യഹോ​വ​യു​ടെ ആത്മാവ്‌ അവിടത്തെ ജനത്തെ നയിക്കു​ന്നു

“നിന്റെ നല്ല ആത്മാവു നേർന്നി​ല​ത്തിൽ എന്നെ നടത്തു​മാ​റാ​കട്ടെ”—സങ്കീർത്തനം 143:10.

1, 2. എന്ത്‌ യഹോ​വ​യു​ടെ വിശ്വസ്‌ത ദാസൻമാർക്ക്‌ ദുഃഖം വരുത്തി​യേ​ക്കാം?

‘എനിക്കു വളരെ വിഷാദം തോന്നു​ന്നു! എനിക്ക്‌ അല്‌പം ആശ്വാസം എവിടെ കണ്ടെത്താൻ കഴിയും? ദൈവം എന്നെ ഉപേക്ഷി​ച്ചു​ക​ള​ഞ്ഞോ?’ നിങ്ങൾക്ക്‌ എപ്പോ​ഴെ​ങ്കി​ലും അങ്ങനെ തോന്നാ​റു​ണ്ടോ? എങ്കിൽ നിങ്ങൾ ഒററക്കല്ല. യഹോ​വ​യു​ടെ വിശ്വ​സ്‌ത​ദാ​സൻമാർ തഴച്ചു​വ​ള​രുന്ന ആത്മീയ പറുദീ​സ​യിൽ വസിക്കു​ന്നെ​ങ്കി​ലും, അവർ ചില​പ്പോ​ഴൊ​ക്കെ മനുഷ്യ​വർഗ്ഗ​ത്തി​നു പൊതു​വി​ലുള്ള ദുഃഖി​പ്പി​ക്കുന്ന പ്രശ്‌ന​ങ്ങ​ളെ​യും പരി​ശോ​ധ​ന​ക​ളെ​യും പ്രലോ​ഭ​ന​ങ്ങ​ളെ​യും അഭിമു​ഖീ​ക​രി​ക്കു​ന്നു.—1 കൊരി​ന്ത്യർ 10:13.

² ഒരുപക്ഷേ നിങ്ങൾ ഏതെങ്കി​ലും ദീർഘ​സ്ഥാ​യി​യായ പരി​ശോ​ധ​ന​യാ​ലോ വലിയ സംഘർഷ​ഹേതു നിമി​ത്ത​മോ അസഹ്യ​പ്പെ​ടു​ന്നു​ണ്ടാ​കാം. നിങ്ങൾ പ്രിയ​പ്പെട്ട ഒരാളു​ടെ മരണം നിമിത്തം ദുഃഖി​ക്കു​ക​യും വളരെ ഏകാന്തത അനുഭ​വി​ക്കു​ക​യും ചെയ്‌തേ​ക്കാം. അല്ലെങ്കിൽ നിങ്ങളു​ടെ ഹൃദയം പ്രിയ​പ്പെട്ട ഒരു സ്‌നേ​ഹി​തന്റെ രോഗം നിമിത്തം അസ്വസ്ഥ​മാ​യി​രി​ക്കാം. അത്തരം സാഹച​ര്യ​ങ്ങൾ നിങ്ങളു​ടെ സമാധാ​ന​വും സന്തോ​ഷ​വും കവർന്നെ​ടു​ക്കു​ക​യും നിങ്ങളു​ടെ വിശ്വാ​സത്തെ ഭീഷണി​പ്പെ​ടു​ത്തുക പോലും ചെയ്‌തേ​ക്കാം. നിങ്ങൾ എന്തു ചെയ്യണം?

ദൈവ​ത്തോട്‌ അവിടത്തെ ആത്മാവി​നു​വേണ്ടി അപേക്ഷി​ക്കു​ക

3. എന്തെങ്കി​ലും, സമാധാ​ന​വും സന്തോ​ഷ​വും പോലുള്ള ഗുണങ്ങൾ നിങ്ങളിൽനി​ന്നു കവർന്നെ​ടു​ക്കു​ന്നെ​ങ്കിൽ എന്തു ചെയ്യു​ന്നതു ജ്ഞാനമാ​യി​രി​ക്കും?

³ നിങ്ങളു​ടെ സമാധാ​ന​ത്തെ​യോ സന്തോ​ഷ​ത്തെ​യോ മറേറ​തെ​ങ്കി​ലും ദൈവി​ക​ഗു​ണ​ത്തെ​യോ എന്തെങ്കി​ലും കവർന്നെ​ടു​ക്കു​ന്നെ​ങ്കിൽ ദൈവ​ത്തി​ന്റെ പരിശു​ദ്ധാ​ത്മാ​വി​നു​വേണ്ടി അഥവാ പ്രവർത്ത​ന​നി​ര​ത​മായ ശക്തിക്കു​വേണ്ടി പ്രാർത്ഥി​ക്കു​ന്നതു ജ്ഞാനമാ​യി​രി​ക്കും. എന്തു​കൊണ്ട്‌? എന്തു​കൊ​ണ്ടെ​ന്നാൽ യഹോ​വ​യു​ടെ ആത്മാവ്‌ പ്രശ്‌ന​ങ്ങ​ളെ​യും പരി​ശോ​ധ​ന​ക​ളെ​യും പ്രലോ​ഭ​ന​ങ്ങ​ളെ​യും അഭിമു​ഖീ​ക​രി​ക്കു​ന്ന​തിന്‌ ഒരു ക്രിസ്‌ത്യാ​നി​യെ സഹായി​ക്കുന്ന സദ്‌ഫലം ഉത്‌പാ​ദി​പ്പി​ക്കു​ന്നു. “ജഡത്തിന്റെ പ്രവൃ​ത്തി​കൾ”ക്കെതിരെ മുന്നറി​യി​പ്പു നൽകി​യ​ശേഷം അപ്പൊ​സ്‌ത​ല​നായ പൗലോസ്‌ ഇപ്രകാ​രം എഴുതി: “ആത്മാവി​ന്റെ ഫലമോ: സ്‌നേഹം, സന്തോഷം, സമാധാ​നം, ദീർഘക്ഷമ, ദയ, പരോ​പ​കാ​രം, വിശ്വ​സ്‌തത, സൌമ്യത, ഇന്ദ്രി​യ​ജയം; ഈ വകെക്കു വിരോ​ധ​മാ​യി ഒരു ന്യായ​പ്ര​മാ​ണ​വു​മില്ല.”—ഗലാത്യർ 5:19-23.

4. ഏതെങ്കി​ലും പരി​ശോ​ധ​ന​യെ​യോ പ്രലോ​ഭ​ന​ത്തെ​യോ നേരി​ടു​മ്പോൾ ഒരുവന്റെ പ്രാർത്ഥ​ന​ക​ളിൽ കൃത്യത ഉണ്ടായി​രി​ക്കു​ന്നത്‌ ഉചിത​മാ​യി​രു​ന്നേ​ക്കാ​വു​ന്നത്‌ എന്തു​കൊണ്ട്‌?

⁴ നിങ്ങൾ അഭിമു​ഖീ​ക​രി​ക്കുന്ന പ്രശ്‌ന​ത്തി​ന്റെ സ്വഭാവം നിമിത്തം, നിങ്ങളു​ടെ സൗമ്യത അഥവാ സൗമ്യ​പ്ര​കൃ​തം നഷ്ടപ്പെ​ടു​ന്ന​തി​ന്റെ അപകടാ​വ​സ്ഥ​യി​ലാ​ണു നിങ്ങ​ളെന്നു തിരി​ച്ച​റി​ഞ്ഞേ​ക്കാം. അപ്പോൾ ആത്മാവി​ന്റെ ഫലമായ സൗമ്യ​ത​ക്കു​വേ​ണ്ടി​ത്തന്നെ കൃത്യ​മാ​യി യഹോ​വ​യാം ദൈവ​ത്തോ​ടു പ്രാർത്ഥി​ക്കുക. നിങ്ങൾ ഏതെങ്കി​ലും പ്രലോ​ഭ​നത്തെ അഭിമു​ഖീ​ക​രി​ക്കു​ന്നെ​ങ്കിൽ നിങ്ങൾക്കു വിശേ​ഷാൽ ആത്മനി​യ​ന്ത്ര​ണ​മാ​കുന്ന ഫലം ആവശ്യ​മാണ്‌. കൂടാതെ, പ്രലോ​ഭ​നത്തെ ചെറു​ത്തു​നിൽക്കു​ന്ന​തിൽ ദിവ്യ​സ​ഹാ​യ​ത്തി​നു​വേ​ണ്ടി​യും സാത്താ​നിൽനി​ന്നുള്ള വിടു​ത​ലി​നു​വേ​ണ്ടി​യും പരി​ശോ​ധ​നയെ സഹിക്കാൻ ആവശ്യ​മായ ജ്ഞാനത്തി​നു​വേ​ണ്ടി​യും പ്രാർത്ഥി​ക്കു​ന്നതു തീർച്ച​യാ​യും ഉചിത​മാണ്‌.—മത്തായി 6:13; യാക്കോബ്‌ 1:5, 6.

