എന്തി​നെ​ങ്കി​ലും നിങ്ങളെ ദൈവ​സ്‌നേ​ഹ​ത്തിൽ നിന്ന്‌ വേർപെ​ടു​ത്താൻ കഴിയു​മോ?

“എന്തെന്നാൽ മരണത്തി​നോ ജീവനോ ദൂതൻമാർക്കോ ഭരണകൂ​ട​ങ്ങൾക്കോ ഇപ്പോ​ഴത്തെ കാര്യ​ങ്ങൾക്കോ വരാനുള്ള കാര്യ​ങ്ങൾക്കോ അധികാ​ര​ങ്ങൾക്കോ ഉയരത്തി​നോ ആഴത്തി​നോ മറ്റേ​തെ​ങ്കി​ലും സൃഷ്ടി​ക്കോ നമ്മുടെ കർത്താ​വായ യേശു​ക്രി​സ്‌തു​വി​ലുള്ള ദൈവ​സ്‌നേ​ഹ​ത്തിൽനി​ന്നു നമ്മെ വേർപെ​ടു​ത്താൻ കഴിക​യി​ല്ലെന്നു എനിക്കു ബോദ്ധ്യ​മാ​യി​രി​ക്കു​ന്നു.”—റോമർ 8:38,39.

1. ഏതു വിധങ്ങ​ളിൽ ദൈവ​സ്‌നേഹം അനുദി​നം പ്രത്യ​ക്ഷ​മാ​കു​ന്നു?

ദൈവം സ്‌നേ​ഹ​മാ​കു​ന്നു. ജീവനെ നിലനിർത്തു​ന്ന​വി​ധ​ങ്ങ​ളിൽ ഇതു നമ്മോട്‌ അനുദി​നം പ്രകട​മാ​ക്ക​പ്പെ​ടു​ന്നു. നാം ശ്വസി​ക്കുന്ന വായു, നാം കുടി​ക്കുന്ന വെള്ളം, നാം കഴിക്കുന്ന ഭക്ഷണം—ഇവയെ​ല്ലാം ദൈവ​സ്‌നേ​ഹ​ത്തി​ന്റെ പ്രത്യ​ക്ഷ​ത​ക​ളാ​യി​ട്ടണ്‌ ലഭിക്കു​ന്നത്‌. മാത്ര​വു​മല്ല, അവ വിലമ​തി​ക്ക​പ്പെ​ട്ടാ​ലും ഇല്ലെങ്കി​ലും നല്ലവർക്കും ദുഷ്ടർക്കും ഒരു​പോ​ലെ അവ ലഭിക്കു​ന്നു. യേശു തന്റെ സ്വർഗ്ഗീയ പിതാ​വി​നെ​ക്കു​റിച്ച്‌ ഇങ്ങനെ പറഞ്ഞ​പ്പോൾ ഇതിനു സാക്ഷ്യം നൽകി: “അവൻ ദുഷ്ടജ​ന​ങ്ങ​ളു​ടെ​മേ​ലും നല്ലവരു​ടെ​മേ​ലും തന്റെ സൂര്യനെ ഉദിപ്പി​ക്കു​ക​യും നീതി​മാൻമാ​രു​ടെ​മേ​ലും നീതി​കെ​ട്ട​വ​രു​ടെ​മേ​ലും മഴപെ​യ്യി​ക്കു​ക​യും ചെയ്യുന്നു.” (മത്തായി 5:45) ഭൂമി​യി​ലെ സകല ജീവി​ക​ളും അവയുടെ നിലനിൽപ്പിന്‌ ദൈവ​ത്തോ​ടു നന്ദിയു​ള്ള​വ​രാ​യി​രി​ക്കേ​ണ്ട​താണ്‌.—സങ്കീർത്തനം 145:15,16.

2. മനുഷ്യ​വർഗ്ഗ​ത്തോ​ടുള്ള യഹോ​വ​യു​ടെ വലിയ സ്‌നേഹം എങ്ങനെ പ്രകട​മാ​ക്ക​പ്പെട്ടു, യഹോവ ആഗ്രഹി​ച്ച​തി​നോട്‌ യേശു എങ്ങനെ വിലമ​തി​പ്പു പ്രകട​മാ​ക്കി;

² മനുഷ്യ​രു​ടെ കാര്യ​ത്തിൽ ദൈവ​സ്‌നേഹം പൂപോ​ലെ വാടു​ക​യും പുല്ലു​പോ​ലെ കരിയു​ക​യും ചെയ്യുന്ന ഇപ്പോ​ഴത്തെ ജീവനെ നിലനിർത്തു​ന്ന​തിന്‌ ഉപരി​യാ​യി പോയി. (1 പത്രോസ്‌ 1:24) മനുഷ്യ​വർഗ്ഗം എന്നേക്കും ജീവി​ക്കു​ന്ന​തി​നുള്ള കരുതൽ അവൻ ചെയ്‌തു. “തന്റെ ഏകജാ​ത​നായ പുത്ര​നിൽ വിശ്വാ​സം പ്രകട​മാ​ക്കുന്ന ഏവനും നശിപ്പി​ക്ക​പ്പെ​ടാ​തെ നിത്യ​ജീ​വൻ പ്രാപി​ക്കേ​ണ്ട​തിന്‌ അവനെ നൽകു​വാൻ തക്കവണ്ണം ദൈവം ലോകത്തെ സ്‌നേ​ഹി​ച്ചു.” (യോഹ​ന്നാൻ 3:16) പിതാ​വി​നും പുത്ര​നും വലിയ ചെലവു വരുത്തി​ക്കൊ​ണ്ടാണ്‌ ഈ കരുതൽ ചെയ്‌തത്‌. യേശു തന്റെ മരണത്തി​ന്റെ തലേ രാത്രി​യിൽ ഗത്ത്‌സ​മേ​ന​യിൽ വച്ച്‌ നിലത്തു വീണു​കി​ടന്ന്‌ അതി​വേ​ദ​ന​യോ​ടെ പ്രാർത്ഥി​ച്ച​പ്പോൾ “അവന്റെ വിയർപ്പ്‌ നിലത്തു വീഴുന്ന രക്തത്തു​ള്ളി​കൾ പോ​ലെ​യാ​യി.” ഈ വേദന​യു​ടെ നിമി​ഷ​ത്തിൽ, ദൈവ​നാ​മ​ത്തിൻമേൽ കുന്നി​ക്ക​പ്പെ​ടുന്ന നിന്ദ​യെ​ക്കു​റിച്ച്‌ യേശു ബോധ​വാ​നാ​യി​രു​ന്നു. ഈ പാനപാ​ത്രം നീക്ക​പ്പെ​ട​ണ​മെന്ന്‌ അവൻ അപേക്ഷി​ക്കു​ക​പോ​ലും ചെയ്‌തു. എന്നാൽ “എങ്കിലും എന്റെ ആഗ്രഹമല്ല, നിന്റെ ആഗ്രഹ​മ​ത്രെ” എന്ന്‌ അവൻ കൂട്ടി​ച്ചേർത്തു. (ലൂക്കോസ്‌ 22:44; മർക്കോസ്‌ 14:36) യേശു അതി​വേ​ദ​ന​യി​ലാ​യി​രു​ന്നു​വെ​ങ്കി​ലും യഹോ​വ​യു​ടെ ആഗ്രഹ​ത്തി​നാ​യി​രു​ന്നു പ്രഥമ​സ്ഥാ​നം. ചാട്ടവാ​റി​നുള്ള അടിയു​ടെ​യും ദണ്ഡനസ്‌തം​ഭ​ത്തിൽ തറയ്‌ക്ക​പ്പെ​ട്ടുള്ള സാവധാ​ന​ത്തി​ലുള്ള മരണത്തി​ന്റെ​യും പ്രതീ​ക്ഷ​ക്കു​പോ​ലും ദൈവ​സ്‌നേ​ഹ​ത്തിൽനിന്ന്‌ അവനെ വേർപെ​ടു​ത്താൻ കഴിഞ്ഞില്ല.

