“സുവാർത്ത​യെ​കു​റിച്ച്‌ ലജ്ജിക്കു​ന്നില്ല”

“ഞാൻ സുവാർത്ത​യെ​ക്കു​റി​ച്ചു ലജ്ജിക്കു​ന്നില്ല; അത്‌ യഥാർത്ഥ​ത്തിൽ വിശ്വാ​സ​മുള്ള ഏവനും രക്ഷക്കു​വേണ്ടി ദൈവ​ത്തി​ന്റെ ശക്തിയാ​കു​ന്നു.”—റോമർ 1:16.

1. സാധാ​ര​ണ​യാ​യി സുവാർത്ത എങ്ങനെ സ്വീക​രി​ക്ക​പ്പെ​ടു​ന്നു, എന്നാൽ ദൈവ​രാ​ജ്യ​സു​വാർത്തയെ വിശ്വാ​സ​മി​ല്ലാത്ത ലോക​ജ​നങ്ങൾ എങ്ങനെ വീക്ഷി​ക്കും?

ഒരാൾക്ക്‌ സുവാർത്ത​യാ​ണെന്നു കാണ​പ്പെ​ടു​ന്നത്‌ മറെറാ​രാ​ളാൽ സുവാർത്ത​യാ​യി വീക്ഷി​ക്ക​പ്പെ​ടാ​തി​രു​ന്നേ​ക്കാം. സാധാ​ര​ണ​യാ​യി, ഒരു സുവാർത്താ​വാ​ഹകൻ ഹാർദ്ദ​മായ സ്വാഗ​ത​ത്തോ​ടെ സ്വീക​രി​ക്ക​പ്പെ​ടു​ന്നു, വാർത്ത​കേൾക്കാൻ ആകാം​ക്ഷ​യുള്ള ഒരു കാത്‌ അയാളു​ടെ നേരെ തിരി​ക്ക​പ്പെ​ടും. എന്നിരു​ന്നാ​ലും, ലോക​ത്തി​ലെ വിശ്വാ​സ​മി​ല്ലാ​ത്ത​യാ​ളു​കൾ ദൈവ​രാ​ജ്യ സുവാർത്ത​യെ​യും അതിന്റെ രക്ഷാസ​ന്ദേ​ശ​ത്തെ​യും സന്തോ​ഷ​പ്ര​ദ​മെന്നു വീക്ഷി​ക്കു​ക​യി​ല്ലെന്ന്‌ ബൈബിൾ മുൻകൂ​ട്ടി​പ്പ​റഞ്ഞു.—2 കൊരി​ന്ത്യർ 2:15, 16 താരത​മ്യ​പ്പെ​ടു​ത്തുക.

2. അപ്പോ​സ്‌ത​ല​നായ പൗലോസ്‌ താൻ ഘോഷിച്ച സുവാർത്ത​യെ​ക്കു​റിച്ച്‌ എന്തു പറഞ്ഞു, അവൻ ഘോഷിച്ച സന്ദേശം ഇന്നും സുവാർത്ത​യാ​യി​രി​ക്കു​ന്ന​തെ​ന്തു​കൊണ്ട്‌?

² അപ്പോ​സ്‌ത​ല​നായ പൗലോസ്‌ പൊതു​ജ​ന​ങ്ങ​ളി​ലേക്കു സുവാർത്ത വഹിക്കാൻ അയക്കപ്പെട്ട ഒരുവ​നാ​യി​രു​ന്നു. അവൻ തന്റെ നിയോ​ഗ​ത്തെ​ക്കു​റിച്ച്‌ എങ്ങനെ​യാണ്‌ വിചാ​രി​ച്ചത്‌? അവൻ ഇങ്ങനെ പറഞ്ഞു: “റോമിൽ നിങ്ങ​ളോ​ടും സുവാർത്ത ഘോഷി​ക്കാൻ എന്റെ ഭാഗത്ത്‌ ആകാം​ക്ഷ​യുണ്ട്‌. എന്തെന്നാൽ ഞാൻ സുവാർത്ത​യെ​ക്കു​റിച്ച്‌ ലജ്ജിക്കു​ന്നില്ല.” (റോമർ 1:15, 16) പണ്ട്‌ റോമിൽവെച്ച്‌ അപ്പോ​സ്‌ത​ല​നായ പൗലോസ്‌ ക്രിസ്‌ത്യാ​നി​കൾക്ക്‌ എഴുതിയ ശേഷം ഏതാണ്ട്‌ 2,000 വർഷം കഴിഞ്ഞി​രി​ക്കുന്ന ഇന്നും വാർത്ത നല്ലതാ​യി​രി​ക്കു​ന്ന​തിന്‌ അത്‌ യഥാർത്ഥ​ത്തിൽ നിലനി​ല്‌ക്കുന്ന സുവാർത്ത​യാ​യി​രി​ക്കണം. യഥാർത്ഥ​ത്തിൽ അത്‌ “നിത്യ​സു​വാർത്ത”യാണ്‌.—വെളി​പ്പാട്‌ 14:6.

3, 4. താൻ സുവാർത്ത​യെ​ക്കു​റി​ച്ചു ലജ്ജിക്കു​ന്നി​ല്ലെന്ന്‌ അപ്പോ​സ്‌ത​ല​നായ പൗലോസ്‌ പറഞ്ഞ​തെ​ന്തു​കൊണ്ട്‌?

³ താൻ സുവാർത്ത​യെ​ക്കു​റി​ച്ചു ലജ്ജിക്കു​ന്നി​ല്ലെന്ന്‌ അപ്പോ​സ്‌ത​ല​നായ പൗലോസ്‌ പറഞ്ഞ​തെ​ന്തു​കൊ​ണ്ടാ​യി​രു​ന്നു? അവന്‌ അതി​നെ​ക്കു​റിച്ച്‌ ലജ്ജിക്കാ​മാ​യി​രു​ന്ന​തെ​ന്തു​കൊണ്ട്‌? എന്തു​കൊ​ണ്ടെ​ന്നാൽ അത്‌ ജനപ്രീ​തി​യു​ണ്ടാ​യി​രുന്ന ഒരു സന്ദേശ​മാ​യി​രു​ന്നില്ല, കാരണം, അതിന്‌ ഒരു നിന്ദി​ത​നായ കുററ​പ്പു​ള്ളി​യു​ടെ രീതി​യിൽ ഒരു ദണ്ഡനസ്‌തം​ഭ​ത്തിൽ തറക്കപ്പെട്ട ഒരു മനുഷ്യ​നോ​ടാ​യി​രു​ന്നു ബന്ധമു​ണ്ടാ​യി​രു​ന്നത്‌, തീർച്ച​യാ​യും അവനെ സകല ബാഹ്യ​പ്ര​കൃ​തി​യു​മ​നു​സ​രിച്ച്‌ വളരെ മോശ​മായ ഒരു സ്ഥിതി​യി​ലാ​ക്കി​യി​രു​ന്നു. ഈ മനുഷ്യൻ മൂന്നര വർഷം പലസ്‌തീ​നിൽ സുവാർത്ത​യു​മാ​യി അങ്ങോ​ള​മി​ങ്ങോ​ളം നടക്കു​ക​യും യഹൂദൻമാ​രിൽനിന്ന്‌, വിശേ​ഷാൽ മതനേ​താ​ക്കൻമാ​രിൽനിന്ന്‌, കടുത്ത എതിർപ്പി​നെ അഭിമു​ഖീ​ക​രി​ക്കു​ക​യും​ചെ​യ്‌തി​രു​ന്നു. ഇപ്പോൾ പൗലോസ്‌ പുച്ഛി​ക്ക​പ്പെട്ട ആ മമനു​ഷ്യ​ന്റെ നാമം വഹിച്ചു​കൊണ്ട്‌ സമാന​മായ ശത്രു​തയെ അഭിമു​ഖീ​ക​രി​ക്കു​ക​യാ​യി​രു​ന്നു.—മത്തായി 9:35; യോഹ​ന്നാൻ 11:46-48, 53; പ്രവൃ​ത്തി​കൾ 9:15, 20, 23.