5. ആത്മാവി​ന്റെ ഏതു ഫലത്തി​നു​വേണ്ടി പ്രാർത്ഥി​ക്ക​ണ​മെന്നു നിങ്ങൾക്ക്‌ അറിയി​ല്ലാത്ത വിധത്തിൽ സാഹച​ര്യ​ങ്ങൾ അത്ര രൂക്ഷമാ​ണെ​ങ്കിൽ എന്തു​ചെ​യ്യാൻ കഴിയും?

⁵ എന്നിരു​ന്നാ​ലും, ചില​പ്പോൾ ആത്മാവി​ന്റെ ഏതു ഫലമാണ്‌ ആവശ്യ​മെന്നു നിങ്ങൾക്ക്‌ അറിയാൻ പാടി​ല്ലാത്ത സാഹച​ര്യ​ങ്ങൾ വളരെ ക്ലേശക​ര​മോ കുഴഞ്ഞ​തോ ആയിരു​ന്നേ​ക്കാം. വാസ്‌ത​വ​ത്തിൽ, സന്തോ​ഷ​വും സമാധാ​ന​വും സൗമ്യ​ത​യും മററു ദൈവി​ക​ഗു​ണ​ങ്ങ​ളും എല്ലാം അപകട​ത്തി​ലാ​യേ​ക്കാം. അപ്പോൾ എന്ത്‌? പരിശു​ദ്ധാ​ത്മാ​വി​നു​വേ​ണ്ടി​ത്ത​ന്നെ​യും നിങ്ങളു​ടെ സംഗതി​യിൽ അത്‌ ആവശ്യ​മായ ഫലങ്ങൾ തഴച്ചു​വ​ള​രാൻ ഇടയാ​ക്കു​ന്ന​തി​നു​വേ​ണ്ടി​യും എന്തു​കൊ​ണ്ടു ദൈവ​ത്തോട്‌ അപേക്ഷി​ച്ചു​കൂ​ടാ? ആവശ്യ​മായ ഫലങ്ങൾ സ്‌നേ​ഹ​മോ സന്തോ​ഷ​മോ സമാധാ​ന​മോ ആത്മാവി​ന്റെ ഫലങ്ങളു​ടെ ഒരു സംയോ​ഗ​മോ ആയിരി​ക്കാം. കൂടാതെ തന്റെ ആത്മാവി​ന്റെ നടത്തി​പ്പി​നു വഴങ്ങാൻ നിങ്ങളെ സഹായി​ക്കാ​നും ദൈവ​ത്തോ​ടു പ്രാർത്ഥി​ക്കുക, എന്തെന്നാൽ തന്റെ ജനത്തെ നയിക്കാൻ അവിടുന്ന്‌ അതിനെ ഉപയോ​ഗി​ക്കു​ന്നു.

യഹോവ സഹായി​ക്കാൻ മനസ്സു​ള്ള​വ​നാ​കു​ന്നു

6. മുടക്കം​കൂ​ടാ​തെ പ്രാർത്ഥി​ക്കേ​ണ്ട​തി​ന്റെ ആവശ്യം യേശു തന്റെ അനുഗാ​മി​കളെ എങ്ങനെ ധരിപ്പി​ച്ചു?

⁶ യേശു​ക്രി​സ്‌തു​വി​ന്റെ ശിഷ്യൻമാർ പ്രാർത്ഥ​ന​സം​ബ​ന്ധി​ച്ചു നിർദ്ദേശം ആരാഞ്ഞ​പ്പോൾ ദൈവാ​ത്മാ​വി​നു​വേണ്ടി പ്രാർത്ഥി​ക്കാൻ ഒരു ഭാഗത്ത്‌ അദ്ദേഹം അവരോട്‌ ആവശ്യ​പ്പെട്ടു. മുടക്കം​കൂ​ടാ​തെ പ്രാർത്ഥി​ക്കാൻ അവരെ പ്രചോ​ദി​പ്പി​ക്കു​ന്ന​തി​നാ​യി സംവി​ധാ​നം ചെയ്‌ത ഒരു ദൃഷ്ടാന്തം യേശു ആദ്യം ഉപയോ​ഗി​ച്ചു. അദ്ദേഹം പറഞ്ഞു: “നിങ്ങളിൽ ആർക്കെ​ങ്കി​ലും ഒരു സ്‌നേ​ഹി​തൻ ഉണ്ടു എന്നിരി​ക്കട്ടെ; അവൻ അർദ്ധരാ​ത്രിക്ക്‌ അവന്റെ അടുക്കൽ ചെന്നു: സ്‌നേ​ഹി​താ എനിക്കു മൂന്നപ്പം വായ്‌പ തരേണം; എന്റെ ഒരു സ്‌നേ​ഹി​തൻ വഴിയാ​ത്ര​യിൽ എന്റെ അടുക്കൽ വന്നു; അവന്നു വിളമ്പി​ക്കൊ​ടു​ക്കാൻ എന്റെ പക്കൽ ഏതുമില്ല എന്ന്‌ അവനോ​ടു പറഞ്ഞാൽ: എന്നെ പ്രയാ​സ​പ്പെ​ടു​ത്ത​രു​തു; കതകു അടെച്ചി​രി​ക്കു​ന്നു; പൈത​ങ്ങ​ളും എന്നോ​ടു​കൂ​ടെ കിടക്കു​ന്നു; എഴു​ന്നേ​ററു തരുവാൻ എനിക്കു കഴിക​യില്ല എന്ന്‌ അകത്തു​നിന്ന്‌ ഉത്തരം പറഞ്ഞാ​ലും അവൻ സ്‌നേ​ഹി​ത​നാ​ക​കൊണ്ട്‌ എഴു​ന്നേ​ററ്‌ അവന്നു കൊടു​ക്കു​ക​യി​ല്ലെ​ങ്കി​ലും അവൻ ലജ്ജകൂ​ടാ​തെ മുട്ടി​ക്ക​നി​മി​ത്തം എഴു​ന്നേ​ററ്‌ അവന്നു വേണ്ടു​ന്നെ​ട​ത്തോ​ളം കൊടു​ക്കും എന്നു ഞാൻ നിങ്ങ​ളോ​ടു പറയുന്നു.”—ലൂക്കൊസ്‌ 11:5-8.

7. ലൂക്കൊസ്‌ 11:11-13-ലെ യേശു​വി​ന്റെ വാക്കു​ക​ളു​ടെ സത്ത എന്താണ്‌, ദൈവ​ത്തെ​യും അവിടത്തെ ആത്മാവി​നെ​യും സംബന്ധിച്ച്‌ അവ നമുക്ക്‌ എന്തുറപ്പു നൽകുന്നു?

