യഹോ​വ​യു​ടെ ജനം വിശ്വാ​സ​ത്തിൽ ഉറപ്പി​ക്ക​പ്പെ​ടു​ന്നു

“സഭകൾ വിശ്വാ​സ​ത്തിൽ ഉറപ്പി​ക്ക​പ്പെ​ടു​ന്ന​തി​ലും അനുദി​നം എണ്ണത്തിൽ പെരു​കു​ന്ന​തി​ലും തുടർന്നു.”—പ്രവൃ​ത്തി​കൾ 16:5.

1. ദൈവം അപ്പോ​സ്‌ത​ല​നായ പൗലോ​സി​നെ എങ്ങനെ ഉപയോ​ഗി​ച്ചു?

യഹോ​വ​യായ ദൈവം തർസൂ​സി​ലെ ശൗലിനെ “തെര​ഞ്ഞെ​ടു​ക്ക​പ്പെട്ട ഒരു പാത്ര”മായി ഉപയോ​ഗി​ച്ചു. അപ്പോ​സ്‌ത​ല​നായ പൗലോസ്‌ എന്ന നിലയിൽ, അവൻ ‘അനേകം കഷ്‌ട​തകൾ അനുഭ​വി​ച്ചു.’ എന്നാൽ അവന്റെ​യും മററു​ള്ള​വ​രു​ടെ​യും വേല മുഖാ​ന്തരം യഹോ​വ​യു​ടെ സ്ഥാപനം ഐക്യ​വും അത്‌ഭു​ത​ക​ര​മായ വികസ​ന​വും ആസ്വദി​ച്ചു.—പ്രവൃ​ത്തി​കൾ 9:15, 16.

2. പ്രവൃ​ത്തി​കൾ 13:1–16:5 വരെ പരിചി​ന്തി​ക്കു​ന്നത്‌ പ്രയോ​ജ​നക​ര​മാ​യി​രി​ക്കു​ന്ന​തെ​ന്തു​കൊണ്ട്‌?

² വിജാ​തീ​യർ നിരവ​ധി​യാ​യി ക്രിസ്‌ത്യാ​നി​ക​ളാ​യി​ത്തീ​രു​ന്നു​ണ്ടാ​യി​രു​ന്നു. ഭരണസം​ഘ​ത്തി​ന്റെ ഒരു സുപ്ര​ധാ​ന​യോ​ഗം ദൈവ​ജ​ന​ത്തി​ന്റെ ഇടയിൽ ഐക്യ​ത്തി​നു പ്രോൽസാ​ഹി​പ്പി​ക്കാ​നും അവരെ വിശ്വാ​സ​ത്തിൽ ഉറപ്പി​ക്കാ​നും വളരെ​യ​ധി​കം പ്രയോ​ജ​കീ​ഭ​വി​ച്ചു. പ്രവൃ​ത്തി​കൾ 13:1–16:5 വരെ രേഖ​പ്പെ​ടു​ത്തി​യി​രി​ക്കുന്ന ഈ കാര്യ​ങ്ങ​ളും മററു വികാ​സ​ങ്ങ​ളും പരിചി​ന്തി​ക്കു​ന്നത്‌ അത്യന്തം പ്രയോ​ജ​ന​ക​ര​മാണ്‌, എന്തു​കൊ​ണ്ടെ​ന്നാൽ യഹോ​വ​യു​ടെ സാക്ഷികൾ ഇപ്പോൾ സമാന​മായ വളർച്ച​യും ആത്മീയാ​നു​ഗ്ര​ഹ​ങ്ങ​ളും അനുഭ​വി​ച്ചു​കൊ​ണ്ടി​രി​ക്കു​ക​യാണ്‌. (യെശയ്യാവ്‌ 60:22) (പ്രവൃ​ത്തി​കളെ സംബന്ധിച്ച ഈ ലക്കത്തിലെ ലേഖന​ങ്ങ​ളു​ടെ സ്വകാ​ര്യ​പ​ഠ​ന​ത്തിൽ തടിച്ച അക്ഷരത്തിൽ സൂചി​പ്പി​ച്ചി​രി​ക്കുന്ന പുസ്‌ത​ക​ഭാ​ഗങ്ങൾ വായി​ക്കാൻ ഞങ്ങൾ നിർദ്ദേ​ശി​ക്കു​ക​യാണ്‌.)

മിഷന​റി​മാർ പ്രവർത്ത​ന​നി​ര​ത​രാ​കു​ന്നു

3. “പ്രവാ​ച​കൻമാ​രും ഉപദേ​ഷ്ടാ​ക്കൻമാ​രും” അന്ത്യോ​ക്യ​യിൽ എന്തു വേല ചെയ്‌തു?

³ സിറി​യ​യി​ലെ അന്ത്യോ​ക്യ​യിൽനിന്ന്‌ സഭ അയച്ച പുരു​ഷൻമാർ വിശ്വാ​സ​ത്തിൽ ഉറച്ചവ​രാ​യി​ത്തീ​രാൻ വിശ്വാ​സി​കളെ സഹായി​ച്ചു. (13:1-5) “പ്രവാ​ച​കൻമാ​രും ഉപദേ​ഷ്‌ടാ​ക്കൻമാ​രു”മായി​രുന്ന ബർന്നബാ​സും ശിമെ​യോ​നും (നീഗർ) കുറേ​ന​യി​ലെ ലൂസി​യാ​സും മനെ​യോ​നും തർസൂ​സി​ലെ ശൗലും അന്ത്യോ​ക്യ​യി​ലു​ണ്ടാ​യി​രു​ന്നു. പ്രവാ​ച​കൻമാർ ദൈവ​വ​ചനം വിശദീ​ക​രി​ക്കു​ക​യും സംഭവങ്ങൾ മുൻകൂ​ട്ടി​പ്പ​റ​യു​ക​യും ചെയ്യവേ ഉപദേ​ഷ്‌ടാ​ക്കൻമാർ തിരു​വെ​ഴു​ത്തു​കൾ സംബന്ധി​ച്ചും ദൈവ​ഭ​ക്തി​യോ​ടെ​യുള്ള ജീവി​തം​സം​ബ​ന്ധി​ച്ചും ഉദ്‌ബോ​ധ​നങ്ങൾ നൽകി. (1 കൊരി​ന്ത്യർ 13:8; 14:4) ബർന്നബാ​സി​നും ശൗലി​നും ഒരു പ്രത്യേ​ക​നി​യ​മനം ലഭിച്ചു. ബർന്നബാ​സി​ന്റെ മച്ചുന​നായ മർക്കോ​സി​നെ​യും കൂട്ടി​കൊണ്ട്‌ അവർ സൈ​പ്ര​സി​ലേക്കു പോയി. (കൊ​ലോ​സ്യർ 4:10) അവർ സലാമിസ്‌ എന്ന കിഴക്കൻ തുറമു​ഖത്തെ സിന​ഗോ​ഗു​ക​ളിൽ പ്രസം​ഗി​ച്ചു. എന്നാൽ യഹൂദൻമാർ നന്നായി ചെവി​കൊ​ടു​ത്തു​വെന്നു രേഖയില്ല. അങ്ങനെ​യു​ള്ളവർ ധനപര​മാ​യി മെച്ച​പ്പെ​ട്ട​വ​രാ​യി​രു​ന്ന​തു​കൊണ്ട്‌ അവർക്ക്‌ മശിഹാ​യെ​ക്കൊണ്ട്‌ എന്താവ​ശ്യ​മാ​ണു​ണ്ടാ​യി​രു​ന്നത്‌?

4. മിഷന​റി​മാർ സൈ​പ്ര​സിൽ പ്രസം​ഗി​ക്കു​ന്ന​തിൽ തുടർന്ന​പ്പോൾ എന്തു സംഭവി​ച്ചു?

