ഇപ്പോൾ ഉണർന്നി​രി​ക്കേ​ണ്ടത്‌ അടിയ​ന്തി​രം!

“നാം ജീവി​ക്കുന്ന കാലത്തെ കുറിച്ച്‌ തെറ്റി​ദ്ധാ​രണ വേണ്ട; നാം ഇപ്പോൾ ഉറക്കത്തിൽനിന്ന്‌ ഉണർന്നി​രി​ക്കേ​ണ്ടത്‌ അടിയ​ന്തി​ര​മാണ്‌.” (റോമർ 13:11, നോക്‌സ്‌) പൊ.യു. 70-ൽ യഹൂദ വ്യവസ്ഥി​തിക്ക്‌ ദാരു​ണ​മായ അന്ത്യം നേരി​ട്ട​തിന്‌ ഏതാണ്ട്‌ 14 വർഷം മുമ്പാ​യി​രു​ന്നു പൗലൊസ്‌ അപ്പൊ​സ്‌തലൻ റോമി​ലെ ക്രിസ്‌ത്യാ​നി​കൾക്ക്‌ ആ വാക്കുകൾ എഴുതി​യത്‌. യഹൂദ ക്രിസ്‌ത്യാ​നി​കൾ ആത്മീയ​മാ​യി ഉണർവു​ള്ളവർ ആയിരു​ന്ന​തി​നാൽ, ആ നിർണാ​യക സമയത്ത്‌ അവർ യെരൂ​ശ​ലേ​മിൽ ഉണ്ടായി​രു​ന്നില്ല, അങ്ങനെ അവർ മരണത്തിൽനി​ന്നോ അടിമ​ത്ത​ത്തിൽനി​ന്നോ രക്ഷപ്പെട്ടു. തങ്ങൾ നഗരത്തിൽനി​ന്നു വിട്ടു​നിൽക്കേണ്ട ആവശ്യ​മു​ണ്ടാ​യി​രു​ന്നു എന്ന്‌ അവർ എങ്ങനെ അറിഞ്ഞു?

ശത്രുക്കൾ യെരൂ​ശ​ലേ​മി​നെ വളഞ്ഞ്‌ അതിന്റെ നിവാ​സി​കളെ നശിപ്പി​ക്കു​മെന്ന്‌ യേശു​ക്രി​സ്‌തു മുന്നറി​യി​പ്പു നൽകി​യി​രു​ന്നു. (ലൂക്കൊസ്‌ 19:43, 44) അതിനു​ശേഷം, യേശു തന്റെ വിശ്വസ്‌ത അനുഗാ​മി​കൾക്ക്‌ പ്രയാസം കൂടാതെ മനസ്സി​ലാ​ക്കാ​നാ​കു​മാ​യി​രുന്ന ഒരു സംയുക്ത അടയാളം നൽകി. (ലൂക്കൊസ്‌ 21:7-24) യെരൂ​ശ​ലേ​മിൽ പാർത്തി​രുന്ന ക്രിസ്‌ത്യാ​നി​കളെ സംബന്ധി​ച്ചി​ട​ത്തോ​ളം, ആ നഗരം വിട്ടു​പോ​കു​ക​യെ​ന്നാൽ വീടും ജോലി​യും ഉപേക്ഷി​ക്കുക എന്നായി​രു​ന്നു അർഥം. എന്നിരു​ന്നാ​ലും, അവരുടെ ജാഗ്ര​ത​യും പലായ​ന​വും അവരുടെ ജീവൻ രക്ഷിച്ചു.

യേശു യെരൂ​ശ​ലേ​മി​ന്റെ നാശം മുൻകൂ​ട്ടി പറഞ്ഞ​പ്പോൾ, അവന്റെ ശിഷ്യ​ന്മാർ ചോദി​ച്ചു: “ഇവ എപ്പോ​ഴാ​യി​രി​ക്കും, നിന്റെ സാന്നി​ധ്യ​ത്തി​ന്റെ​യും വ്യവസ്ഥി​തി​യു​ടെ സമാപ​ന​ത്തി​ന്റെ​യും അടയാളം എന്തായി​രി​ക്കും?” (മത്തായി 24:3, NW) മറുപടി പറയവേ, യേശു തന്റെ ഭാവി സാന്നി​ധ്യ​ത്തെ നോഹ​യു​ടെ നാളിലെ ആഗോള പ്രളയ​ത്തി​ലേക്കു നയിച്ച കാലഘ​ട്ട​ത്തോ​ടു സാദൃ​ശ്യ​പ്പെ​ടു​ത്തി. ജലപ്ര​ളയം ദുഷ്ടന്മാ​രെ മുഴു​വ​നാ​യി തുടച്ചു​നീ​ക്കി​യെന്ന്‌ യേശു പറഞ്ഞു. (മത്തായി 24:21, 37-39) അങ്ങനെ, ദൈവം മാനുഷ കാര്യാ​ദി​ക​ളിൽ വീണ്ടും ഇടപെ​ടു​മെന്ന്‌ അവൻ സൂചി​പ്പി​ച്ചു. ഏത്‌ അളവോ​ളം? ദുഷ്ട ലോകത്തെ, അഥവാ വ്യവസ്ഥി​തി​യെ മുഴു​വ​നാ​യി നീക്കി​ക്ക​ള​യുന്ന അളവോ​ളം! (2 പത്രൊസ്‌ 3:5, 6 താരത​മ്യം ചെയ്യുക.) അതു സംഭവി​ക്കു​ന്നതു നമ്മുടെ കാലത്താ​യി​രി​ക്കു​മോ?

