അവളുടെ പ്രായാ​ധി​ക്യം യഹോ​വ​യു​ടെ സേവന​ത്തി​നു തടസ്സമാ​യി​ല്ല

പ്രായം​ചെന്ന അനേക​രു​ടെ​യും തോന്നൽ തങ്ങളുടെ ശേഷിച്ച ജീവി​ത​കാ​ലം സന്തുഷ്ടി​ക്കു വക നൽകു​ന്നില്ല എന്നാണ്‌. വാർധ​ക്യം പ്രാപി​ച്ചു​കൊ​ണ്ടി​രി​ക്കുന്ന ഒരു പ്രശസ്‌ത നടി ഇങ്ങനെ​വരെ പറഞ്ഞു: “ഞാൻ എന്റെ ജീവി​തത്തെ താറു​മാ​റാ​ക്കി. ഇനിയി​പ്പോൾ അതിനു മാററം വരുത്താൻ പററു​മെ​ന്നു​തോ​ന്നു​ന്നില്ല . . . ഒററയ്‌ക്കു നടന്നു​പോ​കു​മ്പോൾ ഞാൻ എന്റെ കഴിഞ്ഞ​കാല ജീവി​ത​ത്തി​ലേക്കു തിരി​ഞ്ഞു​നോ​ക്കാ​റുണ്ട്‌. എന്റെ ജീവി​തത്തെ ഇങ്ങനെ​യാ​ക്കി​ത്തീർത്ത​തിൽ ഞാൻ സന്തുഷ്ടയല്ല . . . എവി​ടെ​ച്ചെ​ന്നാ​ലും ഞാൻ അസ്വസ്ഥ​യാണ്‌, ചിന്തകളെ നിയ​ന്ത്രി​ക്കാ​നൊ​ട്ടു കഴിയു​ന്നു​മില്ല.”

ഏതാണ്ടു 2,000 വർഷങ്ങൾക്കു മുമ്പു ജീവി​ച്ചി​രുന്ന പ്രായം​ചെന്ന ഒരു സ്‌ത്രീക്ക്‌ അത്തരത്തി​ലുള്ള യാതൊ​രു പ്രശ്‌ന​വു​മി​ല്ലാ​യി​രു​ന്നു. അവർ 84 വയസ്സുള്ള ഒരു വിധവ ആയിരു​ന്നെ​ങ്കി​ലും സജീവ​യും സന്തുഷ്ട​യും അത്ഭുത​ക​ര​മാ​യി ദൈവ​ത്താൽ അനു​ഗ്ര​ഹി​ക്ക​പ്പെ​ട്ട​വ​ളും ആയിരു​ന്നു. അവരുടെ പേര്‌ ഹന്നാ എന്നായി​രു​ന്നു. അവർക്കു സന്തോ​ഷി​ക്കാൻ വക നൽകിയ ഒരു പ്രത്യേക കാരണ​മു​ണ്ടാ​യി. അതെന്താ​യി​രു​ന്നു?

“ദൈവാ​ലയം വിട്ടു​പി​രി​യാ​തെ”യിരുന്നു

സുവി​ശേഷ ലേഖക​നായ ലൂക്കോസ്‌ ഹന്നായെ നമുക്കു പരിച​യ​പ്പെ​ടു​ത്തു​ന്നു. ഇസ്രാ​യേ​ലി​ലെ “ആശേർ ഗോ​ത്ര​ത്തിൽ ഫനൂ​വേ​ലി​ന്റെ മകളായ ഹന്നാ എന്നൊരു പ്രവാ​ചകി ഉണ്ടായി​രു​ന്നു” എന്ന്‌ അദ്ദേഹം പറയുന്നു. ഒരു പ്രവാ​ചകി എന്ന നിലയിൽ ദൈവ​ത്തി​ന്റെ പരിശു​ദ്ധാ​ത്മാ​വി​ന്റെ അഥവാ പ്രവർത്ത​ന​നി​ര​ത​മായ ശക്തിയു​ടെ ദാനം ഒരു പ്രത്യേക അർഥത്തിൽ അവരു​ടെ​മേ​ലു​ണ്ടാ​യി​രു​ന്നു. കൂടാതെ, ഒരു ശ്രദ്ധേ​യ​മായ സന്ദർഭ​ത്തിൽ പ്രവചി​ക്കു​ന്ന​തി​നുള്ള മഹത്തായ അവസര​വും ഹന്നായ്‌ക്കു ലഭിച്ചു.

