പിതാ​വി​നെ​യും പുത്ര​നെ​യും പരിശു​ദ്ധാ​ത്മാ​വി​നെ​യും സംബന്ധിച്ച സത്യം

ത്രിത്വ​വാ​ദി​കൾ പറയു​ന്ന​ത​നു​സ​രിച്ച്‌, ദൈവ​ത്തിൽ മൂന്ന്‌ ആളുകൾ ഉണ്ട്‌—പിതാവ്‌, പുത്രൻ, പരിശു​ദ്ധാ​ത്മാവ്‌. ഈ മൂന്നു​പേ​രും തുല്യ​രും സർവശ​ക്ത​രും ആരംഭ​മി​ല്ലാ​ത്ത​വ​രും ആണെന്നു പറയ​പ്പെ​ടു​ന്നു. അതിനാൽ ത്രി​ത്വോ​പ​ദേ​ശ​പ്ര​കാ​രം പിതാവ്‌ ദൈവ​മാണ്‌, പുത്രൻ ദൈവ​മാണ്‌, പരിശു​ദ്ധാ​ത്മാവ്‌ ദൈവ​മാണ്‌, എങ്കിലും ഒരേ​യൊ​രു ദൈവ​മേ​യു​ള്ളൂ.

ത്രി​ത്വോ​പ​ദേ​ശം തങ്ങൾക്കു വിശദീ​ക​രി​ക്കാ​നാ​വി​ല്ലെന്ന്‌ അതിൽ വിശ്വ​സി​ക്കു​ന്ന പലരും അംഗീ​ക​രി​ക്കു​ന്നു. എങ്കിലും, ബൈബിൾ അതു പഠിപ്പി​ക്കു​ന്നു​ണ്ടെന്ന്‌ അവർ വിചാ​രി​ച്ചേ​ക്കാം. എന്നാൽ, “ത്രിത്വം” എന്ന പദമേ ബൈബി​ളിൽ ഇല്ലെന്ന കാര്യം ശ്രദ്ധി​ക്കു​ക. എങ്കിൽപ്പി​ന്നെ, ത്രിത്വ​മെന്ന ആശയം ബൈബി​ളി​ലു​ണ്ടോ? ഈ ചോദ്യ​ത്തിന്‌ ഉത്തരം നൽകാ​നാ​യി, ത്രിത്വ​വാ​ദി​കൾ കൂടെ​ക്കൂ​ടെ ഉപയോ​ഗി​ക്കു​ന്ന ഒരു തിരു​വെ​ഴുത്ത്‌ നമുക്കി​പ്പോൾ പരി​ശോ​ധി​ക്കാം.

യോഹ​ന്നാൻ 1:1 പ്രസ്‌താ​വി​ക്കു​ന്നു: “ആദിയിൽ വചനം ഉണ്ടായി​രു​ന്നു; വചനം ദൈവ​ത്തോ​ടു​കൂ​ടെ ആയിരു​ന്നു; വചനം ദൈവം ആയിരു​ന്നു.” ഇതു രേഖ​പ്പെ​ടു​ത്തി​യ യോഹ​ന്നാൻ അപ്പൊ​സ്‌ത​ലൻ, “വചനം” യേശു​വാ​ണെന്ന്‌ പിന്നീട്‌ അതേ അധ്യാ​യ​ത്തിൽത്ത​ന്നെ വ്യക്തമാ​ക്കു​ന്നുണ്ട്‌. (യോഹ​ന്നാൻ 1:14) എന്നാൽ, വചനത്തെ ദൈവ​മെ​ന്നു വിളി​ക്കു​ന്ന​തി​നാൽ പുത്ര​നും പിതാ​വും ഒരേ ദൈവ​ത്തി​ന്റെ ഭാഗമാ​യി​രി​ക്ക​ണ​മെന്നു ചിലർ നിഗമനം ചെയ്യുന്നു.

