“ധൈര്യ​മാ​യി​രി​ക്കുക!”

1, 2. യരുശ​ലേ​മിൽ താൻ നേരി​ടുന്ന ഉപദ്ര​വങ്ങൾ പൗലോ​സി​നെ അതിശ​യി​പ്പി​ക്കു​ന്നി​ല്ലാ​ത്തത്‌ എന്തു​കൊണ്ട്‌?

യരുശ​ലേ​മി​ലെ ക്ഷുഭി​ത​രായ ജനങ്ങളു​ടെ കൈയിൽനി​ന്നു രക്ഷപ്പെ​ട്ടെ​ങ്കി​ലും പൗലോസ്‌ ഇപ്പോ​ഴും തടവിൽത്ത​ന്നെ​യാണ്‌. താൻ നേരി​ടുന്ന ഉപദ്ര​വങ്ങൾ തീക്ഷ്‌ണ​ത​യുള്ള ഈ അപ്പോ​സ്‌ത​ലനെ തെല്ലും അതിശ​യി​പ്പി​ക്കു​ന്നില്ല; കാരണം, ഈ നഗരത്തിൽവെച്ച്‌ “ജയിൽവാ​സ​വും കഷ്ടതക​ളും” ഉണ്ടാകു​മെന്ന്‌ അദ്ദേഹ​ത്തോ​ടു മുൻകൂ​ട്ടി​പ്പ​റ​ഞ്ഞി​രു​ന്നു. (പ്രവൃ. 20:22, 23) തനിക്ക്‌ എന്താണു സംഭവി​ക്കാൻ പോകു​ന്ന​തെന്ന്‌ പൗലോ​സി​നു വ്യക്തമ​ല്ലാ​യി​രു​ന്നെ​ങ്കി​ലും യേശു​വി​ന്റെ നാമത്തി​നു​വേണ്ടി താൻ ഇനിയും കഷ്ടം സഹി​ക്കേ​ണ്ടി​വ​രു​മെന്ന്‌ അദ്ദേഹം അറിഞ്ഞി​രു​ന്നു.—പ്രവൃ. 9:16.

² പൗലോസ്‌ ബന്ധനസ്ഥ​നാ​കു​ക​യും ‘ജനതക​ളിൽപ്പെ​ട്ട​വ​രു​ടെ കൈക​ളിൽ ഏൽപ്പി​ക്ക​പ്പെ​ടു​ക​യും’ ചെയ്യു​മെന്ന്‌ ക്രിസ്‌തീയ പ്രവാ​ച​ക​ന്മാ​രും അദ്ദേഹ​ത്തി​നു മുന്നറി​യി​പ്പു നൽകി​യി​രു​ന്നു. (പ്രവൃ. 21:4, 10, 11) ജൂതന്മാ​രു​ടെ ഒരു കൂട്ടം അദ്ദേഹത്തെ കൊല്ലാൻ ശ്രമി​ച്ചിട്ട്‌ അധിക​മാ​യി​രു​ന്നില്ല. അതുക​ഴിഞ്ഞ്‌ താമസി​യാ​തെ സൻഹെ​ദ്രി​നി​ലെ അംഗങ്ങൾ പൗലോ​സി​ന്റെ പേരിൽ ഉഗ്രമാ​യി തർക്കിച്ചു; അദ്ദേഹത്തെ “പിച്ചി​ച്ചീ​ന്തു​മോ” എന്നു തോന്നും​വി​ധം കാര്യങ്ങൾ അത്രമാ​ത്രം വഷളാ​യി​ത്തീർന്നി​രു​ന്നു. ഇപ്പോൾ റോമൻ പടയാ​ളി​ക​ളു​ടെ പാളയ​ത്തിൽ ഒരു തടവു​കാ​ര​നാ​യി കഴിയുന്ന അദ്ദേഹം കൂടുതൽ ആരോ​പ​ണ​ങ്ങ​ളെ​യും വിചാ​ര​ണ​ക​ളെ​യും നേരി​ടാൻ പോകു​ക​യാണ്‌. (പ്രവൃ. 21:31; 23:10) അപ്പോ​സ്‌ത​ലന്‌ ഏറെ പ്രോ​ത്സാ​ഹനം ആവശ്യ​മായ ഒരു സമയം!

 3. പ്രസം​ഗ​വേ​ല​യിൽ തുടരു​ന്ന​തിന്‌ നമുക്ക്‌ എങ്ങനെ​യാണ്‌ പ്രോ​ത്സാ​ഹനം ലഭിക്കു​ന്നത്‌?

³ ഈ അവസാന നാളു​ക​ളിൽ, “ക്രിസ്‌തു​യേ​ശു​വി​നോ​ടുള്ള യോജി​പ്പിൽ ദൈവ​ഭ​ക്തി​യോ​ടെ ജീവി​ക്കാൻ ആഗ്രഹി​ക്കുന്ന എല്ലാവർക്കും ഉപദ്രവം സഹി​ക്കേ​ണ്ടി​വ​രും” എന്ന്‌ നമുക്ക്‌ അറിയാം. (2 തിമൊ. 3:12) അതു​കൊണ്ട്‌ പ്രസം​ഗ​വേ​ല​യിൽ തുടരു​ന്ന​തിന്‌ നമുക്കും പ്രോ​ത്സാ​ഹനം ആവശ്യ​മാണ്‌. ‘വിശ്വ​സ്‌ത​നും വിവേ​കി​യും ആയ അടിമ​യു​ടെ’ കരുത​ലു​ക​ളായ പ്രസി​ദ്ധീ​ക​ര​ണ​ങ്ങ​ളി​ലൂ​ടെ​യും യോഗ​ങ്ങ​ളി​ലൂ​ടെ​യും നമുക്കു തക്കസമ​യത്ത്‌ പ്രോ​ത്സാ​ഹ​ന​വും ആശ്വാ​സ​വും ലഭിക്കു​ന്നു. അതേ​പ്രതി നാം എത്ര നന്ദിയു​ള്ള​വ​രാണ്‌! (മത്താ. 24:45) സന്തോ​ഷ​വാർത്ത​യു​ടെ ശത്രുക്കൾ ഒരിക്ക​ലും വിജയി​ക്കി​ല്ലെന്ന്‌ യഹോവ നമുക്ക്‌ ഉറപ്പു​നൽകി​യി​രി​ക്കു​ന്നു. ഒരു കൂട്ട​മെ​ന്ന​നി​ല​യിൽ ദൈവ​ദാ​സ​ന്മാ​രെ നശിപ്പി​ക്കാ​നോ അവരുടെ പ്രസം​ഗ​പ്ര​വർത്ത​ന​ത്തി​നു തടയി​ടാ​നോ ഒരു ശത്രു​വി​നും കഴിയില്ല. (യശ. 54:17; യിരെ. 1:19) ആകട്ടെ, പൗലോസ്‌ അപ്പോ​സ്‌ത​ലന്റെ കാര്യ​ത്തിൽ എന്തു സംഭവി​ച്ചു? എതിർപ്പി​ന്മ​ധ്യേ സന്തോ​ഷ​വാർത്ത സമഗ്ര​മാ​യി അറിയി​ക്കു​ന്ന​തിൽ തുടരാൻ പൗലോ​സി​നു പ്രോ​ത്സാ​ഹനം ലഭിച്ചോ? അങ്ങനെ​യെ​ങ്കിൽ, അദ്ദേഹ​ത്തിന്‌ അതു ലഭിച്ചത്‌ എങ്ങനെ​യാണ്‌? അദ്ദേഹം അതി​നോട്‌ എങ്ങനെ പ്രതി​ക​രി​ച്ചു?

