അധികാ​രം സംബന്ധിച്ച ക്രിസ്‌തീയ വീക്ഷണം

“ദൈവ​ത്താ​ല​ല്ലാ​തെ ഒരധി​കാ​ര​വു​മില്ല.”—റോമർ 13:1.

1. യഹോ​വ​യാണ്‌ പരമാ​ധി​കാ​രി എന്നു പറയാൻ കഴിയു​ന്ന​തെ​ന്തു​കൊണ്ട്‌?

അധികാ​രം സൃഷ്ടി​കർത്തൃ​ത്വ​വു​മാ​യി ബന്ധപ്പെ​ട്ടു​കി​ട​ക്കു​ന്നു. ജീവനു​ള്ള​തും ജീവനി​ല്ലാ​ത്ത​തു​മായ സകല സൃഷ്ടി​കൾക്കും അസ്‌തി​ത്വം കൊടുത്ത പരമാ​ധി​കാ​രി​യാണ്‌ യഹോ​വ​യാം ദൈവം. അനി​ഷേ​ധ്യ​മാ​യും അവനാണ്‌ പരമാ​ധി​കാ​രി. സ്വർഗീയ സൃഷ്ടി​ക​ളു​ടെ വികാ​ര​ങ്ങ​ളിൽ സത്യ​ക്രി​സ്‌ത്യാ​നി​കൾ പങ്കു​കൊ​ള്ളു​ന്നു. അവർ പ്രഖ്യാ​പി​ക്കു​ന്നത്‌ ഇങ്ങനെ​യാണ്‌: “ഞങ്ങളുടെ ദൈവ​മായ യഹോവേ, നീ മഹത്വ​വും ബഹുമാ​ന​വും ശക്തിയും സ്വീക​രി​ക്കാൻ യോഗ്യ​നാണ്‌. എന്തെന്നാൽ നീ സർവ്വവും സൃഷ്ടിച്ചു. നിന്റെ ഹിതമ​നു​സ​രിച്ച്‌ അവയ്‌ക്ക്‌ അസ്‌തി​ത്വം ലഭിക്കു​ക​യും അവ സൃഷ്ടി​ക്ക​പ്പെ​ടു​ക​യും ചെയ്‌തു.”—വെളി​പാട്‌ 4:11, NW.

2. സഹമനു​ഷ്യ​രു​ടെ​മേൽ ആധിപ​ത്യം നടത്താ​നുള്ള നൈസർഗി​ക​മായ അവകാശം തങ്ങൾക്കി​ല്ലെന്ന്‌ ആദ്യകാല മനുഷ്യ​ഭ​ര​ണാ​ധി​പൻമാർ ഒരുത​ര​ത്തിൽ സമ്മതി​ച്ച​തെ​ങ്ങനെ, യേശു പൊന്തി​യോസ്‌ പീലാ​ത്തോ​സി​നോ​ടു പറഞ്ഞത്‌ എന്തായി​രു​ന്നു?

² ഒരു ദൈവ​മെ​ന്നോ ദൈവ​ത്തി​ന്റെ ഒരു പ്രതി​നി​ധി​യെ​ന്നോ അവകാ​ശ​പ്പെ​ട്ടു​കൊണ്ട്‌ തങ്ങളുടെ അധികാ​ര​ത്തി​നു നിയമ​സാ​ധു​ത​യു​ണ്ടാ​ക്കാൻ ആദ്യകാല മനുഷ്യ​ഭ​ര​ണാ​ധി​പൻമാ​രിൽ അനേക​രും ശ്രമിച്ചു എന്ന വസ്‌തു​ത​തന്നെ എടുക്കുക. മററു മനുഷ്യ​രു​ടെ​മേൽ ഭരണം നടത്താ​നുള്ള നൈസർഗി​ക​മായ അവകാശം ഒരു മനുഷ്യ​നും ഉണ്ടായി​രു​ന്നില്ല എന്നതിന്റെ മൗനമായ ഒരു അംഗീ​കാ​ര​മാണ്‌ അത്‌.a (യിരെ​മ്യാ​വു 10:23) നിയമ​സാ​ധു​ത​യുള്ള അധികാ​ര​ത്തി​ന്റെ ഒരേ ഒരു ഉറവ്‌ യഹോ​വ​യാം ദൈവ​മാണ്‌. യഹൂദ​യി​ലെ റോമൻ ഗവർണ​റാ​യി​രുന്ന പൊന്തി​യോസ്‌ പീലാ​ത്തോ​സി​നോട്‌ ക്രിസ്‌തു പറഞ്ഞു: “മേലിൽനി​ന്നു നിനക്കു കിട്ടീ​ട്ടില്ല എങ്കിൽ എന്റെ മേൽ നിനക്കു ഒരധി​കാ​ര​വും ഉണ്ടാക​യി​ല്ലാ​യി​രു​ന്നു.”—യോഹ​ന്നാൻ 19:11.

“ദൈവ​ത്താ​ല​ല്ലാ​തെ ഒരധി​കാ​ര​വു​മില്ല”

3. “ശ്രേഷ്‌ഠാ​ധി​കാ”രികളെ കുറിച്ച്‌ അപ്പോ​സ്‌ത​ല​നായ പൗലോസ്‌ എന്തു പ്രസ്‌താ​വി​ച്ചു, യേശു​വി​ന്റെ​യും പൗലോ​സി​ന്റെ​യും പ്രസ്‌താ​വ​നകൾ ഏതു ചോദ്യ​ങ്ങൾ ഉയർത്തു​ന്നു?

³ റോമാ​സാ​മ്രാ​ജ്യ​ത്തി​ന്റെ മേധാ​വി​ത്വ​ത്തിൻ കീഴിൽ ജീവി​ച്ചി​രുന്ന ക്രിസ്‌ത്യാ​നി​കൾക്ക്‌ അപ്പോ​സ്‌ത​ല​നായ പൗലോസ്‌ എഴുതി: “ഏതു മനുഷ്യ​നും ശ്രേഷ്‌ഠാ​ധി​കാ​ര​ങ്ങൾക്കു കീഴട​ങ്ങട്ടെ. ദൈവ​ത്താ​ല​ല്ലാ​തെ ഒരധി​കാ​ര​വു​മി​ല്ല​ല്ലോ; ഉള്ള അധികാ​ര​ങ്ങ​ളോ [“അവരുടെ ആപേക്ഷിക സ്ഥാനങ്ങ​ളിൽ,” NW] ദൈവ​ത്താൽ നിയമി​ക്ക​പ്പെ​ട്ടി​രി​ക്കു​ന്നു.” (റോമർ 13:1) പീലാ​ത്തോ​സി​ന്റെ അധികാ​രം “മേലിൽനി​ന്നു” നൽക​പ്പെ​ട്ട​താ​ണെന്നു പ്രസ്‌താ​വി​ച്ച​പ്പോൾ യേശു എന്താണ്‌ അർഥമാ​ക്കി​യത്‌? തന്റെ നാളിലെ രാഷ്‌ട്രീയ അധികാ​രി​കൾ അവരുടെ സ്ഥാനങ്ങ​ളിൽ ആക്കപ്പെ​ട്ടി​രി​ക്കു​ന്നത്‌ ദൈവ​ത്താ​ലാണ്‌ എന്ന്‌ അപ്പോ​സ്‌ത​ല​നായ പൗലോസ്‌ കരുതി​യത്‌ ഏതു വിധത്തി​ലാണ്‌? ഈ ലോക​ത്തി​ലെ ഓരോ രാഷ്‌ട്രീയ ഭരണാ​ധി​പ​ന്റെ​യും നിയമ​ന​ത്തി​നു യഹോവ വ്യക്തി​പ​ര​മാ​യി ഉത്തരവാ​ദി​യാ​ണെന്ന്‌ അവർ അർഥമാ​ക്കി​യോ?

4. യേശു​വും പൗലോ​സും പിശാ​ചി​നെ എന്തു വിളിച്ചു, പിശാ​ചി​ന്റെ ഏത്‌ അവകാ​ശ​വാ​ദം യേശു നിഷേ​ധി​ച്ചില്ല?