⁴ സൈ​പ്ര​സി​ലെ മററു സാക്ഷ്യ​വേ​ലയെ ദൈവം അനു​ഗ്ര​ഹി​ച്ചു. (13:6-12) പാഫോ​സിൽ, മിഷന​റി​മാർ യഹൂദ ക്ഷുദ്ര​ക്കാ​ര​നും കള്ളപ്ര​വാ​ച​ക​നു​മാ​യി​രുന്ന ബർ-യേശു​വി​നെ (എലീമസ്‌) നേരിട്ടു. അയാൾ ദൈവ​വ​ചനം കേൾക്കു​ന്ന​തിൽനിന്ന്‌ യഹൂദ പ്രോ​കോൺസ​ലാ​യി​രുന്ന സെർഗ്ഗ്യസ്‌ പൗലസി​നെ തടയാൻ ശ്രമി​ച്ച​പ്പോൾ ശൗൽ പരിശു​ദ്ധാ​ത്മാ​വു നിറഞ്ഞ​വ​നാ​യി പറഞ്ഞു: ‘ചതിവും ദ്രോ​ഹ​വും നിറഞ്ഞ മനുഷ്യാ, പിശാ​ചി​ന്റെ മകനേ, നീതി​നി​ഷ്‌ഠ​മായ സകലത്തി​ന്റെ​യും ശത്രുവേ, യഹോ​വ​യു​ടെ നേരായ വഴിയെ മറിച്ചു​ക​ള​യു​ന്നതു നീ നിർത്തു​ക​യി​ല്ല​യോ?’ അതിങ്കൽ, ദൈവ​ത്തി​ന്റെ ശിക്ഷയു​ടെ കൈ എലീമ​സി​നെ ഒരു സമയ​ത്തേക്കു അന്ധനാക്കി. സെർഗ്ഗ്യസ്‌ പൗലസ്‌ “യഹോ​വ​യു​ടെ ഉപദേ​ശ​ത്തിൽ വിസ്‌മ​യി​ച്ച​തി​നാൽ ഒരു വിശ്വാ​സി​യാ​യി​ത്തീർന്നു.”

5, 6. (എ) പൗലോസ്‌ പിസി​ദ്യൻ അന്ത്യോ​ക്യ​യി​ലെ സിന​ഗോ​ഗിൽ പ്രസം​ഗി​ച്ച​പ്പോൾ അവൻ യേശു​വി​നെ​ക്കു​റിച്ച്‌ എന്തു പറഞ്ഞു? (ബി) പൗലോ​സി​ന്റെ പ്രസം​ഗ​ത്തിന്‌ എന്തു ഫലമു​ണ്ടാ​യി?

⁵ സംഘം സൈ​പ്ര​സിൽനിന്ന്‌ ഏഷ്യാ​മൈ​ന​റി​ലെ പെർഗ്ഗാ​ന​ഗ​ര​ത്തി​ലേക്ക്‌ കപ്പൽയാ​ത്ര ചെയ്‌തു. അപ്പോൾ പൗലോ​സും ബർന്നബാ​സും പർവത​പാ​ത​യി​ലൂ​ടെ വടക്കോ​ട്ടു പിസി​ദ്യ​യി​ലെ അന്ത്യോ​ക്യ​യി​ലേക്കു പോയി, ഒരുപക്ഷേ, ‘നദിക​ളിൽനി​ന്നും പെരു​വ​ഴി​ക്കൊ​ള്ള​ക്കാ​രിൽനി​ന്നു​മുള്ള അപകട​ങ്ങ​ളിൽത്തന്നെ.’ (2 കൊരി​ന്ത്യർ 11:25, 26) അവിടെ പൗലോസ്‌ സിന​ഗോ​ഗിൽ പ്രസം​ഗി​ച്ചു. (13:13-41) അവൻ ഇസ്രാ​യേ​ലു​മാ​യുള്ള ദൈവ​ത്തി​ന്റെ ഇടപെ​ട​ലു​കൾ പുനര​വ​ലോ​ക​നം​ചെ​യ്യു​ക​യും ദാവീ​ദി​ന്റെ സന്തതി​യായ യേശു​വി​നെ രക്ഷകനാ​യി തിരി​ച്ച​റി​യി​ക്കു​ക​യും​ചെ​യ്‌തു. യഹൂദ ഭരണാ​ധി​കാ​രി​കൾ യേശു​വി​ന്റെ മരണം ആവശ്യ​പ്പെ​ട്ടെ​ങ്കി​ലും ദൈവം അവനെ പുനരു​ത്ഥാ​ന​പ്പെ​ടു​ത്തി​യ​പ്പോൾ അവരുടെ പൂർവ​പി​താ​ക്ക​ളോ​ടുള്ള ദൈവ​ത്തി​ന്റെ വാഗ്‌ദത്തം നിവർത്തി​ക്ക​പ്പെട്ടു. (സങ്കീർത്തനം 2:7; 16:10; യെശയ്യാവ്‌ 55:3) ക്രിസ്‌തു​വി​ലൂ​ടെ​യുള്ള ദൈവ​ത്തി​ന്റെ രക്ഷാദാ​നത്തെ പുച്‌ഛി​ക്കാ​തി​രി​ക്കാൻ പൗലോസ്‌ തന്റെ ശ്രോ​താ​ക്കൾക്ക്‌ മുന്നറി​യി​പ്പു​കൊ​ടു​ത്തു.—ഹബക്കൂക്ക്‌ 1:5, സെപറ​റു​വ​ജിൻറ.

⁶ പൗലോ​സി​ന്റെ പ്രസംഗം താത്‌പ​ര്യം ഉണർത്തി, യഹോ​വ​യു​ടെ സാക്ഷികൾ ഇക്കാലത്തു നടത്തുന്ന പരസ്യ​പ്ര​സം​ഗ​ങ്ങ​ളെ​പ്പോ​ലെ. (13:42-52) അടുത്ത ശബത്തിൽ മിക്കവാ​റും നഗരം മുഴുവൻ യഹോ​വ​യു​ടെ വചനം കേൾക്കാൻ കൂടി​വന്നു, ഇതു യഹൂദൻമാ​രെ അസൂയാ​ലു​ക്ക​ളാ​ക്കി. എന്തിന്‌, ഒരൊററ വാരത്തിൽത്തന്നെ, ആ മിഷന​റി​മാർ തങ്ങളുടെ ജീവി​ത​ത്തിൽ പരിവർത്തി​പ്പി​ച്ചി​ട്ടുള്ള യഹൂദൻമാ​രെ​ക്കാൾ കൂടുതൽ വിജാ​തീ​യരെ പരിവർത്തി​പ്പി​ച്ചി​രു​ന്നു! യഹൂദൻമാർ ദൈവ​ദൂ​ഷ​ണ​പ​ര​മാ​യി പൗലോ​സി​നോട്‌ എതിർപ​റ​ഞ്ഞ​തു​കൊണ്ട്‌, മററു​ള്ളി​ട​ങ്ങ​ളിൽ ആത്മീയ​വെ​ളി​ച്ചം പ്രകാ​ശി​ക്കു​ന്ന​തി​നുള്ള സമയം വന്നിരു​ന്നു. അവരോട്‌ ഇങ്ങനെ പറയ​പ്പെട്ടു: ‘നിങ്ങൾ ദൈവ​വ​ച​നത്തെ തള്ളിക്ക​ള​യു​ന്ന​തു​കൊ​ണ്ടും നിത്യ​ജീ​വനു നിങ്ങ​ളെ​ത്തന്നെ യോഗ്യ​രെന്നു വിധി​ക്കാ​ത്ത​തി​നാ​ലും ഞങ്ങൾ ജനതക​ളി​ലേക്കു തിരി​യു​ന്നു.’—യെശയ്യാവ്‌ 49:6.

7. പൗലോ​സും ബർന്നബാ​സും പീഡന​ത്തോട്‌ എങ്ങനെ പ്രതി​ക​രി​ച്ചു?