⁷ യഹോവ വിശ്വ​സ്‌ത​രായ തന്റെ സമർപ്പി​ത​ദാ​സൻമാ​രെ​യെ​ല്ലാം സഹായി​ക്കാൻ മനസ്സു​ള്ള​വ​നാണ്‌, അവിടുന്ന്‌ അവരുടെ അപേക്ഷകൾ ശ്രദ്ധി​ക്കു​ക​യും ചെയ്യുന്നു. എന്നാൽ അത്തരത്തി​ലുള്ള ഒരാൾ യേശു ആവശ്യ​പ്പെ​ട്ട​തു​പോ​ലെ ‘ചോദി​ച്ചു​കൊ​ണ്ടി​രി​ക്കു’ന്നെങ്കിൽ ഇത്‌ ഹൃദയം​ഗ​മ​മായ ആഗ്രഹത്തെ സൂചി​പ്പി​ക്കു​ന്നു, വിശ്വാ​സ​ത്തി​ന്റെ ഒരു പ്രകട​ന​വും ആണ്‌. (ലൂക്കൊസ്‌ 11:9,10) ക്രിസ്‌തു ഇപ്രകാ​രം കൂട്ടി​ച്ചേർത്തു: “നിങ്ങളിൽ ഒരു അപ്പനോട്‌ മകൻ . . . മീൻ ചോദി​ച്ചാൽ മീനിനു പകരം പാമ്പിനെ കൊടു​ക്കു​മോ? മുട്ട ചോദി​ച്ചാൽ തേളിനെ കൊടു​ക്കു​മോ? അങ്ങനെ ദോഷി​ക​ളായ നിങ്ങൾ നിങ്ങളു​ടെ മക്കൾക്ക്‌ നല്ല ദാനങ്ങളെ കൊടു​പ്പാൻ അറിയു​ന്നു​വെ​ങ്കിൽ സ്വർഗ്ഗ​സ്ഥ​നായ പിതാവ്‌ തന്നോടു യാചി​ക്കു​ന്ന​വർക്കു പരിശു​ദ്ധാ​ത്മാ​വി​നെ എത്രയ​ധി​കം കൊടു​ക്കും.” (ലൂക്കൊസ്‌ 11:11-13) അവകാ​ശ​പ്പെ​ടു​ത്തിയ പാപാ​വ​സ്ഥ​നി​മി​ത്തം ഒരു ഭൗമി​ക​പി​താവ്‌ ഏറെക്കു​റെ ദുഷ്ടനാ​യി​രു​ന്നാ​ലും തന്റെ കുട്ടിക്കു നല്ല വസ്‌തു​ക്കൾ കൊടു​ക്കു​ന്നു​വെ​ങ്കിൽ, തീർച്ച​യാ​യും നമ്മുടെ സ്വർഗ്ഗീ​യ​പി​താ​വു താഴ്‌മ​യോ​ടെ അവിടത്തെ പരിശു​ദ്ധാ​ത്മാ​വി​നു​വേണ്ടി യാചി​ക്കുന്ന തന്റെ വിശ്വ​സ്‌ത​ദാ​സൻമാ​രിൽ ആർക്കും അതു നൽകി​ക്കൊ​ണ്ടി​രി​ക്കും.

8. സങ്കീർത്തനം 143:10 ദാവീ​ദി​നും യേശു​വി​നും ദൈവ​ത്തി​ന്റെ ആധുനി​ക​കാല ദാസൻമാർക്കും ബാധക​മാ​കു​ന്ന​തെ​ങ്ങനെ?

⁸ ദൈവാ​ത്മാ​വിൽനി​ന്നു പ്രയോ​ജനം നേടു​ന്ന​തി​നു നാം ദാവീ​ദി​നെ​പ്പോ​ലെ അതിന്റെ നേതൃ​ത്വം പിൻപ​റ​റാൻ മനസ്സു​ള്ള​വ​രാ​യി​രി​ക്കണം. അദ്ദേഹം ഇപ്രകാ​രം പ്രാർത്ഥി​ച്ചു: “നിന്റെ ഇഷ്ടം ചെയ്‌വാൻ എന്നെ പഠിപ്പി​ക്കേ​ണമേ. നീ എന്റെ ദൈവ​മാ​കു​ന്നു​വ​ല്ലോ; നിന്റെ നല്ല ആത്മാവ്‌ നേർനി​ല​ത്തിൽ എന്നെ നടത്തു​മാ​റാ​കട്ടെ.” (സങ്കീർത്തനം 143:10) ഇസ്ര​യേല്യ രാജാ​വായ ശൗൽ ഭ്രഷ്ട്‌ കല്‌പി​ച്ചി​രുന്ന ദാവീദ്‌, തന്റെ ഗതി നേരു​ള്ള​താ​ണെന്ന്‌ ഉറപ്പു​ണ്ടാ​യി​രി​ക്കാൻ വേണ്ടി ദൈവ​ത്തി​ന്റെ ആത്മാവ്‌ തന്നെ നയിക്കാൻ ആഗ്രഹി​ച്ചു. ദൈ​വേഷ്ടം തീർച്ച​പ്പെ​ടു​ത്താൻ ഉപയോ​ഗി​ച്ചി​രുന്ന ഏഫോ​ദു​മാ​യി തക്കസമ​യത്ത്‌ അബ്യാ​ഥാർ വരുക​യു​ണ്ടാ​യി. ദൈവ​ത്തി​ന്റെ പുരോ​ഹിത പ്രതി​നി​ധി​യെ​ന്ന​നി​ല​യിൽ അബ്യാ​ഥാർ, യഹോ​വയെ പ്രസാ​ദി​പ്പി​ക്കു​ന്ന​തി​നു പോകേണ്ട വഴി ദാവീ​ദി​നെ അറിയി​ച്ചു. (1 ശമൂവേൽ 22:17–23:12; 30:6-8) ദാവീ​ദി​നെ​പ്പോ​ലെ, യേശു യഹോ​വ​യു​ടെ ആത്മാവി​നാൽ നയിക്ക​പ്പെട്ടു, ഒരു വർഗ്ഗമെന്ന നിലയിൽ ക്രിസ്‌തു​വി​ന്റെ അഭിഷിക്ത അനുഗാ​മി​കളെ സംബന്ധി​ച്ചും ഇതു സത്യമാ​യി​രു​ന്നി​ട്ടുണ്ട്‌. അവർ 1918-19 കാലഘ​ട്ട​ത്തിൽ മനുഷ്യ​സ​മു​ദാ​യ​ത്തിൻമു​മ്പാ​കെ പരദേ​ശി​ക​ളെ​പ്പോ​ലെ​യാ​യി​രു​ന്നു, തങ്ങൾക്ക്‌ അവരെ നശിപ്പി​ക്കാൻ കഴിയു​മെന്ന്‌ അവരുടെ മതശ​ത്രു​ക്കൾ വിചാ​രി​ക്കു​ക​യും ചെയ്‌തു. തങ്ങളുടെ നിഷ്‌ക്രി​യാ​വ​സ്ഥ​യിൽനിന്ന്‌ പുറത്തു​ക​ട​ക്കാ​നുള്ള ഒരു വഴിക്കു​വേണ്ടി അഭിഷി​ക്തർ പ്രാർത്ഥി​ക്കു​ക​യും 1919-ൽ ദൈവം അവരുടെ പ്രാർത്ഥ​ന​കൾക്ക്‌ ഉത്തരം നൽകി അവരെ വിമോ​ചി​പ്പി​ക്കു​ക​യും തന്റെ സേവന​ത്തിൽ അവരെ വീണ്ടും കർമ്മനി​ര​ത​രാ​ക്കു​ക​യും ചെയ്‌തു. (സങ്കീർത്തനം 143:7-9) തീർച്ച​യാ​യും, യഹോ​വ​യു​ടെ ആത്മാവ്‌ അപ്പോൾ തന്റെ ജനത്തെ സഹായി​ക്കു​ക​യും നയിക്കു​ക​യും ചെയ്‌തു​കൊ​ണ്ടി​രു​ന്നു, ഇന്നുവരെ അതു ചെയ്‌തു​കൊ​ണ്ടി​രി​ക്കു​ന്ന​തു​പോ​ലെ​തന്നെ.

ആത്മാവു സഹായി​ക്കുന്ന വിധം

9. (എ) പരിശു​ദ്ധാ​ത്മാവ്‌ ഒരു “സഹായി”യായി സേവി​ക്കു​ന്ന​തെ​ങ്ങനെ? (ബി) പരിശു​ദ്ധാ​ത്മാവ്‌ ഒരു വ്യക്തി​യ​ല്ലെന്നു നാം എങ്ങനെ അറിയു​ന്നു? (അടിക്കു​റി​പ്പു കാണുക.)