“വയോ​വൃ​ദ്ധ​യാ​യി​രുന്ന അവൾ കന്യകാ​പ്രാ​യം മുതൽ ഏഴു വത്സരം ഭർത്താ​വോ​ടൊ​ത്തു ജീവിച്ചു. എൺപത്തി​നാ​ലു വയസ്സുള്ള അവൾ വിധവ​യാ​യി​രു​ന്നു” എന്നു ലൂക്കോസ്‌ വിവരി​ക്കു​ന്നു. (ലൂക്കോസ്‌ 2:36, 37, ഓശാന ബൈബിൾ) ഹന്നാ വളരെ ചെറു​പ്പ​ത്തിൽത്തന്നെ വിധവ​യാ​യി​രി​ക്കാ​നാ​ണു സാധ്യത. പ്രിയ​പ്പെട്ട ഭർത്താ​വി​ന്റെ മരണത്താൽ സംഭവി​ക്കുന്ന നഷ്ടം എത്ര ഹൃദയ​വേ​ദ​ന​യു​ള്ള​താ​ണെന്നു വിധവ​യാ​യി​ത്തീർന്ന ഏതു പ്രായ​ത്തി​ലു​മുള്ള ക്രിസ്‌തീയ സ്‌ത്രീ​കൾക്ക​റി​യാം. നമ്മുടെ നാളിലെ ദൈവ​ഭ​ക്ത​രായ അനേകം സ്‌ത്രീ​ക​ളെ​പ്പോ​ലെ​തന്നെ ഹന്നായും ദൈവ​സേ​വ​ന​ത്തി​നു ഭംഗം​വ​രു​ത്താൻ ഈ ദുഃഖ​ക​ര​മായ അനുഭ​വത്തെ അനുവ​ദി​ച്ചില്ല.

ഹന്നാ യെരു​ശ​ലേ​മി​ലെ “ദൈവാ​ലയം വിട്ടു​പി​രി​യാ​തെ” കഴിഞ്ഞു​പോ​ന്നു​വെന്നു ലൂക്കോസ്‌ നമ്മോടു പറയുന്നു. (ലൂക്കൊസ്‌ 2:37) ദൈവ​ഭ​വ​ന​ത്തി​ലെ സേവന​ത്തിൽനി​ന്നു ലഭിക്കുന്ന അനു​ഗ്ര​ഹത്തെ അവൾ ആഴമായി വിലമ​തി​ച്ചു. ഇസ്രാ​യേ​ലി​ലെ രാജാ​വാ​യി​രുന്ന സങ്കീർത്ത​ന​ക്കാ​ര​നായ ദാവീ​ദി​നെ​പ്പോ​ലെ അവൾക്കും യഹോ​വ​യോട്‌ ഒരുകാ​ര്യം മാത്രമേ ചോദി​ക്കാ​നു​ണ്ടാ​യി​രു​ന്നു​ള്ളൂ​വെന്ന്‌ അവളുടെ പ്രവൃത്തി തെളി​യി​ച്ചു. അതെന്താ​യി​രു​ന്നു? “ഞാൻ യഹോ​വ​യോ​ടു ഒരു കാര്യം അപേക്ഷി​ച്ചു; അതു തന്നേ ഞാൻ ആഗ്രഹി​ക്കു​ന്നു; യഹോ​വ​യു​ടെ മനോ​ഹ​ര​ത്വം കാൺമാ​നും അവന്റെ മന്ദിര​ത്തിൽ ധ്യാനി​പ്പാ​നും എന്റെ ആയുഷ്‌കാ​ല​മൊ​ക്കെ​യും ഞാൻ യഹോ​വ​യു​ടെ ആലയത്തിൽ പാർക്കേ​ണ്ട​തി​ന്നു തന്നേ” എന്നു ദാവീദ്‌ പാടി. (സങ്കീർത്തനം 27:4) ഈ സംഗതി​യി​ലും ഹന്നാ, ഇന്ന്‌ യഹോ​വക്ക്‌ ആരാധന അർപ്പി​ക്കുന്ന സ്ഥലത്തു നിരന്തരം സന്നിഹി​ത​രാ​കു​ന്ന​തിൽ ആനന്ദം കണ്ടെത്തുന്ന ക്രിസ്‌തീയ സ്‌ത്രീ​ക​ളെ​പ്പോ​ലെ​യാണ്‌.