⁷ ഇപ്പോൾ വിജാ​തീ​യർ സന്തോ​ഷി​ച്ചു​തു​ടങ്ങി. നിത്യ​ജീ​വ​നു​വേണ്ടി ശരിയായ പ്രകൃ​ത​മു​ണ്ടാ​യി​രു​ന്ന​വ​രെ​ല്ലാം വിശ്വാ​സി​ക​ളാ​യി​ത്തീർന്നു. എന്നിരു​ന്നാ​ലും, യഹോ​വ​യു​ടെ വചനം ദേശത്തു​ട​നീ​ളം പ്രചരി​പ്പി​ച്ച​പ്പോൾ, യഹൂദൻമാർ പൗലോ​സി​നെ​യും ബർന്നബാ​സി​നെ​യും പീഡി​പ്പി​ക്കാ​നും അവരെ തങ്ങളുടെ അതിർത്തി​ക്ക​പ്പു​റ​ത്തേക്കു തള്ളിവി​ടാ​നും കേൾവി​കേട്ട സ്‌ത്രീ​ക​ളെ​യും (തങ്ങളുടെ ഭർത്താ​ക്കൻമാ​രു​ടെ​മേ​ലും മററു​ള്ള​വ​രു​ടെ​മേ​ലും സമ്മർദ്ദം​ചെ​ലു​ത്താ​നാ​യി​രി​ക്കാം) പ്രമു​ഖ​പു​രു​ഷൻമാ​രെ​യും ഇളക്കി​വി​ട്ടു. എന്നാൽ അത്‌ മിഷന​റി​മാ​രെ തടഞ്ഞില്ല. അവർ കേവലം “അവർക്കെ​തി​രെ തങ്ങളുടെ പാദങ്ങ​ളിൽനിന്ന്‌ പൊടി കുടഞ്ഞു​ക​ള​യു​ക​യും” ഗലാത്യ​യെന്ന റോമൻപ്ര​വി​ശ്യ​യി​ലെ ഒരു മുഖ്യ നഗരമായ ഇക്കോ​ന്യ​യി​ലേക്ക്‌ (ആധുനിക കൊന്യ) പോകു​ക​യും ചെയ്‌തു. (ലൂക്കോസ്‌ 9:5; 10:11) ശരി, പിസി​ദ്യ​യി​ലെ അന്ത്യോ​ക്യ​യിൽ വിടപ്പെട്ട ശിഷ്യൻമാ​രെ സംബന്ധി​ച്ചെന്ത്‌? വിശ്വാ​സ​ത്തിൽ ബലിഷ്‌ഠ​രാ​ക്ക​പ്പെ​ട്ട​ശേഷം അവർ “സന്തോ​ഷ​വും പരിശു​ദ്ധാ​ത്മാ​വും നിറയു​ന്ന​തിൽ തുടർന്നു.” ഇത്‌ എതിർപ്പ്‌ ആത്മീയ​പു​രോ​ഗ​തി​യെ വിഘ്‌ന​പ്പെ​ടു​ത്തേ​ണ്ട​യാ​വ​ശ്യ​മി​ല്ലെന്ന്‌ കാണാൻ നമ്മെ സഹായി​ക്കു​ന്നു.

പീഡന​മു​ണ്ടാ​യി​ട്ടും വിശ്വാ​സ​ത്തിൽ ബലിഷഠർ

8. ഇക്കോ​ന്യ​യി​ലെ വിജയ​പ്ര​ദ​മായ സാക്ഷീ​ക​ര​ണ​ത്തി​ന്റെ ഫലമായി എന്തു സംഭവി​ച്ചു?

⁸ പീഡന​മു​ണ്ടാ​യി​രു​ന്നി​ട്ടും പൗലോ​സും ബർന്നബാ​സും വിശ്വാ​സ​ത്തിൽ ഉറച്ചവ​രാ​ണെന്നു തെളിഞ്ഞു. (14:1-7) ഇക്കോ​ന്യ​യിൽ സിന​ഗോ​ഗി​ലെ അവരുടെ സാക്ഷീ​ക​ര​ണ​ത്തോ​ടുള്ള പ്രതി​ക​ര​ണ​മാ​യി അനേകം യഹൂദൻമാ​രും ഗ്രീക്കു​കാ​രും വിശ്വാ​സി​ക​ളാ​യി​ത്തീർന്നു. അവിശ്വാ​സി​ക​ളായ യഹൂദൻമാർ പുതിയ വിശ്വാ​സി​കൾക്കെ​തി​രെ വിജാ​തീ​യരെ ഇളക്കി​വി​ട്ട​പ്പോൾ ഈ രണ്ടു പ്രവർത്തകർ ദൈവ​ത്തി​ന്റെ അധികാ​ര​ത്താൽ സധീരം പ്രസം​ഗി​ച്ചു, അടയാ​ളങ്ങൾ ചെയ്യാൻ അവരെ അധികാ​ര​പ്പെ​ടു​ത്തി​യ​തി​നാൽ അവൻ തന്റെ അംഗീ​കാ​രം പ്രകട​മാ​ക്കി. ഇത്‌ ജനക്കൂ​ട്ടത്തെ ഭിന്നി​പ്പി​ച്ചു, ചിലർ യഹൂദൻമാർക്ക്‌ അനുകൂ​ല​മാ​യും ചിലർ അപ്പോ​സ്‌ത​ലൻമാർക്ക്‌ (അയക്ക​പ്പെ​ട്ടവർ) അനുകൂ​ല​മാ​യും നില​കൊ​ണ്ടു. അപ്പോ​സ്‌ത​ലൻമാർ ഭീരു​ക്ക​ള​ല്ലാ​യി​രു​ന്നു. എന്നാൽ തങ്ങളെ കല്ലെറി​യാ​നുള്ള ഒരു ഗൂഢ​ലോ​ച​ന​യെ​ക്കു​റിച്ച്‌ അവർ അറിഞ്ഞ​പ്പോൾ അവർ ബുദ്ധി​പൂർവം ദക്ഷിണ ഗലാത്യ​യി​ലെ ഏഷ്യാ​മൈനർ പ്രദേ​ശ​മായ ലുക്ക​വോ​ന്യ​യിൽ പ്രസം​ഗി​ക്കു​ന്ന​തി​നു പോയി. വിവേ​കി​ക​ളാ​യി​രി​ക്കു​ന്ന​തി​നാൽ നമുക്കും മിക്ക​പ്പോ​ഴും എതിർപ്പു ഗണ്യമാ​ക്കാ​തെ സജീവ​മാ​യി ശുശ്രൂ​ഷ​യിൽ നിലനിൽക്കാൻ കഴിയും.—മത്തായി 10:23.

9, 10. (എ) ഒരു മുടന്ത​നായ മനുഷ്യ​നെ സൗഖ്യ​മാ​ക്കി​യ​തി​നോ​ടു ലുസ്‌ത്ര​യി​ലെ നിവാ​സി​കൾ എങ്ങനെ പ്രതി​ക​രി​ച്ചു? (ബി) പൗലോ​സും ബർന്നബാ​സും ലുസ്‌ത്ര​യിൽ എങ്ങനെ പ്രതി​ക​രി​ച്ചു?

⁹ അടുത്ത​താ​യി ലുസ്‌ത്ര എന്ന ലുക്ക​വോ​ന്യ നഗരത്തിന്‌ സാക്ഷ്യം ലഭിച്ചു. (14:8-18) അവി​ടെ​വച്ച്‌ പൗലോസ്‌ ജൻമനാ മുടന്ത​നാ​യി​രുന്ന ഒരു മനുഷ്യ​നെ സുഖ​പ്പെ​ടു​ത്തി. യഹോ​വ​യാണ്‌ അത്ഭുത​ത്തിന്‌ ഉത്തരവാ​ദി​യെന്ന്‌ തിരി​ച്ച​റി​യാ​തെ ജനക്കൂട്ടം ഇങ്ങനെ ആർത്തു​വി​ളി​ച്ചു: “ദൈവങ്ങൾ മനുഷ്യ​രെ​പ്പോ​ലെ​യാ​യി നമ്മുടെ അടുക്ക​ലേക്ക്‌ ഇറങ്ങി​വ​ന്നി​രി​ക്കു​ന്നു!” ഇങ്ങനെ പറഞ്ഞത്‌ ലുക്ക​വോ​ന്യ​ഭാ​ഷ​യി​ലാ​യി​രു​ന്ന​തു​കൊണ്ട്‌ എന്താണു സംഭവി​ക്കു​ന്ന​തെന്ന്‌ ബർന്നബാ​സും ശൗലും അറിഞ്ഞില്ല. സംസാ​ര​ത്തിൽ നേതൃ​ത്വം വഹിച്ചതു പൗലോസ്‌ ആയിരു​ന്ന​തു​കൊണ്ട്‌ ആളുകൾ അവനെ ഹെർമ്മീസ്‌ (ദൈവ​ങ്ങ​ളു​ടെ വാചാ​ല​നായ സന്ദേശ​വാ​ഹകൻ) ആയി വീക്ഷിച്ചു. ബർന്നബാസ്‌ മുഖ്യ ഗ്രീക്ക്‌​ദൈ​വ​മാ​യി​രുന്ന സ്യൂസ്‌ ആണെന്നു വിചാ​രി​ച്ചു.

