സത്യത്താൽ സ്വത​ന്ത്ര​മാ​ക്ക​പ്പെ​ടു​ന്നു

ഐക്യ​നാ​ടു​ക​ളിൽ, പത്തു ലക്ഷത്തി​ല​ധി​കം ആളുകൾ തടവിൽ കഴിയു​ക​യാണ്‌. ഇവരിൽ, മൂവാ​യി​ര​ത്തോ​ളം പേരെ വധശി​ക്ഷ​യ്‌ക്കു വിധി​ച്ചി​രി​ക്കു​ക​യാണ്‌. നിങ്ങൾ അത്തര​മൊ​രു അവസ്ഥയി​ലാ​ണെന്നു സങ്കൽപ്പി​ക്കുക. നിങ്ങൾക്കെന്തു തോന്നും? അത്തര​മൊ​രു സാധ്യ​ത​യെ​ക്കു​റി​ച്ചുള്ള ചിന്തതന്നെ തീർച്ച​യാ​യും ഭയങ്കര​മാണ്‌. എന്നിരു​ന്നാ​ലും, ഒരർഥ​ത്തിൽ, എല്ലാ മനുഷ്യ​രും സമാന​മാ​യൊ​രു സ്ഥിതി​വി​ശേ​ഷ​ത്തി​ലാണ്‌. ബൈബിൾ പറയുന്നു: “എല്ലാവ​രും പാപം ചെയ്‌തു ദൈവ​തേ​ജസ്സു ഇല്ലാത്ത​വ​രാ​യി​ത്തീർന്നു.” (റോമർ 3:23) അതേ, ആദാമി​ന്റെ പിൻഗാ​മി​കൾ എന്നനി​ല​യിൽ, നാം പാപപൂ​രിത അവസ്ഥയു​ടെ “തടവി”ലാണ്‌. (റോമർ 5:12) ക്രിസ്‌തീയ അപ്പോ​സ്‌ത​ല​നായ പൗലൊ​സിന്‌ അനുഭ​വ​പ്പെ​ട്ട​തു​പോ​ലെ, നമ്മുടെ ബന്ധനത്തി​ന്റെ ഫലങ്ങൾ നമുക്കു ദിവസേന അനുഭ​വ​പ്പെ​ടു​ന്നു. അവൻ എഴുതി: “എന്റെ ബുദ്ധി​യു​ടെ പ്രമാ​ണ​ത്തോ​ടു പോരാ​ടുന്ന വേറൊ​രു പ്രമാണം ഞാൻ എന്റെ അവയവ​ങ്ങ​ളിൽ കാണുന്നു; അതു എന്റെ അവയവ​ങ്ങ​ളി​ലുള്ള പാപ​പ്ര​മാ​ണ​ത്തി​ന്നു എന്നെ ബദ്ധനാ​ക്കി​ക്ക​ള​യു​ന്നു.”—റോമർ 7:23.

നമ്മുടെ പാപപൂർണ​മായ സ്വഭാ​വ​ത്തി​ന്റെ ഫലമായി, പ്രതീ​കാ​ത്മ​ക​മാ​യി പറഞ്ഞാൽ നാം ഓരോ​രു​ത്ത​രും മരണശി​ക്ഷാ​വി​ധി​യിൻ കീഴി​ലാണ്‌. കാരണം ബൈബിൾ പ്രസ്‌താ​വി​ക്കു​ന്നു: “പാപത്തി​ന്റെ ശമ്പളം മരണമ​ത്രേ.” (റോമർ 6:23) സങ്കീർത്ത​ന​ക്കാ​ര​നായ മോശ നമ്മുടെ അവസ്ഥ നന്നായി വർണിച്ചു: “നമുക്ക്‌ ആകെയു​ള്ളത്‌ എഴുപതു വർഷങ്ങൾ—നാം കരുത്ത​രെ​ങ്കിൽ എൺപതു വർഷങ്ങൾ; എന്നിട്ടും അക്കാല​മ​ത്രെ​യും കുഴപ്പ​ങ്ങ​ളും ദുരി​ത​ങ്ങ​ളു​മാണ്‌; ജീവിതം പെട്ടെന്നു തീരുന്നു, നാം കടന്നു​പോ​കു​ന്നു.”—സങ്കീർത്തനം 90:10, ടുഡേ​യ്‌സ്‌ ഇംഗ്ലീഷ്‌ വേർഷൻ; യാക്കോബ്‌ 4:14 താരത​മ്യം ചെയ്യുക.

