പറുദീ​സ​യി​ലേക്കു മടങ്ങാ​നുള്ള വഴി

പറുദീ​സ​യ്‌ക്കു വേണ്ടി​യുള്ള മമനു​ഷ്യ​ന്റെ അഭിവാ​ഞ്‌ഛ​യും അതു പുനഃ​സൃ​ഷ്ടി​ക്കാ​നുള്ള വലുതും ചെറു​തു​മായ ശ്രമങ്ങ​ളും കണക്കി​ലെ​ടു​ക്കു​മ്പോൾ, ഇപ്പോൾത്തന്നെ ഭൂമി ഒരു യഥാർഥ പറുദീസ ആയിരി​ക്കേ​ണ്ട​താ​ണെന്ന്‌ ഒരുവൻ ചിന്തി​ച്ചേ​ക്കാം. എന്നാൽ അത്‌ ഒരു യഥാർഥ പറുദീസ അല്ല.

പകരം, മനുഷ്യ​വർഗം അത്യാ​ഗ്ര​ഹ​ത്തി​നു മുൻതൂ​ക്കം കൊടു​ത്തി​രി​ക്കു​ന്നു. അതിനു മിക്ക​പ്പോ​ഴും വില​യൊ​ടു​ക്കേണ്ടി വരുന്ന​തോ പരിസ്ഥി​തി​യും വൈവി​ധ്യ​മാർന്ന ജീവി​ക​ളും. ഭൗതിക സ്വത്തി​നാ​യി​രി​ക്കും പ്രാമു​ഖ്യം എന്നു വിശ്വ​സി​ക്കു​ന്ന​തി​നാൽ, ഈ ഭൂമി എന്നെങ്കി​ലും ഒരു ഏദെനിക പറുദീസ ആയിത്തീ​രും എന്ന പ്രതീക്ഷ പലർക്കും നഷ്ടമാ​യി​രി​ക്കു​ന്നു. പകരം, പറുദീ​സ​യു​ടെ ഏക പ്രത്യാശ എന്നനി​ല​യിൽ മരണാ​ന​ന്ത​ര​മുള്ള ഒരു സ്വർഗീയ ജീവനാ​യി അവർ കാത്തി​രി​ക്കു​ന്നു. അതു സൂചി​പ്പി​ക്കു​ന്നത്‌, ഒന്നാമ​താ​യി, ഏദെനു വേണ്ടി​യുള്ള മമനു​ഷ്യ​ന്റെ അഭിലാ​ഷം എന്നെന്നും വിഫല​മാ​യി​ത്തന്നെ അവശേ​ഷി​ക്കു​മെ​ന്നും, രണ്ടാമ​താ​യി, മമനു​ഷ്യ​ന്റെ മടയത്ത​ര​ത്തി​നും അത്യാ​ഗ്ര​ഹ​ത്തി​നു​മാ​യി ഈ ഗ്രഹത്തെ ദൈവം ഉപേക്ഷി​ച്ചി​രി​ക്കു​ന്നു​വെ​ന്നു​മാണ്‌. അതാണോ വാസ്‌തവം? ഭാവി എന്താണു വെച്ചു​നീ​ട്ടു​ന്നത്‌? ആ ഭാവി എവി​ടെ​യാ​യി​രി​ക്കും?

പറുദീസ—സ്വർഗ​ത്തി​ലോ ഭൂമി​യി​ലോ?

2,000-ത്തോളം വർഷങ്ങൾക്കു മുമ്പ്‌ തന്നോ​ടൊ​പ്പം ദണ്ഡനസ്‌തം​ഭ​ത്തിൽ തൂക്കപ്പെട്ട അനുതാ​പി​യായ ഒരു കള്ളനോ​ടു സംസാ​രി​ക്കവെ യേശു​ക്രി​സ്‌തു ഇങ്ങനെ പറഞ്ഞു: “നീ എന്നോ​ടു​കൂ​ടെ പരദീ​സ​യിൽ ഇരിക്കും.” (ലൂക്കൊസ്‌ 23:43) തന്നോ​ടൊ​പ്പം ആ കള്ളൻ സ്വർഗ​ത്തിൽ പോകു​മെന്നു യേശു അർഥമാ​ക്കി​യോ? ഇല്ല.