⁴ അങ്ങനെ​യുള്ള എതിർപ്പു​നി​മി​ത്തം, പൗലോ​സും യേശു​ക്രി​സ്‌തു​വി​ന്റെ സഹശി​ഷ്യൻമാ​രും ലജ്ജിക്കേണ്ട എന്തോ ഉള്ളവരാ​യി വീക്ഷി​ക്ക​പ്പെ​ട്ടി​രു​ന്നി​രി​ക്കാം. തീർച്ച​യാ​യും, പൗലോ​സ്‌തന്നെ മുമ്പ്‌ ലജ്ജാക​ര​മെന്നു വീക്ഷി​ച്ചി​രുന്ന ഒന്നി​നോ​ടു ഇപ്പോൾ പററി​നി​ന്നു. യേശു​ക്രി​സ്‌തു​വി​ന്റെ അനുഗാ​മി​ക​ളു​ടെ​മേൽ നിന്ദ കുന്നി​ക്കു​ന്ന​തിൽ അവൻതന്നെ വ്യക്തി​പ​ര​മാ​യി പങ്കുപ​റ​റി​യി​രു​ന്നു. (പ്രവൃ​ത്തി​കൾ 26:9-11) എന്നാൽ അവൻ ആ പ്രവർത്ത​ന​ഗതി നിർത്തി​യി​രു​ന്നു. തത്‌ഫ​ല​മാ​യി, ക്രിസ്‌ത്യാ​നി​ക​ളാ​യി​ത്തീർന്ന മററു​ള്ള​വ​രോ​ടു​കൂ​ടെ അവൻ ഉഗ്രമായ പീഡന​മ​നു​ഭ​വി​ച്ചു.—പ്രവൃ​ത്തി​കൾ 11:26.

5. താൻ സുവാർത്ത​യെ​ക്കു​റി​ച്ചു ലജ്ജിക്കു​ന്നി​ല്ലെ​ന്നുള്ള തന്റെ പ്രസ്‌താ​വ​നയെ പൗലോസ്‌ എങ്ങനെ വിശദീ​ക​രി​ച്ചു?

⁵ യേശു​ക്രി​സ്‌തു​വി​ന്റെ ഒരു അനുഗാ​മി​യാ​യി​രി​ക്കു​ന്ന​തിൽ ലജ്ജതോ​ന്നാൻ ഒരു വ്യക്തി സ്വയം അനുവ​ദി​ക്കു​ന്നു​വെ​ങ്കിൽ അയാൾ ഒരു മാനു​ഷ​വീ​ക്ഷണം കൈ​ക്കൊ​ള്ളു​ക​യാ​യി​രി​ക്കും. അപ്പോ​സ്‌ത​ല​നായ പൗലോസ്‌ അതു​പോ​ലെ​യാ​യി​രു​ന്നില്ല. എന്നാൽ, താൻ പ്രസം​ഗിച്ച സുവാർത്ത​യെ​ക്കു​റിച്ച്‌ ലജ്ജിക്കാ​ത്ത​തി​ന്റെ വിശദീ​ക​ര​ണ​മെന്ന നിലയിൽ അവൻ ഇങ്ങനെ പറഞ്ഞു: “അത്‌ യഥാർത്ഥ​ത്തിൽ വിശ്വാ​സ​മുള്ള ഏവനും രക്ഷക്കു​വേ​ണ്ടി​യുള്ള ദൈവ​ത്തി​ന്റെ ശക്തിയാ​കു​ന്നു.” (റോമർ 1:16) ദൈവ​ത്തി​ന്റെ ശക്തി, യേശു​ക്രി​സ്‌തു​തന്നെ ഒരു ആരാധ​ക​നും സ്‌തു​തി​പാ​ഠ​ക​നു​മാ​യി​രുന്ന മഹത്വ​മുള്ള ദൈവ​ത്തി​ന്റെ സ്‌തു​ത്യർഹ​മായ ഉദ്ദേശ്യ​ത്തി​ന്റെ സാക്ഷാ​ത്‌ക്കാ​ര​ത്തിന്‌ യേശു​വി​ന്റെ ഒരു ശിഷ്യ​നി​ലൂ​ടെ പ്രവർത്തി​ക്കു​ന്നു​വെ​ങ്കിൽ അത്‌ ലജ്ജാകാ​ര​ണ​മാ​യി​രി​ക്കു​ന്നില്ല.—1 കൊരി​ന്ത്യർ 1:18; 9:22, 23 താരത​മ്യ​പ്പെ​ടു​ത്തുക.

ലോക​വ്യാ​പ​ക​മാ​യി സുവാർത്ത ഘോഷി​ക്ക​പ്പെ​ടു​ന്നു

6, 7. (എ) യഹോ​വ​യു​ടെ സാക്ഷികൾ സുവാർത്ത​സം​ബ​ന്ധിച്ച എന്തു ഉത്തരവാ​ദി​ത്ത​ങ്ങൾക്ക​നു​സൃ​ത​മാ​യി ജീവി​ക്കാൻ ശ്രമി​ക്കു​ന്നു, എന്തു ഫലത്തോ​ടെ? (ബി) ഒരു സാക്ഷ്യം കൊടു​ക്കു​ന്ന​തിൽനിന്ന്‌ ഭയം നമ്മെ പിന്തി​രി​പ്പി​ക്കാൻ നാം ഒരിക്ക​ലും ആഗ്രഹി​ക്കു​ന്നി​ല്ലെ​ങ്കി​ലും ചില സമയങ്ങ​ളിൽ എന്താവ​ശ്യ​മാ​യി​രി​ക്കാം? (അടിക്കു​റി​പ്പു കാണുക.)

⁶ പൗലോ​സി​നെ​പ്പോ​ലെ, ഇന്നത്തെ യഹോ​വ​യു​ടെ സാക്ഷികൾ അവന്റെ മഹത്വീ​ക​രി​ക്ക​പ്പെട്ട പുത്രന്റെ ശിഷ്യ​രാണ്‌. യഹോവ തന്റെ ഈ സാക്ഷി​കളെ “മഹത്തായ സുവാർത്ത”യാകുന്ന ഈ നിക്ഷേപം ഭരമേ​ല്‌പി​ച്ചി​രി​ക്കു​ന്നു. (1 തിമൊ​ഥെ​യോസ്‌ 1:11) യഹോ​വ​യു​ടെ സാക്ഷികൾ ഈ സ്വർഗ്ഗീയ ഉത്തരവാ​ദി​ത്ത​ത്തി​ന​നു​സൃ​ത​മാ​യി ജീവി​ക്കു​ന്ന​തിൽ പരാജ​യ​പ്പെ​ട്ടി​ട്ടില്ല. അതി​നെ​ക്കു​റിച്ച്‌ ലജ്ജിക്കാ​തി​രി​ക്കാൻ അവർ പ്രോൽസാ​ഹി​പ്പി​ക്ക​പ്പെ​ടു​ന്നു. (2 തിമൊ​ഥെ​യോസ്‌ 1:8) ഒരു സാക്ഷ്യം നൽകു​ന്ന​തിൽനി​ന്നും നമ്മേത്തന്നെ യഹോ​വ​യു​ടെ സാക്ഷി​ക​ളാ​യി തിരി​ച്ച​റി​യി​ക്കു​ന്ന​തിൽനി​ന്നും നമ്മെ പിന്തി​രി​പ്പി​ക്കു​ന്ന​തിന്‌ ഭയത്തെ​യോ ഭീരു​ത​യെ​യോ ഒരിക്ക​ലും അനുവ​ദി​ക്കാ​തി​രി​ക്കു​ന്നത്‌ മർമ്മ​പ്ര​ധാ​ന​മാണ്‌.a

