ബൈബി​ളി​ന്റെ വീക്ഷണം

ബൈബിൾപ്ര​വ​ച​നങ്ങൾ നിങ്ങൾക്കു വില​പ്പെ​ട്ട​വ​യാ​യി​രി​ക്കു​ന്ന​തി​ന്റെ കാരണം

“ബൈബിൾ ദൈവ​ത്തി​ന്റെ വചനമാ​ണെ​ന്നു​ള്ള​തിന്‌ നമുക്ക്‌ സംശയാ​തീ​ത​മായ തെളി​വു​കൾ ഉണ്ടായി​രു​ന്നെ​ങ്കിൽ ഞങ്ങൾ അതു വിശ്വ​സി​ക്കു​മാ​യി​രു​ന്നു” എന്ന്‌ അനേക​മാ​ളു​കൾ പറയുന്നു. എന്നിരു​ന്നാ​ലും മിക്ക​പ്പോ​ഴും അത്തരം ആളുകൾക്ക്‌ തങ്ങളെ ബോധ്യ​പ്പെ​ടു​ത്തു​ന്ന​തി​നാ​വ​ശ്യ​മായ “സംശയാ​തീ​ത​മായ തെളിവ്‌” എന്താ​ണെന്ന്‌ പറയാൻ കഴിയു​ന്നില്ല. അത്‌ ഒരു അത്ഭുത​മാ​യി​രി​ക്കു​മോ?

യേശു ഇവിടെ ഭൂമി​യി​ലാ​യി​രു​ന്ന​പ്പോൾ അനേകം അത്ഭുതങ്ങൾ പ്രവർത്തി​ച്ചു, എന്നിരു​ന്നാ​ലും സംശയ​വാ​ദി​കൾ അവയെ അവൻ ദൈവ​ത്തി​ന്റെ വക്താവാ​ണെ​ന്ന​തി​ന്റെ തെളി​വാ​യി അംഗീ​ക​രി​ക്കാൻ വിസമ്മ​തി​ച്ചു. എന്തിന്‌, “ഭൂതങ്ങ​ളു​ടെ ഭരണാ​ധി​പ​നായ ബേൽസെ​ബൂ​ബി​ന്റെ സഹായ​ത്തോ​ടെ​യാണ്‌” യേശു ചില അത്ഭുതങ്ങൾ ചെയ്‌തത്‌ എന്ന്‌ ചിലർ വാദിച്ചു! മററു​ള്ളവർ ചെയ്‌ത ചില “അത്ഭുതങ്ങൾ” യഥാർത്ഥ​ത്തിൽ സാത്താന്റെ പ്രവൃ​ത്തി​ക​ളാ​ണെന്ന്‌ യേശു പറഞ്ഞു. (ലൂക്കോസ്‌ 11:14-19; മത്തായി 7:22, 23) അതു​കൊണ്ട്‌, ബൈബിൾ ദൈവ​ത്തി​ന്റെ വചനമാ​ണെ​ന്നു​ള്ള​തി​ന്റെ സുനി​ശ്ചിത തെളി​വാ​യി—ബൈബി​ളി​ലെ വാക്കുകൾ തന്നെ, അതില​ട​ങ്ങി​യി​രി​ക്കുന്ന സന്ദേശം ദൈവ​ത്തിൽ നിന്നു തന്നെയു​ള്ള​താ​ണെന്ന്‌ കാണി​ക്കു​ന്ന​തിന്‌— മറെറ​ന്തെ​ങ്കി​ലും ആവശ്യ​മാണ്‌.