⁴ ഇത്‌ എങ്ങനെ ശരിയാ​കും, സാത്താനെ “ഈ ലോക​ത്തി​ന്റെ ഭരണാ​ധി​പൻ” എന്നു യേശു വിളി​ച്ചി​ല്ലേ, അവനെ “ഈ ലോക​ത്തി​ന്റെ ദൈവം” എന്ന്‌ അപ്പോ​സ്‌ത​ല​നായ പൗലോസ്‌ വിശേ​ഷി​പ്പി​ച്ചി​ല്ലേ? (യോഹ​ന്നാൻ 12:31; 16:11, NW; 2 കൊരി​ന്ത്യർ 4:4) അതിലു​പരി, യേശു​വി​നെ പരീക്ഷി​ക്കുന്ന സമയത്ത്‌, സാത്താൻ അവനു വാഗ്‌ദാ​നം ചെയ്‌തത്‌ “നിവസിത ഭൂമി​യി​ലെ സകല രാജ്യങ്ങ”ളുടെ മേലു​മുള്ള “അധികാ​രം” ആയിരു​ന്നു. തന്നെ ഏൽപ്പി​ച്ചി​രി​ക്കു​ന്ന​താണ്‌ ഈ അധികാ​രം എന്നായി​രു​ന്നു അപ്പോ​ഴത്തെ അവന്റെ അവകാ​ശ​വാ​ദം. യേശു അവന്റെ വാഗ്‌ദാ​നം നിരാ​ക​രി​ച്ചു. പക്ഷേ അത്തരം അധികാ​രം നൽകാൻ സാത്താനു സാധി​ക്കും എന്നതിനെ യേശു നിഷേ​ധി​ച്ചില്ല.—ലൂക്കോസ്‌ 4:5-8, NW.

5. (എ) മാനു​ഷിക അധികാ​രി​ക​ളെ​ക്കു​റി​ച്ചുള്ള യേശു​വി​ന്റെ​യും പൗലോ​സി​ന്റെ​യും വാക്കുകൾ നാം എങ്ങനെ​യാ​ണു മനസ്സി​ലാ​ക്കേ​ണ്ടത്‌? (ബി) ശ്രേഷ്‌ഠാ​ധി​കാ​രി​കൾ ‘അവരുടെ ആപേക്ഷിക സ്ഥാനങ്ങ​ളിൽ ദൈവ​ത്താൽ ആക്കി​വെ​ക്ക​പ്പെ​ട്ടി​രി​ക്കുന്ന’ത്‌ ഏത്‌ അർഥത്തി​ലാണ്‌?

⁵ സാത്താന്റെ മത്സരത്തി​നു​ശേഷം ആദാമി​നെ​യും ഹവ്വാ​യെ​യും പ്രലോ​ഭി​പ്പിച്ച്‌ അവരെ​ക്കൊ​ണ്ടും ദൈവ​ത്തി​ന്റെ പരമാ​ധി​കാ​ര​ത്തി​നെ​തി​രെ മത്സരി​പ്പി​ച്ച​ശേഷം അവനെ ജീവി​ച്ചി​രി​ക്കാൻ അനുവ​ദിച്ച യഹോവ ഈ ലോക​ത്തിൻമേ​ലുള്ള ഭരണാ​ധി​പ​ത്യം അവന്‌ ഏൽപ്പി​ച്ചു​കൊ​ടു​ത്തു. (ഉല്‌പത്തി 3:1-6; താരത​മ്യം ചെയ്യുക: പുറപ്പാ​ടു 9:15, 16.) അതു​കൊണ്ട്‌, യേശു​വി​ന്റെ​യും പൗലോ​സി​ന്റെ​യും വാക്കു​ക​ളു​ടെ അർഥം ഇങ്ങനെ​യാ​കണം, ഏദെനിൽവെച്ച്‌ ആദ്യമ​നു​ഷ്യ ജോഡി​കൾ ദിവ്യാ​ധി​പ​ത്യ​ത്തെ അഥവാ ദൈവ​ഭ​ര​ണത്തെ വലി​ച്ചെ​റി​ഞ്ഞ​ശേഷം അവർ നിയമ​വാ​ഴ്‌ച​യുള്ള ഒരു സമൂഹ​ത്തിൽ ജീവി​ക്കേ​ണ്ട​തിന്‌ അധികാ​ര​ഘ​ട​നകൾ ഉണ്ടാക്കാൻ യഹോവ അന്യാ​ധീ​ന​പ്പെ​ട്ടു​പോയ മനുഷ്യ​രെ അനുവ​ദി​ച്ചു. ചില​പ്പോ​ഴൊ​ക്കെ, യഹോവ തന്റെ ഉദ്ദേശ്യ​നി​വൃ​ത്തി​ക്കു​വേണ്ടി ചില ഭരണാ​ധി​പൻമാ​രെ​യോ ഗവൺമെൻറു​ക​ളെ​യോ വീഴ്‌ത്തി​യി​ട്ടുണ്ട്‌. (ദാനീ​യേൽ 2:19-21) മററു ചിലരെ അധികാ​ര​ത്തിൽ തുടർന്നും നില​കൊ​ള്ളാൻ അവൻ അനുവ​ദി​ച്ചി​ട്ടുണ്ട്‌. നിലനി​ന്നു​പോ​കാൻ യഹോവ ക്ഷമയോ​ടെ സമ്മതി​ക്കുന്ന ഭരണാ​ധി​പൻമാ​രെ​ക്കു​റിച്ച്‌, അവർ ‘അവരുടെ ആപേക്ഷിക സ്ഥാനങ്ങ​ളിൽ ദൈവ​ത്താൽ ആക്കി​വെ​ക്ക​പ്പെ​ട്ടി​രി​ക്കു​ന്നു’ എന്നു പറയാ​വു​ന്ന​താണ്‌.

ആദിമ ക്രിസ്‌ത്യാ​നി​ക​ളും റോമൻ ഭരണാ​ധി​കാ​രി​ക​ളും

6. ആദിമ​ക്രി​സ്‌ത്യാ​നി​കൾ റോമൻ ഭരണാ​ധി​കാ​രി​കളെ വീക്ഷി​ച്ചത്‌ എങ്ങനെ​യാ​യി​രു​ന്നു, എന്തു​കൊണ്ട്‌?

⁶ ഇസ്രാ​യേ​ലിൽ അധിനി​വേശം നടത്തിയ റോമാ​ക്കാർക്കെ​തി​രെ ഗൂഢാ​ലോ​ചന നടത്തി പോരാ​ടി​യി​രുന്ന യഹൂദ​വി​ഭാ​ഗ​ങ്ങ​ളോ​ടൊ​പ്പം ആദിമ ക്രിസ്‌ത്യാ​നി​കൾ ചേർന്നില്ല. റോമൻ ഭരണാ​ധി​കാ​രി​കൾ അവരുടെ നിയമ​സം​ഹി​ത​ക​ളി​ലൂ​ടെ കരയി​ലും കടലി​ലും ക്രമപാ​ലനം നടത്തി. കൂടാതെ, ഉപയോ​ഗ​പ്ര​ദ​മായ അനേകം നീർച്ചാ​ലു​കൾ, റോഡു​കൾ, പാലങ്ങൾ മുതലാ​യവ നിർമി​ക്കു​ക​യും പൊതു​വേ, സകലരു​ടെ​യും ക്ഷേമത്തി​നു​വേണ്ടി പ്രവർത്തി​ക്കു​ക​യും ചെയ്‌തു. ഇതെല്ലാം നിമിത്തം ക്രിസ്‌ത്യാ​നി​കൾ റോമൻ ഭരണാ​ധി​കാ​രി​കളെ കരുതി​യത്‌ ‘തങ്ങളുടെ നൻമയ്‌ക്കു​വേ​ണ്ടി​യുള്ള, തങ്ങൾക്കു​വേ​ണ്ടി​യുള്ള ദൈവ​ത്തി​ന്റെ ശുശ്രൂ​ഷകൻ [അഥവാ, “ദാസൻ,” അടിക്കു​റിപ്പ്‌]’ ആയിട്ടാണ്‌. (റോമർ 13:3, 4, NW) ഇനി, ക്രമസ​മാ​ധാ​ന​നില മുഖാ​ന്തരം ഉളവായ സാഹച​ര്യ​മോ, യേശു​ക്രി​സ്‌തു കൽപ്പി​ച്ച​പ്ര​കാ​രം എല്ലായി​ട​ത്തും പോയി സുവാർത്ത പ്രസം​ഗി​ക്കാൻ ക്രിസ്‌ത്യാ​നി​കളെ സഹായി​ക്കു​ന്ന​തു​മാ​യി​രു​ന്നു. (മത്തായി 28:19, 20) സകലത്തി​ലും ഒരു നല്ല മനസ്സാ​ക്ഷി​യോ​ടെ അവർക്കു റോമാ​ക്കാർ ചുമത്തിയ നികു​തി​കൾ കൊടു​ക്കാൻ കഴിയു​മാ​യി​രു​ന്നു, അവയിൽ കുറെ പണമെ​ല്ലാം ചെലവ​ഴി​ച്ചി​രു​ന്നത്‌ ദൈവാം​ഗീ​കാ​ര​മി​ല്ലാത്ത കാര്യ​ങ്ങൾക്കാ​യി​രു​ന്നെ​ങ്കി​ലും.—റോമർ 13:5-7.