സകലതും ഇപ്പോ​ഴും അതേ സ്ഥിതി​യിൽത്തന്നെ തുടരു​ക​യാ​ണോ?

തങ്ങളുടെ വിശുദ്ധ നഗരമായ യെരൂ​ശ​ലേം നശിപ്പി​ക്ക​പ്പെ​ടു​മെന്ന്‌ ഒന്നാം നൂറ്റാ​ണ്ടി​ലെ യഹൂദ​ന്മാ​രിൽ മിക്കവ​രും​തന്നെ വിചാ​രി​ച്ചി​രി​ക്കാൻ വഴിയില്ല. അഗ്നിപർവ​ത​ത്തി​ന്റെ സമീപത്തു താമസി​ക്കു​ന്ന​വ​രെ​ങ്കി​ലും അതിന്റെ സ്‌ഫോ​ടനം ദർശി​ച്ചി​ട്ടി​ല്ലാത്ത ആളുകൾ ചില​പ്പോൾ അതേ മനോ​ഭാ​വം പ്രകട​മാ​ക്കാ​റുണ്ട്‌. “ഓ, അതൊ​ന്നും എന്റെ ജീവി​ത​കാ​ലത്തു സംഭവി​ക്കാൻ പോകു​ന്നില്ല” എന്നായി​രി​ക്കും മുന്നറി​യി​പ്പു​കൾ കേൾക്കു​മ്പോൾ അത്തരക്കാ​രു​ടെ സാധാരണ പ്രതി​ക​രണം. അഗ്നിപർവ​ത​വി​ജ്ഞാ​നി​യായ ലീയനൽ വിൽസൺ ഇങ്ങനെ പറയുന്നു: “രണ്ടോ മൂന്നോ നൂറ്റാ​ണ്ടു​കൾ കൂടു​മ്പോൾ അഗ്നിപർവ​തങ്ങൾ പൊട്ടി​ത്തെ​റി​ക്കാ​റുണ്ട്‌. സ്‌ഫോ​ട​നത്തെ പ്രതി നിങ്ങളു​ടെ മാതാ​പി​താ​ക്കൾക്കു പലായനം ചെയ്യേണ്ടി വന്നിട്ടു​ണ്ടെ​ങ്കിൽ, നിങ്ങൾ ജാഗരൂ​ക​രാ​കും. എന്നാൽ അതു സംഭവി​ച്ചത്‌ നിങ്ങളു​ടെ വല്യപ്പന്റെ കാലത്താ​ണെ​ങ്കിൽ, നിങ്ങൾ ഗൗനി​ക്കു​കയേ ഇല്ല.”

എന്നിരു​ന്നാ​ലും, കൃത്യ​മായ വിവരം ഉണ്ടെങ്കിൽ, അപകട സൂചനകൾ തിരി​ച്ച​റിഞ്ഞ്‌ ഗൗരവ​ബു​ദ്ധി​യോ​ടെ പ്രവർത്തി​ക്കാൻ നമ്മെ പ്രാപ്‌ത​രാ​ക്കും. മൗണ്ട്‌ പെലി​യിൽനിന്ന്‌ പലായനം ചെയ്‌ത​വ​രിൽ ഒരാൾക്ക്‌ അഗ്നിപർവ​ത​ങ്ങളെ കുറിച്ച്‌ നല്ല അറിവും അപകട സൂചനകൾ മനസ്സി​ലാ​ക്കാ​നുള്ള പ്രാപ്‌തി​യും ഉണ്ടായി​രു​ന്നു. മൗണ്ട്‌ പിനറ്റു​ബൊ പൊട്ടി​ത്തെ​റി​ക്കു​ന്ന​തി​നു തൊട്ടു​മു​മ്പും അത്തരം അടയാ​ളങ്ങൾ ശരിയാ​യി വിവേ​ചി​ക്ക​പ്പെ​ട്ടി​രു​ന്നു. അഗ്നിപർവ​ത​ത്തി​നു​ള്ളിൽ അദൃശ്യ ശക്തികൾ രൂപം​കൊ​ള്ളു​ന്നതു നിരീ​ക്ഷി​ച്ചു​കൊ​ണ്ടി​രുന്ന അഗ്നിപർവത വിജ്ഞാ​നീ​യർ പ്രസ്‌തുത മേഖല വിട്ടു​പോ​കേ​ണ്ട​തി​ന്റെ ആവശ്യം സ്ഥലവാ​സി​കളെ ബോധ്യ​പ്പെ​ടു​ത്തി.