¹⁰ പൗലോ​സി​നും ബർന്നബാ​സി​നും ബലിയർപ്പി​ക്കാൻ സ്യൂസി​ന്റെ പുരോ​ഹി​തൻ കാളക​ളെ​യും പൂമാ​ല​ക​ളും കൊണ്ടു​വ​രു​ക​പോ​ലും ചെയ്‌തു. സാദ്ധ്യ​ത​യ​നു​സ​രിച്ച്‌ പൊതു​വിൽ മനസ്സി​ലാ​കുന്ന ഗ്രീക്കിൽ സംസാ​രി​ച്ചു​കൊ​ണ്ടോ ഒരു ദ്വിഭാ​ഷി​യെ ഉപയോ​ഗി​ച്ചു​കൊ​ണ്ടോ തങ്ങളും ദൗർബ​ല്യ​ങ്ങ​ളോ​ടു​കൂ​ടിയ മനുഷ്യ​രാ​ണെ​ന്നും ആളുകൾ “ഈ വ്യർത്ഥ​കാ​ര്യ​ങ്ങൾ” (നിർജ്ജീവ ദൈവ​ങ്ങ​ളെ​യോ വിഗ്ര​ഹ​ങ്ങ​ളെ​യോ) വിട്ട്‌ ജീവനുള്ള ദൈവ​ത്തി​ലേക്കു തിരി​യ​ത്ത​ക്ക​വണ്ണം തങ്ങൾ സുവാർത്ത ഘോഷി​ക്കു​ക​യാ​ണെ​ന്നും സന്ദർശകർ പെട്ടെന്നു വിശദീ​ക​രി​ച്ചു. (1 രാജാ​ക്കൻമാർ 16:13; സങ്കീർത്തനം 115:3-9; 146:6) അതെ, തങ്ങളുടെ സ്വന്തം വഴിയിൽ പോകാൻ ദൈവം മുമ്പു ജനതകളെ (എബ്രാ​യരെ അല്ല) അനുവ​ദി​ച്ചി​രു​ന്നു, എന്നാൽ ‘അവർക്കു മഴയും ഫലപു​ഷ്ടി​യുള്ള കാലങ്ങ​ളും കൊടു​ക്കു​ക​യും ആഹാര​വും നല്ല ഉല്ലാസ​വും​കൊ​ണ്ടു അവരുടെ ഹൃദയ​ങ്ങളെ നിറക്കു​ക​യും ചെയ്‌തു​കൊണ്ട്‌’ ദൈവം തന്റെ അസ്‌തി​ത്വ​ത്തി​നും നൻമക്കും സാക്ഷ്യം കൊടു​ക്കാ​തി​രു​ന്നി​ട്ടില്ല.’ (സങ്കീർത്തനം 147:8) ഇങ്ങനെ​യുള്ള ന്യായ​വാ​ദങ്ങൾ ഉണ്ടായി​രു​ന്നി​ട്ടും തങ്ങൾക്കു ബലി കഴിക്കു​ന്ന​തിൽനിന്ന്‌ ജനക്കൂ​ട്ട​ങ്ങളെ നിയ​ന്ത്രി​ക്കാൻ ബർന്നബാ​സി​നും പൗലോ​സി​നും കഴിഞ്ഞില്ല. എന്നിരു​ന്നാ​ലും, മിഷന​റി​മാർ ദൈവങ്ങൾ എന്ന നിലയിൽ പൂജ സ്വീക​രി​ച്ചില്ല. ആ പ്രദേ​ശത്ത്‌ ക്രിസ്‌ത്യാ​നി​ത്വം സ്ഥാപി​ക്കാൻ അവർ അങ്ങനെ​യുള്ള അധികാ​രം ഉപയോ​ഗി​ച്ചു​മില്ല. വിശേ​ഷാൽ യഹോ​വ​യു​ടെ സേവന​ത്തിൽ നിർവ​ഹി​ക്കാൻ അവൻ നമ്മെ അനുവ​ദി​ക്കുന്ന കാര്യ​ങ്ങൾക്കു​വേണ്ടി ബഹുമതി വാഞ്‌ഛി​ക്കാൻ നാം ചായ്‌വു​ള്ള​വ​രാ​ണെ​ങ്കിൽ എത്ര നല്ല ദൃഷ്ടാന്തം!

11. “നാം അനേകം ഉപദ്ര​വ​ങ്ങ​ളി​ലൂ​ടെ ദൈവ​രാ​ജ്യ​ത്തിൽ പ്രവേ​ശി​ക്കേ​ണ്ട​താ​കു​ന്നു”വെന്ന പ്രസ്‌താ​വ​ന​യിൽനിന്ന്‌ നമുക്ക്‌ എന്തു പഠിക്കാൻ കഴിയും?

¹¹ പെട്ടെ​ന്നു​തന്നെ പീഡനം അതിന്റെ വികൃ​ത​മായ തല പൊക്കി. (14:19-28) എങ്ങനെ? പിസി​ദ്യ​യി​ലെ അന്ത്യോ​ക്യ​യിൽനി​ന്നും ഇക്കോ​ന്യ​യിൽനി​ന്നു​മുള്ള യഹൂദൻമാ​രാൽ പ്രേരി​ത​രാ​യി ജനക്കൂ​ട്ടങ്ങൾ പൗലോ​സി​നെ കല്ലെറി​യു​ക​യും അവൻ മരിച്ചു​വെന്ന്‌ വിചാ​രിച്ച്‌ നഗരത്തി​നു പുറ​ത്തേക്കു വലിച്ചി​ഴ​ക്കു​ക​യും​ചെ​യ്‌തു. (2 കൊരി​ന്ത്യർ 11:24, 25) എന്നാൽ ശിഷ്യൻമാർ അവനെ വളഞ്ഞ​പ്പോൾ അവൻ എഴു​ന്നേ​ററ്‌ ഒരുപക്ഷേ ഇരുട്ടി​ന്റെ മറവിൽ കാണാതെ ലുസ്‌ത്ര​യിൽ പ്രവേ​ശി​ച്ചു. അടുത്ത ദിവസം അവനും ബർന്നബാ​സും ദർബയ്യി​ലേക്ക്‌ പോയി. അവിടെ കുറേ​പേർ ശിഷ്യ​രാ​യി​ത്തീർന്നു. മിഷന​റി​മാർ ലുസ്‌ത്ര​യി​ലും ഇക്കോ​ന്യ​യി​ലും അന്ത്യോ​ക്യ​യി​ലും വീണ്ടും സന്ദർശിച്ച്‌ ശിഷ്യൻമാ​രെ ബലപ്പെ​ടു​ത്തു​ക​യും വിശ്വാ​സ​ത്തിൽ നിലനിൽക്കാൻ അവരെ പ്രോൽസാ​ഹി​പ്പി​ക്കു​ക​യും “നാം അനേകം ഉപദ്ര​വ​ങ്ങ​ളി​ലൂ​ടെ ദൈവ​രാ​ജ്യ​ത്തിൽ പ്രവേ​ശി​ക്കേ​ണ്ട​താ​കു​ന്നു”വെന്ന്‌ പറയു​ക​യും ചെയ്‌തു. ക്രിസ്‌ത്യാ​നി​ക​ളെന്ന നിലയിൽ, നാമും ഉപദ്ര​വ​ങ്ങൾക്കു വിധേ​യ​രാ​കാൻ പ്രതീ​ക്ഷി​ക്കു​ന്നു. നമ്മുടെ വിശ്വാ​സ​ത്തിൽ വിട്ടു​വീ​ഴ്‌ച​ചെ​യ്‌തു​കൊണ്ട്‌ അവയിൽനിന്ന്‌ ഒഴിഞ്ഞു​മാ​റാൻ നാം ശ്രമി​ക്ക​രുത്‌. (2 തിമൊ​ഥെ​യോസ്‌ 3:12) ആ സമയത്ത്‌, സഭകളിൽ മൂപ്പൻമാർ നിയമി​ക്ക​പ്പെട്ടു, ഗലാത്യർക്കുള്ള പൗലോ​സി​ന്റെ ലേഖനം സഭകൾക്ക്‌ എഴുത​പ്പെ​ടു​ക​യും​ചെ​യ്‌തു.

