വായന​ക്കാ​രിൽ നിന്നുള്ള ചോദ്യ​ങ്ങൾ

◼ യോഹ​ന്നാൻ 6:53-ൽ, “ഏററവും സത്യമാ​യി ഞാൻ നിങ്ങ​ളോട്‌ പറയുന്നു, മനുഷ്യ​പു​ത്രന്റെ മാംസം നിങ്ങൾ തിന്നു​ക​യും അവന്റെ രക്തം കുടി​ക്ക​യും ചെയ്യു​ന്നില്ല എങ്കിൽ, നിങ്ങൾക്ക്‌ നിങ്ങളിൽത്തന്നെ ജീവൻ ഇല്ല” എന്നു അഭി​പ്രാ​യ​പ്പെ​ട്ട​പ്പോൾ, അഭിഷിക്ത ക്രിസ്‌ത്യാ​നി​കളെ മാത്ര​മാ​ണോ യേശു സൂചി​പ്പി​ച്ചത്‌?

അനേക വർഷങ്ങ​ളാ​യി ഈ വാക്കുകൾ യേശു​ക്രി​സ്‌തു​വി​നോ​ടു​കൂ​ടെ സ്വർഗ്ഗ​ത്തിൽ ഭരിക്കു​വാൻ എടുക്ക​പ്പെ​ടുന്ന അഭിഷി​ക്ത​ക്രി​സ്‌ത്യാ​നി​കൾക്കു പരിമി​ത​പ്പെ​ടു​ത്തി​യി​രി​ക്കു​ന്നു​വെന്നു ഞങ്ങൾ വിശദീ​ക​രി​ച്ചി​രു​ന്നു. എന്നിരു​ന്നാ​ലും, ഈ വസ്‌തു​ത​യു​ടെ കൂടു​ത​ലായ ഒരു പഠനം യോഹ​ന്നാൻ 6:53-ന്റെ ഒന്നുകൂ​ടെ വ്യാപ​ക​മായ ബാധക​മാ​ക്കൽ ശുപാർശ ചെയ്യുന്നു.

കഴിഞ്ഞ വർഷങ്ങ​ളിൽ ഇതു​പോ​ലെ​യുള്ള പ്രസ്‌താ​വ​നങ്ങൾ ഉപയോ​ഗി​ക്കുന്ന മററു വാക്യ​ങ്ങ​ളു​ടെ വെളി​ച്ച​ത്തിൽ ഞങ്ങൾ ഈ വാക്യത്തെ വീക്ഷിച്ചു. ഉദാഹ​ര​ണ​ത്തിന്‌, “നിങ്ങളിൽത്തന്നെ ജീവൻ” എന്ന ശൈലി യോഹ​ന്നാൻ 5:26-ലെ യേശു​വി​ന്റെ വാക്കു​ക​ളോട്‌ സാമ്യ​മു​ള്ള​താണ്‌. എങ്കിലും, ഈ മാസി​ക​യു​ടെ 1986 ഓഗസ്‌ററ്‌ ലക്കം 17, 18 പുറങ്ങ​ളിൽ വിശദീ​ക​രി​ച്ചി​രി​ക്കു​ന്ന​തു​പോ​ലെ യോഹ​ന്നാൻ 5:26-ന്റെ സന്ദർഭം, ആ വാക്യ​ത്തി​ലെ “തന്നിൽത്തന്നെ ജീവൻ ഉണ്ടായി​രിക്ക” എന്ന വാക്കു​ക​ളു​ടെ ഗ്രാഹ്യ​ത്തി​നുള്ള അടിസ്ഥാ​നം നൽകുന്നു. എന്നാൽ യോഹ​ന്നാൻ 6:53 ഒരു വർഷത്തി​നു ശേഷമാ​യി​രു​ന്നു ഉച്ചരി​ക്ക​പ്പെ​ട്ടത്‌; ഒരു വ്യത്യസ്‌ത സന്ദർഭ​വു​മുണ്ട്‌.