എന്നാൽ ചിലർ എല്ലായ്‌പോ​ഴും അപകട സൂചനകൾ അവഗണി​ക്കു​ക​യും ഒന്നും സംഭവി​ക്കാൻ പോകു​ന്നി​ല്ലെന്നു ശഠിക്കു​ക​യും ചെയ്യും. തക്ക നടപടി​കൾ കൈ​ക്കൊ​ള്ളു​ന്ന​വരെ അവർ ചില​പ്പോൾ പരിഹ​സി​ച്ചെ​ന്നും​വ​രും. നമ്മുടെ നാളി​ലും അത്തരക്കാർ ഏറെയു​ണ്ടാ​യി​രി​ക്കും എന്ന്‌ പത്രൊസ്‌ അപ്പൊ​സ്‌തലൻ പ്രവചി​ച്ചി​രു​ന്നു. “അവന്റെ പ്രത്യ​ക്ഷ​ത​യു​ടെ വാഗ്‌ദത്തം എവിടെ? പിതാ​ക്ക​ന്മാർ നിദ്ര​കൊ​ണ്ട​ശേഷം സകലവും സൃഷ്ടി​യു​ടെ ആരംഭ​ത്തിൽ ഇരുന്ന​തു​പോ​ലെ തന്നേ ഇരിക്കു​ന്നു എന്നു പറഞ്ഞു സ്വന്ത​മോ​ഹ​ങ്ങളെ അനുസ​രി​ച്ചു​ന​ട​ക്കുന്ന പരിഹാ​സി​കൾ പരിഹാ​സ​ത്തോ​ടെ അന്ത്യകാ​ലത്തു വരു​മെന്നു വിശേ​ഷാൽ അറിഞ്ഞു​കൊൾവിൻ” എന്ന്‌ അവൻ പറഞ്ഞു.—2 പത്രൊസ്‌ 3:3, 4.

നാം “അന്ത്യകാ​ലത്ത്‌” ആണെന്നു നിങ്ങൾ വിശ്വ​സി​ക്കു​ന്നു​ണ്ടോ? ദ കൊളു​മ്പിയ ഹിസ്റ്ററി ഓഫ്‌ ദ വേൾഡിൽ ജോൺ എ. ഗരറ്റി​യും പീറ്റർ ഗേയും ചോദി​ക്കു​ന്നു: “നാം നമ്മുടെ സംസ്‌കാ​ര​ത്തി​ന്റെ തകർച്ച കാണു​ക​യാ​ണോ?” എന്നിട്ട്‌ ഈ ചരി​ത്ര​കാ​ര​ന്മാർ ഗവൺമെ​ന്റി​നെ കുറി​ച്ചുള്ള പ്രശ്‌നങ്ങൾ, കുറ്റകൃ​ത്യ​ങ്ങ​ളി​ലും ആഭ്യന്തര നിയമ​ലം​ഘ​ന​ങ്ങ​ളി​ലു​മുള്ള ആഗോള വർധനവ്‌, കുടും​ബ​ത്ത​കർച്ച, സമൂഹ​ത്തി​ന്റെ പ്രശ്‌നങ്ങൾ പരിഹ​രി​ക്കു​ന്ന​തിൽ ശാസ്‌ത്ര​ത്തി​ന്റെ​യും സാങ്കേ​തിക വിദ്യ​യു​ടെ​യും പരാജയം, അധികാര പ്രതി​സന്ധി, ലോക​വ്യാ​പ​ക​മാ​യുള്ള ധാർമിക, മത അധഃപ​തനം എന്നിവ അപഗ്ര​ഥി​ക്കു​ന്നു. അവർ ഇങ്ങനെ നിഗമനം ചെയ്യുന്നു: “ഇവ സുനി​ശ്ച​ത​മായ ഒരു അന്ത്യത്തി​ന്റെ അടയാ​ളങ്ങൾ അല്ലെങ്കിൽ പിന്നെ എന്താണ്‌? അതേ, ഇവ തീർച്ച​യാ​യും അന്ത്യത്തി​ന്റെ അടയാ​ള​ങ്ങൾതന്നെ.”