3. പൗലോ​സി​ന്റെ ഏതു വാക്കുകൾ ഇന്ന്‌ യഹോ​വ​യു​ടെ സാക്ഷികൾ സ്വന്തമാ​യി ഏറ്റെടു​ക്കു​ന്നു, തങ്ങൾക്കു​തന്നെ എന്തു പരിണി​ത​ഫ​ല​ത്തോ​ടെ?

³ ഇന്ന്‌ യേശു​വി​ന്റെ കാൽച്ചു​വ​ടു​ക​ളിൽ നടക്കുന്ന യഹോ​വ​യു​ടെ സാക്ഷി​കൾക്കും യഹോവ ആഗ്രഹി​ക്കു​ന്ന​തി​നാണ്‌ പ്രഥമ​സ്ഥാ​നം. അപ്പോ​സ്‌ത​ല​നായ പൗലോ​സി​ന്റെ വാക്കുകൾ ഏറ്റെടു​ത്തു​കൊണ്ട്‌ അവർ പറയുന്നു: “ദൈവം നമുക്ക്‌ അനുകൂ​ല​മെ​ങ്കിൽ, ആർ നമുക്ക്‌ പ്രതി​കൂ​ല​മാ​യി​രി​ക്കും? ക്രിസ്‌തു​വി​ന്റെ സ്‌നേ​ഹ​ത്തിൽനിന്ന്‌ ആർ നമ്മെ വേർപ്പെ​ടു​ത്തും? ഉപദ്ര​വ​മോ സങ്കടമോ പീഡന​മോ വിശപ്പോ നഗ്നതയോ ആപത്തോ വാളോ? മറിച്ച്‌, നമ്മെ സ്‌നേ​ഹി​ച്ചവൻ മുഖേന ഇവയി​ലെ​ല്ലാം നാം തികച്ചും വിജയ​ശ്രീ​ലാ​ളി​ത​രാ​യി​ത്തീ​രുക​യാണ്‌.” (റോമർ 8:31, 35, 37) ഈ നൂറ്റാ​ണ്ടിൽ യഹോ​വ​യു​ടെ സാക്ഷി​കളെ ജനക്കൂ​ട്ടങ്ങൾ ഉപദ്ര​വി​ച്ചി​ട്ടുണ്ട്‌, പ്രഹരി​ച്ചി​ട്ടുണ്ട്‌, താറൊ​ഴി​ച്ചി​ട്ടുണ്ട്‌, തൂവ​ലൊ​ടി​ച്ചി​ട്ടുണ്ട്‌, അംഗ​ഛേദം ചെയ്‌തി​ട്ടുണ്ട്‌, ബലാൽസം​ഗം ചെയ്‌തി​ട്ടുണ്ട്‌, പട്ടിണി​ക്കി​ട്ടി​ട്ടുണ്ട്‌, വെടി​വെ​ക്കാൻ നിയു​ക്ത​രായ ഭടൻമാ​രാൽ കൊല​ചെ​യ്യ​പ്പെ​ട്ടി​ട്ടുണ്ട്‌, നാസി തടങ്കൽ പാളയ​ങ്ങ​ളിൽ ശിരഃ​ഛേദം ചെയ്യ​പ്പെ​ട്ടി​ട്ടു​പോ​ലു​മുണ്ട്‌—എല്ലാം ദൈവ​സ്‌നേ​ഹ​ത്തിൽനിന്ന്‌ തങ്ങളേ​ത്തന്നെ വേർപെ​ടു​ത്തു​ന്ന​തി​നുള്ള അവരുടെ വിസമ്മതം നിമി​ത്തം​തന്നെ.

4. ദൈവ​സ്‌നേ​ഹ​ത്തിൽനി​ന്നു തന്നേത്തന്നെ വേർപെ​ടു​ത്തു​ന്ന​തി​നുള്ള ഒരു യുവാ​വി​ന്റെ വിസമ്മ​ത​ത്താൽ നിങ്ങൾക്ക്‌ എങ്ങനെ മതിപ്പു​ണ്ടാ​കു​ന്നു?

⁴ നാല്‌പ​ത്തി​നാ​ലു വർഷം മുമ്പ്‌, യഹോ​വ​യു​ടെ സാക്ഷി​ക​ളിൽപെട്ട ഒരു യുവാവ്‌ നാസി തടങ്കൽപാ​ള​യ​ത്തിൽനിന്ന്‌ തന്റെ മാതാ​പി​താ​ക്കൾക്ക്‌ എഴുതി. അതിൽ ഭാഗി​ക​മാ​യി ഇങ്ങനെ പറഞ്ഞി​രു​ന്നു:

“ഇപ്പോൾ എന്റെ വിചാരണ ദിവസം 9 മണി ആയിരി​ക്കു​ന്നു, എന്നാൽ ഞാൻ 11:30 വരെ കാത്തി​രി​ക്കേ​ണ്ടി​യി​രി​ക്കു​ന്നു. സംസ്ഥാന പട്ടാള കോട​തി​യി​ലെ ഒരു ഏകാന്ത​മായ അറയിൽനി​ന്നാണ്‌ ഞാൻ ഈ വരികൾ എഴുതു​ന്നത്‌. എനിക്ക്‌ യഥാർത്ഥ​ത്തിൽ അവിശ്വ​സ​നീ​യ​മായ സമാധാ​ന​മുണ്ട്‌; എന്നാൽ ഞാൻ സകലവും കർത്താ​വി​നെ ഭരമേൽപ്പി​ച്ചി​രി​ക്കു​ക​യാണ്‌, തന്നിമി​ത്തം എനിക്ക്‌ ശാന്തമാ​യി ഈ നാഴി​ക​ക്കു​വേ​ണ്ടി​യും നിരന്ത​ര​വി​ല​ങ്ങു​കൾക്കു​വേ​ണ്ടി​യും കാത്തി​രി​ക്കാൻ കഴിയും. എന്നെ ചങ്ങല​കൊ​ണ്ടു ബന്ധിക്കു​ക​യി​ല്ലെന്ന്‌ അവൻ നിങ്ങ​ളോ​ടു പറഞ്ഞു. അസത്യങ്ങൾ! പകലും രാത്രി​യി​ലും വസ്‌ത്രം ധരിക്കാ​നും ഊരാ​നും അറ വൃത്തി​യാ​ക്കാ​നും മാത്രമേ ഒരുവനെ ബന്ധന വിമു​ക്ത​നാ​ക്കു​ന്നു​ള്ളു . . .