7, 8. (എ) റോമർ 13:1-7-ന്റെ ഒരു ശ്രദ്ധാ​പൂർവ​ക​മായ വായന എന്തു വെളി​പ്പെ​ടു​ത്തു​ന്നു, സന്ദർഭം എന്തു പ്രകട​മാ​ക്കു​ന്നു? (ബി) ഏതെല്ലാം സാഹച​ര്യ​ങ്ങ​ളിൽ റോമൻ ഭരണാ​ധി​കാ​രി​കൾ “ദൈവ​ശു​ശ്രൂ​ഷക”നായി പ്രവർത്തി​ച്ചില്ല, ഇക്കാര്യ​ത്തിൽ ആദിമ ക്രിസ്‌ത്യാ​നി​കൾ എന്തു മനോ​ഭാ​വം കൈ​ക്കൊ​ണ്ടു?

⁷ നൻമ ചെയ്യു​ന്ന​വരെ പ്രശം​സി​ക്കാ​നും തിൻമ ചെയ്യു​ന്ന​വരെ ശിക്ഷി​ക്കാ​നു​മുള്ള “ദൈവ​ശു​ശ്രൂ​ഷക”നാണ്‌ രാഷ്‌ട്രീയ “ശ്രേഷ്‌ഠാ​ധി​കാ​രി”കൾ എന്ന്‌ റോമർക്കുള്ള ലേഖനം 13-ാം അധ്യായത്തിന്റെ ആദ്യത്തെ ഏഴു വാക്യ​ങ്ങ​ളു​ടെ ഒരു ശ്രദ്ധാ​പൂർവ​ക​മായ വായന വെളി​പ്പെ​ടു​ത്തു​ന്നു. നല്ലത്‌ എന്തെന്നും മോശ​മാ​യത്‌ എന്തെന്നും തീരു​മാ​നി​ക്കു​ന്നത്‌ ശ്രേഷ്‌ഠാ​ധി​കാ​രി​കളല്ല, ദൈവ​മാ​ണെന്ന്‌ ഇതിന്റെ സന്ദർഭം പ്രകട​മാ​ക്കു​ന്നു. അതു​കൊണ്ട്‌, റോമൻ ചക്രവർത്തി​യോ മറേറ​തെ​ങ്കി​ലും രാഷ്‌ട്രീയ അധികാ​രി​ക​ളോ ദൈവം വിലക്കി​യി​രി​ക്കു​ന്നത്‌ ചെയ്യാൻ ആവശ്യ​പ്പെ​ട്ടി​രു​ന്നെ​ങ്കിൽ, അഥവാ മറിച്ചു പറഞ്ഞാൽ, ദൈവം ആവശ്യ​പ്പെ​ട്ടതു വിലക്കി​യി​രു​ന്നെ​ങ്കിൽ അയാൾ മേലാൽ ദൈവ​ശു​ശ്രൂ​ഷ​ക​നാ​യി​ട്ടല്ല പ്രവർത്തി​ക്കു​ന്നത്‌. “കൈസർക്കു​ള്ളതു കൈസർക്കും ദൈവ​ത്തി​ന്നു​ള്ളതു ദൈവ​ത്തി​ന്നും കൊടു​പ്പിൻ” എന്നായി​രു​ന്നു യേശു പ്രസ്‌താ​വി​ച്ചത്‌. (മത്തായി 22:21) ആരാധ​ന​യോ അല്ലെങ്കിൽ ഒരു വ്യക്തി​യു​ടെ ജീവനോ പോലുള്ള ദൈവ​ത്തി​നുള്ള സംഗതി​കൾ റോമാ​രാ​ഷ്‌ട്രം ആവശ്യ​പ്പെ​ട്ടി​രു​ന്നെ​ങ്കിൽ സത്യ​ക്രി​സ്‌ത്യാ​നി​കൾ ‘ഞങ്ങൾ മനുഷ്യ​രെ​ക്കാൾ ദൈവത്തെ അനുസ​രി​ക്കേ​ണ്ട​താ​കു​ന്നു’ എന്ന അപ്പോ​സ്‌ത​ലിക ബുദ്ധ്യു​പ​ദേശം പിൻപ​റ​റു​മാ​യി​രു​ന്നു.—പ്രവൃ​ത്തി​കൾ 5:29.

⁸ ചക്രവർത്തി​യാ​രാ​ധ​ന​യി​ലും വിഗ്ര​ഹാ​രാ​ധ​ന​യി​ലും പങ്കെടു​ക്കുക, ക്രിസ്‌തീയ യോഗങ്ങൾ ഉപേക്ഷി​ക്കുക, സുവാർത്ത​യു​ടെ പ്രസം​ഗ​വേല നിർത്തുക എന്നിവ ചെയ്യാൻ ആദിമ ക്രിസ്‌ത്യാ​നി​കൾ വിസമ്മ​തി​ച്ച​പ്പോൾ ഫലം പീഡന​മാ​യി​രു​ന്നു. പൊതു​വേ വിശ്വ​സി​ക്ക​പ്പെ​ടു​ന്നത്‌ അപ്പോ​സ്‌ത​ല​നായ പൗലോസ്‌ നീറോ ചക്രവർത്തി​യു​ടെ കൽപ്പന​പ്ര​കാ​രം വധിക്ക​പ്പെട്ടു എന്നാണ്‌. മററു ചക്രവർത്തി​മാ​രും, വിശേ​ഷിച്ച്‌ ഡൊമി​നീ​ഷ്യൻ, മാർക്കസ്‌ ഔറേ​ലി​യസ്‌, സെപ്‌റ​റി​മി​യസ്‌, സെവേ​യ്‌റുസ്‌, ഡേസി​യസ്‌, ഡയക്ലീ​ഷ്യൻ എന്നിവർ ആദിമ ക്രിസ്‌ത്യാ​നി​കളെ പീഡി​പ്പി​ച്ച​വ​രാണ്‌. ഈ ചക്രവർത്തി​മാ​രും അവരുടെ കീഴി​ലുള്ള അധികാ​രി​ക​ളും ക്രിസ്‌ത്യാ​നി​കളെ പീഡി​പ്പി​ച്ച​പ്പോൾ അവർ തീർച്ച​യാ​യും “ദൈവ​ശു​ശ്രൂ​ഷക”നായി പ്രവർത്തി​ക്കു​ക​യാ​യി​രു​ന്നില്ല.

9. (എ) രാഷ്‌ട്രീയ ശ്രേഷ്‌ഠാ​ധി​കാ​രി​കളെ സംബന്ധി​ച്ചുള്ള ഏതു സത്യം അവശേ​ഷി​ക്കു​ന്നു, രാഷ്‌ട്രീയ മൃഗത്തി​നു ശക്തിയും അധികാ​ര​വും ലഭിക്കു​ന്നത്‌ ആരിൽനി​ന്നാണ്‌? (ബി) ശ്രേഷ്‌ഠാ​ധി​കാ​രി​ക​ളോ​ടുള്ള ക്രിസ്‌ത്യാ​നി​ക​ളു​ടെ കീഴ്‌പെടൽ സംബന്ധി​ച്ചു ന്യായ​മാ​യും എന്തു പറയാ​വു​ന്ന​താണ്‌?