ഒരു “അന്ത്യം” ആസന്നമാ​ണെന്നു വിശ്വ​സി​ക്കാൻ നമുക്ക്‌ ഈടുറ്റ കാരണ​മുണ്ട്‌. എന്നാൽ ഭൗമ​ഗ്ര​ഹം​തന്നെ നശിക്കു​മെന്നു നാം ഭയപ്പെ​ടേ​ണ്ട​തില്ല, എന്തെന്നാൽ ദൈവം “ഭൂമിയെ അതൊ​രി​ക്ക​ലും ഇളകി​പ്പോ​കാ​ത​വണ്ണം അതിന്റെ അടിസ്ഥാ​ന​ത്തി​ന്മേൽ സ്ഥാപി​ച്ചി​രി​ക്കു​ന്നു” എന്നു ബൈബിൾ പറയുന്നു. (സങ്കീർത്തനം 104:5) എങ്കിലും, മനുഷ്യ​വർഗ​ത്തിന്‌ ഇത്രമാ​ത്രം ദുരി​തങ്ങൾ വരുത്തി​ക്കൂ​ട്ടി​യി​രി​ക്കുന്ന ഈ ദുഷ്ട വ്യവസ്ഥി​തി ഉടൻതന്നെ അവസാ​നി​ക്കു​മെന്നു നമുക്കു പ്രതീ​ക്ഷി​ക്കാ​വു​ന്ന​താണ്‌. എന്തു​കൊണ്ട്‌? എന്തെന്നാൽ, ഈ വ്യവസ്ഥി​തി​യു​ടെ അന്ത്യനാ​ളു​കളെ തിരി​ച്ച​റി​യി​ക്കു​ന്ന​താ​യി യേശു പറഞ്ഞ വ്യക്തമായ അനേകം സവി​ശേ​ഷ​ത​ക​ളും നാമി​പ്പോൾ കാണു​ക​യാണ്‌. (“അന്ത്യനാ​ളു​ക​ളു​ടെ ചില സവി​ശേ​ഷ​തകൾ” എന്ന ചതുരം കാണുക.) യേശു​വി​ന്റെ വാക്കു​കളെ ലോക​സം​ഭ​വ​ങ്ങ​ളു​മാ​യി താരത​മ്യം ചെയ്യരു​തോ? അങ്ങനെ ചെയ്യു​ന്നത്‌ ജ്ഞാനപൂർവ​ക​മായ തീരു​മാ​നങ്ങൾ കൈ​ക്കൊ​ള്ളാൻ നിങ്ങ​ളെ​യും നിങ്ങളു​ടെ കുടും​ബ​ത്തെ​യും സഹായി​ക്കും. എന്നാൽ ഇപ്പോൾത്തന്നെ നടപടി സ്വീക​രി​ക്കേ​ണ്ടത്‌ എന്തു​കൊണ്ട്‌?

ഉണർന്നി​രി​ക്കേ​ണ്ട​തി​ന്റെ യഥാർഥ ആവശ്യം

ഒരു അഗ്നിപർവത സ്‌ഫോ​ടനം ആസന്നമാ​ണെന്നു ശാസ്‌ത്ര​ജ്ഞ​ന്മാർക്ക്‌ അറിയാ​മാ​യി​രി​ക്കു​മെ​ങ്കി​ലും, അത്‌ എപ്പോൾ സംഭവി​ക്കു​മെന്ന്‌ അവർക്കു കൃത്യ​മാ​യി പറയാൻ കഴിയു​ക​യില്ല. അതു​പോ​ലെ, ഈ വ്യവസ്ഥി​തി​യു​ടെ സമാപ​നത്തെ കുറിച്ച്‌ യേശു പറഞ്ഞു: “ആ നാളും നാഴി​ക​യും സംബന്ധി​ച്ചോ എന്റെ പിതാവു മാത്ര​മ​ല്ലാ​തെ ആരും സ്വർഗ്ഗ​ത്തി​ലെ ദൂതൻമാ​രും പുത്ര​നും കൂടെ അറിയു​ന്നില്ല.” (മത്തായി 24:36) ഈ വ്യവസ്ഥി​തി എപ്പോൾ അവസാ​നി​ക്കു​മെന്നു നമുക്ക്‌ കൃത്യ​മാ​യി അറിവി​ല്ലാ​ത്ത​തു​കൊണ്ട്‌, യേശു ഈ മുന്നറി​യി​പ്പു നമുക്കു നൽകി​യി​രി​ക്കു​ന്നു: “കള്ളൻ വരുന്ന യാമം ഇന്നതെന്നു വീട്ടു​ട​യവൻ അറിഞ്ഞു എങ്കിൽ അവൻ ഉണർന്നി​രി​ക്ക​യും തന്റെ വീടു തുരക്കു​വാൻ സമ്മതി​ക്കാ​തി​രി​ക്ക​യും ചെയ്യും എന്നു അറിയു​ന്നു​വ​ല്ലോ. അങ്ങനെ നിങ്ങൾ നിനെ​ക്കാത്ത നാഴി​ക​യിൽ മനുഷ്യ​പു​ത്രൻ [യേശു] വരുന്ന​തു​കൊ​ണ്ടു നിങ്ങളും ഒരുങ്ങി​യി​രി​പ്പിൻ.”—മത്തായി 24:43, 44.