അങ്ങനെ​യൊ​രു ആശയം ആ ദുഷ്‌പ്ര​വൃ​ത്തി​ക്കാ​രന്റെ മനസ്സിൽപ്പോ​ലും ഉദിച്ചി​രി​ക്കാ​നി​ട​യില്ല. എന്തു​കൊണ്ട്‌? സങ്കീർത്തനം 37:29-ന്റെ ആദ്യ ഭാഗ​ത്തേ​തു​പോ​ലെ, തന്റെ നാളിൽ സ്ഥിതി​ചെ​യ്‌തി​രുന്ന എബ്രായ തിരു​വെ​ഴു​ത്തു​ക​ളി​ലെ പാഠഭാ​ഗങ്ങൾ ഒരുപക്ഷേ അയാൾക്കു പരിചി​ത​മാ​യി​രു​ന്നി​രി​ക്കാം: “നീതി​മാൻമാർ ഭൂമിയെ അവകാ​ശ​മാ​ക്കി എന്നേക്കും അതിൽ വസിക്കും.” (ചെരി​ച്ചെ​ഴു​ത്തു ഞങ്ങളു​ടേത്‌.) “സൌമ്യ​ത​യു​ള്ളവർ ഭാഗ്യ​വാൻമാർ; അവർ ഭൂമിയെ അവകാ​ശ​മാ​ക്കും” എന്നു പ്രഖ്യാ​പി​ച്ചു​കൊണ്ട്‌ യേശു അതേ സത്യം​തന്നെ പഠിപ്പി​ച്ചു. (ചെരി​ച്ചെ​ഴു​ത്തു ഞങ്ങളു​ടേത്‌.) (മത്തായി 5:5) ഈ തിരു​വെ​ഴുത്ത്‌ കർത്താ​വി​ന്റെ പ്രാർഥന എന്നു പരക്കെ വിളി​ക്ക​പ്പെ​ടു​ന്ന​തു​മാ​യി ഒത്തുവ​രു​ന്നു, അത്‌ ഇങ്ങനെ പ്രസ്‌താ​വി​ക്കു​ന്നു: “നിന്റെ ഇഷ്ടം സ്വർഗ്ഗ​ത്തി​ലെ​പ്പോ​ലെ ഭൂമി​യി​ലും ആകേണമേ.”—മത്തായി 6:9, 10.

മനുഷ്യ​കു​ടും​ബ​ത്തി​ന്റെ ഭവനമാ​യി ദൈവം സൃഷ്ടി​ച്ചതു ഭൂമി​യെ​യാണ്‌, സ്വർഗ​ത്തെയല്ല, എന്നു ബൈബിൾ പഠിപ്പി​ക്കു​ന്നു. “വ്യർത്ഥ​മാ​യി​ട്ടല്ല അവൻ [ഭൂമിയെ] നിർമ്മി​ച്ചതു; പാർപ്പി​ന്ന​ത്രേ അതിനെ നിർമി​ച്ചതു” എന്ന്‌ അവന്റെ വചനം പ്രസ്‌താ​വി​ക്കു​ന്നു. (യെശയ്യാ​വു 45:18) എത്ര കാല​ത്തോ​ളം? “അവൻ ഭൂമിയെ അതൊ​രി​ക്ക​ലും ഇളകി​പ്പോ​കാ​ത​വണ്ണം അതിന്റെ അടിസ്ഥാ​ന​ത്തി​ന്മേൽ സ്ഥാപി​ച്ചി​രി​ക്കു​ന്നു.” (സങ്കീർത്തനം 104:5) അതേ, “ഭൂമി​യോ എന്നേക്കും നില്‌ക്കു​ന്നു.”—സഭാ​പ്ര​സം​ഗി 1:4.