⁹ യേശു​ക്രി​സ്‌തു പരിശു​ദ്ധാ​ത്മാ​വി​നെ ഒരു “സഹായി” എന്നു വിളിച്ചു. ഉദാഹ​ര​ണ​ത്തിന്‌ അദ്ദേഹം തന്റെ അനുഗാ​മി​ക​ളോട്‌ ഇപ്രകാ​രം പറഞ്ഞു: “ഞാൻ പിതാ​വി​നോട്‌ അപേക്ഷി​ക്കു​ക​യും അവിടുന്ന്‌ സത്യത്തി​ന്റെ ആത്മാവ്‌ എന്ന മറെറാ​രു സഹായി​യെ എന്നേക്കും നിങ്ങ​ളോ​ടു​കൂ​ടെ ഇരി​ക്കേ​ണ്ട​തിന്‌ നിങ്ങൾക്കു നൽകു​ക​യും ചെയ്യും, ലോകം അതിനെ കാണു​ക​യോ അറിയു​ക​യോ ചെയ്യാ​ത്ത​തു​കൊണ്ട്‌ അതിനെ സ്വീക​രി​പ്പാൻ അതിനു കഴിയു​ക​യില്ല. അത്‌ നിങ്ങ​ളോ​ടു​കൂ​ടെ സ്ഥിതി​ചെ​യ്യു​ന്ന​തു​കൊ​ണ്ടും നിങ്ങളിൽ വസിക്കു​ന്ന​തു​കൊ​ണ്ടും നിങ്ങൾ അതിനെ അറിയു​ന്നു.” മററു കാര്യ​ങ്ങൾക്കൊ​പ്പം, ആ “സഹായി” ഒരു ഉപദേ​ഷ്ടാ​വു​മാ​യി​രി​ക്കും, എന്തെന്നാൽ ക്രിസ്‌തു ഇപ്രകാ​രം വാഗ്‌ദത്തം ചെയ്‌തു: “പിതാവ്‌ എന്റെ നാമത്തിൽ അയക്കാ​നി​രി​ക്കുന്ന പരിശു​ദ്ധാ​ത്മാ​വാ​കുന്ന സഹായി സകല കാര്യ​ങ്ങ​ളും നിങ്ങളെ പഠിപ്പി​ക്കു​ക​യും ഞാൻ നിങ്ങ​ളോ​ടു പറഞ്ഞ​തൊ​ക്കെ​യും നിങ്ങളെ ഓർമ്മ​പ്പെ​ടു​ത്തു​ക​യും ചെയ്യും.” ആത്മാവ്‌ ക്രിസ്‌തു​വി​നെ​ക്കു​റിച്ച്‌ സാക്ഷ്യം വഹിക്കു​ക​യും ചെയ്യു​മാ​യി​രു​ന്നു, അദ്ദേഹം തന്റെ ശിഷ്യൻമാർക്ക്‌ ഈ ഉറപ്പു നൽകു​ക​യും ചെയ്‌തു: “ഞാൻ പോകു​ന്നത്‌ നിങ്ങളു​ടെ പ്രയോ​ജ​ന​ത്തി​നാ​കു​ന്നു. എന്തെന്നാൽ ഞാൻ പോകു​ന്നി​ല്ലെ​ങ്കിൽ സഹായി ഒരിക്ക​ലും നിങ്ങളു​ടെ അടുക്കൽ വരുക​യില്ല; എന്നാൽ ഞാൻ പോകു​ന്ന​പക്ഷം അവനെ ഞാൻ നിങ്ങൾക്ക്‌ അയച്ചു​ത​രും.”—യോഹ​ന്നാൻ 14:16, 17, 26; 15:26; 16:7, NW.a

10. ഏതു വിധങ്ങ​ളിൽ പരിശു​ദ്ധാ​ത്മാവ്‌ ഒരു സഹായി​യാ​ണെന്നു തെളി​ഞ്ഞി​രി​ക്കു​ന്നു?

¹⁰ പൊ.യു. 33-ലെ പെന്തെ​ക്കൊ​സ്‌തു​നാ​ളിൽ യേശു വാഗ്‌ദ​ത്തം​ചെ​യ്യ​പ്പെട്ട പരിശു​ദ്ധാ​ത്മാ​വി​നെ സ്വർഗ്ഗ​ത്തിൽനി​ന്നു തന്റെ അനുഗാ​മി​ക​ളു​ടെ​മേൽ പകർന്നു. (പ്രവൃ​ത്തി​കൾ 1:4, 5; 2:1-11) ഒരു സഹായി​യെ​ന്ന​നി​ല​യിൽ ആത്മാവ്‌ അവർക്കു ദൈവ​ത്തി​ന്റെ ഉദ്ദേശ്യ​വും ഇഷ്ടവും സംബന്ധിച്ച്‌ വർദ്ധിച്ച ഗ്രാഹ്യം നൽകു​ക​യും അവിടത്തെ പ്രവാ​ച​ക​വ​ചനം അവർക്കു വിശദീ​ക​രി​ച്ചു​കൊ​ടു​ക്കു​ക​യും ചെയ്‌തു. (1 കൊരി​ന്ത്യർ 2:10-16; കൊ​ലൊ​സ്സ്യർ 1:9, 10; എബ്രായർ 9:8-10) ആ സഹായി യേശു​വി​ന്റെ ശിഷ്യൻമാ​രെ മുഴു​ഭൂ​മി​യി​ലും സാക്ഷി​ക​ളാ​യി​രി​ക്കാൻ ശക്തീക​രി​ക്കു​ക​യും ചെയ്‌തു. (ലൂക്കൊസ്‌ 24:49; പ്രവൃ​ത്തി​കൾ 1:8; എഫെസ്യർ 3:5, 6) ഇന്ന്‌ ഒരു സമർപ്പി​ത​ക്രി​സ്‌ത്യാ​നി “വിശ്വ​സ്‌ത​നും വിവേ​കി​യു​മായ അടിമ” മുഖാ​ന്തരം ദൈവം ചെയ്‌തി​രി​ക്കുന്ന ആത്മീയ​ക​രു​ത​ലു​കളെ പ്രയോ​ജ​ന​പ്പെ​ടു​ത്തു​ന്നെ​ങ്കിൽ പരിജ്ഞാ​ന​ത്തിൽ വളരു​ന്ന​തി​നു പരിശു​ദ്ധാ​ത്മാ​വിന്‌ അയാളെ സഹായി​ക്കാൻ കഴിയും. (മത്തായി 24:45-47) യഹോ​വ​യു​ടെ ദാസൻമാ​രിൽ ഒരാ​ളെ​ന്ന​നി​ല​യിൽ സാക്ഷ്യം വഹിക്കാൻ ആവശ്യ​മായ ധൈര്യ​വും ബലവും കൊടു​ത്തു​കൊ​ണ്ടു ദൈവാ​ത്മാ​വി​നു സഹായം നൽകാൻ കഴിയും. (മത്തായി 10:19, 20; പ്രവൃ​ത്തി​കൾ 4:29-31) എന്നിരു​ന്നാ​ലും, പരിശു​ദ്ധാ​ത്മാവ്‌ മററു വിധങ്ങ​ളി​ലും ദൈവ​ത്തി​ന്റെ ജനത്തെ സഹായി​ക്കു​ന്നു.

“ഉച്ചരി​ക്കാത്ത ഞരക്കങ്ങൾകൊണ്ട്‌”

11. ഒരു പരി​ശോ​ധന നിസ്സഹാ​യ​മാ​ക്കു​ന്ന​താ​ണെന്നു തോന്നു​ന്നെ​ങ്കിൽ ഒരു ക്രിസ്‌ത്യാ​നി എന്തു​ചെ​യ്യണം?