ലോകത്തെ അമ്പരപ്പി​ക്കുന്ന വിധത്തി​ലാ​യി​രി​ക്കും ഈ വ്യവസ്ഥി​തി​യു​ടെ ദാരു​ണ​മായ അന്ത്യം സംഭവി​ക്കുക എന്ന്‌ യേശു​വി​ന്റെ വാക്കുകൾ പ്രകട​മാ​ക്കു​ന്നു. നാം അവന്റെ അനുഗാ​മി​കൾ ആണെങ്കിൽപ്പോ​ലും, ‘ഒരുങ്ങി​യി​രി​ക്കേണ്ട’ ആവശ്യ​മുണ്ട്‌. കള്ളൻ ഭവനം ഭേദി​ക്കു​ന്നത്‌ എപ്പോൾ എന്ന്‌ അറിയാ​തി​രി​ക്കു​ന്ന​തു​കൊണ്ട്‌ പകച്ചു​പോ​യേ​ക്കാ​വുന്ന ഒരു വീട്ടു​കാ​ര​ന്റേ​തി​നോ​ടു സമാന​മാണ്‌ നമ്മുടെ സ്ഥിതി​വി​ശേഷം.

സമാന​മാ​യി, പൗലൊസ്‌ അപ്പൊ​സ്‌തലൻ തെസ്സ​ലൊ​നീ​ക്യ​യി​ലെ ക്രിസ്‌ത്യാ​നി​ക​ളോ​ടു പറഞ്ഞു: “കള്ളൻ രാത്രി​യിൽ വരു​മ്പോ​ലെ കർത്താ​വി​ന്റെ നാൾ വരുന്നു എന്നു നിങ്ങൾ തന്നേ നന്നായി അറിയു​ന്നു​വ​ല്ലോ. . . . സഹോ​ദ​ര​ന്മാ​രേ, ആ നാൾ കള്ളൻ എന്നപോ​ലെ നിങ്ങളെ പിടി​പ്പാൻ നിങ്ങൾ ഇരുട്ടി​ലു​ള്ള​വരല്ല.” പൗലൊസ്‌ ഇങ്ങനെ ഉദ്‌ബോ​ധി​പ്പി​ച്ചു: “നാം ശേഷമു​ള്ള​വ​രെ​പ്പോ​ലെ ഉറങ്ങാതെ ഉണർന്നും സുബോ​ധ​മാ​യു​മി​രിക്ക.” (1 തെസ്സ​ലൊ​നീ​ക്യർ 5:2, 4, 6) “ഉറങ്ങാതെ ഉണർന്നും സുബോ​ധ​മാ​യു​മി​രിക്ക” എന്നതിന്റെ അർഥ​മെന്ത്‌?