4, 5. പൗലോ​സിന്‌ എന്തു പ്രോ​ത്സാ​ഹനം ലഭിച്ചു, അതു സമയോ​ചി​ത​മാ​യി​രു​ന്നത്‌ എന്തു​കൊണ്ട്‌?

⁴ സൻഹെ​ദ്രി​നിൽനിന്ന്‌ വിടു​വി​ക്ക​പ്പെട്ട അന്നു രാത്രി പൗലോസ്‌ അപ്പോ​സ്‌ത​ലന്‌ ആവശ്യ​മായ പ്രോ​ത്സാ​ഹനം ലഭിക്കു​ക​തന്നെ ചെയ്‌തു. അതേക്കു​റിച്ച്‌ തിരു​വെ​ഴുത്ത്‌ പറയുന്നു: “കർത്താവ്‌ പൗലോ​സി​ന്റെ അടുത്ത്‌ വന്ന്‌, ‘ധൈര്യ​മാ​യി​രി​ക്കുക! യരുശ​ലേ​മി​ലെ​ങ്ങും നീ എന്നെക്കു​റിച്ച്‌ സമഗ്ര​മാ​യി പ്രസം​ഗി​ക്കു​ന്ന​തു​പോ​ലെ​തന്നെ റോമി​ലും പ്രസം​ഗി​ക്കേ​ണ്ട​തുണ്ട്‌’ എന്നു പറഞ്ഞു.” (പ്രവൃ. 23:11) യേശു​വി​ന്റെ പ്രോ​ത്സാ​ഹ​ജ​ന​ക​മായ ആ വാക്കുകൾ കേട്ട​പ്പോൾ താൻ വിടു​വി​ക്ക​പ്പെ​ടു​മെന്ന്‌ പൗലോ​സിന്‌ ഉറപ്പായി. താൻ സുരക്ഷി​ത​മാ​യി റോമിൽ എത്തു​മെ​ന്നും അവിടെ യേശു​വിന്‌ സാക്ഷ്യം​വ​ഹി​ക്കാൻ തനിക്ക്‌ അവസരം ലഭിക്കു​മെ​ന്നും അദ്ദേഹ​ത്തി​നു മനസ്സി​ലാ​യി.

⁵ തക്കസമ​യ​ത്താണ്‌ പൗലോ​സിന്‌ ആ പ്രോ​ത്സാ​ഹനം ലഭിച്ചത്‌. തൊട്ട​ടുത്ത ദിവസം, 40-ലേറെ ജൂതന്മാർ “ഒരു രഹസ്യ​പ​ദ്ധതി ഉണ്ടാക്കി. പൗലോ​സി​നെ കൊല്ലാ​തെ ഇനി തിന്നു​ക​യോ കുടി​ക്കു​ക​യോ ചെയ്യി​ല്ലെന്ന്‌ അവർ ശപഥ​മെ​ടു​ത്തു.” അവർ ‘ഗൂഢാ​ലോ​ചന നടത്തി ശപഥം ചെയ്‌തു’ എന്നതു കാണി​ക്കു​ന്നത്‌ പൗലോ​സി​നെ കൊന്നു​ക​ള​യാൻ അവർ അത്രമാ​ത്രം ഉറച്ചി​രു​ന്നു​വെ​ന്നാണ്‌. ആ ഗൂഢാ​ലോ​ചന പരാജ​യ​പ്പെ​ട്ടാൽ അതു തങ്ങളു​ടെ​മേൽ ശാപം വരുത്തി​വെ​ക്കു​മെന്ന്‌ അവർ വിശ്വ​സി​ച്ചു. (പ്രവൃ. 23:12-15) പൗലോ​സി​നെ സംബന്ധിച്ച കാര്യങ്ങൾ വിശദ​മാ​യി ചോദി​ച്ച​റി​യാ​നെന്ന മട്ടിൽ, മുഖ്യ​പു​രോ​ഹി​ത​ന്മാ​രും മൂപ്പന്മാ​രും ഇടപെട്ട്‌ അദ്ദേഹത്തെ സൻഹെ​ദ്രി​നു മുമ്പാകെ വരുത്തി​ക്കുക എന്നതാ​യി​രു​ന്നു അവരുടെ ഗൂഢപ​ദ്ധതി. പൗലോ​സി​നെ അങ്ങോട്ടു കൊണ്ടു​പോ​കു​മ്പോൾ പതിയി​രുന്ന്‌ അദ്ദേഹത്തെ കൊല​പ്പെ​ടു​ത്തു​ക​യാ​യി​രു​ന്നു അവരുടെ ലക്ഷ്യം.

 6. പൗലോ​സി​നെ കൊല്ലാ​നുള്ള ഗൂഢാ​ലോ​ചന തകർന്നത്‌ എങ്ങനെ, ഈ വിവര​ണ​ത്തിൽനിന്ന്‌ ഇന്നത്തെ യുവജ​ന​ങ്ങൾക്ക്‌ എന്തു പഠിക്കാം?

⁶ എന്നാൽ പൗലോ​സി​ന്റെ പെങ്ങളു​ടെ മകൻ ഈ ഗൂഢാ​ലോ​ച​ന​യെ​ക്കു​റി​ച്ചു കേൾക്കു​ക​യും വിവരം പൗലോ​സി​നെ അറിയി​ക്കു​ക​യും ചെയ്‌തു. ഇക്കാര്യം റോമൻ സൈന്യാ​ധി​പ​നായ ക്ലൗദ്യൊസ്‌ ലുസി​യാ​സി​നെ അറിയി​ക്കാൻ പൗലോസ്‌ അദ്ദേഹ​ത്തോട്‌ ആവശ്യ​പ്പെട്ടു. (പ്രവൃ. 23:16-22) പേരെ​ടു​ത്തു പറഞ്ഞി​ട്ടി​ല്ലാത്ത ഈ യുവാ​വി​നെ​പ്പോ​ലെ, നിസ്സ്വാർഥം ദൈവ​ജ​ന​ത്തി​ന്റെ ക്ഷേമത്തി​നാ​യി ധൈര്യ​പൂർവം പ്രവർത്തി​ക്കുന്ന, രാജ്യ​താ​ത്‌പ​ര്യ​ങ്ങ​ളു​ടെ ഉന്നമന​ത്തി​നാ​യി വിശ്വ​സ്‌ത​ത​യോ​ടെ തങ്ങളാ​ലാ​വു​ന്ന​തെ​ല്ലാം ചെയ്യുന്ന ചെറു​പ്പ​ക്കാർ യഹോ​വ​യ്‌ക്ക്‌ എത്ര പ്രിയ​ങ്ക​ര​രാണ്‌!