ബൈബി​ളി​ന്റെ ഈ ഭാഗം ആദ്യം എഴുത​പ്പെ​ട്ടത്‌ ഗ്രീക്കിൽ ആണെന്ന വസ്‌തുത മനസ്സിൽപ്പി​ടി​ക്കു​ക. പിൽക്കാ​ലത്ത്‌, വിവർത്ത​കർ ഗ്രീക്ക്‌ പാഠം മറ്റു ഭാഷക​ളി​ലേ​ക്കു പരിഭാ​ഷ​പ്പെ​ടു​ത്തി. എന്നാൽ, നിരവധി ബൈബിൾ പരിഭാ​ഷ​കർ മൂലപാ​ഠ​ഭാ​ഗം “വചനം ദൈവം ആയിരു​ന്നു” എന്നല്ല പരിഭാ​ഷ​പ്പെ​ടു​ത്തി​യി​രി​ക്കു​ന്നത്‌. എന്തു​കൊണ്ട്‌? ബൈബിൾ എഴുതാൻ ഉപയോ​ഗി​ച്ച ഗ്രീക്കു​ഭാ​ഷ​യിൽ തങ്ങൾക്കുള്ള അറിവി​ന്റെ അടിസ്ഥാ​ന​ത്തിൽ, “വചനം ദൈവം ആയിരു​ന്നു” എന്ന ഭാഗം വ്യത്യ​സ്‌ത​മാ​യ ഒരു വിധത്തിൽ പരിഭാ​ഷ​പ്പെ​ടു​ത്തേ​ണ്ട​താ​ണെന്ന്‌ അവർക്കു തോന്നി. അവരുടെ അഭി​പ്രാ​യ​ത്തിൽ എങ്ങനെ​യാണ്‌ അത്‌ പരിഭാ​ഷ​പ്പെ​ടു​ത്തേ​ണ്ടി​യി​രു​ന്നത്‌? ഏതാനും ഉദാഹ​ര​ണ​ങ്ങൾ നോക്കുക: “ലോ​ഗോസ്‌ [വചനം] ദിവ്യ​നാ​യി​രു​ന്നു.” (ബൈബി​ളി​ന്റെ ഒരു പുതിയ പരിഭാഷ) “വചനം ഒരു ദൈവ​മാ​യി​രു​ന്നു.” (പുതിയ നിയമം, ഒരു പരിഷ്‌ക​രി​ച്ച പരിഭാ​ഷ​യിൽ) “വചനം ദൈവ​ത്തോ​ടു​കൂ​ടെ ആയിരു​ന്നു, ദൈവ​ത്തി​ന്റെ അതേ പ്രകൃ​ത​മു​ള്ള​വ​നാ​യി​രു​ന്നു.” (പരിഭാ​ഷ​ക​ന്റെ പുതിയ നിയമം) ഈ പരിഭാ​ഷ​കൾ അനുസ​രിച്ച്‌ വചനം ദൈവം​ത​ന്നെ​യല്ല.a യഹോ​വ​യു​ടെ സൃഷ്ടി​കൾക്കി​ട​യിൽ വഹിക്കുന്ന ഉന്നതസ്ഥാ​നം നിമി​ത്ത​മാണ്‌ വചനത്തെ “ഒരു ദൈവം” എന്നു വിളി​ച്ചി​രി​ക്കു​ന്നത്‌. ഇവിടെ “ദൈവം” എന്ന പദത്തിന്റെ അർഥം “ശക്തനായ ഒരുവൻ” എന്നാണ്‌.