മനുഷ്യ​വർഗം പാപത്തി​ന്റെ​യും മരണത്തി​ന്റെ​യും അടിമ​ത്ത​ത്തി​ലാ​ണെ​ന്നതു മനസ്സിൽപ്പി​ടി​ച്ചു​കൊ​ണ്ടാ​യി​രു​ന്നു യേശു അനുഗാ​മി​ക​ളോട്‌ ഇങ്ങനെ പറഞ്ഞത്‌: ‘സത്യം നിങ്ങളെ സ്വത​ന്ത്രൻമാ​രാ​ക്കും.’ (യോഹ​ന്നാൻ 8:32) ആ വാക്കു​ക​ളി​ലൂ​ടെ, യേശു റോമൻ ഭരണത്തിൽനി​ന്നുള്ള സ്വാത​ന്ത്ര്യ​ത്തെ​ക്കാൾ വളരെ ശ്രേഷ്‌ഠ​മായ ഒരു സംഗതി​യെ​ക്കു​റി​ച്ചുള്ള പ്രത്യാശ തന്റെ അനുഗാ​മി​കൾക്കു വെച്ചു​നീ​ട്ടു​ക​യാ​യി​രു​ന്നു—അവൻ അവർക്കു പാപത്തിൽനി​ന്നുള്ള മോച​ന​വും മരണത്തിൽനി​ന്നുള്ള വിടു​ത​ലും വാഗ്‌ദാ​നം ചെയ്യു​ക​യാ​യി​രു​ന്നു! ഇത്‌ അവർക്കെ​ങ്ങനെ നൽക​പ്പെ​ടു​മാ​യി​രു​ന്നു? “പുത്രൻ നിങ്ങൾക്കു സ്വാത​ന്ത്ര്യം വരുത്തി​യാൽ നിങ്ങൾ സാക്ഷാൽ സ്വതന്ത്രർ ആകും,” യേശു അവരോ​ടു പറഞ്ഞു. (യോഹ​ന്നാൻ 8:36) അതേ, തന്റെ ജീവിതം അർപ്പി​ക്കു​ക​വഴി, “പുത്ര”നായ യേശു, ആദാം നഷ്ടപ്പെ​ടു​ത്തി​യതു തിരി​ച്ചു​വാ​ങ്ങാൻ വേണ്ടി ഒരു പാപപ​രി​ഹാര ബലിയാ​യി. (1 യോഹ​ന്നാൻ 4:10) ഇത്‌ അനുസ​ര​ണ​മുള്ള മനുഷ്യ​വർഗ​ത്തി​നു പാപത്തി​ന്റെ​യും മരണത്തി​ന്റെ​യും അടിമ​ത്ത​ത്തിൽനി​ന്നു മോചി​ത​രാ​കു​ന്ന​തി​നുള്ള വഴി തുറന്നു. ‘ദൈവ​ത്തി​ന്റെ ഏകജാ​ത​നായ പുത്ര​നിൽ വിശ്വ​സി​ക്കുന്ന ഏവനും നശിച്ചു​പോ​കാ​തെ നിത്യ​ജീ​വൻ പ്രാപി​ക്കേ​ണ്ട​തിന്‌’ അവൻ മരണം​വ​രി​ച്ചു.—യോഹ​ന്നാൻ 3:16.

അതു​കൊ​ണ്ടു നമ്മെ സ്വത​ന്ത്ര​മാ​ക്കാൻ കഴിയുന്ന സത്യം യേശു​ക്രി​സ്‌തു​വി​നെ കേന്ദ്രീ​ക​രി​ച്ചു​ള്ള​താണ്‌. അവന്റെ കാൽച്ചു​വടു പിൻചെ​ല്ലു​ന്നവർ ആയിത്തീ​രു​ന്ന​വർക്കു ദൈവ​രാ​ജ്യം ഭൂമി​യു​ടെ കാര്യ​ങ്ങ​ളിൽ പൂർണ നിയ​ന്ത്രണം ഏറ്റെടു​ക്കു​മ്പോൾ പാപത്തിൽനി​ന്നും മരണത്തിൽനി​ന്നും വിമോ​ചി​ത​രാ​കു​ന്ന​തി​നുള്ള പ്രത്യാ​ശ​യുണ്ട്‌. ദൈവ​വ​ച​ന​ത്തി​ലെ സത്യം അംഗീ​ക​രി​ക്കു​ന്നവർ ഇപ്പോൾപ്പോ​ലും യഥാർഥ സ്വാത​ന്ത്ര്യം അനുഭ​വി​ക്കു​ന്നുണ്ട്‌. ഏതു വിധങ്ങ​ളിൽ?