7, 8. പൗലോ​സി​ന്റെ സുരക്ഷ​യ്‌ക്കാ​യി ക്ലൗദ്യൊസ്‌ ലുസി​യാസ്‌ എന്തെല്ലാം ക്രമീ​ക​ര​ണങ്ങൾ ചെയ്‌തു?

⁷ പൗലോ​സി​നെ വധിക്കാ​നുള്ള ഗൂഢാ​ലോ​ച​ന​യെ​ക്കു​റിച്ച്‌ അറിഞ്ഞ​പ്പോൾ അദ്ദേഹത്തെ യരുശ​ലേ​മിൽനിന്ന്‌ സുരക്ഷി​ത​മാ​യി കൈസ​ര്യ​യിൽ എത്തിക്കാൻ സൈന്യാ​ധി​പ​നായ ക്ലൗദ്യൊസ്‌ ലുസി​യാസ്‌ ഉത്തരവി​ട്ടു. അന്നു രാത്രി​തന്നെ കാലാൾപ്പ​ട​യും കുന്തക്കാ​രും കുതി​ര​പ്പ​ട​യാ​ളി​ക​ളും അടങ്ങുന്ന 470 സൈനി​ക​രു​ടെ അകമ്പടി​യോ​ടെ പൗലോ​സി​നെ അങ്ങോട്ട്‌ അയച്ചു. അവിടെ എത്തിയാൽ അവർ അദ്ദേഹത്തെ ഗവർണ​റായ ഫേലി​ക്‌സി​നു കൈമാ​റ​ണ​മാ​യി​രു​ന്നു.a യഹൂദ്യ​യു​ടെ റോമൻ ഭരണാ​സ്ഥാ​ന​മായ കൈസ​ര്യ​യിൽ വളരെ​യേറെ ജൂതന്മാർ താമസി​ച്ചി​രു​ന്നെ​ങ്കി​ലും ജനസം​ഖ്യ​യിൽ ഏറിയ​പ​ങ്കും ജനതക​ളിൽപ്പെ​ട്ട​വ​രാ​യി​രു​ന്നു. ലഹളക​ളും മതത്തിന്റെ പേരി​ലുള്ള പ്രശ്‌ന​ങ്ങ​ളും സർവസാ​ധാ​ര​ണ​മാ​യി​രുന്ന യരുശ​ലേ​മിൽനിന്ന്‌ വ്യത്യ​സ്‌ത​മാ​യി സമാധാ​ന​പ​ര​മായ ഒരു അന്തരീ​ക്ഷ​മാണ്‌ കൈസ​ര്യ​യിൽ ഉണ്ടായി​രു​ന്നത്‌. യഹൂദ്യ​യി​ലെ റോമൻ സൈന്യ​ത്തി​ന്റെ മുഖ്യ ആസ്ഥാന​വും കൈസ​ര്യ​യാ​യി​രു​ന്നു.

⁸ റോമാ​ക്കാ​രു​ടെ നിയമം അനുശാ​സി​ച്ചി​രുന്ന പ്രകാരം ലുസി​യാസ്‌, കാര്യങ്ങൾ വിവരി​ച്ചു​കൊ​ണ്ടുള്ള ഒരു കത്ത്‌ ഫേലി​ക്‌സിന്‌ എഴുതി. ജൂതന്മാർ പൗലോ​സി​നെ ‘കൊല്ലാൻ ശ്രമി​ച്ച​പ്പോൾ’ അദ്ദേഹം ഒരു റോമൻ പൗരനാ​ണെന്നു മനസ്സി​ലാ​ക്കി താൻ തത്‌ക്ഷണം അദ്ദേഹത്തെ രക്ഷിക്കു​ക​യാ​യി​രു​ന്നു​വെന്ന്‌ ആ കത്തിൽ അയാൾ പരാമർശി​ച്ചു. “മരണമോ തടവോ അർഹി​ക്കുന്ന” ഒരു കുറ്റവും അദ്ദേഹ​ത്തിൽ കണ്ടെത്തി​യി​ട്ടി​ല്ലെ​ന്നും എന്നാൽ അദ്ദേഹ​ത്തിന്‌ എതിരെ ഒരു ഗൂഢാ​ലോ​ചന നടന്നി​രി​ക്കു​ന്ന​തി​നാൽ അദ്ദേഹത്തെ അങ്ങോട്ട്‌ അയയ്‌ക്കു​ക​യാ​ണെ​ന്നും ലുസി​യാസ്‌ അതിൽ എഴുതി. അതുവഴി, പരാതി​ക്കാർക്കു പറയാ​നു​ള്ളതു നേരിൽ കേട്ട്‌ ഉചിത​മാ​യി ന്യായം​വി​ധി​ക്കാ​നും ഫേലി​ക്‌സിന്‌ കഴിയു​മ​ത്രേ.—പ്രവൃ. 23:25-30.

 9. (എ) ഒരു റോമൻ പൗര​നെ​ന്ന​നി​ല​യി​ലുള്ള പൗലോ​സി​ന്റെ അവകാ​ശങ്ങൾ ലംഘി​ക്ക​പ്പെ​ട്ടത്‌ എങ്ങനെ? (ബി) പൗരാ​വ​കാ​ശങ്ങൾ നാം പ്രയോ​ജ​ന​പ്പെ​ടു​ത്തേ​ണ്ടത്‌ എന്തു​കൊണ്ട്‌?