യോഹ​ന്നാൻ 6:53-ന്റെ ഞങ്ങളുടെ മുൻവീ​ക്ഷ​ണ​ത്തി​നു​ണ്ടാ​യി​രുന്ന മറെറാ​രു സ്വാധീ​നം, ‘തന്റെ മാംസം തിന്നു​ക​യും രക്തം കുടി​ക്കു​ക​യും’ ചെയ്യു​ന്ന​തി​നേ​പ്പ​റ​റി​യുള്ള യേശു​വി​ന്റെ വാക്കുകൾ ആയിരു​ന്നു. കർത്താ​വി​ന്റെ സന്ധ്യാ​ഭ​ക്ഷണം ഏർപ്പെ​ടു​ത്തു​മ്പോൾ യേശു പറഞ്ഞതി​നോട്‌ ഇതിന്‌ സാമ്യ​മു​ണ്ടാ​യി​രു​ന്നു. അതു ഏർപ്പെ​ടു​ത്തു​മ്പോൾ അവന്റെ മാംസ​ത്തേ​യും രക്തത്തേ​യും സംബന്ധിച്ച്‌ അവൻ പറയു​ക​യും ഇവയുടെ ചിഹ്നങ്ങ​ളിൽ (പുളി​പ്പി​ല്ലാത്ത അപ്പവും വീണ്ടും) പുതി​യ​നി​യ​മ​ത്തി​ലേ​ക്കും ഒരു രാജ്യ​ത്തി​നു​വേ​ണ്ടി​യുള്ള നിയമ​ത്തി​ലേ​ക്കും എടുക്ക​പ്പെ​ടുന്ന തന്റെ അനുഗാ​മി​കൾ പങ്കു​കൊ​ള്ള​ണ​മെന്നു ആജ്ഞാപി​ക്കു​ക​യും ചെയ്‌തു. (ലൂക്കോസ്‌ 22:14-22, 28-30) എന്നിരു​ന്നാ​ലും, വീണ്ടും യോഹ​ന്നാൻ 6:53-ന്റെ സന്ദർഭ​വും വിലമ​തി​ക്ക​പ്പെ​ടേണ്ട ആവശ്യ​മുണ്ട്‌.

യോഹ​ന്നാൻ 6:53-ൽ രേഖ​പ്പെ​ടു​ത്തി​യി​രി​ക്കു​ന്നത്‌ യേശു പറഞ്ഞ​പ്പോൾ, അവൻ കർത്താ​വി​ന്റെ സന്ധ്യാ​ഭ​ക്ഷണം എർപ്പെ​ടു​ത്തു​ന്ന​തു​മാ​യി പിന്നെ​യും ഒരു വർഷത്തെ അകലമു​ണ്ടാ​യി​രു​ന്നു. യേശു​വി​നെ കേട്ട ഒരുവ​നും യേശു​വി​ന്റെ ശരീര​ര​ക്ത​ങ്ങൾക്കു​വേണ്ടി നിൽക്കുന്ന അക്ഷരീയ ചിഹ്നങ്ങൾ സഹിതം ഒരു വാർഷീ​കാ​ച​ര​ണ​ത്തേ​പ്പ​ററി യാതൊ​രാ​ശ​യ​വു​മി​ല്ലാ​യി​രു​ന്നു. നേരെ മറിച്ച്‌ യോഹ​ന്നാൻ 6-ാം അദ്ധ്യാ​യ​ത്തി​ലെ യേശു​വി​ന്റെ പ്രതി​പാ​ദ്യം, അഥവാ വാദഗതി മന്നാ​യോ​ടുള്ള താരത​മ്യ​ത്തിൽ തന്റെ ശരീരത്തെ സംബന്ധി​ച്ചാ​യി​രു​ന്നു. എങ്കിലും, അവിടെ ഒരു വ്യത്യാ​സം ഉണ്ട്‌. അവന്റെ മാംസം (അവന്റെ രക്തവും എന്നു, അവൻ കൂട്ടി​ച്ചേർത്തു) നിത്യ​ജീ​വൻ സാദ്ധ്യ​മാ​ക്കി​ക്കൊണ്ട്‌, ലോക​ത്തി​ന്റെ ജീവനു​വേണ്ടി നൽക​പ്പെ​ടുന്ന തന്റെ മാംസം എന്ന നിലയ്‌ക്ക്‌ അക്ഷരീയ മന്നാ​യേ​ക്കാൾ മികച്ച​താണ്‌.—യോഹ​ന്നാൻ 6:48-51.