മരിച്ച​വ​രെ​ക്കു​റി​ച്ചുള്ള ഭയത്തിൽനി​ന്നു സ്വാത​ന്ത്ര്യം

ഇന്നു കോടി​ക്ക​ണ​ക്കി​നാ​ളു​കൾ മരിച്ച​വ​രെ​ക്കു​റി​ച്ചുള്ള ഭയപ്പാ​ടിൽ ജീവി​ക്കു​ന്നു. എന്തു​കൊണ്ട്‌? മരിക്കു​മ്പോൾ ആത്മാവു ശരീരം വിട്ട്‌ ഒരു ആത്മമണ്ഡ​ല​ത്തി​ലേക്കു യാത്ര​യാ​കു​ന്നു​വെന്ന്‌ അവരുടെ മതങ്ങൾ അവരെ പഠിപ്പി​ച്ചി​രി​ക്കു​ന്ന​താ​ണു കാരണം. അതു​കൊ​ണ്ടാ​ണു മരിച്ച​യാ​ളു​ടെ ബന്ധുക്ക​ളു​ടെ വകയായി പല ദിനരാ​ത്രങ്ങൾ നീണ്ടു​നിൽക്കുന്ന ഉറക്കി​ളപ്പ്‌ ആചാരം ഇന്നു ചില ദേശങ്ങ​ളി​ലു​ള്ളത്‌. ഇതിൽ പലപ്പോ​ഴും ഉച്ചത്തി​ലുള്ള പാട്ടും ചെണ്ട​കൊ​ട്ടും ഉണ്ടായി​രി​ക്കും. ഇത്‌ മരിച്ച വ്യക്തിയെ പ്രസാ​ദി​പ്പി​ക്കു​മെ​ന്നും ജീവി​ച്ചി​രി​ക്കു​ന്ന​വരെ ഉപദ്ര​വി​ക്കാൻ തിരി​ച്ചു​വ​രു​ന്ന​തിൽനിന്ന്‌ അയാളു​ടെ ആത്മാവി​നെ തടയു​മെ​ന്നും വിലാ​പകർ വിശ്വ​സി​ക്കു​ന്നു. മരിച്ച​വ​രെ​ക്കു​റി​ച്ചുള്ള ക്രൈ​സ്‌ത​വ​ലോ​ക​ത്തി​ന്റെ വ്യാജ​പ​ഠി​പ്പി​ക്ക​ലു​കൾ ഈ ആചാരത്തെ നിലനിർത്താ​നേ ഉപകരി​ച്ചി​ട്ടു​ള്ളൂ.

എന്നിരു​ന്നാ​ലും, ബൈബിൾ മരിച്ച​വ​രു​ടെ അവസ്ഥ​യെ​ക്കു​റി​ച്ചുള്ള സത്യം വെളി​പ്പെ​ടു​ത്തു​ന്നു. നിങ്ങളു​ടെ ദേഹി നിങ്ങൾ ആകുന്നു, അല്ലാതെ മരണത്തി​നു​ശേ​ഷ​വും ജീവി​ക്കുന്ന നിങ്ങളു​ടെ ഏതോ ഒരു ദുർജ്ഞേയ ഭാഗമ​ല്ലെന്ന്‌ അതു വ്യക്തമാ​യി പ്രസ്‌താ​വി​ക്കു​ന്നു. (ഉല്‌പത്തി 2:7; യെഹസ്‌കേൽ 18:4) കൂടാതെ, മരിച്ചവർ ഒരു അഗ്നിന​ര​ക​ത്തിൽ ദണ്ഡനമ​നു​ഭ​വി​ക്കു​ന്നില്ല. അവർ ഒരു ആത്മമണ്ഡ​ല​ത്തി​ന്റെ ഭാഗവു​മല്ല, അവർക്കു ജീവി​ച്ചി​രി​ക്കു​ന്ന​വരെ ഒട്ടു ബാധി​ക്കാ​നു​മാ​വില്ല. “മരിച്ച​വ​രോ ഒന്നും അറിയു​ന്നില്ല; . . . നീ ചെല്ലുന്ന പാതാ​ള​ത്തിൽ പ്രവൃ​ത്തി​യോ സൂത്ര​മോ, അറിവോ, ജ്ഞാനമോ ഒന്നും ഇല്ല” എന്നു ബൈബിൾ പറയുന്നു.—സഭാ​പ്ര​സം​ഗി 9:5, 10.

ഈ ബൈബിൾ സത്യങ്ങൾ മരിച്ച​വ​രെ​ക്കു​റി​ച്ചുള്ള ഭയത്തിൽനിന്ന്‌ അനേക​മാ​ളു​കളെ സ്വത​ന്ത്ര​രാ​ക്കി​യി​ട്ടുണ്ട്‌. തങ്ങളുടെ പൂർവി​കരെ പ്രസാ​ദി​പ്പി​ക്കു​ന്ന​തി​നാ​യി ചെല​വേ​റിയ ബലികൾ അവർ മേലാൽ അർപ്പി​ക്കു​ന്നില്ല. തങ്ങളുടെ പ്രിയ​പ്പെ​ട്ട​വ​രു​ടെ പാപങ്ങൾ ഹേതു​വാ​യി അവർ നിർദയം ദണ്ഡിപ്പി​ക്ക​പ്പെ​ടു​ക​യാ​ണെന്ന വിഷമ​വും അവർക്കില്ല. മരിച്ച​വർക്കു ബൈബിൾ അത്ഭുത​ക​ര​മായ പ്രത്യാശ വെച്ചു​നീ​ട്ടു​ന്നു​വെന്ന്‌ അവർ മനസ്സി​ലാ​ക്കി​യി​രി​ക്കു​ന്നു. കാരണം, ദൈവ​ത്തി​ന്റെ നിയമിത സമയത്ത്‌ “നീതി​മാ​ന്മാ​രു​ടെ​യും നീതി​കെ​ട്ട​വ​രു​ടെ​യും പുനരു​ത്ഥാ​നം ഉണ്ടാകും” എന്ന്‌ അതു നമ്മോടു പറയുന്നു. (പ്രവൃ​ത്തി​കൾ 24:15; യോഹ​ന്നാൻ 5:28, 29) അങ്ങനെ, ഒരു സുഖനി​ദ്ര​യിൽ ആയിരി​ക്കു​ന്ന​തു​പോ​ലെ, മരിച്ചവർ ഇപ്പോൾ കേവലം വിശ്ര​മി​ക്കു​ക​യാണ്‌.—യോഹ​ന്നാൻ 11:11-14 താരത​മ്യം ചെയ്യുക.