⁷ അത്തരം ധീരവും നിർഭ​യ​വു​മായ സാക്ഷീ​ക​രണം അത്യുന്നത ദൈവ​ത്തി​ന്റെ നാമം ഭൂമി​യി​ലു​ട​നീ​ളം ഘോഷി​ക്ക​പ്പെ​ടു​ന്ന​തി​ലും ലോക​വ്യാ​പ​ക​മായ തോതിൽ അവന്റെ രാജ്യ​സു​വാർത്ത പ്രസം​ഗി​ക്ക​പ്പെ​ടു​ന്ന​തി​ലും കലാശി​ച്ചി​രി​ക്കു​ന്നു. ദൈവ​പു​ത്രൻ ഇങ്ങനെ പറഞ്ഞു: “രാജ്യ​ത്തി​ന്റെ ഈ സുവാർത്ത സകല ജനതകൾക്കും സാക്ഷ്യ​മാ​യി നിവസി​ത​ഭൂ​മി​യി​ലെ​ല്ലാം പ്രസം​ഗി​ക്ക​പ്പെ​ടും; അപ്പോൾ അവസാനം വരും,” ഈ പ്രവചനം ഒരിക്ക​ലും പരാജ​യ​പ്പെ​ടാ​നി​ട​യാ​ക്കാൻ കഴിയു​ന്നതല്ല. (മത്തായി 24:14) ഇപ്പോൾ സുവാർത്ത 210-ൽപരം രാജ്യ​ങ്ങ​ളിൽ പ്രസം​ഗി​ക്ക​പ്പെ​ടു​ന്നുണ്ട്‌, ഈ പ്രസം​ഗ​വേ​ല​യു​ടെ അവസാ​ന​ത്തി​ലി​തു​വരെ എത്തിയി​ട്ടില്ല. സുവാർത്ത​യിൽ ലജ്ജിക്കാ​തെ​യും ഭാവിയെ സധീരം അഭിമു​ഖീ​ക​രി​ച്ചു​കൊ​ണ്ടും നാം യേശു​ക്രി​സ്‌തു​വി​ന്റെ ആദിമ​ശി​ഷ്യ​രെ​പ്പോ​ലെ പ്രാർത്ഥി​ക്കു​ന്നു: “ഇപ്പോൾ യഹോവേ, . . . നിന്റെ വചനം സകല ധൈര്യ​ത്തോ​ടും​കൂ​ടെ പ്രസം​ഗി​ച്ചു​കൊ​ണ്ടി​രി​ക്കാൻ നിന്റെ അടിമ​കളെ അനുവ​ദി​ക്കേ​ണമേ.”—പ്രവൃ​ത്തി​കൾ 4:29.

8. ഭൂമി​യി​ലെ സകല രാഷ്‌ട്ര​ങ്ങ​ളി​ലു​മുള്ള എതിർപ്പി​നാൽ യഹോ​വ​യു​ടെ സാക്ഷികൾ നിരുൽസാ​ഹി​ത​രാ​ക​രു​താ​ത്ത​തെ​ന്തു​കൊണ്ട്‌?

⁸ യഹോ​വ​യു​ടെ സാക്ഷികൾ ഭൂമി​യി​ലെ സകല രാഷ്‌ട്ര​ങ്ങ​ളി​ലും ദ്വേഷി​ക്ക​പ്പെ​ടു​ക​യും എതിർക്ക​പ്പെ​ടു​ക​യും ചെയ്യു​ന്നു​വെ​ന്നത്‌ സത്യമാ​ണെ​ങ്കി​ലും അത്‌ ജീവനുള്ള ഏകസത്യ​ദൈ​വ​ത്തി​ന്റെ യഥാർത്ഥ ആരാധ​കരെ തിരി​ച്ച​റി​യി​ക്കുന്ന ഒരടയാ​ള​മാ​യി​രി​ക്കു​മെന്നു മുൻകൂ​ട്ടി​പ്പ​റ​യ​പ്പെ​ട്ട​തി​ന്റെ നിവൃ​ത്തി​യാ​യി​ട്ടാണ്‌. (യോഹ​ന്നാൻ 15:20, 21; 2 തിമൊ​ഥെ​യോസ്‌ 3:12) അതു​കൊണ്ട്‌ ഇതിനാൽ നിരുൽസാ​ഹി​ത​രോ നിരാ​ശി​ത​രോ ആകുന്ന​തി​നു പകരം സുവാർത്താ​ഘോ​ഷ​കർക്ക്‌ ദിവ്യാം​ഗീ​കാ​ര​മു​ണ്ടെ​ന്നും സാർവ​ത്രി​ക​പ​ര​മാ​ധി​കാ​രി​യായ യഹോ​വ​യു​ടെ അംഗീ​കൃ​ത​സ്ഥാ​പ​ന​ത്തിൽപെ​ട്ട​വ​രാ​ണെ​ന്നും അവർക്ക്‌ വീണ്ടും ഉറപ്പു​ല​ഭി​ക്കു​ന്നു.

9. മുഴു​ലോ​ക​വും നമു​ക്കെ​തി​രാ​ണെ​ന്നു​ള്ള​തിൽ കാര്യ​മി​ല്ലാ​ത്ത​തെ​ന്തു​കൊണ്ട്‌?

⁹ ഇത്‌ ഒരിക്ക​ലും മറക്കരുത്‌: സകല അഖിലാ​ണ്ഡ​ത്തി​ന്റെ​യും അത്യുന്നത ദൈവ​ത്തി​ന്റെ പിന്തുണ നമുക്കുണ്ട്‌. അതു​കൊണ്ട്‌, സകല മതവി​ഭാ​ഗ​ങ്ങ​ളോ​ടും രാഷ്‌ട്രീ​യ​ക​ക്ഷി​ക​ളോ​ടും​കൂ​ടിയ ലോകം നമു​ക്കെ​തി​രാ​ണെ​ങ്കി​ലെന്ത്‌? മുഴു​ലോ​ക​വും ദൈവ​ത്തി​ന്റെ ഏകജാ​ത​പു​ത്ര​നെ​തി​രാ​യി​രു​ന്നു. നാം അതേ സാഹച​ര്യ​ത്തി​ലാ​യി​രി​ക്കു​ന്ന​തിൽ ലജ്ജിതരല്ല. അവൻ തന്റെ അപ്പോ​സ്‌ത​ലൻമാ​രോ​ടു പറഞ്ഞതു​പോ​ലെ: “ലോകം നിങ്ങളെ വെറു​ക്കു​ന്നു​വെ​ങ്കിൽ, അത്‌ നിങ്ങളെ വെറു​ക്കു​ന്ന​തി​നു​മുമ്പ്‌ എന്നെ വെറു​ത്തി​രി​ക്കു​ന്നു​വെന്ന്‌ നിങ്ങൾക്ക​റി​യാം. നിങ്ങൾ ലോക​ത്തി​ന്റെ ഭാഗമാ​യി​രു​ന്നെ​ങ്കിൽ, ലോകം അതിന്റെ സ്വന്തമാ​യ​തി​നെ ഇഷ്‌ട​പ്പെ​ടു​മാ​യി​രു​ന്നു. ഇപ്പോൾ നിങ്ങൾ ലോക​ത്തി​ന്റെ ഭാഗമാ​യി​രി​ക്കാ​തെ ഞാൻ നിങ്ങളെ ലോക​ത്തിൽനിന്ന്‌ തെര​ഞ്ഞെ​ടു​ത്തി​രി​ക്കു​ന്ന​തു​കൊണ്ട്‌, ആ കാരണ​ത്താൽ ലോകം നിങ്ങളെ വെറു​ക്കു​ന്നു.”—യോഹ​ന്നാൻ 15:18, 19.

