പ്രത്യക്ഷത വഞ്ചകമാ​യി​രു​ന്നേ​ക്കാം

“വിശ്വ​സ​നീ​യ​മായ പ്രത്യ​ക്ഷ​ത​ക​ളില്ല” എന്ന്‌ ഐറീഷ്‌ നാടക​കൃ​ത്തായ റിച്ചാർഡ്‌ ഷെറി​ഡാൻ പറഞ്ഞു. മനുഷ്യ​രെ സംബന്ധി​ച്ചും അതു​പോ​ലെ​തന്നെ വൃക്ഷങ്ങളെ സംബന്ധി​ച്ചും ഇതു സത്യമാണ്‌.

പൊ.യു. 33 മാർച്ച്‌ അവസാ​ന​ത്തി​ലെ ഒരു ദിവസം യേശു​വും അവന്റെ ശിഷ്യൻമാ​രും ബെഥനി​യിൽനി​ന്നു യരുശ​ലേ​മി​ലേക്കു നടന്നു​വ​രു​മ്പോൾ ഒരു അത്തിവൃ​ക്ഷം കണ്ടു. വൃക്ഷം നിറയെ ഇലകൾ ആയിരു​ന്നു, എന്നാൽ അതിൽ ഒരുഫ​ല​വും ഉണ്ടായി​രു​ന്നി​ല്ലെന്നു സൂക്ഷ്‌മ​പ​രി​ശോ​ധന വെളി​പ്പെ​ടു​ത്തി. അതു​കൊ​ണ്ടു യേശു അതി​നോട്‌: “ഇനി നിങ്കൽനി​ന്നു എന്നേക്കും ആരും ഫലം തിന്നാ​തി​രി​ക്കട്ടെ” എന്നു പറഞ്ഞു.—മർക്കൊസ്‌ 11:12-14.

മർക്കോസ്‌ വിശദീ​ക​രി​ക്കു​ന്ന​തു​പോ​ലെ, “അതു അത്തിപ്പ​ഴ​ത്തി​ന്റെ കാലമ​ല്ലാ​ഞ്ഞു” എന്നിരി​ക്കെ യേശു എന്തു​കൊ​ണ്ടാണ്‌ ആ വൃക്ഷത്തെ ശപിച്ചത്‌? (മർക്കൊസ്‌ 11:13) കൊള്ളാം, ഒരു അത്തിവൃ​ക്ഷ​ത്തിൽ ഇലകൾ ഉള്ളപ്പോൾ സാധാ​ര​ണ​യാ​യി അതിൽ നേരെ​ത്തെ​യുള്ള അത്തിക്കാ​യ്‌കൾ കൂടി ഉണ്ടായി​രി​ക്കും. വർഷത്തി​ന്റെ ആ സമയത്ത്‌ അത്തിവൃ​ക്ഷ​ത്തിന്‌ ഇലകൾ ഉണ്ടായി​രി​ക്കു​ക​യെ​ന്നത്‌ അസാധാ​ര​ണ​മാ​യി​രു​ന്നു. എന്നാൽ അതിനു ഇലകൾ ഉണ്ടായി​രു​ന്ന​തി​നാൽ അതിൽ കായ്‌കൾ കാണു​മെന്നു യേശു ന്യായ​മാ​യും പ്രതീ​ക്ഷി​ച്ചു. (മുകളി​ലത്തെ ചിത്രം കാണുക) വൃക്ഷത്തിൽ ഇലകൾ മാത്രമേ ഉണ്ടായി​രു​ന്നു​ള്ളു​വെന്ന വസ്‌തുത അത്‌ ഫലോ​ല്‌പാ​ദ​ക​മ​ല്ലാ​ത്ത​താ​യി​രി​ക്കു​മെന്ന്‌ അർത്ഥമാ​ക്കി. അതിന്റെ പ്രത്യക്ഷത വഞ്ചകമാ​യി​രു​ന്നു. ഫലവൃ​ക്ഷ​ങ്ങൾക്കു നികുതി ചുമത്തി​യി​രു​ന്ന​തി​നാൽ, ഫലമി​ല്ലാത്ത ഒരു വൃക്ഷം സാമ്പത്തിക ഭാരം ആയിരു​ന്നു, അതിനാൽ വെട്ടി​ക്ക​ള​യേ​ണ്ടി​യി​രു​ന്നു.

വിശ്വാ​സം സംബന്ധിച്ച ഒരു മർമ്മ​പ്ര​ധാ​ന​മായ പാഠം വിശദീ​ക​രി​ക്കു​ന്ന​തി​നു യേശു ആ ഫലം കായ്‌ക്കാത്ത അത്തിവൃ​ക്ഷത്തെ ഉപയോ​ഗി​ച്ചു. അടുത്ത ദിവസം വൃക്ഷം ഉണങ്ങി​യി​രി​ക്കു​ന്നതു കണ്ട്‌ അവന്റെ ശിഷ്യൻമാർ അതിശ​യി​ച്ചു. യേശു വിശദീ​ക​രി​ച്ചു: “ദൈവ​ത്തിൽ വിശ്വാ​സ​മു​ള്ളവർ ആയിരി​പ്പിൻ. . .അതു​കൊ​ണ്ടു നിങ്ങൾ പ്രാർത്ഥി​ക്കു​മ്പോൾ യാചി​ക്കു​ന്ന​തൊ​ക്കെ​യും ലഭിച്ചു എന്നു വിശ്വ​സി​പ്പിൻ; എന്നാൽ അതു നിങ്ങൾക്കു ഉണ്ടാകും.” (മർക്കൊസ്‌ 11:22-24) വിശ്വാ​സ​ത്തോ​ടെ പ്രാർത്ഥി​ക്കേ​ണ്ട​തി​ന്റെ ആവശ്യത്തെ ഉദാഹ​രി​ക്കു​ന്ന​തി​നു​പു​റമേ വിശ്വാ​സം കുറവുള്ള ഒരു ജനതക്ക്‌ എന്തു സംഭവി​ക്കു​മെന്നു ഉണങ്ങിയ അത്തിവൃ​ക്ഷം വിശദ​മാ​യി പ്രകട​മാ​ക്കി.