ഒന്നാം നൂറ്റാ​ണ്ടിൽ യെരൂ​ശ​ലേ​മിൽനി​ന്നു പലായനം ചെയ്‌ത ക്രിസ്‌ത്യാ​നി​ക​ളു​ടേ​തിൽനി​ന്നു വ്യത്യ​സ്‌ത​മാ​യി, സുരക്ഷി​ത​ത്വ​ത്തി​നു​വേണ്ടി നാം ഏതെങ്കി​ലും നഗരത്തി​ലേക്കു പലായനം ചെയ്യേ​ണ്ട​തില്ല. റോമി​ലെ തന്റെ സഹവി​ശ്വാ​സി​കളെ ഉറക്കത്തിൽനിന്ന്‌ ഉണരാൻ ഉദ്‌ബോ​ധി​പ്പി​ച്ച​ശേഷം, പൗലൊസ്‌ അവരോട്‌ ‘ഇരുട്ടി​ന്റെ പ്രവൃ​ത്തി​കളെ വെച്ചു​ക​ളഞ്ഞ്‌ കർത്താ​വായ യേശു​ക്രി​സ്‌തു​വി​നെ​ത്തന്നെ ധരിച്ചു​കൊ​ള്ളാൻ’ ആവശ്യ​പ്പെട്ടു. (റോമർ 13:12, 14) യേശു​വി​ന്റെ കാലടി​കൾ അടുത്തു പിൻപ​റ്റി​ക്കൊണ്ട്‌, നമ്മുടെ കാലങ്ങൾ സംബന്ധിച്ച്‌ ഉണർവു​ള്ള​വ​രാ​ണെന്നു നാം പ്രകട​മാ​ക്കും. ഈ ആത്മീയ ജാഗ്രത നമുക്ക്‌ ഈ ദുഷ്ട വ്യവസ്ഥി​തി​യു​ടെ അന്ത്യത്തിൽ ദിവ്യ സംരക്ഷണം ലഭിക്കു​ന്ന​തിന്‌ ഇടയാ​ക്കും.—1 പത്രൊസ്‌ 2:21.

യേശു​ക്രി​സ്‌തു​വി​നെ അനുഗ​മി​ക്കു​ന്നവർ അർഥവ​ത്തായ, സംതൃ​പ്‌തി​ക​ര​മായ ജീവിതം ആസ്വദി​ക്കു​ന്നു. ക്രിസ്‌തീയ ശിഷ്യ​ത്വം എന്ന നുകം ദയയു​ള്ള​തും നവോ​ന്മേ​ഷ​പ്ര​ദ​വു​മാ​ണെന്ന്‌ ദശലക്ഷ​ക്ക​ണ​ക്കി​നു യഹോ​വ​യു​ടെ സാക്ഷികൾ മനസ്സി​ലാ​ക്കി​യി​രി​ക്കു​ന്നു. (മത്തായി 11:29, 30, NW അടിക്കു​റിപ്പ്‌) ഒരു ശിഷ്യൻ ആയിത്തീ​രു​ന്ന​തി​നുള്ള ആദ്യ നടപടി ‘ദൈവ​ത്തെ​യും അവൻ അയച്ചി​രി​ക്കുന്ന യേശു​ക്രി​സ്‌തു​വി​നെ​യും കുറി​ച്ചുള്ള അറിവ്‌ നേടു​ന്ന​താണ്‌.’ (യോഹ​ന്നാൻ 17:3) “സത്യത്തെ കുറി​ച്ചുള്ള സൂക്ഷ്‌മ പരിജ്ഞാ​നം” നേടു​ന്ന​തിന്‌ ആളുകളെ സഹായി​ക്കാൻ സാക്ഷികൾ വാരം​തോ​റും ദശലക്ഷ​ക്ക​ണ​ക്കി​നു വീടുകൾ സന്ദർശി​ക്കു​ന്നു. (1 തിമൊ​ഥെ​യൊസ്‌ 2:4, NW) നിങ്ങളു​ടെ ഭവനത്തിൽ വന്ന്‌ സൗജന്യ ബൈബിൾ അധ്യയ​നങ്ങൾ നടത്തു​ന്ന​തിന്‌ അവർക്കു സന്തോ​ഷ​മേ​യു​ള്ളൂ. ദൈവ​വ​ച​നത്തെ കുറി​ച്ചുള്ള പരിജ്ഞാ​നം വർധി​ക്കു​ന്നത്‌ അനുസ​രിച്ച്‌, നമ്മുടെ നാളുകൾ വ്യത്യ​സ്‌ത​മാണ്‌ എന്നു നിങ്ങൾക്കും ബോധ്യ​മാ​കും. തീർച്ച​യാ​യും, ഇത്‌ ഉറക്കത്തിൽനിന്ന്‌ ഉണർന്നി​രി​ക്കേണ്ട അടിയ​ന്തിര സമയം​തന്നെ!