⁹ മനുഷ്യ​സ​മൂ​ഹ​ത്തിൽ നിയമ​വാഴ്‌ച നിലനിർത്താൻ രാഷ്‌ട്രീയ ശ്രേഷ്‌ഠാ​ധി​കാ​രി​കൾ ഏതെങ്കി​ലും​ത​ര​ത്തിൽ “ദൈവ​ത്തി​ന്റെ ക്രമീ​കരണ”മായി വർത്തി​ക്കു​മ്പോൾപ്പോ​ലും അവർ നില​കൊ​ള്ളു​ന്നത്‌ സാത്താൻ ദൈവ​മാ​യി​രി​ക്കുന്ന ലൗകിക വ്യവസ്ഥി​തി​യു​ടെ ഭാഗമാ​യി​ത്ത​ന്നെ​യെന്ന്‌ ദൃഷ്ടാ​ന്തീ​ക​രി​ക്കാൻ ഇതെല്ലാം ഉതകുന്നു. (1 യോഹ​ന്നാൻ 5:19) അവർ വെളി​പ്പാ​ടു 13:1, 2-ലെ “കാട്ടു​മൃ​ഗം” [NW] പ്രതീ​ക​പ്പെ​ടു​ത്തുന്ന ലോക​വി​സ്‌തൃത രാഷ്‌ട്രീയ സംഘട​ന​യു​ടെ ഭാഗമാണ്‌. ആ മൃഗത്തി​നു ശക്തിയും അധികാ​ര​വും ലഭിക്കു​ന്നതു പിശാ​ചായ സാത്താൻ എന്ന “മഹാസർപ്പ”ത്തിൽനി​ന്നാണ്‌. (വെളി​പ്പാ​ടു 12:9) അതു​കൊണ്ട്‌, അത്തരം അധികാ​രി​ക​ളോ​ടുള്ള ക്രിസ്‌ത്യാ​നി​ക​ളു​ടെ കീഴ്‌പെടൽ ആപേക്ഷി​ക​മാണ്‌, സമ്പൂർണമല്ല എന്നതു ന്യായ​യു​ക്ത​മാണ്‌.—താരത​മ്യം ചെയ്യുക: ദാനീ​യേൽ 3:16-18.

അധികാ​ര​ത്തോ​ടുള്ള ഉചിത​മായ ആദരവ്‌

10, 11. (എ) അധികാ​ര​സ്ഥാ​ന​ത്തു​ള്ള​വ​രോ​ടു നാം ആദരവു​ള്ള​വ​രാ​യി​രി​ക്കണം എന്നു പൗലോസ്‌ പ്രകട​മാ​ക്കി​യ​തെ​ങ്ങനെ? (ബി) “രാജാ​ക്കൻമാ​രെ​യും ഉന്നത സ്ഥാനങ്ങ​ളി​ലുള്ള എല്ലാവ​രെ​യും സംബന്ധി​ച്ചു” പ്രാർഥി​ക്കാ​നാ​വു​ന്ന​തെ​ങ്ങനെ, എന്തു​കൊണ്ട്‌?

¹⁰ എന്നിരു​ന്നാ​ലും, രാഷ്‌ട്രീയ ശ്രേഷ്‌ഠാ​ധി​കാ​രി​ക​ളോട്‌ ക്രിസ്‌ത്യാ​നി​കൾ ഒരു മുരടൻ ധിക്കാ​ര​മ​നോ​ഭാ​വം കൈ​ക്കൊ​ള്ള​ണ​മെന്ന്‌ ഇതിനർഥ​മില്ല. അവരുടെ രഹസ്യ​മോ പരസ്യ​മോ ആയ ജീവിതം നോക്കി​യാൽ പ്രത്യേ​കിച്ച്‌ എന്തെങ്കി​ലും ആദരവ്‌ അർഹി​ക്കാ​ത്ത​വ​രാണ്‌ ഇവരിൽ പലരും എന്നതു ശരിതന്നെ. എങ്കിലും, അധികാ​ര​സ്ഥാ​ന​ങ്ങ​ളി​ലു​ള്ള​വ​രോട്‌ ആദര​വോ​ടെ പെരു​മാ​റേ​ണ്ട​താ​ണെന്ന്‌ അപ്പോ​സ്‌ത​ലൻമാർ, തങ്ങളുടെ മാതൃക, ബുദ്ധ്യു​പ​ദേശം എന്നിവ​യാൽ പ്രകട​മാ​ക്കി. വ്യഭി​ചാ​രി​യായ ഹെരോദ്‌ അഗ്രിപ്പാ 2-ാമൻ രാജാ​വി​ന്റെ മുമ്പിൽ സന്നിഹി​ത​നായ പൗലോസ്‌ ഉചിത​മായ ആദര​വോ​ടെ​യാണ്‌ അദ്ദേഹ​ത്തോ​ടു സംസാ​രി​ച്ചത്‌.—പ്രവൃ​ത്തി​കൾ 26:2, 3, 25.

¹¹ നമ്മുടെ പ്രാർഥ​ന​ക​ളിൽ ലൗകിക അധികാ​രി​കളെ പരാമർശി​ക്കു​ന്നത്‌ ഉചിത​മാ​ണെ​ന്നു​പോ​ലും പൗലോസ്‌ പ്രസ്‌താ​വി​ച്ചു. വിശേ​ഷിച്ച്‌, നമ്മുടെ ജീവി​ത​ത്തെ​യും ക്രിസ്‌തീയ പ്രവർത്ത​ന​ങ്ങ​ളെ​യും ബാധി​ക്കുന്ന തീരു​മാ​ന​ങ്ങ​ളെ​ടു​ക്കാൻ അവരുടെ സഹായം തേടുന്ന അവസര​ത്തിൽ. അദ്ദേഹം എഴുതി: “എന്നാൽ സകലമ​നു​ഷ്യർക്കും നാം സർവ്വഭ​ക്തി​യോ​ടും ഘനത്തോ​ടും​കൂ​ടെ സാവധാ​ന​ത​യും സ്വസ്ഥത​യു​മുള്ള ജീവനം കഴി​ക്കേ​ണ്ട​തി​ന്നു വിശേ​ഷാൽ രാജാ​ക്കൻമാർക്കും സകല അധികാ​ര​സ്ഥൻമാർക്കും വേണ്ടി യാചന​യും പ്രാർത്ഥ​ന​യും പക്ഷവാ​ദ​വും സ്‌തോ​ത്ര​വും ചെയ്യേണം എന്നു ഞാൻ സകലത്തി​ന്നും മുമ്പെ പ്രബോ​ധി​പ്പി​ക്കു​ന്നു. അതു നമ്മുടെ രക്ഷിതാ​വായ ദൈവ​ത്തി​ന്റെ സന്നിധി​യിൽ നല്ലതും പ്രസാ​ദ​ക​ര​വും ആകുന്നു. അവൻ സകലമ​നു​ഷ്യ​രും [“സകലതരം മനുഷ്യ​രും,” NW] രക്ഷപ്രാ​പി​പ്പാ​നും സത്യത്തി​ന്റെ പരിജ്ഞാ​ന​ത്തിൽ എത്തുവാ​നും ഇച്ഛിക്കു​ന്നു.” (1 തിമൊ​ഥെ​യൊസ്‌ 2:1-4) അത്തരം അധികാ​രി​ക​ളോ​ടുള്ള നമ്മുടെ ആദരപൂർവ​ക​മായ മനോ​ഭാ​വം നിമിത്തം ചില​പ്പോൾ ‘സകലതരം മനുഷ്യ​രെ’യും രക്ഷിക്കാൻ ശ്രമി​ക്കുന്ന നമ്മുടെ വേല കൂടുതൽ സ്വാത​ന്ത്ര്യ​ത്തോ​ടെ നിർവ​ഹി​ക്കാൻ അവർ നമ്മെ അനുവ​ദി​ക്കും എന്നതാ​വാം ഫലം.