⁹ ലുസി​യാസ്‌ കത്തിൽ എഴുതി​യി​രു​ന്ന​തെ​ല്ലാം സത്യമാ​യി​രു​ന്നോ? ഭാഗി​ക​മാ​യി​മാ​ത്രം. തന്നെക്കു​റിച്ച്‌ ഗവർണർക്ക്‌ നല്ലൊരു ധാരണ ലഭിക്കും​വി​ധ​മാണ്‌ അയാൾ കാര്യങ്ങൾ അവതരി​പ്പി​ച്ചത്‌. വാസ്‌ത​വ​ത്തിൽ, പൗലോസ്‌ റോമൻ പൗരനാ​ണെന്ന്‌ അറിഞ്ഞി​ട്ടൊ​ന്നു​മല്ല അയാൾ അദ്ദേഹ​ത്തി​ന്റെ രക്ഷയ്‌ക്കെ​ത്തി​യത്‌. കൂടാതെ ‘രണ്ടു ചങ്ങല​കൊണ്ട്‌ ബന്ധിക്കാ​നും’ പിന്നീട്‌ ‘ചാട്ടയ്‌ക്ക്‌ അടിച്ച്‌ ചോദ്യം ചെയ്യാ​നും’ താൻ കല്പിച്ചതിനെക്കുറിച്ച്‌ അയാൾ ഒന്നും പറഞ്ഞതു​മില്ല. (പ്രവൃ. 21:30-34; 22:24-29) അങ്ങനെ പെരു​മാ​റു​ക​വഴി ലുസി​യാസ്‌, ഒരു റോമൻ പൗര​നെ​ന്ന​നി​ല​യി​ലുള്ള പൗലോ​സി​ന്റെ അവകാ​ശങ്ങൾ ലംഘി​ക്കു​ക​യാ​യി​രു​ന്നു. ഇന്ന്‌ സാത്താൻ എതിരാ​ളി​ക​ളു​ടെ മതഭ്രാന്ത്‌ കരുവാ​ക്കി ഉപദ്ര​വ​ത്തിന്‌ ആക്കംകൂ​ട്ടാൻ ശ്രമി​ക്കു​ന്നു. പലപ്പോ​ഴും അത്തരം സാഹച​ര്യ​ങ്ങ​ളിൽ നമ്മുടെ പൗരാ​വ​കാ​ശങ്ങൾ നിഷേ​ധി​ക്ക​പ്പെ​ടാ​റുണ്ട്‌. എന്നാൽ പൗലോ​സി​നെ​പ്പോ​ലെ, ദൈവ​ജ​ന​ത്തിന്‌ ഇന്നും, ഓരോ രാജ്യ​ത്തും അനുവ​ദി​ക്ക​പ്പെ​ട്ടി​ട്ടുള്ള പൗരാ​വ​കാ​ശങ്ങൾ പ്രയോ​ജ​ന​പ്പെ​ടു​ത്താ​നും നിയമ​സം​ര​ക്ഷണം തേടാ​നും കഴിയും.

10. പൗലോ​സി​നെ​തി​രെ ഉന്നയിച്ച ആരോ​പ​ണങ്ങൾ എന്തെല്ലാ​മാ​യി​രു​ന്നു?

¹⁰ യരുശ​ലേ​മിൽനിന്ന്‌ പരാതി​ക്കാർ എത്തുന്ന​തു​വരെ പൗലോ​സി​നെ കൈസ​ര്യ​യിൽ “ഹെരോ​ദി​ന്റെ കൊട്ടാ​ര​ത്തിൽ കാവലിൽ” സൂക്ഷിച്ചു. (പ്രവൃ. 23:35) അഞ്ചു ദിവസം കഴിഞ്ഞ​പ്പോൾ മഹാപു​രോ​ഹി​ത​നായ അനന്യാ​സും വാഗ്മി​യായ തെർത്തു​ല്ലൊ​സും ഒരു സംഘം മൂപ്പന്മാ​രും അവിടെ എത്തി. തെർത്തു​ല്ലൊസ്‌ ആദ്യം​തന്നെ, ഫേലി​ക്‌സ്‌ ജൂതന്മാർക്കു​വേണ്ടി ചെയ്‌ത കാര്യ​ങ്ങ​ളെ​പ്രതി അയാളെ പ്രശം​സി​ച്ചു. ഫേലി​ക്‌സി​ന്റെ പ്രീതി പിടി​ച്ചു​പ​റ്റു​ക​യാ​യി​രു​ന്നു അയാളു​ടെ ലക്ഷ്യം.b തുടർന്ന്‌ അയാൾ കാര്യ​ത്തി​ലേക്കു കടന്നു. “ഈ മനുഷ്യൻ ഒരു ഒഴിയാ​ബാ​ധ​യും ഭൂലോ​ക​ത്തെ​ങ്ങു​മുള്ള ജൂതന്മാർക്കി​ട​യിൽ പ്രക്ഷോ​ഭങ്ങൾ ഇളക്കി​വി​ടു​ന്ന​വ​നും നസറെ​ത്തു​കാ​രു​ടെ മതവി​ഭാ​ഗ​ത്തി​ന്റെ നേതാ​വും ആണെന്നു ഞങ്ങൾ കണ്ടെത്തി​യി​രി​ക്കു​ന്നു. ദേവാ​ലയം അശുദ്ധ​മാ​ക്കാ​നും ഇയാൾ ശ്രമിച്ചു,” അയാൾ പൗലോ​സി​നെ​ക്കു​റി​ച്ചു പരാതി​പ്പെട്ടു. “ഇക്കാര്യ​ങ്ങൾ സത്യമാ​ണെന്നു തറപ്പി​ച്ചു​പ​റ​ഞ്ഞു​കൊണ്ട്‌ ജൂതന്മാ​രും കുറ്റാ​രോ​പ​ണ​ത്തിൽ പങ്കു​ചേർന്നു.” (പ്രവൃ. 24:5, 6, 9) കലാപം ഇളക്കി​വി​ടു​ന്നവൻ, അപകട​ക​ര​മായ ഒരു മതഭേ​ദ​ത്തി​ന്റെ നേതാവ്‌, ആലയം അശുദ്ധ​മാ​ക്കു​ന്നവൻ—തീർച്ച​യാ​യും മരണശി​ക്ഷാർഹ​മായ കുറ്റങ്ങൾതന്നെ!

11, 12. തനി​ക്കെ​തി​രെ​യുള്ള ആരോ​പ​ണങ്ങൾ പൗലോസ്‌ ഖണ്ഡിച്ചത്‌ എങ്ങനെ?

¹¹ അടുത്തത്‌ പൗലോ​സി​ന്റെ ഊഴമാ​യി​രു​ന്നു. “ഞാൻ സന്തോ​ഷ​ത്തോ​ടെ എനിക്കു​വേണ്ടി വാദി​ക്കും” എന്ന്‌ പറഞ്ഞു​തു​ട​ങ്ങിയ അദ്ദേഹം തനി​ക്കെ​തി​രെ​യുള്ള ആരോ​പ​ണ​ങ്ങ​ളെ​ല്ലാം നിഷേ​ധി​ച്ചു. അദ്ദേഹം ആലയം അശുദ്ധ​മാ​ക്കു​ക​യോ കലാപം ഇളക്കി​വി​ടു​ക​യോ ചെയ്‌തി​ട്ടി​ല്ലാ​യി​രു​ന്നു. ‘കുറെ വർഷങ്ങ​ളാ​യി’ താൻ യരുശ​ലേ​മിൽ ഇല്ലായി​രു​ന്നു​വെ​ന്നും ഇപ്പോൾ “ദാനധർമങ്ങൾ”—ക്ഷാമവും ഉപദ്ര​വ​വും നിമിത്തം ദാരി​ദ്ര്യ​ത്തിൽ കഴിഞ്ഞി​രുന്ന ക്രിസ്‌ത്യാ​നി​കൾക്കുള്ള സംഭാ​വ​നകൾ—എത്തിച്ചു​കൊ​ടു​ക്കു​ന്ന​തി​നാണ്‌ അവിടെ എത്തിയ​തെ​ന്നും അദ്ദേഹം ചൂണ്ടി​ക്കാ​ട്ടി. ആലയത്തിൽ പ്രവേ​ശി​ക്കു​ന്ന​തി​നു​മുമ്പ്‌ താൻ “ആചാര​പ്ര​കാ​രം ശുദ്ധി” വരുത്തി​യി​രു​ന്നെ​ന്നും “ദൈവ​ത്തി​ന്റെ​യും മനുഷ്യ​രു​ടെ​യും മുന്നിൽ” ഒരുത​ര​ത്തി​ലും കുറ്റക്കാ​ര​നാ​കാ​തി​രി​ക്കാൻ മനസ്സാ​ക്ഷി​പൂർവം ശ്രമി​ച്ചി​ട്ടു​ണ്ടെ​ന്നും പൗലോസ്‌ വ്യക്തമാ​ക്കി.—പ്രവൃ. 24:10-13, 16-18.