12. പൗലോ​സി​ന്റെ ഒന്നാമത്തെ മിഷന​റി​യാ​ത്ര അവസാ​നി​ച്ച​പ്പോൾ ആ രണ്ടു മിഷന​റി​മാർ എന്തു ചെയ്‌തു?

¹² പൗലോ​സും ബർന്നബാ​സും പിസി​ദ്യ​യിൽകൂ​ടെ കടന്ന്‌ പംഫു​ല്യ​യി​ലെ ഒരു പ്രമു​ഖ​ന​ഗ​ര​മാ​യി​രുന്ന പെർഗ്ഗ​യിൽ വചനം സംസാ​രി​ച്ചു. കാല​ക്ര​മ​ത്തിൽ അവർ സിറി​യ​യി​ലെ അന്ത്യോ​ക്യ​യി​ലേക്കു മടങ്ങി​പ്പോ​യി. പൗലോ​സി​ന്റെ ആദ്യത്തെ പര്യടനം ഇപ്പോൾ അവസാ​നി​ച്ച​പ്പോൾ, ആ രണ്ടു മിഷന​റി​മാർ “തങ്ങൾ മുഖാ​ന്തരം ദൈവം ചെയ്‌തി​രുന്ന അനേകം കാര്യ​ങ്ങ​ളും അവൻ വിജാ​തീ​യർക്ക്‌ വിശ്വാ​സ​ത്തി​ന്റെ വാതിൽ തുറന്നു​കൊ​ടു​ത്തു​വെ​ന്നും” സഭയെ അറിയി​ച്ചു. അന്ത്യോ​ക്യ​യി​ലെ ശിഷ്യൻമാ​രോ​ടു​കൂ​ടെ കുറെ സമയം ചെലവ​ഴി​ക്ക​പ്പെട്ടു, നിസ്സം​ശ​യ​മാ​യി ഇത്‌ അവരെ വിശ്വാ​സ​ത്തിൽ ഉറപ്പി​ക്കാൻ വളരെ​യ​ധി​കം പ്രയോ​ജ​ന​പ്പെട്ടു. ഇന്ന്‌ സഞ്ചാര​മേൽവി​ചാ​ര​കൻമാ​രാ​ലുള്ള സന്ദർശ​ന​ങ്ങൾക്ക്‌ സമാന​മായ ആത്മീയ ഫലങ്ങളുണ്ട്‌.

ഒരു മർമ്മ​പ്ര​ധാ​ന​മായ പ്രശനം പരിഹ​രി​ക്ക​പ്പെ​ടു​ന്നു

13. ക്രിസ്‌ത്യാ​നി​ത്വം എബ്രായ, യഹൂ​ദ്യേ​തര, കക്ഷിക​ളാ​യി പിരി​യാ​തി​രി​ക്കു​ന്ന​തിന്‌ എന്താവ​ശ്യ​മാ​യി​രു​ന്നു?

¹³ വിശ്വാ​സ​ത്തി​ലെ സ്ഥിരത ചിന്തയി​ലെ ഐക്യം ആവശ്യ​മാ​ക്കി​ത്തീർത്തു. (1 കൊരി​ന്ത്യർ 1:10) ക്രിസ്‌ത്യാ​നി​ത്വം എബ്രായ, യഹൂ​ദ്യേ​തര, വിഭാ​ഗ​ങ്ങ​ളാ​യി പിരി​യാ​തി​രി​ക്കു​ന്ന​തിന്‌ ദൈവ​സ്ഥാ​പ​ന​ത്തി​ലേക്ക്‌ ഒഴുകി​വ​രുന്ന വിജാ​തീ​യർ മോ​ശൈ​ക​ന്യാ​യ​പ്ര​മാ​ണം അനുസ​രി​ക്കു​ക​യും പരിച്‌ഛേ​ദ​ന​യേൽക്കു​ക​യും വേണ​മോ​യെന്ന്‌ ഭരണസം​ഘം തീരു​മാ​നി​ക്കേ​ണ്ട​തു​ണ്ടാ​യി​രു​ന്നു. (15:1-5) യഹൂദ്യ​യിൽനി​ന്നുള്ള ചില പുരു​ഷൻമാർ അപ്പോൾത്തന്നെ സിറിയൻ അന്ത്യോ​ക്യ​യി​ലേക്കു പോയി അവിടത്തെ വിജാ​തീയ വിശ്വാ​സി​കൾ പരിച്‌ഛേ​ദ​ന​യേൽക്കാ​ത്ത​പക്ഷം രക്ഷിക്ക​പ്പെ​ടു​ക​യി​ല്ലെന്ന്‌ പഠിപ്പി​ച്ചു​തു​ട​ങ്ങി​യി​രു​ന്നു. (പുറപ്പാട്‌ 12:48) അതു​കൊണ്ട്‌ പൗലോ​സും ബർന്നബാ​സും മററു ചിലരും യെരൂ​ശ​ലേ​മി​ലെ അപ്പോ​സ്‌ത​ലൻമാ​രു​ടെ​യും മൂപ്പൻമാ​രു​ടെ​യും അടുക്ക​ലേക്ക്‌ അയക്ക​പ്പെട്ടു. അവി​ടെ​യും ഒരു കാലത്ത്‌ നൈയാ​മി​ക​മ​ന​സ്ഥി​തി​ക്കാ​രായ പരീശൻമാ​രാ​യി​രു​ന്നവർ വിജാ​തീ​യർ പരിച്‌ഛേ​ദ​ന​യേൽക്കു​ക​യും ന്യായ​പ്ര​മാ​ണ​മ​നു​സ​രി​ക്കു​ക​യും ചെയ്യണ​മെന്ന്‌ ശഠിച്ചു.

14. (എ) യരൂശ​ലേ​മി​ലെ കോൺഫ​റൻസിൽ സംവാ​ദ​മു​ണ്ടാ​യെ​ങ്കി​ലും ഏതു നല്ല മാതൃക വെക്ക​പ്പെട്ടു? (ബി) ആ സന്ദർഭ​ത്തി​ലെ പത്രോ​സി​ന്റെ ന്യായ​വാ​ദ​ത്തി​ന്റെ സാര​മെ​ന്താ​യി​രു​ന്നു?