ഏതാനും മാസങ്ങൾക്കു മുമ്പ്‌, യേശു യഹൂദ ജനതയെ മൂന്നു​വർഷ​ങ്ങ​ളാ​യി ഫലം കായ്‌ക്കാ​ത്ത​തും തുടർന്നു ഫലം പുറ​പ്പെ​ടു​വി​ക്കാ​തി​രു​ന്നാൽ വെട്ടി​ക്ക​ള​യു​ന്ന​തു​മായ ഒരു അത്തിവൃ​ക്ഷ​ത്തോ​ടു താരത​മ്യ​പ്പെ​ടു​ത്തി​യി​രു​ന്നു. (ലൂക്കൊസ്‌ 13:6-9) അവന്റെ മരണത്തി​നു വെറും നാലു ദിവസം മുമ്പ്‌ അത്തിവൃ​ക്ഷത്തെ ശപിക്കു​ക​വഴി യഹൂദ​ജനത എങ്ങനെ മാനസാ​ന്ത​ര​ത്തിന്‌ അനു​യോ​ജ്യ​മായ ഫലങ്ങൾ പുറ​പ്പെ​ടു​വി​ച്ചി​ല്ലെ​ന്നും അങ്ങനെ നാശത്തിന്‌ അർഹരാ​യി​രി​ന്നു​വെ​ന്നും കാണിച്ചു. ആ ജനത—അത്തിവൃ​ക്ഷ​ത്തെ​പ്പോ​ലെ—പുറമേ ആരോ​ഗ്യ​മു​ള്ള​താ​യി പ്രത്യ​ക്ഷ​പ്പെ​ട്ടെ​ങ്കി​ലും ഒരു സൂക്ഷ്‌മ പരി​ശോ​ധന, മിശി​ഹയെ നിരാ​ക​രി​ക്കു​ന്ന​തിൽ പരകോ​ടി​യി​ലെ​ത്തിയ വിശ്വാ​സ​ത്തി​ന്റെ അഭാവത്തെ വെളി​പ്പെ​ടു​ത്തി.—ലൂക്കൊസ്‌ 3:8, 9.

യേശു​വി​ന്റെ മലമ്പ്ര​സം​ഗ​ത്തിൽ അവൻ “കള്ളപ്ര​വാ​ച​കൻമാർ”ക്കെതിരെ മുന്നറി​യി​പ്പു നൽകി. അവൻ പറഞ്ഞു: “അവരുടെ ഫലങ്ങളാൽ നിങ്ങൾക്കു അവരെ തിരി​ച്ച​റി​യാം; മുള്ളു​ക​ളിൽനി​ന്നു മുന്തി​രി​പ്പ​ഴ​വും ഞെരി​ഞ്ഞി​ലു​ക​ളിൽനി​ന്നു അത്തിപ്പ​ഴ​വും പറിക്കു​മോ? നല്ല വൃക്ഷം ഒക്കെയും നല്ല ഫലം കായ്‌ക്കു​ന്നു; ആകാത്ത വൃക്ഷമോ ആകാത്ത ഫലം കായ്‌ക്കു​ന്നു. നല്ല വൃക്ഷത്തി​ന്നു ആകാത്ത ഫലവും ആകാത്ത വൃക്ഷത്തി​ന്നു നല്ല ഫലവും കായ്‌പാൻ കഴിക​യില്ല. നല്ല ഫലം കായ്‌ക്കാത്ത വൃക്ഷം ഒക്കെയും വെട്ടി തീയിൽ ഇടുന്നു. ആകയാൽ അവരുടെ ഫലത്താൽ നിങ്ങൾ അവരെ തിരി​ച്ച​റി​യും.” (മത്തായി 7:15-20) യേശു​വി​ന്റെ ഈ വാക്കു​ക​ളും ശപിക്ക​പ്പെട്ട അത്തിവൃ​ക്ഷ​ത്തി​ന്റെ വിവര​ണ​വും നാം ആത്മീയ​മാ​യി ജാഗ്ര​ത​യു​ള്ള​വ​രാ​യി​രി​ക്കേ​ണ്ട​തി​ന്റെ ആവശ്യം വ്യക്തമാ​യി കാണി​ച്ചു​ത​രു​ന്നു, കാരണം മതപര​മായ പ്രത്യ​ക്ഷ​ത​യും വഞ്ചനാ​ത്മ​ക​മാ​യി​രി​ക്കാൻ കഴിയും.