“12.35. ഇപ്പോൾ എല്ലാം കഴിഞ്ഞി​രി​ക്കു​ന്നു. ഞാൻ [അയാൾ യഹോ​വ​യാം ദൈവ​ത്തി​ന്റെ ആരാധന ഉപേക്ഷി​ക്ക​ട്ടെ​യെന്ന അവരുടെ ആവശ്യത്തെ] തുടർന്നു നിരസി​ച്ച​തി​നാൽ മരണശിക്ഷ വിധി​ക്ക​പ്പെട്ടു. ഞാൻ ശ്രദ്ധിച്ചു. ‘മരണ​ത്തോ​ളം വിശ്വ​സ്‌ത​നാ​യി​രി​ക്കുക’ എന്ന വാക്കു​ക​ളും നമ്മുടെ കർത്താ​വി​ന്റെ മറ്റു ചില വാക്കു​ക​ളും ഞാൻ ഉരുവി​ട്ട​ശേഷം എല്ലാം കഴിഞ്ഞു. എന്നാൽ ഇപ്പോൾ അതു കാര്യ​മാ​ക്കേ​ണ്ട​തില്ല. എനിക്ക്‌ വളരെ സമാധാ​ന​മുണ്ട്‌, വളരെ ശാന്തത​യുണ്ട്‌, നിങ്ങൾക്കതു സങ്കൽപ്പി​ക്കാൻ കഴിക​യില്ല . . . . കോടതി മുറി​യിൽ വച്ചുതന്നെ എനിക്കു കൈവന്ന ഈ സമാധാ​നം, ഈ സന്തോഷം, ഞാൻ എന്റെ അറയി​ലേക്ക്‌ വീണ്ടും പ്രവേ​ശി​ച്ച​പ്പോൾ എന്റെ മേൽ വ്യാപി​ക്കു​ക​യും കവി​ഞ്ഞൊ​ഴു​കു​ക​യും ചെയ്‌തു, ഇതു ലോക​ത്തിന്‌ ഒരിക്ക​ലും മനസ്സി​ലാ​ക്കാൻ കഴിയാ​ത്ത​താണ്‌ . . . കരയരുത്‌ . . . എന്റെ വധത്തിന്‌ (ശിരഃ​ച്ഛേദം) മുമ്പത്തെ അവസാന ഞായറാഴ്‌ച, എന്റെ വിലങ്ങു​ക​ള​ഴി​ച്ചി​രി​ക്കുന്ന ദിവസം, നിങ്ങൾക്കും എന്റെ പ്രിയ​പ്പെട്ട സഹോ​ദ​ര​ങ്ങൾക്കും എനിക്ക്‌ നൽകാൻ കഴിയുന്ന ഏറ്റവും നല്ലത്‌ ഇതാണ്‌.”a

“അവൻ നിങ്ങളെ ഉറപ്പി​ക്കും, അവൻ നിങ്ങളെ ശക്തീക​രി​ക്കും”

5, 6. പൗലോ​സും പത്രോ​സും നൽകിയ ഏത്‌ ഉറപ്പുകൾ ദൈവ​സ്‌നേ​ഹത്തെ മുറു​കെ​പ്പി​ടി​ക​ത​ക്കു​ന്ന​തു​നി​മി​ത്തം അത്യധി​കം പരി​ശോ​ധി​ക്ക​പ്പെ​ടു​ന്ന​വർക്ക്‌ ആശ്വാ​സ​പ്ര​ദ​മാണ്‌?

⁵ ഈ യുവാവ്‌ ജീവനിൽനിന്ന്‌ വേർപെ​ടു​ത്ത​പ്പെട്ടു, എന്നാൽ ദൈവ​സ്‌നേ​ഹ​ത്തിൽനിന്ന്‌ വേർപെ​ടു​ത്ത​പ്പെ​ട്ടില്ല. നൂറ്റാ​ണ്ടു​ക​ളി​ലെ​ല്ലാം സമാന​മായ ക്രൂര​തകൾ യഹോ​വ​യു​ടെ സാക്ഷി​ക​ളോ​ടു ചെയ്യ​പ്പെ​ട്ടി​ട്ടുണ്ട്‌. മരണ​ത്തോ​ളം പോലു​മുള്ള ഇത്തരം പീഡനങ്ങൾ സഹിച്ചു​നിൽക്കു​ന്ന​തി​നുള്ള ദൈവ​ദാ​സൻമാ​രു​ടെ പ്രാപ്‌തി അവരുടെ സ്വന്ത ശക്തിയി​ലല്ല, ദൈവ​ശ​ക്തി​യിൽ അധിഷ്‌ഠി​ത​മാണ്‌. “ദൈവം വിശ്വ​സ്‌ത​നാ​കുന്ന, നിങ്ങൾക്ക്‌ സഹിക്കാ​വു​ന്ന​തി​ന​തീ​ത​മാ​യി പരീക്ഷി​ക്ക​പ്പെ​ടാൻ അവൻ നിങ്ങളെ അനുവ​ദി​ക്കു​ക​യില്ല, എന്നാൽ അതു സഹിക്കാൻ നിങ്ങൾ പ്രാപ്‌ത​രാ​കേ​ണ്ട​തിന്‌ അവൻ പരീക്ഷ​യോ​ടു​കൂ​ടെ പോം​വ​ഴി​യും ഉണ്ടാക്കും.” (1 കൊരിന്ത്യർ 10:13) പരി​ശോ​ധ​ന​യിൻ കീഴി​ലാ​യി​രി​ക്കു​മ്പോൾ, യഹോ​വ​യു​ടെ ഇന്നത്തെ വിശ്വ​സ്‌ത​സാ​ക്ഷി​കൾ പൗലോസ്‌ തടവി​ലാ​ക്ക​പ്പെ​ട്ട​പ്പോൾ പറഞ്ഞതു​പോ​ലെ പറയാൻ പ്രാപ്‌ത​രാ​യി​ട്ടുണ്ട്‌: “കർത്താവ്‌ എന്റെ അടുത്തു നിൽക്കു​ക​യും എന്നിൽ ശക്തി പകരു​ക​യും ചെയ്‌തു.”—2 തിമൊഥെയോസ്‌ 4:17.

⁶ അപ്പോ​സ്‌ത​ല​നായ പത്രോസ്‌ നമ്മെ വിഴു​ങ്ങാൻ അലറുന്ന സിംഹ​ത്തെ​പ്പോ​ലെ ചുറ്റി​ന​ട​ക്കുന്ന പിശാ​ചി​നെ​തി​രെ ജാഗരൂ​ക​രാ​യി​രി​ക്കാൻ മുന്നറി​യി​പ്പു നൽകി​യ​ശേഷം ഈ ഉറപ്പു​നൽകു​ന്നു: “ക്രിസ്‌തു​വി​നോ​ടുള്ള ഐക്യ​ത്തിൽ തന്റെ നിത്യ​മ​ഹ​ത്വ​ത്തി​ലേക്കു നിങ്ങളെ വിളിച്ച സകല അനർഹ​ദ​യ​യു​ടെ​യും ദൈവം തന്നെ നിങ്ങൾ അല്‌പ​കാ​ലം കഷ്ടപ്പെ​ട്ട​ശേഷം നിങ്ങളു​ടെ പരിശീ​ലനം പൂർത്തി​യാ​ക്കും, അവൻ നിങ്ങളെ ഉറപ്പി​ക്കും, അവൻ നിങ്ങളെ ശക്തരാ​ക്കും.” (1 പത്രോസ്‌ 5:8-10) ഈ ദിവ്യ പിന്തു​ണ​യെ​ക്കു​റി​ച്ചെ​ല്ലാം പരിഗ​ണി​ക്കു​മ്പോൾ ഒരു സംഗതി സ്‌പഷ്ട​മാണ്‌: ദൈവ​ത്തി​ന്റെ സ്‌നേഹം നിലച്ചു​പോ​കാ​ത്ത​താണ്‌; അതിൽനി​ന്നുള്ള വേർപെ​ട​ലും നമ്മുടെ കുറ്റമാ​യി​രി​ക്കും, അവന്റേ​താ​യി​രി​ക്ക​യില്ല.

7. യേശു​വി​ന്റെ കാര്യ​ത്തിൽ സാത്താൻ ഏതു തന്ത്രങ്ങൾ ഉപയോ​ഗി​ച്ചു, യേശു അവനെ എങ്ങനെ പരാജ​യ​പ്പെ​ടു​ത്തി?