ഹന്നാ യഹോ​വയെ ദിനരാ​ത്രം സേവിച്ചു. “ഉപവാ​സ​ത്തോ​ടും പ്രാർത്ഥ​ന​യോ​ടും​കൂ​ടെ”യാണ്‌ അവർ അതു ചെയ്‌തത്‌. ഇത്‌ വിലാ​പ​ത്തെ​യും ഉൽക്കട​മായ പ്രതീ​ക്ഷ​യെ​യും സൂചി​പ്പി​ക്കു​ന്നു. (ലൂക്കൊസ്‌ 2:37) യഹോ​വ​യാം ദൈവ​ത്തോട്‌ ഉപവാ​സ​വും പ്രാർഥ​ന​യും കഴിക്കാൻ ഹന്നായെ ഇടയാക്കിയ സംഗതി, നൂററാ​ണ്ടു​ക​ളു​ടെ ദൈർഘ്യ​മുള്ള വിജാ​തീയ ഭരണത്തിൻകീ​ഴി​ലെ യഹൂദ​രു​ടെ കീഴ്‌പെ​ട​ലും ആലയ​ത്തെ​യും അതിന്റെ പുരോ​ഹി​ത​വർഗ​ത്തെ​യും​പോ​ലും ബാധി​ക്കാ​നി​ട​യായ അധഃപ​തി​ച്ചു​കൊ​ണ്ടി​രി​ക്കുന്ന മത അവസ്ഥക​ളു​മാ​യി​രി​ക്കാൻ ഏറെ സാധ്യ​ത​യുണ്ട്‌. എന്നാൽ അവർക്കു സന്തോ​ഷി​ക്കാ​നും വകയു​ണ്ടാ​യി​രു​ന്നു. പൊ.യു.മു. (പൊതു​യു​ഗ​ത്തി​നു​മുമ്പ്‌) 2-ാം ആണ്ടിൽ സംഭവ​ബ​ഹു​ല​മായ ഒരു ദിനത്തിൽ നടന്ന അസാധാ​ര​ണ​മായ ഒരു സംഗതി​യാ​യി​രു​ന്നു അതിനുള്ള കാരണം.