10. സാക്ഷി​ക​ളു​ടെ പീഡന​ത്തി​ല​ധി​ക​വും ഏത്‌ ഉറവിൽനിന്ന്‌ വന്നിരി​ക്കു​ന്നു, അവർ അതി​നെ​ക്കു​റിച്ച്‌ ലജ്ജിക്കു​ന്നി​ല്ലാ​ത്ത​തെ​ന്തു​കൊണ്ട്‌?

¹⁰ യഹോ​വ​യു​ടെ സാക്ഷികൾ ലോക​ത്തി​ലെ​ങ്ങും, എന്നാൽ അത്യന്തം പ്രമു​ഖ​മാ​യി ക്രൈ​സ്‌ത​വ​ലോ​ക​മെന്നു വിളി​ക്ക​പ്പെ​ടു​ന്നി​ടത്തെ രാഷ്‌ട്ര​ങ്ങ​ളിൽ, അങ്ങനെ പീഡനം സഹിച്ചി​രി​ക്കു​ന്നു. ക്രൈ​സ്‌ത​വ​ലോ​ക​ത്താ​ലുള്ള അങ്ങനെ​യുള്ള പീഡനം സാക്ഷികൾ ക്രിസ്‌തീ​യേ​ത​ര​രാ​ണെന്ന്‌ തെളി​യി​ക്കു​ന്നില്ല. പകരം, അത്‌ അവർ യഥാർത്ഥ​ക്രി​സ്‌ത്യാ​നി​ക​ളാ​ണെ​ന്നുള്ള അവരുടെ അവകാ​ശ​വാ​ദ​ത്തി​നു തെളി​വു​നൽകു​ന്നു, യേശു​ക്രി​സ്‌തു​വി​ന്റെ ദൈവ​വും പിതാ​വു​മായ യഹോ​വ​യു​ടെ സാക്ഷി​ക​ളാ​ണെ​ന്നു​തന്നെ. അവർ ദൈവ​ത്തി​ന്റെ സാക്ഷി​ക​ളാ​യി​രി​ക്കു​ന്ന​തു​കൊണ്ട്‌ അവർ അങ്ങനെ​യുള്ള മതപര​മായ കാരണ​ങ്ങ​ളാൽ പീഡന​മ​നു​ഭ​വി​ക്കു​മ്പോൾ അവർ ലജ്ജിക്കു​ന്നില്ല. അതു​കൊണ്ട്‌, ലജ്ജിക്ക​രു​തെ​ന്നുള്ള ഒന്നാം നൂററാ​ണ്ടി​ലെ ക്രിസ്‌ത്യാ​നി​ക​ളോ​ടുള്ള അപ്പോ​സ്‌ത​ല​നായ പൗലോ​സി​ന്റെ ബുദ്ധി​യു​പ​ദേശം ഇപ്പോൾ യഹോ​വ​യു​ടെ സാക്ഷി​കൾക്ക്‌ ഉചിത​മാ​യി ബാധക​മാ​കു​ന്നു.—ഫിലി​പ്പി​യർ 1:27-29 കാണുക.

ഘോഷി​ക്കാ​വു​ന്ന​തി​ലേ​ക്കും ഏററം നല്ല വാർത്ത

11. യഹോ​വ​യു​ടെ സാക്ഷികൾ എന്ന പേർ സ്വീക​രി​ച്ച​തി​നാൽ നാം യേശു​ക്രി​സ്‌തു​വി​ന്റെ അനുഗാമികളല്ലാതായിത്തീരുന്നില്ലാത്തതെന്തുകൊണ്ട്‌?

¹¹ യഹോ​വ​യു​ടെ സാക്ഷികൾ അവന്റെ ഉടമ്പടി​ജ​ന​ത്തോ​ടുള്ള യെശയ്യാവ്‌ 43:10ലെ അവന്റെ വാഗ്‌ദ​ത്ത​ത്തി​ന്റെ നിവൃ​ത്തി​യാ​യി ധൈര്യ​പൂർവം തങ്ങളുടെ നാമം സ്വീക​രി​ച്ചി​രി​ക്കു​ന്നു. എന്നിരു​ന്നാ​ലും, അവർ മേലാൽ യേശു​ക്രി​സ്‌തു​വി​നെ പിന്തു​ട​രു​ന്നി​ല്ലെന്ന്‌ അതർത്ഥ​മാ​ക്കു​ന്നില്ല. യേശു​വാണ്‌ അവരുടെ നേതാവ്‌, അവന്റെ മാതൃ​ക​യാണ്‌ അവർ പിന്തു​ട​രു​ന്നത്‌. അവൻതന്നെ യഹോ​വ​യു​ടെ സാക്ഷി​ക​ളി​ലൊ​രാ​ളാണ്‌. യഥാർത്ഥ​ത്തിൽ, അവൻ യഹോ​വ​യു​ടെ മുഖ്യ​സാ​ക്ഷി​യാണ്‌.—1 തിമൊ​ഥെ​യോസ്‌ 6:13; വെളിപ്പാട്‌1:5.

12. യഹോ​വ​യു​ടെ സാക്ഷികൾ ലോക​വ്യാ​പ​ക​മാ​യി ഏതുതരം വാർത്ത​യാണ്‌ പ്രസം​ഗി​ക്കു​ന്നത്‌, എന്തു​കൊണ്ട്‌?

¹² യഹോ​വ​യു​ടെ ഈ സാക്ഷികൾ ലോക​വ്യാ​പ​ക​മാ​യി പ്രസം​ഗി​ക്കുന്ന സന്ദേശം, ഘോഷി​ക്കാൻ കഴിയു​ന്ന​തി​ലേ​ക്കും ഏററം നല്ല വാർത്ത​യാണ്‌. മനുഷ്യ​വർഗ്ഗ​ലോ​ക​ത്തിൻമേൽ ഭരിക്കാൻ യഹോവ സ്ഥാപി​ച്ചി​രി​ക്കുന്ന മശി​ഹൈ​ക​രാ​ജ്യ​ത്തെ​ക്കാൾ മെച്ചമായ ഒരു ഗവൺമെൻറ്‌ മനുഷ്യ​വർഗ്ഗ​ത്തിന്‌ ഉണ്ടായി​രി​ക്കാൻ കഴിയു​ന്നതല്ല, അവരെ വീണ്ടെ​ടു​ക്കാ​നാണ്‌ അവൻ തന്റെ ഏകജാ​ത​നായ പുത്രനെ അയച്ചത്‌. (യെശയ്യാവ്‌ 9:6, 7) രാജ്യ​സു​വാർത്ത പ്രസം​ഗി​ക്ക​പ്പെ​ടുന്ന ഭൂവാ​സി​കൾക്ക്‌ അതു സ്വീക​രി​ക്കു​ന്ന​തി​നും ഒരു പറുദീ​സാ​ഭൂ​മി​യി​ലെ മാനു​ഷ​പൂർണ്ണ​ത​യി​ലുള്ള നിത്യ​ജീ​വന്റെ ദാനത്തിന്‌ യോഗ്യ​രെന്ന്‌ തെളി​യി​ക്കു​ന്ന​തി​നു​മുള്ള അവസരം കൊടു​ക്ക​പ്പെ​ടു​ക​യാണ്‌.