തന്നെ സേവി​ക്കുന്ന ബഹുഭൂ​രി​പ​ക്ഷ​മാ​ളു​ക​ളും ഭൂമിയെ തങ്ങളുടെ നിത്യ​ഭ​വ​ന​മാ​ക്കുക എന്നതു ദൈവ​ത്തി​ന്റെ ഉദ്ദേശ്യ​മാണ്‌. ദൈവ​വ​ച​ന​മായ ബൈബിൾ ഇതേക്കു​റി​ച്ചു പറയു​ന്ന​തെ​ന്തെന്നു നോക്കുക. സങ്കീർത്തനം 37:11 ഇങ്ങനെ മുൻകൂ​ട്ടി​പ്പ​റ​യു​ന്നു: “സൌമ്യ​ത​യു​ള്ളവർ ഭൂമിയെ കൈവ​ശ​മാ​ക്കും; സമാധാ​ന​സ​മൃ​ദ്ധി​യിൽ അവർ ആനന്ദി​ക്കും.” എത്ര കാല​ത്തോ​ളം? സങ്കീർത്തനം 37:29 ഇപ്രകാ​രം പറയുന്നു: “നീതി​മാ​ന്മാർ ഭൂമിയെ അവകാ​ശ​മാ​ക്കി എന്നേക്കും അതിൽ വസിക്കും.” (ചെരി​ച്ചെ​ഴു​ത്തു ഞങ്ങളു​ടേത്‌.) ആ സമയത്ത്‌, “നീ [ദൈവം] തൃക്കൈ തുറന്നു ജീവനു​ള്ള​തി​ന്റെ​യൊ​ക്കെ​യും ആഗ്രഹത്തെ,” ദൈവ​ഹി​ത​ത്തി​നു ചേർച്ച​യി​ലുള്ള ആഗ്രഹത്തെ “തൃപ്‌തി​പ്പെ​ടു​ത്തു​ന്നു” എന്നു പ്രസ്‌താ​വി​ക്കുന്ന തിരു​വെ​ഴു​ത്തു നിവൃ​ത്തി​യേ​റും.—സങ്കീർത്തനം 145:16.

ദൈ​വേ​ഷ്ടം ചെയ്യാൻ യാതൊ​രാ​ഗ്ര​ഹ​വു​മി​ല്ലാ​ത്ത​വ​രു​ടെ കാര്യ​മോ? സദൃശ​വാ​ക്യ​ങ്ങൾ 2:21, 22 ഇങ്ങനെ പ്രഖ്യാ​പി​ക്കു​ന്നു: “നേരു​ള്ളവർ ദേശത്തു വസിക്കും; നിഷ്‌ക​ള​ങ്ക​ന്മാർ അതിൽ ശേഷി​ച്ചി​രി​ക്കും. എന്നാൽ ദുഷ്ടന്മാർ ദേശത്തു​നി​ന്നു ഛേദി​ക്ക​പ്പെ​ടും; ദ്രോ​ഹി​കൾ അതിൽനി​ന്നു നിർമ്മൂ​ല​മാ​കും.”

പറുദീസ പുനഃ​സ്ഥി​തീ​ക​രി​ക്ക​പ്പെ​ടു​ന്നു

ഇനി താമസി​യാ​തെ ദൈവം തന്റെ ന്യായ​വി​ധി​കൾ ഈ ദുഷ്ട​ലോ​ക​ത്തി​ന്മേൽ നടപ്പാ​ക്കും. (മത്തായി 24:3-14; 2 തിമൊ​ഥെ​യൊസ്‌ 3:1-5, 13) വരാൻപോ​കുന്ന ആ നാശത്തി​ന്റെ സമയത്ത്‌ “ഒരു മഹാപു​രു​ഷാര”ത്തെ ദൈവം സംരക്ഷിച്ച്‌ അവൻ നിർമി​ക്കുന്ന പുതിയ ലോക​ത്തി​ലേക്കു വഴിന​ട​ത്തും.—വെളി​പ്പാ​ടു 7:9-17.

ദൈവ​ത്തി​ന്റെ മനുഷ്യ​പ്ര​ജകൾ ഭൂമിയെ മുഴു മനുഷ്യ​വർഗ​ത്തി​നും വേണ്ടി ഒരു പറുദീ​സാ​ഭ​വ​ന​മാ​യി രൂപാ​ന്ത​ര​പ്പെ​ടു​ത്തു​ക​യെന്ന സന്തോ​ഷ​ക​ര​മായ വേലയ്‌ക്ക്‌ അവൻ നേതൃ​ത്വം നൽകും. ബൈബിൾ ഇപ്രകാ​രം വാഗ്‌ദത്തം ചെയ്യുന്നു: “മരുഭൂ​മി​യും വരണ്ട നിലവും ആനന്ദി​ക്കും; നിർജ്ജ​ന​പ്ര​ദേശം ഉല്ലസിച്ചു പനിനീർപു​ഷ്‌പം പോലെ പൂക്കും. . . . മരുഭൂ​മി​യിൽ വെള്ളവും നിർജ്ജ​ന​പ്ര​ദേ​ശത്തു തോടു​ക​ളും പൊട്ടി പുറ​പ്പെ​ടും.”—യെശയ്യാ​വു 35:1, 6.