മരണം കൈവ​രു​ത്തുന്ന നിരാ​ശ​യിൽനി​ന്നു നമ്മെ സ്വത​ന്ത്ര​മാ​ക്കാൻ മരിച്ച​വ​രു​ടെ അവസ്ഥ​യെ​യും പുനരു​ത്ഥാന പ്രത്യാ​ശ​യെ​യും കുറി​ച്ചുള്ള സത്യത്തി​നു കഴിയും. ഒരു അപകട​ത്തിൽ തങ്ങളുടെ നാലു വയസ്സുള്ള പുത്രൻ കൊല്ല​പ്പെ​ട്ട​പ്പോൾ ഐക്യ​നാ​ടു​ക​ളി​ലെ ഒരു വിവാ​ഹിത ദമ്പതി​കൾക്കു താങ്ങാ​യത്‌ അത്തരം പ്രത്യാ​ശ​യാ​യി​രു​ന്നു. “പുനരു​ത്ഥാ​ന​ത്തി​ലൂ​ടെ തങ്ങളുടെ പുത്രനെ വീണ്ടും കാണു​ന്ന​തു​വരെ ഞങ്ങളുടെ ജീവി​ത​ത്തിൽ നികത്താ​നാ​കാത്ത ഒരു ശൂന്യ​ത​യുണ്ട്‌,” അവന്റെ മാതാവ്‌ സമ്മതി​ക്കു​ന്നു. “എന്നാൽ ഞങ്ങളുടെ വേദന തീർത്തും താത്‌കാ​ലി​ക​മാണ്‌, കാരണം ഞങ്ങളുടെ ദുഃഖ​ക്ക​ണ്ണീർ തുടച്ചു​ക​ള​യു​മെന്നു യഹോവ വാഗ്‌ദത്തം ചെയ്യുന്നു.”—വെളി​പ്പാ​ടു 21:3, 4.

ഭാവി​യെ​ക്കു​റി​ച്ചുള്ള ഭയത്തിൽനി​ന്നു സ്വാത​ന്ത്ര്യം

ഭാവി എന്തു കൈവ​രു​ത്തും? ഒരു ആണവ വിനാ​ശ​ത്തിൽ നമ്മുടെ ഭൂമി കത്തിച്ചാ​മ്പ​ലാ​കു​മോ? ഭൂമി​യു​ടെ അന്തരീക്ഷ മലിനീ​ക​രണം നിമിത്തം നമ്മുടെ ഗ്രഹം വാസ​യോ​ഗ്യ​മ​ല്ലാ​ത്ത​താ​യി​ത്തീ​രു​മോ? ധാർമി​കാ​ധഃ​പ​തനം അരാജ​ക​ത്വ​ത്തി​ലും കുഴപ്പ​ത്തി​ലും കലാശി​ക്കു​മോ? ഇവയെ​ല്ലാം ഇന്ന്‌ അനേക​രു​ടെ​യും ഭയങ്ങളാണ്‌.

എന്നിരു​ന്നാ​ലും, ബൈബിൾ അത്തരം കൊടും​ഭീ​തി​യിൽനി​ന്നു സ്വാത​ന്ത്ര്യം വാഗ്‌ദാ​നം ചെയ്യുന്നു. ‘ഭൂമി എന്നേക്കും നില്‌ക്കു​ന്നു’ എന്ന്‌ അതു നമുക്ക്‌ ഉറപ്പു​ത​രു​ന്നു. (സഭാ​പ്ര​സം​ഗി 1:4) യഹോവ നമ്മുടെ ഗ്രഹത്തെ സൃഷ്ടി​ച്ചത്‌ ഉത്തരവാ​ദി​ത്വ​ബോ​ധ​മി​ല്ലാത്ത മനുഷ്യർ അതിനെ നശിപ്പി​ക്കു​ന്നതു കാണാനല്ല. (യെശയ്യാ​വു 45:18) മറിച്ച്‌, ഏകീകൃ​ത​മായ മനുഷ്യ​കു​ടും​ബ​ത്തി​നു​വേ​ണ്ടി​യുള്ള ഒരു പറുദീ​സാ ഭവനമാ​യി ഉതകു​ന്ന​തി​നാ​ണു യഹോവ ഭൂമിയെ സൃഷ്ടി​ച്ചത്‌. (ഉല്‌പത്തി 1:27, 28) അവന്റെ ഉദ്ദേശ്യ​ത്തി​നു മാറ്റം​വ​ന്നി​ട്ടില്ല. “ഭൂമിയെ നശിപ്പി​ക്കു​ന്ന​വരെ” ദൈവം “നശിപ്പി”ക്കുമെന്നു ബൈബിൾ നമ്മോടു പറയുന്നു. (വെളി​പ്പാ​ടു 11:18) അതിനു​ശേഷം, ‘സൗമ്യ​ത​യു​ള്ളവർ ഭൂമിയെ കൈവ​ശ​മാ​ക്കും; സമാധാ​ന​സ​മൃ​ദ്ധി​യിൽ അവർ ആനന്ദി​ക്കും,’ ബൈബിൾ പറയുന്നു.—സങ്കീർത്തനം 37:11.