13. മശി​ഹൈ​ക​രാ​ജ്യ​ഗ​വൺമെൻറാ​യി​രി​ക്കും ഏററം നല്ലതെന്ന്‌ നമുക്ക്‌ ഉറപ്പു​ണ്ടാ​യി​രി​ക്കാൻ കഴിയു​ന്ന​തെ​ന്തു​കൊണ്ട്‌, സാക്ഷികൾ ലജ്ജകൂ​ടാ​തെ എന്തു ശുപാർശ​ചെ​യ്യു​ന്നു?

¹³ തീർച്ച​യാ​യും തന്റെ പ്രജക​ളാ​യി​ത്തീ​രാ​നു​ള്ള​വരെ വീണ്ടെ​ടു​ക്കാൻ ഒരു ക്രൂര​മ​ര​ണ​ത്തി​നു വിധേ​യ​നാ​കു​ന്ന​തിന്‌ യേശു​വി​നു മനസ്സാ​യി​രു​ന്നെ​ങ്കിൽ ഏററവും നല്ലതിൽ കുറഞ്ഞ ഒരു ഗവൺമെൻറാ​യി​രി​ക്കു​ക​യില്ല അവൻ അവർക്കു കൊടു​ക്കു​ന്ന​തെന്ന്‌ തീർച്ച​യാണ്‌. ഭൂമി​യി​ലെ ഓരോ മനുഷ്യ​ജീ​വി​യോ​ടും ഞങ്ങൾ ശുപാർശ​ചെ​യ്യു​ക​യാണ്‌: ആ ഗവൺമെൻറി​ന്റെ വിശ്വ​സ്‌ത​നും അനുസ​ര​ണ​മു​ള്ള​വ​നു​മായ ഒരു പ്രജയാ​യി​ത്തീ​രുക. നാം സകല മനുഷ്യ​വർഗ്ഗ​ത്തി​നും ആത്മാർത്ഥ​മാ​യി ശുപാർശ​ചെ​യ്യുന്ന ഗവൺമെൻറി​നെ​ക്കു​റിച്ച്‌ നാം ലജ്ജിക്കു​ന്നില്ല. ഈ രാജ്യം പ്രസം​ഗി​ക്കു​ന്ന​തിൽനിന്ന്‌ നാം പിൻമാ​റു​ന്നില്ല, ഈ ഗതി നമുക്കു പീഡനം വരുത്തി​യാ​ലും. അപ്പോ​സ്‌ത​ല​നായ പൗലോ​സി​നെ​പ്പോ​ലെ “ഞാൻ സുവാർത്ത​യെ​ക്കു​റിച്ച്‌ ലജ്ജിക്കു​ന്നില്ല” എന്ന്‌ നമ്മി​ലോ​രോ​രു​ത്ത​രും പറയുന്നു.

14. യേശു പറഞ്ഞത​നു​സ​രിച്ച്‌, നമ്മുടെ നാളിൽ രാജ​പ്ര​സം​ഗം എത്ര വിപു​ല​വ്യാ​പ​ക​മാ​യി​രി​ക്കും?

¹⁴ രാജ്യ​സു​വാർത്ത​യു​ടെ പ്രസംഗം ഒരു ലോക​വ്യാ​പ​ക​മായ തോതി​ലാ​യി​രി​ക്കു​മെന്ന്‌ യേശു മുൻകൂ​ട്ടി​പ്പ​റഞ്ഞു. ഈ വിപു​ല​മായ, സമഗ്ര​മായ പ്രവചനം അങ്ങനെ​യുള്ള ഒരു സന്ദേശ​ത്തിന്‌ സമുചി​ത​മാ​യി​രു​ന്നു. (മർക്കോസ്‌ 13:10) യഹോ​വ​യു​ടെ രാജ്യ​ത്തി​ന്റെ പ്രസംഗം അതിവി​ദൂ​ര​ഭാ​ഗ​ത്തോ​ളം—അതെ, ഭൂമി​യു​ടെ അറുതി​ക​ളോ​ളം​തന്നെ—നടക്കു​മെന്ന്‌ മുൻകൂ​ട്ടി​പ്പ​റ​യാൻ യേശു​വി​നു വൈമ​ന​സ്യ​മി​ല്ലാ​യി​രു​ന്നു. (പ്രവൃത്തി 1:8) ആളുകളെ കണ്ടെത്താൻ കഴിയുന്ന എവി​ടെ​യും അവരെ രാജ്യ​സു​വാർത്ത​യു​മാ​യി സമീപി​ക്കാൻ അവന്റെ വിശ്വസ്‌ത അനുഗാ​മി​കൾ ഒരു ആത്മാർത്ഥ​ശ്രമം നടത്തു​മെന്ന്‌ യേശു​വിന്‌ അറിയാ​മാ​യി​രു​ന്നു.

15, 16. (എ) സുവാർത്ത​യു​മാ​യി സമീപി​ക്ക​പ്പെ​ടാൻ ആർ അർഹരാണ്‌? (ബി) പിശാ​ചി​ന്റെ സ്ഥാപന​ത്താ​ലുള്ള പീഡന​മു​ണ്ടാ​യാ​ലും പ്രസം​ഗ​വേല പൂർത്തീ​ക​രി​ക്ക​പ്പെ​ടു​ന്ന​തെ​ന്തു​കൊണ്ട്‌?

¹⁵ ഇന്ന്‌ ഭൂനി​വാ​സി​കൾ ശതകോ​ടി​ക്ക​ണ​ക്കി​നുണ്ട്‌, എല്ലാ ഭൂഖണ്ഡ​ങ്ങ​ളി​ലും മുഖ്യ സമു​ദ്ര​ദ്വീ​പു​ക​ളി​ലും വ്യാപി​ച്ചു​കി​ട​ക്കു​ക​യു​മാണ്‌. എന്നിരു​ന്നാ​ലും, നിവസി​ത​ഭൂ​മി​യു​ടെ യാതൊ​രു ഭാഗവും സുവാർത്ത​യു​മാ​യി എത്താൻ ഒരു ശ്രമം​ന​ട​ത്താൻ കഴിയാ​ത്ത​വണ്ണം യഹോ​വ​യു​ടെ സാക്ഷി​കൾക്ക്‌ അത്ര വിദൂ​ര​ത്തി​ലാ​യി​രി​ക്കു​ന്നില്ല. സകല നിവസി​ത​ഭൂ​മി​യും യഹോ​വ​യാം ദൈവ​ത്തി​ന്റെ പ്രതീ​കാ​ത്മക പാദപീ​ഠ​മാണ്‌. (യെശയ്യാവ്‌ 66:1) ഈ പാദപീ​ഠ​ത്തി​ന്റെ ഏതു ഭാഗത്തു​മുള്ള മനുഷ്യ​ജീ​വി​കൾ ഈ രക്ഷാദൂ​തു​മാ​യി സമീപി​ക്ക​പ്പെ​ടു​ന്ന​തിന്‌ അർഹത​യു​ള്ള​വ​രാണ്‌.

¹⁶ ഇന്നത്തെ സുവാർത്ത മശിഹ​യു​ടെ കൈക​ളിൽ ഇപ്പോൾത്തന്നെ സ്ഥാപി​ക്ക​പ്പെ​ട്ടി​രി​ക്കുന്ന ഒരു രാജകീ​യ​ഗ​വൺമെൻറി​നെ​ക്കു​റി​ച്ചുള്ള ഒരു സന്തുഷ്ട​വാർത്ത​യാണ്‌. പിശാ​ചി​ന്റെ സ്ഥാപന​ത്തി​ന്റെ ഭാഗത്തെ അതിദു​ഷ്ട​മായ പീഡന​മു​ണ്ടാ​യാ​ലും ഒരു സ്ഥാപി​ത​വ​സ്‌തു​ത​യെന്ന നിലയിൽ “രാജ്യ​ത്തി​ന്റെ ഈ സുവാർത്ത” “സകല നിവസി​ത​ഭൂ​മി​യി​ലും പ്രസം​ഗി​ക്ക​പ്പെടേ”ണ്ടതിന്‌ പരിധി​യോ​ളം​തന്നെ പോകാൻ ദൈവാ​ത്മാവ്‌ മശിഹാ​യു​ടെ യഥാർത്ഥ അനുഗാ​മി​കളെ പ്രേരി​പ്പി​ക്കു​മെന്ന്‌ യേശു​വിന്‌ അറിയാ​മാ​യി​രു​ന്നു.—മത്തായി 24:14.

