യ​ക​ര​മായ മാർഗ്ഗം! യേശു അവരോ​ടു ദേഷ്യ​പ്പെ​ടു​ക​യോ അവരെ അഹംഭാ​വി​ക​ളെ​ന്നോ ദുരാ​ഗ്ര​ഹി​ക​ളെ​ന്നോ അത്യാ​ഗ്ര​ഹി​ക​ളെ​ന്നോ വിളി​ക്കു​ക​യോ ചെയ്യു​ന്നില്ല. പകരം, അവൻ പ്രകൃ​ത്യാ സൗമ്യ​ശീ​ല​രും അത്യാ​ഗ്ര​ഹ​മി​ല്ലാ​ത്ത​വ​രും പൊതു​വേ തങ്ങളുടെ ഇടയിൽ സ്ഥാനചി​ന്ത​യി​ല്ലാ​ത്ത​വ​രു​മായ കൊച്ചു കുട്ടി​കളെ ഉപയോ​ഗി​ച്ചു​കൊണ്ട്‌ തന്റെ തിരു​ത്ത​ലി​നെ ദൃഷ്‌ടാ​ന്തീ​ക​രി​ച്ചു​കാ​ണി​ക്കു​ക​യാണ്‌ ചെയ്യു​ന്നത്‌. അപ്രകാ​രം, താഴ്‌മ​യുള്ള കുട്ടി​ക​ളു​ടെ പ്രകൃ​ത​മായ ഇതേ ഗുണങ്ങൾ തന്റെ ശിഷ്യൻമാർ വളർത്തി​യെ​ടു​ക്കേണ്ട ആവശ്യ​മു​ണ്ടെന്ന്‌ യേശു പ്രകട​മാ​ക്കു​ന്നു. യേശു ഇങ്ങനെ ഉപസം​ഹ​രി​ക്കു​ന്നു: “നിങ്ങളി​ലെ​ല്ലാ​വ​രി​ലും ഏറെ ചെറി​യ​വ​നെ​ന്ന​പോ​ലെ വർത്തി​ക്കു​ന്നവൻ ആയിരി​ക്കും വലിയവൻ”. മത്തായി 17:22-27; 18:1-5; മർക്കോസ്‌ 9:30-37; ലൂക്കോസ്‌ 9:43-48.

◆ കഫർന്ന​ഹൂ​മി​ലേ​ക്കുള്ള മടക്കയാ​ത്ര​യിൽ യേശു ഏതു പഠിപ്പി​ക്കൽ ആവർത്തി​ക്കു​ന്നു, അത്‌ എങ്ങനെ സ്വീക​രി​ക്ക​പ്പെ​ടു​ന്നു?

◆ യേശു ആലയനി​കു​തി കൊടു​ക്കാ​നുള്ള കടപ്പാ​ടിൻകീ​ഴി​ല​ല്ലാ​ത്തത്‌ എന്തു​കൊണ്ട്‌, എന്നാൽ അവൻ അത്‌ കൊടു​ത്ത​തെ​ന്തു​കൊണ്ട്‌?

◆ ശിഷ്യൻമാ​രു​ടെ വാദ​പ്ര​തി​വാ​ദ​ത്തിന്‌ സംഭാ​വ​ന​ചെ​യ്‌തത്‌ ഒരുപക്ഷേ എന്തായി​രി​ക്കാം, യേശു അവരെ എങ്ങനെ തിരുത്തി? (w88 2/1)