⁷ സാത്താൻ എല്ലായ്‌പ്പോ​ഴും അലറുന്ന ഒരു സിംഹ​ത്തെ​പ്പോ​ലെ ആക്രമി​ക്കു​ന്നില്ല. പലപ്പോ​ഴും അവൻ ഒരു “ഉപായ​മുള്ള സർപ്പ”ത്തെപ്പോ​ലെ വരുന്നു. വിശ്വാ​സ​ത്യാ​ഗി​യായ ഒരു “വെളി​ച്ച​ദൂ​തനെ”പ്പോലെ പോലും അവൻ വരുന്നു. നമ്മേ സംബന്ധിച്ച്‌ അവന്‌ ദുരു​ദ്ദേ​ശ്യ​ങ്ങ​ളാ​ണു​ള്ളത്‌. അവനാൽ പിടി​ക്ക​പ്പെ​ടാ​തി​രി​ക്കാൻ നാം ജാഗ്ര​ത​യു​ള്ള​വ​രാ​യി​രി​ക്കണം. നാം “പിശാ​ചി​ന്റെ തന്ത്ര​പ്ര​വർത്ത​ന​ങ്ങൾക്കെ​തി​രെ ഉറച്ചു​നിൽക്കു​ന്ന​തിന്‌” ദൈവ​ത്തിൽനി​ന്നുള്ള സർവ്വാ​യു​ധ​വർഗ്ഗം ധരി​ക്കേ​ണ്ട​താണ്‌. (ഉല്‌പത്തി 3:1, യെരു​ശ​ലേം ബൈബിൾ; 2 കൊരിന്ത്യർ 2:11; 11:13-15; എഫേസ്യർ 6:11, റഫ. ബൈ. അടിക്കു​റിപ്പ്‌) യേശു​വി​ന്റെ ശുശ്രൂ​ഷ​യു​ടെ ആരംഭ​ത്തിൽ യേശു​വി​നെ ദുഷ്‌പ്ര​വൃ​ത്തി​യി​ലേക്ക്‌ പ്രലോ​ഭി​പ്പി​ക്കു​ന്ന​തി​നുള്ള ശ്രമത്തിൽ തിരു​വെ​ഴു​ത്തു​കൾ ഉദ്ധരി​ച്ചു​കൊ​ണ്ടും അവയെ തെറ്റായി ബാധക​മാ​ക്കി​ക്കൊ​ണ്ടും സാത്താൻ വരുക​യു​ണ്ടാ​യി. മൂന്നു പ്രാവ​ശ്യം അവൻ യേശു​വി​നെ പരീക്ഷി​ച്ചു, മൂന്നു പ്രാവ​ശ്യ​വും അവൻ പരാജ​യ​പ്പെട്ടു. വാക്യങ്ങൾ ഉചിത​മാ​യി ബാധക​മാ​ക്കി​ക്കൊണ്ട്‌ യേശു സാത്താ​നാ​ലുള്ള തിരു​വെ​ഴു​ത്തി​ന്റെ വളച്ചൊ​ടി​ക്ക​ലി​നെ നിരസി​ച്ചു​ക​ളഞ്ഞു. അനന്തരം ദൂരെ പോകാൻ യേശു സാത്താ​നോ​ടു പറഞ്ഞു. എന്നാൽ സാത്താൻ “സൗകര്യ​പ്ര​ദ​മായ മറ്റൊരു സമയം വരെ അവനിൽനി​ന്നു വിട്ടു​മാ​റി” എന്നേയു​ള്ളു.—ലൂക്കോസ്‌ 4:13; മത്തായി 4:3-11.

8, 9. ഏതു വഞ്ചനാത്മക വിധങ്ങ​ളിൽ സാത്താൻ യേശു​വി​നെ ആക്രമി​ക്കാൻ തിരി​ച്ചു​ചെന്നു, നമ്മുടെ സംരക്ഷ​ണ​ത്തി​നു​വേണ്ടി എന്തു ചെയ്യാൻ പൗലോസ്‌ നമ്മെ നയിക്കു​ന്നു?

⁸ സാത്താൻ സ്ഥിരപ​രി​ശ്ര​മി​യാണ്‌. അവൻ വ്യത്യ​സ്‌ത​മായ കപട​വേ​ഷ​ങ്ങ​ളിൽ വരുന്നു. അക്കാലത്തെ മത വൈദി​കർ മുഖേന അവൻ യേശു​വി​ന്റെ അടുക്ക​ലേക്കു തിരി​ച്ചു​വന്നു. യേശു ഇതു മനസ്സി​ലാ​ക്കു​ക​യും “നിങ്ങൾ നിങ്ങളു​ടെ പിതാ​വായ പിശാ​ചിൽ നിന്നു​ള്ള​വ​രാണ്‌” എന്ന്‌ അവരോ​ടു തുറന്നു​പ​റ​യു​ക​യും ചെയ്‌തു. ചിലയാ​ളു​കൾ കരുതി​ക്കൂ​ട്ടി​യ​ല്ലാ​തെ​പോ​ലും സാത്താന്റെ ലക്ഷ്യങ്ങൾക്കു സേവ ചെയ്‌തേ​ക്കാം. “നിന്നോ​ടു തന്നെ ദയാലു​വാ​യി​രി​ക്കുക, കർത്താവേ; നിനക്ക്‌ അശേഷ​വും ഇതു ഭവിക്ക​രു​തെ” എന്നു പറഞ്ഞു​കൊണ്ട്‌ യേശു​വി​നെ അപ്പോ​സ്‌ത​ല​നായ പത്രോസ്‌ ശകാരി​ച്ച​പ്പോൾ സദു​ദ്ദേ​ശ്യ​ത്തോ​ടെ​യാ​യി​രു​ന്നെങ്കി​ലും അവൻ ഇതാണു ചെയ്‌തത്‌. “സാത്താനെ, എന്റെ പിറകിൽ പോ! നീ എനിക്ക്‌ ഇടർച്ച​യാ​കു​ന്നു” എന്ന്‌ യേശു പത്രോ​സിന്‌ ഉഗ്രമാ​യി താക്കീതു കൊടു​ക്കേ​ണ്ടി​വന്നു. (യോഹ​ന്നാൻ 8:44; മത്തായി 16:22,23) അതു​പോ​ലെ​തന്നെ, ഒരു മുതലാ​ളി​യോ ഒരു കൂട്ടു​ജോ​ലി​ക്കാ​ര​നോ ഒരു സഹപാ​ഠി​യോ ഒരു സുഹൃ​ത്തോ ഒരു ബന്ധുവോ മാതാ​പി​താ​ക്ക​ളോ ഒരു വിവാ​ഹ​ഇ​ണ​യോ അറിഞ്ഞു​കൊ​ണ്ട​ല്ലാ​തെ സാത്താന്റെ ഉദ്ദേശ്യ​ങ്ങൾക്ക്‌ സേവ ചെയ്‌തേ​ക്കാം. നാം നിരന്തരം ജാഗ്ര​ത​പു​ലർത്തു​ക​യും യഹോ​വ​യു​മാ​യുള്ള നമ്മുടെ ബന്ധത്തെ ദുർബ്ബ​ല​പ്പെ​ടു​ത്താൻ യാതൊ​ന്നി​നെ​യും അനുവ​ദി​ക്കാ​തി​രി​ക്കു​ക​യും വേണം.

⁹ അതു​കൊണ്ട്‌, “പിശാ​ചി​ന്റെ ഉപജാ​പ​ങ്ങൾക്കെ​തി​രെ ഉറച്ചു​നിൽക്കാൻ നിങ്ങൾ പ്രാപ്‌ത​രാ​കേ​ണ്ട​തിന്‌ ദൈവ​ത്തിൽനി​ന്നുള്ള സർവ്വാ​യു​ധ​വർഗ്ഗം ധരിക്കേ”ണ്ടത്‌ അത്യന്താ​പേ​ക്ഷി​ത​മാണ്‌; “എന്തു​കൊ​ണ്ടെ​ന്നാൽ നമുക്ക്‌ ഒരു പോരാ​ട്ട​മു​ള്ളത്‌ ജഡരക്ത​ങ്ങൾക്കെ​തി​രാ​യി​ട്ടല്ല; . . . പിന്നെ​യോ സ്വർഗ്ഗീയ സ്ഥലങ്ങളി​ലെ ദുഷ്ടാ​ത്മ​സേ​ന​കൾക്കെ​തി​രാ​യി​ട്ടാണ്‌.”—എഫേസ്യർ 6:11,12.