¹⁴ ദൈ​വേഷ്ടം തിട്ട​പ്പെ​ടു​ത്തു​ന്ന​തിന്‌ ഒരു യോഗം വിളി​ച്ചു​കൂ​ട്ട​പ്പെട്ടു. (15:6-11) അതെ, സംവാദം നടന്നു. എന്നാൽ ശക്തമായ ബോദ്ധ്യ​ങ്ങൾ ഉണ്ടായി​രുന്ന പുരു​ഷൻമാർ ആശയ​പ്ര​ക​ടനം നടത്തി​യ​പ്പോൾ ശണ്‌ഠ​യി​ല്ലാ​യി​രു​ന്നു—ഇന്നത്തെ മൂപ്പൻമാർക്ക്‌ ഒരു നല്ല മാതൃക! തക്കസമ​യത്ത്‌ പത്രോസ്‌ ഇങ്ങനെ പറഞ്ഞു: ‘എന്റെ വായ്‌മു​ഖാ​ന്തരം വിജാ​തീ​യർ [കോർന്നേ​ലി​യോ​സി​നെ​പ്പോ​ലെയു​ള്ളവർ] സുവാർത്ത കേൾക്കു​ക​യും വിശ്വ​സി​ക്കു​ക​യും ചെയ്യണ​മെന്നു ദൈവം തീരു​മാ​നി​ച്ചു. അവർക്കു പരിശു​ദ്ധാ​ത്മാ​വു നൽകി​ക്കൊണ്ട്‌ അവൻ സാക്ഷ്യം വഹിക്കു​ക​യും നാമും അവരും തമ്മിൽ വ്യത്യാ​സം കൽപ്പി​ക്കാ​തി​രി​ക്കു​ക​യും​ചെ​യ്‌തു. [പ്രവൃ​ത്തി​കൾ 10:44-47] അതു​കൊണ്ട്‌ നമുക്കോ നമ്മുടെ പൂർവ​പി​താ​ക്കൾക്കോ വഹിക്കാൻ കഴിയാഞ്ഞ ഒരു നുകം [ന്യായ​പ്ര​മാ​ണം അനുസ​രി​ക്കാ​നുള്ള ഒരു കടപ്പാട്‌] അവരുടെ കഴുത്തിൽ വെച്ചു​കൊണ്ട്‌ നിങ്ങൾ ദൈവത്തെ പരീക്ഷി​ക്കു​ന്ന​തെ​ന്തിന്‌? ആ ആളുക​ളെ​പ്പോ​ലെ​തന്നെ കർത്താ​വായ യേശു​വി​ന്റെ അനർഹ​ദ​യ​യി​ലൂ​ടെ രക്ഷിക്ക​പ്പെ​ടു​മെന്നു നാം [ജഡിക​യ​ഹൂ​ദൻമാർ] വിശ്വ​സി​ക്കു​ന്നു.’ പരി​ച്ഛേ​ദ​ന​യേൽക്കാഞ്ഞ വിജാ​തീ​യരെ ദൈവം അംഗീ​ക​രി​ച്ചത്‌ രക്ഷക്ക്‌ പരിച്‌ഛേ​ദ​ന​യും ന്യായ​പ്ര​മാ​ണ​പാ​ല​ന​വും ആവശ്യ​മി​ല്ലെന്ന്‌ പ്രകട​മാ​ക്കി.—ഗലാത്യർ 5:1.

15. യാക്കോബ്‌ എന്ത്‌ അടിസ്ഥാന ആശയങ്ങൾ വ്യക്തമാ​ക്കി, വിജാ​തീ​യ​ക്രി​സ്‌ത്യാ​നി​കൾക്കെ​ഴു​തി​യ​പ്പോൾ അവൻ എന്തു നിർദ്ദേ​ശി​ച്ചു?

¹⁵ പത്രോസ്‌ ഉപസം​ഹ​രി​ച്ച​പ്പോൾ സഭ നിശബ്ദ​മാ​യി, എന്നാൽ കൂടുതൽ പറയാ​നു​ണ്ടാ​യി​രു​ന്നു. (15:12-21) വിജാ​തീ​യ​രു​ടെ ഇടയിൽ തങ്ങളി​ലൂ​ടെ ദൈവം നിർവ​ഹിച്ച അടയാ​ള​ങ്ങ​ളെ​ക്കു​റിച്ച്‌ ബർന്നബാ​സും പൗലോ​സും വിവരി​ച്ചു. പിന്നീട്‌ അദ്ധ്യക്ഷ​നാ​യി​രുന്ന യേശു​വി​ന്റെ അർദ്ധസ​ഹോ​ദരൻ യാക്കോബ്‌ ഇങ്ങനെ പറഞ്ഞു: ‘ജനതക​ളിൽനിന്ന്‌ തന്റെ നാമത്തി​നു​വേണ്ടി ഒരു ജനത്തെ എടുക്കാൻ ദൈവം അവരി​ലേക്കു ശ്രദ്ധ തിരി​ച്ച​തെ​ങ്ങ​നെ​യെന്ന്‌ ശിമ​യോൻ [പത്രോ​സി​ന്റെ എബ്രാ​യ​പേർ] വിവരി​ച്ചി​രി​ക്കു​ന്നു​വ​ല്ലോ.’ മുൻകൂ​ട്ടി​പ്പ​റ​യ​പ്പെട്ട “ദാവീ​ദി​ന്റെ കൂടാ​ര​ത്തി​ന്റെ” പുനർനിർമ്മാ​ണം (ദാവീ​ദി​ന്റെ വംശത്തി​ലെ രാജത്വ​ത്തി​ന്റെ പുനഃ​സ്ഥ​പനം) യഹൂദൻമാ​രിൽനി​ന്നും വിജാ​തീ​യ​രിൽനി​ന്നു​മുള്ള യേശു​വി​ന്റെ ശിഷ്യൻമാ​രു​ടെ (രാജ്യാ​വ​കാ​ശി​കൾ) കൂട്ടി​ച്ചേർപ്പിൽ നിവൃ​ത്തി​യാ​കു​ക​യാ​ണെന്ന്‌ യാക്കോബ്‌ സൂചി​പ്പി​ച്ചു. (ആമോസ്‌ 9:11, 12, സെപറ​റു​വ​ജിൻറ; റോമർ 8:17) ദൈവം ഇത്‌ ഉദ്ദേശി​ച്ചി​രി​ക്കു​ന്ന​തു​കൊണ്ട്‌ ശിഷ്യൻമാർ അതു സ്വീക​രി​ക്കണം. വിജാ​തീ​യ​ക്രി​സ്‌ത്യാ​നി​കൾ (1) വിഗ്ര​ഹ​ങ്ങ​ളാൽ മലിന​മാ​ക്ക​പ്പെട്ട വസ്‌തു​ക്ക​ളും (2) ദുർവൃ​ത്തി​യും (3) രക്തവും ശ്വാസം​മു​ട്ടി​ച്ച​ത്ത​തും വർജ്ജി​ക്ക​ണ​മെന്ന്‌ അവർക്ക്‌ എഴുതാൻ യാക്കോബ്‌ ബുദ്ധി​യു​പ​ദേ​ശി​ച്ചു. ഈ നിരോ​ധ​നങ്ങൾ ഓരോ ശബത്തു​ദി​ന​ത്തി​ലും സിന​ഗോ​ഗു​ക​ളിൽ വായി​ക്ക​പ്പെ​ട്ടി​രുന്ന മോശ​യു​ടെ എഴുത്തു​ക​ളിൽ ഉണ്ടായി​രു​ന്നു.—ഉല്‌പത്തി 9:3, 4; 12:15-17; 35:2, 4.

16. ഒന്നാം നൂററാ​ണ്ടി​ലെ ഭരണസം​ഘ​ത്തി​ന്റെ ലേഖനം ഏതു മൂന്നു പോയിൻറു​കൾ സംബന്ധിച്ച്‌ ഇന്നോളം മാർഗ്ഗ​നിർദ്ദേശം നൽകുന്നു?