ബൈബിൾ എഴുത​പ്പെട്ട ഗ്രീക്ക്‌ പലർക്കും അറിയില്ല. ആ സ്ഥിതിക്ക്‌ അപ്പൊ​സ്‌ത​ല​നാ​യ യോഹ​ന്നാൻ യഥാർഥ​ത്തിൽ അർഥമാ​ക്കി​യത്‌ എന്താ​ണെന്ന്‌ നിങ്ങൾക്ക്‌ എങ്ങനെ അറിയാ​നാ​കും? ഈ ഉദാഹ​ര​ണം പരിചി​ന്തി​ക്കു​ക: ഒരു അധ്യാ​പ​കൻ കുട്ടി​കൾക്ക്‌ ഒരു വിഷയം വിശദീ​ക​രി​ച്ചു​കൊ​ടു​ക്കു​ന്നു. കുറച്ചു​ക​ഴിഞ്ഞ്‌, അധ്യാ​പ​കൻ പറഞ്ഞതി​ന്റെ അർഥം സംബന്ധിച്ച്‌ കുട്ടി​കൾക്കി​ട​യിൽ വിയോ​ജി​പ്പു​ണ്ടാ​കു​ന്നു. വിദ്യാർഥി​കൾക്ക്‌ എങ്ങനെ ഈ പ്രശ്‌നം പരിഹ​രി​ക്കാൻ കഴിയും? അവർക്ക്‌ അധ്യാ​പ​ക​നോ​ടു കൂടുതൽ വിവരങ്ങൾ ചോദി​ക്കാ​നാ​കും. പ്രസ്‌തു​ത വിഷയം മെച്ചമാ​യി മനസ്സി​ലാ​ക്കാൻ കൂടു​ത​ലാ​യ വസ്‌തു​ത​കൾ അറിയു​ന്ന​തു സഹായ​ക​മാ​കു​മെന്ന കാര്യ​ത്തിൽ സംശയ​മി​ല്ല. സമാന​മാ​യി, യോഹ​ന്നാൻ 1:1-ന്റെ അർഥം ഗ്രഹി​ക്കു​ന്ന​തിന്‌, യേശു​വി​ന്റെ സ്ഥാനം സംബന്ധിച്ച കൂടുതൽ വിവര​ങ്ങൾക്കാ​യി യോഹ​ന്നാ​ന്റെ സുവി​ശേ​ഷം നിങ്ങൾക്കു പരി​ശോ​ധി​ക്കാ​വു​ന്ന​താണ്‌. ഇതു സംബന്ധിച്ച്‌ കൂടു​ത​ലാ​യി മനസ്സി​ലാ​ക്കു​ന്ന​തു ശരിയായ നിഗമ​ന​ത്തി​ലെ​ത്താൻ നിങ്ങളെ സഹായി​ക്കും.

ഉദാഹ​ര​ണ​ത്തിന്‌, 1-ാം അധ്യാ​യ​ത്തി​ന്റെ 18-ാം വാക്യ​ത്തിൽ യോഹ​ന്നാൻ കൂടു​ത​ലാ​യി എന്തു രേഖ​പ്പെ​ടു​ത്തു​ന്നെ​ന്നു ശ്രദ്ധി​ക്കു​ക: “[സർവശ​ക്ത​നാ​യ] ദൈവത്തെ ആരും ഒരുനാ​ളും കണ്ടിട്ടില്ല.” എന്നാൽ മനുഷ്യർ പുത്രനെ അഥവാ യേശു​വി​നെ കണ്ടിട്ടുണ്ട്‌. എന്തെന്നാൽ യോഹ​ന്നാൻ ഇങ്ങനെ പറയുന്നു: “വചനം [യേശു] ജഡമായി തീർന്നു, കൃപയും സത്യവും നിറഞ്ഞ​വ​നാ​യി നമ്മുടെ ഇടയിൽ പാർത്തു. ഞങ്ങൾ അവന്റെ തേജസ്സ്‌ . . . കണ്ടു.” (യോഹ​ന്നാൻ 1:14) അങ്ങനെ​യെ​ങ്കിൽ, പുത്രന്‌ സർവശ​ക്ത​നാ​യ ദൈവ​ത്തി​ന്റെ ഒരു ഭാഗമാ​യി​രി​ക്കാൻ കഴിയു​ന്ന​തെ​ങ്ങ​നെ? കൂടാതെ, വചനം “ദൈവ​ത്തോ​ടു​കൂ​ടെ” ആയിരു​ന്നെ​ന്നും യോഹ​ന്നാൻ പറയുന്നു. ഒരു വ്യക്തിക്ക്‌ വേറൊ​രാ​ളോട്‌ ഒപ്പം ആയിരി​ക്കാ​നും അതേസ​മ​യം ആ വ്യക്തി​ത​ന്നെ ആയിരി​ക്കാ​നും എങ്ങനെ സാധി​ക്കും? മാത്രമല്ല, യോഹ​ന്നാൻ 17:3-ൽ രേഖ​പ്പെ​ടു​ത്തി​യി​രി​ക്കു​ന്ന​പ്ര​കാ​രം, യേശു തന്നെത്ത​ന്നെ​യും സ്വർഗീയ പിതാ​വി​നെ​യും വ്യത്യ​സ്‌ത വ്യക്തി​ക​ളാ​യി വ്യക്തമാ​യും വരച്ചു​കാ​ട്ടു​ക​യു​ണ്ടാ​യി. പിതാ​വി​നെ അവൻ “ഏകസത്യ​ദൈ​വം” എന്നാണു വിളി​ക്കു​ന്നത്‌. തന്റെ സുവി​ശേ​ഷ​ത്തി​ന്റെ അവസാന ഭാഗത്ത്‌ യോഹ​ന്നാൻ ഇപ്രകാ​രം പറഞ്ഞു​കൊണ്ട്‌ കാര്യങ്ങൾ സംക്ഷേ​പി​ക്കു​ന്നു: “യേശു ദൈവ​പു​ത്ര​നാ​യ ക്രിസ്‌തു എന്നു നിങ്ങൾ വിശ്വ​സി​ക്കേ​ണ്ട​തി​ന്നു . . . ഇതു എഴുതി​യി​രി​ക്കു​ന്നു.” (യോഹ​ന്നാൻ 20:31) യേശു​വി​നെ ദൈവ​മെ​ന്നല്ല ദൈവ​പു​ത്ര​നെ​ന്നാണ്‌ വിളി​ച്ചി​രി​ക്കു​ന്ന​തെന്നു ശ്രദ്ധി​ക്കു​ക. യോഹ​ന്നാൻ 1:1 എങ്ങനെ മനസ്സി​ലാ​ക്ക​ണ​മെന്ന്‌ യോഹ​ന്നാ​ന്റെ സുവി​ശേ​ഷം നൽകുന്ന കൂടു​ത​ലാ​യ ഈ വിവരങ്ങൾ വ്യക്തമാ​ക്കു​ന്നു. ഉന്നത സ്ഥാനം അലങ്കരി​ക്കു​ന്നു​വെന്ന അർഥത്തിൽ വചനം “ഒരു ദൈവ”മാണ്‌. എന്നാൽ സർവശ​ക്ത​നാ​യ ദൈവ​ത്തോ​ടു സമനല്ല.