യേശു​ക്രി​സ്‌തു​വി​നെ​യും യഹോ​വ​യെ​യും കുറിച്ച്‌ ലജ്ജിക്കു​ന്നി​ല്ല

17. (എ) സത്യാ​രാ​ധകർ എന്തി​നെ​ക്കു​റിച്ച്‌ ലജ്ജിക്കു​ന്നില്ല? (ബി) യേശു മർക്കോസ്‌ 8:38-ൽ ഏതു ചട്ടം വിവരി​ച്ചു, അതിന്റെ പ്രാധാ​ന്യം എന്താണ്‌?

¹⁷ അത്യു​ന്ന​ത​ദൈവം തനിക്കു​തന്നെ യഹോവ എന്ന ഒരു നാമം കൊടു​ക്കാൻ വിമു​ഖ​നാ​യി​രു​ന്നില്ല; അവന്റെ വിശ്വസ്‌ത ആരാധകർ ആ നാമ​ത്തെ​ക്കു​റിച്ച്‌ ലജ്ജിത​രാ​യി​രി​ക്കു​ക​യു​മ​രുത്‌. സത്യാ​രാ​ധകർ അവന്‌ അവിഭ​ക്ത​മായ ആരാധ​ന​യും അനുസ​ര​ണ​വും കൊടു​ക്കു​ന്ന​വ​രെന്ന നിലയിൽ അറിയ​പ്പെ​ടാ​നും തിരി​ച്ച​റി​യ​പ്പെ​ടാ​നും സന്തോ​ഷ​മു​ള്ള​വ​രാണ്‌. യേശു തന്നെക്കു​റി​ച്ചു​തന്നെ മർക്കോസ്‌ 8:38-ൽ ഈ ചട്ടം അഥവാ തത്വം വെച്ചു: “ഈ വ്യഭി​ചാ​ര​വും പാപവു​മുള്ള തലമു​റ​യിൽ എന്നെയും എന്റെ വചനങ്ങ​ളെ​യും കുറിച്ച്‌ ആർതന്നെ ലജ്ജിച്ചാ​ലും അവനെ​ക്കു​റിച്ച്‌ മനുഷ്യ​പു​ത്രൻ തന്റെ പിതാ​വി​ന്റെ മഹത്വ​ത്തിൽ വിശു​ദ്ധ​ദൂ​തൻമാ​രു​മാ​യി വരു​മ്പോൾ ലജ്ജിക്കും.” അതു​പോ​ലെ​തന്നെ, കർത്താ​വായ യേശു​ക്രി​സ്‌തു​വി​ന്റെ ദൈവ​വും പിതാ​വു​മാ​യ​വ​നെ​ക്കു​റിച്ച്‌ ആർ ലജ്ജിച്ചാ​ലും ഉചിത​മാ​യി അങ്ങനെ​യു​ള്ള​വ​നെ​ക്കു​റിച്ച്‌ യഹോവ ലജ്ജിക്കും. അതു​കൊണ്ട്‌ അവിശ്വസ്‌ത പ്രവർത്ത​ന​ഗതി നിമിത്തം യഹോ​വക്ക്‌ ലജ്ജതോ​ന്നുന്ന ഏതു ജീവി​ക്കും സ്വർഗ്ഗ​ത്തി​ലോ ഭൂമി​യി​ലോ ഉള്ള ദൈവ​ത്തി​ന്റെ മണ്ഡലത്തി​ന്റെ ഏതു ഭാഗത്തും അസ്‌തി​ത്വ​മാ​സ്വ​ദി​ക്കാൻ അർഹത​യു​ണ്ടാ​യി​രി​ക്ക​യില്ല.—ലൂക്കോസ്‌ 9:26.

18. (എ) മത്തായി 10:32, 33ലെ യേശു​വി​ന്റെ വാക്കുകൾ നമ്മുടെ ഹൃദയ​ങ്ങ​ളി​ലും മനസ്സി​ലും അടിയു​റ​ക്കേ​ണ്ട​തെ​ന്തു​കൊണ്ട്‌? (ബി) മാനു​ഷ​ഭ​യ​ത്തിൽനിന്ന്‌ യേശു​വി​നെ​യോ യഹോ​വ​യെ​യോ തള്ളിപ്പ​റ​യു​ന്ന​വർക്ക്‌ എന്തു സംഭവി​ക്കു​ന്നു? (അടിക്കു​റി​പ്പി​നെ അടിസ്ഥാ​ന​പ്പെ​ടു​ത്തി ദൃഷ്ടാ​ന്തങ്ങൾ നൽകുക.)

¹⁸ യേശു​ക്രി​സ്‌തു​വി​ന്റെ പിൻവ​രുന്ന വാക്കുകൾ നമ്മുടെ ഹൃദയ​ങ്ങ​ളി​ലും മനസ്സു​ക​ളി​ലും അടിയു​റ​ക്കട്ടെ: “മനുഷ്യ​രു​ടെ മുമ്പാകെ എന്നോട്‌ ഐക്യം ഏററു​പ​റ​യുന്ന ഏവനു​മാ​യും ഞാൻ സ്വർഗ്ഗ​സ്ഥ​നായ എന്റെ പിതാ​വി​ന്റെ മുമ്പാകെ ഐക്യം ഏററു​പ​റ​യും; എന്നാൽ മനുഷ്യ​രു​ടെ മുമ്പാകെ എന്നെ ആർ തള്ളിപ്പ​റ​ഞ്ഞാ​ലും അവനെ സ്വർഗ്ഗ​സ്ഥ​നായ എന്റെ പിതാ​വി​ന്റെ മുമ്പാകെ ഞാനും തള്ളിപ്പ​റ​യും.” (മത്തായി 10:32, 33; ലൂക്കോസ്‌12:8, 9) അതേ അടിസ്ഥാ​ന​ത്തിൽ, കർത്താ​വായ യേശു​ക്രി​സ്‌തു​വി​ന്റെ ദൈവ​വും പിതാ​വു​മാ​യ​വനെ ആർ തള്ളിപ്പ​റ​ഞ്ഞാ​ലും അവൻ അവനാൽ തള്ളിപ്പ​റ​യ​പ്പെ​ടും. അവൻ യേശു​ക്രി​സ്‌തു മുഖ്യ​പു​ത്ര​നാ​യി​രി​ക്കുന്ന ഭവനത്തി​ലെ ഒരു അംഗമാ​യി​രി​ക്കാൻ യോഗ്യ​നാ​യി എണ്ണപ്പെ​ടു​ക​യില്ല. അതു​കൊണ്ട്‌ അവൻ ദൈവ​ത്തി​ന്റെ നിശ്ചി​ത​സ​മ​യത്ത്‌ നശിപ്പി​ക്ക​പ്പെ​ടും.b

19, 20. (എ) യഹോ​വ​യു​ടെ നാമം വിശു​ദ്ധീ​ക​രി​ക്ക​പ്പെ​ടാൻ പ്രാർത്ഥി​ച്ചി​ട്ടു​ള്ള​വർക്ക്‌ യാതൊ​ന്നും ലജ്ജിക്കാ​നി​ല്ലാ​ത്ത​തെ​ന്തു​കൊണ്ട്‌? (ബി) നിർഭ​യ​രായ രാജ്യ​പ്ര​ഘോ​ഷകർ എന്തു സാധി​ച്ചി​രി​ക്കു​ന്നു, എന്തു പിന്തു​ണ​യോ​ടെ?