വ്യാപി​ച്ചു​കൊ​ണ്ടി​രി​ക്കുന്ന ആ പറുദീ​സ​യിൽ മേലാൽ വിശപ്പോ ദാരി​ദ്ര്യ​മോ ചേരി​ക​ളോ ഭവനര​ഹി​ത​രോ കുറ്റകൃ​ത്യം നിറഞ്ഞ പ്രദേ​ശ​ങ്ങ​ളോ ഉണ്ടായി​രി​ക്കു​ക​യില്ല. “ദേശത്തു . . . ധാന്യ​സ​മൃ​ദ്ധി​യു​ണ്ടാ​കും.” (സങ്കീർത്തനം 72:16) ‘വയലിലെ വൃക്ഷം ഫലം കായ്‌ക്ക​യും നിലം നന്നായി വിളയു​ക​യും ചെയ്യും.’ (യെഹെ​സ്‌കേൽ 34:27) “അവർ വീടു​കളെ പണിതു പാർക്കും; അവർ മുന്തി​രി​ത്തോ​ട്ട​ങ്ങളെ ഉണ്ടാക്കി അവയിലെ ഫലം അനുഭ​വി​ക്കും. അവർ പണിക, മറ്റൊ​രു​ത്തൻ പാർക്ക എന്നു വരിക​യില്ല; അവർ നടുക, മറ്റൊ​രു​ത്തൻ തിന്നുക എന്നും വരിക​യില്ല.” (യെശയ്യാ​വു 65:21, 22) “അവർ ഓരോ​രു​ത്തൻ താന്താന്റെ മുന്തി​രി​വ​ള്ളി​യു​ടെ കീഴി​ലും അത്തിവൃ​ക്ഷ​ത്തി​ന്റെ കീഴി​ലും പാർക്കും; ആരും അവരെ ഭയപ്പെ​ടു​ത്തു​ക​യില്ല.”—മീഖാ 4:4.

ചിലർ സ്വർഗ​ത്തി​ലേക്കു പോകു​ന്ന​തി​ന്റെ കാരണം

ഭൗമിക പറുദീ​സ​യ്‌ക്കാ​യുള്ള അഭിവാഞ്‌ഛ തങ്ങൾക്കു​ണ്ടെന്നു മിക്കയാ​ളു​ക​ളും സമ്മതി​ക്കാ​നി​ട​യുണ്ട്‌. അതു സ്വാഭാ​വി​ക​മാണ്‌. കാരണം, സ്വർഗ​ത്തിൽ പോകാ​നുള്ള ഒരു ആഗ്രഹമല്ല ദൈവം അവരിൽ ഉൾനട്ടത്‌; സ്വർഗ​ത്തി​ലെ ജീവിതം എങ്ങനെ​യു​ള്ള​താ​ണെന്നു സങ്കൽപ്പി​ക്കാൻപോ​ലും അവർക്കാ​വില്ല. ഉദാഹ​ര​ണ​ത്തിന്‌, തന്റെ സഭയായ ചർച്ച്‌ ഓഫ്‌ ഇംഗ്ലണ്ടി​ന്റെ മതശു​ശ്രൂ​ഷ​ക​നു​മാ​യി സംസാ​രി​ക്കവെ, തീക്ഷ്‌ണ​ത​യുള്ള സഭാം​ഗ​മാ​യി​രു​ന്നെ​ങ്കി​ലും, പാറ്റ്‌ ഇങ്ങനെ പറഞ്ഞു: “സ്വർഗ​ത്തി​ലേക്കു പോകു​ന്ന​തി​നെ​ക്കു​റി​ച്ചു ഞാനൊ​രി​ക്ക​ലും ചിന്തി​ച്ചി​ട്ടില്ല. അവിടെ പോകാൻ ഞാൻ ആഗ്രഹി​ക്കു​ന്നു​മില്ല, ഞാൻ അവിടെ പോയി എന്തു ചെയ്യാ​നാണ്‌?”—സങ്കീർത്തനം 115:16 താരത​മ്യം ചെയ്യുക.