വീഴ്‌ച​ഭ​വിച്ച ജഡത്തിൻമേൽ പാപത്തി​ന്റെ പിടി

10. “പാപം” എന്ന പദത്തിന്റെ അർത്ഥ​മെന്ത്‌, ഏത്‌ നടപടി​കൾ ദൈവ​സ്‌നേ​ഹ​ത്തിൽനിന്ന്‌ നമ്മെ വേർപെ​ടു​ത്തും?

¹⁰ നമ്മുടെ ദുർബ്ബ​ല​സ്ഥാ​ന​ത്താണ്‌ സാത്താൻ പ്രഹരി​ക്കു​ന്നത്‌. അതനു​സ​രിച്ച്‌, പാപത്തി​ലേ​ക്കുള്ള നമ്മുടെ ജഡിക ചായ്‌വി​നെ അവൻ ഒരു ഇഷ്ടലക്ഷ്യ​മാ​ക്കി​ത്തീർക്കു​ന്നു. (സങ്കീർത്തനം 51:5) പാപം എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു പദം ഹാമാർട്യാ ആണ്‌. ഹാമാർടാ​നോ എന്നതാണ്‌ ക്രിയ. അതിന്റെ അടിസ്ഥാന അർത്ഥം “ലക്ഷ്യം പിഴക്കുക” എന്നാണ്‌. (റോമർ 3:9, റഫ. ബൈ. അടിക്കു​റിപ്പ്‌) നമുക്ക്‌ എത്രയ​ധി​കം ലക്ഷ്യം പിഴക്കു​ക​യും ദൈവ​ക​ല്‌പ​നകൾ അനുസ​രി​ക്കു​ന്ന​തിൽ പരാജയം സംഭവി​ക്കു​ക​യും ചെയ്യു​ന്നു​വോ അത്രയ​ധി​കം നാം ദൈവ​സ്‌നേ​ഹ​ത്തിൽ നിന്ന്‌ അകന്നു മാറുന്നു, എന്തു​കൊ​ണ്ടെ​ന്നാൽ “ദൈവ​സ്‌നേ​ഹ​ത്തി​ന്റെ അർത്ഥം ഇതാണ്‌. നാം അവന്റെ കല്‌പ​നകൾ അനുസ​രി​ക്കു​ന്ന​തു​തന്നെ.” (1യോഹന്നാൻ 5:3) വ്യഭി​ചാ​രം, ദുർവൃ​ത്തി, ലൈം​ഗിക വികട​ത്ത​രങ്ങൾ, മദ്യപാ​ന​പേ​ക്കൂ​ത്തു​കൾ, അനിയ​ന്ത്രി​ത​മായ പാർട്ടി​കൾ, ജഡീക​മോ​ഹ​ങ്ങ​ളു​ടെ സ്വതന്ത്ര വിഹാരം, അസൂയകൾ, കോപാ​വേ​ശങ്ങൾ, ധനാസ​ക്ത​ദു​രാ​ഗ്ര​ഹങ്ങൾ—ഇവയെ​ല്ലാം നമ്മെ ദൈവ​സ്‌നേ​ഹ​ത്തിൽനിന്ന്‌ വേർപെ​ടു​ത്തു​ന്നു, “[അവ] പ്രവർത്തി​ക്കു​ന്നവർ ദൈവ​രാ​ജ്യം അവകാ​ശ​മാ​ക്കു​ക​യില്ല.”—ഗലാത്യർ 5:19-21.

11. പാപത്തിന്‌ ക്രമാ​നു​ക​ഗ​ത​മാ​യി നമ്മെ എങ്ങനെ പിടി​കൂ​ടാൻ കഴിയും, ഒടുവിൽ എന്തു ഫലത്തോ​ടെ?

¹¹ ധനാസ​ക്ത​വും തൻകാ​ര്യ​പ്ര​സ​ക്ത​വും ലൈം​ഗി​കോൻമു​ഖ​വും ആയ വ്യാപാ​ര​പ​ര​സ്യ​ങ്ങൾ സഹിത​മുള്ള ചലച്ചി​ത്ര​ങ്ങ​ളും പുസ്‌ത​ക​ങ്ങ​ളും നാടക​ങ്ങ​ളും റ്റി. വി. പരിപാ​ടി​ക​ളും അനിയ​ന്ത്രി​ത​വും നിരങ്കു​ശ​വു​മായ ഉല്ലാസാ​നു​ധാ​വ​നത്തെ പ്രോ​ത്സാ​ഹി​പ്പി​ക്കു​ന്നു. ആദ്യ പാപം രണ്ടാമ​ത്തേ​തി​നെ എളുപ്പ​മാ​ക്കി​ത്തീർക്കു​ന്നു. തുടർന്നു മൂന്നാ​മ​ത്തേ​തും നാലാ​മ​ത്തേ​തും വരുന്നു. പെട്ടെന്ന്‌ ലൗകി​ക​ത​യി​ലുള്ള മുഴുകൽ പൂർണ്ണ​വേ​ഗ​ത​യി​ലാ​യി​ത്തീ​രു​ന്നു. അന്തിമ​മാ​യി, “ദൈവ​പ്രി​യർക്കു പകരം ഉല്ലാസ​പ്രി​യ​രാ​യി​രി​ക്കു​ന്നവർ” “ജഡമോ​ഹ​ങ്ങൾക്കു​വേണ്ടി മുന്നമേ ആസൂ​ത്രണം ചെയ്യു​ന്ന​തിൽ” വ്യാപൃ​ത​രാ​യി​ത്തീ​രു​ന്നു. (2തിമൊഥെയോസ്‌ 3:4; റോമർ 13:14) പ്രായ​മു​ള്ള​വ​രും ചെറു​പ്പ​ക്കാ​രും പാപത്തി​ന്റെ ഗർത്തത്തി​ലേക്ക്‌ തള്ളിവി​ട​പ്പെ​ടു​ന്നു. അവരുടെ മനഃസാ​ക്ഷി​കൾ മുഴു​വ​നാ​യി തഴമ്പി​ച്ചു​പോ​കു​ന്നു. “സകല ധാർമ്മി​ക​ബോ​ധ​വും വിട്ടവ​രാ​യി​ത്തീർന്ന്‌ അവർ അത്യാ​ഗ്ര​ഹ​ത്തോ​ടെ സകലതരം അശുദ്ധി​യും പ്രവർത്തി​ക്കാൻ തങ്ങളേ​ത്തന്നേ ദുർന്ന​ട​ത്തക്ക്‌ ഏൽപ്പി​ച്ചു​കൊ​ടു​ത്തു.”—എഫേസ്യർ 4:19; 1തിമൊഥെയോസ്‌ 4:2.

12. ഏതു തിരു​വെ​ഴു​ത്തു​കൾ നമ്മു​ടെ​മേ​ലുള്ള പാപത്തി​ന്റെ ശക്തിയെ പ്രകട​മാ​ക്കു​ന്നു, പൗലോസ്‌ ഇതു സംബന്ധിച്ച്‌ എങ്ങനെ വിലപി​ച്ചു?