[7-ാം പേജിലെ ചതുരം/ചിത്രങ്ങൾ]

അന്ത്യനാളുകളുടെ ചില സവി​ശേ​ഷ​ത​കൾ

“ജാതി ജാതി​യോ​ടും രാജ്യം രാജ്യ​ത്തോ​ടും എതിർക്കും;” ‘ഭൂമി​യിൽനിന്ന്‌ സമാധാ​നം എടുത്തു​ക​ള​യ​പ്പെ​ടും.’ (മത്തായി 24:7; വെളി​പ്പാ​ടു 6:4)

ഈ നൂറ്റാ​ണ്ടി​ലെ രണ്ടു ലോക മഹായു​ദ്ധ​ങ്ങ​ളും ഡസൻക​ണ​ക്കി​നു മറ്റു പോരാ​ട്ട​ങ്ങ​ളും ഭൂമി​യിൽനി​ന്നു സമാധാ​നം എടുത്തു​ക​ള​ഞ്ഞി​രി​ക്കു​ന്നു. ചരി​ത്ര​കാ​ര​നായ ജോൺ കീഗൻ എഴുതു​ന്നു: “ഒന്നും രണ്ടും ലോക മഹായു​ദ്ധങ്ങൾ മുമ്പ്‌ നടന്നി​ട്ടുള്ള എല്ലാ യുദ്ധങ്ങ​ളിൽനി​ന്നും വ്യത്യ​സ്‌ത​മാ​യി​ത്തീർന്നു, അളവി​ലും കാഠി​ന്യ​ത്തി​ലും വ്യാപ്‌തി​യി​ലും സ്വത്തി​ന്റെ​യും മനുഷ്യ​ജീ​വ​ന്റെ​യും നഷ്ടത്തിന്റെ കാര്യ​ത്തി​ലും വ്യത്യ​സ്‌ത​മാ​യി​രു​ന്നു. . . . മുമ്പ്‌ നടന്നി​ട്ടുള്ള ഏതൊരു യുദ്ധ​ത്തെ​യും അപേക്ഷിച്ച്‌ ലോക മഹായു​ദ്ധങ്ങൾ കൂടുതൽ ആളുകളെ കൊന്നു, കൂടുതൽ സ്വത്തു നശിപ്പി​ച്ചു, ഭൂമി​യിൽ കൂടുതൽ വ്യാപ​ക​മായ മേഖല​യിൽ കൂടുതൽ കഷ്ടങ്ങൾ വരുത്തി​വെച്ചു.” ഇപ്പോ​ഴത്തെ യുദ്ധങ്ങൾ പടയാ​ളി​ക​ളെ​ക്കാൾ അധികം ദ്രോ​ഹ​മേൽപ്പി​ക്കു​ന്നത്‌ സ്‌ത്രീ​കൾക്കും കുട്ടി​കൾക്കും ആണ്‌. ഐക്യ​രാ​ഷ്‌ട്ര ശിശു​ക്ഷേമ നിധി​യു​ടെ കണക്കനു​സ​രിച്ച്‌ കഴിഞ്ഞ പത്തു വർഷത്തിൽ 20 ലക്ഷം കുട്ടി​ക​ളെ​ങ്കി​ലും യുദ്ധങ്ങ​ളിൽ കൊല്ല​പ്പെ​ട്ടി​ട്ടുണ്ട്‌.

‘ക്ഷാമങ്ങൾ ഉണ്ടാകും’ (മത്തായി 24:7; വെളി​പ്പാ​ടു 6:5, 6, 8)

1996-ൽ ഗോത​മ്പി​ന്റെ​യും ചോള​ത്തി​ന്റെ​യും വില കുതി​ച്ചു​യർന്നു. കാരണം എന്തായി​രു​ന്നു? ഈ ധാന്യ​ങ്ങ​ളു​ടെ ലോക​ശേ​ഖരം കേവലം 50 ദിവസ​ത്തേ​ക്കുള്ള അളവി​ലെത്തി എന്നതാ​യി​രു​ന്നു കാരണം. ചരി​ത്ര​ത്തിൽ ആദ്യമാ​യാണ്‌ അവയുടെ ശേഖരം ഇത്രയും താഴ്‌ന്നത്‌. അടിസ്ഥാന ഭക്ഷ്യവ​സ്‌തു​ക്ക​ളു​ടെ വില വർധി​ക്കു​ന്നത്‌ അനുസ​രിച്ച്‌ ലോക​ത്തി​ലെ കോടി​ക്ക​ണ​ക്കി​നു​വ​രുന്ന ദരിദ്രർ—അവരിൽ അനേക​രും കുട്ടികൾ—പട്ടിണി​യി​ലാണ്‌.

‘അവിട​വി​ടെ​യാ​യി ഭൂകമ്പങ്ങൾ’ (മത്തായി 24:7)

കഴിഞ്ഞ 2,500 വർഷങ്ങൾ എടുത്താൽ, 1,00,000-ത്തിലധി​കം ആളുക​ളു​ടെ മരണത്തിന്‌ ഇടയാ​ക്കി​യി​ട്ടുള്ള 9 ഭൂകമ്പങ്ങൾ ഉണ്ടായി. ഇതിൽ 4-ഉം സംഭവി​ച്ചത്‌ 1914-നുശേ​ഷ​മാണ്‌.