പരിമി​ത​മാ​യ ഒരു കൂട്ടമാ​ളു​കൾ, അതായത്‌ 1,44,000 പേർ, സ്വർഗ​ത്തി​ലേക്കു പോകു​ന്നു​വെന്നു ബൈബിൾ പഠിപ്പി​ക്കു​ന്നു. (വെളി​പ്പാ​ടു 14:1, 4) അതിന്റെ കാരണ​വും ബൈബിൾ വിശദീ​ക​രി​ക്കു​ന്നു: “നീ . . . ഞങ്ങളുടെ ദൈവ​ത്തി​ന്നു അവരെ രാജ്യ​വും പുരോ​ഹി​ത​ന്മാ​രും ആക്കി​വെച്ചു; അവർ ഭൂമി​യിൽ വാഴുന്നു.” (ചെരി​ച്ചെ​ഴു​ത്തു ഞങ്ങളു​ടേത്‌.) (വെളി​പ്പാ​ടു 5:9, 10) തങ്ങളുടെ രാജാ​വായ യേശു​ക്രി​സ്‌തു​വി​നോ​ടൊ​പ്പം അവർ ‘രാജ്യ​ത്തി​ന്റെ,’ ഭൂമി​യു​ടെ പുതിയ സ്വർഗീയ ഗവൺമെൻറി​ന്റെ, ഭാഗമാണ്‌. അതിനു വേണ്ടി​യാ​ണു ക്രിസ്‌ത്യാ​നി​കൾ പ്രാർഥി​ക്കു​ന്നത്‌. ഭൂമി​യു​ടെ​യും മനുഷ്യ​വർഗ​ത്തി​ന്റെ​യും സമഗ്ര പുനര​ധി​വ​സി​പ്പി​ക്ക​ലി​ന്മേൽ ആ ഗവൺമെൻറ്‌ മേൽനോ​ട്ടം വഹിക്കും.—ദാനീ​യേൽ 2:44; 2 പത്രൊസ്‌ 3:13.

എന്നിരു​ന്നാ​ലും, സ്വർഗ​ത്തിൽ ജീവി​ക്കാൻ മനുഷ്യർക്കു സ്വാഭാ​വി​ക​മായ ആഗ്രഹം ഇല്ലാത്ത​തി​നാൽ, ഈ പ്രത്യേ​ക​മായ “പരമവി​ളി” മനസ്സി​ലാ​ക്കാൻ കഴിയ​ത്ത​ക്ക​വി​ധം ദൈവാ​ത്മാവ്‌ 1,44,000 പേരോട്‌ അനുപ​മ​മായ ഒരു വിധത്തിൽ “സാക്ഷ്യം പറയുന്നു.” (റോമർ 8:16, 17; ഫിലി​പ്പി​യർ 3:14) എങ്കിലും, ദൈവാ​ത്മാ​വി​ന്റെ അത്തരം പ്രവർത്തനം മനുഷ്യ​വർഗ​ത്തി​നു പൊതു​വാ​യി ആവശ്യ​മില്ല. കാരണം, അവരുടെ നിത്യ​ഭ​വനം ഒരു പറുദീ​സാ​ഭൂ​മി​യി​ലാണ്‌ ആയിരി​ക്കാൻ പോകു​ന്നത്‌.

ഒരു ആത്മീയ പറുദീസ വഴി​യൊ​രു​ക്കു​ന്നു

ഭൗമിക പറുദീ​സ​യി​ലെ നിത്യ​ജീ​വന്‌ എങ്ങനെ​യാണ്‌ ഒരുവൻ യോഗ്യത നേടു​ന്നത്‌? “ഏകസത്യ​ദൈ​വ​മായ നിന്നെ​യും നീ അയച്ചി​രി​ക്കുന്ന യേശു​ക്രി​സ്‌തു​വി​നെ​യും അറിയു​ന്നതു തന്നേ നിത്യ​ജീ​വൻ ആകുന്നു” എന്നു യേശു പ്രസ്‌താ​വി​ച്ചു. (യോഹ​ന്നാൻ 17:3) സമാധാ​ന​പൂർണ​മായ മനുഷ്യ​ബ​ന്ധ​ങ്ങളെ ദൈവ​പ​രി​ജ്ഞാ​ന​ത്തോ​ടു ബന്ധപ്പെ​ടു​ത്തി​ക്കൊ​ണ്ടു യെശയ്യാ​വു 11:9 ഇങ്ങനെ പ്രസ്‌താ​വി​ക്കു​ന്നു: “സമുദ്രം വെള്ളം​കൊ​ണ്ടു നിറഞ്ഞി​രി​ക്കു​ന്ന​തു​പോ​ലെ ഭൂമി യഹോ​വ​യു​ടെ പരിജ്ഞാ​നം​കൊ​ണ്ടു പൂർണ്ണ​മാ​യി​രി​ക്ക​യാൽ എന്റെ വിശു​ദ്ധ​പർവ്വ​ത​ത്തിൽ എങ്ങും ഒരു ദോഷ​മോ നാശമോ ആരും ചെയ്‌ക​യില്ല.”—യെശയ്യാ​വു 48:18 താരത​മ്യം ചെയ്യുക.