¹² ദൈവ​സ്‌നേ​ഹ​ത്തിൽനിന്ന്‌ വേർപെ​ടു​ത്ത​പ്പെ​ടാ​തി​രി​ക്കാൻ ദൃഢനി​ശ്ചയം ചെയ്‌തി​രി​ക്കു​ന്നവർ വീഴ്‌ച ഭവിച്ച ജഡത്തിൻമേ​ലുള്ള പാപത്തി​ന്റെ പിടി​ക്കെ​തി​രെ തങ്ങളേ​ത്തന്നെ ബലിഷ്‌ഠ​രാ​ക്കേ​ണ്ട​താണ്‌. ബൈബിൾ ആവർത്തിച്ച്‌ ഊന്നി​പ്പ​റ​യു​ന്ന​തു​പോ​ലെ അത്‌ ഒരു ഉഗ്ര ശത്രു ആകുന്നു: “പാപം ചെയ്യുന്ന ഏവനും പാപത്തി​ന്റെ ഒരു അടിമ​യാ​കു​ന്നു,” “എല്ലാവ​രും പാപത്തിൻ കീഴിൽ [ആകുന്നു],” “എല്ലാവ​രും പാപം ചെയ്‌തി​രി​ക്കു​ന്നു,” “നിങ്ങളു​ടെ മർത്ത്യ​ശ​രീ​ര​ങ്ങ​ളിൽ രാജാ​വാ​യി തുടർന്നു ഭരിക്കാൻ പാപത്തെ അനുവ​ദി​ക്ക​രുത്‌,” “നിങ്ങൾ അവനെ അനുസ​രി​ക്കു​ന്ന​തു​കൊണ്ട്‌ നിങ്ങൾ അവന്റെ അടിമ​ക​ളാ​കു​ന്നു,” “പാപം കൊടു​ക്കുന്ന ശമ്പളം മരണമാ​കു​ന്നു,” എല്ലാവ​രും “പാപത്തി​ന്റെ ബന്തവസ്സി​ലാ​കു​ന്നു.” (യോഹ​ന്നാൻ 8:34; റോമർ 3:9,23; 6:12,16,23; ഗലാത്യർ 3:22) പൗലോസ്‌ “പാപത്തിൻ കീഴിൽ വിൽക്ക​പ്പെട്ടു,” അവൻ “ഞാൻ ആഗ്രഹി​ക്കുന്ന നൻമ ഞാൻ ചെയ്യു​ന്നില്ല, ഞാൻ ആഗ്രഹി​ക്കാത്ത തിൻമ​യാണ്‌ ഞാൻ ചെയ്‌തു​കൊ​ണ്ടി​രി​ക്കു​ന്നത്‌” എന്നു വിലപി​ക്കാൻ ഇടയാ​ക്കിയ “പാപത്തിൻ നിയമ​ത്തി​ന്റെ ഒരു ബന്ദി”യായി​രു​ന്നു. (റോമർ 7:14,19,23) തന്നിമി​ത്തം “ഞാൻ അരിഷ്ട​മ​നു​ഷ്യൻ! ഈ മരണത്തി​നു വിധേ​യ​മാ​കുന്ന ശരീര​ത്തിൽനിന്ന്‌ ആർ എന്നെ വിടു​വി​ക്കും?” എന്ന്‌ അവൻ ഉദ്‌ഘോ​ഷി​ക്കു​ന്നു. അനന്തരം സന്തോ​ഷ​ക​ര​മായ ഉത്തരം വരുന്നു: “നമ്മുടെ കർത്താ​വായ യേശു​ക്രി​സ്‌തു മുഖാ​ന്തരം ദൈവ​ത്തിന്‌ നന്ദി!”—റോമർ 7:24,25.

13, 14. (എ) ഏതു വിധങ്ങ​ളിൽ നാം പാപത്തിൽനിന്ന്‌ വിടു​വി​ക്ക​പ്പെ​ടു​ന്നു? (ബി) നമുക്ക്‌ ക്രിസ്‌തു​വി​ന്റെ സ്‌നേ​ഹ​ത്തിൽ എങ്ങനെ നിലനിൽക്കാൻ കഴിയും?

¹³ ക്രിസ്‌തു​യേശു വരുന്ന​തു​വരെ “പാപം മരണ​ത്തോ​ടു​കൂ​ടെ രാജാ​വാ​യി ഭരിച്ചു.” (റോമർ 5:14,17,21) എന്നാൽ യേശു​വി​ന്റെ മരണവും പുനരു​ത്ഥാ​ന​വും നടന്ന​തോ​ടെ, തന്റെ പുത്രനെ ദൈവം സ്‌നേ​ഹ​പൂർവ്വം ദാനം ചെയ്‌ത​തി​നോ​ടു പ്രതി​ക​രി​ക്കു​ന്ന​വ​രു​ടെ കാര്യ​ത്തിൽ പാപമാ​കുന്ന രാജാവ്‌ സിംഹാ​സന ഭ്രഷ്ടനാ​യി. അവൻ നമ്മുടെ പാപങ്ങ​ളിൽനിന്ന്‌ നമ്മെ രക്ഷിക്കു​ക​യും അവയെ കഴുകി​ക്ക​ള​യു​ക​യും അവയിൽനിന്ന്‌ നമ്മെ ശുദ്ധീ​ക​രി​ക്കു​ക​യും അവയിൽനിന്ന്‌ നമ്മെ ശുദ്ധീ​ക​രി​ക്കു​ക​യും അവയിൽനിന്ന്‌ നമ്മെ അഴിച്ചു​വി​ടു​ക​യും നമുക്കു​വേണ്ടി അവയെ പൂർണ്ണ​മാ​യും തുടച്ചു നീക്കു​ക​യും ചെയ്‌തു. (മത്തായി 1:21; പ്രവൃ​ത്തി​കൾ 3:19; 22:16; 2പത്രോസ്‌ 1:9; 1യോഹന്നാൻ 1:7; വെളി​പ്പാട്‌ 1:5) അതു​കൊണ്ട്‌ പാപത്തി​ന്റെ​യും മരണത്തി​ന്റെ​യും ദുരി​ത​പൂർണ്ണ​മായ ജഡിക അടിമ​ത്ത​ത്തിൽനി​ന്നുള്ള വിടു​ത​ലി​ന്റെ മാർഗ്ഗം തുറന്നു​ത​ന്ന​തിന്‌ അപ്പോ​സ്‌ത​ല​നായ പൗലോസ്‌ മാത്രമല്ല, ക്രിസ്‌തു​യേ​ശു​വി​ന്റെ ചൊരി​യ​പ്പെട്ട രക്തത്തിൽ വിശ്വാ​സ​മർപ്പി​ക്കുന്ന സകലരും നമ്മുടെ കർത്താ​വായ യേശു​ക്രി​സ്‌തു മുഖാ​ന്തരം ദൈവ​ത്തി​നു നന്ദി കൊടു​ക്കണം.

¹⁴ അതു​കൊ​ണ്ടു്, ദൈവ​സ്‌നേ​ഹ​ത്തിൽനി​ന്നുള്ള ഏതു വേർപാ​ടി​നെ​യും ഒഴിവാ​ക്കു​ന്നതു മാത്രമല്ല, ക്രിസ്‌തു​വി​ന്റെ സ്‌നേ​ഹ​ത്തിൽ നിലനിൽക്കു​ന്ന​തും അടിയ​ന്തി​ര​മാണ്‌. യേശു​വി​നോട്‌ അടുത്തു​നിൽക്കു​ന്ന​തി​നുള്ള വ്യവസ്ഥ ദൈവ​ത്തോട്‌ അടുത്തു​ചെ​ല്ലു​ന്ന​തി​ന്റെ വ്യവസ്ഥ തന്നെയാണ്‌. യേശു ഇങ്ങനെ പറഞ്ഞു​കൊണ്ട്‌ ഇതു ചൂണ്ടി​ക്കാ​ണി​ച്ചു: “പിതാവ്‌ എന്നെ സ്‌നേ​ഹി​ച്ചി​രി​ക്കു​ന്ന​തു​പോ​ലെ​യും ഞാൻ നിങ്ങളെ സ്‌നേ​ഹി​ച്ചി​രി​ക്കു​ന്ന​തു​പോ​ലെ​യും എന്റെ സ്‌നേ​ഹ​ത്തിൽ നിലനിൽക്കുക. നിങ്ങൾ എന്റെ കല്‌പ​നകൾ അനുഷ്‌ഠി​ക്കു​ന്നു​വെ​ങ്കിൽ നിങ്ങൾ എന്റെ സ്‌നേ​ഹ​ത്തിൽ നിലനിൽക്കും, ഞാൻ പിതാ​വി​ന്റെ കല്‌പ​നകൾ അനുഷ്‌ഠി​ക്കു​ക​യും അവന്റെ സ്‌നേ​ഹ​ത്തിൽ നിലനിൽക്കു​ക​യും ചെയ്‌തി​ട്ടു​ള്ള​തു​പോ​ലെ​തന്നെ.”