12, 13. (എ) അധികാ​രി​കളെ സംബന്ധി​ച്ചു സമനി​ല​യുള്ള ഏതു ബുദ്ധ്യു​പ​ദേ​ശ​മാണ്‌ പത്രോസ്‌ നൽകി​യത്‌? (ബി) യഹോ​വ​യു​ടെ സാക്ഷി​കൾക്കെ​തി​രെ മുൻവി​ധി​യു​ണ്ടാ​ക്കുന്ന “യുക്തി​ഹീ​ന​രായ മനുഷ്യ​രു​ടെ അനഭിജ്ഞ സംസാര”ത്തെ [NW] നമുക്ക്‌ എങ്ങനെ മറിക​ട​ക്കാം?

¹² അപ്പോ​സ്‌ത​ല​നായ പത്രോസ്‌ എഴുതി: “സകല മനുഷ്യ​നി​യ​മ​ത്തി​ന്നും കർത്താ​വിൻ നിമിത്തം കീഴട​ങ്ങു​വിൻ. ശ്രേഷ്‌ഠാ​ധി​കാ​രി എന്നു​വെച്ചു രാജാ​വി​ന്നും ദുഷ്‌പ്ര​വൃ​ത്തി​ക്കാ​രു​ടെ ദണ്ഡനത്തി​ന്നും സൽപ്ര​വൃ​ത്തി​ക്കാ​രു​ടെ മാനത്തി​ന്നു​മാ​യി അവനാൽ അയക്ക​പ്പെ​ട്ടവർ എന്നു​വെച്ചു നാടു​വാ​ഴി​കൾക്കും കീഴട​ങ്ങു​വിൻ. നിങ്ങൾ നൻമ ചെയ്‌തു​കൊ​ണ്ടു ബുദ്ധി​യി​ല്ലാത്ത മനുഷ്യ​രു​ടെ ഭോഷ​ത്വം മിണ്ടാ​താ​ക്കേണം എന്നുള്ളതു ദൈ​വേഷ്ടം ആകുന്നു. സ്വത​ന്ത്ര​രാ​യും സ്വാത​ന്ത്ര്യം ദുഷ്ട​തെക്കു മറയാ​ക്കാ​തെ ദൈവ​ത്തി​ന്റെ ദാസൻമാ​രാ​യും നടപ്പിൻ. എല്ലാവ​രെ​യും ബഹുമാ​നി​പ്പിൻ; സഹോ​ദ​ര​വർഗ്ഗത്തെ സ്‌നേ​ഹി​പ്പിൻ. ദൈവത്തെ ഭയപ്പെ​ടു​വിൻ; രാജാ​വി​നെ ബഹുമാ​നി​പ്പിൻ.” (1 പത്രൊസ്‌ 2:13-17) എത്ര സമനി​ല​യുള്ള ബുദ്ധ്യു​പ​ദേശം! അവന്റെ ദാസൻമാ​രെന്ന നിലയിൽ ദൈവ​ത്തി​നു സമ്പൂർണ​മാ​യി കീഴ്‌പെ​ടാൻ നമുക്കു കടപ്പാ​ടുണ്ട്‌. എന്നാൽ ദുഷ്‌പ്ര​വൃ​ത്തി​ക്കാ​രെ ശിക്ഷി​ക്കാൻ ആക്കി​വെ​ച്ചി​രി​ക്കുന്ന രാഷ്‌ട്രീ​യാ​ധി​കാ​രി​കൾക്കു നാം ആപേക്ഷി​ക​മാ​യി, ആദരപൂർവ​ക​മാ​യി കീഴ്‌പെ​ടു​ന്നു.

¹³ അനേകം ലൗകിക അധികാ​രി​കൾക്കും വിചി​ത്ര​മായ തെററി​ദ്ധാ​ര​ണ​ക​ളാ​ണു യഹോ​വ​യു​ടെ സാക്ഷി​ക​ളെ​ക്കു​റി​ച്ചു​ള്ള​തെന്നു കണ്ടിട്ടുണ്ട്‌. അവർ അങ്ങനെ​യാ​വാൻ കാരണം സാധാ​ര​ണ​മാ​യി, ദൈവ​ജ​ന​ത​യു​ടെ ശത്രുക്കൾ ദ്രോ​ഹ​ബു​ദ്ധ്യാ നടത്തുന്ന ദുഷ്‌പ്ര​ച​ര​ണ​മാണ്‌. അല്ലെങ്കിൽ നമ്മെക്കു​റിച്ച്‌ അവർക്ക്‌ അറിവു ലഭിച്ചത്‌ മാധ്യ​മ​ങ്ങ​ളി​ലൂ​ടെ​യാ​കാം. ഇവയിലെ വിവര​ണ​ങ്ങ​ളാ​കട്ടെ, എല്ലായ്‌പോ​ഴും നിഷ്‌പ​ക്ഷ​വു​മല്ല. ചില​പ്പോ​ഴൊ​ക്കെ നമ്മുടെ ആദരപൂർവ​ക​മായ മനോ​ഭാ​വം​കൊണ്ട്‌ ഈ മുൻവി​ധി​യെ മാററി​യെ​ടു​ക്കാൻ കഴിയും. സാധ്യ​മാ​കുന്ന സ്ഥലങ്ങളിൽ യഹോ​വ​യു​ടെ സാക്ഷി​ക​ളു​ടെ വേല​യെ​യും വിശ്വാ​സ​ങ്ങ​ളെ​യും കുറി​ച്ചുള്ള കൃത്യ​മായ വിവരങ്ങൾ പ്രദാനം ചെയ്‌തു​കൊ​ണ്ടും അതു ചെയ്യാ​വു​ന്ന​താണ്‌. ജോലി​ത്തി​ര​ക്കുള്ള ഉദ്യോ​ഗ​സ്ഥൻമാർക്ക്‌ ഒരു സംക്ഷിപ്‌ത വിവരണം ലഭിക്കാൻ യഹോ​വ​യു​ടെ സാക്ഷികൾ ഇരുപ​താം നൂററാ​ണ്ടിൽ എന്ന ലഘുപ​ത്രിക മതിയാ​കും. എന്നാൽ സമ്പൂർണ​മായ വിവര​ത്തി​നാ​ണെ​ങ്കിൽ യഹോ​വ​യു​ടെ സാക്ഷികൾ—ദൈവ​രാ​ജ്യ​ത്തി​ന്റെ പ്രഘോ​ഷകർ എന്ന പുസ്‌തകം കൊടു​ക്കാ​വു​ന്ന​താണ്‌. പ്രാ​ദേ​ശി​ക​വും ദേശീ​യ​വു​മായ വായന​ശാ​ല​ക​ളി​ലെ പുസ്‌ത​ക​ഷെൽഫു​ക​ളിൽ സ്ഥാനം​പി​ടി​ക്കേണ്ട ഒരു ഉത്തമ ഉപകര​ണ​മാണ്‌ അത്‌.

ക്രിസ്‌തീയ ഭവനങ്ങൾക്കു​ള്ളി​ലെ അധികാ​രം

14, 15. (എ) ക്രിസ്‌തീ​യ​ഭ​വ​ന​ത്തി​നു​ള്ളി​ലെ അധികാ​ര​ത്തി​ന്റെ അടിസ്ഥാ​നം എന്ത്‌? (ബി) ഭർത്താ​ക്കൻമാ​രോ​ടുള്ള ക്രിസ്‌തീയ ഭാര്യ​മാ​രു​ടെ മനോ​ഭാ​വം എന്തായി​രി​ക്കണം, എന്തു​കൊണ്ട്‌?