തീർച്ച​യാ​യും, ഈ അറിവ്‌ കേവലം ശിരോ​ജ്ഞാ​നമല്ല. അത്‌ ഒരുവന്റെ വ്യക്തി​ത്വ​ത്തെ സ്വാധീ​നി​ക്കു​ക​യും “സ്‌നേഹം, സന്തോഷം, സമാധാ​നം, ദീർഘക്ഷമ, ദയ, പരോ​പ​കാ​രം, വിശ്വ​സ്‌തത, സൌമ്യത, ഇന്ദ്രി​യ​ജയം” തുടങ്ങിയ ദൈവിക ഗുണങ്ങളെ പരി​പോ​ഷി​പ്പി​ക്കു​ക​യും ചെയ്യുന്നു. (ഗലാത്യർ 5:22, 23) ഈ ഗുണങ്ങൾ നട്ടുവ​ളർത്താൻ യഹോ​വ​യു​ടെ സാക്ഷികൾ പരി​ശ്ര​മി​ക്കു​ന്നു. അതിനാൽ ആരോ​ഗ്യാ​വ​ഹ​മായ ആത്മീയ പറുദീ​സ​യാൽ ഇപ്പോൾപ്പോ​ലും അവർ അനു​ഗ്ര​ഹി​ക്ക​പ്പെ​ട്ടി​രി​ക്കു​ന്നു.—യെശയ്യാ​വു 65:13, 14.

അവരുടെ ആത്മീയാ​വസ്ഥ, ഒന്നി​നൊന്ന്‌ അഭക്തി​യി​ലേ​ക്കും അഴിമ​തി​യി​ലേ​ക്കും ആണ്ടു​പൊ​യ്‌ക്കൊ​ണ്ടി​രി​ക്കുന്ന ലോക​ത്തി​ന്റേ​തിൽനിന്ന്‌ എത്രയോ വിഭി​ന്ന​മാണ്‌! എന്നിരു​ന്നാ​ലും, ഈ ദുഷ്ട ലോകത്തെ ദൈവം പെട്ടെ​ന്നു​തന്നെ നശിപ്പി​ക്കും. അതിനി​ട​യിൽ, തങ്ങൾ ആസ്വദി​ക്കുന്ന ആത്മീയ പറുദീസ സന്ദർശി​ക്കാൻ—അതേ, അതു പരി​ശോ​ധി​ക്കാൻ—യഹോ​വ​യു​ടെ സാക്ഷികൾ നിങ്ങളെ ക്ഷണിക്കു​ന്നു. ആ പുതിയ ലോക​ത്തി​ന്റെ ഭാവി നിവാ​സി​കളെ ഭൗമിക പറുദീ​സ​യി​ലേ​ക്കും അനന്തജീ​വ​നി​ലേ​ക്കു​മുള്ള ഇടുങ്ങിയ പാതയി​ലൂ​ടെ അദൃശ്യ സ്വർഗീയ രാജാ​വായ യേശു ഇപ്പോൾ ശാന്തമാ​യി നയിച്ചു​കൊ​ണ്ടി​രി​ക്കു​ക​യാ​ണെ​ന്നു​ള്ളതു നിങ്ങൾതന്നെ കാണു​വിൻ!—മത്തായി 7:13, 14; വെളി​പ്പാ​ടു 7:17; 21:3, 4.

[8, 9 പേജു​ക​ളി​ലെ ചിത്രം]

ഈ ലോക​ത്തി​ന്റെ അവസാ​നത്തെ അതിജീ​വി​ക്കു​ന്നവർ ഭൂമിയെ ഒരു പറുദീ​സ​യാ​ക്കി മാറ്റുന്ന വേലയിൽ പങ്കുപ​റ്റും