അകന്നു മാറു​ന്ന​തി​ന്റെ അപകടം

15. നാം എന്തിനു വിധേ​യ​രാ​ണു്, ഈ അപകടം ഒഴിവാ​ക്കാൻ നാം എന്തു ചെയ്യേ​ണ്ട​താണ്‌?

¹⁵ പിന്നോട്ട്‌ വഴുതി മാറു​ക​യോ അകന്നു​മാ​റു​ക​യോ ചെയ്യു​ന്ന​തി​നാൽ പാപത്തി​ന്റെ​യും മരണത്തി​ന്റെ​യും അടിമ​ത്ത​ത്തിൽനി​ന്നുള്ള ഈ വിമോ​ച​നത്തെ നഷ്ടപ്പെ​ടു​ത്ത​രുത്‌. നാം അറിയാ​തെ അകപ്പെ​ട്ടു​പോ​ക​ത്ത​ക്ക​വണ്ണം അതു ക്രമേണ സംഭവി​ച്ചേ​ക്കാം. ഗലാത്യർ 6:1 പറയു​ന്ന​തു​പെല “സഹോ​ദ​രൻമാ​രെ, ഒരു മനുഷ്യൻ ഏതെങ്കി​ലും തെറ്റായ നടപടി, അതി​നെ​ക്കു​റിച്ച്‌ ബോധ​വാ​നാ​കു​ന്ന​തി​നു മുമ്പ്‌, സ്വീക​രി​ക്കു​ന്നു​വെ​ങ്കി​ലും ആത്മീയ യോഗ്യ​ത​ക​ളുള്ള നിങ്ങൾ സൗമ്യ​ത​യു​ടെ ആത്മാവിൽ അങ്ങനെ​യുള്ള ഒരു മനുഷ്യ​നെ യഥാസ്ഥാ​ന​പ്പെ​ടു​ത്താൻ ശ്രമി​ക്കുക, അതേസ​മയം, നിങ്ങളും പരീക്ഷി​ക്ക​പ്പെ​ടാ​തി​രി​പ്പാൻ നിങ്ങളിൽ ഓരോ​രു​ത്ത​രും തന്റെമേൽ ദൃഷ്ടി​പ​തി​പ്പി​ക്കുക.” ഒരുവൻ മറ്റൊ​രു​വനെ ബുദ്ധി​യു​പ​ദേ​ശി​ക്കു​മ്പോൾത്തന്നെ, അയാൾ ‘തന്റെ​മേൽത്തന്നെ ദൃഷ്ടി പതിപ്പി​ക്കേ​ണ്ട​താണ്‌.’ നമ്മളെ​ല്ലാം വളരെ ആക്രമ​ണ​വി​ധേ​യ​രാണ്‌! “നാം ഒരിക്ക​ലും അകന്നു​മാ​റാ​തി​രി​ക്കേ​ണ്ട​തിന്‌ നാം കേട്ട കാര്യ​ങ്ങൾക്ക്‌ സാധാ​ര​ണ​യിൽ കൂടുതൽ ശ്രദ്ധ കൊടു​ക്കേ​ണ്ട​താ​വ​ശ്യ​മാണ്‌.—എബ്രായർ 2:1.

16, 17. ആത്മീയ​മാ​യി അകന്നു​മാ​റു​ന്ന​തി​ന്റെ അപകടത്തെ ദൃഷ്ടാ​ന്തീ​കി​രി​ക്കു​ന്ന​തെന്ത്‌, അത്‌ ഒഴിവാ​ക്കാൻ നാം എന്തു ചെയ്യണം?

¹⁶ അകന്നു​മാ​റ​ലിൽ ശ്രമം ഉൾപ്പെ​ട്ടി​രി​ക്കു​ന്നില്ല. അതു​കൊ​ണ്ടാണ്‌ അതു വളരെ എളുപ്പ​മാ​യി​രി​ക്കു​ന്നത്‌—ആത്മീയ​മാ​യി പറഞ്ഞാൽ വളരെ അപകട​ക​ര​വും. നിങ്ങൾ തിരി​ച്ച​റി​യു​ന്ന​തി​നു​മുമ്പ്‌ നിങ്ങൾ ദൈവ​സ്‌നേ​ഹ​ത്തിൽനിന്ന്‌ വേർപെ​ടു​ന്ന​താ​യി നിങ്ങൾ കണ്ടെത്തി​യേ​ക്കാം. അത്‌ അലഞ്ഞു തിരി​യുന്ന ചെമ്മരി​യാ​ടി​നെ​പ്പോ​ലെ​യാണ്‌. അത്‌ കാണാ​താ​കു​ന്നത്‌ എങ്ങനെ​യാണ്‌? ഒരു ഇടയൻ വിശദീ​ക​രി​ക്കു​ന്നു: ‘അത്‌ കടിച്ചു​തിന്ന്‌ തിന്ന്‌ അകന്നു​പോ​കു​ന്നു. അത്‌ ഏതാനും അടി അകലെ ഒരു വശത്ത്‌ കുറേ പച്ചപ്പു​ല്ലു​കാ​ണു​ന്നു, അത്‌ കടിച്ചു​തി​ന്നാൻ അങ്ങോ​ട്ടു​പോ​കു​ന്നു. പെട്ടെന്ന്‌ അത്‌ ആട്ടിൻകൂ​ട്ട​ത്തിൽനിന്ന്‌ അകലെ​യാ​യി. അത്‌ കടിച്ചു​തിന്ന്‌ തിന്ന്‌ വഴി​തെറ്റി കാണാ​താ​യി.’

¹⁷ ആത്മീയ​മാ​യി അകന്നു മാറു​ന്ന​വരെ സംബന്ധി​ച്ചും അങ്ങനെ​ത​ന്നെ​യാണ്‌. അത്‌ ചുരുക്കം ചില ഭൗതി​ക​വ​സ്‌തു​ക്ക​ളിൽ അല്ലെങ്കിൽ ലൗകിക സഹവാ​സ​ങ്ങ​ളിൽ അല്ലെങ്കിൽ ചില തിരു​വെ​ഴു​ത്തു​കൾ സംബന്ധിച്ച അഭ്യൂ​ഹ​ങ്ങ​ളിൽ നിർദ്ദോ​ഷ​മാ​യി തുടക്ക​മി​ട്ടേ​ക്കാം. എന്നാൽ അങ്ങനെ​യു​ള്ളവർ അല്‌പാ​ല്‌പം ദൈവ​ത്തി​ന്റെ ആട്ടിൻകൂ​ട്ട​ത്തിൽനിന്ന്‌ അകന്നക​ന്നു​പോ​കു​ന്നു; പെട്ടെന്ന്‌ അവർ സഭയിൽനി​ന്നും ദൈവ​സ്‌നേ​ഹ​ത്തിൽനി​ന്നും തങ്ങളേ​ത്തന്നെ വേർപെ​ടു​ത്തി​യി​രി​ക്കു​ന്നു. “നിങ്ങൾ വിശ്വാ​സ​ത്തി​ലാ​ണോ​യെന്ന്‌ പരി​ശോ​ധി​ച്ചു​കൊ​ണ്ടി​രി​ക്കുക, നിങ്ങൾതന്നെ എങ്ങനെ​യു​ള്ളവർ എന്ന്‌ തെളി​യി​ച്ചു​കൊ​ണ്ടി​രി​ക്കുക” എന്ന പൗലോ​സി​ന്റെ ഉപദേശം അവർ ചെവി​ക്കൊ​ണ്ടില്ല.—2 കൊരി​ന്ത്യർ 13:5.

18, 19. നാം പിശാ​ചി​നെ നമ്മിൽനിന്ന്‌ ഓടി​ക്കു​ന്ന​തെ​ങ്ങനെ, നാം ദൈവ​ത്തോട്‌ അടുത്തു ചെല്ലു​ന്ന​തെ​ങ്ങനെ?