¹¹ ഒരു ക്രിസ്‌ത്യാ​നി നിസ്സഹാ​യ​മാ​ക്കു​ന്ന​തെന്നു തോന്നി​ക്കുന്ന ഒരു പരി​ശോ​ധ​ന​യാൽ അസഹ്യ​പ്പെ​ടു​ന്നെ​ങ്കിൽ അയാൾ എന്തു​ചെ​യ്യണം? പരിശു​ദ്ധാ​ത്മാ​വി​നു​വേണ്ടി പ്രാർത്ഥി​ക്കു​ക​യും അതിനെ പ്രവർത്തി​ക്കാൻ അനുവ​ദി​ക്കു​ക​യും ചെയ്യുക! “ആത്മാവു നമ്മുടെ ബലഹീ​ന​തക്കു തുണനിൽക്കു​ന്നു. വേണ്ടും​പോ​ലെ പ്രാർത്ഥി​ക്കേ​ണ്ടതു എന്തെന്നു നാം അറിയു​ന്നി​ല്ല​ല്ലോ. ആത്മാവു​തന്നെ ഉച്ചരി​ച്ചു​കൂ​ടാത്ത ഞരക്കങ്ങ​ളാൽ (ഉച്ചരി​ക്കാത്ത ഞരക്കങ്ങൾകൊണ്ട്‌, NW) നമുക്കു​വേണ്ടി പക്ഷവാദം ചെയ്യുന്നു. എന്നാൽ ആത്മാവു വിശു​ദ്ധൻമാർക്കു​വേണ്ടി ദൈവ​ഹി​ത​പ്ര​കാ​രം പക്ഷവാദം ചെയ്യു​ന്ന​തു​കൊ​ണ്ടു ആത്മാവി​ന്റെ ചിന്ത ഇന്നതെന്ന്‌ ഹൃദയ​ങ്ങളെ പരി​ശോ​ധി​ക്കു​ന്നവൻ അറിയു​ന്നു.”—റോമർ 8:26, 27.

12, 13. (എ) വിശേ​ഷി​ച്ചും വിഷമം​പി​ടിച്ച അവസ്ഥക​ളിൽ അർപ്പി​ക്ക​പ്പെ​ടുന്ന പ്രാർത്ഥ​ന​കൾക്ക്‌ റോമർ 8:26, 27 എങ്ങനെ ബാധക​മാ​കു​ന്നു? (ബി) ഏഷ്യാ പ്രവി​ശ്യ​യിൽ അത്യന്തം സമ്മർദ്ദ​ത്തി​ലാ​യി​രു​ന്ന​പ്പോൾ പൗലോ​സും സഹകാ​രി​ക​ളും എന്തു​ചെ​യ്‌തു?

¹² ദൈവാ​ത്മാവ്‌ ആർക്കു​വേണ്ടി പക്ഷവാദം ചെയ്യു​ന്നു​വോ ആ വിശു​ദ്ധൻമാർ ഒരു സ്വർഗ്ഗീയ പ്രത്യാ​ശ​യോ​ടു​കൂ​ടിയ യേശു​വി​ന്റെ അഭിഷി​ക്താ​നു​ഗാ​മി​കൾ ആണ്‌. എന്നാൽ നിങ്ങൾക്കു​ള്ളത്‌ ഒരു സ്വർഗ്ഗീ​യ​വി​ളി​യോ ഭൗമി​ക​പ്ര​ത്യാ​ശ​യോ ഏതായാ​ലും ഒരു ക്രിസ്‌ത്യാ​നി​യെന്ന നിലയിൽ നിങ്ങൾക്കു ദൈവ​ത്തി​ന്റെ പരിശു​ദ്ധാ​ത്മാ​വി​ന്റെ സഹായം ഉണ്ടായി​രി​ക്കാ​വു​ന്ന​താണ്‌. യഹോവ ചിലസ​മ​യത്ത്‌ ഒരു നിശ്ചിത പ്രാർത്ഥ​നക്കു നേരിട്ട്‌ ഉത്തരം നൽകുന്നു. എന്നിരു​ന്നാ​ലും, ചില​പ്പോ​ഴൊ​ക്കെ നിങ്ങൾ നിങ്ങളു​ടെ വികാ​രങ്ങൾ വാക്കു​ക​ളി​ലാ​ക്കാൻ കഴിയാ​ത​വണ്ണം വളരെ അരിഷ്ട​ത​യിൽ ആയിരി​ക്കാം, ഉച്ചരി​ക്കാത്ത ഞരക്കങ്ങ​ളാൽ യഹോ​വ​യോ​ടു കെഞ്ചി അപേക്ഷി​ക്കാൻ മാത്രമേ കഴിഞ്ഞു​ള്ളു എന്നും വരാം. വാസ്‌ത​വ​ത്തിൽ, നിങ്ങൾക്ക്‌ എന്താണ്‌ അത്യു​ത്ത​മ​മെന്നു നിങ്ങൾക്ക്‌ അറിയി​ല്ലാ​യി​രി​ക്കാം, നിങ്ങൾ പരിശു​ദ്ധാ​ത്മാ​വി​നു​വേണ്ടി പ്രാർത്ഥി​ക്കാ​ത്ത​പക്ഷം തെററായ കാര്യം അപേക്ഷി​ക്കു​ക​പോ​ലും ചെയ്‌തേ​ക്കാം. നിങ്ങൾ അവിടത്തെ ഇഷ്ടം ചെയ്യാൻ ആഗ്രഹി​ക്കു​ന്നു​വെന്നു ദൈവ​ത്തി​ന​റി​യാം, നിങ്ങൾക്കു യഥാർത്ഥ​ത്തിൽ ആവശ്യ​മു​ള്ള​തെ​ന്തെ​ന്നും അവിടുന്ന്‌ അറിയു​ന്നു. അതിനു​പു​റമേ, തന്റെ പരിശു​ദ്ധാ​ത്മാ​വു മുഖാ​ന്തരം തന്റെ വചനത്തിൽ നിരവധി പ്രാർത്ഥ​നകൾ രേഖ​പ്പെ​ടു​ത്തു​ന്ന​തിന്‌ അവിടു​ന്നി​ട​യാ​ക്കി, ഇവ വിഷമി​പ്പി​ക്കുന്ന സാഹച​ര്യ​ങ്ങൾ കൈകാ​ര്യം ചെയ്യുന്നു. (2 തിമൊ​ഥെ​യൊസ്‌ 3:16, 17; 2 പത്രൊസ്‌ 1:21) അതു​കൊണ്ട്‌, അത്തരം നിശ്വസ്‌ത പ്രാർത്ഥ​ന​ക​ളിൽ പ്രകട​മാ​ക്കി​യി​രി​ക്കുന്ന ചില വികാ​രങ്ങൾ അവിടത്തെ ദാസൻമാ​രിൽ ഒരാ​ളെ​ന്ന​നി​ല​യിൽ നിങ്ങൾ പ്രകട​മാ​ക്കാൻ ഉദ്ദേശി​ക്കുന്ന ആശയങ്ങ​ളാ​യി കാണാ​നും നിങ്ങൾക്കു​വേണ്ടി അവക്ക്‌ ഉത്തരം നൽകാ​നും യഹോ​വക്കു കഴിയും.

¹³ ഏഷ്യാ​പ്ര​വി​ശ്യ​യിൽ ഉപദ്രവം അനുഭ​വി​ച്ച​പ്പോൾ പൗലോ​സും അവന്റെ സഹകാ​രി​ക​ളും എന്തു പ്രാർത്ഥി​ക്ക​ണ​മെന്ന്‌ അറിഞ്ഞി​രു​ന്നി​ല്ലാ​യി​രി​ക്കാം. ‘അവരുടെ ശക്തിക്കു​മ​പ്പു​റം അങ്ങേയ​ററം സമ്മർദ്ദ​ത്തിൻകീ​ഴി​ലാ​യ​പ്പോൾ തങ്ങൾക്കു മരണശിക്ഷ ലഭിച്ചു​വെന്ന്‌ അവരുടെ ഉള്ളിൽ തോന്നി.’ എന്നാൽ അവർ മററു​ള്ള​വ​രു​ടെ അപേക്ഷകൾ തേടു​ക​യും മരിച്ച​വരെ ഉയർപ്പി​ക്കാൻ കഴിയുന്ന ദൈവ​ത്തിൽ ആശ്രയി​ക്കു​ക​യും ചെയ്‌തു, അവിടുന്ന്‌ അവരെ വിടു​വി​ക്കു​ക​തന്നെ ചെയ്‌തു. (2 കൊരി​ന്ത്യർ 1:8-11) യഹോ​വ​യാം ദൈവം അവിടത്തെ വിശ്വ​സ്‌ത​ദാ​സൻമാ​രു​ടെ പ്രാർത്ഥ​നകൾ കേൾക്കു​ക​യും അതനു​സ​രി​ച്ചു പ്രവർത്തി​ക്കു​ക​യും ചെയ്യു​ന്നു​വെ​ന്നു​ള്ളത്‌ എത്ര ആശ്വാ​സ​പ്ര​ദ​മാണ്‌!