ഈ വാഗ്‌ദത്തം വിശ്വാ​സ​യോ​ഗ്യ​മാണ്‌, കാരണം ദൈവം നുണപ​റ​യു​ക​യില്ല. യഹോവ തന്റെ പ്രവാ​ച​ക​നായ യെശയ്യാ​വി​ലൂ​ടെ പ്രസ്‌താ​വി​ച്ചു: “എന്റെ വായിൽനി​ന്നു പുറ​പ്പെ​ടുന്ന എന്റെ വചനം . . . വെറുതെ എന്റെ അടുക്ക​ലേക്കു മടങ്ങി​വ​രാ​തെ എനിക്കു ഇഷ്ടമു​ള്ളതു നിവർത്തി​ക്ക​യും ഞാൻ അയച്ച കാര്യം സാധി​പ്പി​ക്ക​യും ചെയ്യും.” (യെശയ്യാ​വു 55:11; തീത്തൊസ്‌ 1:2) അതു​കൊണ്ട്‌, 2 പത്രൊസ്‌ 3:13-ൽ രേഖ​പ്പെ​ടു​ത്തി​യി​രി​ക്കുന്ന ദൈവിക വാഗ്‌ദ​ത്ത​ത്തി​ന്റെ നിവൃ​ത്തി​ക്കാ​യി നമുക്ക്‌ ഉറപ്പോ​ടെ നോക്കി​പ്പാർത്തി​രി​ക്കാ​നാ​കും: “നാം അവന്റെ വാഗ്‌ദ​ത്ത​പ്ര​കാ​രം നീതി വസിക്കുന്ന പുതിയ ആകാശ​ത്തി​ന്നും പുതിയ ഭൂമി​ക്കു​മാ​യി​ട്ടു കാത്തി​രി​ക്കു​ന്നു.”

മനുഷ്യ​ഭ​യ​ത്തിൽനി​ന്നുള്ള സ്വാത​ന്ത്ര്യം

ദൈവ​ത്തോ​ടുള്ള ഭക്തിയിൽ നിർഭ​യ​ത്വം പ്രകടി​പ്പി​ച്ചി​ട്ടുള്ള സ്‌ത്രീ​പു​രു​ഷ​ന്മാ​രു​ടെ ഉത്‌കൃഷ്ട ദൃഷ്ടാ​ന്തങ്ങൾ ബൈബിൾ നമുക്കു പ്രദാനം ചെയ്യുന്നു. അക്കൂട്ട​ത്തിൽപ്പെട്ട ചിലരാണ്‌ ഗിദെ​യോൻ, ബാരാക്‌, ദെബോ​രാ, ദാനീ​യേൽ, എസ്ഥേർ, യിരെ​മ്യാവ്‌, അബിഗ​യിൽ, യായേൽ എന്നിവർ. ഈ വിശ്വസ്‌ത സ്‌ത്രീ​പു​രു​ഷ​ന്മാർ പ്രകട​മാ​ക്കി​യത്‌ ഇപ്രകാ​രം എഴുതിയ സങ്കീർത്ത​ന​ക്കാ​രന്റെ മനോ​ഭാ​വം​തന്നെ: “ഞാൻ ദൈവ​ത്തിൽ ആശ്രയി​ക്കു​ന്നു; ഞാൻ ഭയപ്പെ​ടു​ക​യില്ല. മനുഷ്യ​ന്നു എന്നോടു എന്തു ചെയ്‌വാൻ കഴിയും?”—സങ്കീർത്തനം 56:11.