അപ്രതീ​ക്ഷി​ത​മായ ഒരു അനു​ഗ്ര​ഹം

അതി​പ്ര​ധാ​ന​മായ ആ ദിവസം ബാലനായ യേശു​വി​നെ അവന്റെ അമ്മ മറിയ​യും വളർത്തു​പി​താ​വായ യോ​സേ​ഫും​കൂ​ടി യെരു​ശ​ലേം ദൈവാ​ല​യ​ത്തിൽ കൊണ്ടു​വന്നു. വൃദ്ധനായ ശിമ​യോൻ ബാലനെ കാണു​ക​യും തദവസരം പ്രവചി​ക്കു​ക​യും ചെയ്‌തു. (ലൂക്കൊസ്‌ 2:25-35) പതിവു​പോ​ലെ ഹന്നാ ദൈവാ​ല​യ​ത്തിൽ ഉണ്ടായി​രു​ന്നു. “ആ നാഴി​ക​യിൽ അവളും അടുത്തു​നി​ന്നു” എന്നു ലൂക്കോസ്‌ റിപ്പോർട്ടു​ചെ​യ്യു​ന്നു. (ലൂക്കൊസ്‌ 2:38) പ്രായം​ചെന്ന തന്റെ കണ്ണുകൾ ഭാവി മിശി​ഹാ​യെ കണ്ടതിൽ ഹന്നാ എത്രമാ​ത്രം പുളകം​കൊ​ണ്ടി​രി​ക്കും!

നാൽപ്പതു ദിവസം​മുമ്പ്‌ ദൈവ​ത്തി​ന്റെ ദൂതൻ ബേത്‌ല​ഹേ​മി​നു സമീപ​മു​ണ്ടാ​യി​രുന്ന ആട്ടിട​യൻമാ​രെ പിൻവ​രു​ന്ന​വി​ധം പറഞ്ഞു​കൊ​ണ്ടു ഭയപര​വ​ശ​രാ​ക്കി​യി​രു​ന്നു: “സർവ്വജ​ന​ത്തി​നും ഉണ്ടാവാ​നു​ള്ളോ​രു മഹാസ​ന്തോ​ഷം ഞാൻ നിങ്ങ​ളോ​ടു സുവി​ശേ​ഷി​ക്കു​ന്നു. കർത്താ​വായ ക്രിസ്‌തു എന്ന രക്ഷിതാ​വു ഇന്നു ദാവീ​ദി​ന്റെ പട്ടണത്തിൽ നിങ്ങൾക്കാ​യി ജനിച്ചി​രി​ക്കു​ന്നു.” തുടർന്ന്‌ സ്വർഗീ​യ​സൈ​ന്യ​ത്തി​ന്റെ ഒരു സംഘം യഹോ​വയെ സ്‌തു​തി​ച്ചു​കൊണ്ട്‌ ഇപ്രകാ​രം പറഞ്ഞു: “അത്യു​ന്ന​ത​ങ്ങ​ളിൽ ദൈവ​ത്തി​ന്നു മഹത്വം; ഭൂമി​യിൽ ദൈവ​പ്ര​സാ​ദ​മുള്ള മനുഷ്യർക്കു സമാധാ​നം.” (ലൂക്കൊസ്‌ 2:8-14) അതു​പോ​ലെ, മിശി​ഹാ​യാ​കാൻ പോകു​ന്ന​വ​നെ​ക്കു​റി​ച്ചു സാക്ഷ്യം നൽകു​ന്ന​തി​നു ഹന്നാ ഇപ്പോൾ ഉടനടി പ്രേരി​ത​യാ​യി!

ബാലനായ യേശു​വി​നെ കണ്ട അവസര​ത്തിൽ ഹന്നായും അതു​പോ​ലെ “ദൈവത്തെ സ്‌തു​തി​ച്ചു, യെരു​ശ​ലേ​മി​ന്റെ വീണ്ടെ​ടു​പ്പു കാത്തി​രുന്ന എല്ലാവ​രോ​ടും അവനെ​ക്കു​റി​ച്ചു പ്രസ്‌താ​വി​ച്ചു.” (ലൂക്കൊസ്‌ 2:38) ബാലനായ യേശു​വി​നെ ദൈവാ​ല​യ​ത്തിൽവച്ചു കാണു​ന്ന​തി​നുള്ള പദവി ലഭിച്ച വൃദ്ധനായ ശിമ​യോ​നെ​പ്പോ​ലെ ഹന്നായും നിസ്സം​ശ​യ​മാ​യി വാഗ്‌ദത്ത വീണ്ടെ​ടു​പ്പു​കാ​ര​നു​വേണ്ടി കാംക്ഷി​ച്ചും പ്രാർഥി​ച്ചും പ്രതീ​ക്ഷി​ച്ചും കഴിയു​ക​യാ​യി​രു​ന്നു. ആ ഒരുവൻ യേശു​വാണ്‌ എന്ന സുവാർത്ത മററു​ള്ള​വ​രിൽനിന്ന്‌ ഒളിച്ചു​വ​യ്‌ക്കാൻ പററിയ ഒന്നായി​രു​ന്നില്ല.