ബൈബി​ളി​ന്റെ താളു​ക​ളിൽ തന്നെ നാം അത്തരം തെളിവ്‌—പ്രവചനം— കണ്ടെത്തു​ന്നു. നിശ്ചയ​മാ​യും സത്യത്തി​ന്റെ ദൈവ​വും സകല ജ്ഞാനത്തി​ന്റെ​യും ഉറവും എന്ന നിലയിൽ, ആരംഭ​ത്തിൽതന്നെ അവസാ​ന​വും അറിയു​ന്നവൻ എന്ന നിലയിൽ, യഹോവ നമ്മുടെ സ്വന്തകാ​ല​മുൾപ്പെടെ ഭാവി​കാ​ല​ങ്ങ​ളിൽ എന്തു നടക്കു​മെന്ന്‌ മുൻകൂ​ട്ടി​പ്പ​റ​യാൻ കഴിവു​ള്ള​വ​നാ​യി​രി​ക്കണം. (സങ്കീർത്തനം 31:5; സദൃശ​വാ​ക്യ​ങ്ങൾ 2:6; യെശയ്യാവ്‌ 46:9, 10) ഇത്‌ അവൻ തന്റെ എഴുത​പ്പെട്ട വചനത്തിൽ നൽകി​യി​ട്ടുണ്ട്‌, മിക്ക​പ്പോ​ഴും വളരെ വിശദ​മാ​യി. നമുക്ക്‌ യേശു​ക്രി​സ്‌തു​വിൽ കേന്ദ്രീ​ക​രി​ക്കുന്ന ഒരു കൂട്ടം പ്രവച​നങ്ങൾ മാത്രം പരിചി​ന്തി​ക്കാം.

യേശു മശിഹാ​യാ​ണെന്ന്‌ തെളി​യി​ക്കുന്ന പ്രവച​ന​ങ്ങൾ

നൂറു​ക​ണ​ക്കിന്‌ ബൈബിൾ പ്രവച​നങ്ങൾ യേശു​ക്രി​സ്‌തു​വിൽ നിവർത്തി​ക്കു​ന്നു.a ചിലർ യേശു​വും ശിഷ്യൻമാ​രും ഈ ലക്ഷ്യത്തിൽ കാര്യങ്ങൾ കൗശല​പൂർവം നയിച്ചു​വെന്ന്‌ വാദി​ക്കു​ന്നു. അത്‌ യഥാർത്ഥ​ത്തിൽ അങ്ങനെ​യാ​യി​രി​ക്കു​മോ? ചില വസ്‌തു​തകൾ പരിഗ​ണി​ക്കുക.

യേശു​വി​നോ അവന്റെ മാതാ​പി​താ​ക്കൾക്കോ കൃത്യം യേശു​വി​ന്റെ ജനനസ​മ​യത്ത്‌ യൗസേ​ഫും മറിയാ​മും തങ്ങളുടെ സ്വന്ത പട്ടണമായ ബേത്‌ല​ഹേ​മിൽ ജനസം​ഖ്യാ കണക്കെ​ടു​പ്പി​നും നികുതി സംബന്ധ​മായ രജിസ്‌​ട്രേ​ഷ​നും വേണ്ടി പോകാ​നാ​വ​ശ്യ​പ്പെ​ടുന്ന ഒരു കല്‌പന പുറ​പ്പെ​ടു​വി​ക്ക​ത്ത​ക്ക​വണ്ണം റോമാ കൈസറെ പ്രേരി​പ്പി​ക്കാൻ കഴിയു​മാ​യി​രു​ന്നില്ല. അതു​കൊണ്ട്‌ മീഖാ 5:2ലെ പ്രവച​ന​നി​വൃ​ത്തി​യാ​യി യേശു ബേത്‌ല​ഹേ​മിൽ ജനിക്കാൻ ബൈബിൾ പ്രവച​ന​ത്തി​ന്റെ നിവൃ​ത്തി​യിൽ താല്‌പ​ര്യ​മി​ല്ലാ​തി​രുന്ന റോമാ​ക്കാർ ഒരു പങ്കു വഹിച്ചു.