14. ഒരു പരി​ശോ​ധന കുറച്ചു​കാ​ല​ത്തേക്കു തുടരാൻ യഹോവ അനുവ​ദി​ക്കു​ന്നെ​ങ്കിൽ തൽഫല​മാ​യി എന്തു നൻമ ലഭി​ച്ചേ​ക്കാം?

¹⁴ ഒരു സ്ഥാപന​മെ​ന്ന​നി​ല​യിൽ ദൈവ​ജനം പലപ്പോ​ഴും പരി​ശോ​ധ​ന​ക​ളാൽ ഞെരു​ക്ക​പ്പെ​ടു​ന്നു. മുമ്പു കുറി​ക്കൊ​ണ്ട​തു​പോ​ലെ, അവർ ഒന്നാം ലോക​മ​ഹാ​യു​ദ്ധ​കാ​ലത്തു പീഡി​പ്പി​ക്ക​പ്പെട്ടു. അവർക്ക്‌ അപ്പോൾ തങ്ങളുടെ നില സംബന്ധിച്ച്‌ ഒരു വ്യക്തമായ ഗ്രാഹ്യം ഇല്ലാതി​രു​ന്ന​തി​നാൽ, അതു​കൊണ്ട്‌ എന്തിനു​വേണ്ടി പ്രാർത്ഥി​ക്ക​ണ​മെന്ന്‌ അവർക്കു കൃത്യ​മാ​യി അറിയി​ല്ലാ​യി​രു​ന്നെ​ങ്കി​ലും യഹോ​വ​യു​ടെ വചനത്തിൽ അവിടുന്ന്‌ അവർക്കു​വേണ്ടി ഉത്തരം​നൽകിയ പ്രവാചക പ്രാർത്ഥ​നകൾ അടങ്ങി​യി​രു​ന്നു. (സങ്കീർത്തനം 69, 102, 126; യെശയ്യാവ്‌ അദ്ധ്യായം 12) എന്നാൽ ഒരു പരീക്ഷണം കുറച്ചു​കാ​ല​ത്തേക്കു തുടരാൻ യഹോവ അനുവ​ദി​ക്കു​ന്നെ​ങ്കിൽ എന്ത്‌? ഇത്‌ ഒരു സാക്ഷ്യ​ത്തിൽ കലാശി​ച്ചേ​ക്കാം, സത്യം സ്വീക​രി​ക്കു​ന്ന​തി​നു ചിലരെ പ്രേരി​പ്പി​ച്ചേ​ക്കാം, കൂടാതെ കഷ്ടപ്പെ​ടുന്ന സഹക്രി​സ്‌ത്യാ​നി​കൾക്കു​വേണ്ടി പ്രാർത്ഥി​ച്ചു​കൊ​ണ്ടോ അവരെ സഹായി​ച്ചു​കൊ​ണ്ടോ സഹോ​ദ​ര​സ്‌നേഹം കാണി​ക്കാൻ ക്രിസ്‌ത്യാ​നി​കൾക്ക്‌ അവസരം നൽകു​ക​യും ചെയ്യുന്നു. (യോഹ​ന്നാൻ 13:34, 35; 2 കൊരി​ന്ത്യർ 1:11) യഹോവ പരിശു​ദ്ധാ​ത്മാ​വു മുഖാ​ന്തരം തന്റെ ജനത്തെ നയിക്കു​ന്നു​വെ​ന്നും അവർക്ക്‌ ഏററവും നൻമയാ​യതു ചെയ്യു​ന്നു​വെ​ന്നും എല്ലായ്‌പ്പോ​ഴും അവിടത്തെ വിശുദ്ധ നാമത്തെ മഹത്ത്വ​പ്പെ​ടു​ത്തു​ന്ന​തും വിശു​ദ്ധീ​ക​രി​ക്കു​ന്ന​തു​മായ ഒരു വിധത്തിൽ കാര്യാ​ദി​കൾ കൊണ്ടു​പോ​കു​ന്നു​വെ​ന്നും ഓർക്കുക.—പുറപ്പാട്‌ 9:16; മത്തായി 6:9.

ഒരിക്ക​ലും ആത്മാവി​നെ ദുഃഖി​പ്പി​ക്ക​രുത്‌

15. തങ്ങൾക്കു​വേണ്ടി എന്തു ചെയ്യാൻ ക്രിസ്‌ത്യാ​നി​കൾക്ക്‌ യഹോ​വ​യു​ടെ ആത്മാവി​നെ ആശ്രയി​ക്കാൻ കഴിയും?

¹⁵ അതു​കൊണ്ട്‌, നിങ്ങൾ യഹോ​വ​യു​ടെ ഒരു ദാസനാ​ണെ​ങ്കിൽ പരി​ശോ​ധ​നാ​ഘ​ട്ട​ങ്ങ​ളി​ലും മററു സമയങ്ങ​ളി​ലും പരിശു​ദ്ധാ​ത്മാ​വി​നു​വേണ്ടി പ്രാർത്ഥി​ക്കുക. അതിനു​ശേഷം ഉറപ്പാ​യും അതിന്റെ മാർഗ്ഗ​നിർദ്ദേശം അനുസ​രി​ക്കുക, എന്തെന്നാൽ പൗലോസ്‌ ഇപ്രകാ​രം എഴുതി: “ദൈവ​ത്തി​ന്റെ പരിശു​ദ്ധാ​ത്മാ​വി​നെ ദുഃഖി​പ്പി​ക്ക​രു​തു; അവനാ​ല​ല്ലോ നിങ്ങൾക്കു വീണ്ടെ​ടു​പ്പു​നാ​ളി​ന്നാ​യി മുദ്ര​യി​ട്ടി​രി​ക്കു​ന്നതു.” (എഫെസ്യർ 4:30) ദൈവ​ത്തി​ന്റെ ആത്മാവ്‌ വിശ്വ​സ്‌ത​രായ അഭിഷിക്ത ക്രിസ്‌ത്യാ​നി​കൾക്ക്‌ ഒരു മുദ്ര​യും ‘വരുവാ​നി​രി​ക്കു​ന്ന​തി​ന്റെ ഒരു അച്ചാര​വും’ ആയിരു​ന്നു, ഇപ്പോ​ഴും ആണ്‌—അതായത്‌ അമർത്ത്യ സ്വർഗ്ഗീയ ജീവ​ന്റെ​തന്നെ. (2 കൊരി​ന്ത്യർ 1:22; റോമർ 8:15; 1 കൊരി​ന്ത്യർ 15:50-57; വെളി​പ്പാട്‌ 2:10) അഭിഷിക്ത ക്രിസ്‌ത്യാ​നി​കൾക്കും ഭൗമി​ക​പ്ര​ത്യാ​ശ​യു​ള്ള​വർക്കും തങ്ങൾക്കു​വേണ്ടി വളരെ കാര്യങ്ങൾ ചെയ്യാൻ യഹോ​വ​യു​ടെ ആത്മാവിൽ ആശ്രയി​ക്കാൻ കഴിയും. അതിനു വിശ്വ​സ്‌ത​ത​യു​ടെ ഒരു ജീവി​ത​ഗ​തി​യിൽ അവരെ നയിക്കാ​നും ദൈവ​ത്തി​ന്റെ അപ്രീ​തി​യി​ലേ​ക്കും പരിശു​ദ്ധാ​ത്മാ​വി​ന്റെ നഷ്ടത്തി​ലേ​ക്കും നിത്യ​ജീ​വൻ നേടു​ന്ന​തി​ന്റെ പരാജ​യ​ത്തി​ലേ​ക്കും നയി​ച്ചേ​ക്കാ​വുന്ന പാപ​പ്ര​വൃ​ത്തി​കൾ ഒഴിവാ​ക്കാൻ അവരെ സഹായി​ക്കാ​നും കഴിയും.—ഗലാത്യർ 5:19-21.

16, 17. ഒരു ക്രിസ്‌ത്യാ​നി ആത്മാവി​നെ എങ്ങനെ ദുഃഖി​പ്പി​ച്ചേ​ക്കാം?