അനന്തര​ഫ​ല​മാ​യി, യോഹ​ന്നാൻ 5:26-ലെ യേശു​വി​ന്റെ വാക്കു​ക​ളും യോഹ​ന്നാൻ 6:53-ലെ അവന്റെ അഭി​പ്രാ​യ​ങ്ങ​ളും തമ്മിൽ ഒരു വർഷത്തെ വ്യത്യാ​സ​മു​ണ്ടെന്നു കൂടു​ത​ലായ ഗവേഷണം അടുത്ത കാലത്ത്‌ വെളി​വാ​ക്കി; അപ്പോൾ അത്‌, അവൻ കർത്താ​വി​ന്റെ സന്ധ്യാ​ഭ​ക്ഷണം ഏർപ്പെ​ടു​ത്തി​യ​തിന്‌ ഒരു വർഷം മുമ്പാ​യി​രു​ന്നു. യോഹ​ന്നാൻ 6:53-ലെ തൊട്ട​ടുത്ത സന്ദർഭ​ത്തി​നു കൂടുതൽ തൂക്കവും നൽക​പ്പെ​ട്ടി​രി​ക്കു​ന്നു. അപ്രകാ​രം, 1986 ഓഗസ്‌ററ്‌ 1 വീക്ഷാ​ഗോ​പു​ര​ത്തി​ന്റെ 21-26 പുറങ്ങ​ളി​ലെ ലേഖനം യോഹ​ന്നാൻ 15:53-ന്റെ ഒന്നുകൂ​ടെ വ്യാപ​ക​മായ ബാധക​മാ​ക്കൽ നൽകുന്നു; സ്വർഗ്ഗീയ ജീവനു​വേ​ണ്ടി​യുള്ള പുതിയ നിയമ​ത്തി​ലേ​ക്കെ​ടു​ക്കു​ന്ന​വ​രേ​യും ഒരു പരദീ​സാ​ഭൂ​മി​യലെ നിത്യ​ജീ​വന്റെ പ്രത്യാ​ശ​യു​ള്ള​വ​രേ​യും ഉൾപ്പെ​ടു​ത്തു​ന്നു. (w86 2/15)

◼ ബെഥാ​ന്യാ​യിൽ കുഷ്‌ഠ​രോ​ഗി​യാ​യി​രുന്ന ശീമോ​ന്റെ വീട്ടിൽ വച്ച്‌ യേശു ഭക്ഷിക്ക​യും പരിമ​ള​തൈ​ല​ത്താൽ അഭി​ഷേകം ചെയ്യ​പ്പെ​ടു​ക​യും ചെയ്‌തത്‌ എപ്പോൾ എന്നതു സംബന്ധിച്ച്‌ സുവി​ശേഷ വിവര​ണ​ങ്ങ​ളും സൂചനാ​കൃ​തി​ക​ളും തമ്മിൽ വിയോ​ജി​ക്കു​ന്നു​വെന്ന്‌ തോന്നു​ന്നു. അത്‌ എപ്പോൾ ആയിരു​ന്നു?

ഈ സംഭവങ്ങൾ പൊ. യു. 33-ലെ നീസാൻ 9-ന്‌ (യഹൂദ കലണ്ടർ) നടന്നു എന്നു തോന്നു​ന്നു. ഈ അനുമാ​ന​ത്തിന്‌, താഴെ കുറി​ക്കൊ​ള്ളുന്ന കാരണ​ങ്ങ​ളിൽ, ദൈവ​വ​ച​ന​ത്തി​ന്റെ തുടർച്ച​യായ പഠനത്തിന്‌ നിങ്ങളു​ടെ അറിവി​നും ഗ്രാഹ്യ​ത്തി​നും അഭിവൃ​ദ്ധി കൈവ​രു​ത്തു​വാൻ കഴിയു​ന്ന​തെ​ന്തു​കൊണ്ട്‌ എന്നു നിങ്ങൾ കാണും.