¹² എന്നിരു​ന്നാ​ലും, തന്റെ പൂർവി​ക​രു​ടെ ദൈവത്തെ താൻ സേവി​ക്കു​ന്നത്‌ “മതവി​ഭാ​ഗം എന്ന്‌ ഇവർ വിളി​ക്കുന്ന ഈ മാർഗ​ത്തി​ലാണ്‌” എന്ന്‌ പൗലോസ്‌ സമ്മതി​ച്ചു​പ​റഞ്ഞു. എന്നാൽ, “നിയമ​ത്തിൽ പറഞ്ഞി​രി​ക്കു​ന്ന​തും പ്രവാ​ച​ക​പു​സ്‌ത​ക​ങ്ങ​ളിൽ എഴുതി​യി​രി​ക്കു​ന്ന​തും ആയ എല്ലാ കാര്യ​ങ്ങ​ളും” താൻ വിശ്വ​സി​ക്കു​ന്നു​ണ്ടെന്ന്‌ അദ്ദേഹം എടുത്തു​പ​റഞ്ഞു. കൂടാതെ, തനി​ക്കെ​തി​രെ ആരോ​പണം ഉന്നയി​ച്ച​വ​രെ​പ്പോ​ലെ​തന്നെ താനും, “നീതി​മാ​ന്മാ​രു​ടെ​യും നീതി​കെ​ട്ട​വ​രു​ടെ​യും പുനരു​ത്ഥാ​നം” ഉണ്ടെന്ന പ്രത്യാശ വെച്ചു​പു​ലർത്തു​ന്ന​താ​യും അദ്ദേഹം വ്യക്തമാ​ക്കി. തുടർന്ന്‌ തന്റെ ആരോ​പ​കരെ വെല്ലു​വി​ളി​ച്ചു​കൊണ്ട്‌ പൗലോസ്‌ പറഞ്ഞു: “ഞാൻ സൻഹെ​ദ്രി​ന്റെ മുമ്പാകെ നിന്ന​പ്പോൾ എന്നിൽ എന്തെങ്കി​ലും കുറ്റം കണ്ടെത്തി​യെ​ങ്കിൽ അത്‌ ഈ നിൽക്കു​ന്നവർ പറയട്ടെ. അവരുടെ ഇടയിൽ നിന്ന​പ്പോൾ, ‘മരിച്ച​വ​രു​ടെ പുനരു​ത്ഥാ​ന​ത്തിൽ ഞാൻ വിശ്വ​സി​ക്കു​ന്ന​തു​കൊ​ണ്ടാണ്‌ ഇന്നു നിങ്ങൾ എന്നെ ന്യായം വിധി​ക്കു​ന്നത്‌’ എന്നു വിളി​ച്ചു​പ​റ​ഞ്ഞ​ത​ല്ലാ​തെ മറ്റൊ​ന്നും ഞാൻ ചെയ്‌തി​ട്ടില്ല.”—പ്രവൃ. 24:14, 15, 20, 21.

13-15. അധികാ​രി​ക​ളു​ടെ മുമ്പാകെ ധൈര്യ​സ​മേതം സാക്ഷീ​ക​രി​ക്കു​ന്ന​തിൽ പൗലോസ്‌ നമുക്ക്‌ ഒരു മാതൃ​ക​യാ​യി​രി​ക്കു​ന്നത്‌ എങ്ങനെ?

¹³ ആരാധ​ന​യു​ടെ​പേ​രിൽ നാം ലൗകി​കാ​ധി​കാ​രി​ക​ളു​ടെ മുമ്പാകെ ഹാജരാ​ക്ക​പ്പെ​ടു​ക​യും കലാപം ഇളക്കി​വി​ടു​ന്നവർ, രാജ്യ​ദ്രോ​ഹി​കൾ, ‘അപകട​ക​ര​മായ ഒരു മതവി​ഭാ​ഗ​ത്തി​ലെ’ അംഗങ്ങൾ എന്നിങ്ങ​നെ​യുള്ള വ്യാജാ​രോ​പ​ണ​ങ്ങൾക്ക്‌ ഇരയാ​കു​ക​യും ചെയ്യു​ന്നെ​ങ്കിൽ എന്തു ചെയ്യണം എന്നതിന്റെ നല്ലൊരു മാതൃ​ക​യാണ്‌ പൗലോസ്‌ വെച്ചത്‌. തെർത്തു​ല്ലൊ​സി​നെ​പ്പോ​ലെ പൗലോസ്‌ ഗവർണ​റു​ടെ പ്രീതി പിടി​ച്ചു​പ​റ്റു​ന്ന​തി​നാ​യി മുഖസ്‌തു​തി പറഞ്ഞില്ല. അദ്ദേഹം ശാന്തത കൈവി​ടാ​തെ തികഞ്ഞ ആദര​വോ​ടെ പെരു​മാ​റി. ശ്രദ്ധാ​പൂർവം തിര​ഞ്ഞെ​ടുത്ത വാക്കുകൾ ഉപയോ​ഗിച്ച്‌ തനിക്കു പറയാ​നു​ള്ളത്‌ അദ്ദേഹം വ്യക്തവും സത്യസ​ന്ധ​വും ആയി അവതരി​പ്പി​ച്ചു. താൻ ആലയത്തെ അശുദ്ധ​മാ​ക്കി​യെന്ന്‌ ആരോ​പിച്ച “ഏഷ്യ സംസ്ഥാ​ന​ത്തു​നി​ന്നുള്ള ചില ജൂതന്മാർ” അവിടെ ഹാജരാ​യി​ട്ടി​ല്ലെ​ന്നും നിയമം അനുസ​രിച്ച്‌ തന്റെ സാന്നി​ധ്യ​ത്തി​ലാണ്‌ അവർ പരാതി ബോധി​പ്പി​ക്കേ​ണ്ട​തെ​ന്നും പൗലോസ്‌ പറഞ്ഞു.—പ്രവൃ. 24:18, 19.