¹⁴ ലൗകിക അധികാ​രി​കൾക്ക്‌ അർഹി​ക്കുന്ന ആദരവ്‌ കൊടു​ക്കാൻ ദൈവം ക്രിസ്‌ത്യാ​നി​ക​ളോട്‌ ആവശ്യ​പ്പെ​ടു​ന്നു. അപ്പോൾപ്പി​ന്നെ, സമാന​മാ​യി ക്രിസ്‌തീ​യ​ഭ​വ​ന​ങ്ങൾക്കു​ള്ളിൽ ദൈവം ഏർപ്പെ​ടു​ത്തി​യി​ട്ടുള്ള അധികാ​ര​ഘ​ട​നയെ അവർ ആദരി​ക്ക​ണ​മെന്ന കാര്യം പറയേ​ണ്ട​തി​ല്ല​ല്ലോ. യഹോ​വ​യു​ടെ ജനത്തി​നി​ട​യി​ലെ ശിരസ്ഥാ​ന​ത​ത്ത്വം അർഥസ​മ്പു​ഷ്ട​മായ വാക്കു​ക​ളിൽ ചുരു​ക്കി​പ്പ​റ​ഞ്ഞു​കൊണ്ട്‌ അപ്പോ​സ്‌ത​ല​നായ പൗലോസ്‌ എഴുതി: “ഏതു പുരു​ഷ​ന്റെ​യും തല ക്രിസ്‌തു, സ്‌ത്രീ​യു​ടെ തല പുരുഷൻ, ക്രിസ്‌തു​വി​ന്റെ തല ദൈവം എന്നു നിങ്ങൾ അറി​യേണം എന്നു ഞാൻ ആഗ്രഹി​ക്കു​ന്നു.” (1 കൊരി​ന്ത്യർ 11:3) ഇതാണു ദിവ്യാ​ധി​പ​ത്യ​ത്തി​ന്റെ, അഥവാ ദൈവ​ഭ​ര​ണ​ത്തി​ന്റെ തത്ത്വം. ഇതിൽ ഉൾപ്പെ​ട്ടി​രി​ക്കു​ന്നത്‌ എന്താണ്‌?

¹⁵ ദിവ്യാ​ധി​പ​ത്യ​ത്തോ​ടുള്ള ആദരവ്‌ ആരംഭി​ക്കു​ന്നതു ഭവനത്തി​ലാണ്‌. വിശ്വാ​സി ആയാലും അല്ലെങ്കി​ലും ഭർത്താ​വി​ന്റെ അധികാ​ര​ത്തോ​ടു ശരിയായ ആദരവു പ്രകട​മാ​ക്കാത്ത ഒരു ക്രിസ്‌തീയ ഭാര്യ​യു​ടെ പ്രവൃത്തി ദിവ്യാ​ധി​പ​ത്യ​പ​രമല്ല. പൗലോസ്‌ ക്രിസ്‌ത്യാ​നി​കളെ ഇങ്ങനെ ബുദ്ധ്യു​പ​ദേ​ശി​ച്ചു: “ക്രിസ്‌തു​വി​ന്റെ ഭയത്തിൽ അന്യോ​ന്യം കീഴ്‌പെ​ട്ടി​രി​പ്പിൻ. ഭാര്യ​മാ​രേ, കർത്താ​വി​ന്നു എന്നപോ​ലെ സ്വന്ത ഭർത്താ​ക്കൻമാർക്കു കീഴട​ങ്ങു​വിൻ. ക്രിസ്‌തു ശരീര​ത്തി​ന്റെ രക്ഷിതാ​വാ​യി സഭെക്കു തലയാ​കു​ന്ന​തു​പോ​ലെ ഭർത്താവു ഭാര്യക്കു തലയാ​കു​ന്നു. എന്നാൽ സഭ ക്രിസ്‌തു​വി​ന്നു കീഴട​ങ്ങി​യി​രി​ക്കു​ന്ന​തു​പോ​ലെ ഭാര്യ​മാ​രും ഭർത്താ​ക്കൻമാർക്കു സകലത്തി​ലും കീഴട​ങ്ങി​യി​രി​ക്കേണം.” (എഫെസ്യർ 5:21-24) ക്രിസ്‌തീയ പുരു​ഷൻമാർ ക്രിസ്‌തു​വി​ന്റെ ശിരസ്ഥാ​ന​ത്തി​നു കീഴ്‌പെ​ടേ​ണ്ട​തു​ള്ള​തു​പോ​ലെ ക്രിസ്‌തീയ സ്‌ത്രീ​കൾ ഭർത്താ​ക്കൻമാ​രു​ടെ ദൈവദത്ത അധികാ​ര​ത്തി​നു കീഴ്‌പെ​ടു​ന്ന​തി​ലെ ജ്ഞാനം അംഗീ​ക​രി​ക്കണം. ഇത്‌ അവർക്ക്‌ ആഴമായ ആന്തരിക സംതൃ​പ്‌തി​യും, അതിലും പ്രധാ​ന​മാ​യി യഹോ​വ​യു​ടെ അനു​ഗ്ര​ഹ​വും കൈവ​രു​ത്തും.

16, 17. (എ) ക്രിസ്‌തീയ ഭവനങ്ങ​ളിൽ വളർന്നു​വന്ന കുട്ടികൾ ഇന്നത്തെ മററ​നേകം കുട്ടി​ക​ളിൽനി​ന്നു വ്യത്യ​സ്‌ത​രാ​യി​രി​ക്കു​ന്നത്‌ എങ്ങനെ, അവർക്ക്‌ അതിനുള്ള പ്രേര​ക​ഘ​ടകം എന്താണ്‌? (ബി) ഇന്നത്തെ ചെറു​പ്പ​ക്കാർക്ക്‌ യേശു ഒരു ഉത്തമ മാതൃക ആയിരു​ന്ന​തെ​ങ്ങ​നെ​യാണ്‌, അവർ എന്തു ചെയ്യാൻ പ്രോ​ത്സാ​ഹി​പ്പി​ക്ക​പ്പെ​ടു​ന്നു?

¹⁶ മാതാ​പി​താ​ക്ക​ളോട്‌ ഉചിത​മായ ആദരവു പ്രകട​മാ​ക്കാൻ ദിവ്യാ​ധി​പത്യ കുട്ടി​കൾക്കു സന്തോ​ഷ​മാണ്‌. അന്ത്യനാ​ളി​ലെ യുവത​ല​മു​റ​യെ​ക്കു​റിച്ച്‌ മുൻകൂ​ട്ടി​പ്പ​റ​ഞ്ഞി​രി​ക്കു​ന്നത്‌ അവർ “അമ്മയപ്പൻമാ​രെ അനുസ​രി​ക്കാ​ത്തവ”രായി​രി​ക്കും എന്നാണ്‌. (2 തിമൊ​ഥെ​യൊസ്‌ 3:1, 2) എന്നാൽ ക്രിസ്‌തീയ കുട്ടി​ക​ളോ​ടു ദൈവ​ത്തി​ന്റെ നിശ്വ​സ്‌ത​വ​ചനം പറയുന്നു: “മക്കളേ, നിങ്ങളു​ടെ അമ്മയപ്പൻമാ​രെ സകലത്തി​ലും അനുസ​രി​പ്പിൻ. ഇതു കർത്താ​വി​ന്റെ ശിഷ്യൻമാ​രിൽ കണ്ടാൽ പ്രസാ​ദ​ക​ര​മ​ല്ലോ.” (കൊ​ലൊ​സ്സ്യർ 3:20) മാതാ​പി​താ​ക്ക​ളു​ടെ അധികാ​ര​ത്തോ​ടുള്ള ആദരവ്‌ യഹോ​വയെ പ്രീതി​പ്പെ​ടു​ത്തു​ക​യും അവന്റെ അനു​ഗ്ര​ഹങ്ങൾ നേടി​ത്ത​രി​ക​യും ചെയ്യുന്നു.