അധ്യാ​പ​ക​ന്റെ​യും വിദ്യാർഥി​ക​ളു​ടെ​യും ദൃഷ്ടാ​ന്ത​ത്തെ​ക്കു​റിച്ച്‌ ഇപ്പോൾ വീണ്ടും ചിന്തി​ക്കു​ക. അധ്യാ​പ​കൻ കൂടു​ത​ലാ​യ വിശദീ​ക​ര​ണം നൽകി​യി​ട്ടും ചിലർക്കു സംശയങ്ങൾ ബാക്കി​യു​ണ്ടെ​ന്നു വിചാ​രി​ക്കു​ക. അവർക്ക്‌ എന്തു ചെയ്യാ​നാ​കും? അതേ വിഷയ​ത്തെ​ക്കു​റി​ച്ചു കൂടുതൽ വിവര​ങ്ങൾക്കാ​യി അവർക്കു മറ്റൊരു അധ്യാ​പ​ക​നെ സമീപി​ക്കാ​വു​ന്ന​താണ്‌. രണ്ടാമത്തെ അധ്യാ​പ​കൻ ആദ്യത്തെ അധ്യാ​പ​ക​ന്റെ വിശദീ​ക​ര​ണം സ്ഥിരീ​ക​രി​ച്ചാൽ, മിക്ക വിദ്യാർഥി​ക​ളു​ടെ​യും സംശയം ദൂരീ​ക​രി​ക്ക​പ്പെ​ടും. സമാന​മാ​യി, യേശു​ക്രി​സ്‌തു​വും സർവശ​ക്ത​നാ​യ ദൈവ​വും തമ്മിലുള്ള ബന്ധത്തെ​പ്പ​റ്റി ബൈബി​ളെ​ഴു​ത്തു​കാ​ര​നായ യോഹ​ന്നാൻ പറയു​ന്നത്‌ എന്താ​ണെ​ന്നു നിങ്ങൾക്ക്‌ ഉറപ്പി​ല്ലെ​ങ്കിൽ കൂടു​ത​ലാ​യ വിവര​ങ്ങൾക്കാ​യി മറ്റു ബൈബി​ളെ​ഴു​ത്തു​കാ​രി​ലേക്കു തിരി​യാ​വു​ന്ന​താണ്‌. ഉദാഹ​ര​ണ​ത്തിന്‌ മത്തായി എഴുതി​യത്‌ എന്താ​ണെ​ന്നു നോക്കുക. ഈ വ്യവസ്ഥി​തി​യു​ടെ അവസാനം സംബന്ധിച്ച്‌ യേശു പിൻവ​രു​ന്ന​വി​ധം പറഞ്ഞതാ​യി മത്തായി ഉദ്ധരി​ക്കു​ന്നു: “ആ നാളും നാഴി​ക​യും സംബന്ധി​ച്ചോ എന്റെ പിതാവു മാത്ര​മ​ല്ലാ​തെ ആരും സ്വർഗ്ഗ​ത്തി​ലെ ദൂതന്മാ​രും പുത്ര​നും കൂടെ അറിയു​ന്നി​ല്ല.” (മത്തായി 24:36) യേശു സർവശ​ക്ത​ന​ല്ലെന്ന്‌ ഈ വാക്കുകൾ സ്ഥിരീ​ക​രി​ക്കു​ന്നത്‌ എങ്ങനെ?