ഒന്നാം നൂറ്റാ​ണ്ടിൽ, പ്രസം​ഗ​വേല നിർത്ത​ണ​മെന്നു മതനേ​താ​ക്ക​ന്മാർ ആവശ്യ​പ്പെ​ട്ട​പ്പോൾ, അപ്പോ​സ്‌ത​ല​ന്മാ​രായ പത്രൊ​സും യോഹ​ന്നാ​നും സമാന​മായ ധൈര്യം പ്രകട​മാ​ക്കു​ക​യു​ണ്ടാ​യി. “ഞങ്ങൾക്കോ ഞങ്ങൾ കണ്ടും കേട്ടു​മി​രി​ക്കു​ന്നതു പ്രസ്‌താ​വി​ക്കാ​തി​രി​പ്പാൻ കഴിയു​ന്നതല്ല,” അവർ ഉത്തരം പറഞ്ഞു. പത്രൊ​സി​ന്റെ​യും യോഹ​ന്നാ​ന്റെ​യും ഉറച്ച നിലപാ​ടു നിമിത്തം അവർ പിന്നീട്‌ തടവി​ലാ​യി. അത്ഭുത​ക​ര​മാ​യി മോചി​ത​രായ അവർ നേരേ ചെന്ന്‌ “ദൈവ​വ​ചനം ധൈര്യ​ത്തോ​ടെ പ്രസ്‌താ​വി”ക്കുന്നതിൽ തുടർന്നു. ഉടനെ​തന്നെ പത്രൊ​സി​നെ​യും മറ്റ്‌ അപ്പോ​സ്‌ത​ല​ന്മാ​രെ​യും യഹൂദ ന്യായാ​ധി​പ​സം​ഘ​ത്തി​ന്മു​മ്പാ​കെ കൊണ്ടു​വന്നു. മഹാപു​രോ​ഹി​തൻ അവരോ​ടു പറഞ്ഞു: “ഈ നാമത്തിൽ ഉപദേ​ശി​ക്ക​രു​തു എന്നു ഞങ്ങൾ നിങ്ങ​ളോ​ടു അമർച്ച​യാ​യി കല്‌പി​ച്ചു​വ​ല്ലോ; നിങ്ങളോ യെരൂ​ശ​ലേ​മി​നെ നിങ്ങളു​ടെ ഉപദേ​ശം​കൊ​ണ്ടു നിറെ​ച്ചി​രി​ക്കു​ന്നു.” പത്രൊ​സും മറ്റ്‌ അപ്പോ​സ്‌ത​ല​ന്മാ​രും ഉത്തരം പറഞ്ഞു: “മനുഷ്യ​രെ​ക്കാൾ ദൈവത്തെ അനുസ​രി​ക്കേ​ണ്ട​താ​കു​ന്നു.”—പ്രവൃ​ത്തി​കൾ 4:16, 17, 19, 20, 31; 5:18-20, 27-29.

ദൈവ​രാ​ജ്യ​ത്തെ​ക്കു​റി​ച്ചുള്ള സുവാർത്ത പ്രസം​ഗി​ക്കുന്ന വേലയിൽ, യഹോ​വ​യു​ടെ സാക്ഷികൾ ഇന്ന്‌ ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​ക​ളു​ടെ തീക്ഷ്‌ണത അനുക​രി​ക്കാൻ യത്‌നി​ക്കു​ന്നു. അവർക്കി​ട​യി​ലെ യുവജ​ന​ങ്ങൾപോ​ലും തങ്ങളുടെ വിശ്വാ​സ​ത്തെ​ക്കു​റി​ച്ചു മറ്റുള്ള​വ​രോ​ടു സംസാ​രി​ച്ചു​കൊ​ണ്ടു നിർഭ​യ​രാ​ണെന്നു മിക്ക​പ്പോ​ഴും തെളി​യി​ക്കു​ന്നു. ഏതാനും ദൃഷ്ടാ​ന്തങ്ങൾ പരിചി​ന്തി​ക്കുക.

സ്റ്റെയ്‌സി. ഒരു കൗമാ​ര​പ്രാ​യ​ക്കാ​രി. പ്രകൃ​ത്യാ​തന്നെ ലജ്ജാവതി. അതുകാ​രണം തന്റെ വിശ്വാ​സ​ത്തെ​ക്കു​റി​ച്ചു മറ്റുള്ള​വ​രോ​ടു സംസാ​രി​ക്കു​ന്നത്‌ അവൾക്ക്‌ ആദ്യ​മൊ​ക്കെ ഒരു വെല്ലു​വി​ളി​യാ​യി​രു​ന്നു. തന്റെ ലജ്ജാശീ​ലം മറിക​ട​ക്കാൻ അവൾ എന്തു ചെയ്‌തു? “ഞാൻ ബൈബിൾ പഠിക്കു​ക​യും മനസ്സി​ലാ​ക്കി​യി​രി​ക്കുന്ന സംഗതി​ക​ളാണ്‌ ഞാൻ സംസാ​രി​ക്കു​ന്ന​തെന്ന്‌ ഉറപ്പു​വ​രു​ത്തു​ക​യും ചെയ്‌തു,” അവൾ പറയുന്നു. “അത്‌ അതിനെ കൂടുതൽ എളുപ്പ​മാ​ക്കു​ക​യും എനിക്ക്‌ എന്നിൽത്തന്നെ കൂടുതൽ വിശ്വാ​സ​മു​ണ്ടാ​കു​ക​യും ചെയ്‌തു.” സ്റ്റെയ്‌സി​യു​ടെ സൽപ്പേ​രി​നെ​ക്കു​റി​ച്ചു പ്രാ​ദേ​ശിക പത്രത്തിൽ റിപ്പോർട്ട്‌ ഉണ്ടായി​രു​ന്നു. അവളുടെ സ്‌കൂ​ളി​ലെ ഒരു അധ്യാ​പിക എഴുതിയ പ്രസ്‌തുത ലേഖനം അഭി​പ്രാ​യ​പ്പെട്ടു: “[സ്റ്റെയ്‌സി​യു​ടെ] വിശ്വാ​സം മിക്ക കൗമാ​ര​പ്രാ​യ​ക്കാർക്കും അനുഭ​വ​പ്പെ​ടുന്ന അനേകം സമ്മർദ​ങ്ങ​ളോ​ടു പോരാ​ടാ​നുള്ള ശക്തി അവൾക്കു നൽകി​യി​രി​ക്കു​ന്ന​താ​യി തോന്നു​ന്നു. . . . ദൈവ​സേ​വ​ന​ത്തി​നാ​യി​രി​ക്കണം തന്റെ മനസ്സിൽ ഒന്നാം സ്ഥാന​മെന്ന്‌ അവൾക്കു തോന്നു​ന്നു.”

