വായന​ക്കാ​രിൽനി​ന്നുള്ള ചോദ്യ​ങ്ങൾ

യേശുവിന്റെ അമ്മയാ​യി​ത്തീർന്ന മറിയ തന്റെ ബന്ധുവായ എലിസ​ബെ​ത്തി​നെ സന്ദർശി​ക്കാൻ പോയ സമയത്തു ഗർഭി​ണി​യാ​യി​രു​ന്നോ?

അതേ, തെളി​വ​നു​സ​രിച്ച്‌ അവൾ ഗർഭി​ണി​യാ​യി​രു​ന്നു.

ലൂക്കൊസ്‌ 1-ാം അധ്യാ​യ​ത്തിൽ, പുരോ​ഹി​ത​നായ സെഖര്യാ​വി​ന്റെ ഭാര്യ​യായ, (സ്‌നാപക) യോഹ​ന്നാ​നെ പ്രസവിച്ച, എലിസ​ബെ​ത്തി​ന്റെ ഗർഭധാ​ര​ണ​ത്തെ​ക്കു​റി​ച്ചു നാം ആദ്യം വായി​ക്കു​ന്നു. എലിസ​ബെ​ത്തിന്‌ “ആറാം മാസ”മായി​രി​ക്കു​മ്പോൾ “ഗബ്രീ​യേൽദൂ​തൻ” മറിയയെ സന്ദർശിച്ച്‌ അവൾ ഗർഭം ധരിച്ച്‌ “അത്യു​ന്ന​തന്റെ പുത്ര”നെ പ്രസവി​ക്കു​മെന്ന്‌ അറിയി​ച്ചു. (ലൂക്കൊസ്‌ 1:26, 30-33) എന്നാൽ മറിയ എപ്പോ​ഴാ​ണു ഗർഭവ​തി​യാ​യത്‌?

അതിനു​ശേ​ഷം മറിയ, ഗർഭി​ണി​യായ തന്റെ ബന്ധു എലിസ​ബെ​ത്തി​നെ സന്ദർശി​ക്കാൻ യഹൂദ​യി​ലേക്കു യാത്ര​യാ​യി എന്നു ലൂക്കോ​സി​ന്റെ വിവരണം തുടർന്നു പറയുന്നു. രണ്ടു സ്‌ത്രീ​ക​ളും കണ്ടുമു​ട്ടി​യ​പ്പോൾ എലിസ​ബെ​ത്തി​ന്റെ ഉദരത്തി​ലെ ഗർഭസ്ഥ​ശി​ശു (യോഹ​ന്നാൻ) തുള്ളി​ച്ചാ​ടി. എലിസ​ബെത്ത്‌ ‘മറിയ​യു​ടെ ഗർഭഫല’ത്തെ പരാമർശി​ക്കു​ക​യും മറിയയെ “കർത്താ​വി​ന്റെ മാതാവു” എന്നു വിളി​ക്കു​ക​യും ചെയ്‌തു. (ലൂക്കൊസ്‌ 1:39-44) അതു​കൊ​ണ്ടു മറിയ അതി​നോ​ടകം ഗർഭവ​തി​യാ​യി​രു​ന്നു, അതായത്‌ എലിസ​ബെ​ത്തി​നെ കാണാൻപോയ നേരം അവൾ ഗർഭി​ണി​യാ​യി​രു​ന്നു എന്നതാണു യുക്തി​പൂർവ​ക​മായ നിഗമനം.

ലൂക്കൊസ്‌ 1:56 ഇപ്രകാ​രം വായി​ക്കു​ന്നു: “മറിയ ഏകദേശം മൂന്നു മാസം അവളോ​ടു​കൂ​ടെ പാർത്തി​ട്ടു വീട്ടി​ലേക്കു മടങ്ങി​പ്പോ​യി.” കൃത്യ​മായ കലണ്ടർ തീയതി ലഭിക്കാൻത​ക്ക​വണ്ണം ഈ വാക്യം തിട്ടമായ കണക്കു തരുന്നില്ല. “ഏകദേശം മൂന്നു മാസം” എന്ന്‌ അതു പറയുന്നു, അതായത്‌ എലിസ​ബെത്ത്‌ ഗർഭി​ണി​യാ​യിട്ട്‌ ഒമ്പതാം മാസ​മെ​ന്നർഥം.

ഗർഭകാ​ല​ഘ​ട്ട​ത്തി​ന്റെ രണ്ടാം പകുതി​യിൽ എലിസ​ബെ​ത്തി​നു സഹായ​മാ​യി​രുന്ന മറിയ നസ്രത്തി​ലെ തന്റെ ഭവനത്തി​ലേക്കു മടങ്ങി. എലിസ​ബെത്ത്‌ (യോഹ​ന്നാ​നെ) പ്രസവി​ച്ചു​ക​ഴി​ഞ്ഞാൽപ്പി​ന്നെ അനേകം സന്ദർശകർ എത്തി​ക്കോ​ളും, അവരിൽ ചിലർ ബന്ധുക്കൾപോ​ലു​മാ​വാം എന്നൊക്കെ ഒരുപക്ഷേ മറിയ വിചാ​രി​ച്ചി​രി​ക്കാം. വിവാ​ഹി​ത​യ​ല്ലാത്ത, അതേസ​മയം ഗർഭി​ണി​യു​മായ ഒരു സ്‌ത്രീ​യെ സംബന്ധി​ച്ചി​ട​ത്തോ​ളം അതു ജാള്യ​തക്കു കാരണ​മാ​കു​മാ​യി​രു​ന്നു. അവൾ നസ്രത്തി​ലേക്കു പുറ​പ്പെ​ട്ട​പ്പോൾ അവളുടെ ഗർഭധാ​ര​ണ​ത്തി​ന്റെ ദൈർഘ്യം എന്തായി​രു​ന്നു? അവൾ എലിസ​ബെ​ത്തി​നോ​ടു​കൂ​ടെ “ഏകദേശം മൂന്നു മാസം” ഉണ്ടായി​രു​ന്ന​തു​കൊണ്ട്‌, മറിയ നസ്രത്തി​ലേക്കു മടങ്ങി​യ​പ്പോൾ അവൾ തന്റെ ഗർഭകാ​ല​ത്തി​ന്റെ മൂന്നാം മാസത്തി​ന്റെ ഒടുവി​ലോ നാലാം മാസത്തി​ന്റെ ആരംഭ​ത്തി​ലോ ആയിരു​ന്നി​രി​ക്കാം.