¹⁸ “പിശാ​ചി​നോട്‌ എതിർത്തു​നിൽക്കുക, എന്നാൽ അവൻ നിങ്ങളെ വിട്ട്‌ ഓടി​പ്പോ​കും” എന്ന്‌ നമ്മോടു പറഞ്ഞി​രി​ക്കു​ന്നു. “ആത്മാവി​ന്റെ വാളിന്റെ, അതായത്‌ ദൈവ​വ​ച​ന​ത്തി​ന്റെ” വിദഗ്‌ദ്ധ​മായ ഉപയോ​ഗ​ത്താൽ സാത്താന്റെ ഉപായ​രൂ​പേ​ണ​യുള്ള ആക്രമ​ണ​ങ്ങളെ പിന്തി​രി​പ്പി​ക്കാൻ കഴിയും. അങ്ങനെ​യാണ്‌ മരുഭൂ​മി​യിൽവച്ച്‌ യേശു സാത്താനെ ദൂരെ വിട്ടത്‌. “ദൈവ​ത്തോട്‌ അടുത്തു ചെല്ലുക, അവൻ നിങ്ങ​ളോട്‌ അടുത്തു​വ​രും” എന്നും നമ്മോടു പറയ​പ്പെ​ട്ടി​രി​ക്കു​ന്നു. (യാക്കോബ്‌ 4:7, 8; എഫേസ്യർ 6:17) സങ്കീർത്ത​ന​ങ്ങ​ളു​ടെ എഴുത്തു​കാ​രെ​പ്പോ​ലെ നാം ദൈവ​വ​ച​ന​ത്തോട്‌ പറ്റിനിൽക്കു​ന്ന​തി​നാൽ ദൈവ​ത്തോ​ടു അടുത്തു​നിൽക്കണം: “യഹോ​വ​യു​ടെ ഓർമ്മി​പ്പി​ക്കൽ വിശ്വാ​സ​യോ​ഗ്യ​മാ​കു​ന്നു, പരിച​യ​ഹീ​നനെ ജ്ഞാനി​യാ​ക്കു​ന്ന​തു​തന്നെ.” “നിന്റെ ഓർമ്മി​പ്പി​ക്ക​ലു​ക​ളോ​ടു ഞാൻ ശ്രദ്ധയു​ള്ള​വ​നെന്നു പ്രകട​മാ​ക്കി​ക്കൊ​ണ്ടി​രി​ക്കു​ന്നു. നിന്റെ വചനം എന്റെ പാദത്തിന്‌ ഒരു വിളക്കും, എന്റെ പാതക്ക്‌ ഒരു വെളി​ച്ച​വു​മാ​കു​ന്നു. . . . ഞാൻ നിന്റെ ഓർമി​പ്പി​ക്ക​ലു​ക​ളിൽനിന്ന്‌ വ്യതി​ച​ലി​ച്ചി​ട്ടില്ല.”—സങ്കീർത്തനം 19:7; 119:95, 105, 157.

¹⁹ പ്രാർത്ഥ​ന​യാ​ലും ദൈവ​വ​ചനം പഠിക്കു​ന്ന​തി​നാ​ലും നമ്മുടെ സഹോ​ദ​രൻമാ​രെ സ്‌നേ​ഹി​ക്കു​ന്ന​തി​നാ​ലും അവരു​മാ​യി ക്രമമാ​യി കൂടി​വ​രു​ന്ന​തി​നാ​ലും ദൈവ​രാ​ജ്യ​ത്തെ​ക്കു​റി​ച്ചു മറ്റുള്ള​വ​രോ​ടു പറയു​ന്ന​തി​നാ​ലും—ഈ വിധങ്ങ​ളി​ലെ​ല്ലാം നാം ദൈവ​ത്തോ​ടും നമ്മുടെ കർത്താ​വായ ക്രിസ്‌തു​യേ​ശു​വിൽ പ്രത്യ​ക്ഷ​മായ ദൈവ​സ്‌നേ​ഹ​ത്തോ​ടും അടുത്തു ചെല്ലുന്നു.—1 തെസ്സ​ലോ​നീ​ക്യർ 5:17; റോമർ 12:2; എബ്രായർ 10:24, 25; ലൂക്കോസ്‌ 9:2.

20. യഹോ​വ​യു​ടെ സാക്ഷികൾ ഇന്നു തങ്ങളുടെ സ്വന്തമാ​ക്കുന്ന ഏതു തീരു​മാ​നം പൗലോസ്‌ പ്രഖ്യാ​പി​ച്ചു?

²⁰ ഊറ്റവും ശക്തവു​മായ ഒരു പ്രഖ്യാ​പ​ന​ത്തിൽ പൗലോസ്‌ ഭൂമി​യി​ലെ യഹോ​വ​യു​ടെ സകല വിശ്വ​സ്‌ത​സാ​ക്ഷി​ക​ളു​ടെ​യും തീരു​മാ​നത്തെ പ്രകട​മാ​ക്കി​ക്കൊണ്ട്‌ ഇങ്ങനെ പറഞ്ഞു: “മരണത്തി​നോ ജീവനോ ദൂതൻമാർക്കോ ഭരണകൂ​ട​ങ്ങൾക്കോ ഇപ്പോ​ഴത്തെ കാര്യ​ങ്ങൾക്കോ വരാനു​ള്ള​കാ​ര്യ​ങ്ങൾക്കോ അധികാ​ര​ങ്ങൾക്കോ ഉയരത്തി​നോ ആഴത്തി​നോ മറ്റേ​തെ​ങ്കി​ലും സൃഷ്ടി​ക്കോ നമ്മുടെ കർത്താ​വായ ക്രിസ്‌തു​യേ​ശു​വി​ലുള്ള [യേശു​വിൽ ദൃശ്യ​മാ​ക്ക​പ്പെട്ട, ജെ. ബി.] ദൈവ​സ്‌നേ​ഹ​ത്തിൽനിന്ന്‌ നമ്മെ വേർപെ​ടു​ത്താൻ കഴിക​യി​ല്ലെന്ന്‌ എനിക്ക്‌ ബോദ്ധ്യ​മാ​യി​രി​ക്കു​ന്നു.”—റോമർ 8:38, 39.

[അടിക്കു​റി​പ്പു​കൾ]

നിങ്ങൾ ഓർമി​ക്കു​ന്നു​വോ?

◻ ജീവനു​വേ​ണ്ടി​യുള്ള തന്റെ കരുത​ലു​ക​ളിൽ യഹോ​വ​യു​ടെ സ്‌നേഹം പ്രകട​മാ​യി​രി​ക്കു​ന്ന​തെ​ങ്ങനെ?

◻ യഹോ​വ​യു​ടെ സാക്ഷി​കളെ ദൈവ​സ്‌നേ​ഹ​ത്തിൽനിന്ന്‌ വേർപെ​ടു​ത്താൻ സാത്താൻ ഏതു വിധങ്ങൾ പരീക്ഷി​ച്ചി​രി​ക്കു​ന്നു?

◻ ഏതു തിരു​വെ​ഴു​ത്തു​കൾ പാപത്തി​നു നമ്മു​ടെ​മേ​ലുള്ള പിടിയെ പ്രകട​മാ​ക്കു​ന്നു, ഈ പിടിയെ എങ്ങനെ തകർക്കാൻ കഴിയും?

◻ അകന്നു മാറൽ വളരെ അപകട​ക​ര​മാ​യി​രി​ക്കു​ന്ന​തെ​ന്തു​കൊണ്ട്‌, അതിനെ എങ്ങനെ നേരി​ടാം?

[25-ാം പേജിലെ ചിത്രം]

ഒരു ചെമ്മരി​യാ​ടു് കാണാതെ പോകു​ന്ന​തു​വരെ അല്‌പാ​ല്‌പ​മാ​യി ഒററ​പ്പെ​ട്ടു​പോ​കു​ന്നു