നാലിൽ, മൂന്നു സുവി​ശേ​ഷ​ങ്ങ​ളി​ലും ഈ വിരു​ന്നി​ന്റെ വിശദാം​ശങ്ങൾ നൽക​പ്പെ​ടു​ന്നു. (മത്തായി 26:6-13; മർക്കോസ്‌ 14:3-9; യോഹ​ന്നാൻ 12:2-8) യെരൂ​ശ​ലേ​മി​ലേ​ക്കുള്ള യേശു​വി​ന്റെ ജൈ​ത്ര​യാ​ത്ര​യ്‌ക്കും, ഫലമി​ല്ലാത്ത അത്തിവൃ​ക്ഷത്തെ ശപിക്കു​ന്ന​തി​നും, വ്യവസ്ഥി​തി​യു​ടെ സമാപ​ന​ത്തേ​ക്കു​റി​ച്ചുള്ള ശിഷ്യൻമാ​രു​ടെ ചോദ്യ​ത്തിന്‌ അവന്റെ ഉത്തരത്തി​നും ശേഷമാണ്‌ മത്തായി​യും മർക്കോ​സും ആ വിരു​ന്നി​നേ​പ്പ​ററി പറയു​ന്നത്‌. മത്തായി​യു​ടെ​യും മർക്കോ​സി​ന്റെ​യും വിവര​ണ​ത്തിൽ ആ വിരു​ന്നി​നു​ശേ​ഷ​മാണ്‌ യൂദാ യഹൂദ​നേ​താ​ക്കൻമാ​രു​മാ​യി യേശു​വി​നെ ഒററി​ക്കൊ​ടു​ക്കു​ന്ന​തി​നു ഇടപാട്‌ ചെയ്യു​ന്ന​താ​യി രേഖ​പ്പെ​ടു​ത്തു​ന്നത്‌. ഈ രണ്ടു വിവര​ണ​ങ്ങ​ളി​ലേ​യും വിരു​ന്നി​ന്റെ സ്ഥാനീ​ക​രണം യേശു​വി​ന്റെ ഒററി​ക്കൊ​ടു​ക്ക​ലി​നും നീസാൻ 14-ലെ വധത്തി​നും രണ്ടു ദിവസം മുമ്പ്‌ നീസാൻ 12-ന്‌ സംഭവി​ച്ചു​വെന്നു സൂചി​പ്പി​ക്കു​ന്നു. അതു​കൊണ്ട്‌, ഞങ്ങളുടെ കഴിഞ്ഞ ചില പ്രസി​ദ്ധീ​ക​ര​ണങ്ങൾ ഉൾപ്പെട്ടെ, യേശു​വി​ന്റെ ജീവി​ത​ത്തി​ലെ സംഭവങ്ങൾ കാണി​ക്കുന്ന പല ചാർട്ടു​ക​ളി​ലും ആ വിരു​ന്നി​ന്റെ തീയതി നീസാൻ 12 എന്ന്‌ കുറി​ച്ചി​രി​ക്കു​ന്നു.

യോഹ​ന്നാൻ 12-ാം അദ്ധ്യാ​യ​ത്തിൽ ശീമോ​ന്റെ വീട്ടിലെ വിരുന്ന്‌ ഒരു വ്യത്യസ്‌ത രംഗത്തിൽ കാണി​ച്ചി​രി​ക്കു​ന്നു. യെരൂ​ശ​ലേ​മി​നു സമീപ​മുള്ള ബഥന്യാ​യിൽ യേശു “പെസഹാ​യ്‌ക്കു ആറു ദിവസം മുമ്പേ” എത്തി എന്ന്‌ യോഹ​ന്നാൻ 12:1 റിപ്പോർട്ട്‌ ചെയ്യുന്നു, അത്‌ നീസാൻ 8 ആയിരു​ന്നു. പിന്നീട്‌ 2-8 വാക്യ​ങ്ങ​ളിൽ ബഥന്യാ​യി​ലെ ഒരു സന്ധ്യാ​ഭ​ക്ഷ​ണത്തെ വിവരി​ക്കു​ന്നു, 9-11 വാക്യങ്ങൾ യേശു സമീപത്ത്‌ ഉണ്ടെന്നു കേട്ട യഹൂദൻമാർ അവനെ കാണു​വാൻ വന്നു എന്നു നമ്മോട്‌ പറയുന്നു. 12-15 വാക്യങ്ങൾ “അടുത്ത ദിവസം” ക്രിസ്‌തു ജൈ​ത്ര​യാ​ത്ര​യാ​യി യെരൂ​ശ​ലേ​മിൽ പ്രവേ​ശി​ച്ചു എന്നു പറയുന്നു. (പ്രവൃ​ത്തി​കൾ 20:7-11 താരത​മ്യ​പ്പെ​ടു​ത്തുക) അതു​കൊണ്ട്‌, ശീമോ​ന്റെ വീട്ടിലെ ഭക്ഷണം നീസാൻ 9 വൈകു​ന്നേ​ര​ത്താ​യി​രു​ന്നു​വെന്ന്‌ യോഹ​ന്നാൻ 12:1-15 സൂചി​പ്പി​ക്കു​ന്നു, അത്‌ യഹൂദ കലണ്ടർ പ്രകാരം പുതിയ ദിവസ​ത്തി​ന്റെ ആരംഭം കുറി​ക്കും, യെരൂ​ശ​ലേ​മി​ലേ​ക്കുള്ള യേശു​വി​ന്റെ പ്രവേ​ശ​ന​ത്താൽ ആ ദിവസ​ത്തി​ന്റെ (നീസാൻ 9) പകൽ വെളിച്ച ഭാഗം പിന്തു​ടർന്നു.