¹⁹ യേശു തന്റെ ശിഷ്യൻമാ​രെ പഠിപ്പിച്ച മാതൃ​കാ​പ്രാർത്ഥ​നക്ക്‌ ഉത്തരം​കി​ട്ടും: “സ്വർഗ്ഗ​സ്ഥ​നായ ഞങ്ങളുടെ പിതാവേ, നിന്റെ നാമം വിശു​ദ്ധീ​ക​രി​ക്ക​പ്പെ​ടട്ടെ. നിന്റെ രാജ്യം വരേണമേ. നിന്റെ ഇഷ്ടം സ്വർഗ്ഗ​ത്തി​ലെ​പ്പോ​ലെ ഭൂമി​യി​ലും നടക്കട്ടെ.” (മത്തായി 6:9,10) അതു സംഭവി​ക്കു​മ്പോൾ യേശു​വി​ന്റെ സ്‌നേ​ഹ​മുള്ള ശിഷ്യ​മാർക്ക്‌ യാതൊ​ന്നി​നെ​ക്കു​റി​ച്ചും ലജ്ജിക്കാ​നു​ണ്ടാ​യി​രി​ക്കു​ക​യില്ല. യഹോ​വ​യു​ടെ നാമം ആദരി​ക്ക​പ്പെ​ടു​ക​യും വിശു​ദ്ധീ​ക​രി​ക്ക​പ്പെ​ടു​ക​യും​ചെ​യ്യും, ഒരിക്ക​ലും മരി​ക്കേ​ണ്ടാ​ത്ത​വ​രാ​യി ഇപ്പോൾ ജീവി​ക്കുന്ന ദശലക്ഷ​ങ്ങ​ളാൽമാ​ത്രമല്ല, തന്റെ ആയിര​വർഷ​രാ​ജ്യ​ഭ​ര​ണ​ക്കാ​ലത്ത്‌ ശവക്കു​ഴി​ക​ളിൽനിന്ന്‌ അവൻ വിളി​ച്ചു​വ​രു​ത്തുന്ന മനുഷ്യ​വർഗ്ഗ​ത്തി​ലെ ശതകോ​ടി​ക​ളാ​ലും​തന്നെ. അവർക്ക്‌ ഒരു പറുദീ​സാ​ഭൂ​മി​യിൽ എന്നേക്കും ജീവി​ക്കു​ന്ന​തി​നുള്ള അവസര​മു​ണ്ടാ​യി​രി​ക്കും.

²⁰ രാജ്യ​സു​വാർത്ത​യു​ടെ ഈ നിർഭ​യ​ഘോ​ഷ​കർക്ക്‌ ലോക​വ്യാ​പ​ക​മായ എതിർപ്പു​ണ്ടാ​യി​ട്ടും ലജ്ജകൂ​ടാ​തെ ഒരു ആഗോ​ള​സാ​ക്ഷ്യം നിർവ​ഹി​ക്കാൻക​ഴി​ഞ്ഞി​ട്ടുണ്ട്‌, എന്തു​കൊ​ണ്ടെ​ന്നാൽ അവരുടെ പിമ്പിൽ മനുഷ്യാ​തീ​ത​ശ​ക്തി​യുണ്ട്‌—സ്വർഗ്ഗീ​യ​ദൂ​തൻമാ​രു​ടെ പിന്തു​ണ​തന്നെ. അതു​കൊണ്ട്‌ യഹോ​വ​യു​ടെ സാക്ഷികൾ “ദൈവത്തെ ഭയപ്പെട്ട്‌ അവന്‌ മഹത്വം കൊടു​ക്കു​ന്നു.”—വെളി​പ്പാട്‌ 14:6, 7.

ദൈവത്തെ ഭയപ്പെട്ട്‌ അവനു മഹത്വം കൊടു​ക്കാൻ ലജ്ജിതരല്ല

21. എന്തു ചെയ്യാൻ യഹോ​വ​യു​ടെ സാക്ഷികൾ ലജ്ജിച്ചി​ട്ടില്ല, എന്തു ഫലത്തോ​ടെ?

²¹ യഹോ​വ​യു​ടെ സാക്ഷികൾ ദൈവത്തെ ഭയപ്പെട്ട്‌ യഹോവ എന്ന അവന്റെ വ്യക്തി​പ​ര​മായ നാമം ഉപയോ​ഗി​ച്ചു​കൊ​ണ്ടു​പോ​ലും അവന്‌ മഹത്വം​കൊ​ടു​ക്കാൻ ലജ്ജയു​ള്ള​വ​ര​ല്ലെന്ന്‌ തങ്ങളേ​ത്തന്നെ തെളി​യി​ച്ചി​രി​ക്കു​ന്നു. ഇത്‌ അവർക്ക്‌ പറഞ്ഞു​തീ​രാത്ത അനു​ഗ്ര​ഹ​ങ്ങ​ളിൽ കലാശി​ച്ചി​രി​ക്കു​ന്നു. ഈ അനു​ഗ്ര​ഹങ്ങൾ കൈവ​ന്നി​രി​ക്കു​ന്നത്‌ അത്യു​ന്ന​ത​ദൈ​വ​ത്തി​ന്റെ വാഗ്‌ദ​ത്ത​ങ്ങ​ളു​ടെ വിശ്വ​സ്‌ത​നി​വൃ​ത്തി​യാ​യി​ട്ടാണ്‌. ജീവനുള്ള ഏകസത്യ​ദൈ​വ​വും അഖിലാ​ണ്ഡ​പ​ര​മാ​ധി​കാ​രി​യു​മെന്ന നിലയിൽ ഇത്‌ അവന്‌ എന്തോരു സംസ്ഥാ​പ​ന​മാ​യി​രി​ക്കു​ന്നു!

22. യഹോ​വ​യു​ടെ സാക്ഷികൾ ദുഷ്ടപീ​ഡ​നത്തെ അഭിമു​ഖീ​ക​രി​ക്കാ​നി​രി​ക്കു​ന്ന​തെ​ന്തു​കൊണ്ട്‌, അവർക്ക്‌ എന്ത്‌ സന്തോഷം ലഭിക്കും?