യേശു വളരും​വരെ ജീവി​ച്ചി​രി​ക്കു​ന്ന​തി​നു ഹന്നാ പ്രതീ​ക്ഷി​ച്ചി​രു​ന്നി​ല്ലെ​ങ്കിൽക്കൂ​ടെ അവർ എന്തു ചെയ്‌തു? വരാൻപോ​കുന്ന ഈ മിശി​ഹാ​മു​ഖാ​ന്തരം സംഭവി​ക്കുന്ന മോച​ന​ത്തെ​ക്കു​റിച്ച്‌ അവൾ മററു​ള്ള​വർക്കു സസന്തോ​ഷം സാക്ഷ്യം നൽകി.

ഹന്നായു​ടെ ഉത്തമ ദൃഷ്ടാന്തം

ലോക​ത്തി​ലെ എത്ര മതഭക്ത​രാണ്‌ 84-ാം വയസ്സിൽ അത്തരം സാക്ഷ്യം നൽകു​ക​യോ ദിനരാ​ത്രം ആരാധന അർപ്പി​ക്കു​ക​യോ ചെയ്യുക? അവർ വർഷങ്ങൾക്കു​മു​മ്പേ​തന്നെ ഒരു പെൻഷ​നു​വേണ്ടി അപേക്ഷി​ക്കാ​നാ​ണു സാധ്യത. ഹന്നായും ശിമ​യോ​നും അവരിൽനി​ന്നു വ്യത്യ​സ്‌ത​രാ​യി​രു​ന്നു. യഹോ​വ​യു​ടെ ദാസരായ പ്രായം​ചെന്ന സകലർക്കും അവർ ഉത്തമ ദൃഷ്ടാന്തം വെച്ചു. തീർച്ച​യാ​യും അവർ യഹോ​വക്ക്‌ ആരാധ​ന​യർപ്പി​ക്കുന്ന സ്ഥലത്തെ സ്‌നേ​ഹി​ക്കു​ക​യും അവരുടെ മുഴു ഹൃദയ​ത്തോ​ടെ അവിടു​ത്തെ സ്‌തു​തി​ക്കു​ക​യും ചെയ്‌തു.

ദൈവ​ഭ​ക്തി​യു​ള്ള ഒരു വിധവ​യു​ടെ മികച്ച ദൃഷ്ടാന്തം ഹന്നായിൽ നമുക്കു കാണാ​വു​ന്ന​താണ്‌. സാക്ഷാൽ വിധവ​യായ ഒരുവ​ളു​ടെ ഗുണഗ​ണ​ങ്ങളെ സൂചി​പ്പി​ച്ചു​കൊണ്ട്‌ 1 തിമൊ​ഥെ​യൊസ്‌ 5:3-16-ൽ നൽകി​യി​രി​ക്കുന്ന വിവര​ണ​ത്തോട്‌ എളിമ​യുള്ള ഈ വിധവ​യെ​ക്കു​റി​ച്ചുള്ള ലൂക്കോ​സി​ന്റെ വിവരണം നല്ലവണ്ണം ഒത്തുവ​രു​ന്നു. അത്തരം ഒരു വിധവ “രാപ്പകൽ യാചന​യി​ലും പ്രാർത്ഥ​ന​യി​ലും ഉററു​പാർ”ത്തുകൊണ്ട്‌ “ഏകഭർത്താ​വി​ന്റെ ഭാര്യ​യാ​യി”രുന്ന്‌ “സർവ്വസൽപ്ര​വൃ​ത്തി​യും ചെയ്‌തു​പോ​രു”ന്നു എന്ന്‌ അപ്പോ​സ്‌ത​ല​നായ പൗലോസ്‌ അവിടെ സൂചി​പ്പി​ച്ചി​രി​ക്കു​ന്നു. ഹന്നാ അത്തരം ഒരു സ്‌ത്രീ​യാ​യി​രു​ന്നു.