¹⁷ ഇതു യേശു​വി​ന്റെ കാര്യ​ത്തിൽ ദൃഷ്ടാ​ന്തീ​ക​രി​ക്ക​പ്പെ​ടു​ന്നുണ്ട്‌. ലൂക്കോ​സി​ന്റെ വിവരണം പ്രസ്‌താ​വി​ക്കു​ന്നു: “പിന്നെ അവൻ അവരോ​ടു​കൂ​ടെ [അവന്റെ മാതാ​പി​താ​ക്ക​ളോ​ടു​കൂ​ടെ] ഇറങ്ങി, നസറെ​ത്തിൽ വന്നു അവർക്കു കീഴട​ങ്ങി​യി​രു​ന്നു [“കീഴട​ങ്ങു​ന്ന​തിൽ തുടർന്നു,” NW]. . . . യേശു​വോ ജ്ഞാനത്തി​ലും വളർച്ച​യി​ലും ദൈവ​ത്തി​ന്റെ​യും മനുഷ്യ​രു​ടെ​യും കൃപയി​ലും മുതിർന്നു​വന്നു.” (ലൂക്കൊസ്‌ 2:51, 52) അപ്പോൾ യേശു​വി​നു 12 വയസ്സാ​യി​രു​ന്നു. അവൻ മാതാ​പി​താ​ക്കൾക്കു “കീഴട​ങ്ങു​ന്ന​തിൽ തുടർന്നു” എന്ന്‌ ഊന്നി​പ്പ​റ​യുന്ന ഒരു ഗ്രീക്കു ക്രിയാ​രൂ​പ​മാണ്‌ ഇവിടെ ഉപയോ​ഗി​ച്ചി​രി​ക്കു​ന്നത്‌. അതു​കൊണ്ട്‌, കൗമാ​ര​ത്തിൽ പ്രവേ​ശി​ച്ച​തോ​ടെ അവന്റെ കീഴ്‌പെടൽ അവസാ​നി​ച്ചില്ല. ആത്മീയ​ത​യി​ലും യഹോ​വ​യു​ടെ​യും ദൈവ​ഭ​ക്തി​യുള്ള മനുഷ്യ​രു​ടെ​യും പ്രീതി​യി​ലും പുരോ​ഗതി പ്രാപി​ക്കാൻ ചെറു​പ്പ​ക്കാ​രായ നിങ്ങൾ ആഗ്രഹി​ക്കു​ന്നെ​ങ്കിൽ ഭവനത്തിന്‌ അകത്തും പുറത്തു​മുള്ള അധികാ​ര​ത്തോ​ടു നിങ്ങൾ ആദരവു പ്രകട​മാ​ക്കണം.

സഭയ്‌ക്കു​ള്ളി​ലെ അധികാ​രം

18. ക്രിസ്‌തീയ സഭയുടെ ശിരസ്സ്‌ ആരാണ്‌, അവൻ ആരെ അധികാ​രം ഭരമേൽപ്പി​ച്ചി​രി​ക്കു​ന്നു?

¹⁸ ക്രിസ്‌തീയ സഭയ്‌ക്കു​ള്ളിൽ ക്രമം ഉണ്ടായി​രി​ക്കേണ്ട ആവശ്യ​ത്തെ​പ്പ​ററി സംസാ​രി​ച്ചു​കൊണ്ട്‌, പൗലോസ്‌ എഴുതി: “ദൈവം കലക്കത്തി​ന്റെ ദൈവമല്ല സമാധാ​ന​ത്തി​ന്റെ ദൈവ​മ​ത്രേ. . . . സകലവും ഉചിത​മാ​യും ക്രമമാ​യും [അഥവാ “ക്രമമ​നു​സ​രി​ച്ചു,” NW അടിക്കു​റിപ്പ്‌] നടക്കട്ടെ.” (1 കൊരി​ന്ത്യർ 14:33, 40) സകല കാര്യ​ങ്ങ​ളും അടുക്കി​ലും ചിട്ടയി​ലും നടത്താൻവേണ്ടി ക്രിസ്‌തീയ സഭയുടെ ശിരസ്സായ ക്രിസ്‌തു വിശ്വ​സ്‌ത​രായ മനുഷ്യ​രെ അധികാ​രം ഭരമേൽപ്പി​ച്ചി​ട്ടുണ്ട്‌. നാം ഇങ്ങനെ വായി​ക്കു​ന്നു: “അവൻ ചിലരെ അപ്പൊ​സ്‌ത​ലൻമാ​രാ​യും ചിലരെ പ്രവാ​ച​കൻമാ​രാ​യും ചിലരെ സുവി​ശേ​ഷ​കൻമാ​രാ​യും ചിലരെ ഇടയൻമാ​രാ​യും ഉപദേ​ഷ്ടാ​ക്കൻമാ​രാ​യും നിയമി​ച്ചി​രി​ക്കു​ന്നു; അതു . . . വിശു​ദ്ധൻമാ​രു​ടെ യഥാസ്ഥാ​ന​ത്വ​ത്തി​ന്നാ​യുള്ള ശുശ്രൂ​ഷ​യു​ടെ വേലെ​ക്കും . . . ആകുന്നു. അങ്ങനെ നാം . . . സത്യം സംസാ​രി​ച്ചു​കൊ​ണ്ടു ക്രിസ്‌തു എന്ന തലയോ​ളം സകലത്തി​ലും വളരു​വാൻ ഇടയാ​കും.”—എഫെസ്യർ 4:11, 12, 13, 15.

19. (എ) ഭൂമി​യിൽ തനിക്കു​ള്ള​തി​നു​മേൽ ആരെയാ​ണു ക്രിസ്‌തു നിയമി​ച്ചി​രി​ക്കു​ന്നത്‌, പ്രത്യേക അധികാ​രം അവൻ ആർക്കാണു കൊടു​ത്തി​രി​ക്കു​ന്നത്‌? (ബി) ക്രിസ്‌തീയ സഭയിൽ നടക്കുന്ന അധികാ​ര​ഭ​ര​മേൽപ്പി​ക്കൽ എന്ത്‌, ഇതു നമ്മുടെ ഭാഗത്തു​നിന്ന്‌ എന്ത്‌ ആവശ്യ​മാ​ക്കി​ത്തീർക്കു​ന്നു?

¹⁹ ഈ അന്ത്യകാ​ലത്ത്‌, ക്രിസ്‌തു “വിശ്വ​സ്‌ത​നും വിവേ​കി​യു​മായ അടിമ” വർഗത്തെ “തനിക്കുള്ള സകലത്തിൻമേ”ൽ അഥവാ ഭൂമി​യി​ലെ രാജ്യ​താ​ത്‌പ​ര്യ​ങ്ങ​ളിൻമേൽ നിയമി​ച്ചി​ട്ടുണ്ട്‌. (മത്തായി 24:45-47, NW) ഒന്നാം നൂററാ​ണ്ടി​ലെ​പോ​ലെ ഈ അടിമ അഭിഷി​ക്ത​രായ ക്രിസ്‌തീയ പുരു​ഷൻമാ​രു​ടെ ഒരു ഭരണസം​ഘ​ത്താൽ പ്രതി​നി​ധാ​നം ചെയ്യ​പ്പെ​ടു​ന്നു. തീരു​മാ​ന​ങ്ങ​ളെ​ടു​ക്കാ​നും മററു മേൽവി​ചാ​ര​കൻമാ​രെ നിയമി​ക്കാ​നും ക്രിസ്‌തു അധികാ​രം കൊടു​ത്തി​രി​ക്കു​ന്നത്‌ ഈ അഭിഷി​ക്തർക്കാണ്‌. (പ്രവൃ​ത്തി​കൾ 6:2, 3; 15:2) ക്രമത്തിൽ, ബ്രാഞ്ച്‌ കമ്മിററി, ഡിസ്‌ട്രി​ക്‌ററ്‌ മേൽവി​ചാ​ര​കൻമാർ, സർക്കിട്ട്‌ മേൽവി​ചാ​ര​കൻമാർ, യഹോ​വ​യു​ടെ സാക്ഷി​ക​ളു​ടെ ഭൂമി​യി​ലാ​സ​ക​ല​മുള്ള 73,000-ത്തിലധി​ക​മുള്ള സഭകളിൽ ഓരോ​ന്നി​ലു​മുള്ള മൂപ്പൻമാർ എന്നിവർക്കു ഭരണസം​ഘം അധികാ​രം വീതി​ച്ചു​കൊ​ടു​ക്കു​ന്നു. അർപ്പി​ത​രായ ഈ സകല ക്രിസ്‌തീയ പുരു​ഷൻമാ​രും നമ്മുടെ പിന്തു​ണ​യും ആദരവും അർഹി​ക്കു​ന്നു.—1 തിമൊ​ഥെ​യൊസ്‌ 5:17.