¹⁶ ഒരു ക്രിസ്‌ത്യാ​നി അറിഞ്ഞോ അറിയാ​തെ​യോ ആത്മാവി​നെ ദുഃഖി​പ്പി​ച്ചേ​ക്കാ​വു​ന്നത്‌ എങ്ങനെ​യാണ്‌? കൊള്ളാം, ഐക്യം ഊട്ടി​യു​റ​പ്പി​ക്കു​ന്ന​തി​നും സഭയിൽ ഉത്തരവാ​ദി​ത്വ​മുള്ള പുരു​ഷൻമാ​രെ നിയമി​ക്കു​ന്ന​തി​നും യഹോവ തന്റെ ആത്മാവി​നെ ഉപയോ​ഗി​ക്കു​ന്നു. അതു​കൊണ്ട്‌, സഭയിലെ ഒരംഗം നിയമിത മൂപ്പൻമാർക്കെ​തി​രെ പിറു​പി​റു​ക്കു​ക​യും ദൂഷണ​പ​ര​മായ കുശു​കു​ശു​പ്പു പരത്തു​ക​യും മററും ആണെങ്കിൽ അയാൾ സമാധാ​ന​ത്തി​നും ഐക്യ​ത്തി​നും വേണ്ടി​യുള്ള ദൈവാ​ത്മാ​വി​ന്റെ മാർഗ്ഗ​നിർദ്ദേ​ശങ്ങൾ പിൻപ​റ​റു​ക​യ​ല്ലാ​യി​രി​ക്കും. ഒരു പൊതു​വായ വിധത്തിൽ അയാൾ ആത്മാവി​നെ ദുഃഖി​പ്പി​ക്കു​ക​യാ​യി​രി​ക്കും.—1 കൊരി​ന്ത്യർ 1:10; 3:1-4, 16, 17; 1 തെസ്സ​ലൊ​നീ​ക്യർ 5:12, 13; യൂദാ 16.

¹⁷ എഫെ​സോ​സി​ലെ ക്രിസ്‌ത്യാ​നി​കൾക്ക്‌ എഴുതു​ക​യിൽ പൗലോസ്‌ വ്യാജ​ത്തി​ലേ​ക്കുള്ള ചായ്‌വു​കൾക്കും നീണ്ടു​നിൽക്കുന്ന കോപ​ത്തി​നും മോഷ​ണ​ത്തി​നും അസഭ്യ​സം​സാ​ര​ത്തി​നും പരസം​ഗ​ത്തി​ലുള്ള അതിയായ താത്‌പ​ര്യ​ത്തി​നും ലജ്ജാക​ര​മായ നടത്തക്കും അസഭ്യ തമാശ​കൾക്കും എതിരെ മുന്നറി​യി​പ്പു നൽകി. അത്തരം കാര്യ​ങ്ങ​ളി​ലേക്കു വഴുതി​വീ​ഴാൻ ഒരു ക്രിസ്‌ത്യാ​നി തന്നേത്തന്നെ അനുവ​ദി​ക്കു​ന്നെ​ങ്കിൽ അയാൾ ബൈബി​ളി​ന്റെ ആത്മനി​ശ്വസ്‌ത ബുദ്ധ്യു​പ​ദേ​ശ​ത്തി​നെ​തി​രെ പോവു​ക​യാ​യി​രി​ക്കും. (എഫെസ്യർ 4:17-29; 5:1-5) അതെ, ഒരളവു​വരെ അയാൾ അങ്ങനെ ദൈവാ​ത്മാ​വി​നെ ദുഃഖി​പ്പി​ക്കു​ക​യാ​യി​രി​ക്കും.

18. ദൈവ​ത്തി​ന്റെ ആത്മനി​ശ്വസ്‌ത വചനത്തി​ന്റെ ബുദ്ധ്യു​പ​ദേശം അവഗണി​ക്കാൻ തുടങ്ങുന്ന ഏതു ക്രിസ്‌ത്യാ​നി​ക്കും എന്തു സംഭവി​ച്ചേ​ക്കാം?

¹⁸ വാസ്‌ത​വ​ത്തിൽ, യഹോ​വ​യു​ടെ ആത്മനി​ശ്വസ്‌ത വചനത്തി​ന്റെ ബുദ്ധ്യു​പ​ദേശം അവഗണി​ക്കാൻ തുടങ്ങുന്ന ഏതു ക്രിസ്‌ത്യാ​നി​യും മനഃപൂർവ്വ പാപത്തി​ലും ദിവ്യ​പ്രീ​തി​യു​ടെ നഷ്ടത്തി​ലും കലാശി​ച്ചേ​ക്കാ​വുന്ന മനോ​ഭാ​വ​ങ്ങ​ളോ സ്വഭാ​വ​വി​ശേ​ഷ​ങ്ങ​ളോ വികസി​പ്പി​ച്ചു​തു​ട​ങ്ങി​യേ​ക്കാം. അയാൾ തൽക്കാലം പാപം ചെയ്യു​ന്നി​ല്ലാ​യി​രി​ക്കാ​മെ​ങ്കി​ലും ആ ദിശയിൽ നീങ്ങു​ക​യാ​യി​രി​ക്കും. ആത്മാവി​ന്റെ മാർഗ്ഗ​നിർദ്ദേ​ശ​ത്തി​നു വിരു​ദ്ധ​മാ​യി പോകുന്ന അത്തര​മൊ​രു ക്രിസ്‌ത്യാ​നി അതിനെ ദുഃഖി​പ്പി​ക്കു​ക​യാ​യി​രി​ക്കും. കൂടാതെ അയാൾ അങ്ങനെ പരിശു​ദ്ധാ​ത്മാ​വി​ന്റെ ഉറവി​ട​മായ യഹോ​വയെ എതിർക്കു​ക​യും ദുഃഖി​പ്പി​ക്കു​ക​യും ആയിരി​ക്കും. ദൈവത്തെ സ്‌നേ​ഹി​ക്കുന്ന ഒരാൾ ഒരിക്ക​ലും അങ്ങനെ ചെയ്യാൻ ആഗ്രഹി​ക്കു​ക​യില്ല!

പരിശു​ദ്ധാ​ത്മാ​വി​നു​വേണ്ടി പ്രാർത്ഥി​ച്ചു​കൊ​ണ്ടി​രി​ക്കുക

19. യഹോ​വ​യു​ടെ ജനത്തിന്‌ ഇന്നു വിശേ​ഷാൽ അവിടത്തെ ആത്മാവ്‌ ആവശ്യ​മു​ള്ള​തെ​ന്തു​കൊണ്ട്‌?

¹⁹ നിങ്ങൾ യഹോ​വ​യു​ടെ ഒരു ദാസനാ​ണെ​ങ്കിൽ അവിടത്തെ പരിശു​ദ്ധാ​ത്മാ​വി​നു​വേണ്ടി പ്രാർത്ഥി​ച്ചു​കൊ​ണ്ടി​രി​ക്കുക. വിശേ​ഷി​ച്ചും, ഇടപെ​ടാൻ വളരെ വിഷമം​പി​ടിച്ച ദുർഘ​ട​കാ​ല​ങ്ങ​ളോ​ടു​കൂ​ടിയ ഈ “അന്ത്യനാ​ളു​ക​ളിൽ” ക്രിസ്‌ത്യാ​നി​കൾക്കു ദൈവാ​ത്മാ​വി​ന്റെ സഹായം ആവശ്യ​മാണ്‌. (2 തിമൊ​ഥെ​യൊസ്‌ 3:1-5) സ്വർഗ്ഗ​ത്തിൽനി​ന്നു ബഹിഷ്‌ക്ക​രി​ക്ക​പ്പെട്ട്‌ ഇപ്പോൾ ഭൂമി​യു​ടെ പരിസ​രത്തു സ്ഥിതി​ചെ​യ്യുന്ന പിശാ​ചും അവന്റെ ഭൂതങ്ങ​ളും യഹോ​വ​യു​ടെ സ്ഥാപന​ത്തി​നെ​തി​രെ ഉഗ്ര​രോ​ഷ​ത്തി​ലാണ്‌. അതു​കൊണ്ട്‌, മുമ്പ്‌ എന്നത്തേ​തി​ലു​മ​ധി​ക​മാ​യി ഇന്നു ദൈവ​ജ​ന​ങ്ങൾക്ക്‌ അവരെ നയിക്കു​ന്ന​തി​നും അഥവാ വഴികാ​ട്ടു​ന്ന​തി​നും പീഡന​വും വിഷമ​സ​ന്ധി​ക​ളും സഹിക്കാൻ അവരെ പ്രാപ്‌ത​രാ​ക്കു​ന്ന​തി​നും അവിടത്തെ പരിശു​ദ്ധാ​ത്മാവ്‌ ആവശ്യ​മാണ്‌.—വെളി​പ്പാട്‌ 12:7-12.