പുത്രനെ അപേക്ഷിച്ച്‌ പിതാ​വി​നു കൂടുതൽ കാര്യങ്ങൾ അറിയാ​മെ​ന്നാണ്‌ യേശു പറയു​ന്നത്‌. യേശു സർവശ​ക്ത​നാ​യ ദൈവ​ത്തി​ന്റെ ഭാഗമാ​ണെ​ങ്കിൽ തന്റെ പിതാ​വിന്‌ അറിയാ​വു​ന്ന അതേ കാര്യങ്ങൾ അവനും അറിയാ​മാ​യി​രി​ക്കേ​ണ്ട​തല്ലേ? അതിനാൽ, പിതാ​വും പുത്ര​നും തുല്യ​രാ​ണെ​ന്നു പറയാ​നാ​വി​ല്ല. എങ്കിലും ചിലർ ഇങ്ങനെ പറഞ്ഞേ​ക്കാം: ‘യേശു​വിന്‌ രണ്ടു പ്രകൃ​ത​മു​ണ്ടാ​യി​രു​ന്നു. ഇവിടെ അവൻ ഒരു മനുഷ്യ​നെന്ന നിലയി​ലാ​ണു സംസാ​രി​ക്കു​ന്നത്‌.’ ഈ ആശയം ശരിയാ​ണെ​ങ്കിൽത്ത​ന്നെ, പരിശു​ദ്ധാ​ത്മാ​വി​നെ സംബന്ധി​ച്ചോ? പിതാ​വും പരിശു​ദ്ധാ​ത്മാ​വും ഒരേ ദൈവ​ത്തി​ന്റെ ഭാഗമാ​ണെ​ങ്കിൽ പിതാ​വിന്‌ അറിയാ​വു​ന്ന കാര്യങ്ങൾ പരിശു​ദ്ധാ​ത്മാ​വിന്‌ അറിയാ​മെന്ന്‌ യേശു പറയാ​തി​രു​ന്നത്‌ എന്തു​കൊണ്ട്‌?

ബൈബിൾ പഠനം തുടരു​മ്പോൾ, ഈ വിഷയ​വു​മാ​യി ബന്ധപ്പെട്ട നിരവധി തിരു​വെ​ഴു​ത്തു ഭാഗങ്ങ​ളു​മാ​യി നിങ്ങൾ പരിചി​ത​രാ​കും. ഇവ പിതാ​വി​നെ​യും പുത്ര​നെ​യും പരിശു​ദ്ധാ​ത്മാ​വി​നെ​യും സംബന്ധിച്ച സത്യം സ്ഥിരീ​ക​രി​ക്കു​ന്നു.—സങ്കീർത്ത​നം 90:2; പ്രവൃ​ത്തി​കൾ 7:55; കൊ​ലൊ​സ്സ്യർ 1:15.