ഈ രണ്ടു സാദ്ധ്യ​ത​ക​ളിൽ രണ്ടാമ​ത്തേ​തിന്‌ കൂടുതൽ തൂക്കം തോന്നു​ന്നു. എന്തു​കൊണ്ട്‌? അതേ, നമുക്കു വിവര​ങ്ങ​ളും സന്ദർഭ​ങ്ങ​ളും താരത​മ്യ​പ്പെ​ടു​ത്താം. മത്തായി​യോ മർക്കോ​സോ ശീമോ​ന്റേ വീട്ടിലെ വിരു​ന്നി​നു യാതൊ​രു തീയതി​യും നൽകു​ന്നില്ല. എന്നിരു​ന്നാ​ലും, ആ വിരു​ന്നി​ങ്കൽ മറിയ വില​യേ​റിയ തൈലം ഉപയോ​ഗി​ച്ചതു സംബന്ധി​ച്ചു പരാതി ഉണ്ടായി എന്നു കാണിക്ക തന്നെ ചെയ്യു​ന്നുണ്ട്‌ അത്യാ​ഗ്ര​ഹി​യായ യൂദാ​യാൽ നയിക്ക​പ്പെട്ട പരാതി​യാ​ണെന്നു യോഹ​ന്നാൻ സൂചി​പ്പി​ക്കു​ന്നു. (മത്തായി 26:8, 9; മർക്കോസ്‌ 14:4, 5; യോഹ​ന്നാൻ 12:4-6) നാം കുറി​ക്കൊ​ണ്ട​പ്ര​കാ​രം, മത്തായി​യും മർക്കോ​സും ഇരുവ​രും വിരു​ന്നി​ന്റെ സംഭവ​ക​ഥ​യിൽ, ക്രിസ്‌തു​വി​നെ ഒററി​ക്കൊ​ടു​ക്കു​ന്ന​തിന്‌ യൂദാക്കു പുരോ​ഹി​തൻമാ​രിൽനിന്ന്‌ എന്തു കിട്ടു​മെന്നു കാണു​വാൻ സമീപി​ക്കു​ന്നത്‌ വിരു​ന്നി​നെ പിന്തു​ട​രു​ന്നു. അതു​കൊണ്ട്‌ മത്തായി​യും മർക്കോ​സും പ്രതി​പാ​ദ്യ വസ്‌തുത നിമിത്തം വിരു​ന്നി​നേ​പ്പ​ററി പറയു​ക​യും, യൂദാ​യു​ടെ അത്യാ​ഗ്ര​ഹ​ത്തി​ന്റെ ഒരു തെളി​വി​നെ അതിന്റെ അന്തിമ​പ്ര​ക​ട​ന​ത്തോട്‌ ബന്ധിപ്പി​ക്കു​ക​യും ചെയ്യു​ക​യാ​യി​രി​ക്കാം.