അഞ്ചു വയസ്സു​ള്ള​പ്പോൾമു​തൽതന്നെ ടോമി മാതാ​പി​താ​ക്ക​ളിൽനി​ന്നു ബൈബി​ളി​നെ​ക്കു​റി​ച്ചു പഠിക്കാൻ തുടങ്ങി. നന്നേ ചെറു​പ്പ​ത്തിൽത്തന്നെ, അവൻ സത്യാ​രാ​ധ​ന​യ്‌ക്കു​വേണ്ടി ധീരമായ നിലപാട്‌ എടുത്തു. അവന്റെ യുവസ​ഹ​പാ​ഠി​കൾ വിശേ​ഷ​ദി​വസ ചിത്രങ്ങൾ വരച്ച​പ്പോൾ, അവൻ ദൈവ​ത്തി​ന്റെ വാഗ്‌ദത്ത പറുദീ​സ​യു​ടെ രംഗങ്ങൾ വരച്ചു. യഹോ​വ​യു​ടെ സാക്ഷി​ക​ളു​ടെ വിശ്വാ​സ​ങ്ങ​ളെ​ക്കു​റിച്ച്‌ അനേകം വിദ്യാർഥി​കൾക്കും ആശയക്കു​ഴപ്പം ഉണ്ടായി​രു​ന്ന​താ​യി ഒരു കൗമാ​ര​പ്രാ​യ​ക്കാ​ര​നായ ടോമി​ക്കു മനസ്സി​ലാ​യി. ഭയപ്പെട്ട്‌ ഒഴിഞ്ഞു​മാ​റു​ന്ന​തി​നു​പ​കരം, അവരുടെ എല്ലാ ചോദ്യ​ങ്ങൾക്കും ഒരുമിച്ച്‌ ഉത്തരം കൊടു​ക്കാ​നാ​യി ക്ലാസ്സു​മാ​യി താനൊ​രു ചോ​ദ്യോ​ത്തര ചർച്ച നടത്ത​ട്ടേ​യെന്ന്‌ അവൻ തന്റെ അധ്യാ​പ​ക​രിൽ ഒരാ​ളോ​ടു ചോദി​ച്ചു. ഇതിന്‌ അനുവാ​ദം കിട്ടി, നല്ലൊരു സാക്ഷ്യ​വും നൽക​പ്പെട്ടു.

മാർകീ​യേ​റ്റ​യ്‌ക്ക്‌ 17 വയസ്സു​ള്ള​പ്പോൾ തന്റെ വിശ്വാ​സ​ത്തെ​ക്കു​റിച്ച്‌ ക്ലാസ്സി​ലുള്ള മറ്റുള്ള​വ​രോ​ടു സംസാ​രി​ക്കാൻ അവൾ ഒരു നല്ല അവസരം കണ്ടെത്തി. “ഞങ്ങൾക്ക്‌ ഒരു പ്രസംഗം നടത്തു​ന്ന​തി​നുള്ള നിയമനം ലഭിച്ചു,” അവൾ പറയുന്നു. “യുവജ​നങ്ങൾ ചോദി​ക്കുന്ന ചോദ്യ​ങ്ങ​ളും പ്രാ​യോ​ഗി​ക​മായ ഉത്തരങ്ങ​ളും എന്ന പുസ്‌ത​ക​ത്തിൽനി​ന്നാ​യി​രു​ന്നു ഞാൻ എന്റെ വിഷയം തിര​ഞ്ഞെ​ടു​ത്തത്‌.a ഞാൻ പുസ്‌ത​ക​ത്തിൽനിന്ന്‌ അഞ്ച്‌ അധ്യാ​യങ്ങൾ തിര​ഞ്ഞെ​ടുത്ത്‌ അതിന്റെ ശീർഷ​കങ്ങൾ ബ്ലാക്ക്‌ബോർഡിൽ എഴുതി. തങ്ങൾക്ക്‌ ഏറ്റവും പ്രധാ​ന​പ്പെ​ട്ട​താ​യി തോന്നിയ ക്രമത്തിൽ അവയെ തരംതി​രി​ക്കാൻ ഞാൻ ക്ലാസ്സി​നോട്‌ ആവശ്യ​പ്പെട്ടു.” അതിനു​ശേഷം ക്ലാസ്സ്‌ പങ്കുപ​റ്റ​ലോ​ടെ ഒരു ചർച്ച നടത്തി. “ഞാൻ കുട്ടി​കൾക്കു പുസ്‌തകം കാണി​ച്ചു​കൊ​ടു​ത്തു,” മാർകീ​യേറ്റ ഉപസം​ഹ​രി​ക്കു​ന്നു, “വിദ്യാർഥി​ക​ളിൽ പലരും​തന്നെ ഓരോ കോപ്പി വീതം ആവശ്യ​പ്പെട്ടു. എന്റെ അധ്യാ​പി​ക​പോ​ലും ഒരെണ്ണം ആവശ്യ​പ്പെട്ടു.”