20, 21. യഹോ​വ​യു​ടെ വചനത്തി​ന്റെ​യും ആത്മാവി​ന്റെ​യും സ്ഥാപന​ത്തി​ന്റെ​യും മാർഗ്ഗ​നിർദ്ദേശം പിൻപ​റ​റു​ന്ന​തെ​ന്തിന്‌?

²⁰ യഹോ​വ​യാം ദൈവം തന്റെ പരിശു​ദ്ധാ​ത്മാ​വു മുഖാ​ന്തരം പ്രദാ​നം​ചെ​യ്യുന്ന സഹായ​ത്തിന്‌ എല്ലായ്‌പ്പോ​ഴും വിലമ​തി​പ്പു പ്രകട​മാ​ക്കുക. അവിടത്തെ ആത്മനി​ശ്വസ്‌ത വചനമാ​കുന്ന ബൈബി​ളി​ന്റെ മാർഗ്ഗ​നിർദ്ദേശം പിൻപ​റ​റുക. ആത്മാവി​നാൽ നയിക്ക​പ്പെ​ടുന്ന ദൈവ​ത്തി​ന്റെ ഭൗമിക സ്ഥാപന​ത്തോ​ടു പൂർണ്ണ​മാ​യി സഹകരി​ക്കുക. പരിശു​ദ്ധാ​ത്മാ​വി​നെ ദുഃഖി​പ്പി​ക്കു​ന്ന​തി​നു​തു​ല്യ​മായ ഒരു തിരു​വെ​ഴു​ത്തു​വി​രുദ്ധ ഗതിയി​ലേക്കു തിരി​യാൻ ഒരിക്ക​ലും നിങ്ങ​ളെ​ത്തന്നെ അനുവ​ദി​ക്ക​രുത്‌, എന്തെന്നാൽ ഇത്‌ ഒടുവിൽ അതിനെ പിൻവ​ലി​ക്കു​ന്ന​തി​ലേ​ക്കും അങ്ങനെ ഒരു ആത്മീയ വിപത്തി​ലേ​ക്കും നയി​ച്ചേ​ക്കാം.—സങ്കീർത്തനം 51:11.

²¹ യഹോ​വയെ പ്രസാ​ദി​പ്പി​ക്കു​ന്ന​തി​നും സമാധാ​ന​പൂർണ്ണ​വും സന്തോ​ഷ​ക​ര​വു​മായ ഒരു ജീവിതം അനുഭ​വി​ക്കു​ന്ന​തി​നു​മുള്ള ഏക മാർഗ്ഗം അവിടത്തെ ആത്മാവി​നാൽ നയിക്ക​പ്പെ​ടു​ന്ന​താണ്‌. യേശു പരിശു​ദ്ധാ​ത്മാ​വി​നെ ഒരു “സഹായി” അഥവാ “ആശ്വാ​സകൻ” എന്നു വിളി​ച്ചു​വെ​ന്ന​തും ഓർക്കുക. (യോഹ​ന്നാൻ 14:16, അടിക്കു​റിപ്പ്‌) അതിനെ ഉപയോ​ഗിച്ച്‌ ദൈവം ക്രിസ്‌ത്യാ​നി​കളെ ആശ്വസി​പ്പി​ക്കു​ക​യും പരീക്ഷ​ണ​ങ്ങളെ അഭിമു​ഖീ​ക​രി​ക്കാൻ അവരെ ബലിഷ്‌ഠ​രാ​ക്കു​ക​യും ചെയ്യുന്നു. (2 കൊരി​ന്ത്യർ 1:3, 4) ആത്മാവ്‌ സുവാർത്ത പ്രസം​ഗി​ക്കാൻ യഹോ​വ​യു​ടെ ജനത്തെ ശക്തീക​രി​ക്കു​ക​യും ഒരു നല്ല സാക്ഷ്യം നൽകു​ന്ന​തിന്‌ ആവശ്യ​മായ തിരു​വെ​ഴു​ത്താ​ശ​യങ്ങൾ ഓർമ്മി​ക്കാൻ അവരെ സഹായി​ക്കു​ക​യും ചെയ്യുന്നു. (ലൂക്കൊസ്‌ 12:11, 12; യോഹ​ന്നാൻ 14:25, 26; പ്രവൃ​ത്തി​കൾ 1:4-8; 5:32) പ്രാർത്ഥ​ന​യി​ലൂ​ടെ​യും ആത്മാവി​ന്റെ മാർഗ്ഗ​നിർദ്ദേ​ശ​ത്തി​ലൂ​ടെ​യും ക്രിസ്‌ത്യാ​നി​കൾക്കു സ്വർഗ്ഗീയ ജ്ഞാന​ത്തോ​ടെ വിശ്വാ​സ​ത്തി​ന്റെ പരി​ശോ​ധ​ന​കളെ നേരി​ടാൻ കഴിയും. അതു​കൊണ്ട്‌, ജീവി​ത​ത്തി​ലെ എല്ലാ സാഹച​ര്യ​ങ്ങ​ളി​ലും അവർ ദൈവ​ത്തി​ന്റെ പരിശു​ദ്ധാ​ത്മാ​വി​നു​വേണ്ടി പ്രാർത്ഥി​ച്ചു​കൊ​ണ്ടി​രി​ക്കു​ന്നു. തൽഫല​മാ​യി യഹോ​വ​യു​ടെ ആത്മാവ്‌ അവിടത്തെ ജനത്തെ നയിക്കു​ന്നു. (w92 9⁄15)

[അടിക്കു​റിപ്പ്‌]

നിങ്ങളുടെ ഉത്തരങ്ങൾ എന്താണ്‌?

◻ യഹോ​വ​യു​ടെ പരിശു​ദ്ധാ​ത്മാ​വി​നു​വേണ്ടി പ്രാർത്ഥി​ക്കു​ന്ന​തെ​ന്തിന്‌?

◻ പരിശു​ദ്ധാ​ത്മാവ്‌ ഒരു സഹായി ആയിരി​ക്കു​തെ​ങ്ങനെ?

◻ ആത്മാവി​നെ ദുഃഖി​പ്പി​ക്കു​ക​യെ​ന്നാൽ എന്തർത്ഥ​മാ​ക്കു​ന്നു, നിങ്ങൾക്ക്‌ എങ്ങനെ അത്‌ ഒഴിവാ​ക്കാൻ കഴിയും?

◻ പരിശു​ദ്ധാ​ത്മാ​വി​നു​വേണ്ടി പ്രാർത്ഥി​ച്ചു​കൊ​ണ്ടി​രി​ക്കു​ക​യും അതിന്റെ നായക​ത്വം പിൻപ​റ​റു​ക​യും ചെയ്യേ​ണ്ടത്‌ എന്തു​കൊണ്ട്‌?

[15-ാം പേജിലെ ചിത്രം]

സ്‌നേഹമുള്ള ഒരു പിതാവു തന്റെ മകനു നല്ലവസ്‌തു​ക്കൾ കൊടു​ക്കു​ന്ന​തു​പോ​ലെ യഹോവ പരിശു​ദ്ധാ​ത്മാ​വി​നു​വേണ്ടി പ്രാർത്ഥി​ക്കുന്ന തന്റെ ദാസൻമാർക്ക്‌ അതു നൽകുന്നു

[17-ാം പേജിലെ ചിത്രം]

പ്രാർത്ഥനാനിരതരായ ക്രിസ്‌ത്യാ​നി​കൾക്കു​വേണ്ടി ദൈവാ​ത്മാവ്‌ എങ്ങനെ പ്രതി​വാ​ദി​ക്കു​ന്നു​വെന്നു നിങ്ങൾക്ക​റി​യാ​മോ?