²² സമീപ​ഭാ​വി​യിൽ ലൗകി​ക​ഗ​വൺമെൻറു​കൾ മതാധി​പ​ത്യ​ങ്ങൾക്കെ​തി​രെ തിരി​യു​ക​യും ക്രൈ​സ്‌ത​വ​ലോ​കം ഉൾപ്പെടെ അവരെ​യെ​ല്ലാം അസ്‌തി​ത്വ​ത്തിൽനിന്ന്‌ തുടച്ചു​നീ​ക്കു​ക​യും ചെയ്യും. (വെളി​പ്പാട്‌ 17:16, 17) തത്‌ഫ​ല​മാ​യി, യഹോ​വ​യു​ടെ സാക്ഷികൾ ലോക​ഘ​ട​ക​ങ്ങ​ളാ​ലുള്ള ദുഷ്ടപീ​ഡ​ന​ത്തി​ന്റെ ഒരു കാലഘ​ട്ടത്തെ അഭിമു​ഖീ​ക​രി​ക്കും. നിത്യ​ദൈവം അവരോ​ടു​കൂ​ടെ​യി​ല്ലെ​ങ്കിൽ അവർക്ക്‌ സഹിച്ചു​നിൽക്കു​ന്ന​തി​നും അതിജീ​വി​ക്കു​ന്ന​തി​നും കഴിക​യില്ല. എന്നാൽ അവൻ അവരോ​ടു​കൂ​ടെ​യുണ്ട്‌, തന്നിമി​ത്തം അങ്ങനെ​യുള്ള സകല ക്രിസ്‌തീ​യ​വി​രുദ്ധ, യഹോ​വാ​വി​രു​ദ്ധ​ശ​ത്രു​ക്ക​ളും സാക്ഷികൾ വ്യതി​ച​ല​നം​കൂ​ടാ​തെ ആരാധി​ക്കുന്ന ദൈവ​ത്താൽ അസ്‌തി​ത്വ​ത്തിൽനിന്ന്‌ തുടച്ചു​നീ​ക്ക​പ്പെ​ടു​ന്നതു കാണു​ന്ന​തി​ന്റെ സന്തോഷം അവർക്കു​ണ്ടാ​യി​രി​ക്കും. അവർ യഥാർത്ഥ ദിവ്യാ​ധി​പ​ത്യ​ത്തി​ന്റെ ശത്രു​ക്ക​ളെന്ന നിലയിൽ തുറന്നു​കാ​ട്ട​പ്പെ​ടു​ക​യും നശിപ്പി​ക്ക​പ്പെ​ടു​ക​യും ചെയ്യു​ന്ന​തി​ന്റെ ലജ്ജ വഹിക്കു​ക​യില്ല, എന്നാൽ “അനിശ്ചി​ത​കാ​ലം മുതൽ അനിശ്ചി​ത​കാ​ല​ത്തോ​ളം​തന്നെ നീ ദൈവ​മാ​കു​ന്നു”വെന്ന്‌ യഹോ​വക്ക്‌ പാടു​ന്ന​തി​ന്റെ അവർണ്ണ​നീ​യ​സ​ന്തോ​ഷം അവർക്ക​നു​ഭ​വ​പ്പെ​ടും.—സങ്കീർത്തനം 90:2.

23. യഹോ​വ​യു​ടെ സാക്ഷി​കൾക്ക്‌ യാതൊ​ന്നും ലജ്ജിക്കാ​നി​ല്ലാ​ത്ത​തെ​ന്തു​കൊണ്ട്‌, എന്തു ഫലമു​ണ്ടാ​കും?

²³ മനുഷ്യ​കു​ടും​ബം ആർ മുഖേന ഒരു പറുദീ​സാ​ഭൂ​മി​യിൽ മനുഷ്യ​പൂർണ്ണ​ത​യി​ലുള്ള നിത്യ​ജീ​വൻ അനുഭ​വി​ക്കാൻ വീണ്ടെ​ടു​ക്ക​പ്പെ​ടു​ന്നു​വോ ആ യേശു​ക്രി​സ്‌തു​വി​ന്റെ പിതാ​വായ ദൈവ​ത്തിൽ അവർ മഹത്വം കൊള്ളും. യഹോവ യേശു​ക്രി​സ്‌തു​മു​ഖേന എത്ര ശക്തനായ ദൈവ​മാ​ണെന്ന്‌ പ്രകട​മാ​ക്കി​യി​രി​ക്കു​ന്നു! യഹോവ തന്റെ സർവശ​ക്തി​യു​ടെ ദുരു​പ​യോ​ക്താ​വല്ല, പിന്നെ​യോ ജ്ഞാനി​യും സ്‌നേ​ഹ​വാ​നു​മായ ഉപയോ​ക്താ​വാ​ണെന്ന്‌ എത്ര മനോ​ഹ​ര​മാ​യി സ്വയം പ്രകട​മാ​ക്കി​യി​രി​ക്കു​ന്നു! അതിൻപ്ര​കാ​രം, അവനോ​ടോ അവന്റെ ഏകജാ​ത​പു​ത്ര​നായ യേശു​ക്രി​സ്‌തു​വി​നോ​ടോ ഉള്ള ബന്ധത്തിൽ നമുക്ക്‌ യാതൊ​ന്നും ലജ്ജിക്കാ​നില്ല. ക്രിസ്‌തു​യേശു മുഖേന സകല​ത്തെ​യും ജയിച്ച​ട​ക്കുന്ന യഹോ​വ​യാം ദൈവ​ത്തി​ന്റെ ശക്തിയെ വിവരി​ക്കുന്ന മഹത്തായ സുവാർത്ത​യു​ടെ ഘോഷ​ക​രാ​യി​രി​ക്കാൻ നമുക്കു ലജ്ജയില്ല. അവൻ തന്റെ ഭൗമി​ക​ജീ​വി​ത​ത്തി​ന്റെ അവസാ​ന​നാ​ഴി​ക​ക​ളിൽ “ധൈര്യ​പ്പെ​ടുക! ഞാൻ ലോകത്തെ ജയിച്ച​ട​ക്കി​യി​രി​ക്കു​ന്നു” എന്നു പറയു​ക​യു​ണ്ടാ​യി. (യോഹ​ന്നാൻ 16:33) ഈ ഗതി സ്വീക​രി​ക്കു​ന്ന​തിൽ നമുക്ക്‌ എല്ലായ്‌പ്പോ​ഴും അപ്പോ​സ്‌ത​ല​നായ പൗലോ​സി​ന്റെ ദൃഷ്‌ടാ​ന്തം പിന്തു​ട​രാം, അവൻ ഒരിക്ക​ലും സുവാർത്ത​യെ​ക്കു​റിച്ച്‌ ലജ്ജിച്ചി​രു​ന്നില്ല. നാം അവനെ അനുക​രി​ക്കു​ന്നു​വെ​ങ്കിൽ സർവശ​ക്ത​നായ ദൈവം നമ്മേക്കു​റി​ച്ചു ലജ്ജിക്കു​ക​യില്ല. (w90 1⁄1)

[അടിക്കു​റിപ്പ്‌]

സംഗ്ര​ഹ​ചോ​ദ്യ​ങ്ങൾ

◻ അപ്പോ​സ്‌ത​ല​നായ പൗലോ​സി​നെ​പ്പോ​ലെ, സുവാർത്ത ഘോഷി​ക്കു​ന്ന​തു​സം​ബ​ന്ധിച്ച്‌ നമുക്ക്‌ എന്ത്‌ മനോ​ഭാ​വം ഉണ്ടായി​രി​ക്കണം, എന്തു​കൊണ്ട്‌?

◻ യഹോ​വ​യു​ടെ സാക്ഷികൾ ഘോഷി​ക്കുന്ന സന്ദേശം എന്നെ​ത്തേ​തി​ലും ഏററം നല്ല വാർത്ത​യാ​യി​രി​ക്കു​ന്ന​തെ​ന്തു​കൊണ്ട്‌?

◻ താൻ രാജ്യ​മ​ഹ​ത്വ​ത്തിൽ വന്നെത്തു​മ്പോൾ തന്നേക്കു​റി​ച്ചു ലജ്ജിക്കുന്ന ഏവനെ​ക്കു​റി​ച്ചും യേശു എന്തു മുന്നറി​യി​പ്പു​നൽകി?

◻ യേശു​വി​നെ​യും യഹോ​വ​യെ​യും തള്ളിപ്പ​റ​യു​ന്ന​വർക്ക്‌ എന്തു സംഭവി​ക്കു​ന്നു?

◻ സുവാർത്താ​ഘോ​ഷ​കർക്ക്‌ ലജ്ജകൂ​ടാ​തെ എന്തു നിവർത്തി​ക്കാൻ കഴിഞ്ഞി​ട്ടുണ്ട്‌, എന്തു​കൊണ്ട്‌?