“നിയമ​രാ​ഹി​ത്യ​ത്തി​ന്റെ വർധനവ്‌” (മത്തായി 24:12, NW)

20-ാം നൂറ്റാ​ണ്ടി​ന്റെ സമാപ​ന​ത്തോട്‌ അടുക്കവേ, നിയമ​രാ​ഹി​ത്യം, അഥവാ നിയമ​ലം​ഘനം സർവവ്യാ​പ​ക​മാ​യി​രി​ക്കു​ന്നു. ഭീകരർ സാധാ​ര​ണ​ക്കാ​രെ ആക്രമി​ക്കു​ന്ന​തും നിർദ​യ​മായ കൊല​പാ​ത​ക​ങ്ങ​ളും കൂട്ട​ക്കൊ​ല​ക​ളും ഈ അക്രമാ​സ​ക്ത​മായ അന്ത്യനാ​ളു​ക​ളു​ടെ ഭയാനക വശങ്ങളിൽ ചിലതു​മാ​ത്രം.

‘അവിട​വി​ടെ​യുള്ള മഹാവ്യാ​ധി​കൾ’ (ലൂക്കൊസ്‌ 21:11)

1990-കളിൽ, സാധ്യ​ത​യ​നു​സ​രിച്ച്‌ 3 കോടി ആളുകൾ ക്ഷയരോ​ഗം നിമിത്തം മരി​ച്ചേ​ക്കാം. രോഗ​വാ​ഹി​ക​ളായ ബാക്‌ടീ​രി​യ​യു​ടെ ഔഷധ​പ്ര​തി​രോധ ശക്തി വർധി​ച്ചു​വ​രു​ന്നു. മറ്റൊരു മാരക​രോ​ഗ​മായ മലമ്പനി വർഷം​തോ​റും 30 കോടി​മു​തൽ 50 കോടി​വരെ ആളുകളെ പിടി​കൂ​ടു​ന്നുണ്ട്‌. അത്‌ 20 ലക്ഷം​പേരെ കൊ​ന്നൊ​ടു​ക്കു​ന്നു എന്നാണ്‌ കണക്ക്‌. ഈ പതിറ്റാ​ണ്ടി​ന്റെ അന്ത്യ​ത്തോ​ടെ, എയ്‌ഡ്‌സ്‌മൂ​ലം വർഷം​തോ​റും 18 ലക്ഷം ആളുകൾ മരിക്കു​മെന്നു കണക്കാ​ക്ക​പ്പെ​ടു​ന്നു. “ഇന്ന്‌ മനുഷ്യ​വർഗം പകർച്ച​വ്യാ​ധി​ക​ളു​ടെ കുത്തൊ​ഴു​ക്കിൽപ്പെ​ട്ടി​രി​ക്കു​ക​യാണ്‌” എന്ന്‌ സ്റ്റേറ്റ്‌ ഓഫ്‌ ദ വേൾഡ്‌ 1996 പ്രഖ്യാ​പി​ക്കു​ന്നു.

‘രാജ്യ​ത്തി​ന്റെ ഈ സുവി​ശേഷം ഭൂലോ​ക​ത്തിൽ ഒക്കെയും പ്രസം​ഗി​ക്ക​പ്പെ​ടും.’ (മത്തായി 24:14)

1997-ൽ, യഹോ​വ​യു​ടെ സാക്ഷികൾ രാജ്യ സുവാർത്താ ഘോഷ​ണ​ത്തിൽ 100 കോടി​യി​ല​ധി​കം മണിക്കൂ​റു​കൾ ചെലവി​ട്ടു. 232 രാജ്യ​ങ്ങ​ളി​ലാ​യി 50 ലക്ഷത്തി​ല​ധി​കം സാക്ഷികൾ ആളുകൾക്ക്‌ ഈ സന്ദേശം നിരന്തരം കൈമാ​റു​ന്നു.

[കടപ്പാട]

FAO photo/B. Imevbore

U.S. Coast Guard photo

[4, 5 പേജു​ക​ളി​ലെ ചിത്രം]

ആത്മീയമായി ഉണർവു​ള്ളവർ ആയിരു​ന്ന​തി​നാൽ ക്രിസ്‌ത്യാ​നി​കൾ യെരൂ​ശ​ലേ​മിൽനി​ന്നു പലായനം ചെയ്‌തു