¹⁶ ഇപ്പോൾ ഭരണസം​ഘം അന്ത്യോ​ക്യ​യി​ലും സിറി​യ​യി​ലും കിലി​ക്യ​യി​ലു​മുള്ള വിജാ​തീ​യ​ക്രി​സ്‌ത്യാ​നി​കൾക്ക്‌ ഒരു ലേഖനം അയച്ചു. (15:22-35) വിഗ്ര​ഹ​ങ്ങൾക്ക്‌ ബലിയർപ്പി​ക്ക​പ്പെട്ട വസ്‌തു​ക്ക​ളും രക്തവും (ചിലയാ​ളു​കൾ ക്രമമാ​യി ഉപയോ​ഗി​ക്കു​ന്നത്‌) രക്തം ചോർത്താ​തെ ശ്വാസം​മു​ട്ടി​ച്ചു കൊന്ന​വ​യും (അനേകം വിജാ​തീ​യർ അങ്ങനെ​യുള്ള മാംസത്തെ ഒരു വിശി​ഷ്ട​ഭോ​ജ്യ​മാ​യി വീക്ഷി​ക്കു​ന്നു) ദുർവൃ​ത്തി​യും (ഗ്രീക്ക്‌, പോർണി​യാ, തിരു​വ​ച​നാ​നു​സൃത വിവാ​ഹ​ത്തി​നു പുറത്തെ അവിഹി​ത​ലൈം​ഗി​ക​ബ​ന്ധങ്ങൾ) വർജ്ജി​ക്കാൻ പരിശു​ദ്ധാ​ത്മാ​വും ലേഖന​കർത്താ​ക്ക​ളും ആവശ്യ​പ്പെട്ടു. അങ്ങനെ​യുള്ള വർജ്ജന​ത്താൽ അവർ ആത്മീയ​മാ​യി അഭിവൃ​ദ്ധി​പ്പെ​ടും, ഇക്കാലത്ത്‌ യഹോ​വ​യു​ടെ സാക്ഷികൾ “ഈ അവശ്യ​കാ​ര്യ​ങ്ങൾ” അനുസ​രി​ക്കു​ന്ന​തു​കൊണ്ട്‌ ഇപ്പോൾ അഭിവൃ​ദ്ധി​പ്പെ​ടു​ന്ന​തു​പോ​ലെ​തന്നെ. “നിങ്ങൾക്കു നല്ല ആരോ​ഗ്യം!” എന്ന വാക്കുകൾ “യാത്രാ​വ​ന്ദനം”പറയു​ന്ന​തു​പോ​ലെ​യാ​യി​രു​ന്നു. ഈ വ്യവസ്ഥകൾ മുഖ്യ​മാ​യി ആരോ​ഗ്യ​ന​ട​പ​ടി​ക​ളോ​ടു ബന്ധപ്പെ​ട്ട​താ​യി​രു​ന്നു​വെന്ന്‌ നിഗമ​നം​ചെ​യ്യ​രുത്‌. ലേഖനം അന്ത്യോ​ക്യ​യിൽ വായി​ക്ക​പ്പെ​ട്ട​പ്പോൾ അതു നൽകിയ പ്രോൽസാ​ഹ​ന​ത്തിൽ സഭ സന്തോ​ഷി​ച്ചു. ആ സമയത്ത്‌ പൗലോ​സി​ന്റെ​യും ശീലാ​സി​ന്റെ​യും ബർന്നബാ​സി​ന്റെ​യും മററു​ള്ള​വ​രു​ടെ​യും പ്രോൽസാ​ഹ​ക​വാ​ക്കു​ക​ളാ​ലും അന്ത്യോ​ക്യ​യി​ലെ ദൈവ​ജനം വിശ്വാ​സ​ത്തിൽ ഉറപ്പി​ക്ക​പ്പെട്ടു. നമുക്കും സഹവി​ശ്വാ​സി​കളെ പ്രോൽസാ​ഹി​പ്പി​ക്കു​ക​യും കെട്ടു​പ​ണി​ചെ​യ്യു​ക​യും ചെയ്യാ​നുള്ള മാർഗ്ഗങ്ങൾ അന്വേ​ഷി​ക്കാം.

രണ്ടാമത്തെ മിഷനറി പര്യടനം തുടങ്ങു​ന്നു

17. (എ) രണ്ടാമത്തെ മിഷന​റി​പ​ര്യ​ട​ന​ത്തി​നു നിർദ്ദേ​ശി​ക്ക​പ്പെ​ട്ട​പ്പോൾ ഏതു പ്രശ്‌നം ഉയർന്നു​വന്നു? (ബി) പൗലോ​സും ബർന്നബാ​സും തങ്ങളുടെ തർക്കം എങ്ങനെ കൈകാ​ര്യം​ചെ​യ്‌തു?

¹⁷ രണ്ടാമത്തെ മിഷന​റി​യാ​ത്ര നിർദ്ദേ​ശി​ക്ക​പ്പെ​ട്ട​പ്പോൾ, ഒരു പ്രശ്‌നം സംജാ​ത​മാ​യി. (15:36-41) സൈ​പ്ര​സി​ലും ഏഷ്യാ​മൈ​ന​റി​ലു​മുള്ള സഭകളെ താനും ബർന്നബാ​സും വീണ്ടും സന്ദർശി​ക്കു​ന്ന​തി​നെ​ക്കു​റിച്ച്‌ പൗലോസ്‌ നിർദ്ദേ​ശി​ച്ചു. ബർന്നബാസ്‌ സമ്മതിച്ചു, എന്നാൽ തന്റെ മച്ചുന​നായ മർക്കോ​സി​നെ കൂട്ടി​ക്കൊ​ണ്ടു​പോ​കാൻ അവൻ ആഗ്രഹി​ച്ചു. മർക്കോസ്‌ പംഫു​ല്യ​യിൽ തങ്ങളെ ഉപേക്ഷി​ച്ചു​പോ​യ​തു​കൊണ്ട്‌ പൗലോസ്‌ അതിനു വിസമ്മ​തി​ച്ചു. അതിങ്കൽ, “ഒരു ഉഗ്ര​കോ​പാ​വേശം” ഉണ്ടായി. എന്നാൽ തങ്ങളുടെ സ്വകാര്യ സംഗതി​യിൽ മററ്‌ മൂപ്പൻമാ​രെ​യോ ഭരണസം​ഘ​ത്തെ​യോ ഉൾപ്പെ​ടു​ത്താൻ ശ്രമി​ച്ചു​കൊണ്ട്‌ വ്യക്തി​പ​ര​മായ നീതി​മ​ത്‌ക്ക​ര​ണ​ത്തി​നു അവർ തുനി​ഞ്ഞില്ല. എത്ര നല്ല ദൃഷ്‌ടാ​ന്തം!

18. പൗലോ​സി​ന്റെ​യും ബർന്നബാ​സി​ന്റെ​യും വേർപാ​ടിൽനിന്ന്‌ എന്തു ഫലമു​ണ്ടാ​യി, ഈ സംഭവ​ത്തിൽനിന്ന്‌ നമുക്ക്‌ എങ്ങനെ പ്രയോ​ജ​നം​നേ​ടാൻ കഴിയും?

¹⁸ എന്നിരു​ന്നാ​ലും ഈ തർക്കം ഒരു വേർപാ​ടി​നി​ട​യാ​ക്കി. ബർന്നബാസ്‌ മർക്കോ​സി​നെ​യും കൂട്ടി സൈ​പ്ര​സി​ലേക്കു പോയി. പൗലോസ്‌ തന്റെ കൂട്ടു​പ്ര​വർത്ത​ക​നാ​യി ശീലാ​സി​നെ​യും കൂട്ടി “സിറി​യ​യി​ലൂ​ടെ​യും കിലി​ക്യ​യി​ലൂ​ടെ​യും പോയി സഭകളെ ബലപ്പെ​ടു​ത്തി.” ബർന്നബാസ്‌ കുടും​ബ​ബ​ന്ധ​ങ്ങ​ളാൽ സ്വാധീ​നി​ക്ക​പ്പെ​ട്ടി​രി​ക്കാം, എന്നാൽ പൗലോ​സി​ന്റെ അപ്പോ​സ്‌ത​ല​ത്വ​ത്തെ​യും “ഒരു തെര​ഞ്ഞെ​ടു​ക്ക​പ്പെട്ട പാത്ര”മായുള്ള അവന്റെ തെര​ഞ്ഞെ​ടു​പ്പി​നെ​യും അവൻ അംഗീ​ക​രി​ക്കേ​ണ്ട​താ​യി​രു​ന്നു. (പ്രവൃ​ത്തി​കൾ 9:15) നമ്മെസം​ബ​ന്ധി​ച്ചെന്ത്‌? ഈ സംഭവം ദിവ്യാ​ധി​പത്യ അധികാ​രത്തെ അംഗീ​ക​രി​ക്കേ​ണ്ട​തി​ന്റെ​യും “വിശ്വ​സ്‌ത​നും വിവേ​കി​യു​മായ അടിമ”യോടു പൂർണ്ണ​മാ​യി സഹകരി​ക്കേ​ണ്ട​തി​ന്റെ​യും ആവശ്യം നമ്മെ ബോധ്യ​പ്പെ​ടു​ത്തേ​ണ്ട​താണ്‌!—മത്തായി 24:45-47.

സമാധാ​ന​ത്തിൽ പുരോ​ഗ​തി

19. ഏതൽക്കാല ക്രിസ്‌തീ​യ​യു​വാ​ക്കൾക്ക്‌ തിമൊ​ഥെ​യോ​സിൽ എന്തു മാതൃ​ക​യുണ്ട്‌?