¹⁴ ഏറ്റവും പ്രധാ​ന​മാ​യി, തന്റെ വിശ്വാ​സ​ങ്ങ​ളെ​ക്കു​റിച്ച്‌ സാക്ഷീ​ക​രി​ക്കു​ന്ന​തിൽനിന്ന്‌ പൗലോസ്‌ പിന്മാ​റി​നി​ന്നില്ല. പുനരു​ത്ഥാ​ന​ത്തി​ലുള്ള തന്റെ വിശ്വാ​സ​ത്തെ​ക്കു​റിച്ച്‌ അദ്ദേഹം ധൈര്യ​പൂർവം വീണ്ടും സംസാ​രി​ച്ചു. സൻഹെ​ദ്രി​നു മുമ്പാകെ വളരെ​യ​ധി​കം പ്രശ്‌നം സൃഷ്ടിച്ച ഒരു വിഷയ​മാ​യി​രു​ന്നു അത്‌ എന്നോർക്കണം. (പ്രവൃ. 23:6-10) പൗലോസ്‌ പ്രതി​വാ​ദം നടത്തി​യ​പ്പോൾ പുനരു​ത്ഥാന പ്രത്യാ​ശ​യ്‌ക്ക്‌ ഊന്നൽ നൽകി​യത്‌ എന്തു​കൊ​ണ്ടാ​യി​രി​ക്കും? യേശു​വി​നെ​യും യേശു​വി​ന്റെ പുനരു​ത്ഥാ​ന​ത്തെ​യും കുറി​ച്ചാ​യി​രു​ന്നു പൗലോസ്‌ പ്രസം​ഗി​ച്ചി​രു​ന്നത്‌—ആ എതിരാ​ളി​കൾ ഒരുത​ര​ത്തി​ലും അംഗീ​ക​രി​ക്കാത്ത ഒരു കാര്യം. (പ്രവൃ. 26:6-8, 22, 23) അതെ, പുനരു​ത്ഥാ​നം എന്ന വിഷയത്തെ—കുറെ​ക്കൂ​ടി കൃത്യ​മാ​യി പറഞ്ഞാൽ യേശു​വി​ലും യേശു​വി​ന്റെ പുനരു​ത്ഥാ​ന​ത്തി​ലും ഉള്ള വിശ്വാ​സത്തെ—കേന്ദ്രീ​ക​രി​ച്ചാ​യി​രു​ന്നു പ്രശ്‌ന​ങ്ങ​ളെ​ല്ലാം.

¹⁵ പൗലോ​സി​നെ​പ്പോ​ലെ നമുക്കും സധൈ​ര്യം സാക്ഷ്യം നൽകാ​നാ​കും. യേശു തന്റെ ശിഷ്യ​ന്മാ​രോ​ടു പറഞ്ഞു: “എന്റെ പേര്‌ നിമിത്തം സകലരും നിങ്ങളെ വെറു​ക്കും. എന്നാൽ അവസാ​ന​ത്തോ​ളം സഹിച്ചു​നിൽക്കു​ന്നവൻ രക്ഷ നേടും.” ഈ വാക്കുകൾ നമുക്ക്‌ ശക്തിപ​ക​രു​ന്നി​ല്ലേ? എന്നാൽ എന്തു പറയും എന്നോർത്ത്‌ നാം വ്യാകു​ല​പ്പെ​ടേ​ണ്ട​തു​ണ്ടോ? ഇല്ല, കാരണം യേശു പിൻവ​രുന്ന ഉറപ്പ്‌ നമുക്കു നൽകി​യി​ട്ടുണ്ട്‌: “അവർ നിങ്ങളെ ഏൽപ്പി​ച്ചു​കൊ​ടു​ക്കാൻ കൊണ്ടു​പോ​കു​മ്പോൾ, എന്തു പറയു​മെന്നു മുൻകൂ​ട്ടി ചിന്തിച്ച്‌ ഉത്‌ക​ണ്‌ഠ​പ്പെ​ടേണ്ടാ. ആ സമയത്ത്‌ പരിശു​ദ്ധാ​ത്മാവ്‌ നിങ്ങൾക്കു നൽകു​ന്നത്‌ എന്തോ അതു പറയുക. കാരണം സംസാ​രി​ക്കു​ന്നതു നിങ്ങളല്ല, പരിശു​ദ്ധാ​ത്മാ​വാണ്‌.”—മർക്കോ. 13:9-13.

16, 17. (എ) പൗലോ​സി​ന്റെ കാര്യ​ത്തിൽ ഫേലി​ക്‌സ്‌ എന്തു​ചെ​യ്‌തു? (ബി) ഫേലി​ക്‌സി​നു ഭയം തോന്നി​യത്‌ എന്തു​കൊ​ണ്ടാ​യി​രി​ക്കാം, എന്നിട്ടും അദ്ദേഹം കൂടെ​ക്കൂ​ടെ പൗലോ​സി​നെ കണ്ടതിന്റെ കാരണ​മെന്ത്‌?

¹⁶ ഗവർണ​റായ ഫേലി​ക്‌സ്‌ ക്രിസ്‌തീയ വിശ്വാ​സ​ങ്ങ​ളെ​ക്കു​റി​ച്ചു കേൾക്കു​ന്നത്‌ ആദ്യമാ​യി​ട്ടാ​യി​രു​ന്നില്ല. വിവരണം പറയുന്നു: “ഈ മാർഗ​ത്തെ​ക്കു​റിച്ച്‌ (ആദിമ​കാല ക്രിസ്‌ത്യാ​നി​ത്വ​ത്തെ പരാമർശി​ക്കാൻ ഉപയോ​ഗി​ച്ചി​രുന്ന പദം) നന്നായി അറിയാ​മാ​യി​രു​ന്നി​ട്ടും, ‘സൈന്യാ​ധി​പ​നായ ലുസി​യാസ്‌ വരു​മ്പോൾ ഞാൻ നിങ്ങളു​ടെ കാര്യ​ത്തിൽ തീരു​മാ​ന​മു​ണ്ടാ​ക്കാം’ എന്നു പറഞ്ഞ്‌ ഫേലി​ക്‌സ്‌ കേസ്‌ മാറ്റി​വെച്ചു. എന്നിട്ട്‌ പൗലോ​സി​നെ തടവിൽ സൂക്ഷി​ക്കാൻ സൈനി​കോ​ദ്യോ​ഗ​സ്ഥ​നോ​ടു കല്‌പി​ച്ചു. എന്നാൽ പൗലോ​സി​നു കുറച്ച്‌ സ്വാത​ന്ത്ര്യം കൊടു​ക്ക​ണ​മെ​ന്നും പൗലോ​സി​നെ പരിച​രി​ക്കാൻ അദ്ദേഹ​ത്തി​ന്റെ സ്‌നേ​ഹി​തരെ അനുവ​ദി​ക്ക​ണ​മെ​ന്നും ഫേലി​ക്‌സ്‌ നിർദേ​ശി​ച്ചു.”—പ്രവൃ. 24:22, 23.