യഹൂദ മതനേ​താ​ക്ക​ളു​ടെ കപടഭക്തി എത്രയ​ധി​കം യേശു തുറന്നു​കാ​ണി​ച്ചു​വോ അത്രയ​ധി​കം അവർ അവനെ വധിക്കാൻ ആഗ്രഹി​ച്ചു. എന്നാൽ അവന്റെ മരണം അവന്റെ സ്വദേ​ശ​ക്കാ​രു​ടെ കൈക​ളാൽ നേരിട്ട്‌ വരേണ്ട​ത​ല്ലാ​യി​രു​ന്നു. യഹൂദൻമാർ യേശു​വി​നെ വധിച്ചി​രു​ന്നു​വെ​ങ്കിൽ അവർ സാധ്യ​ത​യ​നു​സ​രിച്ച്‌ അവനെ കല്ലെറി​ഞ്ഞു കൊല്ലു​മാ​യി​രു​ന്നു, എന്തു​കൊ​ണ്ടെ​ന്നാൽ മോ​ശൈക ന്യായ​പ്ര​മാണ നിയമം അനുസ​രിച്ച്‌ മരണശിക്ഷ നടപ്പി​ലാ​ക്കുന്ന വിധം ഇതായി​രു​ന്നു. (യോഹ​ന്നാൻ 8:59; 10:31) എന്നാൽ, പ്രവച​നങ്ങൾ അനുസ​രിച്ച്‌ “ന്യായ​പ്ര​മാ​ണ​ത്തി​ന്റെ ശാപം നീക്കു​ന്ന​തിന്‌” മശിഹാ ഒരു ദണ്ഡന സ്‌തം​ഭ​ത്തിൽ തൂക്ക​പ്പെ​ട​ണ​മാ​യി​രു​ന്നു. (ആവർത്തനം 21:22, 23, ഗലാത്യർ 3:13-ഉമായി താരത​മ്യ​പ്പെ​ടു​ത്തുക.) അവൻ “എല്ലാത്തരം ആളുക​ളെ​യും ആകർഷി​ക്കു​ന്ന​തിന്‌” അവൻ “ഉയർത്ത​പ്പെടണ”മായി​രു​ന്നു. (സംഖ്യാ 21:4, 9 യോഹ​ന്നാൻ 3:14ഉം 12:32, 33ഉം ആയി താരത​മ്യ​പ്പെ​ടു​ത്തുക.) റോമാ​ക്കാർ ഉപയോ​ഗി​ക്കുന്ന സ്‌തം​ഭ​ത്തി​ലെ തറയ്‌ക്ക​ലി​ന്റെ സംഗതി​യിൽ ഈ പ്രവച​ന​ങ്ങ​ളു​ടെ നിവൃ​ത്തി​യിൽ സംശയ​മു​ണ്ടാ​യി​രി​ക്കാ​വു​ന്നതല്ല. അതു​കൊണ്ട്‌ ബൈബിൾ പ്രവചനം നിവർത്തി​ക്കാൻ സഹായി​ക്കു​ന്ന​തിന്‌ താൽപ്പ​ര്യ​മി​ല്ലാ​തി​രുന്ന റോമാ​ക്കാർ വീണ്ടും യഹോ​വ​യു​ടെ പ്രവചന വാക്കുകൾ സത്യ​മെന്ന്‌ തെളി​യാൻ ഇടയാ​ക്കു​ന്ന​തിൽ ഒരു പങ്കു വഹിച്ചു.

അതു കൂടാതെ സ്‌തം​ഭ​ത്തിൽ തൂങ്ങി​ക്കി​ട​ന്ന​പ്പോൾ യേശു​വിന്‌ തന്റെ വസ്‌ത്രം എന്തു ചെയ്യണ​മെ​ന്നതു സംബന്ധിച്ച്‌ യാതൊ​ന്നും തീരു​മാ​നി​ക്കാൻ സാധ്യ​മ​ല്ലാ​യി​രു​ന്നു. അവന്‌ റോമാ പടയാ​ളി​കളെ അവക്കു​വേണ്ടി ചീട്ടി​ടാൻ കൗശല​പൂർവം നയിക്കാൻ കഴിയു​മാ​യി​രു​ന്നില്ല. എന്നാൽ ബൈബിൾ പ്രവചനം മുൻകൂ​ട്ടി​പ​റ​ഞ്ഞി​രു​ന്ന​തു​പോ​ലെ കൃത്യ​മാ​യി അതുതന്നെ അവർ ചെയ്‌തു! (സങ്കീർത്തനം 22:18; യോഹ​ന്നാൻ 19:24) വീണ്ടും, റോമാ​ക്കാ​രാ​യി​രു​ന്നു, യേശു​വൊ അവന്റെ ശിഷ്യൻമാ​രൊ അല്ലായി​രു​ന്നു പ്രവചനം സത്യമാ​യി​ത്തീ​രാൻ ഇടയാ​ക്കി​ത്തീർത്തത്‌.

