“എന്നിലുള്ള കായ്‌ക്കാത്ത ശാഖക​ളെ​ല്ലാം (എന്റെ) പിതാവ്‌ മുറി​ച്ചു​ക​ള​യു​ന്നു. കായ്‌ക്കു​ന്ന​വ​യൊ​ക്കെ കൂടുതൽ ഫലം കായ്‌ക്കാൻ വെട്ടി​വെ​ടി​പ്പാ​ക്കി നിറു​ത്തു​ന്നു. . . . മുന്തി​രി​ച്ചെ​ടി​യിൽനിന്ന്‌ വേർപെട്ട ശാഖകൾക്കു ഫലം കായ്‌ക്കാൻ കഴിയില്ല. അതു​പോ​ലെ, എന്നോടു യോജി​പ്പി​ല​ല്ലെ​ങ്കിൽ നിങ്ങൾക്കും ഫലം കായ്‌ക്കാൻ കഴിയില്ല. ഞാൻ മുന്തി​രി​ച്ചെ​ടി​യും നിങ്ങൾ ശാഖക​ളും ആണ്‌.”​—യോഹ​ന്നാൻ 15:2-5.

“ഒരാൾ എന്നോ​ടും ഞാൻ അയാ​ളോ​ടും യോജി​പ്പി​ലാ​ണെ​ങ്കിൽ അയാൾ ധാരാളം ഫലം കായ്‌ക്കും. കാരണം എന്നെക്കൂ​ടാ​തെ നിങ്ങൾക്ക്‌ ഒന്നും ചെയ്യാൻ കഴിയില്ല” എന്ന്‌ യേശു പറയുന്നു. ഈ ‘ശാഖകൾ,’ അതായത്‌ വിശ്വ​സ്‌ത​രായ അനുഗാ​മി​കൾ, ധാരാളം ഫലം കായ്‌ക്കു​ന്നു. യേശു​വി​ന്റെ ഗുണങ്ങൾ പകർത്തി​ക്കൊ​ണ്ടും ദൈവ​രാ​ജ്യ​ത്തെ​ക്കു​റിച്ച്‌ മറ്റുള്ള​വ​രോ​ടു സജീവ​മാ​യി സംസാ​രി​ച്ചു​കൊ​ണ്ടും ആണ്‌ അവർ അത്‌ ചെയ്യു​ന്നത്‌. അതിലൂ​ടെ കൂടുതൽ പേരെ അവർക്ക്‌ ശിഷ്യ​രാ​ക്കാ​നും കഴിയു​ന്നു. എന്നാൽ ഒരാൾ യേശു​വി​നോ​ടു യോജി​ച്ചു​നിൽക്കാ​തി​രി​ക്കു​ക​യും ഫലം കായ്‌ക്കാ​തി​രി​ക്കു​ക​യും ചെയ്‌താ​ലോ? യേശു വിശദീ​ക​രി​ക്കു​ന്നു: “എന്നോടു യോജി​ച്ചു​നിൽക്കാ​ത്ത​യാൾ, മുറി​ച്ചു​മാ​റ്റിയ ശാഖ​പോ​ലെ ഉണങ്ങി​പ്പോ​കും.” എന്നാൽ മറ്റൊരു കാര്യം​കൂ​ടി യേശു പറയുന്നു: “നിങ്ങൾ എന്നോടു യോജി​പ്പി​ലാ​യി​രി​ക്കു​ക​യും എന്റെ വചനങ്ങൾ നിങ്ങളിൽ നിലനിൽക്കു​ക​യും ചെയ്യു​ന്നെ​ങ്കിൽ നിങ്ങൾ ആഗ്രഹി​ക്കു​ന്നത്‌ എന്തും ചോദി​ച്ചു​കൊ​ള്ളുക. അതു നിങ്ങൾക്കു കിട്ടും.”​—യോഹ​ന്നാൻ 15:5-7.