¹⁷ കുറച്ചു ദിവസം കഴിഞ്ഞ​പ്പോൾ ഫേലി​ക്‌സും ഭാര്യ ദ്രുസി​ല്ല​യും കൂടി (അവർ ഒരു ജൂതവം​ശജ ആയിരു​ന്നു) പൗലോ​സി​നെ വിളി​പ്പിച്ച്‌, “ക്രിസ്‌തു​യേ​ശു​വി​ലുള്ള വിശ്വാ​സ​ത്തെ​ക്കു​റിച്ച്‌ കേട്ടു.” (പ്രവൃ. 24:24) എന്നാൽ ‘നീതി, ആത്മനി​യ​ന്ത്രണം, വരാനി​രി​ക്കുന്ന ന്യായ​വി​ധി എന്നിവ​യെ​ക്കു​റിച്ച്‌ പൗലോസ്‌ പറഞ്ഞ​പ്പോൾ ഫേലി​ക്‌സ്‌ ഭയപ്പെട്ടു.’ തന്റെ ദുഷിച്ച ജീവി​ത​ഗ​തി​നി​മി​ത്തം മനസ്സാക്ഷി ഫേലി​ക്‌സി​നെ അലട്ടി​യ​തു​കൊ​ണ്ടാ​യി​രി​ക്കാം അയാൾക്കു ഭയം​തോ​ന്നി​യത്‌. അതു​കൊണ്ട്‌ “ഇപ്പോൾ പൊയ്‌ക്കൊ​ള്ളൂ, സമയം കിട്ടു​മ്പോൾ വീണ്ടും വിളി​പ്പി​ക്കാം” എന്നു പറഞ്ഞ്‌ അയാൾ പൗലോ​സി​നെ മടക്കി അയച്ചു. അതിനു​ശേ​ഷ​വും ഫേലി​ക്‌സ്‌ പല തവണ പൗലോ​സി​നെ കണ്ടു. സത്യ​ത്തെ​ക്കു​റിച്ച്‌ കേൾക്കാ​നുള്ള ആഗ്രഹം​കൊ​ണ്ടാ​യി​രു​ന്നില്ല, പൗലോ​സിൽനിന്ന്‌ കൈക്കൂ​ലി കിട്ടു​മെന്ന്‌ പ്രതീ​ക്ഷി​ച്ചാ​യി​രു​ന്നു അയാൾ അങ്ങനെ ചെയ്‌തത്‌.—പ്രവൃ. 24:25, 26.

18. പൗലോസ്‌ എന്തു​കൊ​ണ്ടാണ്‌ “നീതി, ആത്മനി​യ​ന്ത്രണം, വരാനി​രി​ക്കുന്ന ന്യായ​വി​ധി” എന്നിവ​യെ​ക്കു​റിച്ച്‌ ഫേലി​ക്‌സി​നോ​ടും ഭാര്യ​യോ​ടും സംസാ​രി​ച്ചത്‌?

¹⁸ പൗലോസ്‌ എന്തു​കൊ​ണ്ടാ​യി​രി​ക്കാം ഫേലി​ക്‌സി​നോ​ടും ഭാര്യ​യോ​ടും “നീതി, ആത്മനി​യ​ന്ത്രണം, വരാനി​രി​ക്കുന്ന ന്യായ​വി​ധി” എന്നിവ​യെ​ക്കു​റി​ച്ചു സംസാ​രി​ച്ചത്‌? ‘ക്രിസ്‌തു​യേ​ശു​വി​ലുള്ള വിശ്വാ​സ​ത്തിൽ’ ഉൾപ്പെ​ട്ടി​രി​ക്കു​ന്നത്‌ എന്താ​ണെന്ന്‌ അറിയാൻ അവർ ആഗ്രഹി​ച്ചു എന്നോർക്കുക. അതു​കൊണ്ട്‌ അധാർമി​ക​ത​യും ക്രൂര​ത​യും അനീതി​യും നിറഞ്ഞ അവരുടെ ജീവി​ത​ത്തെ​ക്കു​റിച്ച്‌ അറിയാ​മാ​യി​രുന്ന പൗലോസ്‌ ഇപ്പോൾ, യേശു​വി​ന്റെ ഒരു അനുഗാ​മി​യാ​യി​ത്തീ​രാൻ എന്താണ്‌ ചെയ്യേ​ണ്ട​തെന്ന്‌ അവർക്കു വിശദീ​ക​രി​ച്ചു​കൊ​ടു​ക്കു​ക​യാ​യി​രു​ന്നു. പൗലോസ്‌ പറഞ്ഞ കാര്യങ്ങൾ, ദൈവ​ത്തി​ന്റെ നീതി​യുള്ള നിലവാ​ര​ങ്ങ​ളും ഫേലി​ക്‌സി​ന്റെ​യും ഭാര്യ​യു​ടെ​യും ജീവി​ത​ഗ​തി​യും തമ്മിലുള്ള വലിയ അന്തരം എടുത്തു​കാ​ണി​ച്ചു. എല്ലാ മനുഷ്യ​രും അവർ പറയു​ക​യും ചെയ്യു​ക​യും ചിന്തി​ക്കു​ക​യും ചെയ്യുന്ന കാര്യ​ങ്ങ​ളെ​പ്രതി ദൈവ​മു​മ്പാ​കെ കണക്കു​ബോ​ധി​പ്പി​ക്കേ​ണ്ട​വ​രാ​ണെ​ന്നും അതു​കൊണ്ട്‌ ഫേലി​ക്‌സ്‌ പൗലോ​സി​നെ എങ്ങനെ വിധി​ക്കും എന്നതി​നെ​ക്കാൾ, ദൈവ​മു​മ്പാ​കെ ഫേലി​ക്‌സും ഭാര്യ​യും എങ്ങനെ ന്യായം​വി​ധി​ക്ക​പ്പെ​ടും എന്നതാണ്‌ ഏറെ പ്രാധാ​ന്യ​മർഹി​ക്കു​ന്ന​തെ​ന്നും ഉള്ള യാഥാർഥ്യം തിരി​ച്ച​റി​യാൻ ഇത്‌ അവരെ സഹായി​ച്ചി​രി​ക്കണം. ഫേലി​ക്‌സ്‌ ‘ഭയപ്പെ​ട്ട​തിൽ’ ഒട്ടും അതിശ​യി​ക്കാ​നില്ല!

19, 20. (എ) സത്യത്തിൽ താത്‌പ​ര്യ​മു​ള്ള​താ​യി കാണി​ക്കു​ക​യും എന്നാൽ ജീവി​ത​ത്തിൽ മാറ്റങ്ങൾ വരുത്താൻ മനസ്സൊ​രു​ക്ക​മി​ല്ലാ​തി​രി​ക്കു​ക​യും ചെയ്യു​ന്ന​വ​രോ​ടുള്ള നമ്മുടെ സമീപനം എന്തായി​രി​ക്കണം? (ബി) ഫേലി​ക്‌സിന്‌ പൗലോ​സി​നോട്‌ ഒരു ആത്മാർഥ​ത​യു​മി​ല്ലാ​യി​രു​ന്നു​വെന്ന്‌ നമുക്ക്‌ എങ്ങനെ അറിയാം?