യേശു തന്റെ തലമു​റ​യിൽ യെരു​ശ​ലേ​മി​ന്റെ പെട്ടെ​ന്നുള്ള നാശത്തെ അർത്ഥമാ​ക്കുന്ന സംഭവങ്ങൾ ആ നഗരത്തിൽ നടക്കു​മെന്ന്‌ മുൻകൂ​ട്ടി​പ്പ​റഞ്ഞു. (ലൂക്കോസ്‌ 21:5-24) യേശു​വി​ന്റെ നാളു​കൾക്ക്‌ 500-ൽ അധികം വർഷങ്ങൾക്കു​മുൻപ്‌ ദാനി​യേൽ ഇത്‌ മുൻകൂ​ട്ടി​പ്പ​റ​ഞ്ഞി​രു​ന്നു. (ദാനി​യേൽ 9:26, 27) ക്രി.വ. 70-ൽ യെരു​ശ​ലേം നശിപ്പി​ക്ക​പ്പെട്ടു. യേശു​വി​ന്റെ​യും ദാനി​യേ​ലി​ന്റെ​യും വാക്കുകൾ നിവൃ​ത്തി​യേറി. ഒരിക്കൽകൂ​ടി ബൈബിൾ പ്രവചനം ആശ്രയ​യോ​ഗ്യ​മാ​ണെന്ന്‌ മുദ്ര​യ​ടി​ക്ക​പ്പെട്ടു.

നിങ്ങൾ പ്രവച​ന​ത്തിൽ നിന്ന്‌ പ്രയോ​ജനം അനുഭ​വി​ക്കു​മോ?

ഇനിയും നിവൃ​ത്തി​യേ​റാ​നുള്ള അനേകം ബൈബിൾ പ്രവച​നങ്ങൾ ഉണ്ട്‌. ദൃഷ്ടാ​ന്ത​ത്തിന്‌ ഇന്നത്തെ ദുഷ്ട വ്യവസ്ഥി​തി അവസാ​നി​ക്കു​മെ​ന്നും യഹോ​വ​യു​ടെ സ്വർഗ്ഗീയ രാജ്യ​ത്തിൻ കീഴിൽ ഒരു നീതി​യുള്ള പുതിയ ലോകം പിന്തു​ട​രു​മെ​ന്നും യഹോവ തന്റെ പുത്ര​നെ​ക്കൊണ്ട്‌ പ്രവചി​പ്പി​ച്ചു. (മത്തായി 24:3-14; വെളി​പ്പാട്‌ 21:1-5; 2 പത്രോസ്‌ 3:7-13 വരെയും കാണുക.) ഇവയെ​ല്ലാം ബൈബി​ളിൽ, എല്ലായ്‌പ്പോ​ഴും സത്യ​മെന്ന്‌ തെളി​ഞ്ഞി​ട്ടുള്ള യഹോ​വ​യു​ടെ പ്രവചന വചനത്തിൽ, എഴുതി​യി​രി​ക്കു​ന്നു. അപ്പോൾ നാം ഇതിന്‌ ഗൗരവ​പൂർവ​ക​മായ പരിഗണന നൽകേ​ണ്ട​തല്ലേ?

കഴിഞ്ഞ കാലത്ത്‌ തങ്ങൾക്കു​വേണ്ടി നല്ല കാര്യ​ങ്ങൾമാ​ത്രം ചെയ്യു​ക​യും എല്ലായ്‌പ്പോ​ഴും വാക്കു​പാ​ലി​ക്കു​ക​യും​ചെ​യ്‌തി​ട്ടുള്ള മാതാ​പി​താ​ക്ക​ളു​ടെ വാഗ്‌ദാ​ന​ങ്ങളെ അവിശ്വ​സി​ക്കാൻ കുട്ടി​കൾക്ക്‌ എന്ത്‌ കാരണ​മുണ്ട്‌? അതു​പോ​ലെ, തന്റെ പുത്രന്റെ ഒരു രാജ്യം കൈവ​രു​ത്തു​മെ​ന്നുള്ള യഹോ​വ​യു​ടെ വാഗ്‌ദാ​നത്തെ അവിശ്വ​സി​ക്കാൻ നമുക്ക്‌ എന്തു കാരണ​മുണ്ട്‌? കഴിഞ്ഞ കാലത്ത്‌ തന്റെ സൃഷ്ടി​കൾക്കു​വേണ്ടി വളരെ​യ​ധി​കം നൻമ ചെയ്‌തി​ട്ടുള്ള യഹോ​വക്ക്‌ പൊടു​ന്നനേ അവരുടെ ക്ഷേമത്തിൽ താല്‌പ​ര്യം നഷ്ടപ്പെ​ടു​മെന്നു വിശ്വ​സി​ക്കാൻ നമു​ക്കെന്തു കാരണ​മുണ്ട്‌?