എന്നാൽ യോഹ​ന്നാൻ, വിരു​ന്നി​ന്റെ കൃത്യ​മായ ഒരു തീയതി നൽകി​ക്കൊണ്ട്‌, അതിന്റെ കാല​ക്ര​മാ​നു​സരണ നില പറഞ്ഞു​വെന്നു സൂചി​പ്പി​ക്കു​ന്നു. ഇത്‌ പൊ. യു. 33 നീസാൻ 8-ന്‌ യേശു ബഥന്യാ​യി ശീമോ​ന്റെ ഭവനത്തി​ലെ​ത്തിയ ശേഷം സന്ധ്യാ​ഭ​ക്ഷണം നടന്നു എന്ന അനുമാ​നത്തെ പിന്താ​ങ്ങു​ന്നു. കൂടാതെ, യേശു ‘ഇപ്പോൾ ബഥന്യാ​യിൽ ഉണ്ടെന്നു അറിഞ്ഞ’ യഹൂദൻമാർ യെരൂ​ശ​ലേ​മിൽനിന്ന്‌, അവനെ​യും, ലാസ​റേ​യും കാണു​ന്ന​തി​നു വന്നു, ലാസർ ബഥന്യാ​യിൽ താമസി​ച്ചി​രു​ന്നു, അവന്റെ സഹോ​ദ​രി​മാർ വിരു​ന്നി​നു​ണ്ടാ​യി​രു​ന്നു എന്നിങ്ങ​നെ​യുള്ള യോഹ​ന്നാ​ന്റെ വിവര​ണ​ങ്ങ​ളേ​ക്കു​റി​ച്ചു ഓർമ്മി​ക്കുക. യേശു ബഥന്യാ​യിൽ ഉണ്ടെന്ന്‌ “അറിഞ്ഞ” ഉടനേ​യുള്ള യഹൂദൻമാ​രാ​ലുള്ള സന്ദർശനം അവൻ യെരൂ​ശ​ലേ​മിൽ പ്രവേ​ശി​ക്കു​ന്ന​തി​നു മുമ്പ്‌ നടന്നി​രി​ക്കാ​നാണ്‌ കൂടുതൽ സാദ്ധ്യത, ഇതു അടുത്ത ദിവസം, നീസാൻ 9-തിന്റെ പകൽ സമയം നഗരത്തി​ലേ​ക്കുള്ള ക്രിസ്‌തു​വി​ന്റെ യാത്ര​യിൽ ആവേശ​ഭ​രി​ത​മായ സ്വീക​ര​ണ​ത്തി​നു സാദ്ധ്യ​ത​യ​നു​സ​രിച്ച്‌ സംഭാവന ചെയ്‌തി​രി​ക്കണം.

ഗ്രീക്കു തിരു​വെ​ഴു​ത്തു​ക​ളു​ടെ രാജ്യ​വ​രി​മ​ദ്ധ്യ​ഭാ​ഷാ​ന്തരം 1985-ലെ പതിപ്പിൽ ഉള്ളതു​പോ​ലെ “യേശു​വി​ന്റെ ഭൗമീക ജീവി​ത​ത്തി​ലെ മുഖ്യ സംഭവങ്ങൾ” ചാർട്ടി​ന്റെ അടുത്ത കാലത്തെ മുദ്ര​ണ​ങ്ങ​ളിൽ ഈ അനുമാ​ന​ത്തി​ലേക്കു നയിക്കുന്ന കൂടുതൽ സൂക്ഷ്‌മ​ഗ​വേ​ഷണം പ്രതി​ഫ​ലി​ച്ചി​രി​ക്കു​ന്നു. ഇതു ചെറിയ ഒരു സാങ്കേ​തിക ബിന്ദു​വെന്നു തോന്നാ​മെ​ങ്കി​ലും ദൈവ​വ​ച​ന​ത്തി​ലേ നേർത്ത വിശദാം​ശ​ങ്ങ​ളു​ടെ ഗ്രാഹ്യ​ത്തി​ലും അറിവി​ലും വളരു​ന്ന​തിൽ നമു​ക്കെ​ല്ലാം തുടരു​വാൻ കഴിയു​ന്ന​തെ​ങ്ങ​നെ​യെന്നു ദൃഷ്ടാ​ന്തീ​ക​രി​ക്കു​ന്നു. (w86 2/15)