¹⁹ ഫേലി​ക്‌സി​നെ​പ്പോ​ലെ​യുള്ള ആളുകളെ ശുശ്രൂ​ഷ​യിൽ നാം കണ്ടുമു​ട്ടാ​റുണ്ട്‌. ആദ്യ​മൊ​ക്കെ അവർ സത്യത്തിൽ താത്‌പ​ര്യം കാണി​ക്കു​ന്ന​താ​യി തോന്നി​യേ​ക്കാം. എന്നാൽ ജീവി​ത​ത്തിൽ മാറ്റങ്ങൾ വരുത്താൻ അവർക്കു താത്‌പ​ര്യ​മു​ണ്ടാ​യി​രി​ക്കില്ല. അത്തരക്കാ​രോട്‌ ഇടപെ​ടു​മ്പോൾ നാം ശ്രദ്ധി​ക്കേ​ണ്ട​തുണ്ട്‌. അതേസ​മയം പൗലോ​സി​നെ​പ്പോ​ലെ ദൈവ​ത്തി​ന്റെ നീതി​യുള്ള നിലവാ​ര​ങ്ങ​ളെ​ക്കു​റിച്ച്‌ നയപൂർവം അവരോ​ടു പറയു​ക​യും വേണം. ഒരുപക്ഷേ, സത്യം അവരുടെ ഹൃദയത്തെ സ്‌പർശി​ച്ചെ​ങ്കി​ലോ? എന്നാൽ തങ്ങളുടെ പാപപൂർണ​മായ ജീവിതം ഉപേക്ഷി​ക്കാൻ അവർക്ക്‌ യാതൊ​രു ഉദ്ദേശ്യ​വു​മി​ല്ലെന്ന്‌ വ്യക്തമാ​യാൽ നാം അവർക്കു​വേണ്ടി സമയം​ക​ള​യേ​ണ്ട​തില്ല. സത്യാ​ന്വേ​ഷി​ക​ളായ ആളുകളെ കണ്ടെത്തു​ന്ന​തിന്‌ നമുക്ക്‌ ആ സമയം പ്രയോ​ജ​ന​പ്പെ​ടു​ത്താ​നാ​കും.

²⁰ ഫേലി​ക്‌സി​ന്റെ കാര്യ​ത്തിൽ, അയാളു​ടെ ആന്തരം എന്തായി​രു​ന്നു​വെന്ന്‌ പിൻവ​രുന്ന വാക്കുകൾ വെളി​പ്പെ​ടു​ത്തു​ന്നു: “രണ്ടു വർഷം കഴിഞ്ഞ​പ്പോൾ ഫേലി​ക്‌സി​ന്റെ പിൻഗാ​മി​യാ​യി പൊർക്യൊസ്‌ ഫെസ്‌തൊസ്‌ സ്ഥാന​മേറ്റു. ജൂതന്മാ​രു​ടെ പ്രീതി നേടാൻ ആഗ്രഹിച്ച ഫേലി​ക്‌സ്‌ പൗലോ​സി​നെ തടവു​കാ​ര​നാ​യി​ത്തന്നെ വിട്ടിട്ട്‌ പോയി.” (പ്രവൃ. 24:27) ഫേലി​ക്‌സിന്‌ പൗലോ​സി​നോട്‌ ഒരു ആത്മാർഥ​ത​യു​മി​ല്ലാ​യി​രു​ന്നു. ‘ഈ മാർഗ​ക്കാ​രായ’ ആളുകൾ രാജ്യ​ദ്രോ​ഹി​ക​ളോ വിപ്ലവ​കാ​രി​ക​ളോ അല്ലെന്ന്‌ അയാൾക്ക്‌ അറിയാ​മാ​യി​രു​ന്നു. (പ്രവൃ. 19:23) പൗലോസ്‌ റോമാ​ക്കാ​രു​ടെ നിയമ​ങ്ങ​ളൊ​ന്നും ലംഘി​ച്ചി​ട്ടി​ല്ലെ​ന്നും അയാൾക്ക്‌ നിശ്ചയ​മു​ണ്ടാ​യി​രു​ന്നു. എന്നിട്ടും, ‘ജൂതന്മാ​രു​ടെ പ്രീതി നേടാൻ ആഗ്രഹി​ച്ച​തി​നാൽ’ അയാൾ അപ്പോ​സ്‌ത​ലനെ തടവിൽത്തന്നെ പാർപ്പി​ച്ചു.

21. പൊർക്യൊസ്‌ ഫെസ്‌തൊസ്‌ സ്ഥാന​മേ​റ്റ​ശേഷം പൗലോ​സിന്‌ എന്തു സംഭവി​ച്ചു, പ്രയാസകരമായ അനുഭ​വങ്ങൾ ഉണ്ടായ​പ്പോൾ പൗലോ​സിന്‌ ശക്തിപ​കർന്നത്‌ എന്താണ്‌?

²¹ പ്രവൃ​ത്തി​ക​ളു​ടെ പുസ്‌തകം 24-ാം അധ്യാ​യ​ത്തി​ന്റെ അവസാന വാക്യം സൂചി​പ്പി​ക്കു​ന്ന​തു​പോ​ലെ ഗവർണ​റായ ഫേലി​ക്‌സി​ന്റെ പിൻഗാ​മി​യാ​യി പൊർക്യൊസ്‌ ഫെസ്‌തൊസ്‌ സ്ഥാന​മേ​റ്റ​പ്പോ​ഴും പൗലോസ്‌ ഒരു തടവു​കാ​ര​നാ​യി​ത്തന്നെ കഴിയു​ക​യാ​യി​രു​ന്നു. തുടർന്ന​ങ്ങോട്ട്‌ വിചാ​ര​ണ​ക​ളു​ടെ ഒരു പരമ്പര​ത​ന്നെ​യാ​യി​രു​ന്നു; ഒന്നിനു പുറകേ ഒന്നായി പല അധികാ​രി​ക​ളു​ടെ​യും മുമ്പാകെ പൗലോ​സി​നു പോ​കേ​ണ്ടി​വന്നു. അതെ, ധീരനായ ഈ അപ്പോ​സ്‌തലൻ “രാജാ​ക്ക​ന്മാ​രു​ടെ​യും ഗവർണർമാ​രു​ടെ​യും മുന്നിൽ” പോകാൻ നിർബ​ന്ധി​ത​നാ​യി. (ലൂക്കോ. 21:12) നാം കാണാൻപോ​കു​ന്ന​തു​പോ​ലെ അക്കാലത്തെ ഏറ്റവും ശക്തനായ ഭരണാ​ധി​കാ​രി​യു​ടെ മുമ്പാ​കെ​പോ​ലും അദ്ദേഹം സാക്ഷ്യം നൽകു​മാ​യി​രു​ന്നു. ഈ അനുഭ​വ​ങ്ങ​ളി​ലൂ​ടെ​യെ​ല്ലാം കടന്നു​പോ​യ​പ്പോ​ഴും പൗലോസ്‌ അചഞ്ചല​നാ​യി തന്റെ വിശ്വാ​സം കാത്തു. “ധൈര്യ​മാ​യി​രി​ക്കുക!” എന്ന യേശു​വി​ന്റെ വാക്കുകൾ അദ്ദേഹ​ത്തി​നു ശക്തിപ​കർന്നു എന്നതിനു സംശയ​മില്ല.