അതു തെളി​യി​ക്കാൻ ബോധ്യ​പ്പെ​ടു​ത്തുന്ന വാദങ്ങ​ളില്ല. അതു​കൊണ്ട്‌, യഹോ​വ​യി​ലും അവന്റെ വചനത്തി​ലും വിശ്വ​സി​ക്കു​ന്ന​തി​നും അവനിൽ പ്രത്യാ​ശ​യർപ്പി​ക്കു​ന്ന​തി​നും നമുക്കു സകല കാരണ​ങ്ങ​ളു​മുണ്ട്‌. അവന്റെ ആശ്രയ​യോ​ഗ്യ​മായ പ്രവാ​ച​ക​വ​ചനം നമുക്കു ജീവി​തോ​ദ്ദേ​ശ്യം നൽകുന്നു. അതു നമ്മുടെ പ്രവർത്ത​നത്തെ മൂല്യ​വ​ത്തായ ഒരു ലക്ഷ്യത്തി​ലേക്കു നയിക്കു​ന്നു. അത്‌ യഥാർത്ഥ​ത്തിൽ ഇന്ന്‌ നമുക്ക്‌ അത്യന്തം മൂല്യ​വ​ത്താണ്‌. (g88 8/8)

[അടിക്കു​റി​പ്പു​കൾ]

[24-ാം പേജിലെ ചതുരം]

സോദോമും ഗോ​മോ​റ​യും (ഉൽപ്പത്തി 18:20, 21; 19:12, 13), നിനെവേ (സെഫന്യാവ്‌ 2:13), ബാബി​ലോൻ (യിരെ​മ്യാവ്‌ 51:1, 2), ഏദോ​മി​ലെ പെട്രാ (യിരെ​മ്യാവ്‌ 49:7-22) എന്നിങ്ങ​നെ​യുള്ള നഗരങ്ങ​ളു​ടെ നാശത്തെ മുൻകൂ​ട്ടി​പ്പറഞ്ഞ ബൈബിൾപ്ര​വ​ച​നങ്ങൾ പ്രവച​ന​വ​ചനം കൃത്യ​ത​യു​ള്ള​തെന്നു തെളി​ഞ്ഞി​രി​ക്കു​ന്ന​താ​യി അനായാ​സം വിശദ​മാ​ക്കു​ന്നു.

[25-ാം പേജിലെ ചതുരം]

ഈ പ്രവച​ന​ങ്ങ​ളു​ടെ ഭാവി നിവൃത്തി അനുഭ​വി​ക്കാൻ നിങ്ങളാ​ഗ്ര​ഹി​ക്കു​ന്നു​വോ?

“അവൻ യുദ്ധങ്ങളെ നിർത്തൽചെ​യ്യു​ന്നു.”—സങ്കീർത്തനം 46:9.

“‘എനിക്ക്‌ രോഗ​മാണ്‌’ എന്ന്‌ യാതൊ​രു നിവാ​സി​യും പറയു​ക​യില്ല.”—യെശയ്യാവ്‌ 33:24.

“മരണം മേലാൽ ഉണ്ടായി​രി​ക്ക​യില്ല, വിലാ​പ​മോ മുറവി​ളി​യോ വേദന​യോ ഇനി ഉണ്ടായി​രി​ക്ക​യില്ല.”—വെളി​പ്പാട്‌ 21:4.

“സ്‌മാ​ര​ക​ക്ക​ല്ല​റ​ക​ളി​ലുള്ള എല്ലാവ​രും അവന്റെ ശബ്ദം കേട്ട്‌ പുറത്തു​വ​രുന്ന നാഴിക വരുന്നു.”—യോഹ​ന്നാൻ 5:28, 29.

“നീതി​മാൻമാർതന്നെ ഭൂമിയെ കൈവ​ശ​മാ​ക്കും, അവർ അതിൽ എന്നേക്കും വസിക്കും.”—സങ്കീർത്തനം 37:29.