സത്യത്തി​നു നിങ്ങളെ സ്വത​ന്ത്ര​രാ​ക്കാ​നാ​കും

നാം കണ്ടതു​പോ​ലെ, ബൈബി​ളിൽ ഉൾക്കൊ​ണ്ടി​രി​ക്കുന്ന സത്യത്തിന്‌ ബൈബിൾ പഠിക്കു​ക​യും അതിന്റെ സന്ദേശം കാര്യ​മാ​യി എടുക്കു​ക​യും ചെയ്യുന്ന എല്ലാ പ്രായ​ക്കാ​രു​ടേ​യും​മേൽ ഒരു വിമോ​ച​ന​ഫലം ഉണ്ട്‌. അതു മരിച്ച​വ​രെ​ക്കു​റി​ച്ചുള്ള ഭയം, ഭാവി​യെ​ക്കു​റി​ച്ചുള്ള ഭയം, മാനു​ഷ​ഭയം എന്നിവ​യിൽനിന്ന്‌ അവരെ മോചി​പ്പി​ക്കു​ന്നു. അവസാനം, യേശു​വി​ന്റെ മറുവില അനുസ​ര​ണ​മുള്ള മനുഷ്യ​വർഗത്തെ പാപത്തിൽനി​ന്നും മരണത്തിൽനി​ന്നും വിടു​വി​ക്കും. അവകാ​ശ​പ്പെ​ടു​ത്തി​യി​രി​ക്കുന്ന പാപപൂർണ അവസ്ഥയാൽ മേലാൽ ബന്ധിത​രാ​യി​രി​ക്കാ​തെ ഒരു പറുദീ​സാ ഭൂമി​യിൽ എന്നേക്കും ജീവി​ക്കാ​റാ​കു​ന്നത്‌ എന്തൊരു സന്തോ​ഷ​മാ​യി​രി​ക്കും!—സങ്കീർത്തനം 37:29.

ദൈവം വാഗ്‌ദാ​നം ചെയ്‌തി​ട്ടുള്ള അനു​ഗ്ര​ഹ​ങ്ങ​ളെ​ക്കു​റി​ച്ചു കൂടുതൽ പഠിക്കാൻ നിങ്ങൾക്കു താത്‌പ​ര്യ​മു​ണ്ടോ? അങ്ങനെ​യെ​ങ്കിൽ നിങ്ങൾ എന്തു ചെയ്യണം? യേശു പറഞ്ഞു: “ഏകസത്യ​ദൈ​വ​മായ നിന്നെ​യും നീ അയച്ചി​രി​ക്കുന്ന യേശു​ക്രി​സ്‌തു​വി​നെ​യും അറിയു​ന്നതു തന്നേ നിത്യ​ജീ​വൻ ആകുന്നു.” (യോഹ​ന്നാൻ 17:3) അതു​കൊണ്ട്‌ തന്റെ ശിഷ്യ​ന്മാർക്ക്‌ യേശു വാഗ്‌ദാ​നം ചെയ്‌ത സ്വാത​ന്ത്ര്യം അനുഭ​വി​ക്കാൻ നിങ്ങൾ ആഗ്രഹി​ക്കു​ന്നെ​ങ്കിൽ, യഹോ​വ​യാം ദൈവ​ത്തെ​യും അവന്റെ പുത്ര​നെ​യും കുറിച്ചു നിങ്ങൾ പഠിക്കണം. നിങ്ങൾ ദൈവ​ഹി​തം എന്താ​ണെന്ന്‌ അറിയു​ക​യും അതു നിവർത്തി​ക്കു​ക​യും വേണം. എന്തെന്നാൽ ബൈബിൾ പറയുന്നു: “ലോക​വും അതിന്റെ മോഹ​വും ഒഴിഞ്ഞു​പോ​കു​ന്നു; ദൈ​വേഷ്ടം ചെയ്യു​ന്ന​വ​നോ എന്നേക്കും ഇരിക്കു​ന്നു.”—1 യോഹ​ന്നാൻ 2:17.

[അടിക്കു​റി​പ്പു​കൾ]

[7-ാം പേജിലെ ചിത്രം]

ദൈവരാജ്യത്തിൻ കീഴിൽ, മനുഷ്യ​വർഗം ഒടുവിൽ പാപത്തിൽനി​ന്നും മരണത്തിൽനി​ന്നും സ്വത​ന്ത്ര​രാ​ക്ക​പ്പെ​ടും