¹⁹ ഈ തർക്കം സഭയുടെ സമാധാ​നത്തെ ബാധി​ക്കാൻ അനുവ​ദി​ക്ക​പ്പെ​ട്ടില്ല. ദൈവ​ത്തി​ന്റെ ജനം വിശ്വാ​സ​ത്തിൽ ഉറപ്പി​ക്ക​പ്പെ​ടു​ന്ന​തിൽ തുടർന്നു. (16:1-5) പൗലോ​സും ശീലാ​സും ദർബയ്യി​ലേ​ക്കും തുടർന്ന്‌ ലുസ്‌ത്ര​യി​ലേ​ക്കും പോയി. അവിടെ തിമൊ​ഥെ​യോസ്‌ വസിച്ചി​രു​ന്നു. അവൻ യഹൂദ​വി​ശ്വാ​സി​യാ​യി​രുന്ന യൂനി​സി​ന്റെ​യും അവളുടെ അവിശ്വാ​സി​യായ ഗ്രീക്ക്‌ ഭർത്താ​വി​ന്റെ​യും പുത്ര​നാ​യി​രു​ന്നു. തിമൊ​ഥെ​യോസ്‌ ചെറു​പ്പ​മാ​യി​രു​ന്നു, എന്തു​കൊ​ണ്ടെ​ന്നാൽ 18ഓ 20ഓ വർഷം കഴിഞ്ഞു​പോ​ലും “യാതൊ​രു മനുഷ്യ​നും നിന്റെ യൗവനത്തെ ഒരിക്ക​ലും തുച്ഛീ​ക​രി​ക്കാ​തി​രി​ക്കട്ടെ”യെന്ന്‌ അവനോ​ടു പറയ​പ്പെട്ടു. (1 തിമൊ​ഥെ​യോസ്‌ 4:12) അവൻ “ലുസ്‌ത്ര​യി​ലും [ഏതാണ്ടു 18 മൈൽ അകലെ] ഇക്കോ​ന്യ​യി​ലു​മുള്ള സഹോ​ദ​രൻമാ​രാൽ നല്ല സാക്ഷ്യം​ല​ഭി​ച്ച​വ​നാ​യി​രുന്ന”തുകൊണ്ട്‌ അവൻ തന്റെ നല്ല ശുശ്രൂ​ഷ​ക്കും ദൈവി​ക​ഗു​ണ​ങ്ങൾക്കും പ്രസി​ദ്ധ​നാ​യി​രു​ന്നു. സമാന​മായ ഒരു പ്രശസ്‌തി കെട്ടു​പ​ണി​ചെ​യ്യാൻ ഇന്നത്തെ ക്രിസ്‌തീയ യുവാക്കൾ യഹോ​വ​യു​ടെ സഹായം തേടേ​ണ്ട​താണ്‌. തിമൊ​ഥെ​യോ​സി​നെ പൗലോസ്‌ പരിച്‌ഛേ​ദ​ന​ക​ഴി​പ്പി​ച്ചു, കാരണം അവർ തിമൊ​ഥെ​യോ​സി​ന്റെ പിതാവ്‌ ഒരു വിജാ​തീ​യ​നാ​ണെ​ന്ന​റി​യാ​വുന്ന യഹൂദൻമാ​രു​ടെ ഭവനങ്ങ​ളി​ലും സിന​ഗോ​ഗു​ക​ളി​ലും പോകു​മാ​യി​രു​ന്നു. മശിഹാ​യെ​ക്കു​റി​ച്ചു പഠി​ക്കേ​ണ്ട​യാ​വ​ശ്യ​മുള്ള യഹൂദ​സ്‌ത്രീ​പു​രു​ഷൻമാ​രെ സമീപി​ക്കു​ന്ന​തി​നു തടസ്സമു​ണ്ടാ​ക്കുന്ന യാതൊ​ന്നി​നെ​യും അനുവ​ദി​ക്കാൻ അപ്പോ​സ്‌തലൻ ആഗ്രഹി​ച്ചില്ല. ബൈബിൾത​ത്വ​ങ്ങൾ ലംഘി​ക്കാ​തെ ഇന്നത്തെ യഹോ​വ​യു​ടെ സാക്ഷി​ക​ളും സുവാർത്തയെ സകലതരം ആളുകൾക്കും സ്വീകാ​ര്യ​മാ​ക്കാൻ തങ്ങളാൽ കഴിയു​ന്ന​തെ​ല്ലാം ചെയ്യുന്നു.—1 കൊരി​ന്ത്യർ 9:19-23.

20. ഒന്നാം നൂററാ​ണ്ടി​ന്റെ ഭരണസം​ഘ​ത്തി​ന്റെ ലേഖന​ത്തോ​ടുള്ള അനുസ​ര​ണ​ത്തിന്‌ എന്തു ഫലമു​ണ്ടാ​യി​രു​ന്നു, ഇത്‌ നമ്മെ എങ്ങനെ ബാധി​ക്ക​ണ​മെന്നു നിങ്ങൾ വിചാ​രി​ക്കു​ന്നു?

²⁰ ഒരു സേവക​നെന്ന നിലയിൽ വർത്തിച്ച തിമൊ​ഥെ​യോ​സി​നോ​ടു​കൂ​ടെ പൗലോ​സും ശീലാ​സും ശിഷ്യൻമാർ അനുഷ്‌ഠി​ക്കേ​ണ്ട​തിന്‌ ഭരണസം​ഘ​ത്തി​ന്റെ കല്‌പ​നകൾ ഏല്‌പി​ച്ചു​കൊ​ടു​ത്തു. എന്തു ഫലമു​ണ്ടാ​യി? പ്രത്യ​ക്ഷ​ത്തിൽ സിറി​യ​യെ​യും കിലി​ക്യ​യെ​യും ഗലാത്യ​യെ​യും പരാമർശി​ച്ചു​കൊണ്ട്‌ ലൂക്കോസ്‌ ഇങ്ങനെ എഴുതി: “സഭകൾ വിശ്വാ​സ​ത്തിൽ ഉറപ്പി​ക്ക​പ്പെ​ടു​ന്ന​തി​ലും അനുദി​നം എണ്ണത്തിൽ പെരു​കു​ന്ന​തി​ലും തുടർന്നു.” അതെ, ഭരണസം​ഘ​ത്തി​ന്റെ ലേഖന​ത്തി​ന്റെ അനുസ​രണം ഐക്യ​ത്തി​ലും ആത്മീയ അഭിവൃ​ദ്ധി​യി​ലും കലാശി​ച്ചു. യഹോ​വ​യു​ടെ ജനം ഏകീകൃ​ത​രാ​യും വിശ്വാ​സ​ത്തിൽ ഉറച്ചവ​രാ​യും നില​കൊ​ള്ളേ​ണ്ട​യാ​വ​ശ്യ​മുള്ള നമ്മുടെ ദുർഘ​ട​കാ​ല​ങ്ങ​ളിൽ എന്തു നല്ല ദൃഷ്ടാന്തം! (w90 6⁄15)

നിങ്ങൾ എങ്ങനെ ഉത്തരം പറയും?

◻ പൗലോ​സും ബർന്നബാ​സും പീഡന​ത്തോട്‌ എങ്ങനെ പ്രതി​ക​രി​ച്ചു?

◻ “നാം അനേകം ഉപദ്ര​വ​ങ്ങ​ളി​ലൂ​ടെ ദൈവ​രാ​ജ്യ​ത്തിൽ പ്രവേ​ശി​ക്കേ​ണ്ട​താണ്‌” എന്ന പ്രസ്‌താ​വ​ന​യിൽനിന്ന്‌ എന്തു പഠിക്കാൻ കഴിയും?

◻ ഒന്നാം നൂററാ​ണ്ടി​ലെ ഭരണസം​ഘം അയച്ച എഴുത്തി​ലെ മൂന്നു പോയിൻറു​ക​ളിൽനിന്ന്‌ നാം എന്തു ബുദ്ധി​യു​പ​ദേശം സ്വീക​രി​ക്കു​ന്നു?

◻ യഹോ​വ​യു​ടെ ഒന്നാം നൂററാ​ണ്ടി​ലെ സാക്ഷി​കളെ വിശ്വാ​സ​ത്തിൽ ഉറപ്പിച്ച വസ്‌തു​തകൾ ഇന്നു നമുക്കു ബാധക​മാ​കു​ന്ന​തെ​ങ്ങനെ?