20. അധികാ​ര​സ്ഥാ​ന​ത്തി​രി​ക്കുന്ന സഹക്രി​സ്‌ത്യാ​നി​ക​ളോട്‌ ആദരവി​ല്ലാ​ത്ത​വ​രിൽ യഹോവ അപ്രീ​തി​പ്പെ​ടു​ന്നു എന്ന്‌ ഏതു ദൃഷ്ടാന്തം പ്രകട​മാ​ക്കു​ന്നു?

²⁰ ക്രിസ്‌തീയ സഭയ്‌ക്കു​ള്ളിൽ നാം കൊടു​ക്കാൻ കടപ്പെ​ട്ടി​രി​ക്കുന്ന ആദരവും ലൗകിക അധികാരികളോടു നാം കാണി​ക്കാൻ കടപ്പെ​ട്ടി​രി​ക്കുന്ന കീഴ്‌പെ​ട​ലും തമ്മിൽ രസകര​മായ ഒരു താരത​മ്യം ചെയ്യാ​വു​ന്ന​താണ്‌. ദൈവം അംഗീ​ക​രി​ക്കുന്ന ഒരു മാനു​ഷിക നിയമം ഒരു വ്യക്തി ലംഘി​ക്കു​മ്പോൾ “വാഴു​ന്നവർ” നിശ്ചയി​ച്ചു​കൊ​ടു​ക്കുന്ന ശിക്ഷ വാസ്‌ത​വ​ത്തിൽ “തിൻമ ചെയ്യു”ന്നവരുടെ മേലുള്ള ദൈവ​കോ​പ​ത്തി​ന്റെ ഒരു പരോക്ഷ പ്രകട​ന​മാണ്‌. (റോമർ 13:3, 4) ഒരു വ്യക്തി മാനു​ഷിക നിയമങ്ങൾ ലംഘിച്ച്‌ ലൗകിക അധികാ​രി​ക​ളോട്‌ ആദരവി​ല്ലാ​തെ പെരു​മാ​റു​മ്പോൾ യഹോവ കോപാ​കു​ല​നാ​കു​ന്നു. അങ്ങനെ​യെ​ങ്കിൽ, ഒരു സമർപ്പിത ക്രിസ്‌ത്യാ​നി ബൈബിൾത​ത്ത്വ​ങ്ങളെ പുച്ഛി​ച്ചു​തള്ളി അധികാ​ര​സ്ഥാ​ന​ത്തി​രി​ക്കുന്ന സഹക്രി​സ്‌ത്യാ​നി​ക​ളോട്‌ അനാദ​രവു പ്രകട​മാ​ക്കു​ന്നെ​ങ്കിൽ അത്‌ അവന്‌ എത്രയ​ധി​കം അപ്രീ​തി​യു​ള​വാ​ക്കും!

21. ഏതു തിരു​വെ​ഴു​ത്തു​പ​ര​മായ ബുദ്ധ്യു​പ​ദേശം പിൻപ​റ​റാൻ നാം സന്തോ​ഷ​മു​ള്ള​വ​രാണ്‌, പിൻവ​രുന്ന ലേഖന​ത്തിൽ നാം എന്തു പരിചി​ന്തി​ക്കും?

²¹ മത്സരാ​ത്മ​ക​മോ സ്വത​ന്ത്ര​മോ ആയ മനോ​ഭാ​വം കൈ​ക്കൊണ്ട്‌ ദൈവ​ത്തി​ന്റെ അപ്രീതി വിളി​ച്ചു​വ​രു​ത്തു​ന്ന​തി​നു പകരം നമുക്കു ഫിലി​പ്പി​യി​ലെ ക്രിസ്‌ത്യാ​നി​കൾക്ക്‌ പൗലോസ്‌ കൊടുത്ത ബുദ്ധ്യു​പ​ദേശം പിൻപ​റ​റാം: “അതു​കൊ​ണ്ടു, പ്രിയ​മു​ള്ള​വരേ, നിങ്ങൾ എല്ലായ്‌പോ​ഴും അനുസ​രി​ച്ച​പോ​ലെ ഞാൻ അരിക​ത്തി​രി​ക്കു​മ്പോൾ മാത്രമല്ല ഇന്നു ദൂരത്തി​രി​ക്കു​മ്പോൾ ഏററവും അധിക​മാ​യി ഭയത്തോ​ടും വിറയ​ലോ​ടും കൂടെ നിങ്ങളു​ടെ രക്ഷെക്കാ​യി പ്രവർത്തി​പ്പിൻ. ഇച്ഛിക്ക എന്നതും പ്രവർത്തിക്ക എന്നതും നിങ്ങളിൽ ദൈവ​മ​ല്ലോ തിരു​വു​ള്ളം ഉണ്ടായി​ട്ടു പ്രവർത്തി​ക്കു​ന്നതു. വക്രത​യും കോട്ട​വു​മുള്ള തലമു​റ​യു​ടെ നടുവിൽ നിങ്ങൾ അനിന്ദ്യ​രും പരമാർത്ഥി​ക​ളും ദൈവ​ത്തി​ന്റെ നിഷ്‌ക​ള​ങ്ക​മ​ക്ക​ളും ആകേണ്ട​തി​ന്നു എല്ലാം പിറു​പി​റു​പ്പും വാദവും കൂടാതെ ചെയ്‌വിൻ. അവരുടെ ഇടയിൽ നിങ്ങൾ ജീവന്റെ വചനം പ്രമാ​ണി​ച്ചു​കൊ​ണ്ടു ലോക​ത്തിൽ ജ്യോ​തി​സ്സു​ക​ളെ​പ്പോ​ലെ പ്രകാ​ശി​ക്കു​ന്നു.” (ഫിലി​പ്പി​യർ 2:12-15) അധികാ​ര​പ്ര​തി​സന്ധി വിളി​ച്ചു​വ​രു​ത്തി​യി​രി​ക്കുന്ന വക്രത​യും കോട്ട​വു​മുള്ള ഇന്നത്തെ തലമു​റ​യെ​പ്പോ​ലെയല്ല യഹോ​വ​യു​ടെ ജനം. അവർ അധികാ​ര​ത്തി​നു മനസ്സോ​ടെ കീഴ്‌പെ​ടു​ന്നു. അങ്ങനെ അവർ മഹത്തായ പ്രയോ​ജ​നങ്ങൾ കൊയ്‌തെ​ടു​ക്കു​ന്നു. പിൻവ​രുന്ന ലേഖന​ത്തിൽ നമുക്ക്‌ അതു കാണാ​വു​ന്ന​താണ്‌.

[അടിക്കു​റിപ്പ്‌]

പുനര​വ​ലോ​കനം ചെയ്യു​മ്പോൾ

◻ പരമാ​ധി​കാ​രി ആരാണ്‌, അവന്റെ അധികാ​ര​ത്തി​നു നിയമ​സാ​ധു​ത​യു​ള്ളത്‌ എന്തു​കൊണ്ട്‌?

◻ ശ്രേഷ്‌ഠാ​ധി​കാ​രി​കൾ ‘അവരുടെ ആപേക്ഷിക സ്ഥാനങ്ങ​ളിൽ ദൈവ​ത്താൽ ആക്കി​വെ​ക്ക​പ്പെ​ട്ടി​രി​ക്കുന്ന’ത്‌ ഏത്‌ അർഥത്തി​ലാണ്‌?

◻ ശ്രേഷ്‌ഠാ​ധി​കാ​രി​കൾ “ദൈവ​ശു​ശ്രൂ​ഷക”രല്ലാതാ​കു​ന്നത്‌ എപ്പോൾ?

◻ ക്രിസ്‌തീയ കുടും​ബ​ങ്ങ​ളിൽ ഏത്‌ അധികാ​ര​ഘടന നിലനിൽക്കു​ന്നു?

◻ ക്രിസ്‌തീയ സഭയിൽ നടക്കുന്ന അധികാ​ര​ഭ​ര​മേൽപ്പി​ക്കൽ എന്ത്‌?

[18-ാം പേജിലെ ചിത്രം]

“കൈസർക്കു​ള്ളതു കൈസർക്കും ദൈവ​ത്തി​ന്നു​ള്ളതു ദൈവ​ത്തി​ന്നും കൊടു​പ്പിൻ” എന്നു യേശു പ്രസ്‌താ​വി​ച്ചു