ഇന്ന്‌, ഭൂവ്യാ​പ​ക​മാ​യി യഹോ​വ​യു​ടെ സാക്ഷി​ക​ളു​ടെ ആയിര​ക്ക​ണ​ക്കി​നു സഭകളി​ലാ​യി ദൈവ​ത്തി​നു ദിനരാ​ത്രം വിശു​ദ്ധ​സേ​വനം അർപ്പി​ക്കുന്ന വിശ്വ​സ്‌ത​രായ പ്രായ​മുള്ള വിധവ​മാ​രെ നാം കാണുന്നു. ആധുനി​ക​നാ​ളിൽ നമ്മുടെ മധ്യേ ഈ “ഹന്നാമാർ” ഉള്ളതിൽ നാം എത്രമാ​ത്രം വിലമ​തി​പ്പു​ള്ള​വ​രാണ്‌!

വളരെ പ്രായ​മാ​യ​ശേ​ഷ​വും പുരു​ഷൻമാർക്കും സ്‌ത്രീ​കൾക്കും ദൈവ​ത്തി​നു സമർപ്പിച്ച്‌ ജലസ്‌നാ​പ​ന​ത്തി​ലൂ​ടെ അതു പ്രതീ​ക​പ്പെ​ടു​ത്താ​വു​ന്ന​താണ്‌. പ്രായം​ചെ​ന്ന​വർക്കു പ്രായാ​ധി​ക്യ​ത്തി​ലും യഹോ​വയെ സേവി​ക്കു​ന്ന​തി​നും ഇപ്പോൾ സ്വർഗ​ത്തിൽ സ്ഥാപി​ത​മാ​യി​രി​ക്കുന്ന മിശി​ഹൈക രാജ്യ​ത്തെ​ക്കു​റി​ച്ചു സാക്ഷ്യം നൽകു​ന്ന​തി​നും കഴിയും. ഈ മിശി​ഹൈക രാജ്യം ഉടൻതന്നെ അനുസ​ര​ണ​മുള്ള മനുഷ്യ​വർഗ​ത്തി​നു മഹത്തായ അനു​ഗ്ര​ഹങ്ങൾ കൈവ​രു​ത്തും. നൂററാ​ണ്ടു​കൾക്കു​മു​മ്പു ഹന്നായ്‌ക്കു ലഭിച്ച അനു​ഗ്ര​ഹം​പോ​ലെ ഇപ്പോൾ വിശു​ദ്ധ​സേ​വനം അനുഷ്‌ഠി​ക്കുന്ന പ്രായ​മുള്ള ആളുകൾക്ക്‌ അവർക്കു​ണ്ടാ​യി​ട്ടുള്ള ദൈവാ​നു​ഗ്ര​ഹ​ത്തെ​ക്കു​റി​ച്ചു സാക്ഷ്യം നൽകാ​നാ​വും. ഹന്നായു​ടെ പ്രായാ​ധി​ക്യം യഹോ​വയെ സേവി​ക്കു​ന്ന​തി​നോ അവിടു​ത്തെ വിശു​ദ്ധ​നാ​മത്തെ വാഴ്‌ത്തു​ന്ന​തി​നോ തടസ്സമാ​യില്ല. അവരുടെ സ്ഥിതി​യും മറിച്ചല്ല.